رواية دجن الضليع الفصل الثاني وأربعون 42 - بقلم رهف علي

نبدأ بذكر الله ﷽💛✨

قبل القراءة مُتابعه للحساب قلبي akyta_98
للتواصل ع حساب الانستا akyta_98
..
وَأَنتَ عِندي كَروحي
بَل أَنتَ مِنها أَحَبُّ
وَأَنت لِلعَينِ عِينٌ
وَأَنتَ لِلقَلبِ قَلبُ
حَسبي مِنَ الحُبِّ أَنّي
لَما تُحِبّ أَحِبُّ.

_________________

سيلينا : المنظر الي شفته كدامي صدمني حرفياً
الحس الخوف دب بجسمي وصرت ارجف وابجي
الموقف مستحيل انسى وبحياتي كلها
واكفه اعاين شلون صاروا وحوش كلهم ع دابر
حاطينه بالنص ويضربون بيه ملخوا تملخ
ماخلوا ملابس عليه ماخلوا اي شي بهذلوا
التموا عليه حقارتهم وخبثهم وموقفهم ملتمين ع اخوهم ويضربون بيه وهو هل وحيد ضدهم ذكرني هل موقف بالنبي يوسف مو تشبيه بي بس نفس
الموقف هم كل إخوانه صاروا ضده
انا شفته هيج وصرخت بصوت
عالي مفجوعه ، لااااااا دااااابرررررر
ركضت عليه شفت سعود لزم الكلاص وضربه برأس
دابر هنا تخبلت انجنيت وانا أعين الدم ينزف من راسه
احاول ، اصرخ وماكو اي فايده هو مايسكت الهم
هم يرجع يضرب بس مو كدهم هم أكثر منه

ركضت احاول اخلصه منهم بس ماكدرت انا بنت
وهم كل واحد شطوله كل ما احاول اتقرب اريد
اطلع من جواهم يدفهوني كل دفعه توديني لنهاية
الصاله
وارجع اركض احاول وياهم
صوت راح وانا اصرخ عليهم ماخليت شي ماسويته
حتى ضرب صرت اضرب بيهم بس مااايفيددد
وياهم

ماحسيت الا حمايه صاح بصوت عالي جان شايل بيده مفتاح
وضربني بي بقوه ع راسي ونبته براسي
من قوه الضربه سريع اغمى عليه ماحسيت بعدها ب اي شي ...

صحيت ورى فتره اعاين نفسي بغرفتي !!!!
رفعت راسي حسيت بدوخه قويه خليت ايدي
ع راسي ضماد !!!!
بس واضح ضماد بالبيت مسوي مو بالمستشفى
لتفتت بكل الجهات دابر ماكو بالغرفه !!!!
دكات كلبي زادت طفرت من الفراش وطلعت اركض
البيت هادىء ما كأن جانت عركه هنا وأصوات
مرعبه شنو وينهم دخيلك ربي !
راسي منا يأذيني والتفكير زاد الطين بله
دورت البيت وماكو لا دابر ولا إخوانه
بجيت خفت بس لا صاير ب دابر شي واخذوا
للمستشفى هذا الي جان ب بالي
لان الضرب الي ضربوا اله جان ضرب فاح
وكلش يأذي حتى راسه فلشوا بي الكلاص
ركضت للغرفه
اتصلت ع دابر بسسس ماكو رد !
هنااا حرفيا متت خوف
صرت ابجي
بعدين تذكرت بابا اي خلي اتصل بي ، اكيد يعرف
وينهم صح خايفه من الرد بسسس ع الاقل
اعرف وينهم

اتصلت ع بابا سألته وصدمني من جاوب عليه رد ..
( بابا سيلي ترى رجلج وأخوانه كلهم بالتوقيف )
شنووووو بابا ليشششش
( والله يابنتي إخوانه مشتكين عليه وهو مشتكي عليهم , وكلهم هسه بالمركز )

صدك خفت شششلون هيج ونوب زاد الطين بله
هم ما يتنازلون وعادي عندهم يبقون بالسجن لان ماعندهم دوام يربطهم بس دابر عنده دوام
واذا طول بالسجن وعرفوا بي مسجون راح يأثر ع دوامه وهو دوامه حساس مو مثل إخوته
نوب معاندين الاثنين هو معاند مايتنازل
وهم معاندين مايتنازلون
بس إخوانه التؤم مامسجونين يعني رجعوا للبيت
اسمعهم برى يصيحون ونسيبهم يسكت بيهم
وهم صوتهم شعلوا
نسيبهم يكول الهم ..

_ حققه يسوي هيج ترى هاي مرته شبيييكم عليه
وبعدين زوجه اخووك سعود ، أمنه مو كايل الها لاتجين وصار هاي المصايح لان غالطين ع بعض بعد شكو
ترى انتوا اخوااان مو اعداااء

وهمَ يردون عليه ...

_ هاي ام المخدرات الكاوليه الي اربعه وعشرين ساعه هي ورجلها باليل فاتحين نادي ليلي بغرفتهم
يدكون ويركصون عود يحركون بكلوبنا انا اعلمها
الا اخليها اليله تبات بالجنف

سيلينا : انا سمعت هيج انصدمت شكد خبيث شلون يكول هيج كدام نسيبهم كله بسبب سعود
هو الي طلع عليه هل كلام ام المخدرات لان يشوفني بالغرفه ما اطلع شكد حقدت عليهم عبالك ذياب التموا عليه ..
اسمع نسيبهم رد عليهم لان حجوا هيج وعاط بوجهم

_ انتوااا شنووو من بشر ولكم شنو هاي التصرفات
ترى هي زوجه اخوكم حرام عليككم شذنبهااا
_ لاااا هي أساس البله كله الصوج منها لو ما متزوجها
احححسن فرقت بينا وصارت هل فجوه بسببهااا

كل هذا الكلام ونسيبهم يهدي بيهم والله طلع
احسن منهم وخوش رجال ما رضى ع الباطل
رجع رد عليه

_ هسه اخابر ابوها يجي ياخذها والله بس تبقى هنا
اذبحهاا

وصدك سواها اسمعه اتصل ع بابا وجانت المكالمه كلها تهديد ب تهديد كاال اله ..
( تجي تأخذ بنتك لو ادزها الك بتابوت )
انصدمت من الجرأة االي عنده شلون يحجي هيج
ويه بابا ع اي اساس شلون هيج يسوي
ماتوقعت بحياتي يوصلون الهل نذاله والانحطاط
انصدمت !!!!! بهت لوني وبقيت بمكاني
ماسمعت رد بابا بس اول ما غلق الجهاز مالته
رن الجهاز بيدي
رفعته ، بابا ! فتحت الخط اسمع بابا يحجي بعصبيه
وتأكدت حتى ضغطه مرتفع سوده عليه ..

_ اسمعيني بابا انا بسفره مو بالعمارة راح ادز الج
جيرانه رجال كبير بالعمر شيخ ياخذج يرجعج للبيت
هسه راح اتصل عليه يطلعج من يم هل وحوش سالمه ومابيج خدش تسمعيني بابا جهزي نفسج

سيلينا : سديت الخط من يم بابا وركضت لغرفتي
اخذت كل الذهب والفلوس مال دابر
مابقيت اي شي يمهم كل شي يصير يمكن توصل بيهم المواصيل يحركون كلبه بماله اتوقع كل شي منهم

انتظرت شي نص ساعه واندك الباب مال غرفتي
طلعت لكيته نسيبهم كال اجه رجال كبير بالعمر
ينتظرج برى هزيت راسي بدون ما احجي وطلعت من
البيت ما صادفت اخوانه همزين
صعدت بالسياره ومشيت
طول الطريق بالي يم دابر
شلون بي هسه شنو راح يصير
وصلت للبيت تشكرت من الرجال ودكيت الباب
سريع انفتح
جانوا ينتظروني دخلت لكيت ماما
هستوني نزعت الشال هي شافت راسي لو تخبلت
شلون مضمد يعني ضاربيني همَ ما يعرفون انا انضربت
بس يعرفون بهاي الهوسه الي صارت
ف هي تخبلت راحت اتصلت ع بابا
وتشكي اله
( تعاااال عاين بنتك شلون ضاربيها الي مايخافون الله
هسسه تجي تروح تشتكي عليهم )
عاد بابا كال الها لا تسوين اي انا باليل راجع
بقينا كاعدين وماما مفرفحه روحها كل شوي تشوف راسي وتشتعل للسما وما تتطفى تريد يوصل بابا
ب أقرب وقت حتى تشوف شنو يسوي
والله عاد باليل كاعدين ننتظر جان ينفتح باب
الشارع كلنا ركضنا

جان يدخل بابا و ورى دخل دابر انصدمت بشكله
حيل تعبان وفوك هذا راسه مضمدي
رحنا اله ركض من بعد ما سلمت ع بابا لزمت ايد دابر واتا اريد اطمن عليه كلش خايفه
لا صاير بي شي
بش هو طمني دخلنا جوه وصاروا يحجون
كل الي دار بينهم بالمركز
بس كلش انصدمت من دابر حجه عن إخوانه كلام صدمني
جانوا بغرفه وكلها سوه ف اخو الكبير صار يحجي عليه ويصيح والحديث الي دار بينهم نصًا

ابو سيلينا : لك بابا مايصير هيج تتهجم ع اخوتك بالمركز زين منهم ما حبسوك
دابـــــــــــــــر : عمي رحمه ال اهلك ماتعرف شكالوا
كدامي خبلوني ماخلوا شعر براسي جا اخليهم
يسوون الي يريدونه واناااا ساكت ؟؟
ابو سيلينا : شسوو؟؟

دابـــــــــــــــر: سحب نفس وأردف ، والله ياعمي انا
خجلان هذول اخوتي اسمع اخوي الكبير العود
يكول ل اخواني الصغار التؤم ، تروحون تتطلعون وتوصلون للبيت تاخذون بوري الي بالحديقه
وتكسرون مرته تكسر ماتخلون بيها عظم صاحي
وهمَ يردون اله عند عيناك تتدلل اليوم تسمع أخبارها نايمه بالمستشفى بقسم الكسور ..
اناا من سمعتهم هيج يحجون بزودهم جي هي الوحدها بالبيت يعني انا مو يمهها يسووها صدك
هجمت عليهم ونومت اخوي بوكس بوجهة
الى ان اجو الشرطه يفرقون بينه وقبل لا يطلع
نسيبنا رجل اختي كتله يبقى وياهم حتل ما يسوون الها شي ، هل عمي بعد كل هذا وتريدني اسكت
الا سيلينا وربي اذا تقربوا منها مايشوفن مني اي خير ..

سيلينا : كلنا بقينا مصدومين يعني همَ رجعوا حتى يضربوني ويكسروني ياربي دخيلك همزين
الرجال وياهم جان من صدك انا هسه بالمستشفى

ابو سيلينا: والله ياابني ماعرف شكلك
دابر : هاهي عمي انا واخوتي مابينه طيب من بعد اليوم الي بينه انتهى ..

سيلينا : انا صرت اسمعهم ياهو اليجي يحجي و يكولون ( ادري فلوس دابر قابل شويه مايطلع من البيت اشو هي سجن ابيض ع شنو كاتل روحه عليها ) يسمون غرفتنا سجن ابيض لان كلها بيضه
والون الطاغي الأكثر هو الأبيض لهل سبب ..
تعبت ودابر هم خطيه تعب ، اهلي تعبوا
كلنا تعبنا

بقت هل حاله اسبوع كامل ناس تاكل بناس
اخر شي إخوانه خيروا دابر
وجان اختياراتهم واحد اقوه من الثاني
كالوا اله ( يا تطلك سيلينا وترجع يم اخوتك يا نتبرى منك )
وهو خطيه صار بين نارين انا من جهة و إخوانه من جهة ثانيه اشوف بعيونه الحيره
اذا فقد إخوانه يبقى وحيد واذا اختارهم يخسرني
بيومها اجه مهموم صح كل الي صار ويا بينهم بس يبقو إخوته وهاي الدنية تحتاج السند اذا شخص
ماعنده احد يسنده يستضعفوا وياخذوا بسهوله لان الوحده خاصه دابر شغله خطر بعيد عن كونه استاذ
بس شغله الثاني ماهين..

بيومها من رجع جان دنيا اليل
انا كاعده ع السرير هو فتح الباب بدون ما يحجي
تقرب حط راسه بحضني مهموم سألته طول يلا رد عليه ..

دابـــــــــــــــر: ااخ سيلي ااخ اثنينكم غالين عليه اخوتي صح اذوني بس يبقون اخوتي طلعنا من نفس البطن
عشنا سوا من احنه وصغار والله ماجانوا يأذون نمله
بالعكس جانوا يحبوج بس من اليوم الي فاتحتهم بخطوبتي منج هم ثاني يوم انقلبوا عليه
عبالك عدوهم ماجن انا اخوهم ، تغيروا هواي
ومنا أمنه تزن براسهم بس ما توقعت راح هيج يصير
شلون وليش ؟ انا جاي ادمر بس محد حاس بيه
ورب العز تعبت اريد ارتاح
يعني يخيروني انااا اليوم يخيروني بينهم وبينج
ليش شمسوي حتى هيج يصير بيه
صدك تعبت تعبوني هوااي راسي احسه راح يطك
ضغطي كل شوي يصعد ادري ليشششش ...

سيلينا : ماحجيت بس حيل مقهوره عليه
دموعي بعيوني وبالكوه حابستهن ماريد أضعف كدامه ماريد اكون انا سبب بعده عن إخوته وهو كلش يحبهم
واعرف بي يحبني هواي
خليت ايدي بين شعره وهمست اله بغصه ..

دابـــــــــــــــر طلكني ..

هو فز من حضني وفتح عيونه ع وسعهن عاط بوجهي ..

دابر : شششكلتي من كل عقلج تحجييين
سيلينا : بجيت ، اي والله من عقلي صح انا احبك وانتَ هم بسسس ما اقبل تتأذى هيج بسببي والله مايهون
عليه اشوفك بهل حاله الله يخليك عوفني
وارجع ل اخوانك ، ماجن حجيت هيج عبالك
سبيته تخبل فد مره هزني هز ويصيح بوجهي وطلع زعلان من البيت
انا تعبت وهو تعب لشوكت نبقى هيج والله ما اعرف
شكد انتظرته وهو ما اجه وراها سمعت صوت
سياره عرفنه اجه سويت نفسي نايمه وانطيت ظهري للباب ، انفتح الباب بهدوء ونسد
ثواني وحسيت ايده ع خصري سحبني الحضنه
حط راسه برقبتي رجف جسمي ..

دابـــــــــــــــر: اعرفج كاعده ، انتِ سيلينتي حبيبتي مستحيل اعوفج لج اعوف روحي وما اعوفج
لو يخيروني بين الدنيا وبينج اعوف الدنيا واختاارج شيلي هل كلام من راسج انتِ الي وانا الج ..

سيلينا : لتفتت عليه وحضنته بقوه وبجيت
ماعرف ليش حياتنا ما جاي تصفى كل ما نكول ها بدينا
يصير شي يعكر حياتنا
هو ساكت بس يمسح ع شعري إلى أن نمنا

ثاني يوم راحوا وهم التموا هو وأخوانه وبابا وياهم
وشيوخ كل هذا حتى يصالحوهم ويهدون الي بينهم
واحنه بقينا ننتظر بس شنو احس كاعده ع نااار
خايفه من الي راح يصير
بلكت يكدرون يحلوها بينهم وما يصير اي شي سيء
حاطه سجادتي واصلي وادعي
حتى تهدأ النفوس

اللهم أنت الحليم فلا تعجل ، وأنت الجواد فلا تبخل ، وأنت العزيز فلا تذل ، وأنت المنيع فلا ترام ، وأنت المجير فلا تضام ، و أنت على كل شيء قدير. اللهم لا تحرم سعة رحمتك ، وسبوغ نعمتك ، وشمول عافيتك ، وجزيل عطائك ، و لا تمنع عنى مواهبك لسوء ما عندي ، ولا جازني بقبيح عملي، ولا تصرف وجهك الكريم عنى برحمتك يا أرحم الراحمين

لليل يلا رجعوا طفرت ركضت وكلبي دمااام يدك
بقوه اريد اعرف شنو صار
لكيتهم كاعدين بالديوانية بس شكلهم مقلوب لزمت
كلبي خايفه من القرار الي صار

ام سيلينا : بشرونا شنو صااار وياكم ؟؟؟

سيلينا : انصدمت من جواب دابـــــــــــــــر!!!

دابـــــــــــــــر : تبروا مني لا انا اخوهم ولا هم أخوتي ، تبروا مني و وقعوا ع السند ينهي خوتنه

سيلينا : كلنا شهكنا مصدومين يعني من كل عقلهم سووهاااا وتبروا منه دخيلك ربي نوب هو نطقها بصعوبه وكأن هل شي حيل أذى ومايكدر يعلنه بسهوله
سوده عليه ليش هيج سوو ليش وصلوا لهاي الحاله ياربي الك بيها اراده ..
بعدها بابا كال حاولنا نصلح البينين بس هم رافضين
إخوته رافضين رفض قاطع ماجن هذول الي اعرفهم
احسهم متغيرين فد مره ..
هو فعلا تغيروا شنو الي غيرهم ياربي
دابر طول الايام جان هادىء بس انصدمنااا بعدين من
الي سواا كعده بابا وحجه ويا

ابو سيلينا : ولك بابا شسويت انتَ هيج راح يعادوك
دابر : هاهي عمي هم الي بدوا وانا الي انهي هاي الشغله
ابو سيلينا : شسوويت ليش هيج متخبلين اجو عبالك هداده يردون يكتلوك

دابـــــــــــــــر: والله ياعمي ماطلبت الا حقي وحق مرتي ، كتلهم تنطوني الحصه من الورث هم عاندوا
اخر شي اشتكيت عليهم ينطوني يلا اتنازل عن الدعوه الي قدمت بيها بلاغ
ابو سيلينا : بلاغ شنو بويه
دابـــــــــــــــر: عمي الكاميرات الي بالبيت مصوره شلون ضربوا مرتي وبهاي كدرت اشتكي عليهم بيها
هسه هم مثل الورد يتنازلون وفعلا من قدمت بلاغ يلا اقتنعوا وكالوا ننطيك الورث
ومن حسبوا ورثي وكملوا ضفت عليهن 4 ملايين
هم انتفضوا مو من حقك عاد انا كتلهم هاي مال ضربه مرتي تنطوهن وغصب عنكم يا اكدر العبها عليكم وافركم بالمراكز
هم اجوي يردون يكتلوني بس مايكدرون لهل سبب اجوي عليك حتى عود تهديني وما تخليني اسوي هيج وياهم بس بسيطه خلي اعلمهم دابـــــــــــــــر منو ...

سيلينا : وصدك بوقتها انطوا الورث وفوكه 4 ملايين مال الضربه مالتي الي ضربوها الي..
احنه طول هاي المشاكل واحنه بيت اهلي كاعدين
وهو خطيه يستحي منهم بخصوص الكعده لهذا يطلع من الصبح ما يرجع الا بتالي اليل
بيوم اجه تعبان وفتح وياي الموضوع من بعد ما استلم الورث

دابر : سيلينا انا ماكدر بعد اكعد هنا هم اهلج عيب وزحمه منهم لهذا راح أاجر بيت لبين ما الكه بيت مناسب بمكان مناسب واشتري تمام بويه
سيلينا : ما عارضته بالعكس احسن لان هو تعب
وصدك دور ع بيت الى ان لكه بيت مناسب للايجار
كعدنا بي مؤقت وبعدها صار يدور ع مكان يشتري بي بيت بخلال هذا الوقت هو دابر ع تواصل ويه نسيبه وصل اله كلام انُ إخوته يدرون بي جاي يدور بيت يشتري وهم صاروا يطلعون عليه حجي بالضبط هل كلام صاروا يرددوا ع طول ( دابـــــــــــــــر اكيد راح يرجع للريف ) هو عناد بيهم صار يدور ب ارقه المناطق بيت حتى يشتري ويغيضهم
بحيث صار بكل وقت يلكه فراغ يلبس ملابسه ياخذ سويج السياره وبعد ما اشوفه ميخلي مكان ما يدور بي
كله حتى ما يستنقصون منه ويعيروا
يرجع تعبان وانا ماا اتركه الوحده بالعكس
اكون ويا بتعبه قبل راحته وبحزنه قبل فرحه ..

من بعد معاناة طويله يلا كدر يحصل بيت بمكان
كُلش راقي وبسرعه وقع انطى المبلغ واخذه
صرنا نرتب بي ونشتري اثاث ونخلي بي
وبابا هم ما قصر ويانه هواي اشترى النا اغراض للبيت
جان كلش حلو تصميمه حيل عجبني
خلصنا وكمل البيت عاد تحولنا بي اول يوم النا
بقينا كاعدين احنه واهلي وفرحانين انُ
خلاص استقرينا بي وحياتنا راح تصير حلوه
وراها طلعوا اهلي وهو دابر راح يسبح حتى يرتاح لان فعلا تكسرنا تكسر انا قبله سابحه لهذا
لزمت القرآن وكعدت اقرا لازم أول يوم بالبيت
ويكول خير علينا
قريت قرآن وصليت بعدها صرت ادعي

اللهم إني أسألك خير المولج وخير المخرج، باسم الله ولجنا، وباسم الله خرجنا، وعلى الله ربنا توكلنا. اللهم أحفظ هذا البيت، اللهم أحفظ هذا البيت، اللهم أحفظ هذا البيت. يا رب إن هذا البيت جديد فاجعله مكان للأمن والسلام

طلع دابر من الحمام وراح تمدد ع السرير ورحت
يمه هو فتح الي ايده ودخلت بحضنه
غمضنا ونمنا من التعب ماحسينا بنفسنا سريع نمنا...

فزيت بنص اليل عاين ع الساعه ب 3:30
لتفتت لكيت دابر ورايه نايم
استغفرت الله ورجعت احاول انام
هستوني غمضت عيوني ورجعت فزيت
بس حيل خايفه

لتفتت بكل الجهات ماكو اي صوت زين ليش
جاي اسمع هذا الصوت !!! ندست دابـــــــــــــــر من كتفه هو فز تقربت يمه وانا خايفه وهو مستغرب يسألني شبيه همست اله بخوف
دابـــــــــــــــر جاي تسمع هذا الصوت ؟ صوت طفل يبجي كأن هذا الصوت جاي من برى
الغرفه!!!!!!

____________________

ريـــــفـــــان ::-

الايام الي مرت بحياتي ما أتمناها العدوي
كلش تأذيت بحياتي ما توقعت حياتي تتقلب
الهاي الدرجه
شي كان خيالي وصار ماتوقعت اعيش
مثل هذا الموقف ولا هاي التجربه
القاسيه
الانسان الي احس يمه بالأمان والقوه هسه راح اختفى من حياتي
الشخص الوحيد الي لو شنو ما سوى ابقى احبه
اختفى مني صدك بوقتها انتهيت ادمرت حرفياً ادمرت

بوقت وصول خبر استشهاد رهبار و اولاد عمه الاثنين
الملتحقين ويا خيم الحزن ع البيت ونقلب
انتهينااا هلكناااا رهبار الابن الوحيد الهاي العائله
هيج نفقده وبهاي السهوله شي ما محسبين اله
روحي صارت مقل الطير المذبوح مفرفحه حايره تريد
محبوبها تريد الانسان الي حبته تريد ابوها وامها وسندها اعترف رهبار هو كل حياتي
سواء بالماضي او الحاضر وحتى بالمستقبل
ماتوقعت شي يوم ممكن تنتهي بهاي السهوله
ولا بحياتي كلها !!!!

سوينا الفاتحه ونصبنا العزاء
رهبار ما جابوا جثه اله كالوا صاير اشيلاء ويه بقيه
الجثث بس لكوا اولاد عمه
دفناهم وسوينه الرهبار قبر رمزي صح ماكو جسد بداخله بس غصه تصير بصدري من اشوف بعيوني
هذا القبر اله اموت الف موته انتهي اتعذذذب
فقدت طعم الحياه وماعاد اي شي اعيش
علموده تمر الأيام واني حالتي تسوء

تمرضت وصرت جلد ع عظم من جهة ثانيه فاطمه الي
بالبدايه جانت مامهتمه الي لان وفاة رهبار بعدها بحزنها بس بعدين من مرت الايام والاشهر
رجعت مثل قبل
تجبرت عليه وما اهتمت لضعفي بالعكس صارت اسوء
وحتى شمرت الوم عليه اني بوفاه رهبار
وانا ما الي اي ذنب

من بعد وفاه رهبار صرت يتيمه عن حق وحقيق
قبل من توفى بابا وماما صح تيتمت مرتين بس
رهبار جان موجود هسه هو راح
وفعلا صح يتيمه
كل يوم كل يوم قبل لا انام لازم ابجي المخده مالتي ولا يوم صفت بدون دموعي
بحيث صارت هي ونستي هي علاجي اشكي الها كل شي يصير وياي
ما اخلي شي ما احجي الها
اشتياقي ، تعبي ، حزني ، المي ، وكل شي

مرت الايام والشخص الوحيد الي واكف وياي
وساندني هي ايلان فعلاً جانت ونعم الاخت
الي ولا مره غلطت بحقي ولا سمعتني كلمه
مو زينه بالعكس هي جانت واكفه وياي
ضد امها بحيث اذا اذتني فاطمه او حجت عليه
توكف بوجها اذا خلتني اشتغل تجي هي تشتغل وياي
شكد جنت اخاف منها واكول يمكن هاي بس شكليات
بس بعدين ثبتت كلامها صحيح
وفعلاً هي تغيرت للاحسن يمكن لان جانت صغيره
وامها تزن براسها لهل سبب كرهتني واذتني وياها
وهسه من كبرت وعت وصارت احسن من قبل
وتوكف ويا الحق ضد الباطل
امنت بيها الى درجه كبيره بحيث
ما يوم لجأت الها وملت مني جانت هي اطبطب ع متفي وتصبرني
حبيتها كلش وهي هم جنته نتبادل الهموم بس مو دائما لان امها نابشه وياي من تشوفني وياها
تصيح عليه وتتطردني منها
دكول تعليمها شغلات مو زينه واني ابد ما عندي هيج شغلات عود لان اني ما معروفين منو اهلي وتعتقد
اصير مثلهم كلامها هواي يجرح ويأذي بس منتظره
الفرج من الله شوكت يجي واشوف حياتي
شلون تمشي

لا اكدر اطلع اعيش لوحدي ولا اكدر ابقى طول عمري
وياهن بس يمكن يجي الفرج او مو يمكن وإنما اكيد
واني متفائله بهذا الشي حاسه يهل شي
كلبي يعلمني ...

بعد ما مرت أشهر ع هل معامله السيئه والذل والحرمان
كاعده بغرفتي جان توصلني رساله ع جهازي
بوقتها جنت ابجي ودموعي عشره عشره تنزل
فتحتها واستغربت منو الي دزها جان مكتوب بيها
( مرحبا ريفان ) مارديت ع الرساله اصلاً وخفت
ماعرف ليش
وراها بدقيقه هم وصلتني رساله فتحتها مكتوب بيها
( ليش ماتردين عليه ؟ )
عقدت حاجبي اشو هل شخص ماخذ ميانه زايده شنو
ليش ماتردين عليه شبي هذا
بعدها دز ( شنو ماعرفتيني انا منو )
بقيت صافنه ماطول كالوا هيج يعني شخص اعرفه
بس منو ، وكف كلبي من تذكر تُليد
معقوله يطلع هوَ !!!!
كلبي صار يدك بخوف وتوتر يعني حتى لو هوَ
شلون اله الجرأه يدز رسائل
شجعت نفسي ورديت كتبت
( منو انتَ / انتِ )
عقدت حاجبي من وصلت رساله
( قصدج انتَ )
عرفته ولد سحبت نفس واني خايفه بس ادعي العكس
دزيتله ( اي منو انتَ )
رجع رد ( احزري )
نرفزني شنو يريد نلعب حزوره دزيتله
( خاب دروح ما ناقصني بس انتَ )
ردت اطلع جان يدز ( اووكفي اوكفي لحظه )
بقيت منتظره جان افتح عيوني وانا اقرا الرساله
مالته بصدمه كاتبلي ( أنا نـــــشوان شنو ماعرفتيني )

ابتلعت ريقي هذا شجابني ع باله شذكره بيه
بعد كل هل سنين شنو يريد مني هوَ
تركت جهازي وما رديت عليه
ماعرف ليش تذكرت الماضي وهو صارله سنين
طويله حتى احنه كبرنا وما عدنا مثل قبل
بس تبقى شغلات ما ممكن ننساها وتبقى تحز بالخاطر
مثل محاوله الاعتداء والتحرش منه
واني طفله صغيره
مرن كم يوم وهو مستمر يتصل ويدز رسائل
حتى ارد عليه واني ما ارد
اخر شي دز رساله كاتب بيها ( احلفج بداعه رهبار تفتحين الاتصال اريد احجي وياج ضروري )
ماكدرت ما ارد ع الاتصال بعد حلفني ب أغلى انسان
ع كلبي لهذا صغت الكلامه وفتحت الاتصال
اجاني صوته ..

نشوان : واخيرراا رديتي يمعوده صارلي ايام وانا اتصل
ليش ما تفتحين
ريفان : شنو تغيد نشوان ؟
نشوان : افا عليج شخص صارلج سنين ما شايفته
ولا سامعه صوته هيج تستقبلي
ريفان : رديت عليه بدون نفس ، مو كل شخص استقبله هيج الاشخاص هم الي يفغضون ( يفرضون )هل شي غصب عنهم
نشوان : صايره قويه
ريفان: الايام تعلم
نشوان : اردف بهمس ، صدكيني انا مو نشوان القديم
تغيرت كلش تغيرت
ريفان : اي وشعليه اني ؟
نشوان : واضح هواي تغيرتي حتى لهجتج تغيرت
صرتي تحجين بغدادي
ريفان : ما انسى اصلي ولا انكغه( انكره )
نشوان : مانسيتي
ريفان : ولا غاح انسى
نشوان : انا اسف كلش اسف الي صار جان طيش وانا جنت ما متحكم بنفسي اعذريني والله اليل ما اكدر
انامه الي سويته بيج كلش متندم عليه
وتمنيت شي يوم الكاج او اشوفج بمكان حتى
اعتذر منج وأطيب خاطرج ع الي سويته قبل
كلش اعتذر
ريفان : هو يحجي واني اسمع اله واضح من كلامه وصوته ندمان بس الي بداخلي شلون يقتنع ؟!
نشوان : احجيلج شي كولي شي لاتبقين ساكته
ريفان : ماكو شي ينحجي نشوان انتَ غلطت بحقي هواي واني تأذيت هواي ياغيت( ياريت ) ماتتصل مغه ثانيه ..
لزمت وسديت الاتصال

يريد يبني بناء جديد
فوك كومه خراب فوك انسانه متحطمه وماعندها
اي وسيله للنهوض من جديد
بس امل واحد هو الانسان الي تحبه يرجع للحياه
هذا أملها بس شي مستحيل وما ممكن يصير لو مهما ماصار

مرت الايام ونشوان مابطل اتصال والرسائل
بحيث حسسني ب اهتمامه بيه بس مع ذالك ما اهتميت اله يوميه يتصل يوميه يدز رسائل
شكد دست ببطنه ورزلته وحتى سمعته كلام يسم
البدن بس هوَ هوَ مصر ع كلامه وياي ومصر ع اهتمامه
بيه ماتركني إلى أن بيوم من الايام وهاي مرت ع اتصاله أشهر
اتصل كالعاده بس جان واضح من صوته مقهور
من باب المجامله سألته شبيك ؟
هوو رد عليه

نشوان : تسأليني شبيه وانتِ اساس الي بيه
ريفان : ليش اني شسويت الك ؟
نشوان : كولي شنو ما سويتي بيه دمرتيني ريفان انتِ دمرتيني
ريفان : فتحت عيوني مصدومه، يا شبيك شسويت
نشوان : ليش ما تحسين بيه
ريفان : شحس ؟؟
نشوان : ريفاااااان
ريفان : عاط بيه فزيت من صوته ، شبيييك
نشوان: ليش تلعبين ع اعصابي ترى انا مو نشوان القديم
ريفان : يعني ؟
نشوان : انتِ حاسه بيه وتعرفين الي بيه بس تتغابين
ريفان : غلطان انتَ ، شعغفني بيك

نشوان : ريفان انا احبج حسبي بيه احبج

ريفان: ماتوقعت يكول هل شي جسمي صار يرجف رديت عليه واني ارجف ، اني مستحيل احب
شخص ثاني غيغ غهباغ هو الانسان الي حبيته
انتَ شبيييك
حاول يحجي بس ماتحملت سديت الجهاز بوجهة
بوقتها بجيت بجي ما صاير
بس عزمت قراري هو آخر شخص افكر بي
حتى لو اريد اتخلص من عيشه فاطمه بس مو ويه نشوان

ورى فتره ايلان عرفت ب نشوان معترف الي
وبيومها كعدت تقنع بيه وتحجي وياي
حتى اقبل بي واوفق عليه بس اني جنت رافضه
فد مره وما اقبل بي
وهو استمر بالمحاولات مالته
بس جد جنت ما اشوف غير رهبار بعيوني
إلى أن بيوم اني بيدي اتصلت عليه حتى انهي
ههاي السالفه واحط الها حد
وهو ما صدك بعده الاتصال بالبدايه وفتح الخط
عبالك جان منتظرني

نشوان : هلا ياروحي هلا ياعيوني
ريفان : اني اتصلت عليك حتى احط حد للديصيغ
نشوان: كولي حبيبتي
ريفان : تنرفزت، لا دكول حبيبتي وخليني احجي
نشوان : امر
ريفان : اسمعني ما احبك اني نشوان
نشوان : بس ...
ريفان : صدكني مو الخلل منك بس اني ماكدغ موبيدي ولا جاهزه لعلاقه ولا اغيد ادخل بعلاقه
اعفيني شوف بنت تحبك تبادلك الشعوغ مثل ما تحب انتَ
نشوان : زين اطلب منج طلب ..
ريفان : اتفضل
نشوان : يصير ابقى ع تواصل وياج يعني
اتصل اطمن عليج وانتِ تجاوبيني
اعرف اخبارج اذا محتاجه شي اي شي تلكيني كدامج
ريفان : بس ...
نشوان : الله يخليج ع الاقل أقبلي بهل شي ماريد
منج حب بس ع الاقل نتواصل نبقى ع تواصل
حتى لو ما تبادليني الحب
ميخاف حتى لو اصدقاء ..انطيج مهله للباجر اتصل عليج حتى اعرف جوابج بداعه رهبار فكري ..

ريفان : صار ثاني يوم واني افكر بليل بيومها
اتصل وقبلت يكون بينه بس تواصل وبس اصدقاء
وكلت اله اذا تجاوز هل شي ابتعد وما ابقى ع الصداقه
وهو جان طاير من الفرح حب هل فكره واني اطمنت من هاي الناحيه يبقى صديق احسن
لان علاقه وحب مستحيل اتقرب الهن
كلبي مسجل ب الرهبار وبس ..

مرت سنه كامله وعلاقتي ب ايلان و نشوان تخبل
احلى ما يكون احنه ال 3 اصدقاء
ولايوم حسسوني بشي مو حلو جانوا واكفين وياي
وسانديني طبعا علاقتي ب نشوان صارلها يمكن بس 6 أشهر بس مر ع وفاه رهبار سنه وهذا الشي الي كاسرني ومأذيني

بمره كالعاده جنت العصر طالعه برى انظف
وبيدي المكناسه اكنس بالحديقه
حسيت الباب انفتح توقعت عمتي فاطمه
لان هي راحت تجيب اشياء محتاجيها من الأسواق
لهذا ما اهتميت وبقيت مستمره انظف
مدنكه راسي وجان اسمع شي !!!
حواسي كلها وكفت ايدي وكفت انفاسي ، كلبي
كل شي جمد فتحت عيوني ع وسعهن وانا اسمع
هذا الاسسسسم !!!!!
الاسم الي صااارلي اكثر من سنه ما سامعته
الاسم الي يامه ويامه اشتاااق اسمعه من الشخص
المطلوب
حاولت استوعب الي اسمه بس اجه ترس اذني ..
رفــــــــــه !!!

لتفتت بس بلكوه تحركت شهكت بقوه اول ماوكعت
عيني ع الانسان الي كدامي لااااا مو معقووول
ياربي الي اشوفه حقيقي لو خيااال
اريد اتحرك ياربي جسمي ما يعيني نوب هو واكف
بمكانه

شمرت الي بيدي وركضت ب أقصى قوه عندي
ركضت شلون ركضت ما اعرف
حسيت المسافه الي بيني وبينه حيل طويله
هو فتح الي ايده وكأن ديكول تعالي اسسررع
ركضت بكل قوتي وشمرت نفسي عليه تعلكت برقبته
وصرخت بفزع غـــــهبااااااااغ
قويت حضنتي اله بحيث اريد ادخل نفسي بصدره
دفنت راسي برقبته واني ابجي بصوت عالي
واسحب النفس بالقوه وكل شوي واصيح اسمه
غهباااغ انتَ انتَ عاااايشششش ماميت
غهبااااغ انتَ هذا الي كدامي
هو جان هادىء بس حاضني بكل قوته اعضامي
تكسرن حسيت عظم دخل بعظم
اتنفس واسحب انفاسي من رقبته مل مصدكه اي والله
هذا عطره هذا هو يعني مو ميت
بعدت راسي عنه اني عيوني ما كدر اشوف بيهن من
الدموع رفعت اديه ولزمت بيهن وجهة صرت اتلمس
ملامح وجهة واني مصدومه اي هذا هو نفسسسه
حبيبي نفسسسسه

صرت ابوس بكل وجهة واني ابجي صوت البجي
مالتي حيل عالي
اكثرر من سنه واحنه نعرف بي مييييت بسسس احساسي الي ب داخلي يكول عااايش
الحمد الله ما خيب ظني الحمد الله
اردد بهل كلمه وابوس بي هو جان يبتسم بهدوء
وكأن تعب الدنيا كله بي نزلني
بس اني ما تركته حاضنته بقوه ماريد ابتعد عنه
هو رفع ايده ولزم وجهي بين اديه واردف ..

رهبار : رفـــــه كلبـــــي شلونج ابوي انتِ

ريفان : مو...زينه مو زينه وانتَ بعيد عني غهباغ اني متت من بعدك وغبي متت
هو باسني من راسي بقوه وسحبني الحضنه
غمضت عيوني وبجيت بس هل مره ابجي من الفرح
مو من الحزن
بقيت بحضنه نص ساعه وما بعدت عنه
الا هو ضحك بهدوء وبعدني عنه

رهبار : اخخ بويه لج نسيتينا البنت..
ريفان : عقدت حاجبي يابنت ؟
هو ابتعد وطلعت من ورى بنت فتحت عيوني بصدمه
واني اشوف بنت مو كبيره بالعمر شامره شال فوك راسها ملامحها حلوه وناعمه نزلت نظري
صار ع بطنها انصدمت لاااا انصعقت من شفتها حامل وبنطها كبيره رجفت شفايفي ولتفتت عليه سألته
واني ابلع بريقي بصعوبه ..

غهباغ منو هاي ؟؟؟

رهبار : زوجتـــــي ..

_____________>♡<____________

للحكايا بقايا ♡

عود ليشش ماتصوتون ؟؟؟ تريدون بارت وماتصوتون
مو عدله ابد لاتتطلبون مني بعد وانتو ما تقدرون🙂💔

للتواصل ع حساب الانستا akyta_98 💕
.