رواية دجن الضليع الفصل السابع وأربعون 47 - بقلم رهف علي

نبدأ بذكر الله ﷽💛✨

قبل القراءة مُتابعه للحساب akyta_98
للتواصل ع حساب الانستا akyta_98

كيف حالكم ياقوم شلع قلع من بعد البارتين السابقات 🤍

يَم داركُم مو صِدفة وَداني الدرب
آنه المِشيت بِـ خِطوتي مخنوگ
والريه بِچت رادت تشم ترابكُم '

_____♡♡____♡♡_____

سيلينا : من بعد الاغماء صحيت ع اتعس خبر بالدينا
ع اسوء خبر تلقيته بحياتي
ماتصورت شي يوم اكون بمثل هذا الخبر السيء
احس الدينا كلها وكعت فوك راسي
الخبر الي تلقيته كان بوقتها القشه الي قسمت الظهر
وانا انكسر ظهري كلش انكسر وما اظن ترجع الي الحياه
بكل مره تختبرني هاي الحياه ب اعز ما املك
بكل فرصه تاخذ مني شخص أعزه واحسه الحياه
من خلاله بس مو راضيه تعدل وياي ليش ما اعرف

خرب وفاه دهليز حطمني وماتوقعت اسمع هيج
خبر من بعد ما جهزنا العرسها كل شي انا وياها
ماخلينا مكان ما طلعنا بي نجهز كل شي
انا أقرب الها من أخواتها بحيث انا متعلقه بيها وهي
متعلقه بيه بكل يوم قبل لاتنام تتصل عليه
تحجي وياي عن يومها هي واللهيم شنو صار وشنو
سووا اليوم من طلعوا
حتى ع عركاتهم سوه وغيرتها من البنات ع اللهيـــــم

الصدمه الي عشتها حيل صعبه وقويه
من رحت وشفتها بس ماجانت واكفه ع طولها تستقبلني لا هل مره نايمه ولافيها بالكفن وبداخل
التابوت هناا حسيت صدك الدنيا خربت
اللهيـــــم حاطها ع الكوشه مال الحنه مالتها
ويبجي وهو يحني بيها وحاط بدله الحنه عليها
كابلته وبجيت بحركه ماتحملت المنظر
احس كلبي راد يطلع شعور موجع وماكدر اوصفه بالضبط

نزلنا للقبر ودفنتها ب اديه الاثنين دفنت كل فرحتي وسعادتي وياها دفنتها بالتراب البارد وتركتها الوحدها بضيق بس ربي الي يعلم بي ..

مرت ايام الفاتحه وانا ما تركت بيت دهليز
إلى أن خلصت واهلي سحبوني سحب من البيت
وماقبل اطلع كاعده بغرفتها وابجي مشتاقه الها
كلش مشتاقه الها تمنيت انا ميته ولا هي
شنو شافت بحياتها هسه يلاا بدأت حياتها تصير حلوه
هسه يلا ارتاحت وبدأت الحياه تضحك الها
ليش ما عاشت حياتها ليش كل هذا الظلم ليش
جابت عمرها كلها عذاب ودمار نفسي ومن لكت الانسان الي تحبه يلا تحسنت حالتها اخرها ياخذها التراب وهي بعز شبابها واخذها الموت ..

رجعت للبيت وانا بقايا سيلينا مو سيلينا المرحه لا هل مره انعدمت حياتي
صرت سراب انتهيت انعزلت عن العالم
وصحتي انتكست كل يوم تنزل بالنازل
واهلي رجعوا حاروا بيه من دكتور ل دكتور ثاني
كل مره يصيبني انهيار عصبي حاد
صرت ما اتحمل اي فكره ما اتحمل اي سالفه
اعصب ع اي شي واكسر اي شي
مابالي غير بس فكره خساره الشخص الي يهمني وبعد ما اشوفه مره ثانيه
كلها وكفت وياي ومحد تركني ابد
دابـــــــــــــــر ، اهلي حتى كيناز ع طول تتطمن عني وتعرف اخباري بس انا فقد خلص احس الحياه توقفت وانا انتهيت !!

عرفت من خلال كيناز اللهيـــــم ماترك قبر دهليز ابد
طول هل ثلاث ايام هو هم الله يعينه. يساعده
انا جنت ما منتبهة با ايام العزاء بس بعدين من تواصلي وياها عرفت
بس بعدين استغربت اللهيـــــم اختفى وين ماعرف !!!
شكد سألت كيناز صدمتني من كال الي سافر وهاجر من العراق ودعنا وراح عمي حقه انا هم اتمنى مو بس اترك العراق اتمنى اترك الدينا كلها بالي بيها ومابيها

من بعد ما حالتي النفسيه صارت اكثر
سيئه قرروا اراجع نفس الدكتور الي جنت اراجع بي بالسابق حجوز الي عنده ورحت اله ..

الدكتور : اي سيلينا احجيلي ... ، ليش ساكته ؟
تكدرين تحجين الي مثل قبل ونحل المشكله
الي اريده منج تعتبريني ما موجود تحجين كل الي بداخلج كأن تحجين ويه نفسج ، ليش هاي حالتج !

سيلينا : صار يضغط عليه بس بروده قتلني وانا منا عصبيه احسه مايحس الي بداخلي ويسألني كأن ماصاير اي شي عادي ولا اكو اي شي وهذا الي موتني
انفجرت بي وانا ابجي واحجي اله هو ساكت
ويستمع الي بتركيز منطيني كل الوقت حتى افرغ الكبت الي بداخلي
ماخليت شي ما حجيته تمنيته هو السبب الي صار بحياتي ماتردد لحظه وحده جان قتلته
تنرفزت حتى من نفسي ولعنت نفسي اكثر واكثر الف مره إلى أن مر الوقت حسيت بنفسي ارتاحيت
سكتت وعم الهدوء بالغرفه ...

الدكتور : كل الي صار والانهيار المتكرر هو بسبب تفكيرج اعرف الي مريتي بي مو هين وصعب
فقدتي شخص غالي عليج ونتيجه هذا فقدان الشخص والضغط الي تولد الج
حتى مرات توصلين ب اثناء الانهيار الحاله تتردد فقدان العقل او الجنون وهذا الشي حقج بي ...

سيلينا : استمر الحديث وحسيت شوي خفت نفسيتي برغم بعدني مثل ما اانا بس اهون ب شوي
تكررت زياراتي للدكتور وب اخر زياره الي قبل لاتنتهي الجلسه سألته عن دابـــــــــــــــر والحوار الي دار بينه أثناء العركه وكلامه اتجاهي
وكل شي بالمعنى الحرفي كل شي حجيت اله عن دابـــــــــــــــر تصرفاته ، كلامه ، اسلوبه ، وغيرهن إلى أن اردف وهو يسند ظهره ع الكرسي ويهزه بهدوء

الدكتور : سيلينا زوجـــــج نرجـــــسي

سيلينا : عقدت حاجبي بعدم فهم ، شنو دكتور مافهمت ؟ شنو يعني نرجسي

تقرب سند اديه ع المكتب بعدها اردف وهو يسحب كميه من الهواء داخل رئته

الدكتور : النرجسية تعني حب النفس أو الأنانية
هو اضطراب في الشخصية حيث تتميز بالغرور، والتعالي، والشعور بالأهمية ومحاولة الكسب ولو على حساب الآخرين مثال ::- نسبه الى أسطورة يونانية
أن نركسوس كان آية من الجمال وقد عُشق نفسه حتى الموت عندما رأى وجهه في الماء
سيلينا الشخصيه النرجسية صعبه المنال يتميز بالغرور وحب التملك مثل دابـــــــــــــــر كلتي هو يحب يشوفج بهاي الحاله ، يحب نفسه زياده ، يمتلك غررور الذات ، يحس نفسه هو الي دائما ع حق ، يحب يكسب اي شي يحبه حتى لو كان ع حساب الغير ، كلها صفات الشخص النرجسي وزوجج من الشخصيه النرجسية

سيلينا : بقيت ارمش بعيوني مامستوعبه كلامه ، بس دكتور انا اول مره اسمع بهاي الحاله

الدكتور : اكو هواي اشخاص مثل زوجج لكن ماشخصوا حالتهم وما عرفو همَ من اي نوع من الشخصيات
للعلم اكو هواي شخصيات غير النرجسي
اسوء بكثير

سيلينا : بس هاي الشخصيه سيئه وماكدر اعيش ويا اذا استمر بهاي الطريقه دكتور ماكو حل الها ؟

الدكتور : اسمعي بابا لازم تعرفين اضطراب الشخصيه النرجسية هم دائما يحسون نفسهم ع صواب ونقطه ضعفهم اذا شخص انتقدهم ، خاصه هو مستحيل يعترف بشخصيته هاي كدام الناس حتى مايفقد مكانته
•من كال الج بالاجبار ( انتِ بس الي ما اتركج وماتعوفيني )
لان يخاف الوحده يخاف ينترك الوحده يخاف شعور النفور من الشخص المعني لان هذا الشخص هو مصدر العظمه اله الي هي انتِ ( انتِ مصدر عظمه بالنسبه اله )
•يكره الاشخاص الأعلى منه يكره المكان الي يحس بي بعدم الاهتمام يكره التعبير عن مشاعره مثل ما صار وياج من خلال مراجعتي الج هو ماحاول يبين مشاعره الا ماندر وهذا الشي جيد بالنسبه الشخصيه النرجسية
لان مايعترف ابد ويفضل الاهتمام من الأطراف عكسه هوَ تماماَ
•تسأليني يحس بالحب اتجاهج؟ اجاوبج اي بالبدايه يحس بس بمرور الوقت يفقد هذا الحب راح يعاني صعوبه إظهار الحب
•اعتذاراته ماتكون مباشره وإنما يحاول يصلح الشي بدل ما يعتذر

سيلينا : دكتور انتَ جاي تصدمني لان كلهن موجودات ب دابـــــــــــــــر بس انا اتصرف ويا وساعات نتعارك اغلب مشاكل علاقتنا بسبب تصرفاته حتى مايبرر الي والمشكله الشي اشوفه كدامي بسس مايكذبه
ومايبرر اتخبل بهذا تصرفه

الدكتور : بابا النرجسي ما يكذب ، هو مايشوف صورة كاملة وماعنده القدرة على التعاطف، لذلك يذكر فقط أولوياته اي يعني الي يحب يظهرهن الج ولا يهتم بمشاعر غيره سواء مشاعرج او الغير. العلاقة العاطفية مع النرجسي صعبة جداً، هي تفتقر للإحساس والتعاطف، والتقدير والإمتنان ..

الدكتور : شلون اتصرف ويا دكتور راح اتخبل بهاي الحاله نوصل للطلاق

الدكتور : اممم اي اكو هواي طرق منهن النفسي ، استخدام الكلام مع الشخصيه النرجسية بطريقه التعامل والتواصل مع الآخرين
تحسين علاقاتك مع زملاء العمل والأقارب.
الحفاظ على علاقاتك الشخصية.
•التعرف على نقاط القوة و الإمكانيات حتى تتمكن من •تحمل الانتقاد أو أحاسيس الفشل.
•فهم وإدارة المشاعر و الأحاسيس.
•التعامل مع أي قضايا احترام الذات.
•وضع أهدافًا واقعية لنفسك
اما اذا تتجهين للعلاج بالأدوية
في الحقيقة لا توجد أدوية لعلاج اضطراب الشخصية النرجسية لكن إذا ظهرت أعراض مثل الاكتئاب أو حالة صحية عقلية أخرى كاضطراب القلق و التوتر، فيمكن استخدام الأدوية المناسبة لعلاج الاضطراب الآخر وتعمل على تحسين و الحد من الأعراض المصاحبة لهذا الاضطراب ..

سيلينا : طلعت من الدكتور متوجهة للبيت بابا شافني صافنه ما سألني بحيث تفكيري ب دابـــــــــــــــر اكل عقلي بهل حاله انا جاي اواجه اشياء اكبر من طاقتي شلون راح اتعامل ويا بهاي الحاله شلون
اناا منا تعبانه نوب زاد عليه أكثر هذا الشي
الوضع زاد عن حده وصار اسوء من قبل شلون ياربي
ماا اعرف ..

مرت الايام وتعاملي ويه دابر حذر إلى درجه صرت
اطبق كلام الدكتور ساعات احس بالاستجابه وامورنا تمشي طبيعي وساعات العكس تسوء اكثر
وانا تعبت نفسيتي ازيد  ماعرف وين التهي بحياتي لو بألمي

صرت اتمنى ريفان ترجع اتمنى كلش صرت افتقد الشي صداقه بحياتي هن اكثر اثنين قريبات عليه
ساعات اكعد باليل ابجي اتمنى ربي يجبر
بخاطري ويخليني التقي بيها
نفسيتي تعبت اريد سخص يعرفني مثل دهليز
اريد لولو ترجعلي والله فراكها هد حيلي هد وتعبني
اكثر واكثر ...

مرت الايام إلى أن صار الوضع بالعراق كلش خطر
خاصه صارت المظاهرات والاغتيالات بالناس
الي يكون مروج والي يكون نظيف والي يطلع كل شي بداخل الدوله للإعلام ينقتل صارت الناس تموت بصوره مو طبيعيه وبوقتها كلش تعبنا واحنه نسمع شلون الناس جاي تموت بهاي السهوله والأخبار ادك بالضحايا والرمي بالرصاص ع المتظاهرين  جنت انصبها عزاء يمي ابقى بس ابجي ع الي جاي يصير ب بغداد
وبقيه المحافظات كلها لان يطالبون بحقهم
لان يريدون بلد أمن دوله امانه يعيشون بيها
ويضمنون حقهم بس للاسف دوله ماكو ..

كاعدين الفجر بوقتها انا بالغرفه ودابر برى اندك الجرس
عبالي دابـــــــــــــــر طلع لهذا ما طلعت انا ولا سألته
ف صارت الساعه 6:30 الصبح طلع دابـــــــــــــــر يجيب ريوك النا انا جنت بالمطبخ اجهز الريوك
ماحسيت الا باب البيت مالتنا انفتح بصوره عجيبه
بعدها انفتح باب المطبخ ودخل دابـــــــــــــــر بس مو دابر الي اعرفه جان شكله مقلوب وبيده ماعرف شنو
سألته خايفه من شكله،  شبيييك ؟؟؟ ماحسيت الا انطاني الورقه

دابـــــــــــــــر : هاج شوفي البلاء الي بي احنه

سيلينا : خفت اخذت الورقه فتحتها وقريت المكتوب بيها سريع وكعت دموعي ورجع جسمي وانا اقرا رساله تهديد !!!!

____________________

ريـــــفـــــان ::-
من بعد تعب طويل وصلنا البغداد ( دار السلام ) الي اتمنى الكه السلام بيها ينسيني ويمحي كل الايام الي عشتها السيئه
شوارعها الحلوه ناسها الطيبه صح عشت بيها ايام حلوه ماتنسي بس اتمنى هل مره تختلف عن كل مره لان حرفياً احس بتعب اتخطى قدره تحملي ورايده السلام يحل محل كل تعب بداخلي

رهبار طول الطريق وهو ما حجه وياي شكله كلام امه واخته الهسه براسه صح هو واثق مني ويعرفني انا شنو بس شكلهن هنَ حاجيات اشياء اقوه من الي
بلغني ياهن وشكلهن دايسات فد مره ويا هل اشوفه
بهاي الحاله المتعبه

حسيت السياره توقفت لتفتت عليه ..

رهبار : يلا انزلي وصلنا ..

ريفان : اي ، نزلت وهو اجه يمي مشيت ويا والهدوء عم المكان ماعرف شبي اوف ياربي شوكت تصفى ويانه ماعرف
صعدنا للشقه فتح الباب ودخلت لتفتت لكيته بعده واكف ..

رهبار : انا رايح للسوك لاتفتحين الباب الي احد انا عندي مفتاح عود افتح الباب وادخل..

ريفان : اردفت بهمس ، تمام ، هو راح وانا تمشيت استكشف الشقه
جانت حلوه ونازكه واضحه الشاب واثاثها مرتب
ماكو شي بيها مايعجب ماخليت مكان بيها ما استكشفته اخر شي تعبت ورحت كعدت بالصاله انتظر رهبار يرجع
مرت ساعتين مليت الهذا خليت راسي ع الكوشه وغمضت عيوني حسيت ع قفل الباب فزيت من مكاني عرفته رهبار لان عنده المفاتيح رحت لكيته محمل علاليك جايب هواي اشياء ناقصه بالبيت
ساعدته ونقلناهن للمطبخ كعدت ارتب بيهن واخلي كل حاجه بمكانها 
ردت اسوي عشه بس طلع هو جايب ويا
كعدنا نتعشه وهم نفس السكوت
احس روحي طكت شبي ليش هيج يتصرف وياي
تعبت احس بالنقص لان هو مايحجي وياي
احس ضميري يأنبني وانا ما مسويه اي شي

خلصنا العشه راح غسل سويتله جاي كعد يشرب
ويدخن الصاله صارت مدخنه من الجكاير والموتني مايحجي وياي بس يعاين عليه
من انا ما اعاين عليه احس نظراته مصبوبه عليه
التفت عبالي يكسر عينه ويشيلهن من عليه بس ولا كأن يبقي نظراته مصوبه عليه
رحت كعدت يمه كلت بلكت يحجي شي بس ماكو تعبت من يمه وانا منا تعبانه من الطريق وكفت زفرت الهوى

ريفان : غهباغ اني غاح اغوح انام

مارد عليه تنرفزت عفته ودخلت للغرفه شمرت روحي ع السرير والله الدموع صارت بطرف عيوني احسه جاي يعاقبني بس ليش ياربي مايكون سامع شي غلط عليه ساعتها شلون راح يصير الوضع ماعرف
بقيت أانب تنفسي شلون حجيت ويه نشوان كله بسبب ايلان ماتوقعت راح تغدر بيه حتى نشوان هم ماتوقعت يوصل الهاي الدرجه من النذاله
اثنينهم غدروا بيه وطعنوا بظهري
للأسف انطيتهم الثقه طول هاي الوكت طلعوا يحيكون
من ورى ظهري وبينهم علاقه بس يريدون يخربون عليه حياتي شكد اذوني باربي شكد هاي اني هسه بهذا الحال بسببهم ..
بعد مالطعت تركته ويه نفسه بلكت يراجع نفسه الى ان يلكه حل النا نمت من بعد تعب وارهاق طويل ..

استمر الوضع بيني وبين رهبار هيج لمده شهر كامل
لا هو يحجي وياي ولا يتقرب ويطمن عني بس
شنو اريد الكا موجود قبل لا احجي
وهذا الشي تعبني يروح الشغله من الصبح ما يرجع الا وقت متأخر وبوقت فراغه يشتري احتياجات البيت واحتياجاتي ومن يرجع من شغله ذابها ع وضعيه الصامت لا سؤال بينه ولا كلام مثل قبل
ولا ضحك واني بقيت طول هذا الشهر اكل بنفسي
حيل مقهوره ع هذا الوضع معقوله الموضوع يطلع اكبر ما متصوره ؟؟؟ معقوله يكون الموضوع مو مثل الي بالي ويطلع اقوه ؟؟؟ ياترى شنو الي حاجياته اله وهيج متغير عليه بهاي الصوره

نوب الأكثر من هذا جهازي بلحظه عصبيه لزمته وكسرته بشنو اطلع حركتي بي وهو متجاهلني
اكعد ابجي واعض اصابعي ندم والله ما سويت شي
دخيلك ياربي لاتخلي هو والزمن عليه
حرفيا بس هو الي بقى بهاي الدنيا بسس هو
وشكد صعب من احس مالي اي شخص غيره
يعني لو اختلف عليه انا اضيع اروح بالرجلين
لان ماعندي احد ثاني ألجأ اله بس هو

دخل كالعاده اخذ ملابسه ودخل يسبح انا جهزت
الاكل اله بقيت انتظره إلى أن اجه
ياكل بهدوء وما يحجي خلص اخذ جهازه وصار يقلب بي صبرت نفسي وديت المواعين للمطبخ غسلتهن سريع وسويت اله الجاي أخذته اله وانا اليوم ناويه
انهي هذا الخلاف اريد يرجع رهبار القديم وياي
اريد الحنيه الي فقدتها ويا اريده تعبت كلش تعبت
خليت الجاي كدامه هو ما حرك ساكن كعدت كدامه
سحبت نفس بعدها اردفت ..

ريفان : اغيد احجي وياك .. مو احجي وياك غهبااااغ ، رفع بس عيونه وهو بعده منزل رأسه ع الجهاز
من شاف اصراري رفع راسه شمر الجهاز كدامه وسند ظهره وهو رافع حاجبه اردف بهدوء ..

رهبار : احجي

ريفان : ليش هيج جاي تتصغف وياي لشوكت تبقى بهذا البغود وياي لشوكت تبقى بهذا الطبع وياي
تغه اني ما سويت اي شي ليش تتصغف هيج فهمني الله يخليك
مو جاي احجي وياك يعني لاتعاين عليه بهاي النظغات
غهباغ انا غيفان نفسها ما تغيغت ابد بس انتَ الي تغيغت بشنو غلطت بشنو اذنبت هاي المغه كووول

رهبار : ماتعرفين مو ؟؟!

ريفان : ااااي ماعغف لاتسسسكت تغيد تموتني هااا تغيد تخلص عليه تغه بس انتَ الباقي الي بسسس
انتَ وتدغي انتَ أملي الوحيد بهاي الدنيا حغام عليك تسوي هيج وياي ع الاقل خاف الله بيه تغه وحيده وماعندي غيغك بهاي الدنيااا

رهبار : كلتي ماعندي غيرك ؟؟

ريفان : ليش تشكك بكلامي شبيك لاتخبلني عندك شي كوله الي بس لاتسوي هيج بيه خبلتني

رهبار : انا ماجاي اشكك بكلامج انا اريدج انتِ تحجين الي عندج

ريفان : ماعندي كل الي عندي حجيته

رهبار : جا خوش واذا طلع العكس

ريفان : ابتلعت ريقي لان كلامه يخوف كأن عنده شي
انا الي ماعندي حسيت عندي شي ضامته ، رديت عليه
اذا طلع العكس سوي الي اي شي

رهبار : تمام بويه

ريفان : تقرب سحب الجهاز مالته ماعرف شنو صار يسوي إلى أن رفع راسه الي

رهبار : ليش وجهج انخطف ؟

ريفان : هزيت راسي بنفي

رهبار : خايفه؟

ريفان : لااا لاا شبيك

رهبار : جايج اسمعي

ريفان : شوي واجاني صوت ايلان بقيت فاتحه عيوني ع وسعهن مصدومه جاي اسمع صوت ايلان وشوي وسمعت صوتي اني هم !!!!! احس ضغطي نهبط
خاصه الحوار الي جان بالصوت حوار يعكس العلاقه الي بيني وبين نشوان كأن بهذا الحوار يأكد اله بيني وبينه اكو علاقه 100% بس اني بهذا الوقت جنت اقصد غير شي شلون هسه تفهمه اني مو هذا الي اقصده شلون أفهمه مو هذا الي قصدته بعلاقتي ويا
نوب زاد الطين بله من ايلان نصحتني بي
وكالت يحبج سوي ويا علاقه انا صح رفضت بس بعدين صارت علاقه صداقه بينا وهو عباله علاقه حب
لان طريقه كلام ايلان وياي كأنها جاي تسألني عن حبيبي مو صديقي احسها كلش متقصده تحجي
بهاي الطريقه بس اني الغبيه الي ماجنت منتبهة
طلعت تحوك الي اليه من جوه الجوه واني مو داريه
ع اي شي
مستمره اسمع التسجيل واحس الدينا وكعت ع
راسي نوب اني جنت احجي وياها عن أي شي
يسوي نشوان وهي الخبيثه تبين غير شي
طلعت لاعبه لعب ومسجلتني وأني الغبيه
المغفله الي جنت اشوف تصرفاتها وياي ملاك وماكو
منها طلعت شيطان بهيئه انسان هي ونشوان وعمتي هم كلهم نفس الشي
والمشكله هسسه راح اخسر حتى رهبار بسببهم
راح يعاديني بسبب فعلتهم ياربي دخيلك
انقذني ..

والي صدمني اكثر رهبار فتحلي صوت ثاني واني
اكول بي اني احبك نشوان المشكله هذا صوتي وصحيح اني حجيت هيج بسسس هذا المقطع مقصوص لان اني كلت بوقتها اله اني احبك نشوان بس كصديق مو حبيب ..

ماحسيت الا الجهاز انشمر بقوه ع الميز
رفعت راسي اعاين رهبار عصبي ناااار ناااار خازرني
بصوره مخيفه العروق الي برقبه واجبينه واضحه
كثر ما شاد ع نفسه
قبضه ايده تخيلت لو اني بيها جان تشاهدت ع نفسي
بجيت بقله حيله
صاح بصوت عالي فززني من مكاني وخلاني ابجي ازيد

رهبار : هاااااا وهسسسه كووولي جذب كووولي
لج لاتخليني هسسسه أشعل الميتين كلهممم

ريفان : شهكت بخوف ، والله جذب والله

رهبار : لاااااخبلييني لج ردت اجججذب نفسي اخذت الصوتيات وتأكدت منهن ردتهن يطلعن مو حقيقياااات
ردتهههن يطلعن تركيب ردتهن مووو صوتج
شااايفه شلون اذيتيني بهذااا كلامج ششششايفه القهر الي انا بي هسسسسه ،طوول هذا الشهههر واناااا اتمنى يطلعن مو الج حتى المحترفين انطيتهم حتى يعرفوا تركيب أو لا بس طلعن حقيييقياااات
ااااخ ريفان ااااخ بكل مره تأذيني اكثر من الي قبلهااا
جاااا انا بشنو مقصر وياج فهميني بشششنو

ريفان : عصبي عصبي مايخليني اتفاهم ويا و أوضح اله كل شي شال الطاوله الكزاز الي كدامه وشمرها سواها تراب اطشرت ب ارجاء البيت
رجع شال التحفيات كسرهن يريد يتقرب يمي يضربني بسسس مايكدر يمنع نفسه

رهبار : لج طول هذا الشهر وانا ما اريد اتهور ماريد اظلمج ماريد ااذيج كل شوي اذكر نفسي لا رهبار هاي حبيبتك لا رهبار هاي بنيتك الي ربيتها ع ايدك ماتسوي هيج وما تخونك لا رهبار اكيد المقطع مفبرك
ومو صح بسسسس إلى أن وكعت هاي المصيبه ع راسي وطلع حقيقي طلعتي انتِ اي انتِ

لج بويه ليش بكل مره تفشليني ويه روحي ليشش!!

ريفان : تقربت منه واني ارجف ابجي واشهك دموعي
بمحجر عيوني وما اشوف شي وصلت كدامه
رفعت ايدي مسح عيوني بقوه ولزمت ايده هو نفر ايدي بس رجعت لزمت ايده واني اتوسل بي
يسمعني ويسمع كلامي كله ، الله يخليك بس اسمعني اسمع الحقيقي مني فدوه الله يخليك والله ماعندي احد ثاني غيغك

حسيته هدأ سحبت نفس اريد شهكتي تروح بس
ماكو بقت لازكه بيه ..

والله اني ما حبيته ولا اي شي
اني اعترف كلامي الي بالصوت صحيح بسس مو مثل ما انتَ مفكر ايلان سجلت بس الشي الي تريده
حتى تخرب عليه حياتي لان تكرهني
اني احجي الها عن العلاقه الصداقه الي تربطني بنشوان
بس هي تحجيها وتفهم بالتسجيل انُ جاي احجي
ويه حبييب مو صديق
والله وداعه عيونك وداعه ماما ماخنتك
وعلاقتي بنشوان جانت بس صداقه همَ سووو هيج بس حتى يأذوني وماعرف شنو راح يستفادون من يسوون هذا الشي
حتى الصوت الي ع اساس كلت بي احبك نشوان ( من حجيت هيج لزم ايدي بقوه راد يكسرها ) خفت وردتت اخفف ايه بس ماكدرت رجعت كملت كلامي ، والله مو هيج همَ قاصين المقطع لان تكمله الجمله كصديق مو حبيب لان هو اعترف ورادني بعلاقه بس اني ماردت لان روحي جانت بس يمك انتَ مو شخص ثاااني
افهم والله ماكو شي غيره ليششش مو راضي تصصصدكني تعبتني ...

ماحسيت الا دفعني ع الحايط بقوه
حسيت ظهري انقسم من الالم لزمني من اديه وحطهن ورى ظهري قرب راسه من راسي واردف بفحيح غاضب

رهبار : تحبي موووو ؟؟؟؟

ريفان : لااا والله ما احبه والله

اعاين عليه كأن صار مجنون خوفني ماتوقعت رهبار هيج يكون ولا اشوفه بهذا الشكل
ميل راسه للجهة الثانيه وعيونه داخل عيوني
شوي وقرب راسه من وجهي ماصار يفصلنه الا كم أنش
توقعته راد يبوسني لان قريب بس ميل راسه
وحطه برقبتي جمد جسمي من تصرفه هذا
حتى انفاسي ماكدر اسحبهن حتى النفس قطعته
بطوله وهيئة جسمه وضخامته وتصرفه كله خوفني
بقى تقريباً اربع لو خمس دقايق وبعدها تركني
اخذ المفتاح الشقه والسياره وطلع

اني من عافني وكعت كأن رجليه ما تعيني حتى اوكف
بجيت بحركه كلب بجيت من قهري والمي
من خوفي من المستقبل من كل شي
احس عيوني صاروا يحركوني وكلبي راد يطلع من مكانه تعبت هوااي سحبت نفسي بالكوه
للقنفه شمرت نفسي عليها مابيه حيل حتى اتحرك
من الخوف ليش هيج يا ايلان ليش خربتي حياتي امر ما هي خربانه ليشش
الله يسامحج اذيتيني بهذا تصرفج كلشش واني وحيده وما الي اي احد ..

ماحسيت ع نفسي الا واني نايمه كعدت فازه من حلم مرعب اعاين البيت اظلم مشيت تلمست النقطه وشغلت الضوه عاينت الساعه 12 باليل حييل هاي اني شكد نايمه ولا حسيت ع نفسي
اعاين البيت مليان كزاز ورهبار ماكو بالبيت خفت عليه حتى ماعندي جهاز اتصل بي
رحت غسلت وصليت
وبعدها نضفت البيت احس شويه ارتاحيت وجسمي رجع الطبيعته بعد ما جان يرجف بصوره تخوف
بقيت انتظر رهبار وما رجع
الثاني يوم الصبح يلا دخل للبيت شكله طبيعي
بس مايحجي وياي
ميخالف لايحجي المهم يكون بخير بس انتبهت ع ايده حمررره وماعرف ليش  ..

استمر الوضع بينه بالسكوت هو يجيب اي شي احتاجه واني اسوي الي عليه حقه مايحجي وياي اكيد
بعقله صار يتخيل هواي اشياء ماصاير
اي شخص من يسمع هذن الصوتيات راح يتأكد هاي خيانه مو غير شي وراح يتصرف بالضرب
بس رهبار اتصرف وياي بالتجاهل مو الضرب
وهذا الشي حيل اذاني دمر نفسيتي مو جسمي

ورى فتره لكيت علاكه بغرفتي رحت فتحتها لكيتها جهاز جديد ابتسمت بفرح واخيرا صار عندي جهاز
ونوعية جديده فتحته لكيت حاط بي بس رقمه
معناها جاي يكول ماكو تواصل ويه اي شخص بس اني
، للصراحه ما اعترضت بالعكس هيج اريح الي
وحتى ما تجيني المشاكل من جديد ..

مرت فتره طويله ع حاله الهدوء الي بيني وبينه
ف بمره اشتره هواي نمنيات وشغلات حلوه
جهزتهن من شفته كاعد يتابع فلم اخذتهن
يمه حطيتهن كدامه هو ما حجه شي سحب الحب وصار يكرز واني ويا اتابع واكل هاي حسيتها خطوه حلو تقدمت بيها
اخذت العصير وشربت واني مستمره اتابع بس حسيت
هو يسرق نظرات الي مالتفتت اله ولا شي شوي خلي اتجاهله مو بكل مره اني الي ابادر خلي هل مره هو
الي يبادر

ورى فتره حسيت بالتعب واريد بس انام لتفتت عليه
كتله راح انام هو ما حجه اي شي رحت للغرفه شمرت نفسي ع السرير وماحسيت بعدها ب اي شي
بغضون ثواني نمت
اكعد ثاني يوم كان فاقده الذاكره شلون نمت ما اعرف
تكررت هاي الحاله عندي وصرت انام واني ما احس بنفسي بحيث مرات اني وبالصاله اتابع
انام واكعد ثاني يوم الكه نفسي بغرفتي و بسريري
شلون وصلت ما اعرف

والزاد غرابه رهبار صار يشتري الي عصير كل يوميه
واذا ماشربت يجبرني اشربه مو جبر بالقوه لا
وإنما بالكلام واني ما احب ازعله بالكوه يلا رجع يحجي وياي صح كلام ناشف بس ع الاقل يحجي
لهل سبب ماحب ازعله واني ما صدكت ..
انتبهت ع نفسي صرت انام بدون ما احس وهذا الشي مر عليه اسبوعين واني طول هاي الأسبوعين اشرب العصير ومن اشربه انام حسيت اكو شي غلط بالموضوع
ويمكن هذا العصير تألف أو بي شي خلل
ما معقوله كل مره اشربه ما احس بنفسي الا ثاني يوم الصبح هذا الشي مو معقوله

كلت خلي اشوف رهبار قبل لا ينطيني العصير
ماعرف ليش احساس بداخلي جان يكول العكس
بس الاصرار الي بيه جان يدفعني حتى اشوف ليش جاي يصير هيج وشنو ، يمكن السبب يكون رهبار !
حتى تخبلت صرت اشك بنفسي مريضه
لو راح اموت كلت ماكو غير بس هذا الشي
بس اكو جزء من احساسي الداخلي
اليوم حثني حتى اشوف مابيها شي إذا راقبته هاي المره بس جنت اتمنى هذا الاحساس يكون خطأ ومو صحيح ماريد يكون احساس صحيح ...

كالعاده اشتره نمنيات ورجع العصر ف اني كتله
راح ادخل اقرا قران
دخلت جنت اقرا وبجيت من ضغوطات الي صارت وياي
بعدها طلعت ومشى الوقت طبيعي سويت عشه وغسلت المواعين وجاي وغيرهن صارت الساعه 11
دخلت الغرفه اريد يحس هو الوحده بعدها اطلع
فتحت الباب قليل شفته تحرك متوجه للمطبخ فتحت باب الغرفه وطلعت متوجهة للمطبخ اشوفه شنو يسوي ..

تسللت بخطوات بطيئه ورى حتى مايشوفني ولا يحس بيه هو دخل المطبخ طلع الكاسه وحط بيه العصير رجع فتح كيس ماعرف شنو بي ثواني وطلع منه شريط توقعت راح يشرب منه
بس الي صدمنـــــي طـــــلع حـــــبايه وطـــــحنها
وحـــــطها بالعـــــصير فتحت عيوني ع وسعهااا
" شنـــــو يعني طـــــول هاي الفـــــتره جاي يخـــــدرني وهـــــسه يريد يخـــــدرني " شـــــنو يـــــريد يـــــسوي بـــــيه !!!

______________________

التصووووويت ويييين ياناسسسس ياااعاااالم وين التصوووويت حشك هدوم كلبي من وراكم وتبتلون بيه
صوتو وعلقوا لانتخارب 💔💔💔💔
واااااالحسسسساب تابعو بطريقكم داده akyta_98
ترى اصيح أعلى 🥲💔

.

.