رواية دجن الضليع الفصل الثالث عشر 13 - بقلم رهف علي

نبدأ بذكر الله ﷽💛✨

قلبي لاتنسون التصويت قبل القراءة وتعليقات ع الفقرات ♡

وعن حال رهبار يكول ..
‏- تدري من تشبگ إيدينك وي ايديني
نسد فراغات السنين العذبتنه .. !

×+×+×+×+×+×+×+×+×+×+×+

ريفان: لزم اإديه بين اديه وحتضنهن بين كفوفه الكبار الخشنين حسيت سرت رعشه بجسمي
واحساس حلو اجتاحني
رفعت نظراتي لعيونه اول ما شفت عيونه كلبي طار
من مكانه نظراته الحلوه تخليني فوك الغيم

توترت بسببه عضيت شفتي من الداخل اخفي هذا التوتر ونزلت عيوني عنه بدأ يسترسل بكلامه
صارت فرحتي أضعاف وانا اسمع كل حرف
صدره منه واركز بي بإتقان

رهبار : ضغط ع كفوف اديه واردف ، تدرين بويه انا
اول ما عاينت عليج لحمه صغيره
حسيت سكنتي بكلبي اجتاحني احساس
انتِ صرتي جزء مني وما لازم اعوفج ابد

شفت بياض وجهج وتورد وجناتج وشفايفج
الناعمين الصغار دك كلبي بهذا الوكت وانا كله عمري بين 12 _ 13

اول ما ابوي لزمني من ايدي وجابني ووكفني كدامج
وكال هاي صارت بتنا حسيت هاهي انحتم عليج تكونين جزء مني انا اي انا صرت اناني بيج
وحبيت تكونين بس الي ما ردت احد غيري
يشاركني بيج حتى الحجيه الي هي أم ابوي
ماردتها تصير أقرب مني الج

ردت بس الي انا اعترف انا اناني بالشخص الخاص بيه
واحب الملكه وما يكون اله احد غيري
حتى انا سميتج ب اسمج لان انتِ اسم ع مسمى
ورده وعطرج فواح

كبرتي كدام عيني وانا ماجنت اعتبرج غير بس اختي
وما بالي غير هذا الشي
يوم بعد يوم احاميج من الكل واضمج بنص روحي ..

ما اسمح ل اي مخلوق يأذيج حتى انا جنت خايف
من نفسي عليج وما همني كل الكلام الي يكولو

انتِ بنيتي الي جابتها الايام الصعبه ألي
انا ..

شكبر بختي بيج انا ..

ريفان : يحجي هو وانا سرحت بكل حرف يكوله
ماعرف ليش كلامه بكثر ما فرحني اذاني اكثر
اعرف هو متندم ع الصار قبل و ع كل شي سوا
الي وهذا الي جاي يحز بخاطره بس بعد راحت عليهن سنين حتى لو تأذيت بسببه

شفته حنه راسه وضغط ع ايدي وبعدها سحب نفس قوي ورجع رفع راسه وكمل كلامه ..

رهبار : كبرت بين اديه وحليتي بعيني بكل مره اكول انتِ اختي الي بس بالحقيقه لا انتِ اختي بالحقيقيه ولا بالنسب ولا حتى بالتبني مجرد ربيتي ع ايدي وكدام عيني بس احساس الي صار عندي يفوق الخيال
شكد ضغطت ع نفسي حتى ما اتسرع بتصرفاتي
بس ماكدرت ابد

من توفى ابوي صرتي مسؤليتي اكثر من قبل
حسيت بيج انكسرتي من الدنيا مرتين
مره ب اهلج الي مامعروفين ومره ب ابوي الي كله حنيه عليج وتيتمتي مرتين لهذا
صرت الج الكل وملجأ الج

بس...

كبرت وردت ادخل واصير مثل ابوي وهذا جان حلمي وحلمه وادافع عن كل مظلوم بهاي الدنيا
واساعد شكد ما اكدر بس ماجنت اتصور اكو جانت سلبي لهاي الشغله
اعترف بسببه اذيتج وبسبب تفكيري بيج قبل زاد الطين بله وصرت اتصرف تصرفات لا تعلى عن الواقع
اعترف ضغطت عليج وخوفتج بس انا كل الي ردته
تصيرين بين اديه واحتضنج بداخلي وما اخلي
اي مخلوق يلمح خيالج

انا اعترف جرحتج وانتِ صغيره ، سكت شوي سحب نفس قوي وزفره بعدها اردف ..
بس الي صار غصب عني كل يوم يتخيل
االي شي يجبرني اسوي هيج

ريفان : كلمات بلكوه ينطقهن وحسيت شكد صعب عليه
يعترف هذا الاعتراف الي خاصه
الي صار مو هين ، لكوه همست من بين كلامي ،

غهباغ شنو الي جبغك( رهبار شنو الي جبرك )

رهبار : ناظر الها بعيونها بعدها اردف ، الي جبرني
هو المكان والأفكار الي حولي انا ماسيطرت ع نفسي
لهذا صرت ضعيف اعترف بهذا الشي

ريفان : يعني يعني مو بأغادتك

رهبار : ابتسم واردف وهو يناظر عيونها ، لا بس انتِ تجبريني

ريفان : استغربت من كلامه ، شلون اجبغك ؟

ماحسيت بي الا سحبني من اديه وقربني عليه
صرت تقريباً بحضنه كلبي طار من صدري
وتنفسي زاد اكثر واكثر ماعرف شنو اسوي ولا شنو اكول
بس ارتبكت ودكات كلبي فضحتننني

ايده الي لازمه ايدي رفعها لشفايفي ومسحهن بخفه
ب ايده وانا بقيت مثل الغبيه كدامه بس ارمش
ووارجف رجف من تصرفاته اول مره يكون بهذا
الهدوء وهو قريب مني لا والاضرب بهذا القرب
والجوه هادىء وماكو بهذا المكان بس انا ويا

نظراته جانت ع شفايفي و ع اصابعه وهي تمشي
بهدوء بعدها رفع نظره لعيوني واردف ..

رهبار : انا الله بلاني بهل العيون الجتاله ويا محلى البلاء وعند الله أجره عظيم ..

ريفان : فتحت عيوني ع وسعهن شنو هاي شنو جاي يحجي ويكول احس نفسي دخت من كلامه
اريد يبرر كلامه وليش جاي لكول كل هذا
ماكدر انتظر اكثر من هيج

اردفت وانا شفايفي يرجفن ، بس ... بس ليش جاي دكول هيج الي غهباغ

عاينت عليه شلون ابتسم ابتسامه واسعه واردف

رهبار : بويه يا ام عيون الجتاله انا احبجّ

ريفان : اريد استوعب الي كاله الي بس بقيت بحاله ذهول وصدمه قويه شنو يعني هو يحبني اناا !!
بلعت ريقي بصعوبه وعيوني مو راضيه تنزل من عيونه
احساس غريب اجتاحني جسمي يرجف
شفايفي ترجف كل شي تخيلت يصير بس بحياتي
ما تخيلت راح يعترف الي هو يحبني
وميت حب بيه

بقيت جامده بمكاني بس ارجف هو تقرب مني
اكثر ويهمس الي بهدوء وابتسامه معتليه ثغره

رهبار : هششش ابويه انتِ ع كيفج شهل رجيف الي انتِ بي جا لو اعرف هيج يصير بيج جان بطلت وما اعترفت ، اردف ب ابتسامه حلوه من قلبه

ريفان : يمسح بخدي وهو يضحك لا هو ناوي ع موتي
اليوم انا شلون اتحمل كل هذا الي جاي يصير
وهاي الأحداث الي صارت اليوم اقوه مني

ابتلعت ريقي بصعوبه وعيوني نملن بالدموع مو معقوله والله ما جاي اصدك بيوم وليله يصير كل هذا
صح انا انخلقت مشاعر اله وجنت احس ب احساس
حلو من يصير يمي لو يتقرب مني بس ما جنت اعرف شنو مصدرها وهسه هو من اعترف احس بنفسي
اريد اطير الارض ماواسعتني من هاي الفرحه

حتى ما حسيت شوكت وكعت دمعه من عيني
وشوكت هو صار بهذا القرب مني
رفع ايده ومسح دموعي وسحبني الحضنه
حط راسي ع صدره وصار يمسح ع راسي بخفه
حسيت بهاي حركته مثل الاب ال بنته
شكد جنت محتاجه هذا الحنان والقرب منه
حسيت بحنيته وخوفه عليه
ماعرف شلون وبجيت بصوت عالي وشهكاتي علت اكثر واكثر

هو من سمعني احتضني اكثر بداخل صدره
وهو يحجي وياي يحاول يهديني ويسكتني بس
هو وين وانا وين كل قهر الدنيا صار بيه
ليش ابجي و ع شنو ما اعرف بس الي هسه اعرفه

انا بين ادين أغلى واحب انسان اليه
اكثر انسان غالي عليه واحبه واعزه هو رهبار
اي انا بحضرته انسى نفسي والدنيا كلها
والبيها

رهبار : زفر انفاسه وهو يحاول يهديها ، اووف ولج بويه ع شنو تبجين شو ارفعي راسج خلي اشوف ليش هذا البجي

ريفان : قويت ع اديه وحضنته بقوه وانا ابجي
ما اريد يتركني ولا يبتعد عني احس هو إلامل الي باقيه علموده سبحان الي خلق المشاعر وزرعها بقلبنا بهاي الحظه

اردفت من بين دموعي اسمه بالكوه ، غ غ غ غهباااغ

رهبار : ضحك ، ياروحه

ريفان : صدك اا انتَ ت.. تحبني ؟

رهبار : مشاقيج انا من قبل مو بس احبج انا هايم بيج
مدوهنتني فلك طرج ..

ريفان : من بين دموعي ابتسمت ع كلامه

رهبار : ارفعي راسج شو خلي اعاين هاي العيون الي صوبني وما خلني اندل دربي وين

ريفان : رفع راسي بيده وهو يعاين بعيوني
حسيت نفسي صخنت من كلامه وماعرف شنو اكول
بس ارفع راسي شوي واخلي عيوني بعيونه ارجع انزله وهو يضحك عليه

رهبار : ضحك ، ههههههه يابويه يايابه شكد حاب هذا خجلج مايخلي عقل براسي

ريفان : ضربته ع صدره بخفه من خجلي واردفت ، غهبااااغ

رهبار : هو شعم علينا غير هذا السانج المكصوص
جاب راسي وراس الخلفني

ريفان : فتحت عيوني بصدمه ، يااا

رهبار ؛ جا مجذب عليج انا ؟

ريفان : نزلت راسي وانا ابتسم

رهبار : رفه

ريفان : رفعت راسي احبه من يدلعني بهذا الاسم
احس نفسي فعلاً شي خاص بي ، اردفت بهمس ، هااا ؟

رهبار : تقبلين بيه ؟

ريفان : مافهمت قصده استغربت من كلامه ، هزيت راسي الها ، شنو تقصد بكلامك

رهبار : تقبلين بيه ؟ بكل عيوبي وافعالي الي صدرت مني ؟ تقبلين بتصرفاتي الغير مدرك الها من قبل ، تقبلين بيه من بعد كل سوء وتصرف صادر مني من قبل تجاهج واذتج وجرحتج؟
تقبلين بيه من بعد كل قوه واخر ضعفها بين احضانج ؟؟؟

اذا تقبلين كولي اي حتى اكون اسعد انسان ع وجه هاي الكره الارضيه ومابيها

رهبار يكول :

‏"أتقبلني بما أشعُر؟
‏بأخطائي وما يصدُر؟
‏وما آتيك بالكلماتِ
‏عذرًا عندما أعثُر !
‏أتقبلني بما فيَّ؟
‏بدمعي فائض القطرات
‏بضعفي عندما أخسر؟".

ريفان : حسيت دموعي فاضن اكثر واكثر
صرت اشهك بالبجي ويه كل كلمه يكولها تجاهي
حسيت نفسي فعلاً اسعد انسانه ع الكره الارضيه
كلامه وشكله وتعبيره الي يفوق الخيال

اي شخص لو اجه وكال راح تشوفين هذا اليوم
راح اكول اله انتً جذاب مستحيل رهبار
بيوم من الايام راح يكون بهذا الشكل
ولا راح يكول الي هذا الكلام بسس هسسه لاااا
الي جاي اشوفه انا هسه ولا بالاحلام

سحبت اديه وخليتهن ع وجهي وانا ابجي
الي اسمعه اكبر مني
هو بدون مايحجي سحبني لحضنه رجعني وهو
يمسح ع ظهري يهدي بيه ..

رهبار : ابوي انتِ ليش تبجين فهميني

ريفان : ما حجي بس ابجي هسه غير لو اكدر اسكت حتى ارد عليه بس وين دموعي مو راضيه تسكت ولا صوتي ناوي يطلع

رهبار : اردف بهمس وهوَ يسألها بحذر من جوابها ، انتِ ماتحبيني لهل سبب تبجين مو ؟ انتِ رافضتني وماتردين تحجين

ريفان : حسيت كلامه مثل الصحاني من الصار
لااا شنو هذا الكلام هذا شنو يحجي
رفعت راسي وانا امسح بدموعي ب معصم ايدي
بعدت ايدي وانا اعاين عليه
ونظراتي تلفظ كل كلمه يكولها كلبي بهاي الدقيقه

همست وانا اسحب كلامي بالكوه الخجل والتوتر مسيطرات عليه ..

غهبااااغ انا احبك ..

ماحسيت الا ضحك بقوه ولزمني من وجناتي سحبني عليه وهو وجهة صار بوجهي اردف بحماس معتلي ثغره وعيونه تنبض بالحب

رهبار : والعباس احبج انا ميت بيج يا ام عيون المدوهنتني

ريفان : ضحكت ونزلت دمعه فرح من عيوني يعمي واخيرا راح تضحك الي الايام؟ واكون سعيده واخيرا من بعد كل المعاناة الي صابتني
راح اكون سعيده ويا الانسان الي احبه

رهبار : استنشق عطرها بقوه واردف ، اووف الله

ريفان : خجلت من كلامه ، ضحكت همست اله نرجع لان تأخرنا

رهبار : انتظري ولج بس شوي خليني اشبع منج ولو انتِ وين ينشيع منج

ريفان : ضحكت ع كلامه بقينا شويه عاد انا خليت راسي ع كتفه هو ايده ع كتفي محتضني بقينا نعاين ع الجو شكد حلو والفرحه غامرتنا احنه الاثنين الجوء صار كلش حلو نسمات هوى حلوه ادور بالمكان تمسي علينا
الليل وسكونه الحلو الي يخطف الانفاس

طلعني من خلوتي صوته ..

رهبار : شو كومي كومي هسه الحجيه تكلبها عليه
وتشعل ابو ابوي بالغاره مالتها وتسويني خاطفج
وجابرج ع الجيه وياي

ريفان : يحجي وهو عاقد حاجبه خلاني اضحك بصوت عالي نوب عقد حاجبه ب استغراب رد عليه

رهبار : ولج منين متعلمه هاي الضحكه مال ****

ريفان : يااااا فتحت عيوني ع وسعهن ، عيب عليك هاي شلون تحجي هيج

رهبار : جا انا كايل شي جذب ضحكتج تجيب التايه

ريفان : اي بس هم عيب غهباغ

رهبار : ضحك بقوه ، هههههههه شو امشي لا اطلع بيج حركه كلبي

ريفان : سلمت ع نفسي ومشيت قبله وهو ورايه متعرف شنو يدردم

رهبار : بنت اللذين اوف ربي دخيلك الصبر

ريفان : ماسمعت شكال بس سمعته من عاط بيه

رهبار : لجج اخ ربي دخيلك امشي عدل
حتى مشيتج بيها أنه تصركع الواحد تصركع

ريفان : لتفتت عليه مستغرب ، شبيك هسه انا شنو سويت تغه مو حاله هاي اوي

رهبار : اوي مو انا الج بسيطه ام الاوي اطلعها من عيونج بعدين

ريفان : ابتسمت بوجهة واردفت بغباء وانا ارفع اكتافي ، عود خوش ننتظر

رهبار : غمز ، انتظري ليش ماتتنظرين بس كون
انتِ كدها بوقتها

ريفان : بعدم فهم ، ليش شنو تقصد انتَ

رهبار : ههههههههه هيج امشي لج ابوي انتَ صايره حيل فاهيه

ريفان : هزيت ايدي ومشيت قبله صعدت بالسياره وهو صعد شغلها ماحسيت الا ع كرصه قويه فزيت
بسببها وعطت بصوت عالي احس كلبي وكع ببطني
من الالم والخوف ، اااااااااااي

لتفتت عليه أعاين يضحك بوجهي ، خليت ايدي ع كلبي يدك بقوه ، هاي ليش هيج كغصتي
حغام عليك خوفتني ليش هيج حسيت كلبي وكع ببطني من الخوف غهباااااغ

رهبار : بكيفي عندج اعتراض ؟

ريفان : ياغبي

رهبار : فتح عيونه ع وسعهن ، منو الغبي ولج ؟

ريفان : عقد حاجبي ثواني وبعدها من فهمت طكيتها بضحكه من كل كلبي اريد اسكت ما اكدر
حتى بطني صارت توجعني من الضحك. هو يعاين عليه مصدوم بيه وفاتح عيونه الكبار بكل قوته

رهبار : هييي يولي شجاج تضحكين وليش تغلطين افرك حلكج هسه احد يلومني

ريفان : حطيت ايدي كدامه بمعنى لحظه ، واناا اريد بس اسكت بنفسي بلكوه سكتت جريت نفس وبعدها اردفت وانا ابتسم ..

شبيك غهباغ انا اقصد ياااغبي ( ياربي ) ياغب (يارب )
ماقصد غبي غبي اوي ماعغف شلون افهمك
بس ماينلفظ حغف الغاء( حرف الراء ) عندي هاي شلون مشكله

رهبار : هز ب ايده ، دخيلك ياالله الهمني الصبر

ريفان : ابتسمت شنو ليكون ماعاجبك عيني

رهبار : رفع حاجيه ، عاجبني ابوي انتِ شلون مايعجبني كلشي منج يامحلى

ريفان : هههههه عبالي

ضحك وانا ضحكت بعدها رجعنا للبيت بعد ما اخذ شغلات ل ايلان حتى ما تتحسس انا طلعت واخذني وهي مو بالبيت
اول ما وصلنا للبيت تلكتنا عمتي فاطمه عاقده حواجبها ومتخوصره النا ماحجيت شي نزلت وكأن ماصار اي شي

مادام رهبار موجود هو الي يحاميني ماكو غيره
يكدر الها ردت اعبر وادخل جوه بس كلامها ويه رهبار وكفني واستغربت كلش هواي استغربت وخلاني اجمد
بمكاني من الخوف

فاطمه : انتَ لازم تخلي ريفان تتزوج لاززززم سمعتني ومن باجر انا جايبه الها عريس
ان رضيت او لا ريفااان راح تتزوج

______________

دهليز : وكفني وهو يطلب مني اسمعو
صح وكفت بس بقيت خايفه ومتربكه لا أحد يدحك
او يفهم خطأ اهجس وكفتنا مو صحيحه بس شسوي
كلبي يكول اوكفي وعقلي يكول لاتوكفين امشي

طردت عقلي وقفلت الباب عليه واستمعت
الكلبي وبقيت بمكاني وأريد أسمعو اكثر واكثر

رفعت راسي دحكتو يدحك عليه بنظراتو الحلوه
هجست شعراتي طارو ماعرف شدخل بالموضوع
لكن هيج صار وهجست وخلاص

اللهيم : عاين يابنت الناس أنا ما أحب الف وادور بالموضوع والي اريده اكول فلان شي اريده
حاجتي الخاصه بيه ما انطيها لاحد واحب
تكون ب اسمي انا وبس

دهليز : هزيت راسي ب اي وانا انتظر يكمل كلامه
هو غير يحجي ويفضني راح تجي اختي ودحكنا هينا
وتخرب السالفه واهلها

اللهيم : دهليز بويه انا من اول ما عاينت عليج من اول
لحظه وانتِ انرسمتي بهذا العقل ، وهو يأشر ع راسه بعدها اردف ، من هذاك اليوم ولهذا اليوم بس افكر
والسالفه مارايده تتطلع من راسي

دهليز : توترت اكثر هذا ع شنو ناوي بهاي مقدمتو من الكلام عجل غير يحجي اوف
لوو ماكو مستحى جان هساع كتلو كول وفضني تامشي من هينا قبل لا يدحكونا

اللهيم : يابنت الناس انا هاويج وحابج بكل مابيه وعاشكج من ساسج الراسج

دهليز : مكدرت اخلي عيني بعينه ابد نزلت راسي واديه بدين بعض هجستهن راح يتكسرن اصابعي بديه كثر ماا انا ضاغطه عليهن من الخجل والتوتر
هو غير لو يطلع صوتي حتى ارد عليه

اللهيم : كولي بويه ان مالج نفس بيه وما حابتني ولو راغبتني انا ما اكرب صوبج وما تعاينين وجهي مره ثانيه

دهليز : هو كال هيج لو هجست كلبي وكع مني
لا شلون يكول هيج وانا روحي متعلكه بي
رفعت راسي وانا ادحك الو يبتسم وعيونو عليه
بلكوه طلعت كلامي واردفت وخبصت بكلامي
كداموو

لالا شنو هذا الكلام شلون ماعاينك اقصد ماتعايني
اووو اقصد كلامك مو صح

ماعرف شكلت بس اهجس جسمي كلو يرجف
فزيت ع ضحكتو رفعت راسي دحكتو يضحك ويهز
ب راسو

وكف بعد موجه من الضحك ع لطافتها واردف
اللهيم : هاهي بويه وصلني جوابج

دهليز : فزيت ، ها شلون شنو وصلك شنو دكول

ارتبكت بزايد من دحكتو تقرب عليه بهدوء ونظراتو
مانزلت عني صار بينه مسافه كم شبر
نزل راسو بسبب فارق الطول
وهمس الي ببحتو الحلوه الي تاخذ العقل..

اللهيم : اخ الله انتِ عاشكَتني وميته بيه

سكت شوي يناظرها بعدها همس ، وهذا انا
الي اريده تموتين بيه وانا اموت بيج ومايفرقنا غير الموت ..

دهليز : يعني شنو اكول اكثر الموضوع صار اكبر مني وكلامه سلب روحي من جسمي
هو حلو وكلامه احلى منه ماعرف شنو اكول
بقيت جامده بمكاني وادحك بوجهة

اللهيم : بصوت هادىء ، ماناويه دكولين شي

دهليز : اا..اانا

اللهيم : هز راسه ، انتِ انتِ ؟

دهليز : ح..حباب لاهيج

اللهيم : شمسوي انا يابويه

دهليز : امم ه..هوَ انت مامسوي شي بس..

اللهيم : ضحك ، بس شنو

دهليز : دمعو عيوني ، انا

اللهيم : كز ع اسنانه بحب وهمس ، عيوني انتِ كولي

دهليز : والله احبك انا والله ..

اللهيم : سحب نفس بقوه وزفره ، جنت اعرف وهذا الشي الي شدني الج بويه انا عاشكَج وروحي صارت بروحج

دهليز : همست وشفايفي ترجف ، والله

اللهيم : اخخ الله يا ام عيون الرنانه سلبتي عقلي بتفاصيلج

دهليز : ردت احجي بس سمعت صوت كيناز وهي
تصيح ادور عليه لتفتت عليه بس هو طمني
بعيونه وهمس الي ..

اللهيم : روحي بويه والنا كلام ثاني لاززم نحجي بي

دهليز : ابتسمت اله وانا اهز براسي ب اي
ومشيت اوف الله شكد احبوو لهل مصكوع
الي ور عقلي ور رجعت ل اختي وانا كلبي دكاتو
توصل للطرف الثاني
هجيت اليوم احلى يوم بحياتي كلها
الفرحه الي هجست بيها ما مدحكتها من قبل
ياربي هساع انا عشكانه والحب واصلي لراسي ومغركني لاذوني

مامصدكه ابو عيون طلع يحبني وميت بيه
وانا هم ميته بي واحبو كلشششش احبو

دخلت صارت بوجهي كيناز سألتني بشك ..

كيناز : وين جنتي ؟

دهليز : ها برى بالحديقه اشم هوى

كيناز : لوحدج ؟

دهليز : بعدت عيوني من عيونها
وهمست ، اي

كيناز : هاا عجل تعاي حتى نخلص اخوي هساع ع جيه
تايخذج

دهليز : اي كعدت وانا الضحكه ماليه روحي
اتمنى احضنو واسكنو بروحي اووف اللهيم خطر عليه طلع عيوني ولهساع ماكلنا حلال

حتى ما اعرف اختي شنو شرحت الي بس اكول الها اي فهمت و اي خلصت شرح واجه اخويه وطلعت الو
لكيت اللهيم واديب واكفين ويا يسولفون ويضحكون

دعيت من الله يديم هاي الضحكه الهم
ومايوم يدحكون شي سيء يفرقهم
علاقتهم حلوه ما اريده تخرب
لان احنه نخرب وياهم ويضيع كل الي بخاطرنا

رجعت للبيت وانا دايخه بزماني حتى نوم ماكدرت انام
فرحانه واتخيل نفسي انا ويا سوا
كعدتنا ضحكتنا فرحتنا كله سوا
شلون تمشي الايام رايده اكون ويا بمكان واحد

اعرف انا كلامي اكبر مني وهساع انا صغيره
بس موبيدي حبيتو حب يفوق الخيال
يفوق العقل مارايده شي من هل دنيا غيرو

كمت وكفت ورحت عند الشباك تا اشم هوى
فتحتو وهبت عطر يجنن غمضت عيوني
والهوى تغلغل مسام جسمي
ويلعب بشعري تخيلت نفسي انا ويا
تأملت نظراتو ابتسمت انا ومغمضه

ماهجست الا صوت وهو يكول ..

_ اي وبعدين ؟

لتفتت لكيت كيراز واكفه متخصره وتسألني
ضربت جبيني بقوه واردفت انا وكازه ع اسناني

ارتاحيتي هساع من طلعتيني من خلوتي الزرقاء

كيراز : اي خلوه هاي ؟

دهليز : خايبه وخري من وجهي خليني اشوف دربي
تركتها ورحت نمت وانا اضحك ع نفسي هاي شصاير بيه بسببه اوف

مرت الايام وانا وهو بس واحد يدحك الثاني
مايوم لزم ايدي ولا سوا اي موقف يخل بالادب
بالعكس جان يخاف عليه أكثر من روحو
الهساع اتذكر من وكفنا 5 دقايق سوا كال الي ..

اللهيم : انا اخاف عليج اكثر من روحي
بويه ماريد الذنب رايدج حلالي واسوي الي يحلالي وكل خاطري وانتِ باسمي انا مسجله باسمي

دهليز : بوقتها كبر بعيني وهجست الله دزه الي
من المساء ملاك ماغيره

استمرينا من بعيد البعيد لا هو يتقرب مني
ولا انا اتقرب منه بكل يوم اروح بي لكيناز
ادحكو هو كدامي

بمره حده رحت وما دحكتو كدامي كضيت اليوم كلو
مهضومه حتى ما عرفت أدرس
كيناز شكد حاولت وياي وانا راكبه راسي
وما اتحاجه الى ان سألتني
شبيج وانا نكرت مابيه شي مجرد ضايجه من الدراسه

بدأت الامتحانات وبدينا كلنا دخلنا إنذار
حتى اللهيم بوقتها جان سادس
وما دحكتو ولا هو دحكني
ملتهين كل واحد بدراستو
اخر شي من خلصنا هجست روحي راحت يلا كملنا

بس انا نسيت انو ماعاد ادحكو كل يوم مثل قبل
جنه نتقابل بوقت الي اجي بي ا لبيتهم
وكيناز ادرسني هساع شلون

كعدت بالغرفه وشبعت بجي انا هساع شلون
التقي ويا ياربي حلها الي
ماريد ابعد عنو تعودت عليه

تخطينه ونجحنا وهو بعد فتره علنو النتائج
مالتو ناجح ومن طلع قبولو جامعه البصره هندسه
ميكانيك ماعرفت شصار بيه

بوقتها ابوي وامي واخوي راحو تايباركون الو
وانا نطيت وياهم عسى ربي احجي ويا شوي
اهجس نار شابه بصدري وماتنطفي
شنو يعني هو هساع راح يروح لغير محافظه ويدرس عجل وانا شلون بيه شيصير بحالي

رحنالهم دكينا الباب وانا كلبي يخفك
بقوه فتح النا الباب اديب من بعد السلام والمبارك هو واهلو دخلنا جوه احنه كعدنا جوه وهم بقوا
بالديوانية ماسمع الا صوتو وهو يسلم عليهم

هجست كلبي طار من مكانو من دحكتو دخل يسلم
ع امي انا مادحكت الو بقيت منزله راسي وعيوني غركانه بالدموع
بس واحد يكول الي شبيج ابجي

بقيت بمكاني وانا أحوص الا ا اجت حماتها ل اختي كالت الي ..

نور : حبيبتي دهليز تعاي وياي شوي رايده اشوفج شي

دهليز : هزيت راسي ب اي وكمت وانا ما الي اي واهس
مشيت وراها وهي مشت كدامي صعدت الدرج
وانا امشي بدون مسلوبه الروح فكري
كلو يمو

فتحت الباب توقعتها غرفتها بس تفاجأة من شفانها غرفه شبابيه هستوني رايده أسألها
لي غرفتج شبابيه لتفتت جان اشوف اللهيم
دخل الغرفه وسد الباب ورى
وسند نفسو عليه

دكات كلبي زادت اكثر اول مره نكون بمكان واحد
والأكثر من هيج الباب مسدود علينا
عضيت شفتي ب خجل ونزلت راسي وانا رايده ابجي
من الموقف

هجست بخطواته صارت قريبه عليه وصوت انفاسو
ماليه الغرفه رفعت راسي صارت المسافه
بيني وبينو كم شبر
وكف يدحك الي وانا هينا ماكدرت اسيطر ع نفسي
بجيت وصرت اشهك بالبجي
رفعت اديه وخليتهم ع وجهي انحب بصوتي

وهو حار بيه لا يكدر يتقرب ولا يكدر يحضني ويسكتني
ماهجست الا سحب اديه من وجهي وهاي اول مره يلزم بيها اديه بين اديه وضغط عليهن بقوه

اردف بهدوء وصوتو العذب ..

اللهيم : يانسمه روحي عايني بعيوني شو ..

دهليز : هزيت راسي ب لا وانا ابجي ومغمضه عيوني

اللهيم : هاا ويهون عليج ما تشوفيني هاي العيون الرنانه جا شكد قاسيه

دهليز : فتحت عيوني ورفعت راسي همست بلكوه بصوت متقطع ، و..والله انت ال القاسي

اللهيم : افاااا انا قاسي شمسويلج

دهليز : شنو الي م..مامسوي ها عجل تروح وو..وتخليني هينا ب..بروحي هاا

اللهيم :شو بالاول ارفعي راسج شو

دهليز : رفعت راسي عيونو صارت بعيوني
ضغط ع ايدي بقوه واردف

اللهيم : بويه صدكيني ما اخليج تحسين بغيابي
عايني كل جمعه وسبت انا هنا
اول ما يخلص دوامي الخميس الم ملابسي وارد من البصره للعمارة حتى اكحل عيوني بشوفه عيونج الرنانه

دهليز : شهكت وانا ابجي بقهر ، و...وعد ؟؟؟

اللهيم : وعد يانسمه روحي

دهليز : ابتسمت من بين دموعي ، ترى وعد الحر دين

اللهيم : افااا وتشكين ؟

دهليز : لا بس بس

اللهيم : لاتبسبسين اخ ربي هاج شوفي عيونج شسوت بينا دخلتنا بالحرام وخلتني بسببهن الزم اديج
وانا جنت حالف ما اطخج الا وانتِ ب اسمي
نسمه روحي ..

دهليز : توسعت ابتسامتي وانا ادحك شلون خايف علينا من الحرام

اللهيم : عايني بويه ، انا اتقدم الج بس تخلصين ثالث
هسه انتِ ثاني وبهاي السنتين كبري بيهن وخلينا نروي شوكنه المتلهف..
ومن تخلصين اجي جايب ناسي وأهلي وجاي الج بكل ما بيه من حب أقدمه الج برابطه زواج
ابديه واكون انا بوقتها جاهز لكل شي

دهليز : ضحكت هزيت راسي ، وانا راح انتظرك بكل مابيه من حب

اللهيم : واثق من هذا الشي جا انا شنهوو الي احبه بيج

دهليز : بثقه ، كل شي

اللهيم : اكيد كل شي يابعد روحي كل شي

دهليز : من بعد النقاش الصار
نزلت وهو راح يم ابويه وأخويه وراها بشوي رجعنا للبيت

مرت الايام وأيام الى ان بدا الدوم وقرر يروح
للبصره هينا كل الوعود راحت كل شي صبرت
نفسي بي راح ماكدرت اقاوم
وانا ادحكو راح يروح
بنفس اليوم الي راح يروح بي
اصريت اروح لبيت كيناز
وكلت لأمي ضروري بس تفهمني ع كم شغله
محتاجتها وهي اقتنعت
عاد انا اخذت كتبي وطلعت حتى ما انتظرت اخويه واعرف من راح ارجع اترزل بس مو مهم
المهم ادحكو بعيوني تا اشبع منو

دكيت الباب بقوه نفتح الباب وطلعت اختو نور
همزين عضيت شفتي وانا دموعي مغركه عيوني

نور : تعاي دخلي حبيبتي ماكو احد بعد شوي يرجعون
وبس اللهيم بغرفته فوك

دهليز : هي تعرف بينا لهذا انطتني الضوء الأخضر
شمرت كتبي وصعدت فوك اركض

وصلت لغرفتو فتحت الباب بدون ما ادكه لكيتو
يرتب بملابسه من سمع الباب لتفتت وكعت عيوني بعيونه هو ابتسم الي لو هجست
دموع الدينا صارت بعيوني

هذا اليوم ماناسيتو بقى بذاكرتي وما اتخطيتو ابد
شكد حاول بوقتها يسكتني اخر شي تعصب
عصبيه مصطنعه تا اسكت وكال ازعل منج يلا سكتت
من بعد وداع ويوم بائس كتلو

دهليز : امانه لاتخلي وحده غيري تأخذك مني امانه

عقد حاجبو وخزرني بحب وعتب

اللهيم : ريت الله ياخذ عمري لو فكرت مجرد تفكير
بوحده غيرج لج انتِ ماخذ كل فكري عقلي
شلون غيرج تاخذني اطمني بويه اللهيم لدهليز ودهليز اللهيم اذا مو بالدنيا ف بالاخره

دهليز : لهيمي

اللهيم : بفرحه ، عيدي بويه عيدي

دهليز : لهيمي ، انا احبك جثير

اللهيم : اردف بصوت عالي ، اوووويلي ع كلبك يا اللهيم

دهليز : هذا اليوم بقى بذاكرتي
ودعتو وانا بيني وبينو وعد ماينقضو احد بينا
و مثل مانكول وعد الحر دين
انا ألو وهو ألي ( اللهيم لدهليز ودهليز لل اللهيم ) للأبد..

__________________

سيلينا ..

الكلام الي سمعته هدم كل حصوني وخلاني واكفه
مصدومه ب ارضي فاتحه عيوني ع وسعهن
وبس اعاين ع الصاير شنو يعني
هسه مرام ب اسم دابر يعني هسه هي راح تصير مرته زين وانا ؟؟؟

انا شنو راح يصير بيه احبه واموت عليه
شلون اعاين عليه بعيوني يروح لغيري
ونوب لمنو ل اختي من امي وابوي !!!

وكفت الدنيا بعيني من الخوف والتوتر الي صار
بيه حسيت الدنيا افترت بيه ووكعت
اغمى عليه وانا ما حاسه ب اي شي

ورى فتره صحيت ع رشه ماي بوجهي فزيت
وشهكت بقوه فتحت عيوني لكيت نفسي
بحضن ماما وهي خايفه عليه وتسمي ب اسم الله
وتمسح بوجهي

رفعت نفسي من حضنها وانا دايخه وجسمي كله
يرجف حتى ما حسيت ع نفسي من بجيت
شكد حاولو يعرفون شنو صار وياي بس
ماكلت الهم اي شي

اخذت ركن وكعدت ماكدر اعوفهم وامشي اريد
اشوف شنو راح يصير اريد
كلبي يبرد وارتاح

انا صح احب دابر واعرف هذا الحب من طرف واحد
وهو مايعرف بيه احبه ولا عاشكته بس هذا
مايمنع تصرفي هيج
خايفه لا يروح من بين اديه غير اتخبل

ورى هاي الهوسه الي صارت
طلع بابا واتجمعوا كلهم عاد ماما سألته
شنو الي صار وشنو سالفه مرام ل دابر

ابو زياد : تعرفين انا وابو دابر علاقتنا قويه
من زمان لهذا ابو دابر حب يوثق هاي العلاقه
حتى نتقارب اكثر واكثر وتصير بينه
رابطه قويه
ف هوَ من سنين كال الي انا اخذ بنتك مرام الجبيره
ل ابني دابر
وقتها انا ضحكت وكتلها كبع واخذ
هي هم بحسبه بنتك
وهم صغار وهذا الموضوع مر عليه
فتره طويله وهسه من تقدم الها سامي الي هو ابن عمج
مابالي هاي السالفه القديمه
وراحت من بالي

ام زياد : يااا وهسه شنو ناوي تسوي

ابو زياد : تنهد انا بنتي مو زايده عندي اي قسمه زينه انطيها ما اشمرها ل اي واحد كان
سواء دابر او سامي

ام زياد : جا خوش

سيلينا : بعد مناقشه طويله ، كام بابا وراح لو اختي مرام تصركعت

مرام : شنووو عيني شتحجون انتو انا ما احب دابر
شنو بكيفكم تزوجوني
هذا الشخص انا كلبي مارايده ليش اتجبروني عليه

ام زياد : ع كيفج يمه هسه منو منطيج اله بعدين انا احب دابر رجال شهم يدرس ويشتغل وما ماد ايده
لاي بشر لو اخذتي يشيلج ع كفوف الراحه

مرام : تنرفزت اكثر ، وأنا ماريده شنو هي كوه
خما كوه

سيلينا : ارتاحيت وطمننت شويه من عرفت مرام
ماتريد دابر وبابا مستحيل يجبرها ع هذا الزواج
لهذا صار عندي امل حتى لو هذا الامل 1% لمهم
هي ماتتزوجه لان اذا اتزوجو راح تخرب هواي اشياء
وأولهم علاقتي ب اختي صح هي ما الها اي ذنب
بس انا ماكدر اخلي عيني بعينها وهي زوجه الانسان الي حبيته بكل جوارحي

عمو اخو بابا جان يصير زوج عمته ل دابر
بس هو ماعنده اطفال ومايصير اله لهذا صار
طلاق بينهم لهذا عمو عنده حزازيه بينه وبين اهل دابر
من عرف بهاي السالفه
رفض رفض قاطع ان مرام تكون لدابر
شكد بابا حاول يفهمه الموضوع بس ماكدر

وهو عمو كلمته مسموعه لهذا بابا احترم كلامه
خاصه من كال

( الخطوبه بين مرام وسامي أتم بدون ما تنطون
خبر البيت ابو دابر  الا بيوم الخطوبه تتصلون بيهم وتبلغوهم حالهم حال الغربه  )

وفعلاً صارت الخطوبه بين سامي ومرام
بدون ما ننطني اي خبر لبيت ابو دابر الا من صارت
الخطوبه

وقتها الخطبه تحولت عزه اجه ابو دابر
وصارت هوسه اخر شي انتهت بكلامهم
الى هدمني وحطم كل مجاذيفي

ابو دابر ( من اليوم واذا تمت هاي الخطوبه
تنتهي العلاقه بيني وبينكم ونرد غرب )

عن حال سيلينا ..
في هذه الغربه كان لي حُب
كان ولم يبدأ ..
ف هل لنا لقاء من جديد ؟
___________________

للحكايا بقايا ♡

لاتنسسسسسون التصويت وتعليق ع الفقرات حُب

حسابي الانستا