رواية دجن الضليع الفصل التاسع والعشرون 29 - بقلم رهف علي

نبدأ بذكر الله ﷽💛✨

مُتابعه للحساب قلبي akyta_98
للتواصل ع التلي او حساب الانستا akyta_98

هَزيمة الرجُل إمرأة ناضِجة.🤍🔥

_________________________

سيلينا : اعاين ع الجهاز وانا مصدومه
رفعت راسي اريد اتأكد لكيت وجهة مكَلوب
حسيت كلبي أذاني شنو هاي دابـــــــــــــــر
شنوو هاااي

لكيت الرسائل كلها انا احبك دابر ، شوكت تزوجني ،
ليش ماتزوجتني لهسه ، دابررررر وينك الله يخليك مو تعرف بيه احبك ، راح اموت نفسي اذا
ماجاوبت ، صرت انزل بالرسائل وهو ينافخ
بس شنو احس دمي احترك وانا اقرا المكتوب
دابر بشنو هذيج احسن مني هاا ليش اخذتها هي وانا الي موكفيني الك ما قلدتني ولا عاينت عليه
حرام عليكم ، شوكت اطلك سيلينا وتتزوجني انا ابقى انتظرك طول العمر بس تزوجني فدوه والله احبك واموت عليك ، وبعد هواااي رسائل بحيث صدمتني بيهن بحيث واصله المرحله تعرض نفسهااا
عليه ودازتله صورها وهي لابسه لبس
مُقررررف إلى درجه ويلاعب النفس وادز كلام مال متزوجين بحيث لعبتها اانفسي
وحتى حاجيه عليه لان هو خطبني انا وهي ماخطبها برغم من زمان حاجزيها اله
دموعي بعيوني بالكوه اقرا ماريد هنا ابجي لان بعد ما اسكت والناس كلها تبقى تعاين علينا
وانفضح ونوب حتى توصل السالفه ل اهلي

ماحسيت الا الجهاز انسحب من ايدي رفعت راسي
هو أخذه طفى الجهاز وحطه بجيبه وتقرب الي ..

دابر : اهدي لا تفهمين السالفه خطأ هاي عاينتي بعيونج
انا ما مراسلها وهي الي تراسلني
وهي الي عرضت نفسها الي وانا ما عبرتها
حتى صور دزت تغريني بيهن ورسائلها
لا تعد ولا تحصى ردت أدر بس انتِ وكفتي بعيني
حتى رزاله ما رزلتها وحظرتها

سيلينا : و...وهاي ش...شلون ترسل الك هسسسه
دابر لا تخ..بلني

دابر : والعباس هذا رقم جديد الها راسلتني منه
وانا ماا اعرف هسه من سمعت صوت
الرسائل فتحت الجهاز وانصدمت
وانتِ ما انطيتي الي مجال وبالج راح لبعيد

سيلينا : رفعت اصبعي ، شايف العباس يسطرك اذا جذبت عليه بحرف واحد

نسيت نفسي ما انتبهت الا مم طكني بخزره
تقرب لزم اصبعي وضغط عليه بقوه احسه مرده ب ايده
وزمخ بيه ..

دابر : اصبعج اذا رفعتي بوجهي مره ثانيه ساعتها ماتصير خير وكلامج انتبهههي عليه سيليناااا

سيلينا : نزلت عيوني وهو ترك ايدي يستغفر الله
صحيح طوختها ويا وانا بعيوني شفت هو ما مراسلها
وهي شامره نفسها اله وعارضه جسمها وهو ما مهتم
بس شسوي غيرتي عمت عليه وتصرفي طلع
من ذات نفسه ..

دابر : امشي يلااا  مشوا قبلنا

سيلينا : مشيت ويا واحس بتأنيب الضمير
تقربت منه ، ترى انا ماجنت اقصد كلامي
شفت شبح ابتسامه ع شفايفه وجاوبني وهو يعاين بطرف عينه ..

دابر : عادي بويه تعودت ع جفصاتج

سيلينا : ضحكت ومديت ايدي ..

دابر : خير ؟

سيلينا : انطيني جهازك سريع ، هو استغرب بس انطى الي عاد انا فتحته ورحت حذفت المحادثه مالتها
وحظرتها ورجعت اله الجهاز هو يعاين عليه ومصدوم
ابتسمت بوجهة ، هسسسه يلا ارتاحيت ..

دابر : الله يكمل بعقلج ويهديج عليه

سيلينا : امين ، ضحك وهز ايده
أجواء الزياره جانت كلش حلوه
بعدها رجعنا للبيت مرت الايام
بحلوها ومرها انا غيرتي عليه من نور
هو غيرته عليه من اتفه شي ويتعارك

ريفان علاقتي بيها اخر فتره قلت
خاصه بعد ما عقدت عقد المحكمه هي وتُليد
بعد ماكدرت اتواصل وياها الا ماندر بس تسمح الي فرصه اشوفها غيرها ما اكدر
اما دهليز لا علاقتي بيها كلش قويه
خاصه بعد ما اطلكت من بشار
رجعنا مثل قبل واكثر
بس كل ما اتصل بيها الكاها تعبانه
وحالتها النفسيه بالنازل
ابقى وياها دوم ع تواصل
وحتى ويه كيناز تواصلي
وهي اشكي منها بسبب اهمالها النفسيات
إلى أن انفجرت بيها وخلتها ترجع لوعيها وهذا
الشي كلش ريحني ع الاقل رجعت لولو
الي نعرفها

سيلينا : كاعده كدامه وفاتحه حلكي وعيوني ع وسعهن
ما مستوعبه الكلام الي كاله
بحيث رجعت عدت السؤال اله،  انتَ تحجي صدك ؟؟؟
وهو بكل سهوله هز راسه ب اي
رمشت بعيوني ، دابر تعرف انتَ شنو جاي
تتطلبه مني لولاا ؟؟؟؟

دابـــــــر : أي اعرف ، اريدج تلبسين نقاب ..

سيلينا : مستحيل ، شيل هل فكره من راسك

دابر : ما اشيلها

سيلينا : حاولت اصبر نفسي حتى ما اعيط بي
بس هو أصر وبقى ع قراره ومعاند
واانا منا اعصب واصير نار اذا لكيت الطرف الثاني اعند مني ثرت عليه وكفت ع طولي
وصحت بوجهة ، جااي اكول الك مااا قبل
ليشش تضغط علييييه مالبسس نقاب يعني ما البس
وهذا انا قراري يعجبك يعجبك ما يعجبك
الباااب يوسع جمل ، بلحظه عصبيه لزمت الحلقه ونزعتها من ايدي وشمرتها بوجهة ..

هو ساكت ما يحجي وكف بهدوء وطلع من الديوانيه بس انا بقيت افتر مثل النار وتحترك جوايه
اسمع ماما موكفته برى ماتريده يطلع
خاصه بعد ما سمعت صوتي العالي وعرفت
انا جفصت بمصارينه وهو طلع زعلان
لهذا رادت تهدي النفوس حتى ما تكبر
السالفه
عاد شوي ودخل شكلها قنعته
بس مايحجي وياي ولا حتى يباوع عليه
انا هم ما حجيت شي ماما خزرتني واشرت الي
اطلع وراها
هي طلعت وانا رحت وراها

لزمتني بالغرفه وصارت تحجي عليه
شلون هيج سويت وانَ انا غلطت من
عليت صوتي وهاي انحسبت ضدي
لو ما خذته بالعين وكلبي جان هسه
هو اقتنع ومشى ع رأيي بس انا تسرعت
وعصبت من عاندت هو عاند اكثر
ومن هل كلام حجت حجت إلى أن
اخر شي دخلتني حتى اعتذر منه
وهو اكيد من يشوفني هيج راح يقبل ويقتنع
ويستقبل الي اريده
عاد صدك انا حسيت بنفسي دست عليه
بالكلام ومع هذا هو ساكت ما حجه شي
كعدت يمه بهدوء وانا لازمه اديه منحرجه منه
اعتذرت منه وهو بالكووه يلا اقتنع بعد ما
طلع روحي خشمه يابس ويعاند

وصحيح بعد ما دكيت ويا بالناعم
اقتنع انُ ما البس النقاب ولا كأن صارت
هاي العركه والهوسه كلها علموده
راد يطلع بس رجع عليه
رفع ايده جان لابس الحلقه مالتي ب أصبعه
الصغير نزعه وجر ايدي لبسني الحلقه
عبالك انقتام عنده بحيث اذتني
ورد ..

دابر : انزعيهااا بعد مره ثانيه الا اكسر اصابعج
كلهن ما عده هذا الإصبع...

سيلينا : يااا ليش ؟

دابر : انـــــجبي هذا الإصـــــبع  البســـــج بي الحـــــلقه
اثبـــــت بي ملكيـــــتي علـــــيج وللابـــــد

سيلينا : ضحكت عليه شلون يحجيها بحركه
بعدها عافني وراح
مرت ايام محرم وبعدها صفر إلى أن قربت فرحه الزهره
وهنا قررنا يكون عرسنا بهذا اليوم
يوم مبارك وتتويج بي
الامام المهدي لهذا قررنا يكون زواجنا بهذا اليوم

بلشت اجهز نفسي من ملابس لتجهيزات العرس
الى ان اجه اليوم الي اكون بي ملك الحبيبي
وهو ملك الي

اليوم الموعود ( العرس ) 5_2_2015

كاعده بالصالون واحس دكات كلبي
كل ما الها تزيد اكثر احس احساس كلش غريب
وكلش خايفه،  مشاعري احسها تضاربت
ساعه هيج وساعه هيج بس انا اليوم فرحانه اكثر من اي مر عليه
كل شوي واكول ل ام الصالون...

_ عفية ركزيلي ع العيون ولا تكثرين بالمكياج
هواي بس أريدها تبرز بمكياج خفيف وحلو

غمضت عيوني وانا اتذكر البارحه الحنه مالتي شلون جانت وشنو صار بيها  

و هي ترد عليه ومستحملتني خطيه وأنا
من التوتر كل شوي ومقاطعتها
اجتني مرام ..

مرام : لج جهازج احترك حرك

سيلينا : سحبته منها وعاينت لكيته دابر
متصل اكثر من خمس مرات
بعدني ردت اتصل وهو اتصل فتحت الخط
واجاني صوته ..

دابر : سيليناا مثل ما اتفقنا لاتخلين اي شي
يبين منج حبيبي لفي نفسج لف
وانا وصيت مرام قبل لا تروحن هي هم
تلفج زين

سيلينا : حبيبي اعرف والله وصيتني هواي

دابر : للاحتياط ، اكلتي جابوا الكم الغده
ترى وصيتهم انا

سيلينا : اي جابوا

دابر : زين شبي صوتج ليش هيج يرجف

سيلينا : هاا لا ما بيه شي
سمعته ضحك بصوت عالي ورد عليه ..

دابر : هاي رجفه صوتج خليها من تكونين كدامي

سيلينا : بدون ما ارد عليه سديت الجهاز
اعرفه شنو يقصد اووف احس بتوتر رهيب
بعد ما خلصنا طلعنا من الصالون
وهو الي اجه علينه
ومناك أخذنا للمصوره مرتب الوضع وحاجز يمها
نزلنا وصرنا ناخذ صور بس شنو
خجلت كلش من القطات الي اخذناهن
وهو كل ما تصح اله فرصه
يتحارش بيه بطلعان الروح يلا خلصنا
صح فرحانه بس الخوف والتوتر والخجل غالب
عليه و ع فرحتي
وصلنا للبيت وأجواء الحنه
كلش حلوه تخبل حتى ركص ركصت
ما خليت اي شي بنفسي ما سويته
خاصه طول هاي الايام وانا و اخواني نرتب
للحنه والعرس

صحيت من ذكريات حنتي وانا كاعده
ع السرير اسمع صوتهم العالي وهوساتهم
اغلبها هوسات مافهمت شنو معناها
بس اسمع صوتهم يضحكون
وهنااك جان اسمع صوت دابر
يضحك ويطرد بيهم وهم يضحكون ويردون
عليه

دابر : يلااا خلصت فلوسكم امشي ولوو..

_ لا يمعود كاعدين احنه هنا. ننتظرك

_ اي مانتحرك الا ما تتطلع

دابر : امشوا ولكم الي يبقى هناا اكسر رجليه
دفعهم واحد واحد ونزلهم راد يدخل لتفتت لكه
اخو واكف بعده وصام حلكه حتى ما يضحك
عاط بي ، خيرررر اشو مانزلت وياهم انتَ

_ اخوك اناا يول بقيني هنا خاف تخاف انا أحميك

رغم ضوجته منهم بس ضحك بصوت عالي
لزمه من الستره وشمره من فوك صاح بي ..

دابر : اطير من وجهي لا اشمر قهر الدنيا براسك
امشششي لك

سيلينا : رغم خوفي بس ضحكت عليهم
شلون حركوا دمه وهو يفرفح يريدهم
ينزلون بس لزكوا
شوي وحسيت صار هدوء
حسيت كلبي صار يدك بقوه
عاينت انفتح الباب دخل وهو يعاين عليه
ويبتسم بشر مد ايده ورى ظهره
وقـــــفل البـــــاب...

_________________

دهليز : فاقد الشي يعطيه ، الا انا فاقده الشي
اتمنى احصلو وما اضحي بيه طول العمر
من اهجس نفسي خسرت شي غالي
عليه ساعتها لو انا جنت بحرب عالميه
هم اتركها علمود احضه بهذا الشي
الغالي تا مايضيع مني واخسروا
اما هساع انا لا بالحرب ولا اي شي
وخسرت الشخص الغالي عليه
وللابد كلو بسببي انا دائما جنت أانب
نفسي حتى لو ماجنت السبب في سبيل
ااذي روحي عبن حياتي خربطه ب خربطه
وما عرف وين تصفى

واكفه بمكاني من الصدمه الي سمعتها فجأه
وكعت ع الارض وانا لازمتو ل  ابني بالكوه
ع اثر وكعتي ابني صرخ يمكن انضرب ب ايدي
وانا اخليها جوه راسوا
ع اثر صوتو طلعت امي من الغرفه وهي لونهها
مخطوف من دحكت منظرنا دكت ع صدرها وصاحت..

ام عمر : عزززه بعينو للعدو ول يمهه شبيجج

دهليز : ماكدر احجي بس ارجف وادحك الها
بدون ما انطق اهجس صابتني رجفه قويه
عبن جسمي صار يختض بصوره غريبه
وانا صاحيه
شوي شوي وبعد ما هجست اي شي غير اخر شي  سمعت صراخ امي ب اسمي ..

فتحت عيوني واهجس الغرفه شبه الظلمه
بيها ضوه خفيف لتفتت ادحك لكيت نفسي
بغرفتي شكد حاولت اتذكر الي صار
ماتذكرت الا بعد كم دقيقه يلا تذكرت
وكعتي اخر شي وشنو جان سببها
غوركت عيوني ثواني وصرت اشهك بالبجي

اهجس كلبي ودي اطلعوا من محلو والزمو ب ايدي
تا يخف ألمو وارتاح منو

رفعت ايدي وصرت اضرب ع صدري
واحجي ويه كلبي تا اخلي يسمع
ويبطل غباء ، دحححك
دحككك وين وصلت بسببك دحك حااالتي
هساااع انا بعد كل هذا الانتظااار هيج يصير بيه
وين اروح انا وين انطي وجهة تا ارتاح
المنو اشكي ظيم كلبي
هاي انااا الي احبو خسرتووو وضاع كل شي من ايدي
ضحيت بحياتي وما حصلتوا شسوووي هسااع تا ارتااااح ياااربي

سندت نفسي وكعدت ع السرير صرت اتلفت بكل مكان
ادور ع الجهاز مالتي وينو وينو دموعي تنزل
وكفت وانا اخربط الأغراض ادور عليه
ماكو اختفى لتفتت ع الميز ولكيتو كدامي وانا ما منتبهة عليه
سحبته فتحته وانا ادور ع اسموو ارفع ايدي
امسح دموعي بمعصمي وارجع ادور ع اسمو
ارجف وما مسيطره ع نفسي
بس اريد اتصل بي  تا احجي الي بداخلي
وارتاح منوو
مالكيت اسمو انا حافظه الرقم سجلت رقمو واتصلت
ادحك الساعه 3 باليل بس ماهمني الوقت الي همني
احجي ويا
يدك يدك وماكو اي جواب
صحت ...
ليشششش مايفتح الاتصااال ليششششش
رجعت كررت الاتصال إلى أن اجاني صوتو

اللهيم : ألو ، منو ؟؟؟

دهليز : رقمي جديد بدلو بشار لهل سبب ماعندوا
واخر مره شكد اتوسل ب كيناز تا تنطي الرقم بس
ماقبلت تعرفو ضعيف نوب يتهور ويتصل بيه
ويخرب كل شي لهل سبب مايعرف رقمي
اول ما سمعت صوتو بجيت بالزايد وهو عرفني ..

اللهيم : دهليزززي ، ررردي مو شلعتي كلبي رررردي

دهليز : ماتحملت وانفجرت بي كلام أمس لهساع
براسي يريد يتزوج زين وانااااا وين

هيج هنت عليك هااا هنت عليك
تعوفني وتروح تتزوج غيري بس كول الي
انا هساااع شنووو ذنبي
ول هيج تجازي انتظاري وصبري طول هاي
السنين
اناا ما انام اليل وصورتك ما تفارك خيالي
تعالي تريد تعوفني وتتزوج غير
تريد تروح من بيد اديه
بعمري كلو وحياتي ما تخيلت هيج
لك انا ما قبلت اتزوج بشاار وردت انتظرك
طول حياتي وابقى ع النهوه بسس حتى
ما اتسجل ب اسمووو ردت ب اسمك انتَ
مو غيرك بسسس لوما انتَ اجيت هذيج
اليله واصريت مني اتزوج و وعدتني
تبقى. تنتظرني هل شهرين وبعدها
اطلك منو وتنفك النهوه تا نتزوج
انجبرت وصارت خربطه بحياتي و وكعت بيهااا
تالي طال فتره زواجي عبن خرب عليه بشار
وجبرني برابط
بعد هذا الدمار النفسي الي عشتووو
وطلكت منووو اخيرا اجي اسسسمع
اللهيم يريد يتزوووج بسس فهمني بشنوو اذيتكم تل تاذوني بهاي الطريقه
والله اهجسسس كلبي دا ينزف يتقطع بالسجاجين
انتَ نحرتني ب ايدددك الي
جنت اتمنى اتوسسد عليها ايدك الي ياما ما لزمت ايدي خوفها من الحرام
هسسساع انتَ ماخفت الله بيه وذبحتني بيهااا
والله دمرتوني بسس فهمني ليششش
مو انتَ لهيمي الي حبيتو طول حياتي وما نسيتو
ولا لحظه ليش نستني انتَ ودمرتنا
تعرف شنو اتمنى هساااع ؟
اتمنى انام وغمض عيوني
وما يصبح عليه صبح صدكني الموت أهون
عليه من اشوفك ويه وحده ثانيه
راح ادعي الله يهنيك
وياها منو ما كانت
بس عسى ربي ياخذ
هل امانه الي مو راضيه تروح
تا ارتاح واخلص منها
عبن ما حصلت منها بس الاذيه
لزمت الجهاز وبحركه كلبي كطيتو ع الحايط
سويتو طشار ما انتظروا يحجي اي شي
ماريد اسمع اي تبرير منو
شيفيد اذا برر ؟ مايفيد وهو صوبو الكلبي

جثير حاولت ما انهار وكل شوي اردد
ياحي ياقيوم علمتني سيلي من اخاف او اوكع بمشكله ارددها حتى ارتاح
سحبت نفس وحسيت بنفسي هدأت
بقيت صافنه بالفراغ لمده ماتقل عن نصف ساعه
اخر شي طلعت من الغرفه ورحت الغرفه ماما
اعرفها هساع هي منومه ابني يمها
فتحت الباب ع كيف بس اهجس بجسمي مكسر تكسر
اخذت ابني ورجعت صعدت لغرفتي
نومتي بصفي وانا اشم بريحتو الي احبها
حيل اووووف جثير احبووو
شكلو هو الي راح يعوضني عن كل الي مريت بي
ويكون سندي وما الي غيرو
غمضت عيوني ورى فتره يلا نمت..

ثاني يوم صحيت ع هزه قويه
فزيت مخترعه لكيت كيناز بوجهي معصبه
استغربت منها كعدت وانا ادحك ع الساعه
لكيتها ساعه 4 العصر حححيل شكد نايمه
وماحاسه ع نفسي
لتفتت ع كيناز سالتها وانا مستغربه..
شبيج ؟؟؟صرخت بوجهي

كيناز : لجج شمسوويه

دهليز : ياستاار شنو سويت وما عرف بنفسي

كيناز انا داسأل امسسس مدري الفجر
متصله ع اللهيم ؟؟؟؟

دهليز : اااي

كيناز : وجعععي شنو كايله اله

دهليز : غوركن عيوني ، شبيييج المفروض
توكفين وياي انا اختج مووو هوَ
تدرين بي راح يتزوج وحتى ما كلفتي
نفسج تنطيني خبر

كيناز : اااانتِ من كل عقلج تحجيييين ووول دهليززز شجاج لج انتِ سويتي مصيبه علينا الفجر

دهليز : عقدت حاجبي ، مصيبه شنوو ، شبيج كيناززز

كيناز : كعدت ، سحبت نفس وزفرته ، لجج الساعه
3:30 الفجر نسمع صوت صياح
طلعنا مفزوعين لكينه ام أديب لازمه اللهيم وهو مفرفحه روحو ماعرف شبي
لازمي اخوتو وابو وهو يعاركهم يريد يطلع
وهم لازمي
مايخلو يطلع بعدين من خلال كلامو عرفنا انُ
واصل الج خبر زواجو وصايره كوانه
بينج وبينه

دهليز : ناااارو تاااكل حطبووو عجل يتزوج وانا هين معتلجه بنااااري هااا يابه

كيناز : ضربتها ع راسها ، لج الرجال مفرفح عليج
وهي دكلي نارو تاكل حطبو
ول يابه الرجال وكع علينا ارتفع ضغطو لوما نزف انفو جان هساع هو مجلوط بمكانو وميت

دهليز : عجججل ليش تايتزووووج غيري مو ع اساس لو عندي عشر اطفال ياخذني وينو كلامو
بعدني حتى ما حجيت ويا وتركني
هيج هنت عليه المصكوووع

كيناز : الله يفين حظج لولو شجاج اكلتيني بكشوري
انطري انطيج الخبر ول حتى نسيتيني ع شنو صعدت

دهليز : تخصرت الهااا ، عجل كولي انا الغلطانه
وحماج الملاك نازل من السماء

كيناز : ول موش السان برنو .. عجل والينطيج
البشاره

دهليز : رديت بدون نفس ، انو بشاره وانا الي احبو
راح الغيري

دهليز : ول يـــــابه واذا اكلـــــج الي يحـــــبو كلبـــــج
موجـــــود جـــــوه يم ابـــــوي جاي هو واهلـــــو يطلـــــبوج ع سنه الله ورســـــولو تكونين زوجـــــتو وحـــــبيبتو؟

______________________

ريفان : واكفه انا وفاتحه قميصي وانا أاشر ع
الحروق الي ببطني ابجي واحجي ويا
نزلت جسمي ورفعت البجامه من جوه وانا اصرخ
بوجه ، عااااين هذا الحرررق ع رجلي
تدري هذا الحرق لان ما رضيت انظف بيت خااالك الحيوان  الي راد يعتدي عليه
ويأخذ شرفي لو ما اخووو جان هسسسه انا
بخبر كان جان هسسه ادمرت وانتهت حياتي
شكد توسلتهاا بيها بس هي واختك ومرتك
لزمني وجوني برجلي
حتى اقبل وانااا ما اتحملت الالم ورضيت
لان خوفني يحركني من جديد
رفعت ايدي اريد اشوفه الحرك الي موجود
فوك صدري سحبت القميص واأشر بيدي وانا
ارجف عااين بعيونك
هذا الحرق الي ع صدري اليل ما نمته
بسببه حيل اذاني ودمرني

تريد بعد اششوفك ظهري الخطوط الي بي
شوووف شعري هي الي كصتتته هيج
قبل لا تروح للاردن و بيومها ماكدرت احجي
الك لان انتَ طالع للخارج وما ردت اعطلك عن شغلك
بس يا استاااذذ انا بكل يوم انتَ ما موجود
بي انا جنت اتعذب
ومن تجي انتَ للبيت يصيرن مثل الملائكه وياي
يعاملني مثل الاميره حتى ما تحسس
بس انا جنت مدمره و ع طول يهددني بيك انتَ
يكولون نخلي واحد وياج ونصورج
حتى لو غصب عنج ونشوفه لرهبار
ساعتها يذبحج خفتتتت مو بيدي خفتت

حتى هربت من البيت بسببهم
خوفني منك خلاني اهرب
وخوفي منهن لا فعلا يسونها بيه وساعتها انا ادمر

انا ماقبلت اتزوج تُليد بسس عذبني لان رفضت
جاي تشوف هذا الحرق هذا لان رفضت
ورادت تحرق وجهي بس كالت نوب الرجال
يغير قراره ومايقبل ياخذج الأفضل
جسمج عود بعدين هو يعالجج
ايييي لهنااا وصلت بيهااا
امك ححححيه وخبيثه بسسس وياي
أشكال سوت بيه وانا ساكته بسسس هسه
كاافي ما اتحمل احس راح اطك واموت
من كل الجهات جاي تضغطون عليه
انتِ منا وهن منا وتُليد منا
يابششر حسسسو انا بشر حالي من حالكم

انا بعد ما اتخذت قرار الموافقه
شفته انسب حل الي وللكل
انا اخلص وانتو تخلصون
لشوكت ابقى هيج مكفخه بيدهن
لشوكت هاا انت متزوج وراح تشوف حياتك
باجر عكبه يصيرون عندك أطفال
ساعتها ما اكدر اعاين وانا عايشه ب بيت
نفسه ل هواي اسباب وافقت بس اولهن
عذاب اهلك اهلي تعببت والنبي تعبت
احس جسمي صار ياذيني حتى من اكعد.
نفسيتي كلش تعبت ارحموني

انا احجي وهو فاتح عيونه ع وسعهن
حقه مصدوم اول مره يسمع هيج
اشياء عن أهله اول مره يفتح عيونه
ويحس بالشي الي يمشي من جوه وهو
مو داري اعاين عليه شلون
احواله تخربطت و وجهه صار احمررر دمم
تقرب مني بخطوات بطيئه كان ما مستوعب
الي جاي يشوفه كدامه
صار كدامي انا تراجعت خطوه بي هو قربني
لزمني من زندي وقربني عليه
انا ب ايدي الثانيه لزمت االقميص وسديته ب ايدي
بدون ما ازر الازرار مالته

ماحسيت الا ايده انمدت من اسفل القميص
صارت ع اثر الحرق انا هنا صرت ارجف
خوف ع توتر لمسات ايده صح يتلمس الحرق
بس ماعرفت شنو اسوي بوقتها وهو
مو بوعيه مصدوم يريد يصدك
بس مجاي يصدك
كلهن سمعهن كته وحده صدمه ورى صدمه
ماعرف شلون اتحملهن

ب اطراف اصابعه تلمس الحرق سحب
نفس بقوه وجسمه رجف حسيت بي
نزل راسه وهمس ب اذني ..

رهبار : ريت كل هل الحروق بجسمي انا
ريت هاي النار بيه ولا بيج تأذت روحي بأذيه روحج

ريفان : خليت ايدي ع صدره وبعدته عني ، الله يخليك
ابتعد  عني

رهبار : هشش ابوي انتِ

ريفان : مايسمعني وانا منا ضعيفه كدامه
بس كل ما اقاومه احسه يزيد ب اصراره
سحبني لحضنه وحضني بقوه عضامي تكسرت بحضنته
راسه صار ع كتفي ضمه برقبتي وحسيت
برطوبه اتصنمت بمكاني رهبار يبجي !!!!!!

تصنمت بمكاني وانا اسمعه يحجي وكلامه
بالكوه يطلع منه مخنوك صوته

رهبار : اسف بحياتي ما كلت هاي الكلمه بس انتِ
تستاهليها واعرف ماتقدم شي ولا تأخر شي
اسف بويه لو اعرف صاير كل هذا الشي
ما جنت خليته يستمر
عيوني انتِ روحي انتِ اذيتج هي اذيتي
بالله احس الالم صار بجسمي اناا
اسف ع الصار اسف لان امي هي السبب
واسف لان اختي الها ايد بالموضوع
واسف لان هذيج السبب
كلش اسف
اناا ماعرف شنو اسوي اخخخ هاي امي
هيج ماذيه يتيمه وانا مو داري

ريفان : ابجي ع كل كلامه ابجي لان هو يبجي
ابجي لان هو ما اله ذنب واعتذر عنهن
اسمع بصوته يحير شلون يداوي جروحي
بس انا جروحي مو بجسمي انا صارت
بكلبي ومستحيل انسانهن
بس هو ما اله ذنب
بجيت بحركه كلب وانا احجي ويا...

تدررري شلون من احترك واستنجد بيك وما الكااك
تدري شصار بيه بعد كل اثر يصير بجسمي
اشكي الك الخيالك انتَ
اتمنيت لو انتَ يمي وتمسح ع راسي حتى يطيب
المي ويخف
عيوني من الالم ما عدت اشوف بيهن
بس تصير عيونك بعيوني واحاول اتناسى الالم
كم مره ناديت ب اسمك وهن بكل مره اذكرك
يزيدن ما ينقصن ، ضغطت ع حضنه وهمست
تمنيت ابوي يمي انتَ تمنيتك يمي والوذ
بسدك واختل بحضنك واستنجد بيك
بس ما لكيتك
بكل مره ينعاد نفس السيناريو وانا المظلومه
مو غيري

حضني بققوه وظم راسه اكثر برقبتي
انا اعرف يريد يخفي دموعه مني
بس انا احس بدموعه
غمضت عيوني وانا اسمعه يهمس الي ...

رهبار : اذيـــــتج صـــــارت بنـــــص روحـــــي ..

ريفان : بجيت وشهكت بحركه كلب وبعدت عنه ،
الي راح راح الفات مات احنه هسه ولد اليوم
ماعاد يفيد الندم

هز راسه ب اي وهو عيونه حمر دم
عاقد حواجبه ..

رهبار : كل شخص راح يتحاسب من أكبر شخص ل اصغر شخص ماكو احد يبقى بدون عقاب

ريفان : هزيت راسي ب اي وهو صفن عليه
من خجلي انتبهت ع قميصي وسديته

رهبار : حتى انتِ

ريفان : شبيه انا ؟

رهبار : تتعاقبين

ريفان : بس انا ما سويت شي

رهبار : لا بويه ماسويتي شي انتِ بس خربتيها
وكعدتي ع تلهااا

ريفان : ياااا

رهبار : انتِ عقابج غيرر وربي الا اخليج تصيحين الووويل

ريفان : خفت منه هو من حس بخوفني ابتسم
بطرف شفته وهمس ..

رهبار : طفله ..

ريفان : اعاين عليه تركني وتوجه للغرفه صحت بي ، ويين مانرجع

رهبار : رد بنفي قاطع ، لااا

ريفان : بسس

رهبار : اردف بحده ، كلت لاااا تعالي نامي يلا الباجر ورانه حساب وكتاااب

ريفان : ياا هذا شبي عافني ودخل الغرفه رحت ورى لكيته نايم ع السرير
ايده جوه راسه وايد الثانيه فوك صدره تقربت منه وندسته ، غهبااغ
مايرد،  رجعت صحته وهم ما يرد
اخر شي ماحسيت الا انسحبت بقوه
و وكعت عليه صرخت بخوف وفتحت عيوني ع وسعهن من شفت روحي واكعه فوكه
رد عليه وانا جامده..

رهبار : بويه شلون بيج ما ناويه تعديها ع خير
تردين اخربها مو كاعد وكافي خير وشري
جوزي عندي ..

ريفان : ابتعدت عنه وانا خجلانه طلعت برى بقيت كاعده وانا افكر شنو راح يصير الباجر بقيت افكر الا ان نمت ثاني يوم كعدت ع صوته
جان واكف فوك راسي ومتحظر

رهبار : يلا خلي نتريك بعدها نروح للبيت

ريفان : مشيت ورى بدون ما احجي تريكنه وطلعنا وانا خايفه من الي راح يصير
صعدنا بالسياره وانطلقنا للبيت
هو ساكت وانا ساكته
تمشي السياره إلى أن وصلنا للبيت فتحوا الباب
ودخل السياره نزل ونزلت ورى
هو يمشي وانا امشي ورى
اعاين ع جسمه طويل وضخم اكتافه عريضه
واكو شيب بشعره برغم صغر سنه الا الشيب
موجود براسه
اعاين ملابسه محتضنه جسمه هو لا معظل ولا ضعيف
جسمه كلش مرتب اثر العسكريه
والتدريب يصير هيج
شاغله نفسي وامشي ورى
ماحسيت الا انضربت بظهره ..

اخخخخ ..

رهبار : عرفت بيج بالج مو يمج لهذا ردت اتأكد ..

ريفان : يااا شكد خبيث ، ردت ارد عليه وما سمعنا الا عيطتها ..

فاطمه : هااااي شنووو منين جااااي انتَ ويااااهااا وين جنتووووو

ريفان : رهبار مر من يمها ويمشي بهدوء رد عليها
ببرود ولا كأن هي جاي تصيح ..

رهبار : ورايه

فاطمه : شنو ؟

رهبار : كلت ورايه

ريفان : دخل للديوانية وكلهن دخلن ورى الا انا بقيت برى ماريد اعاين الي راح يصير
لان حرفيا ما الي حيل وتعبت
بس فجأه سمعت صوت كف كلش قوي
جمدت بمكاني وبعدنا اسمع صوت الصراخ
وصياحه هو هرج البيت هرج
صوت اخته وزوجته يتصايحن ماعرف بشنو جان يضربهن بس حرفياً صوتهن كان ديحتركن
هيج االالم من صوتهن المرعب
تقربت من الباب اريد اعاين شنو جاي يسوي الهن
انصدمت وانا اشوف هن كدامه وهو يطفي بيدهن
االجكاره ويصيح عليهن وامه تدفع بي عنهن
وتشتم وتصيح واكيد تشتمني انا ماخلت كلمه تعتب عليها ما كالتهاا الي وهو ما مهتم الها
دفعها ورجع عليهن ضربهن نهاهن نهي جوه ايده بحيث صارن زرك
وبالكوه يتنفسن من غير الكلام الي يكوله الهن
يجي بالعظم اخر شي تعب من الضرب والحرك بالجكاير
دفرهن برجله ولتفتت ل امه ..
رفع ايده عليها بس ما ضربها ..

رهبار : تدرين شنو الكااسر ظهري ؟ انُ انتِ امي
حرامات انتِ امي ، هاي ايدي ما اكدر امدها لان تبقين امي والله وصى بالوالدين ماريد اطلع عااق
وارفع ايدي عليج بس كل الي اكدر اكوله وانا اعرفج
تموتين ولا اسويها بس هذا اكبر عقاب الج
انا متبري منج لا انتِ امي ولا اعرفج
اذيتي روحي باذيتها ودمرتي حياتي من دمرتيها
هذا رد جزء من الي سويتي بحقها وبحقي
الله يسامحج ع السويتي بيه وبيهاا ..

ريفان : خليت ايدي ع حكلي مصدومه
هي تخبلت شلون هيج يحجي ماخلت شي ما سوته
باست اديه تبوس بكتفه بس حتى يتراجع عن كلامه
بس هو ياجبل ما يهزك ريح
يعاين عليها وما مهتم بيها
هي نزلت ع البنات تحاول دكوم بينهن وتصيح عليهن

فاطمه : كوووومن ولجن كون راضنه خلنه يرضى عليج
كومي ايلاااان طيبي خاطر اخوج خلي يسامحنااا
لج استبررررررق كومي طيبي خاطر رجلج
راح ينخرب بيتج مو بس ابني يضيع مني ،
رجعت عليه فدوه ألك يمه تريد ااوكع لريفان واطلب تسامحني جاهزه بس لا تسوي هيج
انا اامك وانتَ وحيدي

ريفان : هو ما اهتم الها بس صاح بيها

رهبار : ديرباااالج تتقربين منهاا لا انتِ ولا هذن ال**** لهسه ماخلص عقابجن وانا الج استبرق الا ما اخليج تتوسلين بيه ع الي راح يصير الج ما اطلع ابن ابوي

ريفان : عافهن وطلع وهنَ يتباجن
انا هم ماسويت شي ردت اصعد لغرفتي وسمعت صوته
يصيح ويسب بيهم ويشتم ماعرف بالجهاز يحجي ويه واحد

رهبار : خررب ب ابوك مرررراد الله يطيح حظك
هيي **** شكووو الانذذااار هسسسه لو الا من ردت اصصصخم نفسي يلا طلع انذذار ، كتلك دبرهااا من يمك لا العن **** ايييي دبرها ماكدر احجي
اهوووو جاي اكلك الموضوع الي انا بي ما يتأجل
شلون تريديني التحق ، شكد هل مره ؟؟ اسبوووووع كل عقلك لك انااا الساعه ماكدر نوب اسبوع
مراد راح **** تروح من وجهي لو شلون
بسيييطه مراد ال**** الا ***** بس اجي اشوفك
العب بيك بليارد **** بسيطه ..

ريفان : فاتحه عيوني ع وسعهن يفشر بالقلم العريض
ولا مهتم احد يسمعه نوب صاير نار كبره
ومراد خطيه شبع قهر كل شوي وسابه ويحرك بي
بحيث مراد ما بقت عنده اذنوب لان اذنوبه كلهن اخذهن رهبار منه
سد الخط بوجهة وذاك بعده يحجي ويا
راد يمشي شافني كدامه تقرب مني وهو خازرني ..

رهبار : اسمعيني لج ، اسبوع واحد بس واحد
اروح وارجع واطلكج من هذاك ال****
وبعدها أعقد عليج تقبلين ما تقبلين رجليج فوك راسج وتوافقين غير هذا الكلام ما عندي
انا رايح بسسس اسبوع ياويلج تلعبين بذيلج
صدكيني اكصه الج واخليج كبالي تكعدين
بس اتفرج عليج وبسس ..

ريفان : عافني وراح بعد ما حجه وياهم بتهديد
محد يتقرب مني لا يحركه هو وعايش
والتحق، ماعرفت بوقتها شنو اسوي
بس تفكيري صار متضارب ومتشتت
صعدت الغرفتي وسديت الباب بقيت افكر وافكر
إلى أن توصلت لقرار ما اتراجع منه
يكفي خوف وتعب لازم احط حد لحياتي
واكون قويه ما اخلي احد يمشي حياتي
بكيفه احب رهبار واموت عليه اي بس
حياتي ويا مسدود الطريق من كل النواحي
شلت الجهاز واتصل اجاني صوته
الهادي

تُليد : ألو ريفان ...

ريفان : سريع رديت عليه بدون مقدمات اريـــــد تقـــــرب الـــــعرس ويـــــكون بهذا الاســـــبوع ب اســـــرع وقـــــت مـــــمكن ...

__________><__________

للحكايا بقايا ♡

قلبي التواصل فقط ع حساب الانستا
و ع التلي ، اما الواتباد ماكدر ارد ع رسائلكم..