رواية دجن الضليع الفصل الثاني وثلاثون 32 - بقلم رهف علي

نبدأ بذكر الله ﷽💛✨

متابعه للحساب قلبي akyta_98
للتواصل ع حساب الانستا akyta_98

في منتصف الطريق
أختار أغنيةً
أغنيةً اعرف أنها
ستجعلني أتجاوزُ البيت
وأعرفُ ايضًا
أنها على حقّ.
.🥀🖤

________________

سيلينا : فتحت عيوني ع وسعهن وانا مصدومه
شنو هااااي دخيلك ربي !!!!!
اعاين ع الركن مال الحديقه كاعدات زوجه حمايه
وحماتي وبنصهن نار ويحرقن بالاوراق
واكو بصفهن بخورات هواي
وكل شوي ساحبات ورقه وحارقاتها احس
جسمي نمل أعوذ بالله هذن شنو جاي يسوون
ليش هيج يحرقن وبهذا الوقت من اليل
وخاصه هنَ يعرفن الكُل نايم
اكيد خلى الهن الجو وطلعن يسون
بس شنو جاي يسوون ماعرف ليش
حسيت بالخطر ماعرف شلون نطقت

شنوو هاااي ؟ شدسون ؟؟؟
هن اثنينهن التفتن عليه بص بدون اهتمام
كأن هل شي عادي وعادي عندهن اشوفهن شنوو
جاي يسون لان ما انتفضت وحده منهن ولا عاطن
بوجهي ردت عليه زوجه حماي سعود بعدم مبالاه وهي مستمره تحرق

أمنه: هذا السعود جاي اسويله حتى يلكه شغل

التفتت ع حماتي نهى جان ترد عليه وكأن
مامهتمه ابد ..

نهى : انا جاي اسوي وياها فتح قسمه الي
شكوو مستغربه !! روحي نامي احسن الج
الوقت متأخر. .

سيلينا : هذن من كل عقلهن هيج جاي يسوون وبهذا الوقت
لتفتت وهزيت ايدي حتى ما رجعت الهن ولا حجيت وياهن ما انطيت للموضوع اهميه حتى افكر بي
بس حسيت بنفسي ناقصني صلاه وقراءة قرآن
اتوضيت ورحت للغرفه كعدت اصلي صلاه اليل
طبعاً صلاه اليل دابر علمني عليها
وخلاني التزم بيها صح تركها مكروه ولازم من
بعد ما تنترك بس انا هم تعودت عليها حالها حال
الصلاه العاديه استمريت عليها واذا شي يوم
ما صليتها احس بنقص لهذا ماحسيتها صعبه ابد
اول ما خلصت الصلاه سحبت القرآن و ع ضوه خفيف
كعدت اقرا حتى ما يكعد دابر
احس براحه عجيبه من اقرا وكأن انا قريبه من
الله و يسمعني وانا اسمع رده الي من خلال الايات
الي اقراهن لهذا احس بالارتياح
سديت القرآن ورجعته المكانه

وكفت وتمشيت للسرير دابر جان نايم تقريبا
ع بطنه كعدت ارفع ب ايده حتى ادخل لحضنه
وهو نايمه مايحس اخر شي بالكوه رفعت
ايده ودخلت بحضنه هو من حس بيه
حضني بقوه ونمت...

ريفان عرفت بيها من ماما هي تزوجت
وبعد من هذا اليوم انقطعت علاقتي بريفان
وماعرفت عنها اي شي
انتهت علاقتي ويه صديقتي طفولتي
وحبيبتي اليوم الي تأذيت بي أضعاف
وحتى بجي بجيت بي بوقتها
هاهي انقطع اخر خيط امل انُ التقي
بيها من جديد خاصه هي راحت البغداد وماعرف وين
ساكنه اساساً كلش حزت بنفسي
هاي مو بس صديقتي هاي اختِ الي ماجابتها
امي شكد بجيت عليها وكلت ع ربي
يجمعني بيها بيوم من الايام
ويجبر خاطرها وين ما جانت ويسعدها
بحياتها الجديده
صح هيَ بعدت عني لمكان بعيد
بس تبقى بكلبي وين ما راحت اختِ وفرحتي ..
اما دهليز علاقتي بيها هي هي زادت اضعااف
انا اروح الها وهيَ تجيني

ع سالفه دهليز هسه انا جاي اجهز نفسي
اصريت ع دابر حتى ياخذني الها
وهو راكب راسه معاند
مايقبل اروح وهاي هو هسه جاي يغرد وانا
ساكته بس حتى اروح وما اسوي مشكله
ويقلب عليه بالكوه لازمه الساني

دابر : هسسسه البيت وبي زلم كلها غربه شكوو
رايييحه

سيلينا : ها حبيبي مو كلت الك اريد اشوفها
يعني هاي مو حاله حتى خطوبتها خليتني
اروح الها بعد ما خلصت ليش هيج
والله راح ازعل وتعرف زعلي شلون يصير

دابر : استغفرر الله امشي لشوف خلصيني

سيلينا : ضميت ضحكتي حتى ما يشوفني اضحك
ويخرب الطلعه ، لبست عباه خليجيه
وحتى مكياج ماخلاني تحط بس قليل
وكل شوي وكايل خففي مكياجج
وانا ساكته ومتحمله
طلعنا واخيراً حتى بالطريق ساكته
إلى أن وصلنا اول ما نزلت لتفتت عليه ...

هااي ماطلعت روحه سويتها بالمنيه عليه
شدعوااا هسه انا شنو طلبت منك هي
اروح الصديقتي قابل رايحه لافريقيا
يلا وهسه عود ششششكرا للتوصيله
من اتصل عليك عود تعال ...
عفته فاتح حلكه ومصدوم
لان جنت ساكته ومن شفت نفسي وصلت
صرت اغرد ضحكت ع تعابير وجهة بس
يستاهل شلع كلبي يلا اقتنع ..

ماطولت يمها هواي خاصه هي مشغوله بالحب
تبعها وانا هم دابر هلكني بس يتصل
ويصيح يلا ما يلا دوخني
رجعت ويا والطريقه كله كالبه وجهي عليه

دابر : شبيج !!!

سيلينا : وتسألني ؟ يعني الله عليك ربع ساااعه بسسس ؟؟؟ انا شنو شفت منهاااا واكفلي بالباب شكووو
مو ع اساس رحت

دابر  : ماكدرت اروح شسوي يعني وانتِ كلتي تسلمين عليها موزين ربع ساعه ماخليتها عشر دقايق

سيلينا : لا بله

دابر : أي والله

سيلينا : سكتت لان الحجي ويا ضايع
اول ما وصلت للبيت دخلت الغرفتي
غيرت ملابسي وكعدت ع القنفه
اتابع تلفزيون هو ما بطل يتحارش بيه وانا
ما اعاين عليه اخر شي حط راسه بحضني ويعاين
عليه

دابر : مو احجي وياج شلون تخليني هسه
اكوم الها

سيلينا : بدون نفس ، ها

دابر : العبي بشعري

سيلينا : خليت ايدي بشعره صرت العب بي
ع كيف فجأة اجه ع بالي الموقف هذاك الي صار
بخطوبتي بدون ما احس ضحكت..

دابر : بسم الله الرحمن الرحيم ع شنو تضحكين
تخبلت البنت

سيلينا : اي تخبلت عليك ديربالك

دابر : الله يهديج،  هسه ماكلتي ع شنو تضحكين

سيلينا : تذكرت يوم بالخطوبه وضحكت

دابر : الي هو ؟

سيلينا : ابتسمت وانا اعيد بذاكرتي الي صار
بيومها اجه يشوفني اول مادخل سد الباب
اجه ونام ع رجليه حط راسه بحضني
ورفع ايدي ع راسه وكال العبي بشعري
انا هم ما كلت باطل خليت ايدي بشعره
وصرت العب بي كلش حبيت هذا الشعور
وهو هم سلطن وصار يغفي
فجأه ما حسينا الا الباب انفتح بقوه
رفعت راسي اعاين عمي دخل علينا
انا ماعرفت شنو اسوي نوب دابر راسه صاير
بحضني ردت يبعد عني عاد انا شلت راسه
ب اديه اثنينهن وشمرته ع القنفه بقوه
ما سمعت الا صوت ضربه قويه التفتت
منحرجه لكيت راسه مضروب بحافه
القنفه وهو حاط ايده ع راسه متأذي
بوقتها الفشله الي اكلتها ماتنسي
عمي طلع يضحك علينا ودابر خازرني
وانا من فشلتي عفته وطلعت اجيب اله
ثلج ...

رجعت من ذاكرتي وانا جنت اسولف اله
ع الموقف مره ثانيه وهو يضحك

دابر : لج كل ما اتذكر الي صار احس براسي
يصير يوجعني بنت اللذين شلون شمرتي
راسي بهاي الطريقه ما كلتي هذا المسكين شلون بي

سيلينا : ههههههه هو غير عمي مل انطاني مجال
دخل مداهمه علينا

دابر : خرب علينا الجو وانا ردت اغفى وانام
وانتِ تصيحين شافنه شافنه وشمرتي راسي
ادري قابل حاصرج بالديوانية هو انا نايم
ع رجليج

سيلينا : لااااا هي هاي العايزززه جان نفضحناا اشو اكول  يلا كوم حبيبي الوقت تأخر واخذتنا
السهره وراك دوام
هو هم ما كال باطل سحبني لحضنه ونام
انا ورى نمت
ماعرف شكد مر من الوقت بس فزيت ع اثر
كابوس حيل يخوف بحيث
صرت اتنفس بقوه وانا ماعرف شنو اهلوس
ع اثرها كعد دابر من النوم شاف حالتي وانخبص
بيه عرف بيه مكوبسه لهذا صار يحاول
يخليني اردد ورى كل وحده ارددها هوا
بحيث ماتركني فوك النص ساعه اكثر انا بس اردد ورى هو المفروض قبل النوم حتى تتطرد عني الكوابيس
والاحلام المزعجه بس بعد نسيتها وبعد ما كوبست
هو يحجي وانا اردد ورى لان حرفياً جنت ميته
من الخوف بسبب الكابوس المرعب الي شفته بحلمي..

للأحلام المزعجة والكوابيس
قبل النوم تقرأ
آية الكرسي 7
سورتي الفلق والناس 10
سورة التوحيد 3
وهو القاهر فوق عباده ويرسل عليكم حفظة 31
فسيكفيكهم الله وهو السميع العليم 11
ياحسين يامظلوم 10

بعد ما كملت حسيت براحه وتناسيت رهبه
الحلم هو سحبني لحضنه ساند ظهره ع السرير
وانا بحضنه ويمسح ع شعري ويقرا آيات
قرآنية فوك راسي صوته راحه نفسيه وهو يجود
بالقرآن...

دابر : ها ارتاحيتي حبيبي
سيلينا: امممم
دابر : هذا مجرد كابوس لاتخلين بالج ويا
سيلينا : انا ما ارد عليه بس اهز براسي
لان فعلآ نعسانه ماحسيت ع نفسي الا وثاني يوم
الصبح ..

طلعت كالعاده انظف برى ويه البنات
بس الي استغربته ولا واحد بيهم طايقني
مو مثل الأول ع الاقل جانوا يحجون وياي
هسه فد مره وشايلين خشمهم عليه
ماحجيت شي كملت شغلي واستغربت دابر رجع من وقت

سيلينا : شبيك ليش راجع من وقت

دابر : اسناني كلش جاي يأذني ما تحملت راسي
صار اثنين ماكدرت ابقى

سيلينا : اعاين عليه تمدد بالديوانية وحاط ايده ع
راسه عاد انا تحارشت بي ...
تعاي حبيبي ابوسك وهو يروح الألم ويطيب
ماحسيت الا صوت اجه من ورايه ..

سعد : اي شعدها سيلينا صايره دكتوره

سيلينا : ردت اختفي من مكاني من الخجل عاد.
دابر صاح عليه وطرده شلون هيج يجي من ورايه
ويحجي بهل طريقه خجلني
مرت فتره وانقلب البيت انقلاب
تام الي صدمني حالتهم انا الله شاهد عليه
احبهم كلهم مامقصره ويه الكل
حتى من يريدون اكوي ملابسهم يجون لو ساعه 3 باليل بعز نومتي يكعدوني حتى اكوي ملابسهم
عادي ماحجي شايلتهم فوك راسي
من حبي الدابر ف احب اهله ع حبه
بس هم ما عرف شبيهم حتى سعود الي
حباب وياي انقلب عليه صار حتى انا يحاسبني
بحجه انتِ قريبتنا ويحق احاسبج
حتى ل اهلي منعوني اروح الا بوقت محدد وكم ساعه وارجع
عبالك البيت صار سجن ومن دابر يحجي يسوون
ويا عركه شكبرها شكدها تعبت وهلكت بسببهم
البيت صار ب ايد حمايه االي أصغر من الكبير
هو الأمر الناهي
لعبوها النفسي

بمره جنت اشتغل بالمطبخ ومخبوصه
جان تتدخل نور هي وصديقتها ولبسها ومكياجها
استقبلتهن أمنه ودخلتهن جوه
انا بقيت بالمطبخ اشتغل
ورى فتره خلصت ردت اروح الغرفتي حتى اغير
ملابسي لان اتبللت
دخلت لكيتهم كلهم ملتمين سوه الا صديقه نور ماكو
استغربت وين راحت ؟؟؟؟ اشو بس هي ماكو
بلعت ريقي من اتذكرت دابر بالغرفه ..

مشيت بخطوات سريعه وانا كلبي
يدك بقوه احس الغرفه صارت شبعدها
خايفه لا يطلع الي بالي صحيح والله اموت
وصلت للغرفه فتحت الباب بقوه ودخلت
ا اول ما وكعت عيوني
شهكت بفزع وانا اعاين ع الشي
الكدامي خليت ايدي ع حلكي مصدومه هاي شنو
ياربي !!!!رفعت ايدي وصرخت بصوت عالي
دابـــــــــــــــر..

__________________

دهليز : ع كيفك فدوه الكَلبك بس فهمني شبيك ليش هيج تصيح والله وكفتو الكَلبي

اللهيـــــم: اخوووج هسسه لو أشعل عشيرته
احد يكول ليششش

دهليز : عززززه شبي اخوي شنو مسوي

اللهيـــــم: اجيت وكتله انااا اريد اقدم العرس
واريده بهل الشهر يتم بسس هووو شنووو سووه
عاااند وركب راااسه وكاال الا تتخرج انتَ
يلاااا تتزوجووون ياا امه الاستسلام ااانا
بعد الي 4 سنووووات يلااا اتخرررج
لان غيرت دراااستي هسسسه شلون فهميني
انا شيصبررررني هل اربع سنوووات
يلا اتزوووج لج اموووت اريد اليوم
قبل باااجر هذا منين طلعلي هسسسه

دهليز : انصدمت لا انصعقت ما توقعت اخوي
يشرط عليه هل شرط ليشش ياربي
يعني احنه ما انصدك مشت حياتنا ع المضبوط
يرجع يخربها بهل طريقه واحنه ما نعرف شنو
ممكن يصير بعدين خلال هل اربع سنوات
دخيلك ياربي
سحبت نفس لازم اهدي واهدأ نفسي اذا
اثنينه أعصاب معناها خربت الشغله ..
كول يا الله حبيبي أهدأ لاتعصب هيج وتأذي
نفسك اكيد اكو حل

اللهيـــــم: ووووين الحل دخيل ربج انا ما عولت
وصرتي ب اسمي ماكدر انتظر كل هاي السنين
حتى تصيرين بحضني
اخوج شعلني شعل واكيد ابوج موافق
الرأي الاكشر هذا

دهليز : هسه أهدأ يمكن الباجر يتغير الوضع بس لا تعصب لهيمي ..
انا من كلت لهيمي حسيتو هدأ بس انفاسوا عاليه
ابتسمت يعني مجرد ما نطقت اسمو حسيتو
سكت الي تأثير قوي عليه بس مو اقوه من
تأثيرو عليه انا

اللهيـــــم: اخخخ انتِ تسكتيني بهاي سوالفج
وانا مشتعل ناار

دهليز : ضحكت ، اي شسوي ياحبيبي عجل غير اخاف عليك لا يرتفع ضغطك

اللهيـــــم: هو ارتفع بسبب اخوج

دهليز : لا فدوه لهيمممي

اللهيـــــم: عيونه

دهليز : فدوه لعيونك انتبه النفسك والله اتأذى انا

اللهيـــــم: كولي انتبه الروحي وانا لان روحي هي روحج انتبه الها

دهليز : عجل انتبه الروحي لهيمي

اللهيـــــم: اخخخ بويه لو انتِ كدامي آلا اخذ حق هل كلام

دهليز : خجلت وسكتت عبن اعرفوا صاير فدمره
همست الو ، لهيمي

اللهيـــــم: خيط النفس

دهليز : احبك من دكول خيط النفس احس انا شي جثير مهم عندك

اللهيـــــم: جا اكو واحد يعيش بدون نفس؟؟ وانتِ
الرابطه الي بهاي الدنيا لو رحتي مني معناها
اللهيـــــم ميت مايعيش بدون نفسه ولو لحظه وحده

دهليز: اخاف عليك من تحجي هيج

اللهيـــــم: لو تعرفين شكد انا حابج يمكن تنصدمين
الهسه انا ما مشوفج كل حبي الج

دهليز : لا دحكت

اللهيـــــم: شلون يالفطنه

دهليز : يكفي انتظارك الي طول هل فتره وانا مقطوع عني الأمل وفوك هذا ماتركتني حتى وانا عندي
طفل

اللهيـــــم: اسمعيني حبيبي من هسه اكلج ابنج
هو ابني انا لاتتوقعين شي يوم يختلف هذا الشي
وانا عند وعدي الج من زمان والكل يعرف بي
لو صاروا عندج عشر اطفال اخذج يعني اخذج
وكل هذول اكون الهم ونعم الاب
مو عاد هسه طفل ومن منو من اكثر انسانه اعشقها
بهاي الدنيا ابوي انتِ انا عابر مرحله الجنون بحبج
ومستعد كل شي اسوي علمودج
هاي روحي اخسرها علمودج وماتهون عليه

دهليز : بجيت ما تحملت كلامو عجل شكد يحبني
هو من سمعني ابجي صار يسحب نفسو بقوه
ويحجي بهدوء..

اللهيـــــم: تدرين مامصدك الهسه انتِ ب اسمي
كثر اليالي الي كعدت بيهن وبجيت يمكن ماكو رجال
يبجي لهل درجه بس انا بجيت
ماتحملت اشوفج تنزفين الغيري وفقدت الأمل ساعات
فقدته الله شاهد عليه عشت بس ع امل هذا اللقاء
كلت عسى ولعل تكون من نصيبي حتى لو صارت
ب اسم شخص ثاني  مايهمني اي شي بيها
المهم ترجع

دهليز : شهكت والألم عصرني وانا اسمعو

اللهيـــــم: شكد طلبتج شكد من ربي من نبيي من أمامي من كل شخص عنده خاطر يم ربي
ماخليت مكان ما دعيت بي
ردتج الج ما ردت غيرج

دهليز : ماتتوقع شنو صار بيه والله انا انتهيت

اللهيـــــم: همس بهدوء ، حسيت بيج

دهليز : متت الف موته وشكد صبرت بس ما خاب ظني
وجثير فرحانه بعطاء الله هساع النا
انا وانتِ جثير تعذبنا وما نستاهل الي صار ويانه

اللهيـــــم: لج كل ما اتذكر شسويتي بيه قبل يوم
ما اجي اخطبج ودي اجي اشلع اذانج

دهليز : ضحكت من كلبي وانا امسح دموعي،  اي غير
نزلت جوه سمعت ماما دكول اللهيم يريد يتزوج
عاد انا اجه ببالي تريد تتزوج غيري وانا طول هل فتره جنت انتظرك وآخرها تريد تعوفني ما تحملت
لهذا اتصلت بيك وطلعت كل الي بداخلي

اللهيـــــم: هو اريدج تسكتين حتى احجي ما انطيتي الي مجال
اكلتيني بكشوري يمعوده يا ام الغيره لس اسكتي
حتى افهمج ماكو مستمره تلغي وانا منا فولت ع اهلي
لان ما يطلبوج لان انتِ تعبانه وضغطي ارتفع
وسويتها عليهم بذيج الفجريه مهرجان
طلع الشمس واجيتج يابعد روحي وصرتي ب اسمي
وارتاحيت

دهليز : بهذا اليوم جانت الذكريات هي حديثنا
هو يحجي شصار ويا
وانا احجي شلون تعذبت ببعده ما نمنا الا وجه الصبح
بحيث من كعدت الصبح لكيت نفسي غافيه
والجهاز ع اذني
كعدت نشيطه اول مره هيج اهجس الدنيا
وردت بعيوني
اللهيم لكيتو ماما ماخذتو اعرفها هي هم تعلقت بي
مثلي وكل ما يجون ياخذونه تلوب مثلي عليه

قضيت شغلت البيت وانا اضحك وياهم
هم من دحكوني اضحك صاروا يضحكون وياي
الكل فرحان
اتصل عليه كال اليوم اجي احجي ويه اهلج بخصوص
عرسنا انا بطني مغصتني يعني اكيد
راح تصير مشكله ..

بقيت طول اليوم وانا متوتره يارب ماتصير
مشكله ماما من دحكتني هيج هزت راسها ..

ام عمر : شبيج ماما

دهليز : ماما ليش اهجس راح تصير مشكله
بينهم علمود العرس

ام عمر : لا اطمني ماكو شي بعدين اسألج انتِ تردين العرس يتأخر لو بسرعه

دهليز : ابتسمت الها،  والله يا ماما ليش اكذب عليج
انا جثير فرحانه انُ واخيرا صار الي الانسان الي
احبو لهذا ما اريد اي عراقيل بطريقنا
عبن ما اتحمل اكثر من الي صار وياي

ام عمر : يعني تردين الزواج سريع افهم من كلامج

دهليز : نزلت راسي ماعرفت شجاوب اكول اي
نوب المستحى وين وديتو واذا اكول لا انا الي اموت
من الانتظار اريد اليوم قبل باجر
هي فهمت عليه وضحكت

ام عمر : ايا ملعونه لولو تردين تعرسين سريع انا امك ياعمر

دهليز : اوووو يا ماما يعني إلا تحرجيني

ام عمر : غطت حلكها وهي تضحك ، صدك ملعونه بنات آخر وكت يدورن عريس

دهليز : هااا سعاد خانم قلبتي عليه انوب

ام عمر : صخاام الصخمني شنو سعاد خانم يولي انا
أصغر جهالج تا دكولين سعاد الله يفين حظج
يمصكوعه

دهليز : ضربتني ع راسي وانا اضحك

كيراز :لوووولوووو اججه اللهيـــــم

دهليز : الله يفين حظج ول وكفتي الكلبي

كيراز : اي غير دانبهج عيني كومي دحكي الشياكه
واكف هو وبابا كومي سريع قبل لاا يدخل

دهليز : طفرت من مكاني ورحت اركض
اووي انا دحكتوا واهجس روحي ماعت
اوي اوي فدوووه جثيررر حلوو بعد روحي المصكوع
يخبل لك فديت عيونك
ماهجست الا ضربه

ام عمر : ول يمتى تبطلين هل خفه صوت واصل الهم

دهليز : ههههههه ماما ماحسيت
دخلوا جوه ودينا الضيافه وصاروا يحجون
شوي وسمعنا صوتهم صار عالي
لزمت كلبي كلت هساع يفركشون العرس
وتخرب الخطبه
يايمه غير اموت والله ..
شوي وطلع بابا واخوي

ابو عمر : دخلي بابا رجلج يريد يحجي وياج

دهليز : تركوني وراحوا عاد انا دخلت
لكيت وجهو مقلوب كعدت بصفو هو انتبه عليه
شبيك ؟ شصار مافهمت شي من الصوت العالي

اللهيـــــم: اريد اعرف انا طالبهم بطلابه شكو
هذا التأجيل شكو الا بعد رابع سنوات يلا نتزوج
ترى اجيت احط بوكس بوجه اخوج بس احترام ل ابوج
ماسويتها ترى انا اكدر ادرس وأسس عائله
واكدر اخليج تكملين وياي دراسه لان انا مستحيل
اتركج بدون دراسه حالج من حالي
بسسس همَ الا يطلعون الي روحي يلا يرتاحون

دهليز : ماعرفت ارد عليه عبن انا هم مثلو
ضجت وانقهرت ادري يعني ليش هل تأخير

اللهيـــــم: اسمعي الباجر نبدي بجراءات العقد ماال المحكمه خلي اسجلج ب اسمي بالقانون حتى ما تتطلع الي سالفه بعدين وبحجه بس سيد تفصلون
وكل من يروح الحال سبيله خليني اخليج
مرتي بالقانون وارتاح

دهليز : ماعارضتوا وخليتو براحتو هو هم جان جثير
مزعوج خطيه باسني براسي وراح بعد ما سلم ع اهلي
اتصلت بكيناز كالت احسن عقدو محكمه خاف
يصير شي وانا هم ماكلت باطل جنت جثير متخوفه
من هذا الشي حتى باليل من اتصل بيه جان بعدو ضايج بس انا غيرت الو جو وخليتو يضحك
ثاني يوم رحنا انا ويا وماما وامو نحلل
وكالوا بعد اسبوع يطلع التحليل بس لان اللهيـــــم عندوا صديقو يشتغل هين ف سرع الو التحليل اقل من اسبوع تايتم الزواج خاصه هذا صديقو
جان شاهد ع عذابو وشلون عانه بحبو

اللهيـــــم: ها ولك راح أطول لادكولها ترى انتحر بيك هنا

مازن : ضحك بصوت عالي ، لا ولك شمالني واطول
غير ادفن روحي هنا اطمن احاول شكد ما اكدر
حتى اطلع التحليل الك سريع

اللهيـــــم: اي بعد اخوك تعرفني شصار بيه يلا
تزوجت

مازن : افااا وانا انسى جنك مره تتطلك وتتصارخ بينه
خليتنا نلزك ناس بناس ثولتناااا ثول

اللهيـــــم: ضربه ع كتفه بقوه ، هاي انا هيج ولك

مازن: لك انتَ مخبل بس ماتدري بنفسك طيحت حظنااا
ماناقص الا اخليك مُلا وتنعي

اللهيـــــم: انا اخوك شكد طلعت واحد***

مازن : هااا هااا يمعود الزم السانك الاهل يمك

اللهيـــــم: **** خليتني احجي ونسيت نفسي

مازن : غمز اله ، بويه حقك جا غير الحب كله هنا
حقك تفهي وتنسى ابو ابوك

اللهيـــــم: ديلا يلا سد حلكك لا انا اسده وانتَ تعرفني
شلون اسده

مازن : حط ايده ع حلكه ، ها ااهاا سديته بس فكنا يا اخي واخيرا خلصنا منك وراح تتدخل القفص الذهبي

اللهيـــــم: يوم الك حبيبي

دهليز : اسمع كل كلامهم وانا اضحك بالخفي
راح صديقو وهو التفتت عليه

اللهيـــــم: خوب انتِ فرحانه عاينتي شلون جنت مسحول سحل

دهليز : رفعت راسي وانا اضحك،  هزيت راسي ب اي

اللهيـــــم: اي بويه شفتيتلج

دهليز : حبيبي اساساً اعرفك مسحول بحبي سحل
لهذا انا ساكته

اللهيـــــم: واثقه من نفسج

دهليز : ابتسمت ، جثيرررر شلون ما واثقه وانا حبيبي هو لهيمي

اللهيـــــم: عض شفته ، اخخ بويه لو وحدنا جان عرفت شلون اطلع هاي الثقه من عيونج بختج بالمكان الي
احنه بي

دهليز : سكتت عبن كلامو صار اجرأ ،خلصنا ورجعنا
للبيت بعدها مرن كم يوم طلعن التحاليل
وهاي هساع احنه بالمحكمه

القاضي : الف مبروك ...

دهليز : وهاي انا هساع صرت زوجتو بالقانون
لتفتت عليه لكيتو يدحك بوجهي ويبتسم تقرب مني
وجهو بوجهي اردف بهدوء وعيونو داخل عيوني

اللهيـــــم : شـــــرعاً وقانونـــــاً مالتي انـــــتِ

دهليز : لزم ايدي بقوه وباسني من راسي
طلعنا برى وكلها باركت النا
ومن المحكمه رحنا البيت اللهيـــــم اول ما نزلنا
هو ذبح لفرحتنا هاي جان ناوي
من ادخل للبيت وانا ب اسمو يذبح الي
ختلت بسدو وهو يضحك عليه
دخلنا جوه وكعدنا هم بغير مكان واحنه بغير مكان
كاعدين جان تجي كيناز تسحبني من ايدي

وين ؟؟؟

كيناز : تعاي معليج

دهليز : سحبتني من ايدي وصعدتني فوك
هساع غير تفهميني ول شبيج يدمهوره

كيناز : وصلناااا

دهليز : ادحك وصلنا الغرفه اللهيـــــم لتفتت عليها ردت احجي بس هي فتحت الباب
دفعتني ورجعت سدت الباب
اهجس كلبي صار يدك بقوه
ماهجست الا شخص سحبني
بقوه اصطدمت بشي وصارت
حراره فوك شفايفي ...

_______________>______________

ريفان : انفزعت وانا اعاين ع وجهة شلون
صاير نوب حواجبه معقوده
ابتلعت ريقي بخوف ، شبيك ؟؟

تُليد : اريد احجي وياج ب موضوع

ريفان : خفت اكيد صاير شي لو عرف ب رهبار
يمهه احس رجليه صارن خيوط وجسمي
صار يرجف اريد اكوم اوكف ع طولي بس ماكدر
جسمي ما يساعدني
سحبنت رجليه لصدري وانا خايفه منه
يارب بس لا يضربني لو يأذيني
والله اموت ساعتها،  همست اله بهدوء وصوتي يرجف
احجي ؟

تُليد : شبيج هيج خايفه ؟

ريفان : هاا انا ؟؟ لا لا ابد ماخايفه بالعكس

تُليد : متأكده ؟

ريفان : اي ، بس خايفه عليك بيك شي ماعغف احس بيك شي

تُليد : سحب نفس وزفره ، انا تعرفين بيه مرض قلب

ريفان : اممم ،اي

تُليد : وداأخذ علاج

ريفان : اي حتى بيدي انطيتك علاجك امس

اعاين عليه سكت سحب نفس ورجع كمل
وهو يتقرب مني شوي ..

تُليد : تدرين هذا العلاج اله اضرار وحيل كبيره ع حياتي خاصه انا مريض بالقلب

ريفان : استغربت كلامه ، شنو لزومه هل كلام ؟

تُليد : لان هنا مربط الفرس

ريفان : مافهمت ممكن توضيح ، حسيت هنا خف الخوف عندي والقلق يعني مو انا بالموضوع
ولا رهبار السالفه غيرها لهذا اطمنت وكدرت
اسحب نفس

تُليد : ياريفان علاجي اثر عليه

ريفان : شلون ؟؟؟

تُليد : أنـــــا عاجـــــز ...

ريفان : عقدت حاجبي مو فاهمه كلامه هزيت راسي اله ، شنو يعني عاجز ؟ مافهمت شبي العلاج شسوه
احسه صار ماي وبالكوه يحجي وياي وكل شوي
يقطع كلامه ويسحب نفس كأن
ياخذ قوه او طاقه حتى يكمل وانا فعلا ماجنت اعرف شنو يعني عاجز لهذا سألته وياريتني ماسألته بس
جان بوقتها ضروري اعرف جا اسأل منو
وماكو احد يمنه

تُليد : عاجز يعني ما اكدر للعلاقة الزوجيه ماكدر
انطيج حقج ولا ممكن يصيرون عندي أطفال
مرض القلب كلش اثر بيه وخاصه
العلاج سبب الي اضرار كثيره
بس ماجنت متوقع راح يكون لهاي الدرجه
واني هم ما مجرب نفسي قبل
مامتزوج لهذا جان عندي امل ولو 20% انُ
تكون حياتي الزوجيه طبيعيه وتمشي
مثل ما اريد بس للاسف ماصارت

ريفان : هو يحجي وأنا فاتحه عيوني ع وسعها
مصدومه عود صدك اكو هيج ما مصدكه
يعني هسه هو مايكدر يتقرب مني ولا يتمم زواجنا
وراح اكون هيج طول حياتي جزء مني فرح
انُ ما راح يتقرب بس جزء الثاني انقهرت عليه
شنو ذنبه بعده شاب وهيج صارت حياته
هم حقه يعيش حياته وتكون عنده اسره وعائله
من حقه يكون عنده اطفال سحبت نفس

مستحيل اتخلى عنه مستحيل
تقربت منه ولزمت اديه رفعت راسي وعيوني صارت
بعيونه حسيته حبل خجلان مني
ومن هذا الاعتراف حقه هو رجال وبعتبار
هسه جاي يعترف بضعفه وهذا الشي
كلش يأذي رجولته لهذا حاولت ما ابين اله اي شي
واكون واكفه ويا ..
ابتسمت اله ..

ريفان : يعني شنو تتوقع بعد هذا كلامك
ان انا غاح اتخلى عنك ؟ مستحيل هذا الشي يصيغ
انا من قبلت اتزوجك قبلت بيك بكل عيوبك
وبكل زيناتك انا ما يهمني علاقتنا الزوجيه
الي بداخل الغغفه يبقى داخل الغغفه( الغرفه )
يعني ماكو داعي نحجي بي هنا وهنا
عادي حياتنا تستمر طبيعيه انا ما اريد لا حقي
ولا اطفال يكفي اثنينا عايشين حياه حلوه
بعيد عن كل المشاكل صدكني لاتهتم
الشي الي انتَ خايف منه انسى ولا تفكغ بي
ابد انا وياك ع طول وما اتغكك..

سحب ايدي من فوك ايده وسحبني الحضنه
حضني بقوه وهو يسحب نفس
ويردد..

تُليد : ما تتوقعين كلامج شكد ريحني الف الحمد الله والشكر انتِ صرتي من نصيبي وقسمتي
الله يحبني لان انطاني ورده مثلج طاهره نقيه
وماكو مثله لو الف الدنيا كله ما راح الكه مثلج
كلش احبج اني كلش هسه عرفت ليش الله
حطج بطريقي لان عرف انتِ علاجي
انتِ فرحتي وسعادتي الله يقدرني واسعدج
وما يخليج تشوفين مني اي يوم مو حلو

ريفان : ضحكت وانا بحضنه ، شنو غاح تخنكني تُليددد

ابتعد عني يضحك بس بعيونه حزن ..

تُليد : اسفه ياروحي يلا كومي جهزي نفسج
حتى نطلع برى نتريك ونفتر مو نقضيها
هنا محبوسين ...

ريفان : هزيت راسي ب اي همزين مراح نبقى هنا محبوسين لان حرفيا خجلانه منه وماعرف شنو اسوي
ويا ، رحت جهزت نفسي وطلعت لكيته هو هم جاهز
لابس لبس رسمي وهو منا شكله حلو
ولبسه أنيق كلش بحيث صفنت عليه

ليش ما احبه ؟؟؟
اشو جمال ومال وشهادة، 
حنين كلش حنين وياي
ويخاف عليه هواي
من شنو اشكي منه
كامل والكمال ال الله
لهذا بما ان انا تقبلته زوج الي
راح اتقبله حبيب واتعود عليه
اكون حياه سعيده اما بخصوص الي
كاله الله كريم تدبر بعدين
مانعرف شنو مكتوب النا عسى ولعل هذا
خير النا ..

تُليد : غمز ، شو صافنه الحلوه

ريفان : ابتسمت ، لا هيج

تُليد : يلا امشي نطلع

ريفان : مشيت ردت اعبره بس هو لزم ايدي

تُليد : ايدج خليها ب ايدي يلا نطلع

ريفان : هزيت راسي ب اي وطلعنا
أجواء سوريا جانت كلش حلوه والناس الي بيها
كلش طيبين بحيث ينحبون سريع
واريحيين
دخلنا المطعم وكعدنا نتريك هدوء وصوت الطيور
كلش حلوه حسيت براحه نفسيه بوقتها
هم وانزاح عني
خلصنا الريوك وطلعنا نتمشى برى
جان بوقتها الجو بارد
لزم اديهه بين اديه يفرك بيهن بهدوء
وينفخ عليهن نفسه حار قشعريرة سرت بجسمي
ضحكت هو سحب ايدي ويه ايده ودخلها
بجيب الكوت مالته وصرنا نمشي
الجو صار أظلم

احنه وجاي نمشي شفنه وحده تبيع ورد
هو سحبني ومشى الها اشتره الي ورده حمره
وهو يضحك وانا اضحك ويا
أعاين ع ام الورد صافنه بينه
ومركزه استغربت شبيها هاي
نكزت تُليد وتقربت منه همست اله ، تُليد

تُليد : ها حبيبي

ريفان : هاي ليش تعاين علينا بهاي الطغيقه( الطريقه )
خوفتني

تُليد : رفع راسه استغرب ، سألها ، ليش هيج صافنه بينه وتناظرينه بهل طريقه

ريفان : اعاين عليها شلون ابتسمت وطلعت اسنونها
السود بس ابتسامتها كلش خوفتني ليش هيج
حسيت بيها شي غريب وتناظرنه بنظرات أغرب..

ام الورد  : انتو منين ؟؟

تُليد : من العراق

ام الورد  : كأن شكلكون بيؤل هيك لهل سبب سألتكون مشان اتأكد اكتر

تُليد : اها خير ان شاء الله،  يلا حبيبي امشي نروح

ريفان : ردنا نروح بس هي وكفتنا

ام الورد : أستنوو

ريفان : لتفتنا عليها واحنه نعاين نريد نعرف شبيها

ام الورد : خلوني اخوود فال ألكوون

ريفان : الصراحه انا خفت لهل سبب
ردت نرجع ، لا تُليد امشي نغجع ماغيد اخذ فال اساسا الفال موزين

ام الورد : منين انتِ بتخافي ياحلوه انا ما بساوي الكون شي بس باخود فال

ريفان : بس الفال مو زين

ام الورد : مين قال الكون مو منيح ، مجرد تاخدوا وبتشوفوا ازا راح يصير شي او لا ماعدكون فضول ؟

تّليد : عادي ماعندنا مانع خلينا ناخذ حبيبيتي مراح يأثر

ريفان : هزيت راسي ب اي وانا مو مقتنعه بهل شي الي
جاي يصير هي بدون ما انطيها ايدي سحبتها
ألها سريع خوفتني فتحت كف ايدي وصارت تعاين بيه
كل شوي وتعقد حاجبهاا وتفرده اخر شي رفعت راسها الي وهي تعاين بهدوء ، شبيج ؟؟؟

ام الورد : انتِ كتير تعزبتي بحياتك ئبل بسس...

ريفان : ابتلعت ريقي وانا خايفه بس شنو ؟

ام الورد : بس هاد العزاب لسه ما خلص راح تتعزبي اكتر منو وراح تخسري كتير اشيا بحياتك
وراح تصعب عليكي كتير اكتر من ئبلا

ريفان : من خوفي سحبت ايدي منها بقوه وضميتها الصدري وانا خايفه جسمي رجف من كلامها
شنو تقصد راح اتعذب اكثر واخسر اكثر
ابتلعت ريقي وانا اسمعها تحجي

ام الورد : لي هيك خايفه هاد قدر ولازم نشوفو

تُليد : شكرا الج ماكو داعي تحجين اكثر من هيج
الواضح هذا الفال صدك من كالت زوجتي فال موزين
شنو عرفج بالراح يصير انتِ مجرد انسانه عاديه
مثلنا حظرتج مو عالمه بالغيب

ام الورد : لي هيك عصبتوا انا ما ئلت الا الي شفتو

ريفان : انا ماحجيت عاد تُليد سحبني من ايدي
ومشينا انا لتفتت اريد اشوفها شنو جاي تسوي
بس خفت اكثر وانصدمت من شفتها
متوجهه النا وعيونها علينا وتبتسم
بس ابتسامتها كلش تخوف رجعت لتفتت وانا مرعوبه
احس هاي الانسانه كركبت حياتي واليوم الي
عايشه بيه انا تُليد شكد حاول يخليني انسى
ويغير الي جو بس ما كدرت
مو بيدي كلامها بعده يرن براسي
ليش كالت هيج ليشش يعني انا
ما صدكت حياتي تمشي بهدوء وبكل راحه
وفرحانه تجي هي تخرب عليه ليش

تُليد : كذب المنجمون ولو صدقوا
سامعه بهاي المقوله مو يعني حتى لو كلامهم صحيح
لازم نكذبهم هاي الحياه فقط الله الي يعرف شنو بيها
بس هو الي كاتب النا شنو راح نعيشه وشنو الي راح نواجهه لهذا لازم نخلي أملنا ب الله كبير
وما نسمح لهذول المنجمين انُ يخلونه تنهز ثقتنا بنفسنا ولا بالأشخاص الي حوالينا ولا نفقد قوه إيمانا ب الله ..

ريفان : كلامه فعلا صحيح لهذا تناسيت الموضوع بس كل مره يرجع براسي وانا احاول انسى
بقينا بسوريا شهر واحد
جان من احلى الايام بحياتي فعلا رفهه عني
وخلاني انسى حزني وبهذا الوقت نسيت حتى
كلام الدجاله ..
جهزنا نفسنا واشترينا هدايا حتى ل اخت تُليد صح هي متزوجه ومسافره بس لو اجتي اكون
مجهزه الها الهديا
بعد فتره نزلنا ع مطار بغداد ولكينا الاستقبال الحار
من اهله وعمامه وابن عمه اخذونه من المطار
للبيت وكلها محتفله بينا

ماكدر احجي عن استقبال ام تُليد النا
فعلا جانت ونعم الأم بحيث من استقبلت تُليد حتى بجي بجت عليه وانا اخذتني ل احضانها عوضتني عن حنان ماما الي ، ربي يحفظها النا ع طول ..

بعد ما انتهى اليوم بالهوسه والعزيمة الي مسويها
النا صعدت فوك وانا مطمنه ماراح يصير بينه اي
شي يعني اكدر انام براحه بدون ما اسوي شي
دخلت غيرت ملابسي ولبيت تراك شوي ضيق
بس مستور خاصه الجو بارد مو مال لبس خلاعي
تمدد ع السرير شوي ودخل تُليد سلم ورديت اله ورجعت عيني ع التلفزيون اعاين مسلسل
هيج جان طالع كلت اتسله بيه ..
شوي وحسيت بتُليد صار يمي
بس احسه مو ع بعضه

تُليد : ريفان اريد منج شي

ريفان : شنو ؟؟

استغربت من تصرفاته جانت غريبه وكأن ديلوب

تُليد : اطلب منج طلب تسوي إذا عندي خاطر يمج ها ؟؟ ...

ريفان : بلعت ريقي خايفه من طلبه واضح امو شي من تعابير وجهة 
هزيت راسي ، اي اطلب ..
اعاين عليه قرب راسه
مني وحط شفايفه بقرب من اذني
وهمس الي بهدوء  فتحت عيوني
ع وسعهن جسمي رجف ، ابتعدت عنه مصدومه
شنوووووو ؟؟؟؟

_____________________

للحكايا بقايا ♡

        للتواصل ع حسابي الانستا داده ❤️‍🔥