بيت جبر الفصل السادس وستون 66 - بقلم هُدىٰ آذار

مَســاء الخير
ورجعنــا وياكُم بـ بارت جديد من قُصة
بيَت جبُر
للكاتبة : هُدىٰ آذار
لاتنســـون التصويت والتعليق بين الفقرات
قِراءة مُمتعة.
_________________

فَرس

امير
اذا اطلُب مِنج طلّب تسوي ؟

فَرس
واني مغمضة

امير
خل نعوف الطلّب ونلتهي بيج، تدرين شكد احبج؟!

فَرس
ههههههههههه امير، دعوف الحُب هَسة احجي شكو

امير
باجِـر مو عزيمة اهلي ؟

فَرس
امم

امير
شني رآيج تلبسين عبـاية، يكِلك لكِل مكان لبسة الخاص ومن حِسن اسلوب الشخُص انُ شخُص يحترم ثقافات الثاني ويتعايش وياهن، فَ شكلتي خُمريتي ؟

من حجـة هَيج ضليت صافنة ماعرُف شرِد، اني من النوع الي بعُمري وبحياتي ما لابسة العباية، حَتى زيارة ماروح واكول بزيارة البسها، وماحبها ابد لان احسها ثگيلة وتقيد، بس امير من طُلبها طُلبهـا ب اسلوب حِلو ماجنت اكدر اكُلة لا حَتى

فَرس
اذا هذا الشي يفرحك فَ تدلل

امير
هذا مو صوتـج هذا غَيث، حَتى النيـران بي تنخُمِد

ضحكت ويـا و ضلينة نحجي شويـة، اليوم الثاني رحنـة للدوام، اني جهزت روحي من السكن حَتى اروح وي اميـر رأسًا بس ايلول علي يجيهـا، كملنـا مُحاضرات والوضع مُطمن دام مسّرة مو يمنـا

رحنـا اني و اميـر لاهلة كتلة يخفُف شوية حَتى تصير طبة وحدة احنة و ايلول وعلي وفعلاً صـار هيج

نزلنة ثنينة من السيـارات، اباوع لايلول اول مانزلت عِثرت بيها

علي
الله الله الله

ايلول
وجعَة من الله كوننننن

باوع الهـا علي وخزرهـا واني شهگت وامير يردد ويضحك بهمِس

امير
لا تسمعين اهم شي الاحترامات بيناتنة

ايلول
بكلبي بكلبييي وتاخذني وتخلصني

علي بصايح
ع اساس سوت شي جبير، لو عايفتها بكلبي احسن الج من هاي لطلطة

امير
هَسة وكِت عركم ديلة خل نطُب

تدنيت يم ايلول وكلتلها
فَرس
ايلول طالعة حلوة حبابة

ايلول
لا تلعبين النفسج واني اخزي، بين قوسين جنة مجادية

فَرس
الله ياخذج على صراحتج هايَّ نوب حتى مكياج ممكثرة من ورة اميـر

ايلول
هوَ هذا الرجال الي من الجنوب الجنتي تحجين بي استلمي

علي
شني راح تضلن تسولفن شبيجن طُبن

فَرس
اكُللك امير عادي انزعها حباب والله مبهذلتني

امير
جا احنة شسوينـا ستوج لبستيها دتعـاي مابيج شي والله، سلمي واخذيلج شوية وانزعيها

حَط ايدة على متني وجرني يمـة
طبينـا للصالة وكلنة السـلامُ عليكُم

الكُل سلـم علينـا
صالحة
يا يُمة شو مگبعيهن وجايبيهن

علي
ايّ نسوان بيوت جا شعبالج، وبعدين شني ايلول صغِيرة المثلها مخلفتلها ٤ فروخ

ايلول
فروخ دجاجـة ؟

سّجاد
لا ديج هراتي اخوي فحّل ههههههههههههههههههه

ضحكنـا كُل احنة على حجاية سَجاد ماعدة علي الضل يرزالة، كعد جدهُم يحجيلنـة انُ العباية ستر البنية واحنة لازم نلبس عبـاية وبعد شجم يوم لازم نتعود لان من نجيهُم لازم نلبس عباية، اباوع لايلول ساكتة بس تخزر بعلي وتباوعلة والمسكين ضل لا ياخًُذ ولا يطي لان يدري ايلول ع ساعـة تهيج عليّ

المُهم كمنة وي شَمس لفوك ع اساس نغسِل

ايلول
والله جدج يجيب منا يحط منا معَ احتراماتي الة

شَمس
انجبي ولج لا تحجين ع جدو ماقبل

ايلول
يريدني البس عباية والله هسة لو اموت هوَ منا لهنا ردت اطيح ع وجهي

فَرس
هسة انتِ اسكتي شعليج منا لذاك الوقِت الله كريم

نزعنـا العبي ورتبنـا ارواحنـا، من السمِي وجهي مايل للسمـار، رتبت وجهي شوية وخلينـا ونزلنة لجوة

باوعت من باب المطبخ اميـر وامة واكفين ع الطباخ عفت ايلول تروح تكعُد يمهُم وتقربت الهُم

رَضية
يمـة انتَ مقتنع بلة شوف شكلها وشوف شكلك والله لعبت بروحك لعبة من هاي الزينـة هسة شوف أبني عمَك عمي ايلول فلقة مال گُمر انتَ جايب هاي وجاي شني حتى سمرة وما مناسبتك، لو بس ما راكب راسك وماخذ روان بس اخ منك

اميـر
يُمة انتِ شجاي تحجيـن هذا الحجي مامقبول اول شي البت اتزوجت حَتى حرام تجيبين طاريها بهجي شكِل يمي، ثاني شي انة احب فَرس وهذا يكفي

رَضية
ومكيف تحبها، تحبها اعلى ...

كالت هيَج وهيَ تدور وجهة شافتني وضلت صافنـة علية، التفت امير ع نظراتهة وشافني، عيوني دمعن وكلبي حسيتَة انكُمش

فَرس
اسفة مو قصدي اتسمع عليكُم

حجيت هَيج ومشيت بـسرعة للصالة، وامير وراي يصيحلي بهمِس، تجاهلت كُلشي وهوَ هم قُطع مُناداتة من طبينة للصالة

كعدت يم ايلول باوعتلي وكلتلي شبيج هزيت براسي ب لا

امير
شّمس من رخصتج شوية

هزت راسها شّمس بـ ايّ وخلت وكامت وهوَ كعد يمي
ايلول
فَرس شو حاجيني شبيج

جنت دايرة وجهي الهـا ونحجي
علي
شبيج
هاي شبيها عيونهـا مدمعة؟

فَرس
والله مابية شي كافي لتضغطون علية

حَط اميـر ايدة بـ ايدي وگال بهمِس
امير
كومي ويـاي بسرعة .

انداريت الة بـ انزعاج وهزيت راسي ب لا
فَرس
ماريد اروح اميـر

امير
كومي فَرس شبيج

كمـت ويـا كال من رخصتكُم وخلة وصعد وصعدني ويـا، هوَ كدامي واني ورا ويمشي مستعجِل ماكدرت اضُم دموعي ودموعي صـارت تنزل بحرارة على وِجهي

مسحتهُم بـ ايدي الثانية وطبينـا للغُرفة اول ماطبيت درت وجهي احاول اتنفس ومابين ضُعفي

فَرس بصوت مُرتجِف
امير حباب والله تضغط علية اذا تحجي وياي احتاج اهدئ

امير
فَرس اسمعيني حبيبتي. مُمكِن تهدأين شوية خليني احاجيج

دارني من چتفي ودموعي جانت نازلة، دنكت راسي رفعة بـ ادينة مِن فكي

باوعلي بنظـرات زعلانة واصابعة لامست دموعي بعدة ماناطق شهگت وحَتى اضُم روحي منة ضميت روحي بي وحُضنتة

هـذا الموضوع بالذات جان زاعجني شوية، بصِفتي اني وحدة تحب الجمـال وتحب البياض خصوصًا ومهوسة بي، وسابقًا جان عندي مشاكِل وي لون بشرتي وجنت احِب ابيضها شلون ماجان بس لمّن طب اميـر لحياتي وجان كُل يوم يبين الي شكد هوَ عاشِق لوني صرت احِب نفسي اكثر واكثر

بس هذا ما يعني انُ اني ما جنت اضوج من نظرات الناس لمن يشوفونـا سوى، خصوصًا انُ امير ناصِع البياض واني يمة اطلع سّمرة فعليًا

امير
فَرس لا تبجين اسف اعلى كِلشي سمعتي والله بس هاي امي استغفرالله الهي
لا تبجين حبيبتي كافي
شو خل احاجيج وخري

وخرت منـة و وجهي مملي بالدموع وفكي واسناني يرجفن
لزم وجهي وقرّب وجهي مِن وجهة
امير
هَسة انتِ تبجين غير على شي يسوة ؟ ليش جاي تبجين على شي هوَ بيج كَ ميزة بس لانُ البشر حجوا ك سيئة كمتي تبجين؟

ماجنت اجاوبـة بشي بَس جنت ابجي بهدوء

امير
فَرس تـرة انتِ من تبجين جاي تقنعين نفسج انُ كلامها صح، ترة هيَ مُجرد مـرة تقليدية ماتشوف الجمال نفس مانشوفة احنـة وبعدين هوَ ويـن اكو بمثلج وبمثِل جمالج ونعومتة!

خشمج المسطرة لو شفتج الكَرزيـة لو عيونج الناعسِات الساحِرت لو لونج الخُمري لو خُصرج النحيل ؟

انة يعجبني جمالج واصلاً انة ميال لهجي جمـال وهجي انوثة وبيني وبينج انة احِس الانوثة للسُمر طاغيـة

ياخي انة من زمان حاط مواصفاة ب بالي ومن جانوا يكلولي اعلى روان، هسة هم مايصير نجيب طاري البت بس ماجانت تطُخ بعقلي

وانة مواصفاتي اصلاً من اكعد واصارح امي بيهن تكلي منين تلكالك مَرة هجي روح فصلك تفصال، وفوك الشكِل اريدها جنت هادئة وطفولية بنفس الوقت، فَ انة هم جِنت مأيس

ومن اول ماطاحت عيني بعينج حَسيت انُ ايّ هيَ هاي الي انة جاي ادور عليها، رُغم انة بشر ما يحكم اعلى كِتاب من غلافة ولا من نوع الي يجذبة المنظر ويحكم ع الخارِج بس

بس هذا الي صار لمّن شفتج، ولمّن شفت اطباعج كيفت، وانة الي الدنيا كِلها ما ساعتني
واعلى كولة علي: عيـد وجابة العَباس

حَطيت عيوني بـ عيونة وكتلة
فَرس
بس هيَ ما مجذبة صدُك انتَ احلى مني

امير
بابا انتِ شتحجين بشنـو انة احلى منج وبعدين الرجال ما يتقارن وي المرّة، هيَ المرّة حلوة بكِل الاحوال حلوة وميتقارن الرجال وياها شدخل مادري

يعني هسة اذا انة ابيض وانتِ حنطية يعني هاهيّ انتِ موحلوة وانة حلوة؟ عمي منيلج هل سوالف السُمر هُمّ اهل الجمـال والذوق

وبعدين انتِ حلوة حلوة هووواي، حلوة لدرجة تفوقين تصوراتي وطموحاتي كِلهن، واحلى بنيـة بعيوني ومحد يشوفج بهل نظرة هـاي انتِ نازكة وجميلة وأنيقة بس أُمي كتلج طگة قبِل متفتهم بهاي الامور فَ هجي تكول فَ انتِ عاد بطلي رِقة ولا تتأثرين بحجي ياهوَ ان جان

يلة امسحيلي هل دموعات ذنـي ماريدهن ينزلن بالجبيرات خوما بالاشياء السَخفية، خلي عدج ثقة بروحج بابااااا

كال هجي وهو يمسح بدموعي بـ ادي ويباوعلي بـ انزعاج

فَرس
والله ثاقة بنفسي بَس انتَ احلى..

امير
راح استخدم اسلوب علي ويـاج ، لا تصيرين مَدري شلونج انتِ متتقارنين بية والي ميشوف زوايا جمالج فَ ليشوفهن بعَد احسن خليني بس انة اشوفهن احسَن
شكتلج انّة؟
انّي اغـارُ ليتَ الناسَ ما خُلقوا
او ليتهُم خُلقوا بِدونِ أجفانَ

ابتسمت بحُب واني اباوعلة شلون يحاجيني، من شافني ابتسمت وسَع ابتسامتـة اكثر

تقرب الية اكثر وحَط اديّ ع الباب من فوگاي وباوعلي بمكُر، دفعتـة بسرعة وحجيت
فَرس
امير مو وقت سوالفك هـاي منتظرينـا ع الغدة بدون شي تاخروا هُمّ

امير
يابَشر انطيني مَجال، والله مشتاقلج
ترة هاي حقوقي شني طالبتني ب طلابة

كال هَيج وهوَ يشدني الـة بقوة من خُصري، حَسيت جسمي انتل ساعتهـا وكهرباء قوية سارت بجسمي وملامحي بسرعة تغيرن

ضحگ ودنگ وجهة يم راسي صفُح
امير
ليمتى مثلاً تضلين بهاي رجفتج كُل ما صرت بقُربـج

فَرس
امير شو معدتي كام توجعني وخر حباب

امير
حبيبتي هاي اعماق الشعور، من شِدة شعورج الرجفة تحولت للوية بـ معدتج

كال هَيج وطُبع بوسة خفيفة على خَدي و وخر
امير
انة اريد اعودج عليَّ بس المُشكلة مُشكلة اهلي جوة خطية منتظرينـا ناكل هسة تلكيهُم

فَرس
عزة والله استحي هسة شيكولون نوب اخذتني من بينهُم

امير
عـادي حبيبي هُمة مو من نوع الي يدخلون بالمشاكِل يعرفون تصيـر مرات فَ يسون روحهُم مشايفين اساسًا، ما يهمهُم شي غَير يشوفونـا متصالحين وهذا يكفي

غسلت وجهي ورتبت وضعي وصاني امير مـا اشيل على أُمة وانُ حجيها ناجِم من عدم معرفة كافية اني هم بطبيعتي مـا احِب هاي السوالف واصلاً مُستحيل احاجيها او اباوعلها بنظرة موزينة

نزلنـا لكيناهُم حاطين الاكل وكاعدين
امير
ها منتظرينة

جبُر
ستوهُم حطوا الاكِل تعالوا بوية

محَد حجـة شي بس اني استحيت من الموقف كعدنـا ع الاكِل مسوين تمن ودجاج ومَدري شنـو

وخـر امير الدجاجة من يمي وهمسلي
امير
لا تكثرين بالاكِل شوية وموصيلج بيتـزا بالخُضار

فَرس
فدوة لليهتم بية

امير
منا اهلي لا تخليني هَسة اشك حلكي بالابتسامة

اتونسـنة بهذا اليوم سوة وتعشينـا يمهُم ورجعنـا، مُضت الايام عـادية جدًا بس دامها وي امير فَ جان يحول كُل لحظة عادية ل لحظة مُبهِرّة

مسرّة مكمنة نشوفها اساسًا لان هيَ تاخذ مرحلة ١ والـ ١ قاعاتهـا فوگ واحنـة جوة، و الحـياة مشت بشكِل لطيف

كملنـا امتحانات وجنت حَيل زينة لان امير لازمني لزمة زَينة حتى ميخليني اتنفس، ومن اكُلة هسة اني شريد قابل الاولة يكلي لا مأيس منج بس عاد شدي حيلج بالكورس الاول لان الكورس ٢ يكون زواجنـا ..

اكتملت الليالي بأبهى صورها، بين هلاهِل النسوان وضحكات الأحبة، بلشنا فعاليات العرس وكأن المكان اتوشّح بالنور.

أيلول مو بس كانت كَ صديقة حاضرة، لا، صارت اليوم عروس ويّاي، وتحملنا فرحتين بقلب واحد.

رُغم جانت مشغولة بنفسها الا هيَ ضلت واكفة وياي مثل عادتها، وجانت كُل ما تشوفني عيونهـا تلمع من السعادة..

مِن بعَد ما كملنـا الحِنة وكملنـا الفعاليات، ما فتحت الموبايل ابَد كلت ابدل واسبح واروح لفراشي واشوفـة

فَ فعلاً عفتهن ب بيت اهل ايلول هنّ منتظرات يجوهن واني رحت لبيتنـا، سبحت وكملت وفتحت موبايلي

اميـر
من ودتلي شمِس صورج ضليت صافن، ومن بعد هالصفنة كتبت، حسيت لازم اكتب، ماكدرت ماكتب واخلي هل جمٰال يضيع بس بحسرات نظراتي ..

يا فرس، يا آيةً من ضياءٍ يقطرُ في عتمةِ العمر، يا زهرةً نبتت في صحراء قلبي العطش، فإذا بي اليوم أراكِ عروسًا، تزفّكِ الألحانُ وتُبارككِ النجوم، وكأنّ السماء نزلت لتشهد عرسكِ.

في هذه الليلة، ليلة الحنّة، ترفرف أرواح الملائكة من حولك، يراقصن جدائلك المزدانة بالحنّاء، وتُوشك القلوب أن تُصفّق قبل الأيدي، فما رأيتُ وجهًا يُشبه البدر إلا وجهك، ولا عطرًا يفوح بأبهى من ابتسامتك.

أنتِ اليومِ قصيدتي التي لم يكتبها شاعرٌ من قبل، أنتِ الموشومة على جدار العمر، أنتِ حكايةٌ لم يعرفها الزمان، ولا وعَتها دفاترُ العشّاق.

كيف أشكرُ الله على هذه اللحظة؟ كيف أصف امتناني أن جمعني بكِ؟ كأنّي أُولدُ من جديد، كأنّ أيامي السابقة لم تكن سوى انتظارٍ لهذه الليلة. ما كنتُ أعلم أنّ السعادة يمكن أن تفيض بي حتى يضيق بها صدري، لكنّكِ علّمتِني أنّ الفرح بحر، وأنّ حضوركِ مركبي وأشرعتي.

اليوم هو أسعد أيّامي، بل هو عمري كلّه، فبكِ بدأت حياتي، وبكِ ستكتمل، وبكِ أرى الغد مُزهِرًا مهما ضاقت الدنيا.

فيا فرسي، لكِ كلّ حنيني، وكلّ امتناني، وكلّ سجودي الذي رفعتُهُ دعاءً أن تكوني نصيبي، ها أنتِ اليوم عروسي، وحلمي، ووطني الذي لا ينتهي ..

احبج هـواي متكدرين توصفين فرحتي بيج، كِل جزء بية رايدج فرحان هـواي لان انتِ راح تكونين شريكة عُمري ..

اباوع وابتسم ودي احضن الرسائل شي شي ع جمالهن، دازلي صورة الـة لابس دشداشة بيضة وعباية سودة ولاف الغترة بطريقة حلوة، ماخذ اكثر من صورة ودازهن الي وكاتب بالاخير
امير
وتكلي انتَ احلى منك، اسف حبيبتي بس من بعد زواجنـا يحتاجلج عملية تصحيح نظر..

ضحكت ع رسائلة وخابرتـة شوية ورد بنُص الهوسة وبنُص النـاس اخذلة زاوية وكعد يمجِد بجمالي ب شتى انواع الغَزل ..

بدة العَّد التنازلي واجـة اليوم ماقبل العُرس، جنت متوترة بهذا اليوم كُليًا، وفرحتي تحولت لخوف ورعُب وحُزن، جنت افكـر شلون راح اطلع من بيتي واهلي مو موجودين وجـان اكو قهّر جبيـر بكلبي تجاه هذا الموضوع وجنت ادري بهذيج اللحظة راح ابجي وماتحمّل ..

لاحظني اميـر انُ اني مجنت زينـة وكعد يحاجيني ويحاول يفرحني، وختمهـا وياي بـ ( محضرلج مُفاجئتين )

فَرس
شنو هنّ

امير
وحدة تجيج باجِر الصُبح، والاخرى بغُرفتنـا

فَرس
شنو هيَ

امير
شي راح يعجبج حيل، هوَ نفس الشي الي واعدتج بي من زمـان
على كُلاً حضري روحج باجِر انة جايج من الصُبح ماخذج لمكان

فَرس
غير الصُبح نصور؟

امير
ايّ نصور هناكَ اخذي بس بدلة العرِس وبدلاتج الي ترديهِن

حاولت اعرُف شنـو مُفاجأتة الي بس ماعرِفت شي، اجـة اليوم الثاني كعدت من الصُبح ع نفس ماكال لا تسويـن ايّ شي كُل شي هنـاكّ وشنو الكُلشي هناكّ مادري وماكدرت احزر

دك هورِن عُرفتـة هوّ جنت لابسة جُبة سودة وشـال اسود وحاطة حُمرة خفيفة بَس

اول ماشافني نزل الجامـة وعيونة ضلت تلاحكني حَدما صعدت اول ماصعدت باسني دَيسلم علية

امير
مرتي، شني هل جَمال، وجهج بي شي صاير

فَرس
ايّيييييييي مغيرة حواجبي شوف سويتهن احلى

امير
حيل لايكتلج شكد ما جنتِ حلوة هسة صايرة اضعاف حلوة، والحلو زايد مايضر غير صاحبة فَ ليش تردين تضريني ياعيني ولو حلاوتج انتِ ما تموتني لو اضل اكلها طول عُمري

حجـة هيج ضحكت بخجَل وكتلة
فَرس
يـا امير شو صاير مدري شلونك

امير
انتِ مجننتني انة شدخلني
المُهم حبيبي محضرلج مُفاجأة راح تحبيهـا اهم شي ماريد شي ياثر عليج اليوم وماريدج تضوجين ابد خوش ؟

فَرس
ان شاء الله اميَر

ضلينـة نمشي بالسيارة فوك الساعة تقريبًا بس ماطلعنـا من اطار الموصل، شوية وطبينـة لمنطقة كُلها غابات

فَرس
احنة وين امير

امير
غابات الموصِل

فَرس
ليش الموصِل بيها غابات؟

امير
والنعم من بت الموصل، بت موصل اصلية انتِ، ايّ حبيبتي طبعًا بيها

فَرس
امير بس هل مكان خَطر انتَ صدُك تحجي دشوف حَتى محد مبي

امير
افة عليج فَرسي، تخافين وانة هنا؟

فَرس
امير تدري الوضع يخوف

لتخافيـن ماكوشي يخوف امشي وياي والباقي علية..

وصلنـة لمكان حَيل حلـو لَطيف والجو شتوي واثار الخَريف موجودة عليّ، واكو نفس الكوخ البسيط الي موجود ع يمين المنطقة

امير
خل نشوف حَسنـاء موجودة

فَرس
هاي يا حَسنـاء

امير
المصورة

فَرس
الله يعني حنصور بهل مكاننننن

امير
احلى شي احبة بيج ذكائج و فهمج السريع

ضحكت من كال هَيج وطبينة للكوخ شويـة واجتِ البنية المصورة و وياهة بنية ثانية انصدمت ب انُ امير متفق وياهن يجن وحدة حتى تصورني وثانية تساعدني بالميكب و التسريحة، طلع امير برة وضلينـا اني وياهة، جنت حيل فرحانة ساعتها انُ حنصور بهل مكان هذا

شعري ما سويتلة شي مُجرد خُصلي الي جانن بمُقدمة شعري عدلت لونهن مرة لُخ، ردت اسوي بعَد بس امير ماحب كلي هيج انزك واحلى

جنت جايبـة ٥ بدلات و بدلتي مـال العرِس هماتين بلشت بـ اول بدلة جانت حَمرة ضيگة من فوگ لحد الرُكبة وبيها خرز ابيض ومن الرُكبة لجوة تور احمر منفوش والرداين ع شكِل تعلاكات منفوشات نازلات، البدلة حَيل حلوة وجاية ع جِسمي فت

البنية كلتلي وي هيج بدلة يوالِم شعر مفتوح بس نسوي ويڤي من جـوة، تشتغُل بدقة ومن كُل وكلبها وبنفس الوقت مستعجلة حتى نكدر نلحك وحَسناء المصورة صارت تساعدني بالميكب

همّ جانن يشتغلن كَ كادر كامل سوية، بالنُص ساعة وكملنـا كُلشي، باوعت لنفسي طلعت حَيل حَيل حلوة ابتسمت وباوعت من الشباك الشفاف اميـر مبدل مادري ويـن ولابس نفس لبس الحنة بالضبُط دشداشة بيضة ولاف غترة وعباية

فتحت الباب عيونة صارت عليَّ
فَرس
عزااا انتَ متاكد محد يجي هنا يعني اكيد اطلع!!!

هَز راسة ب ايّ وهوَ يباوعلي من فوك لجوة وملامح الضحكة تنرسم على وجهة

فَرس
اميـررر بلة اجة واحد صدفة هذا مكان عام!!

امير
هلكد ما عدي غيرة واسويهـا دتعااي تعـاااي

حَسناء
هههههههه تـرة المكان مأمن امنة امير لتخافيـن

تقدمت خطواتي لزمت ايد حَسناء حتى ما اعثر جنت لابسة كعب والفُستان طويل، تقدم الي ولزم ايدي وهوّ يباوعلي بـ اندهاش

امير
تعبت اكلج طالعـة اكثر من كِل مرة، لان بكُل مرة تصدميني اكثر بجمالج الخلاب

ابتسمت الـة وضحكت بحُب
فَرس
هاي شمسوي امير شمسوي، هـاي احلى هَدية بالنسبة الي

باس راسـي ولزم ايدي بهدوء وگال وهوَ يباوع لعيوني
امير
تستحقيـن اشياء احلى واحلى، اريدج بس تنسعدين اريد اشوفج دائمًا مبتسمة وسعَيدة، اما الباقي فَ فِدآج

ضحگت بحُب وتقدمت اكثر عُبرنـا البيت وصرنا بالجهة الثانيـة، باوعت فَرس ابيض موجود كدامنـة وجان ديشرّب مي

شهگت وباوعتلة
فَرس
هـذا الآسِر !! لا اصبُر هذا ابيض الآسِر جوزي

امير بضحكة
مو انتِ تحبيـن الخيول؟ انة جبتلج فَرس هذا هـدية زواجنـا

تقدمت للفرس واني اباوع لجمـالة ومبهورة
فَرس
امير كول والله

سمعت ضحكتة وراي
امير
من اليوم وجاي اذا الله قدرني وخلاني، ما تتمنين ولا تحلمين بشي، تردين ويجرالج يا خُمريتي

حَطيت ايد ع الفَرس بحُب، اخاف من كُل حيوان عدا، اعشق شي اسمة خيول، رجعت باوعت لامير وعيوني جانن اقرب للمدمعات
فَرس
معقول اكو هيج حُب

امير
تعدينـا، هذا عشُق

فتح اديّ حتى يحضني رحتلة بسرعة، حضني بكُل قوتـة وذبيت روحي بحُضنـة

فَرس
احبك امير، انتَ عوضـي عن كُلشي شفتة بحياتي

امير
انتِ الاصل الذي كُنتُ ابحث عنهُ في الطُرقِ الموحِشة، ما عوضني الله بكِ بل منحني الحياة كُلها بوجودكِ، فانتِ بدايتي ونهايتي، وموطني الذي لا أُغادره ..

ماتحملت ونزلت دمعتي ع صَدرة بسرعة وخرني من حُضنـة ومسح دمعتي
امير
بهذا اليوم ماريد بجي ابدًا، اذا بجيتي يعني تكسريلي كلبي وانتِ ترضيلي بهشي ؟

هزيت راسي ب لا

امير
جَد انة مواعد روحي ماخليج ابد تبجين بهل يوم، فَ رجاءً فَرس ساعديني حَتى اكون كد هالوعد
اريد احاول بكل مابية اعوضج عن وجود اهلج، ماريد عيونج يدمعن ولا اريدج تزعلين اساسًا، اريد هاليوم ينترس ورود وفرّح شلون الارض دنكي شوفي

دنكت ع الارض كُلها ورود مقطوفة ابتسمت وباوعتلة بحُب

حَسنـاء
والرَّب اخجل انّي اقاطعكم على قد ما انكم حلوين، بس مابدنا الشمِس تغيب فَ شو رأيكُم نبلش ؟

اندارينـا الها، البنية لطيفة مسيحية معروفة آنذاك بالتصوير عدنة بالموصل، بلشنا ناخذ الصور بـ اكثر من لقطة بحيث كُل لبسة اخذنا بيهـا بال ١٠ صور مختلفات

لبست اللبسة الثانية وامير لبس قاط بس بدون سِترة، واني جنت لابسة فُستان وردي منفوش نفس مال الاميرات بالضبُط وجايبة تـاج ويا، ورفعت شعري لفوگ بطريقة حَيل حلوة

اخذنا الصور وحَسنـاء واحنة انبهرنـا من جمالهن

حَسنـاء
وكانكُم امير واميرة يا جمالكُم والله

اكو صورة ضلينـا لازميها وصافنين على جمالهـا اخذتها النة بواسطة ستاند من فوك واحنـة جنة واكفين ثنينة بمسافات مُتباعِدة وادينة ممدودات ولازمين بـ ادين بعُض ومبينين وكانهُ دنرقُص، الصورة هـاي امير واني تخبلنا على جمـالها وكعدنة ساعات نتأملها

كملنـا كُل الفساتين، طلعنـا ب ٧ الصُبح وبدينا ب ٨ والساعة صـارت بـ ١٢

اتفقنـة انُ ناخُذ استراحة لحد الساعة بـ ١ ونبلش نسوي حَتى فردور يكون للعرِس بس هل مرة اكيد مو بشكِل بسيط نفس باقي البدلات

دزيت الصورة بالذكاء الاصطناعي والنتيجة
هواي اقل من حلاوة الحَقيقة، وامير لابس يلك و البدلة بعد اكثر منفوشة بس خليكُم وياهة ..

المفروض هنـا فُستانها الابيض بس حور بي، بس نتيجة نفس ماهيّ

بدن يسولي كُلشي بـ اتقان وبصورة حَيل حلوة، الميكب جان مُقارب لميكب ايلول بعقِدها، حُمرة حَمـرة ومكياج سموكي بلون ذهبي والكُحل بـارز عيوني ومكبرهن، الميكب جان يجنن بمعنى الكِلمة

اما التسريحة فَ بحكم الطريق لازم نسويهـا مرفوعة فَ سوهـا الي مرفوعة وي تنزيل خُصلي الشُقر للمُقدمة، والباقي كُلة مرفوع حَيل

البدلة مـالتي جانت منفوشة وردان بس من الصَدر مفتوحة، شكلها حَيل نازِك، امير اختاريلها تحت مبدأ شكلج يشبه شكِل الاميرة وهيج شي حلو عليج

كملت والبنات كعدن يمدحن بيـة، باوعت لنفسي وعيوني دمعن للحظة، مداصدك هاي اللحظة دصير ابد

طلعت وحَسناء كدامي تكول لامير سوي نفس الافلام ودير وجهك عمّا تِجي فرس

تقدمت الـة وهوَ داير وجهة صرت ورا فَت، كلبي يرجف وعيوني ماكدر اخفي دموعهُم
دار وجهة وباوعلي، باوعت بـ ايدة مجموعة من الورود ومشدودات بـ غُصن اخضر ضحكت وتقدمنـا لبعُض

مَد ايدة اليمين حَتى تلتقي بـ ايدي ضل يباوعلي وصافُن بوجهي يدقق ب كُل شي موجود بوجهي

شويـة ونُطق من بعَد تنهيدة
امير
قَد خَلَّفتني طَريحًا وهِيَ قائلةٌ
تَأمَّلوا كيفَ فِعلُ الفَرسَ بالاميرُ

ضحكت بخجّل وكتلة بهمس
فَرس
هاي شمسوي اميري

قربني الة بضحكة وحضني وحَط راسة ب رُكبتي
امير
عُطرج الي خلاني طَريح اللهُم انّي اشهد عليج بيوم القيامة انّ ما رويتيني اليوم

فَرس
اميرررررر

ضحك

فَرس
البنات هنـااا وخر

وخر وعدل نفسة وملامح الفرح والضحكة ع وجهة
امير
شوفي
منو احلى البوكي الي اشتريتي لو الي سويتلجيـا

فَرس
ماريدة اريد مالتك انطينيا

بدينا ناخُذ صور وكُل صورة تخلد لحظة مُستحيل تنسى، امير جان ذايب بية واني جنت مُغرمة ب الي سواليا وفرحتي مانطيها لايّ احد، صارت الساعة بـ ٣ استعجلنا حَتى نروح لان ماضل وقت ابد

ساعدني امير حَتى البس البُرگع واني اساسًا بدلتي مستورة ف احتاج بس من فوگ اغطيها، وامير جايب سيارة زَعيم وسيارة زَعيم مُظللة ف ماهتمينـا

رحت للبيت مالكيت احد غير ريڤان وحُسام
ردت انزع البُرگع خزرني امير انُ اخلي ع متوني
نبهني لان جانت فتحة الصدر حَيل جبيـرة مومال كدام حُسام هيجي

اول ماشافنة حُسام طبينـة ابتسم ابتسامة حَنينة
تقدم الي وباسني من راسي وحُضن وجهي وگال

حُسام
يجوز شفتيني قاسي عليج بس ثقي واعتقدي ما قسيت الا بسبب امانة ابوية الي بيج، جنت اخاف عليج واحِسج شي اكثر من نفسي وخفت خفت عليج من هاي دنيا فَ حاولت اطوقج من كُل جهاتج، ماجانت نيتي تجاهج غير انّي اخليج بخير دائمًا

دمعن عيوني ع كلامـة حضني وحضنتة ودموعي نزلن، اجـة امير كدامي وهوَ مبتسم ويكلي شكلت اني
كوة هدئني و مسحت دموعي

ريڤان من ورة خشمها سلمت علية ادري بيها فرحانة اصلاً لان اني جنت مثل الهم ع كلبها، امير كال اني رايح حَتى اجي وي الزفة اطاني قُرآني بيدة وكلي ضلي أُقري بي

صدُك والله كعدت بالاستقبال وضليت اقرا بالقران والتوتر موتني تموت، شويـة وسمعنـا صوت الزفة وهيَ اجتِ، صوت الگفلات وصوت الهوسات اعتلى بـ بابنـا، حُسام راح طلع كالوا طلعت ايلول، كمت جهزِت نفسي درت وجهي اريدلي احد اشكيلة خوفي ورجتفي مالكيت احد داير مدايري حَتى ريڤان راحت لغُرفتها

طبعًا ايلول وعمو وخالة هواي حرمصوا حَتى تكون الطلعة من بيتهُم حَتى امير ما مانَع ابدًا ادري بي مايريد استوحِش

بَس حُسام ابد ماقبل واني هم جنت رافضة كال اطلعي من بيتنـا افضّل

بهذيج الساعة كد ما متوترة احس نفسي ماعرف شكمت اتصرف رحت لريڤان ودكيت الباب طلعتلي لابسة سَيت مـال نوم ومتمكيجة

صُفنت عليها، فززتني بَ نعم ؟

فَرس
مادري بَس خايفة ..

ريڤان
وشكلولج عليّة اني مثلاً شنو ملاذ آمن؟ فَرس حبابة لتزعجيني مالي خُلكج

كالت هيج وسدت الباب بحقارة بوجهي، وكانما ضايجة مني لحد موطبيعي، طول عُمرها تتمنى اتزوج ابن خـالتها الصايع بالسجون الي حَتى بيت ماعندة ماظنت بفد يوم انرزق بشي حلو ابد، وطول فترة التحضيرات تحشي براس حُسام عليَّ حتى الطلعة مال تصوير تكُلة اللهُ اعلم، بس الشي الحلو بالموضوع حُسام هل مرة مادخل وكال الها شسوي خل تسوي

شويـة وطّب عمو حسين ابو امير و امير وجبُر وعمو حّسن وحُسام وياهُم
دموعي ماكدر اخفيهن من وجهي ابدًا، ومن شفت حُسام وشفتهُم دموعي بدت تنزل لا ارادي

صاحني ابو اميـر وباسني من راسي
حسين
اول شي انة ابارك الكُم يبوية اعلى هذا الزواج وان شاء الله منة المال ومنة العيال وتسون احلى عائلة واحنة هنا اليوم بعتبار اهلج ان شاء الله، هاي انتِ احسبي روحج رايحة من بيت ابوج لبيت ابوج وامير رجال وان شاء الله يصونج وما يزعلج بفد يوم بَس لو راد يزعلج فَ ماترحين لاخوج وتشكيلة تجين لية انة وتشكيلي والعبلج بي جولة لو ان شاء الله صار ابنة بطولة

باوعت لامير يباوع لدموعي ب انزعاج، كتلة ان شاء الله وايدي جانت ترجِف، كعد جدة يحجي ويـاي نفس حجي ابو

حُسام ضل يوصيهُم عليَّ بنبرة اول مرة اشوفها موجهة الي، حضنتة حُضن طويل وجان بودي مـا اروح عنّة ابد

وخرني حُسام منة وهوَ يبوسني من جبهتي ويحط ايدي بـ ايد امير

امير
يلة حبيبتي استهدي برحمٰن وخل نسمي بـ اسم الله ونخطي اول خطوة النـة

هزيت براسي ب ايّ انطاني كلينس حتى امسح دموعي لزم ايدة الدافية وحُضن ايدي الثلج وجانت ترجِف وعدلني وطلعنـا

ساعدني حَتى اركب بالسيارة وركُب هوَ

امير
على اعصابي والله، فَرس اترجاج كافي ايدج جاي ترجف احنة شتفقنـة

فَرس
امير مادري مخنوكة لو اهلي موجودين، حَسيت بوحشة جبيرة

امير
انة اهلج حبيبتي انة اهلج
ابوج واخوج وكِل شي الج انة بس ماريدج تبجين

اخذ ايدي وباسها حيل
كعد يهدئني بـ كلامة وطبطب علية بي
صار يمشي بسيارة علكيف والسيارات كُلها ورانة صارت

فَرس
شنو ايلول وعلي طلعوا ؟

امير
ايّ شو طار بيها هههههه يلة هَسة نلتقي

لزم ايدي وباسها وهوَ يشهق وياخذ نفس بصوت عٌالي مني، ابتسمت ع منظرة بدموع وكتلة
فَرس
هاي شدسوي اميررر

امير
داتنفسج بكِل مابية

ضحگت ومد ايدة حَتى يمسح دموعي، فتح الجامـة مالتة كام يوصلنـة هوَى واحس روحي بردت حَيل، نزع سترتة وحطها علية

الجـو بارد والدنيا تقريبًا مُغرب والشارع خـالي، محّد كدامنـا ابد بس ورانـا صوت هورنات الزفة الي مالي الدنيا مّلي

فَرس
امير امشي حيل خلي نكون وي ايلول وعلي هاي ويني صرت زينة

امير
اكيد حبيبي ؟

فَرس
اكيد

بدة يمشي حَيل وهوَ لازم ايدي وشغل أُغنية وضل يغني ويا بهُيام وحُب ويباوعلي

ليلة لو باقي ليلة
بعُمري ابيـه الليلة
واسهر في ليل عيونك
هيَ ليلة عُمر
هيَ ليلة عُمر
احلم احلم بك دايم جنبي
وانا صاحي ونـايم
يلي ايامي بدونك ماهي من العُمر ..

جنت اضحك واباوعلة، كلي صوري اخذت موبايلة وصرت اصور لطالمّا امير يحب يخلد اللحظات الحلوة ويحب التصوير كدي

صـاروا كدامنـا علي و ايلول بس لمسافة بعيدة شوية خابرة زَعيم كلة ارجعوا لورة افسحولنة مجال شوية خلي نصير شكم سيارة بنصكُم وانتوا ونوب سيارات الباقيـة

سوينـا مجَال الهُم وبـ اثناء تقدُم سيـارات لاحظت سيارات سُراج بيها شَمس ويُمة صالحة

فَرس
عزة جايات ؟ ليش مانزلن !

امير
شَمس اجت كوة ع عيون سُراج احنة مانجيب نسوان بالزّفة بس اجتِ وجانت حابة تنزل وامي ضروري وجودها بس الزفة سدت الشارع وماكدرن ينزلن

نزل امير شوية الجامة مالتي ولوحن الي ب اديهن، صـارت سيارة علي كدام حيل وسُراج ويانا موازينة وسيارتنـا وسيارة زَعيم والشيخ وعمامة ووالباقي كلهُم ورانـا

لوحت الهِن وهنّ يضحكن ويُمة صالحة صارت تهلهل بهل اثناء ماحِس الا سُراج صاح

سُراج
هذا شبي علي ليش نزل

باوعنة من بعيد سيارتهُم تقريبًا مترين بعُد عنـة علي نزل من سيارة و وكف واحنة خففنـا سُرعة كُل ظنة شو شصار بسيارتة وبهل لحظة ماحسينة الا ع سـيارة سودة تجي ب اتجاه سيارتهُم وانمدت ايد بيدها سلاح وضربت علي بسررعة

امير
عليييييييييييييييييييي
سُراج وكف سيارتة بسرعة وصوت الهورنـات اعتلى، امير نزل بسـرعة من السيارة واني اباوع ومصدومة وبجسمي سـارت رعشة فضيعة

للحظة نسيت وجود ايلول وصارت انظاري ع علي الي ضل واكف ثواني وسقط ع الارض بـسرعة، صارت عيوني ع ايلول وهيَ تحاول نازلة بـ بدلة عرِسها

بهاي الاثناء السيارات زاحمتنا وكامت تجي من جوانبنا السيارات بسرعة جنونية حَتى يعبرون الهُم

ماشوف الا السيارة رجعت وضربت طلقة، وين وكعت شلون مادري بي الي شفتة ايلول وكعت !!! اي ايلول وكعتتتت !!!!

طاحت ايلول على راسهـا واني اباوع بصدمة، بدت الدموع تنزل مني وجسمي تصنّم
كمت اهمِس بخوف
لا، جذب، اني بحلم، بحلم اني، جذب، لا لا مُستحيل مُستحيل

صرت اباوع لكدام و ماشوف ايّ شي غير ناس صارت محاوطتنة، ماحس الا ع امير اجة وهوَ يركض ويصيح بـ اسم علي

ركب بسيـارة واني صافنة حرف ماحجيت مغمضة عيوني وببالي بَس منظر ايلول وعلي

صعد امير وهوَ بحالة جنونية شهكت بالبجي واحس الرّجفة صارت بكل جسمي
فَرس
امير حباب اني بحلم مووو امير اني بحلم مو

احجي وي امير وامير مايسمعني داس بانزين بسرررعة والناس بدت تتفرق شي يشيل علي شي يشيل ايلول وصعدوهُم بالسيارة بسرعة وماصرت اسمع غير صوت صريخ يُمة صالحة وصوت الناس

امير داس للسيارة بسررررعة وهوَ يمشي ويردد بداخلة عبارات ما مفهومة وبصورة عَصبية

امير
الا انتقم علي، علي ماتموت علي ماتموت

يحجي ويلهث واني ابجي واصيح
فَرس
لكككككك اميررررر حاجينييييي حاجينييييي ماتوااااا احجي ماتوااااا

امير مايرد عليَّ ابد يمشي ومركز بالطريق وعيونة حُمر، سيارات النة متقدمات مبينات لاحكات السيارة، امير صار يمشي بسرعة جنونية وصار كدام كُل السيارات

صرنة نشوف السيارة السودة وهيَ تمشي بسرعة
امير
والله اليوم لو روحي لو روحكم والله لو اني لو انتوااااااا

فَرس
اميررررر اني وياككك اميررررر حاجينييييي

احجي ويـا وابجي واضرب ع كتفة وهوَ كُل جزء بي ميتحرك

صارت سيارة موازيـة النة وصارت تصرخ
صوت غَيث وسَجاد وهُمّ يصرخون

سَجاد
ارجععععععع البت وياكككككك ارجععع

امير ماجان يسمع كلام ايّ احد وبصفة سيارة زَعيم حَديثة حيل وسريعة طار بالسيارة بسرعة جنونية

ماصار يفصلنا غير مسافة قليلة، طَريق صحراوي بعض الشيء مابي غير طريق واحد وبعض التلال ع صفحتنك والصفحة الثانية جسِر لجوة

فَرس
امير اني خايفة والله خايفة الله يخليك ماريد اموت امير

امير
روحي تتقدم قبلج مايصيرلج شي
فتح الجكمجة مال سيارة اباوع ثنين مُسدسات خلة السيـارة تمشي وحدهة وطلع من الجامة وصار يرمي بثنين مُسدسات

صوت سَجاد وغيث تحول من صايح لصريخ حَتى بس امير يتوقف وامير ماتوقف الا خلة السيارة توكف

نزل روحة اباوع الة دموعة صارن بعيونة وعيونة صارن حُمررر

امير
دممممي وي دمة ودمج وي دمي

يحجي هَيج بصورة مجنونة، قطرة دم ماحس ضلت بية واستهلكت كل طاقتي بحيث جسمي ضل يرجف وعيوني تبجي

مال السيـارة بجهة سيارتهم الي وكفت بالعُرض حسيت للحظة وحدة راح ننشمُر لجوة بس هوَ مادري شلون سيطر عليها وكدرنا نعبُر

مشة شوي لكدام، من جهة صرنا احنة ومن جهة غَيث وسُراج وسيارات وهُمة بالنُص

اخذ امير السلاح وراد ينزل لزمتة من ايدة
فَرس
لا امير حباب لا اميررر حباب لااا أترجاك

جنت ابجي واحجي وهوَ يجر بروحة حيل مني اخر شي صاح بوجهي
امير
جاي اكلج عيفينييييييي

صرخ بوجهي صرخة قويـة خلة ونزل وبيدة المُسدسات وجان يركض بكل سرعتة

شبكت وجهي بـ ايدي وصرت ابجي بكُل قوتي
صميت صوت اذاني واني ماريد اسمع ايّ شي
بس فزيت من مكاني واني اسمع
طلقة ثنين ثلاثة، اربعة، خمسة، ستة، سبعة، ثمانية، تسعة، عشرة...

بهاي اللحظة تخيلت امير وهوَ مغطى بدمة ماحسيت بشي الا وعيوني غوشن وماصرت احِس بشي

_

نزل اميـر وهوَ يركض، نزلوا ثنين من سيارة السودة وصاروا يركضون نحو الجسِر، شافوا الي جوة عميق اتجهوا للتلال، بنفس الوقت غَيث و سَجاد نزلوا مُسرعين هُمّ و وياهم زلم هـواي منهُم وبيهُم وراهُم

امير ركض ع السريع وقبل لا يحاولون يصعدون بَس وجه سلاحين ع كُل واحد بيهُم
ضربة ثنين، طاحوا بالارض..

راح الهُم أمير وهوَ بأشدّ حالات الجنون، يطلق النار بسرعة هستيرية وعدد الطلقات يتزايد بشكل مُخيف.

اندفعوا الولد نحوه يحاولون يسيطرون عليَّ، لكن تصرفاتة المتهستِوة ماخلّت أحد يكدر يقرّب عليّ بسهولة.

بين ما يضرُب ويين ما يغلط عليهُم ما انشفى غليلة ابـد إلا والمُسدس يُفضى من طلق تمامًا..

اتقدموا الناس كُلها عليّ وغيث صار يصيح
غَيث
امير انتَ شسويت مو هجي مو هجي

امير
علي، علي وينننننن !!!

سَجاد
ودوهُم للمستشفى حيلي انبهد شنسوي بيهم هسة

- خالي امشي لاخوكم واحنة هنا نتولى امر ذولة

تقدم امير للسيارة واتذكر فَرس ركض بسرعة نحو السيـارة، فتح السيارة وانصدم بوجود فَرس مُغمى عليها، حاول يكعدها حاول يصحصحهـا شوية وصِحت ضلت تكح وبصعوبة تتنفس وعضلات صدرها كلها انشدن
قاس نبضها نبضها ضَعيف وجانت تتنفس بصورة صعبة

امير خاف وكام يسوق بسرعة جنونية ع المُستشفى ..

كُل شخُص بذيج الساعة جان محتـار بشخصّة، وموبس علي وايلول وفَرس جانـوا فاقدين وإنمّا شخُصٌ ثاني ..

حـال وصول اميـر للمُستشفى ذاتهـا الموجود بيها علي لكة الناس كومة، جانوا حاضرين من عشيرتهُم عدد حيل جبير وسيارات الزفة اكثر من ٣٠ سيارة وكُل سيارة بيها اكثر من ٣/٤ اشخاص ..

اول ماشافوا امير بالباب اكو دم مطفر على قميصة الابيض ومنزل فَرس ويركض بيهـا بخوف
انفزعوا وكل ظنهُم فرس هم انصابت

امير جان مغَطي فَرس زين ويركض بيهـا بسرعة طببهـا على اول غُرفة وطبوا الكادر الطبي مُسريعن الها

علي وايلول فوگ وامير وفَرس جـوة
امير صـار بين نارين، بين نار علي الي تسعر بكلبة وبين نار فَرس مايكدر يعوفهـا

طلع الدكتور بسرعة وهوَ يصيح
عدها ربـو ؟؟؟

امير
ايّ ايّ دكتور، تعرضنـا ل اطلاق ناري

الدكتور
متعرضة لحالة صدمة وجسمها ماجاي يستجيب راح اكتبلك ع بخاخ تجيبة من برة بـ اسرع وقت

الناس جانوا واكفيـن يم امير، اخذ الراچيتة واحد من الولد وراح يجيب، اجـو غَيث وسجاد وخلوا وصعدوا بـسرعة حَتى يشوفون حالة علي

امير
الله يخليكم ارد افتهم، شيخ دحام عمي علي شلونها حالتة اريد واحد يطمني احجولي

دحام
بوية كلشي مانعرف دخولهُم ثنينهُم غرفة عمليات، علي لابد ينجي منها ثنين بظهرة الا احجي بمرتـة البنص كلبها

- يا مكرود ياعلي وعلي فلا يستاهل ابد

امير يسمع لحجيهُم ويحس الابواب وكلشي داير مدايرة صار اسود، حسوا بي تچوا حَتى يكعد ع الكرسي

حَط راسة بين ادي وصار يحجي
امير
يارب لُطفك منين اجتنة هل مُصيبة، اخوي ومرتة اريدهُم منك دخيلك يارب لا تفجعني بي ولا تفجعـة بيها

بهل اثنـاء هاي سمع امير صوت صريخ جاي من فوك
امير
يُمة صالحة، ايّ هذا صوت امي
علي لو ايلول !!!!!!
لاااااااا لا تكولوهـااااااااا لاااااااااا

صعَد امير مسرع والباقي كلهم ورا
شافوا ناسهُم متكترين اعلى حِدة، وصالحة كاعدة بالكاع وتدك وتلطم و ولدهـا وزَعيم وغيث وسَجاد داير مدايرهـا لازميهـا

بالهوسة والازدحام بالمستشفى، كل واحد يركض وعيونه تدور بين الوجوه، الأخبار تتناثر مثل النار بالهشيم: علي انضرب، إيلول وكعت، فرس وكعت وبتهُم الاخرى طاحت

شيخ جبر جان واكِل بوسط القاعة، ملامحه تاهت بين الصدمة والحزن، إيديه ترتجف، وصوته يبح وهو يكرر
شيخ جبر
مصيييبة... مصيبة وطاحت اعلى راسنة... يا الله شجاب هالنكبة بليلة الفرح دخيلكككك ربي دخيلككك نجينـاااااااا

وجهه شاحب، كأنه كبر عشر سنين بساعة وحدة، كام يخطو خطوات ثقيلة، كل خطوة بيها وجع، يحاول يسند نفسه على زّعيم الي اجا.

أما سَجاد، أخو علي، فكان مضروب بالصاعقة. عيونج محمرّة، وصوته يتكسر وهو يضم صرخاتة بكلبج

ضرب إيده بالحايط، دم سال من أصابعه وما حس بيه، بس عيونة متعلكة لغرفة العمليات الكدامهم، كأنه ينتظر معجزة تنزل من السما.

غَيث، اللي عمره ما نزلت دمعة من عيونة حتى لو على موقِف صعُب، جان يعض شفته السفلى وهو يراقب المشهد بصمت..

تقدم امير بسرعة البرق وصـار كدامهُم

امير
شكووووووو مني المات منييييييييي

زَعيم
الدكتور كال(عن لسان الدكتور )
الطلقة دخلت نص الصدر ووصلت لمجرى قلبي صدرها، عدها نزف داخلي وتامبوناد محتمل. فريق العمليات يشتغل هسه لكن الوضع مهدد للحياة، وفرصة نجاتها قليلة، التنفس بطيء ونسبة النجاة ٥٪؜
وكال لامي كل ظنها انُ هيَ امها حضري نفسج لكلشي

غمض عيونـة امير بـ الم، يفكر ب ايلول لو يفكر ب علي لو صار ل ايلول شي لو يفكر ب فرس الي راح تنهـار لو درت بالجاي يصير ؟

امير بصعوبة
وعلي ؟

زَعيم
ماطلع الدكتور ..

حاولوا يهدأون صالحـة الي جانت منهارة بس جانت محاولات دون جِدوى، اما سُراج وشّمس ف كانوا مختفين تمامًا ..

الزلم حاوطوا إخوتهم، الكل بحالة ذهول، أصوات بكاء، نحيب صالحة المحد كادر يسيطر عليّ ، وزلم ينادون بعضهم بصوت مبحوح.
المستشفى انقلبت ساحة حرب بين الرجاء واليأس... بين دمعة تنزل وصرخة تروح للسماء
والعرس انگلب لمأتم ..

اجوا اهل ايلول وجانوا مذهولين بـ الي صَار، مُباشرتًا استلم ابو ايلول انُ العصابة هيَ الي سوت هـذا الشي محد جان يدري شنو يحجي ومن طب وشاف حالة ايلول وتنفسها الي يُكاد ينعدم طلع وهو متهستر ويصيح بين الكُل و يذب اللوم على علي ويحجي بكل حرگة گلب
ابو ايلول
كتلة ماتكدررررر ماتكدرررر يكتلوهااااا يكتلوهااااا كلي لاااا كتلها باباا روحي وياي بابااا عصابة ذولة باباااا اطلعي وماقبلت كلتلي بابا دام ويا ميصيرلي شي شنوووو نتيجتهـا تاليتها شنوووووو !
كلة من ورااااا كلة من ورااااا ابنكم بتي راح تموتتتت من ورا من ورااا

امير بصايح
شني هوَ الي من ورا ابنكم شنوووووَ !!! ابنة الجاي تحجي عنة بين الحياة والموت لسة مانعرف شني مصيرة وانتَ تحجي عليّ !!!! حط الله بين عيونك عمي حط الله بين عيونك احنة كلنة مفجعوين كلنة
علي ماقصر ماقصررررر وياك شيسويلك بعَد تصاوب بيدة علمودها ومرة خاطر بروحة اعلمودها ولو نرجع للصدك فَ انتَ العرضت علي لكل ذني وعلي بكل مرة جان يحاول يحميهـاااااا
انة الكتلتهُم كتلتهُم اخذت حگهُم ونـاري ماطفتتتت ماطفتتتتتت بس ماجي واكلك بسببكك حط الله بين عيونك !!!!!

امير يصيح على ابو ايلول واعصابه منهـارة والكِل صافن مايدري ب ايّ حدث صاير، بعدة امير ما مكمل اتسارعت الشُرطة حتى تطوق كُل المكان بسرعة جنونية

- منو الي ضرب الطلق بهذي الطريقة المجنونة

سَجاد
انة، انة الضربتهُم لانهُم كتلو اخوي ومرتـة بليلة عرسهُم

غَيث
سَجاااااد، انة الضربتهم مووو هُمة

اندار عليهُم امير بعصبية
انتم شجاااااي تحجون

اتقرب غّيث وحجة يمهُم
غَيث
مرتك تحتاجك امير، وعلي يحتاجك سَجاد كلبك ماراح يرتاح

امير بانتفاضة
لاااا لاااا ديربالككك مُستحيل

امير من دون شي يخاف على غَيث من بعد مرضتة من اقل تعصبية او اقل موقف مُحزن وجان من المُستحيل يعرضة لهيج موقف خوفًا خاف شفائة جان غير تام

امير
المُسدس ..... انة ضربتهم ٥ بواحد و ٥ بالثاني

-
اخذوا يلة

حَسن
بويـة كولوا يالله مرتة واخية و مرت اخية حالتهم خُطرة وبين الحياة والموت خل بس يعديها عا..

زَعيم
عمي لا تحرمِص خل ياخذوا وهسة انة اروح اسوي الاجراءات

-
وانتم منو بلـة وتطلعوا ؟ هاي الطريقة وحشي عليها سجن ممدة زينـة كلبجوا لهل حيوان بسرعة وماريد لغوة زايدة

اشر على اميـر وهوَ يكول الحيوان ورجع اندار عليهُم وكال لغوة زايدة، هذا الي جنن جنون غَيث و سَجاد و زَعيم

شي على نـار حرگة الجاي يصير وشي ع الحجا صـارت بينهُم، العميد الي جان واكف امر بـ اعتقالهم اربعتهُم فورًا

زَعيم بصايح
جددددي لا تحجي ابددددد

جبُر
هجي مستويات مو مال احجي وياها يبوية انة اكبر منهم بس اريد اكلة تفففف اعلى الحطلك رتبة بجتفك وانتَ اخلاقك ما معدلهن

-
ها يولو تريد اشحتك ويـاهم ؟

كال هَجي وبعدة ما مكمل زَعيم ركعة بـ بوكس وامير ركعة على وجهة
سَجاد دفرة بقوة وغَيث ضربة على راسة والشرطة والناس صارت تحاول تفاكك بينهُم وللحظة وحدة الدنيـا كامت وكعدت بالمُستشفى

زَعيم
لككك حيواننننن مو انتَ التحط كلبجات بيدي اشك حلكك يا ساقط

سَجاد
وعلي حليب امك اطلعة منك بس تتگرب صوبنـا

غَيث
تريدها بالدمممم احنة حاضرين، ايدك ما تمدها اعلينا الا بحال ضربتنا بمُسدسك الجاي تهدد بيك

سَجاد
وخرواااا وخروا من جوة رجلية، طولة ١٥٠ وحاطي ضابط اطا ١٦٠ شيحطوك ع الحدود

دحام
امشوا، امشوا اطلع منانة وجاي تهدد جنة ما تعرف هذولة مني الايد التنمد اعليهُم تنكسررر

جبُر
امشي ولي من يمنـا هيَ عاررر وهُمّ جايين وسابقيك مو انتَ التاخذهم، ماعاش ولا جان ولا صار اليذل ولدك يجبُر وعلي اوديك ورة الشمِس بس تحاول ولو مُجرد محاولة تتعدى اعلينـا

من شافوا الناس كلهة كبت اعليهُم بال ٨٠ رجال موجودين وكلهم ثكبوا اعليهُم خلوا وراحوا وهُمّ يتوعدون، شيخ جبُر صار عصبي حيل وكال لزَعيم كلكم ترحون هسة وتقيمولنا دعوة عليّ وتحلون الموضوع

كالة زَعيم خل يضل واحد تحتاجون شي كذا بس هوَ رفض رفض قاطع وكالة اريدك تروح تسحليا وتجي، راحـوا الولد كلهُم لمخفر الشرطة اتواصلوا وي اصدقاء بالطَريق ومن احد لاحد امنوا كِلشي بطريقهم

فاتوا للمركز وحجوا كِلشي صار بالحرّف الواحد وبهل اثنـاء اجة عقيد ومُلازم اول وشكم ضابُط اصدقاء علي دعمًا الهُم، اجة الصبط نفسة ورجعت الاشتباكات صـارت

الطرفين رفعوا دعوة على بعُض والثنين طلعوا ب وكالة بنفس اللحظة، زَعيم جان يتوعد الة ويهددة ب انُ يگاومة قانونيًا وعشائريًا من بعد السالفة ..

الضباط حجوا وي زَعيم انُ وجود امير شي رسمي وما يُمكِن لاحد يدبر الامور ولازم يضل بالسجِن

حاولوا انُ سَجاد يضل بمكانة بس مجانت تصير لان الاقوال جانت مُثبتة على اميـر، اضطر امير يكون بالسجن لهاي الليلة وجان يوصيهُم ب انهُم يطمنوا عليهُم

كُلشي انقلب بين لحظة وثانية، من لحظات فرح للحظات حزِن وخوف وكُل دقيقة جانت تمُر جانت اكثر خوف من الي قبِلها

خبروهُم الاطباء انُ علي حالتة زينـة بس بما انُ الضربات ثنينهن بضهرة فَ عندة صعوبة بي بدون خّلل جبير او مُشكلة ما اما حالة ايلول فَ كانت تحت الخَطر وفَرس جـانت موجودة هيَ وشَمس جوة وتبجي عَ الصار كُلة وماتكدر تصعد لان ناس هواي موجودة

الساعـة ١٠ ليلاً ..

علي كان مسدوح على السرير، صوت أنينة مبين ضعيف ونفَسه متقطع، وأهله دايرين حوله بوجوه يملأها القلق والدموع. الغرفة ساكنة إلا من أصوات أجهزة التنفس وصفير المونيتور و أنين علي الماعرفوا شنو..

فجأة، وبلا أي إنذار... انفتحت عيون علي بقوة، كأنه رجع للحياة من تحت الرماد. شهق نفس عالي ونهض بسرعة وهو يتأوّه من شدّة الألم ومن الطَفرة الي طفرها بسرعة، ايده ارتفعت لغريزة مكان الجرح بظهره، لكن ما اهتم، رما فكر بالوجع.

الكل كام من مكانة والولد سندوا بعد ما سند روحة ع الجرباية بـ ألم
علي
اااااااخ اخخخخخ

صالحة
يُمة سودة بوجهي ي يُمة سودة علية

زَعيم
علاوي ليش هجي كمت علكيفك

سَجاد
ارجع نام علي ارجع نام

علي بصعوبة نطق وبألم وملامح مُتشنجة
ايلول وين ايلول شصارلها، سمعت صوت طلق ثاني ايلولللللل وينهاااااا

صاح بصوت عالي و وي صيحتة تالم اكثررر

علي
اخ يا عليييي دخيلك ظهري، شهل الم شهل الممممم اخذوني ل ايلول سَجااااااد تعال اسندني

جبُر
جَدي وين تروح اكعد ولك حال ضيم ياحالك

علي
لك سَجاد تقدم

سَجاد
ماراح يرتاح خلوا يروحلها عوفوا

سِندة سَجاد من جهة ومنة جهتة الثاني غَيث وزَعيم وراهم، طلعوا من الغرفة وكال بصعوبة تنفُس

علي
بس كلولي شصارلها شصارلها

سَجاد
لا تخاف طلقة وحدة ما تاذت هواي ما تاذت

علي
ااااااااااااااخ ليششششششششش ليشششششش كلة من وراي كلة من وراي وينهـاااااااا

جان يحجي وهوَ يعصر بروحة عصر من الالم ويصيح بصوت عـالي
دكوا الباب الولد ع غُرفة ايلول، انفتح الباب ابو ايلول

علي
وينهـا ايلول عمي وينهـاااا

ابو ايلول
وينها ايلول وينهااااااا ايلول راح تموتتتت راح تموتتتت بسببك ايلول بين الحياة والموت بين الحياة والموت امشي امشي ولا تراوينـا خلقتك بعَد امشي

سد الباب بوجهُم بقـوة وعصبية
علي
شني راح تموت هذا شجاااااي يمسلتتتت

سَجاد
علي مو وكتها

زَعيم
خوية بس اهدئ تعال شوية

علي
وخروا عني شني ايلول تموت شني
دفع الباب بـ اديّ بقوووة انفتح الباب وعيونة صارت على ايلول الي الاجهزة محاوطة جسمهـا من كل مكان وجهاز الاوكسجين مشكل الهـا

اتقدم علي تِجاهة وهوَ ينطق بـ اسمها
وفجأة صار ابو ايلول كدامة ولزمة من ياختة

ابو ايلول
انتَ جنك ماتفتهم جاااااي اكلككككك اطلع

سَجاد
وانتَ ليش لازمة هجيييييي

غَيث
وخر ايدك منة

زَعيم
عمي ابو ايلول شني سالفة

باوع علي لايد ابو ايلول وباوع لعيونـة بمنظر هادئ بس ببراكين داخلية

علي
ايدك وخرهـاااااااااا

اجـة محمَد وعز الدين وهُمّ يحاولون يوخرون ابو ايلول من علي

ابو ايلول
بسببة بسببة بتي هنا كتلة اخذها كتلة اخذهاااا ماقبل

علي
جاااااااااااااااي اكلككككككك وخرررررر ايددددك عني

كال هَجي وهوَ يدفعة بكل قوتـة بحيث حتى سَجاد وغيث الجانوا لازمي وخروا من الدفعة
نام على ابو ايلول بـسرعة ولزمة من ياختة وصار ما يحاجي صار يزأر وكانه اسد مجروح

علي
اذا اكو احد مشارك بالجريمة وبسببة ايلول نامت بالفراش هوَ انتَ، انتَ السبب بكلشي موووو انة انتَ وديربالك ديربالك تمنعني منهـا لان بساعتها راح تتندم، سمعتتتت راح تتندم
يُتبععععع... توقعاتكُم للاحداث الجـاية ؟

______________

شَمس

مالحكت اصيـح ب اول صيحتي والگهوة توگع مني بسرعة الا واني اشوف سُراج كدامي لازم جنطة وبمتنة جنطة

ذب جنطتـة بـسرعة واجاني ع السريع حَط ايدة على حلگي حَتى يقاطع صرخاتي الصغيرة

هَدفة جـان يغطي فهمي، بس مادري شلون ايدة صـارت مغطية مُعظم وجهي

عيونـة التقوا سوية، مادري ليش بس صُفنت بعيونة،؟اول مَرة اصفُن بعيونة هيج ، ماتوقعتهِن من قُرب هلكد زُرق، زُرق لحد الابحار بيهن .

قاطع صفُنتي كلامـة وهوَ يكول
سُراج
اول مـرة انتبه لعيونـج، اجود عَسل شفتة بحياتي والدليل لونة ..

يحجي ويباوعلي بنـظرات اعجاب جِبيرة اشرتلة ع ايدة حَتى يوخرهة وخرهة واخذ مسافة شوي لورة

شَمس
ااا شنو شنو

اريد اعرُف احجي احس بعَد ماعرف الكلام ماجمع وياي ضحك بصوت ناصي وهوَ يباوعلي

سُراج
سويتلج مُفاجأة شنو رأيج بيهـا

ياربي كضيتها ٣ اشهُر ٢٤ ساعة نحجي سوة ومن قبلها دوم هوَ كدامي هسة شصارلي !
عضيت بشفتي من التوتر،وادية صارن ورة ع يدة الكاونتر

شَمس
اااام شنو ردت اكول هااااا اني بدون حجاب

كلت هَيج بلحظة ادراك ونزيت وبـسرررعة طُفرت
ماحسيت الا ايدي انلزمت بلُطف وبحركة سريـعة تقدم صار كدامي وضل واكف

سُراج
تـرة احنة عاقدين، يعني اذا تجيهـا من باب الدين فَ حلال و
حك ارنبـة خشمة وكمل
و تعتبريـن مَرتي هَم

هوَ يحجي واني مثولّة على كلامـة
شَمس
مرة منو انتَ شدتحجي سُراج شو وخر

سُراج
ها ماصارلج شوية تضحكين وياي بس صرت بوجهج كمتي تتعاركين

شَمس
لا مو صدمتني

سُراج
هـاج ساعديني خَل اصعِد الغراض

اخذت جنطتة أُم المتِن وجاب جُنطة ثنين ذني الينسحلّن

سُراج
بس بلا زَحمة مدام شمِس اريد اصعدهن

شَمس
هسة شنو ماعندك اديـن

سُراج
دخيلك ربي هوَ ديه نفسوا ديه ؟
يحجي وياشر ع الموبايل وعليَّ

استحيت ومشيت كدامـة للدرج، يُمة ونبي ماكدر اتحكم ب اعصابي كدامة، لسة اشوفة بنظرة مُستفزة رُغم هوَ ماكو احلى بعيوني غيرة بالموبايل، بَس احس ماكدر اتحملة بالواقع مَدري ما متعودة مادري ..

صعدت كدامـة ب بُطئ لان جنطة ثگيلة
سُراج
يا عليي ديلة ولج اصعدي خل اصعد جنطتين بيدي وجنطة ما دبرتيها ؟

شَمس
ايييّ شسوي هيَ ثگيلة شحاط بيها

سُراج
هدايا الـكُم

طبيت لغُرفتـة حَطيت الجنطة ع الاريكة الي بصالة ردت اطلع شفتة سُفط الجنط ع صفح وسد الباب

شَمس
بس اريد اطلع

سُراج
بالبداية ماتردين تشوفين هداياج؟

شَمس
اااا لا يجي واحد اريد اطلع

سُراج
واذا اجـة بابا استوعبي احنة عاقدين، اصلاً اذا اجو يكيفون

شَمس
اهووو سُرااج لتصيـر لئيم

سُراج
تؤ دتعاي خل اراويج هداياج
اخذ بـ ايدي وكعد ع الاريكة الموجودة
الجنطة جانت فاصلة بينة

وخرها وشُمرها لورة
سُراج
هاي بَس ملابسي وهذني الجنطتين الكم،
دنى الجنة الاولى يمنـة واجة
هاي الجنطة اغلبهـا الج

حطها ع الطبلة وفتحهـا باوعت بيهـا اشكـال و الوان
سُراج
كِل شي مُختار بعناية وبذوقج طبعًا
ترحين للغرفة وتشوفيهن تمام

باوعتلة وبلعت ريگي وهزيت راسي بَ ايّ

سُراج
شبي لسانج انبلع شمِس ويـن صوتج اليلعلع عليّ تلعلع

باوعتلة ب انزعاج وكتلة
شَمس
اوه سُراج ما متعودة احاجيك بلطُف متعودة نتعارك بس فيس تو فيس ( وجه لِوجه )

ضحگ بخُفة وباوعلي
سُراج
ايّ عـادي راح تتعودين منـا وجاي عليَّ
احجيلي شكو ماكو

كمت وكفت وكتلة ب انفعال
شَمس
هوَ شنو شكو ماكو تريدني اكعُد وياك يعني واكُلك شكو مكو؟ اني حروح تُصبح ع خيـر

طلعت من الغُرفة بسرعة من ردت اسد الباب انداريت عليّ باوعتلة مبتسم عليَّ، بادلتة بـ ابتسامة طَفيفة

سُراج
تاخذين جنطتج لو اخذهة اني ؟

شَمس
ثگيلة والله سُراج ماكدر اتعب

سُراج
طبعًا انتبهت من اجيت لسة انُ طاقة الدلع صايرة يمج ازيد وازيد، وصايرة تتمطينين هواي بالكلام لجري جر بابا احجي عدل مثلنـة عايشة ويّ ولد انتِ مايصير

يحجي وهوَ كام من مكانة وشال الجنطة

سكتت ماكلت شي ومشيت للغرفة وهوَ وراي
سُراج
ترة بيها جروخ يعني تكدرين تمشيها

شَمس
اهو ذليتني تـرة

سُراج
ماعاش اليذلج والله تدللين شمسي

شَمس
بطل تكول شمسي اسمي شَمس

سُراج
اكول الي يعجبني محد الة حق يحاسبني تـرة واذا عندج غير هالكلام اوكفي كدامي وعارضيني

كال هَيج وهوَ يصيـر بنفس مستواي ويباوعلي بمكُر، ردت احجي بس نظراتة وطولة خوفني فَ دنكت وسكتت

سُراج
حاضر، بالخدمة ست شَمس تحبين اطببها لجوة؟

شَمس
لا شُكرًا اني اطببها ماريد منيتك وتكول شلتلجياهة

كلت هَيج وباوعت هوَ صارت بوجهة ضحكة واني ضحكت

سُراج
الحمدلله حتى انتِ ما مقتنعة بكلامج
بكِل الاحوال تُصبحين ع خير، شَمسي ..
كال هَيج وهوَ يركِز على شَمسي

حسيت گلبي للحظة ارتعد ومدري شصارلي، طببت الجنطة للصالة ورحت للغرفة بسرعة، نمت ع الجُرباية واني افكر بي

اجة ب بالي من صار كدامي وعيونـة مُقابلة لعيوني وجسمة طاخ بجسمي، وللحظة اتذكرت من كال شَمسي

مادري ليش بس سارت بجسمي فرحة غَريبة وكمت اتكلب بفراشي بفرح

شَمس
ياااااه شَمس اصحييييي شبيج

كمت من مكاني واني اضحك رحِت للجنطة فتحتهٰا وبديت انصدم، جايبلي شكو شي اني اريدة واستخدمة وبطريقة ذَكية

مرات جان يسئلني تفضلين كفر للايباد اسود او وردي ؟
قياس رجلج شكد ناعم لو لا ؟
بس ذكريني شكتيلي انتِ لونج المُفضل اسود لو منو؟
تحبين الككو لو المكسرات؟

من جان يسئلني بنُص المواضيع ويربط الموضوع زَين، بحيث ولا تخيلت انُ مُمكِن يكون جايبلي شكو شي اني اريدة

جايبلي وِشاح يصيـر لونة نيلي وقماشتة حيل حيل حلوة كمت لبستة واحِس أُغرمِت بي ع كد ماجان حلو

رجعت اشوف الي بالجنطة عُطر نسائي عُطرة فَضيععع هـادئ ولطيف بشكِل موطبيعي، لكيت اكو علبة حَمرة مُستطيلة فتحتهـا قلم جـاف منحوت عليّ الصيدلاينة شَمس ابتسمت عليّ وكملت اشوف مراية صغيـرة بناتية و دفتر مال نوتات و ويـا قلم كيوت يدري بية احب هيج اشياء وعلبة بيهـا اكسسوارات ناعمة وحلوة فُضية وجُكليت كُلش طيب وعلاكة بيها جوز ولوز وجايبلي ٥ ربطات بـ الواني الي احبهُم قصيرات كُلش حلوات وكفر ايباد و موبايل ومـداليا حلوة بيها حَرف s

فرحت حيل بالشغلات الي جان جايبهن الي، سديت الجُنطة ورحت حَتى انام فتحت الموبايل لكيتة كاتبلي
سُراج
عجبنج؟

شَمس
حيل

سُراج
تتهنين بيهِن، انة حَيل تعبان شمِس ارد انـام بس اريد اكِلج قبلها حاولي تتعودين على وجودي وتعتبريني نفس ما انُ احنة سوية بالموبايل لُطفًا وليسَ امرًا

شَمس
ان شاء الله

جاوبتة هَيج وصبح عليَّ وراح، نمت بهذي الليلة وكعدت لليوم الثاني الساعـة ب ١٠

الدنيـا باردة حَيل واحس جسمي يطكطك من البرد، يعني لر ما فشلة حتى وجهي ماغسلة

لبست روب شتوي فوك ملابسي مال النوم ولبست شالي ونزلت
لكيتهُم كلهُم كاعدين وسُراج كاعد يم جدو وبيبي بالنُص باوعتلة بمكُر لان ماخذ مكاني

شَمس
صباح الخير

الكُل
صباح النور

سَجاد
هاي شطالعة جنج سعدية ام الروبة

شَمس
اهو سَجاد مالي خلكك

سَجاد
والله هذا سؤال يراودني شبينة احنة بيت جبُر من نكعد من النوم منتحاجة نوب نسوان ولزم

سّجاد يحجي واني اباوع لسُراج وهوَ يباوعلي

جبُر
جدي كوم عنها كل هنظرات وماحسيت مچينها هذا

سُراج
تدني يُمة

تدنت بيبي ادنى يمهـا وسوالي مكان بينة وبين جدو كعدت بي

سَجاد
الحمدلله الي ب بالي مايكعد مطنكر

زَعيم
ماتسكت انت والبالك شوية عـاد

سَجاد
اهو غار شيخ البو جبُر

ضحگ زَعيم بخُفة ومسح ع لحيتة
سَجاد
شوفوا اسكتكم انة اسكتكم اعرف نقاط ضعفكم

سُراج
هسة بدال اللغث الزايد روح اركُض جيبلي الجنطة الي بغرفتي خل اطيكم صوغاتكُم

سّجاد
ها اذا بيها استفادة لية اكوم مابيها ماكوم ولهجي ولعيون جدي جبُر وامي صويلحة راح اكومن

ضحكت عليّ شلون يحجي وباوعتلة
راح هوَ درت وجهي لجدو وكتلة
شَمس
اكثر لهجة احبها لهجة سَجاد حيل حلوة

جبُر
ايّ جدي مو تربة بالشوارع اكثر مِمّا عدنة ف كلامة صار كِلة هجي هاي هوَ واخو علي عدج

يحجي جدو وياشر على علي

علي
ها شبي علي

جبُر
جاي نسبك

علي
محشوم من الغلط جدي انتَ ماتغلط اعلى الاكبار والاجاويد

جبُر
هاج موكتلج

ضحكت وباوعتلة
شَمس
والله ماجنة نكول عنك شي جنت اكول احب لهجة علي وسَجاد اكثر شي صحيح الكُل لهجتة جنوبية بس انتوا عدكم نكهة خاصة

مسح بشواربة وعدل كعدتة
علي
رّحم الله والديج بعد اخوج

كال هجي بنبرة تضحك ضحكت ع الخفيف انتبهت سُراج حاط موبايلة ع المسافة القليلة الي بيناتنة وكاتب
سُراج
كافي شبيج ما شبعتي تمضحِك؟

باوعتلة وقلبت بعيوني وكتبتلة بموبايلي
وانتَ شعليك؟؟؟

رجع كتبلي
سُراج
مو هسة محد يخلصج مني تـرة شني انة شعلية، كال شني كال احب لهجة سَجاد وعلي شوية ستجني

شَمس
وانتَ شنو تغـار ؟

سُراج
تذكري شكتلج قبل سَفري اخر شَي
صُفنت للحظة عليّ وذكرت
اغـار من كل احد يدنالچ

قاطع افكاري سَجاد وهوَ ينزل حط الجنطة كدام سُراج وتربع وكعد بالكاع، صار سُراج يوزع الهدايا للكُل جايب حَتى لروان ومروان و لفرس ولايلول وللجَميع بدون استثناء

جبُر
جا وشميسة ولك ؟ بس لا ناسيها اطيح حظك والله

سُراج
لا، شَمس امس بليل اطيتهـا هديتها

سَجاد
هااااااااااااااااا اهنانة الحجي

من گال هَيج سُراج ضحك بخُفة وسكتت وكانما دياكد كلام سَجاد
شَمس
ااا مو جنت كاعدة وشفتة

جبُر
ايّ وشجابلج عاد شي بي خير لالة

من كالي جَدي هيج ضليت محتارة شنو اجاوب

سُراج
ماجبتلها هَدية جبتلها هدايا، كِلشي تريدة وتحبة جبتلهيا، جنطة كاملة الها..

من گال هَيج گام سَجاد من مكانـة وشال دشداشتة الي جان لابسها وصاح وهوَ يحرك بـ اديّ

سَجاد
افلح من صلى على مُحمَد وآلِ مُحمدددددددددد

الكُل بضحك
اللهُم صلِ على مُحمَد وآلِ مُحمَد

سَجاد
ثانيًا يرحمكُم الله

الكُل
اللهُم صلِ على مُحمَد وآلِ مُحمَد

سَجاد
بمُناسبة قضاء الحوائِج وتيسير الامور وفك المشاكِل في هذا البيت المُبارك وبمُناسبة الصلح بين سُراج وشَمس ولان الصلاة على مُحمد تُذكر في كُلِ حين صلوا عليه

الكُل
اللهُم صلِ على مُحمَد وآلِ مُحمَد

اباوع لسُراج يباوعلة ويضحگ مو شلون ماجان ابتسامة عَريضة، حطيت ايدي ع وجهي بخجّل واضحك ع كلامة واحس الخجل موتني تموت

سَجاد
والله العظيم هذا ثاني خبر حلو اسمعة بحياتي، الاول خلوا بعدين وثاني هذا ايّ عمييييي مللوتنا واحدكم طولة ميت نعـال

سُراج
ولككك احترم اخوك الاكبر منك شني بحلك انة

سَجاد
يا اكبر مني الله يخليك، هوَ انتوا غير تصير بينكم للنعل عركم مال ثنين مُراهقين مو مال اكبر مني
والله حتى طعم الراحة فقدتة من ورة عركاتكم وصرتوا من تكعدون سوية اضل اتنوع لهذا وارد لهذا حتى ركبتي انكسرت و واحد مباوي للثاني

هـا صويلحة الحية والبطنِج تراهموا شو

اندار سُراج لبيبي وهوَ يكول الها
سُراج
منا وجاي راح تسمينـا دبس وراشي ماكو حية وبطنج

صالحة
يا صلاتك يمحمَد والله يعمي اذا هجي ما تنلام يسَجاد من تصلي على النبي

جبُر
عمي احنة شنريد منكم اكثر من هجي هوَ هذا النريدة منكم ابني عم وبت عمك انتَ حباب وهيَ حبابة

سَجاد
شني جدي شو احسك جاي تحجي وي ملوكة وعلاوي

سُراج
راح اكوملك

جبُر
بس ينكز ينكز، بوية حطهـا بعيونك بت عمك تستاهل تـرة

سُراج
ان شاء الله جَدي اذا ما كفتها عيني احطها على راسي

حجة هَيج وهوَ يباوعلي ويبتسم، ماكدرت مابتسم ع حجايتة ابتسمت بهدوء وسكتت

جبُر
بارك الله بيج هاي الزلم الحوك عفية بعَد ابوك عفية

حَسيت البوخة والحـرارة بدت تطلع من راسي جنت متوترة بشكِل واحسهم يباوعلي وكإنّي عروسة

اخذتلي شوية وخليت وكمت بـسرعة، خليت وصعدت بحجـة ابدل اول ما طبيت للغُرفة سديت الباب وحطيت ايدي ع كلبي الي يدك حَيل

شَمس
ياربي شجـاي يصيرلي وليش هيج كلبي دكاتة اتخربطوا، وحَيل حَيل مو شلون ماجان ..

صرت افكر بكـلامة الي وشلون يكول اذا ماكفتها العين احطها ع الراس لا وكدام الكُل هماتين وكانهُ هوَ متعمد يعلن صُلحنا

ضليت بغُرفتي ووحاطة اصبعي ع شفتي ومبتسمة وافكر بي هّل ياترى معقـولة راح يكون اكو حُب من ورة هل سوالف او مُستحيل ؟

بس اني الي صار كلت عليّ مُستحيل وصار، يعني اني هم بيوم من الايام تخيلت سُراج يسوي هيج يمهُم؟ حتى تخيُل ماتخيلتة

مَادري بس هوَ ماعتقد يتخطى زينب ابد
صُفنت واجتني لحظة ادراك ياترى هوَ لابس الحلقة او لا؟

اتحمست حتى اشوفة ايّ لولا، لبست دشداشة جوزي شتوية ولبست شـالي وحفايات ونزلت جوة

لكيت الولد مسويـن حزِب والنسوان حزِب وجدو وزَعيم و عمامي كاعدين سوية

اول ماشوفني شلة الولد رفعوا راسهُم الي
سَجاد
والله انة الكلتة عاد واضح ما ابطل الا لمن يصير شي رسمي مو تضحك اعليَّ انتَ اعزة لبو فلاح انة واحب اداهر ويـا

سُراج
ولك سَجاد شكتلك انة ليش تجلطني

سَجاد
ها الصلفة وين الفاهية مالتي

غَيث وهوَ يكفخ سَجاد
غَيث
السانك ضُبة لا هسة تعرف شوكلك

سَجاد
عمي انتوا والله مُعقدين متفيدوني انة اريدن ناس طربگجية يطربگون حتى مطيرچية استقبل ولا وضعيتكم

جبُر
فعلاً هوَ هذا مستواك مو ستوك خابصنا القانون بيدي ودولة انة هسة صرت تريد تعاشر مطيرچية وسويت المطيرچية احسن من اخوانك لا يا طايح الحظ

انتبهت لايد سُراج عمدتًا باوعت ماكـو حَلقة بـ ايدة نهائي، باوعت لعيونة شافني انُ عيني ع ايدي، ابتسم ابتسامة هادئة بس حَسيت جواهة اكو كَسرّة ..

درت وجهي ورحِت للمطبخ، كعدت ع الطبلة وصرت افكر
يات شنو شعور زَينب هسة؟ اكيد راح تكون ضايجة وهوَ هم اكيد غصبًا عليّ جرى كُل هذا

بنهاية هيَ اول حُب بحياتـة وام ابنة، فَ مُستحيل ينساهة واذا سوى هالشي فَ حيكون بسببي

اذًا اني شكد انانية شلون اسوي هيج شي ؟؟

مادري ليش بس تخيلت شكِل زينب وهيَ تشوفنا اني وسُراج وتباوعلنـا من جانب واكو دموع بعيونهـا
اتذكرت كلام روان وهيَ تكُلي
سُراج جان يعشق شي اسمة زينب
وزينب تعشق شي اسمة سُراج
لدرجة انُ جانت تكُلة
التراب الي تمشي عليّ اني اعشگة ..

غمضت عيوني بقوة وسحبت نفس وحطيت اديَّ على وحهي فززني صوت سُراج وهوَ يحجي

سُراج
تدريـن لاول مَرة احس روحي ما اظلمج بتفكيري ؟

فتحت عيوني مصدومة شديحجي
سَحب كُرسي وكعد كدامي

سُراج
جاي تفكرين بزينب مو؟
من نزعت الحلقة اخذ ويـاي الموضوع تفكير تقريبًا شهرين ونُص بساعتها تخيلت ردة فعلج، اكو جُزء مني گال راح تفرح بس جُزء جبير مني من اكلج بنسبة ٩٩٪؜ ضل يكول راح تزعل وتعيد تفكيراتهـا وتحس بروحها انانية

شّمس
وهوَ اني انانية؟

سُراج
هوَ انة هم جنت احِس روحي حَقير لو كدرت افكر بـ غيرها حّد ذيج الليلة

باوعتلة ب استغراب
شَمس
ايّ ليلة؟

سُراج
تذكرين من سولفتلج بالمقبرة شنـو حلمت بزينب ؟ من جانت تركض وانة اركض وراها، اكلها تعاي اريدج متقبل وتكلي المنتظرك احلى ؟

هزيتلة راسي بـ ايّ

سُراج
تجاهلت هل حلم وحسيتة اضغاث احلام ومابيهن فَد معنى حَد مـا ليلة من الليالي حلمت بيهـا حلِم ثاني

شَمس
وشنو هوَ ...

سُراج
كالعادة وهاي ثاني مَرة اشوفها ب بُستان اشبه بالخيال، متروس بـ الورود والثِمار وفجأة طلعت وهيَ لابسة فُستان ابيض وشعرها محلول وطالعة مثل الكُمر واحلى بعَد

كال هَيج وهوَ يبتسم ويباوع لمكان مجهول وكانهُ يذكرها

اخذ نفس وتنهد ورجع وياي
فجأة بينت اني رحتلهة واني جنت احاول ابين الها عن اشتياقي، ردت احضنها مارضت جانت روجع لورة واخرشي كالتة
حياتي انتهت بس حياتك هسة راح تبدي كلبي هواي مرتاح منك لانك وفيت بس الوفى مو معناه انك توكف كل حياتك عيش حب افرح وخليك سعيد خلي اكون من يمي سعيدة

وفجاة وكامت تضحك واتاشرلي ع مكان التفتت لكيتج موجودة بي
زينب
هيَ هاي بدايتك روح عيشها

هوَ يحجي واني صافنة عليّ وماعرف حتى شجاوبة وكإنما فزيت من عـالم الخيال اباوع عمتي تطبخ وسيوف تثرم زلاطة يمنـة والاذان ديصيح والولد ديطلعون يتوضون

شَمس بهمس
وانتَ دتتعامل وياي هيج علمود حلم؟

سُراج
شتحسين شَمس انة عندي اولويات وياج كد عُمرج بس ماعدي الجرأة حتى ابدي بيهن وهسة كسرت كِلشي وراح امشي بدون خوف اعليهن كِلهن

تنهد وگال
بكلبي هواي حَجي بس من اشوف الوكت مُناسب راح احجي
كومي اذكري ربج صاح الاذان

كام من مكانـة واني ضليت بمكاني صافنة وماعرُف شسوي بس احس روحي ضايعـة وتايهة

كمت صليت وكعدنـا نتغدى سوية طَبيعي، للـ ٢:٣٠ كاموا هُمَ ناموا واحنة ضلينـة كاعدين شوي وراسلني سُراج

سُراج
شو مشتاقلج صارلنة شكد محاجين

شَمس
ترة هياتك كدامي

سُراج
وهذا احلى ما يُمكِن، شبيج ضايجة؟ جاي تفكرين بكلامي؟ ميخالف فكري بي يستحق تفكرين بي ..

هوَ يكتب هيج واني افكر بداخلي وماعرف شرد

سُراج
صعب علينا لان احنة انقيـاء بَس لا غير، عوفج من هذا الموضوع شنو تحضيراتـج للحنة بما انهّا باجِر؟

غير الموضوع بسـرعة وبدينـا نسولف سوة مُراسلة بس هب مرة غير لان جنة بهل مرة نكدر نشوف رياكشنات(ردود فعل) بعضنـا البعض

العَصُر سَبب رادت تروح لام صالون فَ كلها كالت احنة هم فَ بقت عليََ وعلى سيوف كلنة هماتيـن نروح

زَعيم ياخذ بيبي وسّبب ونسوان عمامي ثنيناتهن وكالوا لسُراج ياخذنـا اني وسيوف ويـا

بدلنة بسرعة وطلعنا

سيوف
من هسة والنبي لو اموت ماصعد بصدر ذيج المرّة سَجاد تعارك وياي انتِ تصعدين

شَمس
هسة ديلة هوَ صدر تحسسيني مدري شنو

سيوف
ايَ حبيبتي هذا المخبل مايرضى

صعدت بصدِر وسيوف صعدت ورة وتحركنـا ورة سيارة زَعيم

سُراج
هسة ارد افهم نسوان متزوجات راحن انتن شكو حاشرات نفسجن

شَمس
ترة عيب تدخل شعليك
سوالف بنات

سُراج
ديلا هسة ع اساس مادري شسون تحفحفن بوجهجن عمي عيب عيب المامزوجة عيبببب

شَمس
ترة اسمها نظافة مو اسمها عيب

سُراج
هاي افكار الغريب مو افكارنـا احنة الشروگيين

شَمس
اهووووو اكلك شو على كُل سالفة وكلت احنة عاقدين ضلت ع هاي احنة هم عاقدين يعني اني مو بنية عزباء

من حَجيت هيجي سكت كلمة ماحجة، ضل يباوعلي وساكت

وصلنـة يمها وكلت لبيبي اريد اسوي حواجبي ماكالت ايّ شي وهيَ كلتلي سويهن

سويت وجهي كُلة وسويت وجهي بـ اكملة احس وجهي صار حَيل حلو وشوفتة كُلها تغيـرت

برجعة اجـة سَجاد اخذنة كالوا ملتهيـن هُمّ، فساتين احنة جنة مشتريهن

ماشفت سُراج ابدًا الي عرفتة طالع وي علي وامير وزَعيم يجيبون ملابس الهُم، بيبي كالت كون تنامن من وقت حتى كعدن من وكت

فَ اني بي تعشيت خليت وصعدت نمِت
النطلاق الساعة بـ ٧ الصُبح حَتى نوصل للحنـة من وقت

كعدت ع صوت سيوف لبست جُبتي وشـالي واخذت بدلتي وكُل احتياجاتي واجيت دانزل لكيت سُراج واكف يم باب غُرفتة اول ماشافني باوع لوجهي وصُفن

مابية حَيل اضل واكفة وتعبانة وكارهة روحي من الصُبح وماعاول اصعد بالسيارة وانام

سُراج
ها بدون عّبا

درت وجهي وكتلة واني ع وشك ابجي
شَمس
حباب عوفني نعسانة وتعبانة لا تحاجيني سُراج

ابتسم صفح وگال
سُراج
طالعة حلوة بدون شي جا هناكَ شطلعين

من كالي هيج احس انثولت ومدري شلون حسيت على نفسي ونزلت

جانوا الولد جوة وامير وعلي واكفين اول ماشافوني صاح علي

علي
هلة هلة ب بت عمي شيالة همي تعاي تعاي

تدنيت يمهُم مستغربة شيردون مني

امير بهمِس
كالعادة شموس نريد تغطية مُباشرة كل. واحد على جهة

علي
ايّ بعد اخوج دزيلنـا صور عود

ضحكت وكتلهُم خوش ان شاء الله

سُراج
لطلطلة بطلوها واحدكم شكدة

علي
دسكت انتَ اسكت عريس لحد يحاجيني

هز ايدة سُراج وخلة وطلع
علي
يغار ههههههههههههههه

من گال هيج احس ربكني خَليت و رحت يمهُم قسموا السيارات واني وبيبي صالحة وام سُراج نروح ويا

اخذت الطريق كُلة نايمة وسُراج معصُب مَدري شبي حتى ماحاجاني

تونست هناكَ وي البنات وسوينـة فعاليات حيل حلوة

رجعنـا بنفس اليوم، وبليل جان عدهُم حنة فَ استعجلوا بينـا

اول ماوصلت ماكدرت انام بدلت وسبحت وطلعت ردت انزل لان كلهن ملتمات جوة

اول ماطلعت شفت الممّر خالي وكانُ الولد كلهُم رايحين ومحَد ضال

صرت كدام غُرفة سُراج الضوة مسدود كلت بكلبي
اوف ماشِفت سُراج شلون طالع حرامات

داحجي وردت انزل شفت سُراج فتح بابة
باوعتلة لابس دشداشة بيجي ولاف غِترة على راسة

باوعتلة وانصدمت، انصدمت من وجودة اول مرة ومن جمـالة الناعم الي طالع بي ثاني شي

ابتسم ابتسامة جانبيـة وجرني من ايدي بلطُف وهوَ يكول
سُراج
تعاي شوفيني شلون طالِع

كال هَيج وهوَ يبعدني عن الدرج ويخليني كدامـة

بهاي اللحظة حسيت شكو شي اكلتـة راح اتقيئة ع كد ما معدتي كامت تخبُط من الخّجل
قربني من يمـة وهوَ يجرني من ايدي بلُطف
صار كدامي وجان يريد يحجي شفت باب غُرفة سَجاد انفتحت
انتبه هوَ هم عليهة وطّب رأسًا للغُرفة وطببني ويـا

صرت ورة الباب وهوَ صـار كدامي، احس عُطرة دوخني وسطرني وما اكدر اضل دقيقة يمة

حَط ايـدة على الباب وصـار يباوعلي
سُراج
بـ رئيج تعرفين ليش كلبج جـاي يدگ بهاي الطريقة ؟

هزيت راسي بـ لا
شـال ايدي وحَطهـا على جهة گلبة، ايدي صارت ترجِف وكلبة جان يدك بصورة سريعة ومُضطربة حتى اكثر مني ..

جنت لابسة الشال ع نُص وشعري طالع
اخذ خُصلة من المُقدمة النازلة وضمهـا وي شعري وكال بصوت هامِس
سُراج
مُمكِن يكون الحُب هجي سوة بينـا ؟
يُتبعععع......