رواية دجن الضليع الفصل الثامن وأربعون 48 - بقلم رهف علي

نبدأ بذكر الله ﷽💛✨

قبل القراءة مُتابعه للحساب akyta_98
للتواصل ع حساب الانستا akyta_98

الآن أرخيت يدي
أسألك الأمان والسكينة
وانتَ رب كليهما.♥️

*^*^*^*^*^*^*^*^*^*^*^*^*^*

سيلينا : نزلت دموعي مصدومه وانا اعاين ع رساله التهديد الي بأيدي مهددينا بالقتل !!

ماكدرت احجي بس دموعي تنزل خايفه كلش
وهاي اول مره يهددونا بيها وجان التهديد واضح وصريح
المشكله هو ما مأيد اي شي بس مجرد طلع للمتظاهرات ومن صارت هوسه صاروا يغتالون هواي ناس
بيهم وهمَ بالطريق راجعين البيتهم يقتلوهم وبيهم يدخلون البيوتهم هم يقتلوهم
واحنه صرنا احد هذول الضحايا الي ناوين يقتلونا
زين ليش والله ما مأذين احد ولا غلطانين بحق اي شخص شنو الي بدر منا حتى نحصل هذا التهديد

كعدت هلكانه ومهدود حيلي ارجف وبيدي الورقه رفعت راسي من سمعت صوت دابـــــــــــــــر يحجي ركزت بكلامه عرفته يحجي ويه اهلي عن الوضع الي صار وخايفه عليه لا اتأذى وحذرهم من خلص رجع اتصل ع اهله وبلغهم خاف يصير شي ويأذوهم
كل هذا وهوِ يحجي ويفتر وانا ابجي تعبت
إلى أن خلص مكالماته ماعرف ويه منو
بس اسمعه يكول ..

دابـــــــــــــــر : اي اكيد أخذها الغير بيت جا انا مجازف بيها بله هيج ودخلوا انا ما اتحمل يصير بيها شي
اي اي اريد أأمن ع حياتها ماريد تنصاب ب الاذى
خوش ، الله كريم ..

سيلينا : رجع التفت عليه .

دابـــــــــــــــر : يلا بويه كومي اخذي اي شي تحتاجي خلينا نطلع

سيلينا : مسحت دموعي ، وين ؟

دابـــــــــــــــر : ل اي مكان أمن امشي بويه هذول مراقبين كل تحركاتنا اخاف اطلع ويدخلون عليج وانتِ الوحدج ساعتها ا****

سيلينا : استحيت من كلامه رحت بدون ما احجي اخذت كم قطعه ملابس الي واله ، فلوس ، الذهب ، المستمسكات
وطلعنا من البيت بس جان حذر ماكو احد ورانا بس جان يتراوغ بين السيارات حتى خاف اكو احد بهل حاله يضيعهم

وين رايحين دابـــــــــــــــر ؟؟

دابـــــــــــــــر : ابوج كاال تعالوا يمنا لبين ما تخلص هاي السالفه

سيلينا : اطمنت ع الاقل يم اهلي أأمن بس طول الطريق والجهاز مالته ما سكت بس يتصلون عليه
وهو يرد عليهم يصير عصبي بعدين يسده
كل شوي وغالط عليهم
انا ما خليت ايه ما قريتها حتى نصهن نسيتهن من الخوف اول مره اعيش هيج اشياء ولا مره حسيت بهذا الخطر كلش توترت وخفت خاصه هو خايف عليه أكثر شكد يحاول يهديني بس خوفه عليه خوفني من الي جاي يصير

وصلنا البيتنا ودخلنا تلكونه اهلي كلهم كعدنا وصاروا يسألون ويستفسرون عن الوضع كل هذا وانا كاعده بصف بابا هو محتضني وضامني الصدره
وانا خايفه جانوا يحجون وبالي هنا يمهم وبعدين يروح للبعيد
زين اذا دخلوا علينا وقتلونا مثل ما جاي يقتلون هسه بالناس زين اذا دابـــــــــــــــر طلع الوحده و وكفوله بالطريق ورموا عليه واحنه مانعرف
خلال تفكيري حسيت ب بوسه ع جبيني من بابا ..

ابو سيلينا : لاتخافين بنيتي ان شاء الله مايصير شي

سيلينا : ان شاء الله بابا الله اليحفظ

ابو سيلينا : صدكي يهدأ الوضع وتصير سوالف

سيلينا : اتمنى ان شاء الله..

مرن كم يوم واحنه ب بيت اهلي بس كلش خايفه
حتى نوم ما انامه متوتره و اذا نمت افز مرعوبه
الكوابيس ما فارقتني اكعد ابجي ودابر يسكت بيه
لوو أحلم بي هو رامين عليه وقاتلي لو احلم فجأه
يدخلون علينا
بحيث عشت بقلق وخوف ماكو منه
صرت أتوجه بس ع ربي وأهل البيت
عسى تخلص وتعدي هاي الازمه
نوب الاخبار صارت اتعس الضحايا صارت بكميات كلش هواي صغار ، كبار ، شباب من كل الفئه
واليقهرني بعدهم بعمر الورد ويموتون
بالدخانيه والرصاص الحي !!!!

بعد ما مرن كم يوم كاعدين احنه جان يندك باب البيت
كام اخويه يفتحه طول تقريباً خمس دقايق
راد دابـــــــــــــــر يكوم ورى بس هو دخل
تعابير وجهة ادل ع الخوف ومرتبك سألنا شبيك ..
ما رد علينا بس يعاين
جانت بيده ورقه أخذها دابر منه وفتحها
ثواني ورفع راسه النا ..

دابـــــــــــــــر : هاي رساله تهديد ثانيه يردوني اطلع منا !!!!

سيلينا : بوقتها من صدك بجيت بجي ماصاير يعني هذول شلون بيهم طلعوا يراقبونا ويعرفون وين احنه
اأيست وكلت هاهي اكيد احنه راح نموت
ماطول هاي رساله ثانيه يعني من صدك
ناويها النا ويريدون يقتلونا .. بابا انتفض
وماما تبجي اخواتي يبجن وانا انهاريت

دابـــــــــــــــر : لاتبجون يابه هذول بس حجي فارغ

ابو سيلينا : لا ابني ترى كلامهم يكدرون ينفذوا ب اي وسيله بس شنو غايتهم من هذا الشي ماعرف

دابـــــــــــــــر : عمي انا  رايح اجيب سلاحي
وارجع كل شي يصير

ابو سيلينا : ابني وين تروح هسه يتلكوك بالطريق

دابـــــــــــــــر : باليل اطلع شمعرفهم لازم اجيب السلاح وارجع

سيلينا : دابـــــــــــــــر عند وركب راسه الا يروح يجيب السلاح وانا شكد منعته بس هو مايقبل الا يروح وفعلا صار اليل وطلع كلنا بقينا حاطين ادينه ع كلبنا
خايفين لا يتعرضون اله بس هو طلع تخفي
حتى مايشوفوا بس مع هذا هذول انذال يعرفون و يسووها ومايرف جفن الهم حسبي الله ونعم الوكيل عليهم

طول ما هو خارج البيت وانا ادعي يرجع بالسلامه
مرت اكثر من اربع ساعات وما رجع يابه شصار بيه
كلت هاهي دابـــــــــــــــر راح اكيد لزموا
بعدهم يسكتون بيه جان ينفتح الباب
ويدخل دابـــــــــــــــر غير احس الهوى رجع الي

بدون ما أخجل من اهلي نسيت الخجل والعيب
كدامهم كلهم ركضت وتعلقت برقبته ابجي وابوس بيه وهو يهمس ع كيف الي ...

دابـــــــــــــــر : ولج غضب مو هنا زحمه من عمي

يحجي وأنا ناسيه الدنيا ومابيها همزين رجعلي
والله ردت اموت لو ما رجعت والله اتخبل انجن
ليش هيج تأخرت ...

دابـــــــــــــــر : هاي انا رجعت بويه اهدي موزين عليج ..

نزلت من يمه بس بعدني لازمته هو يحجي ويه بابا ..

دابـــــــــــــــر : عمي انا طالع للناصريه وماخذ سيلي وياي هناك ماكدر اتركها الوحدها هنا وهم يعرفون هي تخصني اكيد يأذوني بيها ماكدر اتركها ..

سيلينا : بابا ماقبل نروح بس دابر وما ادراك من دابر
عاند الا نروح وفعلاً جهزنا نفسنا
وبابا وماما يوصون بينا وهو يكول الهم اي اي وانا مثله اكول الهم اي اي خايفه صح لهذا ماعرف شنو اكول
لهذا شنو يكول اكول ويا
شكد وصونا إلى أن صار الفجر صعدنا بالسياره
بعد ما ودعتهم كلهم وطلعنا واحنه لازمين
كلبنا ب ايدينا خايفين ومترقبين لا أحد ورانا
ويتبعنا

مشينا مسافه إلى أن حسيت ب دابـــــــــــــــر شكله مو طبيعي وكل شوي يلتفت خفت
مانكر هذا الشي واحس جسمي كله صار يرجف

سيلينا : شبيـــــك خوفـــــتني؟
دابـــــــــــــــر : ســـــياره جـــــاي تلحـــــكنا
سيلينا : لا عفـــــيه راح نمـــــوت
دابـــــــــــــــر : اششش اهـــــدي هاي سيـــــطره كدامنا
اخـــــذي هذا الســـــلاح وخلي بخـــــصرج
سيلينا : صـــــخام راح يلـــــزموناااا ونروح بـــــيهااا
دابـــــــــــــــر : كـــــولي يـــــا الله

_________________________

ريفان ::- من شفته شلون يخلي الحبوب بالعصير
رجف جسمي والخوف دب بداخلي
احس حتى عيوني
غوشت من الخوف
شنو يعني هسه هذا الي جاي يجهزه الي ؟؟؟ هذا العصير جان ينطي الي كل هل اسبوعين بي مخدر !!! حتى انااام
واني اكول ليش انام طول هاي الأسبوعين هيج بسهوله طلع منه السبب !!
اول ما شفته راح يلتفت
رجعت للغرفه بسرعه بدون ما يحس بس شنو خايفه ومرعوبه زين من انام شنو يسوي ؟؟؟ معقوله يتقرب مني ؟؟
لا لا مستحيل جان
حسيت عليه مو لهل درجه وهو مايكدر يأذيني بهاي الطريقه مهما يكون يحبني واني يخاف عليه اي اي
رفعت راسي
من شفته دخل للغرفه بلعت ريقي
وانا اشوف بيده العصير يعني هم ناوي يشربني دخيلك ياربي شنو اسوي ...

رهبار : اخذي ..

ريفان : ابتسمت بوجهة بهدوء كالعاده وأخذت منه العصير وهو
يراقبني حتى اشربه
هسه شلون ماريد اشربه ماريد انام
اريد اعرف شنو يسوي عضيت
ع شفتي
بعدها اردفت ، غهباغ !!

رهبار : هاا

ريفان : اكول انتَ اشتغيت( اشتريت) الي كيكه الي احبها ؟؟ ابتسم الي بهدوء وهز راسه ، وينهااا ؟؟

رهبار : بالمطبخ بالعلاكه

ريفان : هذا انسب حل الي وكفت امثل الفرح وبيدي العصير ، اروح اجيبها واجي
ابقى هنا اريد احجي ويا لبين
ما يلتهي اني اروح للمطبخ وفعلاً كعد رحت امشي بهدوء كدامه بعدين من
طلعت من الغرفه طكيتها
بركضه للمطبخ فرغت العصير بالسنك وغسلت الكلاص
وأخذت الكيكه بقيت
شوب حتى ب اعتبار انُ جنت اشرب بالعصير بعدين رجعت واني ابتسم بمرح
شافني هو هم ابتسم
بهدوء انتبه ع ايدي ماكو العصير بي الكيكه
سألني

رهبار : جا زين العصير ؟

ريفان : شربته وغسلت الكلاص

رهبار : تمام اي بويه شنو ردتي تحجين وياي

ريفان : اممم بقيت اقلب بعيوني اريد ادورلي ع موضوع بس ما لكيت ابتسمت بوجهة ، نسيت شنو غدت اكول ألك

هو رفع ايده ومسح شواربها ونظراته مصبوبه اتجاهي كأن جاي يحاول
يقراني او يريد يشوف شنو الي بداخلي
تجاهة وهو اني كلي مرعوبه منه ومن تصرفاته
احسه مو رهبار ماعرف شنو الي بي
متغير يخوف صاير

رهبار : كلتي نسيتي ؟

ريفان : هزيت راسي ، اي

رهبار : خوش بويه

ريفان : بقيت كاعده حاولت ما اخلي عيونه بعيوني واتجنبه بس هو ساكت ونظراته وترتني شوي وسويت نفسي نعست مثل قبل خليت ايدي ع حلكي امثل
وهو انتبه عليه من شافني نعست هو وكف

رهبار : اخذي راحتج نامي

ريفان : هزيت راسي ، تصبح ع خير ،
رد عليه وطلع بس نظراته وهو يطلع
كأن يدقق ب اقل تفصيل بيه واني خايفه
لا يحس اني جاي امثل وهذا مو صح
اول ما طلع رحت سديت
الباب وصرت افتر بالغرفه واني اكل
اظافري متوتره وخايفه اذا امثل هسه
النوم
زين شلون الزم نفسي
من يسوي إلي يسوي دائما زين
اني ماعرف هو شنو جان يسوي
اذا طلع شي قوي اذا طلع شي صعب
بهاي الحاله اني ويا لوحدنا شلون منو يساعدني وينقذني
احس وكعت بحفره عميقه وخايفه منها بشكل مو طبيعي
زين هسه شلون اوف ياربي
ماكو غير بس الحل الوحيد
هو امثل وشنو يصير خلي يصير لكل حادث حديث رحت ع الجربايه طفيت
الضوه صارت الإضاءة بالغرفه قليله
بعدها مثلت النوم مرت تقريباً 15 دقيقه جان
ينفتح باب الغرفه !!!

بعدها انسد هنااا قطره
دم مابقت بجسمي الخوف
والرهبه الي حسيت بيهن ما ينوصفن حاولت بالكوه
امثل حتى ما يعرف اني
كاعده اريد اشوق شنو يسوي
تعبت
كلش تعبت ايدي جوه الغطه
ضغطت عليها بقوه كأن افرغ بيها خوفي حتى ما يحس بيه شوي وحسيت
السرير نزل يدل ع وجوده وكعدته بصفي
هنا دكات كلبي صارت
بسرعه خفت يحس بيه

ثواني وحسيته نام بصفي!!!
انصدمت نام ورايه حس بيه
عباله كاعده قرب شفايفه من اذني وهمس بهدوء
( رفه نايمه )
اني ماسويت شي بقيت ع نومتي
امثل عليه وهو عرف
نايمه ضغطت ع نفسي بالكوه حتى مايحس نوب صدمني اكثر من سحب
الشكاله من شعري وفتح شعري
سحبه الوجه وصار يشتم بشعري
ويأخذ منه نفس قوي
بحيث صوت سحبه النفس
مالته مسموعه وعاليه
هنا خرطت احس انرعبت اول مره يسوي هيج
بقى يسحب النفس واني
ارجف بعدها حط ايده ع خصري وسحبني الحضنه هنا بالكوه صرت اجر النفس نوب انفاسي اضطربت حاولت و كتمت ع نفسي
حتى مايحس بيه وهو كأن
رايح بغير عالم تصرفاته غريبه بس عطره طيب يعني مو شارب لااا بس مستغل اني نايمه وهو ساحبني اله ومنومني بحضنه
بقى يناغي شعري يمسح
عليه بهدوء وما حجه ولا كلمه حتى ما سوه الي اي شي بس هيج تصرف وهاهي
مرت تقريبا نص ساعه
واني هذا حالي لا بيه اتحرك ولا بيه احجي حتى مايعرف بيه كاعده

ورى وين
حسيت صار هدوء عرفته
نام حاولت اكوم بس قبضه ايده ع خصري قويه ماكدر اتحرك لازمني بقوه شكد حاولت وهو ماكو كأن صخره وماتحركت
تعبت وبقيت بمكاني واني
دموعي تنزل اعرف بي يحبني واعرف بي كلش متعلق بيه بس شنو الي
جاي يمنعه من انُ نكون سوه ليش ما يتقدم الي والله اقبل اني هم احبه
معقوله السبب الي يمنعه هو ع اساس علاقتي بنشوان ؟ بس فهمته
وعرف شنو الي صار
هسه ليش ما نكدر نكون سوه ليش والله راح اموت
بالكوه نمت ع ظهري
بجيت ودموعي تنزل بهدوء
عيوني ع السقف وهو ايده محتضنه خصري بقوه
وراسه قريب من
راسي ماسويت شي بقيت هادئه
بالكوه يلا انتضمت انفاسي تعبت وهلكت من البجي
اخر شي مسحت
دموعي سحبت هواء لتفتت براسي
صار وجهة بوجهي

اعاين ع تقاسيم وجهة
المتعبه السواد اسفل عيونه
خصلات الشيب الي ماليه راسه وهو بهذا العمر
بشرته السمره احمرار
هدب عيونه كأن جان يبجي !
تعبت كلش تعبت واني
اشوف تعبه تعبت واني اشوف
ملامحه الهالكه
وهالاته السوده
الى متى نبقى احنه الاثنين بهذا التعب !!!

غمضت عيوني انام واخر شي نمت واني وجهي بوجهة ..

كعدت الصبح
مالكيته لكيت الساعه فوك ال 10 اكيد هسه هو بشغله الشقه فارغه نظفتها وسويت الاكل واني بالي كله ويه ما صار امس كل
شي رجع
براسي ونعاد كأن هسه جاي يصير كدامي
كعدت تعبانه
ماعرف شنو اتصرف ولا شنو اسوي
هلكت اريد ارتاح اريد حل يرضي الطرفين
يرضيني اني ويرضي هو ..

ا

ستمر هذا الوضع يوميه كل ما يجيب عصير اني اعرف بي راح يخلي بي مخدر لهل سبب اطلع حجه واروح للسنك اشمره واخلي
واحد ب داله وامثل اني شربته كدامه وهو عباله صحيح اشربه
وهم نفس الشي ينتظرني انام ورى 15 لو 30 دقيقه
يجي للغرفه
يتأكد اني نايمه ويرجع يسوي مثل كل مره
يفتح شعري يفرشه ع وجهة ويبقى يشم بي وبعدين يسحبني الحضنه
واني اموت الف موته من يسوي هذا التصرف انجن احس كلش يأثر بيه
اعرف بي يحبني بس هذا التصرف ليش
يعني مافهم غايته منه شنو ما افهم اي شي
تعبت وتعبني ويا
استمر هذا الوضع فتره طويله واني اخاف أفضح واكول عرفتك خاصه هو ما مسوي شي يأذيني بس اخاف لو عرف
وقتها راح يأذيني
بهل حاله ماكدر حتى اوكف بوجهة وهو الوحيد الي باقيلي بهاي الدينا كلها
اي رهبار هو وحيدي
ماعندي غيره احد ماعندي اي احد ..

بمره هم نفس كل مره حط بالعصير واني غيرته نمت وهم اجه بس هل مره اختلف هل مره حجه !!! ما بقى ساكت مثل كل مره
والصدمني كلامه كلامه الهسه يرن ب اذني رن والكارثه صار يبجي وهو يحجي
واني ع بجيه بجيت
ماخليته يحس اني ابجي بس دموعي نزلت هو صاير بظهري لهذا ما شافني
مستمر يحجي وهو حاط شعري ع وجهة يشمه ..

رهبار : احبج انا ياهدب عيني الاثنين ..

ريفان : سكت شوي بعدها رجع كمل وكلامه صدمني اكثر واكثر حتى خوفني

رهبار : اي احبج واموت عليج ماريد اضلمج وياي بس صعبه اتركج الغيري ما اتحمل تكونين ويه غيري صدكيني اموت ..

ريفان : جان يبجي ويحجي اني كلبي فرفح عليه اتمنيت احضنه وأطيب
جروحه اتمنيت اكول اله اني وياك ع طول وما اكون الغيرك لو شنو ماصار
حتى لو ب ايدك تددفعني هم ماا اعوفك كلش بوقتها اتمنيت هل شي ...

ثاني يوم كعدت الصبح لكيته موجود اعرف هو اخذ اجازه اربع ايام بس ماعرف مال شنو
سلم عليه وطلع ماعرف
حتى وين راح بس هواي وصاني انتبه ع نفسي هواي بحيث خلاني اقفل الباب ورى عشر مرات وانطاني رقم شخص قريب عليه حتى
إذا صار شي وهو بعيد بس اتصل ع هذا الرقم ويجي
حاولت افهم منه وين رايح بس ما انطاني كلمه
بس كال عندي شغل خارج بغداد
اني هم ما حجيت
بعد لو يريد هو يحجي مو اني اجر منه الكلمه جر

بقيت طول هل اربعه ايام الوحدي خفت هواي خفت اول مره يتركني من اجينه البغداد ولا مره تركني بس من يروح للشغل
وبعدين يرجع حتى ال اهله مارايح
ولا يروح اصلاً باقي وياي امه تتصل بي مايجاوبها
بحيث كلش انقطع
عنها بسمرات يتصل بالحارس يسأل عنها وعن ايلان مايروح لان مقاطعها وزعلان منها
ع اخر شي سوته ويايه وطردها الي
طبعاً هاي الحاله
مرت عليها أشهر كُلش طويله
حتى راح تصير سنه واني لا شايفتها ولا اعرف عنهاا اي شي
ولا هي شايفتني ولا تعرف عني شي حتى ايلان ولا مره حاولت تتصل
وتتواصل وياي ختى تعتذر
مني ع الي سوته وياي وتحسن صورتها كدامي
بس هو شيفيد
اذا هي من البدايه جانت رايده
هذا الشي ماعرف شكول بس كل الي صار بيه
من وراهم الله يسامحهم ..

بعد ما مرت اربع ايام واني كاعده ع اعصابي صح يتصل بيه كل شوي ويطمن عليه بس
ماعرف ليش خايفه
يعني ليش راح كل هذا الوقت
وين راح
شنو يسوي
ويه منو
نام كعد
كل شي صار براسي اسئله هواي وهو مايجاوب
مرت عليه هل اربع ايام بطلعان الروح ضايجه الوحدي
الملل قوي الاكتئاب صار عندي فول
إلى أن انفتح الباب عرفته هو فزيت من مكاني بطفره وركضت لكيته كدامي جاي يسد بالباب
الفرحه ترستني ترس

اعاين عليه شلون لابسه التيشيرت والستره السوده والبنطرون شلون مرتب وعطره سابقه عيوني الوحدهن
يعاين عليه بفرح
كلش مشتاقتله وروحي لايبه عليه هو من شافني كدامه ابتسم رحت تقدمت عليه حضنته رفعت رجليه وبسته من خده واني ابتسم بفرح ..

الحمد الله على السلامة غهباغ ..

رهبار : الله يسلمج بويه

ريفان : ليش ما اتصلت وكلت الي جاي

رهبار : التهيت بالهوسه ..

ريفان : عقدت حاجبي بتسأل،  ياهوسه ؟؟

عاين عليه بهدوء وماعرف شبيها نظراته
كأن جاي يدرسني بعدها رد بهدوء ..

رهبار : جنت بعرس .

ريفان : عرس منو ؟ ليش كل هل ايام وانتَ بالعرس

رهبار : اي

ريفان : وين صاير هذا العرس ، ماكتلي عرس منو ؟

رهبار : بالعمارة

ريفان : ها ، اي كمل حسيته سكت ونظراته صارت تتجول ع كل ملامح وجهي كأن جاي يدقق
ع أصغر تفصيله بوجهي كأن جاي يدرسني
ويريد يشوف رده فعلي من خلال ملامح وجهي وهو ينطق قنبلته بوجهي صدمني صدمه من حجه ..

رهبار : عـــــرس ايـــــلان ونشـــــوان

ريفان : ماعرف شصار بيه اول ما نطق كلامه
احس تخربط وضعي يعني معقوله اني هنا اعاني فقدان ثقته بيه وهم هسه فرحانين بعد ما دمروا حياتي معقوله !!!!
بجيت اي بجيت ع حظي ع حياتي ع كل شي بيه
وصار بيه كعدت اشهك بالبجي مو علمود نشوان بالعكس اصلاً اكرها اموت منه بعد الي سوه بيه هو وايلان صح جنت اعتبره صديق بس هو طعني طعنوني اثنينهم كعدت انحب واشهك بالبجي
رهبار شاف حالتي لو تخبل عليه فلش الشقه فوك راسي
ماخلى شي ماكسره ويصيح

رهبار : تححححبي مووووو تبجين لان تححححبي
وراح تزوووووج ليششش لج ليشششش

ريفان : اني منا ابجي اريد اطلع الكلمه ماكدر عباله ابجي لان احبه هو مايعرف اني ابجي لان مقهوره هم فرحانين ع حساب دمار حياتي
خلو يفقد الثقه بيه وطعنوني وراحوا تزوجوا ع حساب دماري وخططهم القذره
نوب زدت بالبجي لان خفت منه كلامه جان كلش يخوف وتصرفاته كلش تخوف
شلون يكسر كأنُ تحول الوحش ع ساعه يهجم عليه ويموتني والله ساعتها ولا اكدر ادافع ع نفسي
جاي اشوف شلون سوه الغراض تراب
هاي لو لزمني يمحيني من الوجود ماخلى شي مافلشه
ونزل بهذاك الفشار الي ما ينلبس عليه ثوب
حتى انصدمت من صار يفشر بهاي الطريقه
حتى استحي احجيهن بيني وبين نفسي
من شكله كلش تعصب وفقد فد مره
انعزلت وصرت بالزاوية خايفه يجيني طشاره واروح بيها ساعتها اموت بيده ...

اخى شي تعب طلع من الشقه ولزك الباب ورى
كعدت ابجي شكد اذوني واني ما اذيتهم شكد حقدوا عليه واني ما حقدت عليهم
هم سبب خراب حياتي واني صرت جسر العلاقتهم
معقوله هذا البشر هيج معقوله هيج اناني ويبني سعاده ع حساب غيره ...

عزلت البيت وشمرت كل الي تكسروا واحس
نفسي هيج تكسرت بعد ما اتصلح هيج بهاي الطريقه
مثل هذا الحطام الي بين اديه حياتي صارت حطام
ياربي ساعدني وانقذني من هذا الحطام تعبت
هواااي ..

لليل وهو ماكو دخل الساعه 9 باليل دخل ساكت
بس بيده علاليك حطهن بالمطبخ
مشيت من يمه ورحت للمطبخ طلع جايب عشه همزين مابيه حيل اني اسوي لفت نظري علاكه ثانيه فتحتها
هم عصاير !!! يعني هذا مستمر وما متوقف !!!
دخيلك ربي
ناوي يموتني ناقصه عمر هذا الرجال
شبيهم بايعين حياتي بهاي السهوله استغفر الله
وديت اله العشه كعد يتعشه
بهدوء وهو ساكت
اني كعدت كدامه
انقش بالأكل مالي نفس بس ماريد يعصب عليه
خلص راح غسل ورجع واني هم شلت الاكل رجعته
هو هم ما ااكل هواي
رجعت كعدت يمه اريده يحجي بس هو ساكت

اشو هذا وكف فجأه وراح للمطبخ ورى دقيقتين طلع بيده العصير
سحبت نفس شكله يريد يخدرني
تلافيت نظراته واخذته من ايده بس هم مثل كل مره فرغته بدون ما يحس وخليت بداله واحد مثله ع اساس هو نفسه ورجعت يمه كعدت
هو جانت نظراته وقتها حاده ماعرف إذا ع الي صار اليوم او شك بيه ؟؟؟
ورى نص ساعه كتله راح انام نعسانه هو ما حجه شي
رحت للغرفه كالعاده مثلت النوم وهو رجع سوه نفس الشي الحلو بالموضوع ما يتقرب الي بس ينام بصفي
بس يتمم بشغلات ماعرفهن ويخوفني
من يكول
(انتِ بس الي ماكدر اشوفج يم شخص ثاني )
ماعرف
شنو قصده قابل اني وين عند منو غير يمه
بس هل مره تختلف عن كل مره اني بنفسي انصدمت صدمت حياتي من سمعته !!!!

سمعته يبجي بجي بعمري كله ماسمعته هيج يبجي
عبالك يبجي ع شخص ميت
انهد حيلي من صار يبجي بصوت عالي
تأذيت هواي عليه كلش صعبه عليه اشوفه يبجي بهاي الطريقه سحبني الحضنه اكثر وتشبج بيه بقوه ودفن راسه برقبتي يجي ويبجي والزاد قهرتي وكسره كلبي كلامه !!!!

رهبار : لـــــج بويه ربيـــــتج بـــــيدي وانتـــــظرتج تكبـــــرين حتـــــى اخـــــذج و اسجـــــلج با اسمي تالي اول كـــــسره تكســـــريني بيـــــها تزوجـــــتي صديقـــــي ، رجـــــعتي يمـــــي من بعد تعب سنـــــين لا يـــــوم ولا يومـــــين ساعات ادك براسي افـــــرغ السلاح براســـــي بس حتى اخلـــــص من تفكيـــــري واشـــــتياقي الج تالي هســـــه من رجعتي بس  رجـــــعتي
مو الي لا كـــــسرتيني مره ثانيه وحـــــبيتي ابن خالي
شلـــــون بيج فهـــــميني يا رفه كلـــــبي شلـــــون بيج ..

شـــــلون بيـــــج وشـــــلون بكلـــــبي انا كلبـــــي الي يـــــريدج وانـــــتِ
كـــــل ما اجـــــالج تكـــــسري اكثـــــر من قبل !!!

ريفان : اني من سمعت كلامه بجيت بصوت هو عباله اني نايمه بس مايعرف بيه كاعده من سمع صوتي ابجي
هو فز من يمي مرعوب ابتعد عني منزل رأسه مني
وأيده ع راسه
مديت اديه يرجفن لزمت بيهن وجهة ورفعته صارت عيوني بعيونه بجيت بحركه كلب عليه واني اشوفه بهاي الحاله ...

والله ياغهباغ اني ما خنتك ليش تفكغ بهاي الطغيقه
اول زواج الي انجبغت عليه صح عشت ويا بس ماحبيته والله ما حبيته اني حبيت بس اهتمامه وخوفه عليه حبيت حياتي الهادئه ويا مايوم اذاني ولا ضغبني اني هذا الي حبيته بي وشكد حاولت اطلعك من غاسي لان ماغيد اخون الشخص الي
اهتم بيه حتى بخيالي حبيت امه لان تذكغني ب ماما الله يغحمها غيغ هيج ما حبيت اما نشوان الي
تحجي عنه وتكول انتِ تحبي ، لا والله ما احبه اني ماحبه مابيني وبينه اي علاقه جان مجغد صديق
بس هم استغلوا هذا الشي وطعنوا بظهغي
حتى من اليوم بجيت مابجيت عليه والله ، بجيت ع الي صاغ بيه بسببهم همَ فرحانين
واني هنا حالتي اتعس انتِ فقدت ثقتك بيه ببسهم انطغدت من البيت وتشغدت بسببهم
هاي صاغلي سنه واني ما داخله للعماغه بسببهم
ليش هيج والله تعبت كافي تعبتني وياك وانتِ هم تعبت من لاشي افهم بحياتي ما حبيت احد لا تُليد
ولا نششششوان اني حبيت انسان واحد وبس
ااااي ...

اني حبيتك لي انتَ ، غهباغ اني احبك بس انتَ ..

هوَ جان يعاين عليه وعيونه مليانه دموع
يفر بعيونه عليه ويعاين ع كل جزء بوجهي
اول ما خلصت كلامي سحبني بقوه وحضني
بحضنه كسر ضلوعي بحضنته الي
نزل راسه ل اذني واردف ..

رهبار : لـــــج بويـــــه انا ما اتحـــــمل بعـــــدج عنـــــي ولا اتحـــــمل فـــــكره شخـــــص ياخذـــــج منـــــي انا حتـــــى بيـــــدي خـــــربت زواجـــــج حتـــــى ترجعـــــين الـــــي

_____________________

التصصووووووويت ياااقوووووم ترى نتخارب
التصووووووويت وتعليقاتكم ع الفقرات راعوا تعبي
🫂🤍
للتواصل ع حساب الانستا akyta_98
متابعه للحساب akyta_98

.