بيت جبر الفصل التاسع وستون 69 - بقلم هُدىٰ آذار

مَســاء الخير
ورجعنــا وياكُم بـ بارت جديد من قُصة
بيَت جبُر
للكاتبة : هُدىٰ آذار
لاتنســـون التصويت والتعليق بين الفقرات
قِراءة مُمتعة.
____________________

شَمس

سُراج
بس انة ماجنت احبِج اساسًا ! ف جنتِ من تغلطين أاذيج بدون ماهتم

هوَ يكتب واني مركزة بكل حرف يكتبـة من كتب ( ماجنت احبج )
حسيت بـ احساس غّريب وبلحظة ومن دون ماحِس اصابعي اخذني وكتبت بدون وعي

شّمس
ليش وهسـة شنو ؟

سُراج
هَسة كِلشي تغير وانة صرت رايدج وبكِل مابية هم .

من شفت رسالتة احس الدم جمَد بعروكي، كُلشي جان واضح بالنسبة الي، بس اني جنت اوهوس و اخطأ بنفسي بس هَسة احس كُلشي صار واضح مية بالميـة ..

من صارت صدُك حسيت اخو خوفة اجتاحّتني، وكُلشي بداخلي رُفض هل شي بصورة غَريبة فزيت ع علامة الاستفهام الي دازهة، صرت افكر شنـو اكتبلة بس عقلي احسها ساعتهـا ماكام يشتغُل والكلمة كوة تطلع مني

شَمس
انتَ و اني نختلف بهواي اشياء فَ لا تظن انُ بفد يوم مُمكِن ننجمع ..

اول مادزيتها قراهة لان جان بالمُحادثة
سُراج
ايّ ادري مني كالج مادري العافية بـ تداريج ..

ماكدرت اجاوبـة احس روحي متعلثمة هواي، سَديت الموبايل وصرت افكر بالموضوع واحس راسي صدع كد ما فكرت

خّليت ونمت جنت حيل تعبـانة كعدت ع صوت هوسات عـالية

سَجاد
وصلوا على مُحمَد صلوا على مُحمَد
يوم ال الك سَجوووووودي يوم ال الك

يـاربي هذا يمشي بالممّمَر ويحجي وي روحة شكد مخبل
غمضت عيوني حَتى ارجع انـام اندكت الباب حَيل

سَجاد
اكعديييييييي الدنيا ظهر شعدج نـاااايمة

شَمس
سَجاددددددد عوفني شهل حيـااااة هاي

سَجاد
والله نعسااااان وكعدوني جا بس انة، انتِ هم اكعدي يلة

سكتت وحاولت انام، كام يدكدك بالباب حَيل وكانهُ طبُل

سَجاد
اريد ادبِچ لحد ماتطيج رجلية
واحنـة اهل الولد موش اهل البنية ترارتراراااا

كمت بـ انزعاج حطيت شال ع راسي وفتحت شوية من الباب

شَمس
شبيك تخبلت متكُلي شبيك متخلي واحد ينام

سَجاد
عيون الغسِل دكعدي عيونج مورمات من نومم اكعدي

سُراج
لكككك قُندرة لككك سَجاد

سَجاد
اهووو اجة خباط صافيها

سُراج
شبيك انتَ مخبل شبيك

سَجاد
ولك نايمة والساعة بـ ١١ الظهر شني هيَ

سُراج
وانتَ شدخلك نابص بالنص شكووو

سَجاد
انتَ الشدخلك انة وبت عمي انتَ شكو والله حلوة هاي

سُراج
سَجاد مو اجيك

سَجاد
هوَ انتَ يمي وين تجيني خايب، شو دروح

سُراج
كتلك بطلهن بطلهننن

سَجاد
وكتلك من تزوج ابطلهن غير هالحجي ماعدي

سُراج
لك سَجادددددد

سَجاد
يلة شميسسسسسة انزلي

شَمس
جااااية جاااية

بدلت ملابسي وحَطيت شـالي ونزلت الكُل مخبوص مسوين عّشة لاقاربهُم كلهُم

الاجواء رُغم انهّا جانت مُختصرة الا انهّا حلوووة وعوفيـة حيل
والي مسوي جـو بكُل هل موضوع سَجاد كُل ساع ومهوس

كمت وي البنات للمطبخ نسوي بالغّدة طب سَجاد وهوَ يصيح

سَجاد
جوعااان شمسوين

سيوف
شبيك تجوعررررر صوتك نصي طرمتنا ترة

سَجاد
خرب خرب هاي شنييييي تكليليييييييي تجوعر ولج هاي منين متعلمتها شني مُطي واجوعررررر مو اجيج الفاهية مو اجيج كضي السانج لا العب الغالي ع الغالي

حجة هجي وهوَ ينزع النعـال ويجي لسيوف وسيوف لبدت وراي، بهاي الاثناء اجوي علي واميـر وسُراج

دار وجهة فجأة وحط ايدة ورة ظهرة و ايدة الثانيـة الي بيها النعال رُفعها

سَجاد
والحاكِم گال هذا العريس منين
عَمـامة شيوخ واهل أُمـة السلاطين

اباوع لعلي ولامير ثنينهُم فرحانين ويضحكون وسُراج مَدري شبي يباوعلي ونظراتـة مزعوجة

سَجاد
العيـن الحارة الحَمزة يُطفيها
والعيـن الباردة كل الهلا بيها

علي
ولك نزل نعالك وهوسسسس

سَجاد
ها ايّ والله نسيت

ضحكنـا كل احنة عليّ ورجع يهوس

سَجاد
يلا كيتوا كيتوا خل اكمل الكُم طلعوهن طلعوهن المن ضاميهن

علي
ايّ ادري شني مهوال وماندري بيك

سَجاد
ها خو ما تطوني يلا جا هاكُم
هاي خصوصًا لمرت اخوي ايلول
وعيـون الغَزالة عيون جنتنـا
صلوا اعلى النبي الصيدة صيدتنـا

هوَ كال هيج وهوَ شرد وعلي ورا
واحنة متنة من الضحك عليهُم

شَمس
يُمة حموت سَجاد بفد يوم يكتلني من الضحك

كلت هيج واني دموعي تريد تنزل تقرب سُراج وهوَ يباوعلي بـنفس نظراتة المزعوجة
سُراج
اعلى كيفج لا تطگين من الضحك

حجة هيج وخلّة وراح

سّبب
يغـارررررر يابة يغـاررررر

شَمس
لتخليني هَسة احجيييي يغار كالت

حجيت بـ انزعاج وعفت وصلة المسح الي بـ ايدي وطبيت

صـارت الدنيا العصُر وجنـة كاعديـن كُل احنـة، عمامي مبدليـن وجدو مبدل وكُلشي جاهز بَرة، ومنتظريـن الناس تجي

نزّل اول واحِد سَجاد، لابس دشداشة زيتوني والدشداشة ضاربة على عيونـة حَيل بحيث عيونة حيل بارِز خضارهِن و عيون سَجاد بيهن ميزة انُ هنّ مكحلات وتقريبًا هنّ احلى مابي وحاط سِبحة بيدة وجماغ بيجي حاطة على متونـة

اول مانزل حط ايدة ع صدرة وهوَ يكول

سَجاد
ابـد والله اكعدوا لا تعذبون روحكم لحد يكوم العباس اعليكم لا شيخ ابدددد لا تكوم اعلى راسي

كال هيج وهوَ يدنى ويزرع البسمة على وجوهنة كُل احنة، الشي الحلو الي سوى جدو كاملة وتباوس ويـا وباسة من راسة

باوعت لـ سيوف الي تباوع بنظرات بريئة ومليانة ابتسامات صادقة

جبُر
هلا بضحكة البيت شهل زين هذا

سَجاد
الخلف ما مات شيخ، غير طالعين اعليكُم
يلة شيخ ما حَن كلبك اعلية عمي ماريد ازوج دعقدلي شبيك

جبُر
تريد اعاملك ك ابو بت لو ابوك

سَجاد
لا عمي ابو بت

جبُر
اذا ابو بت فَ انة اطيك بتي اعلى ايّ اساس ؟

سَجاد
عدي سيارة وعدي شغل هذا الاساس

جبُر
سيارتك اقصاد شغلك يعني تشتغل منا تطي اقصاد سيارتك منا، واذا عقدت فَ راح تصير مرتك هيَ يعني احنة محد الة علاقة بيها كون كِلشي اعليك فَ وين راح تدبرها انتّ

سَجاد
جدي كلة من وراكم هسة انتوا عايزين هذا علي هذا كتلة اشتريلي سيارة من عدك وانة اطيك كل فترة اناوشكياهن ماقبل

جبُر
ولا يقبل ليش يقبل بوية، انة ماريدك تستند اعلينة كون روحك بروحك وبعد بعد بوية الحياة كدامك ماريد اعيشك بالعشنـاه احنة من وكت زواج وبزرة واهل ومسؤولية والكل تريد منك اعليمن ماتكلي اعليمن لاحك اعليهن

بعدك ستوك ٢١ سنـة كمل جامعتك تخلص قسط سيارتك تصير سيارتك حلالك وتجمعلك امويلات مشروع الك ب بدال ماتشتغل بي تشغُل بي ناس ومن بعدها من عيوني تعـال وعين غطة وعين فراش

صحيح لو مو صحيح؟

سَجاد
لا بالله صحيح، بَس جدي

جبُر
بوية لا تتوازى الدنيا كدامك بعدهييي كافي رنات براسك يعني احنة شلون بهل ربابة هاي ماتخلص هذا اخوك زعيم بثلاثينات وستوة راح يزوج، علي وامير شكدهن راح يطبون للثلاثين بعدك بعدك الناس مو تسوي شي معناهة احنة هم نسوي مثلها انتَ ب بدال ماتريد تتزوج مثلهم سوي روحك مثلهم
انة ماريدك تكلي لا لان انة كتلك لا اريدك تكلي لا لان انتَ مقتنع ب ال لا وماريدك بعد تجيب طاري للموضوع

تنهد سَجاد وباوع لسيوف بنظرة عابرة وگال
سَجاد
حگك جدي صحيح كلامك هذهو ان شاء الله خير ..

حَسن
هسة شوية ويكلكم زوجوني

من كال عمو هيج كُل احنـة ضحگنة وهوَ ضحگ بهاي الاثنـاء نزلوا سُراج وزَعيم سوية

سُراج وزَعيم فرق بينهُم هواي، الطول نفس الشي بَس الاجسام تختلف، زَعيم هواي يحب يلعب تضخيم بينما سُراج رشيق وي عضلات مرتبة ورشاقتة حيل حلوة بالنسبة لجسمـة

زَعيم لابس دشداشة نيلي و عباية سودة وجماغ وعگال
نزل ورا سُراج جاي بدشداشة بيضة، ولابس يلگ شتوي اسود ومرتب شعّرة بطريقة حَيل حلوة وبيده السبحة والموبايل، ملامحة هادئة بس بيها هيبة غريبة ..

ما لحگت اوخر عيوني عن عيونـة قبل لا يشوفني، التقوا عيونة سوة وانطبعت ابتسامـة خفيفة على شفايفة، ماگدرت أسيطُر اكثر واحس عيوني من نفسها رجعت إلة، يمكن لأن حضوره مو عادي، أو يمكن لأن كُلشي بيه لفت نظري، حتى طريقتة بالمشي ..

اول ماشفت عيونـة بعدهن علية بسرعة التفتت لسَبب
سَبب ضحكت وهمست بصوت وهيَ تقلد ع صوتي
سَبب
سُراج لا مُستحيل ..

گصرتهـا بخُفة واني اخزرها حَتى تسكُت، اجوي نزلوا رفعت عيوني لكيت سُراج يهمس لـ زعيم بَمدري شنـو

جان المفروض زَعيم يكعُد ع جهة سَبب الفارغة بس هوَ كال لسَبب ادني واجـة كعد من جهتي، تدنيت مسافة عَنـة حتى ناخُذ راحتنة اكثر بس فجأة اجة سُراج وملة هل مكـان

ماجان اكو مكان بعَد اكثر حَتى اتدنى الـة وبنفس الوقت اجسامنـة ثنينة تلاصقت سوى ردت اكوم همس بـ

سُراج
اكعِدي شبيج

باوعتلـة بـ ارتباك واختاريت السكوت ع الكـلام وضليت كاعدة بمكاني

بهـل اثناء نزلوا الثُنائي مال البيت، امير وعلي وغَيث وراهُم وهُمّ منهارين ضحك ع شنـو محَد يدري واصواتهُم معتلية ..

اول ماصاروا جـوة گام سَجاد

شَمس
راح يهوس

سَجاد
قابل يومية معرسين اطيني عِباتك اطينياهة

زَعيم
ولك اكعِد لا توصخلياهة

سَجاد
شكلولك اعلية وصِخ لو زعطوط دطينياهة اطينياهة

نزع زَعيم العِبا وانطاهيا لبسها وضل واكف متحضرلهُم ينزلون، اول ماحطوا رجليهُم بالكاع وتقدموا سَجاد لبس العِبا ورفعها

علي
اذا تهوس هوسات بيهن خير نهوس وياك اذا تمسلت اموتك وعلي

سَجاد
ولكم شو انتوا مومال احترام فوك ما اوكف وياكم واهوس الكم لا تخلوني ابطل هَسة

امير
لا عمي دخيلك، بدونك وين نعيش هوس يلة هوس

سَجاد
لا لا انتَ تنحى خل اهوس لذاك

علي
يلة عمي اعلى راسي احجي

سَجاد
وزفينة الجان مسربت
مايلفي الا بنص الليل
وزفينة الجان مسربت

عرفتة اني مراح يضيعها لعلي وراح يردلهيا، اول ماكـال هيج احس روحي ماتحملت وضحكت بصوت حَيل عالي

وعلي اجـة لسَجاد يضحك ولزمة من ياختـة
فجأة فتحت عيوني من ضحك اباوع سُراج يباوعلي بتعجب

انصدمت من نظراتة وكتلة
شَمس
هـاي شييك ؟

سُراج
انة الشبية لو انتِ الشبيج؟ شدعواج تشرگين الحلگ شرِگ اعلى سَجاد ؟

شَمس
ترة يضحكني شنـو هيَ ؟

سُراج
يضحكج مو ايَ يضحكج
اعلى عيني وراسي يضحكج بس مو هل ثخن، ماشوف هل ضحكة غيـر ويا صدِك جذب ترة مصختيها

شَمس
وهسة انتَ شبيك متنرفززز ترة متسوى

سُراج
صحيح متسوى شو ماشوفج هلكد تشرگين حلكچ ويا لو انة مو سُراج

يحجي وهوَ داير ظهرة و وجهة علية وبهمس يحجـي والعَصبية واضحة بعيونة والباقين ملتهيـن يسولفون ويضحكون

شَمس
ليش هوَ انتَ تضحِك مثلاً، اشو ٢٤ ساعة مبوز وجهك

سُراج
انتِ مني معلمج اعلى هاي المصطلحات منين سامعتها هاي مبوز

اتذكرت بيبي صالحة هيَ صاحبة هل كلمة وانداريت وضحكت بخجّل

سُراج
بسيطة شمِس بسيطة

اجوي كلهُم كعدوا سويـة ماكو شويـة وخابروهُم ب انُ جايين كلهُم طلعوا حتى يتلگون النـاس

الاجواء برة جانت حَيل حلوة، ناس هواي اجتِ لدرجة انملة المُضيف و الـطارمـا كلها نـاس، غَيث وسَجاد ومُرتضى مشغوليـن بالمايات و الجايات، امـا الباقين فَ متقسميـن زَعيم يمشي وي جدو وعمامي وعلي واميـر وسُراج يستقبلون الناس ..

بين الهوسات وبين سوالف ولمات الزلم، كُل مجموعـة جانت واكفة سويـة، والهوى چان مليان نغمة فرح وسعادة ..

كملوا عشاهُم كلهم والنـاس طلعت بهل اثنـاء احنة جنـة ملتهين كل احنة البنات ملتمات بالغُرفة فوگ ونسولف ونضحك ونستعرض مهاراتنـا بالرقص ونتحلف بـ عرس زَعيم وسّبب نطلع كُل شي ..

ع اساس زَعيم جان مخطط انُ العرس مالتة يكون قبل الولد ويكون نفسهُم مختصَر بس جدو ماقابل ابد كايلة اخوانك متوازين علمود السكن وهاي سوالف انتَ ما متوازي خليك حدما تطلع دورة سنة عمك ونسويلك عرس اعلى اصولـة ..

تعبنة بليا ونمنـة كل احنة بنفس الغُرفة لثاني يوم كعدنـا كُل احنـة من وقت الساعـة ب ٧ تقريبًا

الزفة تنطلق الساعـة ب ٩ حتى يوصلون العَصريـة الهُم

صالحة
ولجن جا انة اروحن وحدي غير مَرة تروح وياي كِلشي يصير

رَضية
عمة والعباس انة الطريق ماتحملة

صَفية
ولا انة، يا عمة ننتظر هنا ونتلگاكم هوَ الطريق هين لا هنا ولا هنا

صالحة
جا شني اروح وحدي

سُراج
ميخالف يُمة جا واذا

شَمس
بيبي اروح ويـاج اني ؟

من حَجيت هيج باوعت كلهُم باوعولي

جبُر
جَدي ويـن ترحين الزفة كلهة زلِم

سُراج
لا خليهـا تروح اذا تريد اخذهن هيَ وامـي بالسيارة ماعلينـا شي

جبُر
ايّ حتى انتَ شلون تتزابگ بين السيارات

سُراج
لا هيَ ويـن طريق الموصل صاير اكرهة من ورة ذيج سالفة ولو ما علي وامير فلا اروحن امشي اعلكيفي وبالبداية ما اداخل وي سيارات البقية

جبُر
جا اذا هجي امشي وي ابن عمـج يلة روحي بدلي بسرعة

صالحة
ايّ يلة شميسة امشي عاد انتِ وياي

رحت صعدت بسرعة سُراج صعَد وراي
مستغربـة هذا معقولة سُراج شعجبببب يطلع منة هيج شي شعجب، مو من عوايدة ابـدددد ..

سُراج
لا حمرة لا كحلة ولا ابّ شي حجابج وعباتج

انداريت الـة وباوعتلة صفح
شَمس
والبس بوشية؟

سُراج
لا مو لهل درجة هاي

عفتة ورحِت لبست بنطرون كـابوي وقَميص ابيض ولبست حجاب احمَر

رتبت وجهـي شوية ولبست عباتي وطلعت
اول مافتحت الباب لكيت سُراج

حَسيتة جـان منتظرني ومنتظُر انُ يشوفني خـاف مخالفة شو شنـو وخرت انظاري عّنة وجنت اسوي روحي امُر طبيعي بدون ماشوفة

بَس فجأة وكلمـا اتقرب منـة يبدي يسطُروي عُطرة الرِجالي القوي بَس بصورة حيل هادئة ..

وللحظة وحدة سحبني من ايدي وهوَ يرجعني خطوات ويخليني كدامـة

سُراج
لحظة لحظة هاي شنـي

باوعتلة واني مستغربة
شَمس
شنو؟

ضل يباوعلي بتركيز وتمعُن
سُراج
انتِ مرتبة وجهج بس بطريقة ما تبين انتُ شمسوية فَ انتِ ذكية بس قابل اعلية؟

من گال هيج ضحگت بخُفة يُمة متخفي خافـية ولا اكلة بايتة

بعدة ما حاجي شي طلع زَعيم من غُرفتة اول ما شافنـا دنگ زَعيم من نوع الي حَيل يستحي

سُراج من شـاف زَعيم شافنة هَد ايدي خليت ونزلت بٰسرعة

زَعيم وعمامي جانوا بسيارة و سُراج واني وبيبي سوى وسَجاد وغَيث سوية

جدو كال لـ سُراج نطلع قبلّة ونضل كدامهُم دوم بس مو ع مسافـة جبيرة

فَ طلعنـا اني وبيبي وهوَ ركبنا بسيارتـة ورحنـة من طريق ثاني لان طريق الاول الناس كلهُم واكفين ع الشـارع العام منتظريهُم، صرنا كدامهُم منتظريهم حَد ما اجوي النٰا

سيارات كووووومة جـاية وكلهن حديثات ويمشن بـ انتظام وكانهُ اسطول سياسي ..

صرنـا كدامهُم وسيارات زَعيم و الولد صارت ورانا وسيارات الباقين وراهُم

اخذت الطريق كُلة نـايمة، نزلوا بـ مُطعم هوَ واحنة جابولنـا اكل بسيارة وصلنـا للزفة الساعـة ب ٤ تقريبًا

المُشكلة انُ احنة جنة جايين بالبداية حَتى نكدر ننزل بَس للاسف سيارات الولد علي واميـر وشكم سيارة هُمّ اساسًا بالموصل و واصليـن قبلنـا

من شاف سُراج الناس وشلون بدت تتزايد كال لا تنزلن احسن، بيبي كـالت فشلة جا اني المّن جـاية ماقبلت وكالت لسُراج تنزلني

فَ راح صّف سيارتـة بالبداية ونزلوا سوية سوالهـا مجال سُراج ونزلها واني ضليت بالسيـارة

ماكو ماخذتلها شويـة واجتِ كالت ماكدرت بس سلمت عليهن واجيت لان الشاره فردور انترس نـاس ..

ضلينـا واكفين وسُراج راح نزل وياهُم بهاي الاثنـاء مرت سيارة علي من يمنـة

ابتسمت بفرح ع نهاية حبهُم وكعدت بيبي تدعيلهُم بالخير ..

شويـة واجة سُراج، طلعت سيـارة اميـر وطلعنـا احنة وراهُم

علي صار ماشي كدامنـة على مسافة جبيرة بس اميـر جان كدامنة مُباشرتًا، جنت اباوع لسيارتهُم ومبتسمة

فجأة فُرغ الطريق وصرنـا بس احنة وياهُم

صالحة
كل الهُم خل ينزلون الجامات خنشوفهم ولك

وازاهُم سُراج ورمش لامير حَتى يفتح الجامـة فتحوا الجامة ثنينهُم باوعتلهُم واني مبتسمة ولوحت الهُم

منظرهُم جـان حَيل حلو وفَرس طالعـة تجنننن بمعنى الكِلمة، فجأة زَعيم خابر سُراج حتى نصير كدامهُم ونخليهُم يصيرون بالنُص

صرنـا كدامهُم وعلي ماكـو شوية وشفناهُم من بعَيد بهل اثنـاء شفناه سيارة اجتِ ع اتجاهنـا سودة بس جانت حيل بعيدة حتى عن علي الي هوَ كُلش بعيد علينـا

شوية و علي وكف انصدمنـا شكو شبي ضلينـا نمشي بس خففنا سُرعة شويـة وسُراج انطة للي ورانا يخففون سُرعـة خاف سيارتة شو شبيهـا

شفت علي من بعيد، نزل والسيارة بعدهـا تقترب بخطى هادئة، مادري ليش بذيج اللحظة حَسيت وكانهُ اكو ألم بكلبي وصدري اختنگ فجأة و اجـة ع بالي لمن سيارة احمد وضُرغام وازونـا هيج بالضبُط صار الموقِف، فجأة السيارة بدا تقترب وعلي واكف ينزل بمدري شنو من ع السيارة واني اباوع بتركيز وسُراج يحجي وي بيبي ب استغراب وكُلشي جان مُبهم وكأن الهوى نفسه واكُف و ينتظر شنو راح يصير.

كلشي جان طبيعي، بس الجو بي ريحة غريبة ريحة خوف يمكن، أو نذير شي ثقيل جاي.
وفجأة دوّى صوت الطلقة، صَدى اخترق الهوى وخلّاني أكعد بمكاني بلا حِركة.

العالم توقّف بثواني، والسيارة بعدهه تمشي شوي شوي، بينما علي ظل واكف بمكانه، عيونه متجمّدة، وتعابيره صارت مثل واحد انصدم من صدمة ما توصف.

الطلقة مو بس أصابت الجسد، أصابت اللحظة كلّها وصار كلشي بعدها ضباب، صياح، وعيون تدور ما تعرف تلحك الحدث ولا تصدّق إنّه صار !

سُراج جـان شُبه مصدوم ومخة ممستوعب الي صار، واني كاعدة ومتجمدة بمكاني وبيبي صـارت تصرخ بفُجعة بكُل قوتهـا

ماحسيت الا ع صوت الهورنـات مال سيارات وهيَ تتعالى فوگانا، امير اجتازنـا بسرعة جنونيـة وصار كدامنـا وصوت صايحة بـ اسم علي صار عالي ومسموع

ماكو لحظات إلا وشفت ايلول كدامـي وهيَ توكع بـ طلقة ثانية

حَسيت الموقف مو حقيقي واشبه لكونه حلِم، بهاي اللحظة سُراج داس ع البانزيـن حيل، بلحظتها مادري شصـار بية بس موقف بابا صار كدامي

حَسيت ع نفسي نبضي بِدة يضغَف وعيوني بـدت تغوش وبلحظة سريعة كمت اتنفس بسـرعة عالية

ماجان اكو واحد بسيـارة بيبي نزلت تصيح و سُراج نزل يركُض الهُم

ما حسّيت ولا فهمت شديصير كد ماحسيت الدنيا انكُلبت فجأة، مو واقع وإنمّا حلم وكابوس. واني ماجنت أسمع غير صوت نفسي الي يلهث.

كلشي بدا يتلاشى كدامي، وعيوني بدت تغوش، صور تتداخل، صوت بابا يجي ببالي، نفس الصوت، نفس الطعنة، نفس النهاية.

أحس بنفسي أطيح مع انّي كاعدة، جسمي ثُگل، وكأني أغوص بعتمة ما إلها قرار، وما اسمع ايّ شي غير صوت صايح نـاس قوي وناس تعبُر من يمي كووومة ..

ومن بعَد بُرهة من الزمن الي ما تتجاوز الدقيقتين ثلاثة اجاني صوت سُراج وهوَ يصرخ

سُراج
شمِس شبيج شمِس

حسّيت إيدينة الحارة تسحّب ادية الباردة، وكلشي بدا يخفت داير مدايري بس وجه سُراج ظل واضح بذاك العتم، وجهه مشتت بين خوفه عليّه، وبين خوفة لعلي وأيلول الغارگين بالدم.
باوعتلة بنظرة سريعة وجهة كُلة خوف و تشتُت

سُراج
شمِس تسمعبني تسمعينيي

صرت اهمِس بـ بابا بصوت اقرب للمقطوع وكلشي بعدها صار ضباب علية

مادريت شنـو الي صار بالضبُط بس الي ادري بي انُ بالي جـان يسولف بالموقف الي صار ويانة

فزيت من النـوم احس عيوني ثگيلة باوعت لكيت سُراج يمي كاعد اول ماشافني كعدت اجة تدنى يمي همستلـة بخوف

شَمس
علي و ايلول سُراج

تنهد وبعيونة مبين جان اكو حزِن غميق

سُراج
ما معروف لِسة علي مستقرة حالتة بـس حالة ايلول خطرّة

من كال هَيج حَسيت كلبي انمرد مرِد بالنهاية هُمّ ميستاهلون يصير هيج بيهُم رُغم جنت افكر بيهُم بس بداخلي موضوع يتمحور بالصامت

دموعي جانت تنزل بهدوء وعقلي مو يم شي ابد بمكان بعيـد

سُراج
شمِس انتِ زينة هَسة

هزيت راسـي ب ايّ وباوعتلة واني عيوني مغورگة بالدموع
شَمس
سُراج تكدر تطلع شويـة اريد اضل وحدي

باوعلي بتردُد للحظة وحدة باوعتلة بترجي وكتلة
شَمس
رجاءً سُراج

هز راسة بالايجاب وخّلة وكام
عيوني ظلت معلگة عالباب، وبعدها نزلت،
وانفتحت بذاكرتي بوابة ما چنت أريدها تنفتح.

رجعت لذيج اللحظة، يوم ابوية وكع كدامي وهو يوصيني عليّ نفس الصوت، نفس الارتباك، نفس الطعنة والموقف الي غير حياتي.

حتى ريحة التراب جنت أحسها نفس الريحة، ريحة الخسارة، ريحة الموقف الجارح الي بعده محفور بكل تفصيلة بيه.

دموعي نزلت بدون ما أحس، مو دموع خفيفة،
دموع موجعة، مخنوگة، تطلع ويّا النَفَس وترجعة مبحوح.

گلت بيني وبين نفسي بصوت مبحوح:
ليش كلشي يعيد نفسة؟ ليش كُلشي يذكرني بي مداتقبل فراگة ابد واحس روحي مشتاقتلة..

حسّيت كأنه روحه بعده يمّي،
يمسح دموعي مثل قبل، بس الفرق إنّ إيده ما رجعت، وصوته غاب للأبد. انكمشت بمكاني، ضميت نفسي، وانهاريت،
بچيت مثل الطفل الي كل الدنيا خذَته من حضن أبوه،
وما ظل إلها غير الذكرى تطبّع الجرح أكثر بدل ما تواسيه ..

بهل اثنـاء سمعت صوت الباب ينفتح ماجنت مهتمة واستمريت ب انّي ابجي واني اتذكر بابا

ريحة العطر مالت سُراج سبقت خطواته، وحسّيت بيها تملأ الغرفة بهدوء.
اقترب بخطوات بطيئة، ما گال كلمة، بس صوتة وهو يتنفس قريب صار أوضح من أي كلام.

كعد يمّي على السرير، ماكو أي كلمة، بس حضورة جان أكبر من كل شي.
ظلّيت مطأطئة راسي على رِجلي، دموعي تبلل كفيّ، وأحس روحي تنهار أكثر وأكثر.

بهاللحظة حسّيت بإيده، إيده الثگيلة الدافية، تنحط بهدوء على ظهري ..
صوته طلع خافِت، مبحوح، وكانهُ هوَ هم جان يحارب شي بداخلة مكتوم
سُراج
الدنيـا هيَ هجي ما ترحّم ايّ احد والضَعيف ما يعيش بيهـا فَ الواحد بينة مجبور، مجبور يدوس اعلى جرحة ويمشي بَس حتى يكمل الحيـاة ..

كلماته ما جانت نصيحة، ما جانت تعزية رسمية،
جانت حچي واحد مجروح لوحدة مجروحة.
استمريت أبچي، بس دموعي تغيّرت، صار بيها وجع مشترك.

صـار يمسد ع ظهري بهدوء بـ ايدة ورجع بحجي بهدوء
سُراج
اعرف شني تذكرتي واعرف شني الي اجة ب بالج هسة انة اكثر انسان مُمكِن يحس بيج ويفهمج، بس يا شمِس انتِ لازم تعرفين انُ احنة لازم نضل نعيش وما لازم نضل اعلى موقف حاسرين حياتنا ..
عمي مايريدج هجي، يريدج قويـة نفس ما رباج ..

شلت راسي الـة ودموعي مغررگة وجهي، وشفتي ترجف بخوف وانفجاع، باوعت لعيونة الذبلانة رمشهن وتنهد بحزن
وفجأة مَد ايدة على وجهي وصـار يمسح الدموع بلطُف وعلكيف

سُراج
أنة ما أدري ليش الله ياخذ من عدنه الناس الي نحبهم بس يمكن حتى نتعلم شلون نصير سند للّي بقه.
وإذا أنة اليوم يمّج يمكن حتى ما تحسيشنبالوحدة الي حسّيتها أنة بيوم من الايام .
كافي لا تبجيـن موزين عليج ..

ماحجيت ولا حرُف بس دموعي جانن كفيلات بـ توصيل الي بكلبي، كام جابلي مَي واجـة ردت اخذة منة هز بـ راسة بـ لا

سُراج
ايدج جاي ترجف مو مال تلزمي

مَدة بـ ايدة باتجاه فَمي، شُربت من عندة شويـة ورجعت لورة رجعت راسي وغمضت عيوني بـ قوة واني اتذكر المشهد

فتحت عيوني ورجعت كعدت عدل مرة ثانية
شَمس
منو ذولة وليش سووا هيج

سُراج
محَد يدري شنـو سالفة

شَمس
زيـن شلون ايلول حالتها حيل خطرة

سُراج
انكول ان شاء الله خَير وبعد ورة الله
هسة كومي اغسلي وجهج والبسي ويلة روحي وي فَرس لان حالتهـا ابد مو تمام ..

تسـريع للاحداث -

رحت وي فَرس بيومهـا للبيت حالتها ما جانت اقل مني ابدًا بالعكس جانت منهـارة بالبجي، بنية بيوم عرسها هيج يصيـر بيهُم ولا ب الاحلام اصلاً ..

اليوم الثاني رجعت وي غَيث للبيت رحت لكيت الدنيـا مكلوبة ونسوان عمامي ميتـات من البجي

من انطونـا خبَر انُ علي بخير عمة صَفية فرحت بـس ما مرت ساعات على هـاي الفّرحة إلا و سمعنـاه حُكم اميـر المؤبدعمة رَضية ماتت

البيت للحظة انقلب رأسًا على عقب.
من فرح صار فجأة صمت، من ضحك صار بكاء، من نفس يتنفس صار النفس ثگيل ومثل الحجر

هذا الخّبر جان مثل الصاعِقة بالنسبة النـا ومحَد جان متقبلة ابدًا. الكُل صار يمر بحـالة نفسية سيئة، البيت كلّه صار كئيب،
لا الكعدات مثل قبل، ولا السوالف الي جنة نحجيها ونضحك بيهـا صارت تضحك..

حَتى سَجاد الي جان اساس ضحكتنا بالبيت انخُمد ..

بيبي ٢٤ ساعة تبجي علي معصُب وحرُف ميتحاجة وسُراج محتـار وي علي وجدو وزَعيم وعمامي يا ناس طابة يا ناس طالعة عليهُم

حتى جدو، الي عادةً يمسك نفسة ويكون قوي بظل هيج ظروف
مزاجه صار سيء بطريقة مو طبيعية، أعصابه تدهورت، صحته تراجعت، حتى الناس ما صار يطلع لهم.
طاقته صارت نافذة، وكأنه انكسر من جوّه وما ظل إلة نفس يكمل بعَد ..

جبُر
يا كَسـرة ظهري يابوية يا اميـر

صالحة
منين جانت مضمومتلة السالفـة منين يُمة سودة اعلية يَ اموري ي يُمة من صغـرك وانتَ هادئ ومالك دخل ب كلشي تاليك تنسجن وي المُجرمين يا يُمة صخام بوجهي لا وعلي ابد مو اميـر مو امير ..

بيبي جانت تحجي وتبجي وكُل احنة الدمع بعيونـة بهل اثنـاء هايّ طب علي وسُراج
باوعت لعلي وجهة اسمررررر اول مَـرة اشوفة بهذا السمار وعيونـة صايرات حُمرر مو شلون ماجان
بدون مايسلم ولا شي خّلة وكعد ع الطرف وصـار بهز برجلة بتوتر

سلم سُراج وخلة وكعد يمـة ..

جبُر
ها بشر مالة خبر؟

علي بصايح
ماكوووو فصصص ملح وذابوا ماخليت مكان مادورتـة يكولون ثنينهم شايلين شني شلونننن ماجاب افتهم انة ماجاي افتهم

كال هَيج وهوَ يطلع باكيتـة من جيبة ويطلع جكـارة
فتحها ودخنهـا والكل جان صافن عليّ

سُراج اشرلـة وهوَ يهمسلة ب مَدري شنو اشرلـة علي بمعنى شو دوخر

زَعيم
علي شبيك علي

جبُر
عفـية والله عفية ب ابني الماخيب ظني شني هل احترامات الزايدة عود يعني بكِل صلافة تدخن كدامنـة ؟؟

حَسن
والله يعمي اولادي زايعيها فردور صايرين

علي
استغفرالله استغفرالله ..

كال هيج بتملمُل وخلة وكام
جبُر
هذااا شبي شووو كِلشي ماعاجبـة

سُراج
جَدي الله يخليك عوفـة البي كافي هوَ من غير شي يحِس روحة السبب بكِل شي وتعرف شكد امير غالي عِندة

جبُر
ايّ اعلى اساس احنـة امير عدنة ولاشي ايّ هوَ غيـر هوَ راس البلة بكِلشي هوَ السبب

صالحة
شعليّ هوَ شيخ شعليّ قابل بيدة الصار

طّب علي وهوَ يباوع بـ انزعاج ويعلي صوتـة

علي
خير جدي خير ليش ليش السبب مني شدخلني انة ارد افتهم شدخلني

جبُر
اول شي لمّن تحجي نصي حِسك، حِسك لا يعلى اعلية

علي
جدي انة ماجاي اعلي حسي ولاشي اردفتهم ليش انة راس البلة شمسوي انة اردفتهم شني ذنبي بسالفة كلها

جبُر
شني ذنبك بسالفة ولك عصابة طول بعرض تتقارش ويـاهة انتٍ شني هَل من وراك ابن عمك انسجن شيطلعة بعد شيطلعة هـااا من وراك ومن ورة حُبك خليت ولد بعز شبابة ينسجن وشبابة كِلة راح
وهسة ياريت اعلى حُب يسوى شلون حُب ابوها شايف روحة اعلينا وكانهُ الناس خَدممم جوة ادي

علي
الله واكبر عليك يعلي الله واكبررر
اردفتهم بـس انة حبيتت بس انة اخذتتت
اشو الكائنات هاي كِلها حبت وتزوجت شمالني بس انة حظي اعوج شمالني، اشو كلها اخذت كلها سهلتلها الامور الا انة تزودها متنگصها اعلية جَدي

جبُر
ها يعني طلعت انة الازودها اعليك مو انتَ التطب بالسالفة من غير ماتحسب حسابات وتخلي الداير مدايرك يتأدون هاي طول عمرك انتَ انسان مستعجل وما حاسب حساب لشي

علي
انعم الله اعليك جَدي انعم الله اعليك انتَ اعلى يا سالفة تصير وكول طول عمرك، اريد افتهم ال طول عمرك هاي شني شلون يمتى مادري هيَ هل حدث الواحد صار بحياتي العقد والعرِس وثنينهن طلعن من خشمي

جبُر
لانك ماتعرف تختار لو مختار زين جا ما انعل كلبك هجي

علي
جَدي انة مختار مرة لو اختار ابو المرة ارد افتهم، ابو المرة رجال اناني المرة شعليها ارد افتهم شو كلشي وجبتوا ولزكتوا المهم تحجون اعلى علي

زَعيم
علييي كافي شبيك

علي بعَصبية
تكلك بس علييي بس علي الي تزوج وبس علي الي رادلة شي حَسرة علية حَسرة علية شي يجيني بسهولة الا كلشي لازم ينشلع كلبي بي اهتم لمشاعركم واحد واحد اوكف وياكم واحد واحد ومن يصير كل العالم ضدكم حَتى لو اعرفكم انتوا غلط اوكف وياكم المهم ماخليكم بحدكُم

بسسس لمن تصير السالفة يم علي الكل يصير يكول اسكت علي كافي علي شبيك علي، علي لا قندرة لا تكلككك محَد فرحان شوية بحياتة غيرة

كال هجي بعَصبية مُفرررررطة بحيث يحجي واعصاب اديّ ناظات نط و وجهة وبلعومـة صايرات حُمر

من شافوا هجي محَد حجة خصوصًا من بعد مابيبي حجت

صالحة
ايّ والله صدِك جبت عمرك مشلوع كلب يبعد امك، شايل مسؤولية وهم الكل وتروكض بين هذا ولهذا سودة بوجهـي

خّلة وطلع وهوَ منتفر مو شلون ماجان ..

صالحة
اعلكيفك ويـا شيخ ترآ متوهدن وعلي

سُراج
ماجاي ينـام الله شاهد هاي مرت ٥ ايام وهوَ نوم ماينام مگضيها بـس يدور اعليهُم علكيفك ويـا جدي ادري بيك بالك يم امير بي لا تخاف اعليّ هوَ رجال بنهاية هذا سَجاد هم طب سَجن تالي طلع

زَعيم
مادام اعلى حگ، حگة مايضيع وربك بالمرصاد انة متاكد السالفة ماراح تطول خصوصًا انُ علي وراهة كِلي ثقة بي

جبُر
والله اعصابي انفِلتت واحس روحي كاعد اعلى عصابي شلون واحد يهدة وبزر گلبة ما مرتاح شلون

مَرت الايام ع نفس الوَتيـرة والبيت جان متوتر حَيل، وحتى لقائتنا اني وسُراج صـارت باردة حَيل ومابيها ايّ احداث ولا سوالف مُهمة

وبيـوم من الايام جنـة كاعدين كُل احنـة صافنين، كسر صفنتنة علي وهوَ يكول

علي
مني بيكُم يروح يجيب فَرس ؟ الدوام عُگبة و اميـر وصاني اجيبنها للبيت

جبُر
جا ومرتك ؟ روحوا جيبوهن ثنينهن خوما هم تردوهن بالاقسام شتكول اعلينـا الناس

علي
لا ايلول ماتجي بـَس فَرس تجي

من كال هَيج صدمنـا كُل احنة وحسيناه انُ صايرة مُشكلة بيناتهم

جبُر
ها يالاغم بس لا ابوها سواهة وطردك

علي
جَدي شدخللل شني طردني هيَ بكيفة ويطردني تراها مرتي يعني بس للمعلوم

جبُر
عمي احلف بيمن كايلك بعّد ماكوو وما تاخذهة بس انتَ تضمضم نفس عادتك شلون مِما رايحلة ورافضك اول مرة

علي
جدي مجتف لبو فاضل موهجي سالفة عمي هاكُم
فتح موبايلة وطلع الرسائل
هاك اقراهـا انتَ شني اقراهـا

كال هَيج وهوَ يحجي وي سَجاد
سَجاد
تجي تاخذني وي فَرس لو شنو؟ تعال تفاهم وي بابا واخذني علي

علي
ها جدي شفت ؟؟؟

جبُر
وجا ليششش ما تجيب مرتك حضرتك؟؟؟

علي
ماريدن

جبُر
شني هي ماتريد شبيك انسطرت انت

صالحة
بَس لا تخاربتوا يُمة؟

علي
لايُمة موهجي بس انة ماريد هَسة

حَسن
وشني هيَ ع المزاج ؟؟

علي
بووووية رجاءً لحد يدخل بيـة الله يخليكم لحد يدخل بية ماعليكم لخاطر النبي عوفوني اعلى راحتي

زَعيم
هيَ شنية الي اعلى راحتك؟
ليش مرتك تضل بالاقسام وهيَ جاي تكلك تعال اخذني ؟

علي
ماريد عود من يجي اميـر بذاك الوكت اجيبها

زَعيم
ترة هذا تصرف زعاطيط بس للمعلومة
هيَ شدخلها ب امير مثلاً ؟ وانت شلون تكدر تكول الها لا
وهاي مرتك وشخصيتها ال هيَ بيها عود عود راح تسكت من انتَ ماتريدها ومن تريدها تجيك ركض ؟

سَجاد
لا والعباس فَلا تجي

سُراج
ترة منطقيًا عاطفيًا زَحمة شجاك علي !!

علي
انتوا تعرفون شي وانة اعرف شي ايلول تضل بالاقسام هَسة وبعديـن تجي ولحد يحاجيني انة اعرف بروحي ..

جبُر
شني ارد افتهم شني الي اعرف بروحك احجي خل نفتهم احجي

سكت علي

سُراج
هسة كول شبيك

تنهّد وگال بهدوء
علي
اميـر موبس ابن عمي، امير صاحبي واخوي، وبنفس الوكت انة ما انكر لا حُبي ل ايلول ولا كمية عشگي و ولهفتي ليها، وعادي اكولها وما استحي بس السالفة ومابيها انُ انة وامير بلشنا سوية واخذنة خطوات سوية وكِلشي جان سوى، فَ انة يعز اعلية امير بالسجن وانة هنـا وي ايلول و ولا كانهُ شي صاير في حين انُ احنة مسبب جبير بهاي السالفة الة

سُراج
شدخل تـرة مدخل يعني مثلاً امير لو درة بيك جايب ايلول راح يزعل ؟

علي
مايزعل بس منطقيًا ما تنراد السالفة ما اتقبل هاي الفكرة، فكرة امير بالسجن وانة اسرح والعب هنا تؤ ابد سدوها للسالفة

جبُر
هاي انتَ صدِك تحجي عود

علي
جدي بروح الحسـين انة متواعد ب اخبار حلوة باجر ف حباب لا تربكني، انة اريدن اروح وراسي صافي وبهجي شي راح يصفى راسي فَ بعَد لحد يحاجيني

ضلوا يتعاركون ويـا ويحجون عليّ بس هوَ جان قافل نهائي على حجايتة اخرشي جدو كلة انتَ مابيك خير ولو انة منهة مارجعلك كلة ان شاء الله وخلة وطلع ..

اليوم الثاني اجتِ فَرس للبيت وكضينـة اغلب الوقت سوية ..

باجُر الدوام واحس روحي منتكسة، ما عندي رغبة أداوم ولا أشوف أحد. كلشي جنت أتذكرة خصوصًا من بعَد ما كعدنـا اني وفَرس وصرنـا نتذكرة ..

جنت نايـمة بغُرفتي كعدت تعبـانة حيل ومالي رغبة اداوم حَتى لبست جُبة سودة عادية ولبست الوشاح الي جابة الي سُراج من ايرآن وطلعت من الغُرفة

اول ماطلعت شفت سُراج واكِف ب باب غُرفتة كالعادة لابس تشيرت سمائي وبنطرون كابوي وقمصلة نيلي و الوشاح النيلي اول ماشافني ابتسم بهدوء

ردت ارجع انزعـة بَس حسيتها ماترهم بعَد تورطت تقدمت ب خطوات وهوَ يباوع علية من فوگ لجـوة ومبتسم

للحظة وحدة واني عابرة نُصة للطريق ردت ارجع بس احس اقدامـي هيَ الي جانت تاخذني الـة

اول ماوصلت يمة صُفن بوجهي وابتسامتة مالية وجهة
همست بـ
شَمس
صباح الخير

سُراج
صبـاح الحُب

من گال هَيج بلعمِت واحس روحي ارتبكت
الوشاح فلت من عندي، شـالة ورجع حَطة ع كتفي بهدوء

وفجأة حَط ايدة بـ ايدي، ايدة حـاررررة وايدي مثلچة
ابتسم وهوَ يباوعلي وينطق
سُراج
ايدج هاگدهااااا شكد صغيررررة

حجـة هَيج وهوَ يطببني للغُرفة بـسرعة
شَمس
ااا سُراج شنوو شكوو

سَد الباب وصـار گدامي
شَمس
ليش طببتني شكو

سُراج
اصبري شبيـج مستعجلة ماراح اكلج ترة

كال هَيج ومَد ايدة لجيبة

سُراج
على فكرة عجبني التخاطُر الي صار بينـة

كمل كلامـة وطلع عِلبة مـال حَلقة، فتح العلبة وعيونـة علية وعيوني ع العلبة

سُراج
لازم تلبسيهـا، شي مايقبل تأجيل ابدًا

كـال هيج وهوَ يقدم ايـدة وينتظر انطي ايدي
شَمس
مـاريد سُراج بنهاية انتَ لا تدري نهايتنـا شنو

سُراج
عـالم غيب حضرتج وتعرفين نهايتنا شني؟ تـرة بس الله اليدري النهاية شني

شَمس
استغفرالله موهيج سُراج بس هيَ مبينـة

سُراج
كَ نصيحة حلوة اخذيها دومج، حاولي لا تبالغيـن بالرُفض، لانج لابُد بفد يوم تتقبلي وتنغمسـين بي

گالها وهوَ ياخذ ايدي ويلبسني الخاتَم

شَمس
سُراج لا تقتحم خصوصيتي ولا تسوي شي اني مرايدتة

سُراج
مجاي اسوي شي انتِ مرايدتة، انتِ لو ماتردي جان كلبتي الدنيا اعلى راسي مو هجي سكتي

كال وهوَ يطيني ابتسامة جانبيـة بعدني داحجي واريد اعصُب منـة توجهت انظارة على ايدي وبفعل غير متوقع منـة اخذ ايدي وباسـها ..

من سوى هيجي احس سارت نتلة بجسمي موطبيعيـة
مَسدها بهدوء وهوَ يباوعلها يكول
سُراج
ههه ايدج شوية اكبر من ايد عـلاوي

سحبت ايدي بخُفة منة واني اكُلة
شَمس
سُراج شبيك

سُراج
مُجرّد طايح

شَمس
مفهمت !

سُراج
طايح بحُبج

كلبي صـار يدگ ع سريع حاولت ما اخلي هشي يظهر علية وعقجت ملامحي وكتلة بعَصبية
شَمس
انتَ شدتحجي تحبني شنـوو

سُراج
يعني مافهمتيها جاي اكلج احبج شنو هيَ؟

شَمس
لامفهمت ولا اريد افتهم سُراج احنـة ابينة هـواي حواجز والله العَظيم ماريدك تكسرها وبعديـن نتندم

سُراج
استغفرالله راح ابلش اعصُب، بوية جاي اكلج انة احبج احبج ماجاي تفهمين

شَمس
لا ماجاي افتهم لان ادري هشي مو صحيح ومانابع من كِل وكلبك

سُراج
شني جا اجذب اعليج قابل؟

شَمس
ما اجذب علية بـس مُمكِن دتحاول تنسى ماضيك بية

من حَجيت هيج عقج وجهة وكلي بحدية
سُراج
انة لو فعلاً هجي جان من اول لحظة عشتي بيها بهل بيت نسيتها ب بالي، بس سالفة مكتوبة لينـا وانتِ قدرج سُراج وخلاص انتهى الموضوع ..

شَمس
سُراج انتَ ليش مدتفهمنيي دااكُلك اني ماريد ماريد

سُراج
انتِ ماجاي تفهمين بهاي الطريقة وعليهِ ؟
مُمكِن افهمجيـاهة بطريقة ثانيـة ..

حجـة هَيج وهوَ يتقدم بخطوات بطيئة نحوي، رجعت خطوات لورة وصرت ورة الـ باب وهوَ كدامي، عيونة تلاگوا سوية ولِلحظة عيونـة نزلن ع شفايفي

اول ما مَرر اصبعة الابهام عليها حَسيت روحي للحظة راح اوكع خلاص صرت امتمت بالكـلام واحاول احاجي بس الكلام مايطلع ويـاي !
تقرب بلحظة سـريعة غمضت عيوني حَيل بخـوف عُطرة صـار بخشمي ع كد ماصار حَيل قريب علية
وبلحظة سـريعة خُطف انفاسي وشفايفي سويـة ..

كأن الوقت وقف فجأة، كل شي حوالَية صار ضبابي، بس إحساسه وقُربه هو اللي سيطر على حواسي. كلبي صار يدگ بعشوائية، صوت أنفاسي يتقطع بين خوف وتوقّع.

لأول مرة صرت احس جسمي يتجمّد مكانه، اريد احجي لكن لساني مربوط ونفسي مكطوع، ارتجاف بسيط سرى بأصابعي، وعطره صار يتغلغل بصدري ويغركني إحساس غريب بين الأمان والخطر، بين رغبة مجهولة وتردد يربطني بمكاني. لحظة وحدة، بس كأنها عمر كامل من الارتباك والانجذاب والخوف في آنٍ واحد..

وخّر عنـي وهوَ حاط راسة ع راسي وانفاسنـا صارت تتسابق
سُراج
اخذت وكتتت كافي حَتى لا اظلم روحي ولا اظلمج وياي، وبمن شفت روحي فعلاً رايدج ماكدرت اكتم روحي وامنعها اكثر

شَمس
بس اني ماريدك

كلت هيج واني احُط ايدي ع صدرة واحاول امنعـة ماحسيت الا وهوَ لازم ايدي الي ع صدرة وحاطهة ع كلبي وضال بنفس القُرب الي

سُراج
بـس كلبج يكول غير شي، لو كلبج مارايد فَ ماجان دگ هجي ابدًا

ماتحملت اضل يمـة اكثر وخرت عنة بـسرعة وهوَ هم وخر انداريت دافتح بالباب وهوَ يحجي

سُراج
الحلقة ممنوع تنزع ممنوععع شَمس

درت وجهي الة بعَصبية وكتلة واني اخزرة
شَمس
وانتَ شظان روحك مسوي وانتَ هيج سويتتت؟

سُراج
مو مُهِم

شَمس
ترة عقدنااااا فَيكك استوعب

كلت هيج واني اريد انزع الحلقة من ايدي اجة بسرعة لزم ايدي ورفع اصبعـة بوجهي بعصبية

سُراج
حَتى لو نماشي وتلبسين حلقة، اكتليني بميتتتت طلقة ولا تطلعين للجامعة بدون حَلقة والله يا شمِس والله تقوم القيامة عليج اذا نزعتيهـا

باوعتلة واني اخزرة
سُراج
لتتنوعيلي هجي، احبج ترة ..

شَمس
سُبحاننننن الزرع الحُب بكلبك بهل سرعة هـااي وين جان الي يكلي اريد اكلج بسوني

سُراج
لذالك خطيت خطوة تِجاهج، من شفت روحي حابج ومتقبلج بـ سلبياتج كبل ايجابياتج، من جنتي ما تعنيلي شي وهَسة صوتي تمشين بدمي وساكنة تفكيري دومـج، من شفت جمالج وما جذبني وهَسة صرت اغرگ واتيه واتخربط لو حطيتي عيونچ بعيوني، هيَ سالفة هجي انة حبيت حُب صحيح مو حُب يوم وثنين چذبي ..

گال هَيج واني اباوعلة وماعرُف شحجـي بهل اثنـاء اندگت الباب

سَجاد
سُراج شني سالفة انزلوا يلة صارت ب ٨ الة

من گال هَيج طُفرت بـسرعة وعيوني صارت ع ساعـة
عَزة ايَ والله

سُراج
جاي جـاي

شَمس
اطلع كدامييي شوفة راح

سُراج
دطبي عدلي نفسج

من كـال هَيج طبيت للحماي بسرعة باوعت اكو لمع مال المُرطب ع خدودي، من اتذكرت الموقف احس روحي صخنت

عـززززة هوَ فعليًا سُراج باسني !!
حطيت ايدي ع خدي المشتعل نـار واتذكرت مُصارحتة

شَمس
شنوووو يعني يحبني

يُمة احس روحي انتهيت واني اتذكر الي صـار
قطع افكاري سُراج وهوَ يصيح

سُراج
يلة حبيبي بعَد ما نلحك

شَمس
حبيبيييي؟؟؟؟؟

يُمة شديصيـر دخيلك ربي !
عدلت روحي وطلعت شفتة كِدامي

شَمس
عاد شوية وانزل شيكولون علية

من كتلة هيجي رُفع ايدي ودارهة لوجهي
سُراج
بكِل بساطة يعني ..

احسـة نرفزني وبنفس الوقت ارتبكت، خليت ونزلت بـسرعة وسُراج وراي

شَمس
صبـاح الخير

رفعوا راسهُم كلهُم تِجاهنـا باوعولنة وضلوا صافنين

صالحة
شني هاي لابسين نفس شي لو عيوني بيها شي

سُراج
ايّ يُمة هذا جبتـة من ايران الية وجبتلهـا واحد وياي

اتذكرت الوِشاح واحس روحي خجلت بعد اكثر واكثر يبوووو عليج يَ شَمس غيـر تنزعينـة شلونن نسيت

عيوني اجت ع سّبب غُمزتلي بسرعة وضحگت ودنگت

شَمس
ااا اني ماريد اكُل فَرس كملتي يلة خل نروح مُحاضرتي ما ضلل الها شي

سُراج
يُمة سويلها لفة خل تاكل بالسيارة

شَمس
لا ماريد بعديـن بالجامعة اكِل

سُراج
يُمة دسويلها حتى هسة تطيحين هنـا

سوتلي بيبي بسرعة لفة ومدتها حتى اخُذها مديت ايدي الهـا وبيبي عينها اجت على ايدي

صالحة
ولج هاي حلقَة

يُمة بيبي اليوم طابتلي بالعميققققق
اخذت اللفة منهـا وسويت روحي ماسمعتهـا

طلعت بـسرعة وصرت الطم بداخلي واني اسمع كلام سُراج
شَمس
ايّ حلقة ليش هيَ مو عاقدة لو ماتدرون؟

يُمة يُمة هوَ يحجي واني امشي سريععع حتى لا يصيحني واحد طبيت للمطبخ وصرت اكمز من الخّجل
عزة العزاج شَمسسسس عزا العزاج

جبُر
ايّ عفية هجي فرحنا صيـر خوش رجال واكسب بت عمك الك ما تلاگي الاحسن منهـا بوية

سُراج
هوَ هذا الجاي يصيـر جَدي

صالحة
والله وطلعتوا من ورانة

سَجاد
جا شكتلج انة يُمة، وحدج تصيحين حية وبطنج

اني سمعت بيبي وسَجاد هيج كالوا واني من الارتباك صرت ماريد اسمع كلام اكثر خّليت وطلعت

يُمة ليش احس روحي هلكد تفشلتتتت مـادري بهل اثنـاء طلعت فَرس وراي

فَرس
الدنيا باردة شبيج تهفين

درت وجهي الها باوعت واكفة بنُص البرد و اهفي لنفسي

شَمس
عَزة من الاحراج والله احس روحيييي اريد اموتتتت ولج فَرس

ضحگت فَرس بخُفة وگالت
فَرس
متصورين شكد انتوا لايگين لبعُض

شَمس
بس مُستحيل

فَرس
ماكو شي مُستحيل، وبعدين اكُلج شغلة؟ الحُب ما ينمو غير من المُستحيلات، مال حُب صافي مصّفة تردي مُستحيل

سُراج
يلة اصعدن ما بردتن شغلتلجن السيارة
باوعتلة جان واكُف ورة فَرس والابتسامة مصنوعة شكُبرهـا ع وجهة

درت وجهي ورحنـة صعدنا بسيارة اني بالصدر وهوَ ورة

صرنـا بسيارة نحجي ع امير وفَرس جانت حالتها حيل تعبانة بحيث كاعدة وتفكُر

شَمس
جد اني متعـودة ع امير يومية يوديني للدوام نحچي طول الطريق سوالف بيها فَهم ووعي، مو سوالف فارغة احس فعلاً الحديث ويا مُمتع وشكد علاقتي بالبقية حلوة بس امير احسة فعلاً اخ وجان دائمًا حريص علية ويكعُد ينصحني.

من جنت أسمعة، أحس عقلي ينفتح، أتعلم من طريقته بالحچي ومن نظرته للأمور، كأنه يحچي مو بعمره، أكبر وأوعى.
حتى وأنا أضوج أو أضيع، كلمة منّه جانت تكفيني أرتب نفسي من جديد..

فَرس
مادري شلـون راح اداوم بدونـة مادري والله حَتى مالي واهس

سُراج
كولوا يا الله اليوم سمعت من علي اخبار حلوة انُ لگة عائلة من العوائل، فَ اندعوا تكمل السالفة ويطلعون هُمّ صدِك

شَمس
عزة صدُك ليش ماكلتلهُم لعد !!! بيبي وجدو وعمة وعمو اكيد حيفرحون

سُراج
السالفة مو اكيدة

فَرس
ياربببببب تكون اكيد يارببب

وصلنـا سُراج للجامعة قَريب للعربي وصلنـا فَرس لقسمهـا ورحنة لقسمي

شَمس
امم ليش ماتروح ترة اكدر امشي وحدي

سُراج
لا رايد اروح ويـاج

كال هيج وهوَ يحُط ايدة بـ ايدي

شَمس
سُراج

سُراج
تعودي شمِس تعودي

شَمس
شمِس شنو ترة اسمي شَمس شَمس

سُراج
شدخلج بلهجتي والله حلوة هـاي

شَمس
على فكرة ترة حَيل فشلتني اليوم

سُراج
هاي تعتبريها فَشلة؟ ترة اليوم جدي وبيبيتي وابوي وعمي ومرت عمي وامي والكل من اسعد الناس، اصلاً هُمّ من زمان يتمنون لووو نتراهم، بس لان جدي يحبج ومدللج مايريد يغُصبج اعلى شي بس مايدري ب سُراج لو راد شي فَ ماكو شي يوگفة

من كال هَيج نترت ايدي من عندة وخزرتـة رجع لزم ايدي وگال بضحكة خَفيفة
سُراج
بس انتِ مو ايّ شي ف عذبتيني بالبداية
وهَسة يلة استعجلي الدكتور تلكي هَسة بقاعتـج

من گال هَيج استوعبت انُ الساعة بـ ٨:٢٥ دقيقة

كمنـا نمشي بسرعة حَتى نلحگ نوصل، مرينـا ع الطب شفناهُم مجموعات مجموعات كاعدين، بكُل يوم اني اشوف محمَد كاعِد لانهُم يجمعون كدام قاعاتهُم

مشينـا شوية وشفنـاه كدامنـة، مروا مجموعة من يمي دارني سُراج للجهة الثانية وصار من الجهة ذيجّ

ما باوعت لوجهة غير بنطرة عابرة سريعة، مالي خُلگ اعلگ وياه سُراج هَسة

وصلت لقاعتي لكيت الباب مسدود

شَمس
عزااااا جاي ابو العقاقير ميرضى واحد يطُب ورة والله هسة يطردني والله

سُراج
هيَ شني يطردج شـو تعاي

بعدني ماحاجية حَتى ستوني داكُلة حباب لا ماريد احضر ماحس الا قوة لزمتة الي وخّلة ودك الباب

- ادخُل

شَمس
سُراج لااا حباب والله استحييي حباب

سُراج
دطُبي شخل مستحة غير انة وياج

فتح الباب وكـال
سُراج
السلام عليكُم

باوعت لملامح الدكتور تغيرت وكإنهُ شاف شخُص يعرفة باوعت لسُراج كذالك، تقدم الدكتور وسلم سلام حـار على سُراج وسُراج كذالك

الدكتور
جا شنو ما مسولفتلك شَمس علية

سُراج
لا والله عاد انة اقريهـا ترة بس ولا شفت اسمك اعلى الملزمة مادري ابد شلونك دكتور مشتاقين حَيل والله

الدكتور
والله احنة الاشوق شخبارك احجيلي

صـاروا يحجون بيناتهُم مبينين اصدقاء من زمـان

سُراج
عاد هيَ تموت من العقاقير

الدكتور
لا وين شَمس اعلى درجة عندي هم تطرد عيون مثلك ؟

سُراج
هههههههههه لا دكتور اعلى بختكك مامقبولة منك هـاي بس هيَ كوة اعليها تقراهة وماتصدك بية من اكلها هذا مُهم وهذا مو مُهم

الدكتور
لا صدكي بي عاد هوَ يعرف كُل الاسرار ما شاء الله
شنو خطيبتك ؟

سُراج
ايّ بت عمي وخطيبتي

الدكتور
يا اهلاً وسهلاً، يارب السعادة الدائِمة
نتواصل احنة ان شاء الله انطيني رقمك لا تروح مني مشتاقلك والله

سُراج
ولايهمك هَسة، طُبي شَمس من بعد اذنك دكتور

الدكتور
لا اهلاً وسهلاً خل تتفضل وين نكدر نحجي احنة عمي

ابتسمت بخجّل واحس روحي اريد الگاع تنشگ وتبلعني ع الخجّل، الدكتور تقريبًا اكبر من سُراج بال ١٥ سنة يعني هوَ جبير بس بنفس الوقت يعرفون بعُض شلون منين مندري

طّبيت للقاعـة والعيون كُلها صارت علية، بصفتي طالبة مُتحفظة صارلي سنـة ونُص محد يدري عن حياتي ايّ شي فَ ظهوري اني وسُراج ولابسين نفس الوشاحات وحلقة بـ ايدي جانت صدمة بنسبة للكُل

تعمدت انُ اشوف ردّة فعِل محمَد باوعت الـة كاعد يم رسُل وعيونة علية، تجاهلتة وكعدت بمكاني ..

كملنا مُحاضرة والتقينـا اني والبنات ساعتها وضع ايلول ابد ماحبيتة وموقف علي صدمني حَيل واني وفَرس جنة نتمنى نكدر نسويلهة شي وبنفس الوقت فَرس جانت تتمنى تروح وياهة بالسكن بس تدري بجدو ميرضى

باليـوم ردت احجي وي علي بـس مالكيتـة لحد الليل جاي متأخر ومبلغهُم ب انُ لاكي وحدة من العوائل وطالبين ٥٠ مليـون والكُل جان فرحان بهذا الخبر وكايلة ع اساس انُ يندل العائلة الثانية لان اولادهُم جانوا صدقان سوية

مُضت الايام سـريعة وخلال ٣ ايام علي كدر يوصل للعائلة الثانيـة، العائلة الثانية طالبة ١٠٠ مليون حَتى يوقعون التنازُل ماهتموا للفلوس وكالوا مُجرّد انُ اميـر يطلع هذا الشي كافي و وافي

زَعيم مارضة احد يدفع وجان مُصر ع انهُ هوَ الي يدفع المبلغ كامِل، ولمن علي حاجِجة كلة بسالفة فصُل سَجاد ماقبلت احد يدفع غيرك انتَ وسُراج فَ انة الي ادفع

وفعلاً زَعيم دبر الفلوس وجان المـوعد على باجُر حَتى يطلعـون امير، الكُل جان فرحان بس مُستحيل كد فرحـة فَرس

الدنيـا كُلها جانت مسايعتها وفرحانة هـواي تروح منا وترجع لهنـا ومتحمسة بكُل مابيهـا

داومنـا بالجامعة بنفس اليوم والتقينـا سوية اني وياهة و ايلول باوعنـة ل ايلول منظرهـا جان ابد مو زيـن ومبين انُ هيَ جانت تعبانة حجينـة وياهة حَتى تجي بس جانت رافضة كُليًا ومبدئيًا حقها متجي

رحنـة اني و فَرس للبيت غَيث جان منتظرنـا بالباب فَ نمشي ونحجي

فَرس
والله العظيم لوبيدي الا اطيح حظ علي بس استحييي والله استحييي ترة الي سوى بيها ابدددد موهين هوَ اساسًا شلون يتجرأ ويكول الها لتجينننن اريد افتهم

شَمس
انتِ لتحجين اني اليوم احجي والله العظيم مو حجي هذا ابد ماتصورتها من علي ابد

فَرس
ترة اني حتى مثگلة ويا وماحجي ويا نهائي وهوَ يدري وحاس بهذا الشي وميحجي سودة علية من ورا ملعوب بيها جولة

شَمس
ماعليج اني اليوم احاجي يم جدو واكُلة

رجعنـا للبيت والتهينـا بالتحضيرات حَيل و جان بالنـا يم ايلول، كملنـا التحضيرات وبلشت النـاس تجي العَصريـة والكُل حان يشتغل وفرحان من كل وكلبـة، شويـة وطّب اميـر شكلة تعبان بس ابتسامتـة جانت موجودة ع وجهة

سَلم ع كُل الموجوديـن واجـة طّب، فَرس الي جانا متحمسة لجيتـة اول ماشافتة ماتحملت ودموعها كام تنزل وخّلت وصعدت..

طّب امير النـا وبيبي كام تهلهل حيل حضن بيبي بقوتـة وضلت تبجي بحضنـة سلم ع واحد واحد واندار الي

امير
شموس

شّمس
اميرر، الحمدلله ع سلامتك والله هَسة احسسس البيت نور

ضحگ بصورة خفيفة وهزلي راسة بـ امتنان، عيونة عتدور بين الموجودين على فَرس باوعلي عرفتـة شيريد اشرتلة فوگ

شَمس
يلة امير روح اصعـد بدل وغسل وانزل الناس منتظرتك

امير
ايّ يلة بعدين نكعد يُمة جدي خابص الدنيا خبُص

صالحة
جا شلون يُمة غير كلبة اتلوع عليك تلوع والله

باس ايدهـا واشتمها حَيل ورجع حضنها
امير
الله لا يحرمني منكم ولا من حنانكُم ..

راح صعَد بـسرعة وابتسامتي مرسومـة ع شفتي

مضة الوقت ع سريع، وكملوا عزيمتهُم والتمينـا كُل احنة ع نفس لمتنـا وضحكتنا بس اني وفَرس جنة نحس اكو شي ناقُص

رُغم انُ فَرس جانت تريد تحاجي كتلها ابد اني احجي، عاد اعرُف لو احجي محَد يوكف ضدي حَتى هوَ بينما هيَ مُمكِن عمتي تشمرلهـا شكم حجاية ..

كعدنا كل احنـة وهوَ بالة سـارِح ومو ويانة اساسًا، المُشكلة علي صار علي ثاني، علي الي ٢٤ ساعة ضحكتة وشقا وسوالفة صار ٢٤ ساعة عَصبي وميتحاجة فردور

شّمس
يعني اذا تسمحولي ولو الموضوع راون سايد بس بنفس الوقت اريد احجي لان احس لمتنـا هاي مو كاملة ابد

جبُر
احجي جَدي شبيج؟

شَمس
علي

باوعلي علي وكانما عُرف الموضوع غمض عيونة وتنهد بتنهيدة بيها رّجفة

شَمس
يعني علي طبعًا اني بطول هاي الايام مداحصلك تجي متاخر واكون اني نايمة وطبعًا اني حاجيتك كتلك اريد احاجيك شوكت متجي كُلي بس انتَ غلست اعتقد لانّك تعرُف الموضوع عن شنـو

امير
صدِك ايلول وين ليش ماشفتها ؟؟

شَمس
جايتك بالحجي
علي احنة كَ بنات جنة دومنـا نحجي بيك ونضرب بيك المثل بالحُب ونفس ما انتَ تحب ايلول هم ماعايزة وتحبك فوك متصـور ف مَادري انتَ شنو تحس وانتَ عايفها بهاي الحـالة لوحدهي !! اني الي اعُرفة علي ميحب يشوف الدمعة بعيون ايلول مو يشوفهـا هيجي

علي
ليش شبيها ؟

شَمس
ليش شبيها بربك علي؟ ايلول ترة حَتى مو بوعيها وين ايلول قبل الضحكة متطيح من حلكها حَتى لو هيَ ب اسواء الاحوال هم تضحك هَسة ايلول شوكت متشوفها تشوف بعيونها اكو دموع وتشوف عيونهـا حُمر

امير
اوكفوا اوكفوا هم تعاركوا ؟

صالحة
ولك يُمة ليش ماتخاف ربك انتَ هجي تسوي بيها ؟

سَجاد
ايلول ما تستاهل هجي مُعاملة علي حط ب بالك هشي

شَمس
وهم خل يحط بـ بالة انُ ايلول من بعد الي صار مُستحيل ترجعلة

امير
ليش هوَ شصايررررر غير تحجـون

شَمس
ايلول رادت تجي وي فَرس من اجت وعلي مارضى

امير
عفوًااااا ؟؟؟؟؟ ليششش !

اشرتلة بـ ( مادري )

امير
هاي عود ليششششش علي ؟؟؟؟؟

جبُر
يكول تحرم اعلية الا يجي اميـر احنة تشاركنا بكلشي ف استصعبها انة اصير وياهة و امير بسجن وبسببي صار هشي

امير
هذا صدكك يحجي عوددددد ولك علي عقلي ماجاي يستوعب احجيلك شي

باوعنة لعلي، علي حاط ايدة ع وجهة و ساند وجهة ع التخُم ومغمض عيونـة ويسمع

علي
بس انتوا مافاهمين السالفـة

جبُر
شو بلة فهمنا احجي شتريد

علي
انة و ايلول بعد هاهيّ كِل واحد بطريق

من گال هَيج كُل احنـة بصوت عالي صحنـا ( شنوووووو )

الصَدمة الي اطانياهة جانت موطبيعية

جبُر
ولكككك حاجيني شني بعد ماترديها

فتح عيونـة وكعد عدل
علي
احنة منتراهم هيَ شي وانة شي ماكدر احجي اكثر بس هذا الي عدي

جبُر
اوكف اوكف بسك بسك امير اسمعني ولك
جا انتَ هاي سوالف ستوك شفتهن؟؟؟؟ صارلك وي البت سنـة ونُص

فَرس
يعني عود شنو تتطلگون

تنهد ودار وجهة يباوع وكانهُ يعتصر الالم بصمت
بهاي اللحظة كامت فَرس من مكانهة وهيَ تكُلة
فَرس
علي انتَ فعلاً اناني !!!! شلون انطاككك كلبك تعوف الي عافت اهلها علمودكك ؟؟ انتَ فعلاً متستحق ايلول
بـس هذا احجي

كالت هيج ودارت وجهة ودموعها صـارت تنزل لزم ايدهـا امير بغضب وتفاجُئ

امير
اوكفي اوكفي فهميني شني عافت اهلها ؟؟

فَرس
كلولة هوَ خل يحجيلكمم مو اني احجي

جبُر
احجي شبيك ساكت؟؟؟؟

شَمس
اني اكلكم اذا هوَ يسكت
ايلول ابوهـا راد يسافر وكال الها كلي لعلي خل يجي حتى نتفاهم وياخذج وعلي مـا قابل وكايل ل ايلول روحي سكن وماجان يرد ع اتصالاتها ابد و ابو ايلول متعارك وياها وكايل الهـا عافج وهيَ كاعدة تبرر لعلي اخر شي كلها روحي خل علي يلفيج وطاردها من البيَت

امير
شنييييييييي لكك لكككك لا ياناقص ياعلي لااااا يا ناقصصصص

كام اميـر وكف كدام علي وكام يصيح

امير
ليشش؟ ليششش تاذيها هجي ليششش بوكت مـاااا تحتاجك تعوفها هجي ؟؟؟ خرمتها منك ومن اهلها وعفتها بنصصص الطريق مو انة وكفت وتعهدددت لابوهـااااا وكتلة علي يحطها بعيونـة تالي هجي بهسهولة !!!

علي
لا تصيح اعلية محد يدري من السالفة شي
ويا ست شَمس انة ماجنت ادرررري اساسًا ابوها طاردها

فَرس
بس هيَ جانت تراسلك وانتَ حتى ماترد عليها !!! بحين اني من اخابرك ترد علية وهيَ كُلشي ممسويتلك متصور شكد كسرت كلبها بذيج الايام متصورررر

امير
احجي انطي تبريرررر ليشششش هجي سويت بيهـا ليشش

كعد بمكانة وصار يهز برجلة ويتنفس ويباوع بغضب

صالحة
ولك يُمة انضربتوا عوينة مو جنتوا شزينكُم

علي
محد يدري الي صارررر لا تخلوني احجي رايحة بايتتلي بـ فندق وانة اخابر اعليها من بعد ماعرفت و ولا ترددددد اعلية ايلول انة وياها بعدددد ما نتراهم ما نتراهم

جبُر
والله هم لو تروح لملهى فَ الصوج بيك موبيها ولك بت هاي بتتا تعرف شني البت لمن تنكسرور من اهلها شيصير بيها لا ونوب منك همم لا يا مو رجال وعلي مو رجال لو رجال جان ماسويت هجي بمرتك يلمطللط وعلي هسة تبينلي انّك مو رجـالل وشواربك هاي مو اعليك

كام وكف علي وصـار يصيح ب اعلى صوتة
علي
ليش موجال ليششش!! انتم شرايحلكم تردون كلشي اعلى الخالي بلاششش علي يجيب ويحط كدامكم انة اروكض اعلى سالفة امير ومشتعل شعِل ومادري بسالفة كلها وخابروني بنص الليل اهبدددد نفس المسودنننن شسوي شسوي اكثر من هجي شسويييي اذا هيَ تريد هجي هي تريد حُرية

امير
ولك والعباس هسة اتعارك وياك والعباس يا علي لو تسئلني اعلى امنيتي اكلك اضربك
ولكككك ايلول مشهودتلها ب اكثررررر انسانة غيرت روحها اعلمود شخص شني البيها ما غيرتة شني اشو حياتها فصلتها تفصال وسوت علمودك ما سوت وتاليك تكول تريد حُرية؟ ليشششش منو الـ موصلها لهل مرحلة غيرك منوووو

جبُر
خيولي والله مومال نعمة، تعال عاتبني لو تنوعت لوجهك مرة ثانية

امير
ايلول؟ يكلها علي هجي ويسوي بيها هجي وترجعلة لا والكفل زينب فلا تفكرر بيك ومحد خسران غيرك محدددددد
يلة فَرس كومي بدلي
انتَ طلعت مو كد الأمانة بس انة ماكدر هاي امانة عدي مو عدك

علي
متجي للبيت لتحاول

من كـال هَيج مانحس الا صوت اميـر وهوَ يزئر زئِرررر ويتقدم لعلي ويصيح
امير
لكككككك علي

رفع ايـدة بقوة ولاخر لحظة حس بروحة وضربها بالحايط
امير
جاهل ماتفتهممممم ماتفتهمممم

كال هيج وخّلة وصعد و فَرس صعدت ورا

صالحة
والعباس عين، يُمة عين الماصلت على مُحمَد وآلِ مُحمد ولك يـمة شمالكم

الكل جان يحجي ع علي بنفس الوقت وعلي للحظة قهرني ع كد ماجنت احسة بعـالم ثاني، كام طلع وسُراج راح لحگة.

شويـة ونزلوا امير وفَرس، صاحلة جدو

امير بهمس
وينـة؟؟

جبُر
مدري شبي بويـة روحوا احجوا وي البت لزگوها شلون ماجان بوية فَرس تدرين بي شكد يحبها بس هوَ مادري شمالة الولد ف انتِ لا تزيدين الطين بلة

غَيث
تعب انة اكلكم تعب صارلة شكد وياهة ويريدها وحجاية الحگ تنگال كل ساع وطالع واحد ضدة بحيث تحسوا هسة بغير عالم من كد ما ماتهنة بفرحتة ماكوشي صار بعينة وفقد الشغف بكلشي

امير
رايحين هَسة انة اعرف شحجي وياهة ..

جانت الساعة بـ ٨ راحوا هُمّ واحنة ضلينـا بالبيت
صالحة
فطينة وعلي فطينة، يُمة شزينهُم وشحلاتهُم عيـن الماصلت اعلى النبي سودة علية ..

ضليت منتظرتهُم يجون بـس ماكو اخرشي صارت ب ١١ نعست ونمت

اليوم الثانـي داومت بالجامعة و اول ماجيت نمت من تعَب جان يوم خميس

كعدت من النـوم فتحت موبايلي طبيت للانستا لكيت سُراج منزل ستوري، مصور قَبر زَينب من بعيـد وكاتب ( رُّبما في حياة أُخرى ) ...
حسّيت كأن أحد اخذ انفاسي من صدري. عقلي ظلّ يحاول يفسّر، وگلبي رافض يقتنع. هوَ بعده هناك، واكُف بين موتها وبينّي، ينادي على حياة ثانية فَ شيسوي بحياتي؟
يُتبعععع.... ( توقعاتكُم )

__________________

ايلول

حاولت افتح عيوني بس ماجنت اكدر، كُل ما افتحهن يرجعن ينسدن وحدهن، رجعت فتحت عيوني بقوة حّتى اشوف واركز منـو وجان انصدم بوجود شخُص غريب يدك الباب عليـة

باوعتلة شكلة يخوف ويدك ع الـ جامة حَيل بلعمت من الخوف وحاولت افتح عيوني الي كُل ساع ينسدن

رجعت نمت بدون مادري ع الستيرن والدگ بعدة مستمر، شلت راسي باوعت الـة يباوعلي ويسويلي تعاي تعاي افتحيهـا

بلحظتها حَسيت روحي خفت، كمت افتح بعيوني بقوة حَتى استوعب الجاي يصيـر، شغلت سيارتي اريد احركها ماكو طافية من البانزين

سيارتي بيها عازل يعني اذا احد حجة ماسمع صوتـة ابد، باوعت الة شكلة يخوووووف وداير مدايري ظلمة، لِلحظة حييت روحي راح اموت جـوة اديّ، للحظة نسيت موبايلي وللحظة ثانية رّن موبايلي

التفتت بـسرعة لكيت المُتصِل امير

جان يباوعلي ومركز بوجهـي، خايفة لا اسوي حّركـة و شو شيسوي ركزت بعيونـة ورديت ع الموبايل وفتحت سبيكر بدون ماشوف الموبايل

ايلول
اميـررررررر وين انتَ الحگلي حبابببب

امير
ايلول انتِ ويـنننن ويـننن

ايلول
مادري مادري الحكني حباب

فَرس
شديصيـرررر ايلول شبيج

ايلول
اميـر سيارتي مادري ويـن خلص بانزينها ومادري بروحي ونمت واكو واحد واكفلي هسة وديدُگ علية السيارة، امير حباب محد يمييي اني خايـفة

امير
خربببب ايلول منين طلعتي منيننن

جان يأشرلي حَتى انزل الجامـة واحاجي سويت روحي احاجي بس الجامـة متتنزل

ايلول
مادري هذا حَي كُلة محلات ومسدودة مادري ويـن مادرييي

امير
ضلي ويـاي ايلول ضلي وياي
بسرعة خابري علي، بسررررعة فَرس

علي
هـا خابرتكم؟؟؟

امير
بـسرعة حدد موقع ايلول بسرعة علي

علي
ليش هيَ ويـن

بهل اثناء شفتـة لزم طابوگة واجـة
ايلول
اميرررررر اميررررر يريد يكسررر الجامـة اميررر الله يخليك

علي
هاي شني ايلول شبيج ايلوللل منوَ

امير
لكككك علي حَدد موقعهـااا بسرعة

علي
اوكف اوكف ويـن موبايلي الثاني ويـن خرررررب ايّ يلة راح اخابرج ضيفيني جهات اتصال بسرعة بسررررعة

ضفتـة جهات اتصال ع الرقم هذا ودموعي جانن يجرن وخايـفة، شافني انُ اني لزمت الموبايل ف شاف منـا ومنـا واجة

علي
بعيددددد علية بعيددددد علية اميررررر

امير
وين هيَ ويننننن

علي
بالـ ...... الحكهااااا بسرعة

امير
بعيددد علية علي بعيددددددد مو يمنننة

علي
جااااي جااااااااي
ايلول تسمعينيي مني هذا الي يريد يركع الـ جامة منيييييي

بهّل اثنـاء شافني انُ اني مخابـرة واحد خزرني ومَدري شكام يحجي ولزم الطابوگة واجاني

صرت اصرخ بصوت عالي ورجعت لـورة بسرعة

علي
ايلول ايلول شبيججج ايلول

ماسمع منهُم شي صرت اصرخ بصوت عـالي واني راجعة ورة وهوَ صار يكسر بالجامـة مـال السيـارة

ضربة ثنين ثلاثـة انكسرت الجامـة وصوتة صار يجيني

- يحلووووووة تعـااااي شبيج

صوتة صوت واحد سكـرران ويضرب وما مهتم لصياحي الي ملـة الدنيا ملي

لمللمت روحي بالكشن الورة وحطيت ادية ع اذاني وصرت ابجي بصوت عـالي، بهاي اللحظة عرفت روحي انتهيت هاهيّ ومُستحيل احد ينقذني

احس روحي مرهوبـة وجسمي كُلة صاارر يرجِف مَد ايدة بسرعة من الجامة المكسورة وفتح باب السيـارة

صوت ضحگتة صـار عالي صعد بالسيـارة بسرعة وصار مقابيلي ويريد يطبلي لجـوة

نسيت انُ السيارة مفتوحة، مادري شلون اجة ب بالي بس يُمكِن من كد الرهبة والقُرب الي صار بي صرت بَس اريد بس مهرّب حتى اهرب منة، فتحت الـ باب بسرعة وركضت

لزمني من ياختـي وكعت بالگاع بس رجعت كمت بسرعة وركضت بكُل قوتي

الشـارع اظلمم وصوت جلاب موجودة مادري ويـن وماشوف كدامي إلا سيارات تخطُف ع الشارع العـام

صوتة بدة يدنى وركضاتة وراي مسموعة
صرت اركض بكُل قوتي والهث من التعب وللحظة وحدة لزمني حيل من شـالي وكعت بالگاع وهوَ گابلني ويضحگ

- هي هي هي ولزمتـجج واخيرًا تعاي خل ادفعج ثمن كِل ركضة ركضتهـا

ايدي انغمست بالتراب وانفاسي اعتلن للحظة وحدة ردت اوكع وهاهيّ، بس مادري شلون اجتني القـوة ع اخُر لحظة وشلت التراب وهفيت عليّ حيللل

كام يصيح ولزم عيونـة واني شردت بـسرعة للشارع العام
ضّليت واكفة بنُص الشارع اتنفس بصورة سريعة و حاطة ادية ع ركبي وبالكوة واكفـة

فجأة شفت سيـارة مرت بشكل سريع ضليت أاشر الهـا حَتى توكفلي وكفتلي السيٰارة وشفت الرجـال كام واجة ع اتجاهنـا

سيارة لاندكروز سودة عـالية مُظللة اول ما نزل الجامـة شفت ولد متوسط العُمر كد الولد لابس دشداشة باوعلي بـ استغراب فتحت باب السيارة بسرعة وكتلة واني الهث

ايلول
سوق بسررررعة سوق بسـررررعة الله يخليكك

باوعلي بـ استغراب وحرك سيـارتة ع السريع

حَطيت ايدي ع كلبي واني اشوف دنبتعد من المكان الي جنـة بي

-
بويـة كولي يالله شصاير ومنو جان يركِض وراج و وين جنتي اساسًا

شلت راسي واجت عيوني بعيونـة
ايلول
مادري لا تسئلني شي بس اريد
ردت اكُلة اريد مَي ماحسيت بروحي إلا وعيوني مسدودة

فزيت من غيبوبتي واني اهمس بـ اسم علي باوعت لكيتـة شايلني وديحُطني ع الجرباية

باوعت نفس الشخُص الي صعدت ويـا بالجُرباية، نزيت وابتعدت بسرعة عنة

- اسم الله بويـة شجاج

ايلول
انت منووو وخررر عني

- لا تخافين انتِ هنا بـ أمآن انتِ ب بيت الشيخ ... وهسة صرتي دخيلة عدنـة

هوَ يحجي واني صافنة عليّ هذا شديمخرطط !!!

ايلول
دخيلة شنـوووو عوفني وخرررر ويـن جبتني

- ترة انتِ دايخة علكيفج وي روحج والساعة بـ ١ بليل ويـن ترحين مثلاً نامي واكعدي الصُبح روحي

كال هَيج وجان عينـة ع صدري، شكلة شكِل انسان راقييي والغُرفة فخمة بشكِل بس لمن شفت نظرتة هـاي احس ماتحملت

كمت بسرعة من الجُرباية وكتلة بصايح
ايلول
شدتحسس ترة اني متزوجة دخيلة شنووو

- وين اكو مزوجة وبنص الليل واحد يركض وراج وهسة انتِ شبيج خايفة مني

ايلول
وخر مني لا تدنى لا تتندم وخرررر يلـة

كلت هَيج واني ارجع وهوَ يباوعلي وصافن علية، طلعت بسرعة من الغُرفة ب امل الكي احد بس محَد موجود

طلع وراي ب بُطئ وعيونة تلاحكني
- تـرة محد بالبيت وانتِ مبين اعليج مو منـا ف اهدي ومنا لباجر نكعد ونعرف شني سالفتج هسة ريحي روحج شويـة

ايلول
اريد اطلع ماريددددد اضل هنـا اريد اطلع زوجييي منتظرني وخر عني

- يا رجل انتِ صدك تحجين

ايلول
اني متزوجة متزوجة

- وين حلقتج شو ماجاي اشوفها لو مسويتلج داهية وجاية اطمطميها بسالفة الزواج

ايلول
احترُم نفسككككك انتَ شجاي تمخرُط وخر خل اطلع وخررر

تقدم تجـاهي ونظراتة مّدري شونهن، جانت اكو نفس المزهرية ع الطبلة شلتهـا وبكل سرعة وبدون وعي شمرتها على راسـة حَيل ..

لزم راسة بـقوة واني مَريت بسرعة من يمـة وشردت طلعت من المطبخ واكـو طارمـا شوية جبيرة ومن بعدها الباب

سمعت صوتـة اجة وراي وهوَ يصيح

- تعااااااااي

ماهتميت الة واستمريت اركُض، الباب حيل جبيـرة حاولت افتحهـا ماتنفتح قوووية حَيل وبنفس الوقت شفتة طلع من المطبخ واجاني

صرت ابجي حَيل واحاول افتح بالباب وعيوني عليّ
يارب يارب دخيلك سهلي ياربببب دخيلككك

للحظة وحدة اندفعت لورة وانفتح الباب، اول مانفتح الباب جان خوفي لا تطلع منطقة ريفية بس الحَمدلله طلعت بالمدينـة والبيوت كُلها راقية وعالية

ركضت بـسرررعة وصرت اتلفت شفتة طلع وراي وركب سيارتة ماجنت لابسة شي برجلي والكاع مو عَدلة واحس عيوني بالگوة اشوف بيهن

طبيت بفرع ع سريع ومن الفرع طبيت لفرع ثاني حَتى يتيهني، لكيت روحي صرت ع الشارع العام اكو اسواق مفتحة وصيدلية مفتحة وسيارات ماكوو

عبرت بسـرعة للشارع العـام ورحت بـاتجاه الاسواق طبيت بسرعة واني اتلفت منـا ومنـا وماجان اكو ايّ سيارة

شفت ولد شاب يطلع بال ١٩ سنة كاعد بالاسواق اول ماشافني انفزع وكام بسرعة

- شبيج خوية شبيج كواج الله شصـاير

شفايفي بيهن رچفة فضيعة ورجلية ما ساعدني حتى اوكف زايد وكعت بسـرعة واني الهث بسرعة واكلة بهمس
ايلول
حباب ساعدني حباب ساعدني

- شجاج خوية شصايرررر شصايررر شبيج اكو احد لاحگج
راد يطلع كعدت و اشرتلة يوكف

ايلول
حباب لا تطلع الله يخليك لا تطلع اريد موبايلك حباب

- اي اي خوية هـاج

جاب موبايلة بسـرعة الي كتلة واني الهث
ايلول
لا يجي حباب لايجي

- خابري خابري انتِ انة واكف بالباب ماخلي احد يطب يلة

دكيت رقم فَرس بالكوة، احس نفس الضغطات كام تصير على خشمي وعيوني
دكيت عليهـا ماكو شويـة ورد امير

امير
الو منو

ايلول
ا م مير. امير

امير
ايلول، ايلول انتِ وينننننن ايلول

ماكدرت اجاوب احس الكلام ماصار يطلع وياي ع كد ماجان كُلشي يرجف بية طب الولد اخذ الموبايل وطلع وهوَ يحجي وي اميـر

- كومي خوية كومي اكعدي هنا راح يجوج لا تخافين انتِ ب امان

كمت كعدت ع الكرسي جابلي مي شربتـة وجسمي ع كد ماجان يرجف يبين وكانّي جاي اهز برجلي

ماكو ما مضت اقل من خمس دقايق و فَرس و امير اجوي

اول ماشفتهُم من بعيد حَسيت روحي راح اكدر اغمض عيوني بـ امان

فجأة عيوني انطفت وماحس الا وكعت من الكُرسي ع الكاع حَيل

احس بروحي عشت ليلة من الرُعب الموطبيعي، وبينلي شكد الدنيا ما تتأمن وتخـوف

اسمع اصواتهُم يمي، صوت بجي فَرس وصوت صايح اميـر كلشي جان مسموع بس ماجنت اكدر لا احجي ولا افتح عيوني

ماكو لحظات وحسيت الثُگل اختفى وغبت عن الوعي نهائيًا ..

فتحت عيوني ع اصواتهُم ييمي
باوعت علي كاعد يمي ولازم ايدي
علي
ايلول

اول ماشفتة كلبي كام يخفق حيل درت عيوني اباوع اني بغُرفتة ايّ بغُرفتة غمضت عيوني وصرت اتذكر بالي صـار وياي واسمع صوتـة قريب مني ويحجي

علي
احجيلي احد أذآج شصارررر حبابة احجيلي

فتحت عيوني واني اباوعلة بـ كره نفرت ايدي من عندة بـسرعة وكمت
علي
ايلول ويـن

ايلول
حَقير، حيوان كلشي صارلي بسببك لو تموت ما اسامحك لو تموت ما انسى الي صار وياي بسببك مُستحيلل انسىىىى

حجيت هيج بصوت حَيل عـالي وايدي جانت ترجفف حيل بلعمت واني اباوعلة يباوعلي بصدمة

ايلول
متندمة لان حبيتك اني ماحبككك دتسمع ماحبككك بعَد

حجيت هيج وانفتح الباب شفت فَرس وهيَ تطُب طلعت بـسرعة واني اخذ شـالي وامشي

فَرس
ايلول ايلول

ايلول
وخري انتِ عني ماريد واحد ماريدددددد

حجيت هَيج وحطيت شـالي ع راسي وعُبرت بسرعة داطلع شفت استاذ اميـر بوجهي

اجاني علي وهوَ يلزم ايدي حيل من ورة وفَرس تحجي وتبجي
فَرس
ايلول شبيج شصايرلج حبابة ليش هيج دتحاجيني

ايلول
ماريدكُم داكلكُم ماريدكُم وخرواااااا عني

حجيت هَيج وماحس الا علي طببني بـسرعة ردت اصرخ حط ايدة ع حلكي

طببني للغُرفة بسـرعة واني احاول اقاومـة بس ماكدررر
حطني ع جرباية وصـار كدامي

ايلول
عوفني جاااي اكلك عوفني لا افضحك يم اهلك قسمًا بالله عوفنيطي

احجي وابجي وشفتي ترجف واسناني يطكطكن ب بعضهن واحاول افلت اديّ مني

فّرس
عزة ايلول شبيج الله يخليج باوعيلي شصايرلج

علي
اطلعيييي فَرس اطلعييي

ايلول
جاي اكلك عوفني انتَ ماجاي تفهم عوفني

علي
حبييتي ماعوفج شلون اعوفج وانتِ بهاي الحـالة شلوننننن
فَرس اطلعيييي

امير
فَرس تعااااي

طلعت فَرس واني احاول اقاوم بعلي واحاول اكوم
علي
ايلول اكو احد اذآج اكو احد سوالج شي احجيلي بس احجيلييييييي

يحجي وعيونـة متعلگات بگصتة

ايلول
من وراك من وراكككككك كلشي صارلي من وراك كلشي صارلي من وراك انتَ السَبب انتَ السّبب الله ياخذك علي الله ياخذك

من حجيت هيـج صار يباوعلي وملامحة كلهن تغيرن

علي
منوووو احجيلي منووو، ويـن رحتي من بعد ماصعدتي بسيارة السوووودة وشسوالج احجييييي

من سمعتـة يحجي هيج صُفنت وتذكرتة من يباوع لصدري ارتخن ادي وهن لازمات ادية وكمت بسرعة واني اصيح
عوفني ماريدددددد ماعليكككك انتَ بية ماعليكككك

ماحس الا انجريتتت بسرعة لزمني من زَندي حيل وعيونـة جانن يجدحن نارر ويحجي
علي
لجججج احجييييييي شسوالج ايلرل شسوالج

واكفة يم مَيز المرايـة وهوَ يحجي هَيج صارت ايدي ع ميز المراية لزمت العُطر وكسرتة بسرعة بالكاع

ايلول
جاي اكلك عوفني متفتهم انتَ متفتهمممم

لزمني من اثنين دية وثبتني وهوَ يصيح بوجهي
علي
لـج ايلول اصحييييي اعلى روحج اصحييي واحجيليييييي

انفتح الباب راسًا طبوا اميـر و فَرس
ايلول
كلولة خيوخررر عني كلولة خيوخررر

طّب اميـر وطّب سُراج وسَجاد مصدومين من الوضعية ومحد يدري شنـوو صاير اصلاً

علي
ولج وخروا ماسويلها شي ماسويلها شي خل تكلي
ايلول احجييييي راح اموتتتت ولج احجييييييي

سُراج
علي شبيككككك اصحى

وخروا بسرعة كلهم
باوعتلة وكتلة
ايلول
متصور شكد اكرهك متصوررررر شكد اكرهك

حجيت هيج وخليت وطلعت بـسرعة
لكيت فَرس كدامي اول ماشفتها حضنتهـا حيل وصرت ابجي بعجز وضعُف لاول مـرة بحياتي احس بي

ايلول
فَرس حبابة اريد اطلع ماريد اضل هنـا حبابة اريدددد اروح

فَرس
اميرررر اميررر تعـالل

اجـة امير وسَد باب الغُرفة ورا واسمع صوت هوسة وصايح جوة

ايلول
استاذ امير حباب ماريد اضل هنا ماريد

فَرس
امير راح توكع تعال

احجي واحِس بجسمي ضَعيف ماكدر حتى احركة، اجة امير بسرعة وسندني

امير
ايلول حالتج تعباااانة ويـن ترحين ويـن

ايلول
ايّ مكان حباب ايّ مكان المُهم موهنا راح اموت استاذ حباب راح اموت بس طلعني منا طلعني

حجيت هَيج وفرس باوعتلة بخـوف
فَرس
امير حباب لتخليها هنا ويـن ماجان المُهم متضل هنا

امير
يلة امشي كدامنـا افتحي السيارة بسرعة يلة فَرسس

نزلت فَرس بسرعة لزم ايدي اميـر وباوعلي ب خوف
امير
تكدرررين تنزلين ايلول

هزيت راسي ب ايّ رُغم رجفة كُل جُزء بيـة

استندت ع المحجر بجهة وايد امير لازمة ايدي الثانية مادري شلون سندوني هوَ وفَرس وطلعوني بسرعة

حاولوا يحجون وياي بس اني ماحجي شي بس حاطة راسي ع جتف فَرس وابجي

صارت كدامنـا صيدلية احس الدنيا صارت تفتر بية اريد بس انام وماريد احس ب ايّ شي

ايلول
اريد منوم اريد منوم امير الله يخليك

باوع امـير بالمراية بخوف وكال
امير
اخذج للمستشفى ايلول بس لو تفهمينا

ايلول
ماريد اريد بس منوم حباب تعبانة بعد ماتحمل

فَرس
امير جيبلها ڤاليوم بـسرعة، ادري بيها ماراح تهدى الا هوَ

نزل امير بسرعة و فَرس تمسد ع وجهي وتبجي وياي اجة امير جايبلي حباية ومَي شربتهن واحس روحي منتهية

ايلول
ويـن حتاخذوني

امير
لتخافين مو يم علي لبيت ثاني

ايلول
ضلوا وياي لترحون من يمي اني اخاف

فَرس
وياج احنة مانعوفج

ايلول
امير انتَ هم

امير
وياج والله وياج ماعايفج

غمضت عيوني واني افكر بل مشاهد الي صارلي واتمنى بَس لو اكون بحلم ويطلع كُل شي مو حقيقي

شويـة وحَسيت روحي نمت حسيت بروحي اهلوس بس بعدهي ماصرت احس بـ ايّ شي غير الحيـاة وردية وخّضرة ومزاجي جان كُلش زين

فتحت عيوني شفت روحي متمددة ع فراش بغُرفة ومتغطية واكو سيرومات معلگيلياهة

للحظة نسيت اني ويـن استذكرت الاحداث بخوف حَدما وصلت لـ فَرس وامير صحت ع فَرس

اجتني فَرس بسرعة اول ما شافتني حُضنتني حَيل وجانت خايفـة علية حيل كتلها ب بيش الساعة كلتلي بـ ٨ بليل صدمتني ع كمية النوم الي اني نايمـتة

تذكرت الي صار وياي ورجعت ابجي من القهّر والخوف ومن المنظر الي جنت بي اني

كرهت نفسي وكرهت ضُعفي وكرهت علي وكرهت اهلي الي بسببهُم والي هُمّ مشاركين بالجريمة

اندكت الباب اميـر لبست حجابي وطّب تحمدلي ع السـلامة وكعد يمنـا فَرس كلتلي احجي كُلشي صار

بديت احجيلهُم الي صار بالتفصيل المُمِل بس ماذكرت شي ع نظرات الرجـال الية ابد

امير
صحيح نفس اقوالـة هوَ هم هجي كال بس هذا علي ماجاي يقتنع من بعد ماشافج هجي

ايلول
ليش شمعرفة بعلي

امير
علي شايف سيارتة بالكامرات و موزعها ع الشُرطة ولازمي بليل البارحة وكايل هجي، الرجال يكول انة ما متقصد ولا متعمد وعبالي ما وراهة واحد وطببتها دخيلة عدي بس كال لا اذيتها ولاشي

ايلول
صحيح ما سوى شي امير عوفوا ماريد مشاكل عوفوا
اني ويـن هسة

امير
ب بيتج ويـن

ايلول
يا بيت اريد ارجع للسكن ماريد اضل هنـا ابد

ماقبلوا انّي ارجع ابـد خصوصًا اميـر جان مُصر انّي اضل رادوا يجيبون طـاري علي بس اني رُفضت رُفض كُلي وجاوبت جواب نهائي ب انُ من بعد الليلة الي صارت مُستحيل اغفر الة ولا ارجع ويـا حَتى

ماضغطوا علية كلولي ميخـالف كتلهُم راح اضل هنا بس اليوم اذا جبتوا علي اطلع ومتلكوني بعَد امير كلي أمني ميجي

جنت كاعدة يم فَرس وحدنـة بالغُرفة واحجيلها ع الصار وابجي وهي تبجي وياي

من كَد التعب ومن كَد ما ضليت ابجي احس روحي تعبت ونمت

اليـوم الثاني ردت اشيل راسي من المُخدة ماجنت اكدر، التعب جان واصل وياي مستوى مو طبيعي وكَد مو راسي ما مستوعب الاحداث الي صارت وياي صرت اخذ بالڤاليوم الي لكيتـة محطوط يمي، بحيث اني ٥ ايام ما اسوي شي غير اكعد وانام وانام واكعد وكعدتي ماتطول رُبع نُص ساعة ع كد صلاة اصليها وانام ..

امـا علي ف هواي مرات حاول يدخل للبيت واني جنت اكول اذا علي يطُب اني اطلع

امير وفَرس حرمصولي حتى احجي فويس الة انُ الي صار شنـو حتى يبرد كلبة بس اني جنت وافضة نهائي واني رايدة كلبة يحترك

مرة من الايام جنت نـايمة بتعب مو طبيعي، كعدت ع صوت علي وهوَ يهز بـ متني وينادي ب اسمي

فتحت عيوني علي كِدامي، لازم سـلاح و كاعد كدامي، عيونـة حُمر و ايدة قابُضها .... يُتبعععع

البـارت الجاي يوم الخمـيس ...