رواية دجن الضليع الفصل الحادي عشر 11 - بقلم رهف علي

نبدأ بذكر الله ﷽💛✨

ثقو اذا بقيتو ع نفس الخمول الغي القصه
نزلت تنبيه امس لهذا لطفا صوتو قلبي وتفاعلو

عن حال كيناز ..
تلاكَينا صدفه وعن أثر حادث !!!
شكبر بختي ؟
وانا ادحك بعوض ربي ..
#بقلمي_رهف_علي

>____________<

كيناز : اهجس اطرافي ثلجن وانا ارفع راسي تاادحك بعيونو واشوف جوابو لكن بعمري ماتوقعت
راح يكون جوابو بهذا الشكل ابد
اهجس راح يصيبني إغماء وانا كدامو

دحكتلو وهو صفن يدحك بعيوني انا توترت
وصابني ثول وانا اريد بس اشاره منو
بس ينطق كلمتو تايخلص كلشي قبل مايبدي

عضيت ع شفتي بخوف وهو عيونو
انتقلت لشفايفي دحكتلو بلع ريقه
بعدها نزل راسو شوي من بعدو رفعو
عيونو صارت بعيوني ودي اكوم واهرب من هذا
المكان ع كثر التوتر والقلق الي عيشني يا
برغم هو دقايق معدوده قليله لكن انا هجستها
عمر طويل

اردف بكلامو وخلاني مصدومه بكل حرف
طلع من منطوقو ..

أديب : انا من جيت ودكيت الباب وقبلت بولدج يكونون ولدي وماعندي اي اعتراض وهسه اكولها كدامج خاف انجن خايفه < ولج هم ولدي يابويه >
والسالوفه الثانيه انسيها لاتفكرين بيها دامج تشمين
الهوى وتكونين كدام عيوني هاي تسوى الدنيا ومابيها

- جا كينازه مو هينه يابويه مانج هينه عند كلبي -

كيناز : بقيت مبهوت وانا ادحك اله مصدومه بكلامو بلعت ريقي بصعوبه وانا عيونه انملن بالدموع
معقوله الي ديكولو ؟ همست بصوتي الي غلبت عليه الغصه ..

انتَ تشاقه مو ؟؟

هجست يريد يكوم ويكعد يمي تايفهمني بس لان نحن ماعاقدين ف بقى بمكانو ..

أديب : اخخ بس لو عاقدين جان عرفت شلون اخليج تتأكدين من كلامي

كيناز : همست بفهاوه ، شلون ؟

أديب : ابتسم وهو يحك ذقنه بأرتباك ، خليها لوكتها بويه وهسه لازم انكوم قبل لا يدخلون علينا ويطردوني اهلج

كيناز : مافهمتو بلاول لكن خجلت من كلامو اخر شي
ابتسمت بلطف ووكفت حتى يطلع

أديب : ها بويه عندج حجه ثانيه اطلعيها النا ؟ اذا عندج طلعيها هسه مو بالعقد وخلي يمشي اليوم ع خير ، اردف ب ابتسامه تزين ثغره وهو يناظرها بنظرات حلوه ..

كيناز : ابتسمت وانا انزل عيوني من عيونه نظراته سحرتني وخلتني ، هزيت راسي ب نفي وانا ارد اله ،
ماعندي اي شي غير بس اطفالي والشغله الي
عرفتها هسع غيرهن ماعندي وان انتَ قابل بيهن
حتى عرس لاتسوي راضيه صدكني

أديب : هز راسه بنفي واردف ، لا يابوي حالج حال البنيات هم الج عرس جا انتِ وحد عنهن
يلا انا اترخص سويلي درب اتأخر هنا هواي هسه
امج تجي دكول اخذت بنيتي حاصل فاصل

كيناز : ضحكت ع مداعبته الكلامي الي هزيت راسي وسويت اله طريق ودعتو وامي استلمتو برى وهو
انطاها خبر بموعد العقد وانا بقيت حايره بزماني
وبي هوَ

معقوله هذا عوض ربي ؟
يعني انا ما مصدكه حرفيا لو كان العالم كله أقسم لي أن العوض سيكون عظيم هكذا، ما صدقت أبداً

دهليز : من بعد ما طلع أديب وراها بيوم اجوي اتفقوا
ع العقد وحددوا وفعلا سريع اجه اليوم الي تعقد بي اختي كيناز
بيومها ادحك عليها طلعت تشبه الاميرات جمالها الهادىء مو مبالغ بيها خجلها وخوفها وهي ادحك ب اطفالها مره ايدمعو عيونها ومره تبتسم وتحاول تخفي خوفها

بعد ما عقدو وصارت ع ذمتو اجه تقدم وهو يلبسها ذهبها سوا الها خطوبه خطوه ب خطوها ما خلاها بخاطرها خلاها تحس اهي حالها حال البنات
وماقصر بحقها هيج كبر بعينا وخله ماما وبابا يرتاحون
شوي لكن بقوا شوي متخوفين
لا أطفالها او غيره يكون عائق لحياتها الجايه ومستقبلها

مرت الايام هادئه وحلوه واختي ادحكها للهوى لو مر منها تضحكلو دعيت من ربي يعوضها من الي نحرمت منو ويكتب الها السعاده لو وين ما جانت

أديب راد عسرو يكون سريع وما يماطل بي
وماعرضنا كان رجال ونعم منه
لهذا سوا العرس بسرعه بسرعه وتزوجوا
بيومها شكد جانت خايفه وطلعت من البيت تبجي
خلتنا نحن كلنا نبجي وياها لهسع اتذكر كلامو لبابا وهو يسلمها بيد أديب

ابو عمر : دحك الي يابه انا سبق وانطيت كنزي
وماصانو وانا هسع ناطيك مو بس كنزي لا ناطيك روحي كلها لاتخليها بيوم تردلي ندمانه أريدك
تصونها وتخليها بين عيونك ولا تكسرها بيوم
وان جانت غلطانه لاتأذيها تعال انتَ وياها لعندي وتأخذ حكك مني بنيتي ونعم منها تصونك لو ع كص ركبتها
بنيتي امانه برقبتك ياابه

دهليز : هين بكلامو خلانه كلنه نبجي راحت اختي وراحت فرحتنا وياها دعينا بيومها الله ينور طريقها
ويعوضها عن كل الي دحكتو بحياتها

اطفال بقو يمنه يومين وبعدها اخذتهم عندها
وهين سارت حياتنا العاديه بروين عادي
علاقتي ويه سيلي صارت قويه بشكل مو طبيعي
وريفان كذلك بس سيلي صارت صديقتي الروح بالروح
ماكو سالفه اذا ما اكولها الها

بدينا بدوامنه وهاي نحن اول متوسط وهين تغيرت سيلي معادت مثل الاول..

__________

سيلينا : حسيت روحي راحت وانا انسحب من ايدي
بقوه وانجر لناحيه شخص اصطدمت بصدره سريع
بقيت جامده بمكاني منا صوت لكلاب
ومنا هذا الشخص الي ما اعرفه منو
رمشت بعيوني وانا استوعب الي صار
من وصل الايعاز الدماغي رفعت ايدي لصدره ودفعته عني بقوه

صرخت بصوت عالي ااااانتَ ..

دابر : عقد حاجبه واردف , اي انا هسج نصي وين واصل

سيلينا : انا ماكدر اتحمل لو احد عاط بوجهي لازم ارده ، ضغطت ع ايده وعطت بوجه ، شعليك انتَ ؟
وبعدين ب اي حق تلزمني بهذا الشكل
شلون تتجرأ ومنو سمح الك اساساً

دابر : رص ع اسنانه وهو يكتسي وجهة البرود ، تقرب من وجها واردف ، صوتج لو على عليه مره ثانيه
مايصير خير مفهوووم

سيلينا : عضت شفتي بعصبيه وانا اشوفه شلون نظراته االي ، معلييييك معليييك عفته ومشيت وانا اجر سيرين ورايه ، واحد حقير شعليه شلون هيج يسوي

سيرين : وهي ضامه ضحكتها ، لج شسويتي

سيلينا : خلي يولي

سيرين : لج شبيج صرختي هيج فززتيني وياج

سيلينا : بسس فهميني شنو هذا الي طار كدامي خلاني ارجف هيج و حسبالي شبح

سيرين : ضحكت بقوه واردفت ، لج هذا البرشوت مالتي اجه هوى عالي وطيره وانتِ حسبالج
شبح وفضحتينا

سيلينا : صميت ايدي بقوه وضربتها ع كتفها ، ايااا حيوووانه وانا حسبالي شبح وصرت اصيح
طاحظج ياعوبه

سيرين : ههههههه شعليه اناااا

سيلينا : امشي بسبب خبزج وكعنا بفضيحا اشتهرنا بين العربان

سيرين : اوي النازكه

سيلينا : جريتها وراي دخلنا لبيت عمه سرقنا خبز ردنا نطلع بس هو صار كدامنا وصار يرزل بيه شلون طالعه بدون حجاب وانا ما سكتت غردت لما سحبتني سيرين من ايدي ورجعنا للبيت بس شنو احس دمي
يغلي بسببه عابت اله شدخله بيه واذا
طلعت بدون حجاب وانا اصلاً لسه ما
ضابطته فد مره

جبنا صينيه الاكل وخليناها بالنص وكعدنا هستونه سمينا ب اسم الله وهو دخل ورانا انا بقيت كاعده ماكمت من مكاني وهو صار كدامي

كاعد و وجهة مايكصه السيف شلون تلاغيت ويا
قبل شوي وطالعه بدون شال ع راسي
عاد هسه حتى كاعده كدامه بدون شال ع راسي
واكل ولا مهتمه اله شنو يريد يسوي مثلاً
خلي يطير ..

عاد خالتي صاحته حتى ياكل ويانا وهو وعاقد
حاجبه اجه وكعد كدامي هستوني خليت
الاكل بحلكي وجان يصخرني

دابر : بلا زحمه ملح

سيلينا : كمت للمطبخ جبت ملح و انطيته

دابر : احم ، مُمكن شطه ..

سيلينا : عقدت حاجبي ردت اركعه ع راسه بس
ماردت ابين هو استفزني رحت جبت الشطه
ورجعت انطيته وكعدت اكل اتمنيته يغص ويحترك بيها
ورى شوي تحمحم وكال

دابر : ماي ماي مُمكن

سيلينا : زفرت انفاسي بقوه وخزرته انطيته الماي وعفت الاكل وكمت وانا اناظر بعيونه
شلون ابتسم ب استفزاز الخبيث
احسه يكول ربحت انا واستفزيتج مثل ما انتِ استفزيتيني

من خلال كلامه ويا خالتي وامي جانت اجاباته
مُختصره بشكل بحيث يكول كلمه لو كلمتين
ومن سألنه عن دراسته كال الهن طالب جامعي ..

ماعلقت شي بس التفتت ع سيرين لكيتها تهزلي بحواجبها عبالك قرد كدامي
خزرتها بقوه وهي ضحكت العوبه

ثاني يوم سحلتني سيرين حتى اطلع اخبز وياهن
واكفه انا بصف التنور واساعدهن وهنا واجانا صوت ميزته من بين كل الأصوات
فتحت عيوني ع وسعهن وانا التفت اله هذا شجابه ..

دابر : الله يساعدهم ..

سيرين : هلا بيك يساعدك الله

سيلينا : تقرب يمشي لناحيتنا وهو يسلم ع سيرين
انا واكفه اسوي نفسي مشغوله بسبب فشلات البارحه
محرجه منه وماريد اشوفه بس لو اعرف اسمه حتى نسيت ما سألتهن ع اسمه والبارحة ما اطررقو لاسمه
يلا عاد هو شلونه حتى اهتم لاسمه مثلاً

تقرب وحنه نفسه اخذ كرصه خبز وصار ياكل بيها
وعيونه عليه مركزه عضيت شفتي من الخجل والتوتر
شبي هذا شو عينه زايغه السرسري..

فجأة ماحسيت الا صوته وهو يغني ويدندن
بحس مسموع ..

دابر : حلوه تخبز ع التنور صادت كلبي صيده طيور..

سيلينا : نحن متنا ضحك حاولت شكد ما اكدر
ما ابين ضحكتي اله بس هو انتبه االي وشافني مبتسمه
سريع التفتت

ماحسيت الا بنت خالتي تصيح عليه لتفتت اشوف شبيها هيج تصركعت ..

سيرين : ووولك عززززه الناس ادك وتلطم ع عمك الميت وانتَ هنا تغني

سيلينا : رفعت عيوني اله اشوفه ماحسيت الا ضرب كصته بقوه وصاح

دابر : اااخ الله نسيت نسيت

سيلينا : فحطنا ضحك وهو عافنا وراح لتفتت ع سيرين ، اكول سوس

سيرين : كولي حبيبتي

سيلينا : هو شنو اسمه ؟

سيرين : اسمه دابر

سيلينا : طكيتها بضحكه شعلاتها ومن بين ضحكتي رديت الها ، ، دابر املا ههههههههههههه

سيرين : عزززه ع الماتج ولججج اشش فضحتينا الله يفضحج سيييلي

سيلينا : تريد تسد حلكي وانا ماكو ما اسكت الا من شفته بعيد خازرني يلا سكتت لتفتت ع الجهة الثانيه والثانيه كل شوي اضحك ..

سيرين : امشي لج خلصنا خبز وهي تضحك الفطيره

سيلينا : فطيره مال جبن هههههههه

سيرين : ضحكت ، شكد عوبه امشي لج

سيلينا : بعد ما خلصنا غسلنا وغيرنا ملابسنا ورحنا للفاتحه صارو الناس تجي وياهي االتدخل تصيح وتخلي لوياهن كلهن يبجن بحيث النفسيه تتعب
هواي ونفسيتي تعبت وانا اسمع واعاين كل شي بعيوني
الى ان صار الغده

بلشو يخلون الاكل ع االسفره تجمعن كل النسوان
وبدن يتغدون ماما جبرتني اكعد اكل وياهن
اشوف الاكل كدامي مو كارده اكله عضت ع شفتي وانا حايره سحبت التمن لجهتي نوب بقيت صافنه
التمن لوحده بلكوع ينبلع
هسه شسوي !!

ع الاقل روبه وياه رفعت راسي وشفت سيرين كدامي بعدها ما كاعده كتلها سوس جيبي روبه وياج قبل لاتكعدين ماكدر اكل
بنفس الوقت جان دابر يدخل الاكل للنسوان سمعني
بالدخله الثانيه اله حاب كاسه روبه ويا
ابتسمت وانا اشوفه تقرب الي حتى ينطيني الكاسه

هناك وسمعت وحده دكول ، انا هم اريد كاسه روبه
هو عاين عليها ببرود طنشها وشمر الكاسه عليه وطلع
بقيت صافنه يااا فشلها كدام الكل وطلع وهي صارت تنافخ انا خجلت لان صارت الانظار عليه
رجعت كعدت لمكاني وانا خجلانه

شوي وكعدت يمي سيرين همست الها , لج سوس هاي منو الي فشلها ..

سيرين : بنفس الهمس ، ولج هاي زوجه

زوجه اخو ..

سيلينا : ياااا جا ليش سوا هيج وياها خطيه فشلها

سيرين : رفعت اكتافها واردفت ، يضوج منها

سيلينا : همهمت ك رد الها خليت الكاسه بصفي
واكلت ..

بعد ما انتهت الفاتحه عاد تحضرنا حتى نرد لبيتنا
طلعنا برى ف شفت دابر بصف سياره بابا ويحجي ويا
عبرت منهم ردت اصعد بالسياره صار هو كدامي وظهر بابا عليه رفعت راسي وعيني صارت بعينه
عاين عليه بنظرات ماعرفت افسرهن ثواني
مُجرد ثواني ونزلت راسي من الخجل

صعدت بالسياره عاد بابا ودعهم وصعد تقرب هو ع الجامه ودعنا وابتعد وبقت نظراته مركزه ع السياره خاصه ع جهتي انا بس ما انطيته مجال لان دنكت راسي حتى ما اشوفه اكثر وارتبك كدامه

رجعنا للبيت ميتين تعب خليت راسي ع المخده ونمت هي النومه ماكعدت الا ثاني يوم

بدت الدوام وبدت السنه الدراسه الجديده بعدنا بالبدايه
ماكو دراسه هذيج المضبوطه
كاعدات بالساحه درس شاغر
ونحش بالمدرسات والطالبات..

دهليز : يولو ماكلت الكم

سيلينا ، ريفان : شنو ؟

دهليز : اختي كيناز تزوجت

سيلينا : بفرح ، عليج الله من شوكت

ريفان : صفكت بفرح ، الله شكد فغحت الها تستاهل كيناز كل الخير

دهليز : حبيبتي انتن تستاهلن كل الخير
تزوجت بالعطله هاي

سيلينا : بحماس ، ايييي احجيلنااا

دهليز : شحجي

ريفان : ههههههههه هاي الملكوفه شوي غومانسيه ف تغيد تعغف شصاغ بالعغس( هاي الملكوفه شوي رومانسيه تريد تعرف شصار بالعرس )

سيلينا : ضربتها ع كتفها ، عفيه تفهميني ام رتله اقصد ام غتله

دهليز : ههههههههه ضحكتني

ريفان : ضربتها ع ظهرها ، يازماله ليش هيج

سيلينا : اششش بله غيفانه سكتي ام غتله خلينه
نعرف شصار ويه هاي التمساحه غير تحجي وتفضني.

دهليز : اويلي ع الفضول صار يابه غاح احجي هههههه اقصد راح احجي

ريفان : انطيتهن ظهري بزعل وهن ضحكن عليه وصارت تحجي دهليز ع العلاقه الي صارت وشلون تزوجو انا من حماسي نسيت الزعل ورجعت وياهن ع الخط واحجي وياهن

سيلينا : وانا حاطه ايدي تحت فكي ، الله شكد حلو
عوضها الله ب انسان من صدك يستاهلها مو مثل هذاك التيس الي نكت بيها وطلكها

ريفان : اي والله لا عاب حلكج ولج سيل صح كلامج

دهليز : زفرت انفاسي واردفت ، هاهي بعد شنسويلو
هذا الصار والحمد الله عوضها هي واطفالها وهسع هو ابوهم وحنون عليهم

سيلينا : الله يسعدها

ريفان : حبيبتي الله يسعدها

دهليز : حبيباتي ..

سيلينا : رجعت للبيت بعد ما خلص الدوام وانا تعبانه ونعسانه والدنيا طالعه من خشمي
هستوني ردت ادخل جوه جان يندك الباب
زفرت انفاسي واردفت بهمس اهووو هسه هذا
منو جاي بهاي الظهريه شنو ماكو ذوق لو شنو

فتحت الباب ورفعت راسي ردت احجي
اتصنمت بمكاني وعيوني فتحتهن ع وسعهن وانا اشوف الي كدامي مو معقوله !!!!

______________

ريفان : رجف جسمي وانا اعاين الي كدامي
هاي شصاااير شنو هااااي
كعدت ع الارض وانا عيوني مازاحت ولو شوي
من المنظر

ملابسي متلفه بالدم ورجليه كلها دم
اديه صارو يرجفون بخوف
سريع دمعو عيوني وهمست برجفه ..

انا غاح اموت !!!

هذا تفكيري بهاي الحظه هي الموت لان فعلاً خلفيه عن هذا الموضوع ماعندي وماما ناسيته
مابالها وسيلي ودهليز ماحاجيات بهذا الموضوع
من قبل

بقيت كاعده بمكاني فوك النص ساعه وانا ابجي
ودموعي ماتوكف الا ان سمعت صوت الباب يندك و وصلني صوتها كله حنيه وخوف ..

الحجيه : يمه ريفانه طولتي بالحمام شجاج بيج شي
يوجعج شي

ريفان : اريد احجي بلكوه ، ماما

الحجيه : ولج يمه شبيج شبي صوتج راح توكفين كلبي

ريفان : همست برجفه ، ماما دم هذا دم انا غاح اموت

الحجيه : اسم الله دم شنو بشنو مجروحه شششو افتحي الباب مو روحي راح تتطلع

ريفان : وكفت وانا الرجفه بجسمي ، تقربت فتحت الباب وهي صارت كدامي اول ما شافتني دخلت للحمام وسدت الباب وراها وهي ع وجها ابتسامه
انا عبالي هي فرحانه لاذيتي استغربت بس ماحجيت

الحجيه : مسحت ع شعرها بحنيه واردفت ، بنيتي الصغيره كبرت الحلوه كبرت و وردت مثل الزهره ..

ريفان : عقدت حاجبي بخوف وانا مو فاهمه عليها ، شنو ماما شتحجين ..

عاد هي بوقتها فهمتني كل شي و وبوقتها وجهي صار
نار من الخجل حتى وجهي ماعرف وين اضمه
علمتني شنو اسوي وراحت جابت الي احتياجت الخاصه الي احتاجهن وطلعت من الحمام

اول ماطلعت سديت الباب وراها وقفلته ضربت
جبيني بقوه وانا اعيب ع نفسي ، انا غاح اموت انا غاح اموت ،

سبحت ورتبت نفسي وطلعت من الحمام وانا مرتبكه
بس احس ألم ب اسفل بطني قوي
وهذا اول مره احس بي ماما من شافتني سحبتني وراحت نومتني وغطتني سحبت الكاسه
مال حيب من يمها وانطته الي حتى اشربه

الحجيه : اشربي يمه هذا دافي يدفي بطنج

ريفان : شربت منه شويه لعبت نفسي منه وتركته
غمضت عيوني ونمت ..

مرت أيامها حيل متعبه بحيث صارت نفسيتي
بالنازل خاصه اول مره
وما الي خلك ابد لأي شي حتى للدراسه ما الي خلكها مكظيتها نايمه لو ابجي حتى صرت حساسه وابجي
ع اتفه شي

عاد ماما لزمتني واخذتني للدكتوره وهي صارت تنصح بيها وتعلمها ع أشياء تسويها الي حتى
اتحسن ..

الدكتوره : انتِ اكيد ماره بهاي المرحله وهي هسه تحس بتغير هواي اشياء بيها
وجاي يصير بيها هواي اشياء غير عن العاده ومنهن

_ وجع أسفل الظهر
_القلق والاكتئاب
_التغيرات المزاجية
_اضطرابات هضمية
_الانتفاخ
_وجع الرأس
_أوجاع في الثدي
_ظهور حبوب الشباب
_لشعور بالتعب والأرق

كُل هذول الأعراض هي راح تحس بيهن
ولهذا حقها ب اي شي يصير وللعلم ترى الدم الدوره الشهريه لا هو فاسد مثل ما يتداول هسه ولا بي شي
بالعكس دم نظيف ويعتبر نزف ومرات يعبر الحد
ويصير خطر ع حياه البنت أو المرأه

لهذا لازم تهتمين بيها من خلال اشياء بسيطه منهن ..

_ ممارسة الرياضة البسيطة مثل: المشي

_ خلي كيس حراري على منطقة البطن للتخفيف من أوجاع المعدة

_ تسبح ب بماي ساخن، راح يساعدها ع تقليل أوجاع الدورة الشهرية

_ سوي الهل المساج لمنطقة البطن لأنه يساعدها ع التقليل من تقلصاتها.

_ انطيها بعض مسكنات الألم للتخفيف من الآثار الجانبية للدورة الشهرية

ريفان : الدكتوره تشرح لماما وهي تستمع الها
بكل حواسها وتهز راسها وانا انسطرت سطر
بس استفاديت ع الاقل اكو شي يخفف الألم
وعرفت ليش مزاجي برتقالي وشنو السبب
لهذا تشكرنا منها واخذنه المسكنات ورجعنا للبيت

الحجيه : والله يايمه انا اول مره اعرف بهذن الشغلات
كبل عدنا من زمان الي تجيها سريع تتزوج
اول ماتبلغ عبالك عدهم عار ويردون يستروها

ريفان : شهكت بصدمه ، شنو ماما ليكون تغيدين تزوجيني

الحجيه : ضحكت ، لا يمه انا جاي احجيلج ع أيامنا كبل هيج جنه اول ما نبلغ اهلنا يزوجونا وهاي عادات
قديمه واكو لهسه يايمه يستخدموها

ريفان : فتحت حلكي ، همزين ماما مو مثلهم جان هسه
زوجتني , رجعت للبيت سويت مثل ما كالت
والحمد الله خلصت ع خير وراحت أيامها
والصدمه الي انصدمت بيها هي كل شهر راح تزورني هنا لو ما عيب جان كعدت وبقيت ابجي

مرت الايام وماما اشدت عليه أكثر وأكثر
وصارت حتى تحبسني من يجي رهبار
واذا شافتني كدامه تخزرني حتى ادخل جوه
جانت حيل حريصه عليه
ومن تكعد وياي تحجي ان لازم ما اخلي جنس مخلوق يتقرب مني
اذا صار خطأ واحد اروح بيها خاصه انا بلغت
قبل شكد جانت حريصه ومتخلي رهبار يتقرب هسه صارت اكثر

وهو اصلاً قبل لا تجي من آخر مره اخذني بالغرفه وكال الي اخر مره فعلا جانت هاي اخر مره
وحتى ماصار يتقرب مني ولا يعاين عليه اصلاً
هو ابتعد وبعد نفسه بنفسه

حتى خلاني استغرب توقعت من خلال تصرفاته
كرهني وما عاد يحبني مثل قبل
اول ما ينزل من الدوام يطلع من البيت
واذا رجع ف يرجع وقت النوم ونادرآ يكعد ويانه

خلصت دراستي وصار عندي فراغ
رحت توضيت وأخذت القرآن مال ماما وكعدت قرى الغرفه اقرا وانا اركز بكلمات كلمه كلمه وحرف حرف
خاف اغلط بكلمه ع كثر ما متخوفه منه إلا أنا احسه
ملجأي ويحسن من نفسيتي ويشرح صدري ..

بديت بسوره جديده اسمها الضحى
جاي اقرا بيها وصلت ل ايه 9 جان يجيني صوت عمتي من فوك راسي ...

اردفت وهي تهز ايدها معاجبها
فاطمه : صايره مُتدينه وانتِ كلج خلك من نطفه حرام وبنت زن*

ريفان : دمعو عيوني وانا هسه يلا فهمت شنو يعني بنت زن* ونطفه حرام حسيت غرست سجينه
بنص صدري هزت ايدها معاجبها وراحت
ضاق نفسي والدنيا ظلمت بعيني

رجعت عيوني ع القرآن واجت الايه كدامي الحد الان اتذكرها سوره الضحى ايه رقم 9 { فَأَمَّا الْيَتِيمَ فَلَا تَقْهَرْ }

همست وانا دمعتي نزلت ، اااخ ياربي قهروني والله قهروني وانا لاحول ولا قوة بين اديهم ..

رجعت اقرا وانا امسح دموعي الي نزلت ع حروف القرآن رايده يبرد كلبي
وفعلا حسيت براحه عجيبه ورعشه سردت بجسمي
بعد ما هدأت روحي سديت القرآن وبسته
رجعته لمكانه وكمت اصلي لان اذن
حتى صلاتي صرت ما افوتها ولا افوت اي فرض
من الفروض تمسكت بيها مثل غريق يتمسك بقشه

طلعت من المطبخ ردت اروح للحديقة انظفها
وصادف بطلعتي دخول رهبار بقيت جامده بمكاني
وهو جامد بمكانه يعاين بعيوني وبقى مستمر

شفت التعب واضح عليه وعيونه تحتهن سواد
ووجهة ذبلان مو مثل رهبار الاولاني ليش
هيج صاير بي ليش

همست اله بهدوء ، الله يساعدك ..

رهبار : ناظرها بعيونه بنظرات ثابته وصحت من غفوته وسرحانه صوتها وهي تسلم عليه ..
اردف بهدوء ، ويساعدج بويه

ريفان : سحبت نفس وسألته ، جوعان ؟

رهبار : طول بنظرته بعدها اردف ، لا

ريفان : بقيت واكفه كدامه واحس عنده كلام يريد
يكوله الي بس مايكدر انسحب من كدامي وصعد فوك
انا بقيت واكفه بمكاني هسه شنو صار ؟
فززني من صفنتي صوت عمتي وهي تصيح

فاطمه : المكموعه ووووين صاافنه ماترحين ع شغلج

ريفان : هزيت راسي الها مالي خلك مجادله وكلام بينه ، اخذت ادوات التنظيف وطلعت برى
انظف وانا بالي كله يم رهبار
علته وين هم ماعرف ..

ثاني يوم داومت واجتي سيلي وجها ما اعرف شبي
صافنه وبالها مو يمنه ابد تضرب صفنات

هزيت راسي لدهليز بمعنى شبيها
هي رجعت الي برفع اكتافها وتقويس شفايفها بمعنى ماعرف حالي من حالج
رجعت نظري لسيلي لكيتها حاطه راسها
ع الرحله وصافنه

هزيتها بقوه وعطت بصوت عالي ، سسسسسيلي

هي خطيه فزت مو بس فزت لا انرعبت
وكفت ع طولها وتتلفت من كل الجهات وتصيح
ها شكو منو شنو شصاير
هنا خربنا من الضحك عليها نريد نسكت حتى نفهمها
نوب مانكدر بس نكركر عليها
هي ركزت بينه شوي بعدها عرفت هاي نحن سوينا هيج بيها

لزمتنا وصارت تضرب بينه حتى دهليز اكلت كتله
منها لان جانت تضحك عليها
يعني هم مشتركه بالجريمه ورى فتره سكتنا ..

ريفان : احجي سيلي شبيج

دهليز : هسع دكول مابيه

سيلينا : ماعرف بنات

دهليز : بتأكيد.هأ اها الميت ميتي واعرفه شمشعول الصفحه

ريفان : فتحت حلكي اضحك عليها
شلون تنطقها هي وتعابير وجها الي عاقدته
، اشش دهليزه خلينه نفهم من هاي الخبله شجاها
بس تتصفن

سيلينا : صدكني بنات مابيه شي

دهليز : عجل شمالج صافنه وايدج ع الخط

ريفان : غمزت الها وهي تكمل , اضنج عاشكه وبالج احد ؟

سيلينا : بفزع ، يمعوداااات وين رحتن ويني وين الحب
حتى احب شمالجن انتن شو ماتعرفن تحجن

ريفان : عليناااا سيلي

دهليز : اعترفي بروح ناجي

ريفان ، سيلي : منو هذا ناجي ولج ؟

دهليز : صخله جيرانه قبل مسميها ناجي انطتج عمرها هههههههههههه

ريفان : امداج ياغبيه

سيلينا : جا غير هي خبله ماعليها عتب

دهليز : بتأنيب ، عجل عجل شنو اتفقنا عجل مو جاا
يمي تحجن غربي مو جنوبي يولن

سيلينا : هههههه تمام فهمنا

_________

دهليز : دراستنا صارت أصعب مواد جديده
انضمت للقائمة بعد ما جانت عدنا مواد اقل
هساع لا صارت أصعب وانا عقلي محجر ما افهم شي

امتحنا و ودرجتي موزينه والمدرسة صارت تحجي عليه ليش هيج من اول شهر وانتِ مسواج هيج
انا اقرا هواي بس ما استفاد من قرايتي شي
غير بس الطيحان الحظ

عضت ع شفتي وانا احاول الزم دمعتي
ليش هيج يعني منين
ما اجيبها ماتصير ماترهم عجل شلوووون

رجعت للبيت دخلت وانا ميته تعب
وراسي مصدع رفعت راسي ولكيت ادم واسر كدامي
ضحكت والابتسامه صارت لاذاني
صحت بفرحه ..

ياااااي هاي منو جاي هينا اليوم منورين الدار يابه
لزمتهم وجعصتهم من البوس اووويلي يابه
شلون عطر يردو للروح ولكم ادبسسززيه
كزكزت عليك وربي ..

كيناز : هههههه لج عوفيهم هو هيج جعصتيهم يمعوده هسه تنفتح قنواتهم وبعد شيسكتهم

دهليز : لج يخبلون احبهم اجعصهم هم وامهم
الصاكين

كيناز : ابتسمت ، تعاي ولج خلي ابوسج فدوه لعينج
حبيبه كبرانه ومحلوه

دهليز : رفعت اليااخه مالتي بثقه ، طبعا انا حلوه
من كاعي مو هساع يلا

كيناز : شنو هاي الثقه بس يلوكلج يولي

دهليز : سلمت عليها اخر شي ههههه انا شلت أسر وهي آدم ودخلنا جوه جانو يجهزون بالغدا
بعد ما غسلت وغيرت ملابسي كعدنا ناكل ونحن الضحكه ماليه وجهنا
بعد ما خلصنا كعدنا نشرب جاي بابا واخواني راحو ينامون ونحن بقينا انا صفنت

ماهجست الا ضربه اجتي ع كتفي
فزيت ..

كيناز : ها لج وين صافنه

دهليز : لج فزيت من ضربتج

كيناز : لابله وينها ضربتي دحكي يمه بنتج
صايره مايعه ماتتحمل

دهليز : اووو راح تبدين بموشوحج ، بعدين انتِ شعندج هينا لا يكون رجلج طاردج وجايتنه ظهريه

كيناز : تفي من تمك ع كولت السوريين ، بيش طالبتني لا عيني بس انا اشاقيت الكم وهو ماقصر
جابني هينا

دهليز : اممم كلتي مشتاقه

كيناز : اي عجل شنو ، هساع لا تغيرين الموضوع وكولي شبيج ليش اهجس بيج شي ومالج خلك

دهليز : اردفت بتعب ، الدراسه

كيناز : ابتسمت ، صعبه مو ؟

دهليز : جثييييير

كيناز : اردفت بحزن ، لاتخسرين دراستج مثلي دهليزه
حتى لو صعبه ادرسي كل صعب ثمرته حلوه

دهليز : دنكت راسي وانا اهمس الها ، بس صعبه
مامتعلمه انا واليوم دحكت ورقتي راسبه بيها
عجل شلووون

كيناز : بتفكير ، انا ادرسج

دهليز : فتحت عيوني ع وسعهن ، عليج الله ؟

كيناز : اي طبعا عجل انا متشاقيه وياج

دهليز : عجل شلون ادرسيني وانتِ ماتجين هينا جثير ؟

كيناز : يولي شنو بيتنا قابل بعيد ؟ تعالي الي عصريه
تادرسج عيالي ما يكولون شي بالعكس
زينين وياي وحبابين

دهليز : ضحكت بفرحه هجست هم ونزاح عني ،
ايييي رحمه الله والديج كينازه شكرا

كيناز : حبيبتي اخيتي انتِ مابينه شكر

دهليز : راحت كيناز من بعد ما اتفقنا
ندرس سوا وأمر عليها الباجر العصر ..
طبعا بالكوه قنعنا مااما لان رافضه وتصيح

( يمعوودات نحن ما عولنا عيالها زينين نوب ترحين انتِ يمهم هيج وضاجو يطلعون ضوجتهم ب اخيتج )
وكيناز بقت تقنع بيها الا ان اقتنعت ..

ثاني يوم من رجعت من المدرسه سبحت وتغديت
ارتاحيت شوي
بعدها اخذني اخوي لبيت اختي دك الباب دخلني بيده وسلمني بيد اختي يلا رجع للبيت

كيناز : تعاي جوه ماكو احد

دهليز : عجل وينهم

كيناز : يولو أديب طالع هو وصاحبو وعمي بالكوه ، وحماي الصغير مو هينا طالع يدرس هو وصاحبو
بس عمتي وحماتي هينا

دهليز : ارتاحيت واطمنت دخلت سلمت عليهن
كعدت شوي بعدها اخذتني اختي بالحديقه
وكعدت ادرسني وانا مره افهم ومره لا

كيناز : شمرت القلم ب إهمال واردفت ، يولو ل هساع مافهمتي !

دهليز : زفرت انفاسي بقوه واردفت ، عجل دحكتي شلون صعبه

كيناز : لج بس ركزي هساع تفهمين يوولو بس افتحي مخج وياي

دهليز : رجعت اركز وياها وهي تشرح
شوي وهجست الباب انفتح رفعت راسي ادحك
منو هذا الي فتح الباب

و وكعت عيني ع شخص خله كل خليه
بجسمي تجمد بمكانها فتحت عيوني ع وسعهن
وانا ادحك بهذا المخلوق الي كدام عيوني عجل هذا شنوو !!!!!

دحكتو عيونو بلون السماء زرك يدوخن
اكبر واحد وهو ابيض بصفاء حتى ابيض
مني وشعرو اشكَر جمالو ياخذ الروح
هجست كلبي خفكَ وصار يدك بقوتو

تقرب منا وهو يدحك بنظرات وابتسامه حلوه
هجست اطرافي ثلجو
وصل يمنا عضيت شفتي من حسيتو انتبه ع صفنتي
واستغرب مني لكن خفى استغرابو
ب ابتسامتو سلم علينا لو سحلني بصوتو

_ السلام عليكم

كيناز : ابتسمت بلطف وعليكم السلام ، اختي دهليز الصغيره

_ لتفتت عليها ب ابتسامه واردف ، نورتي بيتنا بويه

دهليز : ماحجيت حسيت اخرسيت ولساني نعدم بس هزيت راسي الو بمعنى رد السلام شكد فشله اوف

_ جا انا داخل جوه كيناز ان احتاجيتن الشي

كيناز : ماتقصر عيني اخذ راحتك

دهليز : اول ما دخل جوه لتفتت ع كيناز وهمست الها
منو هذا ؟ انا ماشايفتو قبل حتى بالعرس
ماشفتو

كيناز : ضحكت ، هو هذا حماي الصغير

دهليز : عضيت شفتي واردفت ، شنو اسمو ؟

كيناز : أللــهيم .

______________

للحكـــــايا بقـــــايا ♡

مـــــثل ما اتفقنا تصويت وتعليقاتكم ع الفقرات قلبي

حسابـــــي الانستا ضيفو 🤭🤍

يســـــلمو ع الغلاف قلبي ازاهـــــير🥺 🫂❤️‍🔥