رواية دجن الضليع الفصل الرابع عشر 14 - بقلم رهف علي

نبدأ بذكر الله ﷽💛✨

#التصووووووويت نيات التصوووويت بنجمه ☻️

قلبي لاتنسون التصويت + تعليق ع الفقرات + متابعه للحساب ، احبكم ♡

ضروري تقرون التنبيهات نهايه البارت ..

#دجن_الضليع
#بقلمي_رهف_علي

يا بدايات المحبه ❤️‍🔥

_____________

عشوائيات مُحبه ..

كاعدات الثلاثه بنص الساحه
كل وحده صافنه بمكان كل وحده بالها مشغول
بشخص ، بفكره ، بنفس ، بهوس ، بحب، وبعيون محبوبها..

ريفان : سحبت نفس بكل مابيه من قوه
وانا اعاين عليهن كل وحده همها شكل
اردفت قاطعه سلسله افكارهن او بالاصح صفنتهن الي مالها محل من الإعراب

هسه شلون شنو هاي الحاله ..

دهليز : انا لا تسأليني ولا ادحكين بخلقتي لان مكَلوبه

سيلينا : وانا بعد مثلها ، اردفت بدون نفس

ريفان : هزيت ايدي ، والله انتن فايخات

سيلينا : عاين عليها بنص عين ، الي ايده بالنار مو مثل الايده بالماي

دهليز : مثل ما كالت سيلي

ريفان : اهووو غيغ صايغات تعيسات فد مغه
كل ساع ووحده كال مثل الثانيه
جا انا شنو هنا حايط

دهليز : زفرت انفاسي بقله حيله وهمست ،
عجل شأسوي انا مشتاكَتلو جثير

سيلينا : وانا طاك كلبي عليه

ريفان : لولو

دهليز : همست ب ابتسامه متعبه ، عيونها

ريفان : ليش خايفه انتِ كل هذا الخوف هو مو وعدج
وكال كل جمعه والسبت هو يمج
وراح تشوفي بعيونج وراح يحاول
تقضون حتى لو 5 دقايق سوا

دهليز : دمعو عيوني ، بس تعرفين بنات الجامعه شلون
حلوات

ريفان : اي وشنو يعني

دهليز : نزلت راسي ، خايفه لا يروح من بين اديه
شأسوي انا بوقتها ابقى ادحك الو
وهو يروح من بين اديه

ريفان : ياا يااا شنو هذا تفكيغج ولج سيلي ضربتها ، ماتحجين وياها

سيلينا : اوو لج لولو شبيج يعني هو وعدج ويحبج حب صادق
هو حتى ايدج ما لازمها ويخاف الله بيج ومن لزمها كال خليتينا ناخذ ذنب شوفي لحد وين حبه الج
تردين يروح لغيرج ؟؟
فكري بيها ترى هو جنوبي دمه حار وعنده غيره مستحيل يسويها وهو واعدج
خاصه انطاج عهد من تتخرجين من الثالث يجي
يتقدم الج بعد شكو شنو هذا كلامج

ريفان : أوافق كلام سيلي كله صح

دهليز : سحبت نفس، انا واثقه منو وثقتي بي ثقه عمياء
بحيث من صرنا بغرفتو وحدنا ونسد الباب
علينه ماحاول حتى يسوي الي شي
او حتى يقترف ذنب
بحقنا
وعيونو ونظراتو توضح كل مشاعرو تجاهي بصدق
بس ..

سيلينا، ريفان : شنوو ؟

دهليز : بس انا خايفه من البنات لا يحاولن ياخذنه مني
هو شاب وحلو وبي كل الميزات الي تتمناها البنت
ادب ، اخلاق ، حتى مايدحك بالبنات
عبن يخاف الله

سيلينا : بله ما تسكتين لولو

ريفان : لا اوكفي سيلي تغى حقها هي تخاف عليه لان
تحبه وماتغيد وحده تأخذه منها

سيلينا : بس مو لهل درجه اذا هو واعدها شكو بعد
شحال حظي انا

دهليز : سيلي خبيثه حقيره

ريفان : ضحكت عليهن بس ينتاكَرن اوو كافي شجاجن
وانتِ سيلي بشري شصار وياج

سيلينا : زفرت انفاسي بضيق واردفت من بين حسراتي ، شصار بحالي يعني ، ابو دابر كومها وما كعدها ، وحجه ع بابا وعتب عليه
كال اله غير هي بنتك الجبيره ومن زمان رايدها ل ابني
تالي تنطيها لغير واحد ومن هل حجي بقو يحجون
وحتى الخطوبه صارت عزه
خطيه مرام ادك وتبجي شلون خربو حفله خطوبتي هم عقدو بس خربو الحفله

واخر شي عمو ابو دابر زعل من يمنا وكال
هاهي لا انتو تعرفونا ولا احنه نعرفكم
كل واحد بحال سبيله وطلع من البيت
زعلان منه

وانا ضليت ادك والطم ع حظي خربو ع حظي
ورحت بيها انا

خوب عمي كيف كال احسن عوفوهم ولاتتقربون
منهم بعد شعلني وماطفاني بكلامه
نوب هو كلمته مسموعه بين إخوانه
لهذا ما اعترضوا وعافوهم يطلعون

وهنا أكدت وبصمت انتهت علاقتنا ويه عائله
دابر وانا الوحيده الي تأذيت مو احد غير
لا من عائلته ولا حتى من عائلتي

دخلت للغرفه وسديت الباب وانا ابجي ادك والطم
شلون يعني بعد ما اشوفه ولا اسمه صوته
لا عندي طريقه اتواصل ويا ولا شي
هي الطريقه ولغوها بسبب
تصرفاتهم الغير مباليه

ريفان : تحجي النا وهي دموعها عشره عشره
حقها الحب مو هين خاصه هي تحب من طرف واحد وتعذبت هواي
احنه اهون منها اما هي حتى من طرفه هو ما مبالي الها وفوك هذا حملوها طاقه اكبر من طاقتها
يعني حقها شنو دكول وشنو تحجي

تقربت حضنتها وانا امسح دموعها احاول أهديها بس هس وين تبجي بجي وتشهك تحاول تحجي ويانه او ترد ع كلامنه ماتكدر صوتها مايطلع

_ولج سيلي حبيبتي لا تسوين بنفسج هيج
الله يخليج تغى اذيتي نفسج هواي

دهليز : مسحت دموعي الي نزلو بسببها ورحت حضنتها ويه ريفان ، اشش عيوني كافي حبيبتي كافي كلبج
راح يوكف دحكي شلون تايدك بقوه
عجل هيج تسوين بنفسج حتى الله ما يرضاها

سيلينا : احاول اسكت بس ماكدر اخر شي ضغطت ع نفسي وانا اخفي دموعي سحبت نفس بقوه
وزفرته بتقطع ودموعي تنزل
عضيت شفتي اكتم الشهكه حضنتهن بقوه وبقيت ساكته الى ان هدأت وهن وياي ماتركني ابد

ريفان : بعدنا عنها وماتركنا اديها كل وحده لازمه
ايد منها ، ها عمغي شلونج

سيلينا : ابتسمت ، تدرن شنو

دهليز ، ريفان : شنو ؟

سيلينا : الله عوضني بيجن انتن ، لو ما انتن ماعرف
شنوو جان صار بيه

دهليز : ول ول دحكو المصكوعه شدكول ازعل منج لو حجيتي هل شي مره ثانيه يولو

ريفان : سيلي مستحيل نعوفج انتِ النا واحنه الج

سيلينا : كلش احبجن

ريفان : بعدنا جاي نحجي جان يدك الجرس وصار تبادل بالدروس وخلص درس الشاغر دخلنا
للصف واحنه نحاول نضحك بيها بس هي هي تبتسم النا بس نعرف شنو بداخلها الله يعينا

انا هم حالي من حالهن كل وحده همها شكل
صح احنه صغار بس هذا مايعني
ان نواجه هاي الحياه وشنو كاتبه النا
مو احنه الي نكتب ونعيش براحتنا لا
اكيد مكتوب لازم نشوفه غصب عنه

تنهدت بقوه انا هم تعبت من الجاي يصير
ومو حمل كل هذا خاصه اخر موقف
والصار ويانه وشلون صارت تحاربني
عمتي فاطمه صارت الي مثل السن بالبلعوم
لايرضى يطلع ولا يرضى ينهضم
وصرت بين حانا ومانا
اخ شنو نشوف لحتى نشوف وبعدنا بهذا العمر

رجعت بذاكرتي للصار اول ما رجعنا من برى انا ورهبار ..

رهبار : عقد حاجبه ، شنو كلتي مافهمت !!

فاطمه : مثل ما سمعت لازم ريفان تتزوج وما تبقى هنا بهذا البيت

رهبار : ضغط ع ايده بقوه و كز ع اسنانه ، شنوو هذا الحجي الجديد يممه ؟؟ منين طلعتي بهاي السالفه

فاطمه : ترى النااس خاصه أقاربك اكلو وجهناااا

رهبار : اي أقارب تحجين عنهم انتِ سامعه شنو جاي تحجين والمن الي تحجين هل كلام !!!

فاطمه : ولك يمه اكلو وجهنا شلون بنت حديثه
وشابه كاعده ببيت بي ولد وهي مابينهم قرابه
اكلو وجهي انا 24 ساعه يحجون وانا اطمطم السالفه
بس بعد ما ينسكت عليها ابد ابد

رهبار : اردف بعصبيه ، طزززز ان حجو وان ماحجو
شدخل بجيبنا؟؟؟ تأذيتا ؟ تمرضنا ؟ متناا ؟ نقص من عدنا شي ؟؟ لااااا لهذا طز بيهم وبكل واحد يحجي هذا الكلام

فاطمه : ضربت ع صدرها بقوه وارفت ، صخام الصخمني ولك يمه تريد الناس يكولون حجي طالع نازل ع سمعتنا ويحجون بسمعه ابوك هاا تريدهم يجيبون
سيرتنا بالعاطل علمود شنو ها علمودها

ضرب الباب بكل قوته بعصبيه وصاح بصوته
العالي هز البيت هز ببحته الخشنه وهاله من الرعب
اقتحمت المكان

رهبار : ايااااج تعيدين هذا الكلام كدامي مره ثانيه
ايااااج رفه راح تبقى هنا وماتتزوج وكدااام عيوني
تبقى خلي اشوف ك** ابن *** يحجي بشرف لو بسمعه خاصه بينه الا **** واطلع ك*** اذا ما خليته ينزل راسه ويمشي بس تنجاب سيرتنا كدامه

فاطمه : بصوت عالي، هسسسه ع شنو خبصت الدنيا قابل كلت الك راح تمووت كلت ألك تتزوج وتنستر ببيت رجلها ماكلت الك غير هذا الشي
شخبصت الدينا اكتل واحرك وبهذا سبك وفشارك ع شنووو

رهبار : زفر انفاسه بقوه ، واردف وهو يحاول يهدي نفسه ، اسمعيني يمه اياج وبالج تحاولين مجرد محاوله
تخليني بهذا الموقف لان بوقتها ماتعرفيني شنو اسوي
اكلب الدنيا عاليها واطيها لو بس تخليني كدام الأمر الواقع وجايبتلي عرسان الها اسوي سوايه ماصايره واخلي الناس كلها تحجي بيها

فاطمه : صخام ولك يمه شنو ناوي تسوي شبيك تسوودنت بس جبت هاي السيررره شبيك
هي اخرها تتزوج

رهبار : هاي انا كتلج وخليها ببالج لاتجين بعد يومين دكولين لكيت الها عريس وربج اخلقه خلق وما اتسمى ب اسمي وانا ابن ابوي

فاطمه : لتفتت ع ريفان وخزرتها بقوه ، صاحت ، لج شسوييتي لابني

رهبار : كلامممج وياي يييمه وياي انا مو وياها
هي مالها دخل انا رايد هي تبقى كدام عيني طول العمر عود الا ان انا أفرج عنها يلا تتزوج وبكيفي انا ريفان بمسؤليتي انا سامعه

ريفان : الموقف ما كدر اعبر عنه بكلمه وحده
بس رهبه صابتني ورجفه اعتلت جسمي
حيل خفت اصواتهم العاليه وحديثهم الي يدور عليه
حيل خوفني هي كل شوي تلتفت عليه تصيح
وهو يصيح شلون هيج تحجين عليها لو تريدين تسوين
صياح بصياح رعب برعب

ماعرف شلون انتهى هذا النقاش ورهبار عاف المكان وصعد فوك ماسمعنا بس سده الباب غرفته بكل قوته
هز لبيت هز من القوه الصوت

عاد هي من شافتني لوحدي وبس ماما يمي لتفتت عليه وتخصرت نظراته كلها شر وحقد
وكره يفوق الخيال
حتى خفت منها ورتديت للخلف بسبب هالتها المرعبه

رفعت اصبعها ب اتجاهي وصارت تهدد بيه وكلامها يخوف

فاطمه : اسمعي لج اذا حاطه عينج ع ابني ماتشوفين مني إلا كل سوء رهبار خط أحمر بسيطه انا وياج والزمن طويل اذا ما لبستج برأس واحد ما اتسمى
بنت ابوي االا اطلعج من هذا البيج بثوبج
يا بنت ز*** ال****

ريفان : بقيت فاتحه حلكي ع كلامها وتهديدها الصريح
من يمي صرت ارجف ودموعي تنزل هي ذبت سمها وراحت دخلت وهي تفشر عليه وتغلط
ماما سحبتني لحظنها وهي تهدي بيه شكد حاولت وياها بس فاطمه وكلمتها سيف حتى ماما سكتتها

دخلت بحضن ماما ابجي وارجف وهي تسكت بيه اخذتني لغرفتها كعدتني ع السرير وكعدت بصفي

الحجيه: بسج يمه بسج هاي دموعج تحركني يا يمه

ريفان : شهكت وانا امسح دموعي ، ليش هيج هي وياي اغيد افهم انا شمسويه الها حتى هيج تكغهني

الحجيه : سحبت نفس ، اخخ كل هذا لان ابوج جابها وفرضج عليها وغصب عنها وما اخذ بكلامها
واخذ بكلمتي انا ردتج وانا الي طلبت منه يتبناج
شفتج بنت صغيره جمالج ونعومتج مانطاني كلبي اتركج لهذا اخذتج سبحان الي زرع الحب والحنيه بنفس الحظه بيه تجاهج

بس ماتوقعت يصير كل هذا ويبقى بالها وتكرهج وتحاول تتخلص منج ب اي طريقه حتى لو ع حساب تعاستج

ريفان : عيوني مليانه دموع حتى الصوره مو واضحه عندي همست بلكوه من بين شهكاتي ، ياغيت ياماما ما تبنيتي وخليتيني بالملجأ ياغيت لو هسه انا مو هنا
يمكن حياتي جان صارت احسن

الحجيه : سدت حلكها ب ايدها وهمست بزعل وعيونها نملت دموع ، هيج انا هنت عليج حتى تحجين هيج
لج انا امج الي ربيتج وانتِ لحمه صغيره يرضيج تزعليني بهذا كلامج

ريفان : حضنتها وبجيت ، لا انتِ ماما الي انطتها الي هاي الدنيا الي ظلمتني عوضتني بيج انتِ اسفه واعتذغ منج ماما حبيبتي

الحجيه: ضحكت وهي تمسح دموعها ، لج يمه ما ازعل منج بس لاتضوجيني بكلامج انتِ بنتي صح ما ولدتج بي انا الي ربيتج

ريفان : بقيت بحضنها الى ان غفيت

ورى فتره كعدت فتحت عيوني واحس رأسي حيل ياذيني ماما ماكو لان جنت نايمه بحضنها
فركت عيوني الى ان وضحت عندي الرؤيه
ونصدمت وانا اشوف رهبار كاعد كدامي ويتأملني بنظراته خجلت منه عدلت كعدتي
ونزلت رجليه من السرير وهو باقي ع نفس مكانه ما تحرك

رفعت ايدي اعدل شعري لان شكلي تبهذلت
بنومتي هسه شيكول عليه ، رفعت راسي باقيه نظراته
تجاهي وكأنه ديقرا كل أفكاري..

امم ، شبيك ؟ همست بهدوء

رهبار : سحب نفس واردف ، اعاين الوجه الكدامي

ريفان : غمضت عيوني ورجعت فتحتها لسه لنوم بيهن ، شنو مافهمت يالوحه ؟
ماجاوبني طلع الجكاير من جيبه
وشغلها وحطها بحلكه سحب نفس وزفره وهو بعده نظراته تجاهي ارتبكت وخجلت

رهبار : اردف بهمس ببحه خشنه ، شبيج

ريفان : هزيت راسي مابيه ، انتَ شبيك

رهبار : مابيه .. اردف ببرود يعتلي ملامحه

ريفان : غهباغ

رهبار : همهم ك رد الها

ريفان : شنو غاح يصير هسه

رهبار : مايصير ، نفى بجواب قطعي

ريفان : وامك ؟

رهبار : عمتي !

ريفان : عضيت ع شفتي شلون فشله كلتها هيج بدون شي رأسآ امك ، احم اقصد عمتي

رهبار : هز راسه وهو يتأملها بهدوء ، شبيها

ريفان : بخصوص الزواج

رهبار : كز ع اسنانه واردف ، حلم ابليس مايتحقق

ريفان : يعني يعني ماتخليها

بعدني ما مكمله جملتي وهو وكف تقرب مني سريع رجعت نفسي للورى وهو حط اديه من الجهتين وصرت بنص حضنه نزلت راسي بخجل وجهة صار بوجهي
توترت وعركت

رهبار : رفعي راسج ، همس بهدوء وعمق ..

ريفان : لا رد

رهبار : ابوي انتِ ارفعي راسج

ريفان : رفعت راسي وانا ميته من الخجل

رهبار : انتِ لغيري ماتصيرين وللموت

ريفان : ابتسمت لكلامه واحس الفرحه ترست روحي
خليت ايدي ب ايدي الثانيه وضغطت عليهن بقوه
هو سحب الكرسي وكعد كدامي بحيث رجليه صارت بين رجليه لزم اديه لو جسمي رجف
رفعهن لشفايفه وباسني من باطنهن حسيت كلبي طار من مكانه وتوترت بشكل مو طبيعي

رهبار : انسي كلام امي هي هسه سامعه هذا الحجي وجايه تنقله الي تريد تخليني ازوجج ماتعرف ابنها غارك لراسه ب ام السان المكصوص ومطيحه حظ حظه بنعوصتها ولسانها الطويل

ريفان : فتحت عيوني ع وسعهن ، ااااانااا

رهبار : ضحك ، جا ابويه ، اخخ شسوي بحالي دوهنتيني ماخليتيني اندل دربي وين

ريفان : ضحكت بهدوء واجه سؤال براسي سريع سألته، غهباغ ليش ماكلت ل عمتي عنه انا وياك لان هي غادت تزوجني

رهبار : عقد حاجبه واردف بجديه ، عايني بويه انا ماكلت ل امي عن علاقتنا حتى ما اخليها تحاربنه واحنه بعد مو هسه نحدد شي رسمي بينه
رايد هاي الفتره تعدي حتى بس تخلصين امتحانات الثالث أعقد عليج واخلص من هذا الكلام الي جاي يصير هسه

اذا هسه حجيت الها عن علاقتنا وحبي الج
ماراح نرتاح امي واعرفها بشنو تفكر
راح تنشب وياي وماتخليني اخذج
ف خلي تعدي هاي الفتره ع خير حتى نتجهز
لزواجنا بويه

ريفان : بلعت ريقي واردفت بهمس وانا خايفه ، ليش يعني هي ماتقبل بيه اكون زوجه ألك

سكت ما جاوبني حسيت وكعت من فوك الجبل
بسبب سكوته شنو يعني هسه هي راح تحاربني انا بي وتحاربه هو بيه معقوله ماتريد سعاده ابنها ؟؟؟

رهبار : امي ترضى بس خليها عليه انا ما عليج
يجيج الصافي

ريفان : هزيت راسي ب اي وانا اصبر بنفسي
شنو يعني اسوي انتظر واشوف شنو راح يصير
واكيد رهبار ماراح يسمح الها تأذيني او تسوي وياي
شي وهو يوكف بوجها

مرت الايام وانا ورهبار كل ما يشوفني يبتسم بوجهي ويطمني لان يشوفني خايفه
حتى اخااف من امه لا تسوي ويانه شي وتخربنا
ساعتها ما اتحمل انا

بيوم جنت العصريه انظف البرى وهي اخذت ايلان للدكتور وراح رهبار يوصلهن وبعدها يرجع
وماما نايمه جوه
طلعو وانا نفضت نفسي وغسلت رجعت كعدت ع المرجوحه وصافنه

صافنه بهواي امور واولهن حالتي ويه رهبار
شلون راح تصير ماحسيت الا صوت فززني من مكاني وهو يكول ..

رهبار : الشاغل بالك يتهنى بويه

ريفان : ضحكت بخفه وخليت ايدي ع كلبي وانا احجي ويا ، يمعود مو هيج خوفتني

اجه تقرب بتجاهي وهو يضحك عليه كعد بصفي

رهبار : ماعاش الي يخوفج وانا بظهرج

ريفان : رفعت عيوني بعيونه وهمست ، ع طول انتَ بظهغي لهذا ما اخاف

رهبار : بس تحسبي للايام الي ما اكون بظهرج لازم تكونين قويه وما تخلين اي شي يضعفج

ريفان : انعصر كلبي من كلامه ، ليش دكول هيج وتخوفني

رهبار : سحب نفس ، الحذر واجب بويه ولازم تصيرين قويه انا مادايملج لازم تصيرين ذيبه بكل وقت وياج او مو وياج

ريفان : نملت عيوني دموع ، لا عفيه لا تحجي هيج صدكني اخاف انتَ ماتعوفني مو

رهبار : ضحك ، وج بويه ماعايفج بس هاي الحياه
مانعرف شكاتبه النا ماعرف شوكت الله ياخذ أمانته
خاصه شغلنا خطر

ريفان : لتفتت بجسمي عليه ولزمت اديه الكبار بين اديه وانا اتوسل بي بعيوني

هو سحبني واحتضني داخل صدره وانا ما صدكت بجيت وهو يمسح ع شعري ويهدي بيه

رهبار : سحب نفس وزفره بقوه ، وج ماعايفج انا خرب بال**** شو سكتي دموعج يغسلني رفه

ريفان : دفنت راسي بصدره وانا اتنفس من عطره
هدأت روحي وسكنت بمجرد ما حسيت ب امانه
فجأة ما حسينا الا صوت
جاي من ورانا فزينه اثنينه وكفنا ع طولنا

سريع همس الي بصوته الخشن ..

رهبار : وجان الغاره تكبسنا بالجرم المشهود يابويه شيفكنا

ريفان : رفعت راسي اعاين ماما عيونها علينه كلها شكد والف سؤال وسؤال ببالها الله يستر

رفعت ايدها واشرت النا اثنينا بمعنى تعالو وراسه
واحنه رحنه وراها انا الخوف ماكلني اما رهبار عادي عنده بس يضحك بوجهي وانا اخزره من الخوف
وصلنه لغرفتها كعدت وبقينا قصاص عاد رهبار بدون ماينتظر اي كلام منها كعد وسحبني بصفه

ماما رفعت حاجيها وحجت ..

الحجيه : انتو الزوج بلا لف ودوران هسه تحجولي شنو صاير بينكم بالحرف الواحد

ريفان : حاولت احجي واطمطم السالفه بس صدمني رهبار من كال الها بصريح العباره

رهبار : حجيه انا احب بنتج ورايدها ع سنه الله ورسوله وشنو دكولين انا وياج بس أخذها لو وكفت عشيره بوجهي غير رفه ما اريد

_____________________

دهليز ..

صارت الايام تمشي عندي جثير بطيئه
وصرت انتظر الجمعه بلهفة عبن راح ادحك عيونو
الحلوه جثير اشتاقله
اكثر شي اشتاق اله من يسميني نسمه روحي
اهجس روحي اتخردل
وماعرف شنو اسوي ولا شلون ادحك الو

اليوم الجمعه معناها امس نزل للعمارة ووصل اهله
جهزت نفسي وأهم شي الكتب الي ناويه
ادرسها يم كيناز
حتى اطلع عذر تاروح ادحكو

وكفت كدام المرايا عدلت حجابي وكرصت
خدودي وخشمي تايصيرون حمر
ونزلت جوه ركض
ملهوفه وروحي طارت قبلي تريد توصل الو
وتحكل عيونها بشوفتو

حجيت ويه ماما بسرعه واخذني اخويه
ووصلني جان الباب مفتوح
لهذا كتلو روح انتَ وانا راح ادخل
رفض وأصر يبقى بس انا اصريت اكثر وكتلو روح انا راح ادخل ماكو مشكله

وصدك راح هوَ وانا دخلت جوه جان ماكو احد
برى بس ليش الباب تاركينه مفتوح
توقعت اكو احد بالحديقه
بس دحكت بكل مكان ماكو اي احد
هينا عجل منو الي عايفوو مفتوح

تقرب للباب الداخلي وانا اهجس عصافير ببطني
وفوك راسي وبكل مكان تزقزق عجل غير راح
ادحك الحب واروي شوكي الو

رفعت ايدي ع خدي وضربت خدي تايرجع يصير احمر
بس شنو ايدي من  لامست بشرتي هجستها نااار
يمكن كميه الهفه هيج تسوي الو هيج تسوي

نزلت ايدي بسرعه خاف احد يطلع ويدحكني مخبله اسوي هيج بنفسي ضحك ع حالي
رفعت ايدي رايده ادكو للباب وماهجست الا تنسحب
ايدي بقوه وطرت بالهوى حتى رجليه ماعادت تمشي
مثل الناس اهجسها اطير مو تركض

شهكت بصوت عالي وانا مو عارفه منو هذا
الي لازمني من ايدي ثواني وصرت خلف البيت
انلزكت ع الحايط وهيئه جسم صارت كدامي

راسي منزلتو خايفه ومرعوبه من الصار وادحك ع
الايد الي لازمه معصم ايدي من فوك الملابس
ماطاخه بشرتي هينا كلبي خفكَ وطار من صدري
عرفتو هذا هو اي والله هوَ

رفعت راسي وعيوني وكعوا ع الشخص الي كدامي
رجفت انفاسي وجسمي تبند بمكانوا
بلكوه طلعت الكلمه مني وعيوني غوركن بالدموع ..

دهليز : ل لهيمي ..

اللهيم : نسمه روح لهيمج ، احبج انا مشتاكلج نسمتي..

___________________

سيلينا : بعد ما انقطعت العلاقه بينا وبين اهل دابر
مشت الايام طبيعيه وكلها عاشت حياتها الا انا الشخص الوحيد الي يوم بعد يوم تتازم حالتي وتسوء اكثر واكثر
مو هين وصعب عليه انسان حبيته حب نقي وطاهر
حب طفوله ومرحلة نضج هيج ينتهي بيوم وليله
حتى قبل لا يعرف هو بالاساس بهذا الحب
لهذا حالتي انتكست

بس انا بيه طبع كتومه وماا احجي الي يصير بداخلي لهذا بقيت اطحن نفسي بنفسي واحاول
اجاري الايام في سبيل
اجتاز هذا الصار واضم حبه بكلبي الى ان يحين وقته

صرت اكضي ايامي بالدراسه و ويه البنات هن الي
يحاولن يخففن عني الى ان بمره
جنت بالمطبخ واكفه اشرب ماي
ماحسيت الا الباب يندك
ردت اروح افتحه بس شفت بابا طلع قبلي يفتحه

واكفه وعيني ع الشباك ردت اشوف منو
بس فضولي لوحده راح قابل منو يجي دابر ؟ وهو صارله فتره مقطوع
نزلت الكوب وردت التفت حتى اطلع من المطبخ ونصدمت صدمه عمري وانا اشوف
الي دخل من الباب الرئيسي
همست بصوت يرجف دابر !!!!

بقيت واكفه بمكاني وانا اعاين عليه شلون دخل يسلم
ع بابا وبابا يسلم عليه ويحجي ويا
عاد دخله جوه كل هذا وانا ما تحركت ولا خطوه
من صدمتني فجأه صحيت ع نفسي ورحت اركض
ع الباب اسمع الهم شنو يحجون

لهنا وصل بيه اسمع كلام يخصه حتى لو كان
مو من عادتي بس يهون كل شي لعيونه الحلوه

خليت اذني ع الباب وصرت اسمع حديثهم
واحس الابتسامه وصلت لاذني وانا اسمع كلامه وصوته

ابو زياد : ها بويه شعجب جابتك رجلينك النا بعد الصار

دابر : ياعمي انا الي صار بين العائلتين مايهمني
انا علاقتي بيكم اقوه من ان تنقطع بهاي السهوله
حتى لو العائلتين علاقتهم خربت بس انا علاقتي بيكم
ماتنقطع وانا واثق مثل ما جاي اشوفك لابد تتصافى الكلوب شي يوم وترجع الماي لمجاريها

سيلينا : حسيت الفرحه سرت بكلبي وأخذت كل جسمي
ترسته ترس
رجف جسمي من كميه المشاعر الي حسيت بيها
بوقتها

عرفت هو ماقطع علاقتنا بينه لان علاقته ب اهلي حيل قويه خاصه بماما وبابا

صارت إيام تجي وأيام تروح وهو مستمر يجينا
وماقطع بينه ابد اما فرصه شوفتي اله قليله
انا استحي وهو مامختلط وياي ولا علاقته بيه قويه
ع كد السلام لو صادفته  مع هذا انا راضيه بهذا
القرب ع الاقل اشوفه واروي شوكي اله
بنضره منه

الى ان بمره جنه كاعدين و وصلنا خبر ابن عمتي الي توفى ابو هذاك اليوم الرحنه اله بالريف مسوي حادث ابنه عمرها 23 سنه و ع اثر هذا الحادث توفى
ولحك والده الله يرحمه

خلصت ايام الفاتحه ايام تعب وقهر وألم
وبعدها صارت الكعده ويه الي دعمو ابن عمتي
لان هم ماخذين عطوه صارت هوسه ناس تروح وناس تجي ، وكلها كاعده بالديوان
صار الفصل وفصلو اهل الولد

بعدها تصالحوا بين بيت دابر وبينه ورجعوا سوا
مثل قبل

بعدهم كاعدين بالديوان وصار الصايح ماله والي
وما فهمنا اي شي الا ان عرفنا بعيدن
ابن عم ماما الي يصير اخو خطيب مرام
غالط ع عمو وصاير مصايح بينهم
وعركه جبيره الها اول ما الها اخر

وعمو كلمته مسموعه كوم يا عمو وكول
بنص الديوان مالكم مره يمنه
وبتنا ترجع النا واخوك يفصخ خطوبتها من بتنه
وكل واحد يروح الحاله

كلها اعترضت لي ادخلون هل اثنين بهاي المشكله وهم
مالهم ذنب بس عمو وكلمته سيف
ماتنازل عن قراره

فضو وكل واحد راح لبيته ومن وصل النا الخبر نظل ع مرام مثل الصاعقه شلون يقررون بكيفهم وشلون
وراها هدأو وهي ماقبلت تفصخ الخطوبه

ثاني يوم هي دوامها صباحي ساعه 10 الصبح تفاجأه ع دكه الباب رحنه نفتح لكينا
اخو دابر الجبير جايب مرام من المدرسه وهي بس تبجي وتصرخ

وكفنا مصدومين نسألها شكووو شبيج
احجي هي بس تبجي وتصرخ وتغلط
اخر شي كال اخو دابر ..

رضوان : طلكناها..

انصدمنا صدمه قويه من سمعنا كلامه اثاري هم ماخذيها
من المدرسه ومناك للسيد وخليها هي وخطيها يتطلكون
وفعلا طلكوها منه ورجعوها للبيت

وصاروا هم الضحيه بين كل هاي الهوسه الصار
هي مرام وخطيها الي ما اتهنت بخطوبتها ابد

رضوان بعد ما شمر القنبله بالبيت عافنه وطلع
وبقت مرام تشيل نفسها وتشمرها بالكاع
وتصيح

مرام :  الله ينتقم منهم شنو يريدون مني
شكو خربو حياتي حتى الله ما يرضاها ليش هيج
هو شعليه ااذا اخو الي غلط ع عمو احنه شكووو
بالموضوع ليش جبرني ع الطلاك منه
ليش جبره يطلكني ترى مايصير مو حاله هاي

سيلينا : شكد حاولت ماما تهدي بيها
بس هي ابد ولاسمعت ماما حتى مرام غلطت ع ماما
واذتها بكلامها في سبيل تعوفها
ماما عذرتها لان هي هسه بحاله صدمه
لهذا ماحجت شي وطلعت من الغرفه

وانا بقيت واكفه بمكاني واعاين عليها لتفتت عليه
وهي عصبيه صاحت بوجهي بصوت عالي وطردتني من الغرفه وسدت الباب بوجهي
وانا مصدومه ماعرف اسوي اي شي الها

تركتها الحالها مابيدي اسوي شي وهي عصبيه
ماينفع وياها الكلام

بابا حيل حنون ويانه ع طول يحاول يخلينا نكون الأحسن ماكو شي ما علمه النا من دين ، لتعاون ، المحبه ، العطف ، مو لان ابويه واكول عنه هيج شي
هو فعلاً انسان قليله بحقه كلمه يستاهل الاكثر
ماكو بحنيته وطيبه كلبج

من شاف اختي بهاي الحاله حاول يطلعها من الي
هي بي ماكو مكان ما طلعها اله ، مطاعم ، حدائق، منتزهات ، زيارات، أرقى ملابس ، أحدث جهاز ،  ماكو مكان ما وداها
اله كل هذا حتى يطلعها من الي هي بي
لان خالتها النفسيه
كلش سيئه وانطوت ع نفسها وماحب يخلي بخاطرها اي شي وهي شوي شوي بدت تتعود وتتأقلم
ويه الموضوع
وشوي شوي بدت تتناسى الي صار وياها

مره فتره بعدها رجعت مرام اداوم
وصاروا يجون خطابه يطلبونها وهي عندت ويبست راسها الا اريد لو ضابط لو معمم لو ما اريد اتزوج
ماعرف شنو تصرفها هذا وليش بالضبط
الا هذن الشغلتين

كم يوم واجوي اقاربنا من بعيد من ناس لناس
الى ان وصلوا لعدنا درو عدنا بنات
وتقدموا حتى يطلبون وحده منه

بوقتها ماما دخلتنا انا واختي مرام
وانا روحي صايره بخشمي كل شوي وحجيت الها
ماما انا شكو مدخلتني وياها شعليه بيها
هي خلي تتدخل انا شكو
احاول اتملص من السالفه لان براسي بس دابر وبس
لغيره مستحيل اصير يا هو ياماكو غيره

اخر شي ماما نترت بوجهي وعاطت بيه خلتني انصدم واجمد بمكاني من كالت الي ..

ام زياد : انا اعرف براسج موال بس حاولي اطلعي
من راسج افضل الج لان لو ماتصير هاي لقسمه
المرام ف ينطوها ل دابر احتمال ابوه يرجع
يطلبها من جديد  ..

خلتني اجمد بمكاني شنو يعني هسه
هم راح ترجع مرام وينطوها لدابر لا مو معقوله بس هي
ماتريده زين ليش مو انا ليش الا هي لو لان هي
اكبر مني

بقى اخر امل عندي هو هذا الي جاي يتقدم ل اختي
وفعلاً طلع ضابط وبقى بس موافقه اهلي عليه ..

بهذا الوقت عرفنا اخو خطيب مرام السابق منطي اخته
ل اخو دابر ومقرر اخته الثانيه ينطيها الدابر
وهو مقرر لبين ما يتخرج دابر
يخليهم يتزوجون يعني وكف اخته الثانيه لدابر
والاولى زوجها ل اخو دابر
وتناسبو

عاد عمو دز ع اهل دابر وكال الهم الصاعقه
الي هزتني هز وحطمتني دز خبر وكال

عم سيلينا : اذا اخذتوا منهم راح ترجع
تنقطع العلاقه بينه وبينكم لهذا هاي مرام انا ناطيها ل دابر زوجه اله ..

ورى كم يوم من وصل الخبر الهم
انتفض دابر وصار يصيح ورجع خبر النا وكال
المره الي ماردتني ماريدها لو يصيغوها ذهب ..

هنا انا ارتاحيت وردت الروح بيه
كل هذا وانا عايشه بحروب قاتله بداخلي
احارب لوحدي مره اطلع خسرانه ومره
اطلع بحبل نجاه وأمل ضعيف

وصدك وصار خلاف بينهم عاد اهل دابر
كوموا وروح اخطبو هذيج البنت ل اخو دابر
وتناسبوا بس شرطو عليهم يقطعون علاقتهم
بينه احنه
وعلمود ابنهم لزمو وقطعوا علاقتهم بينه من جديد
وتخاربوا وانا الي وكعت بيها من جديد
اثر لهذا الخراب الهالك مال اله اي مستقبل
ولو بعد زمن ..

________// ________

للحكايا بقايا ♡

الانستا قلبي ..