رواية دجن الضليع الفصل الثامن والعشرون 28 - بقلم رهف علي

نبدأ بذكر الله ﷽💛✨

للتواصل ع الانستا akyta_98
متابعه للحساب قلبي akyta_98

" ليتَ الذي بيِني وبينكِ باب يُطرقٌ
وياليتَ أطرَافُ الأرض تُطوى ونلتقِي .♥️

__________________________

سيلينا : ضحك بصوت عالي وهو يعاين
عليه شلون رافعه الحلقه اله واطلبه
للزواج سحب الحلقه مني ورد عليه ..

دابر : اطلع ناقص عقل اذا ما وافقت شبيه تخبلت
أرفض هاي الحلوه الي كدامي

سيلينا : لبسته الحلقه وهو لبسني الحلقه
الي جابها الي بيومها حسيت الفرحه
ملت كلبي وروحي
صحيت من تفكري وخيالي الي يسترجع
ايام الحرمان ع صوت اختي ..

فرح : يلا ولج انزلي اجه

سيلينا : ثاني يوم الخطوبه ما اتحمل واجه
ضحكت عليه خليت اخر لمساتي
العطر ونزلت
جانوا بابا وماما يمه كاعدين ماما من شافتني
أشرت الي عود تعاي كعدي يمي انا هم ماسويت شي
رحت وكعدت يمها
من بعد ما سلمت بس شنو الفرحه شاكه حلكي
بالكوه ضامه الابتسامه حتى ما يشوفني بابا
ونوب يروح باله للبعيد

رفعت عيوني عليه وانا اعاين
صارت عيني بعينه غمز الي بدون ما ينتبهون اهلي
سريع نزلت راسي عززه بعينك جان هسه انفضحناا
هذا الرجال سريع الاشتعال
بس انا هم ما اكعد راحه رجعت رفعت عيوني
وهو مستمر يحجي ويتناقش هو وبابا ب أمور الدوله
وشنو الي جاي يصير لان الأوضاع صارت مو زينه بالعراق
خاصه بالانبار دخلوا داع١١ عليها وصار الوضع
اضرب

رجع التفت عليه وعيونه تتوسل بيه
حتى يطلعون اهلي لان طولوا وهم كاعدين
عضيت شفتي اكتم ضحكتي حل تستاهل
شوي تلوع
بس ماما انتبهت علينا لهذا كامت وأخذت بابا وياها
طلعت اله سالفه وهو طلع وياها
اول ما طلعوا انتبهت عليه

وكف بسرعه وراح للباب سده وقفله انا فتحت
عيوني ع وسعهن هذا شسوه عزه هسه
شنو يكولون علينا ..سألته
عززه دابر شسويت ؟؟؟

دابر : اششش ابو ابوي مسموط ماريد حرف واحد

سيلينا : عقدت حاجبي ، شنو تقصد ؟

دابر : تردين تعرفين شلون ابو ابوي مسموط هاا
سهله بويه

سيلينا : اعاين تقدم وصار كدامي انا رجعت خطوه للورى نظراته واضح عليها المكر بس مافهمت
شنو يقصد انا بهيج شغلات كلش مطفيه

دابــــــــر : اريـــــد ابـــــوس !

سيلينا : شتسوي بي لحظه هسه يمكن موجود بملابسي
ادور بملابسي كل ظني يريد دبـــــوس
انا هذا الي سمعته
لهذا صرت ادور بملابسي لان مرات من الكه
اشكله بالملابس ادور وانا اسأله ..
شتسوي بالدبوس دابر ؟؟

اشوو هذا ما يرد عليه رفعت راسي لكيته
صافن عليه هزيت راسي ب استغرب ، شبيك ؟

دابر : سمعتي شنو كلت الج ؟

سيلينا : اي ، بس ما كتلي شتسوي بي

دابر : هسه الواحد شيريد يعني من يطلب هيج شي

سيلينا : شنو ملابسك بيها شق وتريد تخلي ؟؟

دابر : صفن

سيلينا : شبيك ؟؟؟

دابر : حبيبتي بلا زعل انتِ كلش غبيه

سيلينا : فتحت عيوني ، ياااا انا ليششش ؟؟

دابر : ضرب ع جبينه ، اخخ بويه كلش غبيه وثوله هم

سيلينا : حرام عليك ليش هيج تحجي

دابر : جا صارلي ساعه اكلج اريد ابوس وانتِ ادورين ع الدبوس بملابسج ادري شتردين ابزز يحظي

سيلينا : انصدمت لا لا انصعقت بمكاني
طلع يريد يبوس وانا العوبه ادور ع دبوس اله
شكد فششله حقه من يكول انتٍ غبيه
صرت هلكدوتني كدامه
نزلت راسي منحرجه هو رفع راسي ب اصابعه
وعيونه صارت بعيوني
سألني ..

دابر : هسه شلون ما انبوس مو اشتغلت بمكاني

سيلينا : ردت ارد عليه بس ما انطاني مجال ارد
سحبني بقبله عميقه خلاني ما اندل راسي
من رجليه فشلت بالسيطره ع نفسي
وصار هو المسيطر عليه يحركني شلون ما يريد
صرت ماي بيده
ماتركني ولا بعد عني الا بأرادته شكد
حاولت ابعد بس ماكدرت هو الي متحكم بيه
بعد عني وسحبني من ايدي كعد وكعدني بصفه
بس ما تركني سحب راسي الحضنه
حطه ع صدره اسمع صوت دكات كلبه يدك سريع
ماتوقعت انا اأثر عليه لهاي الدرجه
رفعت ايدي وخليتها ع كلبه
هو لزمها بقوه وضغط ع صدره همس االي بهدوء ..

دابر : هيج يصير بحالي من تصيرين كدامي
احوالي كلها تتخربط مثل ماتتخربط احوالج
من تصيرين بحضني

سيلينا : مارديت عليه لان كلش خجلني بكلامه
دفنت راسي بصدره وهو ضغط عليه سكت ويسحب نفس من شعري ويبوس براسي
حسيت بي شي سألته ..

شبيك حبيبي ؟

دابر : ابوس هل الشفايف الي دكول حبيبي

سيلينا : ابتسمت اله ، لا تغير الموضوع شبيك ؟

دابر : زفر انفاسه واردف ، اخواني تعاركت وياهم

سيلينا : ابتعدت عنه ، ليششش ؟؟

دابر : لاتهتمين شي صار وراح

سيلينا : دابرر انا اساس العركه مو وماتريد تحجي الي

دابر : مايهموني حبيبي انسي

سيلينا : يعني صحيح تخميني انا السبب بس ليش

دابر : سحب نفس وزفره ، لان انا غصب عنهم اخذتج وهم مارايدج الي رايدج نور الي

سيلينا : شنوووو بعدين منو هاي نور النوووب

دابر : اهدي حبيبي ، هي نفسها اخت زوجه اخوي الي رايديها الي وموكفيها الي من زمان بس انا ما قبلت وهم تعاركوا وياي شلون هيج تسوي وانتَ ما تمشي بشورنا ومن هذا الكلام إلى أن تركت البيت وطلعت

سيلينا : بقيت صافنه هاي اذا من هسه وهم هيج جا من اروح الهم شنو يسون بيه

دابر : ليش صفنتي بشنو تفكرين

سيلينا : دابر اذا هم من هسه هيج جاي تصرفون
زين اذا انا باجر عكبه تزوجنا وعشنا يمهم شنو راح يسوون بيه

دابر : اطيح حظ حظه الي يفكر يمسج او يتقرب منج
انتِ مالتي انا اشك حلكه الي يفكر يدوس ع طرفج

سيلينا : هزيت راسي وسكتت عاد هو حب يغير الموضوع

دابر : جهزي نفسج هسه حتى نطلع

سيلينا : ضحكت لان اموت ع الدياحه سريع كتله، وين

دابر : عاين عاين شلون شركَت الحلك بس كلت الها
نطلع تموتن ع السيابه

سيلينا : اي شعدنا غير الدياحه

دابر : بهمس وهو يعاين بعيونها ، عندج انا ا

سيلينا : اااه انا اكول اروح اجهز نفسي وارجع
انتَ انتظرني عفته وطلعت اركض هو يصيح
ورايه مو تتأخرين ، عاد انا ما كلت باطل دكت فوك النص ساعه يلا نزل اله اول ما شفته كدامي لكيته عاقد حواجبه

دابر : هاي عود كلت الج لا تتأخرين وهيج طولتي جا اذا ما اكول الج جان شكد اتأخرتي !

سيلينا : ضحكت ع معالم وجهة ، اي غير جهزت نفسي

دابر : امشي امشي كدامي يلا دكول جهزت نفسي ام راس المحجر

سيلينا : بقى يدردم بينه وبين نفسه وانا اضحك عليه
ترخص من بابا وماما وطلعنا صعدنا السياره ومشينا

دابر : وين حابه تروحين

سيلينا : بكيفك ل اي مكان
بقى يفتر إلى أن رحنا المطعم تعشينا وبعدها طلعنا نفتر بدون سياره الجو حلو خاصه باليل هيج نسمات الهوى
وانا لازمه ايد اكثر شخص احبه وكلبي يحبه ورايه
بدون لا خوف ولا اي تردد

وكفنا كدام مكان كبير مال اجهزه تلفونات
استغربت بس هو سحبني ودخلنا تقربت منه وسألته ،
شعدنا هنا ؟

دابر : اشتري الج الجهاز الي تريدي

سيلينا : بس انا عندي واحد

دابر : لا هذا مني انا ، انتِ صرتي مسؤليتي اي شي تريدن تشتري انا الي اجيبه الج
بعدين هذا اعتبري هديه مني الج
يلا اختاري اي جهاز يعجبج ولا تهتمين بشي ثاني

سيلينا : انا اعرف دابر هو ع كد حالته
يعني ماحبيت اضغط عليه واشتري شي ويطلع
ماعنده انا احبه وهو بكل حالاته حتى ما همني مستوى المادي ابد اذا زين او لا ، بس هسه كلش ماكدر اخذ شي خايفه يطلع ماعنده واحرجه
شكد حاولت نطلع من المحل خاصه هو ضخم و واضح أسعاره غاليه
بس هو عاند الا اشتري ، لهذا صرت ادور شكو
جهاز مايكلف اخر شي مل مني وراح هو اشترى الي
أغلى جهاز وارقى جهاز نازل بهاي السنه
جان الجهاز اصدار حديث ومو اي شخص
يشتري وهو ما اهتم لا للسعر ولا لأي شي ،
لا دابر ليش مو كلت الك ما اريد عفيه ليش تحرجني ؟

دابر : تتذكرين شكلت الج انا قبل لا اخطبج ؟

سيلينا : شنو ؟

دابر : كلت الج انا ما مستعد هسه اخطبج الا
بعد ما اكون جاهز حتى اعيشج احلى عيشه
وتكونين اميره وما انقص عليج ب اي شي
ولهل سبب بعد ما الله مكني حتى لو ع كد حالي
المهم اكدر اعيشج بنفس العيشه الي انتِ عايشتها
يلا كدرت اتقدم الج واخطبج حتى ما يكون عند اهلج اي اعتراض ولا اي خلل بيه نقص او قصور

سيلينا : هو يحجي وأنا عيوني تلمع تمنيت اكدر ابوسه هنا واشبعه بوس ع هذا الكلام طلع كلش يهتم
الراحتي مثل ما انا اهتم الراحته
حمدت الله الف مره وشكرته لان صار من نصيبي

بعد ما رجعنا للبيت شكلت الجهاز وصرت احجي بي منه واتواصل ويه دابر هذاك ضميته بي كل
ذكرياتنه ورسائلنا لهذا صرنا نتواصل بالجديد.
منه نتذكر ايام قبل وأيام حبنا وشكت تعذبت بي
صورنا وكل شي بي

ف بعد ما مرت فتره اجتي زياره النا زوجه حماي الي اصغر من الكبير ف انا نزلت وسلمت عليها
جاي نحجي سوه وماما تحجي ليش ما اجتي
اختي وهي شايله الجهاز مالتي
بيدها اجتي انطته الي كالت جهازج يدك اخذي
عاد انا أخذته لكيته دابر يتصل ماكدرت ارد كدامها لهذا
دزيت اله راسه وكلته بعدين نحجي
خليت الجهاز بصفي ورجعت احجي وياها بس الي صدمني سؤالها..

أمنه : اكول حبيبه هذا منين الج الموبايل ؟

سيلينا : ابتسمت ورديت الها بغباء ، هذا هديه

أمنه : هديه هيج وغاليه كلش منين ؟

سيلينا : اي من دابـــــــــر

انصدمت من رده فعلها شلون عقدت حاجبها
وردت بهمس بس سمعتها

أمنه : اي عيني شلون مايجيب الج

سيلينا : كلت الها ها شنو ماسمعت عاد هي غيرت الموضوع وبعدين راحت بس الواضح كلش
انغاضت من الجهاز لان دابر مشتري الي اخر اصدار
وحديث وهن اجهزتهن من هاي الصرصور

بس الي صدمني اكثر هو اتصال دابر عليه باليل وسألني ..

دابر : انتِ شكايله ل أمنه

سيلينا : شنو شكايله مافهمت ؟

دابر : انتِكلتي الها انا مشتري الج جهاز

سيلينا : اي بس ليش

دابر : أي مو داكول ، اليوم اول ما رجعت سوت
مشكله شكبرها شكدها بالبيت

سيلينا : عززززه ع شنو

دابر : لج بويه هنَ نار الغيره تاكل بيهن
رايحه حاركه فلم يم بقيه الجناين شلون هي عندها واحنه لا ومو بس هيج لا رايحه
كايله حتى الأخوي سيلينا مشتري الها اخوك جهاز اخر اصدار ومنزله كل البرامج وتفرفر بيهن
واخوك عايفها ع حل شعرها ومن هذا الحجي

سيلينا : عزززه صدك هذا الحجي يمه صخام
هاي ليش هيج تسوي وانا ما مأذيتها
حرام عليها

دابر : عوفج منها لاتهتمين حبيبي هي الغيره تسوي
أشكال وألوان..

سيلينا : بوقتها خفت لا صحيح تصير مشكله بسبب الجهاز خاصه انا حتى بعدني كاعده بيت اهلي
بس الحمد الله عدت ع خير
مرت الايام واحنه علاقتنا كل ما الها تقوه اكثر
إلى أن اجه محرم
بوقت المشايه احنه متعودين كل سنه لازم بابا يأخذنا كل احنه ونروح مشايه لهذا هاي السنه
هم تجهزنا حتى نروح بس هل سنه تختلف
هل سنه حبيبي وياي وزوجي يروح مشايه
المهم جهزنا نفسنا ودابر كل شوي يتصل عليه
( البسي زين ، لاتخلين اي قطعه منج تتطلع البسي عريض ، ووو ) توصيات هواي
إلى أن رحنا كلنا

انا ويا نمشي سوه صح ويانا عائلتنا بس
انا ويا بعيد عنهم بمسافة وهو كل شوي وكايل الي شعرج ويسحب الحجاب يوصله لعيوني ويخربه الي
لو من يشوف واحد ع بعد شبرين مني يسحبني ويلزكني بي ويبقى يخزر بهذا وبذاك طلع روحي كل شوي تنعاد الاسطوانه عااد كعدنا شويه نرتاح
من الطريق

جاي اشرب ماي وانتبهت دابر بيده الجهاز
وماعرف شبي حتى عباله ماعرف شلون وجهة كل شوي عينه بالجهاز
عقدت حاجبي والفضول اشتغل عندي وكفت
ورحت يمه سألته ، شبيك ويه منو تحجي ؟
كالي صديق سكتت ما حجيت بس اعاين بالجهاز
يتصل صديقه وهو ينطي اله رفض
اخر شي ما تحملت سحبت الجهاز من ايده جان مفتوح الجهاز لهذا ما احتاجيت الرمز
وهو عاط من اخذت الجهاز بس ما اهتميت
عاينت بالجهاز وانا متوتره وكلبي يدك

فتحت عيوني ع وسعهن وانا اقرا المكتوب
رجفت شفايفي وعيوني غوركت بالدموع
رفعت راسي عاينت بوجهة ، سألته شش..شنو هاي دابـــــــــــــــر؟؟؟؟!!!

___________________________

دهليز : كاعده بالغرفه وساده الباب ع نفسي
اهجس الدنيا فوك صدري صايره
ماعرف شبيه كل ما احاول افهم نفسي
ارد لنقطه الصفر
جثير ماالي خلك
كل شوي اعيد بالصار بحياتي كل شوي اتذكر
الي صار شلون بديت وشلون انتهيت
و وين صفيت معقوله انا تصير حياتي هيج
رجعت ذاكرتي بيوم الي سمعت كلمه انتِ طالك

بيومها حالتي ماعرف شنو جانت حزن ع فرح
جثير مشاعر اختلطت بيه
مقهوره ع بشار برغم الي سوه بيه بس يبقى ابن
عمي ويبقى بيوم سوه الي شي زين
ابد ما انسى اي شي حلو بدر منه
ومقهوره عبن انا بهذا العمر تزوجت وصار عندي
طفل وهساع صرت مطلقه
ورديت لبيت اهلي ردود وانا حامله كل هذا الهم
الي بداخلي وكل هذا الثكل الي بيه و ما ينحمل
ومن جهة ثانيه خلص صار الي اريده وانا هساع حُره

اول ما طلكنا سيد تقرب عليه راد يحجي
شي بس غمض عيونه وهز راسه و تراجع
وما عرفت شنو راد مني
عاد انا ملابسي مجهزتهن من زمان ومنزلتهن
بس جنت منتظرين السيد
وهاي انا صرت مطلقه بس سيد عبن المحكمه
تاخذ شوي وقت

شلت ابني ونزلت وانا تايهة ماعرف شبيه
بين البينين شعور كلش صعب ولا تمنيته
لعدوي شعور ان انا كاسره قلب احد
ما استحملوا
صاروا بيت عمي كُلهم كدامي مقهورين
بس هم يعرفون شنو نهاية هذا الطريق
لهذا ما حجوا ولا اعترضوا
خاصه هذا جان احد الشروط الاساسيه
ودعتهم واعتذرت من عمتي وعمي وطلعت
بابا واخوي ينتظروني برى
هم يلا حتى نرجع البيتنا ونعود الحياتنا القديمه

الي صار بيني وبين بشار بخصوص
ابني اللهيم هو بعد جدال ومعارك وحروب
اخر شي صفينا الطفل يبقى بينه احنه
الاثنين بس اول فتره يمي لان بعده حديث الولاده
واكيد ماكدر انطي خاصه هو يرضع
وانا ما اكدر افارقو عبن روحي تعلكت بروحو
لهذا بس يجمد شوي ويترك الرضاعه ويحول
ع الحليب العادي ساعتها يكدر ياخذه يمه
ويصير بيني وبينه مره يمي ومره يمه
هذا انسب حل النه ويرضي الطرفين وهيج لا انا
انحرم منو ولا هو ينحرم من ابنو

اول ما دخلت البيت لكيتهم كلهم واكفيلي
اجتي كيناز باستني وهي تبتسم بوجهي
تحاول ما تبين حزنها ع حياتي اخذت اللهيم
من ايدي وانا رحت لماما ارتميت بحضنها
وانا ساكته ماعرف شنو احجي ولا اكول
بس الي اريده ما التقي ب احد
واكون الوحدي ماريد اسمع اي شخص
بعد ما سلمت عليهم تركتهم ورحت
الغرفتي حتى ابني تركتو يم اختي
بابا ما يحجي بس اسمعو يزفر بحسراتو

اول ما قفلت الباب نزلت دموعي
ع كل شي ومنا تذكرت اخواني سوده
عليه ماتهنوا بحياتهم واستشهدوا
صرت اشهك بالبجي
الى ان ماحسيت بنفسي غفيت فزيت ع
اختي بيدها ابني يبجي شكله جوعان
كعدت سحبتو لحضني وصرت ارضع بي
وانا ساكته

مرت الايام الى ان صار موعد الجلسه
مال المحكمه الخاصه بطلاقنا
من بعد سين وجيم ومن بعد ما سألوا واستفسروا
جثير بعدها القاضي حكم القضيه ..

اطلقنا وهساع انا حُره شرعاً وقانوناً وانفكيت من النهوه الي دمرت حياتي ،
رفعت الجلسه ..

من بعدها لزمت العده وهي اجتي من صالحي
لان حرفياً ماجنت اتقبل اقابل اي شخص
ولا اطيق احجي ويه اي شخص
هساع مو انتهى كل شي شبيه هيج
حياتي مداتصفى ليش تعكرت بالزايد

يوم بعد يوم الى ان خلصت العده بس بعدني
منطويه ع نفسي
ماحسيت الا الباب انفتح بس انفتح بقوه
رفعت راسي دحكت كيناز دخلت وهي خازرتني
سدت الباب و وكفت كدامي

كيناز : يعننننني فهميني لشوكت يبقى حالج
هيججج هاا فهميني كافي اصحي ع نفسج ودحكي
وين صرتي دكحي ابنج هاملته
حياتج هاملتهااا دراستج تاركتها
كل شي مو بيدج فهميني هااي صار الج 6 أشهر ع هذا الوضع مو حاله هاي اصحي ع نفسج ودحكي
حالتج دحكي السواد الي جوه عيونج
دحكي جسمج الهزيل صاير شضعفووا
بسس فهمينيي لوووين تردين توصلين
دحكي ابوي حالتو ماتسر عدوو يوميه مكاون اخوتي
من لا سبب وضغطوا مرتفع بسببج
كومي دحكي هذااك المسكين الي حالتوا بالظيم يوميه بمستشفى ومايعرفون علتوا وين
كااافي اصحي دهليززز

دهليز : هي تحجي وانا صافنه عليها كأن هساع يلا صحيت ع نفسي اناا وين جنت !!!! ليش لهذا الوقت يلا هجست نفسي وين
ليش هساع يلا صرت اهجس الحواليه
معقوله عبن جانوا تاركيني ع راحتي هيج صار بيه
عبالهم ارتاح وانا بالعكس حالتي بالنازل
واغوص بحر عميق بس الاكتئاب والتعب بي
رفعت اديه وخليتهن ع وجهي وصرت ابجي
رديت عليها

كيناز انا ضايعه ماعرف طريقي وين ..

كيناز : كسرت كلبي ادري ضغطت عليها بس لو
ما اضغط ما تصحى تقربت منها وأخذتها
الحضني وهي لزمتني وصارت تبجي بصوت
تركتها تفرغ الي بداخلها الى ان ارتاحت

دهليز : من بعد كلام كيناز وعيت لنفسي واصريت
لازم ارجع لولو القديمه الي قبل لا تعرف شي
اسمه زواج أو شي ثاني
ما انتبهت لكل لكلامهم غير بس ان انا شخص واصل مرحله من التعب ولازم ارجع مثل قبل

اللهيم ماعرف عنو اي شي كلبي يحن الو بتالي
اليل واكعد ابجي إلى أن اتعب
اهجسوا بطل يحبني ومايريدني ومحد يجيب
الي سيرتو وانا ما اكدر اسأل اهجس ما استاهلوا
جثير تعبتوا وتعبت كل الي حواليه
لهذا اتخذت جانب السكوت وطابع الهدوء
صرت اهتم ب ابني وبس وانا تركت نفسي
للايام هي أطيب جرحي عسى ولعل
ارتاح ويخف كل ألم بيه
حتى لو اللهيم ما رايدني وبعد ما يحبني
بس انا ابقى احبو لآخر نفس بيه
الواضح من سكوتوا لهذا الوقت هو تخلى عني
لهذا الله يوفقوا وين ما يروح و وين مايكون
ويوفقوا ويه البنت الي تريح كَلبو
اول ما نطقت اخر كلمه بجيت
ماكدر دحكوا ويه بنت غيري ماكدر والله بيوم الي
يتم زواجوا من بنت بنفس اليوم تتطلع
جنازتي

جثير احبو ومهوسسه بي بس ماكدر افرض
نفسي عليه الزواج بعمره ماكان ناجح بالاجبار
وتحت اعتراض احد الأطراف
لهذا وكلت أمري وسلمته بيد ربي ..

نزلت وانا شايله ابني
من بعد فتره طويله هساع كافي لازم اختلط
ب اهلي وارتاح يكفي تعبتهم جثير
مريت من غرفته امي
وسمعت صوتها وهي تحجي
بس الي استوقفني كلامها فتحت عيوني ع وسعهن
جسمي صار يرجف حتى ابني راد يوكع من
بين اديه
نزلت دموعي وشهكت بفزع وانا اسمع كلامها ...

اللهيـــــم راح يـــــتـــــزوج !!!

____________________________

ريفان : جمدت بمكاني وانا اعاين عليه
شلون يحجي وكأن هل شي عادي
وانا ميته من الخوف
ماعرف شنو ناوي يسوي بيه
جايبني هنا وكال حسابج انتِ بالذات مابادي
وهسه بدأ يعني الخوف صار أضعاف
بقيت بمكاني وما تحركت هو نزل من السياره
ولف للجهة مالتي فتح الباب
زمخ بوجهي ..

رهبار : انزززلي

ريفان : نوب بزايد انثولت حتى رجليه
ما تعيني حتى انزل هو لزمني من ايدي وجرني نزلني من السياره وسد الباب بقوه
فزيت من صوته
مشى وانا ورى عبالك طلي ماخذي يذبحوا
صرت سعفه
دخلنا للعمارة فتح المصعد وصعدنا
كل هذا وانا ادعي واردد

( وَجَعَلْنَا مِن بَيْنِ أَيْدِيهِمْ سَدًّا وَمِنْ خَلْفِهِمْ سَدًّا فَأَغْشَيْنَاهُمْ فَهُمْ لَا يُبْصِرُونَ )

تعلمتها من ماما إذا وكعت بمصيبة ارددها
حتى تكون درع الي وتحميني

وكفنا كدام باب الشقه كل هذا وانا منتظره
العقاب الي ينزله الي
فتح الباب دفعني جوه وهو دخل سد الباب وقفله
هنا قريت ع نفسي الفاتحه
رحتي بيها ياريفان
عاينت تمشى من يمي وراح كعد طلع
جكايره وصار يدخن
سند ظهره ع القنفه فاتح رجليه ايد ع رجله
وايد الثانيه يدخن بيها هو ومضيق عيونه
رفع ايده واشر ع المكان الي كدامه
انا بهدوء رحت وكعدت بس اريد اخلص
من هذا اليوم الي طيح حظي بي

اردف بهدوء قاتل

رهبار : نوب صديقي ؟ حلو حلو

ريفان : ماحجيت بالكوه مصبره نفسي ما ابجي
وهو مستمر يحجي نوب الهدوء الي هو
بي يخوف اكثر من الصياح لان ماعرف شنو
راح يسوي بعد هل كلام هدوء سبق العاصفه

رهبار : اروح شهر وكم يوم ارجع الكه البنت الي احبه وهي تحبني متزوج ومن منو من صديقي
والي يقربني حلوو..
امي تتفق وانتِ تنفذين !

ريفان : غهباغ اناا ..

رهبار : انتِ شنو ؟ فهميني انا شنو علمتج قبل
مو تمردتي حتى عليه انا وصرتي جسره
تاخذين حقج ب ايدج هاا
علمتج لو ماعلمتج فهميني ؟؟؟؟
مو لزمتي الهاون وفشختي بي راس امي
وحطيتي براسها فوك ال5 خياطات وانتِ صغيره ؟
هسسسه شنو الي صار ليش مارفضتي بيوم الي
اجه ورادوا موافقتج ليش مارفضتي فهميني

ريفان : بجيت ، صدكني مو ب ايدي

رهبار : عاط بصوت عالي ، جااا بيد منووو
بيد الخلفني غيرررر ياخذون موافقتج
وانتِ مثل ال *** رحتي وافقتي بدون
ما تفكرين بال *** المحترك حرك هناك عليج ورايد
خاطرج

ريفان : غصب عني والله غصب
ردت احجي ما حسيت الا صار بوجهي فزيت ارتديت للورى حسيت الوحش الي بداخله كعد
ردت اكوم بس هو اسرع مني لازمني من اديه و وجهة بوجهي صاح بيه بصوت عالي خرسني

رهبار : ماتحجججين لج ما ارييييد أمد ايدي عليج
اكول هاي الي ربت ع ايدك هاي الي تخاف من الدنيا وتجي تلوذ بسدك لا تصير انتَ والدنيا عليهاا
ماريد اكون ضدج بسسس تصرفاتج اغبه من الغبااااء
بنفسه مشيتي ورى امي وطاوعتيهاااا
بس ما مشيتي وراييي

ريفان : ابتلعت ريقي ، بالكوه طلعت حروفي
حباب بس خليني افهمك مو مثل ما أنتَ مفكغ

اعاين عليه ما نطاني مجال لزم المزهرية( الفازه )
وشمرها ع الحايط سواها تراب
ويصيح بصوت عالي
خليت اديه ع اذاني من صوته خايفه شكله انقلب
وحش ماخلى شي بالبيت ماكسره
يذب حركته بالبيت حتى ما يضربني كل شوي
يجي عليه بس يلزم نفسه بالكوه حتى ما يأذيني
اخر شي تعب وكعد ع الارض سند ظهره ع الحايط
سحب رجله ع صدره والرجل الثانيه مدها
اخذ باكيت الجكاير وصار يدخن وحده ورى
الثانيه

خلصت الجكاره طلع غيره شغلها وحطها ب ايده
بدون ما يسحب النفس منها
وبقى صافن عليه ويعاين بعيوني
مر الوقت انتبهت للجكاره وصلت ل اصابعه
همست اله وانا ابجي

_ ليش صافن
_ عليج .
_ أصابعك راح تحترك من الجكاره انتبه
_ خليها مو مشكله انا الي المحتركَ
_ اسفه
_ دمرتيني روحي هلكت جاي انزف الدنيا كلها لون واحد صار عندي

_ ماتحملت وانا اعاين عليه شلون متألم وكله بسببي
انا زحفت لعنده وصلت يمه رفعت ايدي ولزمت الجكاره بعدتها من اصابعه وطفيتها لكيت اثر صاير بين
اصابعه محترك حسيت روحي راحت من شفت
المنظر كدامي دموعي تنزل ب أطراف اصابعي
امسح بخفه ع الحرق ما اريد أاذي
بس هو ما صدر منه أي حركه بس صافن
رفعت راسي لكيت عيونه صايرات حمر

رهبار : تدرين انا مو ضعيف بس يمج أضعف

ريفان : سحب ايده مني وتقرب رفع اديه
وكور وجهي بين اديه ب ابهامه صار يمسح
دموعي وانا ابجي واشهك بالبجي وهو يعاين
عليه بهدوء ونظراته كسرت كلبي كأن شي ثمين
بحياته وخسره
قرب وجهه من وجهي غمض عيونه وحط أنفه ع خدي
يسحب النفس بهدوء همس كأن متعوب ..

رهَبـــــار : فشـلتيني ڪَبال ࢪوحي وڪَابلـــــت ࢪوحي وبجيـــــت

ريفان : كلامه حسيته مثل السجينه
انغرس بكلبي غمضت عيوني اريد احجي تعبني
وتعب روحه اكثر بعدين حتى لو حجيت ما راح يقدم اي شي ولا يأخر شي انا هسه ع ذمه شخص ثاني
مستحيل اكدر اطلك منه خاصه هو يقرب اله
ما اتخيل حياتي هيج راح يصير بيها ولا اتوقع راح
ارجع اله

لزمت ايده هو حس بيه وابتعد سحب نفس وعيونه
حمر الشرايين الي بعيونه حيل برزن
وصارن حمر
صدمني من عقد حاجبه وخزرني رد الي ..

رهبار : راح تتطلكين وغصب عنج هو سيد وكل من يروح الحال سبيله انا ما اسمح لشخص ثاني يلمسج انتِ مالتي انا وكل واحد راح ياخذ
عقابه وأولهم امي ما اترك كل شي ع حالها

ريفان : هزيت راسي مصدومه عباله بس سيد مايعرف محكمه هم عاقدين ، بسس م..ماكدغ اطلك
خزرني ورد صاح بوجهي ..

رهبار : كككككككلت تتطلكين يعني تتطلكين وراسح فوك رجليج ليكون ناويه تكونين زوجه اله صدكيني ياريفان احركج وما يرفلي جفن شايفه شنو جفن مايرفلي و *** الي يفكر يتقرب منج

ريفان : بس احنه عاقدين محكمه مو بس سيد ..

عزه هو انا كلت هيج لو صار زومبي
شكله يخوف سريع تقرب مني وخنكني من رقبتي
حسيت عيوني طلعن حتى النفس ماكدر اتنفسه
عبالك عدوه كدامه مو انا

رهبار : لج حححيوانه تريدين تنتقمين مني لان انا تزوجت وتردين ترديهاااا ااااالي هاااا ريفان تردين
ترديهااا الي لج انااا ما جااان عندي خيااار ثااااني
يا امه ال **** ماعندي ماعندي صخام

ريفان : ضربته اكثر من مره ع ايده يلا حس بيه راح
اختنك بعد ايده وسحبني من ايدي يمشي. ب اتجاه
وحده من الغرف انا شفت هيج لو لوني انخطف
هذا شنو ناوي يسوي عززه انا اسعل وبالكوه احجي
اسحب بنفسي ما اريد ادخل بس هو
مايسمع مني شالني ودخل الغرفه شمرني ع السرير
ويصيح ..

رهبار : انااا كتلج ما تصيرين الغيرررري ليش تجبريني
اسوي شي يخليج تكرهيني ليششش

ريفان : ماتوقعتها منه بجيت من شفته صار فوكي لزم فكي بقوه وصاح بوجهي

رهبار : **** امي وكل واحد يحاول يلعب عليه

ريفان : وجهة بوجهي ضغط ع جسمي وانا فزيت
صرخت وانا ابجي ، اذاااا تحبني لا تااااذيني
الله يخليك
هو كان وعى ع نفسه ابتعد وطلع من الغرفه
يصيح وكفت وانا جسمي كله يرجف
بالكوه أرتب ب نفسي و بملابسي برغم هو ما سوه الي اي شي حتى ماتقرب بس
الموقف الي صرت بي حيل حز بنفسي وخوفني
لعنت الساعه الي نولدت بيها

هاهي انا لازم احجي كل شي اله واخلي
نارهم تاكل حطبهم الي عليه احجي وبعدها اتزوج تُليد
وابتعد عنهم كلهم
يكفي الي شفته منهم يكفي اذيه يكفي حرمان
تعبت كلش تعبت
طلعت من الغرفه صح ارجف بس خلاص انا نويتها
وشنو يصير ويا وب امه او زوجه خلي يصير
ويلعن الساعه الي صرتوا بيها اهلي

لكيته كاعد ويهز برجله وكفت كدامه وانا ابجي وامسح
دموعي كتله عايين عليه ..
رفع راسه وهو خازرني
ماحجيت اي شي رفعت ايدي وصرت افتح ازرار القميص الي لابسته انا بس شنو احس اديه يرجفن
كلش خجلانه ومستحيه بس خلص انتهينااا
لهنا وبس

رهبار : خزرها ، شجاااي تسوووين

ريفان : ه..هسه تشوف ب.بعيونك

خزرني و وكف ع طوله اعرف باله راح بعيد بس
ما اسكت بعد خلي يعرف حقاره امه واخته ومرته
تقرب مني لزم ايدي انا بعدت عنه ، بسسس لحظه هسه تشوف بعيونك

رهبار : لاتمصخيييهههااا

ريفان : فتحت القميص وطلعت الحرق
صحت بي ، عااااين بعيييونك اهلك شنووو سووا بييه هن بسببهنن قبلت بسببهن قبلت اتزوج تُليد وانا احبك
انجبرت وانا ردت انتظرك حتى لو تمر اسنين
بسس ما خلني جبرني حركني واذني وطردني وخلن شخص راد يعتدي عليه
كل شي سوووون بيه وانا تعبت مليت
وانتَ بعيد عني بعيييد ما اكدر استنجد بيك
ماكدر لهذا اخذت من تُليد طريق النجاة
وتزوجته حتى اخلص من امك وشرررهاااا ...

___________________

للحكايا بقايا ♡

شنو رأيكم بالاحداث الي نزلتهن ع الانستا نصدمتوا مو 🙈❤️‍🔥

حسابي الانستا 🦋