رواية دجن الضليع الفصل الرابع وثلاثون 34 - بقلم رهف علي

نبدأ بذكر الله ﷽💛✨

مُتابعه للحساب قبل القراءة akyta_98
للتواصل ع حساب الانستا عيوني akyta_98

اخ لو گلبّي
مثل ذيچ الگلوبّ
الما يمضّ
بيها الفراگ
شفايّت الها
توادِع وما تنكسِر .!

______________

سيلينا : اعاين ع الكدامي وأنا مصدومه هاي شنو
لتفتت ع دابر هو هم مثلي صافن
رجعت نظري ع الكدامي إخوانه خمستهم واكفين
النا بنص الطريق وسادين علينا الباب
مال البيت الداخلي وهم متخصرين النا عاقدين
حواجبهم ويخزرون بينا بقيت فاتحه حلكي
يااا هذول شبيهم هو منا احنه تعبانين من الطريق
نوب هم كدامنه صاروا خلونا مبهوتين

دابر : هز راسه ، شكو ؟؟؟

سعود : وين جنتو ؟؟

دابر : اردف بهدوء ، بالاهواز خير ؟

سعود : هاااا والله خوووش طالع تتونس انتِ ومرتك وماخذ اختها وياها

دابر : عقد حاجبه ، اي وشنو يعني واذا تونست وسافرنا ؟؟ شنو يعني انقلبت الدنيا وانا ما اعرف ؟؟؟

سعود : هز رايده ، انتَ شووو صاير تمشي ورى
مرتك واهلها مثل الأعمى  شبيييييك وينه اخويه
ليكون مسويلك شي اشو ماعرف شلون صاير

دابر: هسسه لان طلعت سافرت كلتو بيه شي ومثل الأعمى خويه ثمن كلامج الكدامك مو جاهل صغير
شنو هذا تصرفكم موكفينا كدام الباب ومسوين
تحقيق وياي والله شنو ليش ماخذ مرتك واختها بسفره
شكوووو خير شنو دخلكم بالموضوع

سعود : صاح بصوت ، اخوووووي المفروض من تروح
سفررره تتونس بييهااا بدال ما تاخذ اخت مرتك
كول عندي اخت اخذهااا بدال مرتي
لو هاي هم يحتاج الها تفكير

سيلينا : اطرافي ثلجن الموقف ابد ما توقعته يعني
احس كلهم صاروا ضده بس هو الوحده
صاروا مثل المفترسين واحد يعلى والثاني يكبس
يتخازرون ويا ويصيحون عليه
وهو يرد عليهم بهدوء يغيضهم اكثر ثاوا عليه وصاحو بوجهة

دابر : هسسه اريد افهم هاي الهوسه كلها لان رحت
انا ومرتي موو اي اعرف اكو منو يحش براسكم
شلون رحنه نتونس اريد افهم انا ما رايح ل أفريقيا
هاي وين إيران كلمن يكدر ياخذ مرته ويروح معتب انا لو سألت وين رحتوا وانا سبق وانطيتكم خبر رايح
للاهواز بعد شكو وهي
مو بعيده ممنوع واحد يحجي حجي طالع نااازل
واذا ع اختي ف هي ما عندها جواز سفر شلون أخذها
تهررريب ؟؟؟ شلون بله فهمنيي واختها ل سيلينا عندها جواز لا أحد يدخل بيه وبحياتي مثل ما انا ما
ادخل بيكم ويحياتكم

سيلينا : مستمرين يخزرون عبالك عدوهم مو اخوهم
سحبني من ايدي ودخلنا من بينهم خلاها تعلك
للستار تركهم نارهم تاكل حطبهم هذا وهذا يتصايحون
اول ما دخلنا لكيت أمنه ونهى واكفات كدامنه ومعاجبهن الوضع عاط بيهن دابر

دابر : تعاالن بعد اخذذن كف خيرررر!!!

سيلينا : عافني وراحن احنه هم دخلنا للغرفه وسدينه الباب شكد جان مزاجنا حلو بس خربوا بتصرفاتهم
ماعرف لشنو يريدون يوصلون استغفر الله
سبحنه زلنا التعب عن أجسادنا ونمنا

استمرت الايام تمر بس ابد ما تنطاق
ع اتفه سبب يتعاركن وياي ماعرف بشنو ماذيتهن
بله أمنه نعرف ليش بسبب اختها نور
رادوا دابر الها زين نهى شبيها والله ما مأذيه وحده منهن ودائما اتجنب المشاكل اكمل شغلي وانا ساكته
برغم انا فد وحده عصبيه وروحي تصير
بطرف خشمي بس تصير وياي مشكله سريع
انفعل واتعارك بس علمود دابر ساكته
يرجع خطيه من الشغل تعبان نوب ازيدها عليه
صرت كل مشكله تصير او كلام ما انقله اله
وهو من يرجع استقبله بالوجه الحلو والمبتسم
حتى ما يمل نوب حتى الرجال يطفر مني بسببهم

بكل مشكله تصير او عركه وانا المظلومه بيها
دائما اردد الصبر ياراعي الصبر
من توصل عندي لأقصى حالاتي واتعب
ألجأ الربي اكعد الزم القرآن واقرا لو اصلي
مرات تلزمني البجيه وابجي ماما
دائما تصبرني نوبات تلومني ونوبات توكف وياي
وهذا الي مصبرني كلامها الي كله طاقه ايجابيه
جانت دكول اليه ..

ام سيلينا : يا ماما اصبري الصبر مفتاح الفرج
شكد ما انتِ هسه متضايقه ربج يفرجها
عليج بعدين مادام انتِ صاحبه الحق ومظلومه
الله وياج ع طول يكول نام مظلوم ولا تنام ظالم
ع الاقل الله راح ياخذ حقك منهم سواء
من الدينا او بالاخره لو يمر دهر ياخذه يعني ياخذه
كوني قويه انتِ بنيتي القويه راح
تصبر ع بلاء ربها

سيلينا : وبكلامها اتخذه قوه ومصدر قوه الي
واستمر بحياتي
دابر مل من الوضع كلها عازله وهو باقي يصرف ع البيت ومع هذا كلها ع اساس عازله بس ياكلون
ولا كأن عازلين
شاف الوضع كلش طلع عن حده
صار عصبي وكال اليوم اجمعهم وخلي شنو يصير  يصير ...

سيلينا: ع كيفك وياهم حبيبي ماتعرف نوب يصيرون ضدك

دابر : هم اساسا ضدي يايوم صاروا وياي عبالك عدوهم مو اخوهم

سيلينا : ميخالف يبقون اخوتك لا تتعارك وياهم

دابر : يصير خير

سيلينا : كالها وسكت عاد باليل اجتمع بيهم بالديوانية
واحنه برى بس هم جوه
بلاول دابر صوته هو الي واضح بده يحجي وياهم واحنه نسمع مادخلنا يمهم لان بس الولد
جوه ..

دابر : بس فهموني انا شكم دوب ادفع مصروف البيت
وانتو كلكم عازلين وانا الوحيد الي مامستفاد
شي اصرف بدون ما واحد منكم كال هذا البيت
يريد مصروف ولازم اصرف عليه
شنو عبالكم بس انا الرجال الي بالبيت
يا تدفعون كلكم سوه ونرجع نتعاون ياا اشيل ايدي عن البيت وماعليه بي

سعد : احنه عادي ندفع بس الي مايدفع مصرف للبيت
هو سعود والي ما تخلي هي مرته أمنه

سيلينا : هو كال هيج وأمنه انفزعت عبالك
انتلت بالكهرباء جانت لابسه دشداشه نص ردن
ولبسها ما يرضي الله حتى انا خجلت شلون هيج تلبس برى اذا احد شافها بس هي ما اكتفت
فتحت الباب ودخلت للديوانية وكل الولد موجودين
جوه يبووو وقتها صار المصايح بفلس

أمنه : شنووو عيني شنو هذا الكلام الي سمعته
شنو أمنه ما تخلي زوجها يدفع شبي هو ماعنده
السان ويحجي

سعد : جا انا مجذب

سعود : سسسسسعد

سعد : خير

سعود : سد حلكك

أمنه: انتَ مو رجلي ما تحجي شبيك هيج ساكت
شلون تسمح الهم يحجون ع مرتك وانتَ كاعد

دابر : يامره بلاول احشمي نفسج شلون تدخلين ع الديوانيه هيج واحنه بس ولد كاعدين بله جان يمنه
احد من جماعتنا او اقاربنا خطار وهيج شاف حالتج
شني بويه ماتستحين

سيلينا : أمنه انفجرت عليه وصارت تصيح عاد هو
طكت روحه وكف بنصهم الباب جان مفتوح بقى مفتوح
لان من دخلت ما سدته وراها
هو وكف بالنص وصار يحجي بس شنو انا من يمي
تفشلت وطبيت بنص ملابسي

دابر : انااا اعرف ليش هيج انتِ جاي تسوين وليش
هيج جاي تحرضين اخوي عليه و ع سيلي
من يوم الي تزوجت وانتِ حاطه دابج ويه دابها
عبالج انا ما اعرف ونوب مرتي الفطيره ماتحجي شي
عبالج انا ما اعرف شبيها بس كل هذا انا ساكت
عنه واكول راح يتصلح الوضع بس كل ما اشوفه يزيد عن حده اكثر
واعرف ليش جاي تسوين

أمنه : لابله واانااا شعليه بمرتك شنو دابي من دابها شعليه انااا وبعدين شنو تعرف شبيك

دابر : جااا شعبالج اعرف الي جاي تسوي وكل هاي الهوسه بس حتى تريديني اطلك سيلي علمود اختج

أمنه: شهكت وضربت ع صدرها ، يااااا واناا شعليه
شنو مصلحتي اذا خليتك اطلكهاااا بعدين
شعليهااا اختي بيكم

دابر : تردين اتزوجهااا من الاول انتو نابشيلي عليها
حتى اتزوجها بس انا حسبتها صح وأخذت الي استاهلها
ماتسوه اظفرهااا

أمنه: صاحت بصوت من حركتها ، شنوووو اختي ميته عليك حتى تتزوجها اشووو الف واحد يتمناااهاااا انتَ شنوووو

دابر : خااايبه لاتخليني اطلع خياساتها كدااام الولد
اذا ماتعرفين او ناسيه ما تتذكرين او هيَ ما كالت الج شنو سووووت ف انا اكول الج ، بفتره الخطوبه
من خطبت سيلي هي نبشت الي صارت ادزلي
رسائل وصور الها تغريني بيها وشمرت نفسهاا
عليه حتى اتزوجهاااا
واطلك سليينااا واتزوجهااا وتحجي وياي كله بالقلم
العريض حتى شنو تلبس دكوله الي
وخليها اكولها الج اختج كله تلبس وردي ام الوردي ..

سيلينا : شدت حرب ويه دابر وكلها وكفت ضده
وصارت عركه للستار حتى خفت لا دابر يروح بيها
او كلهم يصيرون ضده ويضربو لهل درجه خفت
اخر شي عافهم وطلع وانا دخلت الغرفني وسديت الباب
خايفه لا نوب يرجعون عليه بس شنو
بيومها البيت الهوسه مالته وصلت
للستار وكلها تتصايح..

سيلينا : من صارت هاي العركه صار دابر
عناد بيهم يفتح اغاني بالغرفه دك ركص
ويصيح عليه..

دابر : كومي ركصي ولج

سيلينا : مااا عفيه والله استحي

دابر : خاب منين تستحين اشو انا رجلج
كومي لج

سيلينا : من صدك سواها شغل ساجده عبيد
وعلى الصوت سحبني لعنده جان اكو شال
ع السرير شده ع خصري وضربني ع ***
نزيت من الصدمه شلون هيج يضربني

دابر : اخخخ الله لج يلا اررركصي

سيلينا : عزززه دااابر اكو واحد هيج يضرب
وكفت كلبي شجاااك

دابر : غمز ، خوش مره الثانيه اضرب بغير مكان

سيلينا : مايفيد بيك ، وعند فد مره الا من صدك خلاني
اركص اله اعاين عليه شلون منطرب
مسوي أجواء اله الاركيله والكرزات حاطهن كدامه
الغرفه صارت محرقه كلها دخان
بس هو مامهتم مقلص عيونه ويعاين عليه شلون اركص
صدك خجلتني نظراته بس بلاول استحيت بعدين
اخذت الوضع عادي وصرت اركص
هو ترك الاركيله وكف سريع ولزمني من خصري
وصار يركص وياي ضحكت من كل كلبي
اخر شي ما تحمل شالني
عطت بي ، وووووين بعدني ما مخلصه الرقصه
دااااابرررررر

دابر : اليوم الا ***** لج ياركص ياغضب تعاااي

سيلينا : ضحكت ، وووووين

دابر : إلى مقـــــر الفاسسدين

سيلينا : ثاني يوم احنه بالمطبخ وهو ورايه
نعرف ماكو احد بالبيت وهو حاضني من ورى
واغني اله جنت اغني اله اغنيه ( ياريته بس يحضني )
وهو حاط وجهة برقبتي ويبوس بيه بهدوء
وانا منطربه ويا واسوي عصير اله
ماحسيت الا صوت ورانه ..

سعود : والله لو ندزج الملهى تغنين جان جبتي
ملايين بصوتج ونخليج ويه خالتج ساجده عبيد

سيلينا : انا التفتت عليه ماعرف شلون طلعت مني
كتله الله ويدك ع الاقل اخلص من البيت
شكال الطبخ وشكال الخبز والمشاكل
هو من سمع كلامي عفص وعقد حواجبه وراح

وصل هذا الكلام الي كاله دابر ل اخو أمنه
الجبير وطلع اخوها يعرف وساكت الخنيثه
عاد دابر حلف دين يمين بس يوصل اخوها للبيت
اطرده لان سمع حاجي عليه وهو الغلط من اخته
الخبيثه ..
نوب اخوها سوه عناد بدابر واجه من الناصريه
للعمارة بس حتى يدخل البيت بعناد دابر
بوقتها دابر هستوه راجع من الشغل
وشافه داخل البيت لو تخبل ..

دابر : هذااا شدخله للبيت انا مو كلت هذا الخنيثه
مايدخل البيت ؟؟؟؟ كلت لو ما كلت

سيلينا : صار يتعارك ويا واخر شي دابر طرده من البيت
إخوانه من عرفوا ب دابر طرد اخو أمنه من البيت
تخبلوووو وصاروا يتعاركون ويا
وحلفوا دين يمين وقسم دابر يطلع من البيت
أمنه زعلت شلون ينهان اخوها وينطرد من البيت
جان سعود من بعد ما طلعنا
صار قريب عليه
وتفل عليه انا من حركه كلبي صحت بوجهة ..

سيلينا : بسسس النااااقص والخايسسس
يتفل ع زوجه اخووو من غير سببب..
هو انا كلت هيج لو تقرب عليه والنيه نيييه ..

_________________

دهليز شعور بشع من توصل المرحله تهجس
روحي غابت عنك وانتِ متأكد
ممكن ما ترجع بعد مره ثانيه
الحياه صعبه مره حلوه ومره صعبه ومره بشعه
يوم تنطي النا نعيشه بسعاده ماممكن
نحلم بيها ويوم علينا تخلينا نهلك ومانعرف
شنو نسوي حتى تمر هاي الصعوبات
ومره تكون عنيفه بحقنه وتكون جثير بشعه
هساع انا عبرت الصعبه وعبرت الحلوه
امااا هين بهذا الوقت انا بمره بشعه جثير
وماعرف اذا راح اطلع منها واكون ب احد المرحلتين
الي تكون اهون منها ماا اعرف
الخبر الي سمعتو جان كفيل يقسم الظهر
الي انا رافعتوا بالصبر
اما هساع اهجس انقسم وصار اثنين
الجسر الي يربطوا انهدم ونا وكعت ...

هجست ألم صار ب ايدي عقدت حواجبي
وغمضت عيوني بقوه بس قوتي هي قوه عاديه
عبن ما عندي كل الحيل جسمي بأيد وماكدر
احركوا صار ضوه بعيوني هزيت راسي اريد
افتح عيوني بالقوه واسم الله يلا كدرت
افتح عيوني صفنت بالسقف انا وين ؟؟؟؟!
التفتت يمين يسار انا بغرفه بس هاي مو غرفتي
انا هاي مستشفى !!!!!
بس ليش انا هييين ؟ شنو الي صار تايجيبوني
للمستشفى!!!
بالي ماعرف وين اريد اجمع تشتتي وارجع اتذكر من
جديد بس ماذكر اي شي
هجست الباب انفتح دحكت لكيت بنت داخله ولابسه
شي طويل ابيض يعني هاي الدكتوره !
دخلت تبتسم بهدوء و ابتسامتها لطيفه

الدكتوره :- شلون الحلوه ؟؟

دهليز :- وين انا ؟؟؟

الدكتوره :- بالمستشفى وأنا دكتوره

دهليز :- رديت عليها وانا تعبانه ، شنو الي صار الي وليش انا هين

الدكتوره:- حبيبتي انتِ صارلج اربع ايام فاقده
وصلتي النا وانتِ جسد بدون روح تعبتي هواي
لا سامح الله جان انجلطتي بس خليناج للمراقبه هل ايام حتى ما تسوء حالتج وهمزين لحكوا اهلج
عليج قبل فوات الأوان

دهليز :- هي تحجي وأنا صافنه بوجهاا ، شنو جلطه شنو اربع ايام ليش هيج صار بيه انا !!!!!
نبهتت وبقيت مصدومه ، دكتوره انا ليش ماتذكر شي ؟؟؟ وليش أساسا انجلطت

الدكتوره:- عادي حبيبتي هسه تتذكرين هاي لان جنتِ طول هل ايام نايمه

دهليز ؛- هي تحجي وتذكرت اخر شي من بلغوني
بال اللهيـــــم، شهكت بصوت عالي وانفزعت
صرخت مصدومه اللهيـــــم...
ماعرف اهجس رجع انعاد عليه كل شي
وجثير تأذيت
فرفحت روحي وانا احاول اكوم من مكان وهي لازمتني
ضعيفه وجسمي تعبان ف قوتي ضعيفه
هي متحكمه بيه ولازمتي قوي
وأنا اصرخ بتعب واحجي وياهااا بس حتى تعوفني
تاروح الوووو وادحكوووو بعيوني،
عووفينييييي الله يخليييج ووول عوووفيني
اريد ااااادحك اللهيـــــم وييييينو
شصار عليه اريد حبيبي اررررريده هسااااع
ولج عوووفيني راح اموووووت الله يخليج عوفني
راح اموت، ، احجي وياها وهي تهدي بيه بس انا وين
وهي وين رادوا ينطوني ابره لو انهاريت
يعني يريدون ينوموني من جديد معناها
مايخلوني اروح لعندوا اكيد صاير بي شي
سحبت نفس احاول احجي وياها وافهمها..

الله يخليج بس ادحكوا ما اسوي شي بس
اطمن عليه هو اكيد بعدوا بالمستشفى واله جان
اجاني وأنا صارلي 4 ايام هين
بس ادحكوا اهلي ووووين... ؟؟؟

الدكتوره ؛- روحي صيحي اهلهاا كاعدين بغرفه الانتظار ، سررريع

دهليز :- اتنفس سريع وكلبي يدك بقوه
شوي ودخلوا اهلي ماما بابا اخويه كيناز
حالتهم حاله ومخطوف لونهم
اول ما وصلت يمي ماما حضنتهااا ،
مااااااماااا الله يخليج خليهم يعوفوني اريد
ادحك اللهيـــــم وينووو ليش ما اجاني
هو زين طلع من الحادث موو؟
مايحجون بس يتحمدون ب الله لان طلعت سلامات
ويبوسون بيه ماتحملت اعصابي تلفت محد
يريحني ، اللهيـــــم وينووووو

كيناز :- سحبت نفس ، هين بهاي المستشفى

دهليز : ارجف وانا اسمعها ، اي ؟

كيناز : لولو ، اللهيـــــم الهساع ما صحى

دهليز :- ها !!

كيناز : اسم الله دكتووووره شبيهههاااا ليش هيج ترجف ، ادحك شلون ترجف رجف بصوره غريبه
واغمى عليها ورى فتره كعدت بس شنو
احنه راحت روحنا عليها بس نبجي
و عيالي كل شوي واحد جاي يطمن عليها ويرجعون
يم اللهيـــــم ينتظروا يصحى
الحادث جثير مأذي مكسوره رجلو و أيدوا
والضربه جايه ع راسو لهل سبب فقدتوا ودخل غيبوبه
والدكاترة يحاولون ويا وبقى يم الله
نوب هو دخل منا المستشفى ودهليز وكعت ورى
ساعات ابقى صافنه اكول شنو هذا الحب القوي
بين هذول الاثنين معقوله اكو هيج حب
بحيث يوكعون سوا واثنينهم ايام وهم ما صاحين
اكعد ابجي ع حظهم ماتهنوا كل ما يفرحون
شوي يطلع الهم شي من جهه ويكعدر عليهم صفوا حياتهم الله يساعدهم ...
ادحك ماما كاعده تبجي وبابا يقرأ قرآن اخويه
يفتر وانا ادعي
شوي ودحكتها صحت بس تون وتبجي
ركضنا عليها .

دهليز :- بابا فدواتك اريد ادحكوا ارحموني
انا اموت هين اذا ما رحت العندوا

ابو عمر : ماشي بابا هساع ناخذج الو

ام عمر : شششلون تروح مادحكهاا شلون منتهيه
وبالكوه تحجي تريد بنتي تروح مني ماااتحمل اخسرهااا

ابو عمر :- عجل تردين تبقى هين وتموت!! خلينا
ناخذها تا ترتاح

دهليز :- ادحك ماما هز راسها رافضه بس انا مصره اريدو اهجس روحي فرفحت الو ،
تقرب اخوي واختي ساعدوني اكوم واوكف ع طولي
سندوني من الجهتين ومشوني
عبن صارلي ايام نايمه حتى المشي اهجسوا صعب
ما متوازنه و دايخه
طلعنا من الغرفه وبابا وماما ورانه
اسمع ماما تحجي وما مقتنعه حقها خايفه عليه بس انا
شيصبرني وحبيبي ماعرف عنو شي ..

وصلنا للعنايه ولكينه اهلوا كلهم ينتظرون من دحكوني كلها اجت العندي تتحمد الي بالسلامه
بس انا بالي بس يمو ، همست وينو ؟؟

أديب:- هناا بويه بس مايخلون احد يدخل

دهليز :- فدوه اريد ادخل

أديب:- والله ياخويه ما يخلون احد

دهليز :- ماتحملت بجيت ، الدكتور دحكتوا راد يدخل ولزمت بيدو اتوسل بي يدخلني
اهجس انهاريت
يمو الدكتوره الي جانت وياي بالغرفه ماعرف شنو
حجت ويا وهو هز راسو ورد عليه ..

الدكتور :- تمام تدخلين 5 دقائق بعدها تطلعين

دهليز : امسح بوجهي وانا ابتسم هزيت راسي ب اي
المهم عيوني دحكوا
لبسوني الملابس براسي ورجليه
حتى ما انقل الو اي جرثومه خاصه هو بغرفه
معقمه وكلها اجهزه
حتى ما سمحوا الي المسو دخلت للغرفه وانا ارجف
هيييين وكعدت عيوني عليه
شهكت بفزع وانا ادحكوا شلون صاير

لافين ايدو ورجلو ، وجهو الحلو الابيضاني كلو
اثار وندب مو لهيمي الي اعرفوا تقربت منو
وانا ابجي الشهكه تتطلع من أعماق كلبي
تقربت لزمت أطراف اصابعو ضغطت عليهن ..

هااا حبيبي ليش نايم هين هاي النومه مو الك
ياروحي انتَ كوم شوف حالي والله ما اتحمل
انتَ الشي الحلو بحياتي لاتاخذه مني
ياربي لاتاخذه مني اموت ورى والله
ما اكدر اعيش بدونو
لهييمي ياروحي هاي النومه مو الك

ريتني انا الي نايمه هين
ولا ادحك صاير وياك شي مو زين
عيونك خلوتي الزرقاء اريد ادحكها بعيوني
لاتحرمني منها فدوه لعمرك يروح عمري

تقربت بستو من خدو دموعي نزلت ع خدو مسحتهن
وانا اهمس الو ، ارجعلي لاتعذبني بفراكك
دهليزك تتنتظرك لا تتركها ترى وراك تنتهي تمووت ..

غمضت عيوني وانا اسمع الممرضه..

الممرضه :- لازم تتطلعين موزين تبقين اكثر

دهليز :- اامم، رجعت الو بستو من خدوا وطلعت ابجي
هم واكفين كدامي يسألوني شلونو وانا ماكدر اجاوب 
ماقبلت ارجع الغرفتي وعندت ابقى هنا
انتظره كلها صارت ضدي يخافون لا تنتكس
حالتي مره ثانيه لهذا رجعوني تحت رفضي
اصيح مابيه شي بس هم معانديني
كعدت بالغرفه انتظر بلكت يصحى هسه يصحى
ياهو يدخل للغرفه اسأله وكلها تجاوبني
نفس الشي
انهاريت يعني حالته ماتسر زين شوكت يصحى
يعني يبقى هيج !!! لشوكت والله ما اتحمل
اريد ادحك عيونو

جانت كيناز يمي هجستها شوي متوتره
بعدها اجاها اتصال وطلعت انا ماكدرت اتحمل
ولا اصبر اكثر طلعت وراها إلى أن وصلت
للمكان الي كاعدين بي
ينتظرون جانوا كلهم واكفين وكفه وحده
والدكتور  يحجي وياهم تقربت وانا ارجف
اريد اسمع شنو يكول ..

الدكتور :- راح ننتظر منا الحد 24 ساعه اذا تجاوزها وكعد معناها الحمد الله واذا ماكعد ف للأسف
أعلن عن حال ابنكم الموت السرير ( اي يعني غيبوبه طويله يمكن مايصحى منها ابد )

دهليز :- هو كال هيج وانا كعدت ع الارض رجليه ما
تعيني شنو يعني بعد ما يكعد حبيبي
دموعي صارت تنزل وحده ورى الثانيه
مامصدكه امو واختو هلكن نفسهن من البجي
والباقين يستغفرون الله ويدعون مامنتبهين
عليه وراهم انتبهوا من طلع صوت البجي مالتي
اجو عليه مفزوعين...

ابو أديب:- كولو يا الله بعد كدامنه 24 ساعه يعني
اكو امل يصحى ادعوا الها مو تبجون البجي ما يفيد
ادعوا لعل أبواب السماء مفتوحه بهاي اللحظه

دهليز :- كلامو صحيح كوموني وكعدوني ع الكرسي
سحبت القرآن وصرت اقرا خايفه ومرعوبه
روحي تاتتطلع فكره الشخص الي تحبه ممكن يموت
ب اي لحظه تخليك تنهار
حرفيا الموقف ما ينحجي ولا ينوصف جثير
صعب وما ينحمل ..
اقرا وكلنا ننتظر الي يدعي والي يقرأ والي طلع برى ماتحمل والي يفتر يروح ويرجع
ماعرف شلون اوصف حالنه بس حرفيا يصعب
ع الكافر كلنا دموعنا ع خدنه
الدكاتره كل شوي يدخلون يدحكون مؤشرات
ويتعابون حالته ماتركوا ولو شوي
يخافون لا يصير شي
وهمَ هم منتظرين تنتهي الفتره الي انطوها النا
حتى يحسمون كلامهم
ويطمنونه

ماعرف شلون غفيت ع كتف دهليز راودتني احلام
هواي خلال هل غفوه بس كل الي
شفته وانتبهت اله هو اللهيـــــم جان من بين
كل هاي الهوسه والهلوسه الي بداخل الحلم
هو حبيبي جان واكف بعيد عني شوي ويبتسم
هو وعيونو الزرقاء وبشرتو الناصعه البياض
مديت ايدي الو ردت الزمو وفزيت من الحلم ع صوت
كيناز وهي تكعد بيه ، حيييل هاي شكد نايمه
وانا مو داريه بنفسي
بس الحلم الي دحكتو حيل قصير شلون نمت كل
هاي الساعات يمكن من التعب صرت اهلوس
بس بقت براسي ابتسامتو
هاي انطتني امل جثير قوي

رقبتي هجستها توجعني داحرك بيها جان يدخلون
الدكاتره للغرفه يركضون
وكفنا خايفين اهجس جسمي صار يرجف
بقوه شنو صار بي تايدخلون بهاي الطريقه
بقينا ع نار ورى فتره طلع الدكتور
كلنا حجينه بوجها خايفين ..

شبيييي اللهـــــيم !!!!؟

الدكـــــتور :- الي صـــــارت معـــــجزه ابنكم عده مرحله
الخـــــطر وهسه هو صـــــحى راح ننقله الغرفه خاصه
شوي وتكدرون تـــــشوفوا

__________________

ريفان :- مستحيل اصدك عيوني ولا اصدك نفسي
ان مٌمكن الشي الي
جنت مبتعده وانُ ما ممكن يصير هذا هو صار كدامي
احس صرت بدوامه حيل كبيره
ماعرف شلون اطلع منهااا لااا ياااربي دخيلك
مامعقوله هذا رهبااار هنا ب بغداد وكدااامي

اعاين شلون واكف هو وطوله وضخامته
لابس البس العسكري شلون محتضن
اكتافه العريضه فاتح رجليه وحاط
اديه الاثنين ورى ظهره
سلاحه بخصره ونظراته الحاده تعاين
صوته المسموع وكلامه الثاقب
رجف جسمي شجاابه البغداد ؟؟ ناسيه
هو شغله هنااا ناسيه هو ضابط وبكل مكان
يتواجد

نعادت عليه كل الذكريات بجيت اي بجيت
ماكدرت اتحمل كل القوه الي جنت بيها
راحت اول ما عاينت عليه واكف كدامي
حنيت اله موو هين هذا حب الطفوله
وحب المراهقة مو بكيفي ولا اكدر انسى
شكد حاولت بالرغم انا ويه تُليد متناسيته
لان اعرف هذا الشي حرام وحرام عليه
افكر بشخص ثاني وانا ع ذمه شخص
كل هاي الشغلات اعرفها بس مووو بيدي
يابشر موبيدي الانسان من يجرب الحب وخاصه
الحب من الصغر والمراهقه وان فتحت عيني ع هذا
الانسان يكون صعب نسيانه
مو بسهوله لا سنه ولا سنتين حتى اكدر انسى وانا ماصارلي الا قرب السنه
من تزوجت يعني ماصارلي هواي شلون انسى بسهوله
وهو هسه كدامي انا بشر مو حجر عندي مشاعر
واحساس

اعاين شلون سلم ع تُليد وابتسم بثقه كأن
ماكو شي عادي عنده معقوله عادي تزوجت
ونساني اووف شبيج ريفان بعد احسن اذا نساج
دموعي تنزل فزيت ع صوت ورايه

ام تُليد : شبيج ماما تبجين

ريفان : خفت تحس بيه او تعرف لشنو جاي ابجي ، ولا شي عمه بس شفت غهباغ وتذكغت ماما
وبجيت ..

ام تُليد : ياعيني ولج ماما لاتبجين اني امج
بعدين شكو الهسه ماطالعه اله تسلمين

ريفان : خفت ، هاا اطلع ؟

ام تٌليد : شبيج ماما هو غير بمثابه اخ وأب  الج
وربيتي ع ايده شلون ما تسلمين عليه اممشي يلا سلمي

ريفان : ابتلعت ريقي خايفه المواجهة ياربي
دخيلك اذا واجهته شنو راح يصير
راح يحجي كدامهم لو ياخذني لو يكول الهم
انا احبها وانتو اخذتوها بدون ما اعرف
كلش خايفه يارب سترك لا تخلي الأمور تخرب
اكثر من ما هي خربانه
لان حرفيا انا تعبت وماعندي القدره حتى
اتمسك اكثر..

لتفتت ع البرى ماكو توقعته راح بس سمعت
صوتهم جاي من جوه يعني دخلوا
طبعا جسمي ماكدر اسيطر عليه
من الرجيف سميت بسم الله وانا اسمع عمتي
دكول الي

ام تُليد :  ولج روحي هسه اني سوي اجيب الضيافه واجي

ريفان : اممم ، هزيت راسي ورحت وانا اتقدم خطوه وارجع خطوه
ياربي انتَ اعلم بحالي ساعدني ..
خليت ايدي ع يده الباب وفتحته هم جانوا
يسولفون فجأه انقطع الصوت بدخولي
يممممه ياربي ساعدني

رفعت راسي وهنااا وكعت عيني بعينه
جان كاعد ع التخم ساند ظهره
وبيده جكاره يدخن ايد الثانيه حاطها ع رجله الثانيه
مضيق عيونه ومركز بيه
بس نظراته كلششش تخووف ساكت والسكوت
مالته ورى عاصفه قويه
يعاين عليه بنظرات كصاني كص
لو جانت نظراته طلقه جان انا هسسه ميته
بالنجف دافنيني بصف ماما
خفت منه بس لا يسوي شي
ويورطنه ساعتها اقرا الفاتحه ع روحي
بقيت جامده بمكاني من الخوف
ماجنت متوقعه القاء راح يكون بهذا الشكل
المرعب ..

تُليد : تعالي ريفان سلمي ع رهبار اجه مخصوص
الج

ريفان : عبالي يكول شي بي خير نوب كال مخصوص
الج هلا رحتي بيها ياريفان العوبه
الله يستر
اتصنعت الابتسامه بخوف وهمست وانا بمكاني ..
شلونك غهباغ ؟؟

اشو هذا طول بنظرته قلص عيونه واردف الي

رهبار : زيـــــن بويه زيـــــن أنـــــتِ شلونج ؟

ريفان : كلامه ونبره صوته مال شخص كاعد
ع اعصابه عضيت ع شفتي من جوه
من الخوف تمنيت اطفر منا واخلص نفسي
رديت عليه بهدوء ، زينه ، رحت بصف تُليد وكعدت
رفعت راسي خزرني رجعت نزلت راسي
ماعرف شنو اسوي كاعده ع اعصابي
واحس اعصابي تلفت
رجعوا يحجون سوه وكل شوي يجيبون سيرتي
بالموضوع بس الغريب رهبار يغير الموضوع
اخر شي حجه تُليد ..

تُليد : يابه اعذرنا سوينا العرس وانتَ ملتحق
بس غير عمتي والدتك كالت من حصلنا
رهبار وهو ملتحق كال خلي يسون العرس
لان نزولي يطول خاصه الأوضاع هسه
صارت خطره وتتعرقل هواي جيتي
وخليهم يستعجلون بالعرس لان الوضع
مو امان اذا ما تزوجوا هسه مايتزوجون
بعدين وهاي الأوضاع موجوده
لهذا عرسنا الحمد الله قبل لاتسوء
الأوضاع اكثر

ريفان : اعاين عليه هز رأسه بهدوء ورد عليه ..

رهبار : أي كالوا

ريفان : اعرف هو مايدري بس ليش هيج
هادىء ياربي والله خايفه من هذا الهدوء
يحجون وهو ماعلين عليه بعد
جابت عمتي لضيافه شرب بس ماي
ويحش بهل جكاير وما ملحك

تُليد : يا ابو الغيره موزين عليك هلكد تحش جكاير

رهبار : عادي ع الاقل الجكاره تسليك

تُليد : بس هيج راح تأذي صحتك

رهبار : هيَ متأذايه من زمان ليش اهتم

تُليد : اااه مادريت الضابط رهبار ع سن ورمح اكو منو ماذي

ريفان : فجأه التفت عليه وتلاقت عيونه سوه
ماعرف شلون نظر الي ثواني ورد ع تُليد

رهبار : اكو ناس كلش عزيزه بس حسافه هل ناس ماهتمت لكل هل معزه والحب وغدرت بينا

تُليد : افااا ومنو هذول

رهبار : فد ناس

ريفان : الدموع صارن بطرف عيني بالكوه متحمله
اخر شي فاجأني من طلب من تُليد هل طلب

رهبار : من رخصتك حبيب رايد احجي وياها

تُليد : اي اكيد براحتك .

ريفان : بقيت جامده يااا هذا عافنه وطلع
يمه شلون يعوفني وياااا دخيلك ربي رحت بيها
ثواني هي ثواني اول ما نسدت الباب
ماحسيت الا ايدي انجرت بقوه و وكفت ع طولي
واصطدمت بصدره شهكت بفزع هو حط ايده
ع حلكي وخازرني بقوه
قريب مني جسمي صار ملاصق لجسمه
قصيره ومنزل نفسه الي
يتنفس بقوه وعيوني بعيوني
انا ما سيطرت ع نفسي وبجيت ..
هو ضغط ع حلكي بقوه ب ايده

كز ع اسنانه واردف بقوه وهو خازرها

رهبار : تبجججججين مووو لج شكد جنت
اقنع بنفسي واكول مسستحيل تسويهاا
كلت هاي ترباااات ايدك ماتتطعن بظهرك ولا
تأذيك راح تنتظرك ترجع وتحل كل الي صار
وجنت مستعد ارجع واحل كل الي صار
بسسس نهزيت هز من اتصلت بيييييه امي
دكلي الحك ريفان تزوووج وبعنااادك
لج مااصدكت ماااصدككككت
سبيت وغلطت وانا احاجيها ع الجهاز حتى جذبتها
كتلها انتِ جذابه تردين تخربين حياتي وتخليني
اكرهها لاتخليني اكرهج اكثر يمه
بسسس ماجنت متوقع كلامهااا صحيح وتزوجتي
لج شكلتي النفسج اذا رجع وما لكاني شنو اسسسسوي
هاااا شكلتي النفسسسج

تدرين بشنو حسسسيت هاااا !!!
لج انتِ حطيتي سجينتج بنص كلبي وشكيتي

عبالج افوووتهااا الج لا ومحمد
راح تردين الي والايام تثبتلج منو رهباااار
ابن يامن

ريفان : يحجي وهو صاك ع اسنانه كلش خوفني
حتى ما خلاني احجي ساد حلكي بيده
اخر شي دفعني وطلع اسمعه برى يسلم
بعدها راح اختفى
وانا بمكاني باقيه ارجف وابجي
من دخل تُليد شافني ابجي سألني شكد
ماردت اكول اله شي بس كتله اشتاقيت الماما
هو يسكت بيه
خوفني تهديده معقوله يسوي بيه شي
اوف ربي

مرت الايام وصرت اداوم بالمدرسه
الي قريبه ع تُليد
وهو صار يرجعني ويا ومرات بالخط
بس كثر السفرات الي جنت اسافرها انا ويا
تركت الدراسه اعرف هل شي غلط مني
بس عود كلت ادرس خارجي احسن
من تمر فتره
لان بكل الاحوال ماكدر ادرس
واحنه صرنا نسافر هواي بحيث تُليد كل ماتصير
عنده سفره ياخذني ويا
وانا هم عاجبني الوضع
كلش تونست بحياتي ويا

اسمع منه رهبار يتواصل ويا
ومن سألني ليش ماتردين تروحين البيت
اهلج انا حجيت اله كل شي صار وياي وعن تعذيبهم
الي وحرمانهم الي بس ماحجيت عن تحرش رهبار الي بالماضي
لا خليت هذا الموضوع سر ماريد احجي
خاصه هو ويا أصدقاء
لهذا تواصله جان بس ويه رهبار
ومع هذا ما اسأله عن أي شي
بالعكس اتجنب الحديث وياه عنهم
حتى ما احن ولا ينشغل بالي وياهم

صرنا كل أسبوع انروح للنجف ونزور ماما
مابعدوني عنها ابد ومناك نطلع لكربلاء نبات
بيها ونزور ونرجع لبغداد.
حسيت من صدك الله عوضني بيهم
هي هاي العائله الي صبرت ونلتها

كضيت طول هاي الفتره انا ويا
نسافر نطب ونطلع من يصير عنده وقت
بحيث حتى مرات احسد نفسي
اكول من صدك الله عوضني بعد كل هذا الحرمان

مرت سنه كامله عن زواجي ويه تُليد
وبديت اميل اله وانجذب صح مانسيت رهبار
بس خلاص لازم يروح من بالي
لهذا صرت احب حنيه تُليد احب خوفه عليه
احب التزامه بدينه ويخاف الله بيه كلش
ماتوقعت بحياتي يكون شريك حياتي مثل
هيج انسان

مع كل هذا الي صار بس ماقبلت التقارب الي
هو راده شكم مره رجع فتح وياي الموضوع
بس انا شارده منه وما اقبل الشغله تخوف
وما ممكن اقتنع بيها
كاعد بالغرفه وهو دخل بس جلن ضايج
عرفت راح يفتح الموضوع من جديد
نزلت راسي وهو حجه ..

تُليد : وتالي ؟ لشوكت انا انتظر

ريفان : سكتت ماحجيت شي شافني قافله
عاف الغرفه وطلع
بقيت الوم بنفسي لشوكت ابقى هيج
لو الا ارجع لفاطمه وسوالفها
وارجع للتعذيب يلا ارتاح
ريفااان اصحي ع نفسسج
راح تخسرين انسان صانج ويحبج ويخاف عليج
فوك هذا مدللج شنو تريدين يعني معقوله
ماتضحين ولو شوي بعدين الي راح
يصير بينج وبينه مابي حرام
صح ممكن يضر بس مو حرام إذا بين الزوجين

بجيت بقله حيله الي يريده صعب عليه
واذا ما سويته هم راح يمل كم دوب
يتحملني هاي صار سنه واكثر
وهو منتظرني كافي هل مره كافي
مسحت دموعي بكف ايدي وكمت
طلعت ملابس من الكنتور
رحت سبحت ولبست القميص
جان حيل محرج البسه وهاي اول مره
اتجرأ  بس لازم اخطي هاي الخطوه
ماكو بعد تراجع ريفان ماكو
طلعت خليت مكياج خفيف كل شوي
تنزل دموعي وامسحها
سحبت نفس بقوه
وزفرته انتِ قويه وراح تعيشين حياتج اي ..

شوي وحسيت الباب انفتح دخل هو وانصدم بيه
تقرب الي وحضني من ورى
همس ب اذني ( احبج هوااي احبج )
انا بس ارجف خايفه رجع همس بهدوء ( جاهزه حبيبي ؟ ) امم..
لزمني من اكتافي صار وجهي بوجهة
قربه عليه وباسني ...

_________________________

للحكايا بقايا ♡

عُمري التنزيل بين يوم و يوم دائما اكولها بس تنسون
واذا صار الي ظرف يتحول لليوم الثاني
تمام ..

          للتواصل ع حساب الانستا 🦋🔥