رواية دجن الضليع الفصل السابع والعشرون 27 - بقلم رهف علي

نبدأ بذكر الله ﷽💛✨

متابعه للحساب قلبي akyta_98
للتواصل ع حساب الانستا akyta_98

هو الگلب شيريد خاطر تكتمل قُصته ؟
درب ما بي نهايه، وسالفة، وأنتَ♥️.

_____________________

سيلينا : الفرحه الي انا بيهاا تفوق الخيال
كاعده وانا انتظر دخوله
ع احر من الجمر كلبي يدك بصوره مو طبيعيه
والابتسامه ماليه وجهي
اريد اصرخ هيج الهل درجه
بس ماكدر اووف واخيراا
حسيت بندسه بكتفي لتفتت لكيتها مرام ..

مرام : ولج ع الاقل ضمي ضحكتج زحمه هسه
شيكولون

سيلينا : اهوو مرام خليني بفرحتي شنو يكولون
خلي يكولون ما اهتم

مرام : ضحكت ، عزه انتِ بايعه الدنيا كلها

سيلينا : ليش هسه يلا عرفتي كلها لخاطر
مُلاذ عيوني

تركتها تضحك ولتفتت ع صوت الهلاهل
يبو كلبي راح يطلع من حلكي كثر ما يدك بقوه وسرعه
شوي ودخل غمضت عيوني من الفرحه اريد
احفظ هذا الشعور وهذا الاحساس
بخيالي وبكل حياتي
فتحت عيوني لكيته كدامي لابس
قاط صدك طالع يجنن احسه احلى شخص
بالدنيا يعاين عليه ويبتسم
اجه كعد بصفي عطره صار ترس خشمي

اردف بفرحه عارمه والابتسامه ماليه ثغره

دابر : وصـــــرتي مالـــــتي

سيلينا : انا بس ابتسم ضاربني الثول ماعرف
شنو احجي

رد همس ..

دابر : مبروك علينا

سيلينا : م..مبروك

اديه بحضني لازمتهن بقوه من التوتر
وضاغطه عليهن ماحسيت الا حط ايده
بحضني وسحب ايدي لحضنه وضغط عليها
وهمس الي ..

دابــــــــــر : اشو عايني عليه حبيبي ..

سيلينا : رفعت راسي وصارت عيني بعيونه احس عيوني نملت دموع يعني واخيرا الي جنت احلم بي
صار الي ومن نصيبي شي عجزت عنه
بس ما راح الغيري بعد كل فرصه
راد يروح فعلاً ..

رمشت بعيوني وهو صافن بوجهي
فززنا صوتهم وهم يكول النا ، لبس عروستك
الذهب دابر
اول شي لبسني الحلقه
وانا من ردت اخلي الحلقه ب ايده
من التوتر ايدي رجفت و وكعت الحلقه من ايدي
صارت ع الارض هم صاروا يضحكون
وانا تفشلت من يمي وهو حس بيه لهذا
حجه

دابر : ماصار شي

سيلينا : نزل ايده هوَ لتحت حتى ياخذ الحلقه
هي اساساً بعيده عن رجلي شوي لهذا انا من خجلي
سحبت رجلي رجعتها للورى
متوتره لان صار قريب مني

فجأه حسيت بلمسه ايده صارت
من جوه الفستان ع رجلي انصدمت
ماتوقعت هاي الحركه تتطلع منه دكات كلبي
احسهن يدكن ب اذاني وهو بحجه يدور
ع الحلقه ايده شوي شوي تصعد ع رجلي
وانا ما اكدر اتحرك ولا احجي لان راح يسألوني
وانا بوقتها ما اعرف اجاوب
من حسيت صار يتمادى انا تحركت حركه
يدل ع خوفي وخجلي عاد هو بعد ايده
وشال الحلقه من الارض
ورفعها عيني صارت بعينه غمز االي وضحك

رجع المكانه بس نظراته فصلتني
كل هذا الي يصير واحنه بنص هاي الهوسه
وكلها فرحانه وتصفك
سحب ايدي وحط الحلقه بيها ..

دابر : اتفضلي مدام لبسيني حلقتي

سيلينا : اخذتها وانا ابتسم ، لزمت ايد ولبسته الحلقه
اختي بصفي شاورتني كالت دوسي ع رجله
انا هم ماكلت باطل وماعرف ليش ادوس بس
اشو عجبتني الشغله رفعت رجلي ودست ع رجله
بالكعب ماسمعت بس صوت ..

دابر : اخخخ بويه

سيلينا : خفت ، هاا شبيك

دابر : لج ام راس المحجر زرفتي رجلي
زرف جا هو هيج كالوها شجاي تسوين تنتقمين مني

سيلينا : هاا ، لا ، انا ..

شافني توترت وخفت وهو ضحك عليه

دابر : يابويه روحي وكلي فدوه الج مو بس ادوسين ع رجلي اشو انتِ دايسه بكلبي وماكلت شي
تردين احجي لان دستي ع رجلي
حلالج سوي الي تردي مأ اكول لا ..

سيلينا : كزيت ع اسناني لو ما عيب جان هسه
خمطت منه بوسه
بقى كاعد شوي وبعدها راح مايحب هيج تجمعات
ورى ما انتهت الحفله الخطوبه
اجتي ماما ..

ام زياد : كومي يمه دابر يريد يحجي وياج

سيلينا : شنو ماما وين ؟ استغربت

ام زياد : وين ولج بالديوانية كاعد ينتظرج

سيلينا : هاا اي اي هسه اروح

ام زياد : ديلا مو اطولين كال أريدها بساع

سيلينا : هزيت راسي ب اي وهي عافتني
وراحت ماعرف شتسوي
وكفت ردت اغير ملابسي واروح بس بعدين
غيرت رأيي اشو طالعه حلوه هيج احسن اروح
بس اخلي شي ع اكتافي حتى
اعطيهم تمشيت للديوانية وصلت الباب
سحبت نفس قوي بعدها دخلت
بس شنو احس داخله ماعرف وين كلش خجلانه
شكد ما أكول انا جريئه بس من تصير صدك
احس انا حتى واحد بالميه ماعندي

اول ما دخلت لكيته كاعد من شافني وكف ع
طوله وهو مبتسم صار يتمشى
العندي إلى أن عبرني صار ورايه
سد الباب وقفله انا هنا قطره دم ما بقت بجسمي
كلش خفت شنو ليش قفله صارت
تجيني افلام وخيالات براسي
ماحسيت الا احتضني من ورى صار ظهري عصره
واديه ع بطني ، سحبني عليه وشد اديه
عصرني عصر بحضنه
وانا مثل السعفه بس ارجف اول مره
يصير بينه هذا التقارب وهذا الحد
كلش شي صعب عندي وحيل خجلانه
منه ومن نفسي
باسني بهدوء من خدي وهمس ب اذني

دابـــــــــــر : حبيـــــبي

سلينا : خاني صوتي ورجف ، ه..ها

حضني بقوه وهو يستنشق من رقبتي
الا شوي ردت اوكع بسببه
تأثيره حيل قوي عليه
بحضوره انا أضعف انسانه

دابر : إشـــــتقت إليـــــكِ ،
ولكنها ليـــــستْ الَمَـــــرةُ الأولـــــى ،
بل هِـــــيَ عادَتـــــي في كل يـــــومٍ،
ولكـــــن بصـــــمت .

سيلينا : مافهمت كلامه بس كل الي انا بي
واحسه هو قربه يمي خلاني بغير جو
اريد اسيطر ع نفسي ماكدر
ثبتت نفسي باالكوه وهمست اله ..
ش.شتقصد ؟

دابر : همس ، تردين تعرفين ؟؟

سيلينا : هزيت راسي ورديت ، اي

دابر : جا خلي اشوفج واطبق بيج ..

سيلينا ماعرف شنو يقصد بكلامه وأنا
من ثولي وافقت وماعرف شنو يقصد
ماحسيت الا لفني وصار وجهي
بوجهة نزل ايده وحطها ورى ظهري
وسحبني بقوه اصطدمت بصدره
حط ايده ورى راسي ع رقبتي وسحب راسي
لعنده وقبلني اول قُبله بحياتي من اول حب وانسان
امتلكني بكُل فؤادي سحبني القاع ماكو غير بس
دابـــــــــــــــر..

بعد فتره أبتعد عني وانا احس نفسي بحلم
حتى جسمي طاير بالهوى
شلون هيج متأثره ولهل درجه ما اعرف
حط أنفه ع خدي وهو يهمس ..

دابر : شبي حبيبي شكله ذاب ودخل بالجو

سيلينا : ما احجي بس اريد استعيد قوتي
حتى ابعده عني نوب انا مستنده عليه بس ابتعد
اوكع

دابر : ها حبيبي حب الجو

سيلينا : حسيت جاي يلمح الي بكلام سغسغي ع كولت رفه رفعت اديه وخليتهن ع صدره ودفعته بخمول ، بس شووي بعد

دابر : سحبها ، اشش خليج وياي

سيلينا : ل..لا هسه ي..يجون

دابر : رد بهمس ، محد يجي قافل الباب تعاي ..

سيلينا : اخذني من ايده كعد ع القنفه وكعدني
ع رجله وانا خدودي صار حمر بس كلش احس
روحي بغير عالم لمساته كلش تأثر بيه
سحب الشال الي حاطته ع كتفي لزمته
ماريد يسحبه بس هو جره مني قوته اكبر مني
جره وشمره ع الارض نزلت راسي خجلانه
حسيت ب أديه تمشي ع خدودي شوي شوي بعدها
نزلت ع كتفي صار يرسم دائره ع كتفي ويهمس
الي بكلام محبب القلبي سحبني وحتضني داخل
صدره
وانا روحي صارت بروحه لزمته من الستره وشديت ايدي عليه وهو يترك قبلات ناعمه ع كتفي ..

ابتعد عني بعد فتره وهو يعاين بعيوني
والضحكه ع شفايفه ..

دابر : بويه احبج انا يا احلى شي صار بحياتي ..

سيلينا : و..وانا هم

دابر : اردف بضحكه، انتِ شنو ؟

سيلينا : احبك دابــــــــر

ختلت منه وبحضنه وهو يضحك عليه
شلون أخجل منه وبعدها ارتمي الحضنه
شد ع ايده وانا غمضت عيوني ع حركه ايده الي
تمشي ع شعري

بعد عشر دقايق بعدني عنه وكفنا وجه الوجه ..

دابر : انا رايح تأخر الوقت وزحمه من اهلج
بس اكيد راح أمر بكل مره واشوفج
اما عقد المحكمه ان شاء الله ما انطول بي
ماكدر اصبر اكثر راح احدد ب أقرب وقت تمام حبيبي

سيلينا : تمام ، رديت عليه ب ابتسامه هادئه
عاد هو راد يطلع بس رجع سريع
باسني بسرعه من شفتي غمز الي وبعدها
طلع

انا لزمت كلبي وطلعت طايره الغرفتي
اميـــــره اي انا اميـــــره بهاي الحـــــظه ولكيت الأمـــــير الي سكـــــن داخل قـــــصري وللابـــــد

كاعده واتذكر الموقف الي صار
قبل فتره الخطوبه ..

جانت فتره زياره لهذا رحنا احنه عائلتنا وكذلك
عوائل من اقاربنا ومن بينهم عائله دابر وحتى هو موجود بوقتها جنه معترفين البعض بالحب
من جاي امشي ف شفت رأيه تقربت عليها
ولزمت طرفها وشديته وطلبته من الامام
فجأه سمعت صوت ورايه يكول ..
( ان شاء الله ينطيج مرادج الحسين )
لتفتت لكيته اخو دابر عرفت بي يعرف شنو
طلبت لان هم اساساً يعرفون دابر رأيدني
ع هذا الأساس عرفت شنو يقصد كلش
استحيت منه بوقتها
ف بيومها اختليت انا ودابر بمكان لمده دقايق
معدوده وكفت كدامي وهو فرحان كال ..

دابر : شوفي شنو جبت الج

سيلينا : طلع من جيبه حلقه فتحت عيوني بصدمه ، شنو هاي ؟؟

دابر : ضحك ، حلقه اشتريتها الج والي ، من تطلعين
البسيها ومن تكونين بالبيت انزعيها خاف اهلج
يشوفوها

سيلينا : بوقتها كلش فرحت عبالك صدك
خطبنا وهذا خطيبي بوقتها جنه كاعدين
ع العلقمي عاد انا شسويت الخبله
الي احلف ع نفسي مو صاحيه ..

سحبت الحلقه مالته من ايده وقدمتها
اتجاها سألته وانا اعاين بعيونه تقبل تتزوجني ؟؟؟

______________________

دهليز : أصعب شي بالحياه من شخص
يقررك او يخيرك بين اشياء اثنين انتِ تحبهن وروحك
متعلقه بيهن
شيء مستحيل تتخلى عنو وشي روحك بروحه
صعبه وشي جثير يتلف الكَلب

جثير عني صعب اختار مابين كَلـــــبي وكَلـــــبي

ع كد ما احاول اكول هذا اختبار
من الله تا يدحك مدى تحملنا وصبرنا
ع كد ما احاول اصبر
اعترف انا جاي اسوي غلط بحق انسان
انا ب اسمو بس هذا الشي مو بيد انسان
واصل لأقصى مراحل الحب مستعد
يتخلى عن نفسو في سبيل الي يحبو
وهاي انا هساع صرت بهذا الموقف
وتخيرت مابين روحي وكَلبي

واكفه ادحك الو وعيوني تفتر ع ملامح
وجهو رايده ولو حركه منو ادل ع عدم
صدق كلامو بس للاسف ماكو اي لمحه
وحده اهجس كل الي بيه صار أشلاء
وتحطم ليش هيج جاي يعذبني يبقى
هذا ابني ويعرف الي صار ويا غصب
عني ليش مستمر يأذيني

بشار : كولي شقررتي ؟؟

دهليز : هزيت راسي ب لا ..

بشار : عندج اختيارات اثنين وانتِ بعد تختارين بكيفج ، اما اخذ ابني واطلكج او ابقي ابني
يمج بس تبقين ب اسمي ومرتي و ع ذمني ..

دهليز : فتحت عيوني ع وسعهن ، يارب دخيلك
شنو هذا الي تاسمعو هساع من عقلو ، ب..بشار
شنو داتكول

بشار : هذا الي موجود يابه ماطلبت الا حقي

دهليز : بس انا ما اريد ابقى واحنه اتفقنا شهرين ونطلك بس بسبب الحمل تأخر الطلاق

بشار : عجل تتركين ابنج واطلكج

دهليز : بشششششار

بشار : ها يابه شكايل انا

دهليز : فدوه ابني ما اكدر

بشار : اردف بهمس، عجل تبقين يمي !

دهليز : عضيت شفتي ماريد ابجي اريد
احل الموضوع بدون عركه تا مايعاند ،
خلي ابني يمي ومن تريده أخذه يمك
انا هم ام والطفل لازم وياي ع الاقل الحد ما يكبر

بشار : نفى نفي قاطع ، لااا اما هذا أو هذا اختاااري

دهليز : رجف جسمي من القهر رديت عليه
وانا اطلع الحروف جبر عني، انتَ ليش تريدني
يمك وتعرفني انا ما رايده من الاول ليشش

صفن بوجهي وطول بصفنتو ورى وين
يلا رد عليه ..

بشار : تردين تعرفين

دهليز : اي

بشار : عبن انا احـــــبج من زمـــــان وجثيـــــر

دهليز : هجست مثل المي ونرش عليه
بشار يحبني انااا ومن زمان ؟!!!!!
لا هذا الشي مستحل لا ياربي لاتخليني بهذا الموقف
ما اريد اكسر كلبه ما اريد اسبب اله ألم
وهو يحبني شلون هيج اهجس النفس
ضاق عندي هزيت راسي بنفسي وانا ارد الو ..

لا حباب انتِ ماتحبني موو كول ماتحبني

بشار : ضحك بهدوء ، ول يابه انا احبج من انت و صغيره شوكت ما ادحك عليج الكه حبج بداخلي
يزيد ما ينقص عبن انتِ الشي الحلو الي موجود
بحياتي جثير حاولت اتقرب الج واعترف واخليج
تحبيني بس الي موكفني هو صغر سنج
جنتي جثير صغيره وماردت احجي اي شي الج
وانتَ بهذا العمر ردت تكبرين شوي
تا اكول الج اعترف الج واجي اطلبج من عمي
اول ما دكولين الي احبك واكون صدك
انا الشخص الي اول من بحياتج وحبيتي
بسس اخخخ ماجنت اعرف هذا التأخير
راح يسبب الي خسائر فادحه واولهن انتِ
طلعت الدنيا من عيني اول ماعرفت بيج
تحبين لا وتعشكين حماها الاختج
ردت اوصل الج ب اي طريقه تا افهم
تا ادحك بعيني عبن جذبت الي صار
وما توقعتها ابد
اخخخ يابه جثير انكسرت بيوم الي
تاكد من هذا الكلام
جن نار و كطيتوني بيها لو الكلب الو صوت
جان سمعتو كل هل الناس تايشوفون
شكد هو معتلج بنارو وما الو اي مهرب او منفذ
تا يرتاح الا النهوه ..

دهليز : هو يحجي وأنا ادحك بي مصدومه
اول مره اسمع هذا الاعتراف لا ومن منو من بشار
اهجس عقلي الهساع ما مستوعب
اي كلمه كالها الي ، الله يخليك ليش
تريد تعذبني هذا كلامك

بشار : لا يابه انا بحياتي ما ردت الج العذاب
حتى من نهيت عليج ودحكت رده فعلج
جن سجينه اتغرست ب كلبي
عبن الي صار شي مو هين يايابه

دهليز : غصب عني نزلت دموعي
يارب بحياتي ما اذيت انسان اجي هساع
ااذي قلب بشر
جثير صعب حتى ما اعرف شنو ارد الو
ماريد اي شي اكولو تا ما اكسرو الخاطرو
بس الواضح القدر يريد يلعب
لعبتو ويانه تا يدحك بعيونو المنا
وشكثر احنه متعوبين بسببو
نزلت راسي ماعرف شنو اكول
اريد اي شي تا اهرب من الموقف

فجأه هجست شي نزل من بين رجليه

جمدت بمكاني هو من دحك الي بهذا منظري
تقرب الي خايف يسألني

بشار : شبيج لولو شبيج ؟؟؟؟

دهليز : م..ماعرف ا..اكو شي دينزل ، بعدني
داحجي جان يجيني ألم قوي عطت
وهو فز من مكانوا

بشار : اسم الله شبييييج

دهليز : ابني بشااار اهجسو راح يجي
راح اولد ، اخخخخ بشااار الحك راح اموووت
مم الالم

اصيح وهو انخبص بيه
انا ماصارلي كم يوم دخلت الشهري
بس ماتوقعت اليوم وبدايه الشهر اولد جثير خفت ولزمتني البارده جسمي صار يرجف رجيف
ماصاير خوف ع توتر ع قلق
طفل واول ولاده الي اهجس شي فوك شي صار
وأنا مو جاهزه الحد هساع
وكلو اكول عنو حلم لكن ما حلم الا خيالي الحلو

السياره طايره طيور وهو كل شوي يدحك
عليه ويرجع يسوق وانا الوب من الالم
ورى ما وصلنا اخذوني الصاله العمليات
الالم الي هجستو بحياتي ما مدحكتوا
الولاده جثير سامعه عنها بس ما هجستها ولا
مره الا اليوم صدك الالم الحقيقي دحكتو
بعيوني
تعسرت ولادتي وانا اصيح بس خلصوني
منو الالم تاياكل بجسمي اكل
بعد مرور وقت جثير ولدت ابني
قاومت ردت اسمع صوتو بس ما الو اي صوت
همست وصوتي مايعيني

ليش ما يبجي ؟! سألتهن وانا خايفه لا بي شي
ماكدرت اقاوم واغمى عليه ..

صحيت ع ألم انيت اسمع صوت بشار  يمي
ماعرف شيحجي فتحت عيوني لكيتهم
فوك راسي تذكرت اول شي ابني ..

ابني وين ؟؟

بشار : الحمد الله ع سلامتج حبيبتي ابنا بخير
هذا يمج ..

دهليز : لتفت لكيتهم حاطينه بصف السرير مالتي
ساعدوني حتى استند ع ظهري
اريد اشيلو بحضني
ساعدوني وكعدوني وخلو بحضني هجست
ملكت العالم كلو احبو هذا ابني وقطعه من روحي
حضنتو الصدري وخليت راسي برقبتو وشميت
عطور دموعي صارت تنزل ماعرف ع شنو
بس جثير اهجس نفسي اريد ابجي
ومهظومه هم يسكتون بيه بس انا وين ...

......

كاعده وحاطه ابني بحضني واناغي اله ..

دهليز : لهيمي حبيبي ..

بعد الولاده مره ايام انا وبشار متعاركين ع اسمو
هو يرد شي وانا اريد شي
اخرها بعد حروب يلا اقتنع اسمي اسم ابني
اللهيم ماعرف شلون اقتنع بس
ع كولت كيناز " عبن يحبج اقتنع  يريد
يسوي المستحيل تا تحبي "
انا احبو بس مو مثل الحب الي هو يحبني بي
مواقف جثير شفعت الو عندي
جثير وشكد حاولت بس ما كدرت
ساعات اقضيها بس بجي
عبن مو كادرت أرتب حياتي ولا أرسى ع بر
وساعات ابجي عبن اهجس انا ظالمتو
لبشار وكل ما يجي بعيني اللهيم انا اسحب عنو
ما اريد افكر بي وانا ع ذمتو لبشار
بس تخوني دموعي تخوني جثيرررر

كل الي اكدر اكوله الله ينطني البنت
الي تنسي اسمي ويحبها جثير
وهي تحبو وتعوضو عن كل ايامو ..

كاعدين وهو يدحك الي بعيونو اهجس
روحي تلوب من ادحك نظراتو تجاهي
بهاي الطريقه نزلت راسي وانا اسمع
السيد يحجي بكلام ويحاول ويحاول
تايلكه حل االنا بس ماكو
طريقنا مسدود من الاول
وهو ماعرف يكتسبني اخذ كل شي
مني بالغصب وانا مراهقة اذا طبع
شي بالي يبقى ع طول وما اكدر انسى

السيد : أبغض الحلال عند الله الطلاق
انتو متفقين ع هذا القرار؟؟ ماكو
اي اعتراض من طرف ؟؟

دهليز : رفعت راسي دحكي بصفنه وجر نفس
رد عليه ..

بشار : لا

السيد : وانتِ بنتي ؟

دهليز : لا

هو يحجي وانا ضاغطه ع ايدي
اهجس التوتر قوي واكو شي بداخلي
ماعرف شنو شعور ماكدر اوصفو
حيل غريب بالي راح البعيد
بس رجعني صوتو وهو يكول الو ..

" ارمي الطلاق "

دحك عليه وهز راسو كأن متحسف
انو بسببو وصلنا الهاي المرحله

بشار : انتِ طـــــالــك

________

ريفان : تصنمت بمكاني وانا اعاين رهبار كدامنا
وجهه تعبان والسواد اسفل عيونه
بس نظراته الحاده اخترقتنا مره يعاين ع عمتي
ومره عليه يسألنا يريد
جواب ع سؤالنا واحنه جامدين بمكانه مصدومين
انا خايفه منه وفاطمه توترت لان اجه قبل
الموعد الي هي محسبه اله

اردف بنظرات حاده ..

رهبار : عرس منو ؟؟؟؟

ريفان : عيوني دمعت ماعرف شنو اسوي
الكلام ما يطلع اريد اجاوب بس ماكدر

رهبار : شجااااااي احجي ماتحجووون
شبيكم انخرستوووو

ريفان : الجنطه مالته جانت بيده شمرها ع الارض بقوه
احس راح يطك وعيونه تخزر بقوه
يعني حي ع الصلاه اليوم احنه مكتولين وبلاخص
انا

رهبار : يا امـــــه * مو جاي اكـــــل *
عـــــرس منو تقصـــــدون؟؟

فاطمه : عـــــرس ريـــــفان

ريفان : ماتوقعت راح دكولها هيج بهاي السهوله
بهاي الحظه اتمنيت اختفي تمنيت
لو الله ما خالقني ولا شايفه الدنيا كلها
ع الرهبه الي حسيتها والخوف الي اكلته
درت عيوني عليه تصلبت بمكاني
هي النظرات لو تقتل جان انا اول الميتين

فزيت ع صوته القوي ..

رهبار : شششششنوووو؟؟؟؟ عرسس منو عيدي

فاطمه : ريفان

ريفان : الله لا يحط احد بهذا الموقف
بصفو اكو مواعين هواي وحده فوك الثانيه انا غاسلتهم
ماحسينا الا مد ايده وطشرهن كلهن بالمطبخ سواهن
طشار من الخوف رجعت لورى
هو تقرب مني بخفه من فوك الكزاز وصار كدامي
سحبني من ملابسي بخفه واصطدمت بصدره
صاح بوجهي بصوت عالي خلاني ارجف

رهبار : زوااااااج شنووو لج شنو هذا الخريط الي جاي تحجي فهممميني لا وال*** اسوي بيكم شي ماصاير
وافنيكم

ريفان : هو حاط وجه بوجهي ويسأل بصوره جماعيه
حتى ماكدر احجي دموعي تنزل بسرعه
اريد احجي ماكدر صار يهزني بقوه ويصيح

رهبار : لجججج حيووانه احجي هذا الكلام شنووو
زواج شنو انتو من شووووكت تلعبون هيج لعب من ورى ظهررري من شووووكت

فاطمه : اا..ابني بعد هي قسمه و.وصارت شبيك

رهبار : بسسسسس انتِ اسكتي لاتحجيين ولا حرف
واحد وانتِ لج الثانيه شلون كدرت تسووين هيج
شلوووون بعدين هذا يا ** الي جايبي ** براسه

ريفان :غ غ  غهباغ حبااب

ماحسيت الا ضربه قويه اجتني ع وجهي
ضربني كف طير بي معالم وجهي
شهكت بقوه وبجيت رجع سحبني من كتفي
ويتصايح ماعرف شنو يحجي انا صرت مثل الهزاز
يجيني منا ويرجعني منا
يحير شنو يسوي وده يموتني
كتفي احسه كتفي نخسف

ابتعد عني وهجم البيت ع راسنه امه تصيح عليه
وهو يصيح بس صدمني من تقرب من امه
وهو يصيح بوجها ويحجي حجي ..
اول مره اسمعه

رهبار : غضببب الله ع راسسسكم ليش هيج
لج فهميني ليششش
تذكريييين شكلي الي من رحنه ل ايراااان
عساهااا روحه الكشره وساعه السودده
الي رحت بيها ريتني ميت ولا رحت
هااا اتذكري شكلتي
كلتي يممممه صخمه اخذ بنت خالتك واستر عليها
هي وحدها و ولد الحرام هوااااي
وانا ماكدر اعوف بنت اختي
كتلج بيومهاااا يمه لوووو تنكَلب الدنياا ما اخذهااا
انا احب ريفان واريدهاا مره الي غيرها ما اريددد
وانتِ بنفسسسج تعرفين هذا الشي واعترفت
بالساني بس انتِ شسووويتي هاا ؟
سويتيلج سااالفه وركبتيها براسي
طلعتيني من الطهاره وانجبرت أخذها حتى ما اخلي سمعتها توكع الكااااع
وسمه اختج الشريفه بسسس كتلج استر عليها
وريفاان تبقى الي واتزوجه غصب عن اليرضى
والمايرضى وانتِ اعترضتي وكلتي لو ما تستر
ع بنت اختي ريفان ازوجها الغيرك بدون ما تعرف
خاصه انتَ ع طول بالشغل وماتنزل وتروح
تسافر شهر للخارج علمود شغلك
اانا استغل الوضع وازوجهاااا
بيومها شسووويت الج هاا كولي شسويت ؟
ماتذكرين شسويت لج وكفت بعيني انتِ امي
وطالع من رحمج وما اذيتج بشششي
بس انتِ شسوويتي دمرتي حياتي
وطلعتيني من الطهاااره
حجيت ردت بس عقل ال* مايشتغل
اريد اعرف ليش سويتي هيج بشنووو اذتج
بشنوووو لج انا اعاين عليج تتصرفين وياها
بحنان وتحبيها ليش ما ترديها الي هذا الي
ما مقتنع بي بس توصل تزوجيها بدون
ما اعرف انا لهناااااا وبس
اكلب الدينا فوك روسكم وانعل الخلفوكم
واحد واحد
لبستي براسي وحدها ما اطيقها ع ساعه اكتلها
بالمكان وحرمتيني من الروح الي بجسمي
وهسسسه شحصلتي خربتيهااا وكعدتي ع تلهاااا
فختي ارتاااحيتي ..

ريفان : بقيت جامده بمكاني وانا اسمع كلامه
صدك انصدمت اسمع صوت بجي ورايه لتفتت
لكيتها استبرق تبجي وايلان تبجي
رجعت نظري الهم هو مفرفح يتصارخ بوجهاا
وهي ما تحجي تخاف منه وتلعب بذيلها من ورى
شلون رهمتها ما اعرف

فجأه تقرب عليها فتحت عيوني ما توقعت يسويها
مد ايده ع امه وراد يضربها بس تراجع
وضرب ايده بالحايط سمعت صوت الطكه
غمضت عيوني وانا ابجي أذى ايده هواي
بس هو ما اهتم يروح منا ويرجع منا ويصيح
ماخلى شي بالبيت يعتب عليه
كل شي كسر بالبيت لا بقى تلفزيون لا مواعين لا أغراض لا تحفيات اي شي يشوفه كدامه ويجي
ب ايده يسوي تراب

رجع عليها يصيح ..

رهبار : كووولوو هذا يا **** الي سوا هيج ياااهوووووَ

ريفان : عمتي فاطمه ردت عليه انا ما استرجي احجي
لان بس تحجي عبالك اذكره بنفسي ويرجع
عليه

فاطمه : تُـــــليد

ريفان : ماتوقعت ابد تكون رده فعله بهاي
الطريقه وكف جامد وفاتح عيونه ع وسعهن رد بذهول ...

رهبار : صـــــديقـــــي .

ريفان : ابد ما توقعت تُليد يكون صديق رهبار
يعني صدك الموقف صعب عليه وعليه انا
ماعرف ليش عاينت بعيونه وهو لتفتت
صارت عيونه بعيوني حسيت دمعو عيونه
للحظه وبعدها التفت ل امه كان يريد يتأكد ..

رهبار : يمه !

فاطمه : ها

رهبار : تقصدين تُليد سامان ؟؟

فاطمه : هزت راسها ب اي

ريفان : حسيته مثل الجبل ونهدم ع الارض
كعد ع القنفه وهو لازم راسه بين اديه
يسحب النفس بقوه
كأن ماجاي يكدر يتنفس
انخبصت امه وتقربت تريد تشوف شبي لزمته
من كتفه عاط بيها ودفع ايدهة بقوه

رهبار : وخررررررري مممممممني عساني لا صرت ابنج
ولا شفتيني يوم بحياتج

ريفان : خليت ايدي ع حلكي حتى ما تتطلع شهكاتي
اول مره اعاين رهبار بهذا الموقف وهذا الضغف
اخر مره شفته هيج بيوم وفاه بابا الله يرحمه
جان هيج منهار حتى اذكر بيومها من حضنته
وهو يشكيلي شلون دفنه بدينه
هسه احس انعادت نفس السالفه بس هل مره
انا بيها
انا الي كسرته وخليته بهاي الحاله بس مو بيدي والله موبيدي

رهبار : لج الله ااااااااكبر تعرفين شنوووو يعني صديقي وحبيبتي سووووووه تعرفين شنو يعني
انتِ هسسسه جرمتي بيه ضيعتيني وضيعتي حياتي
مني بس فهميني ليش هيج غضب الله عليه
ادري انا واحد طايح حظه وسويت شغلات
متحسف لان سويتهن وغلطت اغلاط اكبر من راسي
بسسسس مو هيج اخخخ ربي يمه دمرتيني بيدج
وراح تخسريني صدكيني تخسريني

ريفان : وكف ع طول وختل توازنه راد يوكع ولزم
بالحايط تقربنا نريد نلزمه بس عاط بينه

رهبار : بس لاتصيرون براسي زينين وتكّم ماكو
هو انا **** صوجي والله صوجي ما اخذتها
بنفس الحظه وعقد عليها بسسسس كلت أاااااامي
اذا هي امي واقرب الناس الي طعنت بظهري بعد شترجه من الغرررريب

اسمعوني وحق كل شخص طاهر بهاي الدنيا
الا اخليكم تعرفون رهبار منو استهانيتو بيه
خليكم هيج الا ما احييلكم كلب واطلع ****
اذا ما خليتكم تمشون عدل مثل ميل الساعه
ماطلع ابن ابوي

ريفان : تقرب وكفت كدامي يعاين بعيوني
وهو خازرني احس اعاصبي تلفت كثر ما بجيت
وبالكوه واكفه ع طولي مابيه حيل اوكف اكثر
وهو منا يحير شلون يتصرف تصرفات
تخطف انفاسي  لزم ايدي بقوه وسحبني العنده بخفه
نزل راسه وقربه من اذني واردف ..

رهبار : تريدين تعوفيني وتروحين الحضن ثاني
هيج هان عليج رهبارج هيج هنت بسهوله
بدلتيني ب شخص ثاني واقرب شخص الي
وصديقي شكلتي النفسج من سويتي هيج
تدرين بيه اموت إذا رحتي مني وهسه دمرتيني
بيدج وما فكرتي بيه
بس هينه بويه هينه ..

ريفان : جمدت بمكاني كلامه كلش اثر بيه
صرت اشهك بالبجي ابتعد عني عاين بعيوني ورد كمل  ..

رهبار : انـــــتِ بالـــــذات حســـــابج بعديـــــن

ريفان : حساب شنو عزه بعيني والله رحت بيها
ريفان انتِ انتهيتي رهبار راح يسويج قطع
ويوزعهن ع كل منطقه حتى تكون عبره الج

اعاين راح راد يطلع امه وكفت بطريقه ..

فاطمه : فدوه لعينك يمك وين رايح

رهبار : لجههههنم الحمره ارتاح واخلص منكم
تردين شششي ثاااني بعد ما طلعتيني من ديني ؟؟؟؟؟
هاا ماتحجين لو اكلتي لسانج ، بس سهله
انا اعرف شنو اسوي اصلبه صلب الي يدك عليه
راجع من الدوام  ال**** بدال ما تتلكوني بالحمد الله ع السلامه ، تلكوني بخبر يدمر بس سهله اصبرولي ..

ريفان : طلع بعد ما دفع امه من كتفها بعدها عن طريقه  وهو يسب ويغلط ما خلى واحد
ماغلط عليه من الكبير للصغير
سوانا مزق
هو راح وهن استلمني ماخلن شي ما حجنه عليه

فاطمه : ال نغ*** البلا اصل ، الحيوانه يعني هم
بلا اهل وهم هجمتي بيت ابني من الله لا ينطيج
لا دنيا ولا آخره وتلكيها بحياتج وماتنسعدين
طول العمر مثل ما دمرتي حياه ابني
غضب الله عليج

استبرق : أمهات الزلم ، كله بسببج شوفي شصاار
الله لا يوفقج ...

ريفان : ماحجيت شي بس ابجي مو من كلامهن
بالعكس تعودت عليه بس ابجي ع رهبار
والموقف الصار بي ماتوقعت تُليد يكون صديقه
بحياتي كلها ما توقعت هذا الشي
عفتهن يحجن وصعدت فوك سديت الباب وكعدت
استرجع الي صار وأنا ابجي
ماكدر انسى نظراته ماكدر انسى كلامه
ولا انسى من فرفح بالصياح وهو مقهور مني

مر االيوم وهو مختفي وما مبين
صاارت الساعه 12 باليل وهو ماكو
وانا افتر بالغرفه اريد اعاين عليه يرجع حتى ارتاح
خاف لا يسوي حادث وهو منا طلع ضغطه صاعد
ورى شويه سمعت صوت السياره
عاينت من الشباك بس دخل هو بدون ما يدخل السياره
استغربت هو بالعادة يدخلها
انا من رجع ارتاحيت عاد سديت البرده
ورحت بفراشي
حتى احاول انام اكيد الباجر منتظرني طن عقاب منه
مادام كال انتِ حسابج بعدين لهذا كلش
خايفه ومتوتره

حسيت صارت طكطكه خفيفه يم الباب
سكتت شوي وانفتح انا غمضت عيوني ودكات كلبي
زادت من الخوف
يييمه اكيد هذا هو اجاااني يبووو رحتي بيها ريفان

احاول اكون نفسي حتى ما يحس انا
كاعدم بس مايفيد احس دكات كلبي يسمعهن
شوي وحسيت السرير من جهتي نزل يعني كعد
يمي تسسللت ايده ع خصري
وما حسيت الا عصرني منه بقوه
من الخوف فتحت عيوني بسرعه وانا ارجف
لغرفه صح ظلمه بس بيها ضوه خفيف
وجه لكيته بوجهي فزيت
همس الي ببحه خشنه

رهبار : كومي ..

ريفان : ه..ها و...وين

رهبار :كلت ك.و.م.ي

ريفان : ماكمت هو سحبني من ايدي و وكفني
حط شال ع راسي وسحبني ورى
انا عبالك ماخذيني للاعدام هو فعلا ماخذيني
للاعدام كلش خايفه
شنو شيريد يسوي بيهة

حباب غهباغ ش..شنو تغيد تسوي لاتخوفني

مايرد عليه نزلنا جوه نوب هو شطوله
انا يمه فاره اسحب ايدي ماكدر
نزلنا جوه
وطلعنا برى عاينت ماخذني برى البيت
انخطف لوني من فتح باب السياره وصعدني بيها
وهو صعد شغلها ومشى
لتفتت اعاين عليه شلون شاد ع المقود
وفكه مشدود لان ضاغط عليه بقوه
ما تجرأت احجي ولا اسأله
تمشي بينه السياره وما ملحكه الشوارع فارغه
وماكو احد هنا بس سيارات قليله تمشي

ورى فتره وكفنا كدام بنايه رجعت لتفتت عليه
وأما عيوني مدمعه همست اله بخوف ،
شنو غهباغ شتغيد تسوي بيه ليش جايبني هنا وين جايبني

رد وهو خازرني ..

رهبار : حـــــركي نفســـــج ونـــــزلي عـــــدنا حســـــاب الهـــــسه
مابـــــادي وهـــــسه بـــــلش حسابـــــي وياج رفـــــتي

_____________■_____________

للحكايا بقايا ♡

                حسابي الانستا للتواصل 🦋