دهاليز القدر الفصل الثامن والعشرون 28 - بقلم نهى

دهاليز القدر

دهاليز القدر
للكاتبة
Nuha-d-h

زهراء
ركبت وية عمار بالسيارة واني مرفوعة الراس واحجي وية نفسي ما راح اخاف مايكدر يسولي شي اني مهما كان ابقى ام ابنهم بس كلة هذا الكلام كنت اريد اطمن نفسي بي لكن متت من الخوف من شفت عمارسحب جنطتي مني واخذ النقال وطفاه وخلاه بجيب الدشداشة

عمار جان كاعد بالصدر وابن عمة هشام هو اللي يسوق

سمعت نقال عمار دك
عمار -اي يمي لاتخاف محد الة دخل بالسالفة كلكم طلعو منها يالله بوية اترخص مع السلامة وانهى الاتصال
زهراء صارت حواسي كلهة على درجة قوية من التركيز
كمت اسمع دبت النملة من الخوف
شفت السيارات وكفت ونفتحب بوابة مال مزرعة ودخلت بس السيارة اللي يقودهة هشام والسيارتين البقية بقت برة واكفات
فتح عمار باب السيارة الي واني ظليت كاعدة مصنمة بمكاني ما اقبل اتحرك وكأنما كرسي السيارة صار طوق النجاة بالنسبة اللي
عمار وبخزرة -يالله نزلي فوتي جوة بالبيت
زهراء وبخوف- لا لاعفية ماريد ادخل جوة رجعني لبيتنا الله يستر عليك
عمار غمض عيونة ودار وجهة ورجع عاين عليهة- شوفي يبنت الناس اني لحد هسة محترمج وما اريد ااذيج واكول خطية بس لاتجبريني استخدم وياج اسلوب ما راح يعجبج
زهراء وبخوف مثل الطفلة-يالله يالله راح انزل بس الله عليك لاتسويلي شي
اباوع علية خشن واطول مني واضخم مني والله خفت هذا براشدي يطيرني
عمار حصرتة الضحكة على ردت فعل زهراء -لعد يالله صيري حبابة ونزلي لان عندي حجي وياج

زهراء نزلت واني رجل طك برجل عبالك ماخذيني لحبل المشنقة

هشام -احم اني اترخص اجيب السيد واجي
راح وسد باب الصالة وراه
زهراء وانة داخل البيت وعمار صار وراي وسمعت كلام هشام
هنا اني اتخبلت وعرفت نية عمار
رحت گبل ركضت على الباب اريد اشرد لان مااتوقعت عمار هيج توصل بي المواصيل
ما احس الا عمار جرني من عباتي وكعت العباية من راسي كنت لابسة تحت العباية فستان اسود محتشم طويل وعلية شال اسود عفت العباية وكعت بالگاع وبيقيت بس بالنقاب والشال وركضت اريد بس اوصل للباب
بس كان عمار اسرع مني وسد علية طريق الهروب وظليت مثل العصفور اللي يدور على مخرج حتى يطلع من القفص
عفتة وركضت بالجهة الثانية للبيت عسا ولعل اطيحلي بمخرج بس هلمرة كان عمار يمشي وراي ببطئ
شفت باب كدامي ركضت علية وما اشوف نفسي الا وداخلة بغرفة مابيهة مخرج ردت اطلع صار عمار بوجهي
زهراء عزة العزاني اصخام الصخمني وين اروح بقيت واكفة بنص الغرف اباوع عليه شراح يسوي بية بس هنا تذبحوني قطرة دم ماتلكون بية
عمار -شوفي يبنت الناس دزيت ولد عمي يجيبون السيد حتى اعقد عليج وتصيرين حلالي لاتخافين انة ماكاتل نفسي عليج بس عندي شي يمج وهلشي ابن ياسر ما ينفع اخذة منج الا وانتي وياه سوية
ترة اگدراخذ ابن اخوي من عندج واربي ببيت ابوه ماغصبن على اليرضى والمايرضى بس ماينطيني گلبي اشوف ابن ياسر مفرفح على امة
فما اريدة يتيتم من الصوبين لاامة ولاابوه

ففتحي اذنج وسمعي زين عندج واحد من الخيارين
اما تقبلين وتوافقين يعقدلنا السيد او الخيار الثاني فهذا ما ينحجي هذا يتطبق

زهراء
احس بروحي صرت مثل الثولة وما مفتهمة شي
زهراءبخوف-زين اذا اختاريت الخيار الثاني اكدر ارجع لبيت اهلي
عمار وببتسامة ثعلب- اي طبعا تكدرين ترجعين لاهلج

زهراء بكل سذاجة -لعد اني ما اريدك تعقد علية علمود بابا ما ينقهر اختار الخيار الثاني

عمار اتقدم وهو متعجب على جرئت زهراء شلون تفضل هيج شي على الزواج والستر شنو هيج هينة عندهة السالفة خلاص يزهراء اذا ما خليتج تتمنين الموت كل لحضة

زهراء شفت عمار نظرات عيونة تغيرت بأتجاهي وصارت نضراتة تمشي على طول جسمي شفتة رفع ايدة وهو بتقدم بأتجاهي وكعد يفتح دكم الدشداشة مالتة
واني ما جاي افتهم شنو يريد يسوي ودشداشتة شلهة غرض بالخيار الثاني
وفجاء ما انتبهت على عمار الا وهو دافعني ولاطشني على الحايط اللي وراي واني من الصدمة صكيت وعيوني ظلن مفتوحات على كبرهن شفتة مد ايدة ورفع البرگع مالتي عن وجهي وشمرة بالگاع اني مثل الصنم واكفة وجسمي يرجف من اثر الصدمة
وبعدهة حسيت جر شالي بقوة لدرجة انفتح شعري وياه وصار كلة على وجهي
اني بساعتهة حسيت شنو كان يقصد بالخيار الثاني ان يكسرني ويوديني لاهلي حتى بابا ينجبر ان يوافق على زواجنا وهو الممنون من جنت اسمع المعلمات من ينصحوني و يحجون بعمار ويكولون لاتخلونة يصير عدوكم عمار مونفسة عمار اذا يصير عدو لان كل تصرف راح يتصرفة عمار بأتجاه اعداءه يكون مباح وهسة عرفت معنى كلامهم
شفتة مد ايدة على صدر الفستان وشك صدر الفستان ونكشف صدري وضهرت ملابسي الداخلية فجاءة اني صرخت ودفعتة عني بقوة وما كدرت عليه فكمت زحلگت نفسي من بين ايديه وگعدت بالگاع مكرفصة على نفسي شلون الجاهلة وخليت ايدية على صدري واني ابجي
زهراء-لا على بختك عمار احلفك بروح ياسر لاتسويلي شي
عمار وبغضب -ليش موجان هذا خيارج ااخذج والعب وياج انتي و بيدج فضلتي الحرام على عقد السيد

زهراء وهي تلطم على حلكهة بقوة وبخوف-والله والله ما عرفت شتقصد بالخيار الثاني ورجعت لطمت حلكهة مرة ثانية لدرجة ان انشكت شفتهة وطلع منهة دم والله هذا حلكي اذا بعد فتحتة الله ياخذني ان شاء الله اذا شفتني فتحت حلگي بعد

عمار وهو يشوف الدم شلون صب من شفتهة
سحبهة وكومهة من الگاع ورفع الشال ولفهة بي وسترهة
عمار -وهسة انتي عرفتي الخيار الثاني كولي شراح تختارين
زهراء بكل خوف دنكت وبصوت ناصي-هذا هو موافقة جيب السيد وخلي يعقدلنا
ورة نص ساعة حضر هشام وعزام ابن فوزية والسيد وبدة السيد يعقدلنا ووصاروا هشام وعزام الشهود على العقد وخصص عمار مقدم كلش جبير ومؤخر نفس الشي

عمار طبعا من حددت الخيار الثاني لزهراء كان الهدف من عندة التخويف حتى تنجبر توافق على الزواج
لكن صدمتني من وافقت بكل جراءة على الخيار الثاني
بس كانت صدمتي اكبر من عرفت اني هي اتصرفت وحجت بسذاجة لان عقلهة ماجان مستوعب ان انة توصل بية الدنائة و اقترح عليهة هيج خيار
وبعدما وافقت على الزواج طلعت للصالة وجبت عبايتهة وخليتهة على راسهة ورفعت وجهة ومسحت دمعة شاردة من عيونة وشفت رموشهة من البجي متراكمات على بعض كلة هذا خلق بيهة لوحة تبهر الي يعاين عليهة

عمار وبهمس - مسحي دموعج ورفعي راسج ولاتدنكين صدگيني راح يجي يوم وتشكريني لان ما فرطت بيكم انتي وابن ياسر
صحيح هسة انتي مجبورة بس كلشي يهون لأجل مصلحة علي

زهراء
عقد السيد واني بغير عالم وما اعرف شنو حجيت وشنو كلت وما حسيت الا على السيد گام هو وهشام وعزام
وسمعت هشام وعزام يتباركون لعمار
هشام -الف مبروك يالغالي
عود ما وصيك ديربالك على اخوك المسكين وتوسطلي يمهم امانة عليك من تشوفهم ظل بس احجي بمحاسني گدامهم كللهم حباب وخوش ولد وشاغول ويغسل مواعين
وها ووما ماشي هواي بالشارع وحديث مامستعمل
هههههههه
عمار - ولك امشي اخر خبل جاي ابيع سيارة لو اخطبلك

عمار من طلعو ا الولد درت وجهي على زهراء
عمار بصوت هامس -الف مبروك
زهراء بدموع -عمار انت كسرتني بابوي وما اعرف شراح يصير بابوي اذا درة

عمار حسيت بخوفهة على ابوهة
-يالله گومي نروح للبيت
زهراء عدلت عباتي انتبهت على عين عمار تباوع على مكان بين صدري اني نزلت عيوني على المكان اللي جان يباوع عليه عمار واني صرت حمرة نسيت ان الفستان صدرة مشكوك وطالع نص صدري وملابسي الداخلية
اني اتمنيت الكاع تنشك وتبلعني
يالله ليش المواقف المحرجة تكون كله امام هذا الرجال
عمار-يالله امشينا
طلعنا وركبنا بالسيارة واني اجيت وفتتحت الباب الخلفي
عمار دار وجهة علية -يالله رجعي سدي الباب وتعالي كعدي كدام
رحت وركبت يمة واحس گلبي ما اعرف شبي صار دكاتة تتسارع

عمار
من عدلت عبايتهة كدامي ونكشف بياض صدرهة امام نظري اني بوكتهة ضاعت علومي وتخردلت

وصلنا لبيت اهلي ودخلت السيارة بالكراج ونزلنا اني وزهراء للبيت وسلمت عليهم

زهراء اول ما دخلت على بيت اهل عمار صار عندي احساس مثل اول يوم جابني بي ياسر بس جان هواي اكو فرق شاسع
بين الدخلتين
دخلتي الاؤلى بفرح وثوب ابيض وكنت مثل الملكة
امادخلتي الثانية بثوب اسود ممزق وكأني سبية
جان تأثير الموقف علية كلش جبير لدرجة ظليت اشهك بصوت ناصي غير مسموع وصار جسمي كلة يرجف

ام عمار وفزت من ماكانهة -هلة يمة عمار شنو هذا الكلام السمعتة من ابوك فهمني وزهراء شتسوي جاية وياك
عمار بصوت جامد-يمة زهراء صارت مرتي وهذا بيتهة

ام عماربفرحة على خوف-اي بس يمة ما يصير هيج تسوي وتخلي الوادم تفرفح على بنيتهم ومايعرفون اراضهة وين
الا من راح ابوك عليهم هو وعمامك وفهمو ابو زهراء السالفة

طبعا من راح الشيخ سلمان واخذ اخوته وياه لبيت ابو زهراء حتى يفهمة على اللي سواه عمار
لان همة هم صاحبين بنات ويخافون على عرضهم وهمة ماقابلين باللي سواه عمار
الشيخ سلمان -شوف يبو زهراء انة اجيتك والله الشاهد علية ما عندي علم اوخبر باللي سواه عمار ببتكم
والله الشاهد علية ما راضي باللي سواه لان انة هم عندي بنية واخاف عليهة وما اقبل لاي واحد يسوي بيهة مثل اللي سواه عمار ببتكم فياخوي انت شتفصل احنا نلبس واحنا راضين بحكمك

ابو زهراء وهو مقهور من اللي سواية عمار- والله يابو عمار شحجي بعد مايفيد الحجي من بعد سواية ابنك
ماكو كلام ينكال
ابنك ذيب وعرف شلون يلعبهة صح بس عندي شرط واحد ما اريد اشوف وجهة ولا اسمع صوتة وبيتي يحرم عليه واذا اجتني بنتي تشوفني ما اريدهة هو يجيبهة لان گلبي حيل مجروح من سوايتة

زهراء -من سمعت كلام ام عمار وبابا شنو حاجي متت قهر عليه وضجت من عمار
شفت علاوي ابني شلون اجاني يمشي بالگوة من ورة اللحم واني دنكت عليه عمار
صار قريب علية وهمس باذني
اني رايح صاعد لشقة نوال صعدي وراي
عافني وراح وصعد
اجتني نوال وشبكتني وهي كلش فراحنة اني مستغربة من ردت فعل نوال ماجنهة مرت عمار وهسة هي لازم مقهورة ان جاب ضرة ثالثة عليهة اشو هاي فرحانة وتبوس بية
شفت بطرف الصالة شيخة عيونة يجدحن جدح من الشرارة والقهر
طبعا شيخة من طلكها عمار وووداهة لاهلها وحجالهم على سوايتهة بوكتهة هشام هد على شيخة ولزمهة وكطعهة تكطع وشمرهة جوة رجل عمار
گال اخذهة واشمرهة للجلاب لان احنا مانلفي عار
ام هشام -اخذهة يمة خدامة لبناتهة
عمار استحيت بوكتهة من كلام هشام وما ردت اكسر ظهرة بأختة فرجعت شيخة لخاطر بناتي حوراء وملك لان مالهن ذنب صغار وخطية حوراء على وشك تدخل للمدرسة وتحتاج امهة بهاي الفترة بس والله الا اربيها من جديد

كانت ردت فعل شيخة جدا طبيعية كزوجة دخلت عليهة شريجة
اي هاي مبين ردة فعلهة معقولة مو نوال اللي حيرتني بردة فعلهة
ام عمار -يمة زهورة مبروك يمة الله يطمنج ويفرحج
زهراء دنكت اني مستحية-مشكورة خالة خالة منو جاب علاوي من بيت اهلي
ام عمار-خطية شاف جدة ابوعمار وشافهم ركبو سياراتهم وباجي وراهم الدايح صاير يريد شوارع
زهراء-امي مادزت بيدهم غراض لعلاوي وياهم
ام عمار -اي يمة جابو وياهم جنطة صغيرة بيهة ملابس وكم شغلة وياهن

عمار وبصوت عالي -زهراااااء

زهراء نزيت ونسيت عمار رادني اصعد وراه -گبل اخذت علاوي وصعدت لشقة نوال شفتة عاگد حواجبة
عمار -انة موگلت صعدي فوك
زهراء -والله نسيت جنت احجي وية خالة واخذتني السوالف
عمار-شوفي يبنت الناس اعذرج هلمرة لان بعدج جديدة وماتعرفين طبعي
منا ورايح انة شنو اكول يتنفذ بالحرف الواحد لازايد ولاناقص حجج واعذار ما اريد وما اريد فلانة گالت علاّنة حجت و مدرسة بعد ماكو مرت الشيخ عمار محد يشوف طولهة مو الرايح والجاي يعاين عليهة
زهراء من گال مدرسة ماكو انقبض گلبي -
زهراء وبصوت هامس -عمار المدرسة ما اكدر اعوفهة عفية الا المدرسة اي شي اطلب
عمار بهدوء -اكدر اعرف سبب اصرارج على متابعة دوامج والمثلج عندهة طفل وحالتهة المادية زينة لازم يكون بيتهة اولى بيهة
زهراء وهي مدنكة -اني احتاج الوضيفة لان بابا طلعوه تقاعد وحالتة الصحية ماتساعد ان يقوم بَـــاي مجهود واني جنت اشيل راتبي واخلي بيد امي بدون ما يعرف بابا
عمار-زين ابوج ما يتسائل منين امج جاي تجيب الفلوس
زهراء-لا هو حسبالة هاي فلوس الخياطة لان امي تخيط وزينة تسوي كبب وكيك توصية
عمار- ان شاء الله خير كلشي ينحل انة راح اسوي الاكدر عليه بس هَـا هم ارجع واكول مدرسة بعد ماكو
عمار -اي اتذكرت انة اة ةةةة
زهراء انتبهت على تمار قطع كلامه
وشفت عيونة مسبلة علية
اني جنت كاعدة على القنفة وبحضني علاوي وعلاوي ما صارلي هواي من فطمتة من صدري فصارت عندة طبيعة من فطمتة لليوم يمد ايدة ويدخلهة جوة بصدري يالله يكدر ينام
واني ناسية ثوبي مشكوگ كلت من اصعد ابدلة وخطية علاوي فاتح ثوبي ومدخل ايدة جوة بصدري ونايم
اني من انبهت على منظري شلون كاعدة كبالة ومفرعة وعلاوي مزيد الطين بلة اوشوفلك وجه عمار گام ينطي الوان وهو يباوع
زهراء من الاحراج ردتة يشيل عيونة عني كعدت احم حم
زهراء-احم احم
عمار وحس على روحة وخطية جاي يطلع ونضرب برجلة بالقنفة
زهراء ضحكت بداخلي على منظرة شلون تخردل

عمار من صحتلهة وصعدت فوك صعدت ووياهة علاوي وكعدت انطيهة محاضرة حتى تسلك حياتنا سوية ونتجنب المشاكل
بس مو هنا المصيبة المصيبة من جنت احجي وفهيت على المنظر الگبالي اللي لو اجيب راهب هم راح يتدمر
من اللي شفتة
شفت علاوي يمد بيدة لجوة صدرهة ويريد يطلعة انة بوكته ماعرفت شسوي تخربطت احوالي ونوب هي الله يحفظهة مبينة مطفية ماتعرف ان هي كلش تلفت الانتباه ومغرية يعني لو راح اللبسهة گونية هم راح اظل اعاني
يعني هسسة هي ماصارلهة ساعات من دخلت لحياتي بس لعبت بطروكي لعب يعني على كم ساعة اني ثلاث مرات اهيج واتمنة اهجم عليهة
زين هاي من تكوم تاخذ راحتهة بالبيت وتفتر كدامي شلون شراح اسوي بس الله يستر

دهاليز القدر
للكاتبة
Nuha-d-h

اتمنى لكم قراءة ممتعة فاربطوا احزمتكم استعداداً
للسفر معي الى عالم الخيال

يتبع