رواية دجن الضليع الفصل الحادي وأربعون 41 - بقلم رهف علي

نبدأ بذكر الله ﷽💛✨

قبل القراءة مُتابعه للحساب قلبي akyta_98
للتواصل ع حساب الانستا akyta_98

يومًا ما
سوفَ تُمسِك
يَدي ونهرُب
حينها أودِع جميع
الأشياء حولِي
عداكَ
أنا وانتَ
وبعض من الحُريةة.

________________

سيلينا : بقيت صافنه بوجهة مصدومه
ما مستوعبه الي كاله الي ، شنوو تحجي ؟؟؟
انتَ مستوعب الي دكوله هااا
شلون تسسسسوي هيج دااابر

دابر : عدل نفسه واردف ، تعبت وانتِ تعبتيني
مالكيت حل غير بس هذا الشي
كلت اسوي ادري المفروض ما اسوي هيج
بس شي صار بالقرآن يعني مو حرام
واكدوا الي مو حرام انا تعرفيني اتكهرب من هيج
شغلات بس انتِ ما بقيتي الي اي حل
ثاني منين ماا اجيج تتطلعين صفح

سيلينا: بس دابر

دابر : زين اسألج ، اذا عرفتي انا مظلوم وما مسوي
شي راح ترجعين ؟
سيلينا : ماعرف بس اذا انتَ ما مسوي شي ليش
ما ارجع
دابر : بس انتِ حتى ما سمحتي الي اشرح الج شي
بقيتي مُصر ومعانده وراكبه راسج
تعبتيني وما ترضين تقتنعين هذا انسب حل الي صار
سيلينا : بقيت صافنه
دابر : لاتصفنين اولها وآخرها رجعتي وعرفتي انا
ما مسوي شي ياذيج والي صار خارج عن
ارادتي وارادتج انتِ هم لهذا ماكو داعي تزعلين ونزعل مره ثانيه من بعض مو لو انا غلطان ؟
سيلينا : جان يراقب ملامح وجهي وهو
متردد من جوابي سحبت نفس وزفرته
خلاص الي فات راح ماكو داعي نتأذى منه من جديد
كافي الي صار النا خلينا نستقر ..
تمام  الي فات مات ..
هو ضحك وتقرب مني فرحان
بيومها مثل ما نكول وكع الحطب انا احبه
وهو يحبني ماكو داعي لحتى ناذي بعض

ثاني يوم الصبح طلعنا انا ويا
جانوا كلهم كاعدين يتريكون سوه
من شافوني بقوا جامدين مصدومين ومبهوتين
ماجانوا متخيلين انا راح ارجع لان وصلنا للطلاق
ورجعتنا شي صعب

سعود : اردف بصدمه ، شوكت رجعتها ؟

دابر : البارحه

سعود : مو ع اساس راح تتطلكون شنو الي صار
حتى تراجعتوا مو انتَ كلت مشيت معامله الطلاك !!!

دابر : معامله باطله

سعود : يعني شنو ؟

دابر : اردف بهدوء ، يعني معامله كاذبه انا دزيتها واساساً ما جايه من المحكمه انا سويتها
ودزيتها بيد شرطي اعرفه

سعود : فتح عيونه ع وسعن واردف بعصبيه ، شنهوو انتَ تجذب عليناااااا شايفنه لعبه بيدك ؟؟؟؟؟

دابر: لا ياخويه لعبه شنو بس انا ردت ارجع مرتي
وما من حق أحد يسوي شي او يعترض
احبها ورجعتها شكو ؟؟؟

سعود : جااا والي سويننننااااا ؟؟؟

دابر : اردف بعدم مبالاه،  نكعوا وشربوا الماي مالته

سيلينا : سعود انتفض فد مره وحتى تعارك ويه دابر
بشكل عجيب حتى انصدمت هذا شي ليش
هيج يتصرف ونوب حتى زوجته انصرعت
وصارت تتصايح ويا كومي ولمي ملابسج
وأخذي بنات وروحي زعلانه ل اهلج بالناصريه
وصدك سوتها انا غرفتي بصف الدرج وهم
غرفتهم بالطابق الفوك واسمع سعود زوجها يتوسل
بيها حتى تبقى وهي تصيح يا انا بالبيت يا سيلينا
وما قتنعت بكل كلامه عاد
راحت البيت أهلها زعلانه
ومنا سعود شد حرابه وياي ع اتفه شغله صار يعاركني بيها مو بس هو حتى انطى خبر لكل إخوته
محد يتقرب مني ويحجي وياي
والي يحجي وياي لو يتقرب مني يتبرى منه
مو بس هيج صيح بصوت عالي حتى اسمعه

سعود : اذا تبقى هناا بهذا البيت شكلهههااا ما اريد اشوووفه

سيلينا : عاد انا اتجنب المشاكل وما احب اسوي
مشكله كلت خلي امشي واشوف
ياترى اذا
سويت مثل ما كال وما شوفته شكلي
راح يبتعد عني وما يخلق وياي مشكله لو نفس الشي

صرت اسوي شغلي كله باليل
من يكون هو نايم أو بغرفته والنهار كله يا بغرفتي
يا بيت اهلي
يعني ما اخلي يشوف شكلي لا هو ولا اهله
بحيث خليتهم يحسون صدك انا
ما موجوده
بس حمايه الصغير سعد عارض اخو وبقى مستمر يحجي وياي بس اعرف مو علمود علمود اكله وملابسه
لان انا اسوي اكل واكوي ملابسه
لهل سبب مو علمودي بس ميهم
مادام ما مأذيني وكاف خيره وشره عني هذا هو
مايهمني ..

المشكله مو بس هيج المشكله سعود
حتى كاميرات حط بالبيت !!! هذا الي ماجنت متخيله
يوصل الها الهل درجه حاد اسنانه عليه معقوله ؟
من ياجهة اروح لازم يطلع الي سالفه جديده
يعني ما يلزم مرته إخوته مايلزمون زوجه اخوهم
ترش بالبيت عيني عينك وتسوي اشياء
ومن نسألها دكول ها هذا ل ابني لان ما يشتغل
وراها ما أطول والبيت ينقلب انقلاب تام
مشاكل تصير قيامه ومانعرف شنو سببها

انا باليل من اطلع اسوي الي عليه دابر يطفي
الكاميرات حتى ما اطلع الهل درجه يريد يوكع
ع عله اخو بس ما وكع

كاعدين سوه انا ودابر كالعاده هو علك
اغاني ومنطرب والاركيله مالته مسويه مدخنه
بالغرفه ومسلطن فد مره
تقربت منه ونسدته من ايده هو التفت عليه عاين بنص عينه وغالق عينه الثانيه شكله خطف كلبي
بس موضوعي ويا اهم خلي اشوف بالبدايه بعدين
نرجع الموضوع شكله الي خطف كلبي ..

دابررر ..

دابر : هاا ..

سيلينا : بيوم الي رجعت للبيت اخوك كال والي سوينناا شنو يقصد بكلامه ؟ هو هم شنو سوو حتى من اجيت
اني وخربته عليهم ؟؟ احس صاير شي
وماعندي علم بي ...
مم كلت هيج هو ضحك بطرف شفته
استغربت رجعت ندسته ، اااحجي !!!

دابر : اوووو ماتعرفين شنو الي صاار
سيلينا : عقدت حاجبي ، شنووو صار عززه ؟ احححجي
دابر :يابويه جا هم غير خطبولي..

سيلينا : فتحت عيوني ع وسعهن وعطت بوجهه ، ششششنووو ؟؟؟؟ شكلت شلون هسه تحجي بالتفصيل

دابر : أي وربج خطبولي شافوا الوضع كدامهم
فارغ وهم الي ع اساس سيطروا عليه
استغلوا مشكلتي بيني وبينج وصاروا يضربون ع وتر الحساس بيه يزنون براسي ، عوفها ما عوفها
ماتفيدك ووو من هل كلام
وانا بس اريد اشوفهم وين يوصلون

سيلينااا : خطبووولك منووو ..

دابـــــــــــــــر: نور ام الوردي ..

سيلينا : شكد جنت متعصبه بس من كال ام الوردي
فطست من الضحك بقيت اكركر ضربته بكف ايدي
واردفت ، عليك الله شنو صار احجي ؟

دابر : يابويه السالفه صارت صدك عندهم حتى زوجه سعود كضتها عليه بدلال دللتني دلال ماصاير
كل شي اريده يصير كدامي قبل لا افك حلكي
اكلي ، ملابسي ، نومتي ، غرفتي كل شي مرتب ونظيف
والاكل هذاك الاكل التوب
كل هذا عبالهم راح يأثر بيه واقبل ب اختها
حتى رادوا يرحون يحجزوها عبالك سلعه ويحجزوها
ولا يكولون هي بشر وعيب عليهم هيج يسوون
مهمها يصير تبقى بنت وما من حقي أو حق
اي شخص يسوي هيج ، المهم
راحت ايام واجت ايام وانا اقنع بيج ترجعين
بوقت الي همَ مدلليني وانتِ يابس راسج
محجر ولا تقبلين
ومن جبتج واجيت هم نصدموا
وصارت هاي الهوسه لان جانوا راسمين غير شي براسهم
واجيت خربت عليهم يعني ب اختصار تغديت بيهم قبل لا يتعشون بيه ..

سيلينا : حرفيا احس بالصدمه شنو هذول
معقوله توصل بيهم المواصيل الهاي الدرجه
يعني اني ويا بعدنا مامطلكين وبعدني ب اسمه
وهمَ راحوا يتخطبون اله شنو من بشر
دخيلك ربي !!!

دابر من طلعت زوجه سعود من البيت
كال الهم اذا ترجع لهذا البيت اطردها وكدام زوجها
عاد سعود تخبل تتطرد منو ؟ وتعاركوا
بالكوه يلا بعدوهم عن بعض
بس دابر أصر وجان ثابت ع كلامه بس ترجع
يطردها لان سوت العجب وماكو احد
وكفها عند حدها ..

مرت ايام واجت ايام وانا انا ع نفسي
اطلع بس باليل افتر بالبيت واسوي اكل الي والدابر
ولسعد واكمل شغلي وادخل
اصلاً صدك تونست اطلع براحتي ياخذني
يفرني برى مطاعم مولات
مايخلي مكان بنفسي ما يطلعني اله
وانا اخذ صور واخلي ع الواتساب
هم عندهم رقمي من يشوفون هيج ينجنون
اسمعه يصيح بالبيت بعصبيه
( اي مديحها برى اربعه وعشرين ساعه
وحتى اركيله يخليها تشرب مايستحي )
هو دابر صح يدخن بالغرفه ومسدود الباب
بس يفتح الشباك شوي
وهم عبالهم انا الي ادخن مايخلون كلمه مايحجوها
بس كله ورى ظهر دابر
لان يعرفون بي يقلب البيت فوك رأسهم اذا
صارت كدامه ف يحجي ورى ظهره من يعرف
هو بالدوام ...

نوب تخبل لان جتي يشوفني ما اطلع برى
الغرفه وما اصير كدامه
يلوب يريد يتعارك وياي
ف يحجي ويه إخوانه بصوت عالي كال الهم ..

سعود : اريد اعرف ليششش هيج خااانسه
هيج بالغرررفه ماتتطلع اكيد تاخذ مخدرات وتسكر ..

اي الهنا وصلت بي يتهمني هيج اتهامات وقحه
بس ما وصلت الدابر اريد اشوف شنو يسوي
اذا بس كلام مكدور عليه ادخله من اذني هاي
واطلعه من اذني الثانيه
اما اذا سوه فعل لا هاي ما اكدر الها
بوقتها تصير بحر دم بين الاخوه اعرف بهذا الشي ..

بمره دابر طالع لشغله العصر
جان اسمع صوت برى مو غريب تقربت يم الباب
وسمعت صوت زوجه سعود راجعه للبيت !!!
هلااا هسه بس يجي دابر
تعلك للستار
بقيت كاعده واكل ب اظافري هو منا دابر
تحلف بيها ومنا هي السانها طويل راح تصير
هوسه واليوم ما يمر مرور الكرام
بس اسمع صوتها عااالي تحجي كأن
كاعده بعناد تريد تسمع حجي
انا بهل وقت بس خايفه ع دابر ..
والحظ سواها وسمعت سياره دابر
يعني اجه من وقت اليوم
حسيت الدم نشف بجسمي ياربي
شراح يصير !!

بقيت افتر واحوس بالغرفه شوي وسمعت
كال السلام عليكم وصوتها رد ويه صوت البقيه
هناا صار هدوء للحظه وبعدها
صارت عركه شكبرها شكدها سمعت هو غلط عليها
وهي صرخت بصوت عالي بحيث البيت
صار بي صدى عالي
انا ماكدرت اتحمل فتحت الباب وطلعت اركض ..

وكفت مصدومه وانا اشوف المنظر كدامي بحياتي كلها ما شفت مثل هذا المنظر انصدمت
جسمي صار يرجف دموعي نزلت صرخت بصوت
عالي لااااا دابــــــــــرر

______________

دهليز : كم هي مؤلمه تلك الحروب الذي نخوضها
بالرغم عنا
لانستطيع هزيمتها لأنها تملكنا بكل مافينا
مؤلمهً وقويه ، غريبهً عجيبه...
أيامها وخيمه
ساعاتها طويله
جهدنا يقلُ
انفاسنا تنفذوا !!!
نبعدها ف نخسروا
نخوضها ف نتعبوا ..
ف ماذا افعلوا ؟
#بقلمي_رهف_علي

كل الي ديصير بحياتي هو اختبار من عند الله
لو شكد ما ادحك بحياتي من صعاب ومطبات اخرها
الها نهايه لازم وهي مكتوبه من الأساس النهاية
اذا كدرنا نجتازها معناها عندنا ايمان بربنا
وصبرنا اقوه واذا ما اجتزناها واستسلمنا معناها ماعندنا ايمان ولا اصرار
اعرف كل الي يصير مكتوب وغصب عني وعن كل واحد ادحكوا واعيشوا بس  متعب إلى درجه
وصعب إلى أبعد حد ممكن اعيشه...

الاختيار الي حطوني بي جثير صعب
خيروني بين الهيمين الي عايشه حياتي علمودهم
الأول أبني قطعه من كلبي والثاني زوجي وحبيبي
وعيوني الي ماحصلتوا الا من بعد تعب جثير
وسنين يلا كدرنا نصير البعض
والله صعبه واي شخص بمكاني راح يهجس شكثر
هي صعبه الاختيار صعب
صعب انك تختار مابين كلبك وكلبك !
وهمَ خلوني بنص هذا الاختبار !
ليش هيج ع طول اكون انا بهذا القرار ليش يطلبون
مني شي تعجيزي وصعب
اريد افهم الحد شوكت ابقى اضحي ؟
جزعت وتعبت اذا اختاريت ابني معناها فقدت
الانسان الي حياتي بدونه عدم معناها قدمت موتي
بيدي وذبحت نفسي من الوريد للوريد
معناها حياتي اسودت وصارت ظلاااام
واكون بنظر الكل خاينه وعديمه انسانيه تركت انسان يحبني جثير ورحت الشخص مايسوه
واذا اختاريت زوجي معناها اكون مو انسانه وعديمه
الذمه والضمير خاينه الكلمه الامومه وفضلت رجال ع ابنها وما تستاهل تكون ام وحرامات عندها طفل
ولازم اضحي علموده وابني سعادته ع تعاستي
هذا المبدأ الي لازم اسوي بنظر الكل
الكل يريد مني اترك الشخص الي احبه علمود نفسي
بس بكل الحالتين اذا تركت شخص منهم انا ميته !!!!
وبكل الحالتين انا راح اكون بعيون الناس وحده حقيره !
هم مصرين يخيروني هل اختيار ومصرين يذبحوني بكل مره
تعبت وفاض صبري جزعت وهلكت ..

واكفه مثل الفريسه السهله كدامهم ادحك بعيوني
الضايعه الوقت قصير والقرار صعب
افترت عيوني مليانه دموع ع كل الحاضرين
اتوسل بيهم ما يخلوني بهيج موقف
بس الكل جان يريد ينهي هل مهزله حتى الكل يرتاح
بس يرتاح ع حساب راحتي انا ؟!!!!!

صارت عيوني بعيون اللهيـــــم، عيونو كانت
حزينه ابتسم ب وهز راسو الي كان هو يعرف
انا اختار ابني حاسو كلبو انا مو الو ولا راح اصير
الو قابض ع ايدو بقوه عروقو بانت
ابتلعت ريقي بصعوبه
عيوني راحت ع بشار كانت نظراتوا تبث بالنصر
كأن هو عارف راح اختاروا
سحبت نفس واردفت وانا جسمي يرجف رجيف
و كلبي طالع من محلو ..

دهليز : بابا انا ، مُستحيل اتخلى عن زوجـــــي انا زوجه اللهيـــــم وبعمـــــري ما راح اكـــــون غير زوجتـــــوا
اما ابـــــني أخـــــذوا منـــــك بالـــــمحاكم ..

اول ما كملت كلامي ما هجست الا عيطتو بوجهي
يتصايح ..

بشار : وووربي اخذ ابني وما اخليج ادحكي الا بالساعات الي مقررتها المحكمه
كتلج يابنت عمي ارجعي وابنج بحضنك بس انتِ معانده شوفي الي راح يصيرلج ..

دهليز : بعدوا يحجي ما كمل كلامو وما هجسنا الا اللهيـــــم ضربو بوكس فر وجهو للجهة الثانيه فر
بحث من قوتو وكع بشار ع الارض مصدوم
وبعدها انهال عليه بالضرب اللهيـــــم كان مثل الوحش
ولكه فريستو بحث كلها حاولت تبعدوا
بس ما كدروا فلش وجه بشار
بالكوه يلا سحبوا من يمو وهذاك يسب ويغلط
واللهيم يرجع يشتم العرك صار من الروس الا ان
عاط بيهم بابا ..

ابو عمر : بسسسسس عجل انتووووا صغغغار
زلم مشوربه اخرتكم هيييج ؟؟؟ ول يابه تردووون
تجلطوووني
هاهي بنتِ قررت وانتهت بشار شيل موضوع دهليز من راسك وابنكم خلو بينكم عيب ابني عيب ادخلنا محاكم واحنه اهل .

بشار : مسح الدم من خشمه بقوه واردف ، تعذرني عمي دامها فضلت الغريب عليه انا اسوي الي براسي غصب عن الكل واخذو ال ابني يعني اخذو محد يمنعني منو الي راح اسوي وخلي هذا الاشكر يفيدها فضلته ع ابنها
ياحيف ..

دهليز : طلع وهو يصيح وانا كعدت انهااريت
بالبجي شلون ياخذ ابني مني ياربي دخيلك
ماما احتضنتي تواسيني وتصبرني
شوي وكعد كدامي رفعت راسي لكيتو اللهيـــــم
مسح دموعي واردف

اللهيـــــم : لاتبجين حبيبتي دموعج تغسلني اهدي اكيد
مايسويها هل ...

دهليز : ما اقتنعت ابد كلامهم كلهم ما اقتنعت
بي اعرف بشار شخص خبيث يسوي الي براسو
ويأخذ الي يريدو غصب عن الكل وهساع
هو يريد ياخذني مره ثانيه بالغصب
اووف ربي ...

مرت الايام وانا ابني حاطتوا ع كلبي ما اكدر اتركوا
ولا دقيقه وحده
حتى دراستي تركتها اساساً انا رسبت بالسادس 3 سنوات لهذا تركت المدرسه وبالاساس صرت اكبر لهذا كعدت وتركت الدراسه والتهيت ب ابني وب اللهيـــــم
بوقتها تعاركت ويا لا هو ما يريدني اترك
بس انا مصره اترك وراها تقريبا ب 10 ايام يلا
رجع يحجي وياي بس وجهة ثقيل عليه
شوي شوي الا ان رجع الطبيعته

وكلنا محامي علمود الحضانه لان هو صار يطالب ب ابنه وانا روحي فرفحت عليه انتهيت
متتت وهو يدحك بيه هيج بس مايهتم
ميهمو ابد
وصحيح القاضي بجيبو يعرفوا وكان كل شي تحت سيطرتوا
اللهيـــــم واهلي شكد حاولوا بسسس ماكدررروااا

بيوم الي أعلنوا ابني من حق ابو انهاريت
انهيار تام بجيت وصحت ردت بس هو
الخبيث يدحك عليه وما متهم الحركه الي بداخلي
اخذ ابني من برمشه عين
اخذ لهيمي الصغير من حضن
حضني فرغ من دفو احضانوا

واكفه اعاين عليه وعيوني تذرف دموع ماكدرت ابطل وانا ادحك عليه شلون خسرتوا هيج بلمح البصر خسرتوا
كل هاي الكوانه والمذابح واخرها خسرت الشي الي
كن ضمن اشياء الي عايشه علموده
واكفين كلنا بداخل المحكمه ضغطت ع ايدي بقوه
تا اوكف ع رجليه وما انهار
بس انهدمت حصوني كعدت وانا ابجي بصوت
عالي سريع تقرب شخص ما انتبهت الو اخذني الحضنوا يطبطب ع ظهري وكأن يريد يقويني
ماحسيت ع نفسي الا وانا رحت بغير عالم
واغمى عليه ...

ورى فتره صحيت لكيت نفسي بحضن اللهيـــــم وهو
وجهو مخطوف رجعت انهاريت بالبجي
ابني مو صغير كبير ويعرفني يعرف انا امو
وماينام الا بحضني من يأخذوا يرجعوا مريض
عبن ابتعد عني هساع شلووون راح ادحكوا !
هساااع شلون ادحكووووا بساعات الي حددتها
المحكمه الي ؟؟؟؟؟

حضنت اللهيـــــم وصرت اناشغ بالبجي ماكدر
اهجس اطرافي ثلجت وجسمي يختض
مقهوره والحركه بداخلي تحرك بلد كامل
شكد حاولوا ويا تا يهدوني بس ماكدروا

رجعنا من المحكمه واحنه نجر إذلال الخيبه ورانا
اللهيـــــم يسوق وبابا كاعد يمو وانا ورى
و اخواني ورانه بسياراتهم وبشار ورانه يجي تاياخذ
ابني مني !
وصلنا للبيت طبعا اخواني كلبوا المحكمه
ورادوا يضربون بشار بس لزموهم وطردوهم
حادين اسنانهم عليه بس هو ولا مهتم ابد
دخلنا للبيت كلنا
تلكتني ماما حضنتها وبجيت
وانا اهلوس بكلام ما مفهوم الها
بس كل الي كلتو بحضنها
( ماما أخذوا ابني ، أخذوا )

الايام الي مرت عليه جثير صعبه
اعتزلت العالم ماعندي علاقه ب اي واحد
كلها اهجسها مو بعيني
شكد حاولوا وياي بس تعبت نفسيتي
كل شوي اتذكر ابني
انا ما ندمانه عبن ما اختاريته لا لان اعرف
بشار يريد يلزمني من ايد التوجعني
مثل كل مره وهل مره ماردت
اكون الضعيفه أضعف النفسي وارجع اكوم
بس صعبه ادري بي يم ابو هساع ملك
وشنو يريد يسوي بس انا متعوده عليه
ماكدر الايام تمر مثل بعضها ارهاق قلق تفكير وبس
الى ان بيوم من الايام ...

كالعاده كاعده بغرفتي وسارح فكري
ماهجست الا صوت الباب انفتح ثواني وايدي
انسحبت بقوه التفتت دحكت اللهيم كدامي
بس جان نار خزرني بقوه ..

اللهيـــــم : فهمييييني الحد شوكت تبقين هيج ضعيفه
ليشش
دهليز : مو بيدي ..
اللهيـــــم: لا بيدج
دهليز : كعد بصفي وسحبني الحضنو مسح ع شعري وانا كأن لكيتها حجه تمسكت بملابسو وبجيت
هو ما يحجي شي بس يمسح بشعري
ويسحب نفسو بقوه ويزفروا
هلكت فوك الربع ساعه ابجي بحضنو وهو ما مل
ابد بالعكس

اللهيـــــم : ابجي بويه ابجي حضني بيت الج وصدري وساده

دهليز : بكلامه هجست الأمان صدك وقتها بقيت بحضنه وهو بقى وياي ماتركني هدأت من نوبه
البكاء الي دخلت بيها وهدأت روحي
بقيت سانده نفسي ع صدره وضامه روحي بحضنه
عم الهدوء..

اللهيـــــم: شنو بويه نمتي

دهليز : هههههه لا بس حضنك بي مخدر ردت انام

اللهيـــــم : فدوه الج الحضن وصاحبه ، شوكت ما تحسين بنفسج ما تكدرين تنامين بس اتصلي عليه اجيج طاااير طيور

دهليز : ضربته ، شنو هاي صاير استغلالي ماعرفتك

اللهيـــــم: افا توج يلا دريتي انا وياج استغل الاستغلال بنفسه واستعمر وابني بداخلج واستقر بي

دهليز : هاااي شنو عيني صرت تاريخي اسعمر واستقر

اللهيـــــم: مو بس هيج حتى احتلج احتلال ماصاير بتاريخ البشريه

دهليز : يبوو نقلبت مدرس تاريخ يبووو

اللهيـــــم: جا شعندي غيرج افرض الحصار عليج
وأعلن هاي البنت الهذا الرجال المحروم و للموت

دهليز : اسم الله عليك لاتحجي هيج ، شنو صاير شو
اليوم الموجه ع التاريخ

اللهيـــــم : موو !!!

دهليز : ابتعدت عنه ، خير مو شنو ؟؟؟
رفع ايده علامه استسلام كأن بريء

اللهيـــــم: مو بسببي انا وعيونج
دهليز : اعترررف شنو مفين لهييمي
اللهيـــــم: هاي حماتج الي هي تصير اختي
دهليز : اي ؟؟؟؟؟؟
اللهيـــــم: اي هي
دهليز : ول يابه اححححجي وريتني ور
اللهيـــــم: جابت بنت جيرانه وخلتني ادرسها تاريخ
لان هيَ ما تفتهم بس يمي سبحان الله عبالك نزل عليها
الذكاء كله حفظته وفهمته
لهل سبب يعني درستها وامها كالت ، جا خوش بكل مره  ماتفهم اجيبها واجي تفهمها بس ها مو الوحدي كعدت وياها لا كعدت حماتج حتى خاف يحجون برغم هي
البنت صغيره والله بس هيج ...

دهليز : من حركه كلبي والغيره الي عمت عيوني
لزمت ايده وعضيتهااا بقووووه هو فرفحت روحه يريد يبعدني عنه وانا لازكه سنوني ب ايده

اللهيـــــم: ووولج ااااخ ايدي خرب بالي حجه الج
ولج ايييدي راحت استشهدت اويلي عليك يا اللهيـــــم

دهليز : بعدت منه وانا ادحك شلون
انطبعت اسناني ب ايده مابرد كلبي بس حيل بي ،
تسسستاهل جيب ايدك الثانيه حتى اعضهااا

اللهيـــــم : شني بويه مارايد نفسي حتى تعضيني لج عضتج توجع كطمتي ايدي

دهليز : وكفت كدامه وخليت ايدي ع خصري
واهز مثل المصريات تسستاهل حتى مره الثانيه
من يريدون يجيبوها الك حتى ادرسها
تتذكرني وترفض حتى لو عندك مجال دكول ماعندي

اللهيـــــم: افااا انا ترديني اجذب والله عيب

دهليز : اردفت بعصبيه ، اللهيـــــم

ماهجست الا جرني بقوه وكعني ع السرير وصار
فوكي فزيت وارتبكت
نظراته وترتني وحيل خجلت رفع ايده صار يبعد شعري عن وجهي وهو يدحك الي بنظرات تذوب

اللهيـــــم: ها ولج
دهليز : ه...ها
اللهيـــــم:تريدن مني اجذب ع مره بكد امي
دهليز : ه..ا امم
اللهيـــــم: ابتسم ، شبيج حبيبي
دهليز :مابيه
اللهيـــــم: جا السانج وين راح شو بله
طلعي
دهليز : بقيت صافنه بوجهة وهو ضحك
اللهيـــــم: بس ع كيفج تنفسي راح تختنكين
دهليز : هزيت راسي ودفعتو ردت ابتعد بس هو
قيد اديه ب ايد وحده وأيده الثانيه
صار يمررها بهدوء ع خدي
غمضت عيوني من حسيت ب انفاسه قريبه مني
ماهجست الا قبله
ع جفوني ، وجتاتي ، وصل طرف شفتي قبلني بهدوء انخفضت انفاسي
ثواني وصارت شفايفه ع شفايفي 
اخذني بقلبه عميقه ماتركني الا ونقطع نفسي
ابتعد عني وانا ع مغمضه خجلانه ..

اللهيـــــم: افتحي عيونج حبيبي نسمه روحي

دهليز : فتحت عيوني صارت بعيونه

اللهيـــــم: احبج ياخيط النفس ..

دهليز : مرت الايام وحياتي مابين مد وجزر
ابني ادحكوا كل فتره وبعدها يرجع يأخذوا مني
جثير حاول يسحبني بحجه ابني
بس انا احمد ربي واشكروا عبن ما ضعفت
الطلبوا وقبلت ارجعلوا
ابني ماكدرت اتخطى موقفي ويا وكل ما نتشاوف
اشبع بجي وهو هم
بس الي مصبرني هو اللهيم ع طول جان يكول الي
( اصبري بويه ماكو طفل بهل عمر ابو يكدر الو
انا متأكد راح يرده الج )
وانا باقيه منتظره هذا اليوم حتى زواجي من اللهيـــــم تأخر بسبب هذا الشي

اللهيـــــم تخرج والحمد الله بس ماكدنا نتزوج
منا ابني ومنا اخوي كل شوي يلهينا وما يخلينا نقدم
موعد الزواج
وبكل مره يتحمل ويرد عليه
( عادي يابه العمر كله كدامنا نشيب سوه )
وابقى انتظر انا ويا بس الحد شوكت ما اعرف!!!

ورى ما مرت فتره جنت كاعده يمهم جوه
جان ابوي يدك جهازو
فتح الخط ادحك ع ابوي انعقد حاجبو وبعدها سلم وغلق الجهاز

ام عمر : شصاير ؟

ابو عمر بشار ، اليوم عرسوا،  بشار تزوج ..

_______________

للـــ طيب مـــواقف وللمرجلة رجاجيل
:::وللخيل فـــرسانها فــي ســاعة الشدّة وللبيوت أمــراس وللقهوة فناجيل
:::على مضايف نشامى لـــها رجـالٍ تعده حنا هل المواقف مواقف الشهم الأصيل
:::يشهد لنـا السيــف ويشهد لنا حـدّه حنا نخــاوي الدنيا خـــوة نـجوم اللـيل
:::عــد الـــنواظر ما طـــاوعتــنا بـــعــدّه حنـــا النشامى يشــهد لنا دمٍ يسيل
:::نحر الذبـــايح دوم ساعة اللين والشدّة حنــا النشامى وتشهد لنا سروج الخيل 
:::ســـروج الركايب فـــزعة اللي نودّه حنـــا النشـــامى تشـــهد لـــنا الفناجيل
:::نســـهر لها ما حــنا مــكبّرين المخدة حـــنا الــــ نشامى و تشــــهد لنا التعاليل
:::على الخــوة تربينا على حب ومودّة. حنا النشامة عند المرجلة فزعة رجاجيل  
:::حنا على الميدان سيــلٍ لاطــــم ما تهدّا حنا النشامى هـــل المــــــواعين المثاقيل
:::هل دلالٍ عامرة ما طفى نارها ولا هــدّا حنا النشامى كرام ما نعد الشات الهزيل
:::نقدم الميسور لو طال الزمـن ونـــــمدّه لا مال الزمن بالردي ما تنفعه التهاويل 
:::ولا تنفعه ثـروة أبوه ولا قـــروش جدّه وش حيـــاته شيـــخٍ إيـــدينه مــــكابـــيل 
:::يشــوف العـــفن متباهي وما يقدر يردّه حنا النشامى وتشهد لنا مواقف ألف جيل
:::درب الوفى نمشيه ونهاب دروب الردى حنا النشامى فـــزاع المضيوم الدخيل
:::هقوة الند بالند ويا زين الهــــقاوي بندّه

رهَبـــــار ( الفَـــــهد ) ::-

بعدنا التنك الي يحيط الحفره السريه بنهاية المعكسر الخاص بالتنظيم وطلعنا كل الأسرى
سوريا بعد ما طمنتها وامنتها احنه ما راح نأذيها
وانا منو اكون هي اطمنت وطلعت عاد انا
طلعت اخر شي
طلعنا وارواحنا بيدنا حاطيها ع اي ساعه
يجينا قناص وطلقه تنبت بالراس
حدبنا ظهرنا ومشينا بهروله سريعه حتى نعبر هذا المكان ونوصل بمكان شوي امان
الممرضه سوريا كانت حيل تعبانه بهذا الوقت
حتى بالكوه تتحرك بطنها كبرانه وبلكَوه تجر النفس
انا وياها اسحبها سحب وكل ما توكف ارجع أجرها واخليها تمشي غصب عنها
بكل مره توكف ينقطع عنها النفس وتستسلم

سوريا :- مشان الله اتركوني وروحوا من هوون احسن ما يمسكونا كلياتنا ونروح فيها انا ماعد اقدر امشي واتحرك اكتر من هيك مابقدر أعين نفسي
انا اولها وآخرها ميته لهيك مابدي اتعبكون اكتر من هيك
اتركوني واهربوا..

رهبار :- انا وعدتج اطلعج من هذا المكان لو اعرف
ادفع روحي انتِ صرتي بركَبتي وماا اتركج الا ما اشوفج بمكان أمن الج والطفلج. ..

سوريا : ولك ياريتووو ميت ياريتني ماحملتو الله لا يرضى علييي شو صار فيني بسببو وبسبب الي
كان السبب الله لا يسامحهون

رهبار : سحبتها من ايدها ومشينا وهي تبجي
انا اتخبل من المره تبجي ماعرف شلون اسكتها
وهاي منا تبجي سحبت نفس الوضع صار أخطر
والحركه صارت اكثر

جاي نمشي وما سمعنا الا صوت قناص
و وكعه واحد من الضباط بصفي
صاح واحد عليها بصوت خايف ..
_ سسسسيدي ، علي تصاااوب
التفتت ع الي بصفي لكيت علي واكع ع الارض والطلقه جايه براسه فيت بحيث الدم
غطى وجهة ،
صحت بصوت عالي حتى القبلي ينتبهون لان
حاطين قناص موجهي علينا
صحت بصوت ، عليييي استششششهد .. تحررركوااا

صارت الطلق تجي من وين ما ندري
سحبت الممرضه وصرنا نركض
انا وال وياي والطلق فوك راسنا
اليمي وبعز هذا الوضع تدعي كون ابنها يموت
وانا بالي يم الي وياي شلون اطلعهم من هذا المكان وهم ما متأذين
تعبنا من الركض بس كدرنا نتخطى ونعبر هذاك المكان
وصلنا بستان قديم وحيل تعبان
لكينا بيت صغير خرابه توقعنا مابي احد لان البسان مهجور يوحي مابي ناس
فكلت الهم
خلينا نرتاح هنا حتى يصير بيكم حيل ونرجع نكمل طريقنا والله عاد رحنا الهذا البيت
اول ما دفعنا الباب انفتح سريع وردنا ندخل بس استوقنا الي كاعدين بهذا البيت
رجال كبير بالعمر جاي يصلي ومرته هم كبيره
بالعمر متمدده اول ما شافتنا فزت ع طولها خايفه
عبالهم احنه دواع١١ لان لابسين لبسهم ومتنكرين
حتى نكدر نطلع
هي من شافتنا خافت خطيه بس الرجال
بقى يصلي ما تحرك من مكانه ولا حتى فز
انتظرنا الحد ما يكمل صلاه حتى نحجي ويا بس بقينا
برى بيته
هو كمل صلاه واجانه...

ردت وطلبت منه نبقى هنا نرتاح وحجينا ويا
بس هو قفل وما قبل نبقى
جان خايف وحقه اذا وجهنا يشرد احنه ولبسنا و قذارتنا
نوب سوريا بدون حجاب جانت حاطه شال ع راسها
ومن تصاوبت ب ايدي لفت الشال مالتها ع ايدي اصلاً ماعرفت بنفسي متصاوب الا من وصلنا للبستان
هي مو محجبه بس شكلياً
لهذا هم ضاف سبب وماخلانا ندخل للبيت
شكد حاولنا ويا وحلفنا

رهبار : وحكَ ابو فضل العباس احنه عراقيين وانا ضابط بالجيش العراقي وطلعنا من داع١١ جنه أسرى
انا وال وياي ...

حتى سوريا حجت ويا ومن شافها بطنها كبيره وحيل تعبان وانا متصاوب يلا شبه الي اقتنع بس نظراته
ما مطمنه وحقه وربي حقه
دخلنا جوه بالبيت ودخلنا الغرفه الجوه
جفلنا من شفنا أثنين شباب موجودين بالغرفه
وعرفنا بيهم هم مهزومين من داع١١
عاد كعدنا سوه بهذا البيت
ومرت الايام ع وجودنا بهذا البيت ماكدرنا نطلع
لان يفترون بكل مكان ومانكدر نطلع الا والوضع
يصير امان
بحيث عالجوا ايدي وبدت تتشافى
وسوريا حالتها تحسنت
بعد ما اطمن احنه صدك مو من التنظيم
وقتها حجه النه عن حياته وعن أولاده الخمسه
الي تركوا هو وامهم وهاجروا هم وزوجاتهم
وهم بقوا هنا يساعدون الي مثلنا وكل واحد يحتاج
مساعده مايردوا بس من بعد ما يتأكدون
منه هو فعلا مو من التنظيم..
باليل يطلع يجيب مسواك واكل وكل الي نحتاجه
والي عرفته ياخذه من مكان بي جيش العراقي
مايكدرون يطلعونا لان المكان محاصر ولازم
خطه تكتيكيه يلا نكدر نطلع

مرن يومين من هنا قررنا نطلع اتفقنا احنه والسيطره العراقيه من بعد ما عرفوا يمه أسرى من الجيش
يمه الحجي لهذا صار الحجي هو الواسطه بينه
وبين الجيش

الحجي : ابني اليوم انطلع بس 3 اشخاص!

رهبار : أي حجي بس 3 اشخاص حتى نكدر نغطي
عليهم بسيارتك وتوصلهم للمكان المطلوب..

الحجي : صار ..

رهبار : ثاني يوم الفجر صعد 3 من الي وياي بالسياره
البيكم وذب فوكاهم حشيش حيوانات
لان يعرفون بي مزارع وعنده بستان وحيوانات لهذا
ما يتقربون منه وهو رجال كبير بالعمر و ويا زوجته كاعده يمه ويعرفون عنده حلال بالصوب الثاني
لهذا من هاي الناحيه اطمناا .
وفعلا وراها ب ساعتين تقريبا رجعوا وهمَ مسلمينهم
بيد الجيش العراقي
بس مانكدر نطلع وراهم لازم يمر اسبوع
حتى نكدر نطلع

بعد ما مر اسبوع كامل تجهزنا الفجريه
حتى نطلع بس بهل حاله ويانا سوريا وتختنك اذا خليناها جوه الحشيش والمكان ضيق
واحنه منا اكثر من 3 نفرات ف ما يكفي
لهذا بقينا الحجيه بالبيت
ولبسنا سوريا نقاب
تقربت منها ..

رهبار : اريدج من نوصل السيطره الي بيها التنظيم واذا صار أشكال بالسيطره سريع
تصرخين همَ راح يشوفون الحجي ويشوفونج حامل ماراح يعيقون طريقنا ويتركونه نعبر
خوش بويه ؟؟

سوريا : انا خايفه كتير
رهبار : اطمني راح نطلع بس سوي الي كلته الج ..
هي هزت راسها عاد صعدنا السياره وتغطينا بالجرجف
وفوكه حط الحشيش واغراض ينقلهن للصوب الثاني
وتوكلنا ع الله وطلعنا ...
مشت السياره الفتره طويله بس شنو احنه
كل مانتقرب من مكان نحبس انفاسنا حتى ما يلزمونا
إلى أن وصلنا للسيطره الي بيها داع١١
بالأول ردنا نعبر بس وكفونا صاروا يحجون ويه الحجي
بس لهجتهم بيهم سوريا وبيهم عراقيه مشكل ..
حسيت الوضع طلع عن حده
بوقتها تمنيت اكول الها هسه اصرخي بس مابيدي شي اسوي صارت مناقشات حاده إلى أن سمعت سوريا
تصرخ بصوت عالي متألمه
هم استفسروا عنها بعدها سمحوا النا نعبر من شافوا
حالتها فعلا مال ولاده
ورى ما عبرنا هي سكتت الوضع صار هادىء
ورى فتره توقفت السياره شوي وتحرك الحشيش
من فوكانه شالوا الجرجف...

الحجي : يلا ولدي ..

رهبار : رفعنا راسنا لكينا نفسنا يم السيطره العراقيه والجيش موجودوالعلم العراقي يرفرف عالي

نزلنا وتلكونه كلها ترحب بينه دكوا التحيه واخذونا ع السيارات
توجهنا الكرفانات بعيده كلش عن التنظيم تقربيا ب أطراف الموصل
بقينا هنا يومين علاجات اسئله وغيرها الى ان
ثاني يوم طلعنا المحافظااتنا ..

بالطريق إلى العماره ...

طول الطريق بالي مشغول بالصار حقيقاً الي صار
مانمحي من بالنا ولا نكدر نتخطى اي شي صار
علي الشهم الي كان بمثابة صديق واكثر طول هاي السنه وشهر علاقتنا صح بعيده بس احنه ع طول ع تواصل انسان مجاهد قدم روحه فداء للوطن
شكد انطه معلومات ووصلهن للجيش
وبكل مره ردنا ننلزم بس ننفذ منها
ب اخر لحظه من طلعنا استشهد ..
استشهد هل كلمه ما ممكن احد يكدر يتخطاها
صح الكل يتمناها النفسه وانا اول واحد
اتمنى أنال الشهاده بس الي يستشهدون
كدامنا هم عندهم عوائل يريدوهم
منهم بعدهم شباب بعمر الورد ومنهم اول التحاق الهم
ومنهم بعده عريس ومنهم وحيد ال اهله
كلها استشهدت !
بهل حاله تصيبنا غصه محد يكدر يتخطاها صعبه كلش
كلبنا مات شفنا العجب اشياء ماتخطر ع البال
احنه هم بشر وياثر بينه كلش
بس ما باليد حيله ..

دار بالي والتف ع عائلتي واحد واحد
ال حبيبه كلبي رفتي ياترى شنو الي صار
خلال هاي السنه وشهرين شنو الي تغير
وين صاروا معقوله عبالهم هسه انا ميت ؟
الافكار صارت تتصادم براسي
وتعبت من التفكير صار يمر ع بالي كل شي مثل الشريط وكأن هسه صار كدامي
انهكلت من التفكير إلى أن دخلنا العماره
ماحسيت بالوقت ولا حسيت بالطريق الي
مشينا بي صاعدين بالسيارات إلى أن وصلنا للمقر
الي لازم اتواجد بي قبل لا اروح للبيت ..

نزلنا من السياره انا و سوريا وياي دخلنا للمقر الكل
مصدوم ماعبالهم عايش كلها تقربت مني
يريدون يتأكدون انا هو نفسي لو لا سيدي انتَ عايش سيدي ما سيدي وانا ما امل ولا اكل سلمت ع الكل
وبعدها دخلت جوه ..
دخلت الغرفه الي بيها المسؤول

المسؤول : حي الله النشمي الضابط رهبار والله وكفو منك ...

رهبار : بقينا بقرب الساعه وبعدها طلعت انا وصيت
الشرطي ع الممرضه سوريا حتى ياخذها المكان تكعد بي رحت آلها جانت كاعده الوحدها والتعب واضح ع وجها اخذتها تحت اعتراضها بانها تكدر أدبر نفسها
بس انا اعرف محد الها الهذا السبب أأمن ع حياتها
والكه الها المكان المناسب يلا اتركها
صعدنا وانطلقناا ...

بعد فتره توقفت بينا السياره نزلت منها وهي
نزلت وكفت بصفي واكف انا وهي كدام بيتنا
الي غبت عنه سنه وشهرين البيت الي ربيت بي اهلي حبيبتي كل شي هسه انا واكف كدامه !
الحارس فتح الي الباب وهو مصدوم
طبطبت ع كتفه وانا ابتسم واتخطيته

مشيت بخطواتي دخلت البيت واول ما وكعت عيني
ع اكثر انسانه مشتاقلهاا من وقت طويل
رجف صوتي وانا انطق اسمهاا رفـــــه ..

_____________________

للحكايا بقايا ♡

هاااا اخووووان 😁☻️التصصصصصويت لاتنسسسوا
قلبي

حسابي الانستا للتواصل akyta_98 💞