رواية ضحية لمن لايرحم الفصل السابع وخمسون 57 - بقلم زهراء الحسناوي

البارت 41

ضحيه لمن لايرحم

بقلم زهراء الحسناوي

،،،،،،،،،

امهلني قليلاً

سأرتب حياتي من جديد

واعيدك غريبآ كما كنت

،،،،،،،،،،،،،،،،،،،،

صباح الورد والعافيه عليكم 🌹
،،،،،،،،،،،،،

زينب،، تركني ونهض من مكانه وگف على حيله بدون عكازاته
صار يفتر بالغرفه يفتر مايعرف شيسوي يريد يحتويني عجز اشلون وبأي طريقه

نسه الم رجله وعمليته ويفتر يدوس عليها مااهتميتله صرت افتح بالكناتير مثل اليدور على شي بس. بالحقيقه كلشي مااريد بس مااريد اباوعله

اجه بااتجاهي راد يلزمني رفعت ايدي امنعه

گتلك لااتلمسني

حجيتها صاكه على اسناني

لواء،، زينب وغلاتج عندي مجرد عقد ع الورق حتئ مااعرف شلون عقدت احس روحي مثل الحلمان وصحئ على واقع مر
ارحميني زينب لاانتي والوكت عليه وروح حسين تعبان

زينب،، اتحرك واشيل واحط بالملابس بالكنتور بدون ماااباوع بوجها كتله مااريد اسمع اي عذر وبالعافيه عليك نسيت اباركلك

انتبهتله غمض عيونه بتعب تركني وطلع
كعدت بالگاع بجيت ولطمت بدون صوت
صعب تشوف عزيز گلبك شاركك شخص ثاني بي
مجرد الفكره تحسها عثه تاكل عقلك وتفكيرك اكل

بليل ماطلعت ولاحتئ نزلت اسمع صوت حنان تضحك ويه ابنها من تصعد الغرفتها لان غرفتها بصف غرفتي فوگ
تگول ل ابنها شفت بابا لواء اشلون باسك؟؟

خلتني اشيل روحي وارگعها بالگاع من القهر حتى الطفله ابطني خنست ماتتحرك مثل كل يوم

للساعه ب10بليل اندگ الباب
ماحجيت

حسن،، زينب هذا اني افتحي الباب

زينب،، عدلت حجابي ومسحت دموعي ورحت فتحت الباب شفته بيده علاگه

حسن،، شبيج يمعوده گالبتها مناحه؟

زينب،، ماعدت اتحمل اي كلمه احس روحي هشه الدرجه اي كلمه تحطمني بسرعه بجيت

حسن،، كافي بعد اخوج تره ماتضرين غير روحج
هاج اخذي واتعشي تره محد يفيدج

زينب،، دنگت مسحت دموعي بطرف شالي گتله والله مااشتهي

حسن،، اذا مالي خاطر وتقدير عندج لاتاكلين
بس الخاطر الابطنج شنو ذنبها تجوعيها وياج؟؟

زينب،، مدلي العلاگه اخذتها ابتسم

حسن،، تره احلفج باجر خاف شامرتها

زينب،، ابتسمتله من بين دموعي كتله لا راح اكل

انتبهت حنان مرت من يمنه عوجت حلگها وراحت نزلت

حسن،، دخيلك ياربي ارحمنا
الله لاينطيك ياصگر افيلح

زينب،، گتله منو هذا!؟؟

حسن،، هذا افيلح شاف الوادم كلها عدها صگور
وكل صگر يجيب للراعي مالته غزال لو صيده زينه
افيلح راح اشتراله صگر واجه ثاني يوم صبح الصبح بيته مليان حيايه
لان الصكر يصيد حيايه ويذب بحوش افيلح

هسه احنه اصكورنه هم هيج ترسو البيت حيايه
على ساعه اشررد بريشاتي

ياالله بويه اكلي واترسي معدتج محد يسوه ننطي من عافيتنه

زينب،، تركني وراح الحجي سهل بس الفعل صعب
يحجي هيج لان لواء اخو مو شريك حياته مثلي
اني المتحطمه ومحد يحس بيه غيري

خليت الاكل ع الميز واتمددت امسح دمعه توگع الثانيه

صارت الساعه ب12واني بغرفتي لااكل ولاشرب بس وحيدي جاعده ودميعاتي تصب
اتذكرت ملابسي وموبايلي بجنطتي تركتهن بغرفته من اجيت من اهلي
نهضت على كيف مابيه حيل بس لازم اجيبهن لان ذني حقيرات خاف ياخذن موبايلي

فتحت الباب صنته ماكو صوت
نزلت وصلت الغرفته كل ضني نايم فتحت الباب شفته كاعد مستند ع الجربايه يشرب جكاير صايره الغرفه متروسه دخان مااهتميتله ولاحتئ باوعت بوجها
خليت الباب مفتوح ودخلت مخلي جنطتي يم الجربايه مالته
تقدمت مدنگه عيني ع الجنطه اريد بس اخذها واطلع
اول مادنگت لزمتها
مد ايده لزمني

رفعت راسي

هدني اريد اصعد انام

لواء،، تنامين يمي

زينب،، من اليوم تحلم

لواء،، زينب البيه مكفيني

زينب،، عدل گعدته ايد لازمني وايد جر عكازته نهض من مكانه وگف جدامي
ترك ايدي وراح سد الباب اخذت الجنطه وتقدمت اريد اطلع
انطه ضهره للباب يمنعني اطلع

لواء،، مااطلعين اذا مانتفاهم

زينب،، هديت الجنطه من ايدي احس اتهسترت لطمت بثنين اديه على وجهي
كتله واني الطم على خدودي
شترريد شترريد؟؟
شتردوون تاخذوون بعد؟؟
لاخليتوو صحه ولاعاافيه ولاقووه ولاحيلل
حطمتووني وانت اجيت كمللت السببحه
جننت اشووفك

سكتت مهضومه دمعتي والغصه البحنجرتي منعني اطلع الكلام المكبوت بداخلي تمنيت اعاتبه واگله مااستاهل هيج تخذلني

لزم اديه يمنعني اضرب على وجهي دمعته بعينه

لواء،، جنتي تشوفيني كلشي مو؟؟

زينب،، دنگت واديه لازمهن دموعي من عيني للگاع

لواء،، دائما جنت محتويج
هلمره محتاجج انتي التحتويني لان ضايع

زينب،، ابوس ايدك عوفني اطلع
وروح ابوي وصلت حدها وياكم كل شويه افكر احرگ روحي وخلص

لواء،، وداعتج ماتخلصين بنفس اللحظه الحگج
بدونج ماكو شي اله طعم
شفت بيج كلشي
عفه
اخلاق
ادب
خجل
حياء
انتي اضفري زينب والاضفر مايطلع من اللحم

زينب،، ضحكت بااستهزاء بسبب الوجع الدفين الاحسه بصدري نااار ناار تلهب بروحي منه
گتله اصبعي كله اقلعه من مكانه ومايرفلي جفن موبس الاضفر اقلعه

ضل صافن بوجهي مديت ايدي فتحت الباب وطلعت
صعدت الغرفتي سديت الباب وگعدت ابجي من كل گلبي هاي اول مره نزعل اني ولواء
جنت من اضوج بس اشوف ابتسامته التبعث الطمئنينه للروح اهدئ

مديت ايدي الرگبتي افرك بيها مختنگه
ياااالله رحمتك ياربي

اتمددت بفراشي غير انام
ماگدرت اتگلبت
اتمنيت انزل انام بحضه احضنه وابجي واشكيله منه اله
صار الفجر نهضت طلعت للحمام توضيت ورجعت
فرشت سجادتي لبست حجابي وعباتي وتوجهت للصلاة صليت وكملت بس عجبني شعور وجودي بين ادين الله عز وجل
دموعي تنزل ارفع عيوني وانزلهن
خاشعه لله بكل جوارحي

رفعت اديه ودعيت

اللهم اني احاول فأعني
وأني اتعثر ف اقمني
وأني اتشتت فدلني
اللهم قوني ولاتضعفني
وعوضني ولاتخيب امالي
انت وحدك تعلم ماخفي وما اعلن
ف يسر لي أمري واكتب لي نصيبآ من التوفيق

اتذكرت قبل من جنت زغيره دائما البس حجاب امي وعباتي عود اني جبيره اگلها يمه عود شوكت اكبر واصير مثلج جان دائما جوابها
لاحگه على شلاع الگلب
كبرنه واتولتنه الحياة صفعه وره صفعه على خدودنه
تنطيك اول ضربه وقبل لاتنتبه وتلم شتات نفسك راح تلگاها منطيتك ضربه اقوه
صرت اتمنى ارجع طفله كل همي العب وبنهايه اليوم انام من التعب على گد مالعبت

صرت اشتاق الزينب القديمه الجانت النهار كله تضحك وتحشش
اهواي اشتاقيت النفسي القديمه
بس الله سبحانه وتعالى يعلم مدئ حزني الرحيلها

مانمت غير الصبح كعدت على رفسات الطفله ابطني
معدتي موتتني من الجوع جريت الموبايل الساعه 6ونص الصبح ردت ارجع انام ماگدرت لان جوعانه

نهضت من مكاني جريت العلاگه بيها سفري كباب شوي وصمون وبطل ماي
باوعت للشيش مال الكباب جامد علي الدهن لان بارده ومن الليل باقي
مااهتميت لان مااريد اطلع واشوف احد
جريت الكبابه حطيتها بالصمونه واكلتها

حسيت روحي شبعت والطفله قلت حركتها سبحانك ياربي يمكن تحس بكل احساس امر بي

وره ساعه اذتني معدتي ومااريد انزل يمهم
اكتفيت بقرائه الدعاء العلمني علي لواء لتخفيف الالم
وربي دقايق هدء الالم

ضليت بغرفتي مالي نفس اطلع واشوف اي واحد بيهم تحس نفسك گاعد بغابه مليانه وحوش ياهو اليشوفك يريد ياكلك

للساعه 8الصبح اندگ الباب كمت فتحته اَبسرعه ابتسمت من شفته حسن شايل صينيه بيها كوب جاي وخبزه وماعون جبن

حسن،، ادري مخلفج وناسيج؟؟

زينب،، مقهوره بس ضحكت كتله ليش اتعب نفسك؟؟

حسن،، انتو ازعلو واني اخلصها اسوي قصعات للجنود
هو من زمان ادري تاللي موخوش تالي معفن

زينب،، مدلي الصينيه

حسن،، اخذيها وبعد لاتعيديها

زينب،، تدلل حجيتها واني مبتسمه

حسن،، يمعوده رحمه ل ابوج انزلي سوي انتي الاكل تره من يوم الرحتي لهلج مخلصها لفات فلافل جاهزه حتى وجهي صار اصفر من كثر العنبه

زينب،، صرت بس اضحك كتله ميخالف تدلل راح اسوي بس الك اكل

حسن،، يالله فوتي تريكي الجاي راح اغسل بي وجهي صار بارد

زينب،، عافني وراح رفعت عيني للسما دخيلك ربي يمكن حسن وجوده نعمه بالبيت لان لو ماهو جانت من زمان انجلطت بسببهن

دائما اندعيله بصلاتي ربي يريح باله ويرزقه ابنت الحلال التسعده وتستاهله

تريگت ونزلت صارت حنان بوجهي من تشوفني تكتم ضحكتها مثل الجاي يتشمت بيك
مااهتميتلها ولادخلت يم لواء
رحت للمطبخ طلعت بتيته سويتها اقلام
كليتها
وحضرت صينيه دااثرم بالزلاطه دخلت هي ونذيره

وكفن يمي واني اتحرك بالمطبخ

نذيره،، والله بنادم من ينضرب على حلگه يصير ناعم ماله صوت

حنان،، هههههه انشاءالله تضل خرسه
اگلج ام جنونه شعري شنو رايج بي؟؟
شو ماعجبني الصبغ مالته

نذيره،، لو صابغته شقارات يجنن عليج حتى رجلج يضل مگابلج وكاعد

زينب،، اسمع واحمس بروحي بس ماجاوبتهن
الحمدالله كدرت الزم اعصابي ومااذبحهن تركتهن اخذت الصينيه وصعدت اتلگاني حسن ع الدرج
كتله جبتلك غده
اخذ الصينيه من ايدي وصعد جدامي

كل ضني راح يفوت غرفته
شو حط الصينيه بالكاع بالمرر البين الغرف
دخل غرفته جاب فراش وكعد بنص الممر
حبيت تصرفه بسرعه عرفته يخاف عليه منهن اذا اني دخلت تغديت بغرفته لو هو يدخل يتغده يمي
ف شاف الافضل نكعد بالنص كدامهم

حسن،، يالله اكعدي نتغده

زينب،، نزعت نعالي تكرمون وكعدت يمه
نساني الحزن كله يقصف بهذا ويقصف بذاك
اخر شي صعدت حنان شافها دار وجها
همس انسدت نفسي
بس سمعته حنان خزرتني ودخلت الغرفها

صرت اتجنب الكل اله حسن نضحك سوه نسولف سوه لواء يموت قهر من يشوفني متجاهلته تماما
حتى مالي شغل بشي يخصه
اربع ايام وره رجعتي من اهلي لواء اتخبل من تجاهلي اله
شكد يحاول يحجي وياي بس ابتعد
ومن يتصل واني فوگ بغرفتي مااجاوب اضل ارفض
بعناده
من يدز رساله اقره ومااجاوبه

بليل كاعده بغرفتي مشغله قرأن ومقربته من بطني من تسمع الطفله تهدئ

انفتح الباب تفاجئت بلواء عدلت گعدتي
لميت شعري متجاهله وجوده درت وجهي

سد الباب واجه بااتجاهي اعرف صعبه علي صعدت الدرج بس مااتحمل كثره صدي

اجه ذب العكازه وكعد جدامي
ردت انهض لزم ايدي

لواء،، ماكافي ماتعبتي؟؟

زينب،، سكتت اكتفيت بالسكوت

لواء،، والحمزه ابو حزامين مشتاقلج
حد گطع النفس
زينب عيوني تفتر وراج مثل عيون الطفل اليدور على امه

زينب،، رفعت راسي الدمعه بطرف عيني
رفعت ايده خليتها على صدري غمض عيونه

كتله تعرف شنو اهناا؟؟
نااااار شعلتها بيدك؟؟

لواء،، كتلج ماادري بروحي

زينب،، حط نفسك مكاني
تكدر تشوفني ويه واحد ثاني؟؟

لواء،، ززززينب
كافي ومحمممد تعببان

زينب،، درت وجهي عنه عافني وطلع تحسه يريد يهد شكو شي جدامه من عصبيته

صرت انزل اشتغل شغلات بسيطه لان مااگدر بطني ماذيتني ونازله عبالك اريد اشيلها وافتر لان تعبتني
لواء النهار كله ثاير على اتفه سبب
بحيث اذا سمع صوت طفل يبجي بالبيت من جهال حسين يصيح سكتووو مااريد صوت

حنان ونذيره شادات وياي يسمعني حجي
وام لواء ملتهيه بجهال حسين النهار كله بحضنها
وكل ماتشوفني اتگلهم الله لاينطي الحرمكم من ابوكم عسنه بالموت
صرت اكره روحي بيت منين ماادير وجهك تسمعلك حجايه تموتك قهر

وين انهزم وين اشرد؟؟
ماعدت اتحمل احجايه وحده
ضغط نفسي اعصابي تلفت من كلشي

وره اسبوعين تفاجئت من سمعت منهم بالصدفه لواء راح يطلع ل ايران يضل عشرين يوم يسوي عمليه اهناك لرجله وهم يعالج معدته

جان بوكتها توني الي 20يوم بالثامن
المغرب جاي اسوي عشه بالمطبخ

دخل لواء عاگد حواجبه
حنان واكفه هي ونذيره يسون عشه الهن
مايحجن وياي لان يخافن من لواء
لان مريضه فمالهن شغل اذا اشتغلت او لا
بس يسمعني حجي النهار كله

درت وجهي بيدي ماعون ثارمه بي طماطه اريد اگلي
ماحسيت غير انلزمت من زندي بقوه
وگع الماعون من ايدي
لازمني يمشي ويجر بيه وراه تحسه راح ينفجر
نذيره وحنان تركناهن صافنات مايعرفن شكو

يمكن انفجر من شافني متجاهلته ومالي شغل بي
دخلني للغرفه مالته ورگع الباب مد ايده طگ القفل

توجهتله اريد اطلع
سحب المفتاح حطه بجيبه

لواء،، ماكو طلعه اذا مانتصالح
اريد اسافر واني مرتاح

زينب،، روح الحنان ذيج هم مرتك

لواء،، بس انتي مرتي وحدج

زينب،، ولااگدر اسيطر على دموعي جدامه اختنگت كتله بصوت يرجف دخيلك خليني اطلع
مجروحه منك والجرح غميج مثل الجاي يموت موت ع البطيئ بسبب غمج هذا الجرح

اتقرب مني تحس رجفه بصوته رفع ايده
دائما يسوي هاي الحركه يحطها جوه اذني يلزم رگبتي

همس

لواء،، اروفه الج

زينب،، مايفيد وياه روف لان راح يضل الاثر بشع

لواء،، مشتاقلج زينب
مشتاق الكلشي بيج
مشتاق احط راسي بحضنج
مشتاق احس بحنانج

كلشي مااريد بس لميني الصدرج وبس
عگب باجر رايح زينب لاتخليني اروح واني مليان تعب

زينب،، يهمس بااذني بهدوء اللحظه ردت اسامحه واضعف بس تذكرت عقده على حنان رجع اتملكني الغضب
دفعته ضرب الباب بيده

لواء،، وعلللي بس اجيبينن وشووفي شلوون اتصررف ويااج هسه استخططيجج

زينب،، خبص الدنيا يرعد تركته وطلعت جسمي يرجف حتى مارجعت للمطبخ طلعت صارت بوجهي حنان تخزر بيه مخازر
تركتهن وصعدت الغرفتي
بيومها بجيت حد التعب احس وجهي وعيوني ورمن من كثر البجي
حتى نمت بدون عشه عندي كيكه لگيتها بالكنتور نستله ناسيتها من زمان فتحتها واكلتها ياالله نمت

ثاني يوم اجه حسن الضهر گال حضري ملابس لواء جهزيهن بالجنطه
كتله خل يروح المرته تحضرهن

حسن،، انه اغلام جدي لان ابوي مابي حض
جا انتي منهي؟؟

زينب،، صدگ ضحكت گتله قصدي حنان

حسن،، بويه حضريهن ولاتضلين تتزعلين
زلمه رايح بمنيه وطريق طويل كلشي يصير
روحي حضري الجنطه واتصالحو لا تنطين مجال الغيرج صيري فطنه لاتخلين غضبج يعميج

زينب،، منو راح ياخذه؟؟

حسن،، شكو غير ذياب

زينب،، عافني وراح. رجعت جهزتله ملابسه حسن فهمني شنو احضرله

بليل اجه اخذ الجنطه نزلها جوه ولواء جهز نفسه اجا الحلاق للبيت حددله لحيته ورتب شعره
فكرت گلت صدگ كلام حسن خل انزل اسلم علي لان رايح بطريق بعيد والدنيا مامعروفه

نزلت الباب مفتوح شفت حنان دخلت يمه وسدت الباب
بمجرد شفت هذا الشي زاد حقدي وغضبي
لعنت روحي الف مره لان فكرت اسلم علي
دخلت للمطبخ جهزت عشه من عصبيتي وقهري ماادري شسويت واشلون طبخت

حطيت اكلي بالصينيه وردت اصعد انفتح الباب طلعت حنان لواء واگف على صفحه بس شافني وعرف اني شفتهم تركتهم وصعدت الغرفتي ايدي ترجف
وگعن دموعي مااتحمل احس كلشي جاي يصير فوگ طاقتي
انفتح الباب شفته دخل لو تخبلت
توجهتله مااريد اشوفه

اطلع روحلهاا اختتل انته ويااها

لواء،، اهدي زينب بس سألتني شمحتاج والله

زينب،، فقدت احس اعصابي انتهت فقدتها
ادفع بي اريده يطلع وابجي بحرگه

لزم اديه وطوقني الحضنه ماكدرت ابعد روحي بجيت
دنگ المستواي رفع راسي اني ابجي مااريد اباوعله
صار يبوس بعيوني ويطبع بوسات خفيفه على شفايفي

لواء،، احبج وكلام الله
ولج افهميني بس افهميني
مريض وتعبان جاي اسوي اشياء بعدين اتذكر اني سويتها

زينب،، دفعته ماخلاني ضامني الصدره بقوه
گتله وخر روحلها

لواء،، ماعندي شي وياها حتى اروحلها
ولج اموت عليج من تغارين اتمنى افتح صدري واضمج شكلج يخبل

زينب،، كل كلمات الغزل ماشفعتله عندي
تالي من شافني هيج تركني وطلع رگع الباب وراه

ثاني يوم سافر بدون ماانزل ولاااشوفه

بمجرد ماصار خارج البيت اندفع الباب فاتت نذيره شايله ابن حسين وحنان وراها بس مادخلت واكفه بالباب شايله بتها

نذيره،، يالله يالمسعده اتحلحلي مخلصتها النهار كله مطموره
لاعبالج جنت ساكته عنج حبا بيج والسواد عيونج؟؟
لا حبيبتي جنت ساكتتلج الخاطر لواء وبس

انهضي فزي نضفي سويليج شغله مخلصتها نوم وخدر
شو هم مثلج حبلنه بطونه لخشمنه ونشتغل بالزرع ونحصد ونركض لو بس انتي حبالتج مشكله بخيط؟؟

زينب،، حنان واكفه تضحك ونذيره استلمتني رزايل تالي گمت جا شسوي؟
حطيت عيني بعين الله ونهضت لان مكتوبلي للقهر من زغري

عفتهن ونزلت اسمعهن وراي يتمضحكن عليه حنان اتگلها بشر مايجي اله بالرزايل

وام لواء هم ماقصرت ثلاثتهن خلني والله ردت اشگ ثوبي ماعدت اتحمل كلمه زايده
احس روحي مثل گلاص ماي مليان وفايض
اتبده الصبر مني اريد اهج اريد اشرد اريد انهزم المكان فارغ

كثيرآ مانظهر عكس مانخفي
وكثيرآ مانتجاهل كي تمضي بنا الحياة دون تعثر
قد ابتسم من خيبة أمل
وقد اضحك من وجع دفين
قد ابدو هادئآ
وأنا اشعر بأن العالم كله متكئ على قلبي
قد انطق بالصمت
وأنا اكثر الناس ضجيجآ من الداخل
أنا منهك
منهك من كوني قوي
ومن التخطي كأن شيئآ لم يكن
أنا منهك لان الناس اعتادت على رؤيتي امضي
ونسيت اني احتاج يدآ تحملني من حين إلى آخر
يظنون أن صدري متين
ؤان ظهري جدارآ لايهد ولايلين
من اخبرهم بهذا؟
من قال روحي لايعكر صفوها؟
ؤان قلبي لايكسر ك جرة طين
الله يعلم بأني لم اخلق بقلب من حجر
يعلم بأن بقائي على هذا الثبات
لم يكن سهلا كما يتخيلونه
ربما لم اطلب يدآ تمسح دموع الفزع
ولم اوقظ احدآ ليعانقني كي اهدئ
ربما اعتقدت انني قادرة على شق طريقي
دون الاستناد على كتف احدهم
لكني والله
لست كذلك دائما
لست بشخص قوي يتحمل كل شي
ولكني صاحب صمت خفي قادر على كتم كل شيء
ولأني ابتسم كثيرا لن يشعر بي احد
لطالما تظاهرت بأن كل شيء على ما يرام
فلا احد يعرفني جيدا
ليكتشف من عيني أني اكذب 💔

دخلت المطبخ مااعرف شنو اسوي اجت نذيره فتحت الكاونتر طلعت شكو مواعين وجدور وغراض حطتهن بالگاع

نذيره،، كلهن اغسليهن وعزلي الكاونتر ومن تكملين سوي غده

زينب،، شمرت السيم مال المواعين يم رجلي
الجدور من ينطبخ بيها من جعب الجدر يصير سواد من النار
اخذت جدر صغير حطيت بي ماي حار وزاهي
وكعدت بالگاع اجلف بيهن والاكمله انهض گوه لازمه بطني اغسله بالسنگي وارجعه المكانه
ماكملت اله ضهري مكسور تعبت ساعه كامله اني اجلف

هنه جاعدات جدامي بالصاله يسولفن ويه ام لواء
ولامهتمات
دنگت باوعت البطني
گتلها بنيتي اتحملي ماضل شي ييمه واحطج بحضني
سبحانك ياربي لان مكتوبلها عمر كل التعب والقهر وهي متمسكه بيه لان الله كاتبلها تعيش رغم كلشي

كملت وطبخت تمن ومرگ صبيتلهن اجت حنان اخذت الصينيه حجت بصوت ناصي

حنان،، لسه ماشفتي شي

زينب،، تركتني وطلعت
بگلبي گلت شنو الاشوفه اكثر من هذا بعد؟
صبيتلي ماعون تمن وحطيت فوگاه مرگ كعدت بالمطبخ اتغده بالكاع لان ملابسي اتبللن من الماي من غسلت مواعين

يوم بعد يوم يزين تأمرهن وجبروتهن وحقارتهن
يخلني اركض ليل نهار ومن التعب صار يوگع عليه ماي بس المن اشكي؟؟
ماعندي غير الله اشكيله بتوالي الليل من ضلم عباده

على اساس لواء يضل باايران عشرين يوم بس اتاخر اسبوع فوگ الموعد
بطني كلش ثگلت وخاصتا من دخلت بشهري
من سافر جان عليه عشرين بالثامن
بقئ مسافر سبعه وعشرين يوم
دخلت بشهري عشر ايام حضرت الجنطه مالتي من بداية التاسع
خاف على ساعه اطلگ
ام سجاد طول هاي الفتره مااجت لان شايله الكاشي مال بيتها وجاي يحطون كاشي جديد ملتهيه المره وهي دائما تتاخر كل شهرين وبالثالث ياالله تجي

لواء بعدله ثلث ايام ويجي
شگد اتصل شگد رادني افتح خط واحجي وياه بس ابد ماجاوبت
حتى مره منهن حسن اجه لازم موبايله گال هذا لواء يريد يحجي وياج اشرتله بيدي بمعنى مااريد

بيومها دزلي رساله

لواء،، وعلي متحمل عليج بگد شعر راسج
بسيطه ارجع وشوفي شيصير؟؟

مااهتميت الكلامه لان روحي ملچومه منه
الصبح گعدت اتريگ واشوف حنان ونذيره يشيلن بفراش الصاله

لفنه وشمرنه بالطارمه ع الصبه

نذيره،، اتزقنبي واغسليهن كلهن غسل زين مو اشلون ماجان
تره اذا شفتهن وصخات اخليج ترجعين من جديد تغسليهن

زينب،، اربع زوالي طوال ينفرشن بجوانب الصاله
وقطعتين بالنص
شيغسلهن؟؟
يرادلهن اقل شي اثنين يساعدني مااكدر وحدي

تركتني وراحت اسمعهن يكولن معزومات ابيت حنان امها عازمتهن هي ونذيره

نهضت من مكاني تعبانه بطني ماذيتني بس بنادم مايرحم
رحت للبوري شكلت الصونده وسحبتها للطارمه فرشت اول زوليه اريد ابدي بيها
طلعن اثنيهن كاشخات شالن عباياتهن عن الماي
كل وحده شايله طفل بيدها

تركني وطلعن گعدت اغسل وادندن

هلي ياهلي يامن ضيعوني
هلي نامو على الغبرة ونسوني

من جنت صغيره اسمع امي تقراها

كملت اول زوليه حيلي نهد صارت الگومه والگعده كلش
صعبه
رجعت غسلت الثانيه والثالثه انتهيت
الم فضيع

ماكو واحد بالبيت بس ام لواء
عمي يطلع من الصبح للعزايم والمشيات
وحسن محد يدري بي شوكت يرجع وشوكت يطلع

نهضت وتركت الغسل مال الزوالي احس بطني خرطت فد مره
اباوع المطبخ احسه صار بعيد كلش

گوه وصلت اسحل بروحي وصلت للسنگي لزمته استندت علي احس الالم بعد ماينطاق
الالم تجي وتروح وحده احسها خفيفه وراها قويه

بس دقايق بين وحده والثانيه
لمن وصلت المطبخ جانت الوجعات تتزايد
اجتني وجعه خلتني اصيح ولكممممم الحگووني

وفجأة حسيت عبالك بوري وطگ
اباوع الماي يجري بالگاع غرگت
على صوت صياحي دخل حسن بيده السويج يركض

باوعتله بعيون متوسله بي يساعدني
گتله حسسسسن الحگني

يتتتبع