رواية دجن الضليع الفصل التاسع 9 - بقلم رهف علي

نبدأ بذكر الله ﷽💛✨

قلبي قبل القراءة تصويت للبارت لوف الكم ..

- الضحية تموت مرّة بفضل الجلاد ، لأن ميتة المرة هي التي تحرر من الموت ألف مرة ، أما الجلاد فيموت كل يوم مراراً لأن الخوف من الموت هو الموت.

________________

دهليز : كينازززز

كيناز : بجيت ودموعي صارت شلال هزيت راسي ونزلت احتضنتها بقوه صرت اشهك
بالبجي غصيت بدموعي كثر شوكي
القوي العائلتي الي صارلي زمن ماشفتها ولا سمعت حسها

دهليز : بجيت وانا احضنها ، كيناز اشتاقيتلج

كيناز : وانا بعد ياروحها لكيناز ، لزمت راسها ب اثنين اديه وبستها هناااا وسمعت حس الي صوب كلبي وهزوز هز رفعت راسي ادحك الكدامي رفعت نفسي ورحت طايره دخلت لحضنها اشم بيها وبعطرها وانا اشهك بالبجي امي هااي امي الي ياما ايام ادحك السما وادعي الها يبردو الكلبها ويطفي نارو
مو قليله بنيتها اخذوها من بين اديها وهي شابه صغيره

ام عمر : شهكت بصرخه وهي تحتظن بنتها ، ولج هااااي انتِ كيناااااز

كيناز : اي يييمه هاي انا بنتج رديت يمه رديت عساني لا رحت ولا فاركتج يممه

دهليز : الموقف الي اكوله صدك شكد ما اوصفه قليل بحقه مشاعرنا الجياشه الظهرت بوقتها احساسنا
موقفنا ونحن ندحك اخيتنا ردت بعد مده وهي هسع بينه وبحضنه موقف كلش صعب ومأثر بنفس الوقت

طلعو اهلي كلهم اليحضن واليبوس واليبجي
الموقف صععب صارت مناحه بذاك الوقت
هي فرحه وهي صدمه يعني ما نعرفو شنو الي نكولو اصلاً

سمعت صوت غريب ورايه التفتت ولني ادحك اثنين اطفال صغار يبجون ورايه فتحت عيوني وانا ادحك
بصدمه منو هذول معقوله !!!!
لتفتت ع صوت كيناز وهي تأخذهم وتقدمهم ل اهلي

كيناز : ابتسمت بتعب اردفت ، يابه هذول ولدي التوأم آدم وآسر

دهليز : انا بقيت واكفه بمكاني ادحك شلون اهلي استقبلوهم واخذوهم بالاحضان انا احب الأطفال تقربت منهم عاد ماما نزلت واحد وخلته بحضني انا ضحك وبسته ريحته حلوه وتخبل اوي شلون اطفال يخبلون

رفعت راسي ودحكت اخوي عمر واكف مسافه ومو كادر يتقرب بقيت اراقبو للمشهد وانا ساكته

كيناز : شنهي يا خوي ماناوي تسلم ع اخيتك

عمر : دمعو عيونه ، رفع راسه يدحك ب اخيته حبيبته اردف بهمس عاجز عنه النطف بحروف الكلام

خجلان منج ياخيتي كلش خجلان

كيناز : بسك ياخوي هاي انا رديت لاتشيل هم الي صار صار وراح

دهليز : راحت لعندو وتحاضنو وصارو يبجون سوا
ونحن ع بجيهم بجينا تسالمت هي وغاده ولا كأن صاير شي حسبتو للموضوع عده وراح والي صار قدر
محتوم لابد يصيبنا لو بعد زمن

دخلنا جوه ونحن نمسح بدموعنا بعد وقت دام ساعات طويله وقت اللقاء بالاحباب
صار اليل وهنا بدأ وقت الجد الي لازم تنكشف بي الأوراق

ام عمر : احجيلي يمه شنهو الصار

كيناز : سحبت نفس وذبيتو وانا موجر كلبي وتعبان كلش تعبان

ام عمر : كولي بنيتي

كيناز : شكول يا يمه شكول

ام عمر : لزمت ايدها واردفت بحنان ، كلشي بنيتي كلشي رايده اعرف بنيتي شنهو الي جره بيها

كيناز : حجيت لأمي مقتطفات وماكلت الي كلشي صار ومن درت بالقليل الصار كلبت الدنيا بالصراخ والبجي ..

ماكدرت اكول الها التفاصيل تنجلط وتموت اعرف امي
حنونه وحنيتها تغلب كلشي عدها بتجاهنا
لهذا فضلت السكوت ع أشياء صارت مالازم تنحجي ولا تنكال

بعد التعب والبجي نومت جهالي ادم واسر ونمت بصفهم وامي ودهليز وكيراز مافاركني
كيراز اخيتي الصغيره أصغر من دهليز بزر الكعده مالتنا

اول ما خليت راسي ع المخده رجعتلي الاوجاع كلها
ورجعتلي كل الي مريت بي من اول ما انعقد عليه إلى هذا اليوم غمضت عيوني ورجعت نزلت دمعتي وانا اتذكر

شيخ عواد : يلا بويه اخذ حرمتك هي هم صارت مريتك وعدل بين زوجاتك

ياسين : تأمر بويه ان شاء الله اعدل بينهن وما اقصر بحك اي وحده منهن

شيخ عواد : الله يهنيك ابني

كيناز : سحبني الشيخ عواد وحطني بيد ابنه الشيخ ياسين وطبطب ع ادينا وراح عاد هنا هجست روحي راحت الخوف الي هجستو بحزتها ماينوصف كبلي
هجستو طلع من محلو

سحبني من ايدي واردف بهدوء ..

ياسين : امشي بويه لا تخافين انتِ ابيتج ماكو شي يخوف

كيناز : مارفعتو لراسي بقيت منزلتو بس هزيتو ك اشاره الو

سحبني ودخلي جوه البيت اول ما دخلنا ماهجست الا صوت صراخ عالي رفعتو لراسي ادحك ثلاث نسوان وحده كبيره بالعمر واثنين وسط
هذن الاثنين يتصارخن ورادن يهجمن عليه سريع سحبي الشيخ ياسين وسكتهن بصوتو العالي
هن ما سكتن مستمرات يتصارخن
انا خفت وكلبي وكفو ورجليه جمدن بمحلهن من الخوف الي خفتو

عرفت هذن زوجاتو الاثنين يعني انا هسع صرت زوجتو الثالثه نزلت دموعي انا صغيره هسع يلا 19 سنه
مو هينات ومراح اكدر الهن

ام ياسين : بسجن هسه الشيخ يسمع
حسجن ويدش يكسر رجولجن شني هذا الصوت شني انتِ ما تحترمن

كيناز : هن خرسن من صراخ هاي المره الكبيره والشيخ ياسين عرفت هاي امو للشيخ

ام ياسين : روح ابني اخذت مريتك ودش عرفتك

ياسين : صار يمه ، لتفت ع زوجاته واردفت بعصبيه ، الي اسمع حسها عالي اطرها طر
مفهووووم

كيناز : كال هيج وسحبني ورى صعدنا فوك وهو جارني من ايدي وانا صوتي ماطلع
فتح غرفه ودخلنا بيها تركني وقفل الباب
هييييين روحي صارت برى
اريد بس اطلع حتى لو يكتلوني راضيه لمهم
ما ابقى هين عرفت شنو الي يريدو بجيت ونزلت دموعي

ياسين : ع شنو تبجين يابويه لازم يصير الي تعرفي
انتِ حرمتي
وعيبه بحكي لو ما خذتج هسه

كيناز : همست بخوف وانا ابجي ، حباب ماريد

ياسين : شنهي ماتردين جا تردين يكولون عليه انا مو رجال عيبه بحكي وانا شيخ يلا يابوي خلينا نتوكل
ونخلص هاي اليله ع خير

كيناز : هجست روحي توجرت وصارت نار
هزيت راسي بقوه وانا اكول الو لاااا لااا
بس هو وين يسمع صار يتقرب مني وانا ارجع ورى
وعيوني مغوشات بدموعي

همست بصوت متشحرج بالبجي ، الله يخليك
لاتسوي الي شي لاتسوي انا مالي ذنب الي صار
الي صار مو ذنبي

ياسين : مالج دخل ولا الي دخل ذنب اخوج واختي
بس يابوي لازم تعدي هل ليله

كيناز : ماكدرت اتقبل الي يصير ولا راح اتقبله
تقرب مني ولزمني من اديه وصار يبوسني وانا روحي رايحه ادفع بي بس مايقبل يتركني
بجيت صيحت عيطت ردتو يبتعد بس ما كدرت ابعدوا
عني ولا هو الي ابتعد ولا انا االي كدرت الو

نومني ع السرير واقتحم براءتي اقتحمني وانا جاهله
ماعرفو للزواج عدل كالو الي شوي عنو
بس هجست روحي راحت دفعتو عني وانا تحت بجي
والم قوي
وهو ما ابتعد مستمر بوحشيتو وبقربو مني
لازمني من اديناتي بقوه وانا اصارخ رايدتو يبتعد لكن لا حياه لمن تنادي
الا ان اخذني وانا تحت صرخاتي الاليمه الوحيده
الي مالها احد غير حالها أهلها تاركينها بعالم مو عالمها
وناس مو ناسها

ابتعد عني وهو بيدو اكثر شي حافظت عليه طول حياتي تحت اغتصاب حلال اي هذا حالي
هذا اسمو لزواجي

عجل شبيه انا وانوخذ ب اغتصاب زوجي حلال ؟

مرت الايام وتعامل الشيخ عواد وزوجتو الشيخه الحق ينقال عاملوني وداروني مثل الماي بالصينية
اي احد يحجي وياي بالموزين يردوهم
عاملني مثل بنتو غاده

غاده هي البنت الوحيده لأهلها وجانو مدللينها دلال
ما صاير عبن هي بس هل بنيه الوحيده
ومارادو ينطوها من غير طائفه لهذا من تقدم عمر الها رفضو ورادو منهم وبيهم ويناسبهم يكون الو يصتو
عجل غير هي الوحيده مو ياهو الجان ياخذها

الشيخ ياسين مادحكت الو اي شي سيء بالعكس يعاملني بما يرضي الله
صرت اعرفوا يوكف ويه الحق لو كان ع كص رقبتو
حتى ليالينا يساويهن بالتساوي
ومايميز هاي عن الثانيه
ولا عليه انا

زوجاتو الاثنين عنده منهن اطفال بس بنيات
ماعندو وليد وجانن زوجاتو يحاربني ع طول متخوفات لا اجيب الو الولد واكون انا الأولى وابني الشيخ من بعدو لابو
هوستهن وحقدهن متخوفات لا اجيب الولد وانا جان همي اكون بخير وما احتك ب اي شخص منهم

مره شهر ع زواجي وصرت ادوخ كثير اوكع وافقد توازني الى ان انتبهو عليه واخذوني تايفحصوني
وهين طلعت انا حامل الشيخ عواد طار من الفرح وهو والشيخه ناطرين ولي العهد يشرف بجيتو
والشيخ ياسين عكلو مو الو من فرحتو
يمشي ويوصي بيه وانا ادحك بيهم وفرحانه
هجست هذا الطفل تيغير حياتي للأحسن

صرت ادعي لأملي الوحيد انو يضل بمكانو وما افقدو مثل مافقدت اهلي
صرت متخوفه من نسوانو لياسين
احذر منهن خاف يوكعني ويخلني اوكع الطفل عبن صارت سولتهن وياي
وين مايشوفني يضربني بحجه انو نحن ماشفنات
وهن جذابات انا ادحك عليهن من يجن يسون نفسهن مايدرن وبعدها يضربني

ادمرت حالتي وانا ب اشهري الأولى لا انا المتعوده
ع الوضع ولا ع الحمل
صعب ولأن اول طفل اهجس شي غريب
ومايطمن

الشيخ عواد والشيخه عمتي ماتركوني لحالي ابد
وين ما اروح يوصون بيه وأشكال وأنواع الاكل كدامي يخلو وهم فرحانين بحملي
انا من ادحكم هيج افرح وياهم

بلشت تكبر بطني وشكلها حيل غريب ياهو يشوفها
يكول يمكن مو طفل واحد بس هي بالنسبه
للبعض يشوفوها بطن عاديه بس مو عادي للطفل البجر

مرت أشهر الحمل بطلعان الروح والحمل حيل ثكيل الى ان صار وقتو للولاده ولاده طفلي المجهول مانعرف اذا ولد او بنت
بيهم يتمنو ولد منهم الشيخ عواد والشيخه وياسين ومنهم يتمنا بنت او يموت هن زوجاتو

بلش وقت الولاده وانا هجست الروح طلعت الباريها وردت ترجع تعودها تتطلع ويه كل طلكه اطلكها انا
الى لن ولدت الي وسمعتو لصوت الطفل باذاني هجست روحي انسحبت مني وباد جسمي هجستو مات

هيج وسمعت صراخ ، هذاااااطفل ثاااااااني

رجعو عليه رجوع وصارو يحاولون وياي الى ان رد بيه الحيل ورديت طلكت من جديد الى ان طلع الطفل الثاني
بس سمعت صوتو للطفل روحي انسحبت مني واغمى عليه

ورى وين يلا كعدت لكيتهن منظفاتني ومرتباتني
اهجس جسمي نحلان وبلكوه احركو
همست بتعب ..

اطفالي ..

- ابتسمت واردفت ، الحمد الله على السلامة حبيبتي اطفال بخير وصحتهم زينه وانتِ هم بخير

كيناز : همست بتعب وانا أبلع ريقي ، شنو جنسهم ؟

_ توأم ولد اللهم صل على محمد وال محمد

كيناز : هين هجست الدنيا ضحكت الي متأكده حياتي راح تكون احلى وتصفى الدنيا الصالحي
انا ما يهمني بنت او ولد انا اعشق البنات بس هم بتصرفاتهم اثبتولي ان لولد هو الي راح ينقذني
منهم وراح يكون سند الي واحتمي بظهره
حتى لو كان صغير
عجل لازم أأسس حياتي هاهي صرت متزوجه
وصارت الي حياه غير عن الحياه الاوليه

اول ماعرفو جايهم مو شيخ واحد اثنين انقلبت الدنيا انقلاب السلف كلها عرفت الشيخ عواد اجو أحفاد اثنين شيوخ وهم طايرين فرح بيهم من الشيخ عواد لياسين
للشيخه كلها فرحانه االا نسوانو لزوجي
وجهن مايكصه السيف
انا تخوفت منهن بس الي طمني الكل وياي
بي هن ضدي وأكيد راح يوكفون وياي اذا صار شي حتى لو ما زين

ايامي بدت تتحسن وعلاقتي بياسين جثير صارت زينه
وانا بديت اميل الو وهجست عندي الو مشاعر
عجل غير هو زوجي وابو أولادي
كان حنون عليه ولايوم قصر بحقي ولا بحق اطفالو
شايلنه ع كفوف الراحه هو وعائلتوا

الى ان اجى اليوم الي خربو الحياتي ودمرها دمار
ونقلني من أنثى رقيقه سعيده الى حطام او بقايا أنثى رماديه

بيوم جنت كاعد هجست شي بيه وحالي مو مثل حالي الأول صار صدري ينتفخ هواي ويورم منها شوي شوي صارت تظهر عقد تحت ابطي وهاي العقد صلبه
صرت احس ب ألم بس مو قوي ألم طفيف
هين هجست حالتي غريبه
وأعراض الي صابتني غيرها مو بس هاي
لا غيرها بقيت ساكته اول نوبه ومن يتقرب الي ياسين اطلع الو أعذار لان نفسيتي صارت بالنازل
الى ان اجه يوم واعترفت الو وكتلو عن الي بحالي
هو تخبل بيومها من عرف بالسالفة

عجت خبصه بالبيت واخذوني الطبيب
بعد جر وعر وأيام اكتشفو عندي سرطان الثدي ..

هين هجست الدنيا صغرت بعيني وحالتي
تصعب ع الكافر سرطان ماله هين
ولازمو علاج وعمليه
واذا ماكدرو يعالجو اكيد يكصونو لصدري
خلصتها بجيت اهجس انتهيت من البجي عيوني ورمن
ونفسيتي ادمرت
تعبت انتهيت أولادي الشيخه هي يمهم
عبن انا صرت بالنازل منا صحتي ومنا نفسيتي الي ادمرت

الشيخ عواد وياسين وياي من دكتور لدكتور ثاني
الى ان بلغنا الدكتور ان لازم نسوي عمليه
ويكصونو الصدري !!!!

هين وكعت الدنيا فوك راسي بقيت يوم كامل وانا تحت تأثير الصدمه ماهجست الا وانا مغمي عليه كعدت لكيت نفسي بحضن ياسين والكل فوك راسي
يحاولون يصحوني
خايفين عليه انا ماردت اسوي العمليه بس لجل أولادي اقتنعت ورضيت اسويها

مو هين يقلعونو الصدري مهما يكون انا أنثى
اتحسس اذا صار عندي نقص وهو مو نقص هين لا نقص رهيب وانا متزوجه عجل اذا كصو شيصير بحياتي انا شيصير بحالي افقد جزء من جسمي مانه هين ابد

هيج انا معناها تشوهت انوخذ جزء مهم بحياتي
سلمت أمري لربي وتوكلت عليه

بيوم عملتي تمنيت لو اهلي يمي تمنيت لو بس
ادحك بعيونهم واسمع صوتهم
تنميت لو بس اسمع كلمه بابا راح تصيرين زينه وترجعين جثير تمنيت هذا الشي بس بعظ مو كل
شي نريده نحصله بهاي الدينا

سلميت أمري لربي ودعت أولادي وانا ابجي واوصي بيهم مايأذوهم لو صارلي شي ومتت
وهم يبجيون وياي الشيخ سحبني لحضنه وطبطب ع كتفي ويكلي صيري قوي لجل عائلج
ياسين هم جان مقهور وياي

اخرها ودعتهم وسلمت نفسي بيد الباري هو الي انطاني وهو الي ياخذني ..

انا انثى
كم من هزائم قد تغلبت عليها ، وكم من ايام
تخطيتها لأنني انثى قويه
محبه ومغامره لاجل
حياه احلم بها منذ الامد القديم
قد اتت موجهً غير مُدركه انا لها
دُخلت الى اعماقي
وتغلغلت في فؤادي
وحطمت ماشاءت من حياتي
وغيرت قدري
الى اين ؟ الى مصدر تعاستي
كيف حدث ذلك هل ياترى
لو كُنت اقوى من كذا
لما حصل لي الذي عشتوهُ
من الاذى ؟؟
#بقلمي_رهف_علي

واكفه كدام المرايا وانا ادحك ع الخراب الي صار الي
اي فعلا خراب ادمرت وتحطمت كل حياتي
واحلامي ادموعي ينزلو وانا مو كادره اتوقف
عن هاي الحاله
اجر انفاسي بالكوه واهجس غيمه حيل كبيره فوكاي
وماتزول الا وهي ماخذتني وياها

خربت حياتي من يوم الي سويت الغضب العمليه
بدال ما انقذ حياتي من المرض دمرتها بالزايد

اكتشفت الحياه مو بس حب اي مو بس حب ولا عطف ولا محنه اكتشفت الحياه لازمه بيها صبر ، تضحيه ، إخلاص ، اقتناع ، قوه ، تأني ، اكتشفت ان الشخص مو بس لازم يكون وياك فقط بالايام السعيده والمحبه لا لازم يكون وياك بالسراء والضراء
عجل انا الي كشفتوو الشخص المعني ماكان وياي غير بس بالوقات السعيده عجل والضراء منو الها ؟

أقسى كلمه ممكن تسمعها من الإنسان الي هو كل حياتك انهانيت وانهاريت من هذا الإنسان

أقسى يوم عشته من بعد طلعتي من بيت اهلي وانا فصليه هو اليوم الي انخدشت بي انوثتي
وتحطمت كل آمالي

ياسين من بعد العمليه صار يتجنبني مايتقرب مني
اذا دحكني بمكان يروح بغيرو واذا تلاكينا صدفه
يدورو لوجهو مني وميعود يدحك بيه
وبيوم الي تقربت تاسألو ليش هو هيج
انفجر بوجهي وخدش انوثتي بكلمتو الجارحه الي

ياسين : انا تلعب نفسي منج انتِ مشوها ..

كيناز : هين هجست روحي فرفحت اول مره يكولها وماعرف شنو الي غيرو من بعد ماكان الي كل حياتي
ابتعد عني ابتعاد تام صارو ينتبهون علينا نحن بعاد عن بعض

الى ان سحبو الشيخ لغرفتو وحجه ويا وهناك وجان اسمع حس صياحو بكلمتو الي هانتني وشكت كلبي نصين وسوت روحي أشلاء
يصايح الشيخ ويكولو..

( بويه انا ما اريده مششوهاا ماريدها تلعب نفسي منها )

كيناز : انقلت الابواب بوجهي دحكت نسوانو يتضاحكن بينهن والشيخه مقهوره ع كلامو بحكي وادحك الي بعطف بس انا وين وهم وين

صار مايطيقني بالزايد
وكل مالو ينفر ازود ومايطيق شوفتي
اخر شي توصلنا الحل الي هو الطلاق..

وهين انا اطلكت منوو وسبب طلاكي منو لسه ما اعرفو
ياترى بسبب تشوهي ونقصي وتلعب نفسي مني  مثل مايكول هو لو عمل شيطاني بحكي مثل ماكالت الشيخه الي ؟؟؟!

انا الي استنتجتو هو ما يحبني اصلا ومن شافو لجسمي هيج ناقص ومشوه قرر يبتعد عني
وانا قبلت هذا الحل احسن ما انهان اكثر يمو
واضيع نفسي لميت ملابسي واغراضي وهو كط أولادي عليه وتركني اخذت أولادي برغم الشيخ والشيخه ماقبلو بس هو انجن وأصر الا أخذهم وياي
عاد هي النفس هم عزيزه عندي اخذت
اطفالي ورديت لأهلي مكسوره ..

صحيت من غفوه الماضي وانا امسح دموعي بوست أولادي آدم واسر وغطيت اخياتي وامي وغمضت عيوني ونمت عسى القادم احلى من الماضي ..

_______________

رهبار : هشش شجاج عليش هذا البجي هسه

ريفان : حباب خليني انزل جوه ماغيد انام هنا

رهبار : خزرها ، لا بويه انا تعودت عليج هنا ظلي

ريفان : خفت منه نزلت عيوني وانا احس جسمي يرجف منه قربه صاير يخوفني
سحبني ورجع نومني بصفه وقيدني ب ايده

بيوم الي حاسبته ماما و واجهته بالصار مانكر بالعكس
صار اقوه وصار يتحداها هي لو هو
وانا الي واكعه بينهم اثنينهم واحد يعلى والثاني يكبس

الحجيه : شجااااي تحجي انتَ فهمني رهباااار

رهبار : مثل ما سمعتي حجيه

الحجيه : ولك يمه شجرالج ليش هيج متغير وينه رهبار الحنين الي يخاف ع ريفانه من الهوى
ليش هيج متغير شنهو الي غير أحوالك

رهبار : ضغط ع ايده ب احكام واردف بصلابه ، كتلج الي اريده هاهي انتهى الموضوع الي بيني وبين ريفان محد يدخل بي

الحجيه : ولك رهبااااار تريد تموتني ناقصه عمررر خاف الله بيها خلي الله بين عيونك شبيك
معقوله العسكريه هيج خربت دماغك وفكرك عن البنت الصغيره
ولك لو صحيح العسكريه الي غيرتك جان غيررررت ابوك مو هسه هو نايم بالكبر وسمعته الطيبه مذكوره لهذا الوقت والناس كلها تحبه وتمدح بي
وبنزاهته جااا ماتشوفه ماااات مقتول لان طيب ومايسوي بس الزين انت شبيك طلعت ماتشببببهة

رهبار : وكف ع طوله وهو يناظرها بصلابه اردف بجمود وهو عينه بعينها ، لا تجيبين سيره ابوي الله يرحمه
والي صار صار وانا هذا الي اريده

لتفتت نظراته ليفان ناظرها بتحذير وطلع من الغرفه تحت صراخ الحجيه حليمه الي ماسمع
كلامها ولا خضع الها ولا حتى شووي

الحجيه : مسحت دموعها وهمست بتعب ، وين يمه يااامن تعال شوف ابنك شجاي يسوي راح يضيعنا ويااا
ويضيع صغيرتك يمه

ريفان : انا خفت منه وخاصه نظراته جان الي توعد
هسه اكيد محد راح يوكف وياي بس ماما وحتى هي جبيره بالعمر وماتكدر اله بقت عمتي بلكت  هي الي تساعدني

بس الي صدمني منها هي عرفت وماسوت اي شي
عبالك هي مأيده هذا الموضوع
حتى ما اعترضت ولا سوت اي شي بقت ساكته
ومو بحالنا اساساً حسيت نفسي حيل وحيده
وما الي اي احد

رهبار من ماما عرفت صار ياخذني كدام عيونها
ويصعدني ويا وهي تصيح تستغيث وما تكدر اله ولا تكدر تسوي اي شي
تبقى تبجي وتتوسل بي وهو ما مهتم
من ياخذني ويا جان بس يبوسني وينومني يمه مايسوي شي ثاني
انا اخاف منه لان شكله يصير يخوف ولمسات اديه تخوف تصرفاته تخوف وكأن مو هو ابد مو هو ومرات ريحته حيل مو طيبه مُقرفه الى ابعد حد
وما جنت اعرف ليش هيج ريحته

جنت متوقعه بسبب لان مايسبح بس هو عبالك برمائي
ي

سبح هواي زين ريحته ليش هيج
ماعرف

الى ان بيوم من الايام جان رهبار برى البيت ويرجع متأخر واذا رجع من برى معناها اليوم انا بخبر كان
يرجع يشوفني أنجوم الظهر
ياذيني هواي وطول ما هذا الوكت الي انا يمه ماما جوه ادك ع راسها وهي مابيها تصعد فوك ولا تكدر اله

صاحتني من فوك ..

الحجيه : ريفاااانه ولج ريفاااانه

ريفان : طلعت من الغرفه ، ها ماما

الحجيه : تعالي جوه نزلي نامي يمي

ريفان : هزيت الها راسي ونزلت جوه يمها

فاطمه : اردفت وهي تناظرهن بنص عين ، هسه يجي رهبار ويكلج شكو منومتها يمج

الحجيه : خزرتها وصاحت عليها ، معليييج انتِ

فاطمه : عوجت حلكها واردفت ، اي خوش ، عافتهن ومشت وهي تهز ب ايدها

الحجيه : تعالي يلا دشي داخل

ريفان : همست بخوف ، وغهباغ ؟

الحجيه : معليج بي خلي اشوف يا انا يا هو

ريفان : هزيت راسي ب اي ودخلت للغرفه هي هم دخلت وقفلت الباب وراها
نمت بصفها وانا ارجف خايفه هسه لو اجه وماشافني يقلب الدنيا والبيها

مر الوقت وانا مانايمه سمعت صوت السياره
عرفت اجه باوعت الساعه عبرت 12 نص اليل
رجف جسمي يعني اجه احتضنت ماما وانا خايفه من الي راح يصير

حسيت بخطواته عبرت باب الغرفه وصار صوته ع الدرج يعني جاي يصعد صرت ادعي ينام وينساني
غمضت عيوني لان شفته تأخر شوي

ثواني وما حسيت الا باب الغرفه صار ينضرب بقوه
وصوته رج البيت رج ..

____________

سيلينا : مرت أيامنا الدراسه بحلوها ريفانه صارت
تتحسس وتتخبل منه شلون هي متحجبه ونحن لا
ع واهسها انا ودهليز تحجبنا حتى ما تنقهر

ومره صادف عدنا امتحانات اخر السنه بس ننجح نتقدم لمرحله دراسيه تختلف نوصل المتوسطه ( اول متوسط )
تقربت الامتحانات ونحن مصدومين بريفانه
يوم تجي ويوم لا صارت تختفي من المدرسه
شغلت بالنه وتخوفنا عليها
بس مانكدر نسوي اي شي غير بس نسألها
مابيدنا نسوي شي الها

خلصنا امتحانات واجتي العطله عاد ماما اشترتلي جهاز جان بوقتها اخر اصدار واله صدى واسع
ونحن حالتنا الماديه حيل زينه
ف اشترتلي الجهاز وبقيت انا العب بي لعبات
جنت كاعده جان تجي ماما وهي وجها حزين
بابا جان كاعد بصفنه جان دكول ..

ام زياد : عيني ابو زياد توفى زوجها ال إسراء..

سيلينا : بابا تخربط حالو ونقهر ، ضرب ع رجله وكال انا ل الله وانا اليه راجعون، كال لازم نروح الهم سريع جهزو نفسكم حتى نروح ، الي توفى يصير زوجها لعمتي بيتها بالريف 

عاد نحن جهزنا نفسنا ولمينا الأغراض وطلعنا بذاك اليوم. ماجنت اعرف هذا اليوم هو سبب بتغير حياتي من شي الى شي ثانيه مختلف جذريآ ...

مشت بينا السياره وانا حاطه جهازي ب ايدي
والعب بي وأهلي يحجون بينهم ع الفاتحه وشنو اخبار عمتي إسراء خطيه حالتها حاله وكلش تعبانه

الى ان مر الوقت وسمعت بابا يكول وصلنا انا بيه طبع اخلي جهازي بصدري اول ما كال وصلنا لزمت جهازي وخليته بصدري ونزلت

جان الشارع مابي محط رجل الناس هواي جايه
والبيت مفتوحه بيبانه ع وسعهن
ونسوان داخله طالعه واسمع صوت صياح جاي
من البيت خفت انا لزمت ايدي اختي ودخلنا البيت
هوسه رهيبه
والناس بمختلف الأشكال اطفال ، كبار ، شياب
أجواء مختلفه بين الريف والمدينه
وانا مو متعوده ابد

دخلنا وانا شفت نسوان متجمعات يبجين انا من خوفي
لزكت نفسي بمكان وبقيت واكفه بي ماتحركت
اخواتي الكبار اطشرن يساعدنهم والصغيره يم ماما وانا بقيت لازكه بمكاني
اعاين ع الرايح والجاي

مر الوقت وانا احس نفسي تكسرت من الكعده والتعب
هم تعب الطريق وهم تعب الانتظار الي انا بي
شفتها الدنيا صارت ليل لهذا طلعت برى ورحت ورى البيت المكان حلو والهوى يفتح النفس
صرت أمشى الى ان لكيت مكان حلو هاىء كعدت بي
طلعت جهازي من صدري وصرت العب بي

ماحسيت الا صوت خشن وهو يكول

_ احمم

سيلينا : سريع رفعت راسي وانا التفت ع مصدر الصوت
شفت واحد طويل بجسم متناسق لابس اسود من فوك للجوه وملثم وطالعه بس عيونه
خفت من منظره سريع وكفت ع طولي

هو حس انا خفت منه لهذا رفع ايده واردف وهو
يحاول يفهمني ويهديني

_ ع كيفج بويه انا مو حرامي

سيلينا : رفع ايده ونزع الثام من وجه شفته بقيت صافنه ثواني واداركت نفسي
خجلت وبدون ما انتبه رفعت ايدي وضميت الجهاز بصدري ومشيت اريد اعبر من يمه حتى ارجع للبيت ما حسيت الا صوته صار بترس اذني وهو يكول

دابــــــر : بـــويه لاتـخلين الجهــاز بهذا المكان موزيـن عليج يمــرض ..

_________________

للحكايا بقايـــــا ♤

شنو تتوقعون يصير ؟

حسابـــي الانستا قلبي ♡