رواية دجن الضليع الفصل الثلاثون 30 - بقلم رهف علي

نبدأ بذكر الله ﷽💛✨

متابعه للحساب قلبي akyta_98
للتواصل ع حساب الانستا akyta_98

سأحتضنك حُضن المئة عام عندما نلتقي .❤️‍🔥!

__________________

سيلينا : الخوف دب بجسمي نظراته مو مريحه
وقفل الباب انا سريع وكفت ع طولي
من شفته تقرب عليه انا حرت شنو اسوي
وهو يبتسم الخبيث يعرفني متوتره
وكف كدامي ولزمني من اكتافي

دابر : ضحك ، شبيج هيج ترجفين بويه بعدني
مامسوي اي شي

سيلينا : حسيت انا مو كد هذا الموقف غوركن عيوني ، حباب اريد ارجع

دابر : فتح عيونه مصدوم ، وين تروحين

سيلينا : البيت اهلي حباب انا تراجعت صح احبك بس اريد ارجع ل البيت اهلي حباب

دابر ؛ ماتحمل ضحك بصوت عالي

سيلينا : مااا اشاااقه دابر حباااب

دابر : سكت وهو يلزم ضحكته ، احنه جاي نلعب حبيبي ؟

سيلينا : لا بسس

دابر : بس شنو ليش كل هذا التوتر

سيلينا : خايفه

دابر : من شنو ؟

سيلينا : منك انتَ

دابر : اناا اخوك يسعد صدك خايفه مني جا بويه شايفتني شايل عليج سلاح

سيلينا : سكتت بس كلش خايفه مو بيدي خاصه بعد الي سمعته عن هاي اليله

دابر : فهموج شنو راح يصير اليله ولهل سبب خايفه مو

سيلينا : نزلت راسي وانا خجلانه

دابر : ردي

سيلينا : هزيت راسي ب اي

دابر : رفع ايده ع فكها ورفع وجهة الوجهة
عيونه داخل عيونها اردف بحنيه يحاول يهديها ..
تتوقعين انا همجي الهاي الدرجه حتى اااذيج
الله اعلم شنو مخبصات كدامج بس لاتتوقعين ااذيج
انتِ سيلينتي وانا مُلاذ عيونج الحلوات
ما اذيج لو بشعره وحده

سيلينا : م..متأذيني ، ولا ت..غصبني ع شي ماريده

دابر : ولو انا ابو ابوي مسموط بس لعيونج انتظرج شعندي انا اهم شي انتِ

سيلينا : ارتاحيت لكلامه وابتسمت

دابر : ها هم بعدج قافله ترحين البيت اهلج وتخليني
هنا لوحدي اكل تبن

سيلينا : شلون يحجيها بقهر ، ضحك وهزيت راسي ب لا

دابر : ابتسم وهو يكرص خدها ، جا روحي اسبحي واتوضي حتى نصلي ونتعشى يلا بويه يلا

سيلينا : حسيته يعاملني بحذر حتى ماا اخاف منه
دخلت سبحت وتوضيت بعد ما شمرت البدله
ضايقتني كلش سحبت الروب ولبسته القميص الداخلي
مستور صح مفتوح من الجهتين جاكه لنص الفخذ بس من لبست الروب حيل طويل وابيض ستن
كلش حبيته وسترني
طلعت لكيته ينتظرني ابتسم وتقرب باسني براسي وراح يسبح يمممه احس جمدتني بوسته بمكاني
هزيت راسي ولبست الرداء
وانتظرته يطلع اول ما طلع بدينا انصلي اثنينه
شعور كلش حلو من أن بعد هذا التعب والعناء
الي حبيته صار الي وهسه جاي انصلي اثنينه
احلى شي صار بحياتي
لو اشكر الله لطول العمر هم اكو مقصره

كملنا صلاه لفيت السجاده وهو عينه عليه
حطها بمكانها وتقرب مني
سحب ايدي

دابر : تعاي نتعشى جوعان انا ميت من الجوع
هذول ولد *** ماخلوني كل شوي و...

سيلينا : قطع كلامه ماكمل كأن راد يجفص ، شنو ؟

دابر : ابتسم ، هيج لاتهتمين جان بعرتها

سيلينا : مافهمت شنو جان يقصد
بس غلست كعدنا ناكل وهو يحجي وياي يحاول يغير الي جو ويقلل التوتر الي
بيه
خلصنا عشه شال الصينيه
وحطها ع جهة غسلت ورجعت المكاني
شوي وصار كدامي انا هنا حسيت ريقي يبس
بس هو كال ما اجبرج لهذا شوي مطمنه
كعد بصفي ولزمني من اديه
صار يحجي وياي ب اسلوب
سلسل وكلش حلو خلاني اطمن من خلاله
كلش خايفه بس كلامه صدك خلاني
احس بالتوتر قل

دابر : ها حبيبي مستعده تكونين زوجتي قول وفعل ؟

سيلينا : ماعرف شلون هزيت راسي ب اي
وهو بلمساته خلاني اكون تحت سيطرته
سيطر ع كل حواسي وصرت ماي بين اديه
هو المتحكم والمسيطر ع كل الي جاي يصير
بينه رغم انا منعته بس هو صبر عليه
وما خلاني انفر منه ولو شوي
الخوف هو جان الدافع الي يخليني انفر
بس كدر يسيطر ع خوفي ويسحبني
ويا للجو
بعدها صرت عن حق وحقيق زوجته فعلياً
صرت كلي ملكه وهو ملك الي
من احلى ليالي حياتي
وما تنسي حتى لو مرت سنين طويله
ليلتنا ليله دافيه حنينه كلش حنينه ..

مر اكثر من عشرين يوم
ع زواجنا ماكدر اوصفه غير بس بكلمه
وحده كأن عايشه بعالم خاص بيه انا ويا
ماكو اي احد قاطع خلوتنه
تونسنه ونسه من العمر شنو اريده يكول تم
يخاف عليه من أقل شي يصير وياي
مايرفع صوته عليه ولا زعلني بكلمه
بوقتها من صدك حسدت نفسي عليه
ودعيت من الله يدومه الي
طول العمر وما يحرمني لا من حبه ولا من حنانه

بمره كعدت الصبح اكيد بعد ما خلصت
فؤه العروس ع كولتهم وبديت وياهن
بشغل البيت ف بيومها خلصت الشغل وياهن
جان تتصل عليه اختي
كالت اطلعي برى لان البنات وياي بالخط يريدن يسلمن عليج ف انا اعرف ما يقبلون اطلع
وهو دابر سبق محذرني انُ ما اوصل لباب الشارع
لهل سبب ما طلعت واعتذرت من اختي
بوقتها جانت واكفه بصفي زوجه حماي واختها
انا ما اهتميت تركتهن وطلعت ولا يطيقني
وانا ما الي واهس للغوه وياهن بعدني جديده

رجع دابر من شغله ورحت استقبلته
طبعاً هو تعود عليه كلش
يكول كل ما ادخل للبيت اريد اشوفج انتِ
كدامي بلاول حتى يكون يومي كله حلو
الحد اليوم الثاني وهيج كل يوم يسوي
نفس الشي وانا هم اتعودت
صرت اعرف شوكت يجي لهذا رتبت نفسي
وطلعت لكيته هستوه داخل البيت
اول ما شافني ابتسم
باسني سريع من راسي حتى ما يشوفون
وبعدها راح للغرفه حتى يسبح
لبين ما نجهز الغده ..
مر كم يوم ع الاتصال ماال اختي الي
وانا اساساً مافكره بي لان فعلا
ما جان بي أي شي سلبي
لا اانا طلعت ولا شي كدامهن دخلت جوه
بعد ما مرت كم يوم

انصدمت من اجه حمايه الصغير واخذ
كل اجهزتنا هنا انا انصدمت ليش هيج سوه وشنو
غايته وشنو السبب ردت دابر حتى اسأله بس مالكيته  اجتي بنت حماي سألتها ..

حبيبتي وينه عمو دابر ؟؟
هي ردت عليه كالت يم بابا بالمولده كاعدين سوه
لان بابا راد عمو بموضوع وهو راح اله
من زمان ..
هنا ماعرف ليش دك ناقوص الخطر عندي
ليش سحبو الاجهزه وليش أخذه برى يحجون
الا اذا صاير شي قوي او فد مشكله جايه
ع الأبواب
كعدت انتظر ماكو دخان بدون نار
لابد نعرف اولها وآخرها

دابر شخصيه كلش غريبه
من جهة شكد يحبني ويريد يسوي اي شي
احبه في سبيل ما ازعل ومن جهة ثانيه
مايسوي هل شي لان يغار عليه
غيرته بشكل مو طبيعي بحيث اذا
احد شافني من فوك السطح حتى لو ع بعد خمس لو ست بيوت يجي يصيح عليه ويقلبها فوك راسي
حتى لو لبسي مستور وما طالع مني شي
مايحب احد يشوفني يكول عيونهم وصخه
وانا عاذرته لان اغار عليه مثل ما يغار عليه
وانا من ماطلعت للبنات برى ولا سلمت عليهن
لان هو محذرني من سالفه الباب ولازم ما
اخطي خطوه الا هو وياي

كعدت انتظره يجي وراها بفتره اجه
بس شنو احس وجهة غاضب
ومعصب خفت ليش هيج
شبي ؟ صار كدامي كز ع اسنانه وهمس الي ..

دابر : ااااامشي

سيلينا : استغربت من طريقه كلامه اول مره
يحجي وياي بهاي الطريقه ، وين ؟

دابر : للغرررفه يلا امشي بدون حججي زايد

سيلينا : سكتت ماريدت ماريد يعصب عليه
يمهم وكدامهم نوب اتفشل
رحت ورى للغرفه هو سد الباب اول ما شافني دخلت
تقرب عليه وخزرني بقوه صاح بوجهي ..

دابر : اناا شنو منبهججج ؟؟؟

سيلينا : رمشت بعيوني ، شنو؟

دابر : لاتثووليهههها مو كتلج ونبهتج باب الشارع ما توصلين اله ؟؟؟؟ كلت لو ما كلت

سيلينا : اي والله كلت

دابر : جااا شمسويه قبل ايااام

سيلينا : رديت بسؤال بس كلش خايفه ، شمسويه

دابر : قبببل كممم يوم طااالعه بررررى الباب الشااارع
و واكفه دك سوووالف يووولي انااا شنو منبههجج
مو كلتج ماتوووصلين كلت لو ما كلتتتتت
ليش ما تسمعين الكلام

سيلينا : فتحت عيوني ع وسعهن ، عزززه دابر
شنو هذا الحجي ؟؟؟ مستحيل انا اطلع برى وانتَ منبهني اصلا ماواصله يم الباب
غير بس مرتين مره بالعرس ومره من طلعنا انا وياك

دابر :  لج لاتنكرريين

سيلينا : والله ما انكر شبيك

دابر : شني جا ااخووويههه يجججذب

سيلينا : الله يخليك لاتعصب والله خوفتني منك
لاتسوي هيج مو تعرف بيه يصير بيه انيهار سريع
وانا منا مريضه لا تخلي هل شي يأثر عليه
وانا مظلومه الله يخليك فدوه دابر

دابر : لججج فهميني شلون

سيلينا : زين خلي اخوك يحلف وأنا احلف ...
بعندي ما مخلصه كلامي وهو عاط بيه
انصدمت صدمه حياتي
من تقرب رهفع اديه وضربني بوكس
ع عيني صرخت مفزوعه
اثر الضربه القويه ...

_______________

دهليز : وكفت مفزوعه وانا ادحك بوجهة مو مصدكه
كلامها الي تكوله الي ، أحلفي؟؟؟؟

كيناز : ضحكت ع تعابير وجها وصدمتها شلون
وكفت ع طولها ، والله شبيج لج اللهيم جوه
جاي يطلبج من اهلي

دهليز : هجست الهساع هذا حلم مو حقيقه
لزمت راسي وبقيت افتر بالغرفه وانا مو مصدكه
رجعت رفعت راسي وانا عيوني غوركت بالدموع
همست الها ، احلفج بكل غالي عندج
لهيمي جووه ؟؟؟؟

كيناز : تقربت لزمت وجها ومسحت دموعها،  وداعه هل عيون الحلوه جوه تعالي ننزل يلا

دهليز : صرت مثل المخبله والله ما مصدكه
كل شوي اروح للباب اريد اطلع منو وارجع
افتر بالغرفه كلبي دكاتو صارت عاليه
اهجس كل المنطقه تسمعوا
مو مصدكه بعد كل هاي السنين يكون الي
مو مصدكه بعد هذا التعب والانتظار الي احبو
يصير الي واصير الو
مستمره افتر إلى أن لزمتني كيناز

كيناز : لج لووكفي خبلتيني شدسوين

دهليز : لج ما عرف شنو اسوي علمييني

كيناز : ههههههه اوكفي طلعت الها ملابس ، هاج
غيري لبسج وكفت انتظرها غيرتهن سريع واجتي وكفت كدامي ، هسه تعاي احط الج مكياج قليل

دهليز : كعدت عبالك طفله اهجس الفرحه تارسه
كلبي خلت مكياج الي قليل وطلعنا سحبتني من ايدي
ونزلنا اهجس خجلانه جثير وكلبي يركض ركض
ماجن يدك تايضخ دم
صارت بوجهي ماما ابتسم الي كأنها فرحانه الي اكثر مني عبن عرفت كل عذابي وانت مدحكه كل الي صار بيه انتبهت بصفها كاعدات اختو لل اللهيم وامو
اول ما دحكوني امو وكفت تهلي وترحب بيه
وهي جثير فرحانه وانا الهساع مصدومه من كل الي
صار

سحبتني يمها وهي تضحك كعدت بصفها
ادحك بالوجوه كلها تضحك
ياربي انا بحلم بعلم
بقيت كاعده وانا هادئه اريد استوعب الي صار
ورى شوي سحبتني اختي للمطبخ

كيناز : لج شبيج خوفتيني عززه ليش هذا حالج

دهليز : هزيت راسي ، شبيه ؟

كيناز : لج دحكي نفسج بالمرايا كأن طالعه من فلم رعب وجهج شاحب خوفتيني

دهليز : كيناز خايفه

كيناز : عقد حاجبها ، من شنو ؟

دهليز : خايفه يخرب كل شي مثل العاده
خايفه يجي شخص يخربها انا الهساع ما مصدكه
ب اي شي من الي ديصير حاليا

كيناز : اطمني حبيبتي خليج متفائله ليش هيج متشائمه

دهليز : مة انا اتعودت ع طيحان الحظ يعني معقوله
تضبط هاي المره

كيناز : اي اكيدددد

دهليز : ما اصدك الا ما اشوف اسمي بظهر اسمو
يلا ساعتها اصدك انا صرت الو وهو الي
وارتاح من سهر اليالي وتعبها

كيناز : الله يفرحج ويكتب الج كل السعاده حبيبتي

دهليز : ابتسمت وانا هادئه اهجس روحي
بحاله سكون ماتريد تفرح تا ماتنصدم بعدين
من تصير كارثه ماريد ابني امال ع شي وهم مالو اي اساس مجرد كلام ماريد ..

اسمع صوتهم من الديوانيه عالي وصوت ضحك هيج اطمنت شوي يعني ماكو مشاكل
شوي وطلعوا سلمت ع النسوان الي موجودات وطلعن برى هجست ب ايدي انسحبت لتفتت لكيتها
كيناز دخلتني للمطبخ

كيناز : دحكي ..

دهليز : شنو ؟؟

كيناز : هييين يولي دحكي كدامج

دهليز ؛ رفعت راسي وانا ادحك المكان الي
تأشر ألو ، وكعت عيني ع شخص هجست بوقتها
الوقت توقف وماعاد يمشي،  جمد الدم بعروقي
حتى رمش ما عدت ارمشو
ادحك صار كدامي مايفصلنا غير هذا الباب
نملت عيوني دموع ياربي صارلي اكثر من
سنه ما شايفتو شلون صاير
تعبان وذبلان عيونو الزرقاء مليانه تعب
لحيتو وشواربو طوال تحت عيونو سواد
سوده عليه ضعفان خلوتي الزرقاء
ادحك لابس ستره سوده وبنطرون اسود
حاط ايدو بجيبو وايدو الثانيه ع صدروا
وهو يحجي ويه بابا وع وجهو ابتسامه
كأن الروح ردت ألو
مو بس ألو حتى الي اهجس روحي ردت الي

صرت كأني طير ويرد يطلع من قفصو
تايروح لعند حبيبو

حتى ما عرفت بنفسي يمتى نزلت دموعي
وصرت اشهك بالبجي رفعت ايدي ع وجهي
وانا ابجي كل شوي ادحك بي ياربي والله
ما مصدكه الي يصير هساع كدامي
مو مصدكه اريد افتح هذا الباب الي فاصل بينه واطلع
تاحضنو بكل قوتي
بس مو كادره بس مااصبرررر اكثررر ..

ادحك سلمو وطلعوا بس هو يضحك
بصوتو العالي كأن هو هم يهجس نفسو طير
ويريد يحلق
هجست من ورايه شخص احتضني عرفتها
ماما لتفتت عليها وحضنتها
هي تعرف جثير احبو وتعذبت
بسبب هذا الحب لهذا دائما تحاول تصبرني شكد ما تكدر

دهليز : ماما

ام عمر : عيونها حبيبتي

دهليز : اريدو فدوه احبوو

ام عمر : مسحت ع شعرها ، هاي الله جازه
هذا الصبر ورجع حطه بطريقج ورجع
بين حبو وشهو واصلوا وماتركج
رجع طلبج من ابوج واخوانج
ورايدج ب اصرار اكثر من الي قبلوا

دهليز : رفعت راسي ، هي مسحت دموعي وضحكت

ام عمر : فدوه لهل دموع ، هاهي اضحكي
يولي

دهليز : يعني هاهي موو ؟

ام عمر : هاهي تعاي ابوج يريد ياخذ رأيج تعاي

دهليز : بس ماما تعرفين شنو جوابي

ام عمر : هههههه اعرف اعرف بس تعالي يريد يسمع منج تايرتاح

دهليز : سحبتني ماما وانا ماعت روحي من
الخجل خاصه من دحكت اخواني واخواتي موجودات
يبوو عليج لولو ع هذا الاحراج
كعدت بصف ماما وصاروا كدامي

ابو عمر : لولو الحلوه تعرفين انا ع شنو طلبتج

دهليز : هزيت راسي ب اي

ابو عمر : جا خلينا نختصر وندخل بصلبو للموضوع
اليوم اجوي اهل أديب تا يطلبوج ل ابنهم اللهيم
وهو سبق وطلبج وصارت مشاكل جثير
اما هساع هو جاي ويريد يطلبج حتى هو بنفسو
طلبج مني
يوزنج بالذهب كتلو انا ما يهمني الفلوس أهم شي
بنتي ترتاح ردلي بعيوني مخليها
اسمعيني بنيتي انا ما اجبرج ع اي شي
الي تريدونو انتِ يصير اذا كلتي لا يعني لا
واذا اي يعني اي محد يدخل هاي حياتج
وانتِ تعيشينها ماريد تكونين مثل السابق
الي فات مات مانريد نعيدوا الله لا يردو
اما هسااع كل شي اختلف
شنو دكولين بنتي موافقه تا نفرح بيكم ؟؟

دهليز : اتمنيت الكاع تبلعني ع كميه الاحراج
صح كلامو مابي شي بس مجرد ما شخص
طالبني منو وهو يقنع بيه تاياخذ رأيي
هين مصدر خجلي كلو
ماكدرت انطق وانا ودي اكول هساع اروح ويا بدون عرس بدون هوسه المهم اكون يمو وهو يمي
بس ماكدر سمعت صوت ماما من يمه عاط

ام عمر : ااكيددد موافقه يارجال عججل تريدها
ترفض هساع ترد الهم الخبر ودكول موافقين
تايعقدون ع السريع بدون ما تصير اي مشكله

دهليز : حجت بحماس  مره وحده خلت كل الموجودين
يضحكون

عمر : عجل يمه شنو عبالك انتِ المعرسه شايفج
فرحانه اكثر من العروس

كيناز : دحكووو شلون استحت اي بعد عروس وكذا

كيراز : الله ماما عروسه الله

دهليز : كلها تضحك وماما خجلت من صدك بسبب
كلامهم حرجوها الا ان عاط بيهم بابا

ابو عمر : ول يمصكوعين شجاي تحجون هاي انا كدامكم وهيج تحجون ماتستحون ع نفسكم
فين الله حظكم

عمر : هااا هااا دحكو الغيره يابه

ابو عمر : انتَ انجب

دهليز : واحد يعلى والثاني يكبس
وكلها تضحك بس بابا يخزر بيهم من صدك
غار ع ماما شلون هيج يحجون عليها
عاد عاط بيهم

ابو عمر : شووو بسكم خلونه نعرف من هل مصكوعه
اي بابا كولي

دهليز : نزلت راسي وهمست ، موافقه

ابو عمر : زين ما سويتي بنيتي اللهيم خوش رجال
والنعم منو شهم عجل ننتظر لبعد كم يوم ونرد الهم الخبر

ام عمر : لااااااا يارجال خير البر عاجله هساع اتصل بيهم وكول الهم لاتخلي التأخير يخرب

دهليز : بعد ماما ولحت عليه لهذا هز راسو واقتنع
سحب الجهاز واتصل اريد اكوم بس كلبي
ما يطاوعني اريد اسمع شنو يكون رده الفعل
انفتح الخط وبابا بلغهم بعد السلام
ماهجست شوي وصار يضحك بعدها سد الخط

ابو عمر : ول يابه هذا ابنهم مثل امكم جثير واضح عليه مستعجل شجاكم يا يابه ادري طايرين
خما طايرين

ام عمر : عجل شلون يارجال هيج احسن شي
شكالو ؟

ابو عمر : اللهيم يريد الباجر العقد السيد

دهليز : فتحت عيوني بصدمه وكلنا انصدمنه
شنوو هاي ليش يريد العقد بهاي السرعه
واحنه ما مجهزين اي شي
صارت هوسه وكل واحد يكول شكل الا انا ساكته ماعرف شنو اكول بس اهجس كل شي ديصير
مثل الخيال كثر ما مصدكتو
خفكَ كلبي بقوه وانا اسمعهم يحجون بخطوبتي
هاهي تحدد الباجر العقد
وخلصص راح اكون ب اسمو
ما مصدكه
كل واحد راح الشغلو بعد ما كل واحد اخذ شغله يسويها ناس الحجز وناس الفستان ووو
كلهم انخبصووا

انا طلعت منهم ومو مصدكه ابني بحضني
ودموعي تنزل ادحك عليه وابجي
انفتح باب غرفتي ودخلت كيناز تضحك

كيناز : عروستنا

دهليز : ضحكت وانا امسح دموعي ، ها

كيناز : هاج الزمي الجهاز حلفوني تايسمعون الصوت
تعرفيني انا ضعيفه كدام هيج شغلات وحبيبات

دهليز : شمرت عليه الجهاز وأخذت ابني وطلعت
رفعت الجهاز وخليتو ع اذني وانا انفاسي كل شوي تعلى اكثر

اللهيـــــم : نسمتـــــي ، نـــــسمه روحـــــي

دهليز : اول ما سمعت صوتو وكلمتو الي احبها
بحقي بجيت ماعدت اسيطر ع نفسي
وهو يحجي وياي مامصدكه ولا هو مصدك ...

اللهيـــــم : ريتني فدا الهل دموع ولهذا الصوت
اخخخخ بويه شكثر مشتاكلج مشتاك الصوتج
ابوس صوتج وابوس كل ثانيه اسمع بيها صوتج
ابوس كل شي صار وجمعني بيج
دهليزي اخخ كون اطلع كلبي حتى تعاينين شصاير بي من فراكج ابوي انتِ لا تبجين دموعج يحفرن
بكلبي ويتركن اثر بي
ماتتصورين اللهفة الي انا بيها هسه
ماتتصورين شلون جاي تمر عليه هاي الدقايق
حتى يصير الباجر واسجلج ب اسمي
شكبر بختي بيج وحصلتج الله يحبني
والله يحبني جبر خاطري بيج انتِ من بعد
ما انكسر وادمر وصرت ميت
احلى جبر من ربي
احجي بويه سمعيني صوتج خليني ارتوي
واروي روحي بي مامصدك هسه
دهليزي رجعت الي

دهليز : بجيت ، لهيمي ...

جر نفس بقوه وطلعت من صوت ال أخخخ بحسره ..

اللهيـــــم : يا بَعـــــد خيـــــط النَفـــــس

دهليز : ه..هذا انتَ مو ، يعني موو ح..حلم

اللهيـــــم: ابوي انتِ حقيقه هذا والباجر تلكيني مزروع كدامج وابن امه وابو الي يفكني عنج
وربي الا احركهم

دهليز : خليت ايدي ع كلبي اهجسو يريد يطلع
ما اسيطر عليه يدك بقوه وصوتو صار ب اذني ، ماا مصدكه الله يخليك لا تتأخر ولا أطول خايفه

اللهيـــــم : ريت عمري يروح لو صرتي الغيري
قبل جنت مجبور بسبب ال*** ماريد اذكره
لزمني من ايد التوجعني اما هسسه لو تصير مذابح
اخذج يعني اخذج

دهليز : الله يخليك هل مره لا تخليني الوحدي
فدوه الك لهيمي

اللهيـــــم: شتحجين انتِ بويه الا اطلع ناقص
وماعندي كلمه لو تركتج لج اسكتي اخليني
اشبع منج عوفي المعاتب ع جهة خليها بعدين

دهليز : سكتت

اللهيـــــم: لا تسكتين ول يابه ع كولتج

دهليز : حجيت كلتي سكتي سكتت كتلي احجي
حرت وياك لهيمي ، رديت عليه بهدوء وانا فرحانه جثيرر

اللهيـــــم : ضحك بصوت عالي ، اخ بويه صارلي
شكد ما ضاحك هاي الضحكه سكت شوي بعدها اردف بهمس ، ماتتصورين شكثر بعدج اثر بيه وتعبني
صدكيني بقيت عايش بس ع امل اشوفج مره ثانيه ع امل انتِ بيوم راح تكونين الي حتى بعد ما فقدت الأمل
بس دائما يجيني احساس انتِ الي وراح تبقين
الي تدرين هسه شنو اتمنى

دهليز : ارتفعت انفاسي كلامه تعبني اكثر واكثر ، رديت بالكوه وانا اجر النفس ، ش..شنو

اللهيـــــم : اتمنـــــى اتوســـــد حضنج واكسر ضـــــلوعج بضـــــلوعي

دهليز : جثير خجلت بسبب كلامو ماعرفت شنو ارد عليه خاصه هو أول مره يحجي وياي بهاي
الطريقه مامتعوده عليها هذا مو اللهيـــــم القديم شصايرلوا مايستحي ، رديت عليه وانا خجلانه ،
شصايرلك اشو ماتستحي انتَ

اللهيـــــم: ضحك بصوت عالي واردف ، اخخخ لج نسمتي ماجاي اسيطر ع نفسي اشوو روحي هسسه روحي خليني لازم نفسي ما ادخل بالحرام
هي هل كم ساعه بقت. بعدها تتسجلين ب اسمي
واسوي الي يحلالي بيج وما يلزمني بعد
لا حرام ولا حلال واحرك جد جده الي يكلي
اللهيم عوف البنت شو امشي مني وخليني بديني لا اطلعيني منه

دهليز : سديت الجهاز وانا اضحك ما مصدكه
انا حجيت ويا من بعد اكثر من سنه
مامصدكه سمعت صوتو
اووف ربي الف الحمد الله بس خلي يجي الباجر
تا اصير ألو اووف

بيومها ما كدرت انام للصبح كاعده كميه النشاط
الي بيها يفوق اسم النشاط بذات اسمو
الفرحه مرسومه ع ثغري واي شخص يدحك بوجهي يبتسم ويفرح الفرحي ماما وكيناز ماعرف شنو اكول عنهن اهجس الفرحه البيهن جثيره
وماسايعتهن الدنيا خاصه من يدحكن حالي
تغير بهذا اليوم
مرت الساعات بطيئه إلى أن جهزت نفسي
ولبست فستان ابيض مفتوح من الظهر
وع حتفتو حبات لؤلؤ ومن صدرو ع شكل سبعه فتحت صدرو واصله قرب نصو لصدري من فوك ضيق ومن جوه قصه الحوريه
جثير حبيتو رغم شوي جريء بس مو مهم
المهم انا حبيتو
لبستو بعد ما خلص المكياج طلعت جثير حلوه
مو انا ابد اختلف جثير عن قبل
وينها دهليز المتعوبه وين السواد الي جوه عيونها
وينوو اهجس كل شي انزاح لحظه وحده
رجعت للبيت والكل فرحان الفرحتي
كعدت ماطولوا جثير وصار البيت هوسه
ب اهلو واهلي واقاربنا سوه
العقد صار بسرعه مايريد يتأخر ولا ثانيه تا مايخرب
بشي ثاني

اهل بشار محد اجه منهم والصراحه هذا
افضل تا محد يحزن
ابو بنفس الحظه انطى خبر ل عمي
وعمي بيومها كال خليها تمشي بفالها
هم ونزاح عني صدك وقتها فرحت اكثر
ماصارت مشكله بسبب بشار ...

السيد : هل تقبلين اللهيم ابن ... زوجاً لكي ان قبلتي قولي نعم وانتَ وكيلي ..

دهليز : بنفس اللحظه رديت عليه ، نعم وانتَ وكيلي

كلها ضحكت لان الواضح من صوتي جثير فرحانه
ومتحمسه بعدها رد ألو بقيت مركزه اجه
صوتو الي بحتو عذبتني جثير
واهجس طيور صارت اطير
من رد عليه ..

اللهيـــــم : اقـــــبل بها حـــــبيبه وزوجـــــه وأم و وطـــــن ألـــــجأ لها بغـــــربتي اقـــــبل بكل سعـــــاده ان تكـــــون زوجـــــتي نعــم اقبـــــــل

_________________________

ريفان :  سديت الخط وانا اتنفس بسرعه
الي سويته هو الصح اكيد انا متأكده من هذا الشي
مثل ما متأكده من اسمي
رهبار مستحيل يصير الي خاصه هو متزوج وانا مستحيل اتزوجه وهو متزوج ومستحيل اخلي يطلك علمود اتزوجه انا مو الهل درجه خبيثه ولا ناكره
للمعروف ما اخرب عائله وابني سعادتي ع سعاده شخص غير حتى لو جان هذا الشخص مأذيني
اذا ع الاذيه ف الله ياخذ حقي منهم اما ع السعاده
ف الله يرزقني السعاده الي مكتوبه الي
سواء هسه او بعدين
بالحالتين ماتفرق غير بس المشكله يعم كلبي
شوكت يطلع حبه من كلبي ويخلي حياتي تمشي
مثل ما مكتوبه ما اعرف
راح اضغط ع نفسي واجبر نفسي
ع انسان ثاني يمكن بمرور الوقت احبه
حتى لو ما حبيته مستحيل اخونه
مهمها صار يبقى زوجي واسمي مرتبط ب اسمه
عيب عليه وحرام اخرب حياه اشخاص علمود نفسي
وبعدين حتى لو صار وصرت من نصيب رهبار
ياترى راح اعيش بسعاده ابديه مثل ما متخيله
اكيد لا راح يخلن حياتي جحيم يوميه مسويات
الي مشكله خاصه انا عايشه وياهن بنفس البيت
ومستحيل رهبار يطلعني بغير بيه
لان حياته نو مهدده بالخطر
ع ساعه الساعه نروح بيها لهذا هو لامنه كلنا
ب بيت واحد معناها من اتزوج راح ابقى يمهن
وهن اكيد مراح يقصرن ب اذيتهن الي
لهذا اختصرت الموضوع وأخذت طريق
الي اختاريته من الاول افضل الي و للكل ..

نزلت جوه وانطيتهم خبر زواجي راح يكون بهذا
الاسبوع هنَ ماصدكن خوب فاطمه طكتها بهلهوله
زرفت اذني زرف مافاد بيها كل الي صار قبل شويه
وايقنت بوقتها قرار هو الصح
والي سويته افضل شي لمستقبلي...

مر اليوم و ثاني يوم من الصبح
اجه تُليد اخذني وطلع نجهز الاغراض الي ناقصه
سحبت نفس وانا اعاين ع البدلات
مايعجبني اخر شي هو اختار الي
بدله شكلها كلش حلو ونازكه من الصدر قصه مالتها
عدله بدون أكمام وشغلها كله بالخرز
كلش حلوه طبعا انا طلبت منه هو حنه وهو عرس
بنفس اليوم
وافق وما اعترض
وبيومها شكد حاول يعرف السبب ليش تأخر بالزواج
كتله مشاكل وأريد ارتاح
بيومها اقتنع وهو اصلاً جان رايد الزواج بسرعه
ماعرف ليش يكول مستعجل
وكلامي اجه من الله ما صدك وبسرعه قبل

طبعا بعدين يلا عرفت هو من شايفني من يم
الماطور طالبني وكال لأمه عليه
وهي بدورها حاجيه ويه ماما والصدمني اكثر
ماما الله يرحمها موافقه عليه
يعني جانت الموافقه بس يردوها مني وتمشي
السالفه بس من توفت ماما توقف وياها الزواج
بعدها اجوي طلبوني من فاطمه وكالوا الها ع كلام ماما
وفاطمه ماصدكت سريع هم وافقت
وكالت رهبار دكيت عليه وبلغته بكل شي و هو موافق
وكال حتى لو يتزوجون خليهم اذا مستعجلين لان
انا ما اكدر ارد هسه وما اكدر انزل ...
كلش صدمتني يعني لاعبه لعب وانا اكول
ليش هم ما سألو ع رهبار اثاري هي
انطتهم الموجز قبل لا يطلبوا
الله يسامحها ماعرف شنو اكول عنها
غير بس الله يسامحها

نايمه ع سريري وصافنه ع السقف
اعاين عليه وسارحه بخيالي
ساعات احس الي سويته خطأ وساعات لا صح
تهت واتمنيت عندي شخص احجي ويا
حتى ينصحني سيلي انقطعت علاقتي بيها
خاصه بعد ما اتزوجت هي ودهليز وما عدت
اعرف عنها اي شي
صارت حيل بعيده وماعندي حضن يلمني ويهلمني
نزلت دموعي من حسيت بنفسي فعلا وحيده
شكد حقدت بوقتها ع اهلي الحقيقين
وكلش اتمنيتهم من سوء للاسوء
ظلموني من ولدوني وبعدها تركوني
كلش ظلومني صفيت بلا اهل ولا أصدقاء..

عن حال ريفان دكول :-
هلي وموش بهلا الينكاد خسران
هلي اكثر من زعلكم كلبي تعبان
شربت الشوف زحمه بنظره الناس
وشربت اليل كله بضيجه الكأس
هلي والماله اهل ما عنده عنوان
شمرتوني بعمر بي يستحي الشيب
وتخليتو بوكت مايعرف العيب
هلي وكون اله روحي هواي وهمان
امس ناغيتكم غافي بوكتها
شيسكت البنيه يم تابوت اختها
شكثر كاتب رسايل شككتهها
هلي شرخص البواجي المالها حنان
توالمنا ومشينا براأي التهون
الحبر دمعه الحجي وبي دمعه عيون
هلي هواي الحمل وشويه المتون
وركض بيه الدهر بجفوف سكران
هلي اكثر من زعلكم كلبي تعبان
طحت وطشرت وتلملم الجام
كمت كومه امرضرض موش تسكام
واكابر والمكابر دوسه احلام
وشنو من أحلام ياهلي اتراطعت انسان
هلي اكثر من زعلكم كلبي تعبان
امس كالي حلاتك طاغيه عناد
وسمارك مثل كلبك ماله رداد
تبسمت الحجي وكشفت المخاد
كلت هلي كمت اغص بالناس والزاد
وصفيت ب لا هلي وطيبه الصحبان
هلي ثاري الضحك نوبات خسران
هلي اكثر من تعبتك كلبي تعبان
هلي الهاضمني كلبي بلا كرامه
ردت جلمه الترجع بالسلامه
ردت جلمه وصيه اتكحل العيون
وتهدي بمشيتك احذر يالصغيرون
وسبع فدوات اروحن واخبص الكون
واحط خوف ع بالي من اهلي يدرون
هلي تفصال عمري شلون ماجان
هلي وموش بهلي الينكاد خسران
هلي اكثر من زعلكم كلبي تعبان

صحيت من نوبه احزاني
ع حالتي وانا ب بغداد
وصلنه امس محد اجه وياي لا عمتي فاطمه
ولا ايلان من البيت ودعوني وشمروا كم دمعه
وتحججوا بمرض ايلان حتى ما يجون

مسحت دموعي وكمت من السرير خلاص ريفان
اليوم عرسج لازم تروحين مكتوب الج
غصب عنج تعيشين المكتوب
اي غصب ..
جهزت نفسي وطلعت انا وعمتي ام تُليد

رحنه للصالون طبعا ماكو اي وحده وياي
كلش حزت بخاطري وكعدت ابجي
شكددد وأم الصالون تهدي بيه
تسألني ليش ماكو احد وياج
كتلها

" اانا يتيمه الاهل وماعندي صحبه ولا خوان "

هي هم انقهرت وياي وصارت تحاول تغير
الي الجو مسحت دموعي وجهزتني
وراها بشوي اجوي بنات من أقارب
تُليد يصيرون بنات عمه
عمتي ام تُليد دازتهن الي لان وحدي
ابتسمت شكد حنينه الله يحفظها ل ابنها
" خلصت ياعروسه شوفي نفسج  "
فتحت عيوني ع كلمتها عاينت ع نفسي
بالمرايا انذهلت من شكلي
مو غرور ولا تكبر انا عيوني مسحوبات
وبيهن لون كلش حلوات ومن
ركزت ع عيوني وجرتهن بال ايلاينر والكحل
صارن يجنن دمعوا عيوني اتمنيت ماما وياي
لو شخص قريب مني
هزيت راسي و وكفت ع طولي
هاهي لازم اتحمل واتقبل الي صار
هذا قدري ولازم اعيشه
الحمد الله ع كل حال ...

بنات عمه صارن يهوسن الي لان شافني
مقهوره وشكد اريحيات حبابات حبيتهن
شوي واتصل تُليد فتحت الخط عليه ..

تُليد : ها حبيبي جاهزه ؟

ريفان : حسيت بطني مغصتني،  رديت عليه بهمس ، اي

تُليد ؛ تمام اني بالباب كولي للبنات يلفنج زين
انتظركم ماكدر ادخل

ريفان : امم ماشي .. سديته وبلغت البنات
وهن لفني زين وطلعنا لكينه سيارته واكفه بالباب
اجه سحبني من ايدي وصعدني اليكدام
وهن ورى صارن يحششن عليه طول الطريق
شلون يحجي وياي بحنيه وهو شلون
ضايع بيه كلش خجلوني
وصلنا للقاعه ودخلنا ..

الأجواء شكد ما هي حلوه شكد ما هي حزينه بداخلي
حزت بخاطري ماكو احد من عائلتي موجود
سحبت نفس وابتسمت
الترتيب وكل شي حلوو حتى رقصه السلو
بيني وبينه حلوه بس جنت هواي حذره
واي شي ماحجي الا هو يسألني
اجاوبه بعدني ما متعوده ع الجو
وحيل خايفه من الي راح يصير..

بعد ما مرت كم ساعه خلصت الحفله
واخذني تُليد هو وعمتي للفندق
هو حاجز راد يكون أول يوم لوحدنا
من هل ناحيه زينه ومو زينه صابتني رعشه
طول الطريق وحالتي صارت حاله افكار صارت
تجيني أشكال وألوان خاصه انا ما عندي اي علم
او معرفه شنو الي راح يصير بالضبط
غير بس أشياء بسيطه اعرفها ..

وصلنا للفندق ونزلنا تُليد ماخذ سويت كامل
دخلنا للغرفه وعمتي ساعدتني حسيتها مثل
ماما حيل حنينه وحبابه
كل شوي وتسألني ( ها ماما كولي محتاجه شي،  تريدين اجيب شي ، خايفه ، مرتاحه ، لاتخافين ابني ما يأذيج بالعكس يحبج )
إلى أن طلعت وهو طلع وراها يوصلها لجوه ..
كعدت بمكاني وانا ارجف
اريد ابقى الوحدي اريد ابجي وبس
ماريد غير شي
جهازي جان ع الميز سمعت صوت رساله وصلته
استغربت منو يدز رساله
وكفت ع طولي وبعدها الرجفه بيه

سحبـــــت الجـــــهاز وفتحته
وكفـــــت جامـــــده بمـــــكاني وانا اقـــــرا المكـــــتوب
بـــــيهاااا رجـــــفت ايـــــدي ودمـــــوعي صـــــارت تنـــــزل
بســـــرعه،  لا ياربـــــي ...

________________________

للـــــحكايا بقايـــــا ♡

              حســـــابي الانـــــستا داده 🦋