رواية دجن الضليع الفصل السادس والعشرون 26 - بقلم رهف علي

نبدأ بذكر الله ﷽💛✨

لتواصل ع انستا akyta_98
لاتنسون التصويت قلبي #
متابعه للحساب akyta_98

أشتَـــــهِيت أنشاف بعيُونـــــك
مَليـــــت الوجوه المِو مَثل لونـــــك
أنـــــي لو بيك لو يمك..هناكَ أرتـــــاح
يَا روحَـــــي أربعينكَ مَا يْشبهونـــــك

________________________________

سيلينا : وكفت ع طولي فزيت مصدومه
عبالي بعدني نعسانه وسمعت غلط ، عليك الله تحجي صدك انتَ لو تشاقه وياي دابر ؟؟؟؟؟

ضحك بصوت عالي ورد عليه ..

دابر : بويه والعباس ما اتشاقه

سيلينا : رفعت ايدي افرك عيوني اريد اسمع زين
ماعرف شدخل العيون بالسمع المهم
اريد اسمع وافهم زين ماريد يطلع حلم ،
رديت عليه وانا مو مصدكه ،

دابـــــــــــــــر كول والله ما تشاقه وياي والي دكوله
صح وراح ادز اخوك يخطبني !!!

دابر : وعيونج الحلوات ، وروح امي ، وداعه صحتي وعافيتي ، وداعه الاديان كلها انا الباجر
داز اخـــــوي ومـــــرته يخطبوج بعد شلون
تريدين اكولها الج

سيلينا : من انفعال رديت عليه بحماس ،
يســـــطرك العبـــــاس و الحـــــمزه ابو الحـــــزامين لـــــو تجـــــذب علـــــيه بحـــــرف واحـــــد ..

هو انا كلت هيج لو حسيته غص بالضحك
نوب يضحك بصوت عالي من ثولي وغبائي حجيت هيج مافكرت لا بخجل ولا بشي لان صدك ما مصدكه

عزززه دابررررر انفضحنااااا صوتك ..

دابر : ع كولتج يسطـــــرني العـــــباس و الحـــــمزه ابو الحزاميـــــن اذا اتشـــــاقه وياج ..

سيلينا : تفشلت من يمي ، اا، شسمه دابر انا اعتذر خاني التعبير

دابر : ههههههههه هو انتِ خليتي بيها تعبير لو بعرتيها

سيلينا : دابـــــــــــــــر شبيك وياي

دابر : ردت بهمس ، عيونه

سيلينا : اخخ ردت اكله فدوه لعيونك الساحلااتني ذهاباً واياباً بس شنو عود ثكلت نفسي ورديت عليه

عيوني الحلوه ..

ما اسمع بس صوت ضحكه العالي حتى صار يسعل
كثر الضحك مالته وانا مو فاهمه اي شي

ليش تضحك ؟ سألته بهبل !

دابــــــــر : ههههههه صدك عيونج الحلوه انا شكو
بويه انتِ خاف شاربه شي شامه ؟؟ شجااج اشو انثولتي حبيبي

سيلينا : صفنت هم شوي يلا حسيت بالفشله صدك طلعت انا باعرتها وماعرف بنفسي
شكد غبيه شكد ثوووله سيلي
سكتت من الفشله وهو بس يضحك

دابر : ورى فتره سكت من حس بهدوء
سيلينتي..

سيلينا : همست ، سيلينتي ؟؟

دابر : جا انتِ مو مالتي اكيد سيلينتي

سيلينا : دخيلك ربي سحت بمكاني

دابر : حبيبي ليش ساكته

سيلينا : ها لا مو ساكته

دابر : جا ما تردين بويه

سيلينا : امم هو اي ماعرف شنو اكول

دابر : سكت ثواني بعدها اردف ، اموت بيج انا ام راس المحجر

سيلينا : تفاديت الاحراج وماعرف شكول اله ، بس انا راسي مو راسي محجر

دابر : حشااج انا راسي الي المحجر

سيلينا : اي مو داكول عبالي اناا

دابر : دخيلك ربي ولج سيلي اشو مثوله فد مره

سيلينا : صدك حسيت نفسي ثوله وبكل سالفه لازم
ابعرها لهذا سكتت هو بس يضحك عليه
اول مره اسمع دابر هيج يضحك وهو جامد
اربعه وعشرين ساعه

دابر : ابوي انتِ ارجعي نامي ومثل ما كلت الج الباجر
جهزي نفسج وانا انتظر ع ناااس

سيلينا : ان شاء الله ، همست حبيبي

دابر : شنو ماسمعت ؟

سيلينا : ها ولا شي يلا باي باي ، لزمت. سديته
وانا كلبي يدك بقوه عبالك بسباق
شمرت نفسي ع الفراش وانا لازم الجهاز وحاطته
ع كلبي ضحكت ماصدكه واخيراااا راج اتسجل
ب اسمه واخيررررراا راح يصير الي وانا اصير
اله ياربي والله ما مصدكه اريد اصدك
كرصت نفسي بقوه وعطت ، اي والله مو حلم

وكفت ع طولي ع السرير وصرت انط
وانا اضحك ياربي حبيبي راح يصير الي حبيبي
راح يصير آلي
إلى أن نلوت رجلي و وكعت ع وجهي ، اخخخخ
شكد عوبه انا
صدك حسيت نفسي طايره من الفرح
اتنفس بقوه وانا اضحك ودكات كلبي كل ما الها
تعلى اكثر
شكد حاولت انام بس ماكدرت النوم
سافر من عيوني
بسبب مُلاذ عيوني
بقيت كاعده إلى أن طلعت الشمس
نزلت انظف بالبيت وكلي نشاط
وانا ادندن بيني وبين نفسي ..

انا لحبيبي وحبيبي الي ..

فزيت ع صوت ماما ورايه

ام زياد : خير ياطير اشو من الصبح تنظفين
خيرج

سيلينا : هسه مايصير اصير نظيفه وانظف

ام زياد : الله يكمل بعقلج يمه استمري احد كاظج

سيلينا : عافتني وهي تبوس ايدها وتخليها
ع راسها حسستني ب احساس ماعرف شنو هو
اوو هسه شعليه انا كملت تنظيف وانا
فرحانه جلفت البيت جلف
سويته يلمع لمع
بعدها دخلت الحمام وجلفت نفسي جلف
سويت اعاده تصنيع النفسي
صارلي شكد هاملتها
وهسه يلا احس رجعلي الواهس والنشاط
سويت تنظيف البشره وأشكال وألوان بحيث
طلعت العده مالتي كامله
وكعدت انظف بالبشره مالتي
وراها رحت طلعت ملابس حلوه مستوره

طبعاً لبسي كله صار عريض بسبب
دابر صح بابا وماما ملتزمين هواي
بس مايضغطون عليه ومخليني البس براحتي
بس مستور بس مع ذلك دابر مايعجبه
وخلاني اغير لبسي كله اسوي عريض
ومستور ازيد من المستور نفسه يغار كلش يغار
بحيث اهلي انتبهوا عليه بس ماحجوا بس ابتسموا
حسيتهم راضين بلبسي لهذا انا هم ما اعترضت
بالعكس حبيت هذا الستايل

كملت لبسي سرحت شعري وانا ادندن بيني وبين نفسي
سحبت المورد خليت ع خدودي
وخليت مكياج حيل خفيف بحيث ما يبين
بس عجبني اخلي حسيت صار شوي فرق
هنَ عيوني اساساً كبار وحلوات
بس عيبي الوحيد جنت حيل ضعيفه بحيث
اضيع

بقيت كاعده بمكاني وهناااك جان اسمع صوت
الباب يعني اجوي ، بقيت احوس بالغرفه
وانا متوتره يبووو
هسه شلون راح انزل شلون راح ابين الهم انا مو
متجهزه ولا عندي علم
نوب ماما تلكفها هي وطايره
احسن حل انزل واسألهم منو
هنا واسوي نفسي مصدومه
اي أفضل شي

قبل لاا انزل سمعت صوت رساله وصلتني
ركضت شفتها من دابر كاتب بيها ..

"وصلوا اهلي اذا اهلج ما وافقوا احرك العشيره كلها "

ضحكت ع رساله مارجعت تركت الجهاز ونزلت
بس التوتر يقرأ ألف دخلت للمطبخ لكيت اختي
شوي وماما صارت بوجهي هستوها طالعه من
الديوانيه شافتني بوجها
رفعتلي حاجبها وتعاين عليه من فوك للجوه

ام زياد : خير ياطير ؟؟

سيلينا : ها ماما شنو ؟

ام زياد : قلت عيونها وردت ، خرب ان شاء الله

سيلينا : عافتني وراحت ع الضيافه
خرب والله ماما عرفت يبووو ماتفوتها فايته
وتعرف اي شي
بحيث الماي ما يمشي من جواها
لازم تعرف بي استغفر الله

بقيت واكفه بمكاني وانا متوتره اسمع صوتهم
واصل لهنا وهمَ يحجون بكلام عادي وراها نطق اخو
دابر يبووو والله راح يحجي راح يحجي
ويطلبني ل دابر مامصدكه
اختي يمي وتضحك عليه شلون متوتره وافتر

ورى فتره سمعت ماما دكول الهم ( الرأي يرجع للبنت
واكيد يجي ابوها وانكي خبر وان شاء الله نرد الكم
ب أقرب وقت )
اريد اكمز من الفرحه بس لازمه نفسي
اول ما طلعوا انا طفرت فوك اخاف لا ماما
تلزمني تحقيق خرب حرامات الترتيب الي رتبته
توقعته هو يجي و اشوفها
يعني رتبت نفسي بس جبت الحجي لنفسي وبي
وخليت ماما تشك جا شكد عوبه انا اوف سيلي

دخلت الغرفتي وانا ساكته ماعرف شنو
اسوي منتظره بابا يجي حتى
ماما دكول اله واعرف شنو
موقفهم يوافقون لو لاا والله لو ما وافقوا اكَلب
الدنيا
شفت الجهاز اشتغل وطفى دليل ع وصول رساله
فتحته والضحكه شكت حلكي ..

دابـــــــــــــــر : ها بويه كد الوعد ؟
ســـــيلينا : كـــــد الوعـــــد رجالها .

كتبتها ودزيتها اله وانا طايره من الفرحه
اول ما وصلت اله اتصل عليه
فتحت الخط وهو همس بصوت يذوب

دابر : مريتي

سيلينا : ضحكت ، بعدني ما صرت

دابر : تصيرين تصيرين ليش خايفه

سيلينا : بعدهم مارادين الكم الموافقه

دابر : يردون حبيبي اطمني

سيلينا : زين اذا ردو الرفض ؟

دابر : احرك عشيرتكم واحد واحد

سيلينا : والله خطيه هل عشيره كل شوي وحاركيها

دابر : صوجهم غير

سيلينا : ردت ارد بس سمعت صوت ماما سريع سديته
رجعت الجهاز لمكانه وكعدت عاقله فتحت
الكتاب وانا اعاين بي
انفتح باب الغرفه ودخلت ماما
رفعت راسي هي سدت الباب واجتي كعدت
كدامي

ام زياد : عرفتي ليش اليوم
اجوي اهل دابر لولا

سيلينا : لا

ام زياد : اعرف بيج تعرفين ع العموم
مو هذا موضوعنا ، اجوي اليوم
حتى يطلبوج الدابر وانا فاتحت الموضوع ويا ابوج
هو ما عنده اعتراض بس كال صيحيها خلي
اسمع ب اذني موافقتها يلا ارد الهم الخبر
وهسه يا ماما انا اجيت الج
حتى اخليهن كدامج وحده وحده حتى ما دكولين
مانبهتوني

سيلينا : شنو ماما

ام زياد : تعرفين هم اطباهم غير اطباعنه ويختلفون
عنه من ناحيه الالتزام
يعني اذا وافقتي ماكو طلعات مثل هسه
ماكو دراسه بحجه زواج و اطفال ، ماكو لبس
مثل هسه راح يلبسوج عباه
راح يحاسبوج حتى ع النومه وقت محدد وتكعدين
حالج حال الباقين نو تبقين للظهاري نايمه
ماكو موبايل اربعه وعشرين ساعه
ماكو عمام خوال ماكو روحه ورده الهم ع طول
تكتفين ب بيتج ورجلج
الا اذا هو راد يغير بعد هاي بقت يمه
ها شكلتي ماما موافقه لولا ؟؟؟

سيلينا : انا بوقتها ما فكرت بهذن كلهن
بس ردت اتسمى ب اسمه اريد اخلي
ب اسمي ويلعن يومه الي يعوفه
نزلت راسي وانا اعصر ب اصابعي
من الخجل همست " ماما انا موافقه "

هي ابتسمت بوجهي باستني براسي
وحضنتني كأنها مقهوره لان راح اتزوج
حضنتها وكلت الها ، ماما ماكدر اكول لبابا
لان استحي انتِ وصلي اله الموافقه

ام زياد : صار ماما يلا انا انزل اله حتى يرجع الهم الموافقه

سيلينا : هي طلعت وانا شمرت نفسي ع الفراش
احس الفرحه ما سايعتني كلش فرحانه
ما رجعوا الهم الخبر بنفس اليوم
ولا ثاني يوم
وكل شوي دابر متصل ..

( شنو شو مارجعوا خبر ؟ )
( ولج بس لا اهلج يدفروني )
( ادري شطلعت هاي يمعودين انا محترك حرك ردو خبر مو راح تجلطوني )
( شلون بيكم والله مال الحرك )
( ولج سيلي اهللج ليش عايفيني ع الشحن )
( شني بويه انا سبيرررر )
( راح اجي الكم بنفسي واخذ الموافقه
ترى مايصير )
( ليكون ناوين يرفضون كولي من هسه
حتى أرتب نفسي وانهبج منهم )
( ماتصيرين الغيري لو تنطبك السماء ع الارض )

سيلينا : ماكدر ما اضحك كل ما يتصل هاي سوالفه
وانا ارد عليه اصبر ليش هلكد مستعجل
اكيد يردون الك الخبر وهو يرد عليه

( زين بس طمنيني هم موافقين لو لا ؟ )

سيلينا : انا من يكول هيج ابقى واجرجر بالسالفة
وما اكول اله موافقين الا ينشلع كلبه
شنو قابل انا هينه ترى انا سيلينا خلي يتعب
عليه يلا يحصلني

وراها ب 3 ايام ردو الهم الخبر
الموافقه بنفس اليوم اتصل عليه يصيح ..

دابـــــــــــــــر : مريتي ومريتي وتبقين مريتي

سيلينا : ضحكت بصوت عالي احسه كلش
فرحان وانا طايره من الفرح كلش هواي
كل شوي ويصيح الي مريتي
وانا ارد اله هااا هااا وهو يضحك

دابر : جهزي نفسج بويه

سيلينا : ع شنو

دابر : المشيه وعقد السيد بهذا الاسبوع وبنفس
اليوم

سيلينا : شهكت مصدومه ، شنووو هاي ليش هيج
مستعجل دابررر

رد عليه بحده حتى ما ارد عليه ولا اجادله
حتى خوفني

دابر : اششش بلا صوت كلت هذا الأسبوع
يعني هذا ما اريد اي تأخير

سيلينا : بسس

دابر : شجاي اكول انااا !!!! كلت هذا الاسبوع غير هذا
الكلام ما عندي

سيلينا : سده بوجهي وراح ياا هذا من كل عقله
وصدك سواها خلال هذا الاسبوع
انطى خبر ل اهلي وصرنا نجهز كل شي سريع
ب سريع عزمنا ورتبنا ورحت اشتريت فستان
للخطوبه كل هذا وانا ويا ما نحجي
شكد خبيث حتى ما افتح الموضوع ويا
وأاجل الخطوبه اخذ موقف مني
اهووو شلون سالفه

مرت ايام الاسبوع إلى أن اجه اليوم
الي راح ايتم بيها عقد زواجي من دابـــــــــــــــر
ما اكدر اوصف شعوري اي شي بالدنيا
مايكدر يوصف الي جاي احس بي هسه
كلش فرحانه وطايره طير

رتبت نفسي وأم الصالون طلبت منها مكياج
هادىء وتركز ع عيوني هن كبار ونوب
صارن احلى لبست فستان
مفتوح من اكتافه ونازل ع زندي من الجهتين
كلش حلو وعجبني
كعدت وانا اعاين ع اخواتي شلون يروحن منا ويرجعن منا البيت هوسه وكلها اجتي
حتى اهله اجوي كلهم القابلين والمعارضين الزواج

طبعاً قبل يومين رحنا اشترينا الذهب
وهو راح ويانه وطول الطريق عينه عليه
شكد استحيت لا ماما تشوفنه نوب انا
عيني كل شوي تروح عليه
جان لابس بنطرون وقميص اسود ب اسود
هو منا قوام جسمه حلو ومرتب
ومرتب نفسه طالع اشرررد
يجنن وعيني الادبسسز كل شوي تروح عليه
وهو مستغل هل شي وكل شوي يغمز الي
بدون ما امي تشوفنه

وصلنا يم الصايغ ودخلنا ردت ادخل بس هو صار بصفي
فاتح الي الباب ف ما اكدر اعبر الا ما افوت من يمه
وهو حرجني بتصرفه
نزل راسه لناحيتي شلون الي استنشق عطري
ورفع راسه سريع انا من ثولي ردت اوكع
وهو يبتسم بطرف شفته لان انصبغت حمره وانثولت
كدامه
اشترينا ذهب والشغلات الي احتاجها ورجعنا
وهو يتحارش بس تحرشات تحرجني

رجعت من ذاكرتي وانا كاعده ع الكرسي واسمع
السيد يكول ، هل تقبلين اذا قبلتي قولي نعم وانتِ وكيلي

اجه ع بالي كل ايام الي مرت بحياتي وانا
اعاني منه بسبب حبي اله كل يوم مر وانا ادعي يصير من نصيبي وهسه السيد جاي يعقد
عقد قران بيني وبين هذا الشي الي طلبته من ربي ومن كل إمام اروحله هاهي يعني راح اصير ب اسمه
خلاص راحت ايام التعب والحرامان ايام المرض
والقهر

شديت ع ايدي وانا عيوني ادمع من الفرح
شعور اتمنى لكل شخص يحب حبيبه ياخذه
حتى يحس بي
طلعت حرف من منطقوي وانا اسعد انسانه ع وجه
الارض ..

نعـــــم وانـــــتَ وكيـــــلي ...
وهاي صرت زوجته أمام الله ورسوله
وتسجلت ب اسمه وصار ب اسمي
حبيبي وكل حياتي ..

________♡_______

دهليز : بهت وجهي واختل توازني ، شنو !!!

كيناز : اسفه لولو بس عرف والله

دهليز : ردت اوكع سريع لزمت نفسي ماعرف شنو احجي ، كيناز انتِ تحجين صح لو تشاقين
دحكي عليه لو هذا شقه اتكاون وياج
ترى ما بيه حيل ولا حمل لهيج كلام اموت ب ارضي

كيناز : بجت ، والله يا لولو كلامي مو شقه
صار هذا الشي امس وصارت هوسه شكبرها
و ع اثرها ...

دهليز : ش..شنوو ش..شصار احجيلي كل شي
لا تضمين عليه بداعه اطفالج بداعه أديب

كيناز : اسمعي بس النبي عليج لا تبجين

دهليز : جسمي يرجف اريد بس اعرف شنو صار
عطت بيها ، اااااحجي

كيناز : امس جنه كاعدين كلنا سوا
جان يدك جهاز عمو اللهيم اتصل بيه من خلال كلامه عرفت شنوو جان الحديث يدور ع شنو

ابو أديب : هلا بويه هلا ابني شلونك ، الحمدالله كلنا
بخير سكت شوي يستمع اله ..

كيناز : ادحك ب وجه عمو انقهر
بعدها رد عليه ..

ابو أديب : شتحجي انتَ اوكف ما اسمع ، تعال أديب افتح هذا الماعرف شسمه حتى الصوت ينسمع

أديب : صار يابه ، سحب الجهاز وفتح السبيكر
ورجعه ل ابو ..

اللهيم : بويه ترى الشهرين وخلصت وهاي صار أكثر
من شهرين شوكت ناوي يطلك هذا
ترى بعد ما عندي قدره حتى اتحمل اكثر

كيناز : جثير انقهرت عبن جان يحجي والغصه
واضحه بصوتو ، بس الي صدمنا رد عمو اله
واحنه جنه محذرينه بس هو نسى وحجه كدامو ..

ابو أديب : ابني ما يصير هسه تتطلك غير البنت
حامل لازم تولد بالسلامه يلا يتم الطلاك
هسه مايصير ..

كيناز : شهكنا بصوت عالي واديب سحب الجهاز
من ابو ، وعمو من دحك بينه يلا اتذكر
ضرب ع راسو كأن اتندم ع كلامه شلون نسى وحجه
هل كلام
نوب انريد اللهيم يحجي ماكو حتى صوت الو
ما يطلع ..

أديب : ااالو خويه تسمعني ، اللهيم ويينك ليش ماتردد
استغفر الله رد

كيناز : نريد يحجي ماكو عمتي صارت ادك وتلطم
وتصيح ابني راح يموت وعمي عيونو غوركت بالدموع
يهجس نفسو السبب بالصار
اخوانو يحاولون ويا ورى وين يلا انسمع حسووو ..

اللهيم : كلتـــــو دهليـــــزي حامـــــل !!!

كيناز : كلها سكتت محد كدر يرد ..
بعدها مانسمع الاصوتو هو يصرخ صراخ ويكسر
الاغرض الي يمو كأنُ فقد فد مره
اهلو يتصارخون تايبطل وهو كل ما الو يزيد
ماينقص اخرها سد الجهاز
وهاي نتصل بي من امس لليوم
وهو مايرد
وقبل ساعه أديب وحمايه راح يرحون الو خايفين
عليه لا يصير بي شي

دهليز : كيناز تحجي وانا دموعي تنزل صرت اشهك
بالبجي سوده عليه هسه شحالو
اكيد هساع حال الظيم حالو وتعبت عيونو الحلوه
بسببي كلو بسببي انا الله لا يوفقني ولا يخليني
اشم الهوى وانا سويت هيج بي كلو بسببي
سديت الجهاز بعد ما لحيت عليها ادزلي اخباره
بالحرف الواحد وأنا كعدت كظيتها مناحه

خليت ايدي ع بطني وانا احجي ويا وابجي
دححك شصاررر بيه بسببك انتَ وهذاك
دحك حياتي خربت والشخص الي احبو
راح يموت بسببكم ليش هيج صار بيه
وأنا كل هذا ما رايدتوا ياربي اختبارك الي صعب
عشت اشياء انا ما اكدر اعيشها تعبت
اتمنى اموت اخلص
اتذكرت عيونو شكلو هساع اكيد خربهن وتلفهن الحزن
اي شلون مايتلفن اذا انا انتهيت هو شلونو
ياربي ما اطلب منك غير بس
لهيمي يكون من نصيبي والله اريدو ليش
بس هل شي ردتوا وماحصلتوا

عده اليوم وانا انتظر ع نار
إلى أن اتصلت عليه كيناز بعد فتره طويله
وبلغتني كالت الي ...

( وصلوا اخوانو الو وداكين الباب ومحد فاتح الهم
إلى أن هم فتحوا ودخلو لكو واكع ومغمي عليه
وخشمو طاك دم سريع اخذوا للمستشفى
طلع ضغطوا صاعد وهمزين طاك خشمو دم
جان مات ب ارضوا ، ومن صحه ع نفسو
عرفوا منو واكع مرتين مره من اتصلو بي ومره
الثانيه قبل لا يوصلون اله والشقه الي كاعد بيها لاكيها
خراب مكسرها تكسر ، شكد حاولوا
ويا تايرجع للعراق بس هو ماقبل )

دهليز : ملخت حتى شعري وانا اسمع كلامها
دخيلك ربي لاتاخذو مني والله اموت انا
كل شي ولا اللهيم ، ليشششش مايرجع فهممميني يريد يمووووت هنااااك يريد يموتني ويااااا

كيناز : ماايقبل والله شكد حاولوا ويا بس معند
وراكب راسه كال الهم ..

اللهيـــــم : الارض الي اخـــــذت روحـــــي منـــــي ما ارد الهـــــا الا وهـــــي رادتـــــها الـــــي

دهليز : صخام بوجهي الله يصخم وجهي الله ياخذني
تا ارتاااااح واخلصصص تعبت ياربي

كيناز : دموعي عشره عشره وانا اسمععها شلون
تدعي ع نفسها ، لج ع كيفج فدوه الج

دهليز : شنووو ع كيفي اكول الها تعبت اريد
الله ياخذ امانتوا تا ارتاح يا يردي روحي
والله اهجس ايامي صارت معدوده لهل درجه
يوم بعد يوم جاي افقد الامل

كيناز : عطت بيها ، اششششش شنو هل حجي
صدك تحجين اسم الله عليج

دهليز : بجيت بحركه ، يعني هو الهساع ما تخلى عني
حتى بعد ما عرفت بشار متقرب مني
وصرت حامل منو ؟؟

كيناز : لج شتحجين انتِ اكلج الرجال رادت تصيبو
جلطه علمودج جثير يحبج ومايقبل الا بيج
حتى كال الإخوانو

( تتطلك وارد للعراق اتزوجها واشوف واحد يوكف
بوجهي وربي انهبها واخذها لمكان محد يعرف
بي واخلي **** **** يحجي الا اشك
حلكه واخلي نع** بحلكه خاصه هذاك ال***
خلي يوكفلي وربي الا اخلي مايندل دربه هسه
لازمني من ايد التوجعني بس هينه )

دهليز : امسح بدموعي واحجي انا مامصدكه ،
يعني يعني ما يتركني موو ينتظرني هل أشهر
تا نتزوج مو الله عليج كولي

كيناز : ههههههه فدوه لهل ضحكه الحلوه لج صوتج
تغير اهجس الفرحه بي ، اي وربي لج مجنون
بيج الرجال طاير عقلو من راسو بسبب الهنديه
عيني

دهليز : ههههههه اووو كيناز اسكتي والله اهجس
روحي جن طفله ادور ابوها

كيناز : ان شاء الله خير حبيبيتي يلا روحي هساع
يجي بشار ويكلبها

دهليز : خلي يولي مكروه

كيناز : اشش عيب

دهليز : سديتو منها وانا اعض بشفتي ياربي يعني
ما راح يتخلى عني الف حمد وشكر لك ياربي

مرت الايام والاشهر وانا ويه بشار حرب البسوس
هو يخاف ع الي بطني وانا ما شايلتو من ارضو
صح خايفه بس كدامو ما ابين الو خايفه ع الطفل
صحيح بالأول ماجنت رايدتوا
بس بعدين حسيت بطابع الامومه وبشعورها
هجست صار جزء من روحي وجثير حبيتو
حتى صرت احلم احلام بسببو ..

سويت سونار وعرفت جنس الطفل طلع ولـــــد
وهمَ جثير فرحانين بي عبالك راح يجي
ولي العهد مو حفيد الهم
وانا هم ساكته ناطيتهم ع مايهم
تانشوف وين توصل

اولها وآخرها انا ويا مطلكين ..

عدت الاشهر وقرب وقت ولادتي
وانا يوم بعد يوم انتهي اهجس الحمل جثير تعبني
نوب بشار يعاملني مثل الطفله او بنته
بس كل هذا ما يجي بعيني اكرهو مو بيدي
وشكد حاول يخليني احبو بس كل ما يحاول
ما أزيد الا كره اكثر من الي قبلو

والله لو طالبني قبل لا احب اللهيم ماجان اعترضت
عن الزواج عبن ادحك بي صفات كل البنات
يطلبوها بس هو اجه بوقت انا كلبي
مليان بحب انسان ثاني وفوك هذا دمرني
واخذني غصب جبرني ع أشياء ما أريدها
ف حقي ما احبو ..

قربت ولادتي وانا هم من وصلت أشهر الاخيره
ما ابقى جوه جثير اكمل شغلي واصعد
احاول اشغل نفسي ب اشياء جثيره تا يمضي
الوقت
خاصه هم مايخلون اشتغل عبن يخافون ع
الطفل لل يصير بي شي
وانا هم ساكته ما احجي شي حفيدههم وحقهم

سديت الكتاب من دحكت بشار دخل للغرفه
كمت جهزت الو الحمام ع الساكت
ورجعت المكاني هو سلم وانا رديت عليه
كأن اثنين غرباء
هو دخل سبح وطلع يصلي
كمل واجه كعد كدامي استغربت
بس هو نظراته ماعرف شلون اوصفهن ..

هزيت راسي بمعنى شبيك ؟

بشار : سحب نفس عميق ورد ، مُصره ع الطلاك ؟

دهليز : رديت بسرعه ، اي

بشار : بس بينه طفل

دهليز : رفعت اكتافي ، عادي مايأثر

بشار : انتِ تريدين الطفل هذا لو تكرهي ؟

دهليز : فتحت عيوني رديت عليه ، انا ما انكر
بلاول كرهتو عبن صار غصب عني بس هساع
هو قطعه مني ماكو ام تكره اطفالها الا ماندر

بشار : هاا

دهليز : اي

بشار : ليش ما تحاولين تتأقلمين وتعيشين وياي
جربي ما تخسرين يمكن تحبين العيشه هين

دهليز : سكتت شكول اله انتظر الساعه الي
اطلك بيها تا افرح ما اريد اجرحوا بكلامي
لهذا سكتت

بشار : زين خلي نتفاهم مابيها شي انا
ما اريد اخسرج افهميني يابنت عمي
رايد نكون عائلة ونستمر يجي يوم
وتحبيها بنفسج بدون ما اضغط عليج

دهليز : هزيت راسي بلا ورديت عليه وانا ادحك
بوجهو ، بشار صدكني انا ما كارهتك الذاتك
انا كرهت تصرفك وياي جنت راسمه صوره
الك بعقلي جثير حلوه ومو اي واحد يكدر
يرسمها ب عقلو جنت راسمتك الانسان
الشهم والأخ الكفو الي أسند ظهري عليه
الصديق المخلص الي ما تخون ولا تغدر
صدكني ولا يوم مر ولا ثانيه كرهتك
بيها بس انتَ تصرفت تصرف خطأ لا انا
اريدو ولا احبو جبرتني عليك وانتَ تعرف انا
بكلبي شخص ثاني ، لا ادحك عليه هيج
انتَ تعرف هل شي لا تنكروا بس انت
كل هذا ضربتو بعرض الحايط واخذتني غصب
لهذا انا كرهتك وكرهت تصرفك نهيت حياتي
وانا طفله مافتحت عيوني الا ع الحُب والاحترام
من شخص مادحكت منو ولا شي مو حلو

اعرف صعبه دا اكول هل كلام الك
عبن انا هساع مسجله ب اسمك بس هذا
الواقع ولازم نحجي بي وانتَ تعرفو وبس
دا أوضح الك صدكني لو قبل طالبني
اقبل بدون اي كلمه وين الكه مثلك
بس اجيت بوقت خطأ اعرف كلامي جريء
وهساع دكول عني كلام مو حلو
بس الحق يقال انتَ تتمناك بنات هواي
بس مو انا يا بشار مو انا ..

مستمره احجي وهو ساكت بس ادحك
ع ايدو ضاغط عليها بقوه انقهرت ماريد
اجرحو بس لازم يواجه كلامي لازم شخص
يوعي ع الي ديصير

بشار : هاهي يابنت عمي يجرالج الي تريدي ..

دهليز : بلعت ريقي وانا مو مصدكه كتلو شنو ؟

بشار : مثل ما تريدين بس تولدين بالسلامه نطلك

دهليز : شكد ما حاولت اخفي ابتسامتي بس ماكدرت

بشار : بس !!!!

دهليز : عقدت حاجبي ، بس شنو ؟؟

بشار : نطلـــــك بس ابني أخـــــذه انا مو انـــــتِ حتى لو اضـــــطريت استـــــخدم المـــــحكمه بهذا الشـــــي
ابـــــني الي انـــــاا مو انـــــتِ الي تاخـــــذي ..

____________________________________

ريفان : فتحت عيوني وانا اسمع الهلاهل
هاهي يعني انا هسه صرت لشخص ثاني غير رهبار !!
احس الغصه صارت بصدري
والدموع حركو عيوني حرك
ماكدر اريد هسه اعوف كل هاي
الناس وانهزم وين ما ب ارض الله كاع
هاي تاليها هيج يصير بيه ؟

اجتي امه وهي ع وجهة الفرحه
كلش واضح فرحانه لان صرت زوجه ابنها
هي من اول ما شافتني صارت عينها عليه
بس ما توقعت كل هذا يصير
كومتي ورجعتني لمكاني لان جنت يم الباب
من ععقدنا
شوي وكالوا راح يدخل حتى يبارك العروسته
ويلبسها الذهب ..

كميه التوتر والخجل الي انا بيها كبيره
همزين لبسي مستور والا شيخلصني من
الاحراج انا ماقبلت يكون بي دلع
ولا مكشوف
ضغطت ع ايدي من سمعت صوت الهلاهل معناها
دخل رفعت راسي اعاين عليه شلون دخل

لابس قاط ستره وبنطرون اسود والقميص
ابيض والرابط اسود وهو طول جسم مرتب
اي بنت تنعجب بي غصب عنها
بس انا هسه جاي اجبر نفسي حتى
اتقبله واعيش حياتي ويا وما اقصر بحقه
مثل ما هو مراح يقصر بحقي

كعد بصفي والابتسامه مرسومه ع وجهة
بالكوه جبرت نفسي ابتسم
ماريد ابين غير شي

تُليد : مبروك زوجتي

ريفان : ا.. الله يباغك بيك ..

تُليد : شبيج راح تموتين ههههه ع كيفج

ريفان : ها لا مابيه شي

تُليد : طالعه كُلش حلوه

ريفان : نزلت راسي ماعرف شنو اكول اله
اجتي امه

ام تُليد : يلا حبيبي لبس عروستك الذهب

تُليد : صار يوم شو جيبي ..

ريفان : سحب الحلقه وراد ايدي
انا انطيته ايدي ضحك

تُليد : لا انطيني ايدج الثانيه لاحكين ع الزواج

ريفان : كميه الاحراج ، يبوووو
عاد اجه دوري اخذت الحلقه ولبستها اله سريع
وهو اخذ الكلاده تقرب عليه
انا توترت بالزايد يمه صار كلش قريب
مني بعد شعري من رقبتي وصارت انفاسه
قريبه مني نزلت راسي لان صار بوجهة
هو سد السلسله باسني بخفه من رقبتي
وابتعد حسيت كهرباء صارت بجسمي
كلش خجلت
عاد التراجي بقاهن ما لبسهن يخاف لا اذني
تتأذى صاح امه ماعرف شنو حجه وياها
هي راحت لفاطمة وماعرف شنو كالت الها
بعدين رجعت عليه

ام تّليد : كومي حبيبتي روحي بالغرفه
تُليد يريد يحجي وياج

ريفان : ردت اعترض بس ماكدرت
رحت دخلت وبقيت جامده بمكاني
وهو دخل ورايه وسد الباب
عبالك ماخذيني للاعدام
اتمنيت رهبار هنا كلش اتمنيت ياخذني
من هذا المكان لمكان محد يعرفه

تقرب عليه وعيونه تتجول ع طولي
خجلت من نظراته
بس هو كسر هل الجو ..

تُليد : صحيح احنه ما تعرفنا ع بعض الحد
هسه لان صارت الخطبه سريعه

ريفان : هزيت راسي ب اي

تُليد : اعرفج بنفسي اني الدكتـــــور تُليـــــد سامان

ريفان : همست وانا غيفان

تُليد : ضحك بصوت عالي ، تدرين كلش احب
هاي الدغه الي بالسانج احس تنطي جمالي
لحروف الي تخرج من شفايفج الورديه

ريفان : عززه هذا شبي ليش هيج
يحرجني مُصر يحرجني

تُليد : تعاي اكعدي عندي موضوع وياج لاتتوترين بعد انتِ صرتي زوجتي واني زوجج

ريفان : كعدت وهو كعد بصفي سحب اديه
وحطهن ب اديه وصار يحجي بهدوء
وانا ما متعوده ع الهدوء بحياتي كلها
لان مقضيتها بس اكشن وصياح

تُليد : عيوني اني اريد نعقد محكمه هذا الاسبوع
والزواج شوكت ما تحبين انتِ ما اريد اضغط
عليج المهم تكونين ب اسمي وزوجتي
شرعاً وقانوناً
اما بعد الزواج اكيد نعيش ب بغداد لان اني
شغلي هناك حتى تقديم المدرسه مالتج
أقدمها هناك

ريفان : هو يحجي وأنا صافنه عليه
يعني هسه هو جاي يبلغني لو ياخذ برأيي
اشو هو مقرر وخلاص
واكيد هاي سوالف فاطمه ماكو غيرها
هي الي لوفتها عليه حتى نعقد محكمه
هسه واصير ب اسمه قبل لا يجي رهبار
وتتفركش السالفه

هاهي ريفان احجي اخصمي السالفه لا
اتجرجرين بيها صرتي ب اسمه
اتقبلي الوضع وامشي بفالج
الله قاسمه الج
ردين عليه وانا مرتبكه لان بعدني ما اعرفه
زين ولا عندي ميانه ويا ..

ماعندي مشكله عادي انل اساساً
اعغف غاح اعيش ب بغداد
واعغف غاح ادغس هناك
بس ليش مستعجل بالعقد مال المحكمه
مو اشوف بعد وكت ؟؟

تُليد : ابتسم وهو يناظر عيونها ضغط ع ايدها
ورد ،فدوه لهل السان الي يحجي

ريفان : صرت حمره نوب نظراته ولمسه ايده
وكلامه يخجلني

تُليد : لا بالعكس ماكو اي استعجال بعدين
اني اريدج يمي ب اسرع وقت

ريفان : يعني شوكت ؟

تُليد : الباجر نروح نحلل وبعدها من يطلع
ع معارفي سريع اطلعه
نروح نعقد ها شكلتي ؟

ريفان : صفنت بوجهة ، اجتي صوره رهبار
بخيالي سريع بعدت فكري ورديت عليه ، تمام

عاد هو سحب نفس مثل الي ارتاح
جان خايف ما اقبل وهو حسيت بي
ما يجبر ع اي شي اذا مو بأرادتي
كام وكف

تُليد : يلا اني راح اطلع محتاجه شي ؟

ريفان لا ، مشيت ورى اشو هذا وكف لتفتت
عليه سحبني من خصري بسرعه
وباسني من شفتي خلاني جامده بمكاني
ماعرف شكد مر من الوقت نص دقيقه لو
دقيقه بس كل هذا وانا جامده وهو
عبالك متخدر ولا حس ع نفسه
ابتعد عني وهو يضحك وانا نفس حطتي
ماسويت اي شي
عاد هو رجع باسني من خدي وكرصني بخفه
منه

تُليد : صفنت حبيبتي يلا اني رايح وابقي
بصفنتج ياحلوه ، غمز وطلع

ريفان : ورى وين يلا استوعبت ، شنو
هذا باسني !!!!
احس الدموع تجمعت بعيوني انفتح الباب ودخلت ام تُليد تضحك عرفت ابنها مسوي شي
بس ماحرجتني سلمت عليه وكلهم سلمو الي اجوي
وراحوا ورى فتره

عاد انا هم ماسويت اي شي مو طايقه نفسي
صعدت لغرفتي وطكيت بالبجي
كل الدموع الي مخزونه بداخلي طلعتهن
بجيت بجي ما صاير
والله حرام الي يصير وياي
اسمع عمتي من جوه تصيح عليه

فاطمه : تعاي نزلي نظفي الهوسه مالتج

ريفان : ما اهتميت سبحت وغيرت ملابسي
ودخلت للغرفه وقفلت الباب ماريد اشوف
ولا جنس مخلوق
كلش تعبانه نفسيتي

كعدت ثاني منطين خبر لعمتي رحنا بس انا وتُليد
حللنا ورجعنا هو طول الطريق يحاول يخليني
احجي بس انا جامده خجلانه كل شي
ما احجي بس اجاوبه ع كد السؤال

وصلنا للبيت ردت انزل بس هو لزم ايدي مانعني ..

تُليد : هاج هاي الج

ريفان : انطاني مغلف هديه ، شنو هاي ؟

تُليد : جهاز الج حتى نتواصل بي

ريفان : بس انا عندي

تُليد : لا اتركي بعد هذا الج جديد
واليوم انتظريني مو تنامين لان راح اتصل بيج

ريفان : تمام ، ردت انزل رجع سحبني سريع وباسني
بعد عني يضحك انا عفته ونزلت سريع
دخلت البيت
احس مشاعري متضاربه ماعرف شبيه
من جهة هو حباب وزين وياي ومن جهة ثانيه
رهبار

بيومها باليل اتصل عليه وما طول لان
ما لكه اي استجابه مني برغم هو
يضحك ويشاقيني
وراها ب ايام طلعت نتائج التحليل وهاي
هسه احنه متجهين للمحكمة

عقـــــدنا وصـــــرت زوجـــــته شـــــرعاً وقانـــــوناً .

اي وصِرنا مانـــــرهم ســـــوه لمـــــتنا صـــــارت شـــــي صـــــعُب كلـــــش !..

واكفه اسوي الاكل ع الطباخ
وهي واكفه ورايه تحجي ع يوم العرس
مر شهر وأيام ورهبار الهسه ماكو مختفي
حتى الجهاز يطلع مغلق
بارلي شارد وهي مستمره تحجي الا ان
عاطت بيه ..

فاطمه : موو جاااي احجي وياج اانااااا

ريفان : بدون ما انطيها وجهي
رديت عليها ، كولي عمه شنو ما سمعتج

فاطمه : جاي اكلج عرسج شوكت ؟؟؟

ريفان هستوها نطقت هل كلمه وما سمعنا
الا صوت ورانا يكول ..

رهـــــبار : عــــــــــرس مــــــــــنوو ؟؟؟؟؟؟؟

_____________>>>>>______________

للحكـــــايا بـــــقايـــــا ♡

حســـــابي الانســـــتا قلبـــــي 🦋