رواية دجن الضليع الفصل الخامس عشر 15 - بقلم رهف علي

نبدأ بذكر الله ﷽💛✨

دجن_الضليع
#بقلمي_رهف_علي

مـَشتاگلچ كُون اخذ گليبي
وأهچ من روحَي وأسكن دآخلچ !♥️

_____________

سيلينا ..

الحياه مره بعد مره تصير أصعب
كل شي متوفر عندي اي اعترف بهذا الشي
بس الحياه خلتني امشي بطريق ما اعرف شنو
نهايتي بي اعترف انا صغيره ع الحب ومشاعره
اعترف انا صغيره ع كل هاي الخرابيط
وياريت لو ما وصلت لهاي المرحله
لان تأذيت هواي
وانا جان المفروض اهتم بمراهقتي وطفولتي الي ماعشتها بسبب هاي المشاعر الي الطرف الثاني اصلاً مو عارف بيها

بس هي ما باليد حيله المكتوب علينا
غصب عنه نشوفه انا ابد ما ابالغ بمشاعري لا بالعكس
مشاعر نفرضت ع بنت مراهقه بفتره حرجه من
حياتها حبت شخص هي مو باله اساساً

مرات تكون هاي المشاعر وهميه لان تكون بفتره مراهقه
والكُل يكول هذا مو حب مجرد إعجاب وتغير هرمونات وحب البنت لشعور الحب
بس انا يوم بعد يوم اصير مهووسه بي
وبتفاصيله انام اكعد افكر بي حتى بدراستي صرت هلكانه وماعرف شنو اسوي

لدرجه رسبت بالثاني وريفانه هم رسبت بس دهليز
نجحت ثالث وانا وريفان بقينا بالثاني
اي لهل درجه هملت كل شي
مستقبلي وهواي اشياء
الحب يتعب وانا مو حمل كل هذا ضعيفه اعترف
هو ملكني بكل مابيه وشكد ما حاولت اطلعه من بالي بس موكادره

القرارات الي صدرت بخصوص اهل دابر
حيل اذاني يعني بعد ما اشوفه لان هو بصريح العباره رفض مرام وكال لو يصيغوها ذهب ما أخذها
المره الي رفضتني ما اتقبلها
لهذا اعتقد الوضع راح يتأزم اكثر

خاصه اخو تزوج واخذ من هذيج العائله الي ع خلاف ويانا ( الي غلطو ع عمي بالديوان )
وهو وكفو اله اختها لزوجه اخو
بس الشي الي طمني هو رافض حتى (اخت زوجه اخو)
هذا الي طمني وبقيت ع امل جيته للبيت
وانتظر شوكت يوكع الحطب بين العائلتين ..

بدت المدارس والروتين نفسه
وحده تخفف عن الثانيه صح اكلنا طن رزايل بخصوص
الرسوب بس الحياه مستمره محد مات
ومابيدنا شي نسوي
درسنا وما طلع بيدنا اذا بالنا مو صافي ومشغول
شبيدنا حتى مستقبلنا نخسره

دهليز : شكد عوبات انتن

سيلينا : اششش حرف واحد ما اريد منج

ريفان : اخغسي( اخرسي )

دهليز : طكيتها بضحكه ، خايبه ام السان المكصوص ع كولت رهيب ، اسكتي احسن الج

ريفان : ناظرتها بطرف عيني مو عاجبني كلامها

دهليز : زفرت انفاسي بقوه وخليت رجل ع رجل ، اي بله شكلتن لنفسجن من رسبتن بالثاني وانا صرت
ثالث ؟؟؟؟

سيلينا : عوجت حلكي ، ماكلنا شي

ريفان : كرصتها من ايدها بقوه واردفت ، انتِ شكلتي لنفسج من نجحتي وعفتينا هااا

دهليز : اوي لج ايدي حيوانه ، والله ياحبيبتي دحكي انا اريد بس اخلص من المتوسطه حتى حبيبي يجي يتقدم الي واتسجل ب اسم لهذا تشوفيني 24 ساعه اقرا
حتى اخلص وما ارسب واعيد ونوب هو يطلع الي
حجه ويكول كملي سنه ثانيه يلا اتقدم
علمود مايكون اهلج عدهم اعتراض

ريفان : شكدددد خااينه

سيلينا : ريفانه

ريفان : ها ها

سيلينا : دكومين انا وياج نكتلها

ريفان : وكفت ع طولي وانا ارفع ب أكمام قميصي ، يلاااااا

دهليز : وكفت فازه ، وعيون اللهيم اذا وحده قربت عليه وتكاونت وياي اروح اشكي عليجن

سيلينا : اشو انجبي لج تشتكي علينا ام حلك

ريفان : لك هلاااااا نوب صاغت تحلف بعيون اللهيم

دهليز : رفعت حاجبي ، عجل غير لهيمي

سيلينا : هزيت ايدي والله يا الله ، وانتِ الثانيه
عاينت ع ريفان

ريفان : ها شبيه انا

سيلينا : انتِ بله شكووو ما نجحتي هاا

ريفان : ابتسمت ، غيغ وياج

سيلينا : غميتها ، غمه بوجهج شكو وياي بله انا
عوبه ومشغول بالي بالحب من طرف واحد انتِ شكووو
اشو الي تحبي يمج
ويحبج

ريفان : رفعت اكتافي ، مدغي والله لمهم وياج

دهليز : تعاي تعاي ولج

ريفان : ب استغراب ، شكوو خوفتيني

دهليز : رفعت حاجبي ، لج مو ع اساس اخوج ؟؟؟؟

ريفان : هزيت راسي بنفي ، مو اخويه

سيلينا : عوفيها انا جنت شاكه بيها بسبب تصرفاتها اخر فتره وهمزين طلعو يحبون بعض احسن
هو يحبها وهي تحبه وقريبين ع بعض محلاها مو مثلي انا او انتِ بعاااااد

دهليز : اي والله ، اوووف

سيلينا : بدت الأجواء المسابقات بين المدراس وهم مدرستنا شاركت كذلك فزنا واخذنا الصداره
طول هل ستنين بعد بس سنه وحده
بالثالث وتنتهي المسابقه

المهم رجعنا ندرس ولتهينا بالدراسه صح
كلبي لهسه يدك اله وعقلي دم مشغول ويا
بس ماكدر لأي شي ماكدر اسوي باقيه انتظر معجزه ربي حتى انوله واحصل نعمه هذا التعب الي تعبته

رجعو اهلي الموافقه لل اجوي طلبو اختي مرام
وهو جان ضابط بوقتها هي اقتنعت بي وقبلت
وكالت انا اصلاً ردت زوجي المستقبلي يكون
احد هل وظيفتين لو ضابط او سيد
لهذا مشوا عليها وصارت الخطبه و مرام انخطبت
من هذا الضابط
هم خوش ناس وحبابين ومابيهم العيبه

طول هاي الفتره وانا ماشفت دابر مره ثانيه ولا مره
من اول ما نقطعت هاي الاخبار بعد ماشفته

حددو موعد زواج مرام كل هذا واحنه خالين كلبنا بالقوطيه خاف يصير شي ويخرب عرسها
او تجي مصيبه ثانيه وتفركش هذا الزواج لهذا حيل جنه حذرين
وخايفين لا يصير شي وياها

كل حاجه نسويها نترقب الوضع نريد بس يمشي
هذا الزواج ع خير لان لو صار شي لا سامح الله
مرام تنتهي

كذلك اذا صار شي وخرب هذا الزواج حتماً
تصير الدابر وهذا الشي حيل قالقني
ع طول الايام وانا ادعي

( ربي يسهل هذا الزواج ، ربي لاتجي مصيبه ، ربي احنه بيدك ، اخرها بعد كل هذا الدعاء اتعب واختمها، ربي انتَ الي تريده يصير غصب عني وعن كل واحد لهذا لا اعتراض ع حكمك )

اجه يوم الزواج هو اليوم الموعود
وصرنا انجهز ل مرام
مخبوصين والدنيا محتركه يمنا ناس طابه وناس
طالعه
أجواء البيت مرحه والبنات الي موجودات يزيدو جماليه

من ضحك وشقى وتجهزي نفسهن للعرس
تخطيط الرقص ومنو تسوي هيج ومنو تسوي هيج
لهذا جانت الأجواء كلش حلوه

دنرتب بالاشياء الحنه وفجأه سمعنا صراخ قوي
كلنا شمرنا البيدنا وركضنا ع مصدر الصوت
خايفين ومرعوبين

أجسامنا ترجف عيونها تزر تريد تعرف شنو الي صار
اول ما طلعنا برى وكفنا مبهوتين
وكل حيل مابينه اخرها شفنا اطفال متعارين بينهم
وامهم صرخت عليهم بصوت عالي وخلتنا ننرعب من يمنا وعبالنا صارت عركه جديده وراح يخرب العرس
مال اختي

امي عاطت بيها بخوف وتريد تفهم شكو اخرها ردت بكل سهوله ابني ضارب اخو ع عينه وزالغها
وانا عيطت عليه

من عرفنا السبب هزينا ايدنا ورجعنا دخلنا نصها تضحك ونضها بعدها الهبطه بيها كل هذا بسبب هذول الملاعين
بس مع هذا بقينا حاطين ادينا وكلبنا بالشيشه
لا يصير شي

الى ان بدأت مراسيم الزواج وعده هذا اليوم ع خير واختي تزوجت وصارت بقفصها الذهبي للشخص يستاهلها

حالياً هاي النقطه صارت الصالحي
شكد ما انقهرت ع زواج اختي لان متعوده عليها
بس لابد تتزوج اخر شي وتأسس حياتها قابل
ع طول تبقى بوجهنا
دعيت من الله يوفقها بحياتها ويسعدها ويه زوجها

مرت الايام اجت ايام وراحت ايام
الى ان رجع دابر علاقته بينه
خاصه هو علاقته ب ماما حيل قويه يعتبرها مثل امه
هو دابر اكثر شي وياها
مو ويانه عود نحن البنات وكذا بس لا
علاقته ب ماما اكثر
وانا استغل هاي العلاقه حتى أمتع نظري بي

طبعاً انا مو امدح بنفسي بس عندي حب استتطلاع
للبيت يعني اي شي عاطل اغيره
اذا شفت كلوب ( مصباح ) عطلان اغيره او شمعه، قفل وغيرهم،

واكفه بنص الديوانيه وشفت اكو كَلوب عطلان
رحت وصيتهم ع واحد وانا اجهز بالدرج اخلي بمكانه حتى اغيره
جابو وانطو الي عاد انا صعدت الدرج وبيدي الكَلوب
واكفه اغيره وما احس الا واحد من ورايه يكول ..

دابر : خاله شلون تخليها تغير الكَلوب لاتنتنل ونبتلي ع عمرنا

سيلينا : ماعبالك كال كلام تحذير عبالك كال الي غزل وتغزل بيه بحيث هاي كلمته
طيرتني فوك السما حيل فرحت

ام زياد : لا يمه هي 24 ساعه ادور بالبيت وتعدل بي
سيلينا معدله ما ينخاف عليها

سيلينا : انا كلبي يرجف لتفتت اشوف شلون يعاين عليه بس شفته ابتسم وهز ايده واردف ..

دابر : رجال بيت ماينخاف عليه

سيلينا : عقدت حاجبي وهو طلع ، اووو هذا شلون يشوفني هيج عابت اله نرفزني

مرت فتره وهو اختفى بعدها عرفنا دابر تعين
بالشرطه صح استغربت انا شجابه ع الشرطه
بس ما حصلت لجواب لكه تعين وتعين مابيها شي
هذا الي خليته ببالي

صارت حنه ابن عمه دابر لهذا جان المفروض نروح
خاصه هم عزمونا لهذا احنه حضرنا الاغراض الي نحتاجها وفساتين الحنه والعرس
واخذنا وطلعنا للناصريه بوقتها حيل فرحت لان راح اشوف دابر هناك
خاصه هو هاي الفتره مايجي هواي بسبب شغله

اول ما وصلنا للناصريه انا اتلفت بس اريد المحه
طكت روحي وماشايفته حاولت هواي ادور عليه
بس ما لكيته عجززت عضيت شفتي بقوه حتى
حسيت الدم طلع منها
دخلنا جوه والبيت مليان ناس من الصغار الحد الكبار

احس خابت امالي وانا توقعت راح اعاينه يمكن هو بعده ما جاي اي بقيت انطي لنفسي تحفيز
وامل

صار الظهر كلها تغدات وبعد الغده طشو يجهزون نفسهم
لان راح تصير الحنه
عاد كلنا رحنه بالغرفه يم البنات طبعا ماما ماقبلت اخلي مكياج دكول بعدج صغيره بس انا شوي خليت ههههههههه غيرت ملابسي لبست فستان طويل ب اكمام طويله بس قالب ع الجسم وشعري تركته مفتوح

بدت الحفله ورى شوي البنات صارن يركضن فوك استغربت منهن سألت وحده منهن كالت الزلم برى راح يلعبون جوبي وهن راحن فوك حتى يشوفن
عاد انا حسيت الحماس صار عندي فول
رفعت طرف فستاني ومشيت وراهن حتى اعاين وياهن
بلكت هيج والمح دابر

هستوني مشيت جان تلزمني ماما ..

ام زياد : وين ولج رايحه

سيلينا : ماما حبابه بس اشوف الجوبي

ام زياد : تمام روحي بس لا تخلين احد يلمحج ابوج هسه تلكي كاعد برى عيب

سيلينا : ماشي ماشي عفتها ومشيت بخطوات سريعه
صعدت فوك لكيتهن مثل القروده كل وحده
لازكه بمكان وتعاين ع الزلم شلون يلعبون الجوبي
زين هسه انا وين الي مكان حتى اشوفه ؟؟

لكيت مكان بين بنات اثنين بس حيل صغير
حشرت نفسي بينهن وصرت اعاين عليهم شلون
يلعبون بس عيوني تفتر تريد تشوفه وهناااك جان اشوف دابر يلعب جوبي و وياهم والضحكه مرسومه ع وجهة
من يمي ابتسمت احس روحي صار طير تريد تروح اله

البنات الي بصفي مستمرات يحجن بس ماعرف ليش كلامهن لفت نظري وسمعي لهذا خليت بالي وياهن استمع الهن ..

_ اخ ولج جاي تشوفين هذاك الصاك الي لابس اسود ؟

_ اي ولج شفته هذا يصير أقارب العريس

_ شنو من طول بربج اريد انسق ويا ترهم لو ماترهم

_ لا ماترهم ولج

_ لااا ليش لج ؟؟

سيلينا : من وصفو شكله انتبهت يقصدن دابر احس النار ووجت بداخلي بس استمريت استمع الهن اريد اعرف نهايه كلامهن وين يوصل

_ لج ماترهم لان هذا محجوز

سيلينا : وكف كلبي من كالت محجوز شنو المن
ماكدرت اتحمل لهذا لتفتت عليهن وانا اتصنع الابتسامه
سألتها ، شنو تقصدين منو محجوز ولمنو؟

ابتسمت ب لطف وردت الي..

_ حبيبتي انا اقصد دابر محجوز لان هوَ حالياً ع علاقه بوحده وبينهم علاقه حُب وناوي ع الزواج ..

_____________

ريفان : بقت عيوني ع رهبار اول ما نطق كلامه ويه ماما وانا اعاين عليه بخوف شلون يحجي هيج كدامها
اكيد راح ترفض وماتقتنع بكلامه
بلعت ريقي وانا اهز براسي لا حتى يسكت
بس هو ضحك ورجع لتفت لماما ..

انا سلمت أمري ل الله ولتفتت لجهة ماما اشوف رده فعلها بس توقفت كل حواسي بحديثهم

رهبار: ها حجيه شنو وكف الفلم عندج ، اردف وهو راسم ابتسامه واسعه ع ثغره

الحجيه : لا يمه ع شنو يوكف الفلم اذا صاحب الفلم كدامي

رهبار : عكس ايده وسند جسمه عليه ، اي بله غردي لاتسكتين سمعيني صوتج الحلو

الحجيه : ها ولك ابو السان شايفتك تحجي بزودك

رهبار : رفع حاجبه ، جا شني ترديني فرخ اضم نفسي
الي اريده احجي

الحجيه : ومنو يكول تأخذه؟

رهبار : ضحك بقوه وبعدها سكت ، اردف بهدوء ونظراته حاده ، أخذه وبزودي ماكو احد يوكف بوجهي

الحجيه : هاا

رهبار : اي يمه اي

الحجيه : دامك دكول يمه يعني انا امك وبمقامها مو

رهبار : عدل كعدته ، مكانج فوك راسي يمه

الحجيه : جا اسمعني عدل

رهبار : كل اذن صاغيه

الحجيه : هسه عاينت امك شرادت وشنو حجت بخصوص ريفانه والكلام الي طلع ان هي كاعده ببيت مو بيت أهلها و مايصير يمها رجال يحل الها

رهبار : عقد حاجبه ، شنو لزومه هذا الحجي مايعنيلي شي تررى حجيييه

الحجيه : خلي اكمل كلامي

رهبار : زفر انفاسه ، كملي

الحجيه : خلي ريفانه تكمل الثالث وتخلص
بعدها انتَ أعقد عليها حتى لاتلتهي بالزواج وهي ثالث وماتكدر تنجح وهم اذا تأخرت برى الثالث وماعقدوا امك تسوي سوايتها الله اعلم شنو وتخرب هذا الزواج
لهذا لا تستعجلون ولا تتأخرون
دامك تحبها انتَ

رهبار : تنفس بقوه ارتياح ، مو بس احبها انا عاشكَها بروحي بنص روحي هيَ

الحجيه : ابتسمت ، واضح هذا الشي وراح تسعدها دامك تحبها

رهبار : افا تشكين

الحجيه : لا يمه وليدي انتَ واعرفك شنو ، لتفتت لريفان ، وانتِ شنو رأيج يمه ؟

ريفان : صافنه بحديثهم وانا عيوني تلمع
همزين ماما ما اعترضت ابد بالعكس هي ايدت هذا الشي هي تحب رهبار وتموت عليه بس الي سوا اذاها بي بس من صلح الغلط الي سوا حاول تتغاضى عنه وتنسى

صافنه اسمع الهم وصدمتني بسؤالها ، بقيت اتأتأه ..

هاا ..ش..شنوو ماما

رهبار : ضحك ، حجيه واليسلمج لا تخجليها لان ما اضمن نفسي شنو ممكن اسوي بهاي الحاله

الحجيه : ضربته بالعودة، ولك شو انتَ صاير كلش مستهتر

رهبار : افاا توج يلا دريتي انا مستهتر من زمان
وشهادة اعتز بيها

الحجيه : ايا مشعول الصفحه ، وتحجيها بفخر

رهبار : غمز الها ، وبرحابه صدر احجيها

الحجيه : ضربته مره ثانيه ، كَليل الحيه صاير فد مره ولك يمه ماجنت هيج

رهبار : ههههههه رحمه لذاك النايم بالنجف، ايدي أريدها

الحجيه : واكسر راسك لك وانتِ الثانيه ماتحجين لو اكل القط لسانج

ريفان : بلعت ريقي ، شنو ماما

رهبار : حجيه عوفي بنيتي لا تحجين وياها تره اقاضيج

الحجيه : كوم لك كال بنيته كال

رهبار : جا شني غير هي بنيتي انا ،غمز الها وكمل ، ومريتي عن قريب

ريفان : هو كال هيج لو رادت دكول اله تكتله انا اضحك عليهم بس جسمي يرجف اكيد راح تقررني اذا طلع لتفتت انطيته نظره حزينه حتى ينكسر خاطره عليه وهو فهمني

رهبار : يلا حجيه نامي شني ماتعبتي واحنه نكوم

الحجيه : دهررر ولك يمفلوك بنيتي وين تأخذها رايده احجي وياها

رهبار : شتردين تعرفين اذا هي تحبني لوولا مو هاي انا راح أسألها كدامج

لتفت عليها واردف ، ها بويه تحبيني وترديني مثل ما انا احبج واريدج بروحي ؟؟

ريفان : صدمني بكلامه هذا شبي ليش هيج يحجي خجلني كدامها بقيت لا اخذ ولا انطي

رهبار : ضحك ، شفتي وكف الفلم عدها يحتاج تبديل شريط اتصور اخذتي اجابتج حجيه

الحجيه : اي يمه اخذت الجواب ، اسمعني رهيب لو لعبت بذيلك منا منا تشوف شي مني مايعجبك تريد الفرخه تعقد عليها يلا غيرها ماكو

رهبار : احم ها شني حتى مزمزه ماكو

الحجيه : ووووولك ررررررهيب

رهبار : ضحك بصوت عالي ، لاتخافين امزمز بعد ما أعقد عليها اطمني

ريفان : انا بس صافنه هذول شيحجون مزمزه شنو يعني ، سحبت نفس من خلصت كل هاي الهوسه
وهسه انا بغرفتي سديت الباب من بعد هاي الاحراجات
توقعت ما راح تخلص ابد بس خلصت ع خير

الحلو ماما ما اعترضت ورادت هذا الحب يتوثق برابطه معترف بيها يعقد عليه حتى نسد حلوك هواي من الناس
وتعتكف عني عمتي فاطمه وماتحاول تزوجني ل اي واحد

اتنفست براحه هاهي يعني انا بعد سنه اصير ب اسمه واخلص من هذا الكابوس وارتاح بحضن اكثر شخص احبه

أطورت العلاقه بيني وبين رهبار
وصرت ما انام اذا ما اشوفه وهو داخل للبيت بوقت نزوله
حيل حبيته وتعلقت بي وصار هو كل حياتي
اي شي منه صرت اتلهف عليه
حياتي بدونه عدم

من يلتحق ويروح لدوامه اتكئب واريد بس
الايام تمر حتى يرجع واكحل عيوني بشوفته
مرت ايام الدراسه بحلوها ومرها
مرها بسبب الدراسه وحلوها اكيد بسبب البنات سيلي ولولو

من نلتقي بالمدرسه وحده تحجي للثانيه همها
ونحاول نخفف ع الثانيه اي شي يصير وياها
ونطمنها مايصير الا الشي الزين الها
هيج نقضي اوقاتنا

عمتي فاطمه صارت ع طول تحاول تتحارش بيه
في سبيل تكوم عليه وتضربني اي صارت تضرب
تكفخ بيه تكفخ خاصه اذا ما شافت رهبار باالبيت
لان ماتسوي اي شي كدامه وانا ما احجي لان يرجع تعبان واريده وياي بس يضحك ما يعصب
لهذا شدت وياي كلش

و وين ما تشوفني تحجي بخزره ( انا الج الا اشوفج شي ماشايفته بحياتج )

انا اخاف من كلامها بس اردد ( ربي ان مسني الضر وانت ارحم الراحمين )ع طول ارددها لان ماما علمتها الي
اي خطر او احس بخطر اردد هاي الايه القرانيه
وفعلا تصيبني قشعريرة بجسمي وراحه

صرت انا وماما مانترك اي يوم بي صيام
رجب شعبان رمضان نقضيها صوم
وصلاه وانا اكثر دعاء ادعي يحفظلي ماما ورهبار
وصديقاتي لان هم كل حياتي
وبدونهم عدم

تعودت قبل لا انام اصلي و اقرا قرآن ما ترك اي حمل
ع كتافي احس بالراحه واكون حيل قريبه من ربي
يسمعني ويساعدني

اليوم راح ينزل من دوامه لهذا انا متجهزه
و واكفه ع اهب استعداد
ساعه ساعه دقيقه دقيقه ثانيه ثانيه
منتظرته ع نار بس اريد
اكحل عيوني بشوفته
آمنت عمتي فاطمه بغرفتها
وايلان بغرفتها وماما نايمه
وهو اصلاً الوقت ماتوقعتي ينزل بي
لهذا استغليت هذا الوقت حتى اروي
عيوني بشوفته

اول ما سمعت الباب انفتح رحت طااايره
حتى ما لبست اي شي برجلي
ركض بركض اريد يشوفني انا اول وحده
طلعت برى لكيته جاي ينزل من السياره
والباب الرئيسي الحرس سدوا

هو انا شفته بزي العسكري بكل هيبه
وضخامه جسم لو احس روحي طارت مثل الطير
رفع راسه وشافني فتح اديه الي وهو يضحك
بهدوء وتعب
ركضت بكل قوتي وارتميت بحضنه هو
احتضني ورفعني من خصري لداخل صدره
بكل قوته حط راسه برقبتي وسحب نفس
قوي وهمس ..

رهبار : اخ بويه اشتاكَيتلج هواي يابعد الروح

ريفان : احتضنته من رقبته بكل قوتي وانا احس
دكات كلبي الدنيا كلها سمعتها
اتنفس عطره وانا الفرحه تارسه روحي
همست وانا روحي صارت بروحه

حييييل اشتاقيتلك غهباغ ..

حسيت بي ابتسم وهمس بنفس همسي

رهبار : جا انا شكول ولهان عليج يابعد الروح وأهلها

ريفان : ابتعدت وصار وجهي بوجهي بسته من خده وابتسمت ، الحمد ع السلامه

رهبار : ضحك ، الله يسلمج يابعد الروح

ريفان : خجلت من نظراته نزلت راسي واديه خليتهن ع كتفه وهو لسه محتضني ورافعني من خصري لصدره

رهبار : دخيل ربج شني هل حلا تنكرطين كرط

ريفان : ابتسمت وحاولت انزل بس هو قوه لزمته

رهبار : وين ابوي انتِ مو سمطتي ابو ابوي

ريفان : فتحت حلكي وعيوني ع وسعهن ، ياااا

رهبار : بنظرات ذايبه، ووجعا

ريفان : ضحكت ، نزلني هسه يطلعون

رهبار : غمز ، شلون استقبال حار يجوي جوي
وخلاني انجوي واشتعل بنااري وما انطفي

ريفان : ها شنو ؟؟

رهبار : ضحك بقوه ، دخيل رب الفهاوه

ريفان : عضيت شفتي ، نزلني
نزل عيونه لشفايفي وهمس ببحه حلوه خلتني انسحل سحل

رهبار : تدرين عضه الشفه ذنب ، ورايد انا
انترس بذنوبها ..

ريفان : توترت منه ، ش..شنو يعني

رهبار : طول بنظراته وهو ساكت

ريفان : بقى صافن بوجهي ونظراته تتاملني
حتى خجلت من نفسي فجأه قرب راسه مني وباسني
من خدي وهو يتنهد بقوه
نزلني وعاط بيه

رهبار : بنت اللذين شسويتي بيه لعبتي بحالي لعب

ريفان : يا شسويت انا

اشو هذا عافني ودخل جوه رحت ورى بس سبقني
صعد فوك دخل لغرفته وسد الباب
ضحكت ع تصرفاته اكيد زعل لالا يدلل عليه اوف شكد احبه

مر اليوم واحنه نباوع ع بعض بالختلات
من جوه لجوه الى ان كاعدين كلنا
سوا وعمتي فاطمه حجت..

فاطمه : يمه احنه لازم ناخذ ايلان تتعالج
ترى قلبها تعبان ويحتاج عمليه

رهبار : عقد حاجبه ، شكال الج الدكتور يمه

فاطمه : العلاج مايفيد الا عمليه

رهبار : زفر انفاسه ولتفت ع ايلان ، شو تعاي حبيبتي

ريفان : انا عيوني عليهم هي وكفت وراحت مشت بتجاهة هو سحبها كعدت بصفه وحضنها لصدره
ماعرف ليش دمعو عيوني وحسيت ب احساس موحش
يأذي هواي هواي
يعني لو عندي اخ لو هم عائلتي الحقيقية شنو راح يصير يعني ؟ احتوي اهلي وهم يحتووني
ام طالعه من احشاءها وأب من صلبه
حنينين عليه ويحبوني عندي اخوات وأخوه
شنو لو صار هذا الشي نقلب الدينا لو اموت
ياريت لو يوم واحد بس يوم واحد احضى بهذا الحب
واحس بهذا الاحساس
ويكون عندي اب وام اخ واخت حقيقين
يحبوني واحبهم

نزلت دموعي وأنا اعاين عليهم شلون خاضنها
ويطبطب عليها لان مريضه يغير من نفسيتها و
يقويها شيصير لو عندي هيج شخص
يقويني مويحاربني حسيت نفسي انفرضت ع عائله
مارايدتني ولا متقبله وجودي
ليش هيج هواي تأذيت وانجرحت

عضيت شفتي بقسوه امنع صوتي لا يظهر
نزلت راسي وانا احاول امسح دموعي
اسمعه يحجي وياها ..

رهبار : ها خويه ليش هيج تعبانه و وجهج اصفر
ولا يهمج اروح ل اخر الدنيا لو صار علاجج بيها
لمهم تردين بخير

ايلان : حبيبي الله لا يحرمنا منك

رهبار : يمه كولي وين وصى الدكتور تصير العمليه

فاطمه : سحبت نفسها ، ب إيران ضروري نروح نسوي
العمليه هناك

رهبار : اخ الله وشغلي شلون

فاطمه : خالك موجود هو يدبرها

رهبار : ان شاء الله انا هم نويت احجي ويه خالي هو عقيد ويدبرها

فاطمه : خوش يمه لمهم انتِ ويانه

رهبار : جا شلون اذا انا مو وياكم منو يروح وياكم

ريفان : رفعت راسي صارت عيونه بعيوني عاين عليه ثواني و عقد حاجبه
انا ماكدرت اتحمل ابقى وكفت وكلت الهم تصبحون ع خير وصعدت فوك اركض
دخلت للغرفه وسديت الباب وطكيت بالبجي
كل دموعي صارت تنزل

ماعرف ع شنو ابجي بالضبط لان راح يروح شهر كامل وما اشوفه لو لان الموقف الي صار كدامي
ويه اخته لو غيرتي من اخته لان بحضنه
ماعرف ع شنو بالضبط

خليت ايدي ع كلبي وصرت اشهك بالبجي
شكو بجيه بكلبي بجيتها
حسيت انتهيت حتى النفس ما كدرت اسحبه
روحي فرفحت الكلمه بالكوه اطلعها
حاولت اهدي نفسي بنفسي الا ان كدرت اسحب نفس واهدي روحي

تسحبت للفراش نمت ع المخده وانا دموعي بعيوني
مر الوقت وانا عيوني ما أخذت نوم
ماعرف شكد مر الوقت بس سمعت فتحه باب
سريع غمضت عيوني وسويت نفسي نايمه
بس انفاسي والدموع الي ع وجناتي راح يفضحني

ثواني وحسيت ب شخص كعد كدامي
وايد صارت ع وجناتي تمسح بدموعي عرفته هذا رهبار من خشونه ايده وحرارتها
فجأة طبع بوسه ع جبيني وهمس عند اذني ببحه حلوه
كلها حنيه ..

رهبار : اعرفج كاعده فتحي عيونج الحلوه حبيبي ..

ريفان : فتحت عيوني ، من شفته كدامي
حسيت عيوني خوركن بالدموع

رهبار : ليش مأذيه حبيباتي هيج ومذبلتهن بالدموع
ها .. ؟ اردف بهمس وعيونه بعيونها

ريفان : بقيت ع نومتي وهو يمسح بخفه تحت عيوني
ويهمس بهدوء من شافني ماجاوبت رفعني من ايدي
وسحبني كعدني ع رجله وانا تنفسي زاد
بس قهره كلبي اكثر

رهبار : ليش ماتحجين وتريحين كلبي الي تعلعل بيج
وماكدر ينام لان روحه تلوب لروحج

ريفان : بلكوه طلعت الكلمه مني ، ليش ا..انا ما عندي أهل مثلكم

رهبار : عقد حاجبه ، جا احنه شني بويه موش عائلتج ؟

ريفان : بجيت نزلت دموعي وهزيت راسي ب لا

رهبار : ريفان عيونج بعيوني واحجي

ريفان : بلكوه احجي واشكي اله ، هسه من شفتك
ويه ايلان وحبك الها تمنيت عندي عائله
وأهل حقيقين حتى يحبوني مثل ما عمتي تحب ايلان وانتَ تحبها صح انا هسه احبك حب يختلف بس لو انتَ اخويه وحصلت مثل ايلان حنان الأخ وعطفه الي
لو ماما هي بيبي هواي اشياء مفتقدتهن وحابه
يصيغن عندي
بس اشياء تعجيزيه تمنيت لو حياتي مو مثل هسه
بس كل شي صاغ عكس ما اغيد
لاتعتبغ هذا كلامي يدل ع عدم حبي الك لا بالعكس
انا احبك هسه بحب يختلف مو حب اخوي
بس موبيدي صدكني ، حجيت اخر كلمه وضميت راسي ب ايدي وبجيت بقوه ..

رهبار : شو بويه عايني علي ، سحب اديها وهو يناظر بعيونها ، اردف بهمس وعيونه تتاملها

انا اصير الج الكل ، اب،  اخ ، ام ،اخت ، شتريدين اصير حتى لو ردتي ابن هم اصير ما اخليج تحسين بفرق
انا موجود انتِ حبيبتي وروحي وكل حياتي
لاتخلين هاي الأشياء تبجي حبيباتي ازعل عليج..

ريفان : ابتسمت،  يعني اعتبغك اختي

رهبار : ضحك ، هاي تاليتي اصير بنت ل ام السان المكصوص

ريفان : انتَ بعد كلت

رهبار : اي بويه كلت ما مجذب اصير لعيونج

ريفان : ضحكت بخفه ، وتصيغ ابني ؟

رهبار : اخ ربي انتَ اعلم مني وين وديت نفسي

ريفان : اردفت بزعل ، غهباااغ

رهبار : ها يا ام السان المكصوص

ريفان : ابتسمت ، وتصيغ ابني

رهبار : اردف بهمس ، اصير بويه اصير وانا الممنون

ريفان : احبك انا ابني

رهبار : اموت عليج امي

ريفان : ضحكت واحتضنته بقوه وانا كاعده ع رجليه
حسيت كدر يطلعني من الاني بي
عضيت ع شفتي من حجه

رهبار : يعني انتِ ماغرتي من ايلان لان جانت بحضني
وتتشبك بيه ها

ريفان : ها

رهبار : هو انتِ هاي الفالحه بيها ها وها،  ووجعا

ريفان : غهباااغ

رهبار : هههههههه هشش بويه فضحتينا

ريفان : بقيت ساكته واعاين عليه

رهبار : راح اشتاكَلج

ريفان : دمعو عيوني من تذكرت السفر

رهبار : بلا بجي ابوي انتَ صدكيني ما اخليج تحسين بغيابي راح اجيبلج جهاز حالياً نتواصل بي انا وياج
خوش

ريفان : هزيت راسي ب اي بس رافضه فكره روحته ابد ما اريده يروح اريده كدام عيني خايفه ماعرف ليش

غاح اشتاقلك هواي انا  ..

رهبار : موش بكدي ..

ريفان : ماخلاني انام وانا دموعي بعيني ضحكني يلا تركني نمت وانا شوي مرتاحه
عاد ثاني يوم بدأ رهبار يجهز للسفر بعد ما خاله دبر اله اجازه شهر كامل
بوقتها محد يكدر يسافر بس ماعرف شلون خاله
دبرها من يمه ، خلصوا إجراءات كلها وقرروا يسافرون
حجوز وثاني يوم السفره مالتهم
يعني لازم يطلعون من الصبح للمطار ..

بقيت طول اليل وانا مقهوره يعني ثاني يوم راح يروح
وما اشوفه بعد كعدت بالغرفه وانا اكل ب اصابعي
من التوتر عاينت ع الساعه راح تصير ب 12
زفرت انفاسي بقوه هسه اكيد
نايمين طلعت برى البيت هدوء
وكفت من فوك الدرج ماكو اي صوت
ردت انزل بس صارت غرفته كدامي
والضوه مفتوح يعني بعده ما نايم
تمشيت بخطوات مترنحه
رجل اطك برجل بس
شوقي اله اكبر

فتحت الباب وصار هو كدامي جان
جاي يريد يطلع من شافني ضحك ..

رهبار : بنت الحلال هستوني ردت اجيج

ريفان : ابتسمت ، ليش

رهبار : شنو ليش بعد شهر ما اشوفج ف ردت اروي عيوني قبل لا اروح

ريفان : امممم ، ماحجيت بس بقيت اعاين عليه
هو سحبني وسد الباب .

رهبار : تعاي شو هنا يمي

ريفان : سحبني وكعدني ع السرير راح للكنتور ماعرف شنو طلع واجه بتجاهي كعد بصفي ولتفت لناحيتي
لزم ايدي وحط بيها شي نزلت نظراتي شفته جهاز

رهبار : هذا بي بس رقمي انا ويومي اتصل بيج
ماخليج تحسين ابد

ريفان : ابتسمت وانا عيوني تلمع بالدموع ، وعد ؟

رهبار : وعد حبيبي

ريفان : حبيبي !

رهبار : جا شني غير انتِ حبيبي

ريفان : وانتَ ابني هههههههه

رهبار : هز ايده ، هاهي راح تاخذيها لزمه عليه

ريفان : هزيت راسي ب اي وانا اضحك

رهبار : اشو تعاي جاي

ريفان : سحبني وحط راسي ع صدره ماعرف ليش بجيت بس حاسه بشي مؤذي ومتعبني هواي
هو احتار شلون يسكتني
اخر شي هددني مايتصل بيه لو استمريت بالبجي
يلا سكتت بعدها وكف ع طول و وكفني كدامه

لزم اديه وعاين عليه بنظرات حيل حلوه
رفع اديه ل شفايفه بحيث الا رفعت رجليه يلا وصلن اله باسهن بهدوء وهمس الي ...

رهبار : خليها ب بالج انا احبج ومستحيل يجي يوم
يقل حبي الج ولو شوي

ريفان : وانا احبك كلش

رهبار : جا توعديني ماطول تحبيني حبيباتي لا تذبليهن

ريفان : انتَ بس لا أطول و واعدك

رهبار : جا خوش متعادلين هسه

ريفان : متعادلين

ردت اطلع بس ماخلاني سحبني لحضنه حضني بقوه
عبالك راح يفارقني سنين مو شهر
حط راسه برقبتي وسحب نفس قوي باسني براسي وبعد عني وهو بلكوه يجر النفس

رهبار : روحي بابا روحي ترى ما اضمن نفسي

ريفان : ضحكت شلون متحلف اخذت الجهاز وطلعت ركض رحت للغرفه وانا اضحك هو غير مودي هواي وماخلاني انام بتفكيري

ثاني يوم تحضروا وحطوا الجنط بالسياره
والحارس يرجع السياره للبيت بس يوصلهم للمطار
طبعاً ودعت عمتي وردت من ورى خشمها
وايلان ردت عادي مابينه اي شي وودعتني
صعدن للسياره وهو بقى واكف كدامنا انا وماما

الحجيه : ها يمه شو واكف

رهبار : حجيه بنيتي امانه يمج

الحجيه : شو اطلع ولك اطلع تأمني ع بنيتي

رهبار : ميخالف ادري بيها بنيتج بس روحي بروحها

الحجيه : ضربته بكتفه بالعودة، عيب ع الاقل استحي مني ولك

رهبار : ضحك بصوت عالي ، تقرب باسها من راسها

ريفان : انا قريبه منها غمز الي وتقرب خطف بوسه
من خدي وطلع وهي تصيح عليه
خلاني اضحك

صعد بالسياره ورفع ايده بمعنى مع السلامه
مشت السياره وانا شمرت ماي وراهم
فجأة كلبي نغزني بصوره عجيبه
بحيث وكفت وخليت ايدي ع كلبي
خايفه عيوني لوحدهن
دمعن ماعرف ليش حسيت
بالخوف ليش هيج صار شنو يعني
معقوله راح يصير شي سيء
وياهم !!!!! دخيلك ربي احفظهم
خاصه رهبار هو كل حياتي لا تأخذه
مني يارب لا تأخذه احبه وروحي متعقله بروحه

_________________

للحكايا بقايا ♡