رواية دجن الضليع الفصل الخامس وأربعون 45 - بقلم رهف علي

نبدأ بذكر الله ﷽💛✨

قبل القراءة مُتابعه للحساب akyta_98
للتواصل ع حساب الانستا عيوني akyta_98

#بارتوت سبرايز اتمنى منكم ماتنسون التصويت وتعليق ع الفقرات ..

سأوعدك وعدًا عِراقيًا
حَتبقى بنُص روحي للأبد .🖤

_________________

الحياه فرص اذا ما استغليناها راح نخسر
مرات تجي الفرصه بوقت انتَ مابيك حيل
تستغلها وتكون فاقد كل شي بيها
ماتعود تحاول حتى تستغلها ماعندك القدره
ماعندك الطاقه واضافه الكل شي ماعندك
الشغف الها
ومرات تجي الفرصه وانتَ تعبان بس تثابر
وتستغل هاي الفرصه بس لأجل شخص
يهمج وتحب تشوفه ع طول لهذا تحاول
تستغلها الخاطر هذا الشي
ومرات تستغلها وما تستغلها تتردد وتكون
خايف من انُ ما تكون الصالحك
بهل حاله ممكن تخسرها
هي هاي الفرص
مو دائما تكون من صالحنا ولا حتى من حظنا
لهذا نترك نفسنا ال الله ..

دهـــــليـــــز ::-

فاتحه عيوني مصدومه احاول اصدك الصدمه
الي انا بيها دحكت بالكل وكلهم نفسي
بالضبط هم مصدومين يعني معقوله خلاص
احنه انتهينااا وخلاص ماعاد هل شخص موجود
بحياتي !!!!
اهجس روحي صرت مثل الطير مايسكن ع ارض
وكفت ع طولي خليت ايدي
فوك شفايفي وطكيتها ب هلهوله تسمعها كل العماره
الفرحه الي انا بيها ماتوسعني
اي فرحانه وما اتحمل كل هذا الفرح
اهجس مو كده واريد اطير
انا هساع اسعد بنت بالكره الارضيه
الشخص الي محاربني بسعادتي و ب أبني
انتهى من حياتي وخلص
ماعاد اكو شخص اسمه بشار !!!
تزوج وافتكيت منو يافرحتي وياسعادتي
هسسساع هاهي يعني هاهي
كطفت الي ب ايدي وكعدت بحماس وانا ادحك الهم
فرحانين وهاي اول مره يدخل الفرح
البيتنا بعد ما انطفت شمعات مو شمعه وحده
دحكت عليهم صح فرحانين بس مصدومين
من الي صار وحقهم عبن صار بسرعه
بس احسن
الضحكه واصله ل اذاني ظهرت قهقهة عالي
مني بعدها اردفت ..

بااباا يعني هسااع افتكيت منو !!!

ابو عمر : اي بابا

دهليز : خليت ايدي ع وجهي فرحانه اسمعهم يحجون
بس ما مهتمه باقيه بفرحتي اريد اطير ل اللهيـــــم تاخبروا بالصار

عمر: يابه هو هساع تزوج عجل غير ينطني خبر
ابو عمر : عوفو ابني اكيد يردها النا
عمر : بس يابه
ابو عمر : بلا بس ابني المهم قرر يبدي حياته
بعيد عن دهليز ويفتح صفحه جديده بهل حاله
الطرفين راح يرتاحون
ام عمر : والله انا ادحك سوا عين العقل حتى لو
ما انطى خبر المهم مشت حياته

دهليز : قاطعت كلامهم ، بابا وابني يرجع الي موو ؟؟

ابو عمر : والله يا بابا ما اعرف
ام عمر : عجل الرجال تزوج وراح يخلف شيسوي ب ابني خلي يرده ال امه ترى مره الاب مو دائما تكون زينه
ابو عمر : خلي تعدي هل كم يوم ونعرف شنو يصير
دهليز : بس بابا انا اريد ابني
ابو عمر : اي بابا اعرف عجل شلون ما اعرف كلبج
يمو
دهليز : اي والله ليلي ما انامو وافكر بي
ابو عمر : ان شاء الله خير حبيبتي

دهليز : رجعوا يحجون وانا صارت عندي طاقه
عجيبه من جهة خلصت من بشار
ومن جهة ثانيه جثير متأمله ابني يرجع ل حضني
صعدت طايره لغرفتي سحبت جهازي
واتصلت ع اللهيـــــم
ماكو ثواني وفتح الخط
صرخت بفرح ..حبيـــــبي

اللهيـــــم: روح حبيبج

دهليز : تدري انا اليوم اسعد انسانه بالدنيا
اللهيـــــم: الله يديم هل سعاده ، اكيد سببها لان جاس تحجين وياي مو اي اعرف بيج تموتين عليه
دهليز : امممم شنو هاي الثقه الي عندك
اللهيـــــم: جا تشككين ؟
دهليز : لا اكيد انتَ اصل السعاده الي نزرعت بداخلي

اللهيـــــم : اااخ بويه الحك ع ابنك
دهليز : اردفت بهمس ، شبي ابنه
اللهيـــــم: احترك بنااره
دهليز: اطفيك!
اللهيـــــم: سكت بعدها اردف بهمس ، شلون ؟
دهليز : شنو
اللهيـــــم: شلون اطفيني
دهليز: سهله
اللهيـــــم: اردف وهو ذايب ، اي شلون
دهليز: اجيب سطل ماي بارد واكطو عليك انتَ الوحدك تتطفى
اللهيـــــم: فاااان حظك يامصكوعه
دهليز : ياااا ليش
اللهيـــــم: بله اسكتي ضيعتي علينا اللقطه
خليها من نعرس اعلمج وحده وحده
دهليز: يااااا
اللهيـــــم: وجعا بكلب اليكرهوج
دهليز: لهيمي
اللهيـــــم: عيونه بويه عيونه

دهليز : بشار تزوج خلصنااااا منووووو
اللهيـــــم: شنو ؟
دهليز: ضحكت ع صوته ، اي والله بشار تزوج وخلصنا منو
اللهيـــــم: شلون ؟
دهليز: بدون ما نعرف قبل شوي اتصلوا ع بابا
وخبروا وهساع هو متزوج وخلصناااا ماكو شي يعكر
حياتناااا واخيرا
اللهيـــــم : شحده يعكرها الا يكوت ناوي ع حياته
دهليز : هساع بس ابني يرجعلي وخلص صدك ارتاح
اللهيـــــم: يرجع حبيبتي يرجع اطمني
دهليز : ان شاء الله حبيبي

اللهيـــــم: لولو
دهليز : عيونههااا
اللهيـــــم: شوكت نتزوج ؟
دهليز : سكتت خجلانه منو
اللهيـــــم: ها ؟
دهليز : ابتلعت ريقي واردفت ، بالوقت الي تريدوا
اللهيـــــم: اردف بفرحه ، بروح اخوتج ؟
دهليز: دمعوا عيوني بفرحه صوتو ، وروح اخوتي
اللهيـــــم: جاااا جهزي نفسج عرسنا بهذا الشهر
دهليز : مو مستعجلين ؟؟؟؟
اللهيـــــم: لاااااا مامستعجلين لج بويه افهمي
منتظر اللحظه الي نتزوج بيها اريد احطج بحضني
وارتاح بويه كافي تعبت كل هل سنين وانا انتظر
اريدج اليوم قبل باجر
دهليز : خلص حبيبي الي تريده سوي

اللهيـــــم: لج دهلييييييزي ااااحبج نسسمه روحي
حب حياااتي خيط نفسسسي اححححبججج

دهليز: ابجي وامسح بدموعي فرحانه الفرحته
مايهمني شي بعد بس اخذ ابني الحضني وهذا حبيبي يمي الي حلمت بي سنين طويله
بهل حاله انا اسعد انسانه بالكون كلوو

غلقت المكالمه منو والتهيت بنفسي صرنا كل يوم
نخطط شنو نسوي بعرسنا وشنو نجهز ابسط الاشياء
ودققنا ع كل شي

إلى أن عرفت بحاله سيلي وعرفت شنو صاير بيها
لهذا أجلت العرس شوي لبين ما تتحسن
حالتها وترتاح
وجنت وياها خطوه بخطوه
عرفتها هي بهذا الوقت جثير متأذيه
وتحتاج احد يفهمها يكون وياها لهذا
جنت وياها خطوه بخطوه ماتركتها ابد ولا لحظه
مثل ما هي ماتركتني ب ازمتي ولا لحظه
سيلي ماعرف شنو اكول عنها بس من احلى الاشياء
الي صارت بحياتي جثير احبها واعزها
واتمنى مايفرقنا اي شي بهاي الدنيا

بيوم جنت نايمه هجست صوت جهازي يتصل
فزيت خايفه اعاين الساعه 3 ونص باليل
سحبت الجهاز لكيتها سيلي تتصل بيه
فتحت الاتصال وانا خايفه لا صاير شي
وكع كلبي من سمعت صوتها وهي تبجي وتشهك
كطعتوا الكلبي بصوتها احاول اهدي بيها
حتى افهم منها شي بس هي ماكو بس تبجي
بقيت افتر بالغرفه وانا احاول اهدي بيها
واحجي وياها بهدوء

دهليز : ام السوس حبيبتي سيلي شكو عجل غير افهم شبيج
ليش تبجين ومدمره نفسج ليش هيج تهلكين نفسج ول يابه ..
سيلينا : تعبانه انا تعبانه محد يحس بيه
دهليز : عجل انا هين ما افهمج
سيلينا : بس انتِ الي تفهميني
دهليز : عجل فهميني تا افهمج وندحك شبيج
سيلينا : لولو تعبانه دابـــــــــــــــر ماعرف شبي بس اريد افهم ليش هيج يسوي بيه ليش راح اموت
دهليز : بس هو ما مسوي شي
سيلينا : جاا وهاي الي راسلته
دهليز : مو فهمج وانتِ عقلج عقل التيس مايفهم شي محجر ع كولتو الدابر
سيلينا : لووولووو حتى انتِ
دهليز : عجل غير انبهج ع تصرفاتج صايره فد مره
وينها سيلي القديمه ليش هيج صايره هشه وبسرعه
تنكسرين وتنتكس حالتج عاجبج حاله اهلج من وراج ؟
عاجبج حالتنا واحنه خايفين عليج لا يصير بيج شي هساع وين ننطي وجهنااا هاا ؟؟
سيلينا : مو بيدي وربي مو بيدي لان احبه كل هذا الحب واذا حسيت شخص تقرب منه اموت
نار الغيره الي بداخلي تموتني انتِ تفهمني مو
دهليز : لاتسألين مجرب حبيبتي انا اكثر وحده جربت
سيلينا : شفتي
دهليز : وهساع ؟
سيلينا : احبه بس مجروحه منه تعبت
دهليز : انطي فرصه ..
سيلينا : ما اكدر ..

دهليز : حاولت بكل الطرق تا اخليها تنطي فرصه
بس هي ميبسه راسها
تعبت فد مره واهلها نقلوها مستشفى ماخلوا لا ساده لا شيوخ لا بيت سيد صروط بكل مكان
ومابيها اي شي اختها كيناز تتصل عليه وتتواصل
وياي حتى نلكه حل الها وهي ادمرت فد مره
اخر شي طلع انهيار عصبي حاد قوي ..
مرت الايام واجت كورونا وطلع بيها كورونا
نامت بالمستشفى 15 يوم واحنه لا ليلنا ليل ولا نهارنا نهار ماخلينا شي ماسوينا إلى أن الحمد الله تحسنت حالتها ورجعت زينه
دابـــــــــــــــر ماتركها ابد اعرفوا يحبها بس اسلوبو يخلي الطرف الثاني يحس بعدم الحب وهذا الشي جثير متعب

بعد ما تشافت سيلي راحت زياره والحلو
بيها اول مره تقرا هناك حرامات تمنيت اكون متواجده
عبن اريد ادحكها شلون تقرا
بس الحلو وصلني فيديو عنها صرت كل يوميه
اسمعوا صوتها احبو اهجس بالراحه من أسمعو يطمني
جثير

اخر شي دار حديث بينها وبيني عن دابـــــــــــــــر وعن كل الي بينهم وحجيت وياها جثير إلى أن
اقتنعت خلص ورجعت الو
بيومها اتصلت عليه وجانت جثير فرحانه
انُ خلص الزعل الي بينم خلص انتهى وبدوا حياتهم من جديد بعيد عن كل شي بعيد عن تعب ، حزن ، قهر ، ألم عن كل شي
وهذا الي تمنيته الها وادعي ع طول تكون حياتها سعيده ...

ابتسمت بتوسع وانا ادحك رقمو
فتحت الاتصال ورديت ..
الو حبيبي ..

اللهيـــــم: دهليز ماكافي عاااد ترى روحي طلعت
دهليز : شكو حبيبي
اللهيـــــم: عرسناااا شوكت
دهليز : عجل مو كلت الك بس أطيب سيلي وهساع هي صارت زينه راح ابدي اجهز نفسي
اللهيـــــم: عليج الله تحجين صدك
دهليز: وعيونك الحلوات
اللهيـــــم: ااااي لج هاي الاخبااار الحلوه اريد
اسمعها من زمان جا ابدي جهازي وشنو الي تحتاجي
اتصلي عليه وانا تلكيني كدامج ب اي وقت
دهليز : تسلم حبيبي ما تقصر ..

مرت الايام وبدايه كورونا جان الوضع كلش متأزم
والناس متشدده حتى ابني صاروا ما يدزوا
هواي والا اخوي يروح يجيبو منهم
طبعا جثير حاولنا وهو ميبس راسوا
مايقبل يرجعوا االي وانا وعدت نفسي اردو الحضني
يعني اردو غصب عن كل واحد
ابني كبر بعيد عني وهذا اكبر شي قاهرني ومأثر بيه
جثير حازه بخاطري
وخايفه من شنو بالضبط ماعرف بس جثير خايفه
من كل شي ..

اليوم ابني راح يجي وجثير فرحانه عبن راح يبات يمي
مو مجرد ساعات
سمعت صوت سياره من جوه عرفتوا وصل نزلت
طايره دحكت باب البيت انفتح ودخل ابني يركض
انا دحكتوا وطرت من الفرح ركضت الو وهو ركض الي
شلتو تعلق برقبتي وحضني وهو يبوس بيه
ابني حبيبي كبران ولسانو فصيح ماكو منو جثير احبو
صار روحي من الدينا
دخلنا جوه وانا احضن بي وابوس بي
تركت تجهزياتي واليوم التهيت ويه ابني
كاعده اوكل بي من بعد ما افتر البيت كلو
وسلم ع الكل كعدت اوكلو
اول ما كمل شلتو تاغسلوا
رفعت كم قميصوا دحكت ردت اخلي ايدو جوه الماي
وانتبهت ع ايدو ..

فزيت مصدومه وانا ادحك اثااار زرقه !!! واثاار حروق !!!!
رفعت أكمام اديه وطلعت اديو زرقه هين ماعرف شصارلي اتهسترت انجنيت
ماعرفت شنو اسوي
بجيت بحركه وانا ادحك ابني شلون
متعنف نزلتوا ع الارض ونزعتوا ملابسوا هين انصدمت
من دحكت بجسمو اثااار ضرب وتعنيف
وانا اكول ابني ليش ما يحب يروح البيت ابو
طلع معنفي وأنا مو داريه ب حال ابني
وانا اكول ليش مايرضون يبقوا يمي حتى ما ادحك
جسمو ولا ادحك الجريمه الي ارتكبوها بحك ابني

صرخت ولميت البيت كلو هو خاف وارتمى بحضني يبجي وانا ادك والطم ع راسي ابني هذا ابني هيج يصير بي وبوجود ابوووو هيج يصير بي
اهلي من شافوا انجنوا وصار الصياح عالي
كل واحد يكول شكل
انا اخذت ابني وصعدت فوك وتركتهم يحجون
بس منهاااره ماريد اتركو بعد لو تنطبك السماء ع الارض ما اتركوا لو يذبحوني
هو خطيه خايف ما تركني لازمني بقوه ويبجي
خليتو بحضني واحاول انومو تا يهدأ
ورى فتره نام بس انا النار موجره بداخلي
بجيت وانا ادحك ايدو سوده عليه ياماما
شلون تركت يم زوجه ابوك اكيد هيَ الي معنفتو
عجل ابو ؟ اكيد لا هو روحو بي ويحبو جثير
حتى اهلو بيت جدو يحبو بس هي من اجت عن جديد صار بي هيج عرفتها هي واضح هل شي وضوح الشمس

كاعده ابجي وانوح وجهازي اتصل رفعتو
ابتسمت ب حزن من عرفتو اللهيـــــم
جربتوا اكثر من مره كل ما انقهر هو يتصل ويكول الي ( حاس بيج شي كولي ياعيوني شنو الي بيج )
فتحت الاتصال ورجع كرر جملتوا ماتحملت
حنيتوا اطلقت العنان الدموعي وانطيتوا علم بكل شي صار هو تخبل فد مره وكال اكمل شغلي واجي
طمنتوا واطمنت عليه وسديت الاتصال
وفعلا العصر اجه ..

اللهيـــــم: روحي جيبي ابنج وتعاي
دهليز : ما عارضت كلامو رحت جبت ابني ورجعت
جانوا اهلي كلهم موجودين ساكتين يريدون يعرفون اللهيـــــم شنو يسوي
ابني يعرف اللهيـــــم لهذا ما خاف منو بالعكس يحبو
لهذا من صاح عليه سريع راح ..

اللهيـــــم : تعال بابا ..

دهليز : راح ابني الو وهو لزمو حطو بحضنو وباسو جثير هزني هذا الموقف وحبيتو اتمنيت ابني من اللهيـــــم بس كل شي يصير عكس إرادتنا الحمد الله على كل شيء
مسح ع شعرو واردف ..

اللهيـــــم : الي راح اسوي هسه هو الحل الوحيد الي يضمن بي يبقى الطفل يم امه

ابو عمر : شنو هو ابني كول

اللهيـــــم : بس تصير بينكم محاكم

دهليز : عااادي

اللهيـــــم: جا اسمعوا ...
راح اخذ صور للاثار الي بجسمه واحولهن المحامي
معروف وهو يمشي بالقضيه
الطفل مادامه متعرض العنف اكيد تكون الحضانه من صالح الام وبهل حاله ابنكم رجع الكم ..

دهليز : بدون تفكير وافقنا مانريد نتأخر ولا شوي
وقررنا بس ناخذ الحضانه نتزوج
وفعلا مشينا بالموضوع سريع وتكفل اللهيـــــم بالمحامي
وانطى الو كل شي صور وغيرها حتى من نرفع الدعوه نكون متجهزين عكسهم ماعندهم خبر بكل شي
مشينا بالإجراءات و اللهيـــــم جثير طمني انُ ابني خلاص راح يكون يمي وما احد ياخذو من حضني
وهذا الشي الي مريحني

قبل موعد المحكمه اتصل عليه بشار بوقتها
دنيا اليل وانا منا محمله عليه وارد ارزلو واخذ حق ابني منو لهذا فتحت الخط عليه ..

بشار : شنووو هذا الي سويتو!!!

دهليز : مثل ما ادحك بعيونك

بشار : انتِ من كل عقلج يول عجل عمي وينو عننننج بكيفج تتصرفين انتِ والاصفر مالج

دهليز : اساسًا انتَ الي ما من حقو يحجي بكل هاي السالفه بسببك ابني صار بي هيج بسببك ابني
تأذى وتعنف تعرض للضرب تعرض للحرق وهو ب بيتك وينك عنوووو عجل بس حاير تاخذو مني تا تكسر ظهري بي وتحرمني منو وانتَ ما مهتم بي بس فهمني انتَ شنو من ابوووو حرامات بيك.

بشار : دهليزززز اعرفي تحجين وياي عدل لا أعرف شلون اخليج تحجين

دهليز : شنو انتَ بكيفك تحجي ما وراي اهل ما وراي رجال ؟؟؟؟ يوكفون بوجهك انتَ بش جرب
وابني اخذو منك يعني اخذو وراح ادحك بعيونك شلون يصير الي

بشار : دهليز اتكفي شري

دهليز : مشكلتك يا ابن عمي

بشار : سحب نفس وزفرو بقله حيله اردف بتعب ، ماعرف

دهليز : شنو ؟

بشار : ما جنت اعرف هي مسويه هيج ب ابني
انا بشغلي وهي تهتم بي حتى اهلي عرفو هي تحبو وتهتم بي بس ما توقعتها تسوي هذا الشي

دهليز : مشكلتك انا مهمها يكون ابني اخذو يمي

بشار : عجل ارجعي وخلي ابنج بحضنج
افصخي خطوبتج وردي ل ابنج بهاي الحاله
يكون يمج وانتِ يمو

دهليز : هو كال هيج لو انا انجنيت تخبلت بسببو ، من كل عقللللللك انتَ هاااااا تخبلت انتَ انجنييييت
شكد انااااني انتَ ما كفاااك الي عشتو طول حياتي وهساع تريد ترجع تخربها من جديد هااا !!!
اكون مخبله اذا رديت الك اسمع بيناتنا المحاكم
وابني أخذوا كدام عيونك مثل ما اخذتوا مني وخليتني اتعذب ب بعدوا عني هينه يا ابن عمي انتَ الي وصلتنا للمحاكم ...

سديتوا للجهاز وانا نار بصدري اتصلت ع
كيناز وخبرتها ب كل شي هي تعرف عني كل خطوه
اخطيها احجي الها كل شي ما اترك شي بداخلي
افضفض الها وهي تنصحني بوقت سيلي مو يمي
هي تكون يمي مسويات مناوبات عليه وانا
مستمتعه ب اهتمامهن بيه
للصراحه جثير عاجبني
وحابه ها الشعور والاحساس ..

بعدها صارت المحكمه واجتمعنا وبعد جر وعر
وتعب وكلام جثير ، ارهاق ، قلق ، توتر ، خوف ..
اخر شي انحسم القرار ورجع أبني الحضني ...

طلعت من المحكمه وانا الضحكه مرسومه ع وجهي
فرحانه والفرحه عارمه ما انطيها ل اي احد
جثير فرحانه وهذا من احد الأحلام الي احلم بيهن
ابني رد الحضني من بعد ما صار عمرو 6 سنوات
كل هذا التعب والقهر خلاص انتهى
ابني رجع الحضني والانسان الي احبو صار من نصيبي
عجل ربي شكد يحبني صح من بعد تعب
عوضني اي عوضني ب احلى شي صار بحياتي
وصلت للبيت واللهيم ماتركنا ابد هو فرحان ع فرحتنا
بيومها احتضنت ابني وانا فرحانه وسعيده

من الايام وعرفت ب بشار طلق زوجتوا وما بينهم اي اطفال عبن اذت ابنه وهو بيومها اخذ ابني
رادوا يوم وأحد يبقى عندو للصراحه ما اعترضت
واعرفو يرجعو
وفعلا ثاني يوم رجعوا بس بوقتها وكف بالباب
وطلب يشوفني طلعت الو وانا بداخلي نظيف اتجاهوا حتى حقد ما حقدت عليه ابد
نسيت كل الي صار وكأن احنه ولد اليوم ..

بشار : اريد اعتذر منج ع كل الي صار ..

دهليز : ابتسمت وبعدها اردفت ، الي صار كلو نسيتو

بشار : هاي اخر مره ادحكين بيها وجهي عبن انا ماشي بس ماردت اترك امشي وانتِ شايله بكلبج عليه

دهليز : ليش وين راح تروح ؟

بشار : ابتسم بهدوء واردف ، انا تارك العراق ماخذ امي واختي واخوي وطالع قجق ل المانيا

دهليز: ما انكر انصدمت بس ماكدرت اكول اله شي غير بس السماح ، مسامحتك دنيا واخرى
صدكني الي صار بينه كلو نسيتو مابقى الا كل الموده والاحترام مهما يكون تبقى ابو ابني

بشار : طمنتيني يابنت عمي ، ابني ودعتو وحتى اهلج لهذا طلبت احجي وياج ، كل الي اتمنى تكونين بخير
وتعيشين بالسعاده الي طلبتيها ويه الانسان الي حبيتي
يلا يابه انا رايح ..

دهليز : ودعتوا وراح وهين انغلقت صفحه بيت عمي
وما عادوا بحياتنا انمحى كل ذكر سيء تجاهم وحل محله كل الاحترام مهمها يصير يبقى بينه دم وعشره ..

هين انتهى مواسم الأحزان وبدأ موسم الفرح ..

اللهيـــــم مقرر خلال هاي الفتره نطلع ب بيت الوحدنا
الهذا جان ملتهي يبني بي جان من شغله يطلع ع البيت
يكمل البناء مالته
وفعلاً سوه البيت جثير حلو
ودائما ياخذني تا ادحكوا شلون صار
تمرض اللهيـــــم خلال هاي الفتره وانصاب ب كورونا شهرين يلا صار زين
بس نشو خلال هاي الشهرين متنا لان انتهى فد مره
وتوقعنا يروح بيها عبن سمعنا ودحكنا هواي اشخاص
توفوا بهذا المرض
بس الحمد الله تشافى ورجع الصحتو
بعدها رجع كمل البيت إلى أن كمل
صرنا نجهز الأثاث وكله نطلبه شحن من تركيا
عبن هو جان ناوي يأثث ع ذوقنا ومن المكان
الي احبو ما استعجلنا واثثنا البيت صار يجنن
فعلا بيت احلامنا قفله وكال بيوم العرس
ندخل انا وياج وابنا يقصد ع ابني هو اعتبروا مثل ابنو

اللهيـــــم ابد ما اعتبر ابني مو ابنو حتى سوا غرفه
الو وترسها العاب وخاصه سواها بلون الأزرق
علاقتو ب ابني جثير حلوه
كأن اب وابنو حتى ساعات اغار من علاقتهم سوه
جثير ابني يحب اللهيـــــم وهو هم يحبو
والاحلى من هيج من اصيح اللهيـــــم يلتفتولي اثنينهم عبن نفس الاسم وهين انا ابقى بس اكركر بالضحك
وهم يجون يفترسوني
دائما يكول الي ( اللهيم الصغيرون ابني انا لاتتصورين شي يوم افرق بينه وبين اطفالي من صلبي بالعكس هذا الكبير مالتي عكازتي )
مانسى هل كلام ابد وزاد حبي الو اضعاااف

بمره اتصلت ع سيلي وطلبت منها طلب
دهليز : سيلي حبابه اريد اطلب منج طلب
سيلينا : أمري حبيبتي
دهليز : اريدج تغنين الي اغنيه
سيلينا: يا اغنيه ؟
دهليز : اغنيه علي حاتم ( ارجع علينا ) ماعرف ليش اريد اسمعها جثير تذكرني ب أشياء
فدوه حبيبيتي
سيلينا : بعيوني هسه اغني الج تدللين كم لولو عندنا
دهليز : وفعلاً صارت تغني الي الاغنيه
وجثير اندمجت وياها وانا جثير احبها

لي رحت من ايدينا ارجع علينـا
بسبب بعدك مـتـنا انـتـهـينـا
قلبـي و حنـينـه يذكر سنينه
يصعد مينزل النفس بينا
الي رحت من ايدينا ارجع علينـا
بسبب بعدك مـتـنا انـتـهـينـا
قلبـي و حنـينـه يذكر سنينه
يصعد مينزل النفس بينا
من غبت عنّي الهم كَتلني
وينك تعال
تتعذّر بالفرقى ومشتاكَ للملقى
والبعد طال
من غبت عنّي الهم كَتلني
وينك تعال
تتعذّر بالفرقى ومشتاكَ للملقى
والبعد طال طال
عذّبنا البعاد نار القلب زاد
لو تلحگ علينا لونصبح الرماد
مشتاگ لأنفاسك ولطيبة أحساسك
حاولنا نسيانك شنسوي مافاد
عذّبنا البعاد نار القلب زاد
لو تلحگ علينا لونصبح الرماد
مشتاگ لأنفاسك ولطيبة أحساسك
حاولنا نسيانك شنسوي مافاد

بكل مره ادندن بيها ولحنها ما يفارقني
وبكل مره اطلب منها تغنيها وهي ما ترفض
ابد ..

دهليز : سيلي
سيلينا : عيونها
دهليز : جنت اتمنى ريفان موجوده بعرسي
سيلينا : سحبت نفس وزفرته ، والله انا هم اتمنى كلش مفتقدتها واتمنى اعرف أخبارها هاس صارلنا سنين مانعرف عنها شي غير بس اخر مره من تزوجت تُليد
راحت وبعد ما نعرف عنها شي
دهليز : تتوقعين هساع هي بخير
سيلينا: ماعرف بس اتمنى
دهليز: ماتعرفين عمتها فاطمه ماسألتيها ؟
سيلينا: هي تجي تشتري من ابوي بس ولا مره ذكرت ريفان شكلها هي هم خلصانه منها
دهليز: الله يحميها وين ما راحت
سيلينا: اوف احبها ومشتاقه الها فتحتي جروح ما أطيب
دهليز : ان شاء الله نلتقي احنه ال ثلاثه من جديد
سيلينا: ان شاء الله..

تقرب موعد عرسي وبديت اجهز من جديد
اتصلت ع سيلينا وطلبت منها تكون وياي بتجهيزاتي
وهي طلبت من دابـــــــــــــــر وقبل تكون وياي
بحيث الحجوزات الملابس حتى المكياج سيلي الها رأي بي نشتري كل الحاجات الي احتاجهن بمساعتها
وهي سوده عليه جثير تعبت وياي
وما تذمرت ابد بالعكس فرحانه الي
وانا جثير فرحانه ..

قبل ٣ من عرسي طبعا جانت كورونا ف نسوي
العرس بيناتنا عبن الناس تخاف تنعدي وتنصاب بمرض كورونا لهذا احنه هم ردنا ب بينه حتى نفرح بدون ما احد يتأذى لاسامح الله

بعدني ما حاجزه البدلات اتصل عليه اللهيـــــم قبل اسبوع من ردت احجز البدلات للحنه والعرس ..

اللهيـــــم: ها حبيبي شلونج
دهليز : اممممم شلون ما اصير زينه وانا حبيبتك
اللهيـــــم: اويلي عليج يمه جا هو هيج تردين تموتيني
دهليز : اسم الله عليك حبيبي جعل يومي قبل يومك
اللهيـــــم : اكص السانج اذا عدتي هذا الكلام مره ثانيه
لاتجيبين سيره الموت ع السانج دهليزززززز
دهليز : تمام أعصابك يا ابو عيون الزرقاء ..
اللهيـــــم: اوف منج ..

دهليز : لهيمي اطلب منك طلب

اللهيـــــم: عيوني الج أمري.

دهليز : تتذكر قبل سنوات شنو كلت الك ؟

اللهيـــــم: ذكريني بويه

دهليز : بوقت ما طلبت ونذرت كلت بس تصير الي واصير الك اروح زياره نذر قبل حنتي وانا هساع
اريد اروح زياره ل كربلاء واكون بين الحضرتين
واطش جكليت اريد اوفي نذري

اللهيـــــم: سهله حبيبي بس ليش ما ورى العرس اخذج ونروح اثنينا

دهليز : لا لا انا نذرت قبل الحنه اروح انتَ ابقى مشي الأمور هنا وانا قبل الحنه بيوم ارد للعمارة يعني ابقى هنا

اللهيـــــم: اي وان شاء الله شكد تردين تبقين

دهليز : ليلتين وباليله الثانيه ارجع حتى يصادف حفله حنتي بالصباحيه

اللهيـــــم: جا انا شلون بيه لولو شلون اريد اشوفج
ميت شوك الج

دهليز : اصبرلي حبيبي هاي خلصنا
واكون بس الك

اللهيـــــم: شوكت ترحين ؟

دهليز : لهيمي اليوم اروح حتى ابات بالامام وارجع قبل يوم بجنتي مثل ما فهمتك

اللهيـــــم: أمري ل الله احسبي حسابج بس نتزوج
شهر ما تتطلعين من البيت لا اهلج ولا اهلي احنه الاثنين مانعرفهم خلال هذا الشهر خوش لو مو خوش ؟؟؟؟؟

دهليز : ضحكت ع عصبيته ، خوش حبيبي اطمن

اللهيـــــم: جا رتبي وضعج وقبل لا تتطلعون اتصلي عليه وبلغيني حتى اجي وله اكلج
انا جاي هسه

دهليز : سد الجهاز بوجهي وما انطاني فرصه احجي
صدك سواها ماطول ربع ساعه واتصل حتى انزل
وانا هم ما صدكت مشتاقتله جثير
نزلت لكيته يسلم ع ابوي واخواني الاثنين
عاد طلعوا وتركونا الوحدنا
هو عيد وجابوا اله ..

اجه طاير ملهوف قفل الباب ولزمني ما انطاني مجال
ولا فرصه احجي التهم شفايفي ب شفايفه
تركتو براحتو عبن انا هم جثير مشتاقه الو
ماحسينا ع الوقت ولا ع الوضع الي احنه بي
شوكت وصلت لهنا شوكت هيج صار
بحيث ابتعد عني وهو يضحك

ياااا لهيمي عجل هو هيج كالوهااا !!

اللهيـــــم: عض شفته ، غير انتِ تسوين واهس
جا بويه حارمتني شتردين اقرا الج شني بويه تضحكين عليه انتِ

دهليز : حشاك حبيبي ، سحبني وهو يرتب شعري
ويعدل بملابسي كل هذا وانا ادحك عليه
وكأن ماكو بالدنيا غيرو ..

اللهيـــــم: ليش تعاينين عليه بهاي النظرات !

دهليز :
عبن انتَ معجزتي الثمينه
الي تحققت من بعد سنين طويله

اللهيـــــم: لهل درجه تحبيني

دهليز : جثيررررر  من ما تتصور

اللهيـــــم : جا انا شكول ميت بيج نسمه روحي

دهليز : لهيمي تدري ماعرف ليش الهدوء صاب كلبي
بداخلي اهجس جثير اشياء هادئه
وكأن انا هساع بفتره هدنه

اللهيـــــم: حقج انا جاي احس بنفس هذا الاحساس

دهليز : زين ليش ؟

اللهيـــــم : من بعد التعب الي عانينا حقنا ندخل بفتره هدنه

دهليز : هزيت راسي ب اي وسندت نفسي ع صدور
حضنتو بقوه وشميت عطرو الي ادمنتو
بقينا فوك النص ساعه إلى أن قبل لا يطلع
لزمني من اكتافي دحك بعيوني بعمق ونظرات
ماعرفت افسرهن بس كميه الحب بداخلهن جثيره.

اللهيـــــم: لولوتي
دهليز : عيونها لهيمي
اللهيـــــم: حبيبتي من تروحين لكربلاء لاتاخذين
بدله للعرس بس جيبي للحنه وصباحيه العرس
دهليز : ليش حبيبي مو انا مقرره اشتريهن
من كربلاء
اللهيـــــم: اعرف بس انا وصيتلج ع بدله عرس
دهليز : فتحت عيوني مصدومه،  شلووون من وين ؟
اللهيـــــم: احزري من وين
دهليز : اممم اكيد من بغداد
اللهيـــــم: لا ياحلوه
دهليز: عجل ؟؟
اللهيـــــم: وصيت الحبيبتي مصمم خاص من تركيا
يخيط بدله عرس خاصه بس الج
دهليز : فزيت ، كووول والله
اللهيـــــم: وعيونج الحلوات
دهليز: لزمتو من راسو وانا ابوس بوجهو جثير فرحني
وانا فرحانه زادت فرحتي اضعاااف

اللهيـــــم : تدرين انتِ أعظم انتصارات دخلن حياتي
تدرين لو افتر الدنيا كلها ما الكه انسانه تحبني مثلج والهاي الدرجه ولا تلكين شخص يحبج مثلي
صدكيني انا وياج نخلقنا البعض سواء بالدنيا
او بالاخره مالنا شخص ثاني
شفتي الي صار بينا وآخرها رجعنا البعض
مكتوب النا نرجع غصب عني وعنج وعن اي شخص
عارضنا
راح تروحين هسه بس من ترجعين نكون اسعد اثنين ع وجه الكره الارضيه وعد مني اخليج
اسعد بنت بالدنيا واخلي الكل يغار منج
وكولي اللهيـــــم ما كال ..

دهليز : وعد ؟
اللهيـــــم: وعد ، وعد الحر دين
دهليز : ضحكت ، سرقتها مني
اللهيـــــم: جا شلون !

دهليز : باسني من راسي ومن خدي وراح
عاد انا جهزت نفسي راح نروح انا وابني وماما واخوي جاسر وطلعنا من العماره لكربلاء..

الطريق ع طوله واللهيم ماتركني كل شوي يتصل عليه
وانا اطمنوا إلى أن وصلنا زرنا وبقينا بالامام
ومثل ما نذرت وفيت نذري
جنت جثير مرتاحه
والفرحه الي بداخلي اكبر ما اتخطاها ابد
بقينا يومين هين وباليوم الثاني قررت نرجع
بس جان بوقتها دنيا اليل تأخرنا بس انا عاندت الا نرجع اتصلت عليه سيلي
وكيناز وانا عاندت الا ارجع هسااع

دهليز : كيناااز انا كلت هساااع ارجع يعني هساااع
كيناز : لج لاتخبلينااااا الساعه 12 هسااع شلون ترجعون الطريق خطررر
دهليز : حباب عجل ابقى هين والباجر حنتي
كيناز : اشتريتي بدله الحنه وفستان الصباحيه من كربلاء ؟
دهليز : اي عيني اشتريته شعبالج
كيناز : زين حبيبتي خليها ع ما تتطلع الشمس بعدها ارجعوا
دهليز : ماكدر اصبر اريد ادحك اللهيـــــم جثير مشتاقتلوا جثير اهجس كلبي يريد يطلع من مكانو
كيناز : ياستار ياربي

دهليز : كينازه
كيناز : عيونها عروستنا
دهليز : تدرين اهجس ب شعور جثير غريب
كيناز : شنو مافهمت
دهليز : اهجس روحي مو يمي اهجس كلبي يأذيني كأن حياتي ماناويه تصفى
وراح يطلع شي يعكرها
كيناز : كولي يا الله راح تعرسون
دهليز : كيناز ماعرف ليش اهجس بشعور غريب
واريد ابجي برغم انا فرحانه بس اريد ابجي ليش
كيناز : ضحكت ، هلكد نكديه انتِ
دهليز : عابت عجل يلا خلي نطلع تانلحك
اخوج بالكوه قنعتوا حتى نرجع
كيناز : عجل انتبهوا ع الطريق حبيبتي
الله يحميكم ...
دهليز : احبكم يا احلى شي عندي يلا باااي

كـــــينـــــاز ::-

بعد ما دهليز غلقت الخط احنه بقينا حاطين
كلوبنا ب ايدنا بابا زعل منها وحتى سيلي اتصلت
شلون ترجع بهذا الوقت والطريق خطر
تصير حوادث هواي
بس مابيدنا شي عبن دهليز عنيده محد يطخ راسها
بقينا ننتظر اتصلنا عليها مره ثانيه
وهم بالطريق
لهذا امنا شوي
مر الوقت وصار الفجر صليت وكملت
ورجعت اتصلت

بس هل مره اتصل ومحد يجاااوب!!!!
اتصلت أكثر من مره وماكو احد يرد
لزمت كلبي وخفت لا صاير شي
نزلت جوه ل بابا واخوي عمر لكيتهم كاعدين
بلغتهم وهمَ هم احتاروا يتصلون وماكو مانحصلهم
ارواحنا صارت ب ادينا ع ساعه يغمى علينا من الخوف

مر الوقت وصارت الساعه 10 الصبح اتصلت علينا ام الصالون لان اتأخرنا ع الموعد مالتها
وسيلي اتصلت هواي
أجلت موعد الصالون إلى أن تجي دهليز لان صدك
جثير تأخروا خوب اللهيـــــم
اهجس طار عقلو عبن ما خلى ما سووا اتصل هواي ناس بس نريد نوصل لخيط يوصلنا الهم
مرت الساعات إلا أن صارت الساعه 12 ويه صلاه الظهر
جان يتصلون ع بابا هين كلنا التمينا عليه نريد
نعرف منو

بابا فتح الاتصال ثواني وتغيرت معالم وجهو
لزم كلبو و وكعد وجهو صار اصفر ركضنا لزمنا واخوي
اخذ الجهاز يحجي ويه المتصل
مانهجس الا صرخت اخوي مفجوووع
لتفت علينا واردف وهو يبجي بحركه ..

عمر : مسوووين حادث وحالتهم حرجه اااهلنااا راح يرحون من بين ادينناااا خوووويه

كيناز : الموقف صفنا وخلانا كلنا ندخل بحاله صدمه خاصه اقاربنا جايين بهذا الوقت وكلها صاحت بصوت عالي انا هين ملخت نفسي ماخليت شعر يعتب
عليه انتهيت حتى ما دريت بالصار بعدين اغمى عليه ماكعدت الا ع الماي بوجهي وملابسي رطبه اثر الماي
فزيت وانا اصرخ وهن يسكتن بيه
اريد اعرف اي شي عنهم اريد احد يبشرني بشي حلو بس كلها وجوها مصدومه ومقهوره مثلي
اصرخ اريد ابوي اريد اخوي وينهم تانروح الهم
بس كالوا الي

( راحوا الهم بمستشفى الديوانيه عبن حالتهم خطره )

هين اهجس وكعت الدينا ع راسي بقيت اصبر نفسي
كعدت ادعي واقرا قرآن ادعي يطلعون هم الاربعه
من هذا الحادث بسلامه
مو هين وربي مو هين امي اختي اخوي وابن اختي
لا واحد ولا أثنين هذول اربعه كل واحد معزتو تختلف عن الثاني
اريد افهم ليش الدينا تختبرنا هيج بهاي القسااوه ليشش
بكل مره يروحون منا مو شخص لا اشخاااص
ليششش هل مره ننتهي ندمر اذا صار ع احد شي

تأخر الوقت وتصلت عليهم بس محد يرد منهم إلا أن
اخر شي اتصلت وانفتح الخط
رديت ، هاااا خويه بشرني شلون صااروا
زينين مو كول زينين انا متأكده هم تعدوا مرحله الخطر
بهت وجهي من سمعت اخوي يشهك بالبجي وبالكوه افهم منو وكلامو نزل ع راسي مثل
الصاعقه كأن الدينا صارت خراب وانا اسمع كلامو !!!

عمر : خـــــويه ولج خـــــويه شحجييي لج امـــــي واخـــــوي بساعه الحـــــادث ميـــــتين وهسسساع انطـــــونا خبر دهـــــليز وابنـــــها ماتـــــوا ، ماتـــــعدوا مرحـــــله الخـــــطر وماتـــــووو ولج خويه انـــــخرب بـــــيتنا وراحـــــو اهلـــــناااا
راحـــــوا همَ الاربعـــــه مااااتـــــووووو ...

تاريخ الأسوء بحياتنا وفاه عائلتنا
2021_11_9

___________________

.

.