رواية دجن الضليع الفصل الثاني عشر 12 - بقلم رهف علي

نبدأ بذكر الله ﷽💛✨

وعدتوني بتفاعل حلو بس للاسف شفته بس بالبدايه
بعدها رجعتوا نفس الشي خاملين ليش هيج داده؟
صوتو اضغطو ع النجمه بكل بارت ينزل
ايلافيو قلوبي ♡

من قال آن الحُب شي مُخادع ومشاعر كاذبه ؟!
جا شبيه انا توهدنت وحبيتك !
وبنص روحي قفص خليتك !
وتاج راسي سميتك .
واعترف بين هاي الناس حبيبي وبأسمي سويتك ..
لا محالل ولا موهوب الياخذك من بين اديه .
#بقلمي_رهف_علي

____________

دهليز : واكفين احنه مدكحين بسيلي ومصدومين
بيها شلون غنت الو وهو الرجال خطيه خلتو واكف وصافن مصدوم بيها
واحنه اكلنا الخجل اكل مامتعودين هيج ونوب كدامو للرجال اهجس وجهنا صار نار وبارود نطقت
ريفانه حتى تتفادى الفشله والموقف المحرج
وبررت السيلي هاي لو عليه انا لو اموت ما احجي
الخجل ياكلني من ساسي الراسي

ريفان : بلعت ريقي وانا ماعرف شحجي بس لزوم الحجي هاي المصكوعه وكعت نفسها بفشله اكبر من غيرها ..اردفت بحيره وانا ع وجهي ابتسامه محرجه

هاا العفو بس سيلي ببالها هاي الاغنيه وجانت
ادندن بيها بينها وبين روحها من اول ما طلعنا
من المدرسه وهسه صارت بوجهك لهذا مو عليك
ابد

بس هو ما عدى الموضوع واردف وهو لسه مستغرب

دابر : واذا ابالها الاغنيه شنو بويه جا غنتها كدام اي واحد مو بس كدامي انا

ريفان : حاولت احجي بس ماحسيت الا سيلينا
وجها محتقن وصايره نار عبوه مُقته وراح تنفجر
وصحيح ثواني وانفجرت العبوه بوجه
المسكين دابر صار احد ضحايا سيلي الكلاميه

سيلينا : انا صح خجلت من موقفي المامناسب
ابد بس كلت راح يعديها ويعوف الموقف
عادي يحسبه شي عادي وصار
بس من ريفان حجت ويا تبرر موقفي وهو رد عليها
برد صارم انا هنا ماكدر اسكت
حسيت وجهي انصبغ احمر وصار نار
حسيته راح ينفجر ماكدر الزم لساني ومالكيت نفسي ال وانا مغرده كل الي يدور بطرف الساني ..

اردفت بعصبيه صارمه وانا اخزره بعيوني ،
هسسه واذا غنيتها شنو صار سبينا العنب
لو ارتكبنا جريمه هسه كول موزين غنيت شصار يعني يلا فهمني يلا

دهليز : ضربتها بعكسي بخاصرتها وانا اهمس الها تاسكتها ، ول فضحتينا هيدي شوي

سيلينا : ماسمعت الها ابد وانا عيوني ع هذا المصكوع شلون هيج رد عليه نوب رجع خزرني بعيونه
واردف بكلام حاد

دابر : السسسسانج حطي بحكلج لاتخليني
اسوي شي اندم عليه بويه موش السان دكول السان دلاله ترد الكلمه ب عشره

سيلينا : اريد ارد عليه بس ماحسيت الا دفعه من
وراي عاينت ريفو ودهليز يردن يدخلني للبيت
وصدك دخلني وانا نار شابه بصدري
سكتت ماجاوبتهن ولا ودعتهن عاد هن راحن وهو كمل شغله وراح

بقى هذا الموقف ببالي وما راح ابد
ليش هيج سوا واذا غنيت أغنيه خلي يرد ب ابتسامه حلوه مثله لو ال يسم بدني اوف منك دابر اوف

بعد ما خلصنا امتحانات نصف السنه اول متوسط
صارت مسابقه كره الطائره بين المدارس
ومدرستنا شاركت بهاي المسابقه
عاد المدرسات والمديره صارو يفترون ع الطالبات
حتى يشوفون منو الي تشارك وعدها قدره
حتى يبدون يدربون الطالبات قبل شهر من المباره

بدون يدخلون الصفوف وبعدها دخلو للصف مالتنا
طبعا انا وريفو ودهليز رفعنا ايدنا حتى نشارك بهاي
المباره ( المسابقه كره طائره ) وحبينه نغير
من مود الدراسه
لهذا رفعنا ادينا

سيلينا : ست احنه نريد نشارك

المديره : زين ماما من ترجعون للبيت اريد توقيع
ولي أمر الطالب حتى تشاركون بالمسابقه
واندربكم قبل المسابقه بشهر

سيلينا : تمام ست ، صحيح والله خلص الدوام
وأنا والبنات نخطط شلون نشارك وفرحاانات
كلش لان معناها راح نصير بنفس الفريق
ونلعب سوا ونفوز سوا او نخسر

وصلنا كل وحده لبيتها وانا وصلت للبيت اول مادخلت
للبيت شمرت الجنطه من ايدي برى ودخلت
اصيح بالبيت

باااااباااااا ماااماااااا

طلعت ماما من المطبخ تمسح ب اديها وتصيح بعصبيه ..

ام زياد : صخام ولج فضحتينا شبيج تصيحين

سيلينا : ضحكت ، اوو شبيج عصبيه هسه كولي وين بابا

ام زياد : برى ماتعرفينه ع جيه

سيلينا : ضحكت ، تمام ماما انا صاعده اغير لبسي واغسل اصلي بعدها أنزل

ام زياد : يمه شبيج متهرفله شجاج

سيلينا: تقربت بستها من خدها بوسه ام الطكه وسويت مثل ريفان ، احححح هي عبالها تخبلت
ضحكت عفتها وصعدت فوك وهي تصيح

ام زياد : يااا يااا تخبلت الفرحه

سيلينا : ركضت سريع غيرت ملابسي غسلت وانا وجاي اصلي سمعت صوت بابا خلصت صلاتي ونزلت طايره والضحكه ع وجهي حتى هم شكو بيه بس مو مهم اولها وآخرها راح يعرفون

كعدنا ع االاكل ناكل عاد انا فتحت الموضوع وياهم حمحمت بهدوء وهم رفعو راسهم الي .

انا اريد اكول الكم شي بابا

ابو زياد : كولي بابا

سيلينا : بلعت ريقي وانا اناظرهم ماريدهم يرفضون اريدهم يقبلون ، سريع حجيت الموضوع حتى ما ارتبك
اردفت بسرعه ، بابا مدرستنا راح يسون مسابقه كره طائره ورادو بنات وانا حابه اشارك بيها

سكتت اسمع جوابهم فجأة فتحت عيوني ع وسعهن وانا اسمع بابا يكول ..

ابو زياد : اي شكو بيها بابا شاركي

سيلينا : حسيت نفسي طرت من الفرح عفت الاكل وكمت اله احتضنته وبسته من خده وانا اضحك ، شكراااااا يا احلى اب بالدنيا كلها

ابو زياد : علت قهقته واردف وهو يناظرها بنظرات جميلة ، تدلل عليه بنيتي شعندي انا غيركم

سيلينا : بهذا كلامه رفعني فوك الغيم صدك لو كالو الاهل سند وظهر لو الانسان ما عنده اهل جان حاله بالضيم وما يكون بخير والناس تبقى تكفخ بي ع طول
حمدت الله وشكرته الف مره ع هاي النعمه الي عندي

ثاني يوم رحت للمدرسه وانا اضحك بس انصدمت بوجوه البنات يتلاطم وعرفت منهن اهلهن ماقبلو
ريفان رافضين أهلها ودهليز هم رافضين حسيت
نفسي وحيده وكعدت ابجي بينهن
وهن يسكتن بيه بس وين انا وهن وين

بس بقن بكلامهن خلني ارتاح واطمن وهن
يحمسن بيه جتى انفوز ومدرستنا تتكرم ونجيب
اللقب النا

مرت الايام واجت الايام وانا اتدرب ويه الفريق
حتى نكون مستعدين ونفوز مانريد مدرستنا تخسر

بخلال هاي الفتره انا تعلقت ب دابر كلش هواي
صرت انا وانام اشوفه انا واكل اشوفه انا وادرس اشوفه صار يطلعلي بكل مكان صورته ما تفارقني
انهلكت بي هلك بحيث حسيت نفسي صرت مجنونه بي
وافكر هووواي حتى ما اكدر اركز ب اي شي بسببه

صرت انقهر ع اي شي لو فكرت هو مايحبني مثل ما اانا احبه لهذا اكعد انوح وابجي واذا فكرت بغير تفكير
ان هو راح يحبني وهذا تخيلات اكعد اضحك
والبسمة تملى ثغري اي اعترف صرت أسيره ل دابر

حتى البنات صارو يلقبوني بالعاشكَه الولهانه
خاصه دهليز اول ما تشوفني ادخل المدرسه
تصيح من بعيد ( اجتي العاشكه الولهانه )
وانا اضحك عليها

ريفان : اوووو سيلي مو جاي نحجي وياج وين سغحانه

سيلينا : اردفت بذوبان وانا بالي وعقلي يمه ،
سرحانه ب مُلاذ عيوني ..

ريفان : عقدت حاجبي واردفت شنو ؟

دهليز : يولو والله وريتينا ور داتحجين بملاذ عيونج شنو انوب

سيلينا : اوف ولجن سرحانه انا بملاذ عيوني دابر
بمنو يعننني

ريفان : غميتها، دهغ دهغج ( دهر دهرج )

دهليز : عجل هو صار ملاذ عيونج يولي

سيلينا : بهيام ، اي يولي

دهليز : اووي شعاجبج من الحب وخبالو عجل هو مايعرف بيج تحبينو شلون بهل حزه

سيلينا : اكيد يعرف إذا مو اليوم ف باجر واذا مو باجر بعد شهر عادي انتظر انا

ريفان : اردفت بصدمه ، ليكون انتِ تعتغفين اله ؟؟؟ ( تعترفين اله )

دهليز : تاذبحها هل مصكوعه عجل اطير هيبتها عججيب

سيلينا : يبو كافي ولجن راسي صار يوجعني
هاهي انا احبو افهموني احبووو ور عقلي ور
ع كولت لولو

دهليز : حتى انتِ صرتي دكولين الي لولو

سيلينا : عجل اهلج مو هيج يدلعوج

دهليز : زفرت انفاسي اي يابه اي

سيلينا : هاهي انتِ لولو الحلوه

اعاين عليها تضحك ياربي شكد حابتهن صديقاتي
وروحي من الدنيا كلها

مرت الايام وانا ادرب وصديقاتي ما فارقني ابد
الى ان اجه يوم المسابقه
احس روحي صرت ضعيفه وخايفه لا نخسر
خايفه لا افشل بس بمسانده اهلي وريفو ولولو
كدرت اتخطى هذا الشي

وفعلا بدت المباراة الى ان اخر لحظه وفزنااااا

عجت الأصوات وتعالت اصوات المباركات
والفرحه العارمه عائلتي الفخورين بيه
صديقاتي الي رافعات نفسهن بيه
كدرنا نفوس ونكسب مدرستنا الفوز

عمت أجواء الفرحه الحماس
وانطونه خبر خلال المتوسطه هاي ال ٣ سنوات راح
ييتم بيها المسابقه يعني هسه صارت وحده
وبعد ٢ كل سنه مباراه يعني بعد الثاني متوسط
والثالث متوسط حتى اخرها يكرمونا
بكل سنه

حسيت صار حماس زايد عندي حتى
نخلص من السنه ونبدي بسنه جديده
ونفوز

مره الايام بحلوها ومرها الى ان اجوي خطابه ل اختي مرام يصير أبن عمها ل ماما
صار حديث ونقاش بين اهلي
الى ان وافقو واقتنعو بي ورجعو الهم الخبر
بالموافقه

هنا صارت الخطوبه كلام ومرام صارت خطيبته ل ابن عمها ل ماما وبقو يحددون الموعد حتى يعقدون
لهذا بما ان الشغله صارت رسميه
عاد بدو يعزمون بالاقارب ويبلغهم بخطوبتها ل مرام
هي اختي الكبيره

اجوي بيت اهل دابر وفجأة صار نقاش حاد بينهم وبين بابا

الى ان صار الي بعمري ما جنت متوقعته
اول ماسمعت بالخبر حسيته نزل عليه
مثل الصاعقه وهدمتني هدم زلزلتني

سمعتهم يكولون ..

ابو دابر : انتَ شلون تنطي مرام لواحد ثاني واحنه حاجين بيها من قبل وحاجزينها ل ابني دابر ؟؟؟

________________

دهليز : اهلي رفضو رفض قاطع انا اشارك بالمسابقه
خاصه اخويه عمر ماقبل شلون وشلون خلاني انقهر
هساع شنو بيها لو شاركت قابل راح تنقلب الدنيا مثلا

تنفست بضيق وشلت كتبي ورحت ل اخويه تا يوصلني
لبيت كيناز حتى تقريني
مثل كل مره وتعودت انا اروح الها وحتى صرت شوي استوعب اكثر من قبل

نوب من جهة حماها اللهيم ماعرف شبي
نظراته ع طول اتجاهي بس جانت نظرات حلوه
محبه مو نظرات ادبسززيه بالعكس اللهيم اهجسو ( احسو _ احسه ) انسان نقي ونظيف مابي دغش

ع ساعه يحرك بيه احساس ومشاعر انا ما رأيدتها عبن الحب شغله ادوخ ومو خوش ابد
وانا عندي دراستي

اللهيم جان صف سادس اعدادي بوقتها وانا اول متوسط يعني بيني وبينو سنين وحتى لو افكر
بي ماعتقد تصير يعني صح انا ويا من غير طوائف
لكن هذا مايمنع عبن اختي كيناز هم متزوجه اخو
وهي منه وبينه انباريه وهو من العماره
وانا كذلك

صارت افكار تروح وافكار تجي وانا ما بيه الحيل ابد
عقلي اهجسو طار من بالي
لهذا خليت وطلعت من البيت ورحت لكيناز

وصلت للبيت دكينا الباب شوي وطلع اديب سلم ع اخويه وطلع ويا وانا دخلت جوه
مستحيه صح صارلي فتره مو قليله اجي عليهم
حتى هم اتعودوا عليه بس لهسه اهجس اخجل منهم

ردت ادخل جوه بس صوت وقفني لتفتت ودحكتوا كدامي ..

اللهيم : اردف ب ابتسامه حلوه ، هلا والله ب دهليز

دهليز : ابتسمت بخجل ورديت عليه ، اهلا بيك

اللهيم : جا شبيج راسج صاير بركبج
ادريج مستحيه بس مو هيج بويه لساعج مامتعلمه علينا صرنا اهل

دهليز : رفعت راسي وانا خجلانه من كلامه بس شسوي اذا روحي تروح واطير بالسما اذا هجستو قريب مني
هزيت راسي بنفسي وجاوبتو ، لا عادي

اللهيم : ضحكت ، هو شنو العادي يابويه

دهليز : رديت عليه ب ارتباك وانا اضغط ع اصابعي من الخجل ، هو شسمه هيج بس عادي

ماهجستو الا ضحك بصوتو آلاخذ كلبي وكانو نغمه تتطرب مسامعي صوتو الكلو رجوله وبحتو الحلوه
واردف بلهجتها خلاني انصكع بمكاني وانا ادحك الو بدهشه

اللهيم : هز راسه وهو يضحك ، ول ول وريتيني ور يامصكوعه ..

دهليز : كلبي راد يطلع من مكانو بقيت واكفه مثل
القرده كدامو وانا ادحك بعيونو الي بلون السماء
صافيه تسلبو الحالي سلب
ردت ارد عليه بس ماتتطلع اي كلمه من منطوقي
صخنت وارتبكت مم نظراتو الحلوه

فجأة انقطعت ( خلوتي الزرقاء ) بصوت كيناز وهي تهلي وترحب بجيتي

رحت وياها وانا تاركتو برى وتاركه روحي ويا
كعدنا بدينا نقرأ وانا روحي وعقلي مو يمي
يمو هوَ
فجأه فززني صوتها وهي تسألني ..

كيناز : شبيج يولو

دهليز : شنو شبيه ؟ سألتها ب ارتباك هجست هي شافت شي او سمعت ماعرف شنو

كيناز : ول انا دا اسألج شبيج هجستج مو انتِ غير عن كل يوم وهساع كدامي ماتحجين وعقلج مو وياج يولو

دهليز : ارتبكت من كلامها وهزيت راسي الها ، لا نفسي انا ماكو شي

كيناز : اردفت بشك ، لا مو نفسج ول تضحكين عليه انا اختج واعرفج يوميه تجين تاكلين مخ راسي بصديقتج العاشكه الولهانه وتكعدين تضحكين شلون
عاشك شخص وهو مو داري بيها
وهي هايمه بي وهو ما مدحك الها ويعرف شي
وكل هذا تكعدين ترطنين عليه شنو الي يصير وياجن
وشلون فرحانه صديقتج بعشكها وانتِ تصيحين وتعيبين ودكولين ما احب أنا مثلها هي اهجسها مخبله بعشكو وانا عاقله ما احب بخبال مثلها
هاا كولي هساااع منهو المتغير انا لو انتِ ؟

دهليز : كل الي كالتو كيناز صحيح انا يوميه من
اجي هنا احجي بسيلي وشلون عشكَانتو ل دابر
ومن احجي الها نوب ارجع اكول انا ما احب مثلها
بخبال عجل اصير مخبله مثلها

وهي حست بتغيري وشلون انا متغيره وصايره اصفن هواي وافكر هي ماتدري شكلي راح اوكع ع وجهي واغرك وانا مو داريه

كيناز : ضربتها بخفه ، احجي اسمعج يولو

دهليز : رفعت راسي ، شنو احجي ؟

كيناز : الي تهجسي ( تحسي )

دهليز : عضيت شفتي واردفت ، بس انا ما اهجس شي

كيناز : جذابه والله اخيتي واعرفج كولي اعترفي

دهليز : ول كيناز شجاااج.

كيناز : اذا ما حجيتي انا احجي واخجلج

دهليز : دك كلبي بكلامها ليش شنو الي تقصده سكتت
بعدها همست ، بشنو تخجليني

كيناز : سكتت شوي بعدها اردفت وانا اترقبها ، انتِ تحبين ؟؟؟

دهليز : خفك كلبي واهجس صار بسباق ويحارب
كلامها خوفني ما اعرف ليش
ضغطت ع ايدي ب ارتباك ورديت ، لا شنو هذا الحجي احب منو قابل

كيناز : رفعي عيوني بعيوني وكولي تحبينو انتِ ؟

دهليز : شنو كيناز شبيج احب منو ، همست برجفه

كيناز : اعترفي انتِ تحبينو لل اللهيم ؟

دهليز : هزيت راسي واردفت وانا متوتره ، بس بس اعجاب

كيناز : تقربت منها ورفعت راسها ب اصابعها وهي تخليهم ع فكها اردفت ، حسيت بنظراتج تجاهو وعرفت اختي تحبو غالطتت نفسي بس انتِ فاضحه نفسج
وهو نظراتو مفضوحه ..

دهليز : رجف صوتي وهمست ، شنو يعني هو يحبني

كيناز : ماعرف بص انتو الزوج مفضوحين
نظراتكم تحجي ودكول واحد يحب الثاني

دهليز : هجست روحي رادت اطير يعني شنو يعني هو هم يحبني لو شنو
مر اليوم وانا بلكوه كدرت اتملص من كيناز هي ابد ما عارضت اذا انا حبيتو لل اللهيم دكول رجال ماكو مثلو
ونعم منو هو مثل اخو ويحب مرتو ويدللها
ولو وكعتي بي ابصم الج تنسعدين ويا وتكونين فراشه بين احضانو

كلامها صار يتردد ب اذاني هو نظراتو اتجاهي تنبض بالاعجاب وانا هم نظراتي اتجاهو تنبض بالاعجاب
وهجست روحي فعلا فراشه والحياه صارت حلوه بعيني وروحي هايمه بفكري وتصرفاتي ادل ع إعجابي بحضرتو استاذ اللهيم

مرت الايام وصرت مقتنعه بي واعترفت النفسي هذا مو إعجاب هذا حُب وانو انا

عشكَانتو اي عشكانه اللهيم .

نقطه نهايه سطر وماكو كلمه تعلى عليها ثانيه
اللهيم صار ينبض بنص روحي وكل يوم حبو يزيد بداخلي وانا حالي من حال سيلي صرت اهجس بيها واكول حقها ما الومها من ادحك بيها شلون حابتو
لدابر صرت انا مثلها
من بعد ما جنت اضحك عليها صرنا اثنينه نفس الشي

هزيت راسي وانا ادحك الهن لابسات اسود
واغلب البنات الي بالمدرسه لبسن اسود
بعدها عرفت لان شهر محرم بعدها عرفت شنو يعني شهر محرم وليش سمو بهذا الشهر كعدن البنات تايعلمني وينطني خبر عنو وشنو وليش
انا ماعندي خلفيه عنو بس بسببهن عرفتو

ريفان : عايني لولو

دهليز : دحكت ..

( رفعت الدغه حتى تفهمون اكثر )

ريفان : ابتسمت بلطف واردفت ، شهر محرم سمي بهذا الاسم «محرّم» لكونه شهرًا محرّمًا، فهو أحد الأشهر الحُرُم الأربعة، وهي التي لا يستحلّ فيها المسلمون القتال، قال الله تعالى فيها:
«إِنَّ عِدَّةَ الشُّهُورِ عِنْدَ اللَّهِ اثْنَا عَشَرَ شَهْرًا فِي كِتَابِ اللَّهِ يَوْمَ خَلَقَ السَّمَأوَاتِ وَالْأَرْضَ مِنْهَا أَرْبَعَةٌ حُرُمٌ ذَلِكَ الدِّينُ الْقَيِّمُ فَلَا تَظْلِمُوا فِيهِنَّ أَنْفُسَكُمْ وَقَاتِلُوا الْمُشْرِكِينَ كَافَّةً كَمَا يُقَاتِلُونَكُمْ كَافَّةً ۚ وَاعْلَمُوا أَنَّ اللَّهَ مَعَ الْمُتَّقِينَ»

شهر محرم الي هو بمثابة شهر العزاء عندنا
نظهر بي حزنا وألمنا ع مصاب الائمه
وخلال الشعره الأولى( عاشوراء ) ينقتل في الإمام الحُسين عليه السلام وبعدها تبدي الالم والفقدان كل من زوجه و والده الى آخره...

ينقطع بهذا الشهر كل شي مُفرح وتنرفع الرايه
داله ع هذا الشهر وينعون بهذا المصاب

تنقطع الاعراس ، الأفراح ، اي مشتره سواء بيوت وغيرها خاصه بصفر الي هو بعد شهر محرم
تستمد هاي الفتره الحد ال 40 ونسميها الاربعينيه
تبدي تتوافد الناس من كل محافظه
سير ع الاقدام حرفياً من كل مكان وتبدي المواكب
بمحل نفسها ومابيها وتتوجه الكربلاء المقدسه
تمتد الطرق من اول مايطلعون من البيوت
بالاكل والمؤنه الى ان توصل لحضره الإمام
يتوفر من كل شي وماينقص ع الزائر اي شي
يتوفر كل سبل الراحه اله
هو متقدم وقاصد زياره الإمام مو هينه

يتقدها صاحب القلب الحزين الأليم بهذا المصاب
ونلبس الاسود خلال هذا الشهر

بعدها ينتهي هذا الشهر وخاصه شهر ( صَفر ) الشهر

دهليز : انا صافنه وادحك عليها شلون تشرح الي بطريقه حلوه هجستها مثل المدرسه تشرح
بصوره وبطريقه تخطف الانفاس
علمتني شنو يعني وليش وشنو السبب
كل هذول وانا مستمره اسمع الها وسيلي بصفنه ادحك هي هم وتستمع برغم هي تعرف لكن هذا ما يعني تكتسب معلومه ما مدركه الها

بعدها توقفت عند شهر صفر رجعت سألتها، شبي ؟

ريفان : امممم سألتني شبي عايني ياحلوه ،
هذا الشهر الكُل يعرفه وحتى اهلج لكن انتِ ماعندج خلفيه قويه عنه

دهليز : ضحكت واردفت ، عجل خلي عندي خلفيه عنو

ريفان : غمزت ورادفت ، عايني شهر صفر من ينتهي تبدي الناس تسعف بيوتها

دهليز : شنو يعني ؟

ريفان : تبدي تبعد اي غبار عن حيطان بيوتها
تاخذ مثلا سعفه طويله او ريشه وتبدي تمسح حيطان البيت من الداخل حتى لو ماكان بي تراب بس ترجع تسعفه حتى يبعد الهم والغم عن البيت وأهله

واكو قسم من الناس تاخذ كزاز وتكسره برى البيت
حتى يطير الشر عنهم واكو بيهم يكسو كدام باب ناس يكرونهم خباثه حتى ينتقل الهم هذا الهم
ماعرف اذا صح او لا بس هذا الي يتداول بين
الناس واستمرو بهاي الحاله

دهليز : ياا يولو عود صدك

ريفان : رفعت اكتافي واردفت ، اي هذا الي جاي يصيغ
سكتت شوي بعدها كملت ..

بعدها ينتهي هذا الشهر وتبدي الناس تفرح ب أعراس وهواي من الناس يحددون زواجهم بفرحه الزهره
قبل لاتسأليني شنو يعني فرحه الزهره انا راح اجاوبج

فرحة الزهراء هو أحد الأعياد عند بعض الشيعة الإثني عشرية. وهذا اليوم هو التاسع من ربيع الأول، ويحتفل الشيعة في هذا اليوم لإنه يوم تتويج المهدي (الإمام الثاني عشر عند الشيعة) بالإمامة ..

هسه فهمتي الي اقصده ؟

دهليز : رفعت اديه وصفكت ، يولو شنو هاي فصختيلي الشهر تفصحخ فهمتو اكيد جثير احبج يولو

ريفان : ضحكت ، واانا جثير احبج

سيلينا : بغيره ، شنو هاي وانا نسيتني

دهليز : لا يابه انتِ الروح والريه عجل شلون

سيلينا : بثقه ، وغصب عنج

دهليز : مرت الايام ومن خلال البنات حبيت هذا الشهر خلني احبه وتعرفت عليه وشنو الي بي
ويوميه سيلي لو ريفو يكولن اليوم راح نسوي كذا شغله بهاي المناسبه ويوميه شكل
حمسني وياهن

الطميات ماجنت اسمعهن بس مره بالدوام
صارت فرصه وهي سيلي منا صوتها حلو و ع طول تغني النا ومنا عشكَانتو ل دابر ف دوم ادندن النه
بس بمحرم لغت الاغاني وصارت تردد كله لطميات
وانا حبيتهن ماعرف شنو اهجس من اسمعهن
بس روحي ترد الي وكلبي يعم بي السكينه

كاعدين احنه الثلاثه بالساحه جان سيلي تبدي ادندن النه بلطميه حيل حلوه للملا اسمو باسم الكربلائي
اسمها اكول اسمك من سمعتها جست ب احساس
ماصابني من قبل وعيوني انملن بالدموع ..
جانن الكلمات تتدخل الراسي والروحي بدون اي تردد

اگول اسـمـك تـفيض بصدري عبراتي
حـسـين و صورتك تجري ويا دمعاتي
اشـوفـك يـا حزن عايش وسط ذاتي
مـلاذي وتـنـتـهـي يمك جراحاتي

حـزن يـرسم طفوفك لوحة اوجاعي
بـحـر دمعي اعتنيك و حسرتي شراعي
صـلـيل سيوف حزنك يذبح اسماعي
خـيـول الهم تدوس بذكرك اضلاعي
خـذت مـن هم محرم حزني و اطباعي
واقـصـدك من تشب في حزني جمراتي
مـلاذي وتـنـتـهـي يمك جراحاتي

دهليز : سيلي صوتها حلوو وحيل احبو من تغني وهساع من ردتت بالطميه هجست صار احلى وحبيتو
بعدها صارت الاربعينيه الي بلغني بيها وصادف الزوار صارو يتوافدون من كل المحافظات متعنين كربلاء المقدسه

وطبعا سيلي اول وحده تروح عجل غير ابوها ل سيلي بكل سنه هو ياخذ عائلتو ويروح مشايه ومن سألتها شعجب جان جوابها دكول بابا يكول ..

( اريد تكبرون وحبهم يكبر بداخلكم )

والدها انسان يخاف الله صايم مصلي قايم بواجبه تجاه ربو وتجاه اهلو انسان ونعم منو مايوم مد ايدو ع اي واحد بيهم وهو دائما يحثهم ويبلغهم ع حب الناس مهمها كان دينهم الانسان مايحكمو لا دين ولا جنس بني آدم كلنا دم واحد وكلنا بشر ما لازم يكون بينه عداوه ع اشياء مازينه

بكلامو هذا خلتني حتى انا احبو ههههه عجل ابوها مانو هين فديتو حبيتو وانا ما اعرفو بس مدحكه بي مرات

جنت كاعده اقرا وروحي طافره عاد كالت كيناز انا رايحه ادحك عمتي اذا محتاجه شي
وبعدها ارد الج هزيت الها براسي وبقيت مصلبخه
بمكاني وماتحركت

هجست اختي طولت وانا ماعرف ليش مزعوجه
لهذا خليت وطلعت برى بالحديقه ادحك الورد
نسمات هوى تغلغلت بصدري وهجست بالراحه

وفجأة فتحت عيوني ع صوتو وهو يسألني

اللهيم : خير بويه بيج شي ؟

دهليز : افتريت بكامل جسمي الو وانا ابالع بريقي
بس اسمع حسو اهجس روحي تموع انوب اذا دحكتو ايطير عقلي من مكانو واصير مثل ألبومه كدامو ماحجي شي ، هزيت راسي الو واردفت ، لا مابيه بس طلعت ادحك هاي الورد

اردف والابتسامه معتلية ثغره ..

اللهيم : جا بويه ورد يعاين ورد هاي وين صايره

دهليز : راد يغمى عليه فتحت عيوني ع وسعهن ، ياااا هساع هو تغزل بيه يااا يااااا

اللهيم : ضحك ، ههههههه يابويه موش عيون رنانه ..

دهليز : لاااا هذا اليوم ناوي يمووتني شجابو هينااا
كدامي عجل ناوي عليه اليوم هل مصكوع

توترت وردت احجي شي ويا تا يبطل يخجلني بس دحكتلو وطار الكلام من راسي
ول يابه موش رجال ور عقلي ور

قريت ع روحي السلام وردت اهرب منو هستوني رايده اخطي خطواتي وافر هزيمه كالغزلان وماني هجست
الا هو ويوكفني بصوتو

اللهيم : يواشش عندي حجي وياج بويه بس هدي

دهليز : وكفت مثل الصنم مداكو وانا منزله راسي واديه بين بعض وضاغطه ع صوابعي بقوه من الخجل همست الو بلكوه وتلبك..
كول ..

اللهيم : تحمحم بهدوء واردف ، عايني بويه انا الكلام الي ناوي اكوله اعني وقاصده ورايد اخلي النقاط ع الحروف وابصمهن ملكي

دهليز :اهجس تنفسي زاد وتوتر زاد اكثر
هزيت راسي وانا اهمس ، اي ؟

اللهيم : عايني بويه انا ..

_______________

ريفان : وكع كلبي من اجانه صوته من ورى وهو يسأل
ناظرته اريد اشوف شكله
اول ما شفته خفت منه عصبي نااار نااار
عاقد حواجبه وخازر امه وهو يسألها وينتظر جوابها
بس هي ما تأثرت وردت عليه

فاطمه : شنو يمه مابيها شي اجوي يطلبوها وهم ناس محترمين ومابيهم العيبه ابنهم رجال وكفو منه
وانا كلت الهم اشوف اخوها ونرد الكم الخبر

ريفان : ياربي سريع حورت الكلام وكالت نشوف اخوها وهي اصلا انطتهم الموافقه قبل ل يعرف
عاط بيها خلسني بمكاني

اردف بفحيح شيطاني

رهبار : شنووووو يمه  انتِ شدكولين اي زواج اي
صخاااام جااا انتِ تشوفيها وجه زواج وهي صغيره
وفوك هذا مطيتهم الموووافقه يمه
الموووافقه وحتى ماكايله الي اي شي لا عن فلان ولا علتان جايبه خطابها الها تردين تزوجيها وانا موجوددد

فاطمه : اردفت بعصبيه ، وشبييك انتَ هلكد عصبي
ليكول زوجتها وطلعتها من البيت وانت ماكوو
هياتها كدامج شبيك

رهبار : لا يمه لا ايااااج وبالج اسمعج مسويه هيج مره ثانيه مايصير خيرررر

فاطمه : ضربت ع صدرها واردفت بصدمه ، ششنو رهبار ليكون ناوي ترفضهم

رهبار : رفع اصبعه واردف بعصبيه ، تخابريهم وتبلغيهم بالرفض واذا لكيت مبلغتهم ب غير شي
مايصير خير

فاطمه : بس قسمه زينه زوجها يمه البنت موزين توكف بقسمتها خليها تمشي لاتبقى طول العمر بلا زواج
فال مو زين

رهبار : اردف بصوت عالي ، وووووتبقى كاعده بهذا البيت كَبالي بلا زواج احسن ما ازوجها شنو يعني انكَلبت الدنياا **** بالزواج واليزوج

فاطمه : فتحت عيونها ع وسعهن ، ولك تغلط كدامي

رهبار : زمجر بقوه وضغط ع كف ايده ، يمه دخيل الله لا تخليني ارتكب جريمه ماطلع منها
ستري علينا وهيدي لاتعلكيهاااا

فاطمه : اردفت بزعل ، خوش يمه انا كلامي صاير مثل السم الكم عود حاسبيني امكم وهي مثل بنتي حاسبتها
ورايده الها تستقر وتأسس عائله وتصير ام
بس انتَ ماعرف ليش متحسس من هذا الشي
شني قابل انا اكرها هي هم بنتي

رهبار : زفر انفاسه بضيق واردف وهو يحاول يخفف من غضبه ، كلام لا سم ولا هم يحزنون ماريد
دراما دراما ما اريد البيه كافيني يمه انا ارد من الدوام اريد راحه ببيتي نوب حتى بيتي مابي راحه

فاطمه : هسه انا شسووويت

رهبار : لاااا ماسويتي شي سلامتج

ريفان : بقيت مصدومه بكلامها ولو هي دائما مم يجي تصير الحنونه براسي وهي المظلومه وانا العكس
وتعتبرني بنتها بس كلامها كدامه وهي تتمسكن
لعب نفسي
راد يطلع وهي سألته

فاطمه : هسه شنو يمه ارد الهم بالموافقه

رهبار : استغفر بصوت عالي واردف بجمود وهو ويطلع ، لا الرفض ..

ريفان : حسيت مي بار نزل ع صدري اوف همزين ارتاحيت من هذا الهم وخلصت
تريد تزوجني وانا حالي مامدبرته تريد نوب ادبر عائله كامله وانا بعدني ادرس خوب اذا تريد مصلحتي تروح ادور ع مصلحه ايلان احسن الها اوف ربي شوكت ناويه
تحل عني ما اعرف

طلعت من الغرفه بعد ما اسمعها ادردم وتغلط اعرفها تغلط عليه وتحجي شسوي الها قابل
خليها شنو تسوي خلي تسوي المهم رهبار واكف وياي ومساندني

مرت الايام يوم بعد يوم رهبار يصير تعامله وياي
احلى من العسل عوضني عن الايام الي فعلاً ظلمني بيها مثل ما يكول هوَ
خلاني مثل الحمامه ترفرف بجناحتها الي جانو مكصوصين

مره عصريه جنت كاعده وضايجه المدارس وخلصت
والبنات كل وحده مشغوله بشي
لو نلتقي لو لا
ماحسيت الا هو فوك راسي والابتسامه مزينه ثغره ابتسمت ع ابتسامته

رهبار : شو كومي

ريفان : شنو وين ؟

رهبار : نطلع اغير الج جوه

ريفان : وكفت بفرحه واردفت ، صدك غهباغ

رهبار : قهقه بصوته العالي والبحه الخشنه واردف ،
جا مشاقيج انا وداعه هذا اسمي الاعبه بي طوبه

ريفان : اردفت ب انزعاج ، اووو غهباغ لا تعيب

رهبار : لا بويه شعيب هو غير اسمي طالع من منطوقج ياخذ الحيل

ريفان : وكفت وانا ارمش بعيوني مستغربه من كلامه واهس بتوتر عارم اردفت بفهاوه،هااا

رهبار : له له له لاتفهين يول كلبي مايتحمل هذا كله

ريفان : صرت مثل الغبيه واكفه واعاين عليه
شلون يحجي وضحكته اخذت عقلي
هيج اول مره احس ب هذا الاحساس ليش وشلون ماعرف وشنو هذا الاحساس مصدره هم ما اعرف

عاد انا عفته ونهزمت وهو يضحك ورايه بس كلبي راد يطلع من مكانه من التوتر والضحكه مرسومه ع وجهي
وفرحانه هواي ، غيرت ملابسي وانطيت خبر لماما
طبعا ماما خفت من رهبار لان عرفته تغير وماعد مثل قبل ومر ع الصار فتره حيل طويله
لهذا تقبلته ورجعت مثل قبل
فاطمه و ايلان مو بالبيت لهذا همزين كدرت اطلع

اول ما شافني لزمني من ايدي بكف ايده الخشن احس ايدي ضاعت ب ايده الضخمه سرت رعشه
غريبه بجسمي بس حاولت اتغاضى عن الصار وعنها بي ماكدرت بقيت بس افكر بيها ليش هيج جاي احس
اوف

طلعنا لمكان هادىء وحيل حلو وحديقه مفتوحه
الهوى بيها يرد الروح
واكو مسطبات كعدنا ع وحده وهو راح جاب عصير ورجع انطى واحد الي واحد بيده

بقينا ساكتين لكم دقيقه وانا احس بفرحه
واكيد مصدرها رهبار ماكو غيره

العصير جان لونه احمر لهذا من شربت منه صارت شفايفي حمر بقيت كاعده وساكته وهو يجر ب انفاسه
لتفت عليه وعيونه نزلت ع شفايفي ماعرف ليش توترت

رجع رفع عيونه بعيوني ثواني وترك العصير مالته
لف جسمه صار كدامي رفع اديه اخذ العصير وتركه بصف عصيره ولزم اديه بين اديه
كلبي صار دمام من النبض القوي صخنت
واحس الموقف موومثل كل مره

رفعت عيوني لعيونه اانا متوتره اول مره اشوف نظراته بهذا الشكل حيل حلووووه سريع ابتسمت
بده يحجي بلاول جان كلامه
حلو وانا سرحانه بي الان ان اخر شي صدمني
صدمه عمري وخلاني لا اخذ ولا انطي حرف واحد
من هول الصدمه ...

_____________

للحكايا بقايا ♡

                          الانستا قلبي