رواية دجن الضليع الفصل الثامن عشر 18 - بقلم رهف علي

نبدأ بذكر الله ﷽💛✨

يبنيات التصويت 🦋
+ متابعه للحساب akyta_98

كانَ
يُطيل
النَظـــــر
إليّها
وهـــــيَ
تتَحدَّث
كَما لو أنَّ
عينيهِ
هما
اللـــــتانِ
تَسمَعان ♥️.

________●________

سيلينا : أنـــــا أحـــــبك

عضيت شفتي وانا انطقها احس جسمي كله يرجف
من الخوف والتوتر اعرف تهورت
واعرف الي سويته خطأ اكبر من راسي بس
خوفي لا يروح الغيري هو الي
اتحكم بيه وخلاني غبيه واعترف اله

هيَ مجرد ثواني وما حسيت بي الا عاط بيه
بعلو صوته وصار يصيح
عليه خلاني اجمد بمكاني جان صوته عالي
وكلامه احسه طلقه واخترق صدري ونبت بكلبي
ماتوقعت ابد هيج راح يصير بحياتي كلها ..

دابر : شنو هذااا الحجي ؟؟؟؟ انتِ شلون تحجين هيج
فهميني ، لج بويه انتِ سامعه السانج شنو جاي يحجي لو لا ؟؟؟؟؟ شنو هاي الجرأه الي عندج
حتى تخليج تتصلين برجال بتالي الليل
ودكولين اله احبك ؟ هاااااا اهلج وين عنج شلون
ينطوج بيدج جهاز اصلاً
اسمعي مني انا اكبر منج وانتِ لهسه صغيره
ومو مال سوالف الحب وهاي الخرابيط
اذا سمعتج مره ثانيه تنطقين هاي الكلمه ما تلومين الا نفسج
هل مره راح اعديها مره الثانيه ما تعدي ع خير
اجي ل امج واحجي الها كل شي فهمممتي ؟؟؟
انتبهي لدراستج ولاتفكرين لا بيه ولا بالحب
بعدين انتِ اصلاً مو بالي شايفه نفسج شكد عمرج ؟ طفله انتِ بابا طفله ..

سيلينا : احس حتى النفس ماكدر اسحبه
كلامه حيل قاسيه وياي
وماتوقعته راح يكول هيج ابد
ع الاقل مايعاملني بهاي القسوه
خلاني احس بنفسي وحده سخيفه
وما الي اي قيمه هاني وكسر كلبي بكلامه
رزقني رزاله تسوه عمري
كله
وخلاني اصير بموقف كلش محرج
حتى ماكدر احجي كلمه وحده
وفوك كل هذا قابلني برد فعل قوي منه

دابر : روحي يا بنت الناس ولا تتصلين مره
ثانيه وانا من يمي راح اسوي الازم ..

سيلينا : بقيت صافنه حتى ما كدرت احجي اي
شي هو سوا الازم ع كولته

ماحسيت الا سد الجهاز وحظرني !!!!!

يعني هسه هو حظرني انا ؟
وانا ماسويت اي شي مجرد اعترفت اله
بمشاعري تجاهة ليش قابلني بهذا الصد القوي
و رد الفعل الصادم

حسيت عيوني صاروا يحركوني
ونغزات بكلبي حيل اذتني
مراهقة اعترف بس انا بفتره حيل حساسه
واي كلمه تأثر بيه ممكن توصل الحد الانتحار
وبهذا كلامه انطاني حافز جبير لهذا التصرف
خاصه اني احبه حب ما صاير مدمنه عليه
بس لما إيماني ب الله قوي جان تصرفت هذا
التصرف ورحت نهيت حياتي
وانا بهذا الوضع

لازمه الجهاز ب ايدي وصافنه عليه
ع الرقم مالته و ع المكالمه الي دارت بينه
كم دقيقه بس هاي الدقايق خلتني اعرف
بنفسي انا شنو
وحده غبيه وتافهة هنت نفسي بنفسي
وجرحت كرامتي بنفسي

سحبت نفس وصاروا ينزلون دموعي
شوي شوي االا ان صرت اشهك بالبجي
تأذيت هواي بكلامه وما عرفت شنو اسوي
بجيت بحركه كلب
ع الصار يعني ليش هيج يشوفني أريد افهم ليش
هاني ومسح كرامتي بالأرض
زين كون وياي طيب وعاملني زين لو الا تهيني
هيج

شمرت الجهاز وخليت اديه ع وجهي وصرت ابجي بجي ماصاير
احس الدمعه تتطلع من كلبي مو من عيوني
هيج تأذيت وانجرحت
بسببه

مرت الايام وانا من سيء للأسوء
شكد ما احاول اكون زينه و اوكف ع رجلي بس مافاد
صرت اتخيله بكل مكان
انام احلم بي اصحى اشوفه كدامي
ادرس يجي بالي
صرت احلم بي احلام مو طبيعيه
يعني وصلت بيه الحال اتخيله
وهو عايش وياي. حياه طبيعيه
مابينه اي مشاكل هو يحبني وانا احبه
اي لهنا وصلت بيه
ادمرت وصرت شبه مجنونه
بي صار دابر عباره عن لعنه اقتحمت حياني

البنات وياي ع طول وابد ما قصرن
بالعكس صارن مثل الظل الي
وماتركني
بدت السنه الدراسه الجديده
وكلنا صرنا ثالث
بس كل وحده همها شكل وكل وحده مسانده الثانيه
مرات انقهر اكول ولا وحده بينا براسها خير
وكدرت تاخذ الي تحبه
ومرات اكول هو احنه حظنا سوا
حبينا الانسان الخطأ وارتكبنا ذنب بحق نفسنا
بيوم الي حبينا
بي وخلينه كلبنا يتعلق ب شخص

دهليز تعبانه بسبب ابن عمها الحقنه
الي مو راضي يتركها بحالها
الا ياخذها اله

وريفان الي رهبار تزوج غيرها
وانقلبت حياتها 180 درجه
وصارت شبه معدومه
حقها لو انا منها وشفت الي احبه
اخذ غيري يمكن انجن
اي شي تسوي حقها
وهي تعبت هواي
وقابلها ب موقف بشع حيل
هو زواجه وكل هذا بسبب منو
بسبب امه ماعرف شنو اكول عليها
بس الله يهديهم ويرجع الماي لمجاريها

انا حالتي حاله صح التهيت
بالدراسه بس صارت حاله ما ترافقني هي الأحلام
هواي احلم وهاي الشغله حيل ازعجتني
بس من ناحيه ثانيه احس موضوع الاشتياق رويته
بهاي الأحلام والمشكله صرت انا وكاعده احلم
واشوفه كدامي
كأن شخص عادي وطبيعي

من ناحيه ثانيه صاروا يزنون عليه حتى يتزوج
وانا من اسمع هل كلام
من ماما شلون يحجي الها
انغث وروحي تتطلع وابقى الوب

رجع موسم المسابقه
وانا هم رجعت شاركت بس اريد اخلص وارتاح
مم التفكير وأريد شي إلهي بي نفسي
وفعلا شاركت

فزنا واخذنا المركز الأول وبعدها طلعونا ع العراقيه
وكرمونا بوقتها من أخذنا الكأس ورجعنا للمدرس
الفرحه ما سايعتني انا بيدي لازمه الكأس وما انطي الهم رده فعلي تجاه الموضوع أخذته
وافتريت بي المدرسه
اركض بالساحه وهم يركضون ورايه علموده ويصيحون
ولجج جيبي لا يوكع بالكاع وانا ميته ضحك
لان شكلهم حيل يضحك من يركضون ورايه وانا
اركض
الطالبات والمدرسات والمديره تصيح عليه
الا ان وكفوني واخذوا مني

شويه هذا الحدث غير من نفسيتي
وارتاحيت مر كم يوم الا ان
عرفت ب دابر رايح ل إيران هو وصديقه سياحه
هاي صادف بعد دوره السنه مال والده ب 3 ايام
راح للسياحه تغير جوا
بهذن الايام الي راح بيهن انكست حاله ام دابر
وصارت حالتها خطره
يعني حتى تعبت هواي
وجنه لازمين كلبنا عليها خايفين لا تروح هي هم مثل عمو هنا صدك ماعرف شنو ممكن اتصرف
للوضع ..

وفعلاً ما طولت ام دابر وتوفت بوقتها
انهارينا بالبجي والطم شعور كلش صعب من تخسر
شخص جنت حيل تعزه انسان طيب
ما ماذي اي شخص
ولا بكلمه وحده
خسرنا انسانه بكل معنى الإنسانيه عندها
كلمتها الطيبه ، حنانها،  عطفها،  حبها ومحبيتها النا
أثرت بينا هوااي
بنفس اليوم رحنا الهم اول ما وصلنا
للبيت وشفت الأجواء الخزن مخيمه ع البيت
انقبضت روحي وبجيت اول ما دخلنا للبيت مانسمع الا
صوت الصريخ بناتها و ولدها كلها تبجي
صغار وكبار يبجون عليها
كلش صعبه خساره الام بعد ما فقدوا والدهم ماصارله 3 ايام ع دوره السنه مالته و توفت امهم
موقف حيل صعب
وبشع الله يرحمهم ويساعدهن ما أكول غير بس هذا الشي
لان ماكو كلمه تكدر تعبر عن شعور الانسان
وشنو يحسه بالضبط ..

عرفت ب دابر لهسه مايدري ب امه متوفيه
لان بعده ب إيران و هم انطوا خبر الصديقه
حتى هو يبلغه ويجيبه ويجي للبيت
يعني راجع من إيران و هو ع وصول للبيت
ما عرف ليش من يمي خفت
شلون راح يواجه الصار وفاه امه حيل صعبه عليه

جنت جاي ابجي وسمعنا صوت صياح برى
اخواته كلهن وكفن من سمعن صوت اخوهن دابر
وطلعن يركضن انا طلعت و وكفت بالباب
اعاين عليهن شلون حضنن اخوهن وصارن يبجن
وهو يبجي وياهن وإخوانه فوك راسه واكفين
يبجون الموقف حيل هزني هز
كل الواكفين بجوا ع بجيهم وصوت نعيهم
وكلامهم وهم يحجون عن امهم وهو يعاتب بيهم شلون ما بلغوا عن حالتها
بقوا دقايق ع هل حاله يبجون
الا ان وكف مسح ع راس اخواته وراد يطلع برى
وانا واكفه بمكاني وابجي

صارت عيني بعينه اشو هذا خزرني خزره قويه
وطلع من البيت
عيونه حمر دم من البجي ونوب الخزره زادتها
رعب ماعرف ليش خفت منه
شعور حيل صعب وموقف أصعب منه

ماسويت شي خلصت الفاتحه ورجعنا للبيت
وانا بعد ما شفته ابد
كلت بلكت احسن حتى التهي عنه وانسى بس صار
العكس صار شي اتعس
صار يعيش ويايه وين ما اروح
صدك لعنه حياتي مو ملاذ عيوني صار ..

بسببو اكتشفت
صرت مريضه وحالتي انتكست اكثر وهنا خفت اكثر
معقوله ؟!!!!

________♡_________

دهليز : سمعت صوته لو هجست روحي راحت
هساع هذا شجابوا هينااا
لتفتت ع كيناز وانا عيوني مليانه دموع همست برجفه ..

كيناز هذا شجابوا هساع ؟؟؟

كيناز : اهدي حبيبتي لايصير بيج شي اكيد
اجه حتى يدحك الوضع. الحظ سواها
ويه جيه اللهيم

دهليز : ياااربي شنو هذا العله الي نزلت ع حيااتي
ليششش اجه ليششش

كيناز  : ولج ع كيفج لا يصير بيج شي صوتج
نصي هساع يسمعون ونبتلي

دهليز : ضربت ع وجهي وانا ابجي ، خلي يسمعون
ياناااس انا ما احبووو ما أريدو خلي يطلع
من حياتي انا ماا اريدوووو

كيناز : عزززا تخبلت البنت ..

ام عمر : وهي تبجي ع حال بنتها ، ولج يمه لا تسوين هيج بنفسج الي كاتبه الله يصير الج
لا بشار ولا غيروا يوكفون بوجه حياتج
كولي يا الله

دهليز : لتفتت ع ماما ، بسسس كولي الي انا نحسس ها ؟؟؟  ليش هيج حياتي
انسان ما رايدته ليش يغصبني عليه ؟ خلوني احجي ويا يمكن يعقل ويغير رأيه اي اي يمكن

كيناز : بس اهدي خلي نسمع هساع شنو يكولون
تانشوف حل للموضوع

دهليز : بعدنا دانحجي وفزينا ع صوتهم العالي
رجف جسمي من سمعت حسوا وهو يحجي ويا ..

اردف بهدوء وهو يحاول يسيطر ع كلامه واعصابه..

اللهيم : الي جاي تسوي مايرضي لا الله ولا رسوله
اكبر خطأ ترتكبه بحق البنت نهوتك ماتصلح
وبهل حاله انتَ جاي ادمر حياه مو بس شخص واحد
لا اشخاص هواي

رد عليه ب صرامه وحقد ..

بشار : يولو منو انتَ وجاي تعلمني شلون اتصرف؟
هااااا

اللهيم : اردف بهدوء ، انا اللهيم

بشار : عقد حاجبه واردف ، لا انتَ ولا غيرك
يجي يعلمني شلون اتصرف بنيت عمي وانا أولى بيها من الغريب انا رايدها زوجه الي

اللهيم : سحب نفس وقبض ع ايده ، الزواج بالاجبار بااطل شنو بويه ما تعرف بهذا الشي ؟

بشار : هاي مو مشكلتك انتَ مايخصك هو انتَ خلك غريب ماتعنيلنا شي

ابو عمر : بشششششاااار ، اردف بصوت عالي

بشار : رد بعصبيه ، بشار شنو عمي انا بنت عمي رايدها هذا منهو الغريب الي دخل بالنص
ليكون عدها علاقه ويااااا واحنه ما النا خبر

اللهيم : اردف بعصبيه وهو عاقد حاجبه ، تخسسى انتَ تجيب اسمها بالسوء انا وياها مابينا علاقه
كل الي صار شفتها وشفت أخلاقها وريتها بالحلال
ماتجرأت وسويت اي شي يغضب الله
ومابيوم عاينت عليه بنظرات مو ثوبي
هذا مو شيمي اسوي هيج اعرف شلون تحجي و وزن كلامك فهمتتت ..

بشار : زفرر انفاسه بغضب ، كلامي موزون عجل
ليش مصر ع طلبها وزواج منهاا فهمني

اللهيم : بنت درى مال الله شلون تريد افرط بيها ؟
واذا جنت قبل ناوي بنسبه قليله هسه
ب اصرار وارجع اطلبها الف مره الى ان تصير زوجه الي

بشار : حلللم شيطان بالجنه بنت عمي وانا أولى بيهاااا 

ابو اللهيم : مو هيج يابويه أهدأ

اللهيم : سكت بغضب يستمع ل ابو احترام اله  ..

ابو اللهيم : يا ابو عمر جاي تعاين ع الي صار
وانا اليوم اجيت حتى اطلبها منك كدام بشار
الي هو ناهي عليها ي ابني الزواج مو بالغصب
اذا انتَ ناوي تتزوجها بالغصب صدكني حياتك ما
تصير مثل ما تريد واخر هذا الزواج معروفه
ليش تخرب حياه اشخاص بهذا التصرف

ابو عمر : ابني بشار والله لو بنتي رايده هذا الزواج
الا انا بنفسي ازوجها الك لكن يا ابني تاشوف هي هم مارايدو ..

بشار : بعصبيه ، شنو عمي شنو هذا الكلام

ابو عمر : ماجايبو من جيبي يا ابني
مايصير  افهمها

ابو اللهيم : اقطع كلامكم بالخير

ابو عمر : كول يا ابو اللهيم

ابو اللهيم : اسألو البنيه هي قابله او لا وبعدها
نمشي شكلت ؟

ابو عمر : وهذا هو الصح

بشار : خلوها بالكم هساع اذا هي قبلت او ما قبلت
هي نهوتي وما افك النهوه الا وهي مرتي

دهليز : اسمع كلامهم و جمدت بمكاني فاتحه عيوني ع وسعهن شنو هاااي معقوله وصلت بي المواصيل هينا
شكد حقيرررر
كلش كرهته اتمنى الموت ع ان اتزوجو النذل
عبالو اصير مرتو يحللللم

بعد هاي الهوسه كلها
راحوا بس بقى بشار وبابا يحجون سوا ونفس
الكلام مصر ع زواجي منو النذل
لعبها النفسي انا بقيت بمكاني حتى ما تحركت
رايده هاي المهزله تخلص لان طولت
لو بيدي اروح اخنكوا واموتو تا ارتاح منو و من شرو

بعدهم يحجون وسمعت بابا صاحني
مارحت بس ماما سحبتني واخذتني فتحت الباب ودخلت كل هذا وانا مثل العابه تسحب بيه
رفعت راسي دحكتو لهساع باقي مارايح
تمنيت اشرب من دمو الحقير

كاع بمكانو ويدحك الي بنظرات غاضبه وانا قابلتو
بنظراتي الكارهتو بيها
سمعت بابا صاحني تا اكعد يمو رحت يمو سحبني
بصفو وماما بصفي
كعدت وهو صار كدامي
نزلت راسي وانا انتظر بابا شنو يكول ..

ابو عمر : هاي انا راح أسألها كدامك ابني
اذا ماقبلت ما يتم هل زواج بالاجبار مايصير

بشار : راد يحجي بس منعو ابو عمر

ابو عمر : نسأل دحك بعيونك ابني

بنتي بشار جاي يطلبج ع سنه الله ورسولو
كدامو كولي اذا تقبلين او لا تا نحل هل موضوع
قبل لا يكبر اكثر

بشار : شنو هذا عمي

ابو عمر : خلي نسمعها ابني ، يلا كولي بنتي

بشار : تعرفني شكلت انا

ابو عمر : ما اهتم و لتفت لدهليز ، ها بنتي كولي

دهليز : اعاين بعيون بابا ورجعت عيوني ل بشار
جانت نظراتوا مثل الطلقه
تخترقني معصب وعيونو براسو
ضاغط ع ايدو بعصبيه
سحبت نفس ورجعت لبابا ..

همست الو .. بابا انا بشار اعتبروا اخ اليه
و ما اعتبروا غير شي وبالنسبه للزواج انا مارايدتوا
خلي يفك النهوه وان شاء الله يكله البنت
الي تستاهلوا احسن مني

اول ما نطقت هل كلام ما هجست الا انتفض
بصوره مخيفه و وكف ع طولوا خلانا كلنا نوكف ويا بخوف دحكت الو تقدم وهو ناوي ع نيه مو زينه
صرت بظهر بابا
من الخوف
هو صار كدامي مايفصل بينه بس بابا

رفع ايدو وصار يأشر بعصبيه وعيونو تز زر من الأعصاب..

بشار : دحكي يا بنت عمي اما تكونين زوجه الي
او تبقى النهوه طول العمر مرافكتَج وما افتحها الى ان تموتين وعندي استعداد اتزوج وأخلف وانتِ تبقين نهوتي وما افتحها ساااامعه كلامي
ارضي يا انااا يااا ماكو غيري يا بنت عمي و وصلو هل كلام لهذاك ...

دهليز : مرت الايام وكلامو ل بشار بعدو يرن براسي
حطم أحلامي وحياتي وخلاني بخبر كان
بهذاك اليوم الي نطق كل حرف مسموم من حروفو
نهى ع كل ثانيه بحياتي
دمرني وعدمني بخباثو ولعنتو

ايامي صارت تمشي ببطىء بسببو
كل ما اريد اكون متفائله يرجع كلامو براسي
يعني هساع انا نهوتو
وانربطت ب اسمو يهنا اهجس حياتي تحطمت
ماعرفت شنو اتصرف ولا شنو اسوي
تعبت وهو كلش تعبني ويا لا يرضى يفكها
ولا يرضى يتركني اتزوج الشخص الي
احبو

اللهيم جان ع طول وياي ماتركني ابد
بالعكس بقى مُصر ع موقفوا وكال ارجع اعيد
واكرر إلى أن هو يمل بنفسو ويفك نهوتو

كاعده بغرفه كيناز بعد ما طلعت روحي
يلا قبلوا اروح ادرسني لان دحكوني
بجيت وانا مو فاهمه شي هو بالاساس
هاي حيله مني حتى اروح وادحكو
عبن هو هساع نازل لبيتو و ع امل نلتقي
لهذا اخترعت هل حجه تا اروح زفعلا نجحت

انفتح الباب رفعت راسي لكيتو اديب
خجلت منو وكفت تا اطلع بس هو وكفني ..

اديب : وين بويه ابقي بمكانج

دهليز : انا خجلانه منه هزيت راسي كتلو ، لا اروح جوه وانتَ اخذ راحتك ما انطيتوا مجال وطلعت ركض خجلانه شلون خلتني بموقف محرج
ردت انزل بس فجأه انفتحت غرفت اللهيم
وصارت كدامو وجه بوجه

هينا هجست الوقت صارو كلو النا
تمنيت ساعتها يوكف الزمن تا ابقى ادحك بعيونو
الي اخذت روحي
طارت كل الوعود والخوف والتوتر كل شي طار
الي ادحكوا هساع هو بس هو ماكو غيرو

فتح الي الباب وهو دخل وانا دخلت اي مشيت ورى كلبي واعرفو هو شكد يخاف عليه
مستحيل يضرني لهذا عندي كامل الثقه بي
دخلت ورى والباب بقى مفتوح شوي
وكفت بمكاني وصفنت عليه

طلعني من صفنتي صوتو العذب الي سلب كياني ..

اللهيم : نسمه روحي

دهليز : هممم

اللهيم : ريت كل العالم انتِ

دهليز : بقيت صافنه وفاتحه حلكي مثل الهبله
شقصدوا ...

اللهيم : لا تفهين هيج بوجهي صدكيني رايد العالم هذا كله انتِ

دهليز : همست ، وما تمل ؟

اللهيم : شجاي تحجين ولج امل من هذا النفس الي يدخل ريتي وما امل انتِ نسمه روحي الي ترويني

دهليز : ضغطت ع ايدي وهمست بخنكه ، وشنو نهايه هذا الحب ؟ 

اللهيم : اردف بهدوء ، زواج

دهليز : رفعت راسي ، و الديصير ؟

اللهيم : عادي نجتازه سوا ماكو شي صعب لا عليه ولا عليج مادام مامسوين شي يغضب الله
هاهي اذا احنه نمشي بطريق صحيح ولا تتوقعين
بيوم من الايام اتركج ..

دهليز : هزيت راسي ب اسف وهمست ، خايفه

اللهيم : عقد حاجبه ، من شنو ؟

دهليز : انملن عيوني دموع ، منك

اللهيم : فتح عيونه ع وسعهن ، مني انااااا ؟؟ ليش

دهليز : اي منك خايفه تعوفني

اللهيم : قبض ع ايده واردف بحده ، شلون تحجي هيج
دهليزززز

دهليز : هزيت راسي و بجيت ، خايفه ليش ماتفهم خايفه بعد كل هاي المحاولات تستسلم وتتركني
تمممل

اللهيم : عصب ، مسستحيل هذا الشي يصيرررر

دهليز : ليش مستحيل هذاك معند ومايقبل يفك النهوه وكال الا انتِ ب اسمي

اللهيم : صاح بصوت عالي ، دهلييييز لاتعيديها مره ثانيه هذا الكلام ممنوع تحجي كدامي فهمتي

دهليز : نزلت راسي وشهكت بالبجي ، فهمني شسوي التفكير راح ياكل راسي
تعبت والله حتى دراستي هملتها
نفسي هملتها راح اموووووت ليش ما اكو احد يحس

عفتو ونزلت ركض ابجي واشهك حتى ما أخذت كتبي ولا شي عفتهن وطلعت من البيت هو عباله انا رحت يم كيناز لهذا توقف ع نص وما لحكني تا ما يطلع اي كلمه مو زينه بحقي
رجعت للبيت دخلت وهاي اول مره اسويها وانا
ارجع لوحدي بدون اخواني لو يعرفون الا يملصون اذاني همزين من دخلت ما شفت احد كل واحد بغرفتو

انا استغليت الوضع ورحت صعدت بس اهجس
روحي تريد تتطلع الي سويته ويه اللهيم خطأ اعترف
هو ما اله ذنب بس لشوكت ينتظر
ها شوكت اخرها راح يمل ويتركني بسبب الحقير بشار
الله يفين حظه خرب حياتي ودمرها

ضجت وتعبت وروحي راحت وما اعرف شنو اتصرف
ماما دحكتني بالبيت انصدمت بس كلت الها
اديب بطريقو رجعني راسي جان ياذيني
وهي شكلها ما اقتنعت بس عبرتها تعرف نفسيتي صايره زفت

وراها اتصلت اختي وبهذلتني شلون تمشين بدون
ما تحجين واللهيم كَلب الدنيا شلون
ترجعين لوحدج ماكدرت اتحمل انفجرت بالبجي وحجيت الها كل شي
ومن شنو اخاف وليش تركت البيت وطلعت
وهي ماقصرت نزلت عليه دوسه ونص
ما انطتني مجال احجي
تكاونت وياي والله شنو اانا مكبره الموضوع
وبسبب تصرفاتي راح اخسروا لل اللهيم
واطفشوا

بعد تعب سديت الجهاز وهيج مره الايام
التهيت ويه البنات ونوب هن حالتهن اخس مني
بس الي صفنتنا سيلينا

دهليز : يوولوو  شنو هذا الي تحجي هساع ؟؟؟؟

سيلينا : اي والله يا بنات هذا الي جاي يصير بيه

ريفان : غبيه من اكلج غبيه ما تصدكين
هذااا مرض ولج

دهليز : لج ضروري تراجعين دكتووور سيلييي..

التهينا هاي الفتره نقنع بيها وهي حالتها
صارت أصعب ما ينسكت عليها
كاعده وبالي يمها ويم حياتي ويم ريفان الي
يوم بعد يوم تذبل اكثر
شكد ما تبين هي قويه بس من الداخل أضعف وحده
بينه

فجأه اندك الباب راح اخويه يفتحو وما اهجس الت صوت عمامي وهم يدخلون
وكفت مفزوعه عرفت جيتهم وراها سالفه
ما الها نيه زينه

كيناز مو يمي واللهيم من آخر مره طلعت هو زعل مني
حتى تواصلي ويا قل وما ادحكوا كل جمعه وسبت
جان يعاقبني ع كلامي ويا وحقه
بس انا هم حقي مو بيدي

زفرت انفاسي بتعب وانا اسمعهم يحجون
بعد النقاش الحاد بس مافهمت اي شي
من كلامو اخرها طلع اخوي كال ..

تعالي جوه يريدون يحجون وياج .

هاي الكلمه رعبتني اعرفهم يريدون يضغطون عليه
تا اقبل بي بس انا وين وهم وين لو ينطون ما اقبل
لو اللهيم لو ما اريد كافي طغى هواي ويحتاج
واحد يسحلو يرجعوا لمكانو الحقير النذل ..

دخلت جوه بعد ما سحلت ماما وياي
خليتها تتدخل اهجس روحي وحدي لو هي مو وياي
كعدت وانا كعدت بصفها من بعد السلام
والكلام بدون يحجون انا رفعت عيني لكيت بشار يدحك بيه وهو خازرني بعدت عيوني سريع ماعرف ليس بوقتها خفت منو

سحبت نفس من بده عمي يحجي ...

ابو بشار : اسمعي يابه احنه وصلنا الحل
وهذا الحل يرضي الطرفين

دهليز : سريع رجعت نظري ل بشار جان يدحك عليه
بغضب رجعت نظري لبابا هز راسو الي بمعنى اسمعي
وماما كذلك رجعت نظري لعمي اسمعو تاعرف
شنو هذا القرار الي راح يغير حياتي ويقلبها
ويا ترى هو راح يبتعد عني لو لا ...

ابو بشار : القرار الي توصلنا اله من بعد كلام جثير
و كوانه الها اول ما الها اخر قررنا انا والكل هذا القرار ...

انـــــتِ وبشـــــار تـــــتزوجون ســـــنه بعدهـــــا تتطلـــــكَون وكل واحد يـــــروح الحال سبيـــــله وتنفـــــك النهـــــوه ...

__________♡________

ريفان : ابتسمت ، لا انا عـــــمته

ما حسيت الا صوت ضحك قوي لتفتت
اعاين ع رهبار غاص بالضحك وعيونه
صاروا حمر اول مره اشوفه هيج يضحك احسه
ضرب بعقله ياا هذا شبي
بقيت ارمش بعيوني وهو صوت ضحكه
حيل عالي وقوي

هزيت راسي الها بمعنى شبيك وانا فاتحه
عيوني ع وسعهن
من الصدمه ماتوقعت رده فعله تكون بهاي الطريقه

استبرق :  ب استغراب ، شبيك رهبار ؟

رهبار : هز راسه وهو مستمر يضحك ..

ريفان : همست بهدوء وانا اعاين بعيونه ، كلت شي غلط ؟؟

رهبار : سحب نفس ، لا بويه ماكلتي شي خطأ

ريفان : جا ليش تضحك ، انغاضيت من تصرفه
شبي هذا

رهبار : كتم ضحكته ، شنو ممنوع الضحك ؟

ريفان : بقيت اعاين عليه شبي هذا

استبرق : شنو هسه هي مو اختك ؟

ريفان : لتفت عليه من بعد ما سمع سؤالها
غمز الي واردف بضحكه ..

رهبار : لا هي عَـــــمتي

ريفان : اخخ هو نطقها لو ردت البس الماعون براسه
الخبث يريد يغيضني بتصرفاته يدق بيه
صح انا حجيتها بس مو معناها هيج يتصرف احسه
يستفزني

استبرق : ياا صدك تحجي يعني هل صغر وعمتك
توقعتها اخت لان اانا ما عرف عنكم شي علاقتنا مو هلكد

ريفان : ماحبيت تحجي بالموضوع اكثر لهذا وكفت وهمست بالعافيه ردت اروح حتى التهي بالتنظيف ولا شكولهم هستوني ردت اطلع من المطبخ
وسمعت صوته ..

رهبار : عـــــمتي الغاليـــــه انطيني ماي من يمـــــج

ريفان : هذا صدك يحجي شبي لتفتت عليه وانا ع اعصابي
مستفززز الخبيث رحت اخذت ماي و رجعت اله رفعت الكلاص هو أخذه مني بس لزم ايدي
ع اساس هو مامنتبه
ماعرف ليش لزمته خلتني ارجف سرت بيه
كهرباء بجسمي هيج قربه يسوي بيه
عجيب جا شكد تاثيره عليه قوي الله يستر
من هذا التأثير

رهبار : مشـــــكور عـــــمتي . اردف ب ابتسامه..

ريفان : خزرته بقوه وطلعت مشى اليوم
الى ان صار العصر جنت كاعده ما حسيت الا صاروا
واحد ورى الثاني يكعد بنفس المكان الي انا كاعده بي
من شفتهم كلهم متجمعين سوا ردت اكوم

بس صوت عمتي استوقفني ..

فاطمه : عمه بعد اسبوع عرس رهبار
ولازم انجهز اله لازم نعلن الزواج حتى الناس يعرفون

ريفان : احس الخبر نزل عليه مثل الصاعقه
الي مطمني الحد هسه كل واحد بغرفه يعني بعد اسبوع
اكيد يصيرون سوا وبعدها راح تصير الهم حياه واطفال
وانا شنو ؟؟؟ حسيت نفسي راح يغمى عليه من الخبر
لتفتت ع رهبار اعاين عليه لكيته عيونه عليه
وعيونه حمر قابلته بنظرات كلها عتب ليش هيج سوا بينا ليش اذاني ودمر حياتي بهاي تصرفاته
ودمر مستقبلنا سوا ليششش

بقيت كاعده بمكاني احس رجليه بادن وكأن ماعندي رجلين
وشه صارت ب اذني وغواش صار بعيوني
شكد مابيه قاومت خليت عيوني بعيونه
ورجف جسمي احسه صار مو مالتي هاهي يعني
كل واحد راح بحال سبيله
يعني هسه هو وهي ... ماكدرت اكمل حتى بمخيلتي
ماكدرت اكمل

فعلا اتفقوا هذا الأسبوع يكون زواجه
وطبعا عمتي فاطمه حالفه تسوي عرس تحلف بي كل العماره
اشوف التجهيزات كدامي تصير وروحي تلوب

هايجاي يسوون عرس حبيبي ، وكل حياتي
كدام عيوني راح يزفوا الغيري
راح يكون لغيري راح تنام بحضنه غيري
راح تكون ام أولاده وحبيبته وكل حياته
اما انا شنو موقعي ؟؟؟ ريفان انتِ شنو موقعج هاا

ريفان انتِ وحده غريبه وتبقين غريبه ..

طول هذا الأسبوع وهو مابطل مني
وين ما اروح الكاه كدامي
عيونه تريد تبرر الي بس انا وين احس روحي رايحه
وما اريد اشوفه كدامي بكل مره يشوفني كدامه
يجي يتقرب يريد يحجي وياي وانا ما انطي مجال
انهزم منه ماريد اتواجه ويا لان اعرف بنفسي
راح أفضح مشاعري ويروح كل شي من بين اديه

ماما كل ما تشوفني ابجي تواسي بيه
دكول الي يا امي مو قسمتج وحاولي تقوين نفسج لا تضعفين اكثر صيري قويه
كلامها يخليني اقوه لفتره محدده وبعدها ارجع انحب وابجي من اشوف تجهيزات الزواج
اموت الف موته
احس كلبي ينمرد ويطلع من مكانه

بيوم العصر قبل زواجه بيوم رحت الماما
وطلبت منها اروح ل سيلي
حيل جنت تعبانه ومحتاجتها محتاجه احجي وياها
حتى تهديني واطمني
وهي قبلت كلت الها اانا اروح لوحدي
بالأول ماقبلت بس من شافت اصراري
والبجي الي بجيته يلا قبلت

لبست نعالي وحجابي وطلعت طايره
طبعاً العمال موجودين جاي يرتبون بالحديقه
علمود الحنه الباجر
هو مو هنا همزين رحت طايره ع بيت سيلي
دكيت الباب وانا كلبي يدك سريع من المشي سريع
فتح الباب اخوها ودخلني

نزلت من سمعت بيه اجيت اجتي طايره عليه
خطيه هي هم وجها تعبان سوده عليه
بعد ماسلمت ع امها واهلها اخذتني وصعد فوك عرفتني بيه شي من عيوني
شكد ما احمد ربي ع عليها اكون قليله

سيلينا : سحبتها وكعدتها  ع السرير وانا كعدت كدامها .. اعاين بعيونها مليانه دموع
احجي ولج شبيج ؟؟

ريفان : ماتحملت وبجيت ..

سيلينا : لزمت اديها وانا منا روحي رايحه نوب هي زادتها عليه لج احجي ..

ريفان : البـــــغبوك السغـــــسغي راح يعغـــــس الباجـــــغ ..

سيلينا : بقيت صافنه بوجها استوعب الي كالته عضيت ع شفتي وانا اكتم ضحكتي
شلون دكول بربوك وسرسري ماكدرت اضم ضحكتي
وانفجرت بالضحك وهي تبجي وتشهك بصوت عالي
حسيت نفسي حيل سخيفه
بس ماكدر طريقه كلامها خلتني اضحك مو اضحك
ع الصار

ريفان : هي تضحك وانا روحي رايحه الدبسسز
طلعت الشهكه من نص كلبي حتى حسيت كلبي
صار يأذيني هي من شافتني هيج
تغيرت وصارت خايفه عليه لا يصير بيه شي لو انهار اكثر

سيلينا : خوفتني سحبتها من اديها وحضنتها
هي عبالك انطيتها اشاره امان حضنتني بقوه
وصارت تبجي اكثر حاسه بوجعها لهذا ما سكتتها بالعكس
خليتها تبجي حتى ترتاح لان فو بقت كامته
ع نفسها راح يصير بيها شي وتتأذى مثلي

رفعت ايدي وصرت امسح براسها وانا احاول
اقويها حتى تواجه الصار وما تنهزم وتخلي الي صار يسيطر عليها وتضعف..

وفعلا كلامي انطاها طاقه بحيث باستني بعد
ما اطمنت عليه و ع صحتي وراحت

ريفان : كلام سيلي خلاني اقوه بحيث
رجعت للبيت وكبل رحت الماما
اعرفها هسه بالغرفه دخلت مثل المداهمه بحيث هي هخ فزت سوده عليه صحت بصوت عالي ..

مااااامااااا...

الحجيه: بسم الله شبيج يمه

ريفان : اغيد اغوح الباجغ للسوك حتى اشتغي
ملابس للحنه ..

اعاين ع ماما بقت مصدومه عبالها تخبلت
هي من شافت لهفتي وإصراري هزت راسها بالموافقه
وكالت الباجر اروح انا وياج للسوك ونشتري ملابس
وفعلا ثاني يوم
رحت انا و وياها للسوك واشتريت أرقى واحسن فستان للحنه والعرس بسيطه رهبار اشوفك منو انا

بيومها باليل دخلت لغرفتي وقفلت الباب
طبعا بهذا الأسبوع صرت اقفله لان وين ما اروح هو ورايه يريد يحجي وياي
حتى باليل لهذا صرت اقفله حتى اهرب منه وما اتواجه ويا أضعف اذا واجهتة وماكدر اصلاً ع مواجهته

خليت راسي ع المخده اريد انام وسمعت صوت الباب يندك بهدوء عرفته هو
حاولت اتجاهل الموضوع بس ماكدرت
كمت من فراشي ورحت للباب هستوني ردت افتحه
بس تراجعت كعدت ورى الباب وهو بعدهه ماراح
احس كلبي نقبض وانا اسمع صوت انفاسه

بقينا بهذا الوضع هواي مرت الدقايق وبعدنا ع نفس مكانه و كأن روحنا هي الي تتعاتب سوا
همس من بين حسراته بهدوء ..

رهبار : رفـــــه كَـــــلبي

ريفان : مارديت عليه بقيت ساكته بس ابجي ..

رهبار : ولج بويه ما توقعتج هيج قاسيه وكَلبج قوي
هيج هنت عليج طول هاي الايام اريد كلمه وحده
منج وانتِ حتى ما معبره وجودي ؟؟

هيج هان عليج حبيبج ؟! جا شكد قاسيه

ريفان : سحبت نفس بقوه وانا اكتم بين اديه ماريد يسمعني ابجي

رهبار : اعرفج انتِ هسه ورى الباب وكاعده تبجين
جا غير انا ربيتج ب اديه واعرف كل شي بيج وكل تصرف يصدر منج 

كتـــــلج انا حافظـــــج حفظ ابـــــوي انـــــتِ

اطلعي وخلينا نحجي سوا روحي رايحتلج
وما ترضى الا برضى عـــــيونج رفتـــــي

ريفان : حسيت قوتي راحت وبينت شهكتي
صرت ماعرف شنو اسوي هو سمع صوتي
جر حسره بقوه وزفر انفاسه وهمس ببحه خشنه
خلتني ارجف ..

رهبار : احبـــــج وابقى احـــــبج للمـــــوت وما اخلي اي شي يفرقـــــنا صدكيني انتِ الي وانـــــا الج حتى إذا بعد ســـــنين طويله رفـــــه كلـــــبي ماتصـــــير الغـــــيري ..

_________♡________

للحكايا بقايا ♡

                    حسابي الانستا 🦋🤍