رواية دجن الضليع الفصل الخامس وثلاثون 35 - بقلم رهف علي

نبدأ بذكر الله ﷽💛✨

مُتابعه للحساب قلبي akyta_98
للتواصل ع حساب الانستا akyta_98

كنتُ أسمِّيها المرأة ذاتَ الرداءِ البنفسجي
الفتاة ذاتَ الرداءِ القرنفليّ
لكنَّها كانت بعشرة ألوان وعشر نساء
بالكاد يمكنني أن أسمِّيها .🪬🤍

___________________

سيلينا : انا من حجيت هيج هو ما سمعني بس اخو الأصغر منه وزه وكال اله اسمع سيلي شحجت عليك
هو من كال اله هيج عيونه طككهن وتقرب
عليه جان ناوي يضربني لان رفع ايده
بس صوت دابر وكفه خاصه
من صار كدامه سحبني ورى ظهره وصار كدامي
وعاط بي

دابر : تريييييد تضرب مرتي ؟؟

سعود : اردف بصوت عالي ، مااااتعاينهااا شنو كااالت
علييييي

دابر : اااي ودكوووول شكوو الصوج منك انتَ
شلون تتفل هااا هاي عود انتَ الكبير شبقيت
للصغااار سعود شجاااك

سعود : وعلي هاااي انا ماخذ مرتي وطالع
من البيت ما ارد الا هااي تتطلع من البيت
يا انا يا هي ، وهو يأشر ع سيلي

سيلينا : بقيت فاتحه حلكي مصدومه شبي هذا متخبل
عليه انا اشو بس عليه هيج باقي البيت وياهم
عادي بس وياي عبالك يشوف شيطان ما يشوفني

دابر : سعوددد شبيك مرررتي هاي شلون تتطلع برى
اذا طلعت معناها انا وياها اطلع

سعود : انا كلت يا انا ياهي

سيلينا : عافنا ومشى وفعلا اخذ أمنه ويا وطلعوا من البيت راحوا ل أهلها بالناصريه
واحنه بقينا فاتحين حلكنا مصدومين
هاي انا كاعده اقرا قران بس كل شوي ارفع راسي
الكه دابر صافن وباله بغير مكان صدقت ورجعت القرآن
المكانه ورحت كعدت يمه ، شبيك حبيبي  ؟

دابر : ماجاي تشوفين شنو يصير بهل بيت
صاير ولا ينطاق بس مشاكل

سيلينا : خليت ايدي ع رجله ورديت بهدوء ، عادي
عيوني كل بيت يصير بي مشاكل

دابر : بس هسه طلعوها من ماعونها صايرين
مايتفاهمون ع اقل زله ومتعاركين المشكله
بس وياي انا شجاهم جا انا مو اخوهم لو غريب
عنهم

سيلينا : حسيت بصوته كلش مقهور من الصار
وهم حقه والله هاي لو انا جان متت من القهر
خاصه الاخوه كل شي ولا هم يكونون واكفين
بالوجه ، زين حبيبي هسه شنو راح تسوي

دابر : جاي افكر

سيلينا : بشنو؟

دابر : اطلع من البيت لوحدنا

سيلينا : والله فرحت بس مقهوره عليه لان
مايريد يترك إخوانه بس انا هم مو انانيه ادور راحتي
وهو شلون ، متأكد دابر ؟

دابر : احسن اريد راسنا يبرد من المشاكل
بلكت البعد يحنن الكَلوب ويردون مثل ما جانوا

سيلينا : ان شاء الله،  وهسه شنو راح تسوي

دابر : راح اطلع من باجر ادور ع بيت حتى لو للايجار
المهم الكه بيت واشتري أغراض وااثث البيت ونكعد
بي ب أقرب وقت كون اليوم قبل باجر

سيلينا : ماراح تندم ؟
اول ما سألت هل سؤال التفت عليه وهو يعاين
بنظرات عميقه لمحت لمعه حزن بعيونه
بس هو خفاها وابتسم بهدوء

دابر : اندم ؟ شتحجين انتِ حبيبي انتِ يمي وانا اندم ! اطلع مخبل غير

سيلينا : فدوه إلك حبيبي
ثاني يوم من الصبح طلع يدور ع بيوت
للايجار الحد ما نستقر بعدها ناخذ بيت مُلك
شكد دور خطيه يرجع هلكان لشغله
ومن الشغل يطلع يدور وهيج استمر هل وضع لمدى
خمس ايام ولكه بيت عاد هنا سريع أخذه ودفع
المقدم من الإيجار حتى من ننتقل يدفع الباقي
رجعلي بيومها فرحان ..

سيلينا : بشر ؟؟؟

دابر : ابتسم ، واخيرا لكيت لهذا راح ننتقل اله
ان شاء الله بس يكمل الاثاث مالته

سيلينا : زين دابر منين قررت تاثث البيت

دابر : عادي من اي شخص ماعندي مشكله
شوفي النت اي شي يعجبج ناخذه

سيلينا : زين عيوني ليش ما ناخذ الأثاث من بابا
مو تعرف بي تاجر

دابر : لااا بويه لا أعرف عمي كريم نوب
يجيبهن الي ومايقبل ياخذ حقهن

سيلينا : ياعيني هو غير ابويه ويعتبرك ابنه الكبير
مو بس نسيبه ليش هيج ماترضى

دابر : حبيبي انا اعرف عمي جا تعلميني بي

سيلينا : رفض احجي لبابا وهم يعرفون احنه
جاي ندور ع بيت لهذا من اتصلوا عليه
كتلهم لكينا بيت بس جانوا عبالهم ناخذ منهم
الأثاث بس انا رديت عليهم ( لا ماما دابر مايقبل يكول عمي ماياخذ فلوس )
عاد هي ماقصرت وراحت حجت البابا
نوب بنفس اليوم اتصل ع دابر وعتب عليه
شلون هيج يحجي
ودابر جان كدامي كاعد عاين عليه بنظرات
لوم عود شلون حجيتي الهم
اي شسوي جا شكول وهمَ عبالهم ناخذ منهم

دابر: ليش يابويه انا شكتلج

سيلينا : هي سألتني وانا بس جاوبتها والله لاتزعل مني

دابر : زفر انفاسه واردف ، جا خوش

سيلينا : ثاني يوم بابا اتصل علينا وكال تعالوا حتى 
تختارون الأثاث ورحنا انا ويا واختارينا الأثاث
صدك جان يجنن وشي راقي بس غرفه النوم مالت العرس بقيناها اما الباقي اشترينا لان بيت
جديد ولازم اله هواي أغراض
بس بابا جان اله حصه الأسد مثل ما نكولها
هو دز النا هواي شغلات وما قبل ياخذ اي فلوس
يعني هو ساهم بتأثيت البيت خطيه
يعرف دابر هستوه بده بشغله وشوي شوي
جاي يتحسن وماراد يقصر ويانه ب اي شي
كملنا البيت وخلينه كل الأغراض
بس شنو كلش فرحانه وطايره من الفرح
ان واخيرا راح استقر واخلص
من المشاكل وشكالت أمنه وشحجت نور
لهل سبب ابتعدت
مثل ما نكول ابعد عن الشر وغنيله

دابر : ها عمري جاهزه البيتنا الجديد

سيلينا : هزيت راسي ب اي وضحكت لزم ايدي
ب ايده ودخلنا برجلنا اليمنه ع البيت
ضحكت بمرح وانا افتر بي ياااربي
مامصدكه الي جاي اعيشه
فرحانه

دابر : الله يقدرني ويخليني ع طول ارسم هاي
الضحكه ع ثغرج

سيلينا : جنت بعيده عنه لتفتت اله وركضت
لناحيته وحضنته تعلقت برقبته
وانا اضحك بسته بخفه من
رقبته وهمست ، الله لا يحرمني منك ع طول
هو عاط ..

دابر : دددددخيلك ربي

سيلينا : فزيت بعدت راسي عن رقبته ، شبيك ؟

دابر : ددددخيلك يلكاظم

سيلينا : شبييييك خوفتني

دابر : اخخخ بويه هسه اناا عود شيطفيني لج
شسويتي منو كاال الج تبوسيني من هل مكان
ماتدرين نقطه ضعفي منه

سيلينا : ضحكت من كلبي شلون يحجي وهو
عاقد حواجبه ويصيح

دابر : ددددخيل بختج هسسه شلون اتحمل
واهلج بالطريق

سيلينا : رفعت اكتافي ، مشكلتك حبيبي مو انتَ الرجال ولازم تتحمل

دابر : اتحمل مو ؟؟ تعااي اشوفج شسوي بيج

سيلينا : ركض ورايه وراد يلزمني وأنا من الضحك
ماكدر احجي اركض منا ومنا اريد
اتيهة اهلي ع جيه يجون يمنه لان اول يوم
وهو مايصبر
اخر شي صار بوجهي وحصرني بين الحايط وبينه

دابر : ابتسم بمكر،  عبالك ما الكفج

سيلينا : تقرب شالني وانا عطت ، لااا عزززه دابر لاااا.
اهلي وصلووواا

دابر : ما اسمع الج نفسس

سيلينا : وصدك سوا الي براسه هستوه
راد يدخل الحمام جان يندك الباب
فزيت وعطت ، عزززززه وصلووووا شوف شلون
انفضحنااا

دابر : ادري قابل انتِ صاحبتي لو انا صاحبج
لج غيررر رجلج

سيلينا : هز ايده وراح يفتح الباب الهم بعد مالبس التيشيرت مالته
انا ركضت دخلت الحمام سبحت سريع
وطلعت ياربي شعري رطب هسه يعرفون شنو
صار هسه شيكولون ما انتظرتوا شكد عيب
خليت شال ع راسي وطلعت اسلم عليهم
هم كلهم جايين
فرحانه بهاي المه الحلوه دخلت للمطبخ
اجهز الضيافه ورجعت يمهم نسولف ونضحك
اعاين ع اختي تعاين عليه وتضحك
غلست ماحجيت شي وراها بساعه راحوا
سد الباب وراهم

ورجع عاقد حواجبه
اهووو طنكر بعد شيفكه
تقربت يمه هو جان يطلع ملابس حتى يسبح ..

سيلينا : داابي

دابر : اللهم انِ لا اسمع

سيلينا : دويبري

دابر : دخيلك ربي

سيلينا : دمدم ، داد ، دود

دابر : استغفر الله

سيلينا : ماتحملت اخر شي عطت بي ، داااااابر مو احجي وياك شكو هيج ماتحاجيني
لتفت عليه تقرب مني لزمني من خصري واردف بهيام

دابر : زعلان ، يلا راضيني

سيلينا : ليش بله

دابر : جاا اكو وحده دكول لرجلها انفضحنا هسه انا زعلت يلا راضيني

سيلينا : اممم ، شلون

دابر : غمز الها ، اعلمج

سيلينا : عطت ، لاااا ، بالكوه ابتعدت عنه
ماقبل ابتعد عنه الا ما هو رضى خلاني
ازعل منه يلا تركني اديه وزنودي كلها صارن
زرك من يعض عبالك ينتقم مني

مرت الايام بحلوها والاحلى من هل شي
هو ماكو مشاكل مرتاحين ومابينه الا العافيه
انا لوحدي بالبيت احير شنو اسوي
العب بالبيت لعب
من يجي ينصدم بي كل يوميه مسويه اله
مفاجأه وهو يتقبل عليه
البس الي يعجبني وهو من يشوفني هيج يصيح

دابر : انا ال*** الي جبتها النفسي خليتج تلعبين ع كلبي بهاي نعوصتج

سيلينا : يخليني اطك من الضحك وهو يتخبل
كل ما اضحك

طبعا إخوانه مايجون هنا عود زعلانين عشتو
بس اخته تجي هنا كل مره تصير الها فرصه
كاعدين جان يجي اتصال ل دابر
فتح الخط وعقد حاجبه استغربت شوي وصار
عصبي يحجي وأنا ما مفتهمه منه شي
شبي ليش هيج عصبي اخر شي
ماحسيت الا شمر الجهاز بقوه بالحايط
سوه طشااار شهكت بقوه وخليت ايدي ع صدري
هو تخبل احسه يريد يذبح الي كدامه فرفح من القهر
تقربت عليه اسأله ..

سيلينا : شكو دابر شبيك

دابر : يتنفس بقوه عاقد حواجبه ، اخووووتي ال****
مزوجين اختي بدوون ما يكولون الي معرسه
ورايحه البيت رجلهاااا بالصدك بالجذب
ما كالوووا عندناااا ااااااخوو ننطي خبر لو
نبلغه حاسبيني انااا والماااكو سووووه

سيلينا : انصدمت ، صدك تحجي هي مو مخطوبه
شلون تزوجت بهل سرعه ليش ما انطوك خبر

دابر : دفر الطبله ، ماااااعرف

سيلينا : بهت وجهي ، هو منا يصيح وانا مصدومه بالسووو إخوته ويا مامصدكه شلون هيج يسوون
غير دابر اخوهم ولازم وياهم بهل موضوع
ع الاقل جان ينطو خبر مو هيج مثل الغريب
اخته راحت البيت رجلها يلا كالوا اله
صدك قهرني وحالته صعبت عليه
ماعرف شنو اكول بس
بقيت ساكته وهو ثاار فد مره وصياح
وكسر المكان تركته ع راحته
وراها بشوي كال عمريلي نركيله
كمت بهدوء عمرت اله نركيله ورجعت
انطيته اله وهو صافن
حقه وصلوا إخوته لهل مرحله يسوون ويا
ما ألومه
كعدت بصفه ولزمت ايده ابتسمت بوجهة
حتى اغير موده اردفت بهدوء ..

سيلينا : ادخن !

دابر : شني ؟

سيلينا : سحبت القمجي مال النركيله من ايده ،
حباب خلي ادخن وياك شوي

دابر : ابتسم ب استهزاء ، اي بله شو دخني يلا

سيلينا : فرحت من كال هيج قربت القمجي
من حلكي وهو سحبني بقوه فززني بحيث عطت
من لزم ايدي بقوه القمجي وكع من ايدي
وصاح بوجهي

دابر : والله حلوه نوب تريد ادخن نركيله هاهي ربحنااااا

سيلينا : بعدت عنه وانا افرك ب ايدي ، اوي شبيك وجعت ايدي هو هيج كالوهاا

دابر : أي هيج

سيلينا : اكول

دابر : كولي

سيلينا : اجه محرم

دابر : المطلوب ؟

سيلينا : تعرف انتَ كل محرم لازم اروح مشايه
وازور

دابر : أي

سيلينا : اي ف لازم هل سنه هم

دابر : ان شاء الله

سيلينا : ابتسمت ، يعني ماعندك اعتراض

دابر : لا يابويه ماعندي

سيلينا : كلش فرحت توقعت راح يحرمني من هل شي
بس حبيت تفكيره يعرفني شكد احب الزيارات
خاصه احنه كل سنه متعودين نروح بمحرم
لهذا هل شي كلش طمني

طبعا رجفه ايدي خفت خاصه من حياتي استقرت
ماعندي اي مشكله ولا عندي اي عارض يأدي
لعصبيتي لهل سبب اطمنت وارتاحيت
رحت للدكتور اخر مره ب اخر جلسه الي
وجان كلامه وياي كله ايجابي وطاقه ايجابيه
حلوه لهسه اتذكر :-

الدكتور :- اشوف وجهج يختلف عن اخر جلسه اجيتي بيها الي ؟؟

سيلينا :- ابتسمت وانا اعاين عليه شلون يحجي ، اي دكتور صحيح

الدكتور :- اردف ب ابتسامه ، شنو السبب ؟

سيلينا :- الي تعبت بسببه وعلموده صار من نصيبي

جان لازم ب ايده القلم ضربه بخفه ع المكتب واردف
بقهقه خفيفه

الدكتور :- كنت متأكد من هذا الشي من الاول انا
من شخصت حالتج توصلت للأسباب
حتى من شخصت حالتج بمرض الي مُصابه بي انتِ
ال Day dream  كان مصدره هذا الشخص
بسبب ضعف تحقيق الشي بحياتج الواقعيه
لهذا لجأتِ للتحقيقه بخيالج
لهذا صرتِ تشوفين هل شي حتى بالواقع
لان تقمصتِ الدور وعشتِ ب أصغر تفاصيله

سيلينا :- هزيت راسي ب ايجابيه كل كلامه صحيح
ما كال الا الصح ، زين دكتور ورجفه ايدي احسها
خفت هم سببها هل شي

الدكتور :- اسألج هم مريتي بمشاكل خلال هل فتره
الاخيره او تعبت صحتج

سيلينا :- من بعد ما انتقلنا البيتنا الجديد،  لا ما صارت
الي اي مشكله بالعكس حياتي هادئه وحلوه

الدكتور :- هيَ هناا الرابطه ، كل مشاكل الي تصير
بصحتج هي سببها هاي المشاكل الي انتِ بيها
راح تأثر نفسياً وجسدياً من تبتعدين عنهن راح
تخف هاي الأعراض وتكون حالتج احسن
حتى مرات العلاج مايكون بالدواء ابداً
العلاج موجود كدامنه لانحتاج الشي اسمه دواء ولا
الشي اسمه مرض لازم يتعالج
اغلب الأمراض هي سبب البيئه
الي احنه ساكنين بيها سواء ( احلام اليقظه،  الاكتئاب ، القلق ، التوتر ، الخوف ، الفوبيا ، البكاء السريع ،
الخ )
تعرفين كلهن يصيرن بسبب الي نعيشه بحياتنا
حتى الفوبيا مرات ما تكون بالفطره
مثال :-
شي يوم مره وحده اجت الي وكلنت حالتها ماتسر وعندها رهبه قويه سألتها كان جوابها
( دكتور انا عندي فوبيا من الطباخ ومحد يصدكني )
سألتها الفوبيا هاي من انتِ وصغيره
ردت عليه ( لاا ماجنت اخاف منها من انا صغيره من كبرت خفت منها  ) اردفت بسؤال سولفي الي قصتج ويه الطباخ وليش خفتي ردت هيَ
وسردت الي قصتها :-

( دكتور انا جنت اشتغل بالبيت وفرحانه اليوم راح
يجون اهلي رحت سويت اكل وخليته بالفرن
رجعت لكيت الغاز مفتوح والنار طافيه
استغربت هو انا شغلت الفرن ليش طافي هسه
انا سميت ريحه الغاز بس سوء حظي وغبائي
الفادح ما اهتميت للريحه ولا اهتميت لتسرب
الغاز الموجود بالمطبخ من فرحتي نزلت اشغل
الطباخ هستوني شغلت النار ما احس الا
انفجر بوجهي هذا وجهي تشوه
وايدي تشوهت النار اشتعلت بي بقيت اصرخ الا ان طفوني استمرت الايام اتعالج إلى أن صارت صحتي احسن واجهت نفسي وكلت مستحيل عندي فوبيا
منه بس هسه كل ما اوكف بصفه ارجف
ودموعي تنزل اخاف ورهبه عندي منه كلش قويه )

الدكتور :- هنا تأكدت من هذا كلامها ومن كل شي
درسنا الفوبيا الها ترابط حادثِ اي يعني
من خلال الحوادث الي نعيشها راح ترتبط
ونتاثر بشي معين ينتج من خلاله فوبيا
نبقى أسرى الها المدى الحياه

سيلينا : بلعت ريقي زين دكتور معقوله نبقى
أسرى اله وما اله اي علاج

الدكتور  :- ابتسم بلطف وهو يسحب كوب الماء يقدما الها ، بعدها اردف بهدوء ، اكو علاج

سيلينا :- شنو هوَ

الدكتور  :- المواجهة

سيلينا :- عقدت حاجبي ، شلون يعني

الدكتور :- كل ما واجهتي شي تخافين منه
راح يقل الخوف بداخلج مثلاً ، تخافين من البحر ، واجهي واصعدي قارب ، زورق عيشي وخلي بداخلج
ساعتها راح تشوفين مدى جماله وخوفج منه لا مُبرر
اله

سيلينا :- أخذنا الحديث الغير مواضيع كلها
جانت بالنسبه الي راحه نفسيه عرفت هواي شغلات
وخلاني انتبه ع هواي شغلات هاي جانت بالنسبه
الي جلسه كلاميه اسأل وهو يجاوب هل مره العكس
وجان كل موضوع يختصره الي بمثال
كلش ارتاحيت بوقتها ..

دخلنا بمحرم وهذا الشهر عندي شي مُقدس
بحيث هواي اشياء اسوي بي
من غير الثواب الي نسوي ونوزعها
دابر طول فتره محرم هو جان بالمواكب
خاصه من يكمل شغله بعدها يروح للمواكب يصف
السياره مالته
ويدخل للموكب يساعدهم
وجانوا اهل الموكب الي يساعدهم من بغداد
انا ما اعترضت بالعكس لان حابه هل شي
بس الي استغربته دابر صار يتأخر برى هواي
وهل شي قلقني لان مو من عادته
ع الاقل ينطيني خبر
لان اخاف عليه والوضع مو أمان
واكفه بالمطبخ افتر هسه يجي ما هسه ييجي
اخر شي صارت اخر اليل وانفتح الباب
رحت طايره عليه دخل السياره وقفل الباب
عاينت عليه مستغربه

سيلينا : وين جنت ؟؟

دابر : رفع حاجبه ، يم جماعتي

سيلينا: ما ناقشته ودخل راح نام انا هم نمت
بس يوم بعد يوم تزيد طلعاته وسهراته خارج البيت
وانا اشيط للسماء وما انطفي ومن يرجع نفس العذر
يم جماعتي اخر شي مليت سألته ليش جهازك هواي يتصل
كال الي ..

دابر : ماتشوفين جهازي كل شوي يتصل هاي صاحبه
الموكب اخذت رقمي وتتصل عليه كل ما تحتاج مساعده

سيلينا : وهي شعليهااا بيك دابر؟؟
شنو ماعندها رجال تعتمد عليه

دابر : عندها ولدها بس مو كبار مو خرج تعتمد عليهم وبناتها مو صغار لهذا هي شافتني كد المسؤليه
ولان ساعدتهم اعتمدت عليه ، شنووو سيلي هو تحقيق

سيلينا : سكتت بس احس من جوه محتركه
حتى كلامه ما قنعني يوم بعد يوم كثرت اتصالاته
حتى مرات اراقبه هو برى يكعد بالسياره
يخابر بس يخابر منو ما اعرف
وضعه مكركب وماعاجبني كل ما يشوفني بعيده
الكه الجهاز ب ايده توترت اكثر واحس جسمي
باد حيله خفت ماعرف ليش وماريد اشك بي
ماريد

استمر هل وضع اجت الأربعينه زرت وكل هذا ادعي
مايكون شعوري صح رجعت وكلت انتهت الزياره
وانتهى محرم بعد ما عندهم اي عذر حتى يتصلن
بي خاصه المواكب كلها رجعت لبيوتها
بس هم مااا بطلت اتصااالاته زهكت وروحي طلعت
اخر شي كلت مابيها مجال لازم اشوف جهازه
انتظرته يدخل الحمام اول ما شفته دخل ركضت ع
جهازه
هستوني لزمت الجهاز لكيته ناسي مفتوح و وصلت اله رساله

فتحت الرساله احس جسمي صار
يرجف رجف مو طبيعي ايدي رجعت ترجف
وانا اقرا محتواها والكلام الي بداخل
الرساله
_ ياروحي انتَ اني احبك وميته بحبك .

________________________________

دهليز :- يكولون العوض من الله كلش حلو
وطعمه عذب وانا شكد ما الله عوضني
لابد ياخذ جزء من هذا ويختبرني ب بلاء
أصعب من قبلو
بس مع هذا كله احمدو لربي واشكرو ع طول
مع هذا كان بالنسبه الي شي عظيم
كل شي اخوضه واكون كده
بس كل المصايب تجي وحده ورى الثانيه
وما تتوقف فوك راسي مره ورى مره
تعبت وماعدت اتحمل ارجع اكول لا
اصبري دهليز هذا قدر ولازم تعيشينوا
بعدها اصمد وارجع انهار وهيج
قضيتها لحياتي

اللهيـــــم الحمد الله صحى وصحته جانت بخير
جانوا خايفين لا يفقد الذاكره او ينشل
بس الحمد الله طلع سلامات والي صار
معجزه بالنسبه للدكاتره وحرفيا معجزه طلع
من الموت مثل الشعره من العجين
رتبنا غرفتوا وكالوا راح يطلع اليوم
وانا مثل الفراشه انتقل بالبيت
وارتب بي راح يجيبون حبيبي واخيرا راح يطلع
اهجس كل الحيل رد الي وصرت ادحك
الدنيا بلون الوردي
شوي وسمعنا صوت السيارات برى
نزلت انا واختو تانستقبلهم
دحكتوا من برى شلون نزلوا ع كرسي
متحرك عبن رجلو وايدو مكسرات
مو مهم المهم يتنفس ويشم الهوى
دخلوا للبيت وعمتي والباقين يسلمون عليه
انا واكفه ع جهة ابجي ودموعي تنزل نار
ع حالتو شلون ضعفان والتعب واضح جوه عيونو
دخلو وصعدوا لغرفتو اجتني كيناز وانا ع وكفتي ابجي ..

كيناز : يا اشو ادحكج تبجين مو خبصتيني ماتروحين تسلمين عليه فوك هو

دهليز : مسحت دموعي بكم ملابسي ، خجلانه اهلو عندو

كيناز : لا لا مادحكتي نزلوا وتركو لوحدو يرتاح
امشي روحي الو خبصني خبص بيج
بالمستشفى

دهليز : ابتسمت وانا اتركها واصعد فوك خطفت تا مايدحكوني واتفشل
فتحت باب غرفتو ودخلت اول ما وكعت عيوني
بعيونو بجيت هو جان متمدد ع ظهرو فتح ايدو السليمه وهمس الي ببحه صوتو التعبانة

اللهيـــــم: خيط النفس تعاي العندي

دهليز : رحت لعندو وارتميت بحضنو مسكتو بحذر
وانا ابجي بجيت من كل كلبي وهو يهمس الي
ويمسح ع شعري
ضميت راسي بصدروا فرفحت وانا اعيد الي صار
وانا بعيده عنو

اللهيـــــم: ازعل منج بويه كافي بجي ترى تعبان

دهليز : بعد عنو وانا امسح دموعي تقرب بستو من خدو وهو غمض عيونو

اللهيـــــم: يابويه شكد مشتاكلج بختج مريض ومابيه حيل أعين نفسي

دهليز : ابتسمت ، صير بخير وتدلل

اللهيـــــم: اهااا اشوفج صايره قويه خوش أطيب ويصير خير

دهليز : غفى سريع اثر المسكن الي انطوا
استمريت اروح لعندوا واهتم بي
وهو هم مامصدك انا مهتمه بي وكدام عيونو
صار يدلل عليه حتى الاكل ما ياكل الا من ايدي
واهلو مصدومين بي هذا الشاب الهادىء الرزن
يطلع منو كل هذا الشي
بس هو ولا مهتم نسى نفسو من يكون وياي
يخليني انا اوكلوا واشربوا علاجوا

اللهيـــــم: اكلج لولو

دهليز : ها عيوني

اللهيـــــم: اريد اسبح احس نفسي وصخ

دهليز : بس والجبيره؟

اللهيـــــم: عادي نلفها

دهليز : تمام عجل اصيح منو تا يسبحك

اللهيـــــم: انتِ

دهليز : فتحت عيوني مصدومه،  شنووو لا لا مستحيل
بالكوه تخلصت منه وهو يخزر بيه رحت صحت اخو هو يساعده نوب عليه اسبحو هو لهل درجه راح المستحى
اوف منك

مر اكثر من شهر ع الحادث وراحو فكو الجبيره وشالوها
كالو صحته صارت احسن وانا جثير مرتاحه
الحمد الله يعني حالتو صارت تمام
بس هو ضايح عبن ما راح ارجع اهتم بي مثل قبل
اضحك عليه وهو يشيل بروحو ويلزكها ع الارض

صارت الأوضاع كلش خطره ودخلوا داع١١
وانهارت الأوضاع واحنه خايفين ع اخواني الاثنين
العسكريه خايفين لا يرحون مثل ما راحو
القبلهم وخسرت اثنين اخوه عرسان بعز شبابهم
ساء الوضع

وشكد نتصل ع اخويه جان هو بواجب
بس مايفتح الخط ولا نعرف اخباروا
وكف كلوبنا اخوي الثاني الأكبر منو اتصلنا عليه فتح الخط ومابي شي الحمد الله
بس اخوي الصغير نتصل عليه وما يجاوب
بقينا ننتظر والحال بما هو عليه
شكد سوينا اتصالات ومحد يعرف أي شي عن اخويه

اخر شي عرفنا بمجزره سبايكر الي صارت هنا وكعت
كلوبنا وجثير بجينا لا لازمين القرآن وهل ادعيه
تامايكون اخويه وياهم
اخر شي انفتح الباب واشوي اخوي الأكبر منز دخل البيت بس مو هذاك اخوي الهيبه ابو طول الحلو
اهجسوا يمشي وهو يتعثر بخطواتوا
كلنا انفزعنا ع شكلو وركضنا لعندوا
صرخنا بوجهو ..

اخووووووك ويييين ؟؟؟؟؟؟؟!!!!!

رفع راسو يدحك بوجوهنا بس عيونو حمر دم
وشفايفو ترجف لزمت كلبي يارب مو الي
ببالي يارب كون مجروح او مشلول يااارب
رد بكلامتو الي اهجسهن طلق اخترقت
أجسادنا الضعيفه الهزيله والهزيمه
هي الي تنطق لا النصر ..

- يممممه أخوي حزام ظهري تأسر ونذبح بمجزره
سبايكر اخوي قتلوا وراح دمه هدر راح اخوي راح ..

الاسم : الشهيد أمير كريم ( الحقيقي )
الوفاه : مجزره سبايكر
الحاله : متزوج
عدد الاطفال : 3 اولاد
إلى رحمه الله انا لله وانا اليه راجعون ( ترحموا اله )

____________________

ريفان :- كعدت بالحمام وانا ابجي
دموعي تنزل عشره عشره
كل شوي اعيد الي صار وياي اتذكر كل سب ونوب
ارجع ابجي احس نفسي صرت وحده
ثانيه غريبه وحالتي صعبت عليه
وينها ريفان القديمه وينها ليش هيج
تخليتي عنها وبدلتيها ليش
والله ساعات اشتاق النفسي القديمه
بس حتى ابتعد من هاي المسؤليه
كرهت نفسي وحسيت روحي قلبت
اول مره يصير وياي هل شي وحيل كرهته
زين هذا الشي اذا استمر شنو راح
يكون موقفي ياترى شنووو
حست الباب يندك بهدوء وصوته الهادىء اردف ..

تُليد : ريفان،  حبيبتي طولتي بيج شي ؟

ريفان : سحبت نفس وجليت صوتي
حتى ما يبين جنت ابجي ، لا ما بيه شوي واطلع ،
اختفى صوته وحست الباب مال الغرفه انسد
اكيد راح للحمام الثاني
تعبت بقيت بالمي كاعده وانا اعيد الشريط
براسي اخر شي احس تفكيري راح يهلكني
وكفت بغضب غسلت جسمي وطلعت من
الحمام كافي شبيج اصحي ع نفسج
انتِ زوجته وهذا مو عيب شبيج هلكد
متخوفه
لبست ملابسي ورحت بفراشي شوي وحسته
دخل وصوت السرير أعلن عن قربه مني
صار بظهري جسمي تشنج من صارت ايده ع كتفي

تُليد : زعلانه مني ؟

ريفان : همست ب احراج ، لا

تُليد : اذيتج بشي ؟

ريفان : اردفت بهمس ، لا

تُليد : مااتحبين تحجين وياي ؟

ريفان : خجلت منه رديت ، لا

تُليد : زين لعد ليش منطيتني ظهرج هيج

ريفان : اردفت بهدوء،  بس خليني اتقبل الموضوع
احس بنفسي خجلانه وماكدغ اعاين بعيونك

تُليد : ضحك بخفه واردف ، كل الوقت الج ياروحي

ريفان : اممم ، عاد هو سحبني اله بالكوه نمت
ثاني يوم كعد جان مزاجه رايق عكسي انا جنت خجلانه
دخل للمطبخ فرحان كرصني من خدي واردف ..

تُليد: شلونك ياحلو

ريفان: رفعت ايدي وخليتها ع خدي ابتسمت بوجهة ، اني زينه

تُليد : اروح فدوه للتحجي بغدادي

ريفان: انتبهت النفسي صرت احجي مثلهم بغداد
واغلب كلامي كله اني بدال ال أنا صارلي قرب
السنتين عايشه وياهم وأخذت من طبعهم كُلش
بحيث حتى كلامي صار مثلهم تعودت عليهم
وحسيت جوهم حيل حلو وحبيته
وهذا الشي الي خلاني ارتاح لان تأقلمت وياهم

اخت تُليد علاقتها ب أهلها مو هلكد بالسنه
تجي مره لان ساكنه بسوريا وماعرف عنها اي شي
من تجي علاقتها سطحيه
عندها اولاد وبنات وكبار بالعمر يعني واصلين ويشتغلون

بهل فتره تُليد صار ياخذ حقه الزوجي مني
بس بغير طريقه كأي زوجين عاديين لكن هو عاجز
بس من يتقرب مني تكون بغير طريقه
إلى أن هو يرتاح يبتعد عني واكوم انا للحمام تنعاد
عليه نفس السيناريو ابجي إلى أن ارتاح واطلع
إلى أن صار هل شي عادي عنده وصار هو يطالب
بي كأن هذا حقه ولازم انطي اله
وانا اخاف الله وتلعني الملائكه لو تركته ورفضت بس مرات اعترض ومرات لا
استمرت هل حاله إلى أن صرت احس ب الالام
اسفل بطني
ماكلت اله خفت يمكن بسبب الي ديسوي
صار بيه هيج بس إلا أن صارت تزيد الآلام
بيومها دخلت الغرفتي ونمت ع السرير
لازمه بطني وانا متألمه وابجي
هو دخل للغرفه يضحك. يحجي بالجهاز
من شاف حالتي هيج شمر الجهاز واجه تقرب مني
ع وجهه تعابير الخوف..

تُليد : ياستاار شبيج ريفان عيوني شبيج

ريفان : ع...عفية بطني مو..تتني من الألم

تُليد : من شوكت؟؟؟

ريفان : ص..صاغلي ايام

تُليد : بفزع ، اكووو وحده صارلها ايام بطنها تأذيها وما تحجي صدك تحجين شو امشي كومي اخذج للمستشفى نشوف شبيج صدك جذب يمعوده

ريفان : انخبص فد مره ومايعرف شنو يسوي
وكفني وهو يروح ويرجع كان بوجهة ندم او شاك
بسببه بس هو وين يعرف مثلا
لبسني ملابس وهو اخذ سويج السياره
وطلعنا تلكتنا عمتي

ام تُليد : خير يوم شبيكم ليش ريفان هيج شكلها
شبيج ماما

تُليد : يوم بطنها تاذيها راح أخذها للمستشفى

ام تُليد : زين ماما روح أخذها استعجل لا تخليها
تنتظر خطيه

ريفان : هز راسه اخذني وطلعنا للمستشفى
سألوني كم سؤال آخر شي
حولوني لدكتوره نسائيه دخلت وهي تسألني

الدكتوره : انتِ متزوجه ؟

ريفان : اي

الدكتوره : هاج سويلي تحليل حمل يمكن حامل

ريفان : بقيت صافنه بوجها هسه هاي شلون اكول الها مثلا ، هزيت راسي كتلها لا مو حامل اعرف بنفسي
بس هي ما اقتنعت الا سويت تحليل وطلع سلبي
نوب رجعت سوت تحاليل غيرهن كالت
عندج التهابات حاده ولازم علاج ..
انطتني علاج وطلعت اله جان واكف برى ينتظرني
خطيه كتله عن الي كالته الي وشنو بيه
بس هو ما اقتنع ورد الي ..

تُليد : اني اخذج ع خير وحده افهم منها
امشي ...

ريفان : وصدك طلعنا ع غير دكتوره هو يعرفها
دخلنا لكينه سره شطوله تنهدت بتعب هسه شلون
راح انتظر والله مابيه حيل
شفته عبرهم وراح حجه ويه السكرتيرة هي رحبت بي ودخلت للدكتوره شوي وطلعت كالت ادخلوا تنتظركم
الدكتوره جوه ..
هو تقدم الي

تُليد : دخلي حبيبتي اني هنا انتظرج

ريفان : هزيت راسي ب اي ودخلت
اول ما شافتني رحبت بيه كأنها تعرفني بس اني ماعرفتها منو حتى ما سألتها نسيت بسبب الالم الي احس بي هي سألتني نفس الاسئله الي
سألتها الي الدكتوره الي قبلها
رجعت جاوبتها نفس الاجوبه

الدكتوره : زين حبيبتي متأكده انتِ مو حامل احتمال التحليل السابق خطأ وهو مايبين اول بدايه
الا تمر كم يوم عليه يلا يبين بتحليل الدم او السونار

ريفان : لا اني متأكده مو حامل
رجعت عادت التحليل ونفس الشي عندي التهابات حاده
صارت تاخذ وتنطي بالحجي اخر شي سألتني
سؤال عن العلاقه الزوجيه
واني لان دكتوره وهي غريبه وما اعرفها واكيد راح اطيح ع علتي لهذا حجيت الها وكلت الها زوجي عاجز
حسيتها انصدمت بحيث شهكت بقوه
من صدمتها اني استغربت وخفت شبيها هاي ، شبيج ؟؟

الدكتوره: ابتلعت ريقها واردفت ، صدمتني الصراحه

ريفان : عقدت حاجبي ، نترت بيها توقعت بينها وبينه علاقه ، ليشش ؟؟؟

الدكتوره : هاا لا مو لان اعرفه معرفه قويه
بس ما توقعت يكون هيج خطيه

ريفان : ماقتنعت بكلامها بس خفت لان هو
من قبل منبهني ع هذا الموضوع انُ ما يطلع ل احد
حسيت ارتكبت خطأ فادح كن حجيت هيج
بس هي دكتوره ولازم تعرف
رجعت سألتها ، زين دكتوره بما انتِ تعرفين بهل شي
زين هو يكدر يتعالج

الدكتوره : يصير بس نسبته قليله ولازم بالهند عمليته

ريفان : خابت آمالي وانقهرت عليه يعني نسبه حيل قليله يبقى هيج شلون بله
عاد هي كتبت الي علاج وطلعت لكيته واكف ينتظرني

تُليد : ها بشري

ريفان : نفس الشي هم كالت عندي التهابات حاده
وانطتني علاج امشي عليه
هو سكت ومشينا هستونه صعدنا للسياره وصدمني
من كال ..

تُليد : عرفتي الدكتوره منو هاي إسراء بنت اختي تغريد ...

ريفان : احس جسمي رجف من عرفت منو هاي
صخام الصخمج ياريفان يعني هسسه انتِ حجيتي
لبنت اخته انُ هو عاجز صخاام لصخمني
عزه بعيني هسه تروح تحجي ومن واحد لواحد ويوصل الحجي ويطش انُ هو عاجز
حتى ريقي ما كدرت ابلعه من الخوف ياربي اني شنو صخمت والله بس يعرف بيه الا يصخم عيشتي
وهو محذرني من قبل وأكد ع هل شي
حتى ل امه ما كايل اجي اني اخربها

مارديت اله وطول الطريق اني ساكته هو حس بيه
شي لهذا سألني كتله مابيه بس بطني تأذيني
بس اريد انهزم منه احس تورطت و ورطت نفسي

مرن كم يوم وانا بحاله قلق
اخذ علاجي وهو ما تقرب مني يدري السبب منه
صارت هيج بيه التهابات حاده الم قوي
رهبار ماعرف عنه أي شي
غير بي يتواصل ويه تُليد واني ما سألته ولا مره عنه
لو هو يحجي بالصدف يا مايحجي
بس كلش خايفه من هذا سكوته يخوفني
الله اليستر منه

ورى ما مرن كم يوم ثانين من اشوف تُليد احسه
مو ع بعضه ودومه عصبي وينافخ
اخر شي جنت كاعده بغرفتي هستوني
مخلصه شغل تمددت ع السرير وبيدي
الجهاز اقلب بي
ماحسيت الا فتحه الباب بقوه ونلزك بالحايط
دخل تُليد مثل العاصفه
نرعبت واني اشوف شكله شلون مقلوب
عصبي نار وجهه احمر تقرب مني
وسحبني من شعري بقوه صرخت بصوت
عالي ماحسيت الا ضربه قويه اجتي بوجهي
وكعت ع الارض رجع شالني وشمرني ع
السرير عاط بيه بصوت عالي واني
مفرفحه ابجي بصوت عالي
ماكو احد بالبيت وعمتي برى
بس اني ويا وهو استغل ضعف مقاومتي بالاخير
هو رجال واني بنت ناعمه مو كده
مارحمني كطعني تكطع يضرب وهو يتنفس
بقوه ويحجي كلام مامفهوم ماعرف شبي
ولا كدرت افهم منه أي شي غير بس كلماته تتردد
براسي ( حقيررره ، خاينه ، ناكره العشره ) وهيج كلام
احسهن ينغرزن بكلبي كلش صدمني
انتهيت جوه ايده اخر شي وكف فوك راسي
يناظرني بنظرات ماعرف شنو
حقد ع كره ، عتب خذلان ماعرف ماكدرت افسر
اي شي صاح بوجهي خلاني ارجف ...

تُليد : انـــــتِ طالك طالك طالك ..

____________________

للحكايا بقايا ♡

تعالو قلبي ع القناة هناك ندردش سوه رابط القناة
بحساب الانستا akyta_98

.