رواية دجن الضليع الفصل السادس وأربعون 46 - بقلم رهف علي

نبدأ بذكر الله ﷽💛✨

قبل القراءة مُتابعه للحساب akyta_98
للتواصل ع حساب الانستا akyta_98

كالو ما تجي وكالو عليك بعيد
كالو ما تجي وكالو عليك بعيد
ودرب كلش طويل البينك وبيني
شح مني الدمع كد ما بجيت أعليك
وأعاتب بالكمر هلبت يواسيني
ظلم كلش ظلم تحيا وتموت بشوك
وجا شنهو العمر من تذبل رياحيني
تعب حتى الورق حبر ودمع مخبوط
وحسرة وي القلم تأذيني وتبجيني
صفة رسمك حلم عذب حنايا الروح
مثل طيفك أبد ما شايف بعيني
نهر طولك عذب صافي ويرد الروح
وأنه الميت عطش وبكطره ترويني
أكتبلك شعر وأسطرلك الأبيات
وانت بلا بخت بالفركة تجويني
قيس بعام واحد وتيبّس من الشوك
وآنه سنين مرّت ما غفت عيني
كلي شلون رايك والعمر محسوب
وجلمات الشماتة تكول ناسيني
طلابه وي العشك وأيامي كلهن ليل
وشمس حبك ظلم من ما تضوّيني
كافي من العتب راح أختم الأبيات
وأحجيلك سطر بي كل عناويني
مثلك ما شفت ولا رايد ولا اريد
وأحبك موت عنوان لدواويني

كيناز : الالم الي هجسته بوقت ما بلغني بخبر
وفاه كل عائلتي خلاني بصدمه حيل كبيره
الجهاز بعدو ع اذني وانا اسمع اخوي
يحجي وياي هو ويبجي
منهار جثير بس انا اهجس روحي راحت
اريد استوعب الكلام الي كالو اريد اصدك انُ خلاص اهلي توفوا بس عقلي ما يستوعب
حسيت ع الكل صار كدامي يريدون يعرفون شبيه
كلها تسألني نطقت الهم بكلمه وحده
ماتوا !!!

كلها صرخت فد صرخه وانا بعدني بصدمتي
ورى وين يلا حسيت ع وحده تضربني
طلعت فاقده الوعي وما حاسه بنفسي
كعدت مثل الغركان اسحب النفس
بقوه وكأن هساع يلا حسيت ع نفسي
صرخت صرخه من أعماق كلبي طلعت

وووووولج ييييمه لااااااا ولكم اهلي مااااتواااا
راااااحووووووو ...
اااامي اااختي اخوووي ابنااا الصغيرررر ولكم رااااحوووا ..

الناس تبجي ع حالنا تبجي ع البيت الس انفجع بلحظه وحده اي هل مره البيت انطفت شموعه كلهن
مابقى احد بي كلها ماتت
اخوتي الاربعه وهسااااع هم اربعه راحوا
شلوووون بينا شششلون
ملخت نفسي انهااريت انهيار صرت مثل المخبله
اطلع برى اركض ويرجعون يرجعوني للبيت
كلها لازمتني ماصرت اعرف نفسي
بس اصيح صوتي راح كل شوي اوكع ويغمى عليه
شعور صعب انك تخسر اشخاص كانوا كل حياتك
صعب وما تكدر تتخطى هاي المشاعر لو مرت سنين
طويله

كعدت يم الباب انتظرهم وانا كلي امل برجعتهم يمشون ع رجليهم مرت الساعات وكلها تريد أدخلني بس ما ادخل
هناااك وسمعت صوت السيارات
وكلها صاحت ، ووووووصلوووااا ..
توقعت صحيح وصلوا توقعت اكحل عيوني
بشوفتهم توقعت يجون يمشون ع طولهم بسس
لا !!!! صار العكس

انفتح باب البيت ع وسعه وكلها راحت وكفت انا عيوني ادحك عليهم بخوف
منتظره دخلتهم لازمه كلبي ب ايدي
شوي ودخلوا تابوت ورى الثاني دخلوا ثلاث توابيت واخر شي دخلوا تابوت صغير
خلوهن ع الارض واحد بصف الثاني
اي هذول اهلي هذول اربعتهم كدامي بس مو بطولهم لا هل مره بتوابيت !!!!!!

وكفت وكأن عقلي ضرب احاول استوعب
اي هذول اهلي هجست الناس كلها صارت سراب
ركضت وانا اتعثر كل شوي واكعه وماعرف منو الي يوكفني ويسندني ابعد اديهم عني اريد اوصل
الهم إلى أن وصلت نمت ع التابوت
ملخت نفسي كل شوي انتقل التابوت ثاني وارجع لغير واحد صرت مثل المخبله ماعرف اروح المنو بيهم
كعدت بنصهم ملخت نفسي تملخ
اريدهم يكعدون كلبي راح يطلع من دكاتوا
اسمع أصوات عياط وناس تصرخ ناس تبجي بونين
وهين صار بصفي شخص لتفتت ولكيتو ..

اخوي وحيدي ! اي هساع صار اخوي وحيدي بعد ما كانوا 6 اخوان صار وحيدي
وبصفي اختي الصغيره تبجي مفجوعه اي بقت بس هي الي من بعد دهليز
وكدامي ابوي كاعد يبجي !!! اما امي راحت ماتت !! بس بقينا احنااا بعد ما جنه عائله شكبرهاااا صفينا بس احنه !!!

المعاتب !! شيفيد العتاب شيفيد
اليوم الي المفروض يكون اسعد يوم صار اسوء يوم

هجسنا تابوت اختي دهليز انرفع فزنا لكينا
هذاك الانسان الميت وهو ع قيد الحياه
الانسان الصامد الانسان المجروح الفاقد حب حياته
اللهيـــــم!!!
راد يوكع التابوت منه بس لزمو ويا اهجس
بالكوه واكف ع حيلو وحكوو ملابسو مشككه
دخل للبيت وهو شايل التابوت
كدامنا مفتوح الباب والكوشه مال حنت دهليز موجوده
جنه ننتظرها تجي بالبدلة مال الحنه
منتظريها تجي وتزينها بجمالها مو بتابوتها
اللهيـــــم حط تابوتها ع الكوشه سحب بدلتها مال الحنه وطها ع التابوت ونام فوكاه يبجي بصوت عالي و
بونين يبجي بألم وكلبه محروك يبجي وبجت كلها ويا
جان يحجي بس من قهري ماسمعتوا شنو كال
ماسمعتوا ملخ نفسو يشهك بصوتو العالي
ياريت يفززها بصوتو وتكعد ياريت

دحكتو وكف صار يعاين ع التجهيزات الحنه
مالتها هو جان حالق ومرتب نفسو ع عرسو بس ما توقع الدفنت حبيبتو
صار يدحك ، الكيكه ، الحنه ، التجهيزات كامله بس ناقصتها عروسته
سحب شي انتبهت الحنه !
حطها ب ايدو وحنه بيها التابوت
سمعتوا صاح بصوت عالي ..

اللهيـــــم : هذا اليوم الي منتظره من زمان احني حبيبتي وهسه حنيتهااا بس وهي ميته حنيتها وهي نايمه ما تعاين بعيوني مثل ما كالت الي
تركتني الوحدي بعد ما وعدتني ما تتركني مره ثانيه
دهليزي وعدتني وما وفت بوعدها هم ماصارت الي
تركتني مره ثانيه

كيناز : بجينا بحركه كَلب وهناك نسمع صرخه وحده مفزوعه ، دحكت سيلينا دخلت وهي تصرخ مفزوعه
املخه نفسها و وجها كلو اثار دم ركضت
من انتبهت ع تابوت دهليز ع الكوشه عرفتها هي
ركضت الها وملخت نفسها يمها حاولوا يلزموها بس محد كدر انا يم اهلي كاعده وكل شوي اروح ل تابوت واحد منهم انهار يمو وارجع لغيرو بعدها اروح الدهليز
اهجس انجنينا فد مره
سيلينا تقابلت كدام اللهيـــــم وهم الاثنين هلكوا نفسهم يم تابوت دهليز اكثر اثنين متعلقين ب دهليز هم اللهيـــــم و سيلينا جثير متعلقين بيها
مخلو لا ملابس لا شعر

اللهيـــــم الرجال الرزن العاقل الي كلو هدوء هين تغير
ظهر الشخص الضعيف ونهز كلو ع خساره حبيبتو
سيلينا البنت المرحه الضحوكه الي كلها حنيه
انهارت وانقلبت الشخص ثاني
ابوي الي يبنوح ويبجي
اخوي الي مكسو ظهور
اختي الصغيره المصدومه
تغيرنا جثير بهذا اليوم وانطفت شموعنااا ..

بعدها كالوا لازم نروح ندفنهم هين انتفضنا
وحاولنا نمنعهم بس هم اقوه منا أخذوا التوابيت وصعدوهن كل تابوت ع سياره

اللهيـــــم شال التابوت حطو ع السياره بعدها نزل يركض ماعرف وين ورى شوي رجع ب ايدو كيس كبير
بجيت بقهر من عرفتوا فستان عرسها
صعد فوك السياره وفرش البدله ع التابوت
وهو يبجي بجي يكسر الكلب صاح بصوتو العالي ..

اللهيـــــم::- حبيبتي عروس الجنه

ع اثر كلمتوا انفجعنا ..

جهزنا كل حنتها وزفينا مو العريسها لا القبرها ..

بعد ما كملوا كلنا صعدنا مانترك اهلنا لوحدهم
يندفنون وتوجهنا للنجف اي للنجف امي قبل لا تتوفى جانت تكول خلونا نندفن بالنجف
هاي جانت وصيتها  لهذا
توجهنا للنجف حتى ندفن احبابنا

سيلينا ماتركتنا جانت ويانا طول الطريق وانا وياها نبجي بصوت يكسر الكلب
الي خسرنا مو شوي
واللهيم كاعد يم حبيبتو ما تركها ولا لحظه وحده
يخاف يعوفها يخاف بعد ما يشوفها مره ثانيه
وهي للأسف هاي اخر مره ..

اتخطف لوني من دخلنا وادي السلام اكبر مقبره بالعالم
تمشي السياره من بين القبور روحي تروح وياهم
عجل هين راح اترك اهلي هين اتركهم بنص هذا المكان المرعب يا الله هاي الدينا شكد صغيره وفانيه
بلحظه وحده تقلبنا من حال الحال ثاني..

توقفت السياره ونزلنا انفزعت من دحكت مجهزين
القبور مجهزين مكان دفنتهم سوه كلهم بنفس المكان
هجست الدنيا ضاكت وانا ادحكهم شلون نزلوهم من السيارات
ركضت التابوت ماما شبعت ببجي يمه رجعت ل اخوي حزام ظهري بعدها ل ابن اختي وآخرها رحت الدهليز الي اللهيـــــم ماتركها حاضن تابوتها ع كلبو
وماسمح لاحد بلمسو مايرضى احد يلمس حبيبتو
عجل وين راح يوديك هذا الحب يا اللهيـــــم وين
نزلوا واحد واحد للقبر مالتهم تخبلت ادمرت وانا
ادحكهم شلون يخلونهم بحفره ضيقه
الالم ينهش بجسمي نهش كأنُ سجينه تغرس بنص الكَلب بعدها ترجع تغرس من جديد
رمو عليهم التراب وختفت وجوهم الحلوه
اختفت الضحكه الفرحه السالفه الحلوه
كلها اختفت بشمره التراب فوك الجسد

دحكت سيلينا واللهيم نايمين ع تابوت دهليز وما يرضون يدفنوها إلى أن حاولو مرار وتكرار وياهم
اخر شي سحبوها  بس همَ ينزلوها اثنينهم للقبر
ركضت يمها اتمنيت افتح الكفن وابوسها اشبع بوس منها
بس مامسوح شالوها ونزلوها للقبر
هين اخر شي انهارينا كلنا موقف صعب واليم بنفس الوقت ...

أديب: خويه لاتسوي بنفسج هيج الله يرحمها

اللهيـــــم: ولك هااي حبيبتي ام روح الحلوه
شلووون ما اسوي هيج الله يخليك عوفني

أديب : لزمه بقوه ، لاتكسر ظهري عليك هيج خويه

اللهيـــــم: الله يخليك خليهم يدفنوني وياها والله ماكدر اعيش بدونها هاي روحي انا تعرف شنو روحي
هاي الخيط النفس مالي هسه هي جوه التراب وانا اشم الهوى ليشششش

أديب : هذا قضاء ربك حاول تقوي نفسك وتوكف ع رجليك بعد اخوك

اللهيـــــم : انا بس من هي وياي اصير قوي اناا هسه من دونها ضعيف

أديب : شو كوم عاين نفسك عاين أهلها شلون مكسورين الظهر اوكف وياهم وصير قوي

اللهيـــــم: لااتخلووون التراب ولكم الهوى ينقطع عنهاااااا ما تتنفسس

أديب حضنه من ظهره يحاول يلزمه ويهدي وهو يتصايح بصوت مبحوح حطوا التراب فوكها
واللهيم انتهى بيد أديب كانُ يصارع الموت
اشبه بالموت البطيء!!

اللهيـــــم ::-
ريت العمر مشوار تكضي أيامه وتعدي
ولو أدري الوكت دولاب ياخذ بينه ويودي
جا ما شمت الشمات بيه ولا خنت ودي
ولاخليت دمعي يسيل تيزاب وحرك خدي
مو انت الكلت أعوفك واخلف بوعدي
أشو نص الدرب يفلان وتبريت من عندي
لحيمي ودج عليه الريش وجناحك كوه بجبدي
كل هذه التعب والطيب ضيعته وصرت ضدي
صدك ينسى الفكر والضيم من يستغنى لمجدي
بعد وردة شبابي تفوح ما طاحت بمرض معدي
بعد حملي عدل ما مال ليش تعوفني لوحدي
تدريني خشب وبنار بفركاك رماد وابدي
كل جرح يألم يطيب بس جرحك جرح يضل يدي
بعد شتريد من عندي شضحيلك بعد شفدي
ولو أدري النهاية بهاي ما جنت بهواك أبدي

بعد مرور فتره من الوقت وطولنا جثيرررر يمهم
ماردنا نتركهم بس سحبونا سحب من يمهم
واحنه كل شوي يغمى علينا من الضرب والتعذيب الجسدي والنفسي النفسنااا
سيلينا انتهت شالوها من قبر دهليز شيل واللهيم ماقبل يتركها بقى بس أديب يمو واحنه رجعونا بالاجبار ..

رجعنا ونصبنا العزاء !! اي العزاء هساع اكول نصبنا
العزاء ل أجساد عائلتي دحك شكد كبيره هاي الكلمه
من اكول عزاء اهلي شنو هاي الفاجعه
الي هزتتنا هز الفاجعه الي ما رحمتنا ولا تركت اثر الفرح ع شفايفنا نمحت البسمه وحل محلهااا الحزن والاسى جثير صعبه ومحد يتحملها عجل احنه شلون
اااخ ربي انتَ اعلم بحكمك النا الطف بينا وبرد قلبنا ونورنا ع حكمتك من هذا البلاء وصب ع قلوبنا الصبر

اللهيـــــم طول ايام الفاتحه هو ماترك النجف ماترك المقبره ابد 3 ايام وهو ينام يم قبر حبيبتو
اخو أديب كل ما يروحلوا مايقبل يرجع ويا ينشك كلبي من يحجي عنو

أديب : امشي ياخويه وين باقي

اللهيـــــم : انا باقي هنا يم حبيبتي ماعوفها الوحدها تخااف

أديب : لاتأذيها هيج كوم خويه نرجع

اللهيـــــم : بس فهمني ياخويه وين ارجع وحبيبتي هنا تاركها الوحدها هي تخاف شلون اعوفها بنص هذا التراب والظلمه شلون انا ما اكدر

شلونـج بالتراب شلون گاظيهه
هيج بصورتج ظليت احاجيه
المفروض الورد يندفن بالبستان
اشجابج للگبور شعرفج بيه
يام ضحكت الحلوة هاي تاليهه ..!

أديب : امشي ياخويه نرجع كلنا ع هذا الدرب

اللهيـــــم: جا اريد اروح هسه اريد الحكها ماكدر بدونها ليش ماتفهمون اللهيـــــم بدون دهليز ميت بس جسد بدون روح

أديب : الموت مو بيدنا كل واحد مكتوب يومه وهذا يومها حرام عليك تسوي هيج بنفسك هاي روح لاتعذبها عبالك هسه هي مرتاحه من تعاين وضعك هاا ؟
صدكني ما مرتاحه بالعكس اصلاً جاي تتعذب

رد عليه وهو يمسح دموعه ويرجع يبجي

اللهيـــــم : احبها احبها افهمني هي عايشه براسي
كل ما اغمض عيوني الكاها كدامي وين ما اروح اشوفها
اريد احضنها اريد اشم عطرها

أديب : مسح وجهة وزفر انفاسه بتعب

اللهيـــــم : المفروض احنه هسه متزوجين ليش كل هذا انقلب ليشش والله ما لمستها بالحرام والله جنت اخاف اتقرب منها والله يعاقبني بيها وما يخليها تكون من نصيبي
صارت مره وراحت ياخويه راحت وسنتين يلا رجعت النصيبي وكل هذا الانتظار تخرجت يلا كدرنا نحدد عرسنا المفروض
2021_11_11 هو تاريخ زواجنا هسسه شووف بهذا الوقت اناااا بالنجف يم قبرهااااا مو بالبيت مالتنااااا
جاي تشوف شكد انااااا نظلمت شكد اناااا متعوووب
هسسه بشنو تفيد حياتي من دونها بشنو استفيد من اعيش تعرف انا عايش جنت بس ع امل لقاء وياها
بس هسسه ماكو امل اشوفها ياخويه الا الموت ..

أديب : فدوه العينك خويه انتَ جاي تأذيها اعرف
الكلام ما راح يخفف اي شي بس هي من تشوفك هيج جاي تتأذى اكثر منك
هي راحت يم الكريم الأحسن مني ومنك
لا تأذيها اكثر

سحب نفس عيونه مليانه دموع يمسحهن يردن ينزلن
حط ايده ع كلبه وعيونه ع قبرها

اللهيـــــم : كلبي جاي يأذيني ياخويه انا اعرف ماطول وراها واموت وانا منتظر بس هاي الساعات تأذيني
كلش حياتي توقفت من خسرتها
شكد حابها انا شكد تمنيتها ماعرف ليش خسرتها
وهي كل حياتها ، اختبار الله صعب عذبني وانا ما اتحمل
والله ياخويه اريد الموت اشتري شرايه بس
حتى اروح يمها هي جاي تنتظرني اروح يمها

أديب : كلامه خوفني بالكوه رديت عليه ، الله يخليك لاتحجي هيج لا تكون قليل الإيمان محد يموت ورى احد

قاطعني بكلامه !

اللهيـــــم : بس انا اموت ورى دهليزي

أديب : عطت بي بحركه كلبي ،  اللهيـــــم ، هو رفع راسه ابتسم الي

اللهيـــــم : هيَ ظُـــــلماتِ وانا المـــــوت

اديب : خفت من كلامه ، شتقصد ؟؟

اللهيـــــم : هي صارت ظلمه الحياتي بعد نورها وانا اكون الموت بعد فراقها اللهيـــــم بدونها عدم ..

كيناز : رجع أديب ايد ورى وايد كدام واللهيم مو ويا
كلش انقهرت عليه حقو والله خلصت الفاتحه
والناس كلها رجعت البيوتها
سيلي اخذوها غصب عنها وانا بقيت يم ابوي واخوي
اخوي جاسر مطلق وعندو اثنين اطفال عايشين. يه امهم بتركيا هم تيتموا 

بعد ما خلصت الفاتحه كدرنا نعرف
بعد ما طالعين من كربلاء متوجهين للنجف زايرين الإمام علي وبعدها راجعين بالطريق حادث سياره ومتوفين امي واخوي بنفس الحظه متوفين
اما دهليز واللهيم ابنها جانوا بيهم نفس لهذا
ماخذيهم للمستشفى بس حالتهم جانت حيل خطره
وتوفوا همَ هم ماكدروا يسوون الهم اي شي

تاريخ عرسها هي الي حددته وحتى تعاركت ويه اللهيـــــم علمود هذا التاريخ لان مميز
2021_11_11
بس شاذ القدر يكون تاريخ وفاتها
2021_11_9

اسوء شي ممكن نعيشه هو فقدان الشخص الي يكون كل حياتنا الي يكون جزء من حياتنا بعدها صح نعيش بس كلبنا يموت

بعد ما خلصت الفاتحه ابو أديب صاح أديب وكالو يروح للنجف ويجيب اللهيـــــم سحل لهين
أديب بوقتها طلع للنجف بوقتها جان عمو ابو أديب جثير تعبان ع حالنا و ع حال ابنو عبن صار وهو والميت سوه
مجرد يشم الهوى بدون روح
انا ماتركت اهلي ابد جنت انطي ل ابوي علاجه
هو هم كاسر ظهري جثير تعب وحتى صار يوصينا ع نفسنا واحنه هين ننتهي من نسمع كلامو بهذا الشكل
إلى أن ينتهي الحدث بالبجي يتعب وينام
طلعت برى بعد ما سديت باب غرفتو
لكيت جهازي يرن
مشيت الو بتعب لكيتو أديب... رديت عليه
ها أديب رجعتوا ؟

أديب : كيناااز اخوي ماكو

كيناز : بسم الله شنو ماكو وين انتَ هساع

أديب : بالنجف دورت عليه النجف مالكيته ماخليت
لامستشفيات لا مركز لا حدائق لج اخووي ماااكو اختفى وصلت بيه اسأل شكو واحد بالمقابر واشوفهم صورته بسس ماا لكيته

كيناز : صخااام الصخمني دخيلك ربي وين راح

أديب : انااا راح اتخبل هسه انا بالطريق راح ارد للعمارة يمكن هو راجع ويم صديق واحنه ما منتبهين

كيناز : اي فدوه اهجس كلبي صار يوجعني انتبه ع نفسك من الطريق قدوه العمرك

أديب : صاار ، بس لا تبلغين احد ماريدهم يخافون
خلي الكا بعدين الي حساب ثاني ويا

كيناز : تمام عيوني ، سديت الجهاز وبالي يمو خايفه لا صاير بي شي اللهيـــــم انسان يخاف الله يصوم ويصلي
بس فقدان دهليز صار انسان فاقد وجثير ضعيف
ماممكن اتخيل شنو ممكن يسوي

مر الوقت واديب وصل للعمارة وبوقتها اجه قبل لا يروح ال اهلو وهم مالكا خايف يكول ال اهلو وهم ينتفضون ويصير بيهم شي

المصيبه عمي درى باللهيم مختفي وهين صار
الوضع اسوء من قبل
واهلو كلهم دروا اللهيـــــم اختفى فص ملح وذاب
الخوف خيم علينا كلنا
اخوي واديب ماخلو مكان ما دورو بي ومالكو
حتى راحوا لبيتو هو ودهليز بس هم مالكو
مرت ايام ع اختفاء اللهيـــــم واحنه حالتنا حاله
امو تبجي اختو ابو اخو احنه كلنا
خايفين لا صاير عليه شي
تعبنا واخر شي أديب فز وكف ع طولو

أديب : بويه انا رايح البيته

ابو أديب : مو رحتو وماكو مالكيتو

أديب : يمكن هو جوه وقافل الباب نروح نكسر الباب وندخل يمكن مايريد احد يمه ويريد يبقى الوحده

كيناز : بوقتها كلنا رحنا للبيت عبن صدك كلام أديب
يمكن مايريد احد يمو لهذا اختار هذا المكان يكون الوحدو ويه ذكريات حبيبتو
وصلنا للبيت وجان مقفول يعني ماكو امل هو هين بالبيت
بس أديب كسر القفل ودخل للبيت جوه هم جان مقفول
صاروا أديب وعمر يدفعون بالباب يحاولون يكسروا تاينفتح
إلى أن انفتح دخلو يمشون ويصيحون ب اسمو
واحنه نفتر بالبيت ندور عليه
أديب وعمر صعدوا فوك يدورون واحنه جوه

اهجس شايله روحي ب ايدي جثير خايفه
راودني شعور بشع بنفس اللحظه الي راودني هذا الشعور سمعت صوت أديب المفجووع
ع صوتو ركضنا صعدنا فوك توجهنا الغرفه دهليز واللهيم هستونا دخلنا رفعت راسي
وجمدت ب ارضي وانا ادحك ع المنظر الي كدامي
بقيت مصدومه ...!!!!

اللهيـــــم شـــــانق نفســـــو !!!
الحبـــــل ملفـــــوف ع رقبتـــــو ومنتـــــحر !!!

صرخه امو دوت البيت أديب ركض عليه يرفع بي
ويصيح ع عمر تا يفك الحبل من رقبتو
بس عمر يدحك وهو يهز براسو كان ديكول الو ماكو امل عبن هو ميت من زمان
أديب تخبل حتى غلط صار يغلط ، عمي انجن ، عمتي
كلهم الموقف صادم ويرهب جد يخوف يخوف
الحبل معلكو بالجنكاال الي بالسقف واكو كرسي واكع
يم رجلو شكلو جان واكف عليه تاينتحر !!!
انا بس ادحك مصدومه ماسويت اي شي
من هول المنظر ماتحركت خايفه اي خايفه

راح عمر يم أديب وفك الحبل من رقبتو نزلو واديب حضن اللهيـــــم بقوه وهو يبجي يحجي ويا

أديب : لك خوووويه ليش هيج سوويت ليششش
ااناااا الغبي اخر مره حجيت ويا بيها كال الي
ماكو امل اشوفها الا الموت
ماااافكرت ماتوقعت يسسسوي هيج بنفسه
ماتوقعت ينتحرررر حتى يشوفها ويكون وياهاااا

كيناز : حاضنو الصدرو ويحجي ويا بهستريه مصدوم من فعل اخو كلنا مصدومين الانسان المؤمن الصايم مصلي يخاف الله اخرها هيج يسوي ويخسر كل شي

فجأه بعد عنو وامو كطت روحها عليه وحضنتو تبجي وتصرخ بهستريه وابو حاط اديه ع راسو مصدوم
حقو انفجع ب ابنو
ادحك ع أديب يفتر بالغرفه وايدو ع راسو
عيونو حمر دم ويتنفس سريع
شوي ودحكتو وكف صافن وبعدها راح ركض للسرير
انتبهت السرير عليه ملابسو المشككه بيوم الدفنه
وصورهم مال الخطوبه هو ودهليز ماليه السرير و ع الصور ورقه !!!
اديب شال ب ايدو الورقه مشيت  العندو بخطوات ثقيله فتحها شاف الخط ولتفت الي

اردف وشفايفو تتراجف والدموع بمحجر عينو ..

أديب : رساله من اللهيـــــم!!!

كيناز : رجع التفت ع الرساله يقرا بيها وانا انتظروا
يقرا ودموعو صارت تنزل اخر شي كط الورقه عليه وطلع من الغرفه
ردت انده عليه بس تركني وراح نزل
رجعت للورقه فتحتها وانا امسح بدموع عيوني تا اكدر اقرا بديت اقرا وانا دموعي صارت تنهمر من محجر عيوني

                             اللهيـــــم
اعـــــرف اذيتـــــكم واذيت نفسي بهذا التصرف بس ماكـــــدرت صـــــدكوني ماكـــــدرت احس اذا عشـــــت ف اعيـــــش بدون روح صـــــعب عليه اعيش وانا فاكَـــــد الانســـــانه الي تمنـــــيتها طول حياتي وهي جـــــوه الـــــتراب
اعرف بهذا تصـــــرفي غضبت ربي و مراح تسامحوني بس يا اهلـــــي ياناســـــي انا فكَـــــدت وماكدر اعـــــيش
انا  قـــــوي بس يمـــــها وبفراكَها والله ضـــــعيف
وقـــــت ما تقرون هاي الرساله اكون انا بغـــــير عالم
يـــــمها اي يم حبيبتي وكل حياتي
اكتب الرساله وانا فرحان صح ابجي بس راح ارتاح
الالم ينهـــــش بصـــــدري نهش ماجـــــاي اتـــــحمله
كل الي اريده منـــــكم تدفـــــنوني يـــــمها يم حبـــــيبتي ادفـــــنوني

اريـــــد اكون عريـــــسها باالاخـــــره انا رايـــــح يم عروســـــتي الي ماحـــــضيت بيها بالـــــدنيا رايـــــدها بالاخـــــره

لاتنسونـــــا اذكـــــرونا بالـــــدعاء لو مـــــرينا ع بالكـــــم ...

هيَ الظُلـــــمات وانا المـــــوت عند الفراق " دهليـــــز اللهيـــــم "
" والنـــــهاية مـــــعروفه دهاليـــــزنا وحـــــده "

غلقت الرساله وانا اشهك بالبجي كلامو انحفر بكلبي
انشليت بكلامو ادحك ع الرساله اثار دموع
هاي دموعو تلمستهن وانا ابجي البيت عج بي الصراخ
الالم ماينمحي جثير صعب جرح
فوك جرح وين صايره هاي شلون نكدر نتخطى شلون نكدر نعيش حياتنا ونرجع من جديد نعيش
شلون ياربي احنه بشر من دم ولحم نهجس كل شي
وكل شي يبقى اثر بداخلنا مزروع ماينمحي
ادحك كلها تتصارخ امو اااخ يا امو ذكرتني ب امي الله يرحمها من استشهدوا اخوتي حالتها أصعب
وتكسر باب الكلب
عجل مو هين فقدان االضنى جثير يوجع ..

دخل أديب شكلو جان يبجي برى وحقو حجه ويه عمي وعمر وبعدها اخذو للمستشفى
بالكوه عبن امو ما ترضى تتركو
رجعونا للبيت بس طلبو منا مانحجي اي شي ولا ننطي خبر لأي واحد بس اتصل أديب ع عمو اخو ابو ولحكهم للمستشفى واحنه بقينا بالبيت ننعي ع مصابنا ونبجي
مالحكنا نشفى من جر الا ما اجى جرح جديد

مر وقت جثير وبعدها اتصلت ع أديب فتح الخط بس جان يمو صوت وعرفتو بالمستشفى
بلغني راح يسوون تشريح الجثتو هين سمعنا لو تخبلنا
من اجه ع بالنا شلون يقطعون جسمو
هلكنا بالبجي بعدها عرفنا من خلال التشريح
متوفي صارلوا ٤٢ ساعه كل الوقت الي ندور بي عليه وهو ميت واحنه ما النه خبر !!! اخ ربي

بس الي صدمنا من رجعوا ...

أديب : محد راح يعرف اللهيـــــم انتحر
ابو أديب : ابني
أديب : بويه مثل ما اتفقنا اللهيـــــم مامنتحر
عم أديب : جا بويه شلون ؟

أديب : اللهيـــــم سافر من بعد ما توفت دهليز اللهيـــــم هاجر من العراق هذا الكلام الي راح ينكَال الكل شخص يسأل عن اللهيـــــم ,
اللهيـــــم ماميت عايش وهاجر فهمتوااا غير هذا الكلام ما يطلع ..

كيناز : ماحجينا اي شي بس جرحنا شلون بي
بعدها رحنا للنجف مثل ما طلب يندفن يم حبيبتو
وصلنا لكيناهم مجهزين قبر بصف كيناز
رجع الموقف تكرر وكأن مكتوب علينا نعيش هذا الالم طول حياتنا
دفنا اللهيـــــم بصف حبيبتو والتاريخ مكتوب ع قبرهم
بجيت بحركه وانا ادحك التاريخ ..

اللهيـــــم ::- بلغـــــوها اذا اتيـــــتم حـــــماها .. اننـــــي مـــــت في الغـــــرام فـــــداها .

تاريخ الوفاه دهليز 2021_11_9
تاريخ الوفاه اللهيم 2021_11_15
وتاريخ عرسهم المحدد 2021_11_11

إلى هنا تنتهي حكايه حُب عظيمه لا تنسى إلى الأبد
دامت في قلوبنا
ساريه في مشاعرنا
عظيمه في حياتنا
مؤلمه مُتعبه مُهلكه
قاتله و محطمه
مجاهده و مغامره
ثائره وصبوره
عازمه وصامده
في حضورها يُكتب لها
وفي غيابها يُكتب عنها
عن قصه حُب كُتبت لها نهايه ابديه وليس النهايه هي البدايه ..
#بقلمي_رهف_علي

الى هُنا نغلق الباب لمن لانود غلقه ونحزن لمن لانريد الحزن له إلى هُنا نغلق حكايه لو طال الزمان عنها لاتنسى ... هيَ الظُلمـــــات وهو المـــــوت
#رهف_علي ..

اللهيـــــم الاسم الحقيقي ( علي )
دهليـــــز الاسم الحقيقي ( الاء )
اذكروهم بالدعاء لو مروا ع بالكم ..

_________________

.
.