رواية دجن الضليع الفصل التاسع عشر 19 - بقلم رهف علي

نبدأ بذكر الله ﷽💛✨

يبنيات التصويت 🦦💚

#دجن_الضليع
#بقلمي_رهف_علي

‏چا غير اليـروح ايروح كلشـي وياه
چا ذني العـفتهن بيـش اداويهــن؟!

_________><_________

سيلينا : مرت الايام بصوره لا تُطاق
حرفياً تعبت بيها بصوره عجيبه
ماكدر اوصف حالتي ولا اكدر اشخصها
الي اعرفه انا من سيء للأسوء
هذا كل الي اكدر اكوله ..

عدت الايام ومرت فتره طويله ع
وفاه ام دابر رجعت اخته استلمت
اخوانها الي ما متزوجين وتريد تزوجهم
لان وحدهم مستحيل يدبرون نفسهم
وهم عائله كبيره وأم دابر الله يرحمها جانت هي إلى لازمتها ويه جناينها
بس راحت وهي اساس هل بيت لهذا كل شخص
صار الحاله وضروري شخص يسد حاجاتهم

وطبعا كلها تصير خطبتها الا هوَ كل ما يشوف اله
وحده لو ما تعجبه لو تتفركش الخطوبه
سبحان الله ماعرف ليش هيج وشنو السبب
معقوله لان نفسي بي واريده ؟ معقوله لان
احبه واريده هيج الله يسوي بي ويبهذله
خاصه هو عرف حبي اتجاهه وجرحني واذاني بكلامه

صح انقهرت بس ما بيدي اسوي شي
شسوي اعترفت اله وهو ما اهتم رزلني
وحظرني قابل اروح اتوسل بي ؟ اكيد لا

مره اخته تروح ويا مره اخته وعمته
ومرات ماما تروح ويا حتى يخطبون اله
كل هذا وانا ع عصابي
من ترجع ماما بعد ما يشوفون العروس
تجي تحجي يمي دكول ..

ام زياد : لج ابد مو حلوات يلعبن النفس
نريد وحده زينه ماكو
وهي سبحان الله رأسآ تتفركش وماتصير

سيلينا : اعرفها ماما دكول هيج حتى لا انقهر
لان هي حست بيه او الاكثر عرفت بيه انا
احبه واريده لان دوم تشوفني اتصفن من
تجي سيرته لو اتحسر لو انقهر من اسمع بي
خاطب
لهذا عرفت بيه احبه بس انا سويت نفسي ماعرف
ان هي تعرف حتى اتفاده الاحراجات
وما انحط بموقف محرج وياها
لهذا ابقى ساكته
وما احجي اي شي
وهي تستمر تحجي بكلام يطيب خاطري
بخصوص البنات الي راحو الهن

بس الى متى ؟؟؟ أولى وآخرها راح يتزوج
قابل يبقى هيج اعزب طول حياته ؟
هم يريد شخص يكمل ويا حياته.
وانتِ ياسيلي ابقي هيج وحيده وانتظري
تخسري ..

بيوم شتوي صادف الجو مطر
والأجواء تثلج ثلج حيل بارده
جنت هستوني كاعده
اهلي قبلي كاعدين ومتريكين ومخلصين
لهذا كاعده انا يم الصوبه ادفي نفسي من البرد
جان يندك الباب
راح اخويه الصغير فتح الباب ورجع

دخل هو ودخل ورى دابر بقيت فاتحه عيوني
هذا شجابه نوب الي خله نظراتي
تجمد بمكانها هو شكله
الي اخذ عقلي بي جان حيل أنيق ومرتب نفسه
إلى درجه مو طبيعيه
بوقتها لابس اسود ب اسود تشيرت ابو الرقبه
وكوت وبنطرون وحذاء يلمع بعز هل مطر
يعني اناقته وشياكته تصفن

بقيت فاتحه عيوني واعاين عليه
شنو هذا وين جان وليش هيج أنيق لهاي الدرجه

هو كعد بقرب الصوبه وانا شوي قريبه
يعني صارت بينه مسافه
حط اديه حتى يدفه لان الجو بارد كلش
عاد ماما سألته ..

ام زياد : ها امي وين ..

دابر : والله يا عمه رايحين انا واختي نشوف بنت واجيت حتى انتِ تروحين ويانه وانا اعتبرج بمقام امي

سيلينا : اول ما نطق كلامه بسرعه سرت رجفه بجسمي
حسيت ب اختناق كبير
ايدي لوحدها صارت ترجف بحيث رجفتها صارت واضحه رفعت ايدي الثانيه وخليتها ع ايدي اخفي بيها رجفتها بس وين هيهات
احس كلامه جان الي سهام نبتت بكلبي

ام زياد : ها ، اكيد يمه وانا هم اعتبرك حالك حال ولدي
بس ماكتلي منو هي تعرفها لا

سيلينا : عيوني عليه ما لتفت عليه ابد
بس موجه نظراته ل ماما
ويحجي وياها بس روحي احسها جاي تنسلب مني
ويه كل كلمه يكولها

دابر : لا والله ياعمه ماشايفها هي تصير اخت صديقي
وناوي اتقدمت ونشوف
وانا اعرف صديقي شنو والنعم منه هو وعائلته

ام زياد : هزت راسها بهدوء واردفت ، صار يمه
شوكت ما تريد نروح ماكو مشكله

دابر : اليوم

ام زياد : بعيوني يمه ..

سيلينا : صرت اجر النفس بالكوه احسه يعزف ع اوتاري
كلبي ويحزني بتصرفاته
اعاين عليه شلون يحجي بكل هدوء و اريحيه
و لا كان انا يمه ومذبوح كلبي بسببه 

ماكدرت اتحمل وانا اعاين عليه شلون
مامهتم الي
عفتهم ومشيت بس رجفه ايدي صارت اقوه
رحت للمطبخ اريد اشرب ماي لزمت الكلاص ب ايدي وماسيطرت عليه وكع من ايدي وتكسر
سحبت نفس قوي وانا اقوي نفسي حتى ما ابجي
كافي بجي كافي

دخلت ماما للمطبخ شافتني ألم بالكزاز
هزت راسها ب اسف واجتي
بصفي انا وكفت وخليت ايدي ورى ظهري حتى ما تشوف شلون ترجف بصوره مو طبيعيه
نزلت راسي محرجه منها وخجلانه

هي ربتت ع ظهري وبعدها مسحت عليه بهدوء وهمست الي بحنيه ..

ام زياد : يا ماما واضح مو قسمتج وما مكتوبين
البعض يعز عليه اكولها لبنتي بس ماريدج
تبنين امال ع شخص مو الج
الله قاسم الج قسمه من انتِ ونطفه ببطني
مانكدر نلعب بالاقدار وهي مكتوبه
لو هو فعلاً الج راح تلف بي الدنيا وترجعه
كدامج و لو مو الج صدكيني مكتوب الأحسن
منه خلي ايمانج ب الله قوي وقوي نفسج
لاتصيرين ضعيفه انتِ بنته ال ابوج
لا تحنين ظهرج ابد ..

سيلينا : كلامها شكد ما هو قوي ويطيب خاطري
بس ماكدرت احصل اي استجابه من
كلبي حقير ويريد اذيتي
شكد ما احاول اكون قويه واخلي كلامها
كدام عيوني بس ماكدر
رفعت راسي اعاين عليها هي تعاين ب اسف
مابيدها شي ..

هزت راسها بهدوء وراحت سوت ريوك ل دابر
من خلصت أخذته وطلعت من المطبخ
غمضت عيوني ب اسف مابيدي اسوي اي
شي الواضح المكتوب ما منه هروب

مر الوقت وهو يمنا إلى أن جهزت ماما أخذها وراحوا
بقيت ع اعصابي
اروح وارجع بالغرفه احس الغرفه خنكتني
تركتها وطلعت برى بالحديقه
بملابس خفيفه اول ما طلعت ضربني الهوى بارد سحبت نفس بكل قوتي
ورحت كعدت ع الدجه الموجوده بالحديقه
حتى بروده الجوه ما حسيت بيها
ابد بقيت صافنه وبالي راح للبعيد

فجأه حسيت بشخص يمي غمضت عيوني وفتحتهن
لكيته دابر وبدأت مأساتي اليوميه كالعاده
واحلامي الواقعيه الي ما ترضى تتطلع من بالي
كان هو فعلا يمي وبصفي مرات احس هذا
الشي الصالحي ومرات لااا يدمرني

ماحسيت بالوقت الا وباب البيت ينفتح
لتفتت بسرعه لكيتها ماما
بس دخلت بدون ما تنتبه عليه
وماكو دابر وياها يعني وصلها وراح
بقيت كم دقيقه وبعدها وكفت تمشيت بهدوء ودخلت

سمعت صوت ماما تحجي ويا بابا وهو يسألها
وهي تجاوب بس ماتوقعت جوابها يكون كسره قويه
الي ويهدمني

_ اهـــــل البـــــنت وافـــــقوا وحـــــددوا ســـــريع موعد الخـــــطوبه وبعد اســـــبوع أتـــــم ..

سيلينا : ماسويت شي تركت المكان بدون ما يحسون
بيه وصعدت خاليه بدون مشاعر بدون
احساس بدون روح ، داخله بسبات..

دخلت الغرفتي وسديت الباب دخلت بفراشي وتغطيت
صار جسمي يرجف وحرارتي ارتفعت
بحيث اسناني صار سن يطك بسن
غمضت عيوني احس جسمي تكسر
والم بجسمي قوي خمول صابني
وصرت فد مره

غفيت ماحسيت ع نفسي الا وانا فازه
ع بروده قويه فتحت عيوني بخمول
شفت ماما فوك راسي وبابا
يحجون وياي بس ماكدر ارد مابيه حيل
حاولت أبعدهم بس ماكدرت
رجعت غفيت وما حسيت بشي

فتحت عيوني ماحسيت الا بضوه
صار بعيني رجعت غمضت وفتحتهن مره ثانيه
إلى ان كدرت افتح عيوني
احس جسمي مكسر بلكوه تحركت اعاين ع نفسي
شبيه هيج فجأة صار بيه يمكن بسبب
كعدتي البارحه برى بالحديقه لهل السبب يمكن اي صح

وكفت ع طولي ملابسي مغيريهن هاي اكيد ماما والبنات وياها هزيت راسي ب اسف
اكره نفسي من اتمرض لان اوكع لا ايد ولا رجل

بعد ماغسلت وصحصحت شويه نزلت جوه
جانوا يحجون موضوع دابر
ماسويت شي هم من شافوني اجوي عليه
يقيسون حرارتي ويشوفون اذا لهسه مريضه او لا

عده اليوم بلكوه إلى أن مر اسبوع واليوم هو
يوم خطوبته تنهدت بقوه وانا اعاين ع الملابس
الي كدامي فستان خطوبته اي انا قررت اروح
ماما كالت ابقي بس انا ماكدرت اريد اعاين بعيوني
خطوبته حتى عسى ولعل اقطع الأمل
وحياتي تمشي طبيعي ..

كملت تجهيز نفسي مكياج ما خليت بس قليل
اخفي تعب وجهي بي
نزلت جوه لكيتهم متحظرين ابتلعت ريقي بصعوبه وصعدت بالسياره وانا ساكته
مانطقت بحرف واحد
طول هذا الأسبوع وانا خاليه من الروح
وامشي كان جثه هامده
حتى كلامي ويه اهلي قليل ورجفه ايدي مستمره هي هي ماتغيرت
صافنه وبالي بعيد إلى أن سمعت صوت بابا يكول يلا انزلوا خلي أصف السياره

ماحسيت بالوقت معقوله ! لهل درجه واصله انا ؟

هزيت راسي ونزلت بهدوء واكيد اول ما دخلنا
للبيت استلمونا بالسلام وانا عيوني اطير من مكان المكان ماعرف شبيه عبالك مضيعه روحي

بس اريد اعاين عليه اخر مره وهو مو بأسم غيري
بس اريد اعاين عليه قبل لا وحده ثانيه تأخذه مني
بس اريد اعاين عليه لآخر مره حتى اطلعه من كلبي

هناااااك وسمعت صوت هلاهل قويه
لتفتت و عاينت ع الدرج جان هو ينزل ولابس هذاك البس الانيق المرتب والشعر المصفف بصوره حلوه
والابتسامه الهادئه المرسومه ع ثغره
من عاينت عليه سريع رجفت ايدي ونرسمت ابتسامه ع ثغري وكأن اشوف حلمي ينزف الغيري
هو فعلاً هيج اي هيج ..

سحبت نفس اقوي نفسي وماريد أضعف
بقيت راكنه نفسي بنهاية المكان بالباب
واعاين وهو يحجي وياهم بهدوء
يرد عليهم إلى أن صاحوا إخوته تركهم وراد يطلع
مدنك راسه بس من وصل للباب رفع راسه وصارت عيني بعينه هنا حسيت الوقت تووقف
ماعرف ليش تمنيت يحس بيه ويبطل هذا الزواج الي راح يتم
عضيت شفتي بحسره هو عاين عليه وطول بنظرتهة
إلى أن فزيت ع صوت واحد يصيح ب اسمه
هو مثل الي فز وياي هز راسه وطلع

بلكوه تمالكت نفسي ضغطت ع ايدي وكعدت
بمكان شوي بعيد عن الهوسه إلى أن كالوا يلا امشوا نروح البيت العروس
دكات كلبي زادت اكثر من قبل
احس بس واحد يكول شبيج ابجي
صدوا بالسيارات وانا صعدت ويه بابا
وماما مسافه الطريق كلها وانا اردد بداخلي

اصبري سيلينا لا تصيرين ضعيفه
حتى لو تحبي حتى لو راح تشوفي يخطب غيرج
كدام عينج لازم تكونين اقوه من هيج لاتخلين
شي يهزمج،  جنت احاول اصبر نفسي بنفسي بس هيهات يقتنع كلبي

وصلنا كثر ما هواي ناس جايين الباقين بقوا برى
دخلنا من بعد السلام
شفت العروسه صارت كدامي
بنت عاديه بس حلوه جانت لابسه ابيض
حتى يعقدون تخيلت نفسي بمكانها
صارت حسره بكلبي شكبرها
والغصه وصلت البلعومي شوي وابجي ..

بقيت بس اعاين بهذا وبهذاك حتى ماتنزل دموعي
ماما كل ما تعاين عليه كأنها دكول لاتضعفين
وانا ارد الها الابتسامه ع ان ماكو شي وانا مو ضعيفه
بسسس ياماما لو تفتحين كلبي تنصدمين
بالتشوفي..

كالوا راح يعقدون وانا وصلت ع حافه الانهيار
عيوني غوركن بالدموع
ودكات كلبي زادت ايدي رجعت ترجف
واحس العالم صار بس انا وهو وهي والسيد الي راح يعقد الهم بقيت اهمس ، يارب الهمني الصبر بس هل دقايق ومن اوصل البيت عادي حتى لو متت المهم
خلي يعدي هل يوم ع خير صوجي انا اجيت ياريت لو سامعه كلام ماما وما وصلت لهنا ..

كعدت البنت ورى الباب وبدأ السيد يقرأ
ثواني وسمعنااا صوت قوي صاح
ااااووووكفوووووووا ..!!!!!!

________♡_______

دهليز ..

الأمر أشبهُ بِرصاصهَ تؤلمُ ولاَ تميتُ .
لكن مُت وانا ؏ قيد الحياه

القدر
دومه يلعب لعبته ويانا
مره ضدنا ومره ويانـــــا
مره يسايرنا ومره يعاندنـا
مره يعودنا ومره يصدمنـا
مره يسترنا ومره يهددنـــا
مره يرفعنا ومره يهدمنـــا
مره يعلينا ومره يهينــــــا
مره بيضنا ومره سودننـــا
مره يحينا ومره يقتلـــــنا

هل مره سواهن ويانا كلهن صار ضدنا ، عاندنا، صدمنا ،هددنا، هدمنا ، هانا ، سودنا،  وقتلنااا ..

شكد نتحمل بعد ونصدمد ؟ الحد شنو
ومنو الي يساعدنا شلون راح نرجع نوكف ع حيلينا
من جديد شلون نوكف بوجه هذا التيار
ونعاندا حتى نكون ربحنا بهاي الحرب مو بس المعركه
وطلعنا منها منتصرين شلللون ؟؟؟؟
اعتقد ماعدنا اي جواب وللأسف الشديد
ضعنا وضاعت إيامنا

كاعده ادحك ع الوجوه وانا ملامح وجهي باهته
ع مصدومه المكان هدوووء وصوت الانفاس
يعلى اكثر واكثر
ماعرف اذا هاي انفاسي اناا او انفاسهم هم ؟
كأن ماعندي قدره حتى احجي شي ؟
كأن كل شي مات كدامي وماعاد ينفع شي ؟

كاعدين كدامي بحقاره وخباثه تملي وجوهم
وهم يحددون ويقررون حياتي ومصيري
يقررون مستقبلي وكل عالمي
عيوني كل شوي تروح المكان وكأن تريد تصدك الي دايصير هساع وبهذا الوقت

عيوني انتقلت ادحك لعمامي ل أولادهم رجعت انتقلت
ل بشار ل اهلي ل اخوتي ول امي
تركزت عيوني ع ماما الي دموعها بعيونها وانا ادحك
حزن الكون بيها
رجعت نظري ع بابا هم كذلك
اخوتي ! كلهم

المعروف النهوه مستحيل تنفك الا هو صاحب
الانه يفكها ومستحيل البنت تتزوج الا هو
يقرر يتزوجها هو لو يفك النهوه ويتركها
مايكدر ابو البنت أو اخوان البنت يمنعون هذا الشي
بحكم النهوه مستحيل يكدرون الا اذا نهوا حياتها ل بشار وهذا مستحيل
يعني هساع انا حكمي صار بشار صرت ب ايدو
هو الي ياخذني بهذا المكان و يوديني بمكان ثاني

ادحك بوجهو وهو يدحك عليا بس ماكو اي
تعابير ادل ع الفرح غير تعابير ادل ع القوه والسلطة
وكأن يكول هساع انتِ بيدي مالج مكان غيري

همست بهدوء وانا ادحك بيهم مـــــاقبـــــل ...

غمضت عيوني وانا اسمع حسو شلون صار عالي
انتفض وصار يصيح اكيد تحبو لهذاك الاشكراني
اكيد تريدوا اكيد بينهم شي انا متأكد
بس بابا وعمو خرسوا وسكتوا عن كلاموا هذا
رجعو عليه وهم يحاولون وياي تا اقبل بحلهم
بس انا وين وهم وين لو تنطبق السماء ع الارض يابشار انا ما اكون الك

وكفت وانا جسمي انتفض ويرجف وصوتي بالكوه
طلع من صدمتي بالصار وخوفي لا يبعدوني عن اللهيم والله حياتي تنعدم وتصير بخبر كان

حرام عليكم شلون هيج تسوون وياي
ليش تريدون ادمرون حياتي بهذا تصرفكم هاا
يعني هاي لوو وحده من بناتكم واحد من اخواني او غيره سوا بيها هيج راح ترضون؟ لو لان انا دهليز
ماكدر احجي تاخذوني بسكوتي
دحكوو بهذا تصرفاكم انتو راح تخربون حياتي
شنو انا لعبه عندكم تاخذونها شوكت ما تريدون
وترموها شوكت ما تملون ؟

بشار : صاح بصوت عالي وهو عصبي ، دهليييييززز ول لسانج يامصكوعه شلون تحاجينا بهذا الشكل
شنو هذا طوله ال الساااان
اشو تقبلين و غصب عنج ورجليج فوك راسج فاااهمة

دهليز : ضربت ع وجهي وصيحت ، ما اااسكت مااا اسكت ليش هيج بشنووو اذيتكم حراام عليكم

صار الصياح عالي وكلها ضجت ناس تأيد القررار
وناس لا ، اخواني ما قبلوا وصاروا يتصايحون
ويه بشار بس هو ركب راسه

ياهل مركب يا ما اركب قصده عليه
يعني لو انا يا ماكو قفل فد مره ..

دمر حياتي وسواها حطام
بعدها طلعوا وهو يصيح بصوتو العالي ..

بشار : خليييهااا تقتنع وتحاول تستوووعب يا انا
ياااماكو غيري غصب عنهااا واشوف
يا انا يا هذاك ال ****

دهليز : لطمت ع وجهي وانا ابجي
عفتهم وصعدت فوك اريد اطلع حركه كلبي
اريد ارتاح اريد اموت واخلص انا
كلش ضعيفه من يوصل الموضوع عن الشخص الي احبو اموت ولا يبعدوني عنو انجن

قفلت الباب وهم خسفوا بالدك يردون اطلع
يخافون لا اسوي شي بنفسي
بس انا وين قفلت وعاندت وصيحت يبعدون عني
هم ورى فتره تركوني بس بقوا كل شوي واحد
يجي يدك الباب حتى يتأكد ما مسويه شي بنفسي

كعدت بزاويه الغرفه وانا لأمه رجليه لصدري
وصافنه بالفراغ حتى تفكير ما افكر
اريد بس يخلص الوقت اريد الله ياخذ أمانته وارتاح
عبن تعبت وتعبوني وياهم
جثير

مر وقت جثير
وهجست الباب ندك ماحجيت بقيت ساكته
هناك وجان يجيني صوت كيناز وكفت ع طولي
فتحت الباب وارتميت بحضنها الى انحب من البجي
وهي ماتحجي شي بس تحاول تسكتني وتهديني
تعرف ما بيدها شي تسوي ولا تكدر تساعدني
بس تكدر تسندي

دخلتني للغرفه وسدت الباب وكعدتني وهي بصفي
لازمه اديه رفعت راسي وانا ادحك بوجها همست الها وصوتي رايح من البجي ..

_ عرف ؟

هزت راسها ب اسف واردفت ..

_ اي عرف

ابتلعت ريقي بصعوبه

_ و .. وشنو صار ؟

عضت شفتها واردفت ..

_ كوم البيت وما كعدوا

نزلت دموعي وانا اتخيل شكلوا اكيد هساع
مقهور مثلي واكثر رديت عليها

_ وبعد لاتسكتين احجي عن لهيمي

_ لولو انا اجيت علمودج هو جابني والطريق كله يوصي    هو كال روحي يمها خاف تسوي بنفسها شي لو تتهور
ويكول خليها تتطمن غير لل اللهيم ما تصير

بجيت من كالت هيج يعني بعز قهرتو فكر بيه انا
وما فكر بنفسو هزيت راسي الها وهمست ،

_ اريد احجي ويا

_ هاج هذا الجهاز

سحبت الجهاز منها وهي ساكته ادحك بوجهي
ب قهر حتى ما خجلت منها و لا استحيت اتصلت من اول رنه فتح الخط اسمع حسو يكول بلهفة وخوف ..

( هااا خيتي خما لولو بيها شي كولي تردين اجي
صاير وياها شي ) ؟

بهذا كلامو جان كفيل يخلي دموعي تنزل وانهار
شهكت بصوتي العالي وبجيت من كل كلبي
هو يصيح يريدني احجي وابطل بجي بس وين
اكدر حتى ما اكدر اسكت
عاد كيناز اخذت الجهاز مني وحجت ويا
اسمع صوتو العالي يكول

( بس سكتيهاااا عليج الله سكتيهااا كلبها راح يووووكف راح يصير بيهااا شي سكتيها لاتبججججي )

وانا كل ما اسمعوا ازيد إلى أن صار يهددني بصوت عالي يلا كدرت اسكت بعدها انطتني الجهاز وتركتني وطلعت خليت الجهاز ع اذني واجاني صوتو

_ اااااخخ بويه بختج انج بعيده عني جان عرفت شلون اجرم بيج

سحبت نفس وانا احاول احسن صوتي حتى احجي

_ نهزمناا

_ اردف بصرامه ، تخسين ع هل حجابه

_ احجي الحقيقه

_ وانا وين رحت ؟

_ نزلت دموعي بهدوء بدون صوت همست ، هو معاند

_ وانا اعند منه

_ بس هو أقرب بالدم

_ وانا أقرب من الروح

_ انتَ روحي

_ جا شلون تسمحين دموعج ينزلن وتأذين روحج
وتأذيني وياج

_ مو بيدي شكد ما انا اكون وياك قويه بس الكه نفسي ضعيفه بمجرد ما ماتكون يمي قريب

_ انا ويه كل خطوه تخطيها وياج ماتخلى عنج لو اصبر دهر كامل

_ همست بخنكه ، راح اتعبك وياي جثير

_ ظهرت قهقهة هادئه بعدها اردف ، التعب وياج راحه

_ هنيالي بيك لهيمي

_ يهنيال كلبي بيج دهليزي

دهليز : استمر اللهيم وياي وما تركني ابد ابد
بحيث حتى دراسته هملها بشكل مو طبيعي
دائما يحاول يهديني ويطمني انا ألو وهو الي
وهذا الشي الي مبقيني ع امل

كررت جيات بشار لبيتنا وبكل جيه لازم ينغص عليه يومي ويهددني حتى اقتنع وانا راكبه راسي
يحل ينولني الحقير
عبالها انا هينه واقبل بس مجرد ما يهدد

اللهيم ما بطل مني ورجع يدز الهلو تا يطلبوني
اهلو ناس حبابين ومحبوبين ويحبوني وانا هم احبهم
و عبن ابنهم يحبني يسوون المستحيل تا ياخذوني اله
وابد ما رفضوا بالعكس كذلك هم أصروا
بكل مره يجي يطلبني بشار يوكف بالنص ويعرض
وأهلي مايكدرون يسوون شي عبن هاي نهوه
لو مو ابن عمي جان زوحوني لل اللهيم بدون
كلمه منه بس الي واكف بنصنا النهوه الله لا يرضى عليها ولا ع هاي العادات الدمرت هواي ناس
واولهن انا

اللهيم صار يدز شيوخ كبار وناس واصله بس ولا فاد ولا جاب اي نتيجه إلى أن رجعوا عمامي ورجعوا فتحتوا الموضوع ويانه اخرها كالوا

ابو بشار : هاهـــــي مو ســـــنه بس شـــــهر واحد أو شهريـــــن يتزوجـــــون ويـــــتطلكون بس يفكـــــونا من النـــــهوه ماصااارت هاي ســـــالفه بنـــــيه ما نكـــــدر الهـــــاا

دهليز انا بس سمعت كلامه رحت طايره
للغرفه اخذت جهاز مااما واتصلت ع كيناز
هي فتحت الخط بعدها ما حاجيه كلت الها

ووين اللهيم ؟؟؟

كيناز : ماعرف يمكن طالع برى شبيج ولج

دهليز : ولج سررريع دحكي وينو وخلي يحاجيني هسااااع ضروري

هي خافت وراحت ادور عليها ماكو بالبيت طلعت برى ولكتها هستوه جاي يدخل راحت وانطته الجهاز
هو كال الو بس صوتو جثير خايف

بدون اي مقدمه وانا دموعي تنزل وانفاسي منقطعه
اردف برجفه ..

دهليز : لهيـــــمي خلـــــينا ننهـــــزم هـــــسااااع

__________♡_________

ريفان ..

عود آني حالف ما أحب
بس أنتَ أجيت بدربي
لزمة حمامة بچف طفل بالگوة لازم گلبي !

ابتلعت ريقي واردفت من بين خيباتي ..

_ غـــــوح ..

عم الهدوء الدقائق غير معدوده بعدها اردف بعدم فهم .

_ شنـــــو ؟

ريفان : غوح منا غهباغ اذيتني هواااي

رهبار : سحب نفس بقوه واردف ، حقج بويه انا انسان ما استاهل بس

ريفان : تعغف شغله ؟؟ هو سكت بس انفاسه ادل ع وجوده انا استرسلت بكلامي ..وانا اكتم شهكتي ودموعي تنزل

تعغف شغله انتَ شنو جنت بالنسبه الي ؟ جنت العاالمه كله ، الكون كله بكفه وانتَ بكفه ثانيه
هيج فجأه انقلب الوضع عليا وهدمني انتَ بيدك هدمتني كل فغحه ماخليت الي
جنت متوقعتك انتَ غيغ عن الناس وما تكون
بيوم تأذيني بعد الصاغ قبل بس هسه اكتشفت انا
انتَ مثل كل شخص اذاني ومارحم ضعفي ابد ..

احجي وابجي وهو يتحسر بقوه همست من بين دموعي وانا كلبي اذاني اكثر

اكثـــــغ شـــــي أذانـــــي انُ هـــــذا الجغـــــح اجـــــه مـــــن ايـــــد الشـــــخص الـــــي يعـــــز علـــــيه اذيتـــــه ..

ماحسيت الا ضربه قويه صارت فزيت
ع طولي خايفه بعدها صار هدوء عارم
استغربت وخفت بس لا صار بي شي
فتحت الباب طلعت لكيت الشباك
الجامه مالته مكسوره والكزاز مطشر
بكل مكان خفت لا مأذي نفسه

لتفتت اريد اشوفه وينه جان الكاه بوجهي
فزيت وردت ارجع للغرفه حتى اقفل الباب ب
لان الواضح هو ما بي شي هستوني ركضت
جان يلزمني من ايدي وسحبني بقوه لناحيته
اخذني لغرفته هي تصير يم غرفتي دخل وسدت الباب
انا انتفضت وصرت اضرب بي حتى يتركني
بس وين هيهات استاذ رهبار يلبي طلبي

ماكدر اكون بغرفه وحده ويا ماكدر
اعرف بنفسي ضعيفه تجاها لان احبه
صحت بصوتي وانا تهسترت ضربته
ودفعته .. لك عوووووفني وووخع عووووفني

عاط بيه بصوت عالي وسحبني الصدره خلاني انخلس بمكاني ..

رهبار : بسسسسسسسس لج بسسسس كااافي

ريفان : بجيت وانا احس كلبي صار اثنين
ماتحمل هيج وضع رفعت راسي فجأه صارت غرفته
بوجهي مامنتبها عليها من دخلت
بس هسه انتبهت عليها غرفه عريس!!!
اي غرفه عريس فجأه جسمي انحل وصرت
ماي ب ايده بهت لوني وعيوني صارت تفتر
ع الغرفه هو حس عليه وزفر انفاسه بقوه ولزمني
اقوه عبالك راح اطير منه ابتلعت ريقي وانا
اعاين بنظراتي وبكلبي الي انخذل منه
ع جهاز العروسه السرير ، الكنتور ، الديكور ، كل شي بيها يخطف الانفاس كل شي بيها يجنن
ابتلعت ريقي بصعوبه وعيوني صارت ع
الورد الموجود ع السرير
حسيت بعد ماكدر اسحب نفس

فجأه ايد صارت ع فكي سحبني بهدوء من فكي
وحط وجهة بوجهي عاين عليه بنظرات
كأن يكول لا تزيديها عليه هزيت راسي اله وهمست..

_ جايبني هنا حتى تشوفني غغفتكم( غرفتكم )
حتى تشوفني انتوا سوا وتحغك كلبي غهباغ

هو خزرني وانتفض بعصبيه ..

رهبار : وججج لاااااا لاااا تعرفين انتِ الهوى الي اتنفسه
بس نسيت الغرفه وصاحب الغرفه وكلشي
ردت بس احجي وياج مااا ردت شي مااررردت
يا أمه الاسسسسلام

ريفان : نزلت راسي وهمهمت اله بهدوء وردت اطلع لزمني من ايدي رفعت راسي اله ، عاينت بعيونه واردفت ، كافي اذيه لحد هسه تعبت تغيدني اموت يلا تغتاح ؟؟

هو ترك ايدي وعيونه بيها خزن حيل كبير
بس شبيدي كله بسببه انا عفته وطلعت ركض لغرفتي
احس كلبي حيل ياذيني
بقيت افتر بالغرفه اريد اهدا ماكدر نار وتسعر بداخلي
شلون بيه شلون ضربت راسي بالحايط
اريد اهدي الالم
بقيت ع هل حاله الا ان طلع الصبح اسمع بس هوستهم جوه وهو صوته كلش عصبي يصيح عليهم
يرزل بهذا ويرجع بهذا

كمت غسلت وجهي اريد اصحصح غيرت ملابسي
ونزلت بكل هدوء صبحت عليهم وهو سكت من شافني
ماحجه ولا اي شي حتى عصبيته راحت
ابتسمت بطرف شفايفي ورحت يم ماما
هي تصبر بيه وتحاول تواسيني مو الج وماعرف شنو من هل كلام بس شنو يفيد ؟؟ والحب ؟؟

مر الوقت وصار لازم اجهز نفسي دخلت سبحت وطلعت اريد اوكع التعب من جسمي بي هي روحي التعبانة
لهذا ما يفيد اشتريت انا وماما فستان
قصير لنص الساق لون اسود برمت شعري وتركته مفتوح وغيرت من شكلي خليت مكياج وركزت بالكحل لعيوني حسيتهن برزن اكثر من قبل
خفيت التعب جوه عيوني سحبت عطر ومليت نفسي
بي لبست الكعب و وكفت كدام المرايا ..

انتِ قويه ماكو شي يهزمج وغاح يعدي هذا اليوم ع خيغ لا تكونين ضعيفه غيفان ديغبالج ..

سمعت هوسه اكيد بدوا المعازيم يجون
سحب نفس قوي وطلعت من غرفتي نزلت جوه
لكيت الناس هووواي أقاربه واعوائل أصدقاء رهبار
يعني خير من الله مليان البيت وحتى الحديقه جهزوها للزلم برى رسمت ع وجهي اكبر ابتسامه وهميه وصرت
استقبل المعازيم واسلم عليهم ويه ماما وايلان وعمتي

مر الوقت واكفه انا اعاين عليهم يركضون
جان اسمع صوت ماما تصيحني رحت يمها لكيت بصفها
وحده متوسطه بالعمر وحلوه لبسها راقي
وشكلها بششوش الشخص يرتاح من يشوفها
ابتسمت بهدوء وهمست ..

ها ماما صحتيني ..

الحجيه : اي يمه تعاي اعرفج ع بنت عمتي .

أم تُـــــليد ..

وهاي بنتي ريفان ..

ريفان : ابتسمت بوجها وسلمت عليها وهي اكلتني بالسلام شلونج وشلون صحتج ووو حجي هواي
اخرها تركتها ورجعت مالي نفس ابد
حتى ارد واجامل..

كالوا راح يدخل العريس يم العروس
وهن كلهن تحمسن ويضحكن راح يدخل بعد معاناة
لان ماقبل يدخل وبالكوه دخلوا يم العروس  ..

اعاين عليه وأنا ورى البنات شلون دخل
بهيبه والقاط الأسود الي لابسه طوله
ضخامته شكله كل شي بي يجذب
عيوني نملن دموع وانا اراقبه شلون راح كعد يمها
بس شنو كل شوي يحاول يرفع راسه يشوف ويرجع
ينزله لان بنات هواي ومايكدر يعاين
عرفته يدور عليه

شغلوا الاغاني والنسوان الكبار كالو يلا اركصن شنو هو عرس لو عزاء وين اخوات العريس
شو ماكو ؟؟ انا بوقتها خفت يعني اكيد راح يسحبني بالنص
ردت انهزم بي نلزمت للأسف لا مفر
ابتسمت ودخلت شنو يعني ع شنو خايفه
خليني اشوفه انا ما مهتمه اله وهو صار بخبر كان
يكفي حزن من هل مره هو طلع من حياتي

دخلت بالنص وايلان هم موجوده واقاربنا كلها تركص
وهوسه صرت بنصهن  وصارت عيني بعينه
من حركه كلبي
صرت اتمايل ويه الاغنيه واركص
بهدوء هو تخبل احسه شوي يكوم يسحلني من نصهم ويشبعني كتل بس يستاهل خلي احرك كلبه
مثل ما حرك كلبي صرت اضحك وانا اركص بهدوء واتمايل وكل شوي عيوني تروح اله
يخزرني يردني اطلع من النص بس انا عاندت
وما هتميت او سويت نفسي ما اهتم
بس شنو نظراته لو جانت رصاص جان هسه انا ميته لا محال

ماتحمل شوي وطلع شكد حاولن يبقى بس هو
عند وماقبل انا من طلع بطلت ركص ورجعت المكاني
وعمتي فاطمه الضحكه مالتها شاكه حلكها اي حقها غير ابنها زوجته لوحده مثلها
وعدمت حياتنا اثنينا ودمرتنا ..

صار الليل وصار الوقت يزفون العريس
لعروسته صعدوا العروسه لغرفتهم
الغصه صارت ببلعومي وانا اهمس غرفتهم ..

وهو دخلوا يزفوا العروسته عضيت شفتي من
رفع راسه وصرت كدامه خانتني دموعي نزلن
غصب عني من عيوني سريع لتفتت ماريد
اضعف اكثر ..

صار هواي من زفوك
مازفوك ليش انطوك مارفضـــــوك ؟
قصتي وياك ماتنحل
لو بس جاي نص الليل افززلك ورد نعسان يكسر خاطر المنجـــــل .
واذا عل نده هم لتخاف ياعنكود سالفتي
انه محضر عنب گصتـــــي.
تعال وكلشي الك مضموم
عازلك نفس مرتاح يتلكاك مدري شلون
عازلك حرز عشاك
عازلك ام سبع اعيون
عازلك حضن بكفاي احضنك وين ماتـــــندار
لو جدمك سحك دربي
عازلك شويه هواي من كلبي
عازلك غزل بعتاب
وسوالف غرفه مال اخشاب
تعال ثنينه اتلاثه !
تعال الخاطر الواهس
ولو ثالثنه هم ماجاي بعده بطنك يرافـــــس ..

سحبت نفس وتقدمت واناا امثل القوه ابتسمت
بوجهة وهمست الها ،

مبغوك غهباغ تتهنون سوا بحياتكم ..

كان مامتوقع ردي ولا مباركتي اله بس انا
سويتها حتى يعرف انا مو انهار بعدم وجوده
هو مارد عليه بعدها باركوا اله وصعد فوك

طلعت برى بمكان معزول احس نيران بداخلي
صرت اسحب نفس شهيق وزفير
حتى ما ابجي بس خابت امالي من بجيت
ضربت ع كلبي بقوه

لج كااافي صاغ الغيغج كافي تبجين اكثغ من هيج

رجعت دخلت بعد فتره والناس كلها راحت
بي احنه اهل البيت بيقنا
من بعد التعب احط راسي وانام ردت اصعد فوك
غيرت ملابسي
ونزلنا نظفنا االبيت بس شنو كلبي احسه جمر
خلصنا وردت اصعد صارت ماما بوجهي رادت تحجي

ماحسينا الا صوت صـــــراخ قـــــوي
نازل من فـــــوك يعني بغـــــرفه رهـــــبار بقيت جامده
بمكاني وفاتحه عيوني ع وسعهن رجفت بخوف
شكككـــــووووو ؟؟؟؟؟ !!!!

_____________♡____________

للحكايا بقايا ♡

          حسابـــــي الانستـــــا قـــــلبي 🦋