رواية داويتني فأحببتك الفصل التاسع عشر 19 - بقلم HaboOoshy

الأنثى لا تبكي على فراق رجُل ...
ولا غيـاب غزل ...ولا ذهاب من يُدللها ...
الأنثى تبكي على قلبها ...
على حُبٍ زرعتهُ بقلبِ أحدِهم وحصدتهُ خذلاناً...

في بيــت أم خــالد
كان كل شي جاهز علــشان الملكــه
في غــرفة ليــلى
كانت معاها الكوفيره ..طبعا بالغصــب رضـت إن تجيب لها ...كانت تقول إن مالها داعي دام الملكه صغيره ..طبعا الملكه صارت صغيره بطلب ليــلى وكان بودها لو إن تسوي الملكه والزواج في ليله وحده بس أبو نايف ما رضى
نــوف: خلاص يا بنت ..ابتسمي ع الأقل
ليلى ابتسمت غصــب
الكوفيره : خلصــت الشعر ...وإن شاء الله بعد الصلاه راح أحط الميك آب
ليلى : شكرا لك
الكوفيره ابتسمت : ولوو "وراحت الحمام كرمكم الله "
نوف لفت للفستان اللي كان معلق ع الدولاب: الفستان يجججنن ..احم احم اختياري طبعا " لفت لليلى " مع إن نفسي كان يكون أفخم لا مرره ناعم
فستان ليــلى كان مثل هذا

ليلى : ماله داعي دام الملكه عائليه
نوف: وأنتي كل شي ماله داعي
ليلى عصبت : اييي يعني اتخــيلي اسوي ملكه كبيره وماادري ايــش وزوجي واحد شايب
نوف استغـربت : أنتي مغصوبه ؟
ليلى حست على نفسها وهدأت: لا مو مغصــوبه موافقه "ابتسمت" لا تطلعي عليي اشاعات
نوف: هههههه طيب ..."فتحت جوالها ودخـلت الواتس آب " البنــات متحمسين مرره ههههههه
ليـلى: ههههههه مو علـشاني علشــان وناستــهم
نوف وقفت : ههههه اييي والله اهم شي الوناسه في الحــياه ..يلا أني بروح غرفتي أخلــص أموري قبل لا أحد يجي ...قود باي
ليلى : هههه ...قود باي
"لما طلعت نوف من الغرفه ....ليلى دخــلت في دوامة تفكيــر بس قطـع عليــها صوت صـــرخه قويـه خلتها تقوم مفزوعه "
"طــلعت بـرا الغـرفه وشافت نوف وأمها في نهاية الدرج قاعدين عند جمــانه الطـايحه ...ونوف تــحاول تصحيها "
ليـلى بخوف: وش فيــها ؟
ام خالد: طاحت من أخر الدرجات .. شرشفها حق الصلاه طويـل وماكانت ماسكتنه عـ
نوف قاطعته بخوف: يمــه دم دم
ام خالد بعدم تصديق: وشــو
ليــلى بخوف : يممه وين خالد ...ودوها المستشفى البنت حامل
نــوف بخــوف: خالــد طــلع قال إن بيقضي كم حاجه وبيروح الصــلاه"بتسأول " أتـصل له ؟
ام خالد بسرعه : لا لا تتصلـي لا يخاف المسكين..... ليــلى روحي جيبي عباتها وعباتي .....نــوف روحـي نادي أخــوك فهــد ...هو في غرفته
نوف قامت تركض ع الدرج : إن شاء الله
"راحــت تـركض لغــرفة فهــد ...اللي كان توه مو من زمان صاحي من النــوم "
فهد اختـبص : بســم الله وش فيــك
نـوف: جمــانه طاحت من على الدرج ...وطلع منها دم
فهد خاف: يعني أنا وش أسوي
نوف : خالد مو هــنا ....نبغاك توصلـنا المستشفى ...بســرعه
فهد أخذ مفاتيح سيــارته: طيب طيب ...يلا امشي
"نزلوا "
فهد بخوف: يمــه أحملها؟
ام خالد باستغراب: كيف بتحمــلها هي ماتحل لـك
فهد: استغفر الله .... عجــل يمه سانديها أنتـي ونـوف ... وأنا بقرب السيــاره
"طــلع فهد بسـرعه لســيارته ...ونوف وأمها ساندوا جمــانه وطلعوها وحطوها في السيــاره ....و فهـد بأقصـــى سـرعته وصل المستشفى ودخلوها ع الدكتــوره "
ام خالد: الله يستر الله يستر
فهد : يمه مابتقولوا لخــالد
ام خالد: لا مايحــتاج ...وخلاص الحين أصلا أذن أصلا ,,,روح صلي يا ولدي
فهد: الحين أنا بروح
"راح فهــد يصلي ..وبعدين راحت نوف وامها يصلو"
" بعــد ربـع سـاعه"
طــلعـت الدكتوره
ام خالد بخـوف : بشــري دكتـوره ؟
الدكتوره ابتسمت : الحمــد لله صحت ....وصحتـها تحسنت
ام خالد: طيب والدم؟
الدكتوره : هــذا بس نزيف بسيط ...بس حاولوا إنها تهتم في أكــلها أكثــر
نوف بخوف: طيب والجنين مازال موجود؟
الدكتوره : ايي الحمـدلله ..جبتوها في الوقت المناسب والا كنا فقدناه
.... بأصوات متفاوته: الحمدلله
فهد: طــيب نقــدر نأخذها معانا الحين
الدكتوره : لا ع الأقل بعد ســاعتين ..حاطين لها مغذي لإن مثل ما قلت لكم هي هامله نفسها واجد ..فأهتموا فيها حفاظا على نفسها وعلى الجنيـن
ام خالد: إن شاء الله
الدكتوره : تقدروا تدخلوا إليها
ام خالد قبل لا تدخل تكلم فهد : لا تروح ...بتطمن عليها وبطلع ما باقي شي ع الملكــه
فهد: طيب
دخلت نوف وام خالد وشافوا جمــانه تبكي....راحت ام خالد لها وضمتها
جمانه وهي تبكي: والله ماقصدي إن أطيـحه والله
نوف ابتسمت لها : ومن قال إن طاح ...الحمدلله مازال موجود
جمانه بعدت عن ام خالد قالت وبعدم تصديق: صحيح ؟
ام خالد: ايي الحمدلله
جمانه: بس أني انتبهت لوجود دم ..وماقدرت دارت فيني الدنيا
نوف: هذا نزيف بسيط
جمانه تمسح دموعها : طيب وين خالد ؟
ام خالد: خالد مايدري ...الحين أتخيـله بيرجع البيت
جمانه : خالتي روحوا البيت ...ما باقي شي ع الملكه
ام خالد: ايي الحين رايحين ... وبخــلي خالد يجي لك
جمانه بسرعه : لا لا خالـتي ...لا تقولي له ...إذا سألكم عني قولوا اليه مع ليــلى او أي شي ...خــلي تتم الملـكه على خــير وبعدين لو قلتي إليــه ماابغاه يخـاف واني الحمدلله ما فيني شي "بهمس" أكيد بيفكرني متعمده علشان أطيـح البيبي
ام خالد: طيب عادي تقعدي لوحدك ؟
جمانه ابتسمت لها : أيي أكيــد عادي ...برتاح شوي
ام خالد تذكرت : صحيح ..تقول الدكتوره إنك هامله نفسك وماتأكلــي زين ...أنتي تبغي يجي ولدك او بنتك مريضين أو تخسريه قبل لا يجي
جمانه: لا إن شاء الله راح أهتم في صحتي
ام خالد: إن شاء الله ...يلا نوف خــلينا نروح قبل لا أحد يجي
نوف: يــلا
جمانه : آسفه خالــتي خوفتكم عليي
ام خالد: أنتي مرت ولدي وقبل هذا بنت أختــي ..لا تقولي هالكلام "باست رأس جمانه" يلا مع السلامه
(وطـلعوا من الغرفه وراحوا مع فهد للسيــاره ووصــلوا البيت ولما دخــلوا كــان خالد في الصاله ينتظرهم )
خالد باستغراب: يمــه وين رحتــوا ..حتى جوالاتكم مو معكم خليتوهم هنا
ام خالد : ايي يمه كنا مستعجليـن كان عندنا مشــوار ..قضيناه بسرعه وجينا
خالد يفكر بصوت مسموع: حتى جمــانه ما شفتــها في الغرفه ؟
نوف: انت رحت لليلى في الغرفه
خالد: لا معاها الكوفيره ليش؟
ام خالد: ايي لان معاها جمــانه ..."ابتسمت بإرتباك " تعرف يعــني تأخذ رأيها وكذا
خالد: اييي صحيح
"ما اهتم واجد لإن علاقتهم في الأسابيع الأخيــره كانت متدهوره "
خـالد: يلا فهد ...روح غيــر ملابسك ماباقي شي ويجو الضيــوف
فهد: يلا الحين بروح
.................................................. ...
بعـــد ساعتــين
تمت الملكه ولله الحمـد
لــيلى كانت قاعده في منتصــف الصــاله والبنات حوالينــها ويغنــوا
وبنـــات أبــو نايف وأحفـاده بعد كانوا موجودين ..ويشاركوا البنــات على خفيف ههههه
طــبعا الكل سأل عن جمــانه وأم خالد قالت لهم إنها تعــبانه ونايمه في غرفتها وماتبغى أحد يزعجها
البنات وهم يصفقوا : يا دبلة الخطوبه عقبالنا كلنا
ونبني طوبه طوبه فى عش حبنا
نتهنى بالخطوبه ونقول من قلبنا
يادبلة الخطوبه
ام محمد: خلاص يابنات ,,ارتاحوا شــوي عورتوا رأسنــا
البنات : ههههههههههه
ليلى تهمس لنوف: أني مستغربه حـتى بناته وأحفــاده جايبهم
نوف: ههههه وش عليك أنتــي ...أصلا دا شي زين بالنسبه لك يعني إنهم مواقفين على زواجة أبوهم لا بعدين يسووا لك مشاكل
ليلى تنهدت: اييي والله ... تتوقعي يبغى يشوفني
نوف بسخريه: حلفــي عاد ... "بجديه "أكيـد يبغى يشوفك ..انتظري بس دقايق وخالد بيناديك
ليــلى : يمــه ..بديـت أخـاف
رغــد: وش فيكم تتساسروا
نوف: خت وختها أنتي وش دخلك
رغد : دخلني الباب
نوف:هههه بايخه
رغد: والدليل إنك ضحكتــي ههههههه...نوفوه شوفي هالبنتين شكلهم فــله صح ؟
نوف: هههههه اييي فيهم جنون ...ايي هذولا بنات أبو نـايف
جت ام خـالد: يلا يا ليــلى يبغى يشوفك ويقعد معاك
ليــلى طاح قلبها من سمعت أمها .... بس قــوت نفــسها أكثــر ووقفت
ام خالد : راح أجيــك بعدين أنا وأخوتك طــيب ... مابنقدر ندخل الحين معاك لان راح يدخلــوا معاك بنــاته
ليلى بهدوء: طيــب
مشــت ليــلى ووراها بنات أبو نـايف يزفونها
دخــلوا المجــلس ...رفعــت ليـــلى رأســها بصعوبه وبحــيا وانــصدمت
.......................................
قبـــل هــذا تـــقريبا بســاعه
وقــت الملـكه
الشيــخ : وين العريس ...يتقرب منـي
وقف شـاب في العــشرين من عمره وكان كـاشخ وجلس جنــب الشيــخ
الكــــل انــصدم ..خالد طلع في أبو نــايف ..وأبو نــايف ابتسم له
الشــيخ : ولــي أمر العروس وين ؟
خالد تقرب ومازال تحت الصدمه : أنا ....أخوها
الشيخ :عطوني بطايقكم
"وتمــت الملــكه وبحضور الشهود
صارت ليلى حليله لــراشد ....والكــل قام يبارك للعريس"
خالد تقرب من أبو نايــف : وشو القصه؟
أبو نايف ابتسم لـه : تعــال معاي برا
طلع أبو نايف وخـالد برا
أبو نـايف : القصـه ومافيـها ...إن أنا قــلت لعــيالي إن أنا بتزوج ...وكلهم رفـضوا خصوصا لما عــرفوا عمر أخـتك ...وبالذات البنات مارضوا قالوا بدوروا لي أي وحده ثانيه بس ماتكون بهالعمر لإنها صغيــره
خالد بسخـريه :وقمت جبرت ولدك علشان يـأخذ أختـي
أبو نايف : لا طــبعا أنا مااغصب أحد على زواج ....هو بنفــسه قال يبغى يتزوجها
جاهم صوت راشد : فعـــلا أنا اللي قلت أبغــى أتزوجها ...مو علـشان رفضنا إن أبوي يتزوجها أنا قبــلت لا ...أنا من زمان ناوي أتـزوج وحسـيتها الفرصه البنت المناسبه وخــصوصا لما عــرفت إنها أختك .... والنِعم فيكم والله "غمز له " وإلا ماتبغــاني أكون زوج أختك
خالد ابتسم له : إلا والله تشـرفنا فيـك
أبو نايف : انا اعتذر منك يا خــالد على الشرطين اللي حطيـتهم لك ..بس ذيك اللحظه ما كنت حاس بنفسي من المشاكل اللي كانت في ذاك الفرع....بس بعد ما قلت لأولاد القصـه وعصــبوا ..حســيت فعلا إن اللي سويته غلـط وكنت راح ألغي هذيلا الشرطين ..لإن بصراحه انت ماتتعوض ..براعتك في شغل عجــيبه ...بس بعدين راشد تقدم وقال هو اللي يبغى يتزوج أختـك ...ولا تفكــرها رخيصــه دامها انخطبت بهذي الخطبــه
راشد: أصـــلا أنا أنعجبت بأختك من لحظة لما قال لنا أبوي...كيــف وحده تضحي بنفسها وتتزوج واحد كبير علشان أخــوها لا يطلع من الشــغل ...كبرت في عيوني واجد
خــالد ماعرف وش يــقول الكلام مو طالع من عنده..الموقف صادمنه
أبو نايف : ما يحتـاج تــرد او تقول شي "ابتسم له " وبعدين خلاص ارجع للشغل إلى متى ناوي تأخذ إجــازه
خالد: ههههههه إن شاء الله ...اصلا إجازتي خلصت أمس ويبدأ دوامي هذا الاحد إن شاء الله
أبو نايف: إن شاء الله
راشد: ايي صحيح لا تقــول لأختك أي شي عن هــذا ...خلها مفاجاءة
خالد: ههههههه ولا يهمــك يا النسيب
..............................................
نــرجع لليلى
رفعــت ليـــلى رأســها بصعوبه وبحــيا وانــصدمت
ليــلى في نفســها : هــذا صغـــير ....ويقول لي فهد في الخمسين إذا مو في الستين ..هذا يبين عليه في نهاية العشرين ...بسم الله يمـكن لخبطوا ...وش أقول أني شنو اللي لخبطـو
قاطعتها رنيم خت راشد بمـزح: أحنــا ندري إن أخـوي جميل علشان تسرحي فيه بس مو لذي الدرجه ههههههه
ليــلى استحـت ونزلت رأسها بسرعه
لــيان اخته الثانيه : وانتي الصادقه أخــونا جماله فتـان كل من يشوفه ينسحر ههههههههههه
راشد بضحكه : استحي أنتي وياها
آيات أخته كمان : يلا يا عــروسه مابتروحي تجلسي جنـب خطيــيبك تراك من زمـان واقفـه هنــا
"وصـارت تمشيها إلين وقفـتها عند راشد ...اللي باس رأسـها لما وقفت جنـبه "
رند بنت أخو راشد: عمــي ...زوجتك ماشاء الله عليها جميله
راشد غمز لها : تعـرفي عمـك ما يـأخذ الا الجمال
الجازي أخت راشد : بلا ثـقه أقــول ...ويلا لبـس خطــيبتك الطقم
راشد غمز لأخته: ولا يهــمك يا حلــوه
ريناد بنت أخوه : عمي وش فيــك الليله ههههههههههه
راشد : بعدين أعلــمك هههههههههه
" عطتــه أخته الجـازي الطقــم وصـار يـلبس ليــلى بكل هــدوء ...وليــلى مازالت تحـت الصدمه وخجــلانه في نفس الوقـت "
وبــعد ما خــلصوا
راشد : يلا من غيــر مطرود كلكم
آيات مدت له بنتها : بس بنتي تـبـغاك ..تقول تبغى خالو
راشد : أنا متبري الليله من أي صـله لبناتكم
حــلا بنت الجازي قالت بدلع: حـتى أني خالو
راشد يقلدها: ايي حتى أنتي
رنيم : الحمــد لله إني مو بنات خواتك ..يعني عادي أٌقعد معاكم "وبسطت ع الأرض " ليانووه قعدي معاي
ليان بسطت معاها : أيي والله ...رند ريناد قعـدوا معانا ..نستانس
راشد : تبــغوا أجيب لكم قهوه وشاهي
رنيم : أحــنا شربنا ماقصروا عليــنا ...."لفت لليلى اللي منزله رأسها " بس ليلى ماشربت أكيد تبغى
راشد حاول يمسك نفــسه : أقــول أنتي وياها بسـرعه برا
الجـازي : هههههه يلا يا بنــات لا يعــصب علينا العريس
آيات : عــيب تطلع العصبــيه من أول ليــله مع خطيبته ههههههه
ليان وقفت : احتراما لأختي الجازي راح نطــلع ...ولكن لنا عوده باي ههههههههه
"وشوي شوي طـــلعوا كــلهم ...بعد ما نفذ كل تحمــل راشد "
راشد: اوووف منــهم "لف ليــلى " أنــا ما سمعـت صوتـك من دخــلتي
ليلى مازالت منزله رأسها
راشد تقـرب لها ورفع رأسها بيده: ما شاء الله ...الله يحفظك يارب "تكــلم بجديــه" أكــيد أنتي مستغربه من الوضع الحــين صح ...طيب أسمــعي
.......................................
في النافذه اللي تطــل على المجلــس
كان فيه أربع بنات يشوفوا الوضع من لما دخــلت ليـلى وكــانوا مأخذين احتياطهم ولابسين عباياتهم
هبـه – نوف – ريم – رغد
ريم : نووفوه هذا اللي تقولي عنــه كبــير وماأدري ايش
نوف : اني منصدمه صراحه ههههههههه
رغد: أخــاف لعبوا على أخــتش ههههه
هبه : ههههههه ...تدروا كان نفــسي أسمع وش قالوا من شوي لما قعدوا ذيلاك البنتين
نوف: أني ودي أسمــع الحين وش يقــولوا هههههههههههههه
رغد: المشكله اللقافه شيــنه
جاهم صـوت من ورا : والله زيــن تعرفوا إن اللـقافه شيـنه
لــفوا أربعــتهم منصدمين لفهــد الواقف وراهم
فهد يمثل العصــبيه : أنتــوا وش تسـووا هنــا "عرف ريم من بينهم " وأنتي بعد يا ريم معاهم
ريم بارتباك : أنـا قـ
نوف: أصلا هذي فكــرتها يا خوي
ريم شهقــت
فهد ابتسم : أصــلا ريم ما تســويها
نوف شهقت : وتكــذب أختــك
رغد: يا قلــبي عليك يا بنت خالتــي ...أكيــد يكذبوك علشـان الحب
ريم صارت تسحبهم ثلاثتهم : امشو امشو ...بتفضحونا أنتو
فهــد : يا ويــلي ع الحــب بس
.................................................. ........
قبــل هــذا بدقايق
عنــد خـــالد
بعــد ما تأكد من إن ليــلى دخــلت المجلس عرف بسبب الأصوات...دق على أمــه
خالد: هلا يمــه
ام خالد: هلا يمه خــالد
خالد: يمــه لــيلى ما ملكت على أبـو نــايف
ام خالد بصدمه: عجــل من ؟
خالد"حــكى لها الســالفه "
ام خالد بفرح لبنتـها: ألف الحمدلله ...تستاهل بنتي كل الخـــير ...من يصدق ..الحمدلله الحمدلله
خالد: الحمدلله
ام خالد بتردد: خالد ...جمانه
خالد باستغراب:وش فيــها ؟
ام خالد: جمانه طاحت من عن على الدرج اليــوم المـغرب ووديناها المستشفى
خالد بصدمه :شنــو ..."بشوية عصبيه " وليــش ماقلتوا لي مو أنا زوجها
ام خالد: أهــدا يا ولدي هي ما رضت نقول لك الا بعد ماتنتهي الملكه
خالد يحاول يمسك نـفسه: في أي مستشفى هــي ؟
ام خالد: في مســتشفى ؟؟؟؟ ...بس هي الحين الحمدلله مافيها شـ
قـاطعها خالد: يمــه آسـف أنا مضطر أسكــر ...مع السلامه
سكــر خالد من أمــه وركــض لسيــارته وشغلها و قاد بأقصى سرعته
خــالد بعصبيه : ســـوتها .... ما مداني من قلـت لها ...صدقتني يعني ماتوقعتها بهالســـرعه ..,وين عقــلها دي ...تطيــح نفسها من الدرج علــشان تطيح الحمــل ...ليــش هو ولدها لوحدها ...استغفر الله بس استغفر الله
" وصــل المستشفى في زمــن قيــاسي ...وراح الإستقــبال وسأل عن الغــرفه ودخـــل وشــافها نايمه ...حاول يمسك نــفسها بس ماقدر ..وصل للطاوله اللي بجنبها وضربها بقــوه ...وقـامت جمــانه مفزوعه ...تقــرب خالد منها وصــار مايفــصل بينهم شي غـير أنفاسهم "
خـــالد بعصــبيه : أنتــي تعــرفي وش اللي سوتيه ...أنتي طيحتي ولدي لو بنــتي على حســـاب دراستــك وأســبابك التـــافهه
جمانه بسرعه : لا خــالد صدقني مو
قاطعها خــالد : لا تقــولي مو متعمده ...إلا متعمده ونــص ...والله ماتوقعتها منـــك
جمـــانه تجمعت الدموع في عيـونها : ومن قـالك إن طــاح ...الحمدلله مازال موجود وتقـدر تســأل الدكـتوره
خالد بســخريه : يا خــساره ما طاح ....دبــري لك طيحــه ثانيه أحــسن
جمانه طـاحت دموعها : خــالد لا تقــول هالكــلام ..والله حـسيت بخطأي
خالد بسخريه: آهـا ..."لف متوجه للباب " تجهــزي علشــان أوديك البيت
خــالد طــلع برا وكــلم الدكتوره وتطمـن إن ما نزل الجنين بس مازال حاط اللوم على جمــانه ...مر الغرفه وشافها واقفـه عند الباب ...مر من عنـدها وهي مشـت وراه وهي حابسه شهــقاتها
............................................
عنـــد بشــاير
كــانت قــاعده في البـيت مع الخدامه علـشان لو احتاجت شـي
رن جــوالها وأخذته وهي متأكـده إن هو نفس الرقم
بشاير بطفـش: الوو
سكــوت
بشاير عصــبت : يعني إلى متى راح تتصلي ماادري تتــصل تــرى زهــقت ...وش تبغوا منــي
...بهـدوء: الوو
بشاير بدأت تركـز في الصــوت وهي تحــس إنها تعـرفه : من ؟
مازال بنفس الهدوء: ما عرفتيني
بشاير نزلت دموعها : عبــدالله
عبدالله : يا عيــونه
بشاير : أنت ليــش سويت فينـي كــذا ...أني وش سويت لـك مو أنت تقــول إنك تحبــني
عبدالله : سامحيــني بشـاير
بشاير : على شنو أسامحك ...أنت تـدري وش صار فيني ...دخلت في غيبوبه بسببك وصرت بسببك عمياء ما أشـــوف ..انحرمت إن أشوف أهلــي بسببك
عبدالله انصدم
بــشاير: أكيـــد بتسوي نفســك منــصدم ...لو سمحــت لا تتصل لي مـره ثانيه
عبدالله : بشـ "قطع عليه إن بشاير سكرت الخط " كـــله منــك يا نــواف ليش كله منه حـــتى أنا اللي طاوعته ....بس كنــت أبــغى أكمــل دراستي بهالفلــوس وأبــوي كان مو راضــي أطـلع برا البلد"بقهــر" والحل ؟ بس والله اشتقـت لــها ...انت اللي ضيعتها يا عبدالله انت مافيه أحد غــيرك
..................................................
عنـــد ليــلى وراشد
راشد حكــى لها كل شي : راح أحطــك إن شاء الله في عـيوني ..ماتوقعت أبدا إن لحد الان فيه ناس تضحي علــشان أحد
ليلى بهمس: أخــوي خالد عمــره ماقصــر معانا ويـستاهل أحد يضحي علشانه
راشد: فعـلا خالد والنِعم فيــه ...طــيب خلــينا نتعرف على بعض وإلا مو حابه
ليلى ابتسمت: إلا عادي
راشد: راح أحــكي عن عيلتـي أول شي لإن أكيد انصدمتي من الوجوه اللي شفتيــها كـذا مره وحده
ليلى : هههه لا شدعوه عاد
راشد: ههههه طيب ....احنا ثلاثه أولاد وأربع بنات
ليلى : الله يحفظكم يا رب
راشد: ويحفظك
نايــف الكبير وعمره 37 سنه متزوج وعنـده بنتين تؤام " رند وريناد "وعمرهم 17 سنــه كانوا لابسين أحمــر إذا انتبهتي من شوي
ليــلى : ايي انتبهت إنهم تؤام
راشد: ثنتينهم غاليين عليي مره ومااحب أرفض لهم طــلب ومعتبريني أخ لهم وخـصوصا إنهم ساكنين معنا في الفله
ليلى : ايي يبين عليــهم إنهم حبوبين
راشد: مرره بس الله يعين على جنونهم هههههه ...طيب بعد نايف ...أختي الجـازي 34 سنه متزوجه وعنـدها بنت وولد "ليــث وعمره ست سنوات و حلا عمرها 10سنوات "
ليـلى : اللي كانت لابسه ثوب كحلي طويل
راشد: ايووه هذي هي
وبعدها آيــات 30 سنه متزوجه من سنتين وعندها بنت وحده "غزل وعمرها سنه"
ليلى بضحكه: اللي كانت تبغى تعطيك بنتها
راشد:ههههه ايي هذي هي
بعدين أنا راشد وعمري 27 سنه ...توني الليله ملكت على وحده اسمها ليلى
ابتسمت ليــلى
يكمل راشد : أنـا طبـيب ومتخصص في جراحة المخ والاعصاب مالي في التجاره كثـير مثل إخواني بس أروح لهم الشركه بعض الأحيان اطل عليهم ههههه ومن هناك يعني تعرفت على أخوك خالد ..وعجبني حيـل وعجبتني شخصيته يقولون عني إني مملوح أنتي وش رايك
ليلى ضحكت بخفيف
راشد: أدري إنك توافقينهم والدليل إنك تنحتي فيني أول مادخلت
ليلى رفعت رأسها منصدمه
راشد: ههههه أمزح معاك
أكمل لك تعريفي لعيـلتنا هههههه وبعدي يجي أخوي فيـصل عمره 25 مو خاطب ولا متزوج ويشـتغل مع أبوي ..وإذا عندك بنت له زوجيه ..كان يعقل شوي هههههه
ابتسمت ليــلى مره ثانيه
راشد : وبعدين خواتي المجانيــن ليــان ورنيــم ...شفتيهم يعنــي كيف سووا من شوي ههههه
ليلـى : ايي شفتهم هههههه
راشد : ليــان عمرها 24 سنه ورنيم 20 ....وبكذا خــلصنا
ليلى ابتسمت : الله يحفظكم يارب ....يعني من زمان متوفيه الوالده ؟؟
راشد: بعد ولادتها بأختي رنيم بشهــر
ليلى: الله يرحمها يارب
راشد: آميــن يارب ...يلا طيب .. أنا ما قصــرت في التعريف بنفسي حتى عيلتي عرفتهم هههههه .... جى دورك يلا
ليــلى : هههه مااعرف وش أقــول عن نفــسي
راشد : هههه أي شي عادي
ليلى : ..................
"وبدأت ليـلى تنسجم معاه ....والحيــن عرفت سر راحتها بعد الاستخاره ... لان الله مايسوي الا الصــلاح...الحمدلله "
.................................................. ..........

عنـــد جمــانه وخــالد
كان طول الطريق هدوء عدا بعض الأحيان كانت تطلع شهقــات جمــانه
لما وصــلوا البيــت ...دخلوا الجهـه الثانيه اللي تودي على فوق على طــول ودخــلوا جناحهم
جمــانه فصخت عباتها وجلـست ع الكنــبه ..كانت تحس بتعــب لإنها من الصــباح مو مأكله شي ..وبس أخذت المغذي
خالد دخل الحمام كــرمكم الله ..وبعد ما طــلع ..لفت له جمانه بس هو صد عنــها وطلع من الجنــاح
أخـذت جمــانه جوالها واتـصلت على نـوف ورفعته نوف بعد مكالمتين
نوف: هلا جمــانه
جمانه: هلا نــوف "بإحـراج " عادي تركبي لي أكــل ...جوعانه حــيل
نوف: ولا يهــمك الحين أركب لك
جمانه: بــقى أحد لو الكل طلع ؟
نوف: لا مافــيه أحــد ..توهم أهــلك طالعين
جمــانه : وشو قلتـوا لهـم ؟
نــوف: الكــل سأل عنــك وقـلنا لهم تعــبانه ..ويسلموا علــيك
جمانه: الله يســلمهم ...يلا تتأخري حدي جوعانه هههههههه
نوف: هههههه طيــب جايه ...واستعدي للسوالف
جمانه: هههههه إن شاء الله
.................................
فــي ســيارة أبـو جمــانه
كان من شوي أخــذ رغد وأمها من بيت أم خالد
ام جمانه: بنتك يا أبو جمـانه مفشلتني عند أخـــتي ..ماتنزل عندهم ولا شي...حتى الليله مانزلت قالوا إنها تعــبانه
أبو جمانه: نفسيتها تعــبانه من الحمل
ام جمانه: أقولــك مو متقــبله هالحمــل
أبو جمانه : إن شاء الله تتقبله مع الأيـام
ام جمانه: تدري أول يوم لما درت إنها حامــل ..تقول لي عادي أنـزله
رغد بصدمه: مجججججنونه
أبو جمانه: كــلميها مره ثانيه ..الرجال ما يتحمــل كثــير
ام جمانه: ايي أكيد خالد بيصبر مده وبينفجـر ...أني بكره راح أروح لـها وأكلـمها ضـروري
أبو جمانه: ايي روحي لها أحــسن وتناقشي معاها
ام جمانه: إن شاء الله

"وانقـــضت الليله بتعــب ناس وراحة ناس"
.................................................. ......
اليــوم اللي بعـده
يــوم الســبت
العــصر
بيــت أبــو محـمد
فـي الصـاله كانت قاعده بـشاير ومعاها هـبه
بشاير بتردد: هبــه ..أنا بــقولك شي
هبه باستغراب: قـولي
بشاير: بس يتم بيني وبينك ...طيب؟
هبه : أكــيد ..قولي
بشــاير :تـذكري الرقم اللي قلت لك علـيه
هــبه : اييي ...لا تقــولي إنك رديتي مره ثانيه
بشاير نزلت رأسها : صراحه رديـت أكـثر من مره ..وفي أخر مره وأخيــرا تكلم الطرف الثاني
هبه بصدمه : وعرفتيه ؟
بشاير بألم: اييي عبدالله
هبه شهــقت : قليل الادب ...مايستحي هـذا
بشاير حكت لها المحادثه
هــبه : ماعــليك منه لا تردي عليه خــلاص أحقـريه ...وإلا قـولي لمحمد
بشاير بسرعه : لا لا محمد لا ...راح يقتــله أكيــد
هبه باستغراب: بعدك تفكري فيه ؟
بشاير بألم : ولا نسيته يا هبــه ...تعرفي شنو يعني حبي الأول
هبه سكتت وماعرفت تـرد
بشاير: وشكــله كلامي فاد معاه لإن لحـد الان مااتصل ..لان هو بالعاده يتصل الصبـاح
هبـه بقهر: إن شاء الله مايــتصل
رن جــوال بــشاير بس نطق الجوال وقال إن هو أخوها محمد
بــشاير مسحـت دموعها اللي كانت على وشك النزول : هلا محمد
محمد : هـلا بــشوره ...وش رأيـك نطلع نتمشى أنا وأنتي وهبه
بشاير : لا آسـ
قاطعها محمد: مابي تأسف ولا شي ..راح نروح كــلنا ونغــير جو كفايه إن البارح مارحتي معانا المــلكه
بشاير باستسلام :طـــيب
محمد: خــبري هبــه ...تقــريبا ربع ساعه وأنا عندكم
بشاير: طــيب "وسكرت من عنده " هـبوش ...محمد يبغى يطلعنا
هبه بحماس: وناسسه ههههههههههههه
بشاير: هههه يلا أخذيني نروح الغـرفه ...تعالي صحيح وين أمي وأبوي
هبه : طلعوا من شوي راحو بيت خالي
بشاير: طيب ..يلا
..................................................
بيت أبو سلمان
كان حسن وسلمان وامهم قاعدين في الصاله ويسولفوا
حسن : يممه .. إن شاء الله هاليومين راح نرجع انا وساره الى الشقه
ام حسن باستغراب : ليش ... ماارتحتوا معنا ؟
حسن ابتسم : لا يممه مو كذا ... احنا جينا علشان لا تركب ساره درج كثير تعرفي ان العماره مافيها مصعد.
سلمان : صاحب هالعماره مررره بخخيل
حسن : ايي وش راح يضره لو حط مصعد
سلمان : طيب غير العماره ،،، الله كثر العمارات
حسن : ماادري احس موقع العماره قريب من دوامي واحسن
ام حسن تطلع فيهم : خلصتوا هدرتكم عن العماره
حسن : ههههههه آسفين يمه
ام حسن : لا مافيه طلعه ... أبوك اصلا ناوي يبني لك برا في الحديقه .... وسلمان ان شاء الله جناحه جاهز فوق... لو انك راضي ذيك السنه كان قسمنا هالجناح لك وله
حسن : ههههههه الله يهنيه فيه ... بس يمه ماله داعي تبنوا وشقتي موجوده
ام حسن : حتى لو اني رضيت مستحيل ابوك يرضى .... ياولدي والله تعودت عليك انت وساره وبعدين لو جى حفيدي ابغاه يكبر قدام عيوني
حسن : راح اجيبهم لك كل يوم ههههه
ام حسن : ماعندي هذا الكلام .... واقنع ابوك اذا رضى
سلمان : خلاص راحت عليك هههههه ... يمه أبوي كلم عمي ابو عبدالعزيز
ام حسن : ايي كلمه بس مااتوقع رد عليه
حسن غمز له: وش صار فيك ؟ لا يكون شايفها
سلمان شهق : اسكت لا يسمعك ابوي ويسوي لي سالفه
حسن : ههههههههه
سلمان : يعني في ذمتك في وين شفتها... بس انا قلت ابغى استقر شوي
ام حسن : ماعليك منه يا سلمان .. والله يبارك لك إن شاء الله
سلمان : إن شاء الله ... الجلسه ناقصه والله بدون ريمموه
حسن : ايي علشان الهواش
ام حسن : متى راح تجيبهم يمه ؟
حسن : اذا اتصلوا يممه ،،، اتوقع ع المغرب
" ريم كانت رايحه مع ساره مزرعة بيت ختها "
دخل ابو حسن : السلام عليكم
... : وعليكم السلام
ابو حسن ابتسم لسلمان : رد علي ابو عبدالعزيز .. ووافقوا ان تكون الملكه بعد اسبوعين
سلمان : ليش يبه بعد اسبوعين .... كثيييير
ابو حسن باستغراب: وش صاير لك يا ولد
ام حسن بابتسامه : سلمان زين منهم قالوا بعد اسبوعين لازم البنت تجهز نفسها
سلمان: طيب
حسن : تكاليف ملكتك كلها عليي
سلمان؛ تسلم يا الاخو
...............................
بيت ام خالـد
كان الموجود في الصاله الكل عدا فهد وليلى
ام خالد : نورتينا يا جمانه اليوم ،... من زمان ماقعدتي معانا قعده حلوه ... تقعدي شوي وتقومي
جمانه تفشلت : آسفه ي خاله إن شاء الله راح ارجع مثل قبل ... الايام اللي قبل كان بداية حملي والدراسه فكنت مضغوطه شوي
ام خالد: الله يعطيك العافيه
نوف تهمس لجمانه : انتي متهاوشه مع خالد ؟
جمانه باستغراب : لا ليش ؟
نوف : ماادري احس وضعكم غريب صاير اليـوم
جمانه ابتسمت بألم : لا مافي شي
ام خالد : يمه خالد
خالد رفع راسه لان يكون يحوس في الجوال وقاعد بعيد عن جمانه : هلا يمـه
ام خالد: فيـك شي؟ أحسك مو على بعضك ..سالفة الخطبه اللي كنت تحاتيها راحت .. فيك شي ؟
خالد ناظر في جمانه وبعدين ناظر امه وابتسم : لا يمه مافيني شي بس افكـر كيف بداوم بكره احس تعودت ع الكسل ههههههه
نوف : علشان لا تلومنا في الدوام بعد اجازة ثلاث شهور هههههههه
خالد : خلاص مافي ملامه هههههههه
نزلت ليلى من فوق ودخلت لهم وقعدت : السلام عليكم
.....:وعليكم السلام
نوف: عصريه مباركه يا عروس ههههههههههه
ليلى : ه ه هـه بايخه
خالد: ماشاء الله نايمه للحين ههههههه ... ليش متى طلع راشد ؟
ليلى بحيا : قبل الصلاه بشوي .." غمزت له " والله احسن من بعض الناس اللي ماجو الا الصبح
خالد ابتسم و ماعلق " ماتدري ان كنت نايم هناك هه "
ام خالد : يممه خالد ابغاك الليله توديني بيت خالتي من زمان مو زايرتها
خالد : إن شاء الله من عيونـي ... نوف قومي جيبي لي مويه مالي خلق اقوم
نوف وقفت : ماادري وش فيك اليوم هههههه
جمانه وقفت : لا أني بجيب له
خالد وهو عيونه ع الجوال : لا أنا ابغى نوف تجيب لي ... نوف روحي خلصي
نوف راحت وهي مستغربه والكل استغرب من هالموقف
ام خالد تقربت لخالد : بينكم شي ؟
خالد : لا يمه
جت نوف : تفضل يا أخي العزيز
خالد ضحك : شكرا يا أختي العزيزه ... "لف لليلى " كيف راشد معاك ؟
ليلى ابتسمت بخجل : الحمدلله تمام ... شكله طيب
خالد : اييي وماشاء الله عليه مرره حبـوب "رن جوال خالد" الطيب عند ذكره ههههههه
الوو هلا راشد ... هلا فيك ... الحمدلله.. تونا ذاكرينك ... اييي بالخير ... آمر ..... هههههههه ليش يعني ما مداك تاخذه من عندها ... اوه من السوالف يعني ههههههه .... خلاص الحين ارسله لك واتساب .... هههه العفـو ... مع السلامه
جمانه كانت تطلع فيه وهو يضحك وحشتها ضحكته اللي ماشافتها من ثلاث اسابيع
خالد لف لليلى وانتبه لنظرات جمانه وصد عنها وقال يكلم ليلى : ههههههه يبغى رقمك يقول نسى يأخذه
ليلى ابتسمت بخجل
نوف ضربتها بالمخده : وصرنا نستحي بعد
ليلى : ليش شايفتني قليلة ادب
نوف : هههههههههه لا
ام خالد ابتسمت لهم : ماعليك منها يا ليلى
جاهم صوت فهد من فوق : ياولد
جمانه عدلت حجابها ولبست نقابها
ام خالد : انزل يا فهد
فهد : السلام عليكم
...: وعليكم السلام
فهد: يممه سلمان راح يملك بعد اسبوعين ان شاء الله
ام خالد : ماشاء الله الله يبارك له
"سكتوا شوي "
فهد: توهم من شوي قرروا
ام خالد: ايي الله يبارك له
خالد مات من الضحك
ام خالد: بسم الله وش فيك
خالد: يممه مافهمتي من تلميح ولدك ؟
فهد يسوي نفسه غبي : اي تلميح ؟
خالد غمز له : علينا ههههه
نوف : اني فهمت هههههههه.... وبعدين يا اخي العزيز لم تنتهي المده بعد
خالد: وش فيك اليوم على اخي العزيز ههههههه ..... بس عدل كلامها ماخلصت المده
ام خالد : هههههه يعني انت غيران من سلمان ... وبعدين سلمان اكبر منك وبيتخرج هالسنه
فهد بصدمه: لا يكون مابيصير شي الا بعد تخرجي
ليلى: تصدق ان اييي هههههههه
فهد بقهر : يمممه
ام خالد: انزين يمكن بعد ماتخلص المده خالك مايقبل فيك
فهد بصدمه : وش فيكم عليي اليوم
ليلى رن جوالها برقم غريب وتوقعت إن هو راشد خصوصا يعني ان توه مأخذنه ... ابتسمت بخجل و استأذنت
خالد يأشر على ليلى اللي راحت : شفت كيف اللي يضحي الله كيف يجازيه
نوف استغربت كلمة يضحي بس مااهتمت واجد
فهد ابتسم : ايي والله ... تستاهل ليول "قلب المود وقال بقهر " نرجع لموضوعنا ... انا ابغى املك على ريم مع سلمان
ام خالد: لا حول لله ... اقول لك من الحين اني مابكلم خالك وبعدين باقي ع المده اللي اتفقتوا عليها شهر و يصير خير بعدين
فهد بقهر : والله هالاربعه الشهور طلعوا من قلبي والله ما كأنهم شهور الا سنين
ام خالد: والله أني شاكه فيك
فهد : ههههههه يممه وش قلت انا علشان تشكي
رن الجرس وهذا اللي انقذه
فهد : بقـوم أشوفه
" طلع ودقايق ودخل وكانت وراه خالته ام جمانه "
ام جمانه : السلام عليكـم
.... : وعليكم السلام
قامت جمانه وباست راسها
ام جمانه : شدعوه من زمان ما شفناك ... "بمزح" لا يكون خالد مانعك
خالد ابتسم بهدوء ووقف : أنا مالي شغل يا خاله ... " لف لأمه" يمه أنا طالع تبي شي ؟
ام خالد : بالسلامه الله يحفظك
وطلع خالد وشوي طلع فهد علشان مرت اخوه تاخذ راحتها
ام جمانه : سامحيني يا اختي ماقلت لكم إن باجي
ام خالد : وش دعوه يا اختي ،، البيت بيتك في أي وقت
جمانه : يمه وين رغد ؟
ام جمانه : تقول إنها بتذاكر ... "ابتسمت لنوف " نوف عادي تخلينا بروحنا
نوف : ههههههه شكرا ع الطرده خالتي
ام جمانه : هههههههه اعذريني عاد
نوف وقفت: شدعوه خالتي خذي راحتك "وطلعت من الصاله "
ام جمانه بعد ما راحت نوف : اسمعي يا جمانه اني بقول كلامي لك وخالتك بتكون شاهده .... مع إن قلت كلامي هذا لك بس ماشفت فايده و راح اعيده مره ثانيه .... ترا اللي تسويه غلط علشان حملك انتي مو اول وحده تحمل بهالسرعه .... دائما مختفيه وجمعاتنا ما تحضريها حتى البارحه ما حضرتي ملكة بنت خالتك
ام خالد : كانت في المستشفى يا اختي
ام جمانه بصدمه : وششو ؟
ام خالد : طاحت من الدرج امس ونزفت شوي ووديناها المستشفى
ام جمانه بخوف : والجنين ؟
جمانه: الحمدلله ما زال موجود
ام جمانه بإطمئنان : الحمدلله .... اتمنى من اللي صار لك تعيدي حساباتك على الحمـل وتتقبليه
جمانه : إن شاء الله
ام جمانه تقربت منها : يا بنتي الله مايسوي الا الصلاح وغلط إنك تعترضي على شي.... ولو إن ام زوجك مو خالتك اخت امك كانت سوت لك سالفه على اللي تسويه ماتقعدي وياهم ولا شي ... لا تخافي مو خالتك اللي قايله لي .. أني اللي حسيت
ام خالد: أني عارفه إنها فتـره وتعدي
جمانه: إن شاء الله
ام خالد: جمانه في شي بينك وبين خالد ؟
جمانه ماحبت تقول لها مو لازم احد يتدخل من اول مشكله لهم ... ابتسمت : لا خالتي مافي بينا شي " وقفت" عن إذنكم بروح اذاكر .. "باست راس امها " وكلامك على عيني و رأسي... وإن شاء الله ماتشوفوا إلا الخيـر
ام جمانه وام خالد : إن شاء الله
...................................
في إحــدى المجمــعات
كـانت تمــشي وهي تـايهه ..ضـاعت عن أخـوها وخـتـها
....جتـها الضيقه: يالـيتني ما جيــت معاهم ....كيــف مشـيت عنهم وماحســيت وكيف هم ما حسـوا ..ياربي
وهـي تمـشي صدمـت بشخص
بـشاير استانست لإنها ريحة أخوها محمد : مــحمد ...ماادري كيف ضعت عنكــم
اللي صدمت فيه عرف إنها ماتشوف من طريقة إيدها وحركتها وعـيونها: آسف أخـتي أنا مو محمد
بشاير: هههه بلا بياخه محمد حتى نفـس الصوت "وصارت تتلمس وجهه" وهـذا وجهك بعـد هههههههه ..وين هبــه
....: أخــتي أقولك أنا مو محمد ...أقدر أســاعدك في شي؟
بشاير : ههههههه وش فيـك محمد ..بلا مزح
....: شكـلك ما تسـتوعبي ..أنا راح أمشــي " ومشـى "
بشاير: ياربي ..شكله صحــيح مو محمد بس نفس الصوت والريحه ,,,ههه يخلق من الشبه أربعــين ماعليي هذا محمد ومقالبه...ياربي والحيــن راح ولا سوى شي
جتها حـرمه وكان مرسـلها الولد اللي صدمته: بنــتي ..شكلك مضـيعه أهلك
بشاير: ايي ضـايعه و مثل ماانتي شايفه إني مااشوف ..ماادري كيف اختفوا فجاءة
الحرمه مسكت يدها : راح أخـليك معـاي لين ماتشوفيهم
بشاير ابتسمت : مشــكوره
"مـــشوا وهبه انتبهت لهم وراحت لبــشاير "
هبــه بخـوف ومسكت يد بشاير: وين رحتـي بشـاير ...أنا ومحمد دورنا عنك في المحـل وما شفناك
بشاير حضنت خــتها : ماادري كيف ضعــت واخـيرا شفتكم
هبه : الحمدلله "انتبهت للحرمه " مـشكوره خالتي تعبناك معانا
الحرمه : لا عادي يا بنتـي...انتبهوا لها والله يشـافيها يارب
هبه : آميـن
"راحت الحرمه"
هبــه: خلنــي أقـول لمحمد إني شفتـك "اتصـلت لمحمد وعلمته عن مكانهم وجى لهم بعد دقايق"
محمد: وين رحتــي بشوره خوفتينا عليـك
بشاير: ماادري ما حســيت إني مشيت لدرجة إني طلعت برا المحـل
محمد: الحمــد حصلناك الحــين
بشـاير: محمد يعني مو أنت اللي صدمتك من شوي
محمد باستغراب : لا ..لو صدمتيني كان قلـت لك وماتركتك
بشاير: ياربيي وش هالفشله تخيل صدمت في واحد نـفس ريحتك وصـوتك لا وقعدت ألـمس وجهه " دمعت عيــونها " ياربي متى بشـوف علشان لا أنحـط في مثل هالمواقف
محمد عورت قلبـه أخــته وقعد يتحـسب على عبدالله : راح تـشوفي إن شاء الله ..."بمرح" ها ما بتكمـلوا تسوق ؟
بشاير تعبت نفسيتها من الموقف: لا أنــي أبـغى أرجع البيـت ..إذا تبغوا رجعوني وكمـلوا أنتوا
محمد: ليــش ...نغــير جو
بشاير : لا تغصبني يا خـوي
هبـه : خـلاص يا محمد نرجع البـيت "بضحكه " بس ها نبغى نمر باسكن وأبغى آسكريم الحجم العائلي
محمد: ههههههههه امشي يالمشفوحه
..................................................
نــهاية البـارت التـاسع عشـر
توقعـاتكم

.........................