مـساء الخَير
رجعنـا وياكُم بـ بارت جديد
لا تنسـون التصويت والتعليق مابين الفقرات
للكاتبة : هُدىٰ آذار
_______________
ايلول
ابو ايلول
بابا ويـن طالعة بهل ليل
باوعتلة والدموع بوجهي وتعبانة
كتلة بـ برود
ايلول
طالعة وي علي
مبدئيًا هُمة يعرفون علي ويعرفون انّي ع صداقة ويـا، اهلي ميعارضون فكرة الصداقة ابدًا ومنطيني حُريتي وخصوصًا بابا من بعَد ما سوا حادِث وي علي وعود صارت الصِدفة من اجوي يطلبون ايد فَرس وطلعوا يعرفون بعُض و وكفتهُم بالمُستشفى ويانة بابا حَيل ضل يحجي بعلي ويمدحة يم أُمي بس كذالك اكو حِدود مُعينة يعني مومال اتاخر برة البيت او اطلع متأخرة، بَس لمن شافني بهيج حالتي ماكدر يكول لا
هز راسـة بَ أيّ وطلعت وطلع وراي
عَلي جان بسيارة بس شاف بابا نزل بَسرعة
سلم عليّ وگالة
ابو ايلول
شنـو شجابك للموصل؟؟
علي
والله عمي عندي واجب هنانة واجيت اطمن على ايلول لا اكثر
ابو ايلول
تتفضل جوة ؟
ايلول
لا بابا اريد اشم هَوى شوية
علي
لا احنة هم منتاخر بس شوية تريح نفسيتها ونرجع
ماعدنة شي
ابو ايلول
اي بابا عفية عليكم الدنيا مو أمان والدنيا ليل والوضع بعدة مكركب يمنة ف لا تتاخرون
كالة علي ان شاء الله. ضل هوَ يم علي واني صعدت
شفتة جـاي يحجون سوى وطولوا شوية مدري شعندهُم
اول ما صعَد بسيارة كتلة
ايلول
شعندة وياك بابا ؟
علي
شبيـج اليوم؟ مردد كلبي مرد الله شاهد وهوَ يسولفلي
سكتت ودنگت ..
يسوق ويحاجيني
علي
صدِگ مكسرة جامات غرفتج؟
ليـش هيج ايلول ليش
من گال هَيج ماتحملت حَسيت انُ اريد ابجي
اريد اطلع الغصة الي بية
اريد افضفض
اريد كتف يسندني ويشيل عني شوية
ماتحملت اكتم بجيي وصرت ابجي حيَل
ايلول
علي اليوم شلت الضماد وو
وو انصدمت علي وجهي متشوه
مُرعب يخوف مادري ماتحملت اشوفة
احس مداتقبل نفسي
وصلـنة لراس الشارع وكف سيـارتة وبارعلي
علي
ايلول روحي انتِ بس باوعيلي لا تعتين كلبي ب بجيج
باوعيلي وانتبهي لحجيي زين
ولج هسة انتِ مو نعمة من جاي تتنفسين مو نعمة من انتِ باقية ويانة و النة لو رايحة جـان شصار بينة ؟
كفيلج العباس انة اول الناس تلكيني مسودّن واقتر بالشوارع لو صاير بيج شي
ايلول
شنو الفائدة علي لو ميتة ولا هيج صاير بية والله لو ميتة احسن
علي
من طيح الله حضج ع هيج كلام والله جان طيحت حضج هسة بس خطية
ولج ايلول شتكولين لو كل وجهج محترك؟ لو انتِ محتركة كلج شتكولين ها ؟ الالم شلون تتحملينة شلون تكدرين تقاومين وانتِ لا ميتة ولا عدلة ؟
ولج احمدي ربج واشكري، هاكدها والله هاكدها شني ماتروح؟ والله تروح عمي الطب اتطور و الخلك موجود والايمان بالله موجود واختبار من رب العاليمن والحمدلله وشكر ..
علي
اهلنا يكولون الي يعظم المصيبة الله يبلي بـ اعظم منها
والي يحمد الله ويشكرة الله يجازي
فَ انتِ ياعيوني احمدي ربج واشكري وكولي
دفع الله ماكان اعظم
مادري ليش بَس كلامة حسيت أثر بيـة وفعلاً اني لازم احمد ربي
ايلول
يعني ممكن اطيب ؟
علي
ممكن شنو صدك تحجين ؟
عمي من باجُر نشوفلج طبيب نروح لبغداد انطوني اسم دكتور زيَن وهم دكتور بالنجف مال تجميل كالوا هذا ضارب وبعد سمعت عدكم بالموصل اكو واحد هم مُتمكن نفرهم كلهم ونشوف شيكولون ومُباشرتًا نبلش علاج واذا اضطرينة نسفرج للخارِج هاي عدهم زلاطة يجوز اسبوع واحد يمحوها الج وهـا اها
باوعتلة واحس كلامة مُطمن الية
ابتسملي وگالي
علي
يلا يبعد عيوني لا تخليني ارتكِب حرام واتهور وامسحلج دموعج بيدي
عاد بيوم المستشفى انهاريت وياج بلكت الله يغفرلي
هَسة شكلة لا عندي عِذر ولا عانة
امسحيهن والله ياعيب لو انة موجود وينزلن ياعيب
ابتسمت ومسحَت دموعي حاجاني عَ الامتحانات بس اني جنت قافلة ماروح كلي اخليهم يمتحنونج يم العميد وحدج بس اني جنت قافلة حَيلل
علي
جا شني ايلول سنة كاملة تروح منج؟ وهاي نص السنة موهينة
ايلول
علي لتضوجني حباب ترة والله هسة ابجي
كتلك ماريد ماريد اخلي احد يشوفني
علي
ولج حبيبتي واذا شافوج ماتكليلي واذا شافوج
ايلول
علي كتلك ماروح
علي
جا ايلول ذولا معاندين ماكو كون الكل يمتحن
ايلول
علي حتى لو تروح سنة هم عادي اصلاً حتى اهلي مراضين من وراهم و ورة حجيهم هيج جاي يصير
علي
اهلج شعليهم حبيبتي همة هم محروك كلبهم عليج والله
لتخافين باجر اجيبلج استثناء من الوزير اقدم طلب وغصبًا عليهم يقبلون انتِ بس اهدئي ماريدج تضوجين ابد خليج هآدية
ونسني بَطريق وحاول يغير جوي شويـة ..
مادري شلون من اكون يمة انسى كل الي بية مادري شلون يكدر يجرني من عالمي الي مليان ألم لعالم مابي غيري وغيرة ومليان حُب وتفائِل وأمل، ضل يضحكني طول الطَريق ويحجيلي عَ اشياء تضحگ ويكعد يسويلي حركات ويمثل اصوات بَس في سَبيل اضحك
ومن يشوفني اضحگ يضل مبتسم وصافن علية وكإنوا هذا كُل مُنى
حچالي عَليّ وعلى صَديقة موقف من ايام التدريب خلاني اموت مِن الضحك خصوصًا انُ السالفة بلهجتة وكلامة الي حَتى لو ماكو سالفة تضحك راح تضحك، هِنا اني انهاريت من الضحگ، وهوَ منتچي عَ باب السيارة ويباوعلي ومبتسم ويضحگ عَ ضحگتي
ضل يباوعلي بتركيز مادري ليـش بَس وترني عَ كد ما صُفن بوجهي
همست بـ ( شبيك علي )
جاوبني بـ
علي
شايفة هاي الگعدة وياج، والنظر لعيونج، والسماع لضحكتج
والله اشتريهن بعمري
يجوز تكولين جاي تبالغ وادري بيج ما تثقين
بَس شايفة من جنت بالمركز و وصلتنة خبرية سكنكم احترگ
شايفة الرگضة الي رگضتها
گمت ماعرف شسوي وشلون بس ردت احصِل امير
اريد بس اكلة هنّ بالامتحان لو رجعن للسكن
وامير مايرد علية وانة ادعي نفس المسودن
يارب كون ماراجعة للسكن ويارب ويارب
من خابرني امير وكلي بالمستشفى
شصار بية
يشهد الله مادري شلون مشيت ولا ادري شلون وصلت الج
وجودج حيل يهمني ايلول
مادري شلون الله شاهد
هاي عمري ٢٨ سنة ماعرفت شنـو حُب
كضيت حياتي هيج، بين شغل بين الواجبات بين الطلعات وي جدي
ماعرف شنو شعور اساسًا
ماخذ الدنيـا هيَج
وجنت اكول ( تقليدي والحگ ربعة )
حدما شفتج
ههههههه انة هم مامصدگ موبس انتِ
مادري شني
هل ياترى رباط من رب العالمين
او شنو مادري
بس الي ادري بي انُ انة حبيتج ومن كل وكلبي
بكل حواسي وبكل قوتي
وبكل حالاتج بضعفج وبقوتج وبعنادج و بعصبيتج وابستهتارج وبعفويتج وبطفوليتج وبذكائج وبرزانتج انتِ جاذبتني
ابتسمت وهوَ يحاجيني هيج
ولإول مرة ما ينتابني شعور يخوف
ولاول مَرة احس روحي مرتاحة وهوَ جاي يحجي هيج
هل مرة تختلف فعلاً تختلف لان شفت كل شي
شفت حُبة من وراي بعيوني
فَ مُستحيل ما اصدگ بي
بادلني بالابتسامة وگال يلا نرجع
سالني اذا ماكلة او لا كتلة لا ماشتهي
بَس هوَ جبرني حَتى ناكِل
نزل اشترة ثنين لفات فلافِل واجة صعّد
علي
شنـو ماكو صورة ؟
كتلة مالي خُلك كلي عادي انة اخذ
احِس نفسيتي كُلها تغيرت بالطلعة ويـا اول مارجعت ضل يطمني ويحاجيني، اليـوم الثاني سالوني اهلي عَ الامتحانات كتلهُم علي حيسويلي استثناء من الوزير
ابو ايلول
وشيوصلة للوزير امتحاناتج عكب باجُر بابا كون قبلها واصل استثنائج
ايلول
بابا محُافظهم علي يعرفة فَ كال انطيهيا وهوَ يوديها للوزير يوقعها عَ اساس اليوم عدهُم مؤتمر بـ بغداد وعلي يوديلهيا
ماما كام تمدح علي وتحمد بي
هُمة هم تاخروا عَ دواماتهم، ودواماتهم حيَل مُهمة وعملياتهم ما يكدرون يأجلوها حَتى ف بابا اقترح علية الطبيب الي بغداد نَفسة الي گال علي عليّ
ام ايلول
احنة اليوم ثنينة دوامات مُستشفى وخفر لعد شلون
ايلول
ماما عادي اني وحدي اروح
ابو ايلول
اني اكول لو تنتظرين لباجر ونشوف شلون نرهمها باجُر
ايلول
لا بابا ماريد الوقت يضيع من عندي اريد اليوم اروح وعادي شنـو يعني ماطول جابولي سيارتي اليوم اروح ماعندي شي
ام ايلول
زين خلي ابن خالتج ياخذج لو محمَد لو عزوز شنو رأيج
ايلول
لا ماما حبابة لا ماريد ايّ احد
اذا اريد اروح فَ اروح وي علي
ابو ايلول
ليش علي لسة بالموصل؟
ايلول
مادري يس اعتقد
ابو ايلول
بابا عيب شيكول ماعدها اهل مثلاً
ايلول
بابا علي يفتهم ويعرف مراح يكول هيج
واني ارتاح ويـا وهوَ يندل الطبيب وهوَ كلي عليّ قبلكُم
شوي وكلي بابا
ابو ايلول
شنو علاقتج وي علي ايلول ؟
صدمني وهوَ يسألني هذا السؤال وبشكِل مُفاجئ وجدي
باوعتلة وكتلة
ايلول
صديقي شنو علاقتي بي مثلاً
ابو ايلول
ايّ بابا خلي حدود لعلاقتكم وابد لا تنجرفيـن زايد
هوَ ولد حباب ومؤدب بس ما يناسبنة ابـدًا يعني ماريد تصير حالة انُ يجيني بيوم من الايام يكلي اريد ايلول هذا الشي مُستحيل هم اكُلج عليّ مِن هَسة
اني كَ صداقة ما مانعج منة خوش ولد وياج
بس مال شي ثاني ابدًا خليج حَذرة ويـا
من گال هيَج صدمني وماعرفت شحجي امي ردت عليّ وهيَ تكلة مو وقت هيَج موضوع اني هم غلسِت ماحجيت شي
اني هم طمنتهُم وكتلهم اكدر اروح وحدي لان ادري شكد عدهم لود بالعمليات وميكدرون يأجلون
صعدت لفوگ خابرت علي
رّد
علي
هلا يا شيخ گلبي وعزوتة ودگتة
هلا يل امة بَس لحضني جايبتة
آمُريني يا تاج راسي ؟
من گال هَيج ضحگت بصوت مسموع
ايلول
احم حَتى نسيت سالفتي
علي
هههههههه تذكريها وانة اسمعج
ايلول
ايّ اليوم بابا حجة عَ طبيب ببغداد نفسة الي حجيت عليّ بس هُمة اليوم عدهم دوام وعمليات بالمُستشفى ف كالوا انُ واحد من اولاد خالتي ياخذني لو محمد لو عز الدين و ....
علي
هوبب هوب هوببب شبية انة اعور مگرم مگرن؟
شبية
ايلول
هسة اعور فهمناهة ومگرم فهمناهة مگرن شنو؟
علي
هَسة عوفج منها انة ترة يمكم انة اجي احجي وي ابوج ونروح سوية هم اريد اودي كتابج لهذا المُحافظ
ايلول
هَسة انتَ انطيتني مجال كتلهم علي ياخذني ومكالوا شي
علي
عفية كفو عفية يابعد طولي والله خوش تسوين يلا نطلع يمَتى ؟ نتغدى ونطلع ؟ لو ترديـن نتغدى برة احجي
اتفقنـا انُ نتغدى برة ونطلع صدُگ والله ساعتها طلعنـة بسيارتة واتجهنا لبغداد ثنينة جِنة خايفين وجِنة متوترين وقلقين بس جان علي يحاول يكون الطَرف القوي ويطمني
علي
شرايج قبل لا نروح للدكتور نتوكل ع الله ونروح نزور الگاظم وننخى مايردنة والله باب الحوائِج
كتلة هاهية رِحنا ساعتها للامام
ماجانت اول زيارة الي لان طول فترة تهجير احنة كاعدين ب بغداد وازور بين فَترة وفَترة بس زمان عن اخُر زيارة
يساعتها اشتريت جادُر وطبيت زرِت واندعيت من كُل وكلبي الله يسهِل اموري هناك اكو نسوان كومة ضلن يدعلي من كُل وكلبهن من شافني
من طلعت لكيت علي واكفلي ومبتسم اول ماشافني گال
علي
گلبي فَدددددد بارِد
واحس مطمئِن هووواي والله
واحساسي ابد ما يخيب
فرحني وهوَ يكُلي هيج
اني وصلت لمرحلة ايّ حجاية من ايّ احد تطمن اكيف و اخذها
رحنة بساعتهـا مَدري وين علي سلم الكِتاب مالتي واجة
و اول ماجة اكلنـا وگال يلا نتوجه للدكتور
جنت خايفة ومتوترة وكاعدة والنـاس كلها تباوعلي
بَس علي جان يباوعلي ومبتسم ويحاول يطمني رُغم انُ هوَ قلِق
اباوع لعلي يهز برجلة واحسة خايف اكثر من عندي حَتى
ابتسمت عليّ وتنفست بقلق من الي راح يصيـر
صاحوا اسمي گمنا بَسرعة
فتح الباب علي وطبينـا ثنينة
سلمنة عَ الدكتور
وعرفتة عَ نفسي خصوصًا بابا جان موصيني انّي احاجي لان يعرفون بعُض هُمة
بـدة يقرة اشعاعات الطوارئ و كلام الدكتور
واني وعلي عَ نـار كاعدين
شوي وگلي خل اشوفها
شافها واتفحصها زيَن ورجع لفها الي
راح عقم اديّ وغسل واجة گعد وبِدة يحجي
الدكتور
أول شي، أحب أطمنكم... الحمد لله الحرق هو من الدرجة الثانية السطحية.
الطبقة الأولى من الجلد احترقت، والطبقة الثانية تأثرت جزئياً... بس، المهم إنّه جذور الجلد، يعني بصيلات الشعر والغدد، بعدها سليمة وهذا واضح يمي زيَن . وهذا شنو معناته؟ الجلد يقدر يرجع يترمم بنفسه.
علي
دكتور يعني اكو أمل يرجع وجها طبيعي؟ وتبقى آثار؟
الطبيب ابتسم بهدوء وقال:
شوف، إذا التزمنا بالخطة العلاجية بدقة، إن شاء الله التحسن يكون ممتاز. بالبداية راح نركز على منع الالتهاب، تسريع شفاء الجلد، وتقليل التصبغات أو الندب.
راح نعالجها بمراهم خاصة، مثل الـ Silver sulfadiazine للحروق بالبداية، بعدها راح ننتقل لمراهم تجديد الجلد – مثل Madecassol أو Bepanthen plus – وراح نستخدم ضمادات رطبة حتى نساعد الجلد يتنفس ويتجدد.
وكذالك إلها كورس مضاد حيوي خفيف بالفم، ومسكن للآلام فقط وقت الحاجة.
اباوع لعلي واني مبتسمة وهوَ مبتسم والدموع بعيوني واضحة وفرحتي واسعة حَيل بكلام الدكتور ..
ايلول
دكتور يعني فَد شكد واكدر ارجع طبيعية !
الدكتىر
بابا حالتج بسيطة ان شاء الله دام بُصيلات الجلد ما متأذية انتِ ربج ساترج لو صاير الحرق ديب ( اكثر عُمق) جان لا والله تأذيتي بس انتِ نوع ثاني سَطحي فَ إذا ما صار التِهاب، واتبعتي التعليمات، ممكن الجلد يبدأ يتجدد خلال أسبوعين... والتحسّن الحقيقي يبين خلال شهر إلى شهرين.
من گال هَيج متت من الفرحة وضليت بَس اضحگ وعلي يكلة
علي
الله يبشرك بالخير دكتور لو تشوفهـا لحد البارحة انة اسولف وياهة اكلها لو وجهج كلة احترك لو جسمج كلة جان شصار كتلها والله بسيط بس ماصدگتني لان انة مو دكتور
ضحگ الدكتور واني ضحگت باوعلي وگلي :
لا والله بابا علاجج سهل ان شاء الله، بس الأهم، لازم نفسيتچ تكون مرتاحة... الجلد مرآة الروح. وإذا استمريتي تخافين أو تبچين كل يوم، الهرمونات تأثر على الشفاء. فـ لازم ترتاحين، وتركزين عالمراهم والحماية من الشمس اهم شي شمس ممنوعة
علي
ايّ دكتور هيَ امتحاناتهة باجُر قدمنالها اجازة
الدكتور
هاهيّ كلش مُمتاز تبقى بالبيت وتحافظ ع نفسيتها
وإنت، مسؤول تذكّرها بكل جرعة علاج، وتخليها تبتسم، لأن هذا جزء من خطة الشفاء.
علي
زين دكتور هَسة خطة العلاج شنو ان شاء الله
الدكتور
خطة العلاج راح انطيها مرهم تحطة خلال اسبوع تستعملة
تبتبعد عن الشمس نهائيًا لان الشمس عدو للحروق واذا طلعت لمكان مُضطرة تحط واقي شمس قوي وانتِ بعد لتخافين ع جرح حطي فوكا ميخالف
وتجيني بعد الاسبوع ان شاء الله نشوف اكو تحسن خوما التهابات كذا اذا نشوف كل شي تمام مُباشرتًا نحول للمرهم الثاني واذا التزمنا ع هيج وضع خلال شهر راح تلاحظ تحول كبير ونسبة شفاء من ٨٠\٩٠ بالمية ان شاء الله تُبقى بـس تصبُغات، انتِ بشرتج بيضة فَ يصير تصبُغات بسيطة لان الجلد الجديد مراح يكون عندة لون نفس بقية الجلِد بس احنة اكيد مزودين بمراهم تفتيح اللون
ايلول
زين دكتور استخدم ليزر اعتقد زين للتصُبغات
الدكتور
لا ما انصح الا من بعد شهرين الى ثلاث اشهر اذا ما فادج المراهم مال تفتيح نستخدملج ليزر واكو بلازما واشياء هواي هسَة خل نهتم بالحرق والباقي سهِل بابا
الفرحة الي جانت عدنة ثنينة جبيـرة وما نكدر نعبر عنها ولو لشوية
طلعنـا من دكتور ردت ادفع الكشفية مالتة علي راح ودفعها
ومن جنت احاجي يكلي اسكتي وهوَ فرررحان
كلي ضلي بالعيادة اجيب العلاج واجي جابة واجة طبينة للدكتور فهمني عليّ وطلعنـا
علي
وعلي وعلي وعلي محد يكدر يعبر عن فرحتييي ابدددد
ايلول
اني هم والله فرحانة وما مصدكة علي
علي
شوفي رحمة الله شكد واسعة شكتلج انة شكتلج
الحمدلله والشكر ياربي الف الحمدلله
حجيت ويـا عَ فلوس الوصفة و فلوس الكشفة ماجاوبني ابد وكل ما احاجي يكلي لا تمسلتين
ايلول
هوَ شنو امسلت ترا العلاج غالي علي
بابا اذا درة ابدددد مراح يقبل حباب كول
علي
اي اخذي الفلوس الج وكوليلة انة دفعت
بربج طالعة وياي وتدفعين شكو شبية
ضليت الح عليّ وهوَ ولا كانهُ احجي ويـا
اعرفة من يعاند ويركب راسة فتحت العلاج مكتوب عَ راچيتة السعِر
فَ كلت قبل لا انزل احطهن وبعدين اكلة
طول الطَريق جنة فرحانين حَيل ثنينة
واحس فرحتة جانت حَتى اكثر من فرحتي
طمنت اهلي ساعتهـا بالموبايل
فَرس جانت تحاجيني بس جانت نفسيتي ابـد موزينة حَتى احاجيها ف كلت اول مارجع احاجيها واسولف الها عَ كُل شي
قبِل لا انزِل حَطيت الفلوس بدون ما يدري ونزلت
حاجيت فَرس اول مارجعت وسولفتلها عَ كُل شي
وهيَ ضلت تبجي وجانت مقهورة حَيل خصوصًا انُ الكل جان ضام سالفالة عنها طمنتها وكتلها هيَج وهيَج و وصيتها انُ تقرا زَين وهيَ اسبوعين امتحاناتنة وترجع للموصل ..
كاعدة بليل واحجي وي علي كتلة اهلي خفر كلي جـا شلون تبقين وحدج كتلة ماعدي شي متعودة
علي
مايصير ايلول ترة الوضع خَطر والله وتعرفين الاشياء الي جاي تصير بالموصل هَسة شلون هيج وحدج تضلين ما ترهم
جنة نحچي سوة اتصال اندگ الباب
ايلول
عزة تدري خوفتني
علي
منو جـاي الدنيا بـ ٨ بليل شوفي بالكامرات واطلعي
باوعت عزوز ابن خالتي جاي وبيدة باقة ورِد
ايلول
هذا ابن خالتي علي بعدين احاجيك
علي
هوب هوب هوب اوكفيييي وين جاي البيت مابي احددددد
ايلول
عزوز نَفس اخوية علي شبيك عادي احنة متربين سوة اصلاً
علي
شنو متربين سوة ايلول هاي سوالف بطليهن روحي افتحي الباب وخلي الخط مفتوح
اندگ الباب مَرة ثانية وهذا صار يصيح تخبل
نزلت الموبايل ب ايدي ورحِت فتحت الباب
اول ماشافني گال
عزوز
هلا هلا ب بت خالتي
هلا بجميلة الجميلات هلا ضلعي
گال هَيج ابتسمت الة
عزوز صديق واخ ومتربين سوية احنة واكثر من هيج بعَد
وهوَ اكبر من عندي بـ ٥ سنوات واساسًا مرتبُط اني اعرفة
عزوز
تعاي تعاي خل اسلم عليج مشتاقلج لج
گال هيج وطب حضني وباسني بـراسي
اني اباوع وعيني عَ الموبايل احس علي هلمرة صدك راح يطلعلي من عندة
طَب وهوَ شايل الورد واني اركض ورا واصيح
ايلول
ااااا اهلي موهنا
عزوز
ها خفارة يلا ميخالف تعاي بدلي خنطلع شوية
ايلول
عزوز والله ماكدر الشمس موزينة علية ابد اليوم جنت يم طبيب منعني منعًا باتًا اطلع
عزوز
ههههههههههههه خرب يومج ايلول لعد هسة شنو شمس اكو غير دنيا ليل امشي بدلي خل نطلع يول مشتاقلج
ايلول
تعبانة عزوز ماريد اطلع
اكعد خل اجيبلك فد شي
عزوز
لا ماريد اني عازمج اليوم
مُصر ترة امشي خل نطلع
واذا هاي نروح لاهلي خالتج مشتاقتلج ترة
ايلول
عز الدين حباب والله نفسيتي وكلشي مو تمام مومال اطلع ابد لمكان
هوَ هم ما اصر علية وضل گاعد ويحاجيني واني احجيلة شلـون صار الحادث كُلة شوية وهم رجع يكلي خنطلع اني قفلت ب انُ لا
عزوز
خلاص لعد توعديني ع غير يوم نطلع باجُر عكبة بكيفج بس كوليلي سيارتي ب بابكم راسًا
ايلول
تمام ان شاء الله
عزوز
بخدمة الحلوين اني
يلا حبيبتي ديري بالج عَ نفسج وايَ شي تحتاجي خابريني اوكي
كتلة اوكي وخلة وراح
ماسديت الموبايل لان اعرف اذا اسدة راح ازيد الطيَن بلة
اول ما رفعت الموبايل اجاني صوتة
وياويلي من صوتة
اجاني صوتة وهوَ يررررعد
احس لو اشوفة كدامي جان خنگني وحِجة
علي
ايلو
ايلول تره صدك عقلي راح ترة والعباس عقل بعد ما ضل براسي
لج شلون خليتي يحضنج شلـون!!!!!
لزمة ايد انة ماكدر الزم ايدج، واذا لزمتها افكر واحسب ميت حساب وهذاااا النذلللل السگط بكل سهولة يحضنج ؟؟؟ يحضنج ويكلج حبيبتي وجايبلج وررررد !!! وسمعت بووووسة طِبع بوسة عَ راسج موووو احجي
ايلول
ايّ علي بس اهدئ خل احاجيك شبيك هيج عصبي
علي
شبيـة موووو شبية ؟؟؟
اكلج شَي ؟ انة ودي هسة اكتلة، ودي أگصص ادي ذني الي حضنج بيهن و ودي ادفنة، كلبي وكل جزء مني يكلي روح وسوي عمل اجرامي هَسة
ايلول والله وحق الله لو انتِ يمي هَسة ادفنج انتِ ويا انتِ ويا ادفنكم
شلون تخلي يحضنج شلوننننن؟؟؟؟؟
لج ضال بحَسرة هذا الحضِن انة، واكول ميخالف يلا ماضل شي واصبر نَفسي حَتى يجي واحددد سگط يحضنج ويخلي جسمج بين ادي ؟؟؟؟
الله يلعنكم ثنينكم الله يلعنكم
الورررد الورررد كومي ذبي لا والله هَسة انتقم منج
ملابسج ذني الي لابستهن وصارن على ...
استغفرالله راح اتخبللللل شلـون طخِج شلونننن !!
علي
والعباس اگلبها ليلة سودة عليكُم، من دنعل ابو لابو الجابة ابـن الـ ... سگط هيَ تافه هيَ حيوان، وانتِ انتِ ليش تخلي يحضنج ليششش !!
ايلول لا تختبرين غيرتي عليج لا تختبريني ابددددد، ولج نظرة اموت اذا واحد باوعلج نوب يجي واحد ويحضنج !!!
لا تسكتين لا تسكتين الشعور الجاي احِس بييي يذبح ترة !!
ناوية علية ايلول انتِ ناوية على موتي عَ ايدج؟؟ تدرين بية احبج تدرين بية مريض بيج تسوين هَيج ليش ليششش !!
يحجي ويسوق مدري وين ديروح، واني مصدومة من صوتة وعصبيتة ومخلوسة وخايفة، وحتى ماعرف ارد عليّ، شوي وسمعت صوت هورنـات حَيل قوي وصوت واحد قريب من عندة يكلة
- لك ابن النعاللللل ما تشوف
علي
منو ابن النعال؟؟؟؟
لك منووو خرب
الله جابك الية
اني سمعت هَيج واني متت من الخوف سمعت علي نزل وعاف موبايلة وذاك هَم نزل
اسمع اصوات ناس واصوات ضرب واني ميـتة من الخوف عليّ
ماكو دقايق وسمعت صوت الشرطة انتشرت بكل مكان
وسمعت صوت واحد يكول اخذوهم ثنينهم واحجزوا سياراتهم
الموبايل مفتوح
ماحس إلا شخُص شالة علية ويكول الو
اني انصدمت معقولة هذا الشُرطي
بعدني مارادة ما اسمع إلا عَ صوت علي
علي
لككككك حيوانننن منو السمحلك ترد عَ الموبايل
سمعت صوتة وصوت ضربة وصوت الموبايل وهوَ يوگع بالگاع
وبعَد انكطع الاتصـال
مرت ٣ ساعات واني ماعرف شسوي واخابر عَ علي ومايرد
خابرت فَرس سولفتلها حَتى تسولف لامير كلبت علية وتكلي ما احجي ويـا ابد ولتخافين عَ علي يطلع من عندها هوَ
تالي خابرت اُستاذ امير اني من بعد ماشفت رد ابد ل ١٢ وكتلة هَيج وهيَج سالفة كلي هَسة اشوف شوية وخابرني
أمير
هذا علي فاضحنة فضَيحة
لا مخلي مدير مركز ما متعارك ويا لا مخلي شرطة ما ضاربهم والرجال مزورگة تزورگ هذا شيظن نفسة !!
ايلول
عزة استاذ شلـون اني هَسة حتى ماكدر اطلع
أمير
ولا اكدر اجي انة هَسة
نوب باجُر مراقبة ودنيا محترگة
راح اخابر حُسام اكلة يروح يطلعة كفالة
ايلول
ايّ اُستاذ عفية لتخلي وحدة
أمير
والله العظيم عَ تلطلط مالتة هذا كون يناملة ليلة بالسجن بس فشلة وعيب عليّ وعلينـا
ايلول
استاذ والله جان معصب وهو غلط عليّ شعليّ هوَ
جاي يحجي ويـاي كال روحي خابر علي خل اشوفة
عَزا اني فرحت وكلت يارررب يكون طالِع
ما مضت رُبع ساعة خابرت ع علي مشغول وع امير شغول
شوية ودزلي رسالة علي
علي
خوماعندج شي ؟؟
ايلول
لا بس انتَ بخيررر!
حاجيني طلعت؟
علي
اي طلعت بَس ايلول تعبان حيل اريد انام علاجج مو تنسي حطي ونامي
ماحبيت اضوجة ازيد كتلة تمام ارتاح شوية ودزلي
علي
ذبيتي الورد ؟
خرب يومك علي بهل حالة وتفكر بالورد
ايلول
لا
شافها وسكت، اباوعلة يكتب نوب يمسح يكتب ويمسح
ايلول
جان بالي مشغول عليك مجنت افكر بشي غيرك
بَس هَسة حكوم واذبة ..
باوع للرسالة وسكت كمت شلت الورد عَ نفس حطتة وذبيتة بالحاوية بَرة وصورتلة ..
علي
عبالج ارتاح كلبي ؟ لا والله
لا من ذبيتي الورد ولا من ضربت واحد مارتاح كلبي
ايلول
علي والله النية شريفة هوَ يعتبرني اختة ومرتبط حَتى
علي
ماكو اي عذر اي عذر سَخيف صدكيني راح اروح انام ..
عفتـة براحتة ورحت اني هَم نمت اليوم الثاني ماحجة وياي بس دزلي رسالة اخذي علاجج
الي عرفتة عَلي راجع للموصل عدهُم واجِب واجازتة خالصة
وجنت كل ما احجي ويـا يثگل علية
واني احس نَفسي مشتاقتلة بَس ماكدر ابادر بشي
مُضة اسبوع تقريبًا ولاحظت انُ الجرح حَيل اكو نسية تغير وشفاء وجنت حَيل فرحانة بهذا الشي
اما بنسبة لعلي فَ اكيد جان الشخُص الي مايكدر بدوني حاجاني بحِجة الفلوس ورزلني رزالة من هاي الزينة من شافهن بسيارة وكعَد يكلي ليتكرر هشي ومدري شنـو اني هم سايرتة بهل مَرة
جان يريد يروح وياي ساعتها لبغداد بس كتلة بابا ياخذني لان ماجان عندة شَي ف ماحجة شي بس كال طمنيني رحنة للدكتور وهوَ جان واضح بدون مايكول النة انُ الجرح حَيل بي نسبة شفاء و واضح الفرق ولا متحسس ولاشي فرحنة حَيل ساعتها وبدينا بالكورس الثاني بالعلاج
طمنت علي وجـان فرحان حَيل بهذا الشي
مضى الاسبوع الاول وجانت حالتي حَيل جاي يتحسن والجلد بدة شوي شوي يلتأم او يتكون
جنت اصور لعلي شي شي وجان فرحان اكثر من عندي ساعتها ماكدر يجي لان جان عندة عمليات لُكافحة المُخدرات بالنجَف
بَس هوَ جـان يكُلي عَ اقرب فُرصة اجيج واشوفج ان شاء الله
يوم من الايام جِنت گاعدة ومنتظرة علي يجي يحاجيني
جان اغلب وقتة بهاي الايام يحاجيني بليل ويكون تعبان بسرعة ينام
لان طول النهار هُمة يشتغلون ف مِن اجاني وخابرني جان صوتة مونفس كل مرة تعبـان وبالگوة يحجي سالتة شبيك وبدة يحجي
علي
تدرين اليوم الله كتبلي عُمر جديد ؟
ايلول
اسم الله شصار يُمة !!!
علي
اليوم جانت العملية بالمقبرة وصار مناوئات بينة وبيـن تجار مال مُخدرات وبين الگبور صارت وهمة يرمون واحنة نرمي، والمگبرة جبيرة تدرين بيها واحنة عددنة هـواي صحيح بس انتشرتة بحيث كل شكد نشوف واحد من عدنة، وفوك كل هذا عدنة امر خايس يردوهم عايشين حَتى يحققون وياهم وممنوع يموتون ابـد
الدنيـا ليل وگوة نشوف وامشي وحَسيت ثنين صاروا گدامي وشكلهم غريب مو شكِل ثنين جايين للمگبرة، ملثمين ولابسين دشاديش ويباوعون صفح وشكلهم شكِل واحد مُجرم ايلول انة اعرف لغة العيون واعرف الي يجذب من الي يصدگ بساعتها ماجان احد يمي والجيش مجتمع ع مسافة بعيدة شوية من يمي وقفتهم وكتلهم انطوني هوياتكم وضليت احقق وياهم
من شفتهم يتهربون شكيت بيهم ٩٠٪ ستوني طلعت مُسدسي وهمة ركضوا رميت لفوگ و ناديت عَ البقية وكمت اركض وراهم
وهمة يركضون وانة اركض وهاي مگبرة وگبور وتعاي وشوفي المنظر
حاولت ما اتيهم وحاولت اخلي كل تركيزي وياهم بس همة ثنين وماكدرت اتبع خطوات الاثنين لمن قرروا يتفارقون
ضليَت ورا واحد حد ما لزمتة وبعدني لازمة ماحس إلا مسدس صار عَ راسي التفتت الثاني لازم الة قامة ومسدس موجهة تِجاهي
ايلول انة مآر بالمواقِف قبل
بجرف الصخَر عشت وي الدواعِش بنفس البيت وجانوا يجذبون علينة وندري بيهم ومستمرين ومعرضين روحنة بخطر حَتى نلزمهم ونكشف اسرارهم، وصاير وياي ميَت موقف نفس هذا بعمري ما خفت على نفسي، وهذا سَبب نجاحي وانتصاري بكل مَرة، ما جنت اخاف وجنت مستعد للشهادة ب ايّ لحظة، وللامانة؟ انة جنت اكيف اموت وانة استشهد
بحيث ب ايام المعارك خصوصًا اقدم روحي گدام الكل في سبيل انال الشهادة ومانلتها
بَس اليوم جان غير، انتِ صرتي كدامي وعيونج ما فارگني لحضة
خفت عليج، وخفت لا احد يجي بعدي وياخذ گلبج، واشتعلت نـار من فكرت تكونين وي واحد بنفس الغرفة، خفت انّي ما راح اخذج ولا راح اكدر احضنج واشمج وما انتابني ذرة خوف على نَفسي الله شاهد بَس هل مرة بتحديد جِنت مرّبط وعقلي احِسة كلة يمج
لدرجة جنت مصّنِم و واكف وصافن عليج
واكول معقولة راح اموت ومراح اعيش طعم الحَياة وياهة ؟
ماكو دقايق وانتشرت الشرطة بكل مكان هنـا صاح صديقي وكإنما جاي يفزعني من الحلم ال انة بي
كلها صافنة معقولة مُلازم علي هيج يصفن بهيج حالة؟
محد يدري انة جِنت خايف، بس مو على نفسي
لا جنت خايف لا اموت وضال بحَسرة حُضنج ...
هوَ يحچي ودموعي تنزل بصورة لا ارادية
يحجي بنبرة كُلها حِنية كُلها حُب كُلها صدق واخلاص
احِس علي تعذب، تعذب بسببي هواي
مادري شلـون جرأت نَفسي وبشكِل لا ارادي كتلة .....
يُتبعععععع
للابد راح اكول الكُم واضل عَ نفس قراري ب انُ علي عُملة نادرة بزّمنة بس للاسف الظروف راح تعادي وتعذبة هواي 🤍
_______________
فَرس
ضل لازِم ايدي ويمشي بالبُستان شوية وكتلة من دون تفكير
فَرس
شنـو نهايتنا ؟
التفت الي وهوَ مبتسم وگال
أمير
غُرفة ساكنة، مابيـها ايّ صوت، وفرشة ناعمة بيضة مفروشة بكُل حُب، واكو بنية واگفة وهيَ لابسة بدلة بيضة وطالعة نَفس الاميرات بالضبُط، بَس هيَ مو اميرة، هيَ فَرس، واميرها واگف گدامها وهوَ يباوعلها بكُل حُب ومنتظر بَس يخلصن عيونة تمعُن بيها وبجمالها
نهايتنـا حُضن
تنكسُر بي الرهّبة
ويضحگ الامير
وتبتسم الفَرس بخجل
وتبدي حياة جِديدة، مو نهاية ...
من گال هَيج احس صارت دمعة بعيني ماكدرت اضُمها بس سكِتت وهوَ هم سكت دنگت ومسحت دمعتي بـ ايدي بدون مايحِس بية
ضل لازِم بـ ايدي ونمشي بـ البُستان والهوى يجَنن
جاي نمشي واجة عَصفور يفتر فوگ راسنـة يروح منا ويرجع منا واني متت من الخوف ولزمت بـ دشداشتة حَيل
فَرس
عزااا اميررر هذا ليش هيج يفتر شبي
أمير
تلگي عَطشان خطَية
كام يسويلة حركات حَتى يثبت واني ميتة من الخوف شكلة يرعب وجبير مبين
يمشي بسرعة وصوت اجنحتة تخوف للِحظة راح ولِلحظة رجع اول مارجع اجة من جانبي حيَل واني متت من الخوف رگضت بسرعة وعفت امير
هيَ رگضة وهيَ طيحة بالگاع عثرت بمدري شنـو
اميـر صار يضحگ بصوت مسموع واجاني بِسرعة واني احس ركبتي كام توجعني
أمير
شبيـج بابا شبيج صدك تحجين هوَ طير شراح يسويلج كومي الله الله
فَرس
اخ امير مداكدر اكومم
أمير
دطيني ايدج اطيني ايدج
حَضن ادية وراد يكومني
انصدمت ب انُ الجُبة ممزوگة عَ گد ما وگعت حَيل
ضجت حَيل واستحيت من سيوف شلون اكول الها العباية انمزگت
ضليت الوم روحي كُل الطَريق وامير يكولي عادي ماصار شَي
وصلنة تقريبًا والاذان جاي يصيـح اول ماطبينة كلتلي بيبيتة شبيـج لان جان واضح علية متربة رُغم حاولت انكث روحي
وامير بكُل سهولة حجالهُم وخلا الكُل يضحك علية
واني اباوعلة وضايـجة حَيل
حاجيت سيوف واعتذرت من عدها البنية ماكو اطيب منها ضلت تكُلي شسالفة ومَدري شنو
احنة بساعتها طَبينة لغُرفة النسوان جوة فَ مجان اكو احد
من طبيت رجلي وجعتني رُغم انُ من مشيت جان عادي
رفعت الـ عباية وانصدمت انُ رجلي متعورة حَيل وحَتى دم طالِع
سيوف
عزا خل اصيح امير يسويلجياهة
فَرس
لج لاااا مبيها شي تعاي سيوف عادي هَسة اغسلها واشدها اني
رَحمة
حبيبي يا شديها انتِ ترة حَيل متوجعة كون تعقميها وتشديها
فَرس
ايّ ايّ اني اعرف بس خل اطلع اغسلها
طلعِت داغسلها ورجلي جِنت اعرج منها وطلبت من سيوف تجيبلي الضَماد
داغسل بيهـا دگ الباب امير ورأسًا طَب
اني جنت مادتها واغسلها عَ كيف كدد ما جانت توجعني
امير
جا ما تحجين ما تكوليـن شجاج فَرس ؟؟
فَرس
عزا اميررر اطلع شيكولون علينة اهلك هَسة وين طاب
امير
تحتاجين اجي اغسلجياهة لولا؟؟؟
فَرس
لا كملت هـاي حطلع
امير
يلا جا اطلعي خل اضمدلجياهة
طلعت من الحمام ورحِت للغرفة جاب التعقيم وسواليـاهة وطلع
ضليت بالغرفة وي البنات سَبب ورحمة وسيوف نسولف سويـة ونضحك اقترحت عليهن انُ نتعشى سوى لان اني جنت استحي ومو مال اكعد وياهم ابددد
بَس سيوف كلتلي جدي ابد ميحب احد يتعشى او يتغدى وحدة وكون كل احنة نلتم عَ سفرة وحدة
شوية وجابوا الاكل وجان عبارة عن خفايف كبة وكباب وزلايط ومدري شنـو جنت كاعدة بصَف امير همستلة
فَرس
ديربالك تكول فَرس ماتحب اللحم ودجاج وتفشلني ديربالك
باوعلي بكُل يرود وگال بصوت عالي
امير
صدك فَرس ما تحب اللحم ولا الدجاج، اكوم اجيبلج شَي ؟؟
هوَ مِن حجة هيج جان ودي اشيل الخاشوكة واركعها بي وابرد كلبي عَ الغيض الجاي يغيضني بي كلها رفعت راسي وباوعتلي
جبُر
جا بوية انتِ عليمن عايشة
صالحة
لا يُمة مايصير هذني بيهن بروتينات للبشر وبيهن فائدة جبيرة والا ربج ليش خلاهن
فشلني كِدام الكُل وصرت ماعرف احجي
زَعيم
ع هذا حجيج شلون راح تعيشين ويانة، لان احنة اكلنـا كلة لحم ودجاج هههههههههه
حجة هَيج وابتسمت، باوعت لامير واني ابتسملة بمعنى اني اعلمك
رَحمة
اسويلج فَد شي تاكلي؟
فَرس
لالا والله راح اكل عادي
همسلي امير
يلة شوية واطلع اجيبلج فَد شي
فَرس
بعديش ؟ بعد ما فشلتني ما اريد منك ايّ شي
صرت احاول اكِل طماطة لو شو شنو من دون ما واحد ينتبه علية، حسيت ماردت احسسهم انّي اختلف لو اتفيك واتدلع يمهُم ردت بكُل ما بية ابين انُ اني حالي حالهُم
من كملوا الاكِل كمت وي البنات ما خلني اسوي شي بس جنة نحاول نحجي سِوى ونتعرف عَ بعُض
شوية واجة امير جايب لفات فلافل ومُقبلات ومدري شنـو انطانياهن
والله لو ما كدام البنات جـان ولا اخذتهن من عندة عَ السواية الي سواها
بَس اني اخذتهن من عندة وسكتت
اكلت من عدهن وكلت للبنـات يشاركني بس كالوا انُ هنّ شبعانات
صارت الدنيا الليل تقريبًا والكُل صار يروح بمكانة بَس الولد كاعدين جوا بالصالة
المُشكلة هُمة مادري بس ماجان عدهُم اعتراض انّي انام وي امير بنفس الغرفة مدري شنو السالفة
ماكدرت انام بغُرفة سيوف لان هنّ بس ٣ سراير
والغرفة الجوة تنام بيها سَبب ورحمة وامها وهيَ اساسًا صغيرة
كاعدة ومحـتارة شلون وشسوي اجاني امير
امير
الوقت تاخر يـلا تصعدين تنامين؟
رحت يمة وكتلة
فَرس
هَسة انتوا عدكم عادي انُ احنة ننام سوة نفس الغرفة ؟
امير
ترة انة مانام بغرفتي بليل صارلي اكثر من ١٠ ايام لا انة ولا واحد من الولد ينام بغرفتة بس البنات فوگ لذالك اصعدي بغرفتي واذا تردين خلي سيوف تنام يمـج، احنة ننام بالديوان صارلنة فَترة وجدي يدري بهذا الشي ويعرف انّي اكبر من هيج سوالف فَ مايحجي
استغربت ليش ينامون كلهم جوة رغم انُ غرفهم فوگ بس خجلت من اخر كلام الة وسكتت ماحجيت شَي
كلي يلا خل اصعَدج كتلة تمام صَبحت عَ البنات وصعدت
اخذ ملابس الة وخلا وراح للحمام
نزعِت العباية ضليت بالدشداشة القَصيرة
فتحت شعري لان اني ابد ما احب انّي انام وشعري مرفوع
بعدني واگفة هوَ اجة، لابس تراك سمائي، التشيرت نُص ردن وعضلاتة بارزات حَيل، والبجامة فضفضاضة وشعرة مبلل ومنظرة طالِع تحُفة فَنية
اول ماشافني باوعلي مِن فوگ لجوة
جان ودي اطول نَظر عليّ واشبع من شوفتة
بس الكبرياء ما سمحلي
سويت روحي رايحة للجرباية نمِت عَ طرف وانتظرتة يروح شو هذا گعد عَ حافة جرباية من جهة ثانيـة
وهم بدة يفتح فويسات ويشرح
احِس كرهني بنفسي بهاي السوالف
نوب لازگ عزيزتي ما عزيزتي
واصلاً ماشفت ولا سمعتة يكول عزيزي
كُلة عزيزتي
ايّ ادري شنو كُلها شاطرة صارت
سكتت بس اني احس اريد انفجر من الغضب
أمير
كاعدة مو؟
ماتكومين تقريـن شوية بدال تسختج هذا ؟
الناس كملت مادة وثنين انتِ شمنتظرة ؟؟
لفيت الة وابتسمت وكتلة
فَرس
منتظرة خطيبي يطيني الاسئلة وادرسها بـ ساعة ساعتين واطب للامتحان ..
مادري ليش اجت ب بالي هل فكرة ومُباشرتًا كلتها
باوعلي ورفع حاجِب وگال
امير
تحلمين عزيزتي انة انسان نزيه وعندي الكُل سواسية
من گال هَيج گمِت گعدت وگتلة
فَرس
اولاً لتكُلي عزيزتي !
اني مو عزيزتك مو حالي حالهن !!!
ثانيًا لا تجمعني وي احد وتكول الكُل سواسية تمام
ابتسم بـ برود ومكر وگال
امير
طبعًا انتِ غير ودليل انتِ بغرفتي هَسة
يلة كومي خل اقريج شكم شي
السكن مالتكم صار آمن فَ باجر يجوز ورة ظهر اخذج حَتى هم تكعدين تقرين
فَرس
ماريد اقرة شعليك بية اني اريد ارسِب
امير
حَتى يكولون خطيبة استاذ امير كسولي كومي ولـج لا تفشليني كلها تقرة وتسإل الة انتِ نايمة
فَرس
والله انتَ مزوج فَرس مو اميرة
ضحگ بصوت مسموع وگال
امير
عاد امانة الله نتوالم انة وياهة
هيَ تحب تدرس
وانة احب اليدرس
من گال هَيج عصبت حيل وعاد هوَ طول اليوم منرفزني لمن كايل الله بَس كمت بسرعة بعصبية وجان اكو مقعَد صغير ( مُخدة ) يمنة شلتة وشمرتة عليّ حَيل
وصحت
اميرررررر لتستفزنيييي
من گلت وسويت هَيج فتح عيونة بصدمة وملامحة بيهـا ضحگة
أمير
هم بزونة وهم تخرمش اكعدي راحة ولج
ومرة ثانيـة لا تتجرأين هيَج وإلاااا
رَفع ايدة بوجهي
فَرس
وإلا شنووو شتسوي ؟؟
ضال عزيزتي ما عزيزتي اتمنى بَس اسمع عزيزي ماكوو كلة عزيزتي ما عزيزتي بلة هَسة تقبل انتَ .....
احجي بعصبية وحرگة
احِس بعد ما اكدر اسكُت من اجيت لسة هوَ مستمر واني كاتمة الكلام
وكآنما عرف شنو اريد احجي
تدنة يمي وصار كدامي وهوَ يحط ثنين اديّ ع شفتي ويكول
امير
اششش ديري بالج تحجين هَيج شي
ضليت اباوعلة واني معصبة
وخر ادي من شفتي وكتلة
فَرس
يعني انتَ حلال واني حرام
هوَ هذا منطقك يا استاذ امير؟؟
كلت هيج وانتبهت انُ هوَ يباوع لشفتي
رفع راسة وهوَ كاتم ابتسامة ويكلي
امير
بزونتي موبَس تخرمش، تضرب بعّد ..
فَرس
واكثر بعَد، البنات ابتعد عنهن امير
قَرب من يمي حَيل ردت اكوم جرني الة من يم خُصري
عيونة يم شفتي واحس نيتة موخير ابَد
قرب راسة يم رگبتي
احِس كل جزء بجسمي صار يرجِف
بس بساعتها انتابني شعور حِلو
وجنت اتمنى الساعة تتوقف
حتى اضل يمة هَيج
قرب شفتة يم اذاني وهمِس
امير
لا تنسـين انُ هيَ مسرحية
وخلة و وخر من عندي وهوَ يضحگ
من گال هيَج صدمني، واحس قرفِت من عندة بشكِل موطبيعي !!
كمت بسرعة من الچرباية وگتلة واني دموعي تنزل من عندي بعصبية وحقِد
فَرس
انتَ شلون تكدر تتقرب من عندي وتحسسني بغير شي
وتجي تهمس يم اذني بكُل حقارة بهيج شي ؟؟
انتَ جد متستاهل انّي اكون ويـاك
امير
هاي شبيج فَرس شهل الفاظ !! جنت اشاقة وياج
فَرس
ولاااا كلمة ماريد اسمع شي اطلع رجاءً
امير
انتِ شبيـج مخبلة؟؟؟
جاي اكلج جنت اشاقة وياج
وهيَ اساسًا صارت نفس الكِلمة المُشفرة المضحكة بينة
شبيـج هيج اخذتيها بجدية !!
فَرس
تحجيها هَيج هنانة وبهل موقف ؟؟؟
مو ع اساس انتَ جبير وعمرك ٢٧ وتفتهم؟؟؟
هَيج وبهل موقف تحجيلي بهاي الكلمة!!
انتَ بس تريد تثبتلي وبكُل فَرصة انُ الي بينة مو حقيقي
بس انتَ انسان مُتلاعب انسان مُتلاعب والله
ساعة تكلي احنة ما النة نهاية
ساعة تبعدني عنك
وساعة ترجع تقربني
شنـو اني لِعبة ب ايدك؟؟؟؟
جنت احجي بحرگة وعصبية وابجي واني احجي
احِسة يباوع ومصدوم
التفتت امسح دموعي اجة مِن وراي
حَط ايدة عَ كتفي
راسًا نفُضت روحي من عندة
فَرس
ديربالك تلمسني ديربالك !!!!
امير
اسِف فَرس
جد جان الموقف عفوي و انة من قربت من يمج.....
فَرس
ماررررريد اسمع كتلك مارررريد اسمع
امير
صوتج لا يعلى فَرس !!
مو معناه سكتللج هَيج تسوين
عفتة ورحِت نمت بمكاني
امير بعصبية
شوفي اسمعي فَرس
ولا اكلج شي ماريد اكلج شي
خَلة وطلع وسد الباب حَيل ورا
شكد كرهتة بساعتها
مُستحيل اسامحة عَ حركتة الي سواها وياي
يجوز اني سويت موقف واحد غلط
بس هوَ؟
شبعني اشياء تجرح بنفس الوقت
ساعة يكلي من ستر مؤمن
ساعة يكول ما ابقى وياج وهاي لعبة
وهسة نسوانة وهوَ فوگاي
وحركتة هاي الي حَتى الاطفال ميسوها
ضليت طول الوقِت ابجي وجنت حَيل مقهورة
ماطول نُص ساعة وطب للغرفة شافني ابجي وماحجة شَي
خلة وطلع ..
ماجنت اكدر انام واحس راسي مصدع وكارهة المكان وبس اريد ارجع ومشتاقة لايلول هَم
كمت وطَبيت اسبح
اباوع بـ حمامة اشكال و الوان
شامبوهات و معطرات جسِم واشياء كومة
اكتشفت بساعتها انُ امير بَس جمال
بَس اسلوب ماجان يمتلكة ابد
وانُ هوَ انسان جاااامد وبارد وما يعرف يتعامل حَتى
وهنا عرفت العيب الي بي
لان اني جنت واثقة انُ بكُل حلو اكو لولة ومُستحيل يكون كامِل بكُل هل صفات المثالية هَذني
اني تلعب نفسي انُ ارجع عَ نفس الملابس مرة ثانية
والساعة تقريبًا بـ ١ ف كلت مُستحيل يجي
خلي اطلع بالمنشفة وبس ينشف جسمي ارجع عليها
اني وجاي البس المنشفة واللفها عَ جسمي جنت افكر
هذولة بيتهم شكد جبير ما فد يوم متعرضين لعملية سَطي شو شنو
معقولة الحرامية يفوتون هيج فُرصة
مدري ليش بس احِس خفت كلت خل استعجل واطلع
واني جاي افكر وخايفة طلعت من الحمام مستعجلة
وي طلعتي انفتح الباب مال الغرفة
وهيَ فتحة وهيَ صرررخة بكُل قوتي
ركضت بَسرعة واني اصرخ وما شفت منو گدامي
ماحَسيت الا عَ شخُص حط ايدة عَ حلكي
واجاني صوت امير
امير
لججج اششششش هذا انة انة
حطيت عيني بعيونة واني مرعوبة وكمت ابلعم
وعيوني مرعوبة
هدني بسرعة وضليت مچلبة بالمنشفة الماساترة مني إلا اجزاء لا تُجزأ بكبر الجسِم هوَ انصدم ودار وجهة بسرعة ما اسمع غير عَ صوت زَعيم
زَعيم
لكككك اميرررر شكووو
طلع امير بسرعة وسد الباب
اتدنيت وصرت اسمع واني كلبي يريد يوكف من الخَرعة
سُراج
لك شعدك يم البتت؟ وشبيها صرخت!
امير
من خرة بعقلك سُراج اسكتتت
زَعيم
هاي شبيك مرتبك يمعوددد
امير
اسكتوا كلكم اسكتوا خل استوعب
سُراج
لك امير بَس لا
امير
لككككك سراج طَبيت عليها واخترعت عبالها انة حرامي وصرخت عقلك ويننن شطح
زَعيم
جا هيَ اخترعت انتَ شبيك اخترعت
شبيك مصدوم ومتوتر
امير
ها مو
مادري بس چفلتني بصوتها
حچة هَيج وسمعت صوت ضحگ عالي
انة من الخرعة قفلت الباب لان جان اكو قفل متعلگ بالباب
زَعيم بهمس
ولكم البنية انهبطت وقفلت الباب
حَطيت ايدي عَ حلكي ومصدومة ومستحية
نوبببب شافني بالمنشفة بالمنشفة
يمة صخام بوجهييييي
من الخَرعة رحت بسرعة لبست دشادشتي بالمكلوبي مَرتين عَ توالي
نمِت عَ الفراش واني احس بووووخة تطلع من عندي من الفَشلة
وكلبي ما وگف من انُ يدك بسرعة حَسبالك جلب يرگض وراي
يبو عَ الفشلة يبووووو
شلون راح احط عيني بعينة بعَد
من الفَشلة ماعرف شسوي حَتى
اخر شي خليت ونمت
كعدت الصُبح الساعة بـ ١١
شيكولون عروس !!!!!
يبو يفَرس يبوووو
شيخلي الله بيج بعَد
من اجيتي لسة وانتِ شابعة فشلات
احس هَسة كاعدين ويلومون ب امير علية
لا تاكل لحم
ولا تكعد من وكت
ولا تلبس عباية
وتكول جدو
شعندك جايبلنياهة
كمِت فتحت الباب حَتى خاف يريد يطُب
لبست ورحِت لغرفة سيوف لكيتها بيها الحمدلله
شجعت روحي ونزلنا سوة
كلهم كاعدين وامير كاعد ويراسِل مدري شعِندة
ردت اكعِد يم سيوف بس بيبيتهم جانت كاعدة يم امير سوتلي مكان
عيوني ما حاولت احطهن بعيونة ولا شفت نظراتة تِجاهي شنو
جِنت كاعدة وموبايلة حَاطة بوجهي مكتوب عَ رقم شَمس
ويحجي وياها جرايد مو حَجي عادي
حَسيت بحركاتة هذني استهانة جبيرة وخَليت وكمِت للمطبخ
غسلت والتفتت شفتة طالع اني دنگت ورحت بسرعة طلعت
ماحجة وين رايح وجان شايل سويچ السيارة ويـا
جان وقت غَدة گعدوا كلهم يتغدون سالوني ويـنة كلت مادري
انصدموا انُ هوَ رايح وما كايل لاحّد حَتـى الي
والله حَتى تفشِلت من سالوني وكتلهم مادري
كملوا الغَدة وراحوا جابوا جاي اجة وجان ويـا نفس البنية الي كال عليها بنت عمي كعدوا يحجون سوة ومدري شنـو واشياء بيناتهُم
صافنة عليّ ما شاء الله لَطيف يم الكُل
ياترى هوَ يقبل لو جنت اني هَيج؟
والله بعد ولا احسب حساب الة
شكَد مُليق ولا حسبالك اني موجودة
للعصُر كلي حضري نفسج يلة
محد حِجة شي حَتى جدة جان ساكت
مبين متفاهم وياهُم
ودعت الكُل ورحِت ساعتها
صح حسيت بتقيد يمهم
بس جانوا احلى من توقعاتي بهـواي
صَعدنة بسيارة وطول الطريق جنة ساكتين
قَريب ما ردنة نوصل انطاني فلوس
حَسيت ديمن علية بيهُم
كتلة شُكرًا وخليت ونزلت
شفت عُمال كومة ديشتغلون ويسون بالبرة
اول ماطبيت لكيت السكن راجع نفس ماهوَ ولو اكو صخام اسود ب اماكِن، طبيت لغرفتي الحمدلله ماجانت محترگة بس جان الصخام مال الدخان عَ الـ حيطان
شفت موبايلي محطوط بمكانة شحنتة وراسلت ايلول جان مايمها اتصـال
شوي وراسلني
امير
شنو معناه هل حركة تردين اركض وراج بنُص الشارع؟
فَرس
عفوًا اريد اقرة مالي خُلك لهيج سوالف ..
صدُگ والله نظفت الغرفة وجنت منتظرة ايلول تخابرني لان جنت حَيل خايفة عليها، قريت لمادة باجُر شلون ماجان وبليل خابرتني ايلول صدمتني بـ الي صاير وياهة وجَد جنت ميتة من القهَر ساعتها وضليت بس ابجي عليها وشلون صاير كُل هذا واني مادري بيها !
بس هيَ صارت تطمني وتكُلي لتخافين وحجتلي عَ كُل شي تطمنت شوية بس شكد حَسيت بذنب ساعتها انُ صار كُل هذا واني مادري بيها، وقررت بس اوصل للمادة الي قبلها ٣ ايام انزل للموصِل
بليل راسلني
امير
كملتي ؟
فَرس
مادخلك رجاءً
شافها ومارد علية
كعدت اليـوم الثاني وجنت ضايجة من كُل شي
خصوصًا انُ جنت اروح امتحن بدون ايلول
توعدت لاميـر وكلت بعَد لو يموت ما اسمع ايّ شي اكولة
واريد اشوف البارد شلون يضل بارد
لبست تنـورة ٩٠ ( عن الكامِل بخمس اصابع تقريبًا ) جوزية وقميص بيجي ويلگ ملون جوزي وبيجي بي قَليل
حطيت ميكب خفيف كالعادة وحطيت حُمرة بُنية
كملتها وكلت
خل اشوف شلـون امسحها والله لو يموت ما امسحها
شفت الوقت تاخر ما ضل وقت للامتحان
لبست شالي وبسرعَة طلعت
بالطريق اجت عيوني بحلقتي الي انطانياها ب اول يوم جنت عندهُم
والله جان ودي انزعها بس حسيت مصلحتي هم تتضرر فَ ضليت لابستها
ماضل وقت هـواي خابرني رُفضتة
اول ما وصلت لقاعة امتحاني لكيت الطلاب بعدهي ما طابة كلت هَمزين
انتبهت لوجودة جـان واگف ويشرح لاميرة وشكم بنية
ما شاء الله واگف يشرح لعزيزاتة
باوعلي مِن بعَيد بطرّف عينة
سكتت والتفتت العب بموبايلي
يحسسوني ديقرون للطب مو عبالك قسِم عربي
هوَ سهِل ما يحتاجلة هواي اصلاً
بس اميرة مُليقة لدرجة موطبيعية
احسها تغيضني بحركاتها هـاي
جِنت واكفة يم باب القاعة والعب بموبايلي
باوعت مَر واحِد من يمي
جان لابس قميص بيجي وبنطرون جوزي
باوعلي وابتسم بمعناه ( التنسيق صِدفة )
اني سويت روحي ما مهتمة بس هوَ ضل يحوم داير مداير مكاني
شوية وشفِت امير گدامي
لزِم ايدي ب ايدة الاولى
وحضن ضهري بـ ايدة الثانية
ابتسم وحاجاني
امير
من شفتي جاي يحوم داير مدايرج متعرفين تغيرين مكانج؟
منظرة ثابِت ومبتسم حَيل يبين يحجي شي غَزلي وياي
جان لابِس قاط رسمي كُلة اسود
ومسوي شعرة بَطريقة حَيل حلوة، ونازلة خُصلة عَ گُصتة
صعدتلة هـاي الخُصلة وكتلة واني ابتسم ابتسامة بس هوَ يعرف زيفها وكتلة
فَرس
احتار بنفسك
وخرت عَنة وخليت وطَبيت للقاعة
اتذكرت موبايلي محاطتة بمكان
ستوني داطلع شفت بنات يمة
ياربييييييي راح انعل الساعة الي صرت بيهـا ويـا
اميرة اميرة اسئلتها ما تنتهي!!!!
اتقدمت تِجاهة وكلت
عفوًا بنات ..
رفع راسة مقابيلي وگال
امير
ها حبيبتي ؟
فَرس
ها حبيبي لا ماكو شي بس هذا موبايلي اذا تكدر حطة يمك
هَز راسـة بَ ال ايّ اباوع اميرة تباوع بحقد
ياربي حرفيًا كرامة ماكوووو !
اخذ الموبايل مني واجيت داطُب بنفس الوقت اجة هذا الولد باوعلي وگال
- الشال لو كان بيجي الاوتفت يصير ولا غلطة
باوعتلة باستغراب هذا شبي ؟
سمعت صوت امير وهوَ صاير گدامنة ويصيـح
امير
فَرس شكو؟؟
يُتبعع ...
شنـو رئيكُم بتصرُف امير وي فَرس بالغرفة، وهل تحسوا هوَ فعلاً تصرُف يجرح ؟!
______________
شَمس
جـان اول يوم عدنة امتحان
كملت امتحانة وطلعت اول وحدة لان جنت زينة
المسافة للكراج جانت طويلة
اول ماوصلت للكراج حَسيت احد وراي
التفتت ما لكيت احّد
بس شفت اكو احد ورة السيـارة جان لابِد
انصدمت وانرعبت بنفس الوقت
فتحت السيـارة وردت اركب بيها
ماحِس إلا واحد من وراي وحط ايدة عَ حلگي
جِنت احاول اصرخ ما اكدر ايدة حَيل قوية
بَس العُطر عُطر محمَد عرفتة
محمّد
راح اوخر ايدي قسمًا بالله اذا صرختي ما تلومين الا نفسج
واصلاً محد راح ينفضح غيرج سمعتي
وخر ايدة واحِس نَفسي انعِدم
التفتت الة واني الهث
اباوعلة يباوعلي بكُل حقِد
باوعتلة وكمِت احجي بتقطع
شَمس
انتَ صدك تحجي !!!
انتَ مخبل مَريض نفسي والله مَريض
ماحِس الا لزم ايدي بقوة وصار يصرِخ بهمِس
محمّد
ليش صار شجم يوم اراسل وماتردين
شنو لعبة يم حضرتج اني هاااا؟؟؟؟
اباوعلة ومصدومة هذا شبي!!
محمّد ايدي وخر عني
محمّد
قسمًا بالله يا شمس اذا ما رجعت هَسة
وشفتج مراسلتني والله العظيم افضحج بكُل الكلية سمعتي؟؟؟
حِجة هيج واني مصدومة
شَمس
انتَ مخبل محمَد شبيك ليش جاي تحجي هيَج !!
محمَد
حتى تحترمين نفسج وتعرفين ويامن تلعبين
شنوو زعطوط كدامج اجيج من الف حساب وتحضريني ؟؟؟
لا والله ما حزرتي اليوم تراسليني وخلينا نتفاهم
حجة هيج واجوي مجموعة شباب من بعَيد وخر ايدي وخلة وراح
اباوع ومصدومة وايدي حمرررررة من كثر اللزمة الي لازمها
عيوني صارت تبجي ومصدومة من المنظر
هذا شبي صدُك يحجي !!!
رحِت للبيَت لكيت بابا طمنتة انُ زينة وطبيت للغرفة
وخرت الحَظر مني واريد اروح ارزلة عَ الي سوا اليوم
جنت معصبة بشكِل موطبيعي
ونافرة الموضوع الي سوا كُليًا
اريد اشوف شحاسب روحة وشلون اتجرئ
يسويلي بنُص الكُلية هيج!!!
فَتحت الحظر من حسابة الرئيسي وبديت اراسلة
شَمس
انتَ شتحس!!
وشلون تسوي هيج وشلون تجرأ اساسًا
والله اذا عِدتها وسويتها
صدگني راح اندمك ع السويتة
شايف بعَد اذا اتقربت من يمي
والله العَظيم مراح اسكتلك
حَجيت هيج واني ميتة من القهَر
ومتندمة عَ كُل شي صاير بيناتنة
ما مرت نُص ساعة وهوَ يراسِل
محمَد
هاي منـو جاي تحجي
ومنو طالع الها السان !
اسمعي ولِج والله العَظيم اندمج
واخلي سيرتج عَ كُل لسان
واخلي كل الطلاب تحجي بسالفتج
اذا ما جريتي عَدِل
شنـو تحظريني من كُل حساب اطبلج بي
احرمص الج اني ؟؟؟
اباوع ومصدومة!
هذا شيحجي
من كُل وعقلة جاي يهددني !!
شَمس
يعني انتَ جاي تتهددني وتريدني اخاف لوشنو!
محمَد
اهددج ما اهددج شتاخذيها اخذيها
بطلي تلعبين بذيلج شَمس
شنو شفتيلج واحد لوشنو؟
خاف عاجبج ابن عمج الوسيم الاستاذ جامعي؟
حطي بـ بالج انتِ الي مو لغيري
واصلاً بنص السنة اتزوجج
وغصبًا ما عليج فهمتي ؟
شَمس
ب احلامك والله ب احلامك
دزلي بصمة ..
محمَد
ب احلامي مو هههههههههههه لا والله غصبًا ما عليج
عندي صور وياج بكِل طلعة وعلاقتنا كلها موجودة يمي واجي لابوج واريد اعرف شلون ما يطيج والله اهددة بجدج اروح واشهركم شهيرة بين الكل وهم ازيدج من الشعر بيت ازوجج بدون ما اهلي يدرون بالسِر واريد واحد يطلع ويكلي لا ..
اباوع للي يحجي ومصدومة هذا شجـاي يحجي !
وصدك يحجي لو يشاقة لو جاي يستهبلني او شنو بالضبُط !
محمَد
جري عدِل وامشي وياي عَدِل حرى اضل محترمج
بس اذا تضلين تجرين اعوج راح اجر اعوج ويـاج
سمعتي ؟
شَمس
ضل تحلم
صدك انتَ مريض نفسي وانسان سايكو
انتَ مو عاقل محمَد والله مو عاقل
محمَد
شوفي يشمس اذا ما اخذتج غصبًا عليج وعلى ابوج ما اسمة محمَد فراس انتِ بس انطيني مجال خنكمل امتحانات وفنكم تكولون لا وحق الله الا اخلي سيرتكُم على كل لسان، وها تحضري باجُر نكمل امتحان ونطلع سوى نروح لمكان عام لتخافين اني مو منحط لهل درجة بس اريد نتونس شوية وممنوع تكولين لا لان وحق الله بساعتها انسى انتِ منو واخلي طاريج عَ لسان كُل واحد بالكلية
هوَ يحجي واني مستمرة بصدمتي
هذا شبي !!!!
وشلـون جاي يحجي
ما انكر انُ خفت هواي
وخصوصًا محمَد يعرف كُل نقاط ضعفنا ان جان اني او ابوية وصار يشتغل عليهن ويهدد بـ جدي وعمامي ..
شَمس
محمد عود صدك تحجي لو تشاقة
ترة ادري بيك ما تسويها ! شنو تفضحني هههه
هاي مو اخلاقك ادري
محمَد
لا والله هاي اخلاقي واتعس بعَد
وانتِ لسة ما شايفة شي منهن فَ ديري بالج تلعبين وياي
والي اريدة يتنفذ فاهمة؟؟؟
قريت رِسالتة وضليت ماعرف شنـو احجي حَتى !!
ماعرفت شرد شوية وكتب
محمَد
فهمتي لولا شبيج تخورستي !؟؟
حطيتلة لايك عَ راسلتة وسديت الموبايل
احس انهاريت بالبجي ياربي اني شسويت بروحي
هوَ هذا الي كتلت نَفسي علمودة ؟
هوَ صدك الحُب شلون مُمكِن يصير اكثر شي يخوف الانسان بدال ما جان اكثر شي يطمِن الانسان؟
شلون انسان احبة ويحبني ويقدملي واقدملة وفجأة يستعمِل حُبي ضَدة ويصير يهددني بي !
هوَ شلون الانسان مُمكِن يتحول هلكد قبيح بعَد ما جان اجمل شي بعيونة !!
احجي وي نَفسي هَيج وممصدوووومة
اباوع موبايلي يدگ فتحتة اباوع سابيني سباية
محمَد
لج بت النعال لا تسويلي سوالف الايموجي ومدري شنو وياي
من اكلج شي كولي صار واسكتي مو تحطين ملصق ومدري شنو
ترة انتِ بعدج ما تعرفين محمّد وشخصيتة الحقيقية
لا تخليني اطلعلجياهة واخليج تنسگمين بيها
وهوَ اني راح اطلعها عليج
وباجر غصبًا عليج وعقابًا عليج تجين وياي بدون ما تكولين وين وشلـون !
واريد اعرف شلـون اربيج واخليج هَيج تحجين وياي
اني اعلمـج ام البنات
ترة اني مانسة حجيج وي رُقية
وفوك كل هذا كلبتج ورجعت حجيت وياج حتى تنجلبين علية بعد ما سويتة ادمية واطيتج فُرصة ؟؟
والله اخليج تتندمين يشمس والله
ررردي حيوانة ..
داز صور النة من طالعين لمطعم وصور ادينة ومدري شنو جـان هوَ يطگهن وكُل ضني جان جاي يوثق لحظاتنة الحلوة، ما جنت اظن فد يوم راح يستعملهن ضِدي ويهددني بيهن!
محمَد المُثقف الي جنت احسِد نفسي عليّ هيج طلع ؟؟
والله من الصَدمة جنت ماعرف شسوي
بين الخوفة وبيـن الصدمة
ما جنت اعرف اتصرف
بس الشي الوحيد الي اعرفة
مستعدة اموت عَ انّي اسمحلة يبتزني
حَضرتة بسرعة وكعدت وحدي !
يارب دخيلك شنـو اسوي
شلون سمح لنفسة هيج يسوي وياي
شلون صار هيج شلون!!
البجي مراح يجيبلي نتيجة
مُستحيل اضل ساكتة
لازم احجي وي بابا
بابا جان ستوة رايح للدوام
راسلتة ردت استدرجة بالحجي وشيصير خل يصير
حَسيتة مو عَ بعضة سالتة شبيك
كلي ضُغطي صاعد شوية ومدري شبية
خفِت عليّ وماكدرت احجي ازيد
باجُر امتحاني واحِس حَتى ما اكدر اقرة
احس اعصابي انهارت ودموعي خلصوا من البجي
اباوع شوية موبايلي صار يهتز
مُخابرة ...
خفِت وحسيت كلبي وكع وعرفتة هوَ
فتحتة وانصدمت من الكلام المكتوب
جان عبارة عن شتم وفشايررر مو شلون ماجان
وجان يتوعد ب انُ اذا ما اجيتة باجُر يدز كلشي لجدي
وجان يحلف ويتكفر بهذا الشَي
يمة من الصَدمة احس جسمي كلة كام يرِجف
بهل اثنـاء امير راسلني
امير
هلاو شَمس
حاجيتلج ابو العضوية وطلع مشتبه وياج
درجتج ٨،٥ مو ٥،٨
اني جِنت موصيتـة عَ انُ يحاجي الاستاذ
احِس من راسلني وكإنما اجتني فرصَة
او اجاني امل صغَير
أمير اعرفة انسان مُتفهم لدرجة موطبيعية
وحَيل حَيل حباب ومُثقف وبنفس الوقِت يعرف يتصرف
وانّي اسكت عَ الجاي يصير واستسلم الة مُستحيل
لان ادري نهاية الابتزاز فضيحة جبيرة ومُستحيل نوصل وي المُبتز لحل
واذا وصلت لبابا فَ مراح يتحمل السالفة ..
راسًا كتبتلة
شَمس
اميررر محتاجتك ضروري
رد علية
امير
خير شَمس تفضلي خوما عندج شي
شَمس
امير ضروري نطلع اريد اسولف وياك بسالفة ضرورية
امير
تمام اجيج هَسة؟
شَمس
امير تكدر تطُب للبيت احجي وياك!
امير
لا شَمس ماكدر
ماطول عمي بالبيت ماكدر
اذا تحبين بليل اجي عليكُم بما انُ انفتح الحظر ع الملاعِب وجدج شوية لآن بعد الحجي المُكثف
شَمس
لا امير بابا ماريدة يدري
امير
خير ان شاء الله جا حضري روحج وجاي عليج
كتلة تمام ورحِت راسلت بابا كتلة اريد اطلع وي امير ما عارض
بدلت واني خايفة بس الي اعرفة انُ اريد احد ينقذني من الي اني بي وماكو غير امير اجدر بهذا الشي
صح راح اخسر نظرتة الحلوة تِجاهي بس مُستحيل استمر هيج
ماطول نُص ساعة هوَ يمنة
طلعت و وجهي جان مبين عليّ البجي المُستمر ..
امير
خير ان شاء الله قلقتيني شَمس شنو سالفة !
شَمس
امير ماريد نروح لمكان يكفي بسيارة واحجيلك الي صار
واني املي بيك انتَ
واذا انتَ ما حليت الي، الي اني بي صدكني راح ادمر
امير
خوفتيني شَمس
لتخافين مهمّا صار انة وياج ان شاء الله
بس ان شاء الله مايطلع شي جبير ...
وگف يَم حَديقة وگال يلا احچي خفِت وتوترت بس صار يحاوِل يطمني
امير
غالبًا عرفت المُشكلة الي انتِ بيها، اعتبريني اخوج وقريب من يمج وجاي تفضفضيلة ولا تخافين راح اوكف وياج بالغلط قبل الصح ..
بنهاية احنة مرينة بعمرج وهم غلطنة
احِس انطاني الامان بديت احجي الة كُل شي صار ومن سمع بالسالفة وعرف اكو ذكر بالموضوع صار ينبهني ب انّي احجي كُل شي بدون ما اقطع ايّ شي من السالفة ..
حجيتلة كُل شي بالتفصيل وجنت ابجي حَيل
وراويتة المُحادثات مالتة وتهديداتة وجنت اردد بـ
امير ماريد بابا يعرف لان اذا عرف مُستحيل يصير يباوعلي نفس قّبل
باوعت لامير عَصب حيل وهوَ يشوف المسِجات
وضل يسب ويكول اني اعلمة ..
امير
مراح الومج عَ ايّ شي سويتي
انة مو انسان جاهِل وبنهاية انة احِب واعرف شنو معناه انسان يحِب
الحُب مو عيب وانتِ حبيتي وحبج جان نقي وعذري
بس تدرين غلطج وين؟
غلطج من شفتي متزوج وكملتي ويـا وهذا اكبرررر غلط يا شَمس
وانتِ اساسًا شلون تجرأتي وطلعتي ويا اكثر من مرة !
شنو عمي ماكلج انُ احنة مدينتنا صغيرة
ماكلج انُ احنة ناس معروفين ؟
تدرين انة مرة وحدة طلعت وي فرس ردت بس اعرف ردة فعلها تِجاهي وجنت متوتر، رُغم انّي رجال و عَ اساس الرجال ما ينعاب ومدري شنو بس احنة ماعدنة هسوالف وجدي حاط النة حدود النة كل احنة ان جان بنات او ولد
وماعتقد عمي قَصر وياج بشي حَتى هيج تسوين
رُغم هذا انتِ غلطتي وراح اتفهم هذا الغلط
وسويتي زين ب انج اجيتي وحجيتي وياي بهذا الشي
احسن مِما السالفة تكبر لا سامح الله
السالفة صارت يمي
انتِ تطلعين منها نهائي
ايّ رسالة يراسلجياهة تراسليني وتكليلي هَيج وهيَج دزلي
لا تحظري بعَد وكوليلة تمام اطلع ويـاك
واني بساعتها راح اكون ويـاج
وانة اعلمة لهل ساقِط هذا
وعمي ديري بالج يعرف ب ايّ شي تمام
كتلة تمام وسكتت
ملامحة تغيرن واحسة ضاج هواي مني بس ماكدر يلومني اكثر من شاف حالتي
امير
يعني اكثر من مرة من تجيني تبجين ومن صار انهيار عصبي وياج هاي كلة من ورا ؟
هزيت راسي بـ ايّ
استغفر واخذ نفس وسكت ماحجة شَي
شوي وحجة
امير
شَمس انتِ بنية ذكية شلون تخلين ذكر يلعب بمشاعرج هيَج؟
ساعة يكلج نسيتج وتزوجت وصارت عندي بنت ساعة يكلج ما نسيتج اني، زين شفتي مرتة وماحجت شي وياج شلون ماحسييتي انُ هيَ ساكتة لان مقهورة ؟
شَمس ترة هيَ معروفة الحُب واضح ما يرادلة شي جبير
الحُب النابع من طَرفين ذاك ويـا مبين مادري مادري انة دائمًا اكول انُ انتِ ذكية شلون وگعتي بهيج غلط مادري ...
حِجة آخُر كلام وكإنما اتذكر شي اخذ نَفس وگال بهمِس
امير
والا اكلج، كُل احنة ينضحگ علينة بـ اسم الحُب مو ذنبج هذا ..
سِكت و وصلنة للبيت ضل يوصيني وكلي اكعدي اقري وهاهيّ
رغم جف وياي بالحديث شوية بس أمنت وتطمنت من طمني وكلي لتخافين
اول ماوصلت صَليت واندعيت من ربي تخلص هسالفة عَ خير
بابا جان تعبان بوقتها كلش وضغطة حَيل متخربط
امير كلي شيلي الحَظر عنة واعتذري وكوليلة تمام باجُر اجي وياك
من دزيتلة هَيج ضحك وكلي
محمَد
عفية صيري هيج من البداية
وهسة يلا روحي جاي اقرة
يعني هم طالِب صيدلة وهم اهلة مُثقفين وهيج يسوي ؟
جَد ما جاي اعرف شجاي يصير بهذي الدنيا
حتى قراية ما قريت عدل همزين سعيي جان اقرب للكامل بهذي المادة وصاني امير نطب سوى وهمزين بهذا اليوم جان يراقِب يمنة ..
صدك والله طبگنة ثنينة سوى وگال اصبري ننتظر فَرس
لان الصيدلة والعربي نمتحن سوية
واگفين بالگراج ونحجي ماتحملت احس وصرت ابجي واكلة خايفة حَيل
امير
ليش خايفة وانة يمج شَمس ؟
لتخافين
حِجيت هَيج ومد كلينس الي
اخذتها من عندة ومسحت دموعي وگالي
امير
هذا علي ابن عمج
ماصحتلج الفرصة تتعرفين عليّ
المُهم طول عُمرة يكول احنة بيـت جبُر يابة، مانبجي بس نبچي
ماحجيلج من الانسانة الي يحبها صارت بالمُستشفى شسوة
صار يبچي وياها بدال ما يواسيها وهوَ رجال مشورب طول بعرض بعمري وبحياتة ما شفتة يبجي
حجة هَيج وضحكت وهوَ ضحك
امير
بس هوَ عندة انسانة تسوة عاد انتِ عَ شنو تبجين ما تكوليلي
حچة هَيج واستوقفنا وجود فَرس
جانت تباوعلنة بنظرات مزعوجة حَيل
ومبين ما عاجِبها وجودي
وحَتى علاقتهم جنت احسها متوترة بعض الشيء
رُغم انُ ادري امير يحبها من خلال حجية
مشينـا سوة للقاعة، طبينة اخُر شي
اباوع لمحمد يباوعلي بعصبية
لا صدگ مخبَل هذا
كملِت اول شي خليت وطلعت
جنة متواعدين بالحديقة الي جنت كاعدة اني بيهـا
اجة وراي وكلي نفس ما كتلج سوي
بصراحة ماجنت اعرف شنو الي راح يسوي وشلون
وجنت خايفة بس جنت مضظرة اكمِل واني ساكتة
لان ماجان يقبل اسئلة عَ شي
يُتبع ......
توقعاتكُم للي راح يصيـر ؟
______________
اخوان شنو هتفاعل الحلو ؟
جاي تخجولني للامانة
لتصدكوننننن
ونبي جاي تغثوني ترا
وراح تصير مضارببب 🔫🔫
عمي تفاعلوا عَ ذاك البارت لان تفاعل بي زفتتتت
اذا اكو تفاعل عَ ذاك انزل باجُر مُفاجئ باجُر
بعَد شتردون؟😔🤭
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!