رواية دجن الضليع الفصل الرابع وأربعون 44 - بقلم رهف علي

نبدأ بذكر الله ﷽💛✨

قبل القراءة مُتابعه للحساب akyta_98
للتواصل ع حساب الانستا akyta_98

بارتوت سبرايز لعيونكم 💗

حِزن عُمرين بعيوني وبَعدني اضحك .!

_________________

سيلينا : بقيت صافنه ع الرساله ومصدومه
شنو هاي منو هاي بعدين يلا انتبهت هاي نفسها حماتها البنت خالتي الي اجتي للعرس من امريكا !!!
بس كلامها مقرف إلى درجه كبيره
بحيث لو شخص كال الي بدون ما اشوف ماا اصدك
كميه الانحطاط بالمحادثة حيل كبير
تحثه ع الطلاق لان شافتنا فرحانين لازم تنغص علينا عيشتنا وتخربها
والأكثر من هيج كلامها مقزز كأنها تتوسل بي حتى تسحبه ! شبيها هاي مخبله ؟

بس الي طمني هو ما راد عليها ومنطيها بلوك من الانستا بس ناسي يحذف المحادثه
سحبت نفس كلت ماكو داعي اسوي عركه واخرب حياتي ع شي تافه ما يسوى ماطول هو منطيها بلوك وما راد عليها هاهي ما اسوي مشكله واسكت
بس لو لكيت غير شي جان لا سويت مشكله ولعب طوبه
بس قبل لا اطلع اخذت صور للمحادثه بجهازي للاحتياط وطلعت من الانستا
بس شنو دمي يفور يفور من يمها مو من يمه
ماعرف شلون ودتني اديه للفيس مالته
دخلت ورحت للماسنجر
شفت هواي محادثات لجماعته مادخلت الهن
لان كلامهم كله مشفر

بس جذبتني محادثه فتحتها وطلعت نفسها!!!!!
بس مامحظوره !!!!
هنا احس شي وكع ع راسي بحيث ماعرفت شنو اتصرف
من قريت المهزله الي موجوده بالرسائل من يمها هي بالذات عجيبه غريبه دكول اله ( ليش حظرتني ع الانستا خليتني ادور حسابك ع الفيس حتى اتواصل وياك )
هم رجعت كررت اله كلامها الي ع الانستا
والازيد من هيج خبلني تاريخ المحادثه بيوم عرس ابن خالتي !!!! تتوسل بي ودكول اله ( الله يخليك اطلع برى حتى احجي وياك ، زين تعال بشقه بنت عمي بس اريد احجي وياك وافهمك ، أريدك ليش ماتحس انتَ وماتهتم الي حرام عليك ترى اني بنت لاتسوي بيه هيج شنو تريد مني اني جاهزه تعال للشقه )
بهت وجهي وانا اقرا بكلامها يعني هاي المراسله مال انستا قبل لا نروح للناصريه يعني هي من اجتي للعرس علمود دابر علمود تشوفه يعني اجتي من امريكا للعراق علموده معقوله وصلت بيها الحاله الهناااا !!!!
تخربط عقلي من المهزله الي صارت والأكثر من هيج كاعده تتغزل بي وكلام مايتغطى ابد
ليش هي من طلعت من العراق هيج صارت منحطه وأخلاق ما عندها !!! بحيث حتى فشار تفشر وكلامها كله +18 خبلتني فد مره
ومع هذا كل الحجي وهو مايرد عليها ابد !

هو بصفي جان نايم خليت ايدي ع كتفه وهزيته
بس شنو بهستريه
ودموعي تنزل من عيوني بحركه
هو فز ع طوله ويعاين عليه بصدمه شاف حالتي عبالك
وحده مخطوفه

دابـــــــــــــــر: اسم الله شبيج شكو ؟؟؟
سيلينا : وجهت الجهاز عليه وصحت ، هااااي ششششنو فهمني شنوووو هاي ،
هو شافهن وسحب نفس وكعد يمسح براسه
لان فز عباله شوف شصاير
دابـــــــــــــــر: دخيل ربج هسه انتِ مكعدتني بنص هل اليل حتى اشوف هل شي التااافه ؟
سيلينا : تاااافه ! بنظرك هل شي تااااافه !
دابـــــــــــــــر: وكلش تااافه
سيلينا: لاتخبللللني كلي هسه تحجي كل شي شنو هذا الي جاي اشوفه كدامي لاتخليني هسه اتخبل
عليك بنص هذا اليل
دابـــــــــــــــر: كدامج المحادثه ويكفي ماحاجه ابرر
سيلينا: صخام بعيني شنو ماحاجه لك انا مررررتك
ومن حقي اعععرف
دابـــــــــــــــر: واذا مرتي مو يمج المحادثه
وتقدرين تقرين وتعرفين شنو صار وتعرفين انا ماااا راد بعد شني هذا كله ؟ هي ذابه نفسها عليه انااا شدخلني
يا أمه الاسلااام
سيلينا : يعني ززووجي وحده منحطه تتدخل اله وتحجي هيج كلام وتريدني اسسسسكت من كل عقلك انتَ لا والنوب محاظرررها ليش ماحظرتها مثل الانستا
ليش هنا تركتها تسرح وتمرح مثل الطلي بكيفهاااا
لااا والنوب دكول طلكها وتعال يمي وبالعرس تريدك تتطلع وياها ع ااااي اسسسساس يا اسلام ع اي اسسسساسسس

انا نفعلت فد مره الكبت الي بداخلي كله طلع
بحيث حتى نفوري من البيت وكل هاس الاشهر
طلع بلمح البصر بحيث ماعرفت نفسي صرت مخبله
فد مره هو من شاف حالتي هيج سكت انا من شفته سكت تخبلت بزايد
طلعت برى الغرفه اريد شي اهدي بي نفسي
ماعرف شجاني لكيت الاركيله بالصاله
لزمتها وشمرتها بقوه ايدي ع البلازما جانت حيل كبيره حاطيها بالصاله تفلشت الاركيله والبلازما
كل هذا هت واكف يم الباب ويعاين عليه بدون مايحجي لان يعرف بس يحجي راح ازيد اكثر
بس خبلني سكوته كلش استفزني هذا السكوت
عبالك يحسسني مخبله

لتفتت عليه ( وديني الاهلي ) هو ساكت
رجعت عطت ، كتلك وووووديني الاهلي ماريد
ابقى هنااا ماريد راح اموت والله راح اموت
ليش ماتحسسسون بيه ليششش ، هو ساكت
جهازي والجهاز مالته كسرتهن ومامنتبهة النفسي
ماكدر اطلع الوحدي ولا اكدر اتصل عليهم بقيت هيج
ولا هو يقبل يوديني ل اهلي
بقيت اصيح عليه

انتَ لوووو صدك ماتريدها جان حظرتهاااا جان حذفت
المحادثه مو تخليها وتنتظرني اشششوفهااا
انتَ تحب تعذبني تحب تشوفني اتعذب شبيييك
ترى مو طبيعي انتَ ياااريتك حاذفها اذا انتَ ماتريدها احذذذفهااااا ليش بقيتهاااا
ماحسيت الا عاط بيه عيطه هزتني هز

دابـــــــــــــــر : بسسسس كااافي ، اي انااا تركت المحادثه ماحذفتها تركتها وتقصدت بهل شي بس حتى تشوفيهااا
انا احب اشوفج بهاي الطريقه لاتناقششيني شلون وليش بسسس انا هيج استلذ اذا شفتج بهاي الطريقه
احب هل شي ، ابجي شنو تسوين سوي هذا انااا
وما اتغير ، اعترف ما خنتج ، بسسس هذا الشي الي اشوفه بيج احبه اسكت لان عاجبني
احب اشوفج تتاذين وتنقهرررين احب هل شي
ومرات انااا اقهرررج حتى اشوووف هل شي
يحسسني ب احساس حلوو
ولاااا تتطلبين مني اتركج لان مستحيل اتخلى عنج
انتِ الي انااا وبسسس ..

سيلينا : فاتحه عيوني ع وسعهن مصدومه من كلامه
رجف جسمي بخوف هذا مو دابـــــــــــــــر عبالك شخص ثاني يختلف عنه
خفت اي خفت منه هواي ، حسيت الدنيا افترت بيه
اغمى عليه و وكعت ماحسيت نفسي الا وانا بالمستشفى
اعاين ع نفسي بس بالتراك مالبه غيره خليت ايدي ع راسي
الالم ينهش براسي نهشش
ألم مرعب إلى درجه غريبه ملخت شعري اريد بس راسي يسكت ويسكن الالم بس ماكو
ماحسيت الا اشخاص فوك راسي رفعت راسي لكيتهم بابا وماما يمي يبجون ع حالتي
وانا مدري شبيه احس نفسي مو سيلي القديمه لا
تختلف
الدكاتره كلها اجتي ع صوتي
يحاولون يهدوني يريدون يعرفون شبيه
انا بس لازمه راسي واصرخ ، رااااسي راحح امووووت
بابا ساعدني راسي الالم موووتني
راح ينفجر راسي سسساعدوني ..
ماحسيت الا ابره نغزت ايدي وبعدها ماحسيت بنفسي الا وانا نايمه
بس من كعدت نفس الشي
الالم موتني راسي ما يهدأ ابد
ماخلوا لا مفراز لا تحاليل كل شي سووا الي وماكو شي
زين ليش هل الالم القوي حتى هم حاروا بيه
اسبوع كامل انا بالمستشفى نايمه
اهلي ما تركوني ابد ولا لحظه

دابـــــــــــــــر ما كال الهم اي شي ولا بلغهم شنو سبب
الي وصلني للمستشفى
بقى ساكت بس هم ما تركني ابد وانا حايره بالالم الي بيه مو بحال اي احد.

الدكتور مبلغ بابا في حال ااذا هو ما موجود و تجيني حاله الأعصاب يصورني حتى يلكه عله الي
كل هذا وانا عايشه ع المهدئات هي صارت السبيل حتى ارتاح واكدر انام
ومن صارت بيه هاي الحاله بابا صورني ودزه للدكتور وهو اجه يكشف ع حالتي جانوا شاكين بيه صرع
كعد الدكتور وقطع عني المهدئات كلها يريد
يوصل ويشوف بنفسه حتى يوكع ع علتي
تالي جاب كرسي وكعد يمي يوم كامل ما تركني
إلى أن اجتني الحاله عرف وقتها هذا مو صرع
اول ما اجتني الحاله حسيت بي لزم رجليه
وحسيت بنغزه ابره
بس من التعب ماكدر ابعد هل شخص عني
تكررت هل حاله وكل ما تجيني هاي الحاله
الدكتور ينغزني ب ابره إلى أن تحسنت حالتيشوي مو هواي وطلع انهيار تصبي حاد
ثاني يوم الصبح كتبولي خروج وطلعت من المستشفى
بس اهلي اخذوني وياهم للبيت اساسًا انا رفضت
ارجع ويه دابر واهلي قلقانين عليه صح مايعرفون شي بس اخذوني وياهم خايفين لاتنتكس حالتي من جديد

وصلنا للبيت ماكان اكو شي صح تعبانه بس اهون من قبل
لليل ورجعت صحتي انتكست وحالتي صعبه حسيت روحي بحنكه كلش قويه
اهلي من شافوا حالتي كالوا احتمال علاجها يم سيد
لان الدكتور كال مابيها شي صح انهيار عصبي حاد
بس تتعالج اما هسه شبيه ؟
بقيت يومين ع هل حاله ع امل ارجع مثل قبل بس كل ما آلها نزيد
إلى أن سمعت عيطه ابويه
ابويه حيل يحبني ويخاف عليه ومن انا يصيبني أذى هو هم يتأذى وياي
اسمعه برى يصيح وروحه مفرفحه
شوي ودخل للغرفه وانا حالتي تعبانه وبالكوه
صاحيه ع نفسي
تقرب مني ولزم ايدي وبعيونه دموع تمنيت ميته ولا اشوفه بهاي الحاله..

ابو سيلينا : غصن ابوها شبيها هيج ذبلانه جنتي مثل الورده شذبلج هيج
سيلينا : ابتسمت اله بتعب
ابو سيلينا : هيج اهون عليج ها بويه ترى انا كلش تعبان ، تعبان من اعاينج بهاي الحاله
سيلينا : بابا ..
ابو سيلينا : عيون ابوج ، غصن ابوج
سيلينا : ابتلعت ريقي بصعوبه واردفت ، ت..تعبانه انا
ابو سيلينا : ريت هذا التعب بيه ولا اعاينج بهذا التعب
سيلينا : ا..اشش لادكول هيج ا..اسم الله عليك
ابو سيلينا : بويه امشي نروح
سيلينا : وين ؟
ابو سيلينا : السيد يشوف حالتج يمكن علاجج يمه
سيلينا : ماريد
ابو سيلينا : تزعليني منج
سيلينا : الا زعلك
ابو سيلينا : جا امشي يلا

سيلينا : ماردت ازعله لهذا قبلت اروح
والله عاد رحنا انا ويا وماما البيت سيد صروط بالعمارة
اول ما دخلنا الهم همَ بدوا بيه اخر شي
كالوا ( مابيها شي بس شغلوا قران يمها وخلوها تسمع )
رجعنا للبيت وبابا و ماما ( اذا مابيها شي ليش هاي حالتها لا دكتور وكع ع علتها ولا شيخ شلون بيهاااا راح تروح من ادينا )
يحجون وانا بس اعاين ع الشارع
وصلنا للبيت ورحت شمرت نفسي وغمضت عيوني
حسيت ب شخص يم راسي ثواني وسمعت صوت قران
حطوا يم راسي وراحوا صار هدوء بس صوت القرآن ينسمع
انا هنا حسيت روحي راح تتطلع لزمت الجهاز ماشفت مال منو وحتى ماهمني ابد
لزمته بقوه ايدي وشمرته ع الحايط صار طشار
وانا اعيط بصوت عالي وحتى النفس اختفى عندي
ماما وبابا صاروا بوجهي نوب حتى اصدقاء اخويه بالبيت ماهتميت تركتهم وطلعت بدون شي ع راسي
وبالتراك كعدت بالباب مال المطبخ اجر النفس
اريد هوى اريد اتنفس نوب حتى الهوى انقطع عني
فرفحت روحي اختناااق صار عندي الأوكسجين ماكو انقطع

من شافوا حالتي سريع اخذوني للمستشفى بهذا
الوقت المستشفيات مليانه ناس
والدنيا عالكه بهذا الوقت
دخلوني ، اشعه ع تحاليل كل شي سوواا الي
الن ان الدكتور بوقتها كال
بيها كورونا ونسبه مالتها 40%
بهذا الوقت كورونا هسه صارت بعدها جديده
والناس كلها لابسه كمامات و كفوف
وكلها تعقيمات وبكل مكان تعليمات ومحد يتقرب من
الثاني يخافون لا ينعدون ويتحول الهم المرض
حولوني مستشفى مختصه بأالاصابات كورونا
ونمت بالمستشفى 15 يوم
محد يدخل عليه ولا اشوف احد ولا احد يشوفني
يدخلون يعالجون ولابسين زيهم الخاص حتى ماتنتقل العدوا وبعدها يطلعون
15 يوم ادمرت بيهن تعبت منا انا تعبانه ومنا كورونا صارت بيه لهذا انتهيت فد مره
حتى دابـــــــــــــــر ماسألت عنه برغم دائما يمنا واشوفه بالبيت ويحجي ويه اهلي طبيعي ولا كأن صاير شي وعادي عنده
بعد ال 15 يوم تحسنت حالتي وسجلوا خروج الج
من بعد تعليمات هواي يلا تركوني

اهلي من شافوني عبالك صارلهم سنين كلها تحضن وتبوس بيه فدوه لعمرهم هذول سندي طلعت للبيت
وكلها موجوده اخواتي اخواني استقبلوني بفرحه عارمه
اخر شي صار دابـــــــــــــــر بوجهي
ماسويت اي شي بقيت ساكته هو تقرب مني
باسني من راسي وتحمد الي بالسلامة ماحجيت ويا عفتهم ورحت للغرفه ..

صادفت طلعتي من المستشفى بمحرم ماما اخذتني وطلعت بيه عندي علاج ولازم أشد كانونه
منطقتنا مركز مدينه مسوين بيها مواكب
ف مرينا بصف موكب ل ابو فضل العباس
ماما وكفت يمه وهي لازمه يدي
جانت حيل مقهوره عليه ودموعها بعيونها
ام سيلينا : نذر عليه لو بس أطيب بنيتي اجيبها واجي مشايه واخليها تقرا بحضرتك ..

والله صدك اسبوع وراجعت وطلعت تمام كالوا بعد لا تنطوها علاج بس كل 3 أشهر تجي تسوي تحاليل روتينه
اول ما رجعت للبيت اتصلت ع دهليز وبلغتها
هي خطيه فرحت الي واطمنت عليه
جانت شايله همي اكثر من همها المسكينه
بعدها ماما كالت لازم اوفي نذري الي نذرته
الج
عاد صدك رحنا مشايه انا والبنات اقاربي وماما

استحيت اقرا كدام الكل الموجودين لهذا انتظرت
ماما والكبار ينامون وكعدنا انا والبنات جابت ام
البيت الي احنه يمها سماعه
لزمتها وقريت اول قصيده الي هي عباس يعيوني
جنت اول مره اقرا واندمجت بالقصيده اقرا بيها
كلماتها حيل اثرن بيه
عباس يعيوني .. ترضى يذلوني .. للشام يهدوني
عـندك يا بو فاضل يا خـوي أشتكي حالي
حـرمـة بـلا والـي .. والـشـمر يبرالي
ولـيـحـدي لي الناقة زجر .. عباس يعيوني
تـرضـى يـذلـونـي .. ولـلشام يهدوني
أنـت لـجـبـتـنه من الوطن وتكفلت بينه
بـأيـدك تـبـاريـنـه .. وهـسا تخلينه
مـا بـيـن عـدوان وكفر .. عباس يعيوني
تـرضـى يـذلـونـي .. ولـلشام يهدوني
مستمره اقرا رفعت راسي وانصدمت من
التجمع الي صاير كدامي ماما واقاربي والبنات
وبعد اكو ناس ما اعرفهم بس كلها نسوان وبنات كبار وصغار
عاينت ع ماما كاعده بنصهن وتبجي وتلطم
ردت بس تخلص القصيده حتى اكوم
إلى أن خلصت ، بعدها
رجعنا للبيت والموقف مانسيته ولا راح انسى
لان اول مره الي وانطبع براسي

اتصلت ع دهليز وحجيت الها عن دابـــــــــــــــر
وكل شي هي تقنع بيه دكول الي
دهليز : هو حاظرهن عجل ليش هيج تسوين وتهجمينو البيتج ب ايدج ول وهو ما خاين ولا مسوي شي لو غيره جان أخذها
فرصه اله وفعلاً خانج وياها بس هو من حجيتي عنه
واضح من كلامو متملك ويحب بس نفسو ويحب كل شي يكون الو عمري سيلي ترى شماتج جثير بس تخرب
حياتج هم اول الناس يضحكون عليج
سيلينا : بس !
دهليز : ول يابه بدون بس سيلي ترى هنَ متبعات طريق السحوره بعدين لا تنسين دابـــــــــــــــر هساع بيت ب أرقى مناطق سياره أحدث موديل
وظيفتين بدل الوحده فلوس خير من الله عندو
عبالج هذن الشغلات ماتغرنهن ؟ وربي ياخذنه منج ويخلنه حتى ما يشوف وجهج وتنسينو
وفعلاً تتطلكين منو
مادام هو ما مسوي شي ارجعي والله لو مسوي شي انا بيدي اكلج لاترجعين وانسي الي يخونج اتركي
بس هسااع اكول الج لاتتركينو دابـــــــــــــــر دابرج انتِ ول لا تورينو الكلبي ور عجل كلامي ماحرك براسج شي

سيلينا : سديت الاتصال منها وكلامها بقى يرن براسي
والصراحه صرت افكر بي وماعرف ليش
اشتاقيتله هواي
كلت لو اجه واعتذر ساعتها ارجع اله
وما اخلي هاي المشكله تكبر اكثر
وراها بيومين هو اجه ل اهلي وكعدوا سوه وطلب منهم يحجي وياي طبعآ هم مايعرفون شنو الي صاير بيني وبينه عبالهم بس مريضه
لهذا رحت اله وهو هم حجى وياي هواي
إلى أن طلب مني نرجع سوه للبيت
وقتها ماردت أطول السالفه اكثر
رضيت ورجعنا للبيت سوه بيومها
حتى بالبيت مالتنا حجه وياي اكثر وصارت
مناقشات بينه وطاح الحطب

مرت ايامنا حلوه والاحلى منها هو خبر
اتصال دهليز بيه وبلغتني بخبرها الحلو وتريدني
امشي وياها اخذت اذن من دابر ومشيت وياها
ايام وانا وهي ما تركنا بعض ابد يوميه الصبح
ساحلتني بتجهيزاتها تريدني وياها خطوه بخطوه
وانا هم وياها هاي اختي الي ماجابتها امي
كلش فرحت الها جثير فرحت ع كولتها ...

مرن الايام وحياتنا حلوه وصافيه ومابيها اي شي
بس بقى براسي كلام دابر بيوم الي تعاركنا
وطلعت من البيت من كال الي اي انا احب اشوفج
تتعذبين كدامي واحب اشوفج بهاي الحاله
ردت اعرف شنو هذا وليس هيج كال
بيومها طلبت من دابر ياخذني للدكتور ما اعترض
بس انا هل مره ردت اروح علموده واشوف شنو
الي بي
دابـــــــــــــــر: تمام بويه الباجر اوديج
سيلينا : اطمنت وكلت الباجر اروح بعد العرس واسأل الدكتور واشوف حالته شنو هو طلع وانا رحت اسوي اكل
واكفه بالمطبخ جاي اسوي اكل حتى اروح للحنه
وجهازي اشوفه يشتغل ويطفه
نسيت حاطته صامت وانا كل شوي اتصل  اول ما لزمته رجع اتصل
فتحت الخط وخليته ع اذني
جان يجيني الصوت من الطرف الثاني

بقيت ارمش ما مستوعبه الي اسمعه
صرخت صرخه طلعت من أعماق كلبي
لااااااااااااااا مستحيل ، بعدها ما حسيت بنفسي ..

_________________

ريفان :::-
شكد هضيمه من تتخلى عنك هاي الدنيا
وتصير بين وبين ، ناس تشمرك ع ناس
وتكون فريسه سهله لان ماعندك احد تستند عليه
ماعندك عائله توكف بظهرك واطبطب عليك
بوقت ضعفك ماكو عائله تمسح دمعتك
وتوكف بوجه الظالم وتكول اله انتَ ظالم وتأخذ حقك منه
الالم يفوق الصعب بحد ذاته
مانعرف نعيش مانعرف نمشي خطوه
نخاف نواجه نخاف من الايام
نحسب للوقت ونخاف رهبه المجهول
من توكع بمشكله ماتلكه حل الها مشكله حيل صعبه
من توكف بوسط هذا الشارع بوسط
هاي الارض بجنب الناس المجهوله هذا بحد ذاته خوف
اختبارات اختبارات واختبارات نبقى نردد
بيهاا لان كلها اختبارات من ربنا من الله من سند النا بهاي الدنيا متأملين الطريق الي يرسمه
النا افضل من الطريق الي نرسمه احنه بنفسنا
وكلنا ع يقين لو خيرونا بين الطريقين ل اختارينا نفس الطريق الي مرسوم النا من الله هذا الشي مابي اي نقاش..

واكفه بنص الشمس عظامي توجعني جسمي يوجعني
من الضرب والشمس فوك راسي تضرب
الغصه ترست صدري ترس
ناس ماكو دنيا الظهر وماكو احد يطلع بهذا الوقت
دموعي تنزل بحسره وألم ما مصدكه اني بهذا الموقف حاليا مامصدكه هسه اني بهذا الوقت مطروده وماعندي مكان يلمني ولا يؤيني
سحبت نفس واني احاول اوكف دموعي وماتنزل
حسيت ع صوت اجاني فزيت خايفه رفعت راسي
ع مصدر الصوت ..

_ بيج شي ؟
ريفان : هزيت راسي بقوه تاني خايفه ماعرفه نوب
يروح يسوي بيه شي والله اموت
نوب الحراس ماكو ادري وين اختفوا اكيد هي السبب
، رجع فززني صوته
_ هذا دم جاي تنزفين من خشمج تريدين اخذج المستشفى؟ اكو احد وياج ليش الوحدج!؟
ريفان : ابتلعت ريقي بصعوبه واردفت ، لا تسلم ماغيد شي منك
_ خويه لاتخافين ماسوي شي بس اذا محتاجه شي كولي بالخدمه انا
ريفان : تسلم اخويه بس منتظغه احد غاح يجي هسه
_ جا خوش انا اترخص
ريفان : راح الرجال واني اطكطك من الخوف سحبت
الجنطه لمكان مابي شمس تحت شجره

رفعت جهازي واتصلت ع رهبار اول اتصال لكيته
مشغول بقيت كل شوي اتصل إلى أن حصلته
دموعي تنزل والشهكه مافارقتني
اول ما انفتح الخط وسمعت صوته حسيت
بالأمان صحت بالكوه
غهبااغ حباااب سسااعدني ..
اجاني صوته القوي واضح عليه اعصااب حتى نزيت من كلامه
رهبار : ويـــــن انـــــتِ ؟!
ريفان : سحبت نفس واردفت ، برى البيت
رهبار : يعني ووووين ؟؟؟؟؟
ريفان : خفت منه ، جوه الشجره بفرعنا
رهبار : لاتتحركين من مكانج شوي ويوصل صديقي
هو وزوجته ياخذوج تروحين وياهم بدون اي صوت
ولاتعترضين انا هسه اتصلت وانطيته خبر
ريفان : همست بخوف ، اي ..
رهبار : حسابنا لسه ماخلص انتظريني بس اجي للعمارة
ريفان : سد الخط واني بقيت جامده شبي ليش هيج عصبي بعدين يلا طخت عندي
ااااكيد عمتي فاطمه اتصلت عليه قبلي وحجت ويا والله اعلم شنو حجت ويا وشمرت عليه بلوه
استغفر الله العظيم معقوله طعنت بيه علمود تتخلص مني معقوله!!!

بعديني واكفه 5 دقايق وصارت سياره كدامي رفعت راسي نزلت من السياره بنت حلوه وبعدها صغيره
عمرها تقريبا بالعشرينات
صارت كدامي ابتسمت بوجهي وسلمت عليه ..

غسق : مرحبا انا اسمي غسق زوجه ادم يصير صديقه الرهبار
ريفان : اهلاً بيج
غسق : هذا زوجي ادم
ريفان : أشرت ع الي اجه وكف بصفها
ادم : السلام عليكم خويه
ريفان : اردفت بهمس ، وعليكم السلام
ادم : رهبار اتصل عليه وفهمني يلا خويه اصعدي
حتى نروح وتبقين يمنا إلى أن يرجع هو من بغداد
ريفان : شكد خجلت ناس ماعرفها حنت عليه والبيه ومني ياكلون بيه ! الهل درجه وصلوا
هو سحب الجنطه وصعدها بالسياره
وغسق لزمتني من ايدي وهي تضحك وياي شكد مرحه هل بنت كلش محبوبه
غسق : يلا تعاي اصعدي الجو حار تعاي
ريفان : تحاول تكسر الخجل الي بيه حتى اخذ راحتي بس ماكدر
صعدت للسياره ومشوا
غسق تحجي وياي بس اني ارد عليها ع كد السؤال
حتى ماحسسوني اول مره يعرفوني ولا
انتبهوا ع عيوني المورمه من البجي وخشمي الي ينزف دم بالعكس ماحسسوني ابد ،خليت الكلنس ع خشمي
هو متوقف نزف بس اثر الدم بعده
غمضت عيوني ب اسف ع حالتي وين وصلت ياربي وين ..
اخذوني ع بيتهم وكعدت يمهم ..

اسبوع كامل واني يمهم بالبيت ابد ما حسسوني بشي
جانوا اريحيين وناس كلش محترمه
زوجها ما يبقى بالبيت حتى اخذ راحتي
واني بالأساس ما اطلع هواي 24 ساعه كاعده بالغرفه
الي اني بيها بحيث غسق تدخل عليه تحجي شلون
ابقى حابسه نفسي هنا
وتتطرد زوجها وتخلي البيت بس الي حتى افتر براحتي ، رهبار يتصل عليه يطمن ويغلق الجهاز
مايطول اكثر من دقيقه واني روحي رايحه
كلش مشتاقتله وهو زعلان مني و وجهة ثقيل عليه
ماعرف ليش هيج اني ما مسويه شي اله
وهو زعلان مني ماعرف ليش كل شي جاي يصير عكسي عكس ما أريده
شلون ! ماعرف ..

مر هذا الأسبوع بطلعان الروح واني ما اعرف الوين راح اوصل والشنو حياتي راح تستقر
معقوله راح ارجع الى ان دزلي خبر راح يجي اليوم العصر
طول اليوم واني لازمه اعصابي وخايفه
اي اعترف خايفه من رده فعله ماعرف هو شنو سامع عليه ولا اعرف شنو موقفه اتجاهي
وخايفه شلون راح ااواجهة بعد كل الي صار
برغم اني اعرف ماا مسويه شي
بس تصرفاتهم وياي خلتني اشك حتى بنفسي

كاعده واكل ب اظافري ماجاي تروح من راسي
طعنه ايلان بظهري ماتخيلتها بيوم من الايام
راح تتطلع الهل درجه خبيثه
جنت متوقعه هي خلص كبرت وتغيرت وهذاك جان ماضي وبوقتها جانت طفله وامها لعبت بعقلها
بس هسه كبرت وللأسف توقعتها كبرت وتغيرت
بس طلعت العكس كبرت وصارت اتعس من
قبل انسانه خبيثه والحقاره الي بداخلها تجاهي
تفوق التخيل
يعني انا امنت بيها وحجيت وياها عن كل شي اخر شي
تتهمني عندي علاقه بنشوااان !!!
والأدهى من هيج تروح تحجي الفاطمه وتخليني بحلكها وكعدت تألف عليه قصص !!
تذكرت قبل لا انطرد من البيت بليلتها من سمعتها
تحجي وتسمعت الها وانصدمت من طلعت
تحجي ويه نشوان ومتفقين عليه وهي ويا بينهم علاقه اكثر من سنه وهو من اعترف الي بوقتها بس حتى يوكعوني ويسوون بيه هاي السوايه
ويطردوني برى البيت !!!!
طلعوا اثنينهم حقراء واني بقوتها جنت فاقده
وماعندي ملجأ ألجأ اله غير بس ربي
وتوقعت دزهم الي يكونون مرهم لجروحي بس طلعوا
الاتعسسس طلعوا الجرح مو المرهم ..

بعدني بمحور ذكرياتي جان ينفتح الباب وتتدخل غسق

غسق : حبيبتي ريفونه وصل رهبار وهوَ برى
ريفان : هزيت راسي ب اي وطلعت بعد ماعدلت نفسي ولبست شالي
اول مادخلت للصاله صار رهبار كدامي بعده
بملابسه العسكريه عيني صارت بعينه سلمت رد عليه بهدوء وبعدها التفت ال أدم ..

رهبار : يلا بويه شوفنا عرض اكتافك
ادم : شني هو غير بيتي نوب تتطردني منه هاي وين صايره
رهبار : مو بس اطردك منه
ادم : هز ايده والله يا الله البيت بيت ابونا والغرب يطردونا
رهبار : شنو لك ؟
ادم : ضحك ، اكول البيت بيتك خويه واحنه خطارك
رهبار : جا احجي عدل من الأول لا انا اعدل حلكك
ادم : ضربه ع كتفه ، اتشاقه وياك شبيك هيج عصبي
رهبار : تريد اشوفك العصبي شنو يسوي

ادم : رفع ايده ك علامه استسلام واردف ، لاااا دخيلك ما اريد غير اسويها ع نفسي من الخوف
رهبار : طاحظك الارض محظوره
ادم : غير بسببك نسيتني البنات هنا
رهبار : جا سد حلكك وشوفني عرض اكتافك يافهيم

ادم : اي اي رايحين،  امشي عيني خلينا نعوف عصافيرنا الوحدهم
رهبار : ااااادم ..
ادم : وجعه بكلب الي يكره ادم
رهبار : سد حلكك واطلع برى

ادم : طااالع طالع ، والله يا الله بيتي ويطردني منه هاي وين صايره الله ع الفقير الله ينصر المظلوم
ويحاسب الظالم النا وكفه يم رب العالمين الا أشتكي عليك

ريفان : طلع وهو يدردم وغسق تضحك ع المناكره
مالتهم واني كل هذا الوقت ماكلني الخوف
لان واضح من شكله معصب يعيني هاهي رحتي بيها
ياريفان
اول ما طلعوا هو راح كعد ع القنفه
طلع باكيت الجكايره و ورث وحده لزمها وحطها بين اصابعه كل شوي يسحب نفس قوي منها
رفع راسه واشر الي بعيونه ع المكان الي بصفه حتى اكعد يمه
اني مثل الحبابه رحت وكعدت يمه والخوف يقرا الف

رهبار : اردف بهدوء ، احجيلي كل شي ..
ريفان : اني من بعد الي صار وياي مستحيل اضم عليه شي واحجيله كل شي لان تبت وماعدتت انتظر شي مصيبه حتى توكع براسي
لهذا حجيت اله كل شي وما ضميت عليه حرف واحد
عن نشوان وعن كلامه من اعترف الي يحبني
وعن اخته وعن أمه وعن كل شي
حتى حجيتله اخر شي من طردتني وشلون اتهمتني ظلم واني ما مسويه شي ...

مسحت دمعتي واردفت ، صدكني غهباغ والله
مابيني وبينه علاقه كل الي جان مجغد تواصل
غسائل لا اكثغ ولا أقل الكل جان يعتقد انتَ ميت الا اني جنت متأكده انتَ عايش وغاح تغجع
بقيت ع ذكغاك شلون تغيد اخونك هاا
مو نوب انتَ موجود الحمد الله ونوب اخونك
هاي وين صايره
انا ماخنتك وانتَ بعيد تغيدني وانتَ قغيب اخون
تغه مايصيغ وغبي مايصيغ
ليش كل هذا الظلم اني بشغ من دم ولحم مثلكم حالي من حالكم ليش كل هذا الحقد الي والله ما مسويه شي ولا اذيت احد ..

سكتت واني اشوفه شلون عصب فد مره
التحفيه الي بصفه شالها وشمرها بمد ايده تكسرت بالحايط صارت طحين
وما اكتفى ابد رهبار واعرفه لازم يغرد عليه ويطلعني اني السبب وكله صار من راسي

رهبار : شششلون تسمحين اااااله شششلون فهميني
تدرين بهذا تصرررفج انتِ انطيتي مجاااال
يتجاووووز ويوصل للي لليريده جججاااا انااااا وبيتي يعترف لليحبها كلبي ويريد ياااخذها مني
انتِ السبب ادري مصدكج بسسس ما تتدخل العقلي
شششلون بقيتي ع تواصل وياااا وانتِ تعرفين بي يصخخخخخم ( يقصد يحبني بس مايكدر يكولها )
اااخ ربي هذذذا الغباء الي عندج موتني
ع يوم ااااموووت من وراااج ومن ورى آآآمي
لان هي اسسساس كل هاي المشاكل

ريفان : فقد فد مره اخر شي كعد كل هذا واني ابجي
مقهوره عليه وع نفسي كل هذا جاي يصير
بسبب اشخاص ولا يمكن يحلون عنه
إلى أن تصير معجزه
شفته سكت رحت نظفت الصاله من الكزاز اول ما خلصت ردت ارجع جان يصير بوجهي

رهبار : جهزي نفسج حتى نروح
ريفان : اردفت بخوف ، وين
رهبار : نرجع للبيت بس هل يوم وبعدها اخذج من البيت وما ارجعج اله كافي تعببت بسسس عدو هل يوم
ريفان : سكتت ما حجيت هو بس هل يوم وبعدها
اكعد لوحدي وارتاح من كل هذا الهم
الي بداخلي والي جاي اعيشه
سحبت الجنطه بس هو أخذها مني وطلع من البيت
واني ورى بعد ما قفلت الباب وحطيت المفتاح جوه
السندانه حتى من يرجعون يلكونه
صعدنا بالسياره ومشى وهو ساكت
اني الهم اكلني اكل هم راح ارجع اشوفه اوف ربي
صبرني عليها يلا ريفان بس هل يوم وتخلصين
بعد ما تعبرين هذا البيت مره ثانيه

حسيت ب ايده صارت فوك ايدي لزمها وعصر ايدي
بقوه رفعت راسي صارت عيوني بعيونه
ابتسم بهدوء والابتسامه اخذت كلبي ع ابتسامته
ابتسمت

رهبار : اسف بويه صيحت بوجهج بس الموضوع جاي ياكل بداخلي مانويت ابجي هل عيون الحلوه

ريفان : ابتسمت بفرح وهزيت راسي ، بالعكس وياك الحق
غمض وهو يبتسم بعدها فتح عيونه اردف وهو عيونه ع الطريق ومره عليه
رهبار : راح نوصل،  لاتحجين ويه وحده بس هل يوم
نبقى بعدها نروح للشقه هناك تبقن
ريفان : انهبطت رديت ، لا عفيه اخاف
رهبار : تخافين وانا يمج
ريفان : هزيت راسي بنفي واردفت ، انتَ ويمي
احس بالراحه والأمان بس من تبتعد احس بالخطر والخوف شلون ابقى الوحدي بالشقه اذا صار مثل قبل

رهبار : ااااخ بويه لو الي بالي صار جان جرمت بيج

ريفان : عقدت حاجبي ، شنو ؟
رهبار : هيج بويه ، بعدين لاتخافين ترى مو نفس الشقه هل مره حتى مو بالعمارة راح اخذج البغداد هناك الشقه امان و انا رتبتها والي يوصل الها اشك حلكه نبهت وأمنت عليها
ريفان : هزيت راسي ب اي وسكتت خايفه نوب حتى مو بالعمارة هل مره ب بغداد ، المحافظه طلعت منها وجنت متوقعه ماراح ادخل الها مره ثانيه بس شاء القدر يدخلني الها مره ثانيه سكتت بس بالي يفكر ب أشياء هواااي
وصلنا للبيت لزم ايدي ودخلنا لزمت ايده بقوه ودخلنا للبيت ..

صارت بوجهنا فاطمه اول ما شافتنا سوه وشافتني اني بالذات صرخت مفزوعه شلون رجعت
مره ثانيه وهي طردتني
صارت تشيل روحها وتلزكها بالكاع
وتصيح صياح خلت شعر راسي يوكع مصدومه من كميه الحقد مالتها اتجاهي كلش مصدومه
اخر شي رهبار عاط بيها عيطه خلاها تخرس بمكانها

رهبار : هشششششششش صووتج لا تسمعي الي
وحك هذا الله نفسسس واحد اذا سمعت ابليكم
هذا السلاح افرغه براسكم بسسس جههااال انتووو خما جهال عيب علييكم انتِ يمه ترى مره كبيره بالعمر المفروض تسكتين وصوتج مايطلع عيب بين الناس صوتج وين واصل عيب
راح اصعد فوك انام وارتاح هل كم ساعه وبعدها ماتشوفين خلقتها اطمني ، وانتِ الثانيه صعدي الغرفتج
ماريد صصوت

ريفان : راح صعد بعد ما نبهها ماتتقرب عليه
هي من شافته راح صعد ردت اصعد ورى وكفت كدامي
دفعتني بقوه واردفت وهي كازه ع أسنانها

فاطمه: مثل الكلبه تبقييين برى وماتتدخلين جوه
بيتي مايلفي هيج شكولات يلاااا برى ..

ريفان : لزمت وسدت الباب بوجهي وعافتني برى
بقيت ارمش من الصدمه هاي شبيها تخبلت فد مره
بقيت برى 4 ساعات ورهبار نايم جوه مايدري
واني من الملل والحر لو بيدي اطلع برى وما ارجع بس نو بيدي انتظر رهبار يطلع ويشوفني تعبت وكعدت
ورى هل 4 ساعات انفتح الباب
لتفتت لكيته رهبار
شافني برى فتح عيونه مصدوم عرف هاي سوالف أمه
رجع عليها وصيح صياح بحيث كلت راح صوته
والله لو ما هي أمه جان كاتلها من زمان
اني بقيت برى مادخلت ولا فتحت حلكي بكلمه
هو اخذ حقي منها ماكو داعي ازيدها عليه وهو
خطيه هستوه راجع من الدوام وتعبان

طلع برى وهو يصيح وهي طلعت ورى تتوسل بيه
بس هو صوته اعلى ..

رهبار : هذذذذا وجعي اذا خليتج تشوووفني مره ثانيه
اعتبي عليه ، مو ماتريديها يمج يجرالج يمه يجرالج
راح أخذها منا لا انا ولا هي بعد تشوفين وجهنااا
اطمني
بكل مره تخسرين ابنج يايمه بكل مره وانا وحيدج وكسرتي كلبي بيها ..

ريفان : ع كلامه بجيت مقهوره عليه شكد تعذب بسببها
شكد اذته وهو بار بيها شكد وهي ولا كأن اجه عليه سحبني وسحب الجنطه وطلعنا
وهي تصيح ورى وتبجي وما اهتم بيها
صعدنا بالسياره ومشينا
ماحجه ولا حرف بس تنفسه يصعد وينزل
مشينا هووواي وماعرف وين بس ما سألته
ماريد ازيدها عليه نوب اخسره وبس هو الي بقى الي اموت لو خسرته
ورى فتره رفعت راسي وقريت الافته ...

بغداد السلام ترحب بكم ..
وهاي وصلنا بغداد ياترى شنو ينتظرني بيها !!

__________________

للتواصل ع حساب الانستا akyta_98

.