رواية دجن الضليع الفصل الحادي والعشرون 21 - بقلم رهف علي

نبدأ بذكر الله ﷽💛✨

يبنيات التصويت ..🙈

#دجن_الضليع
#بقلمي_رهف_علي

‏انا التي راهنتُ عليك :
في كُل مرة كنت تجرحُني فيها
كنت أخجل نيابةً عنك .

_______♡_______

دهليز : الوضع صار هدوء والصمت احتل
المكان ابتلعت ريقي وانا ادحك بيهم مبهوتين
ومصدومين والبعض منهم
عيونو ناطه من العصبيه
خفكَ كلبي بقوه واهجس أطراف رجليه ثلجت
انا شسويت بحالي اكيد هساع يذبحوني
دخيلك ربي انا شسويت بحالي
شجاني وحجيت هل كلام عجل كلو بسببهم هم
أصروا ع زواجي من بشار وضار كل هذا
لو ساكتين ما جان صار الصار

الموقف الي نحطيت بي كلش صعب
ادحك ب ماما ادحك عليه وكأنها دكول لج شسويتي هجمتي حياتج ب ايدج
وهي دموعها تنزل عشره عشره
بش شسوي جبرووني يا ناس ما اريدوا هي غصب خما غصب لو ما احب اللهيم جان يمكن اقتنعت بي
وحاولت اعيش حياتي ويا
بس انا احب غيروا ماكدر يمتى يحسون

ماهجست الا وجهي اندار للجهة الثانيه وصراخ
امي مله المكان..
شهكت بقوه وانا اهجس وجهي صار نار
ومن قوه الضربه الي حصلتها وكعت ع الارض
كل هذا صار بسرعه حتى ما انتبهت للوضع
هاي منو ضربني اصلاً دكات كلبي زادت
رفعت راسي وانا دموعي تنزل لكيتو اخوي
ضاربني وهو عيونو مزنبره عليه وكلو غضب

صرخ بوجهي بغضب وهو يريد يهجم عليه لوما ماما
توكف بوجهة جان انا هساع صرت قوطيه بين ايدو

سعد : حيووووانه شلون ادحكين بعيونه ودكولين احبووو هساع لو اذبحج احد يكول ليش شنو
هاي الصلافه العندج

ام عمر : ضربت ع صدره وهي تبجي ، ولك يمممممه
بسسسك عاد تردون تهدمون حياه البنت
دمرتوها بسبب السوسه بششاار هو هيج كالوهاا يا يمه
هاي اخيتك

سعد : هاي اخيتي ع عيني وراسي بسسس تجي
دكول احبو واريدو هين توووكف اكسر رجولها
وما اخليها تعتب عتبه البيت تاشوف شلون تتمعشك من ورانه الحيووانه ..

دهليز : واحد يعلى والثاني يكبس
إلى أن اتخذوا قرار بخصوصي وخلوني اشيل روحي
واركعها بالأرض وانا اتصايح وياهم ..

سعد : شايفه هاي المدرسه الي خلتج تتمعشكين وتتطاولين بيها علينه وبكل عين صلفه ادحكين بينه
ودكولين احبو ؟ هاي المدرسه بعد تحلمين
تدخلين الها تبقين هين وأريد البنت تكسر كلمتي
مدرسسسسسه بعد مااااكووو ..

دهليز : هي المدرسه منفذي الوحيد تاشوف اللهيم بسببها ونوب يريد يحرمني منها غير اموت
وكفت بوجهو وتصايحت راد يهجم عليه
بابا كاعد ما سوا شي اهجسوا مصدوم مني
وحقو انا ما ينسمع الي صوت
هيج اسوي بي معناها خنت ثقتوا بيه بس شسوي
مو بيدي
ماما واختي سحبني للغرفه وسدن الباب
اذا بقيت يمهم ياكلوني
ويطيحون حظي

كعدت ابجي اهجس حيلي باد مابيه حيل حتى للدموع
وكلبي خلص شلون بيه شلون هذول ناوين عليه
المدرسه وخلوني اتركها
والزواج راح يجبروني عليه بهل حاله راح يعدموني وانا عايشه دمروني

ماما حاولت وياي تاتهديني بس يفيد ؟ اكيد لا
خلص انكتب عليه يا انا يا هم

بدت الايام تمر والضغط صار من كل مكان
واللهيم نقطعت علاقتي بي صار تواصلنا سوا
نادرآ من تجي اختي كيناز تخليني احجي ويا
وهين انهاار وهو بس يحاول يصبر بيه
تا ما ابجي وكيناز خطيه هم تعبت ويانه وبسببنا

انا منا متعبتها بالبجي وهناك اللهيم كالبو البيت
عليهم شلون بشار يلزمو من ايد التوجعوا ويريد يتزوجني شهرين ويطلكني
معناها هاي كسرات خشم لا اكثر ولا اقل
استمرت هاي الحاله وبس سيلي وياي
مرات تجيني تبجي ع حالي وحالها ومرات انا اروح الها
ابجي ع حالي وحالها
وحده تواسي الثانيه

إلى أن اجه اليوم الي انصدمت بخبر من كيناز خلاني
ما اندل راسي من رجليه وهجست
حياتي صارت دمار الي جنت خايفه منو صار
يعني هاهي انا انتهههييييت ...

كيــــــــــنـــــاز :- البيت مالتنا انقلب والايام جر ايام
ولا يوم صفى ولا يوم مر بسلام
من اليوم الي بشار نهى ع دهليز و اللهيم انجن
ماخلى لا شيوخ لا ساده لا رجال كبار كلها راح الهم وطلب منهم تايجون يطلبون دهليز
وبكل مره يرحون يرجعون بالفشل
وبشار السبب اكيد هو لو تبقى بس ع ابوي اكيد يقبل
بس بشار خرب الأول والتالي

ابو أديب : وين اللهيم ؟؟

ام أديب : بغرفته ليش ؟

ابو أديب: صيحوا ..

كيناز : رحت بدون كلام وانا ما اعرف شنو يريدون يكولون اله صعدت فوك دكيت باب غرفتو
وهو طلع جانت حالتو حاله خطيه اعرف بي مقهوره
خاصه تواصلو ويه دهليز صار قليل وهو يعشقها
مايكدر بدونها وهي هم كذلك ..

اللهيم : ها خويه رايده شي ؟ دهليز بيها شي ؟؟؟

كيناز : ابتسمت ، لا ما بيها بس عمي جوه يصيحك

اللهيم : ابوي ؟ خير شنو يريد

كيناز : دحكت بعيونه وهزيت راسي ماعرف

اللهيم : خيب اللهم اجعله خير ، خلي ننزل ونعاين ابو أديب شنو يريد ..

كيناز : نزل قبلي وانا نزلت ورى
عمي اول ما دحكوا صاحو يكعد كدامو وهو كعد مستغرب يريد يعرف شنو صاير
وانا هم انصدمت من دحكت اخوانو وعائلتوا كلها مجتمعه ..
ماعرف ليش هجست الموضوع يخس
دهليز لهذا رحت كعدت بصف أديب وانا اسمع الهم
بدوا يحجون ويا بالأول بهدوء.

اللهيم : خير بويه شكو ؟

ابو أديب : ابني انا هاي حالتك ما تعجبني

اللهيم : وشبيها حالتي ؟ اردف ب استغراب

ابو أديب : انتَ الحد شوكت تبقى هيج تروح وتجي ع البت وهو ابن عمها ناهي عليها
ومايقبل تأخذها

اردف بهدوء وهو يعاين عليهم .

اللهيم : الحـــــد مـــــا تنكـــــتب بظـــــهر جنـــــسيتي

ابو أديب : عاين بابا ترى ماتصير الك البنت هاهي صارت من قسمه شخص ثاني
ومستحيل يفك النهوه ويتزوجها غصب عن الكل
هاي عاينت بعيونك شلون مشينا عليها شيوخ وساده ورجال كبار وهو معاند مايفك النهوه يا هي يا ماكو

اللهيم : أي وشنو تريدني اسوي اعاين عليه شلون ياخذها من بين اديه وانا روحي بيها بويه ؟ تعرف شنو يعني روحي بيها ؟؟؟

ابو أديب : اعرف يا ابني اعرف بس لشوكت هاي صار سنتين واحنه نروح ونرجع عليهم اذا انتَ ما مليت وجزعت احنه اهلك شنو ذنبنا نتفشل بكل مره
والاضرب من هيج ناخذ ناس تسد عين الشمس يرجعون ويانا متفشلين فهمني شنو ذنب هاي الناس الي ويانه

اللهيم : غمض عيونه وسحب نفس قوي رجع زفره ، فتح عيونه وعاين بعيون الكل ورجع نظره ع ابو ،،

بويه تعرف شنو يعني انا عاشكها لو لا ؟؟؟
حبيتها وصارلي سنين احبها وكل يوم يزيد حبها احثر واكثر شلون تريدني اتركها فهمني شلون تريد مني
اعوفها تتزوج غيري انا انام واكعد احلم بيها تكون ب اسمي يجي واحد غيري ياخذ هذا الحلم والمكان مني انا شلون ترضاهااا انتَ فهمني ترضاها ادمر كووول

ابو أديب : هز راسه ب اسف واردف ، صدكني يا بويه انا رايد دهليز تكون من نصيبك وهاي اهلك كلهم كدامك رايديها ويحبوها وهاي انا اكول هذا الكلام كله
كدام اختها دهليز مثل بنتي واعز لكن ما باليد حيله

كيناز : بقوا يحجون ويا حتى إخوانه، امه كلهم حجوا ويا وهو ما اقتنع بكلامهم ..

اللهيم : انتوا شنو تريدون مني بعد هذا الكلام كله فهموني ؟؟؟؟

ابو أديب : اتـــــزوج غيـــــرها حـــــتى تنـــــسى حـــــبك

كيناز : بقيت مصدومه بكلامو فجأه سمعنا صوت ضحك قوي لتفتنا اندحك ع اللهيم ميت ضحك غص بضحكه اهجسوا يضحك بجنون وخبال
شخص مو بوعيه

سكت بعد موجه ضحك دامت لدقايق بعدها اردف بهدوء وكأن شخص مجنون ..

اللهيم : عاينـــــوا بويـــــه عايـــــنوا هذا طـــــولي ما ينـــــمد ع طـــــول وحـــــده غـــــير دهلـــــيز كلتها وارجع اكـــــولها
انا يا دهـــــليز تصير مرتـــــي يا ابـــــقى طول عـــــمري بلا زواج وللمـــــوت

كيناز : تركنا وراح وهم بقوا متصفنين عليه شنو من حُب يحبه الها عجزنا نتخطى هيج حُب يعني ما مدحكه مثلو ابد استمروا أهلها يقنعون بي
وهو راكب راسوا

صاروا يضغطون ع اللهيم تا يشوف حياتو
وشكد حاولوا ويا حتى يتزوج غير دهليز
حتى ينساها هم يحبون دهليز ورايديها لكن من
دحكوا حالتو يوم بعد يوم تسوء
لهل سبب كالوا اله يتزوج حتى بلكي ينسى
ويبطل دمر اهلو قبل لا يدمر نفسو
وهو ماعند

من غير جهة دهليز اهلي ديقنعون بيها تقبل
ب بشار وهي راكبه راسها واحنه بقينا بين البينين
إلى أن بيوم من الايام صارت عركه شكبرها شكدها بين اللهيم واهلو
الا شوي راد ابو أديب يضرب اللهيم لكن أديب وكف
بوجهوا تا مايضربوا

ابو أديب : فهمممممني لشششوكت كافي عاااد

اللهيم : ماكدر اقسم بالله ماكدر افهمني

ابو أديب : كعد ع الكرسي بتعب وسحب نفس وزفره بعدها اردف ، عندي حل الك

اللهيم : كعد بهمه ، شنووو ؟؟؟

ابو أديب : عاين بعيونه واردف ، خلي دهليز تتزوج
من بشار بخلال المده الي همَ محدديها ومن تتطلك
ساعتها نمشي عليها نخطيها الك ها بويه شكلت ؟؟؟

كيناز : كلنا نصدمنا بحل عمي وبقينا مبهوتين
كلها بكوم و اللهيم بكوم ثاني وكف ع حيلو
ماخلى شي ما كسروا بالبيت انتفض وصار يرجف رجيف ما صاير
اخوانوا لزموا وقيدوا تا مايأذي نفسوا وتصيبواا جلطه انهد حيلوا وكلنا صرنا نبجي عليه
ادحك عليه شلون انتهى بين اديهم
روخي فرفحت عليه

إلى أن هدأ تركهم وطلع لوحدوا ماراد احد ويا شكد حاولوا بس هو رفض وطلع لوحدوا
دام هل شي شهر كامل هو ساكت وهم يقنعون بي
الى ان اجه بيوم مهدود حيلوا
وجوه عيونو سواد قوي
وشاحب وكف كدام عمي وكال الو كلامو وخلانه بصدمه قويه ...

اردف وهو يحاول يسيطر ع نفسه حتى ما ينهار كدامهم لكن واضح من رجفه جسمه
واسوداد محيط عيونه مدى حزنه وانهياره

اللهيـــــم : هاهـــــي بـــــويه خليهـــــا تـــــتزوج شـــــهرين وانا خـــــلال هـــــل مده مـــــسافر ماكـــــدر اعايـــــن عليـــــها تـــــروح الغـــــيري
وبـــــس ارد الـــــكاها مطـــــلكها بحـــــزتها أعـــــقد عليـــــها ...

_________♡________

سيلينا : فتحت الرساله وانصدمت بيها
جان من رقم ما عليه اسم مكتوب بيها ..

_مخـــــتلفه كـ اختـــــلاف ليـــــله القـــــدر عـــــن باقـــــي اليالـــــي ..

بقيت فاتحه حلكي وانا اعاين ع الرساله بله هذا منو
الي دازهة الي واضح عليه عاشق زين منو
بقيت اتصفن وعاين ع حروف الرساله
هسه غير يكتب منو حتى اعرف راسي من رجليه
شبي هذا ؟؟
انا بيه حيل حتى اكعد افكر بي
ودابر محتل كل فكري

بس والله حسيت بنفسي فد شي مُميز
شلون يعني مختلفه عن باقي اليالي
رسالته حبيتها وبقت براسي بس..

طلعت من الرساله وغلقت الجهاز الي بيه يكفيني
ماكو داعي اشغل بالي ب اكثر من هيج شي
كافي الي عليه والبيه

بسبب سوء حالتي اخر شي بابا اخذني ع احسن دكتور بالعمارة اسمه جان رضا علوان الهاشمي
اول ما شخص حالتي حولني لدكتور نفسي
كال علاجها دكتور نفسي بنتك ما بيه شي غير بس
حالتها النفسيه متأزمه
وهو فعلا حالتي كُلش تأزمت

مو مبالغه ولا كذب الي صار بيه بسبب حبي
الزايد وتفكيري بالشخص الي احبه زاد عندي الاكتئاب
والتفكير والحلم بالخيال والواقع الأضرار الي حصلتهن بسبب دابر خياليه ومع هذا بقيت مصره عليه وحبي تجاها ما تنازلت عنه ابد

ماما من شافتني هيج كالت اخذج لكربلاء
زياره حتى ترتاحين بوقتها رحنه بيوم الثلاثاء حتى ماكو ازدحام ونكدر نزور براحتنا
ودابر راح ويانه شكد ما أحاول ابعد عنه بس هو يتقرب
منه أكثر يعني لو احاول اطلعه من راسي ما اكدر
والسبب هو بكل شي هو

رحنه الكربلاء من بعد وقت الطريق وصلنا
نزلنا وتمشينا بابا وادبر انفضلنا عنهم واحنه رحنه
من جهة النساء دخلنا جوه وكعدنا عاد ماما كالت دخلي جوه زوري وانا كاعده الج هنا
عرفتها تريد تخليني الوحدي حتى اكدر أزور براحتي
وما اتقيد اذا بجيت ..

صدك دخلت اول ما لزمت الشباك وخليت راسي عليه
نزلت دموعي وصرت اشهك بالبجي
احس الدموع تتطلع من نص كلبي
نار وبداخلي تشتغل
اريد اطلع كل الي بداخلي بهاي الدموع
حتى ارتاح

البنات الي بالعتبه مايقبلون الوحده تبقى هواي
لازم تزور وتنطي مجال الغيرها حتى ما تصير هوسه
ف من شافن حالتي شلون ابجي اشهك بالبجي
عافني حتى ارتاح

بوقتها طلبت من ابا الفضل
اما يطلعه من كلبي مثل ما دخل او يخلي يكون من نصيبي بعدها صليت ودعيت وطلعت

رحت يم مااما سحبت قرآن اقرا وهي دخلت
تزور صدفه رفعت راسي ولمحت خياله يم البرادات مال الماي رجعت نزلت راسي وانا خايفه
رجعت رفعت راسي مره ثانيه ما لكيته عرفت بوقتها جنت اتخيله كدامي
هزيت راسي ب اسف ع حالتي ورجعت اقرا قرآن حتى ارتاح الا ان طلعت ماما وكعدنا بالصحن

ربع ساعه واجه شايل بيده علاكه مال اكل
كعدت ماما تقنع بيه حتى اكل وانا معانده
ما اريد وما اشتهي الا ان هو قنعني واستحيت ارده اكلت شوي
ماما كامت للحمامات حتى تغسل وبابا بعده جوه يزور بقيت بس انا ويا لوحدنا صح دائرنا الزوار
بس احس لوحدنا انا ويا بقيت مدنكه راسي والعب ب اظافري فجأه سألني...

دابر : ليش هيج مريضه ؟؟

سيلينا : رفعت راسي عيوني حجت قبل الساني
بقيت اعاين عليه شلون يسألني هذا السؤال وهو السبب بكل هذا شلون

دابر : بويه ليش ما تحجين شنو الي وصلج لهاي الحاله فهميني ليش هيج ذبلانه مو مثل قبل
اشو الدكاتره كلها دكول مابيج شي

سيلينا : دمعو عيوني وانا اعاين بعيونه رجفت شفايفي وانا اهمس اله ، انتَ سبب مرضي

فتح عيونه ع وسعهن واردف ..

دابر : شنو؟؟

سيلينا : اي انتَ السبب بمرضي هذا تعرف شنو انتَ الي مرض مرضتني وانتَ تفتر وياي من مكان المكان ومن دكتور الدكتور ودكول شبيج ؟؟

دابر : اردف بهمس وعيونه بعيونها ، شبيج ابوي انتِ وجعتي كلبي

سيلينا : نزلت دموعي ، انتَ كسرت كلبي بيوم حبيت البنت من الناصريه ، كسرت كلبي بيوم بقيت ادور بنات للزواج وانتَ تعرف بيه حبيتك واحبك وكسرت كلبي ب اخر مره من رحت بيوم خطوبتك ومسيتني وعبرت من يمي وانتَ تعرف بيه احبك

انتَ يا دابر كسرت كلبي كسر لا ينحجي ولا ينجبر ..

تركته ولتفتت لغير مكان بس حسيت وجها انطعن
يستاهل كل الي صار بيه بسببه
بجيت ونقهرت بلكوه سكتت نفسي من عاينت ماما اجتي عرفتني جنت ابجي من عيوني الحمر
ما حجت اي شي سكتت
بعدها رجعنا للعمارة

استمرت تجيني رسائل ع الرقم واغلبها رسائل اشتياق وحب
وانا ضاربني الثول ماعرف منو اصلاً
صافنه بالرساله القديمه جان توصلني رساله غيرها مكتوب بيها ..

لم أحبك لأنك الأجمل ،
زغم انك الأجمل ،
ولم اعشقك للنك الأوفى،
رغم أنك الأوفى،
أحببتك
لأنك نصف الروح
ونصف العقل
وكل القلب

بقيت فاتحه عيوني وانا اعاين حرف حرف
بكل الرساله شنو يعني هذا ياهوَ جاي يدزلي هذا الكلام
لا واضح هذا عاشق

هزيت راسي وردت اشمر الجهاز بس وصلتني رساله ثانيه وراها صابني الفضول اعرف شنو
مكتوب بيها فتحت عيوني ع وسعهن من كاتب بيها ..

اعتـــــرفلـــــج بويـــــه انا احـــــبج حيـــــل ..

_________♡________

ريفان

كيفَ يَمشي أحَدٌ إذا فَقد شخصًا ؟
أنا حينَ فَقدتُ شخصًا لَم تَعُد لي قَدمان .

الصدمه !! الصدمه الي تحتلنا فجأة
مستحيل نكدر بيوم من الايام نكدر نتخطاها
لو شكد ما مر الوقت راح تبقى ادك بينا ونعيشها
وكأنها اليوم نفسه الي عشناها وماكو اي فرق
وكأنها هسه صارت

شي صعب تعيشه انك تفقد اعز انسانه ع كلبك
انسان جان هو الحياة بالنسبه ألك
انسان جنت تهرب من الكل وتلجأ اله
ساعتها يحتضنك بحضنه الدافي
وبكلامه البلسم يطيب الجروح
وبتفائله وقدرته ع تغير المزاج وزوال الهم
فقدان انسان جان بالنسبه الك وطن
مشكله حيل كبيره
وهاي انا هسه فقدت هذا الإنسان الي اعتبره
وطن ألجأ اله بغربتي وشكد صعبه الغربه
وانتَ الوحدك بدون احد !!

رجفت بصوره غريبه وهمست ..

_ شنو ؟؟؟

وصلني الصوت وكأن موجه نار عارمه

_ ريفااان ماتت الحجيه ماتت

حسيت دكات كلبي صارت بكل جسمي ادك
روحي احسها تريد تتطلع من مكانها
عقلي ما جاي يستوعب الكلام الي
كاله الي يعني شي مستحيل يصير شلون هيج
صار وشلون انا هسه بهذا الموقف الصعب
ما اكدر اتخيل حياتي بدونها ابدددد

بقيت هل كلمه تتردد براسي ماتت ماتت
ماتحملت هاي الكلمه واحسها مثل الجبل
ونهد فوك راسي
صرخت بصوت عالي وبحركه كلب
من كل كلبي صرخت

ووووولججج ييييمه لاااا لا مستحيل
لا ماتموت وتعوفني ماتمووووت

صرت مثل المخبله طلعت برى اركض وهم يركضون وراي
حتى ما اعرف منو لزمني ومنو رجع دخلني جوه وانا روحي تريد تتطلع احس ماما برى ويمنعوني عنها
هيج جان بالي
بقيت افرفح بيدهم اريدهم يعوفوني بس ما يعوفوني
لازمين اديه بقوه حتى ما أفلت من بين ادينهن واطلع برى اركض
اعترف صرت مثل المخبله فقدان الام مو هين
خاصه هي جانت كل حياتي
ماتوقعت بيوم تروح وانا بهذا العمر صغيره ومحتاجتهاااا يمي

ماعرف بنفسي الا ان أغمى عليه كعدت ورى فتره ع صوت صراخ هي فزه وهي صرخه من تذكرت ماما
بعد ما اشوفها
طلعت برى الغرفه ولكيتهن كلهن متجمعات يبجن ويصيحن راح يدخلوها جوووه
هو انا سمعت هيج لو ركضت ركض للباب
اريد اطلع ولزمني
يصيح ( هسه يدخلوها انتظري حبيبتي ) انا وين وهن وين
كعدت ع الارض مهدود حيلي

وهنااااااك جان اعاين عليها شلون دخلوها للبيت وهي
بالتابوت صدك بوقتها انفجعت وصوت صراخي
يفزز الميت
اول ما حطوها ع الارض نمت فوك التابوت
وحضنته بقوه وانا ابجي
احجي مثل المجنونه ومو بوعيي اصلاً ..

ولج ماااما وين عفتيني الوحدي وين
انا بعد منو الي فهميني منو بعد يطيب خاطري
من انضرب من يطيب خاطري ويكول يمه ريفانه اتحملي راح تخلصين كووولي ماما منوو
بعد ارتمي بحضنها وابجي منو تحميمي
من الاقووه مني وادافع عني
ييمه كومي والله بعد ما ابجي بس اذا رجعتي
حتى اسوي اي شي تريدي
صدكيني والله ما بعد اعاند عسمى دكولين
موتي اموت بس ارجعي والله انا مو
حمل كل هذا ولج يمه والله احس
راح كلبي يوووكف ما اتحمل فراكج ماما

فتحت التابوت بس بلكوه اتعارك وياهم وهم يبعدون
عني بس بوقتها ماعرف منين اجتني القوه
وكدرت افتحته ماتذكر شلون لان
جنت فاقده فد مره
هو انا عاينت عليها شلون لافيها بالغطه الابيض لو تخبلت
نزلت راسي يمها وانا ابجي همست يمها ..

ماما عنـــــد منـــــو امـــــنتيني وانـــــتِ وحـــــيدتي
مـــــنو الـــــي من بعـــــدج
ياهـــــو يصونـــــي ويخـــــاف عليـــــه مثلـــــج

ماحسيت الا انسحبت ونسد التابوت
اريد اكوم ما اكدر مقيديني وبس اسمع حس رهبار عالي يصيح تعالن اخذنهااا
ماعرف منو لزمتني وهو كام شالوا التابوت وطلعوا
فرفحت وراها ردت ياخذوني وياها
بس ما اخذوني

طلعوا برى خلوها بالسياره وراحت وهنا انقطع اخر امل الي بالحياه ومصدر امان بالنسبه اليه

ودعـــــتها وكلنـــــي حـــــزن وحنـــــيه الهـــــا
ودعتـــــها وكلبـــــي ينـــــزف ألهـــــا
ودعتـــــها وانـــــا نفســـــي بيهـــــا
ودعتهـــــا وهـــــي أمـــــي

انعزلت بغرفتها واانا اسمع صوت البجي برى
كل الأقارب موجوده
بس مابيه حيل دخلت للغرفه وقفلت الباب
نمت بمكانها وانا حضانه ملابسها
ماعرف شكد مره من الوقت
بس حسيت ب احد يلمس شعري ويبعده عن وجهي
فتحت عيوني بخمول واحسهن يجكن بيه
كثر ما بجيت

لكيت رهبار كاعد كدامي ثاني ركباته ورافع
ايده يبعد خصلات شعري الاصقه
ع وجهي انا شفت ونزلت دموعي
بقهر همست اله .. وينها ماما ؟

عاينت عليه سحب نفس قوي واردف بقهر ..

رهبار : راحت عند الكريم ترتاح هناك

ريفان : ما تحملت بجيت من كل كلبي
صرت اشهك بالبجي خليت ايدي ع وجهي وبلكوه احجي ..

غاحت الي تحبني بعد محد يحبني مثلها
غاحت وحيدتي وكل حياتي صغت الوحدي
مغه ثانيه مثل قبل ..

ماحسيت الا سحبني بقوه من اديه واحتضني بداخل
صدره انا كان جنت انتظر حضن دافي يلمني
ويقويني مديت اديه وحضنته وطكيت بالبجي

رهبار : سحب نفس بقوه وزفره ، اردف بتعب، شلون تحجين هي ابوي انتِ انا يمج كو كتلج قبل انا اصير الج كل عائلتج وهسه هم اكولها انا كل عائلتج اصير
ولا تفكرين انتِ لوحدج لا بويه انا
وياج وللموت مستحيل اتخلى عنج انتِ قطعه من روحي
انتِ الشي الحلو بحياتي
و وصيه الحجيه مستحيل افرط بيج ولج بويه مستحيل لاتحجين هل حجي مره ثانيه

ريفان : بعد موجه البجي الي صارت نمت وما حسيت ع نفسي
وهيج مرت الايام حيل صعبه
مستحيل اتحمل ثقلها عجزت اتخطاها مايمر يوم واحد
اذا ما بجيت عليها
صارت حياتي عدم وكلش فارغه
دراستي هملتها تعبت وتبهذلت بدون ماما
الايام تمر والحزن مخيم عليه
شكد حاول رهبار يطلعني من حزني بس ماكدر
انكسرت كسره كلش قويه بوفاه ماما
احس هسه صدك تيتمت وصرت يتيمه
بدونها

رهبار كل ما يعاين عليه هيج ياخذني يطلعني
ويرجعني بس ما يستفاد شي ابقى طول
الوقت ساكته وبغير عالم
نسيت كل شي بحياتي نسيت زواجه نسيت الحب
وكلشي

رهبار صار يعاملني مثل الطفله يخاف
عليه كلش ويخاف لا اأذي نفسي
بحيث حتى سوالف الحب وغيرها تركهم
وياي صار يخاف عليه ويتهم بيه اكثر من ايلان
وأمه وزوجته من يشوفنه هيج يعاملني ينتحسن
ويخزرن بيه وانا مابيه حيل الهن

بس الحد السبعه استمر الوضع ومحد يدخل بيه
بعد السبعه مال ماما لعبن بيه طوبه
فاطمه و استبرق و حتى ايلان
عاملني معامله الخدامه اسستقون عليه هن ال ثلاثه
وانا الوحدي ما اكدر الهن
صارن يهددن بيه أشكال وألوان
حتى وصلت بيهن يهددني يدخلن واحد عليه لو
ما انفذ كلامهن
وانا بوقت حرج جنت اتفاده اي شي منهن
حتى احمي نفسي

هن يحيرن شنو يسوون وياي من يروح رهبار ويلتحق
مايخلن شي ما يوكعنه براسي
تنظيف البيت من فوك للجوه وهو كلش كبير
ويتعب ، اكل وغيرها هواي اشياء
واذا عاندت وما سويت الي يريدنه يضربني
بحيث اديه ورجليه تصير بيهن كدمات
ويبقن بس قبل لا يجي رهبار يعرفن موعد نزوله
قبلها ب ايام يبتعدن عني ومايضربني
حتى ما يبقى اي أثر بجسمي يثير الشك
ويشوفه

وصلت بيه تخليني اشتغل حتى ببيت اخوها
كل هذا ورهبار مايعرف اي شي
تخليني اطلع من البيت لبيت اخوها
وهو زوجته مو بالبيت
لو بيت أهلها لو عند الدكتوره
وتخليني انا انظف بدالها

بوقتها اول ما كالت الي اليوم تروحين لبيت اخوي
تنظفين انا انتفضت وصرت اعيط عليها
بس هي بوقتها خلتني اندم ع الساعه الي
عيطت بوجها

لزمني استبرق وايلان وهي راحت للمطبخ وصاحت عليهن جيبنها وراي
وهن سحلني للمطبخ وانا بس اصرخ وابجي
حتى يعوفني بس هن ما بكلبهن رحمه
لزمني بقوه وانا اعاين ع فاطمه شلون شغلت الطباخ
ولزمت السجينه بيدها وخلتها ع النار
انا هنا انتفضت وجسمي صار برجف رجف مو طبيعي

صرت اتوسل بيها حتى تعوفني وما تجويني
صرت اتوسل حتى ترحمني وتستخطيني انا يتيمه
وهيج سوت بيه شلون كدرت تسوي هيج ما اعرف
انهاريت وطلبت منها بس ترحمني
بس هي تعاين عليه كأنها عدوتها كأن انا فريسه
سهله كدامها

اعاين ع السجينه شلون صارت حمره جمره
وانا دموعي صارت تنزل شكد حجيت وتوسلت بيها بس
هي ما رف الها جفن
ولا حاجب
لزمت السجينه وتقربت عليه وانا احرك بنفسي منا ومنا
حتى اتخلص منهن واهرب بس هن لزمتهن حيل قويه
وانا مابيدي اسوي اي شي

ماحسيت الا صارت كدامي ضحكت بوجهي ضحكه
شريره ورفعت التيشيرت الي لابسته
وطبعت السجينه وهي جمره تلهب نار
ع بطني انا احس روحي انسحبت مني
صرخت صرخه بكل قوتي
وهي شلعت السجينه وانشلع وياها الجلد هنا
ماحسيت بنفسي الا وانا بقيت ارافس بالأرض
الوب من الالم ، الالم كافر ماينحمل
بجيت بجي ماصاير وهن يعاينن عليه ولا كان كدامهن جاي اموت

بقيت بمكاني ابجي وارجف من الالم حتى صخنت
وروحي رايحه هن عافني وبس يحجن عليه ورى وين وكفت ع طولي ورحت حتى اخلي شي يطفي النار
الي جاي احس بيها
فتحت الماي وصرت اشيل ب ايدي ماي واخلي ع الحرق بس شنو كل ما اخلي ابقى اطفر من الالم
دموعي ينزلن عشره عشره
ماكو فايده طلعت من الحمام
ورحت الغرفه ماما

نمت ع الفراش وانا لازمه الحرق وابجي
ردت ماما يمي ردتها تمسح ع شعري ودكول الي هانت
يمه اتحملي بس ماما ماكو راحت وتركتني
بهاي الدنيا الما الها اي امل تنعدل وياي

غفيت وانا ابجي ما كعدت الا ع رشه ماي ثلج بوجهي
بحيث كعدت مفزوعه وخايفه اعاين
كدامي هن واكفات ومتخاصرات
سسحلني سحل وخلني انظف البيت وانا بهاي حالتي
ماكدرت اسوي شي بس سلمت أمري ل الله
وانا ادعي ياخذ حقي منهن

بيومها ما نمت اليل من الالم هاج عندي الحرق
ورى وين يلا نمت حتى بدون اكل
ثاني يوم من كالت روحي نظفي بيت اخوي رحت بدون اي كلام خفت لا يسوون بيه مره ثانيه نفس الشي
ساعتها ما اتحمل واموت ..

رجعت من ذاكرتي وانا انظف البيت
زوجته مو هنا مسويه عمليه وعند بيت اهلها
وبس هو بالبيت خايفه منه لا يسوي بيه
شي بس قويت نفسي وانا انظف سريع حتى اطلع
من البيت وارجع

فجأه حسيت الباب مال الغرفه انفتح
لتفتت عاينت عليه طلع من الغرفه بس انفزعت وانا اعاين عليه مالابس اي شي غير بس الشورت
نزلت راسي ورجعت انظف وانا ارجف
شبي هذا ما يستحي هيج يطلع
سكتت ما حجيت ويا اي شي
ثواني هي ثواني ...

ماحســـــيت الا انســـــحبت من ايـــــدي بقـــــوه
وانشـــــمرت ع القـــــنفه نومـــــني ونـــــام فـــــوكايه
رفع ايـــــده وشـــــك التيـــــشيرت مـــــالتي ..

__________♡__________

للحكايا بقايا ♡

حسابي الانستا داده 🦋