رواية دجن الضليع الفصل الثالث وثلاثون 33 - بقلم رهف علي

نبدأ بذكر الله ﷽💛✨

مُتابعه للحساب قلبي akyta_98
للتواصل ع حساب الانستا akyta_98

هوَّ إنتِ مِثل السالفة الماتنگال
سِر يم فضولي ترِدله روحه حچاية
كِلّ غاية تحتاچ لوسيله وتَبرير
وإنتِ الوَسيله البررتها الغايّة
ترحين ماترحين إنتِ ويايَّ ♥️.

______________________

سيلينا : احس عقلي ما جاي يستوعب الي اشوفه
حالياُ كدامي اعاين كدامي
دابر ع السرير نايم وهي كاعده من جهته ونص جسمها فوك دابر و نص جسمه مايبين حتى وجهة مجاي اشوفه الموقف هزني هز بعمري ما توقعت هاي تكون
بهيج جرأة صرخت بصوت عالي ..

دابـــــــــــــــر...

وكأن هيَ حست غ نفسها وكفت سريع وبعدت عنه
وهو وكف فاز ع طوله نزل من السرير ويفرك
بعيونه ويعاين عليه بصدمه كأن هو ماجان ويانه اصلاً..

دابر : شبيج ؟؟؟؟

سيلينا : فتحت عيوني ع وسعهااا ، ااااناااا شبيهةةة لو هااي الي يمك لتفتت عليها وانا جسمي كله يرجف من القهر شلون تتجرأ هيج تسوي وتتقرب منه
لا والنوب جانت بحضنه صرخت بوجها ، ااااانتِ شنوو ماتستحححين شنوووو هاي الي سويتي قبل شووويه
لج ويه زوووجي وبغرفتي ما استحيتي ع نفسسسسج
ماعندج خجل ولا مستحححى

صديقه نور : انتِ شبيج تصيييحن عليه قابل انا شسويت
ماسويت شي هذا يمج دابر واسألي

سيلينا : احس صدري اشتعل بي نار لتفتت عليه هو
مصدوم مايعرف شنو صاير أيقنت وعرفت هو جان
نايم وهي دخلت عليه بدون مايدري وتقربت منه
شكله جان نايم وأنا اعرفه جان طردها من الغرفه
خاصه هو مايحبها و ع طول يحجي عليها
بس عصبيتي وغيرتي عمت عليه
عطت بوجهة ..

ااااااانتَ شلوووون تسمح الها تتقرب منك
شللللون راح اتخبل

دابر : بووويه جنت ناااايم لج فهميني شنو
الي صااار راح تخبليني ع كيفج

سيلينا : ارجف ارجف وايدي صارت لوحدها ترجف
هاي بكل موقف يصير وياي ويقهرني
ايدي ترجف بقوه حتى تنفرز عن جسمي وتكون رجفتها
اقوه ، دخخخلت للغرفه لكيتهاااا فوكاااك صديقه نور
وماعرف شنو رادت تسسسوي يمكن تبوووسك
وانتَ ناااايم ماحسيت عليهاااا ماحسيت ع قرفههههااا
وكدعت ؟؟؟؟ صرخت بيهااا يلا بعددددت عنك

دابر : بس اهدي حبيبتي اهدي ..

سيلينا : حضني من كتفي ولتفتت عليها عاط بيها

دابر : شنووو جنتي تسسسوين ؟ وشدخلج للغرفه هااا ؟؟

صديقه نور : هاا... مو....

دابر : اااااحجي

سيلينا : التموا كل الي بالبيت وصاروا يصيحون ع دابر لان يصيح عليها وهي صارت تبجي ودموع التماسيح
تنزل من عيونها الحيه..

صديقه نور : ليش ماتصدكوني مريت من الغرفه وسمعت صوت
واحد يتألم تقربت لكيت الصوت طالع من غرفه
دابر دخلت ردت اتأكد شبي ليش هيج جاي يتألم
ويأن تقربت منه وهي سيلينا دخلت للغرفه وعبالها
انا عندي شي ويااا وانا كل الي ردت اسوي اطمن عليه
لا اكثر ليش هيج تتهمني حرام عليها انا
بشنو اذيتهااا  نوب هسه طلعت انا الغلطانه من ردت اساعدكم ؟؟؟

سيلينا : فتحت عيوني ع وسعهن مصدومه منها هاي
شكد جذابه هي جانت كاعده ومتقربه تريد تبوسه
عبالك بحضنه لافت السالفه عليه وكلهم صاروا ضدي
انتِ شلون تتهميها ظلم وشلون تتجاوزين عليها
وبصفتج شنو ومن هل كلام بحيث صرت انا
المذنبه وهي صاحبه الحق

طلعوا من الغرفه وهم يتنافخون ضايجين
لان اتهمناها باطل لصديقتها النور اخت امنه وهي اساس المشكله سوت روحها
مظلومه من طلعوا سديت الباب ولتفتت عليه
لكيته كاعد ع السرير ويفرك براسه ..

بس فهمني شلون ما حسيت بيها ؟؟؟؟

دابر : لج ماااحسيت تعبااان وماحسيت بنفسي
شرفني انا اشم كفة ايدي

سيلينا : كعدت بصفه وانا روحي بخشمي
سحبني من كتفي وباسني براسي

دابر : لاتنقهرين والله ما تسوه اظفرج

سيلينا : ابتسمت بهدوء بس باقي ببالي
ماعرف شلون راح تصفى ويه هاي البنت
استغفر الله
مرت الايام وانا اسوي الي عليه ارجع الغرفتي
بس أمنه ونهى اخت دابر ماعرف شبيهم بس يحاربني
ع اتفه شي وانا منا ضايجه ومقهوره كلش
احسهم كلهم ما طايقيني حتى إخوانه
ع طول هيج

وكفت توضيت ورجعت سحبت القرآن وصرت اقرا
ماعرف ليش دموعي نزلت يمكن لان مخنوكه
ماتوقعت الزواج هيج يكون
بسببهم كرهوني حتى بنفسي عبالك يسون هيج
بس حتى يطفشوني من البيت بس ب أحلامهم
مو انا الي اتخلى عن دابر
مسحت دموعي

شغل قصيده الباسم
ابو الاحساس وصرت اسمع الها وانا اردد ويا
طبعاً كلش احب القصائد
وروحي بيها نادراً اسمع اغاني
اعاين انفتح الباب ودخل
دابر يبتسم ابتسمت ع ابتسامته باسني من خدي
ورد عليه ..

دابر : انا كتلج من قبل صوتج احبه واموت بي

سيلينا : هزيت راسي ب لا وانا اضحك

دابر : جا بويه اكولها الج صوتج يرد روحي الصبيهاا ..

سيلينا : ماتحملت نظراته حضنته وانا اضحك

دابر : عندي الج مفاجأة

سيلينا : بعدت عنه ، شنووووو

دابر : بس ماتصير مفاجأة اذا حجيت

سيلينا : لااااااا حباب والله الفضول يموتني

دابر : اويلي بويه هاي كل النسوان هيج فضوليات

سيلينا : رفعت حاجبي ، وشعرفك بكل النسوان هيج ؟

دابر : عمي اتشاااقه وياج انا شعرفني بكل النسوان هيج

سيلينا : عليننااا

دابر : جاا عليمن

سيلينا : دابررررر

دابر : وجعه بكلب عدوينج

سيلينا : يسطرك العباس والحمزه ابو الحزامين لو بس فكرت تشوف وحده غيري او تفكر تعرف وحده غيري

دابر : ضحك بصوت عالي ابوووي انتِ مكفيتني وماليه عيني مستحيل تجي وحده تاخذ مكانج شبيه الا تسودنت

سيلينا : اي خاف عبالك ماعرف ترى ااشور وحاطه عليك ابو الفضل والحمزه ابو الحزامين يسطروك
لو بس فكرت تلعب بذيلك

دابر : ياااابه يابويه اشوفج مستكويه عليه
وطالع السانج

سيلينا : شعبالك الي تتقرب من رجلي مانخلقت

دابر : ااااه هيج تحبيني

سيلينا : خجلت لهذا ردت الوف السالفه ، لا ماحبك هيج بس ماحب يتقربون ع شي يخصني

دابر : والعباس جذابه اصلاً تموتين بيه

سيلينا : شنو هاي الثقه منين جايبها

دابر : من كلبي ياكلبي انتِ بعدين واثق مثل ما اشوفج
انتِ مو بس تحبيني الا تموتين بحبي

سيلينا: اووو شكد واثق من نفسك

دابر : جاا منو طاح ع اهله وحاروا بي بالدكاتره
ومايعرفون علته شنو وتبهذل وصار حاله اشبه بالمومياء ها منو ؟؟؟ ابوي مثلاً !!!

سيلينا : وكفت ع طولي ، اووووو دابر انتَ الحجي ضايع وياك ، ردت انهزم هو سحبني لحضنه كعدني ع رجليه ويضحك بقوه

دابر : خاب اموت ع امج

سيلينا : عقدت حاجبي ، ماما شجابها بالنص ؟

دابر : لان خلفت هيج عسل مثلج

سيلينا : ضحكت عليه

دابر : و اعشك ابوج

سيلينا : ها بابا شعليه لو هم هو جابني ؟

دابر : رد بهيام ، لا اعشكه لان مالف راسه بذيج اليله ونام جان ماجابتج امج الحضني ..

سيلينا : فتحت عيوني ع وسعهن عزززززه انتَ سوالفك ع كولت ريفان فســـــفوغيه ماتسستحي

دابر : جا تعاي اشوفج شلون سوالفي تصير

سيلينا : عطت وانا اضحك ، لاااا وين ماااخذني
شالني حط ايد جوه رجليه وايد الثانيه جوه ظهري وشالني...

دابر : هيا هيا الىمـــــقر الفاســدين ..

سيلينا : مافهمت شنو يقصد بكلامه حتى ما لحكت اسأله شنو تقصد ماحسيت الا شمرني ع السرير
قيد حركتي بين اديه واخذني بقبله عميقه
سحبت انفاسي .. ماصحيت الا ثاني يوم
اسمع صوت الماي عاد كمت عدلت السرير هو طلع
ابتسمت بوجهة صبح عليه وباسني انا من خجلي منه
سحبت ملابسي ودخلت الحمام
سبحت سريع وطلعت لكيته يخلي عطر ولابس لبس
رسمي اغلب لبسه هو رسمي سواء من يروح
للدوام او لاشغل من يرجع من دوامه
وكلش يهتم ب اناقته وانا احب اناقته خاصه هو
جسمه مرتب لاسمين حيل ولا ضعيف ..

ردت اطلع اسويله ريوك بس وكفني ..

دابر : ضحك ، شنو نسيتي المفاجأة

سيلينا : عزززززه نسيتها والله

دابر : شكد فاهية

سيلينا : غير بسببببك نسيتني كل شي

دابر : غمز ، ليش شسويتلج

سيلينا: شكد يحب يخجلني ، غيرت الموضوع، كلي شنو هيَ

دابر : جهزي نفسج فيزت جوازاتنا راح نطلع سفره للاهواز

سيلينا : هو كال هيج وانا نطيت بحضنه وحضنته من الفرح بسته بخده مامصدكه ، شكررررا شكراااا

دابر : الله يقدرني ويخليني اسعدج هيج ع طول ..

سيلينا : اضحك بوجهة ودي اكله شكد احبه ياربي

دابر : تكدرين تاخذين اي واحد وياج لاتهتمين للتكاليف

سيلينا : ياربي هل رجال دمرني شكد احبه ، هزيت راسي و وافقت اتصلت ع ماما وبلغتها هي مالت اختج فرح خليها تروح كلش مخنوكه من البيت خليها شوي ترفه عن نفسها وصدك هي عندها جواز
سوه النا دابر وقررنا ثاني يوم الصبح نروح
كملت شغلي ورجعت للغرفه جهزت الجنط
وكل شي نحتاجه
طلعنا ثاني يوم للاهواز انا ويا وفرح
بقينا ثلاث ايام كلش تونست بيهن حسيت
غيرت جو وطلعت من القهر الي عايشنه بي
رفهت عن نفسي وحسيت رجعت لنشاطي
دابر فدوه اله ما خله اي شي بنفسي لا انا ولا اختي
وحتى اشترى هدايا للكل ذكرهم كلهم ومانسى اي واحد
حتى اختي واهلي
هذن ال 3 ايام احلى ايام حياتي وكلش ارتاحيت بيهن
حتى وجهنا ورد انا وياه إيران اهوازها كلش حلوه
وهواها نقي
بعد الثلاث ايام رجعنا للعراق اول ما رجعنا وصلنا اختي لبيتنا سلمت ع اهلي ورجعنا للبيت..

اول مادخلنا للبيت انصدمنااا
بقيت انا ودابر فاتحين حلكنااا واحنه نشوف
الكدامنه هاي شصاااير !!!!!!!

____________________

دهليز : اول مادخلت للغرفه وانسدت الباب
علينه انصدمت رجف جسمي وانا اهجس
انسحبت من ايدي بقوه واصطدمت بشي
وبعدها صارت حراره ع شفايفي كلبي خفكَ وصار
يدك بقوه شعور ماممكن اوصفوا جثير غريب
وحلو بنفس الوقت
الغرفه بااارده جثير بس حراره انفاسوا
سرت قشعريرة بجسمي ايدو
انمدت ع خصري طوقو ب ايدو
وايد الثانيه ماسكني من رقبتي بقوه كأن
هربانه منو ما انطاني مجال اقتحمني واسقط حصوني
هدد قيود وكسر كل حاجز مبني
لهفتو وشوقو الي تضارب لهفتي وشوقي الو
عبن واحد متلهف للثاني صح جثير مستحيه
وصح ماني مثل جرأتو عبن هو اهجسوا اختلف
عن قبل مايخطبني اهجسوا صار جريء اكثر عن
قبل لكن مامنعت نفسي عنو بالعكس
سلمت وهدمت كل حصوني ويا
ما منعتو تركتو لكن انا اهجس حتى ما اكدر اوكف ع رجليه مسكتو من ملابسو بقوه ارد اخذ قوه منو
ما انطاني مجال تمشى هو وانا صرت ارجع للورى
وما تركني صار ظهري ع باب الغرفه
هجستو ترك خصري شوي وسمعت قفل الباب
بس ما اكدر احجي شي كل شي بيه منتهي ع الأخير
رايده ابعد عنو لا اكدر ولا هو يسمح الي
قفل الباب ورجع ايدو ع خصري وقربني الصدور
كانُ يسحب انفاسو من انفاسي
ماتركني الا واحنه فوك السرير
ماهجست شكوت وصلنا هين ولا اعرف بنفسي
حتى شال ماكو ع راسي
عضيت شفتي خجلانه نزلت عيوني وانا الملم بنفسي
خربطني وما تركني بحالي ..
هو تمتت ع السرير ويأشر ع صدرو ..

اللهيـــــم: تعاي هنااا ..

دهليز : بلعت ريقي وانا خجلانه هزيت راسي ب لا وهمست الو ، لا عفيه هساع يجون

اللهيـــــم: ول يابه تعااي بحضني محد يجي انا نبهت كيناز وكلت الها ماريد مخلوق يصعد دبريها من يمج
هل نص ساعه وياي أريدها..

دهليز : ابتسمت الو ، شنو هاي صاير تتفق ويه اختي عليه

اللهيـــــم: اخخخ هي أملي الجنت عايش بي هسسه عوفينا وتعاي بحضني مشتاقلج

دهليز : هزيت راسي وانا منحرجه منو هساع شلون انام بسدو و نوب الا ع صدرو وحضنو صخنت واهجس
الحراره صارت تتطلع من اذاني تقربت عليه
هو دحكني متوتره وخجلانه سحبني من ايدي
و وكعني ع صدور نمت وحضني بقوه
انا من شميت عطور اهجس وبهذا القرب منو
طيور طارت فوكي شعور جثير حلو احس روحي
ب امانو وبسدو مة مصدكه ...
حبيبي...

اللهيـــــم: خيط النفس

دهليز : انا احبك جثير

اللهيـــــم: اموت بيج انا

دهليز : ماعرف شلون سألته بس غيرتي هي الي خلتني اسأل ، انتَ من جنت ب إيران هم ط..طلعت ..
ويه ب...بنت !!

سحب نفس قوي من شعرها واردف بهدوء
اللهيـــــم: هذا كلبي بي بس شخص واحد ولا يوم يكونون اثنين بس انتِ افهميهااا
ماصارت ولا راح اتصير ولا بيوم من الايام تفكرين
ممكن تجي الي تاخذ مكانج مستحيل هل شي
وخلال فتره الي جنت بيها ب إيران انا شفت الموت
بيها محبوبتي وكل حياتي ضاعت مني
تردين اروح ادور ع بنات واعيش وياهن لا يابويه
لساعج ماتعرف اللهيـــــم من يحب يقفل
وما تجي بعينه اي مخلوق ثاني

دهليز : اسمع كلامو وكلبي انعصر شكد تعذب
بسببي عبرت ايدي ع بطنو هو جان نايم ع ظهرو وانا راسي ع ايدو لهذا عبرتها من بطنو وحضنتو بقوه
شهكت بالبجي ماتحملت رجعت ببالي كل الذاكره
الصارت بينه سمع صوتي عصرني بحضنه وراسو
صار برقبتي يتنفس بقوه ويزفر انفاسو الحاره ..

اللهيـــــم: اشششش لاتبجين ماريد عيونج الحلوه
تبجي امووت انا من اشوفج حالتج هيج
صدكيني ما اتحمل اشوفج بهاي الحاله
الفات راح دهليزي انتِ مرتي وأم بيتي وأم أطفالي
مستحيل اتخلى عنج بعد الموت مايفرقنا
كافي بجي الخاطري

دهليز : سكتت بس الشهكه بقت بيه وهو حار شنو
سوه حتى ما اضوج ولا انقهر
وانا بالي كله يمه بس مو بيدي
صعبه ذكرياتي تلاحكني وين مارحت اهجس نفسيتي
ادمرت لو ما هو بحياتي ماجان عشت ..
ثواني سكتت بعدها سألني بهدوء ..

اللهيـــــم: سميتي ابنج ع اسمي مو

دهليز : اممم

اللهيـــــم: تدرين شصار بيه من سمعت اسم ابنج ع اسمي ردت اجي ملهوف عليج واحضنج بقوه
واكسر ضلوعج بضلوعي اريد
ادخلج بنص صدري واقفل عليج
ماتتخيلين شنو شصار بيه بقيت الوب بمكاني
لا بيه اجيج ولا بيه ابقى بمكاني وانتظر تعبتيني كلشش وحيرتيني بزماني

دهليز : رديت بهمس ، ماحبيت اسمي ع اسمك مو

اللهيـــــم: لج شنو ما حبيت لج غير ردت انجلط من الفرحه اخخ بويه هيج تحبيني وسميتي ابنج
ع اسمي

دهليز : رديت عليه بهدوء وعيوني بعيونه ، ماتتوقع شكبر حبك بكلبي يمكن تنصدم وانا أعجز عن وصفو
الك انتَ لهيمي الي انتظروا سنين حياتي
وآخرها صرت من نصيبي ماتتوقع شكثر عانيت وشكثر
حبك بكلبي كبر ..

انا احجي وهو صافن بوجهي وبعيونو نظرات
عجزت افسرهن ماكدر يعبر عن الي بداخلو الا بالفعل
اقتحم شفايفي بقوه وكأن يريد يوصل الي كلامي شنو
سوه بي وأثر

دهليز : ننزل

اللهيـــــم: كومي حبيبي كومي شكلي ماكدر اسيطر ع نفسي

دهليز : ابتسمت ، هو صدك ما يكدر يسيطر ع نفسه
اهجس اللهيـــــم الفقير طار تبدل بغيرو وكح
ومايكعد راحه كل شوي يدحك عليه ويضحك
بس شنو اثنينه فرحانين وطايرين من الفرح
نزلنا وهو ايدو ب ايدي اريد اسحب ايدي
منو وهو لازمها بقوه

دهليز : عزه حبيبي هساع يدحكونه بهل حال
اشو بعد ايدك راح نوصل

اللهيـــــم: شمسوي بايك ؟ حلالي انتِ

دهليز : ميخالف حباب

اللهيـــــم : يلا وهاي علمودج عفت ايدج

دهليز : اضحك عليه شلون عقج وجهو سريع رحت للمطبخ وهو طلع للديوانية
لكيت كيناز تنتظرني وتضحك

كيناز : ها يول

دهليز : اووو اسكتي انتِ الثانيه ماعرف شبيكم مستلميني الا تخجلوني

كيناز : غمزت ، اي عيني يلوكلج الخجل يلا تعاي
الوالده الله يسلمها ادحك وينج كلت الها بالمطبخ يمي

دهليز : اممم عجل يلا ، رحنه يمهم سوالف وضحك
بعدها تغدينا ورجعنا للبيت
ماكدر اوصف حياتي غير بس عايشه بالجنه
من كل مابيها

اللهيـــــم من رجع من ايران كان تارك دراستو
لهذا حول دراستو لهندسه نفط ورجع يدرس
من البدايه اما انا رجعت ادرس
من وين ما تركت او بالاصح من وين ما خلوني اترك
وتزوجت بشار لهذا صار الوضع يمشي عادي
والحياه مستمره ويانه وجثير حابتها هيج
حتى لو تأجل عرسنه بعد 4 سنوات
مو مشكله المهم نتزوج بعدين
المهم انا ويا اسم مرتبط ب اسم ثاني
هذا كلش كافي عندي

كالعاده اول ما اكعد من الصبح لازم نتصل
ب بعض ونصبح ع بعض وهاي انا
ادحك اسمو ع شاشه جهازي فتحت الخط وانا ابتسم
كالعاده كلمتو ما يبطلها

اللهيـــــم: نسمه روحي يابعد خيط النفس صباح الخير يابعد الخير كله ..

دهليز : صباحك حبيبي لهيمي ..
ماتبطل يعني

اللهيـــــم: وشبيه ابطل اطلع ناقص عقل يابه

دهليز : شو ادحك شنو لابس

اللهيـــــم: ضحك بصوت عالي ، اويلي الله شلون انا ويه غيرتج هاي

دهليز : لههههيمييي

اللهيـــــم: بطلنااا هاج شوفي بعيونج

دهليز : ادحك لابس كاجول والتيشيرت الي لابسه ازرق غامق بس اناا اهجس انطحنت عجل يلبس ازرق تايبينن عيونو والبنات يتغزلو بي
عطت ، والله ماتلبسسسسو هساع تنزعوو

اللهيـــــم: ههههههههه ول حبيبي شبيج

دهليز : ول وررريت كلبي ووور انزعوووو

اللهيـــــم: اويلي ع كلبج يابعد كلبي هاهي عمري
شتردين اسوي ؟

دهليز : انزع

اللهيـــــم: ضحك ، شنو حبيبي ؟

دهليز : لهييييمي اااانزع

اللهيـــــم: ههههههههه شنو انزع

دهليز : صفنت هذا شبي يضحك ، عجل انا مو اكول الك انزع شبلاك لهيمي اشو صاير ما تستوعب
عقلك وين

اللهيـــــم: انا عقلي يم مرتي المنحرفة الي تريدني
انزع وماتستحي

دهليز : طكيتها بصفنه ووووين يلا هجست روحي انا شنو جفصت خجلت من نفسي حاولت الزكها ، انتَ صاير ماتستحي تعرفني شنو اقصد

اللهيـــــم: اوكفي خلي ..

دهليز : لزمت وسديت الجهاز بوجهو وانا وجهي يريد يطك من الخجل عزه بعين العدو شفينتي يولي
ورى دقيقه اتصل وهو يحاول يخفي ضحكتو
رجع دزلي صوره غير التيشيرت اي هساع
ارتاحيت هل لون ما يبرز عيونو ولو هي كل الألوان
تبرز جمالو وانا هين اصبر بنفسي
كملت لبسي ونزلت صبحت ع اهلي

ابني اخذو ابو يمو كم يوم ويرده
عايشي بيني وبين ابو ولا واحد بينه مقصر بحقو
بالعكس من الطرفين مدللي
وما منقصين عليه اي شي
والكل يحبو انا صح من ياخذو اشتاكلو وابجي عليه
بس هو ما يبقى هواي متعلق بيه اكثر
عبن يرضع مني وهذا الي مصبرني
بس مع هذا الوضع صافي وحتى بعد ما صارت
اي مشكله بيني وبين بيت عمي اهل بشار
وهذا افضل شي صار
.

رجعت ادرس بس مو مثل واهس قبل
قبل جانت اكو سيلي واكو رفه
مونسات بعض وشايلين هم الدراسه
و 24 ساعه نتعارك واذا طلعنا مكملات نترزل
احنه الثلاثه يعني ايامنه حيل حلوه
اما هساع ماكو اي وحده منهن
رفه الي سمعتو عنها اخر شي تزوجت وراحت البغداد
محد يعرف عنها اي شي شلون عايشه وشنو
أخبارها وبالنه كلو يمها عبن هل بنت تعذبت هواي
بحياتها ندعي من الله انُ يطلع هذا الشخص
زين وياها وتعيش مرتاحه ويعوضها عن كل
شي صار بحياتها
اما سيلي تزوجت حبيب قلبها مُلاذ عيونها الي خبصتنا بي بس الهساع علاقتي بيها ما انقطعت بالعكس
انا مرات اخلي اللهيم ياخذني لبيت اهلها ونتفق انا وياها وهي تجي البيت اهلها ونتشاوف
عبن بيت رجلها ماعرف شبي ما ارتاحلوا حتى هي
دائما متعذبه بسببهم كاسره خاطري هل بنت
ولا ارتاحت بزواجها وهي جانت تموت عليه
ولو هو ما مقصر وياها بس تبقى حياتها مو كامله
وناقصه ..

دهليز : كاعده وحاطه الكتب كدامي ماعرف اقرا
واهسي طاير حاطه الجهاز بصفي
وكل شوي ادحك وينو ليش الهساع ما اتصل
بالي يمو واهجس صاير ويا شي
انهبطت وماكدرت اتحمل اكثر
رفعت الجهاز واتصلت يطلع مغلق
اهجس كلبي صار يدك بقوه ليش مغلق
هاي اول مره يكون الخط مغلق وهو كل يوم
هيج وقت يتصل بيه
ويكعد يقريني ويسمعني ب الجهاز ع الكام
وكفت ع طولي وافتر بالغرفه وانا حاطه ايدي
ع كلبي واتصل اتصل بسس ماكو
بس يطلع مغللللق
نزلت دموعي وصرت ابجي متاكده صاير ويا شي
اي متاكده زين هو مو المفروض راجع من الدوام
ودازلي رساله بس حتى رساله ما داز
بقيت الوب
نزلت جوه اسأل ماما خاف سامعه شي بس هي هم
استغربت
رجعت صعدت اتصلت ع كيناز بس ما فتحت خط
اااتصل وهم ماتفتح خط
من عصبيتي كطيت الجهاز ع السرير بقوه وصرخت
ااااااااي ليشششش ما تفتحون الاتصاااال
راح تمووووتوني ..

ياربي بس لا صاير با لهيمي شي والله اموت
انجن عبن هو مغلق واختي اتصل وما تجاوب
فورولي اعصابي لتفتت هساع ردت انزل جان
ينفتح الباب غرفتي ودخلت كيناز
بس استغربت وجهاا مو طبيعي. عيونها حمر
وخدودها حمر عقد حاجبي
زادت استغرابي من دخلت ماما وراها واختي كيراز
واخوي بلعت ريقي وجهم ما يطمن ولا يبشر بالخير

شبيكم ؟؟؟

ام عمر : ماما حبيبتي تعاي كعدي هين

دهليز : ش..شكو ؟؟ ليش شصاير
لتفتت ع كيناز ، شبيج ك..يناز ليش
وجهج هيج بيج شي ؟
اول ما سألتها بجت وكفت كلبي تقربت مني ولزمتني من اديه وتحجي وهي تبجي
ماتوقعت يكون جوابها هيج اهجس
حطمتني ودمرتني ونهت ع حياتي من
ردت ع سؤال اتمنيت لو ميته ولا سامعه كلامها ..

كيناز : اللهيـــــم سوه ح..حادث وحالتو كُلش خطره يايعيش يا يموت الدكاتره ما انطونا امل
قوي دهليززز حبيبج بين الحياه والموت

___________________

ريفان : هي هاي الحياه من تنطيك لازم تاخذ منك
واذا شي يوم شفنا شخص فرحان ويضحك
معناها اخذت منه الدنيا هواي اشياء الحد ما هلكته
و انطته هاي الفرحه ماكو شي يجي بدون مقابل
مستحيل حتى الفرح اذا حصلنا عليه
لابد نمر بمراره ولوعه يلا نعيشه
او احيانا من نشوف شخص يضحك لازم نركز بعيونه
هن الي يحجن شنو عايشه ممكن تكون
هاي الضحكه مجرد قناع وخلفها حزن عظيم ما ممكن
احد يعيشه بهاي السهوله
لهذا انا اكول هيج شي لاان عشته اي نعم
عشت هيج شعور ، شعور خبيث شعور حقير
شعور ظالم وقاسي شي بشع من اريد افرح
يعني لازم انطي ثمن الهاي الفرحه بالضبط
حالتي اوصفها بهاي الطريقه
وحيل تصعب ع نفسي من اشوف نفسي بهذا الحال

من قبلت اعيش حياتي ويه تُليد جان كل شي واضح
معناها ماممكن اصير ام بحياتي كلها
ماممكن اكون زوجه كأي زوجه عاديه
راح ابقى اسمع كلام هواي وراح اتأذى
لان ماكو بينه اطفال راح يكولون الخلل مني لان مستحيل أوضح الهم السبب الحقيقي
بس ياترى إلى متى يبقى العاتق عليه انا لوحدي ؟
بشنو قصرت حتى يصير بيه هيج
ساعات اكعد لوحدي وانا اصفن اكول حياتي حلوه
بس هم بيها نقص ارجع اتعوذ من الشيطان اكول
الحمد الله من عايشه بدون ضرب وأهانه عايشه
حياه ملكيه وحلوه حتى لو بيها نقوصات فظيعه
ماكو احد حياته كامله
كلها حياتها بيها نقوصات بس نقص عن نقص
يختلف بس مو مهم
المهم عايشه مرتاحه وتُليد ما مقصر وياي بشي
حتى عمتي الله يحفظها ما مقصره وياي
بالعكس معتبرتني بنتها و ع طاري بنتها
مو دائما يمهم لان مسافره مستقره بالخارج

رفعت راسي وانا اعاين بعيونه شلون
محرج وكأن متوتر هيج شي
كاعد بصفي وعيونه بعيوني ماعرف ليش
نغزني كلبي حاسه ورى هذا شي حيل كبير
والله يستر منه ، شبيك ؟؟

تُليد : اريد اطلب منج شي

ريفان : بلعت ريقي، شنو هوَ ؟؟

ماحسيت الا تقرب مني وراسه صار بصف راسي
ارتديت شوي للخلف بس هو ما اهتم
قرب شفايفه من اذني وهمس الي
برغم ماكو احد بالغرفه بس شكله حتى هو محرج مني
ومن الحيطان ..
رجف جسمي وانا اسمع كلامه
فتحت عيوني مصدومه الي كاله لوحده يكفي يخليني
أخجل واخاف حتى من نفسي
برغم ما فهمت شي بس حسيت هل شي حيل
صعب
ابتعدت عنه وانا عيوني تتشخص عيونه
وهو يعاين ع تعابير وجهي
رديت اله .. ش.. شتقصد تُليد ؟؟؟؟

تُليد : الي فهمتي شنو ؟

ريفان : عوفك من الي فاهمته اريدك انتَ دكول شنو

تُليد : يابنت الناس اني صعب عليه اكولها
واحس هنت حتى رجولتي من كلتها
بس بيني وبينج ماكو اي مستحى انا عاجز
بس ماكدر ابقى هيج اني رجال والي احتياجاتي
ومن حقي احس بنفسي كامل

ريفان : ا..اي

تّليد : ايش هيج خايفه انا ما طلبت منج شي بس
الي احتاجه وانتِ زوجتي مو غريبه

ريفان : يعني ؟

تُليد : حبيبتي انتِ بطلي رجف ترى حالتج توترني
خليج هادئه اني ما اسوي اي شي ماتريدي بعدين
ما اذيج حتى لو اسوي

ريفان : عفيه انتَ شنو تحجي الي تطلبه مني ماكدغ
اله مايصيغ هسه انتَ من فهمتني شنو اسوي
حسيت ماعغف احساس غغيب
صعب عليه اسوي

تُليد : سحب نفس وزفره ، يعني افهم من كلامج
انتِ ماتساعديني ولا توكفين بصفي اني ك رجال
للعلم ترى اني زوجج مو غريب وانتِ الي
تسوي الي اني مو غريب
لاتستحين مني اني ستر وغطى الج مستحيل يكون
بينه اي مستحى او خجل

ريفان : خليت ايدي ع وجهي اخفي النار الي بي
يعني كلش صعب الي جاي يطلبه مني انا ك بنت
استصعب الموضوع غريب عليه وكلش خجلانه
شلون يطلب مني اسوي هيج يعني فهمت هو مايكدر يتقرب مني بس مو بهاي الطريقه
لعبت نفسي فد مره هاي انا شلون اسوي
الي يطلبه مني بس حتى يوصل لل هوَ يريده ويرتاح
زين مافكر بيه انا ممكن اتأذى لو يصير بيه
شي يمكن هو عادي عنده زين وانا ؟؟؟
تُليد حباب انا اخاف ..

تُليد : لا الشغله ما تخوف شو حبيبتي ليش هيج تبجين
والله ما اذيج لج بابا شجاج اني دكتور ومستحيل
ااذيج اعرف الي داسوي

ريفان : قفلت فد مره ورفضت رفض قاطع
انُ اسوي الي يريده وهو زعل مني شسوي مو بيدي
يعني هذا الشي صعب وغريب بنفس الوقت
يريد اسوي هيج شغلات حتى استحي من نفسي
اذا سويتها هو اذا ماكو تقارب مثل أي علاقه زوجيه
شلون يريد ال*** مايصير مايصيرررر

نام وهو منطيني ظهره وانا هم سحبت الغطه انطيته
ظهري وتغطيت جسمي يرجف ودموعي تنزل
اووف ياريفان شوكت راح تصفى وياج
ما اعرف اخليها ع الله ونشوف شنو راح يصير
بس الي اعرفه انا مستحل اسوي الي يريده

نمت وثاني يوم كعد هو كعدت ويا راح
يسبح ويغير ملابسه حتى يروم للشغل
انتهت إجازته وهو دكتور لازم يبدي يرجع للشغل
سويت ريوك اله من شافني بالمطبخ
تنهد ابتسمت بوجهي..

تُليد : صباح الخير

ريفان : صباح النور ، رديت عليه وهو كعد بدون
ما يحجي شكد ما يزعل بس ابد ما يخشن خاطري بكلامه بالعكس هادىء ومايسوي شي يندم عليه
هذا الي خلاني انجذب اله يعني ما متسرع
ابد ويفهمني
كمل ريوكه غسل واجه عليه باسني من راسي

تُليد : فكري بالموضوع حبيبتي ..

ريفان : ماحجيت شي عافني وطلع بقيت كاعده ع
الكرسي افكر بكلامه شفت ماكو امل كمت
اغسل المواعين وكعدت عمتي آليوم هي بالبيت
ماتركتني الوحدي وراح يجون خطار هواي من
اقاربهم

ام تُليد : صباح الخير بنتي شلونج اليوم

ريفان : شكد احبها ابتسمت بوجها ورحت بستها هي هم باستني ، زينه انا عمه ..

ام تُليد : حبيبتي اني امج لا تتقيدين وياي بالعكس
خليج مرتاحه

ريفان : ابتسمت، اي

ام تُليد : راح تُليد مو ؟

ريفان : اي غاح قبل شوي

ام تُليد : فدوه لهل السان الحلو
يلا ماما تعاي نتريك اني وياج

ريفان : سويت ريوك الي والها وكعدنا نتريك صح خجلانه منها بس هي سوت الي أجواء حلوه
وخلتني اندمج وياها وراها سوينا الغده اثنينه
وكل هذا نحجي سوه اخر شي سألتني..

ام تُليد : شوكت اخر مره زرتي امج ؟

ريفان : دمعت عيوني وبجيت ما تحملت ، صاغلي هوااي ، خليت ايدي ع وجهي وصرت اشهك بالبجي
كلش مشتاقه آلها هي حضنتني تسكت بيه بس انا
انفتحت بالبجي شيسكتني

ام تُليد : ولج اريد اعرف هاي دموع لو خزان
كافي بجي يا ماما لا تعذبيها هيج وهي دتشوفج
وين ماتروحين

ريفان : بسس انا مشتاقه الها

ام تُليد : واليكول الج اخذج الها

ريفان: رفعت راسي مصدومه ، هاا تاخذيني الها

ام تُليد : اي حبيبتي اخذج الها تشوفيها ومو بس هيج
كل أسبوع بيوم الخميس نروح اني وياج وتُليد للنجف نزور امج ها شكلتي ؟

ريفان : هي كالت هيج لو انا احس فرفحت من البجي
حضنتها بقوه وانا اشهك ،ماعغف شلون اشككغج
انااا احححبج انتِ امي الثانيه احبج هووواي هواااي
الله عوضني بيج انتِ وتُليد الله لايحغمني منكم

هي تضحك وباستني من راسي ومسحت دموعي

ام تُليد : ماريدج تبجين بعد ماشي

ريفان : هزيت راسي ب اي ورجعنا نسوي الغده
بس شنو احس كلي طاقه ونشاط
خلصنا الغده صارت ساعه قرب ال 3 الظهر واجه تُليد
استقبلته انا واضحك هو ضحك ع ضحكتي
وعمتي بصفي

ام تُليد : الله يساعدك ماما يلا روح غسل وبدل وتعاي
تغده ريفان سوت الك الغده اليوم تاكل من اديها

ريفان : ابتسمت برغم انا وياها سوينا وهي السوت اكثر شي بس كالت هيج هو ضحك

تُليد : اي يابه شفايت النا اليوم ناكل من ايد الغوالي

ريفان : جهزت اله الملابس هو دخل سبح وصلاه بعدها نزل وانا كملته وجهزته كعدنا ناكل وهو يحجي ويه امه ويسولف الها والي

تُليد : عاشت ايدج حبيبتي الاكل طيب

ريفان : بالعافيه

العصر اجوي ناس وصلوني وهم هوسه كالعاده
تعبت هواي من الكعده يمهن مامتعوده
صار اليل وهم رجع فتح وياي الموضوع وانا هم رفضت
ضاج وزعل مني بس ثاني يوم كالعاده يرجع يحجي وياي وهو يتناسى الي صار امس او يحاول يتناسى
حتى ما يزعلني كلش احب هذا الجانب منه
يفكر بيه ع طول

سوه الي النقل من العماره لبغداد ونقل المدرسه
مالتي وكال الي السنه الجديده اداومين بيها
قريبه عليه ع شغله يكول مرات اجي اني اخذج
لهذا كلش ارتاحيت من هاي الناحيه ..

بيوم جنه كاعدين ف اندك الباب استغربنا جان بوقتها
الساعه بال ثمانيه باليل
راح تُليد يفتح الباب وانا ركضت اريد اعرف منو عمتي بغرفتها يمكن ما سمعت صوت الباب
لهذا رحت انا اشوف
انفتح الباب واسمع صوت تُليد يرحب بالضيف ترحيب حار استغربت منو هذا ابتعد تُليد
عن الباب جاي يسوي مجال للشخص حتى يدخل
وكعت عيوني ع هذا الشخص فتحت عيوني
ع وسعهن مصدومه طلعت الكلمه بدون ما انتبه ع نفسي ..

ريـــــفان : غههبـــــاااااغ !!!!!

___________________

للحكايا بقايا ♡

للتواصل ع حساب الانستا 🦋