رواية ضحية لمن لايرحم الفصل الثامن وخمسون 58 - بقلم زهراء الحسناوي

البارت 42

ضحيه لمن لايرحم

بقلم زهراء الحسناوي

،،،،،،،،،،،،،،،،،،،،،،
أحياناً اريد ان امنح بعض الوقت لنفسي
للوقوف أمام المرأة
وامتلك الشجاعه لكي اقول لنفسي
انا اسف لأني هش
لست قوياً كما يجب للاستناد
لست مرنآ كما ينبغي لأختبئ
أنا اسف لأني هزيل ومتعب وبائس
اريد أن اصارح نفسي واجرحها
اريد أن اضع عيني بعيني أمام المراة
لأني الوحيد الذي يعلم جيداً من أنا
لأني الوحيد القادر على اخراج نفسي من ازماتي
وعقباتي
لأني الوحيد الذي يعرف جيداً نقاط ضعفي
فتلك اللحظه التي اواجه بها نفسي
حتما لن تمر من بدون اي نتائج
سأتغير للافضل واقطع عهد على نفسي
بأني سوف اعود إلى هذه المرأة في فتره لاحقه
وأنا شخص اخر

غصون،، راح اكذب اذا اگول ماخفت منه
من شكله صرت اخاف لان اهواي ضربني صرت ارتعب من اشوفه گدامي

اجه يمي ثنه ركبته وگعد كدامي
سحب الكتاب من ايدي شاله قره العنوان

ذياب،، صايره تقرين كتب ونهج البلاغه
بيها الخير

غصون،، سكتت ماجاوبته لزم ايدي كل ضني راح يضربني شهگت خايفه رفعت ذراعي غطيت وجهي
احسه جمد لازم ايدي مايتحرك

همس

ذياب،، مااضربج لتخافين

غصون،، مد ايده الجيبه طلع موبايلي حطه بيدي
تفاجئت بي لان تصرفاته متناقضه اذا يشك بيه ليش يرجعه الي؟؟

تركني وطلع فتحت الجهاز فارغ مابي لاخط ولاواتساب ولافايبر فقط فيس
رغم هذا الشي بس فرحت گلت بعده يثق بيه ورجعه
ع الاقل لومايثق ماجان تركلي الفيس
بس بعدين وره فتره طووويله كلش
اكتشفت هاي موثقه بالعكس هاي عدم ثقه
من تركلي الفيس راد يختبرني اتصل بغيره

من هذا اليوم بديت اقره كتب بس ماافهم كلش بالشرح
صرت فقط اگلب بالصفحات اقره بس مجاي اخذ شي واستفيد من الاقراه

بعد كم يوم سمعت بي راح يسافر ويه لواء ويتاخر بالسفر
العصر عمتي جهزتله اشيائه الياخذهم وياه
واني بالمطبخ اسوي بالعشه
انفتح الباب دخلت عذراء ونور مجرد التفتت الهن ورجعت اكمل قلي اجت عمتي سلمت عليهن اسمع نور اتگلها اجيت اشوف ذياب قبل مايسافر

تحجي وتنزع بعبايتها درت وجهي اريد اخذ البدنجان من الميز انتبهتلها كاعده حاطه رجل على رجل تباوعلي ثوبها بي دلعه نص صدرها طالع مدندشه بالذهب
شعرها مسويته مدرج لايگ الها ويه دوره وجها تاركته مفتوح
عذراء گالت لها گومي نگعد بالاستقبال انترسنه من البدنجان
بگلبي گلت عمت عين الباميه شگد تنفخ البطن

رجعت وگفت يم الطباخ وهنه دخلن للاستقبال
صار المغرب دا اتوضه درت وجهي صار گبالي ذياب
راجع
باوعلي ودار وجها عني صعد الغرفته شويه ونزل مبدل لابس اتراك دخل يمهن

رحت صليت وكملت رجعت اصب عشه وست نور
گامت تصب وياي
من شافتني بس اني بالمطبخ دفعتني بطرف اصابيعها وصفگت اديها مثل الازم شي وسخ
وجاي ينفض ايده

نور،، اووي دوخري من تصبين حتى مالي نفس اكل

غصون،، الدمعه بطرف عيني مااعرف اشلون اجاوبها

تركتها ورحت للغرفه اتمنيت عندي جواب اكدر ارد عليها بي بس مشكلتي شخصيتي ضعيفه
ماالگه جواب مناسب من احد يهيني
بس بعدين اتندم من تجيني الردود واني نايمه اكول امداني بلساني عضم ماجاوبتها بساعتها؟؟
ليش هسه اجتني الردود التحفه؟؟

شويه اجت عمتي گالت تعاي تعشي
مانتبهت لعيوني مسحت دموعي ورحت يمهم

كاعده هي بصف ذياب وعذراء بصف امها واني بالجها الثاني تتعمد تخلي دلعه ثوبها تبين
وصرت دائما انتبهلها من تلبس تحاول تغري
بثوبها القصير لو بلبسها الحصر

تختلف عني تماما مرات حتى انسئ الحجاب على راسي عمتي تگلي شكو متحجه منو يمج؟؟
اگلها متعوده هاي شمرتي حتى من جنت عد اهلي حجابي على متني

تركتهم وكمت سويت جاي وخليته بصفحة النار حتى يخدر
اجت هي وعذراء ينقلن بالمواعين شفته عبر للمغسله
راح يغسل

هي هم غسلت يمي ب السنگ وراحت للاستقبال
عمتي راحت الغرفتها شويه واجت نور عذراء تغسل ل ابنها

نور،، باعي مكياجي حلو؟؟

عذراء،، يخبل روحي هسه يبوسج وتروح الحمره

غصون،، درت وجهي غمضت حيل حتى لو جنت مفكره اكرها بس موهينه اسمع هيج كلام
نور طگتها ضحكه وراحت يمه

عذراء،، صبي كوبين جاي واخذي الهم

غصون،، صبيت كوبين واخذت الصينيه بيدي
الباب مامسدود مردود رد اثنينهم گبالي بس نور صاير وجها للباب يعني اشوفها وتشوفني

جانت گاعده بصفه اتقربت منه كلش
لزمت خده وباسته بشفايفه هو صافن عليها
واني من خوفي وارتباكي الصينيه بيدي ترجف حتى اكوابه الجاي صارن بيهن نصوص لان اتبدن

شفتها رفعت اديها طوقت رگبتها تركتهم ورجعت للمطبخ ارجف عذراء كدامي تلبس ابنها ومبتسمه من كد مافقدت اعصابي لاول مرخ خزرتها ورجعت الغرفتي بسرعه دخلت واتمددت بفراشي ارجف

رفعت ايدي گدام وجهي ترجف مثل السعفه
بداخلي غلطت علي انواع الغلط والشتايم
رجع تملكني شعور الكره والحقد

ماطلعت يمهم ابد اسمع اصواتهن وضحكهن بره
للساعه 10يالله راحن
هم ماطلعت ولان دفيانه بفراشي غفيت من وكت

بين النايمه والصاحيه حسيت اكو احد يمي
بده گلبي يدگ بقوه بس مافتحت عيوني
حسيته بعد شعري عن وجهي وطبع بوسه خفيفه براسي جر حسره طووويله نهض تركني وطلع
فتحت عيوني ارعش بمجرد مايلمسني جسمي ينتفض خايف لان طبعه وعصبيته خلتني جبانه

ثاني يوم راح بدون مااشوفه
وره يومين عمتي اجتني بيدها موبايلها

ام ذياب،، هذا رقم ابوج لگيته متصل مرتين خابري شوفي شكو

غصون،، اخذت الجهاز ورجعت الغرفتي اتصلت بي
بعد السلام سالني عن ذياب وشلونه وياي كتله سافر قبل يومين بعدها سالني على وضعي وشقريت وشنو الفهمته
كان جوابي والله يابه مافهمت كلشي

ابو مثنئ،، كولي العمتج امي مريضه واريد اروح يم اهلي ابقه اسبوع

غصون،، خاف ماتقبل فشله

ابو مثنئ،، بابا اساليها اذا قبلت اتصلي بيه اجي اخذج

غصون،، نهيت الاتصال ويه ابوي ورحت العمتي
گتلها عمه امي مريضه وتريدني اروح يمهم

ام ذياب،، روحي بس منو ياخذج؟؟

غصون،، كتلها عمه ابوي كال اذا عمتج قبلت اني اجي اخذج
بس اشلون اروح منو يبقئ يمج؟؟

ام ذياب،، اتصل بسارا تجي يمي روحي فشله من ابوج

غصون،، اتصلت بي كتله عمتي قبلت كال نص ساعه واجي اخذج

وفعلا حضرت ملابسي لبست عباتي سمعته دگ هورن عرفته اجه طلعت سلمت على عمتي وهي وصتني اوصل ل امي سلامها
طلعت شفت وجه الخير ابتسمت ردلي ابتسامه مليانه حنيه وامان

فتحت الباب وكعدت يمه جرني باسني
بالطريق سالني على قرائتي اشلونها؟
گتله والله بابا مافهمت شي
هز راسه ساكت

وصلنه للبيت عرفت من اهلي قبل فتره زينب جايه يم اهلها متت قهر لان دائما نجي باوقات مختلفه اتمنيت اشوفها
ابوي گال بليل نحجي هسه اكعدي يم امج واخوانج

وفعلا بليل وره العشه گال ل امي سويلنه جاي وجيبي للمضيف طلع ولحگته لگيته لابس نضارته وكاعد كدامه مجموعه كتب تختلف عن الانطاهن الي

كعدت يمه

ابو مثنئ،، اي بابا احجيلي شنو المافهمتي؟؟

غصون،، هو كل القريته احسه صعب افهمه
حتى اذا افهم انسئ

ابو مثنئ،، لتكولين مافهمت
گولي ماركزت هذا الجواب اصح
اني متاكد بس عيونج يقرن لكن دماغج مشغول بشي ثاني

اريدج تحجيلي كلشي انسي اني ابوج غمضي واحجيلي شنو اليضوجج شنو الصعب عليج

غصون،، بالبدايه ضحكت احسها صعبه
لان هذا ابوي وخاصتا استحي منه كلش

ابو مثنئ،، بنيتي احجيلي خل اني وياج نشوفلنه حل
موتردين تربحين الحرب؟؟
غصون، هزيت راسي بمعنى اي

ابو مثنئ،، خلص جا الحرب تريدلها فارس شجاع ماخذ كل احتايطاته
مو فارس فاهي مايعرف راسه من رجلي وراح ينقتل من اول مواجهة

غصون،، بده يشرحلي شويه شويه صرت اتجاوب ويااه ومن طريقة كلامي واجوبتي اكتشف خوفي وشخصيتي الضعيفه

ابو مثنئ،، تدرين بنيتي ثقي بالله قبل جنت مفكرج فقط خجوله بس شخصيتج قويه
لكن اكتشفت الشخصيه الخجوله هي نفسها الشخصيه الضعيفه الانطوائيه بسبب الخوف والخجل

غصون،، لمعت الدمعه بعيني كتله بابا مااعرف شنو اجاوب من احد يستهزئ بيه لو يغثني اضل ساكته

ابو مثنئ،، وهلشي غلط يابنتي
الله سبحانه وتعالى اوصانه بالقوه مااوصانه بالضعف
والرسول محمد عليه افضل الصلاة والسلام كذلك اوصانه بالقوه بقوله (المؤمن القوي خير واحب الئ الله من المؤمن الضعيف)

كلام الله ورسوله عن القوه مايخصون فقط المؤمن الرجل لايابنتي المرأة كذلك
ومفهوم القوه مو تاخذ سيف وتروح تحارب لا
المرأه قوتها تكمن بعقلها
نضجها
تفكيرها
تعليمها
قوة شخصيتها
حضورها
ذني كلهن قوه
مو تختل وتستحي وتنطوي على نفسها لان هلشي راح يسببلها مشاكل اهواي يخليها دوم مركز للتنمر واضحوكه محد يرحمها وخاصتا مجتمعنه يحب المرأه القويه الشجاعه مو الضعيفه

شوفي الفرق بين قوة المرأة وقوة الرجل
الرجل قوته خارجيه بعضلاته وتكوينه الجسدي
بس المرأة قوتها داخليه بگلبها وحكمتها
وتفكيرها ف تشوفين الرجل يخاف من المرأة القويه لانه هش من الداخل عكسها تماما

واليوم راح يكون درسنه عنه بناء الشخصيه القويه

بناء الشخصيه القويه مثل واحد جاي يبني بيت
يبدي البناء من الاساس بعدها الهيكل بعدها شي وره شي يكمل البيت
اكو اشخاص حقودين يحاولون يهزون ثقتج بنفسج
فتشوفيهم يحاولون يستهزوون على خدش بسيط
بواحد من ابواب هذا البيت الي هو شخصيتج
حتى ينجحون بااضعفها

صح انتي خجوله يابويه بس مومعنا تسمحين النفسج تكونين ضعيفه
بالعكس الحياء حلو للمراة لان الحياء هو احترام الذات
واذا احترمتي ذاتج معناها انتي قويه

اذا تردين تصيرين قويه
اول خطوه تخطيها اكثري من قرائه القرأن
لان من قرأ القران وادبر اياته وعرف معاني وفهمه
معناها اتقن الخطابه في الكلام

وخلي ابالج دائما قول الله تعالى (لايصيبنا الا ماكتب الله لنا)
خلي املج بالله عز وجل جبير لان الله خلق الكون علئ مبدئ التبادل
كل شخص يسوي سيئه او حسنه
راح يكافئه كل شخص زين وعنده حسن الضن بالله علئ عمله
او ايضا يعاقب كل شخص ضالم على الشي السيئ الي سواه
لتخافين من شخص دبرلج مكيده لو حاك ضدج مؤامرة لو شخص اتهمج بشي باطل لونصبلج كمين
لان ذني كلهم الله المدبر الهن
لانه هو جل وعلا المخطط الاكبر لان ماكو ورقه شجر تتحرك لو تسقط بدون علمه
ماكو قطرة مطر تنزل بدون علمه
ماكو دابه ع الارض هو غافل عنها
ماكو كبيره وزغيره اذا ماعنده علم بيها
وكل شي يصيب الانسان بدار الدنيا هذا امتحان من الله عز وجل يختبر مدئ قوتنه وصلابتنه
حتى نبقى ثابتين

اليوم لهنا ينتهي الدرس
منا ل اسبوع اريدج اطلعين منا قويه مستعده للمواجهة مفهوم؟؟

وباجر بااذن الله ناخذ غير درس
اريدج تركزين وياي بنيتي وشوفي اشلون راح تشوفين فرق بحياتج

غصون،، احس كاعده يم استاذ وصلي فكرة الدرس بكل احترافيه بحيث خلاني منتبه على كل حرف
وبداخلي مستعده اتقدم حتى اتخلص من ضعفي

بعدها كان كلامنه عادي جدا

انتبهنه ع الوقت الساعه ب 11بليل
كتله بابا شوف بيش الساعه
ضحك كال

ابو مثنئ،، اخذتنه السوالف خو ماضوجتج؟؟

غصون،، لا يابه بالعكس فرحانه احس اول مره كلام يدخل عقلي بهاي السرعه

ابو مثنئ،، عفيه بنيتي يالله كومي ارتاحي ونامي
باجر ورانه هم درس طويل

غصونه،، بسته ونهضت امي خطيه نايمه بس جابت الجاي وطلعت بدون ولاكلمه وبعدها ابد مادخلت يمنه عرفت ابوي جاي يعلمني ف مادخلت حتى لاتقطع حديثنه

رجعت للغرفه جريت الموبايل ابوي جايب شبكه من زمان من اجيت الصبح ماجان مفعل بس العصر
راح فعل جان معاند ويه مثنئ لان يسهر يلعب لعبه جانت نازله اسمها كلاش والنهار كله مخلي راسه بالجهاز

باوعت لگيت اهواي رسائل ع الماسنجر
من الغضبان
كلهن كاتب بيهن الووو الووو وينج؟؟
بمجرد مافتحت الرساله اجتني رساله جديده

ذياب،، بعد وكت زين توج اتفضلتي وشفتي الرساله

غصون،، قريت ماجاوبت رجع دز

ذياب،، موجاي تقرين؟؟
جا ليش تسكتين؟؟

غصون،، نعم

ذياب،، نعم الله عليج
وين جنتي ويامن ملتهيه؟؟

غصون،، ليش
كتبتها ماجنت اعرف باله راح لبعيد

ذياب،، سالتج وين جنتي ملتهيه؟؟
وليش مااتصلتي بيه لودزيتيلي رساله من رحتي لهلج؟؟

غصون،، كتبتله گلت العمتي وهي گالت روحي

ذياب،، ماخذتني لوماخذه عمتج؟؟
من تردين ترحين لهلج خابري وانطي علم مو مغلسه ع الوضعيه ماشي؟؟

غصون،، دزيتله لايك بمعنئ ماشي

ذياب،، موتتاخرين يومين وارجعي يم امي

غصون،، رجعت دزيتله لايك

ذياب،، حرگتي شيب الخلفني كون هاي ايدج المادتها اله اعض هذا الاصبع
يقصد ع الايك

غصون،، ماجاوبت وهو هم مادز اي شي

اتمددت بيدي الموبايل اجاني اشعار من حسابه ناشر فيديو
دخلت ع الفيديو كانت اغنية ل حسين الغزال

شگد احبك يا أناني
شگد احب جرحك اليه
لو بديه اني اكرهك
بس احبك مو بديه
من وراك اسهر ليالي
اني ميت من وراك
الهوئ انت بحياتي
اي ليش خانگني هواك
شگد اخاف اني عليك
وانت ما خايف عليه

فوگ الفيديو كاتب جمله من ضمن الاغنيه مخليها بين قوسين

(ماشي بس وگفني حبك بطريقي شجابك انت؟
ماكسرت بيوم گلبك
وانت گلبي شگد كسرته)

سمعت الاغنيه للاخير لگيت روحي ابجي وياها
اتذكرت من شفت نور تبوسه مسحت دمعتي
واسترجعت بذاكرتي كلام ابوي مالازم اكون ضعيفه ودمعتي رخيصه

اباوع اهواي ناس كاتبتله معلقين اله سلامة گلبك
هو مجاوبهم ب قلب مكسور
حتى نور دازتله بيت شعر من دون الكل مامجاوبها

ثاني يوم الصبح گعدت ابوي بعده ماجاي
للساعه ب10رجع بيده كم كتاب دخل للمضيف تركهن بالمكتبه واجه يمنه
وره الغده اشرلي گال گومي نكمل درسنه

وفعلا رحت وراه شفته ياخذ الكتب الجديده الجابهن حطهن بالگاع وگعد يمي

ابو مثنئ،، اليوم درسنه عن الثقة بالنفس

غصون،،، بابا اني كلش ثقتي بنفسي مهزوزه

ابو مثنئ،، بنيتي الثقه بالنفس تجي اول شي
بالإيمان والعلاقه الوطيدة بالله عز وجل اولا
وبعدها الاسره واحنه من البدايه غلطانين وياكم وخاصتا وياج انتي لان انتي بنت يمكن اكو امور جانت لازم نخليج تشوفيها من كل الجوانب بس خوفنه وحرصنه خلانه نكون محدودين التفكير
وهذا الشي الغلط احنه مثل الي يعلم اولاده ع العيب قبل الحرام والحلال

المفروض من تعلم بنتك او ابنك من الزغر تگله هذا التصرف حرام الله مايرضه بي حتى يعرف هو غلطان واكو رب راح يحاسبه رب مايستهان بعقابه
وبعدين علمه ع العيب والخوف منك
لان اذا اتعلم الثانيه قبل الاولئ ماراح يحسب احساب المخافة الله وهذا الشي غلط

بعد الاسره تجي
الثقافه
والتطلع
والاختلاط

الثقافة موشرط يكون الشخص دكتور او عالم حتى يكون فاهم
الرسول كان أمي وهو مدينه للعلم
حتى يبين انو الثقافه ما تنوخذ من المرحله الواصل الها انت اذا كنت دكتور او عالم او فيلسوف

اكو ماداخلين مدارس اصلا وتشوفهم قمه بالثقافه
أما التطلع اقري كتب اهواي وافهمي محتواهن موفقط قرائه وتهميش
والاختلاط اختلطي بالناس الاكبر منج انتبهي الكلامهم وحاولي تكبرين عقلج وفهمج مثلهم

عدم الثقة بالنفس
هو الخوف والضعف والخجل وانعدام الشجاعه
واهمها التردد من فعل اي شي تردي
ودائما راح تلتجأين انو تاخذين رأي الاخرين
ف تشوفين نفسج مثلا
لابسه فستان انتي تشوفي حلو عليج بس ماواثقه كل الثقة بنفسج
ف راح تاخذين رأي فلانه وعلانه
تجين الهاي فلانه حلو فستاني؟؟
فلانه خو ملابسي مابيهن شي؟؟
هذا يسمو عدم ثقه يابنتي

ف الافضل تكونين قويه
لتصيرين ضعيفه خلي عندج عزم
خلي شخصيتج قياديه بكامل المعنئ
لتهابين فلانه وعلانه وهاي سمعتني كلمه محلوه وذيج قهرتني
لتهابين اي شخص ماعدا الله عز وجل

خلي ثقتج بنفسج تزيد اسقطي مره وحاولي تنهضين من جديد حتى توصلين للشي التردي

اجمل شي بالشخص يكون واثق من نفسه بطبيعته الحقيقيه مو شخصيته مزيفه ومتصنعه
ودائما اتذكري
واثق الخطئ يمشي ملكآ

ها تمام؟؟؟

غصون،، بديت افهم بشكل عجيب صرت اتمنى ماينتهي حديثنه حسيت انو فعلا مستعده للتغير
صار عندي حافز قوي اريد اتغير اريد اتخلص من غصون الضعيفه الفاهيه الي الكل يتنمر عليها لان بيضه گلب مومتصنعه ومامتلوثه وماعدها دغش

ابو مثنئ،، اني من الرجال الي تعجبني المرأة القويه
الي مايضرها شي
تعجبني المرأة التخلي حدود للتعامل وياها
تعجبني المرأة الي يحسبلها الرجل الف احساب
تعرف شوكت تحجي وشوكت تسكت
تعرف شوكت تثور وشوكت تهدئ
تكون تعرف الفرق بين الجرائه والوقاحه
امراة مايكسرها رجل ولااي شي
يعني بين قوسين المراة القويه مو الضعيفه الي ماتثير غير الشفقه

اليوم درسنه لهنا يخلص انشاءالله تكونين فهمتي واذا اكو شي مافهمتي احجي ومستعد اعيد الحجي من جديد

غصون،، ابتسمت هزيت راسي بمعنى فهمت
جرني الحضنه صرت جوه ابطه باس راسي

ابو مثنئ،، غلطان وياج يابويه من السما للگاع
لان بيدي قدمتج قربان وانتي مالج ذنب
راح اموت وذنبج يحفر بگلبي حفر

غصون،، جريت ايده بستها
اسم الله عليك يابه عمرك طويل
انت موگلت كلشي نشوفه اختبار من رب العالمين؟؟

يعني اكيد كل الصار من تدبيره حتى يختبرنه
واصلا الله يحبني خلاني يم عمتي ام ذياب مره خيره وتعرف الحق من الباطل

ابو مثنئ،، هو هذا المريحني عمتج خوش مره

يالله بنيتي گومي دام الدنيا العصر اخذج افررج غيري جو

غصون،، فعلا بدلت وطلعنه بس اني وابوي ماخلئ واحد يروح ويانه
اول شي اخذني زورني الامام علي عليه السلام من زمان ما زايرته بمجرد دخلت للحضره دموعي بدت تتسابق للنزول
صرت اشكيله بگلبي موبلساني احسه كاعد يسمعني
ماطلعنه لمن شفت روحي ارتاحيت ونفسيتي اتحسنت

بعدها اخذنه المطعم تعشينه بي
كالي شنو تردين اطلبي اليوم اني خادم زغير الج

متت خجل من ابوي گتله حشاك يابه ربي يحفضك النه
اتعشينه وطلعنه فترينه اهواي اخذني المول اشترالي ملابس اني اختار كم شغله وهو يعامل ع الملابس
استحي منه بس ماقبل گال شنو يصير بنفسج اخذي لتخافين جيبي ثگيل حجاها وضحك

صدگ اخذت كم دشداشه حلوات مرتبات احب الدشداشه اليكون شكلها لونها وشغلها هادئ مابيها هوسه وخبصه وشغل وتطريز
اخذت بناطير اثنين وياهن بلوزات طوال وجاكيت وحذاء تكرمون وابوي كدامي يدفع فلوس

صدگ اتونست مارجعنه غير للساعه 10بليل
وهم من طلعت نسيت الموبايل بالبيت من رجعت لگيت ذياب
حارگ الموبايل بالرسائل لان صامت وبجنطتي محد شايف موبايلي

اخر رساله دازها

ذياب،، بس ااجيييي عشيرررتج احرگهااا

يتتتتتبع

منو راح يركض مثلي حتى يسمع الاغنيه؟؟ 🥺