بيت جبر الفصل الرابع وستون 64 - بقلم هُدىٰ آذار

مَســاء الخير
ورجعنــا وياكُم بـ بارت جديد من قُصة
بيَت جبُر
للكاتبة : هُدىٰ آذار
لاتنســـون التصويت والتعليق بين الفقرات
قِراءة مُمتعة.
____________________

طلعت من غُرفتـي وتقربت من يم الدرج سمعت صوت سُراج وهوَ يصيح

سُراج
انة اخذهـااااااا واريد اشوف ساقط ابن ساقط يحجي اعليها الا ادوس اعلى راسة وحق علي الكرارررررررر گواوووويد عديمين شخَصية، اللسان الي يجيب طاري شَمس اگصة واشمرة للچلاب كائِن من يكُن

مروآن
هوَ هـذا انسب حّل

سَجاد
بس موهجي تنحل المواضيع، هجي راح تصيـر غصبًا ما اعليها واحنة مانرضة بهجي شي الهـا

مروان
چـا شتريد تخليهُم يداولونهـا بمچالِسهم هجي ؟
انة شتسوالي هَسة من يجيني شيـخ رائِد يكلي والله بيت جبُر منطين حجاية لبيت مجبِل تالي ما تالي ابنهُم حاط ايدة بـ ايد بتهُم ويفرفرون بالكليات هيَ هاي حچاية؟
انة ماقبلها اعلى عَرضي بالنهاية شمِس بت عَمي

زَعيم
وهيَ بـت عمنا نفس ماهيَ بت عمتك واحنة ما نريدلها الموزينة هاي عرضنـا بنهاية

مروان
التصرف الي صـار غلططط سُراج غلط

سُراج
مو انتَ تجي تعلمني الصح من الغلط

جبُر
اسكِت ولك اسكِت فوگ حِگة دگة؟؟؟
ولك من تحط بيدك بيد بت عمك شني معناهة
ثقافة زايدددددة لو تلطلطط ؟؟؟

مروان
لا من رخصتك شيخ ، بوية سُراج احنـة ماجاي نتعارك وياك بس انتَ ماجاي تفهمنـة وتحسسنة انُ احنة مانفهمك، بوية افهمنـا احنة جاي نكلك لو انتَ رايدها ومسوي هالشي بچيـاد(بعناد) الولد ماكلنة شي، كلنة يابة يريدهـا ورجال وغار ومن حقة بس انتَ هسة جاي تكول لا انة مارايدهـا

سُراج
انة هسة شحجيت وياكم يـا اسلام
مو كتلكُم انة راح اخذهة وهاهيّ
بس اعلى شرط يتكسر راس واحد واحد من الكعدوا وحجوا بينة

حَسن
بلة انتَ كسار روس تكسِر روس ما شاء الله

سُراج
بويـة جا شتريدنييي؟؟؟
اخذلي شيلة وعِبا اتكبع بيهـا واكعد هنا نفس النسوان!!!!
اعلى ايّ اساس والله العظيم الا ادفع ثمن كِل واحد حِجة بسوء قسمًا بالله

جبُر
محَد جان راح يحجي سوء لوما انتَ عاملها

سُراج
استغفرالله جَدي يعني شلون هَسة

جبُر
انة معلِمكُم مِن زِمـآن الي يسوي الفعِل ينتظر نتايجة
ماكو فعِل بدون نتايج
فعِلك حلو تجينك نتيجة زينة
فِعلك موحلو تجيك نتيجة شينـة ( موزينة )
وكِلمن ذنبة اعلى چِنبـة

سَجاد
بس هذا مو حَجي جدي من رخصتك يعني بس قابِل بسبب حجي نـاس تجبرهُم ثنينهُم اعلى شي مايردوا هُمّ ؟

جبُر
جا تريدهُم يحجـون اعليهُم بالعايبة ولك ؟
انة تالي عُمري يكولون اعليَّ اولادة دايحيننن!!!

سَجاد بصايح
البت ماعليها ماعليها حاجي ابنك جَدي

سُراج
تـرة الحجي كِلة مالة داعي انة هسة هسة والله بهاي اللحظة اجيب واحد واعقد اعليها، بَسسسس!!!
بَس بهل ثانية هايّ اروح لبيت مجبِل واعلمهم الامهات شتجيب اذا مـا اطلع حليب أُمهم من خشمهُم ما اتسمى سُراج

مروان
هاهيّ ويـاك بهجي الك حگ ومحَد يحاجيك

سَجاد
انتم صدِك تحجون يعني مقتنعيـن ترة شَمس ماراااااح ترضى!!!

سُراج
ماراح انتظرهـا ترضى لو ما ترضى

جبُر
فوگ شَينة ولكم فوگ شَينـة يهادِد عِندة الناس لاشيء

علي
جَدي الله بالخير اعليك؟
خل يعقدون حتى لا تنحسِب جُذبة اعلينة
ومن بعدهة هُمّ بكيفهم شني شمدريكم يجوز يتوالمون والگريب ولا الغريب

جبُر
ها يسُراج؟

سُراج
الله كريم جَدي الله كريم، انة رايح احجي وي شَمس بس دير بالك تگضني مِن بعدهـا

جبُر
ولك بوية فشلة من بيبيتك وهاي هيَ عود تعِزك يعني معناهة نتخارب فردور

سُراج
يطبهُم مرضضض واذاا ؟؟

حَسن
هُمّ حاجين الحگ ماحاجين جذِب

مروان
لا مايصيـر ابو علي جا هُمّ خوما يرحون ويحجون بـ مضايف الناس حتى لو صدك المفروض يسترون مو يفضحون بعتبارنـا نسايب احنة

سُراج
ولو هُمّ صدِك وصدِك ويعزوك ويحترموك يجـونك ويكلولك هجي وهجي مو يودوها بيد النسـوان وباليوم الآخر بينة بمضايف الناس، هذا عِدو وكايد هماتيـن ومنتظرلك الزلة
وانة هجي ناس امشي واسحگ اعلى روسها واحد واحد

علي
الك والله شني هل مهزلة ذولة هم شافوا نفسهُم عـاد

سَجاد
هوَ كِلة من ورة هـذا محمَد كتلك روح ربي لا تسكتلة

جبُر
كاااافي ولكم كافي، تحجون وجنكُم انتوا اصحاب الحگ

سُراج
جَدي ما اكلك ماكو غلط ماكلكك بس بنفس الوكِت هُمّ بعتبار كرايبنا ف بدال ما يمدحونـا يطون بينة !!!

مروان
لا وهُمّ جانوا متعمدين يحجون يم شيخ رائِد حتى يجي ويحجي يمي يعرفة من آل دحام

جبُر
ولك جدي انة الكاسر ظهري هيَ بت عمك ولك بنية يتيمة وتدري بيها ما تطيقك ليش هجي كسرت رگبتها ليش
وهيَ اذا انذاعت شني قابِل تردون تفسخون وهجي عـادي ؟؟
تهي بهي، لا اغنيك ولا اخلي رحمة الله تنزِل اعليك ..

سُراج
جَدي لخاطر الله سد هل موضوع، هل موضوع يمي انة هاهيّ سدوا وهجي رحمة مانريددددها ..

مروان
صيحولهـا خل نتفاهم وياهة

سُراج
متجي، انة رايحلها..

طول حجيهُم اني اسمع ومصدومة، مصدومة مِن الديحجـوا ومِن الي صار كُلة، هوَ شلون فعِل صغيــر كدر يأذينة لهاي الدرجة ويأدي بينة لهاي الحـالة

من كثر الصَفنة جِنت صافنة ومادري بروحي صافنة ع شي مجهول و واكفة ع الدرج

بسرعة راح بـالي لبعيد
اذا وي ابـن عمي الي ثاقين بي ويعرفوا شنو وهيج تعاملوا
لعد لو داريـن بسالفة محمَد شيسون؟

حَسيت ع صـوت سُراج وهوَ يناديني
فزيت من تفكيري وانتبهت انُ هوَ واكف وراي

سُراج
شَمس صارلي ساعة احاجيج شبيج

باوعتلـة واني بكامل صدمتي، حَتى ماعرف شرد عليّ

سُراج
شَمس تعاي ويـاي شوية خل نحجي

شَمس
بس اني ادري شنـو تريد تحجي

تنهد ومسح وجهة بـ ايدة
سُراج
شمس مصدِع وتعبـاااان والله تعاي شوية خل نحجي على حُب النبي

شَمس
شتحجي سُراج شتحجي
دتشـوف وين ودانة تهورك!!!
راضي انتَ راضي ؟؟؟ لا ماراضي ولا وايدني لعد ليششش ليش هَيج سويت !!

من كتلة هَيج ضل يباوعلي وصافُن بـ قهر وتذمُر، حَسيتة راد يحجي شي، حرك شفايفة وقبض ايدة ومسح جبينة بـ قبُضتـة

سُراج
شَمس صـارت بعَد صارت

شَمس
ماكو شي اسمة صـاررررت ماكوهيج شَي سُراج
اني ماريد ماريدك ابد وماراح ارضى بهالشي

كَلت هيج وعيوني دمعوا، عفتة ورحِت راسًا لطريق الغُرفـة، صار گدامي بسرعة

سُراج
شَمس اوكفي خل احاجيج شبيج

حِجة بعصبية قاتمة وجان خازرني بعيونـة
ماتحملت ودمعتي نزلت راسًا وحجيت بصوت مخنوگ

شَمس
سُراج كافي انتَ شرايد بعَد مني جَد حياتي كُلهة حَدمرهـا بسبب تصرُف اتصرفتـة ب ولدنـة
مرتاح هَسة انتَ هيج وانتَ خربت حياتي مرتاح؟

سُراج بصايح
شننننني هوَ المرتاح شنننني، شو ياهو الالزمة يكلي مرتاح ليش تحسسوني الي سويتة غلططط حَتى خليتوني اشِك بنفسي

شَمس بصايح
هاااا يعني انتَ الي سويتة عندكيـا عادييييي؟؟؟؟
تلزم ايدي بحسبتك منوووو
يعني انتَ ماحاسبت روحك لمن لزمت ايدي
بس تريد تحاسِبة هوّ لانه حِجة!
ترة هيَ اول وتـالي راح تنعرُف بس الصوج بيك انتَ
تصرُفك مـا الة ايّ مُبرر

جان واكِف كدامي، يباوعلي بعّصبية واحجي بعّصبية

سُراج
الة مُبرر، ديري بالج تستهينين بغيرتي ديري بالِج شَمس، احرگة واحرگ ١٠ مِثلة لو فكَر يفكِر بيج

شَمس
انتَ انسان سايكووو ( انسان مُضطرِب نفسيًا ) والله العظيم سايكووو

لزمني مِن زنَدي بعصبية وكال وهوَ يصِك على اسنانـة

سُراج
ليش سايكووو؟ لان اغار اعليج صرت سايكووو مو

شَمس
انتَ متغارر علية انتَ تريد تتحكم بيـة لا اكثر، افهم هالشي افهممم الي يغار يحب، وانتَ متحبني، انتَ بس تريد تتحكم بية لذالك داكُلك انتَ مو صاحييييي مو صاحيييي ابدددد

جِنت احجي بكُل عَصبية وصوت عـالي ودموعي تتطافر مِن عندي بعدة مـاراد شفت علي وسَجاد كدامنـا وكانهُ جانوا متواجدين ع الصوت العـالي

علي
هوبكم هوبكم اعلى بهيدكُم شمـالكُم تصيحوننن

سَجاد
وخر سُراج شبيـك

حّط ايـدة سَجاد حتى يوخر ايد سُراج الي جانت قابضة زَندي بقوة، وعيونة جانت نفس الرُمح الجايب هَدفة هيج بالضبُط جانت نضراتة مخترقتني

نتر نفسنة سُراج بسرعة ورفع اصبعة بوجِه سُراج

سُراج
هـــاي آخِر مــرة تتصرف هجي تصرفاتتت آخِر مـرة

سَجاد بصايح
وانة شسويت مثلاً ؟؟
ليششش ترفع اصبعك بوجهييي !!

صـار علي بيناتهُم وجوهُم ثنينهُم جانت معصبة حَيل، درت وجهي امسح دموعي الي صـارت تنزل بسـرعة وحطيت ايدي ع زندي من الوَجع الصرت احِس بي

علي
كفيلكُم الله اذا ما تسكتون ثنينكُم هسة تصيـر موحلوة ثنينكُم انجبوا واسكتوا ..

( مُداخلة هـواي منكُم يكُلي نريد الترتيب بالضبُط مـال الولد
شوفوا مبدئيًا حَسن الجبيـر بس مرتة صَفية جانت كُل ما تجيب يوكع لِذالك حسين الي جان متزوج بنفس فترتة صار عندهُم زَعيم قبِل ما حَسن يصير عِندة بهواي يعني صَفية ضلت تقريبًا ثلاثة الى اربعة هيَ ماعدها .
فَ الاكبر بين الولد زَعيم ابن حسين
نوب علي اجـة ابن حَسن
من بعَدة امير ابـن حسين ( علي وامير فرق بينهُم اشهُر حتى موسنة كاملة )
من بعـد امير سُراج ومن بعَد سُراج غَيث والاصغـر سَجاد
يعني اخوان علي بَس سُراج و سَجاد وروان وملوكة الصغيرة وذولاك الباقين سيوف وزَعيم وزينب الله يرحمهـا و امير وغَيث اولاد حسين ) ..

سُراج
سكتة هوَ، الي يدخل روحة بكِل شي ما يعني بس يسمع الموضوع يم شمِس يكمز وكانهُ شني

سَجاد
وانتَ شغاثك هـاااا شغاثك انتَ اصلاً امر شمِس كِلة ما يعنيلك وبسببك وبسبب طيشك ....

علي بصايح
لككككككك قُندررررررة لك سَجادددددددد حرُف ماريد اسمع امشي انزل بـسررررعة

سَجاد
لتكلي قندررررة انتَ الثاني

علي
دمشي انزل امشـييي امشي يلة ميت نعـال طولة وهوَ اعلى هل خُفِگة هـاي

خلة ونزل سَجاد وهوَ يدردِم وي روحة، هُمّ بيناتهم ميانة انُ الجبير يغلط ع الصغيـر بوقت الشقة او الجَد بس بحدود ويم جَدو او عمامي ممنوع الغلط بس بيناتهم بمرات ..

علي
شبيك انتَ الآخر متكلي شبيـك

سُراج
استغفرالله يعني شلون واحد مايحجي تـرة مايصير نابزين بكِل سالفة

علي
تعـاي شميسة تعـاي خل نحجي شوية

وكفت كدامـة واني ابجي واحجة بغصة
شَمس
علي شتحجي شتحجي، يعنـي اني ليش مُضطرة اتحمل غلط هوَ سوى ليشش

سُراج
انتِ ليش .....

علي
اكلك سُراج لو تخلينا نحجي لو تكل النة لا
اطيني مجال احجي
شوفي بوية هسة احنة انحطينـا كدام امر الواقِع
خلاص هاهيّ بس ماتضبط ويانة سالفة بسببك وبسببي

شَمس
علي انتَ مقتنع الله يخليك مقتنع
حياتي كُلها تدمر بسبب غلطة بسيطة!

سُراج
ليش تحسسيني انة شو شبية
شني حياتج تتخرب ترة مو هالثخِن

شَمس
لا هالثخِن انة ماريدك ماريدك ومُستحيل اصبُر وياك

سُراج
ديلاااااا عـاد انة ميت روحي اعليج، كاتلها كتِل هجي امرغل روحي تمرغِل اذا ما تصيريلي

علي
ولك سُرااااااااااج خل نحجي شبيككككك

شَمس
ايّ ادري بيك ما ميت علية ولا اني ميتة علية ولا اريدك ولا تريدني وهاهيّ خوشش

علي
شَمس اسمعيني لخاطر مُحمد هسة هذا ماكدرلة واحد صايع ومايحترم انتِ حبابة وخوش بنية اسمعي من عدي وعوفي
سُراج وحگ ربك اذا تحجي الطك اعلى حلگك شبيككك اصبر خل احجي

سُراج
احجييي احجيي

علي
هسة احنـة انفرضت هاي الفَرضية اعلينـا، واحنة راح نسويها حَتى ناخذ حگنـا ونطلع بوجِه ابيض بس قابِل احنة هاي الفَرضية مانكدر نعدلها ؟ لا نكدر نعدلها وبـ ايّ وكت ان جان وانة اضمنلج هسالفة تاخذيلج شهر ثنين وكولي هاهيّ يابة انة ماريدة واريد نفسخ الخطوبة

سُراج
ايَ هوَ انـة هجي اريدنها بس هيَ غير تطيني مجـال وتخليني امسلت

علي
انتَ الزم اعصابك وتكدر تمسلت
بابا هيَ مـرة تعصب بوجهة شني
عصب بگفاهة، يمهة لا تعصب لان تنچلب اعليك
وبعدين شني من كلب عدك تشوف دموعهـا وتسكت
انة اذا شفت دموع ايلول اتسودن

شَمس
ليش هوَ عدة گلب حتى تكلة شني من گلب عدك

كلت هَيج وخليت وطبيت لغُرفتي، ما مستوعبة الي صاير ابد، بسبب شي حيل بسيط انجبرنـا وتحتمت علينا غير اشياء
شكول عليك يا سُراج
نوب يكابلني ويكول ما ميت عليج
دخل يروح والله لو يموتتتت مـا اقبل

شوية واندكت الباب عرفت هوَ
شَمس
شتريدددددد مني مو لعبت نفسي

علي
ولج ههههههههههههه كالولي صلفة بس ماصدكت
انزلي جدي يريدج انزلي

ياربي ياربي فوك القهَر، مسحت دموعي وخليت ونزلت باوعت من ع الدرج سيوف وبيبي جوة عرفت مروان ماهوَ

نزلت لكيتهُم كلهُم كاعديـن بالصالة

شَمس
هـا جدو صحتني ؟

جبُر
تعـاي بوية تعاي

بكلبي اكو تردد وغضب فضيع، واريد انطي الرفُض بدون ايّ تردُد بس اكوشي بيـة يحسسني انُ جدي مُستحيل يسمح للسالفة تمُر هيج مرور الكِرام

سوالي مكان عمـو حَسين كعدت بينة وبين جدو

سُراج
جدي هيَ سامعة كِل الحجي ف اختصرلها

جبُر
ولك قابل انتَ تعلمني شحجي

سُراج
علمودك شيخ شكلت انة هسة

حَسن
اسكت خل جدك يحجي

جبُر
شوفي جَدي الصار غلط

سُراج
هيَ ماعليها انة السويتها غصُب

زَعيم
هسة اطيييي مجال يحجي شبيك سُراج

جبُر
ماتجي بمُچاني انتَ تحجي خل احجي شبيك تلاگف
ايّ جدي، الصار غصبًا اعلينـة وهل تشوفيـنة وانة بنسبة الي ما اقبل واحد يجيب اسمي لو ولدي بالعاطِل مو نوبّ يجيبون طاريج بمجالسهُم، والله العب بيهُم فلك لو مـو اخوان بيبيتج هم المايحترم روحة ماحترمة

بس انة ماريدن اطلع بالوجه الاسود چِدام الناس ولا انتِ ترضيلي الشينة يا جَدي فَ هوَ يكِلج خير الكلام ما قّل ودل فَ انتوا اعقدوا عقد مومن( شيخ) حتى من نحجي چِدام الناس نحجي بالوجِه الابيض ونسكت الي يحجي

صالحة
هسة هم يكلولك ليش ماكلتولنة من اجيناكُم ليش كلتوا موهسة وتحججتوا ب ابوها

جبُر
نكول الهُم بوية ماجانت النة نية بس بعدين من ما بورة هسالفة ابن عمهـا من سمع كال انة اريدنهـا واخذها يسمووها حيلة شرعيـة نفس مانكول

صالحة
شيخ يعني بكِل الاحوال هيَ ما راهمة

جبُر
لا راهمـة ليش ماراهمة بوية؟ انة من اعاتبنـة اعلى حجية الحجآ اكلة بوية انتَ مالك حگ، انتَ ب بدال ماتجي وتعاتبني تروح يم الناس وتفضحني ؟ جا شلون تسمي روحك عِزيز وكريب اذا هجي ؟

وهم انتِ شوكِت ماتردين اخذيلج مدة من الزِمآن وافسخيها لو تردين وهـا اها ..

هوَ يحجي واني صافنة كُلشي ماحجيت بس احس داخلي نـاررر مشتعلة من مـا ورا

اجت عيني بعينـة يباوعلي بتمعُن لملامحي يريد يشوف ردة فعلي، ملامحة هم ضايجة وهم ماعاجبهـا الوضع، اني ادري بالة يم زينب ومُستحيل ينساهة ويريد يسوي هيج بس علمود ينتقم من محمَد وبنفس الوكت مانكر ماراد احد يحجي علية

بس بنفس الوقت احس روحي ماكدر

شَمس
جدو ترة هوَ مايريد ولا اني اريد

سُراج
انتِ خوش ماخذتها هسالفة ترة انة البديت بيها مو انتِ

شَمس
بديت بيها لانهّا مؤقتة!!
واني شنو الجابرني عليكك مؤقت؟؟؟

سُراج
الواقِع يُجبر ..

يحجي بـ برود احسسس روحي شعلني نـاررر نارر
كمت وكفت وكتلة
شّمس
مُستحيل اكدر اتحملك مُستحيلللل

سُراج
استغفرالله يارب العالميننن استغفرالله
صالحة
مو كتلكم حية وبطنج مـا يتواهمون تكلولي لالة
تعلموني بيهُم

علي
هَسة انتِ قابِل شني راح تعرسين عمي هوَ بس عقِد وحالج حال قبِل شعليج بي هوّ بطريق وانتِ بطريق بس فكولنا هسالفة

جبُر
اكعدي جَدي اكعدي خل نحجي

كعدت واحس روحي مو طـايقة ايّ شي وهيج بس اريد اروح وانتقم من سُراج

جبُر
جَدي اعلمودي سوي هسالفة اعلى كولة علي لا الة عدِج ولا انتِ الج عِدة وانة ما متعود اغصُب بنياتي اعلى المايردنـة فَ لو ماتردين ياجَدي هاهي انسيها واحنة نشوف شلون نحِلها بس اذا ماتردين جدج و اولاد عمـج يحجون الناس بسيرتهُم فّ تسوين هالشي وبكيفج بعَد ..

حجة هيج واحسة خلاني بيـن نارين، ماكدر اكول لا وبنفس الوكت مُستحيل اكدر اكول ايّ

ضليت كاعدة وصافنـة وهُمّ ساكتيـن همين

عمو حَسن حط ايدة ع ظهري وگالي بهمِس
حَسن
نفس ماكالج جَدج، احنة مايهون اعلينـا نسوي شي ماتردي بس بنفس الوكت السالفة اتحتِمت اعلينا، وزحمة حَيل زحمة نخلي امثالهُم تحجي اعلينـا يعمي

باوعتلة واحس الدموع كوة كابتتهن بعيوني

علي
ميخـالف شمس سويهـا خوية ومايجرالج الا الخير صدكِي

هزيت راسي بـ ايّ وبلعت ريگي، احس اعصابي تلفاااانة من داخلي

حجيت بصوت مخنوگ هاهيّ، ردت اكوم جَدي لزم ايدي

جبُر
تعاي لية جَدي تعـاي

كال هجي وشبكني حيل وهوَ مكعدني يمـة
حَطيت راسي على كتفة ونزلت دموعي

جبُر
اوف اوف شهل دميعات يّجدي
ولو هذا الاغم مايستاهلج بس ميخالف تحملي فَترة

سُراج
السيد جاي حِسبة خمس دقايق وهوَ هنا

رفعت راسي بـ اتجاهة واني صافنة هذا مرتِب كُلشي اصلاً مو بحال حَتى جوابي، راح طلع هوَ وضل جدو يحجي ويـاي

جبُر
دامني انة بهالحياة هاي ماخليج تنذلين والله يجدي لا تخـافين انة فوك راسج مو بحساب ابيج( ابوج) بحساب اكثر والله يبوية بس انة مارضى واحد يجيب طاريج بچلمة موحلوة

مسحت دموعي بـ برود عكِس داخلي وكتلة هاهيّ هُمّ طلعـوا وبيبي مبينة ضايجة حَيل ع الصـار بحيث من كام سُراج هيَ كامت ورا لغُرفتها طبت

اما نسوان عمي ثنينهن ان جـان صَفية او رَضية فرحانات حَيل
صَفية
يـا ويـن الله وتنسي زنيبة والله الرجـال كام يمخرط من ماتت مرتة لِسة وانة احسنة رايدج ولج عمة

شَمس
عمة شتحجين انتِ هوَ هذا هم يحب وينحب مچلوب والله

صّفية
ولج لا تحجين اعلى وليدي هجي
ماعليج يحبج يحبج والله

شَمس
استغفرالله ياربي استغفرالله منين اتلكاهة انيييي منين

طبيت لغُرفة سَبب وسَبب جانت مخروشة عليَّ هيَ وسيوف
اني ابجي وهنّ فرحانات على شنـو مادري

شَمس
بناتتتتتتت تـرة هذا مأتم مو عرِس

سّبب
برد شرِج مأتم شنووو
والله يعمي سُراج يحبج بس هوَ واحد متكبر ما يرضى يطي بروحة ويكول احبهـا فَ تحجج بهسالفة

سيوف
راح اموتن ولجن شفتن غيرة سُراج وين وصلتة
وصلتة لمواصيل غَير

شَمس
بنات استوعبن شي سُراج يموتتتتت بـ زَينب وحيل يحبها انتن شايفات نشرة؟ ترة سُراج كُل خميس بالنجف وكُل ساع ناشِر شي عليها وفوك كُلشي ما ناسيها ماناسيها ياخي حتى الحلقة لابسها لسة، سُراج يحب زينب وهوَ بنفسة كالي ما انساهة وهم ازيدجن بشي مَرة كلي انتِ وزينب ميتقارن بينجن

وموبس هوَ حتى اني ماكدر اتقبلة ماكدر ماكدر مُستحيل

صُفنن هنّ ع كلامي وماكدرت يجادلن لان فعلاً كلامي صحيح وهنّ شاهدات عليّ

سَبب
اوفف والله صحيح لسة اتذكر ب ايام من ماتت زينب واجيت ولكيتـة كاعد ع الدرج والله العظيم حَسيتـة شارب اعلى كد ما جان ساهي وحالتة حـالة

شَمس
وتكللي حُب عمي ياحُب يا بطيخ

سَبب
هسة ميخالف دتعاي ارتبلج وجهج باعي شلون صاير احمَر من البجي

شَمس
ويـن الي خُلك سَبب مالي خُلك لشي

كوة علية سَبب قنعتني اسوي وجهي شوية، رحِت غسلت واجيت حطتلي كُحل ورتبت حواجبي وحُمرة خفيفة واني دنيـا احسها طالعة من عيني حَتى مالي خُلك البسلي شي لبست فوك دشداشتي جُبـة وضليت بغُرفة سَبب

شويـة واندكت الباب علينة
زَعيم
يلة خل تجي شموسة

سَبب
يلة شموسة يلة

طلعنـا وزّعيم جان موجود بَس من الولد ونسوان عمي موجودات وفرحانات فتح الباب شوية الي يربط بالديـوان عقد النـة الشيخ عقِد طبيعي على المذهب الجعفري وتم كُل شي

دموعي طول الوقت جـانت مكبوتات بعيوني و ايدي اليمين ترجف بضعُف مِن ضعُف حـالي وقلة حيلتي
حَتى بيبي ماجانت موجودة
وزعلانة علية حسبالك اني السَبب بكُل شي !

اول ماكمل خَليت وصعدت وركزت ع سيـوف ماتصعدلي ابدد وتكول الهُم انّي ماريد اشوف احد لان الي بية جـان كافيني وبزيـادة ..

صعدت لفوگ وضليت ابجي بـ ألغُرفة بقهر
ماتخيلت بفد يوم حيكون هـذا اليوم الي احلى يوم ب حياة كُل بنية هيجي بهل طريقة، لو وجمـالة مِن سُراج !

ما مرت نُص ساعـة إلا واندگت الباب
مسحت دموعي وكمت بسـرعة
اباوع الكُحل سايل كُلة على وجهي والمنظر صـاير لا يحُسد عليه
وكفت كدام المراية امسح وجهي والباب يندگ
شوية وانصدم بالصوت ..

جبُر
جَدي شمِس اطُبن؟

من سمعت صوت جدو انصدمت، عزة شصعدة بعدني مـا مكملة مسح وجهي انفتح الباب

باوعت لجـدو الي جان فاتح الباب شويـة ويباوع للداخل اول ماشافني فتح حضنة غمضت عيوني بقوة ونزلت دمعتي وحضنتة ع سريع

ماجنت اكدر اسكت روحي ابـد ضليت حاضنتة وابجي وهوَ يطبطُب على ظهري وراسي

فتحت عيوني وانصدمت بـ وجود سُراج، الي جان واكف ويباوعلنة وساد البـاب

وخرت بسرعة ورحِت حَطيت شـالي ع راسي

شَمس
جدو شصعدك

ضحگ بخُفة وكعد على الجُربايـة
وسُراج كعد ع الجُرباية الثانية

جبُر
جدي هسة بشرع الله هوَ رجلج شبيج كُمزتي تلبسين حجاب

سُراج
اعلى اساس هيَ شلونها الالتزام يخرخر منا ومنا ميت مرة لاكفهة بدون حجاب

درت وجهي بـ عدم صبُر وعطت
شَمس
سُرااااااااج

سُراج ب ابتسامة خَفيفة
اشاقــة شبيج

جبُر
ولك عوف بنيت عمك لا اميتنك هَسة تميت(اموتك تموت)
تعاي جدي يمي تعـاي

باوعتلة بمكر صغر عيونـة رحت كعدت يم جدو

جبُر
ولج من انبنة هل بيَت لِسة انة مرة وحدة ب اولها صعدت ولو شيصير ماصرت اصعَد وهاي اعلمودج صعدت شتردين بعد

ابتسمت الة شلون يباوعلي بحنيـة وايدة ع حنجي ويحجي بـ اسلوب ناعِم
شَمس
جدو ماتصور شكد وجودك يمي يعنيلي الله يخليك الي ماريد انحرم منك ابـد

حجيت وهيج وضميتـة ضحگ بـ رزانة وگال
جبُر
ويكلولي زوجها واطيهـا عمي انة ماصبر اعلى فراگج ماصبر يمج انة جدي يمج دومني

وخرت من حِضنة حط ايدي وبسطها كالعادة ويضرب بيهـا بخُفة بكفة ايدة ويحجي ويـاي

جبُر
بوية شمِس ترى حچي الناس ما يقدّم ولا يأخر بس مرات ماتكدر تعدّي وتمشي، واللي صار ما يعيبچ ولا يعيب غيرج، أهم شي إنتِ عندي فوگ راسي وعزيزة.

أريدچ تتأكّدين إنُ كلشي فوك راحتج، ولا يهمني شي غير راحتج وكرامتچ ولومـا هل سالفة بيها انتِ ثقي واعتقدي جدج ما يغصبج اعلى شي يزعل عيونـج هذول.

فَ يابوية اسمعيني إذا يوم حسّيتي هاي العلاقة تضوجچ أو ما ترتاحين إلها، عوفيها بلا تردّد وانة ويـاج وبظهرج .

بس يابوية، وهل حجي طبعًا الج والة إذا لكيتوا بيها خير وكدرتوا تنهضون بيها وتسوون حياتكم بيها زينة، لا تقصّرون بنهاية هوَ ابني عمج والمثل شيكول ؟ الشين الي تعرفة احسن من الزين الي تعرفة

وابن عمج صايم مصلي يحبج يغار اعليج ولو هوَ عدة طگات بس لانكم مافاهمين الثانين وماكاعدين سوية نفس العالم والبشر

شّمس
جدو سُراج يحِب زَينب وادري بي شكد ضالة بفِكرة هيَ وبنفس الوقت اني سُراج مـا اشوفة اكثر من اخ ف طلبي الوحيد ما تضغط علينا

جبُر
لايابوي، اضغط اعليكُم شني
هيَ جدي مولعبة، هذا الهوى هذا
لو انتِ ويــا عشگتوا بعض لو الدنيا كِلها توكف بوجهكم ما تنردون، ولو انتِ ويـا ماردتوا الثانين فَ لو مو جبُر والله هم مايكدر يحبِب واحد بالآخر، هذا هوى جدي والهوى لا بكيفج ولا بكيفة ولا بكيفي انة هذا راجع الكُم ولكلبكُم ..

سُراج
نفس ماكلت جَدي تِتخلى ورة الله والله كَريم، وانة لو ما السالفة بيها هيَ وانجاب طاريها هيَ لا يشهد الحسين اعلية ماجان دخلتها بهجي موضوع، لو سالفة تخصني انة ماجنت اهتم جنت افرض روحي اعليهُم وفنّ اليجيب طارييّ بس دام هيَ بسالفة الناس راح تضل تحجي، وانة مايطيني كلبي واحد يحجي بسوء اعليها بگفاي، بلة كدامي فنّ اليجيب طاريها، بس الناس تحجي

جبُر
هذا عيـن العقِل يابوية، يلا امشنـا
انتِ هم انزلي جوة بوية اكليلج لُگمة شو شني

سُراج
يلة جدي راح ابدل وانزل وراكُم

جبُر
من هسة سُراج فوگ حجيي ماتحجي

سُراج
حاضِر جدي، بس لا تقمعني

جبُر
بوية فدوة اغديلك انتَ الجبير والعاقل، من اكلك اسكت اسكت من اسكت عنك احجي مالي دخل بيك

سُراج
حاضر شيخ

اطاني نظرة اخيـرة وراح
باسني راسي من جدو وخلة وراح

حنيتة تُطغي ع قسـاوة الواقِع بالنهاية، لو جايني ب اسلوب غصُب جان مُستحيل اتحملت ابـد

اخذت نفس وكمت اريد اغسل باوعت لوجهي بي كُحل عزاااا نسيتـة شكدددد عَيب واني اكول جدو يكُلي كومي اغسلي وجهج امداج شَمس

غسلت وجهـي ولبست تراك نوم لان جنت حيل تعبانة حطيت راسي ع المُخدة وماحس بروحي إلا نمت
كعدت الساعـة ب ٣ متكسرة تكسير احس بروحي فاصلة من كمية النوم الي نايمتـة

حَطيت شـال ع راسي ونزلت اول ماصرت بالصالـة شفت سُراج كاعد ولابس نظارة وحاط مُخدة بحضنة ويدرس باللابتوت

اول ماشافني وخر الـ نظارة وسد اللابتوب
اني خَليت وطبيـت للمطبخ فتحت الثلاجة اشوف شنـو بيها واني مطنكرة تطنكرة من هاي الزينة من الدوخة الي صايبتني

سُراج
ليش تنزليـن بتراك النوم شمس بلة واحد من الولد كاعِد

شّمس
لا تسويلي بيهـا الرجل الغيور، ليش هوَ منو غيرك الي يضل لهيج وقِت خفاش الليل

كلت هيج واني انحني انجيب الجبِن وطلعتـة حَطيتة ع الكاونتر

سُراج
مُمكِن فجأة احد يكعِد ف اخذي حذرج شوية، البيت مو بس الج بي ولِد

سكتت لان ماجان الي خُلك افتح حلكي واجاوبة
حَسيتة تقرب من يمي وگال

سُراج
مو جاي احاجيج

جان بيدي السجينـة اثرُم بالجِبن اسوي مُكعبات وروحي طافرة واحنة شلون ماشية علينة بيت جبُر من يكعدون من نوم مغندبين، درت وجهي ب انزعاج وبالغلط السجينـة توجهت عليَّ

شَمس
سُراج وخر عني روحي واصلة لهنـا

باوع للسجينـة وباوعلي، طولي بالـ ١٦٣ وطولة ١٨٩ احتاج امطي رُكبتي كُلها يلة اكدر اباوعلة، ابتسم بخُفة و لزم السجينـة ونزلها ب ايدة

سُراج
هاي السوالف مو كدج بعدج صغيـرة بابا

باوعتلة بغضب وانداريت اسوي بالجبِن
صوتـة اختفى وعُطرة كذالك
انداريت ماكو
كيفِت وكعدت اسوي بالجبن
كملت وكعدت ع الطبلة متطمنـة من عندة رايح

نزعت الشال وصرت اكل وصافنة بالوضعية الفالتة
سمعت اكو صوت وراي التفتت هوَ جـاي من ع درج
شلت شالي ولِبستة واستمريت اكُل

اجة كعد ع الطاولة كدامي وجان بيدة علبة حَمـرة

سُراج
الظاهر ماسمعتي جدي اليوم من كالج صار رجلج المن زكضتي لبستي حجاب؟ يلة الظاهر ما متعودة

انطيتة نظرة جانبيـة مزعوجة ورجعت اكِل وصافنة ع الحايط

سُراج
بِمـا انُ انتِ حاليًا بـ اسمي فَ المفروض تحترمين شوي تواجدي وياج، وعندي كم مُلاحظة ست شَمس

شَمس
دكتورة شَمس

سُراج
انتِ صيدلانية مو دكتورة، ادرسي الدكتوراه واكلج دكتورة تدللين

كلت أستغفرالله واني مامنطيتـة ايّ نظرة اساسًا، ومستمرة اباوع لحايط المطبخ واكِل

سُراج
اول شي لبسج راعيي شوية خصوصًا كدام الشباب رجاءً، ثانيًا شقة وي سَجاد بطلي شوية

شَمس
استغفرالله استغفرالله

ذبيت اللكمة الي جنت اريد احطها ب حلكي وباوعتلة بعصّبية

شَمس
انتَ مقتنع انُ سَجاد مُمكِن يكون عندة شي وياي او اني عندي شي وي سَجاد؟

سُراج
تؤ

شَمس
لعد شبيك تحجي هيج تـرة والله عيب سَجاد نفس اخوية وهاي الميانة الي بينة كَ اخوة وصداقة بَس ..

ضرب ع الطبلة علكيف وهوَ يقدم وجهة تِجاهي
سُراج
وانة هل صداقة ماريدها خليها اخوة وبَس

شَمس
ترة انتَ كُلش ممصخها على فكرة علاقتنـا عادية

سُراج
انة ماعجبتني جاي اكلج

شَمس
ليش وانتَ منوووو؟؟ تـرة انتَ مُجرّد شي وقتي لا تنسى

سُراج
منو كلج وقتي ؟

من گالت هيج ضحگت بصوت عالي وبشكِل مُستفز
شَمس
لا انتَ جد واصل لاقصى مراحِل المرض النفسي

سُراج
اخر مرة اسمحلج تكولين مريض نفسي وهسوالف، شَمس والله تصير موحلوة

كالهـا وهوَ يكلب كل ملامح وجهة راسًا على عقّب، نظراتة خوفتني بس حاولت مابين هالشي ورجعت اكُل

سُراج
هسوالف كِلهـا تنحل بمرور الوقِت بس المُهم والاهم هايَّ

توجهت انظاري تِجاهة، باوعتلة وهوَ يفتح العلبة
حلقة ذهَب ..

باوعتلة بـ استفهام، طلعها وقدمها تِجاهي ومد ايدة
سُراج
ايـدج، ماريدها تنزِع ابد

عيوني اجت ع ايدة الي جان لازم بيها الحلقة، الحلقة الذهب مقابل ذهبتـة الفُضة مال زينب الي مانزعها ابد

كمت من مكانـي وكتلة بتعجُب
شَمس
تـرة انتَ هووواي زودتهـااااا

رحت بسـرعة اريد اصعَد، حاسة اعصابي تلفت خلاص مُستحيل اكدر مُستحيلللل

ماحس الا لِزم ايدي بسرعة بنُص الصالة
سُراج
كلت تنلبس يعني تنلبس

شَمس
تريدني البس حلقتك بس انتَ لابِس حلقة غيري ؟
شكدددد بطران انتَ، تـرة مو لهدرجة عديمة كرامة اني !!!!!

ضل لازم ايدي وبنفس الوقت طأطأ راسة لحلقتـة صُفن لثواني ورجع رُفع راسـة وكال ب اسلوب مُتردد

سُراج
هيَ حلقة اول وتـالي البسها وين الاختلاف بالموضوع؟ هيَ مو نسائي وبيها اشكال و الوان تـرة

جاوبتـة بصياح قاتِم
شَمس
نفسك لا تغشِمها، دير بالك تغشِم نفسك
نفسي ما تسمحلي دتسمع؟؟؟

سُراج
استغفرالله استغفرالله هيَ شني النفسيتج ماتسمح
شَمس انة مُصرر ترة مُصرررر مُستحيل باجر ترحين للدوام بدونهـا مُستحيلل

شّمس
واني هم مُصرة تنزع الي بيدك البسها ما تنزع الي بيدك والله لو تموتتتتتت هم ما البسهـا دتفهم؟؟؟؟

نتَر ايدي بقـوة وعَصبية مُفرِطة وگال بصوت مكتوم يزمجِر عَصبية

سُراج
خررررررب يوم عنـادج خررررب يومة

كـال هيج بعصبيَة وضل مقابلني ويصيح بصوت ناصي

سُراج
يـا يوم كتلج عليّ وكتيلي ايّ يا يوم كليليييي يا يوم

ايدي احسها انخلعت خلِع من الشمرة، طُفرت دمعتي وباوعتلة بعَصبية وكتلة بخنگة
شَمس
اكرهك والله، اكرهك ومن كُل وكلبي سُراج
هواي اكرهك اني

كتلة هَيج وخليت وصعدت بسـرعة واني احس ايدي موتتني من ألمها، دموعي تنزل بغزارة وكلبي مليان كُره تِجاهة، ضليت بس ابجي ولازمـة ايدي من الوجع وكلبي احِسة ناررررر ويغلي

ميريددد ينزع حلقتها، بس يريد يلبسني حلقتة ويمنعني من الكُل، اني بعُمري وبحياتي ماراح اشوف مثل حقارتة، احقر بشر شفتة بحياتي هوَ
مو مُهِم عندة اني المُهِم عندة ذكرياتة هوَ وزينب

ياخي ماعلية ماعلية بيهُم والله بس مو على حِسابي مو على حِسابي، ضليت كاعدة ابجي وبكعدتي ماكرهت بس سُراج، حتى روحي كرهتها

حَسيت روحي تعبت من البجي ردت اقـرة ماكدرت ردت انام ماكدرت ضليت كاعدة لحد الساعة بـ ٦
وصلتني رِسالة منة
كاعدة؟

مارديت عليّ ولا فتحتها، احس روحي كارهتة وبِما فيه، صُفنت باجُر عندي امتحان ٩ ملازم وحطوا يومين فارغات حتى اقرة واني ماقريت شي

شِفت انسب شي ماداوم حتى اكعُد اقـرة، دزيت رِسالة لامير انُ ماكدر اداوم حتى ياخذلي اجـازة ونمت و وقتـة ب ١٠

كعدت بـ ١٠ فد تعبانة ومو طايقـة حَتى نفسي، نفسيتي احسها مصفرّة مو شلون ماجان، نزلت لجوة سئلني جدو ليش ممداومة كتلة باجر امتحان صعُب ماكدر تريكت وصعدت لفوگ كتلهُم اريد اقرة لحد يصيحني، حَتى كعدة مكعدت وياهُم ابـد

للـ ١٠ دزلي سُراج
؟؟
وينـج ليش ماتردين
اريد احاجيج

مانطيتـة اهمية ولا شفت رسايلة حَتى، ايدي توجعني حَيل واحسها حتى خدرانة، ف ماكدر الزم ايباد وافتر فَ حاولت اكعُد واقـرة، بالي مشتت ومايستوعب ايّ شي

الله يلعنك سُراج ويلعن اليوم الي تعرفت بي عليك وطبيت بي لحياتك

احس اعصابي تلفت وضليت بس اغلط عليّ
نوب وجع ايدي موتني تموت وحركة ماكدر احركهـا

صاح الاذان صليت ورجعت احاول اقرة دزلي الشِفية
سُراج
اعلمج من ارجَع شلـون تجاهليني

شَمس
اوه عـاد كافي شكد شايف نفسك ع الخـالي بلاش !!!
دزيتلة وخليت وحظرتة

ماعدي خُلك اتعامل ويـا احسة استنزف كُل طاقتي خلاصص،

حاولت اقـرة ماكدر احس ماكدر اجمع افكاري سوية، ادري بروحي ماكدر اقرة واني كاعدة كمت وحاولت الزم الايباد بـ ايدي الثانية شوية ونسيت نفسي وشلتة ب ايدي الثانيـة واني مندمجة وجنت اقرة

بهل اثنـاء احس ايدي ما عانتني حَتى الزم الايباد، الايباد وكع بسرعة وصحت من الالم الي صار بچِتفي

كعدت بالگاع وعضيت شفتي من الالم الي صـار احس الم ايدي گطعني تگطع، طأطأت راسي وغمضت عيوني وكمت اتنفس گوة كد ماحسيت گلبي كام يدك بقوة من الالم

بهـل اثناء انفتح الباب بقوة
سُراج
اررررررد اعرفففف.....

بعـدة ما مكمِل من شافني انصدم وركض بـ اتجاهي حط اديّ ع جتافي، اتألمِت اكثر وصحت

شَمس
ااااااخ سُراااااج ايدي وخررر

كعدت بالگاع ولزمت ايدي ب توجع وهوَ كاعد يمي
سُراج
شبيج شبيها ايدج غير افتهم؟؟؟

شَمس
اااايّ شبيها ايدي حقك شبيها، ايدي راح اموت من الوجع وانتَ ولا عبالك بسببك تـرة بسببك البارحة انتَ الي نترت ايدي

سُراج
شصار بيهـا تشنجت ؟ شو خل اشوفها !

شَمس
وخُـر سُراج وخُر ايدي دنأذيني حيَل اخخ

سُراج
ايّ وشلون تضلين هيج مديهـا خل اشوفها شّمس

راد ياخذها ماخليتة صاح بية
سُراج
شّمسسسس لا تصيرين زعطوطة

لزم ايدي من مُعصمها من جوة ورفع رداني لفوگ وصل للعكِس وهوَ مستمُر احس استحيت

شَمس
ها ها وين وين وينن

ضحگ على نبرتي بالكلام وگال
سُراج
بابا خل اشوف ايدج شمسويلج هَسة

صعد رداني لفوگ باوعنـة لعضلة كتفي حمرة صايرة

سُراج
تؤتؤتؤ هاي يرادلهـا تمريغغ متشنجة هوواي شو حركيها شوية

شَمس
ماكدرررر توجعني

سُراج
ميخالف حركيها اذا تخليها هجي تـرة تبرد وتضل هجي اعصابج باردة ولو يجي مني هم مـا تصير زين الا علاج طبيعي ومدري شني فَ من هَسة اكلجياهة حركيهـا

شَمس
والله تخوفني سُراج

حجيتها بتمسكُن من الالم واني اباوعلة، باوعلي بـ نظرات هادئة الى بشوشة وگالي بهدوء

سُراج
انة ويـاج تعاي كومي هَسة وانة اسويلجياهة، يجوز متثقين بية بس تثقين بمهنيتي مو؟؟

هزيت راسي بـ ايّ، كام وانطاني ايدة حَتى اكوم، ضليت اباوعلة ومترددة اشرلي يلة، حطيت ايدي الثانية بـ ايدة وكمِت

كعدت عَ الجرباية كالي هسة اجـي وخلة وراح، جابلي دهِن مال لوز شايفة بيبي تحُطة واجـة

كعد كدامـي و رفع ايدي مرة ثانية
سُراج
هَسة اذا بيهـا مَجال تعوفين ايدج وتتنوعين ليـة

درت وجهي الة، الي جان مُقابل وجهي ومايفصل غير مسافة سنتيمترات

سُراج
تدريـن شكد تشبهين أُمي صالحة

شّمس
ادري الكُل يكول

سُراج
موبس بالجمـال حَتى بالـ صِفات، جدي حاجيلي عنهة هم هجي عنيدة وطِفولية ومُتسرعة وفاهية وغبية وصلفة بـ بعض الاحيان

شَمس
بس اني ولا وحدة من ذني الي كلتهِن انتَ وحدك الي تحجي هيج

سُراج
الحگ ينگال وهاي تصرُفاتج انتِ، وحدة ماتفهم شتريد
بس المُهم بكُل حالاتج حلوة

كالهـا ب ابتسامة طَفيفة، لِلحظة حسيت گلبي نُبض بصورة غَريبة، لدرجة انّي سمعت نبضاتة

بهل اثناء حَسيت بـ وجع ب عضلتي صحت اخ بقوة وگُمزت من الالم وهوّ ماعافني وياي رُفعها لايدي وسمعت صوت طگة

سُراج
ايّ هسة تماممممم

باوعتلة علامات الانتصار بوجهة وايدي معباية زيت مدري شوكت ممرُغها هيج

شَمس
ايدي راحت انتَ صدُك تحجيييي

سُراج
طگت هاهيّ لا تدللين زايد يلة ضلي حركيها هيج اوكفي مُستقيم ودوريها ٥ مرات هجي يلة بدون عنـاد لا ينلعب بيج جولة وحق علي

سويت نفس ماكال ايدي شوية احسن بس اكو الم بيها طفيف

سُراج
ليش ماتردين عيني ؟ ونوب تحظرين فوكاهة !!

كال هجي وهوَ يبدي يعصُب بـ ملامحة

شَمس
لانُ يعجبني عندك اعتراض ؟؟

رفع اصبعـة بوجهي وصـار يتقدم الي ويحجي
سُراج
اذا عدتي هل تصرُف مـرة ثانية ....

سيوف
شَموسسسس

فتحت الباب سيوف وانصدمت بـ وجود سُراج

سيوف
ها ااا اسفة

شَمس
لااااا تعالي تعالي اصلاً هوَ راد يطلع
سُراج اريد اقـرررة اذا بيها مجال، باجر عدي ٩ مُحاضرات ولسة ولا وحدة فَ لُطفًا ..

ماكدر يحجي ضل ساكت بس سكوتة جان يفسر عَصبيتة
وخلة وطلع

كعدت اقـرة حتى العصُر مانزلت، بس المُغرب نزلت دقايق وصعدت سالني جدو كتلة حيل ملودة دراسة ماضغط علية، لليل تقريبًا للـ ١ يلة خلصت ملازمي كلهن، رحت غسلت ولبست بُجامة النوم واجيت اريد انـام راسلني سُراج ع الخط

سُراج
ايّ ادري يمتى تنزلين؟

ابتسمت ع رسالتة واستهزئت

شَمس
ليش منتظرني ؟

سُراج
خلصتي دراسة؟

شَمس
ايّ

سُراج
يلة انزلي ضروري ضروري اريد احاجيج بموضوع

شَمس
اريد انـام نعسانة

سُراج
شَمس انزلي لا والله اصعد هسة ادك الباب اعليج
ضروريييييي ضرورييي

شَمس
نعسانة شبيك

سُراج
والله ترى اصعد !!!

شّمس
استغفرالله جـاية

كمت من مكاني وروحي احسها لعبانة منة، مخبل يسوي كُلشي فتحت الكنتور داطلع شال لبستة وصُفنت لابسة تراك احمر عَريض مال نوم ردان طويلة

هــذا مو كلي بعد لا تلبسين تراكات وانتِ نازلة؟
يلا خـوش حَتى شالي خل انزعة هوَ حلال مو؟؟
ايّ حلال عقد عليَّ، على عنادك يـا سُراج

ماكدرت ما البسة لبستة وبس تاكدت انُ الكُل نايم قريب ما اريد انزل حَطيتة ع چتفي ونزِلت، لكيتـة كاعد ع التخُم ويفكر

اول ماشافني صُفن ثواني وكلب عيونـة بعدم صبُر
سُراج
شلـون بينة احنة شلون، العناد يمشي بالدم

شّمس
كول شنو تريد لان نعسانة

سُراج
لا تعامليني بهل اسلوب شَمس ترة والله انة عقلي اعلى گدي بهجي سوالف، لا تتحديني ولا تجادليني ولا تعانديني ملابس النوم للنوم مو تنزلين بيهن لجوة!!! ولا تخليني اعيد كلامي بعّد

شّمس
تؤ استغفرالله، هسة شتريد؟؟ منزلني علمود هايّ !

سُراج
لا، باجُر دوامج ضبطتي مادتج لولا؟

شَمس
ايّ الحمدلله

سُراج
يلة هـاج هايّ البسيها نفس الحبابة واصعدي نـامي وباجُر انة الي اوصلج

كال هيج وهوَ يفتح كف ايدة وجان بيدة الحلقة، عيني صارت ع ايدة كلت اكيد هَسة نازعها وديحاجيني، باوعت بعدة لابسها غمضت عيوني وتنهدت واحس كلبي صـار يرجف من العَصبية والقهر الي تكبت بداخلي

شَمس
انتَ مجاي تفهمني لو شنـو داكُلك ماريدددد
مو حضرتتك لابس حلقتهـااااا وجاي تريدني البس حلقتككك
لو حلقتي بـ ايدك لو حلقتك متصيـر بـ ايدي دتفهم لولاااااااا

حجيت هَيج بـ اسلوب استفزازي وبصوت عَصبي الى حدً مـا، ماحسيت الة تقدم من يمي وهوَ يحاول يتماسك اعصابة من ملامح وِجهة ويحجي وهوَ يطلع الكلام من بين اسنانة

سُراج
هذا الاسلوب اذا انحجـة وياي بي لسانج اكُصلجيـاه

شَمس
انتَ مو شاطر الا بگصة اللسان والتأديب ؟

سُراج
استغفرالله يا الهي العالمين، وبالاسحارِ هُم يستغفرون مو يتنگاروننننن عمـي البسي الحلقة بـ ايدج وروحييي مارايد شي !!!

هوَ يحجي واني احس بفد شعور غريب بداخلي، شعور يسري بـ داخلي وكانهُ رّجفة وتنهيدة محبوسة

شَمس
سُراج اني ماشايفة نفسك ابـد انتَ انسان اناني وماتفكر بغير نفسك، انتَ لابسسس مال زينب وتريد البس مالتك بيـا منطق بيـا منطققققققققق

اخذ ايـدي بهدوء بس افعالة جانت عَصبية وراد يلبسني الحلقة

سُراج
شتكولين كولي اناني حَقير، ايّ شي كولي المُهم الحلقـة تلبسيهـا بـ ايدج وممنوع تنزعيها ابدًا

شَمس
سُراج وخر ايدك

ماهتم وراد يثبت ايدي ويدخل الحلقة بـ اصبعي

شّمس
سُراج داكُلك وخررر الحلقـة

ماسمع لكلامي وضل يحاوِل حَتى يلبسني الحلقة بالقوة
بهاي اللحظة حَسيتـة احقر انسان بالدنيا
وحَسيت روحي اضعف انسانة بالدنيا

دموعي صارت تنزل من كمية الاستهانـة بشعوري
ماحسيت بروحي إلا واني صايحة بكُل قوتي بـ اسمة

شَمس
سُرررررررررررررررراج

كلت هَيج حسيتـة چِفل من الي هوَ بي، جان يمنـة ع الميز دولكة مال مَي كزاز، احساسي بالعِز واهانة مشاعري بهل شكِل خلتني ماشوف شَي غير تكسير گلبي وردت اكسر شي نفس ما كلبي انكسر

وبدون مـادري وبكُل عَصبية وهستيرية شلت الدولكة وركعتهـا حَيل بالگاع

جنت ابجي واصيح
شَمس
الله يلعنك سُراج الله يلعنكككك، ماكو احد يوصف كمية كُرهي الك ماكووووو احد

كعدت بالگاع وحضنت وجهي وصرت ابجي بـقوووة ماحس الا ع صوت نزلة من الدرج قوية، وصوت عمي حَسن وهوَ يصيح
حَسن
شبيكم شبيكم بسم الله ..

شَمس
الله ياخدك الله ياخذكككك يـا سُراج ع كمية الاستهانة بشعوري، الله يضوگك نفس ما دتضوگني، ان شاء الله تُشرببب من نفس المُرررر واقوى بعَد

صوت علي وهوَ يصيح شصايررررر شكوو
وصوت زَعيم وهوَ يصرخ على سُراج اتعالوا سوى

حطلي شـالي ع راسي عمو حَسن وكومني واني فاحطة من البجي

حَسن
ولج عمي شبيج شبيجج شسوالج احجي

سُراج جان واكف ونفس المصدوم مايكدر يحجي ايّ شي، باوعتلة وكتلة بكُل كرِه

شّمس
اكرهك اكرهكك، الله يضوگك الي ضوگتنيـااااااا مُستحيل راح انسى حقارتك هااااي مُستحيلللل
عمـوووو ماريدة مارررريدة مُستحيل اطيق اباوع لوِجهة حَتى بنظررررررة وحدة بعَد

كلت هَيج وعمو جان يحاول يلزمني واني اتقدم تِجاهة وايدي جانت ترجِف وشايلتـها بوجهة، تقدم اتجاهي وراد يحضني للحظة من كمية الخوف الي بـان على وِجهة عليٍّ

وللحظة وحـدة ..... يُتبعععع
( كل خطوة تفتح باب، والباب يجرّك لباب ثاني، لحد ما يصير المتاهة أكبر من المعنى ) ..

__________________

روان

يـوم من الايام حبينة نتغدة شوية بـرة الحجية كالت مختنگين، فَ فرشنا فراش وطلعنا بالطارمة نتغدة، وفجأة حَسيـت معدتي گُلبت ونفسي كام تلعب، تجاهلت الوضعيـة بس شوية حسيت روحي اختنگت وبعـد ماگدر، كمت بسـرعة للحمام الي جـان برة

هـذا الحمام من طبينـة لِسة محد طبلة ولا واحد استخدمة لانّه بعيد عن البيت شويـة

اول مافتحتـة انصدمِت بـ وجود بزونة سودة ميتـة بطريقة وحشِية من شفت المنظر احس ماتحملت درت وجهي بسرعة للحديقة وكمت اتقيء بقـوة، مروان بسرعة اجـة لزمني من متني وهوَ مصدوم بيـة

مروان
اسم الله اسم الله روآني شبيـج

روان
اه اه وخرررر مروان وخررر لا تلعب نفسك

درت وجهي عنـة ورجعِت اتقيء مرة ثانيـة، ضل مچلب بـية حَيل وانة اتقيء احس روحي راحت، جابتلي الحجية مـاي واجتي تركض خَطية، حطني مروان بحضنة واني منتهية وجسمي يررررجف من كثر ما تقيئت

مروان
ايّ ادري شبيج بس لو افتهم

فضيلة
ولـج يرونة اظنج حِبلة

نفسج تلعب و توكعين سالفتج مو خالية ولج

هيَ كالت هجي وانة تنوعتلها وروان تنوعلهـا

شربني مـروان الماي وهوَ يتنوعلي ب استغراب
فضيلة
من يمتى ماجايتج؟

صُفنت واتذكرت انُ من اول ماجيت لهنـا لحد هاي اللحظة هيَ ماجايتني

روان
ها مادري

مروان
هوَ شني المادري روان؟ شو كومي

ساعدنـي حَتى اكوم حسيت بدوخة

روان
اخ مروان دخت

حسيت اجتني دوخـة قويـة براسي ماكدرت افتح عيوني وحلبت بدشداشة مروان، حَسيت بي لمن شـالني، جان يمشي ويهمس بـ اسمي

مروان
رواني تسمعيني ؟ حبيبتي شبيـج شجاي يصيرلج

روان
مـادري الدوخة والصُداع ماجاي تفكني مروان

فضيلة
يُمة وين الله واهل البيت وتطلع حِبلة مرتك يـ مروان

مروان
روآن اذا طلعت صدِك انة اموتن والله

ابتسمت وانة مغمضة عيوني على كـلامة غسل وجهي بـ مـاي وشربني مـاي
مروان
يلة روآني يلة خل نروح

روآن
مروآن والله تعبانة ماكدر

مروان
روآني الله يخليج خلي نروح بلكت نستبشِر بشي

روآن
مـاريد اروح مروان ماريد

مروان
ليـش روآن ليـش

تنوعتلة وانة احس بـ طرف ابتسامة على وجهة، بطول هل ايام الابتسامة معدومة اول مرة اشوفة يحجي بهل حمـاس هذا، يـاربي ماريد ابتسامتة تروح ولا اريد يُفقِد أملة بسببي

روان
مروان مـاريد اروح تـالي يطلع لا الي بيك كافيك والله

مروان
ماراح اضوج روان نفس كِل مرة عادي
هَسة بس خل نكوم

روان
مروان مـاريد وال

مروان
اششش لا تحلفين اذا تحسين روحج مالج خِلك عوفيها بس اذا تكدرين بداعتي يـا روآن كومي

روان
مروآن اخاف لا هل ابتسامة والـ حماس يروح منك بسببي

مروان
ماكو هجي حجي الكاتبة ربج نشوفـة بس كومي هَسة

هزيتلة براسي وكمِت
مروان
حجية فضيلـة كومي حضري روحج يلة

كمِت لبست حجابي وعباتـي وانة بداخلي خـوف فضيع
يـاربي دخيلك ماريد اكون سَبب بـ زعلة وضوجتـة

اجاني وهوَ مبدِل، بوجهة حماس صارلي من قبِل موتت أُمة لسة ماشايفتهـا بوجهة ابـد

مروان
يلة بوية جاهزة

هزيت راسي بـ ايّ

روان
بس مروان اريدك توعدني

مروان
شني يا نور عيوني ؟

روان
اذا طلعت مو حامِل ماريدك تضوج

تنهَد وگال بـ ابتسامة هادية
مروان
صار يـا نور عيوني الكاتبة ربنـا يصير مو اول مرة ولا آخِر مرة بس عَسى ولعل نتأمل بربنـا الوهاب هِبة عَظيمة

تقدم صوبي وباس راسي، گلبي احسة يصفگ خوف، بدلت الحجيـة ورحنـا كل احنة

فضيلة
يُمة ان جـان حبلة فَ خير من الله وان جان مو حبلة فَ نحمد ربنـا ونشكرة محمود مشكور ربي

مروان
لا حجية شاكرة حامدة انة الحمدلله ابكِل الاحوال

كال هجي وتنهَد

روان
هـا مروان شكتلك انة رجعني حباب ماريددددد اروح

مروان
روان شبيج انة قابِل زعطوط والله عـادي

روان
والله يـا مروان ماريد ماريد

مروان
كـافي روان كافي الكاتبة الله نستقبلة وهاهيّ

الطريق كِلة انة احس بـ شعور سيء موطبيعي، مـاريدة يعيش شعور موحلو وخُذلان مرة ثانيـة، الي بي كافي والله ..

نزلنـا يم تحليلات محَد عليهـا، جان بيها ولد وبنيـة سلم مروان وكـال الهُم ع تحليل كلتلي البنيـة تعالي

رحنـة طبينـة اني وياهة جوة سحبت مني دم
روان
حـبابة اذا طلع ايّ كولي واذا طلع لا كولي بعديـن موهسة وانة اكلة بطريقتي انُ لا ماريدة يزعل امـة ستوهـا مَيتـة وهوَ حيل متأمِل

- ياعيني لا تخافيـن ان شاء الله ايّ شو انتِ وجهج اصفر وبيج علامات حمِل فَ ان شاء الله

طلعنـا من الغرفة كالت فد نُص ساعـة ويطلع، طلعنـا احنة اشترالنـا عَصير شربنـا ورجعنـا، الحجية كالت مانزل انتوا انزلوا، نزلنـا انة ويـا واحس خطواتنـا ثگلت

مروان
هـا روآن

روان
ها مروآن

مروان
دكات گلبي بالكاد تنسمع

روان
انة ماجاي احسن بيهن اساسًا

مروان
ههههه شيصير خل يصير احبيبتي، شيجي من الله انعم الله

طبينـا سوى للمختبر تنوعت النة البنية وگالت بحماس
- البشارررة حامِل

مروان
بصـلاة مُحمَد اعليكم ؟

الولد الي وياهة
- والله العظيم، ههههه الف مبروك

مروان
يعني اكيدددد اكيددددد

- اكيددد شيخ اكيد وروحوا لدكتورة .... بالفرع الي ورانـا واتاكدوا بعد اكثر بس احنة تحليلنـا ما نغشكُم بي

هُمّ يحجـون ودموعي صـارت تنزل بفرحـة، اتنوع لمروآن كُبل توجه للقبلة وسجد بالگاع سجدة الشگر گام تنوعلي والضحكة شاگة وجهة شگ وعيونة تلئتلئ تلئلئ جان يتنوعلي وبودة يشبگني بس المكان وشخصيتة وكلشي يمنعـة
اكتفة بـ انُ يكتف ايدة ب ايدي حَيل
مروان
الله يبشركم بالخير الله يبشركم بالخيررر
تفضلوا تفضلوااا

صـرت واكفة اعلى صفحة واجتي البنية حضنتني وصارت تباركلي وجانوا فرحانين على فرحتنٰا وكانهُم منـة وبينا

مروان طلع الهُم فلوس ماقبلوا هُمّ بس ذبهُم عليهُم ذب طلعنـا سوية والضحكة شاگة وجوهنـا شگ

روان
مروان مامصدككة

مروان
روان اريد الكل يختفي واشبگج هَسة حيلللل ولج مني المفروض ما يصدك انة لو انتِ يارب دخيلك ياربببببب

صعدنـا بالسيارة والحجية عوزها ما تموت بس شافت وجوهنة عرفت

فضيلة
يايمة حبلة ولكم حبلة

مروان
ايّ حجية ايّ واخيرًااااا الله لطف بينة الله لطف بمروااان
اطااا اطاااا وماقصر

دموعي جانت تجري واضحك المـرة هم كامت تبجي وعوزهـا ما تهلهل، مدت راسها اعلية من كدام لورة وضلت تحبحب(تبوس) بيـة ومروان يتنوعلنة ويضحك بـ صوت مسموع

مروان كال هسة كُبل نروح للدكتورة، صدك والله رحنة الدنيا الظهر محد عليها ابد، كدامنـا بس واحد، طلع بسرعة هل واحد وطبينا سوة

مروان
دكتـورة انة صار ١٥ سنة مايصير عدي وستونة اتبشرنـا بـ رِزق ربج، اريد اتاكد دكتورة بردي گلوبنا من الله يبرد گلبج

الدكتورة
ياعيني الحمدلله والشكر ربك ينطي اول وتالي، اتفضل عيني اتفضل هنانة وانتِ تعالي يحلوة هنانة خل اسويلج سونـار

رحت وياهة نمت وحطت مال السونـار على بطني وصرنـا نتنوع للشاشة

الدكتورة
هاي شنو هـاي عيني استاذ، مرتك حامِل من شهريـن حسب ما يتبين يمي معقولة ماتدرين

مروان
ههههههه دكتورة الله يخليج اعلكيفج كلبي بعد مايتحمل صدمات

الدكتور
ماما انتِ صارلها شكد ماجايتج؟

روان
بالشهرين تقريبًا بس ما ظنيت هيَ لان انة اساسًا عندي خربطة

الدكتور
لا ماما انتِ حامل وصارلج شهرين تقريبًا تعال عيني تعـال شوف ابنك واضح بالـ شاشة

تقرب مروان ومن ما بورة البردة صـرنة نشوف للشاشة ودموعي تنزل، تنوعتلة اكـو دمعة نزلت من مروان

ايّ مروان نزلت دمعتـة

دار وجهة بسرعة، وماعاولت امسح بطني واكوم بـسرعة يمة

الدكتورة
راح اغسل واجيكم اخذوا راحتكم انتوا

رحت لمروان بـسرعة عينة ممسوحة بس اثر الدمع بيـهة، اول ماشافني حضني بـقوة وصوت ضحكتة المُتشَحرِجة صارت مسموعة

مروان
روان انة مااااا مصدك ماااا مصدكك

روان
ولا انة مصدكة والله

مروان
اهدئ اهدئ مروان الزم اعصابك اهدئ

ضحكت ع شكلة شلون يسوي، بهل اثنـاء اجتِ الدكتورة شرحتلهة ع وضعي كِلة كتبتلي علاجات ومقويـات وكلتلي لحد الان صحة الجنين وكِلشي بخير ف ضلي محافظة على هذا الشي

رحنـة بشرنـا الحجية وخطية جانت طـايرة من الفرح، كلت لمروان خل نروح لاهلي ما عـارض رحنالهُم بشكِل مُفاجئ وبدرن ما ننطي خبر حَتى، طبينـا كعدنـا يمهُم ومبين من وجوهنـا عدنا شي

جبُر
شبيكم متعاركين مسويلكم دگة شو وجهكم ما يطمن بخير

فضيلة
خل ابشرهُم انة جـا، روان حِبلة

من كالت الحَجية الكل انصدم وبنفس الوكت الكل فرح النـة، علي ماجان مصدگ ابد وكل شوية بايسني ويكلي كُبرتي ولج كُبرتي وراح تصيـرين أُم

يُمة صالـحة والحجية كالوا ممنوع ابـد تكولون لايّ واحد والسالفة تضل بيناتنة وبَس، الكِل شجع اعلى السالفة والكل كال لا تكولون ابد

مارضوا نرجع للبيت سولنـا عَشـا يمهُم، اتنوع لمروان الفرحة غارمتـة غمُر وضحكتة شاگة حلگة ويحجي وي زَعيم ويرجع وي سُراج، حتى علي الي مايطيقة كام يسولف ويضحك ويـا

رجعنـة للبيت الساعة بـ ٩ تقريبًا الحجية طبت لغُرفتها واحنـة اجينة لغُرفتنـا حضني من ورة بسرعة، صرنـا كدام المراية وثنينة نضحك

روان
مروان خل ابدللل

مروان
مُستحيل

بهـل اثناء خابروا كال شوية وجايج وراح

نزعت عِباتي وشـالي ولبست دشداشة قصيرة حمرة، تنوعت لبطني ماكو كُبر بس حسيت وكانهُ فعلاً اكو شي داخلها

ضحكت بفرح وجنت احس الدنيـا كِلها ما لامتني من الفَرحة
طب مروان والابتسامـة جانت شاگة حلگة شگ

فتح حضنة رحتلة اركُض حضنتة وتعلكت برُگبتـة صعدني بـ ايدة لطولة وصوت ضحكنـا صار يتعالى

مروان
احبج احبج احبجججحجج روان، احبج انة والله احبج
تخيلي راح يجي ابني من مرتي الي احبهـاااااااااا
انة فرحان فرحان الدنيا كِلها ما لامتني والله

روان
مـروان ماريد فرحتك هاي تروح، مستعدة اسوي كِلشي في سبيل اشوفك بخيـر، احبك انة ..

هوَ سمع كتلة احبك وهوَ تخبل
وخرني من حُضنـة وضل يتنوعلي وهوَ مصدوم
اول مـرة اكلة بس فعلاً انة احبة

هزيتلة راسي بـ ايّ تاكيدًا للكلام
مروان
يـارب هذا اليوم ماريدة يخلص، هذا احلى يوم بكِل حياتي راح اكون كد هالحب وحگ عيونج هَذنّ
مو زلمة ولا انعد اعلى الزِلم لو بفد يوم، زعلت اعيونج وهاي اخذيها من حلگ الشيخ مروان آل دحام، مو من حلگ مروان

كال هَجي وهوَ يطبع بوستـة بكِل عُنف اعلى شفايفي

تلك الليلة لم تكن كسائر الليالي؛ لم يلتقِ جسدان بقدر ما تعانقت روحان. كأنّ العالم بأسره انزاح عن كاهلينا ليترك لنا فسحة من نور، نورٌ امتلأت به أعيننا ونحن نكتشف أنّ ثمرة حبّنا قد بدأت تنبض في رحمها. كان اعترافُها لهُ بالحب أشبه بوعدٍ أبديّ: أن تحُبه للابد وان يبقى لها سندًا، وأن يظل ممتنًا لتلك اللحظة التي جمعت بين نبضينا، فصارت حياتهُما صفحة جديدة تُكتَب بالحنان واليقين.

نايمـة على صدرة ونفكر بـ الي صار ومامصدكين ابد

مروان
وعلي من شفتج كمتي هجي ضليت صافن اكول هاي شبيها ليش هجي شصار لعبت نفسها من الاكل شافت شعراية لمن الحجيـة عاطت بية ولك كوم شوف البت شبيها

روان
ايّ هههههههه انة اول مارحت رحت للحمام ووو...
كلت هجي واتذكرت الحمام والي شفتة بي

فتحت عيوني على وسعهن وكمت كعدت
روان
يُمة مروان !!!!

كام كعد بصدمة على شكلي
مروان
شبيج روآني؟

روان
انة شلون نسيت شلون كوم مروان بسرررررعة كوم

مروان
شكووووو؟

روان
من فتحت الحمام شفت اكـو بزون ميت اسود وميت مو موت عادي واحد شانقة والدم متلطخ!!! مروان حباب كوممم شلون نسيت شلوننن

انفزع مـروان من الي كلتة وضل مصدوم
مروان
خاف مشتبهة روان!

روآن
مروان والله العظيم جاي اكلك والله كوم خل نشوف

مروان
ويـن تكومين انة كايمممم اكعدي

روآن
لا اطلع وياك

مروان
جاي اكلج لاااا روحي يم الحجية اعلما اطلع واشوف خوش

ماقبل ابـد اطلع ويـا ادري بي يخـاف اعلية وبنفس الوكت الدنيا الليل رحت يم الحجية جانت نايمة وهوَ طلع
شويـة وماسمعت غيرر صررررخة مروان الي رجت الدنيـا رج
يُتبععععع ......

بهيج حالـة ساوينـا احداثنا وي احداث الكُل، اخر ٤ بارتات راح ينذكرون بيهن جَميع الابطال بـلا استثناء وبالتساوي وبصورة كافية و وافيـة، احبكم 🤍