رواية دجن الضليع الفصل العاشر 10 - بقلم رهف علي

نبدأ بذكر الله ﷽💛✨

تنبيه ضروري
الباجر ان شاء الله أنزل الكم ع الانستا شي كُلش حلو
سبرايز يخص وحده من البطلات هذا يوزر الانستا
akyta_98

لاتنسون التصويت وتعليق ع الفقرات قلبي ..

عن حال ريفان يكول :
كُلشي يعديّ ، بَس يُبقى أثَر .

______________

ريفان : اول ما سمعت صوته فزيت فزه وانا ارجع بقوه
ع ماما هي فزت من مكانها جانت نايمه
وسألتني بخوف

الحجيه : شبيج يمه شجاج

ريفان : هستوني اريد اجاوبها بس فزيت من رجع اندك الباب بصوره هستيريا وصوت صياحه وصل لآخر الدنيا
ماما سريع لزمت شيلتها وخلتها ع راسها ووكفت ع طولها بلكوه وانا باقيه بمكاني ارجف خوف

الحجيه : تقربت عند الباب بس مافتحته اردفت بصوت شوي عالي ، شنو الي تررريده شجاك تصيح هيج بتالي الليل مادكول الناس منخمده ناس مرضانه شجاك انتَ

رهبار : اردف بصوت عالي وبحه خشنه مُرعبه ، ااااخذتيهااا يمج مووو انا شكتلج فهميني شكلللت الج حجيه !!!

الحجيه : وصخمممه ، يميه ولا ويمك شتريد من الفرخه تريد تسوي بيها اكثر من هذا الي
سويته

رهبار : زفر انفاسه بقوه واردف وهو يضرب الباب
بكفه بقوه ، شنهووو الي اريده تعرفينه انتِ كتلج ريفان لاتتدخلين بيني وبينها اناا اعرف اتصرف
جا شني شفتيني مسوي وياها شفتيني بعينج مسوي شي

الحجيه : انا ماشفتك انا سم... رادت تكمل وقاطعها

رهبار : اردف بصوت ، ششفتي ؟؟؟ ماشفتي اي شي بعينج انا حتى ما مغتص*بها حتى تسوي كل هاي الدراما الما الها داعي

الحجيه : ضربت ع صدرها واردفت بصدمه ،
ييييمه بنيتي شنهييييي ولك رهيب ناويه تغتص*بها
ولك صخام ، عساني ميته ولا سامعه هذا الشي
عساني لاشميت الهوى وانا اسمعك جاي تحجي
هذا الحجي

رهبار : زفر انفاسه واردف بصوت هادىء ، هسسه انا شنهو الي حجيته حتى تنوحين هيج
ماسويت شي انا بس تعودت عليها تنام يمي جا شنهي ممنوووع ؟

الحجيه : مسحت دموعها بالشيله واردفت بعلامه تعجب ، ولك رهيب صخام البين شنهي تريد تعبرها عليه انا ؟ جا شنهي سالفه من متولي البت دكول مصاصه بيدك ما استحيت ع نفسك جان استحيت ع عمرك الاغبر وهي بكد زرك يامفلوك

رهبار : اردف بتأنيب ، حجييييييه

الحجيه : صخيمه الصخمت امك

رهبار : خليها تتطلع ترى تصير موزينه وينها جيبيها
ريفاااااان تعاي طلعي

ريفان : انا ضميت نفسي بين الشباك والكنتور
ودحست روحي بالحايط الي يشوفني عبالك صوره وملزوكه كثر ما لازكه نفسي
اسمع نقاشهم الحاد وانا اكل باظافري من التوتر
حسيت بطني انمغصت من صياحه

توقعت راح يمشي بعد هاي الرزاله من مااما
بس هو وين يحجي وماما وين تحجي
الي براسه يسوي
مايحب يملون عليه وينفذه يحب هو الي يملي عليهم وينفذون عبالك عنده عساكر جوه ايده

صاح اسمي بصوت عالي وهو يطلب مني اطلع
من خوفي تقدمت ردت اطلع بس ماما لزمتني
وصاحت عليه ..

الحجيه : وروحه لابوك الطيب ماتوصل الها
ماتتطلع الك ولا تشوفك وجها لك امي شجاك
هيج وتغيرت شبيك جنت ماتعلي صوتك شجاك هسه
تغيرت شبيييك

ريفان : ماحسينا الا ع ضربه الباب بقوه وصياحه العالي بعدها اختفى الصوت
توقعنا بقى واكف بقينا ننتظر نص ساعه وهو ماكو
هنا انتبهنا ع الساعه صايره فوك ال 2 كل هذا ونحن صياحنا واصل لوين ونقاشنه الحاد
الي توقعنا ما اله نهاية

ماما راحت فتحت الباب وهي ساكته صارت تتلفت منا ومنا وما لكت احد هنا اطمنت ورجعت نومتني يمها
بس ويني و وين النوم جافاني
ورى وين يلا نمت وانا متخوفه كل شوي افز
اخاف لا يجي فوك راسنه ونحن ما النا خبر
الهنا وصل الخوف بينا

صارت امتحانات السادس وانا صرت يوم اروح ويام لا
من الخوف الي عشته بسببه
اذا هو موجود بالبيت بهذا اليوم انا ما اطلع
الى ان رسبت وعدت دور ثاني وهنا نجحت
وخلصنا من مرحله الابتدائي و تقدمنا مرحله عمريه جديده وحياه جديده اكثر لكن تغيرت حياتنا وانعكست الأدوار

بعطله السادس ماما ما خلتني اخطي خطوه وحده
اذا هي مو وياي بيوم لزمتني وكعدتني كدمها

الحجيه : تعالي يمه كدامي كعدي

ريفان : ها ماما كولي شنو تغيدين مني

الحجيه : لزمت اديها واردفت بهدوء ، شوفي يمه
انتِ هسه صرتي بنت حديثه وعين الله ترعاج
جسم وشكل توكف زلم وجمالج يفتح لعيون عليج
لازم تصيرين حذره من كل شي
من هذا الزمن من هاي الدنيا ع ساعه تغدر بينا
وادك الناقصه ومنهو الي يوكع بيها غير بس
الفقير الي ما ينتبه ع دربه الي مثلج انتِ يايمه

ريفان : استغربت من كلامها ، شنو ماما ليش تحجين هيج شنو صايغ خوفتيني

الحجيه : لا يمه ليش تخافين هاي الدنيا ولازم
كل شخص يصير حذر ويفتح عيونه

لاتأمنين بأي بشر ومخلوق غير نفسج يايمه
ديري بالج ..

ريفان : ضغطت ع اديه وهي بين اديها وهمست بخوف ، ماما كلامج يخوف

الحجيه : ابتسمت بحنيه ، جا شعبالج هي الدنيا هيته اليكبر مو بس يكبر جسم لا يكبرن ويا دروسه
يكبرن خيباته يكبرن مواقف الزين والشينه
يكبر وعيه وعلقه من خلال الي يعيشه يايمه خليج نبهة انا اليوم موجوده ويا باجر عكبه الله ياخذ أمانته
انتِ وين ترحين جا هم تخلين الرايح والراد
يكفخ بيج وياخذ حاجته منج بسهوله

لاتخلين نفسج مطمع بيد الكل لا خلي العكس الج
اهم شي حياتج انتِ ما الج ظهر ولا سند
هل تشوفي الي جان اخوج تغير عليج

وهاي فاطمه لاتثقين بيها حتى لو المسافه بين عيونج
تشوفيها شكد صغيره ؟ هي لهل درجه لاتثقين بيها
كلها الناس تمشي ورى مصلحتها ماتمشي
ورى مصلحه احد غير نفسها
الناس اطماع وتتطمع بالغير حتى لو جان مو فلوس
النفس دنيه والعين فارغه
هواي عالم هيج لكن ما تخلى من الزين مثل ما نكول

( لو خُليت ل قلبت )

يعني يايمه لو الدنيا بيها بس السيء اكيد تنكلب بينا
جا اذا تبقى بس عليهم وين الزين بيهم ؟ بهل حاله
تنكلب بينه لهذا الله ساواها وعدل بيها
وميز بين الزين والشين لهذا خليج حذره بنيتي

ريفان : هزيت راسي الها ب اي وانا خايفه من كلامها
احسه مُبطن ماعرف منو الي تقصده
ماتوقع رهبار لان اساساً هي كالته ك مثال يعني مو هوَ
ف لازم احذر من الكل بهاي الحاله
زين شلون وانا اصلاً ما اكدر احمي نفسي شلون احمي نفسي بنفسي ؟

اردفت بخوف اسم الله ماما لاتحجين هيج اذا
انتِ غحتي منو الي يبقى الي منو بعد يحبني غيغج
ترى بس انتِ تحبيني ماما

الحجيه : يمه هذا الموت حك وهاي الروح العزيزه الي
نحن عدنا هاي امانه من الله سبحانه وتعالى النا
هو الي حط هاي الروح بينه وهو الي يرد
ياخذها ونحن الممنونين جا غير عايشين ب امتحان
يا ننجح يانخسر

ومثل ما وصيتج..

ريفان : شنو؟

الحجيه : فكري هواي فكري بهذا كلامي ولا تنسي خلي حلق ب اذناناتج

ريفان : هزيت راسي ب اي وسكتت

الحجيه : وهسه اجه وقت الفعل

ريفان : اردفت ب استغراب ، فعل شنو تقصدين

الحجيه : صار لازم تبدين تصلين لازم تتعلمين
حتى تصومين مو بس هيج اريد تخلين الله بين عيونج وديربالج بيوم من الايام تهملين صلاتج
خليها هي الحلقه الوصل بينج وبين ربج

اذا بيوم شفتي نفسج تعبانه او مريضه الجأي لصلاتج
اذا بيوم حسيتي بضيق الجأي لادعيتج
الزمي الكتاب وخلي روحج ونفسج الطيب عامر بيهن
لاتروحين لاشياء سلبيه تهدم حياتج

ريفان : عجبني الحديث وياها لهذا عدلت كعدتي
لزمت ايدي ب ايدي الثانيه وخليتهن جوه فكي
وصفنت عليها وهي تحجي وياي وتعلم بيه

الحجيه : اول شي صلاتج كومي نتوضى انا وياج ونصلي هذا الفرض انا اعلمج شلون تتوضين واصلي بصوت عالي شوي لان مايجوز اعلي صوتي
بصلاتي وانتِ ترددين وراي وتحفظين مره مرتين ثلاث
تتعودين عليها

ريفان : وكفت بنشاط وانا الفرحه تارسه روحي
ماعرف ليش حبيت هذا الجانب
وردت اتقرب من الله هواي من خلال هاي الأشياء
الي ماجنت افهمهن ابد
هسه انا كبرت ولازم اعرف الهن واتعلمهن
ولازم ما افرض بيهن ولا يوم واحد
هن مفتاح نجاتي وفرحي ..

طلعت وياها من الغرفه ورحنا نتوضى
بدت تعلم بيه شوي شوي و ع كيفها
الى ان توضينا وخليصنا ورجعنا للغرفه وانا
الفرحه مامفاركتني
خليت السجاده الصلاه ع الارض وهي ماتكدر توكف وتصلي لهذا تكعد
بدت تصلي وانا وراها خطوه بخطوه
فجأة حسيت بشي بارد نزل ع كلبي وحسسني بالهدوء والسكينة ماعرف شلون صار هيج شي ولا
شلون اوصفه بس هذا الاحساس مستحيل انسى
خلاني أصر اكمل وما استسلم ولا اترك هذا الشي
الي بديت بي

كملنا صلاه ورحنا نتعشى رهبار ما موجود بالبيت طالع واكيد ويه جماعته من شفته تأخر معناها
راح يرجع للبيت ويسوي مثل ما سوا قبل
ماعرف ليش هيج فجأة حسيت بتوتر والخوف اكل كلبي

كملنا اكل ونضفنا اكيد ما يخلى اليوم بدون رزايل فاطمه الي ودلالها لبنتها ايلان
الي انا حاسبتها حسبه اختي
بس شسوي اذا هي بعيده عني وما تختلط وياي لهذا
انا هم متجنبتها وما فاتح حلكي وياها

خلص اليوم وهستوني خليت راسي ع المخده دخلت ماما وقفلت الباب وراها هاي العاده صارت تسويها
وما تترك الباب مفتوح اله ابد
اجتِ تمددت يمي بس انا من قلقي ماكدرت انام
هي حست بيه لهذا لتفتت عليه

الحجيه : ها يمه شبيج

ريفان : همست الها وعيوني مدمعه ، خايفه

الحجيه : شو تعاي بحضني

ريفان : دخلت بحضنها وهي صارت تمسح ع شعري
انا من حنيتها ضميت راسي بصدرها واستنشق عطرها الطيب

الحجيه : بعدج خايفه

ريفان : هزيت راسي ب اي

الحجيه : رفعي راسج لشوف ورددي وراي هذا الدعاء

ريفان : ناظرتها ب اهتمام وانا أريدها تنطق حتى بس اتخلص من هذا الخوف ..

الحجيه : رددي وراي هذا الدعاء يخلي التوتر والخوف الي بروحج يهدنج ويرحن ..

( اللهم آمن خوفي واقل عثرتي وأذهب حزني وحرصي وكن لي وخذني إليك مني وارزقني الفناء عني ولا تجعلني مفتونا بنفسي محجوبا بحسي واجعل القران ربيع قلبي ونور بصري وجلاء حزني وذهاب همي ولا تسلط علي من لا يخافك ولا يرحمني يا الله وصل اللهم وسلم علي خير الانام )

ريفان : صارت تردد مقطع مقطع وانا وراها وعادته ثلاث مرات الى ان حسيت بنفسي تحسين والخوف والتوتر كُله راح ابتسمت الها برضى ونمت براحه
وانا مأمنه ع نفسي بين الطف كائن بهاي الارض

ورى فتره مرت حسيت ع صوت سريع فزيت
اتلفت بكل الجهات عاين ماما نايمه
جا منين هذا الصوت الا ان رجع تكرر ومصدره كدام باب الغرفه انفزعت من سمعت حسه

رهبار : بهمس ، ادريج كاعده تعاي افتحي الباب

ريفان : انا وكفت مفزوعه ماما نايمه
وهو يحجي بهمس حتى ما تكعد
هزيت راسي ب لا وكأن هو يشوفني

رهبار : يولي انا شجاي ارطن تعاي فتحيلي الباب

ريفان : تقربت من الباب وانا خايفه وصلت يمه وانا متردده

رهبار : اردف بحده هامس ، ررريفان

ريفان : من خوفي منه تقدمت خليت ايدي ع القفل
وفتحت الباب اول ما سمع صوت القفل
انفتح الباب بقوه وما حسيت الا ايدي
انسحبت بسرعه واصطدمت بصدره بقوه
شهكت بخوف مرعوبه من هاي الموجه الي
اقتحمتني بس هو اسرع مني
حط ايده ع حلكي وايد الثانيه حطها ع خصري ورفعني شالني ومشى بيه فوك

انا احس دكات كلبي صارت الف
يدك بقوه احسه بسباق مارثون
ظهري صاير ع صدره وهو محتضني بقوه داخل حضنه
ويصعد الدرج بخفه كان شايل بيده عصفور مو بشر وسرعه خطواته يعبر بايتين سوا

عيوني فاتحتهن ع وسعهن من الصدمه الي
اشجتاحتني خلال هاي الثواني
شلون صار وشوكت ماعرف هي كلها ثواني قصيره
بس هو استغلها واستغل فهاوتي
لصالحه ..

وصل لباب الغرفه دفره برجله ودخل شمرني ع السرير
انا من وكفت مفزوعه هو عاط بيه

رهبار : بحده ، اياااااج دكومين من مكانج

ريفان : بقيت كاعده وانا خايفه
ارجف شكله يخوف ونظراته ترعبني
راح للباب قفله ورجع الي نزع قميصه وشمره ع الارض بأهمال وبقى بس بالداخلية

تقرب بتجاهي ونام بصفي وانا كاعده
بلعت ريقي وانا اناظر الجهة الكدامي وما وجهت نظراتي عليه هو حسيت نظراته اخترقتني
لان ما حجه شي بس ساكت ويتنفس بقوه
ويرجع يزفر انفاسه بقوه وترني وخوفني

ردت اردد الدعاء الي كالت عليه ماما اتذكر بس
اللهم آمن خوفي ونسيت الباقي

رهبار : اردف بهمس هادىء ، تعاي يمي

ريفان : بلعت ريقي وبقيت جامده بمكاني

رهبار : مو جاي اكلج تعاي يمي

ريفان : ايدي ع السرير ضغطت عليها بقوه ماحسيت الا ايده صارت ع ايدي
لزمها وسحبني منها بخفه وكعت عليه شهكت
بقوه ..

رهبار : بهمس هششش ما اسوي شي ما اسوي
لاتخافين

ريفان : ساكته ما احجي شي بس خايفه منه
عدلني ونومني ع ايده شعري صار ع وجهي مابعدته
جسمي يرجف وحتى ايدي ما تعيني حتى اعدل شعري

رفع ايده بهدوء وصار يبعد شعره شعره من وجهي
وبهدوء حسيت نفسي تخربط وانا بين اديه
هم مو صغيره بهل عمر بالاساس المفروض انا هسه
رحت لثاني متوسط بس لان رسبت سنه تاخرت
يعني بهيج فتره هم تتخربط المشاعر خاصه اذا شخص
اهتم بيج
بس انا ما اهتم انا خوفني منه لكن مرات يحسسني
ب اشياء ماعرف شنو معناها خاصه من يكون حنين
افرح هواي افرح بهاي التصرفاته واعتبرهن رمز
الي بس هو خربهن ب افعاله الشنيعه

بعد شعري عن وجهي وانا وجهي صاير مقابل رقبته
شفته ابتلع ريقه لزمني من فكي ورفع وجهي لوجهة بس ماكدرت اعاين بعيونه

رهبار : رفعي عيونج بعيوني

ريفان : همست بصوت يادوب يسمعه ، لا

رهبار : اردف بهمس ، تخافين مني ؟

ريفان : هزيت راسي ب اي

رهبار : عض شفته بقوه وعقد حاجبه وناظرها بضيق ،
اردف بهمس وهو يلتقط كلامه بحذر ، لاتخافين مني ابد لاتخافين

ريفان : اول ما كال هيج سحبني لحضنه واحتضني بقوه داخل صدره انا بقيت فاتحه عيوني ع وسعهن
شنو هاي اول مره يسويها
اردف ب اذني

رهبار : حكج عليه بويه حكج عليه رفه

ريفان : ما استوعبت كلامه هذا رهبار لو غيره ، همست اله وانا خايفه منه ، غهباغ

رهبار : روحه

ريفان : اذيتني هواي غهباغ

رهبار : عض شفته واردف ، ماتتكررّ بويه

ريفان : همهمت بهدوء وانا وجهي بصدره صاير
استنشقت عطره طيب هاي المره مو مثل كل مره
اتنفست براحه وحسيت ب شوي من التوتر راح ونزاح

ماحسيت الا راسه صار برقبتي وهو يتنفس
وكأن هو غركان عضيت ع شفتي وانا احس
ببشواربه جككت بشرتي سريع ملت راسي عليه هاي حركتي ادل ع انزعاجي من نغزات شواربه هو افتح ماحسيت الا وهو رفع راسه مني

رهبار : ظهرت منه قهقهة خفيفه ناظرها بنظرات حلوه
وبعدها تقرب عضها من خدها

ريفان : اوي غهباغ لاتعضني هيج

رهبار : ابتسم ، كيكه بويه كيكه

ريفان : كدر يحصل مني استجابه وابتسمت بخفه
عاد هو جعصني بحضنه واردف بتنهيده

رهبار : ااخخ يا البال الي مدوهن بيهم ..

ريفان : رفعت راسي اله وهمست ، شنو ؟

رهبار : نامي نامي الباجر راح تشتغل الغاره ويصير هجوم

ريفان : هاا

رهبار : ضربها بخفه ع راسها وضحك ، فاهيه نامي

ريفان : ابتسمت ع ضحكته غمضت عيوني ونمت ...

ما كعدت الا ع صوت صياح عالي فزيت من نومي حسيت نفسي مقيده بين اديه هو كعد منزعج من مصدر الصوت فاتح تك عيني

اردف بتأكيد ..

رهبار : ها بويه كتلج راح تشتغل الغاره ويصير هجوم هل تشوفيها اشتغلت

ريفان : يا يقصد ماما نسمعت صوتها تصيح عاد هو وكف ع طوله لبسه التيشيرت وطلع برى
يصيح وهو ينزل من الدرج

رهبار : خير حجيه تصيحين من صباحيه الله

ريفان : عاد انا هم طلعت ورى امشي بهدوء وكفت
ع نص الدرج وانا اناظرهم

اردفت بعصبيه
الحجيه : شششلون تااااخذها هااا انا شحجييييت وياك

رهبار : حجيه ما سويت الها شي هسه صيحيها واسألها اذا انا مسوي الها شي اولا

الحجيه : ما اااصدك

رهبار : جا انطري ، اردف بصوت عالي ، رررريفااان
تعاي

ريفان : ساعه السوده الي اجت بيها ريفان ، ضربت جبيني ونزلت طايره وكفت كدام ماما وبينه مسافه
هي تناظرني بشك وهي ادور ع شي اثر برقبتي
من ما شافت شي سألتني

الحجيه : بشك ، سوه الج شي

ريفان : هزيت راسي سريع ، لا

الحجيه : اردفت بحذر ، اكيد ؟ كولي يمه لاتخافين انا يمج

ريفان : همست بهدوء ، لا والله ماما ماسوه الي اي شي

رهبار : هااا حجيه تاكدتي من كلامي

الحجيه : ديربالك بعد تكررها رهبار أحذرك

رهبار : همهم بهدوء وتركهم ورجع صعد بدون ما ينطق اي حرف

ريفان : ماما سكتت وانا هم سكتت ، بيوم انا احس شي غريب يصير بيه بس ما اهتميت اله
بقيت ساكته الا ان حسيت بشي بقيت متصنمه مثل الجماد بمكاني كاعده ع الارض ثواني يلا استوعبت
وكفت سريع مثل المفزوعه ورحت للحمام
انصدمت وانا اشوف كدامي ...

>________<

سيلينا : هو كال هيج لو حسيت كلبي وكع وصار بيدي من الفشله ردت انهزم منه اول ما مشيت خطوه
عثرت ووكعت ع وجهي اسمعه يصيح ..

دابر : الله الله يواش يابويه شجرالج

سيلينا : من الفشله دمعو عيوني وحسيت رجليه صارت تأذيني لان وكعت عليهن واديه تشخطن من الوكعه
ردت اكوم ورجعت وكعت

دابر : تهدي يابويه مو هيج شو انطيني ايدك اكومج

سيلينا : انا اريد انهزم منه من الفشله وهذا يكول
انطيني ايدج شنو يريد يتقدملي معقوله شبي هذا ؟؟؟

رفعت راسي اله وانا عاقده حواجبي نترت ، شششنو تريد ايدي ماتستحي ؟

دابر : شبيج لج اريد اساعدج توكفين وين راح بالج

سيلينا : وهاي فشله ثانيه حسيت اريد الارض انشك وتبلعني اريد اختفي من كدامه
شنو هاي الفشلات الي صارت الي وهاي اول مره اشوفه
وهيج صار بيه اذا ابقى يمه هنا يطشر العرض

راد يساعدني بس انا ماقبلت وكفت ع طولي بصعوبه
وانا عاقده حواجبي مشيت اعرج وما حجيت شي
يكفي فشلات صارت الحد الان

دابر : ضرب كفه بكفه الثانيه واردف ، خبال اي والله

سيلينا : ما اهتميت اله ، عفته ودخلت البيت هذا منين طلع الي شكد مليق
دخلت للبيت وانا اعرج تلكتني ماما تسأل كلت الها وكعت وما كلت الها عن الي صار

صارت دنيا اليل والبيت هوسه عاد ماما كالت
امشن نروح لبيت خالتج وداد هنا قريبه هي خالتي وداد هم ساكنه هنا بالريف وبنفس الشارع
عاد نحن ما كلنا لا لان هنا البيت ولا ينكعد بي
من الناس الهواي
مشينا نحن وماما ورحنا لبيت خالتي
بعد السلام الحار كعدنا سوا نحجي وحده تعرف عن اخبار الثانيه الى ان طكتنا الجوعه

عاد كمنا انا وبنت خالتي نسوي اكل نواشف كعدت اسوي الزلاطه وانا احجي وياها
وهي تجاوبني

سيلينا : ما كملتي عاد ولج متت جوع

سيرين : اردفت بضحكه ، اي شبيج فضحتينا اصبري

سيلينا : ولج جوعااااانه

سيرين : عزه لج صبري قابل طاير الاكل

سيلينا : غمضت عيوني وهمست ، اوف هت اكو شي احلى من الاكل

سيرين : ليش ماكو طبعا اكو

سيلينا : دطيري لج ماكو اي شي احلى من الاكل
هو سر السعاده عندي لوو يحطوني بالثلاجة
احس روحي بقصر

سيرين : ضحكت بصوت عالي اثر كلامها ، هاي شنو ماتوقعتج تحبين الاكل هيج

سيلينا : لج غير هو سر سعادتي

سيرين : ديلا ام سر السعاده كومي طلعي خبز
كملت

سيلينا : هزيت ايدي ، لج انتِ شمفهمج بعلاقتي ويه الاكل فايخه انتِ
رحت للحافظه مال خبز ردت اطلع بس مالكيت
ضربت جبيني ورجعت الها اصيح .

لجج سيرين العووبه ماعدكم خبز هسسسع ع كولت دهليز شلون ناكل ؟

سيرين : هسع ؟ شنو يعني ومنو دهليز

سيلينا : هسع يعني هسه بس هاي اهل الغربيه يكولوها ودهليز تصير صديقتي بالمدرسه وعلاقتنا قويه وهم ويانه ريفانه نحن الثلاثي المرح

سيرين : اهاا كلتي هيج جا خوش

سيلينا : هسه شلون ناكل ؟

سيرين : ماعرف

سيلينا : زين نروح نجيب من بيت عمه ؟ اكيد هسه الناس خفت

سيرين : ماعرف نكول ل امي وامج

سيلينا : اي اكيد ، رحت كلت الهن ان مراح نتأخر وهو بنفس الفرع
انا ببيت خالتي ما البس حجاب وخاصه لسه بعدني مامتعوده عليه ولبسته علمود ريفان ف مالبست حجاب وطلعت انا وسيرين نمشي بالشارع اظلم وبس ع ضوه الايتات بيدنا ( مصباح اليدوي ) ونحن نمشي بشارع بحذر

هناك وسمعنا صوت كلاب انا من خوفي وتوتر جمدت بمكاني خايفه من الصوت الكلاب
وسيرين هم جبانه بس تصيح عليه حتى ما تخاف اكثر

سيرين : لج امشي سيلي امشي هسه يجن الكلاب علينا وياكلنه

سيلينا : فزيت بفزع هااا شنووو يجن ياكلنا مو عزه بعينج كله بسببج وبسبب خبزج

ردنا نمشي وصار حسهن قريب منه يعني بدن يتقربن
من يمنه انا هنا نقطه دم ما بقت بجسمي
اريد اركض نوب رجليه ما يعينني
شلون الشخص الي صلبو بمكانه هاي انا هيج حالتي صارت سيرين كدامي صايره

وماحسيت الا صار شي مثل الشبح كدامي وهو يطيرر بالهوى انا صرخت بصوت عالي
فجأة من ورى أنسحبت من ايدي بقوه ونضربت بصدر شخص وتقيدت بين اديه ...

___________

دهليز : حياتنا صارت احلى من اول ما رجعت كيناز
للبيت صار الوضع أهدأ وكلها فرحانه
ومااندحك غير بس السعاده

مره طلعها انا وكيناز للسوك واصرت الا تاخذني وياها
ف انا لبست ملابسي ورحت وياها اول ما طلعنا من البيت دانمشي فجأة صارت سياره كدامنه رادت تضربنا
نحن انفزعنا سريع كيناز سحبتني من ايدي
واحتضنتني بين اديها بخوف

فجأة انفتح باب السياره ونزل واحد يركض بتجاهنا
يصيح ..

_ بويه خما صار بيكم شي

دهليز : انا بحضن اختي خايفه رفعت راسي ادحك عليه شلون يدحك بكيناز ويسألها ب اهتمام
انا عفت للموقف وبقيت ادحك ع الموقف الي كدامي
ابتعدت من حضنها وهم يحجون سوا وهي ردت عليه

كيناز : لا خويه ما صار بينه شي

_ متأكدين بويه ما صار شي اخاف تأذيتن

كيناز : هزت راسها واردفت ، لا لا تسلم خويه ما صار بينه شي

_ اعتذر منجن ما حسيت الا وانتن طالعات كدامي
وصار الي صار

كيناز : اردفت بخجل من نظراته الطيفه ، لا ماصار شي انسى نحن هم نعتذر

_ جا اذا هيج الحمد الله ماصار شي ، اعتذر مره ثانيه تحبون اوصلكم لمكان

كيناز : رفعت ايدها واردفت بنفي ، لا تسلم ماكو داعي

دهليز : برغم الحادث الي راد يصير بس هذا الموقف الي ادحكه كدامي خلاني اسرح بيهم اثنينهم
طريقه كلامهم اهي خجلها وهو و طريقتو بالكلام و اهتمامو خلاني األف سيناريو براسي
وارسم أشكال براسي ابتسمت وانا ادحك عليهم
شلون خدودها صايرات طماطه

سريع لتفتت عليه تريد تحجي حتى نروح ودحكتني ابتسم بوجها هي خزرتني وجرتني وراها بعد ما
استأذنوا من بعض هم حتى نسوني انا هين يمهم
عجل شنهو هذا الموقف الي يطير العقل

كيناز : بسسس تتبسمين شجاج

دهليز : هسع شنو حرام اتبسم شنو هاي

كيناز : اي بطلي لاتتبسمين قبل شوي ردنا نروح تحتو وهسع تتبسمين

دهليز : بكيفي يولي شجاج

كيناز : خلاص انسي بس سدي الحلكج

دهليز : من بعد هذا الموقف صرت اشوفو ع طول يوكف بالباب ومن اطلع يدحك ع بابنه
صرت متأكده كيناز هي ببالو صارت وكل يوم
يدحك الباب ع امل يدحكها وهي طالعه بس هي ماتتطلع هواي

ورى فتره ماهجسنا الا وباب البيت يندك
رحت فتحتو دحكت نسوان اثنين وبينه وبنيه بعمر كيناز تقريبا رحبت بيهن ودخلتهن جوه
عاد مااما دخلت يمهم ورى فتره طلعوا

دخلت ماما و ع وجها ابتسامه سألناها، خير ماما شكو
شنو ؟

ام عمر : ابتسمت ، اجوي يخطبون

دهليز : اردفت بفرح ، منو منو ؟

ام عمر : لتفتت ع كيناز وهمست بفرح ، كيناز

دهليز : ضحكت والله

ام عمر : والله

كيناز : بهلع ، شنو كلتي يمه شتحجين انتِ اي زواج اي بطيخ هذا ؟

ام عمر : بصدمه ، شبيج يمه شجرالج
هاي يمه جيرانه هي الي اجت وطلبتج لابنها الجبير

دهليز : ماما عوفج منها وكولي شنو اسمه ومعلومات عنه

ام عمر : وهي عيونها ع كيناز اردفت ، يمه ابنها البجر ( الكبير ) اسمه أديب وهو عنده بس اخ أصغر منو بالكليه واخت وحده وابو وامو ساكنين عائلتهم صغيره
وماعندو شي عين الله ترعاه

دهليز : بفرح ، ماما تقصدين هذول الي يمنه

ام عمر : اي يمه

دهليز : عررررفت ، اردفت بفرح جان ماما تعيط بيه

ام عمر : شنهو الي عرفتي

دهليز : عضيت لساني هيج ماما هيج ، شكد فرحت يعني هو حب اختي من اول خبطه سياره وحادث
اوي حبيتو مبين عليه الأخلاق اسم ع مسمى
أديب..

كيناز : ماما مستحيل اتزوج بعد من جديد الي صار قبل يخليني انسى شي اسمو رجال بحياتي

دهليز : كعدت ماما فوك الساعه وهي تقنع بيها الا ان شافتها شوي لانت عاد هي فجرتها بشي ما جنه حاسبين حسابو

كيناز : ماما واطفالي يعرفون عندي أطفال وانا مُطلقه ؟

دهليز : صفنه من جديد وماما اهجسها انضربت ع راسها

ام عمر : لا يمه شلون نسيت هل نسوه

كيناز : ابتسمت ، عجل شفتي اكيد من يعرفوني انا مُطلقه وعندي اطفال تؤام اكيد راح يرفضوا هم من يمهم وما اندحك طولهم من جديد

دهليز : ماما بقت صافنه

كيناز : شنو الي ناويتو ؟ اكيد ما راح تضمين هذا الشي !

ام عمر : لا يمه شنضم هسع اتصل ع المره واكول الها
ان اقتنعوا هلا بيهم

كيناز : وان ما اقتنعوا

ام عمر : يمه انتِ مانج حمل فوك راسنه انتِ بنيتي ان ما شالتج الكاع تشيلج عيوني عجل شعندي انا غيرجن
ان رفضو مايهمنه يمه

دهليز : كيناز احتضنت ماما وصارت تبجي عرفتها لاختي شكثر متأذيه وخاصه هي اطلكت من زوجها الاولاني بسبب عمليتها وهي متخوفه اكثر بهذا الشي

كيناز : ابتعد عن امها واردفت ، ماما ااذا قبلو ، ف انا اريد قبل العقد احجي ويا تاشوف شلون يكون جوابو

ام عمر : صار يمه بعيوني

دهليز : وفعلا ماما اتصلت ب ام أديب وخبرتها بالأطفال وهي المره كالت نرد الكم الجواب يومين وهم اختفوا هين خابت ضنونه وانو فعلا ماراغبين هذا الزواج هين مو بس امال ماما خابت لا
حتى صارت تتوهس ع كيناز تخاف لا تسوي بحالها شي
من القهر

ورى يومين اتصلو اول مافتحت الخط ماما
ابتسمت واردفت من عيوني بس نريدو لاديب بشغله خلي يمر العصر علمود كلام ويكون ب ارادتو

دهليز : مافهمنا شي من كلامها اول ما سدت الخط هجمنا عليها عاد بلغتنا ان هم قبلو وماعدهم اي اعتراض وحتى الاطفال تربيهم عدها ماعدهم مانع

هين لتفت ع كيناز هجستها ارتاحيت بحضنها أسر باسته وهي فرحانه لكن بعيونها هم حزرتو بحزتها الله يعينها ع مابلاها

العصر اندك الباب راح اخوي فتحو ودخلو نحن عارفين
هذا أديب عبن كيناز رايدتو بسالفه بس يضل لباب مفتوح عليهم ومايتسكر

كيناز : ها ماما شنو

ام عمر : يلا دخلي يمه وخلي الباب مفتوح

كيناز : صار يمه ... لبست حجابي وبدون اي مكياج بوجهي مالي خلكو اخذت العصير بيدي ودخلت شفتو كاعد وهو منزل راسو اول ما هجس احد دخل رفع راسو شافني ابتسم بهدوء بس ابتسامتو بيها كميه فرح ماشايفتو من قبل

أديب : هلا بيج بويه وعليكم السلام

كيناز : فد فشلت من يمي لان من دخلت ما سلمت حاولت احسن الموقف بس ما تحسن
الا ان شفتو ضحك بصوتو

أديب : شبيج بويه انا ما اكل بشر تعاي جاي عليش كاعده غاد

كيناز : فعلا بينه مسافه مترين حتى لو حجيت مايسمع كلامي وخاصه الموضوع الي رايدتو بي حيل محرج
تقربت يمو وخليت مسافه بيني وبينو متر

انا مرتبكه واديه جعصتهن كثر ما محرجه من الموقف
عضيت شفتي من تكلم

أديب : كالو رايدتني بسالوفه كولي بويه شنهو الي
تردين دكولينه

كيناز : سحبت نفسي وحاولت اوازن دكات كلبي المزعجه من الخوف والتوتر بسبب الموقف الي انا بي هسع اردفت بتوتر وانا ادحك اصابعي

دحك ..

أديب : يابعد كل من كال دحك ، كولي بويه ..

كيناز : صخنت من كلامو وربطو للساني هسع هذا شلون انا احجي ويا ، همست ، حباب خليني احجي لاتخجلني

أديب: اردف بضحكه ، سكتت بويه كولي ..

كيناز : عضيت شفتي بقوه وانا مستحيه وخجلانه
من الموقف سحبت نفس وكتيتهن كت بوجهو

انا جان بيه سرطان الثدي وبسببو اجرولي عمليه
وكصو صدري ..

ماهجست غير بس السكوت رفعت راسي وانا ميته
خوف وخجل منو ماتوقعت راح يكون جوابو
بهذا الشكل ابد ابد ..

___________

للحكايا بقايا ♡

ضيفو الانستا قلبي ..