بيت جبر الفصل السابع وستون 67 - بقلم هُدىٰ آذار

مَســاء الخير
ورجعنــا وياكُم بـ بارت جديد من قُصة
بيَت جبُر
للكاتبة : هُدىٰ آذار
لاتنســـون التصويت والتعليق بين الفقرات
قِراءة مُمتعة.
__________________

📍في مُستشفى الموصِل تحديدًا ..

علي
جاااااااااااااااي اكلككككككك وخرررررر ايددددك عني

كال هَجي وهوَ يدفعة بكل قوتـة بحيث حتى سَجاد وغيث الجانوا لازمي وخروا من الدفعة
نام على ابو ايلول بـسرعة ولزمة من ياختة وصار ما يحاجي صار يزأر وكانه اسد مجروح

علي
اذا اكو احد مشارك بالجريمة وبسببة ايلول نامت بالفراش هوَ انتَ، انتَ السبب بكلشي موووو انة انتَ وديربالك ديربالك تمنعني منهـا لان بساعتها راح تتندم، سمعتتتت راح تتندم

الولد صـاروا يحاولون يوخروا عنة وخروا عنة وعلي جان يلهث من الالم الي هوَ يحِس بي بدة ابو ايلول ينهار عليّ بالحجي وهوَ اتجـه كُبل لايلول ...

ابو ايلول
انتَ انسان منحط واخلاق ماعندك واحد مهتلف اني شلون سمحت انُ انطيك بتي، منـا وجاي تحلم بيها سمعت تحلممم بيهـااا

حَط علي ايدة على خّدهة وهوَ يباوعلهـا وگلبة للحظة بهت بخفقانة

انتبه انُ هيَ بدون حجاب اندار لزعيم الجـان واكف واشرلة يجي وهوَ ينتجي على السرير

علي بهمِس
انزع غترتك بسرعة، اطينياهة

اطـا زَعيم الغترة لفهة على شعرها بسرعة

علي
اطلعوا ماريد احد هنـا اطلعواااااا

ابو ايلول
انتَ مصدك روحك اطلع....

علي
كلتتتتتتتتتتتت اطلعوااااااااااااااااا محد جاي يفهم لو شني اكسرررررررررر المستشفى اعلى راسكم هَسة اذا ما طلعتوا اطلعوااااااااااااا

محمَد
عمي ابو ايلول تعـال عوفة الولد مو بعية

سُهيل
بابا اطلع وعوفهم سوى كافي

آمّ إيلول
يحيى اططلع عوف الولد راح يموت جاي تعذب بنتك وهيَ بين الحياة والموت عوفها تريد تموتها انتَ كول تريد تموتها

صـاروا يحاجوا اخوان ايلول و ولد خالتها وامهـا ماكدر يحجي شَي خصوصًا بعد كلام امها وخلة وطلع، الولد بيت جبُر هم طلعـوا وضل مختلي علي بـ ايلولة ...

سحب الكرسي وكعد ع الكرسي واتقرب حَيل يمها
حَط ايدة على خدها وعيونة مُباشرتـًا نبعت دمع

علي
ايلولة يابعد طولي، ليش هجي متمددة ؟ هو مو المفروض ثلاثتهن بية ليش وحدة بيج وبنص كلبج يابعد كلبي انتِ

ايلول انة واعدتج مايصيرلج شي بس انة ما وفيت بوعدي. انة انصابيت بس ماجان المفروض اوكع، جان المفروض اكوم واحطن روحي اعليج خاف يضربوج

شفتج من نزلتي شفتج جان ودي اجيت(اطفر) اعليج واكلج لا تتحركين ودي روحي تعيني بس شو عيوني خانني ونفسي انكطع ؟

حسيت بالعباس مـن انكطعوا جفوفة وماجان يكدر يسوي لخو شي وهُمّ وحدهم طاحت دمعة مني ساعتها وي طيحتي والله

كال هَجي وبدت الدموع تنزل منـة شي شي وهوَ محني بظهرة عليها ويحاجيهـا ولازم ايدها ويبجي

علي
ايلولة اكعدي حبيبتي اكعدي يبعد طولي والله ماتحمل اشوفج هجي ولج هاي نومـة مو الج مو الـج والله خلنّي اتمدد انة بمكانج بس مو انتِ والله مو انتِ

طأطئ راسة وصـار ينحّب بالبجي

علي
ايلول ليششش ماجاي تحاجينيييي ليشششش ماجاي تكولين شي احجي كليلي ايّ شي حركي ايدج كليلي انة اسمعك انة وياك كليلي انتِ وياي وما تعوفيني كليلي

ولج بليلة عرسناااااا بليلة عرسنـا هجي يصيررررر ولج انة جنت محسب غير حسّاب ظنيت ماراح نام من الفرح ظنيت راح اكضيها من اول الليلة لاخرها بس حاطج بـ حضني واشتم بيج واحاول استوعب انُ انتِ فعلاً صرتي يمي تاليتنة هجي

من عمت عيني عليج لكونّها هجي، عمت عيني عليج

من بعَد نُص ساعـة وهوَ كاعد يمهـا وما لاكي ايّ نتيجة، حّس اكو دم جاي ينزل راد يحرك روحة توجَع بقـوة وحس بظهرة شلون متشنج مسح دموعـة بغضب وضل يتذمّر بالحجي

حاول يحرك روحـة ماكدر، الدم صار ينزل بغزارة وظهرة مايكدر يحركة وحّس بـ الم فَضيع

علي
سَجااااااد، زَعيم وينكممم

اول مانادى الهُم طّبوا بـسرعة الة وخلوا الباب مفتوح، من شافـوا الوضع وشلون الدم نازل ع الارض ومعبي الكُرسي وملابسـة والباندج المحطوط انصدموا واجوا بـسرعة

علي
تعالوا اسندوني اخخخ

سُهيـل
هاااااي شصاير، انتَ شلون هيج تكعُد علي انتَ مأذي روحك اوكفوا اوكفوا لحد يحركة صَفاء تعـال ساعدني، اسندة بطريقة صحيحة لظهرة وياي

بصِفة انُ اخـوان ايلول ثنينهُم دكاترة وسُراج جان يمهُم كدروا يكوموا بالصـورة الصّحيحة بس مُباشرتًا نقلوا على السَدية
علي
اخخخخخ يابوية الألم اخخخ

الالم جـان ماينوصف وماجان يكدر يحرك ظهرة ابـد، رادوا ياخذوا للغرفة ماقبل ابد ورُفض رفض قاطِع وكاللهُم تخلوني هنـا يمها ..

محد كدر يحجي ويا هواي او يعارضة حتى الشيخ جبُر، وبنفس الوقت ابو ايلول ماجان يكدر يحجي شي من ناحيـة بسبب وضع علي السيء حيل، وبسبب الكلام الي وجهوا ام ايلول و اخوانها الة وهيَ تتعـارك ويا شلون يتعامل ويا هيجي وهُمّ بهل وضعية ...

كانوا اثنينهم ممدّدين على الأسِرّة، أسلاك الأجهزة ملتفّة بأجسادهم، وماكو صوت يملأ الغرفة غير مِن الاجهزة. كأنّ الحياة اختصرت على هالصوت، لا كلام، لا حركة، لا شي غير روحين عايشين بين أمل وبقايا وجع.
هيَ مغمضة عيونها، وهوَ باقي على السرير المقابل يحارُب وجعة بصمِت. وكأن الدنيا كلها توقفت تنتظر لحظة يفتحون بيها عيونهم من جديد..

فَرس
فتحت عيوني بـ بدوخة باوعت محد اكو يمي ابد الغُرفة فاضية تمامًا، اخذت صفنة واتذكرت الي صـار

كلبي وجعني وفزيت رأسًا، البدلة مالتي يمي ولابسة مـال عمليات وبيدي سيروم

اني انسانة جدًا جبانة وهواي اخاف من الابرة والكانولا بس من كد الخوف الي جنت بي وخرتـة بسرعة عني ودموعي تنزل بغزارة واردد

يـاربي مابيهُم شي
ايلول، امير شصارلكُم وينكُم
ياربي يكونون بخير ياربيييي

باوعت ماكو ايّ شي يمي احُطة ع راسي اكو بس طرحة العرِس حطيتها ع راسي بطريقة تستر بَس شعري وفتحت الباب علكيف

شفت حُسام كاعد ع الكُرسي و يمة زلم كومة، هوَ بس شافني بسرعة اجة ..

سديت الباب، طّب حُسام
بعدني ما حاجية ايّ شي ماشوف إلا حُسام حضني حَيل

حُسام
خفت عليج هـوووواي فَرس

صرت ابجي بحُضنة واحجيلة ع الي صار بحذافيرة وخوفي جان واضح علية

فَرس
وينهُم هَسة حباب كُلي

حُسام
امير بالسجِن و ايلول حالتها خَطرة وعلي حالتة متقِل عنها ابدًا

من كالي هَيج ما انصدمت لان هذا الي توقعتـة اني من ورة ماشفت كُل شي، كعدت ع السرير وصرت ابجي بقهّر واشاهك بالبجي حَيل

فَرس
بس كُلي يعني شنو حُسام كُلي شراح يصير لامير ؟

حُسام
مـادري مـادري ب ايّ شي فَرس
بس ماطلعوا ولا قبلوا يطلعوا الليلة

حَسيت اكو شي مضموم كتلة متاكد كلي ايّ، كتلة اريد ايّ شي البسة واصعّد لـ ايلول مارضة كلي الدنيا مكلوبة يمهُم

طلع حُسـام شويّ وطبتلي شّمس بيدهـا كانولا وحالتها ماتقل عّني، ضلت تحاول تواسي بيـة واني احس كُل شي مقفول بعيوني وكُلشي مسوّد

شويـة وحُسام جابلي شـال و صاية كلي امسحي مكياجج ويلة نطلع، مسحت المكياج ودموعي لحظة ما وكفت، احلى يوم بعُمرنـا تحول لاتعس يوم بعُمرنـا ..

لكيت سُراج واكف بالباب اول ماشافنـة طلعنـا عيونة صارت على شمس نوب علية

سُراج
الحمدلله ع سلامتكُم

فَرس
سُراج امير

كلت هيج ودموعي نزلن ماتحمل اخفيهن، مسحتهن وطلعت بس اكو غّصة بكلبي مُستحيل تطيب ماكدر اسكت نـار جواي

تنهد وجانت تنهيدتة مُترجّفة وكال بهدوء قاتِم وعيونة جانن حُمر
سُراج
مـادري كِلشي مادري يا فَرس، ربج يسهل علينـا وان شاء الله نعبُر من هالمحنة

فَرس
يعني بس كُلي يطلع باجُر ؟ عُكبة ! يمتى بالضبُط حباب كُلي

باوعلي ونوب باوع لحُسام ماحجـة شي رُغم بداخلة حَسيت اكو كلام

حُسام
يلة حبيبتي خلي نروح

سُراج
حبيبتي ماعندج شي مو؟ روحي يم فَرس تحتاجج هسَة

جان حاط ايدة على چتفها هزت راسهـا ب ايّ وجانت بغيـر عالم

حُسام
لا تخاف ماعدنة شي ان شاء الله واني راح اروح اوديهن واجي الكُم

سُراج
ماتقصر اخوي والله العظيم ماعدنة شي احنة

حُسام
ميخالف خوية اساسًا اني خفارتي اليوم واخذت اجازة على اساس بس راح الغيهـا

طلعنـا للسيارة رحنة اني وشَمس للبيت ثنينة وحدة تحجي للثانية ونبجي وممصدكين الي صـار ويانا

جان بالي يم اميـر هواي بس مو اكثر مِمّا جان بالي على ايلول، سولفتلي شَمس شصاير فوك وشلون متعاركين ابو ايلول وعلي وسولفتلي ع حالتهُم ثنينهُم احس اعصابي انهارت

بهذا اليوم بالذات ولاول مرة بحياتي اكوم واصلي صلاة الليل، كمنـا اني وشَمس نصلي وندعي لايلول تكوم النة

مُضت الليلة هاي واني لحظة وحدة ما غفت عيوني، كاعدة وحدي من بعد مانامت شَمس وافكر مرة ب امير ومرة ثانية ب ايلول

واعصابي كُلها جـانت بقِمة الانهيار ..

اليوم الثاني - 📍 تحديدًا مُستشفى الموصل - الساعة الـ ٦ صباحًا

مابيـن الأمل والوجع هُنالِكّ علي ..

كاعد وحاط ايدة بـ ايدها ومنتظر عيونها تفتح بـ ايّ لحظة من اللحظات، رُغم البنج وتأثيرة ورُغم الوجع الجان فتاك إلا انهُ عايف كُل شي ومحتـار بيها

ولِلحظة وحدة بـدة صوت جِهاز دقات القلب يدق بصورة غَريبة بالنسبة لعلي الي جان وحدة يمهـا بالغُرفة

علي بـ خوف
ايلول ايلول شبيـج ايلولللل

سّجااااد، غَيثثثث وينكُم

كام بـسرعة من مكانة وحاول يسند روحة ويكوم الهـا طبوا كلهُم عليهُم الولد ساعدوا علي حتى يكوم و صَفاء وسُهيل وابو ايلول اتجهوا لايلول

سُهيل
يا الله يا الله الحمدلله والشُكر النبض جاي يرجع ينتظم

علي بـاوع بضحكة وحس الامل رجعلة
علي
يعني شنو سُهيل يمتى ترجع تصحى

سُهيل
ان شاء الله ب ايّ لحظة، الحمدلله الحمدلله

جـاي يحجون وعلي كعد يم ايلول ولزم ايدهـا وصار يبوس بيهـا بفرح ويحجي ويـاهة

علي
حبيبتي يلة افتحي عيونج عـاد بالعباس كلبي مفحِم اعليج

سُهيل
هاي اغمق اشتياق مُمكِن يوصلة العِراقي

علي
مفوعر كلبي اعليها الله وكيلك

ابو ايلول
ميصير تشتت عقلهـا

سُهيل
بابا شنو سالفة؟ بالعكِس الكلام وياهة حاليًا حيل يفيدهـا حتى تصحى

علي
عمي انة اعتذر اعلى البدر مني ليلة البارحة بَس ...

ابو ايلول
ماريد اسمع اعتذارك الي صار قلة تربية لا اكثر

صَفاء
الجبير لازم يعذر الصغير والصغير يعذر الجبير، احنة اهل بالنهاية الي صار مامقبول ابدًا، بس نرجع ونكول ان شاء الله خير

ابو ايلول
مو انتَ الي تحدد يصير خير لولا

زَعيم
ابو ايلول احنة بعدين نتفاهم ان شاء الله، ماصدكنة يرجعون لوعيهُم والله يكوملنياهُم بصحة وعافية، من بعَد الي صار مني توقع يرجعونلة منية والله شُكفها عنة

ابو ايلول
الي صار ماراح اتغاضى عنة و ايلول تحلم بيها

علي
عمي الي تريدة يصيرلك واعلى عيني واعلى راسي بس لا تكعِد تكلي ايلول تحلم بيها ومدري شني ايلول مرتي هسة

ابو ايلول
واني ابوها

زَعيم
هاهيّ ان شاء الله خير، كافي علي

ماحجـة شي علي سكت وعيونة توجهن لايلول، متجاهِل كِل التاس عيونة عليها فرحان حَيل وكِل ثانية يرجع يبوس ايدها ..

صـار يحجي وياها بصوت هامِس ولثواني بَس بدت ايلول تهمِس
ايلول
علي، علي

انتبهوا كِل الموجودين لصوت همساتها وصاروا داير مدايرهـا ماعدا زَعيم وسّجاد طلعوا حتى يخلوهـم براحتهُم ..

علي
حبيبتي ايّ انة هاي ويني يمج گُرباج جاي اسمعج زين وانتِ تسمعيني

فتحت عيونهـا بصعوبة وباوعتلة وابتسمت
ايلول
انتَ زين حاجيني

صارت ترفع بـ ايدها وتحاول تتلمس بي حتى تحس بوجودة حقيقة مو خيـال

علي
والله انة موبخير، بس كومي خل اصيرن بخير

ايلول
علي، اه

صَفاء
لا تحجين حبيبتي كافي لا تعبيـن نفسج

الكِل جان فرحان على كعدتهـا وخصوصًا علي الي جان يمهـا وحاط ايدة بـ ايدها بهل اثنـاء ايلول سئلت علي

ايلول
علي، فَرس وامير بخيرر

علي
ايّ بخير ماعدهُم شي

صُفن علي وهوَ يجاوب، امير ماشافة من ليلة البارحة لحد هاي اللحظة، بلشوا ب اجراءات طبية لـ ايلول، وعلي كام فتح باب الغُرفة الي يمهُم جانوا كاعديـن كلهُم وزَعيم يخابر

زَعيم
انتَ تعال النة والتكلُفة سهلة الي تريدة انتَ بس تحجي وبس تكول استاذ، ايّ والله محكمتة ع الساعة بـ ٩:٣٠ انة مدحولي بيك كلولي استاذ ... بالموصل معروف فَ كلت اكرب النا والا احنة بمحافظتنا عدنة عرف خير من الله، يلة هاهيّ ننتظرك ان شاء الله خير ..

علي يسمع ومستغرب وسَجاد سندة وراح لـ يُمة صالحة تبوسة وتتطمن عليّ وهوَ بـالة يم صوت زّعيم

علي
شكو شصاير ؟؟

زَعيم
امير

علي
شبي امير ؟ وهوَ وينة اساسًاااااا !!

زَعيم
اخذوا من امس بليل بالسجن، علي جاي يكولون مؤبد لو اعدام

علي وهوَ يكوم من مكانة بصدمة
بشرفك لا تكلي كتلهم !

سَجاد
كل واحد ٥ طلقات وثنينهم

علي
لاااااااااااا خرب بال..... شجااااااايييي تحجوننننن لا تطيرون راسي ولكم، ولكممممممم ينحكممم
لا بروح الحسين لا تكولوهـا

غَيث
زين هوَ شني ينحكم يعني فعلاً لو شني ترة مخي طار انة غير دفاع عن النفس !!!!

علي
لكككك ياغبي اذا بمكانة يعتبر دفاع عن النفس اذا يلحكهُم يُعتبر قتل مُتعمد ولو مؤبـد لو اعدام حسب المادة ٤٠٦
لو ما ميتين ١٥ سنة حبِس
شي اتعس من شي دخيلك ياربي شهل فاجِعـة هاي وعلي عقلي ماجاي يعيني حتى اعلى التفكير

جبُر
جا انتَ وين رايح وين بهاي حالتك

علي
وين ارد اروح ارد اشوف وين حاطي شلون

سُراج
علي ماتكدر خل جرحك شوي يطيب عاد للعصِر وروح

علي
سُراج بروح ابيك اسكت احس هسة انة انهبدت وعلي، شلون بينة شلون

جبُر
وماكو حّل منا هنا ايّ شي عمي

علي
جدي الا يتنازلون اهلهم، وكلي وينننن نلكي اهلهم وين
اجيبهم، اجيبهم لو جوة الكاع هم اجيبهم
ما اخلي يضل بالسجِن
والله اصير ب بدالة ولا اخلي بسجِن لا بالله

سَجاد يلة اخيك جيبلي الـ بدلة مالتي بسيارة وتعال خل ابدل وانزل ماكدر انزل هجي

زَعيم
خوية انتَ متاكد تكدر تروح

علي
خوية انتَ صدِك تحجي حَتى لو متأذي شلون انخلي هَيجي ؟ ولك امير هذا تعرف شني امير، دمي فدآ كِلة يلة سَجاد يلة بعَد اخوك والله مابية احجي

سَجاد
صار رايح..

صالحة
ولكم منين طلعت النة هاي سالفة نوّب ولكم يمة وليدي حتى ما تهنة بعرسة من ناحية مرتك ومن ناحية هوَ
وانتَ وهل مكرودة فرس حال الضيم يا حالكم

علي
يُمة ايلول رجعت لوعيها

صالحة
يصلاتك يمحمد صدِك

علي
ايّ والله، روحي شوفيها هَسة

جبُر
ليش هو ابوها يتحاجة؟

زَعيم
هوَ هم ماقصر ناماك اعلى الرجال نيوم

جبُر
ايّ هاي بلة ماتنسي ولك
شني تخبلت لو شني ارد افتهم

علي
جَدي ابو ايلول سودني رجال ما يعرف لا منطق ولا يخاف الله مخافة الله ماعدهيا هسة اخوانها شزينهم اعتذرت منهم كتلهم حالة عَصبية صح ضايجين بس تقبلوا الا هوَ من امها والراس
هسة عوفكم من هاي خل نروح يلة دام اجة سَجاد

بدل علي رُغم ألمة الموجود الا انه داس عليّ وراح، اتطمن على ايلول جـانت كاعدة من شافتة انصدمت انه بملابسة العسكرية

علي
حبيبتي ماطول عليج انة الظهر انة يمج

ابو ايلول
هـا تذكر من كتلك لو احتاجتك ايلول وصـار عدك واجب ويامن تصير وتكلي انة ادبرها، دبرتها هسة؟

علي
عمـي ابو ايلول ماعتقد اكو داعي لهذا الحجي !!!
امير بالسجِن، وهسة محكمتـة ولو اعدام لو مؤبَد وانتَ تحجيلي هجي ؟ انة لو ما مأمن انتوا هنـا و سُراج يضل وياكم وابوي وعمامي وجدي وامي يمكم جان ما اعوف ايلول وحدهي لو اعلى كص رُكبتي

ايلول
شنو علي امير شبي شنو مؤبد، فَرس ويـن

لزم ايدها وهوَ يسحب نفس
علي
انتِ لا تدوخين روحج اندعيلنـا الله يسهل النة والباقي اعلى الله

صَفاء
روح اخي روح الله يسهلة ان شاء الله وايّ شي تحتاجة كول النة ولو انتَ جرحك ماطاب

علي
ميخالف خوية ميخالف ماكدر اعوفة، ماوصيكم
ايلول حبيبتي بالج على نفسج ..

خلـوا وطلعوا اتجهـوا للمحكمة لان ماكو وقِت اساسًا يرحون للسجن، بهاي الاثنـاء اجة المُحامي وصاروا يحجون هوَ وعلي

المُحامي
سيد علي السالفة مُستحيلة بس اني راح احاول رُغم كُلشي

علي
ميخالف استاذ نحاول بشتى الطُرق وانة احجي اكول انتَ هم اطيني مجال احجي يرحم رّبك

المُحامي
تدلل سيد علي نشوف وان شاء الله خَير هوَ مابقة شي رُبع ساعـة ويجي

بهـل اثناء اجت الشرطة وهيَ جايبة امير ويـاهة، مكلبِشات اديّ، وقميصة معكمّش واكـو آثـار ضرِب على وجهة
و ويـا ثنين شُرطة

الكِل استغرب وعلي جان مفزوع اكثر شي وتقدموا الة

الشرطي
ممنوع الكلام ابتعدوا عنة

علي
اعمى انتَ ماجاي تشوف الي بجتفي وخر هجي وخررر

الشرطي
احترامي سيدي

علي
اميـر شصايررررر

زَعيم
شكو شني هاي البوجهك؟

امير عاف كِلشي وانتبه لعلي الواكف كدامة وحضنة بقوة

امير
صديـق انة فرحان لان شفتك واكف كدامي

علي
ما يطگني عرِج انة بخير و ايلول هم بخير وصحت بس انتَ كلي شبيك شو خل اشوفك

امير اندار لـ زعيم وحجة بعصبية
انتوا صدِك تحجون لو تشاقون!!! مو كتلكم كل ساع مروا اعلية طمنوني حتى موبايلي اخذوا وضليت اتكلب، وهذا ابن الـ قندرة بنص الليل اجـة وجايب توثية ويـا

بين الفاز بين النايم كِلشي بالمكان غلط الريحة الموجودين كِلشي كِلشي، ماحس الا مركوع اعلى راسي

السافل الحَقيـر اخذني لغرفة التحقيق ما خّلة اسلوب ما استعملة ويـاي ولك ارد افتهم شيريدني اعلى شني اعترف مادري !!! اخذني روحة رّجعة ولمن اجة يمي تفلت بوجهة وكتلة لو بيك تحظ تفك ايدي واعلمك

وبهـاي اللحظة صاح لواحد عَميد، وفكني وهوَ متعمد يسوي هل حركة حتى يستفزني بيها ويسوي شي كِدام العميد ولمّن فكني كمت وضربتـة السافِل

زَعيم
نفسة العلگنة ويـا مو ؟

امير
ايّ نفسة، تنوع ايدي

تنوعوا لايدة و لجسمـة صاير خرابيط كد الـ تعذيب لدرجة انُ ماجانوا يعرفون شلون امير واكف على رجليّ

بـ اثناء حجيهُم وتدخل المُحامي لمعرفة تفاصيل اكثر اجة العقيد هوَ وحمايتة للمحكمـة

زَعيم
اجـة والله لـ اشرب من دمة الحيوان والله

علي وهوَ يلزم ايد زَعيم
بعد اخوك خليليا ..

سَجاد
صوجنة احنة سكتنة اعليّ اخخخ لو نافضينا من اول ليلة بس احنة وين جنة بياااااا حـال

-
يولد هـذااا ليش مخلي يحجي وياهم ادگكم بعقوبة هسة يولو تاعلمكم شلون تعلمون هل عمايل

علي
دير وجهك وتنوعلي

دار وَجهة وصار يباوع لعلي صّفح، انتبه لرتبتة وعدل وكفتة
-
اهلاً وسهلاً سيادة العقيد شيصير منك هذا ؟

امير
هذا الة اسم احترم نفسك وجاوب بـ احترام

-
يولو ترة كلك شجين راح يخلص حياتة بالسجِن اعليمن جاي تچحبن اعلينة ؟

حجة بـ استهزاء و وي ضحكة خفيفة، علي جان يباوع بصمِت وغضّب اول ما وجهلة هل كلام جـرة من ياختة بسرعة البرق وطبگة وي الحايط

علي
اليتدنى ما يلوم الا حـالة
لكككك شايف هذا راسك احطة بالكاع وادوس اعليّ
وانعل شاربك لا شارب اليطلع وراك
شلون تجرأ وتعذبة هل تعذيب يا حيواااان

-
وخر ايدك لا ما تلوم الا نفسك

علي
انة راح اوخر ايدي منك بس تدري وين راح احطها، راح اصفعك بيها اعلى وجهك هذا

كال هَجي وهوَ يركعة راشدي بكِل قوتـة، بدة الشجـار يسخن والطرفين صاروا يصيحون بنص القاعـة مال المحكمة

علي يتوعد ويهدد والثاني يصيح ويعربِد والدنيـا انكلبت بوسط المحكمة، عاف علي كِلشي وراح اول شي سوى أجل الدعوة كم ساعة وثاني شي سوى رفع دعوة كيدية عليّ

بنفس اللحظة علي بِدة يشتغل، راح للمركز واستخدم نفوذيتـة واخذ امير ويـا، استدعى طبيب عسكري لبيان الاصابات وتثبيت الادلة، وسحب الكاميرات مـال غرفة التحقيق والسجن بـ اكملها اخذ قائِمة من الشهود ان كانوا مساجين او جنود ورتب كِلشي على اتم وجِه

الكِتاب توقع من قِبلة بصِفتة نقيب وتسلم عبر تسجيلات وادلة خلال ساعة ونُص فقط انجمع كِلشي

إرسل نسخة للنيابة العسكرية ونسخة لإدراة الخدمة التأديبية و مكتب التفتيش العام داخل المؤسسة

وبنفس الوقت وبكِل قهّر ع الي صار انرسل الكِتاب الشؤون القانونية وجهاز الاستخبارات العسكرية ب بغداد عبر البريد ..

اطلق سـراح اعتقال على كِل ضابط جان بمسرح الجريمة منعًا لتغير الادلة او الافادة

وفتح تقرير اداري وخلا متزامن وي تقرير جنائي وبالاخير قدم احالة للمحكمة ..

خلال ساعتيـن بَس وبوضع علي الجدًا صعُب
علي ماكدر يقلب كل الطاولة لصالحـة

صـار وكِت مُحاكمة امير، الساعة بـ ١١:٣٠ راحوا كلهُم باتجاه المحكمة ..

طبوا للمحكمة وقدموا كِل الي عدهُم وخبرهم علي بالقضية السابقة وبـ اعمالهُم السابقة الي مسويهن ومن بعَد سماع كِل شي قرر القاضي ..

القـاضي
المحكمة استمعت لكل الإفادات واطّلعت على حيثيات القضية. المتهم المُعيد الجامعي( امير حَسين جبُر )، ارتكب جريمة قتل عمد مع سبق الإصرار. الجريمة ثابتة عليه بالأدلة والشهود.

ورغم أنّ القتل لا يُعتبر دفاعًا شرعيًا عن النفس، لكون المجني عليه لم يكن في هذهِ اللحظة لم يشكل خطرًا مباشرًا فإنّ المحكمة تُدرك الظروف القاسية التي مرّ بها المتهم، ورأت ما تعرض لهُ مِن خوف وفزع في حين ذآك.

ولأن العدالة لا تُبنى على الانتقام الشخصي، لكن تُراعي الظروف الإنسانية، فقد قررت المحكمة بالأغلبية: إدانة المتهم بجريمة القتل العمد، ومعاقبته بالسجن المؤبد بدلاً من عقوبة الإعدام، أخذًا بالظروف المخففة التقديرية.

لحظة صمِت، الكِل ينظر للثاني بـ صدمة

القاضي بحزُن
العدالة لا تعني الغضّ عن الجريمة، لكنها تعني أن نضع الإنسانية في كفة، والقانون في كفة أخرى، ونحكم بالعدل
رُفعت الجَلسـة ..

الكِل توجهت انظارهة لـ امير، الي جان واكف لا مبتسم ولا منهـار مُجرّد ما ايدة اليمين جانت ترتجِف بخفة، تنفس نفس عميق و وجهة مبين عليّ ملامح الانكسار والصدمة بنفس الوقت ..

تجمعـوا عليّ الولد وعلي اجـة يمة

علي
انة وياك ما اعوفنك وعلي، لو اعرف اموت ولا اخليك تكضي حياتك بالسجِن

امير
يجوز هاي جزاتي علي، كتلتهم بيدي انة هم ماقصرت دمهم صار بركبتي

علي
ولك انتَ صدِك تحجييييي واحد ثنين عشرة عشرين الكتلوهم؟ العين بالعين والسن بالسن والبادي اظلم وحتى لو غلطت انة اخوك ما اعوفنك وعلي خليها بـ بالك يمك انة وب اقرب وكت اوصل ل اهلهُم

امير
وين توصل لهلهُم وين ويننننن توصل علي

علي
اوصل الهم اوصل
وين يطيرون لو بالصومـال هم الكاهم

امير
مأيس، لا تضلون ب امل، علي اوصيك بـ فَرس وابد لا تكلها بالحقيقة، مهدلها شوية شوية، ومنا لساعتهـا لو صارت فعلاً ف اكو غير كلام ...

علي
اشششش لا تكول هجي صَديق، راجع النـا بحيل الله راجع انتَ بس كول يالله والباقي هين لين وانة اخوك، شلون تتعذب وانة اخوك ما تكلي ؟

كال هجي وهوَ يحضنة بقوة، للحظة علي حس روحة ضعيف وكلبة جاي يطلع من مكانة، بَس ؟ ماجان بـ اديّ يسوي شي ويخفف على اميـر بلحظتها

اخذوا اميـر وعلي وصة عليّ حتى يدزوا مُباشرتًا للـ كوت برفقة ناس صديقة لعلي، وضل منتظر علي المحكمة الثانيـة

ومن بعد الادانة والشهود اصدر القاضي الحُكم
القاضي
ثبت للمحكمة أن المتهم، العقيد (فلان)، مارس التعذيب على الموقوف امير حسين دون مسوّغ قانوني أو أمر عسكري مشروع، وأن فعلته ألحقت أضراراً جسيمة بالموقوف. وعليه، قررت المحكمة: خفض رتبته إلى مُلازِم اول، تسريح معَ سحب امتيازات، والسجن العسكري لمُدة سنـة واحِدة فقَط
رُفعت الجلسة ..

معَ انُ السالفة جان بيهز تحيُز خصوصًا هجي قرار يلحق اضرار عديدة الا انهُم حسوا بـ شفيان الغليل ولو لشوي ..

اخذوا امير بنفس اللحظة و ويـا راح غيث للكوت، وعلي وصة عليك منـاك

راحوا الولد للمستشفى مكسوريـن ومطأطأين الراس لاول مَرة بسبب كسرتهُم بـ امير

خبروا الي صـار وجان الكِل مصدوم والحزن مچلچل اعليّ، وصالحـة كعدت تدك وتلطم من بين الكِل ..

علي
يُمة والله العظيم انة رايح، لا يرفلي جفِن ولا تناملي عين دام اميـر ما مرتاح وراح اسوي كِل الي اعلية والله ومن هسة راح ابلش واشوف السالفة شَني لا تخافـين

حاول يهدئ يُمة صالحة في حين هوَ متكسِر من داخلة، راح لغرفة ايلول وكلبة يريد ينفجّر من القهّر وانفاسـة كوة يتنفسهن اعلى گد ما محمّل هموم ..

ايلول
مِن اول ما صحّيت واني ادور على علي، احس كلبي مكطوع يمة، ما اني شفتة وهوَ ديموت كدامي شلـون اكدر انسى مَنظرة !!

جانت فرحة عارِمة بنسبة الي واني اشوف علي كدامي وهوَ عايش، بَس الي صدمني بـ اول مافتحت عيوني
علي وهوَ يكول امير مُمكِن ينسجن مؤبد

الخّبر جان بالنسبة الي نفس الصاعِقة، اريد اتقبلة بس ماكدرر ولا اكدر استوعبة حَتى !!!

زين اني اصير زينة وعلي يصير زين
فَرس واميـر شنوو ذنبهُم حَتى يدفعون الثمن !!

ايلول
زين هَسة فَرس ويـن ؟

صالحة
يُمة فَرس هسة بالبيت هيَ وشمِس راحن

ايلول وهيَ تبجي
يُمة سودة بوجهي اريد اروحلها تدري بـ امير لولا ؟

صالحة
لا ماتدري سودة علية يَ اموري وكعت بيك جا هيَ

ابو ايلول
هيَ توكع بالزيـن ولا علي كِلشي مابي

ايلول
بابااااا انتَ صدُك تحجيييي ؟؟؟؟؟
اخ كلبي ياربي بابااا لا تموتني لا تموتني

صَفاء
بابا ترة كلامك جدًا مو منطقي، علي مُصاب اصابتين بظهرة معرضاتة للشلل تدري لولا؟ بس مادري شلون هوَ ديكوم ويتحرك الولد

ابو ايلول
اذا اكو واحد هوَ المُسبب بهالشي فَ هوَ انت، انت الدمرت بنتك انت ونوب هسة جاي على المسكين علي وتذب اللوم عليّ ؟؟؟ ليش ها ليشش

ابو ايلول
اني كتلة كتلة بس هوَ عاند، هوَ وبنتج هاي دكوا رجل الا يزوجون
تزوجتي شفتي شصارررر لج ساويج ميتة ميتـة شجان فادج كليلي

ايلول
بابااااا لا تحجي هيج لا تحجي هيج
احنة ويـن وانتَ وين الله يخليك

ابو ايلول
تذكرين من جان معزوم عدنة من كتلة لو ايلول تخربطت وانتَ عندك واجب وايلول محتاجتك شسوي كلي اوازن لعد وينة هسة وينة

صالحة
يمة ابو ايلول علي مايقصر وي ايلول بس اخية شتدري بي انتَ

ايلول
بيبي لا تحجين ويا، بابا مُستحيللللل يفهم الشي الي نحجي وعدة بس هوَ حق واحنة كُل احنة هيج بس يا بابا هذا مو ايّ شخُص عادي هذا اميررر موبس ابن عمة بحساب اخو واكثر من الاصدقاء واني من ذاتي ماقبل يضل علي يمي ويعوف امير وحدة مادري مادرييي انتَ شلون تفكر

ع اصوات صاحينـا والكلام اندكت الباب
راح صَفاء فتحها، سُراج
ماطب من الباب

سُراج
السلام عليكُم
خوية ايلول الحمدلله اعلى سلامتج
يُمة تعـاي ماحب اخليج بمكان يعلى صوت اعليج ..

صّفاء
خوية مو هيج بَس...

سُراج
على عيني وعلى راسـي انتوا، احنة زلم نتحمل يجوز بس انة امي ماقبل اعليها، يلة يُمة من رخصتكُم

الصوت مال بابا جان عالي والباب انفتح شفت ابو ايلول وعمة وجدة كاعدين بس جانوا حَيل معصبين مبين هالشي طلعت بيبية علي واحس روحي ردت اموت من كَد الفشلة

ايلول
دومك هيج يا باباا دومك ليش فشلتني هل شكِل ليش كُلي

ابو ايلول
ولا نفس تحلمين ترجعين لهذا المهتلف ترجعين ولج نام علية جرني من ياختي ترضيها انتِ !!!!!

ايلول
انتَ شحجيت وشسويت اكيدددد دايس ب بطنة

ابو ايلول
وبعدج تدافعين؟؟؟؟؟
كتلج تعوفي يعني تعوفي

ايلول
بابا علي زوجي صار استوعبببب بابااااا
مُستحيللل اعوفة روحي بي اني

ام ايلول
لا يريدج تعوفي لانه خوش رِجال، حياة بنتك لا تدخل بيها يا رجال ماعليك ماعليك

صَفاء
ايّ صدك بابا الي صار مو منطقي ترة اول وتالي علي صاحب فضل علينـا وعليك وعلى ايلول ف ماعتقد يستحق يتعامل بهل اسلوب هذا

سُهيل
اما ردة الفعل ف هوَ انسان وانفعل واجة واعتذر منك ف لا تكبرها

ابو ايلول
انتوا محد يدري كلت مترجع يعني مترجع

ايلول
واني امشي وراك مثلاً ؟؟؟؟؟
باباا لا تدخل بية ومالك علاقة اني وين وانتَ وين
اني دافكر بـ فرس وامير وحياتهم الي نهدمت من ما ورانا و ورة اغلاطك وانت تحجيلي هيج

ابو ايلول
يعني اني سببب

ايلول
ايّ انتَ السببب بابا محد راد يحسسك بهذا الشي بس لمن تبلش تطعن بهذا وترجع لهذا وتذب اللوم خصوصًا ع علي راح اذب اللوم عليك بصفتك المُسبب الرئيسي

ابو ايلول
لو رايحة وياي انتِ جان ماصار هيج اصلاً

ايلول
ماما حبابة كافي كلبي بي الم فَضيعع

سكت هوَ من سمع هيج، ضليت ابجي وعيوني ع الساعـة منتظرة

ما مُضت نُص ساعـة، شفت فَرس طابة علية
اباوع عليهـا وجهة احمَر على اصفر وعيونهـا حُمررررر دم وشكلها كُلة متغير ولا تكُلك فَرس الي اعرفها !!

اول ماشفتها دموعهـا نزلتت واجتني تركُض حضنتني وضّلت تبجي واني ابجي ع الصـار ويانة

فَرس
ايلول انتِ زينة بس كوليلي زينة؟
ولج والله الليل كُلة اندعيلج عفت نفسي وعفت علي كلت قوي ويتحمل وعفت امير كلت ساعة ثنين ويطلع وادعي الـج والله بالي يمج خايفة عليج هسة سُراج جابني وياهُم

من كلتلي امير يطلع ساعة ساعتين احس الغصة اشتدت علية اكثر ماكدرت اكتمها شهگت وبجيت بنفس الوقت

فَرس
متوجعة حبيبتي كوليلي شبيج، سودة علية ب اهم يوم بحياتنـا هيج يصير والله اتمنى اني الي بمكانج اني مو انتِ

ايلول
اسم الله عليج فَرس، سمعتي اخبار عن امير؟

فَرس
لا كلبي محترك ايلول كلبي محترك بس اريدلي خبر ماكو محد ديطيني خبر ما عندج خبر

هزيتلهـا راسي ب لا بقهّر وبجيت

فَرس
لا تبجين حبابة دام انتِ بخير واني بخير وعلاوي بخير وامير هسة يطلع هاهيّ ماعدنة شي والله حبابة لا تضوجيـن لا تضوجيـن

ضلت يمي وكُل ماشوفها شلون متفائلة على طلعة امير اموت الف موتة، كلتلي انُ سُراج واهلة كلهُم بالـ غرفة الي يمنـا

للـ ٢ تقريبًا طب علي، بالي جان يمـة وعقلي جان يفكر بي اول ما شفتة طّب احس كلبي فّز وعيوني اجت لفَرس الي كامت بسرعة

فَرس
علي، جنت يم امير مو طلعتة لو شنو بشرني حباب لان بالي يمة، اوف نسيت والله الحمدلله ع سلامتك والله كُل شي راح من بالي بس امير كُلي شلونة ؟

حجت هَيج وصـار يباوع ويبلعم، عرفت النتيجة من تعابير وجه علي، ابتسم بتصنع وتدنى لـ فّرس

علي
الله يسلمج فَرس، امير بعدة بالسجـن ان شاء الله شجم يوم ويطلع لان السالفة شوية صعبة

فَرس
شنو شكم يوم الله يخليك علي حباب لا

كالت هيج وهيَ تنزل دمعتها من عندها وتدور وجهة حتى علي ميشوفها

مسح بوجهة بـ الم باوعتلة واشرتلة شصار هز راسة بـ لا ..
هنا اني كلبي موتني وعرفت النتيجة، ماكدرت اكبت دموعي اكثر ودموعي صار شلال ومفتوح

علي
فَرس هوَ السجن المن ماتكليلي هوَ السجن للزلم وبعدين امير كدها وكدود و وديتة كُبل للكوت ولـ مكان آمن و vip اعلى كولة ايلول مو اوفر هههه هيَ تستخدم هاي الكلمة هنا لو لا

المشكلة يحجي ويضحك بس القهّر واضح حَيل على وجهة

فَرس
يعني شكم يوم حباب كُلي علي

علي
مادري فَرس بس بحيل الله يطلع نكول هيج والله كريم، بَس من رخصتكم رايد احجي شوية وي ايلول اعلى انفِراد

راد يحجي بابا سبقتة راسًا
ايلول
ايّ علي تعال اني هم اريد احاجيك

سُهيل لزم ايد بابا وهمسلة بمَدري شنو، راحوا طلعوا كلهُم واجاني علي جَر الكرسي بسرعة وتأوه برجولة وهوَ يكعد

ايلول
حبيبي شديصير بيك كُلي شلون دتتحمل الالم

علي
عوفج من ظهري احجيلي بنار كلبي، ولج امير سجنوا مؤبد، سجنوا مؤبد ايلول

ايلول
شلـون بفَرس شلون علي، ماكو امل حباب سوي ايّ شي ايّ شي لو يردون نبيع كُلشي وننطيهم ويقبلون ميخالف حباب

كلت هيج واني ابجي وختمتهـا بشهگاتي المُتسارعة وشعوري بالذنِب
ايلول
فَرس مالها دخّل بينة، فَرس وامير جانوا ضَحية النـة
امير مايستحق علي مايستحق

ايدي ماخذهة ويباوع الي وعيونـة حُمررر دم بعدة ماراد علية سمعنـا صوت وگعة قوية وصوت رگضة

فز علي بـسرعة كام من مكانة وخلة الباب مفتوح، الرعب سار بجسمي وعيوني تباوع ماكو احد كدامي ابددددد، ماصرت اسمع غير صايح مُبهمم

شويـة وصفَاء صار كدامي

ايلول
صَفاء تعال

اندارلي صَفاء واجاني

ايلول
شصايرررررر

صَفاء
فَرس سمعتهُم يحجون و وكعت

ايلول
يُمة سودة علية لك روح يمهاااااا حباببب

صَفاء
وين اروح يمها اداوروها مداور حتى فشلة نطُب مانكدر نحشر روحنا تدرين بـ بيت حماج مُحافظين

ايلول
ياربي صَفاء اريد اكوم حبابر

صّفاء
وين تكدرين تكومين ايلول حبيبتي اكعُدي هَسة تصير زينة مُجرد اغماء من صدمّة لا اكثر ..

ياربي منين اجتنـة هاي السالفة وليش هيج ليش
اتخيل المنظر، استاذ امير ينسجن ! مُستحيل استاذ امير ميستحق ابد، ولا فَرس تستحق تتعذب

كضيت رُبع ساعـة واني ابجي وحدي وكاعدة، اجوي اهلي يمي و شوية وطّب علي يمي بس مو ذاك علي ابد حيلة كُلة مهدود وعيونـة صايرات حُمر وممرودات مبين باجي مبين

تقدم الي ولزم ايدي وباسها
يحجي بهمِس ومامهتم لايّ واحد موجود

علي
انة ادري بيج انتِ قوية لذالك راح اوصيج اعلى فَرس، جان المفروض اوكف وياج بهجي ساعات بـس فَرس وامير يحتاجوني، انة رايح ايلول
روحـي وروح اميـر امانة برگبتج
تعذريني مو؟

ايلول
علي انتَ صدُك تحجي روح اني الي اكُلك روح اني مابية شي ماريد منك شي غير فرس رجعلها روحها حباب الله يخليك لا تخليها بهالحالة

علي
الاكدر عليّ اسوي انة والباقي يم الله بعَد
احبج انة وهواي هم تدرين مو ؟

مقرب وجهة من وجهي ومحني ظهرة علية ويحجي حسيت عيونة لمعن لِلحظة وحدة، هاي ثاني مرة من بعَد سالفة الحريق مالتي اشوفة بهل ركاكة هـاي ما متعودة على علي هيج ابد !

باسني من راسـي واندار لامي
علي
ايلول امانة يمج خـالة، سُهيل صَفاء اخوكم انة
اخوي محتاجني حَيل وانتم اعرف بعَد

ابو ايلول
هههههههه

ام ايلول
روح خـالة ايلول بعيونـا

صَفاء
درب سلامة يارب

ابتسم الي بانكسار، واندار وصل لـ باب الغُرفة واستوقفة بابا
ابو ايلول
اسمع ايلول بعَد ماكو وتطلقها ب اقرب وقت وبس تصير زينة تسافِر

علي
ههه والله حتى بالاحلام مايصير الكلتة..

كال هجي وخّلة وطلع
ايلول
بابااااا فوك دنيا انتَ عليّ صدُك تحجي ونبي حتموتني بابااااا

ابو ايلول
وبعدج بعدج لسة ولج ب اصعب حالاتج بين الحياة والموت وعافج شتردين بعَد ؟؟؟؟؟

ايلول
اني الي كتلة روح انيييي، بابا لا تحجي وياي ونبي بعَد ماكدر جَد اقتنع ب الي تريدة واقتنع بـ الي اريدة وهذا يكِفي ..

حجيت هيج ودرت وجهي بـ الم ..

الي عرفتة انُ شَمس واهل علي كلهُم يم فَرس، جنت اتمنى اكدر اكوم واروحلهم بس ادري بروحي ماكدر ولا حالتي تسمح الي اساسًا، وابوية كل ما جالة كِل ما يخرب العلاقة اكثر ...

للعصر تقريبًا ع حسب كلامهُم راحوا هُمّ اجتني فَرس وهيَ شابعـة بجي، شلون اقنعهـا وشنو الي يهدي كلبها هوَ اني وماعندي أمل نهائي

فَرس جانت اقرب للفاقدة، ماتدري بروحها بس تبجي وتهمس بـ اسمة، طلبت من حُسام يبقيها يمي بس ماجان يقبل كال حالتها ابد مومـال هَيج، كلي لتخافين اني يمهـا معَ هذا اني مجنت مطمنة

لليل سجلنـا خروج وطلعنـا على مسؤوليتنـا، رحت لفّرس رأسًا قبل لا اروح لبيتنـا وصحتلها حَتى تجي عدنـة

رُغم جان الوقت متاخر وادري بحُسام ميقبل الا انهُ صدمني وقبل

حُسام
فَرس راح تموت، مارضت ايّ شي تاكلة وبس تبجي ايلول الله يخليج احجي وياهة ايّ شي

ايلول
بس هيَ دتبدل حتجي؟؟

حُسام
ماقبلت بعدين كتلها ايلول حيل متخربطة ومحتاجتج فَ دتبدل هسة طُبي انتِ للبيت لا تعبينن واني اجيبهـا

ايلول
لا منتظرتها نطُب سوية

اجتِ فرس بهل اثناء، واكفة يم الباب مثل ظل، عيونها مورمات من البچي، صوت أنفاسها متقطّع، وإيدها ترجف گبل لا تباوع بيها. من گلتلها "تعالي"، مشت بخطوات ثگيلة، وكأنما الأرض ترفض تحملها.

اجتِ وياي رحنة لبيتنـا وطبينة لغُرفة الضيوف اني وياها لان ماجنت اكدر اصعد، من اول ماطبينة للغُرفة كعدت عالسرير وحطت اديها ع وجها وصارت تبجي بهستيرية: تبچي بصوت عالي، تنهيدات قوية، كلمات متقطعة وما تكدر توصل فكرة وحدة.

جانت تنبت اصابعهـا بوجها وكانهُ دتحاول تكتم اصوات صُراخها المكتوم، ومن احاجيها واخليها تحاول تحچي ماجان يطلع بس صوتها المخنوگ من البجي

وازيد شي يطلع منهـا
فَرس
مؤبّد؟ يعني خلص؟ يعني راح يضيع شبابه كُلة هُناك؟
ليش هو شمسوي؟ ليش حياتنا تتهدّم بهالطريقة، حياتنا بعدهي ما بدت ايلول ما بدت

تباوع يمين ويسار مثل الغريق، وتشهگ بالبجي بكُل قوتها، صحت لماما والبنات اجني يمها نريد نهديها نحجي وياهة ماكو بس تبجي وبقوة

فَرس
أريد أركض، أريد أصرخ، أريد أروح أطلعه بيدي ما أگدر، ما أگدر، والله عيني متاخد نوم واني اشوفـة ماكو يمي
وياريت بس بعيد والله جان سكتت والله، بس مو بالسجن مو بالسجن ايلول

كلشي بيها جآن مِنهآر عيونها حمرا من البچي المستمر وشفايفها ترجف وكلماتها تتعثر وحتى جسمها، يبين وكأنه ما عنده سيطرة عالأعصاب، إيدها ورجلها تهتز بلا وعي.

وأني احاول احچي وياها، احِس كلامي يضيع وسط نحيبها، كل محاولة مواساة تنكسر كدام صرختها وهيَ تكلي
هوَ دنيتي وكُل ما املُك شلون أعيش وأنا ماأدري دنيتي شصاير ماصاير بيها

طلعتلنـا الصور وصارت تباوع عليهن وتبجي وتحجيلنـا شنو سوالها، اهنانة اني اطلقت العنان وبطلت اواسيها وصرت ابجي ازيد منهـا ..

خابرني علي بنهايـة الليل، اول ما شافت فَرس نزت وهيَ تكلي

فَرس
بلكت الله اكو خبر حبابة يارب يارب يطينـا خبر زين يارب

فتحت الاتصـال
علي
ها ايلول شلونـج

صوتة جان وكانهُ متنگ او متشِبع بالجكاير وجان بالكوة يحجي

ايلول
علي، فَرس يمي حباب كُلي ماكو خبر

علي
اااااخ ماكـو مالكيت اهلهم ابـد كلولي شايلين منين شني ويـن ماعدي معلومات، بس هسة جاي ابحث لسة

بس سمعت هَيج كعدت ع الجرباية بعّدم صبُر وكعدت تبجي

علي
اطيني فّرس

اطيتهيـا صار يحاول يهديها شوية ويطمنهـا وفرس قافلة ومُستمرة بالبجي

علي
وعد رجال والله وعد رجال اقل الـ شهر والسالفة مگضية بروح ابيج وامج لا سوين هجي وعلي البيـة كافيني يبعدروحي روحج يلة اخيتي انتِ اريدج قوية امير يتقوى من اكلة فّرس قوية

فَرس
علي حباب اريد اشوفة تعال اخذني

علي
انسيها هاي سالفة فَرس ماعدنة مرة تطب لمركز مُستحيل

فَرس
علي حباب

علي
حبابة انتِ فرس لا تتحرمصيلي ماقبل انة تكليلي هسة كلشي اكلج صار ويجرالـج بس هايّ ماكدر والله ..

فَرس
زين علي وين هسة هوَ شلـون كُلي مايصير تنطي موبايل بس اطمن عليّ

علي
ب مكان زيـن ماكول احسن بس عاد احسن من الموجود، وموبايل ممنوع انتِ لتخافين اعليّ اندعي الله يفُك كربة وبَس ..

سدينـا من علي وكعدت اواسيها واخفف عنها، كامت توضت وصارت تصلي صلاة الليل صدمتني فَرس جانت يادوب تصلي صلاتها بس وي امير صارت حيل ملتزمة، كعدت ع السجادة لا ساعة ولا ثنين بس تندعي وتصلي ماخلت شي ماسوتـة

كوة هدئتهـا شوية وكومتهـا ويايّ غسلت وجهة وجبرتها تنـام ..

بدت تمُر الايام وفّرس كل ما جالها كُل ما تُضعف اكثر واكثر وكُل يوم تنتظر يجي خبر من أمير بس ماجان اكو

اما بابا فَ جان مستمُر بكلامة وجان من يشوف علي شلون چافي عني يكعُد يكُلي هوَ هذا الردتي شفتي؟ ويكعُد يلوم بية ويتوعد ما يرجعنـي الة ..

علي اتغيـر كُليًا وياي وصـار باليوم يجيني بـ آخر الليل يسئل علية شلونج اخذتي علاجج ويخلي ويروح بكُل برود

مرات تصيـر بكلبي بس من اشوف وضعنـا افتهم واحسة شكد متوجع وما اضل الِح عليّ

مضن اكثر من ١٠ ايام على هذا الحـال واني بديت اتحسن، وعلي ماخّلة ايّ طريـقة حتى يوصل الهُم بس ماكو ايّ أثر لاهل العائلتيـن ..

ضل اقل من الـ ٤ ايام للدوام واحنة لا بِسمـا ولا بِالگاع وماندري شنسوي اساسًا ..

الولد سافروا لان عندهُم اشغـال وماما وبابا قرروا يسافرون هّم، بهاي اللحظة صـارت مُشكلة لا الها اول ولا تالي
تارة بين امي وابوية وتارة بيني وبين ابوية
عجزنـا واحنـة نفهمة الي نريد نوصللهيا
وهوَ يدك وينوح علي مايحبج حصلج وذبج والدليل صار بال ١٠ ايام وهوَ حتى ماجايج ..

كعدت احاول ابررلة شكد علي متأذي من اميـر وشكد علي ديمُر بظروف صعبة، صرت ابجي واكُلة كافي حِس ولتضغط علية وهددتة بـ انُ اذا ضغط علية اكثر انتحُر وانهي كُل حياتي..

ماما تعاركت ويـا عركة حيل جبيرة وكالتلة بنتي اذا صـار بيها شي مُستحيل اضل وياك ولا اخلي واحد من ولدك يضل ويـاك

بلحظتهـا كلي صيحي لعلي وخليني اتفاهّم ويـا ..

صعدت لغُرفتي اريد اخابُر علي لكيت فَرس مخابرتني، خفت عليها وخابرتهـا اخاف يكون بيها شي

فَرس
ايلول، خابرني علي

ايلول
ههه يخابرج عندة وقت بس الي لا ماعندة

فَرس
ايلول ديكُلي اميـر يكول خلي تجي لبيتنـا بالدوام متروح سكّن و علي كلي حتى جدي يكول هيج ومن كلت لحُسام وافق فَ شنـو هَسة احس مادري

ايلول
يالله يعني اكيد سامع خبّر مُفرح لابُد فَرس لان مُستحيل امير يكول هيج بدون ما لاكي أمل لان اني سمعت من علي كايلة انُ اذا شفت سالفة مطولة كول الها تشوف حياتها ..

فَرس
مادري محد ديحجيلي والله حتى علي بسرعة بسرعة، شَمس تكول ٢٤ ساعة علي مانشوفة اصلاً يمنة
هسة شسوي !

ايلول
راح اخابرة واشوفة، اهلي حيسافرون وداومنا قُرب راح اكُلة واكيد راح يكلي تعـاي ونروح سوية

فَرس
اي يالله، وحبابة طمنيني بلكت اكو خّبر حلو

ايلول
ان شاء الله حبيبي

سديت الموبايل واحس كلبي مفرفح بسببة يعني مخابر فَرس بس ميكلف روحة يرد ع رسايلي الجرايد الكاتبتلهيا
خابرتـة مارد
مَرة ثنين ثلاثة ماكو ..

صدُك يحجي علي اول مرة يسوي هيج ويـن قبِل ! اذا رسالة ادزلة بعز انشغالـة ويرد علية

احس روحي فايرة فور وبس يحجي وياي اعيط بي وبدون ايّ تردُد ومُستحيل بعَد اقدر وضعة لان زودها حّيل وياي

راسلتة هواي، وخابرتة من كُل الجهات مارد
رحت لرّقمة العسكري خابرتة، ماكو دگتين ورد

علي
الو، هـا ايلول خوماكوشي

ايلول
لا والله ماكو شي سلامتك ليش مترد علية عود !!!

علي
مو وكتج ايلول والله مو وكتج

ايلول
مو وقتي هسة صار مو وقتي صّح؟

علي
ايلول غارك بالاستغفرالله ماكدر احجي، احجي شتردين حتى مالي خُلك اخذ وانطي

ايلول
هـا صحيح مالك خُلك تاخذ وتنطي صحيح حقك

علي
وعلي المشاكِل زاخة اعلية وانتِ تجين تحاسبيني شبيك ومابيك البارحة بليل حاجيتج انة، شترديني ايلول هجي فايخ ونفس خلك كبل

ايلول
احلى شي انُ بنفسك اعترفت انُ اكو فرق بين قبل و هسة هه ع العموم علي مخابر فَرس حتى تجي لبيتكُم مو؟

علي
ايّ طلب امير هذا

ايلول
وبنسبة الية؟ اجي وياها مو لو شلون

كتلـة هَيج ماحس الا اجاني صوت تنهيدة
علي
لا روحي سكن ايلول

من گالي هَيج حسيتة جاي يسلكلي

ايلول
علي لتشاقة احجي والله مالي خُلكك

علي
ماجاي اشاقة ايلول روحي سكّن، ماريد منـا لمن تنحّل سالفة امير، تحُرمين اعلية والله ..

هوَ يحجي واني مصدومة فاتحة عيوني وما مستقبلة الصَدمة حتى، هذا شبي شديحجي من كُل وعقلة عود !!

ايلول
علي مداصدكك والله فَ حاجيني صدُك لو شنو

علي
وألله ايلول، يلا ارد اروح السالفة حيل داچة وحساسة ..

كال هَيج وسد الموبايل
حسيت وكأنّه الأرض انسحبت من تحت رجلية، عيوني ضلت ثابتة على نقطة فارغة وما دافهم شنو ديصير، كلشي حوالية ينسمع مشوّش كأنما أصوات بعيدة.

كلبي يدك بسرعة، بس بنفس الوقت احس كلبي متوقف، صرت اتنفس بسرعة وبقطع، وادية صارن يرتجفن وماصرت اسيطر حتى ع الموبايل اللازمتـة بَ ايدي، حتى الكلمات ساعتها حسيتها خنگني ومارضن يطلعن مني ..

بداخلي صار صُراع غريب بين عقلي اللي يريد يستوعب الحقيقة، وقلبي اللي رافض يصدّك. فجأة حسيت روحي ذبلت، وحسيت روحي خفيفة وكإني راح اوكع ب ايّ لحظة، دموعي تنزل غصب رغم ما اريد ابچي، وشفايفي صارن يرجفن

وهــذا جان اول خُذلان مِن علي.
يُتبع...

____________

شَمس

جنت لابسة الشال ع نُص وشعري طالع
اخذ خُصلة من المُقدمة النازلة وضمهـا وي شعري وكال بصوت هامِس
سُراج
مُمكِن يكون الحُب هجي سوة بينـا ؟

هوَ كال هيج إلا واني إلة شوية احس روحي متخربطة بـ بين اديّ

تجمدت الكلمات على شفايفي، كأنّ الزمن توقّف وي همساتـة الاخيرة. عيني ظلّت متعلگة بعيونة

تايهة بين الخوف والدَهشة، بين لهفة غريبة وارتباك مُفاجئ. صدري صار يعلو ويهبط، و صوتي اختفى وكأنهُ خانني بـ أهم لحظة بحياتي.

حَسيت الارض صارت تتموج جواي والدنيا كلها صارت تفتر بية، حَسيت روحي صرت مُحاصرّة بين جاذبيته وذهولي، ما عندي غير الصمت الي فضح ارتعاشة قلبي ..

شَمس
اا ا سُ سُ سُ ر ا ج

سُراج بضحكة خفيفة
سويتيني سوسو إلا شوي، تداركتي الموقف بـ اخر حروف شبيج

كال هَيج وهوَ يحُط ايدة على خُصري، اني هنا حَسيت روحي لا هاهيّ اذا اضل لحظة اوكع

انتفضت بـسرعة من عندة واني اكُلة
سُراج وخـر مِني وخُرر حباب

بعدة ماحاجي شي اندگت الباب
سَجاد
فِدوة رحت الهُم
يشبهوج غير امهم
غير انة اشوفج وانتعش
جني ملك فوك العرِش
غشتني نـاس بدنيتي
بس كلبج ابيض مايغِش
ولك سريجججج، خايب سريج وينك

فَزيت من مكاني بسرعة، وهوَ وخر عني، بعدني ما مسوية ايّ ردة فعِل ماحس الا فتح الباب

انصدمت وشهگت من الي سوى سُراج، باوعت سّجاد واكف مقابيلنـة ومصدوم

سُراج
هـا سَجاد

اشر علية ونوب على سُراج واشر بمعنى شنو ؟
اشر سُراج عليََ ورجع اشر على اصبعـة بمعنى حلقة

رفع حواجبة سَجاد وهز راسة ودار وجهة وراح
سَجاد
ولجج صويلحة تعاي اتوسطيلي يم جبُر يعقدلييييييييي

شَمس
سُراج شنـو معنى فعلك هذا انتَ صدُك تحجي
عود مقتنععع !!!

سُراج
جدًا مقتنع موبس مُقتنع المُهم ما كملنـا كلامنـا

بعدة جاي يحجي خَليت وطلعت بـسرعة واني احس گلبي صار طبِل ع كد ما يدگ ع سريع

طبيت لغُرفتي بسرعة وع كد ما جنت مركزة ع نبضات كلبي وخطواتي سمعتة كال شي بس شنـو ما عرفتة ..

طبيت لغُرفتي واني مصدومة صدمة حياتي
حُب؟ هوَ كال حُب !
ايّ كـال مُمكِن الحُب هيج سوة بينـا

عزة يعني معقولة سُراج يحبني ؟؟؟؟؟

افكاري تلخبطت وكُلشي احسة اتجمع براسي، جُزء يكُلي ايّ وجُزء يكُلي لا حتى كلبي احسة ثگل

صرت افتر بالغِرفة واتنفس بصوت مسموع وافكِر
بَس هوَ يحِب زينب شلون كدر يحبني ؟
معقولة هوَ ديستخدمني حتى ينسة زينب بية
لا سُراج يخاف علية مُستحيل ياذيني بهيج شغلة

احس راسي صّدع واني بس افكُر، فتحت الموبايل لكيتة فاتح بث مُباشر طبيت للبث لكيتـة يصور بالاجواء مالتهُم

ضل يباوع للتعليقات، اكيد طلعلة انُ اني انضميت شفتة عدل نَفسة و وجه الكاميرا اكثر شي عليّ

حَسيت بحركاتة مقصودة، بنهاية مو غّريب علية سُراج ادري بحركاتة شنـو

باوعت البث مالتة بي الِف شخُص الاغلبية شباب بـس اكو بنات همين يعلقن

-
سُراج واكطع

لحظة عابرة، كلمة بسيطة على البث، بس چانت كافية تخليني أنهار من جوّه. ابتسامتي تلاشت كأنها ما كانت موجودة أصلًا، عيوني صارت تركض ورا الحروف وكأنها تكشف سر أكبر من حجمها وشي هوَ اصلاً ما موجود ..

دگات قلبي تسابقت، أنفاسي تعمّقت، وكل مزاجي انقلب بلحظة. غيرة مو عاديّة، غيرة مثل شرارة حارّة، تحرق بصمت، وتخلي روحي ترتجف بين الفضول والخوف من الفقد ..

سديت الموبايل وكعدت بيني وبين نفسي
هوَ ياترى معقولة اكو شعور بكلبي انولد تِجاه سُراج؟
شلون كدرت انسى كُل السوالف الي سواهن وياي
ولويـن وصلني بشكة و تعذيبة الي

والله جَد شلون كدرتي تنسين كُل هذا يا شَمس ؟
وهوَ اساسًا شلون وصلنة لهذي النُقطة !!

كاعدة وصافنة ع الي صـار كُلة من اول ماجيت لحد ما هَسة، فتحت الموبايل ونزلت لاول مُحادثة بيناتنة

لكيت شخُص يحاوِل وشخُص بـارد مَيت تقريبًا
كان يبادر، كان يزرع خطوات صغيرة بينا، وأني جنت اطفيها بلا مبالاة، كأنّي خايفة أسمح للنور يدخل لروحي وخايفة من سُراج بحد ذاتة.

كل رسالة من عنده كانت أشبه بيد تمتد نحوي، وأني بكُل بساطة كنت أتركها معلقة وانفُر بكُل مابية، بـ اخر فترة تحولت اني سُراج وهوَ تحول لشَمس وتبادلنٌا الادوار والشخصيات

من سُراج البـارد النرجسي لُسراج المُبادر المعطاء
ومن شَمس الحساسة لشَمس الباردة المايهمهة شي ..

تنهدت ورحِت فتحت البث مالتهُم خليت ونزلت حَتى اراويهن الاجواء

مسـوين الكعدة خليجية وحاطين كراسي ونفس ديوان الي بالنُص وعالكين اضويـة ومزينين البستان وكُلشي جان مرتّب

لمَن بلشت النـاس تجي والكُل صار موجود سمعت علي كال لسُراج يلة سَد البث وخل نتونس بيناتنة

سدوا البَث واحنـة كعدنة سوية اني وسيوف و سّبب وروان والباقي كُلهن نايمـات

كعدنـا بالصالة نسولف ونضحك حدما ملينـا من السوالف واتفقنـا نكوم نُطبخ كُل وحدة اكلة ونشوف منـو الاطيب

اني سويت كيكة
وسبوف طلعت ع اليوتيوب حلاوة حليب
و روان داطلي
و سّبب خلية نحِل

الساعة بـ ٢ واحنة نُطبخ بالمطبخ وصوت ضحكاتنـا متعالي وماندري بدنيا طّشت لو رّشت ومتونسين لابسين كُل احنـة قصير وشعرنـا مفلول ومحَد يمنـة فَ مكيفين

كملنـا الاكِل كُلة حطينـا ع الطبلة بالصالة وكعدنـا نقيم الاكلات، تعاركنا اني وسّبب منو الي يفوز لان ثنينة جان طبُخنـا طّيب والبنات ضلن يكولن ثنينهن طيبات منكول شي

شويـة وعفنا الاكِل وكعدنا كُل وحدة ع موبايلها نشوف شكوو مكو، فتحت موبايلي لكيت سُراج موديلي صورة الة وكاتب
سُراج
شوفيني شلون طـالع

احس متتت من المستحة ياربي بس لو ابطل سالفة التفكير بصوت عـالي جان هَسة اني بخير

باوعت عليّ، خرب عرضة والله حلو من اول ما بابا راواني صورتهُم كتلة سُراج وغَيث احلى ثنين وفعلاً هُمّ احلى ثنين بس لو نقارن بينهُم فَ سُراج يفوز بملامحة الاكثر حِدية على عكِس ملامح غَيث لطيفة وهادئة ..

جنت داشوف بالصورة واكبُر بيهـا وروان فجأة كعدت بصفي مالحكت اطلع من الصورة شافتني

روان
عـزة هذا سُراج، شجاي تسوين بصورتة خايبة
اعليج العباس احجيلي شمِس

حجت هجي وهيَ تتربع وتكعد ع التخم كدامي وسيوف وسَبب اندارن النـة

سيوف
ولـج والله يحبهااااااااا يكل الها هـا شني اصبري اذكر ايّ جبت هدايا مو هدية وحدة ويكل اليمة صالحة منا وجاي سمينـا دبس وراشي مو حية وبطنِج

شَمس
شمدريج يحبني منو مايكول هَيج مُجرد ديلاطفني

روان
مُلاطفة شني بيش الكيلو هاي ؟
احنة ماعدنة هسوالف شميسة الي يريد يريد ويطب بالغميچ اعلى گولتهم ف انة حسب ماجاي اشوف فعلاً سُراج يحبج وهذا الشي انة متاكدة منة بس سولفلينا اعليج انتِ

شَمس
اني شبيـة؟ لا تسئلني كُلشي مادري اني
هوَ تصرُفاتة كُل ساع شكِل بنات
ساعة يرفعني لـ سابع سما وساعة ينزلني لـ سابع ارض

سّبب
ايّ بس هسة انة اشوفنة كلِش زين وياج من سافر لسة وحتى جاي يسوي حركات مقصودة يعني جاي يضل وياج كدام الكل وكانهُ جاي يثبت

روان
والله و سُراج طايح بالحُب واذا ماحبيتي اموتج

شّمس
ذيج المرة جان سُراج ما ينجرع وبرة وايع

روان
حبيبتي مروان هم ماينجرع وزَعيم هم ماينجرع بس ويانة غيررر

جنـة نحجي ماحسينة الا ع صوت سيارات تطافرنا كُل احنة لغُرفة سَبب وكُلتنة اخذنة منها ملابس

اخذت روبهـا اني لبستة فوك ملابسي وعدلت شالي وطلعت، حسيت بروحي بردانة يُمة أشآ شلون جنة نمشي بالقصير ودنيا باردة مادري صدُك خبـال

كعدنة سوينـة روحنة ناكُل شوية وطبوا هُمّ كلهُم

- السلامُ عليكُم
- وعليكُم السلام ..

روان
مبروك عيني مبروككك

علي وامير
الله يبارك بيـجن شنو هاي شمسويات

سيوف
سوينة تحَدي منو طبخة اطيب

سَجاد
اكيد انتِ هاي الجوزية المفحمة بوية هاي مفحمة اكثر من صاحبي حسون وعلي يالفاهية شوكت يصير براسج حظ متكليلي

سيوف
يعني موطيبة اوف والله لو ادري هَيج من البداية ممسوية

سَجاد
لا جذب اشاقة وعلي هسة اكلها كِلها نفس العسّل على گلبي

سَبب
تعالوا اكلوا وقيموا حاليًا اني وشَمس جاي نتعارك شَمس تكول كيكتي اطيب وانة اكلها خلية النحل مالتي اطيب اطوني آرآئكُم انتوا

تقدموا كلهُم واخذوا كُل واحد قُطعة قُطعة، سُراج اخذ كيكتي وزَعيم اخذ من مال سّبب

زَعيم
هاي اطيب اكلة اضوكها بحياتي

سُراج
كد ما طّيبة ماريد اطيك، خليك محتفظ ب اكلتك البيدك

زَعيم
والله لو تطلع عّسل هم اختـار مال سَبب
اسف شمِس بس ماكوشي يعلى اعلى سَبب

سّبب
اهو زَعيم عوف الحُب هسة نريد صراحة

علي
عمي شو دجيبوا انة وامير وسَجاد وغَيث نقيم انتم بلة عشاگ ما تطون بالوياكُم

من كال هاي الكِلمة باوعت لسُراج جان ياكِل بالكيكة ويباوعلي

تقدموا الولد واكلوا منهن ثنينهن
غَيث
بصراحة عجبتني مال سّبب لان بيها حلاة زايد

امير
ولانّي ماحب الحلا الثگيلة اكول شَمِس، اسف ام يعگوب

سَجاد
ماريد مرة تكرهني بس والله ثنينهن طيبات شسوي

شَمس
لا والله عادي احجي

سَجاد
احب الحلاة الزايدة فَ سَبب
انتِ بكِلشي اختارج انة شميسة بس غير تردون الحقيقة شني هيَ

زّعيم
علي هوَ الراح يخصم الموضوع يلة علي شتكول

علي
والله ثنينهن طيبات، بس انة نفس امير ماحب الحِلا الزايدة ف عجبتني الكيكة اكثر

سَجاد
شفتن تعادل اصلاً احنة متفقين اعليجن نعادلجن فكنة منجن ومن نكدجن شلون نسوان

شَمس
ديلة روح بعد ولا احجي ويـاك دامك صوتت لـ سَبب وما صوتتلي

سَجاد
له له له افة بنت العم تزعل
خيـاي زلمة ومو حجي
خياي يالمودخ الحجي
مدري شنو من ارد اهد
تجايتي وضلعي الصعُب

علي
هذا شبي شو كام يمسلت

غَيث
هسة انتَ امسلت وكاسب حرام كاسب حرام دمسلت عدل

علي
نعس الظاهر خينام خينام

سَجاد
لا وعلي مابية شي اهمشي شموسة
شموسة احسن طبخ بالعالم تعيشششش شموسة
بس ها على شرط الي ب بالي قبلها رجاءً

جنت مركزة ب ملامح سيوف زعلت لـ اخر لحظة وفجأة ابتسمت وفُرحت

ابتسمت عليهُم وضل بون براسي
سَجاد
زعلتييييييييي ولج

شَمس
والله لا شبيك

سَجاد
لا لا شو خاف زعلتي هههههههه

كال هَيج وهوَ يلطشني بالمُخدة على الحايط

شَمس
اخخخ سَجاد بطل شقة ثكيل راسي طار

سُراج
هسة شبيكم انتوا زعاطيط كافي عـاد لتصيرون مدري شلونكم

حجة بـ اسلوب حآد حيلللل، وملامحة جانت ضايجة

سّجاد
اهو خل نسكت غـار الباشا اعلى ست الحِسن
عمي لا تتنوعلي هيج ماكدر شني هيَ احب اشاقة

سُراج
راح العبة عليك، تعرف شني.

اباوعلة كاعِد ويباوع لسّجاد وكانما يريد ياكلة وعلي يهمس بـ اذن اميرر مدري شنو وامير يضحك وعلي يضحك

من الخجّل صعدت لغرفتنا بـسرعة
ياربي سُراج ويـن يريد يوصل اريد افتهم

عفت كُلشي وكتبتلة بالموبايل
شَمس
ويـن تريد توصل بهاي سوالفك؟
ليش دتحاول تبيـن يم الكُل عن علاقة هيَ ما موجودة اساسًا ؟

ضليت منتظرتة عمّا يرد، شويـة ورد
سُراج
لانُ ب بساطة اني شخُص يحب الاشياء الواضحة
فَ انة وضحتلج، اذا مافهمتي مو مُشكلة اكدر افهمج هالشي بمرور الوكت بَس الناس ضروري تفهم هسة قبِل باجُر جدية مشاعري

شّمس
ويـن اكو جدية مشاعر مصدك انتَ ؟ والله مادري وين تريد توصل بهاي سوالفك !

سُراج
مرتين عدتي سالفة مادري وين تريد توصل، اذا حابة تعرفين الجواب فَ رايد اوصل لگلبج شرآيج؟

هوَ يحجـي واني احس روحي ميتة من التوتر والقهر بنفس الوقت اكو طّيف بسيط من الفرحة الغريبـة

شَمس
سُراج انتَ تحِب زينب ومُستحيل تنساهة ادري بيك فَ لا تُظلمني وياك ولا تنطيني وهّم هوَ ما موجود

سُراج
انة اخاف اعليج من كِلشي خصوصًا بهالسوالف، تتوقعيـن أذيج ؟

شَمس
مادري يجوز ؟ مو اول ولا اخر مرة

سُراج
بس انة ماجنت احبِج اساسًا ! ف جنتِ من تغلطين أاذيج بدون ماهتم

هوَ يكتب واني مركزة بكل حرف يكتبـة من كتب ( ماجنت احبج )
حسيت بـ احساس غّريب وبلحظة ومن دون ماحِس اصابعي اخذني وكتبت بدون وعي

شّمس
ليش وهسـة شنو ؟

سُراج
هَسة كِلشي تغير وانة صرت رايدج وبكِل مابية هم ...
يُتبععع
( اليوم فقرة سُراج وشَمس مُختصرة نوعًا مـا لان ركزت ع ايلول وفّرس، ان شاء الله بالبارت الجاي حتكون الحصة الاكبر الهُم)
لا تنسـون التصويت والتعليق الحلو
البـارت القادِم نفس ما اتفقنا ع التليجرام يوم الخميس ان شاء الله ..