رواية دجن الضليع الفصل السابع عشر 17 - بقلم رهف علي

نبدأ بذكر الله ﷽💛✨

لاتنسون التصويت قلبي + تعليقاتكم الحلوه
مُتابعه للحساب akyta_98 ♡

بارت مفاجىء ...

يُهزم المرء بالإشياء التي يُبالغ في محبتها.
صدكني أنهزمت بيك !!

_________♤_________

ريفان : جمدت بحضنه وانا اسمع كلامه شنو يعني !!!!
مافهمت شنو يكول اصلاً
شنو بسببي شنو زواج ؟ هذا مو لعب هذا زواج
عشره عمر مُستحيل يكون بسبب احد

ابتلعت ريقي وهو بعده محتضني بقوه
وحاط راسه ب اذني يهمس الي
ويحاول يهديني ويفهمني
من شاف انجمادي بكلامه استسلسل بكلامه
وصار يهمس الي ..

اردف ببحه خشنه هادئه تحمل كل التعب

رهبار : ابوي انتِ وعيونج الي مدوهنتني وما مخلياتني
اندل الدرب انا ما جنت ناوي هذا الشي
صدكيني ماجنت ناوي
انا بالي انتِ وبس والصار شي خارج عن ارداتي

ريفان : دموعي نزلت بغزاره بلكوه نطقت ، غهباغ انتَ خسغتني

رهبار : ضغط ع حضنها اقوه واردف ، مستحيل هذا ااااالشي يصير انا ما اخسرج لنتِ الي فهمتي

ريفان : رفعت ايدي وضربت ظهره وانا اصيح بصوت مكتوم بالدموع ، تعغف شسوويت بيه
تعغف من شفتك وياها شصااااغ بيه لك انتَ موتتني ليش هيج اذيتني ماكو اي عذغ الك انتَ سويت هيج ب اغادتك( ارادتك )

رفع راسه وصارت عينه بعينها الي مليانه دموع
قابلها بعيونه الحزينه اردف

رهبار : حقج بويه ما الومج ابد شنو تسوين سوي
بس لاتفكرين تبتعدين عني صدكيني اموت انتهي
انا وانتِ نخلقنا البعض والصار غصب عني
مارايده والكفل زينب مااارايده

ريفان : سحبت نفس وهمست بتأتأه ، ش..شلون فهمني

رهبار : اردف بتعب ، تسمعيني ؟

ريفان : بقيت صافنه بوجهة اريد اسمعه وما اريد
رايده اسمع حتى اطفي النار الي بداخلي شوي
وما اريد اسمع لان ماكو اي فائده من سمع الكلام
اولها و اخرها ما راح يفيد كلامه بشي لان خلص هو
تزوج

رهبار : همس ، شكلتي

ريفان : هزيت راسي ب اي ، حاولت ادفعه بس ما اندفع لازمني بقوه عبالك راح اطير
من بين ايده
لزمني من ايدي واخذني للمرجوحه كعد وكعدني بصفه لزك حاولت اسحب نفسي بس ماكدرت
هو اقوه مني

عوفني تغى اكدغ اسمعك مو شغط لازك بيه هيج ..

رهبار : رفع حاجبه ، شو السانج طولان

ريفان : رفعت عيوني بعيونه وهمست ، مايفيد حتى لو طول صدكني

رهبار : غمض عيونه وسحب نفس كأن يحاول يهدي نفسه وما ينتفض ، رجع فتحهن وقابل عيونها ،

_ لج بويه نظرات عيونج هدن حيلي ..

_ جا شدكول ع حيلي الي هديته بيدك ؟

_ ايدي عساها بالكَطع لو بيوم اذتج

_ شيفيد بعد اخذت روحي بهاي سوايتك

_ اردلج روحج ؟

_ ماتفيد بعد جرحتها

_ اداويها بدكات كلبي

_ لو اطيبها بدم كلبك هم بعد مايفيد

_ لهل درجه اذيتج ؟

_ اووو هواي ترست روحي بجروح ماتشفى

_ ما استسلم لآخر نفس بيه

_ انا اكلت استسلم بعد ماتنولني

_ انتِ شي خاص بيه وما مستعده اخسره

_ ابشرك خسرته

_ مستحيل

_ ماكو شي مستحيل

_شريان كلبي

_ عثغه روحي

_ احبج

- شكد حبيتك بس البينه انتهى

اعاين عليه عيونه صارن دم
شرايين عيونه حمر سحبني من ايدي صرت بحضنه
خزرني بقوه كز ع اسنانه واردف ..

رهبار : شكد ما تحاولين ماراح تخليني اتركج
اعترف اذيتك ب هاي سوايتي واعترف سوايه جبيره
بس مو انا الي اتخلي عن شي ملك الي
وانتِ ملكي افهميها

ريفان : سحبت نفس خايفه منه عيونه خوفني
وتصرفاته تخوف ، هزيت راسي وردت اكوم انهزم منه رجع سحبني

رهبار : صاح ، شنووو هذا الاعناااد

ريفان : لان تستاااهلة

رهبار : ريفاااااااان ..

ريفان : جمدت خايفه ، مكدرت اسيطر رجعت ابجي
خليت اديه ع عيوني وصرت ابجي

عاد هو ما صدك استغل الوضع
وحضني ابد ما يخسر فرصه

رهبار : لج احبج وربي عاشكج اناا رهبار مو غير واحد
لاتاذيني ب بعدج عني يمكن من تفهمين موقفي
تعذريني ساعتها نلكه النا حل

ريفان : همست بصوت مبحوح ، انتَ صغت ملك الها
وهي ملك الك ، ريفان منو بعد ؟

رهبار : لا بويه لا ريفان الي نايمه بالكلب الي ماخذه
كل حيلي وتفكيري مستحيل اتخلى عنها

ريفان : مستمره ابجي ماحسيت الا نزل راسه
وباسني من خدي
جمدت بمكاني ردت ابتعد بس اطرافي جمدوا
من حط راسه برقبتي وباسني بهدوء
وانفاسه حاره خله كل خليه بجسمي تجمد بمكانها
انفاسي زادت وجسمي رجف بقربه هذا
ماعرفت شنو اسوي تنفسي عالي
غمضت عيوني وانا احس ب هذا الاحساس الغريب
ماعرف شنو بالضبط بس
احساس حلو وغريب
حتى جسمي خاني ويا المفروض يبتعد بس هو بقى بالقرب اي جسمي راد القرب
وكلبي راد هذا القرب
الا عقلي يصيح ويريد يوعيني ع الشخص الي
موجود كدامي
منو هو وشنو سوا الي بس وين صرت بخير كان
بسبب تصرف رهبار وياي

باسني بخفه من رقبتي مره واثنين وثلاثه
مسح ع رقبتي بذقنه من انغزت با اللحيه
مالته فزيت من الي انا بي
وعيت ع نفسي انا وين وشنو جاي اسوي
وبحضن منو لا والاتعس من هذا كله
شوكت صرت بحضنه ماعرف
بحيث صايره نمله جواه
هو هم عبالك بغير عالم
بس انا ماعرف منين اجتي الي هاي
القوه، دفعته وهو اندفع ماعرف شعجب يمكن
هو بموقف ضعيف جان او انا قويه هم ما اعرف
لمهم كدرت اطلع منه

وكفت سريع ورحت اركض بس جسمي كله يرجف
سمعته ورايه يصيح ورايه ويغلط بعصبيه
واضح صاير ناررر

رهبار : لجججج ريفاااان نعلعلا ال*** وين رحتي لج تعااااااي

ريفان : ركضت وانا كلبي يدك سريع وجسمي يرجف
هم خايفه منه وهم بسبب ضعفي بسببه
اعرف بنفسي بس
ابقى اكثر اروح بيها وياخذني بسوالفه الفسفوغيه

دخلت الغرفتي وسديت الباب وحالتي حاله
خليت ايدي ع كلبي امنع دكته اريد ارتاح شوي
بس وين لازم يخرب عليه ويحن اله

كعدت وانا ابجي ياربي والله احبه
ليش هيج صار ليش رايدته و هو كل حياتي
شلون صار لغيري ماتحمل ياربي ساعدني
اموت الف موته من اشوفه كدامي هو وياها
اموت الف موته من اشوفه هو وياها بغرفه وحده
وهي ب اسمه وانا ما الي الحق ب اي شي
اي مالي حق بعد ابد

شكد حاولت انام بس ماكدرت شي ويشتعل بداخلي
ماينطفي رحت ع الشباك فتحته اريد هوى
اتنفس حتى اخمد هاي النار الي بداخلي
غمضت عيوني اول ما مرت عليه نسمه حلوه
رجعت فتحت عيوني اول ما مره طيفهم اثنينهم سوا من دخلوا للبيت فتحت عيوني بفزع

لمحت جوه ضوه خفيف ركزت لكيته رهبار
كاعد بالحديقه ويدخن بقيت سرحانه بي
شلون كاعد والجكاره ب ايده
صافن ماعرف وين بوقتها جان لابس قميص
اسود فااتح اول زرين منه
ورافع اكمام قميصه
وانا سرحانه بي فجأه رفع راسه وصارت عينه
ع غرفتي فزيت ورجعت الورى اكيد شافني
ضربت راسي بقوه ، غبييييه شسويتي
الله يطيح حظج ياريفان

سديت الشباك بسرعه ودخلت بفراشي ماعرف
ليش صابتني الرجفه
ورى ثواني حسيت باب الغرفه انفتح بهدوء وانا الغبيه
ما قفلته
سديت عيوني وسويت نفسي نايمه بس اضحك
ع منو وانا دكات كلبي يسمعوها الناس

حسيت عليه من كعد يمي ع السرير
بقى شي دقيقه صافن مايسوي اي شي
وماكدر افتح عيوني حتى اشوفه شنو يسوي
بقيت منتظره وكلبي يدك بقوه
ماحسيت الا صار يبعد شعري ويخلي بهدوء
ورى اذاني هنا قطره دم مابقت بجسمي
صرت ارجف اكثر
ياربي هسه يحس بيه

ابتلعت ريقي بصعوبه من حسيت انفاسه صارت قريبه
مني فجأه طبع بوسه ع خدي وبقى مابعد عني
ضغطت ع ايدي بقوه حتى ما انتفض اكثر
واحاول اسيطر ع نفسي
بس تصرفاته تفقدلي عقلي
وتخليني اسوي اشياء مستحيله

مابعد عني وهو بهذا القرب صار تنفسه
همس الي بصوته الهادىء وبحته الحلوه
نستني نفسي بيها

رهبار : ماجنت ناوي ال هذا الحب بس عيونج
السحبني انا جنت ناوي تكونين مثل ايلان
شجابج الكلبي وخليتيني احبج
شجاب عيونج الي بهذيج اليله
وصرت مدوهن بيها وحيرتني بزماني

اخخخ يا رفه كلبي ماحبيج بس عيونج الي جابني
وجبرني احبج واحب كل تفصيله بيج
صرت مدمن عليج وصرتي بنص روحي

وما ردت الصار بس القدر لعب لعبته
وياي ورادني ادفع ثمن كل غلطه غلطتها
بحقج والله عاقبني بيج
شكلي راح اتعذب كلش هواي واعذبج وياي

تقرب اكثر وحط راسه برقبتها استنشق عطرها
بقوه واردف ..

اعذبج وياي لان ماناوي اتركج انتِ كلج ملكي
يا ألي يا ماتصيرين الغيري
اعرفي ريفان ال رهبار و رهبار ال ريفان
لو مر دهر انتِ الي وانا الج
فهمتي !

ريفان : كلامه خلاني ارتبك وحس هو برجفه جسمي
متاكده خاصه هو حيل قريب عليه
وانا امثل النوم بس شيقنعه هو فطن وما تفوته
فايته

نوب زاد الطين بله من حط راسه برقبتي
لا هنا خارت قوايه وصرت بخبر كان
بقيت اغلط عليه بكلبي اريده يبعد عني
لان راح أفضح روحي واخرب الأول والتالي
بهاي فعلته

ايدي الي ضاغطه عليها بقوه ماحسيت الا
صارت ب ايده وصار يفتحها بهدوء
احس انصدمت بمكاني
يعني هو عرف انا كاعده وجاي امثل النوم
وبسببه هيج صار بيه
صار يفتح أصبع أصبع الى ان فتح
ايدي كلها و حط كف ايده ب ايدي
وشبكهن ب بعض عضيت ع شفتي وما فتحت عيني
ما اريد اواجهة

حجه كلامه اخر شي واثبتت هو من الاول
يعرف بيه كاعده من شافني واكفه بالشباك
وهو ماشي وياي ع الماي مالتي
ويلعب وياي

رهبار : حافظج انا حفظ من جدمج الراسج
ماربيتج كل هل سنين وانتِ بين اديه عبث
لا بويه حافظ أصغر تفصيله بيج
حافظ كل شامـــــه بيج اخخ ياتفاصـــــيلج
الســـــبت عقـــــلي ســـــبي

ماجنـــــج صغيرونه لعبتي بحالي لعب ودوهنتيني ..

ريفان : سحب شفتي ب ايده فتحت عيوني
هو تقرب باس عيوني واردف بهدوء

رهبار : تصبحين ع كل الخير ياخـــــيري انتِ

ريفان : بقيت جامده بمكاني كل هذا الصار
انا ع نفس مكاني ما تحركت ولا شعره وحده
حتى رمش ماكدرت ارمش
شنو الي صار هسه
وكأن عاصفه هبت عليه وتركتني بعد ما عبثت
بكل تفاصيلي

بقيت اسحب نفس وازفره الى ان مشى الدم بيه
ماسويت اي شي
سحبت الغطه وغطيت حتى راسي
ماريد افكر ب اي شي ولا
اخطط ل شنو راح يصير الباجر
غمضت عيوني وغقيت سريع
يمكن اثر الي سوا وياي
هيج صار بيه اي يمكن مفعول البوسه
مالته اثر عليه وخلاني ما اندل راسي من رجليه
وخربط احوالي وخلاني انام سريع

ثاني يوم نزلت وانا ادرب نفسي ع
الي راح اواجهة واحاول اكون قويه
نزلت لكيتهم جاي يسوون ريوك
ماحجيت اي شي
وبقيت ساكته بس صبحت عليهم
ورى شوي طلعت البنت
بس شنو حسيت كلبي انقبض اول ما شفتها
ورجعت بيه المواجع
ثواني و نزل هو من فوك عيوني صارت بعيونه
بس سكتت ماسويت اي شي
هو صبح علينا كلها ردت الا انا

كعدنا نتريك الاكل بالكوه ينبلع
احس وكف وماينزل جانوا هم يحجون بهدوء
فجأه اجاني صوتها

_ ماتعرفنا؟

ريفان : رفعت راسي وصارت عيني بعينها
ماعرف ليش ماحبيتها ابتسمت الها وهمست
اسمي ريفان ..

_ اسمج حلو مثلج واني اسمي استـــــبرق ..

ريفان : شكرا هذا ذوقج ، سكتت خليت راسي
بماعوني ماريد اشارك وياها حديث احس
النار بصدري وبالكوه كاعده يمهم وهي كدامي
ياربي اريد اكوم انهزم

فجأه سألتني سؤال جمدني بمكاني ..

استبرق : انتِ اخته الصغيره مو ؟؟

ريفان : رفعت راسي اجتي عيني بعينها
ماعرف حرت شنو اجاوب اريد بس اكسره مثل ماكسرني اريد اشوفه بعيونه هو ما اله
حق بيه خلص هو انتهى من حياتي

لتفتت عليه لكيته يعاين عليه ونظراته مصبوبه
اتجاهي ثواني بقيت صافنه بي
وهو كاعد متكي ع الكرسي
وساند ظهره ويضرب بخفه ع الميز ب طرق اصبعه
ينتظرني اجاوبها وكأن جاي يكول الي يلا جاوبيها منو انا اكون بالنسبه الج

ابتلعت ريقي وبقيت عيوني بعيونه اردفت
وانا نظراتي تجاها ضغطت ع خروج حروفي..

ريفان : لا انـــــا مو أختـــــه

استبرق : شنوو مو اخته ؟

ريفان : ابتسمت ، انـــــا عمـــــته

_______<♡>_______

دهليز : بقيت مصدومه وانا ادحك بوجهم
شنو هذا الكلام الي كالوا صحيح لو عقلي
دايتخيل الي هذول الكلمات

رجعت سألتهم وكأن اريد اطمن كلبي
الي خبصني يريد يطلع من صدري
من هول الصدمه ..

شنو ك..كيناز شكلتي ؟

كيناز : نزلت راسها ب اسف همست ، بشار نهى عليج صرتي نهوته ياهو يتزوجج يا ماكو احد غيرو

دهليز : بقيت ثواني اريد استوعب
الي كالته مامصدكه شنو يعيني هساع انا صرت الو ! صرت ب اسمو وماعاد اكون ل اللهم
يعني انتهت قصتنا قبل لاتبدي وبسببو

وكفت ع طولي وانا ارجف رجيف ماصاير
اهجس اطرافي جمدوا وطلع جسمي عن
خارج سيطرتي

انتفضت وصحت بصوتي ..

مااااقبل مستحيل ما ااحبوووو ما اريدوووو ..

كيناز : وكفت ع طولي وانا احاول الزم ايدها
بس هي صارت ترجف بصوره غريبه
وحالتها انقلبت شكلها خوفني
وخلانا كلنا ننتفض وياها
بابا ماما اخواني نحاول نلزمها بس هي صرخت بصوتها
العالي وبعدها اغمى عليها
انهارت انهيار تام
ومانعرف شنو الي نسوي الها

ادحك ماما صارت تضرب ع وجها وتصرخ
بنتي راحت من بين اديه ..
وبابا دموعوا واكفه بعيونوو
واخواني مقهورين ع حالتها

سحبها بابا من حضن ماما وحطها بحضنه وصار يمسح
بوجها ويحجي وياها يحاول يصحيها ..

ابو عمر : عيون ابوج انتِ اكعدي ولج بابا ما انطيج
الو لو تنطبك السما ع الارض بس اصحي لا يصير بيج
شي ول يابه كومي تاشوف منهو الي يوكف
بوجهي ..

كيناز : موقف بابا وكلامو ويا دهليز ذكرني
بموقفي من انطوني فصليه دموعي صاروا ينزلون
ماعرف ع حال دهليز لو ع حالي الي ضاع قبل بس ع الاقل انا لكيت الرجال الي سند حياتي
وأمنت ع مستقبلي ويا
صح مو اول مره بحياته وكأن متزوج قبل وعندوا بنيات بس ع الاقل أرمل وعيشني احلى عيشه
عوضني ع سنين حياتي كلها
الي خسرتها

اما هساع دهليز شلون بيها هي تحبو ل اللهيم
اخيتي وانا اعرفها تعشكوا ومستعده تتخلى
عن حياتها بس علمودوا هساع شلون راح ترتبط
بغيروا ويبعدوا عنها والله اختي تتدمر وتنتهي

ادحك عليها صارت تصحى شوي شوي إلى أن صارت تون بعدها بجت ابوي من دحكها هيج
سحبها لحضنو وحضنها وبالكوه مسيطر ع دموعها

دهليز : بجيت اي بحضن بابا بجيت
ماريدو كل فكري شلون راح اكون لل اللهيم كل فكري
شلون اكون زوجتو هساع هذا منين طلع بحياتي
وين جان قبل لو الا من حبيت
ماخجلت من بابا ولا شي حضنتو بقوه وكتلوا

بابا ما اريدو كول الو يفك النهوه ترى مستحيل
اصير الو لو تنكلبت الدنيا

ابو عمر : صبرج علي بنيتي انا هم ماريد الو
عبن جنت ناوي انطي الموافقه ل بيت ابو أديب
بس اخ منهم خربوها .

دهليز : عضيت شفتي ، رفعت راسي وكتلو بابا اقبل ب اي شخص الا بشار ما اريدو

ابو عمر : هز راسو ، ان شاء الله بابا بس انتِ هم شدي حيلج ليش سويتي هيج خوفتينا عليج لو صاير بيج شي الربح بيمن ب بشار ؟

دهليز : مارديت سكتت بعدها هو باس راسي وكومني

ابو عمر : روحي ارتاحي بابا شكلج تعبان
انا ما احب ادحك بنتي هيج تعبانه روحي تروح واهجس انا بموقف جثير ضعيف

دهليز : ابتسمت بوجهو وكمت رحت الغرفتي
ردت أسد الباب بس كيناز دخلت وراها
سحبت نفس بقوه وكعدت ع السرير وانا ادحك ع الارض بضياع

كيناز : لولو

دهليز : ماعبالك كالت لولو عبالك كالت ابجي
رفعت اديه وخليتهم ع وجهي وطكيت بالبجي
هي اجتي تحضن بيه وتسكتني
باستني من راسي وتحاول تهديني بس انا وين
اهجس اللهيم بيها هي عايشه بنفس البيت ويا
قريبه عليه هجستها هي منو اكثر مني
رفعت اديه وحضنتها بقوه وبجيت

اردفت بكلمات متقاطعه وانا اشهك بالبجي ..

ك..كيناز انا بع..د ما ادحك ألو هااا مااا اص..ير
زوجتو ولا اكون ملكو ولا هو ملكي كيناز معقوله
انا ويا نفترق وما نكون سوا

كيناز : اشش حبيبتي كطعتي كلبي ولج صيري قويه
اكيد بابا راح يحلها و اللهيم مايتركج

دهليز : حبابه لا. ... لا يعوفني والله اموت

كيناز : عطت بيها ، بسسسس شجاب الموت ع السانج اسكتي لج

دهليز : ا..اهجس كلبي صار يأذيني
روحي فرفحت تريد اااا..اطير
انا روحي متعلكه بروحو انا احبو الو مو الغيرو
اذا بعدوني عنو اعتبري دهليز ماتت

كيناز : استغفر الله كافي عاد بلا هل حجي
بعدني احجي وياها ودك جهازي رفعتو قريت اسمو غمضت عيوني وسحبت نفس اكيد يريد يطمن
واتصل عليه حتى أكول الو شنو الي صار اخر شي
واذا نحلت المشكله او بعدها
حتى خايفه اكول الو شي ويخرب الأول والتالي
ويجي يفضح نفسوا ويفضحها ويا ويكول نحب بعض

لولو ..

ماردت رجعت همست الها ، لولو هذا اللهيم دايتصل
سريع فزت ورفعت راسها شهكت بقوه
والله توقعت كلبها راح يوكف ع هل فزه

اسم الله لج شبيج ..

دهليز : بخوف ، شكول هاا شكول

كيناز : بسم الله شبيج هيج خايفه

دهليز : خايفه ع..عفيه خاف يعرف ويتركني

كيناز : بطلي هبل ولج مستحيل يتركج ماتعرفينو شلون متعلق بيج وروحو رايحه عليج

دهليز : زين زين افتحي خط ودحكي

كيناز : عجل لحظه

دهليز : بقيت كاعده خايفه اكل ب اظافري ومرعوبه
من جوابو وشلون راح يستقبل الخبر هذا
بعد ما عرف صرت ب اسم غيرو

دحكت عليها هزت راسها ب اسف ودحكت بوجهي همست وهي تمد ايدها الي بيها الجهاز ..

كيناز : هاج يريد يحجي وياج وانا راح اطلع برى
انتظر خاف احد يجي

دهليز : حطت الجهاز ب ايدي وراحت
انا جمدت بمكاني هساع شنو اسوي
دحكت بالجهاز ثواني ورفعتو خليتوا ع اذني
سحبت نفس بخوف وهو هجستو درى بيه
من سحبه انفاسو بقوه وزفرها بقوه..

اللهيم : عادي بويه نكثف مجهودنا الى ان تصيرين مسجله بظهر جنسيتي ما ناوي استسلم
لهيمج مستحيل يتخلى عن دهليزه ..

دهليز : غمضت عيوني ورجف صوتي ، لهيمي مايتخلى عني ...

اللهيم : كتلج اذا انتِ مو الي ماتصيرين الغيري
وكتلج انتِ بالدنيا لو ما صرتي مكتوبه الي بالاخره
وكتلج يا انا الج وانتِ الي يا مانصير حق غيرنا
وارجع اكررهن وخليهن حلقه ب اذنج
مستحيل اتخلى عنج

دهليز : تعبت اهجس روحي مو الي ونفسي حيل مضايقني

اللهيم : كلها راح نعديها سوا وعد

دهليز : واذا ص...

اللهيم : اردف بعصبيه ، ااااااش لاتعيديها دهليزززز

دهليز : غصيت بالبجي

اللهيم : أمسحي دموعج بويه باجر انا جايكم

دهليز : سكتت مصدومه ، هااا شتسوي

اللهيم : جا مو كتلج نكثف الا ان تصيرين ب اسمي
انا الباجر جاي الكم وارد اطلبج من ابوج
واذا صار اعتراض ناوي حتى اطلبج من عمج
كتلج ما استسلم لو شيصير ..

دهليز : هجست روحي تنفست هينا اندريت مكان دربي وعرفت فعلا انا لو صرت الغيرو مستحيل راح
اعيش حياتي بخير ولا راح انسعد

فعلا ثاني يوم انطى خبر ل اهلي وكال راح اجي
روحي اهجسها طارت ويه  الطيور
اول ما اندك الباب انا صرت بالشباك تا ادحك
شكلوو الحلو الي اخذ عقلي

انفتح الباب ودخلوا وانا سهيت من دحكتوا سلم ع بابا
وعيونو بلون السماء خطفت انفاسي
هجست كلبي زادت دكاتو
جان يسلم بكل احترام حتى ما خلا عليه اي علامه
مو حلوه بحقو وهذا الي فرحني يعني بابا حيل يحبو
ويحترموا دائما يحمد بيه وب اهلو
وهو اللهيم هم يحب بابا ويعزو
وهذا الي مطمني مابينهم اي إختلاف بس الود

بس الي اسمو بشار اجه وخرب علينا كل الي
حلمنا بي وخلانا مانندل دربنا وين ..

كعدوا جوه واحنه ودينا الضيافه طبعا اجه هو وابو
حتى يحجون ويا بابا و يتوصلون الحل

سحبت نفس وكعدت لزك بصف الباب تا اسمع كلامهم
ومايفوتني اي حرف
اسمع امي ورايه تحجي بهمس ..

ام عمر : ولج يا معزايه كومي هساع يجي اخوج ويدحكج لازكه روحج بالباب شيكول
عليج

كيناز : اوو يمه عوفيها

ام عمر : اخخ ربي صبرني ع هل بنات
طيحتن حظي بسبب خوفي عليجن هلكد

كيناز : ميخالف يا يمه غير هاي حياتها ومستقبلها الي مانعرفوا وين راح يصير خليها حقها

دهليز : هن يحجن وانا مغلسه عبن تفكيري وبالي
كلو عندهم جوه تمنيت انا نمله ادخل من جوه
الباب واروح كدامهم تا اسمع كلامهم

لالا كون اصعد ع رجلو لل اللهيم واكعد ادحك عليه
شلون يحجي هو وبابا وما اتخلى عن أي
ثانيه بنظري عنه اصير الهوى كدامو
عجل غير اكحل عيني بشوفتو اخخ ربي صدك تمنيت نفسي نملايه تا ادخل وادحكو

ضربت راسي وانا ارجع اتسمع كلامهم
بلاول سلام وبعدها بدا الجد وصاروا يعاتبون بابا
وما اعرف شنو من هل كلام
هنااااك وسمعت صوتو الي هز جسمي هز
ورجفو خوف وهو يكول ..

بشار : الله بالخـــــير ..

_____________♡___________

سيلينا : الجهاز لازكته ع اذاني وانا صافنه اسمع
صوته وهو يصيح منو ع الخط وانا كلمه
ما راده اله
متوتره وقلقه حتى كلمتين ع بعض ماعرفت ارتبهن
حتى انطقهن اله واجاوبه

دابر : ادري **** شعدك متصل لو ماتحجي

سيلينا : فتحت عيوني ع وسعهن يااا هذا جاي يغلط يبو السان لو رشاش
دخيل ربك

دابر : جا خوش راح أسد واياني وإياك تتصل مافارغ لتفاهات اخر اليل

سيلينا : يااا هذا راح يسد الخط بوجهي اهووو
سريع حجيت بتلبك...

هاي انا لا تسد الخط ..

دابر : منو ؟

سيلينا : توترت ، انا سيلينا ، سكت شوي وبعدها اردف

دابر : ها هلا بيج بويه جا غير دكولين

سيلينا : ابتلعت ريقي وهمست اعتذر لان اتصلت بهذا الوقت

دابر : ماصار شي

سيلينا : بس

دابر : شنو ؟

سيلينا : انا اتصلت علمود علمود ..

دابر : علمود شنو ؟

سيلينا : ها اي اتصلت علمود اعزيك بوفاه والدك

دابر : ماتقصرين بويه

سيلينا : هو انا بلكوه احجي وهذا يرد عليه
بجواب مختصر وناشف مثله
وترني بالزايد عزيته بوفاه والده وهو راد
بعد ما اعتذر حتى ما كلف نفسه
يكول شي كان اني غريبه اوووف

صرت انتظر مكالمه منه كل يوم عسى ولعل
يتصل بيه بس ابد ما يتصل لو انا ابادر واتصل
اسأل عن حالته لو ماكو اي اتصال
مايتصل ولا يفكر انا اصلا بخبر كان عنده

تشجعت مره واتصلت عليه ماعرف شبيه
بس اعتقد القهر الي بداخلي منه
زاد وهو ما حاس بيه خاصه اسمع من ماما
امه واخته مصرين حتى يتزوج
ماتحملت ف اتصلت
عليه

اول ما فتح الخط بعد الكلام والسلام
شكد ما انا متوتره بس ماعرف شلون نطقتها وكلتها اله

سيلينا : أنـــــا أحبـــــك ..

_________♡_________

للحـــــكايا بقـــــايا ♡

بمناسبه اليوم المُميز ١٤٤٤_٤_٤ حبيت اختم هذا اليوم وانزل بارت الكم

حسابي الانستا قلبي ..