رواية ضحية لمن لايرحم الفصل التاسع وأربعون 49 - بقلم زهراء الحسناوي

البارت 35

ضحيه لمن لايرحم

بقلم زهراء الحسناوي

،،،،،،،،،،،،،،،،،

گولوله فلت وانگضت
بس أبد لايدنالها
گولوله ماتدري الصدگ
تمسح دمعها بشالها
گولوله لو صار العصر
چم حزن ياكل بالها
گولوله ماخانت ولك
خان الدهر ب أحوالها 💔

،،،،،،،،،،،،،
غصون،، لزمت خدي احسه اشتعل نار الدموع نجمعت بعيني رفعت راسي باوعتله
ولثاني مره يضربني على وجهي بقوه

اريد احجي اريد اگله ليش وشسويت؟؟
بس رهبتي منه خلتني ساكته مااعرف انطق حرف واحد

وهو على گعدته طلع موبايلي من جيبه فتحه رفعت عيني اباوعله ودموعي تجري
مد ايده مقربلي الموبايل

ذياب،، هذا الرقم تعرفي؟؟

غصون،، گوه تطلع مني الحجايه گتله و والله ك كل ضني ز زينب

رفع ايده ضربني راجدي احس اسناني تخلخلت من الضربه لزمت وجهي غطيته بيدي ودنگت ابجي

سحب ايدي بقوه بعدها عن وجهي رفع راسي

ذياب،، هاي الضربه لان عيني عينك تحلفين جذب

ماتعرفين الرقم مو؟؟

غصون،، بجيت بصوت عالي گتله ووالله مااعرفه لان حسبالي زززينب

صار يگلب بالجهاز وجها دم گصته عرگانه تحسه مثل البركان الغالقين الفوهه مالته على ساعه ينفجر

مدلي الموبايل وهنا جانت صدمة عمري
فتحت عيوني على وسعهن
همست هاي صوري

بمجرد ماكملت كلمتي انهال عليه بالضرب احسه فقد
صرت مثل الخرگه بيده احاول احمي وجهي من ضرباته لكن يزود ماينقص
گذلتي وگعت على عيوني جرها بقوه لفها على اصبع ايده يحجي ويتل براسي

ذياب،، الهاي الدرجه وصلت بييج النذاله ؟؟

غصون،، رفعت راسي ولزمت ايده الازم بيها شعري عيوني تتوسل بي يفهم مني بس جان فاصل

گتله والله مادازتهن ال اي واحد وداعت ابوي مادزيتهن

قرب الموبايل من وجهي بحيث الشاشه نضربت بخشمي عت شعري وزمخ

ذياب،، ااقررري ولللج اقرري شكاااتب؟؟؟

غصون،، لازم الموبايل بيده
جوه كل صوره من صوري مكتوب بيت شعر من بشاعته ثگل الساني غزل لعبان نفس يتغزل بكل جزء بجسمي

وخاتمها بالنهايه

المطي مالتج عرف اني منطي برنو ماملعوب بسرگيها؟؟
خاتم الكلام بضحكه

ولاعرفت شنو يقصد بهاي الكلمه رفعت راسي ابجي كتله وووالله والله احلفلك ع القران جيب كلام الله احلفلك بي مااعرف منو هذا

رجع صعد البدايه المحادثه اني الدازتله
بعد روحي

ذياب،،جاا هااي شنوو؟؟
ولللج شگد شاايف بشر بس مثلج مااشفت

غصون،، دفعني ونهض باوع ع الصور حط الموبايل ع الميز بقوه
صار يفتر بالغرفه مثل طير المذبوح يروح ويرجع
رفع ايده لزم شعره تحسه يريد يشلع شعر راسه

گعد گدامي

ذياب،، ززعطووطه زعطوططه بطوول نعاالي
مخليتني مضحك لليسووه والمايسووه؟؟

وولج مايووم غصبتج على شيي ولايوم مديت ايدي عليج ولا يوم طلعت غضبي بيج
رررغم كل اغلاطج ماعاقبتج وعاقبت رووحي بخطوبتي من نوورر
جاااوبي لاتسكتتين؟؟
انطييني دليلل واحد يخليني اصدگججج هلمره

غصون،، نهض جاب الموبايل فتحه وقربه مني بحيث اثنينه نشوف رجع طلع الواتساب
اكثر شي اني متصله بالرقم

اي شخص اليشوف يقتنع اكو شي لان اني دازه رساله بالبدايه واهواي متصله بفتره التصوب بيها لواء
يعني ميه بالميه اليشوف يتاكد اكو شي بيني وبين صاحب الرقم

شمر الجهاز على صفحه رفع راسي باوعلي عيونه مليانه غضب وعيوني مليانه دموع
همس

ذياب ليش؟؟

غصون،،، گعد بالگاع ادي ترجف وگصته تنضح عرگ
همس

ذياب،، ليش اليحبج هيج تجازي؟؟

غصون،، دنگت جاوبته من بين دموعي گتله والله ماكو هيج شي
رف اصبعه گدام حلگه وزمخ

ذياب،، لتحلفيين

غصون،، رفع ايده عصر عيونه
حجه بصوت ناصي

ذياب،، تسع شهور مخليج براحتج اگول طفله خطيه
رغم سمعت التسجيل بصوتج وانتي تعترفين بلسانج تحبين ابن عمج بس ماگدرت اكرهج گلت بعدها مراهقه ماتعرف شنو الحب خليني اعلمها على ايدي

اليوم من حجتلي امي وگالت يمه مرتك طفله ماتعرف شي وشارده منك
ولج وروح ابوي تمنيت بساعتها ماكو واحد بلبيت
روحي طارت من الفرح امشي واحجي وي روحي ربي شمسوي يمك وكافئتني بيها

تالي طلعت

غصون،، سكت ماكمل اسمعه وابجي بدون صوت
نهضت من مكاني اريد اطلع اريد انهزم ماابقئ يمه
ردت بس اشرد من گدامه
ردت اطلع دفعني الداخل الغرفه
بجيت گتله وخر مو مامصدگ بيه؟؟

ذياب،، انهزامج ياكد صحة الكلام الموجود بالراسائل

غصون،، مامسويه شي غلط گتلك جيب كلام الله احلفلك وحتى مااعرف شنو يقصد

ذياب،، هااا ماتعرفين شنو برنو ماملعوب بسرگيها؟؟

غصون،، مسحت دموعي وهزيت راسي بمعنى لا

ذياب،، هسه افهمج اشلون نتاكد الحجي صدگ لو جذب؟؟

غصون،، سحبني من ايدي نترت ايده ردت افتح الباب اول مره احد هيج يعاملني نفسي عزيزه مااكدر اتحمل اهناته
رجع سحبني من ايدي ودفعني

لاول مره بحياتي اخاف الهاي الدرجه
موذياب هذا شخص ثاني عيونه مليانه غضب وقسوه
ردت اشوف شيريد يسوي حتى يتاكد كلامي صح

تركته براحته رغم
خوفي
دموعي
ونحيبي
مو اغتصاب وانما اثبات برائه بصوره بشعه
(اثبات برائه) حتى ماكنت اعرف هذا المعنئ بوقتها
ولاجنت اعرف كلمه اغتصاب

بس حسيت انسلب شي مني بس برضاتي ماحجيت ولافتحت حلگي
بس دموعي وعيوني تتوسل بي

ابتعد مني احس روحي مطشره كل جزء مني بمكان محطمه ومتهشمه لالف جزء

فتحت عيوني اباوعله وين مسلط نضراته
يمكن جان بذاك الوكت هذا اليسمو دليل البرائه
جريت بطانيتي لفيت روحي وغطيت حتى راسي

اسمعه جر حسره طويله وحجه بصوت ناصي

ذياب،، رحمتك رببببي الصبررر

غصون،، تركني وطلع بدون ولاحرف
بداخلي استرجع كلام ساره
موهيج شرحتلي موهيج شرحتلي
هي شرحتلي شي ثاني وصورته الي بصوره حلوه
ماجنت متوقعه كل هاي البشاعه

ساعات واني بمكاني مالي طاقه انهض واخاف من المنظر غير جسمي الحسيته مسحوق تماما
الساعه گدامي لان ابجي شعري لازگ بوجهي
بعدته عن عيوني وباوعت للساعه صايره ب4الفجر

دفعت الغطه اباوع الروحي وارجف من الخوف
نهضت من مكاني گوه عدلت ملابسي اخذت ملابس غيرهم ورحت للحمام التفتت شفته گدامي بالمطبخ يشرب جگاير والمطبخ صاير عباره عن دخان
باوعلي ودنگ
بهاي اللحضه كرهته من كل گلبي
رحت سبحت ودموعي تجري احس بااحساس غريب
كملت وباوعت الروحي بمراية الموجوده بالحمام
اصابيعه طابعه بخدودي
انهضمت ونزلت دمعتي فتحت الباب وطلعت بعده گاعد بمكانه

رجعت للغرفه لميت فراشي وفرشت غيره
اتمددت بدون تمشيط مالي خلگ حتى النفسي
ودمعتي ابد مانشفت

طلعت الشمس واني گاعده ماطلعت اسمع صوت خطواته بره يرجع يتملكني الخوف من جديد

للساعه 10الصبح سمعت صوت سيارته تشتغل عرفته طلع
ضليت بمكاني حضنت البطانيه وبجيت بقوه بصوت مسموع اتمنيت اصرخ بصوت عالي اريد گلبي يرتاح

ماادري شوكت غفيت من التعب والبجي
حسيت احد يگعدني بس مااگدر افتح عيني
عرفتها عمتي

گوه فتحت انتبهتلها تالي عدلت گعدتي لان عمتي تريد تعرف اني وابنها شنو صار بيناتنه

ام ذياب،، بشري بنيتي فرحيني اتقربلج؟؟

غصون،، شعري مفتوح ونازل على خدودي
مديت ايدي جريت قراصتي لميته ورفعته ثبته بالقراصه جريت نفس كتلها اي عمه

رفعت وجهي تباوع لخدودي فاتحه عينها

ام ذياب،، صخااام وجهي ولج منووو وياج؟؟

غصون،، حسبالك لجمت جرح گلبي بسرعه غطيت وجهي وبجيت المره ارتبكت تريد تفهم
لطمت على وجها حجت بصوت ناصي مقربه وجها مني

ام ذياب،، منعتي وضربج موو؟؟

غصون،، سكتت ماحجيت لان خانگتني العبره
عمتي خرطت خدودها تخرمش بيهن وكل شويه تسالني سؤال محرج مااعرف بشنو اجاوبها اكتفي بالسكوت

من شافتني مااحجي اتصلت بساره گالتلها خل رجلج يجيبج عندي شغله وياج

وفعلا ساعه زمان واجت ساره هم نصدمت من شافتني تالي عمتي گالت ادري تستحين مني انه راح اطلع وانتن سولفن تره گلبي راح ينفجر

من طلعت ساره سألتني

ساره،، ضاربج ذياب؟؟

غصون،، هزيت راسي بمعنى اي حجيتها وبجيت

ساره،، غصون فهميني وعوفي البجي
ذياب مو متخلف حتى يعاملج بهاي القسوه اله اذا اكو شي
احجيلي شنو صار؟؟

غصون،، حجيتلها عن الرقم واشلون دز صوري واني مادازتهن ال اي شخص وحجيتلها عن الاشعار وعن كلامه بنهايه المحادثه سالتها شنو يقصد برنو ماملعوب بسرگيها؟؟
اباوعلها فاتحه عيونها

ساره،، عزاا العزاااج غصون
ومنين صاحب الرقم جاب الصور مالتج؟؟

غصون،، نهضت من مكاني فتحت الجام مال البوفيه طلعت كلام الله جبته واجيت حطيت ايدي فوگه وحلفت گتلها والقران وداعت امي وابوي مااعرف منو صاحب الرقم ولااعرف منين جاب الصور مالتي

ساره،، خاف انتي دازتهن لهلج لو الوحده من اقاربج اتذذكري غصون

غصون،، والله مادزيتهن ابد واصلا بس محتفضه بيهن بس اخوج من شافهن

حجيتها وبجيت

ساره،، غصون،، تره السالفه موهينه رجال وشاف واحد يدزله صور مرته وفوگاها يدزله كلام لااخلاقي ويحاول يفهمه انو مرتك اني ماخذها قبلك

غصون،، مسحت دموعي گتلها بس اني ماخذه ذياب ماماخذه غيره

ساره،، حبيبتي قصدي متقربلها قبل الزواج وحسب كلامج صاحب الرقم جاي يوضح هذا الشي مبين غايته يريد يخربكم
هسه اني داحلل وافكر بالسالفه بعقل لان اني مره يختلف تفكيري عن تفكير الرجل
الرجال تقوده غيرته بهاي الشغلات
بس سالفتكم مو خاليه اني ادري انتي فاهيه
ماعندج من ذني السوالف

غصون،، هواي ضلينه نحجي تالي جابتلي اكل لان عرفتني. ماماكله من البارحه كتلها مااشتهي وفعلا كلشي مااكلت لان نفسي مسدوده

لليل ذياب ماراجع للبيت عمتي تتصل بي مغلق
ساره جابتلي اكل حلفتني اكل مااخذت غير لگمه وحده احس روحي شبعانه ذياب
بيومها مارجع غير ل 12بليل سمعت صوت سيارته
عمتي ماخلت ساره تروح گالتلها اليوم باتي يمنه
خل نشوف شنو سالفه اخوج ومرته

خطيه مانامن وضلن منتضراته
من سمعن صوت سيارته نهضت عمتي راحتله
وره دقايق ساره گالت اني صاعده هم اريد افهم شنو السالفه

ساعه كامله اسمع بس صوته العالي يرعد فوگ
بعدها سمعت صوت تكسير جسمي من وحده صار يرجف اعصابي كلها ترعش بجيت

دخلت ساره بيدها ورقه ومبينه ضايجه
حطت الورقه بحضني رفعتها
مبينه من الشركه

ساره،، هاج شوفي
ذياب عنده صديق ومكلفه يجيبله اتصالات مال الرقم باعي الوقت

غصون،، قائمه طويله بيها مكالمات وراده وصادره
واكو وقت بكل المكالمات خاصتا الصادره
لان جنت اتصل حسبالي موبايل زينب عاطل وماتسمعني
بس وقت المكالمات اكثر مكالمه ماتتجاوز الدقيقتين

يعني اصابع الاتهام كلها ضدي
دخلت عمتي يمي مبين وجها كلش ثگيل وهي واكفه كالت

ام ذياب،، مع الاسف عليج
على بختج عمه شنو سوينالج حتى هاي جزاتنه؟؟
ليش هيج خليتي وليدي مثل السمجه المتزوهره مايندل دربه؟؟
كل مره انه وياج ع الحگ بس هلمره شنو اليشفعلج؟؟

غصون،، حتى ساره ضلت صافنه على كلام امها
عمتي طلعت ورگعت الباب وراها
بجيت بقهر لان محد يصدگني
ساره كالت
ساره،، لاتبجين خلي الوضع يهدء ونتصرف امي حجت هيج من قهرها لان ذياب حاليا دربه مايشوفه لوتشوفي شلون هجم غرفته هجم اول مره اشوفه هيج فاقد اعصابه الهاي الدرجه
اليوم اتركي بين مايهدئ وترتاح اعصابه
وباجر اصعدي يمه حاولي تفهمي بلكت الله يلگه حل شو اشلون مااشوف انتي ماتسويها عندي احساس بهذا الشي لان شكلج مومال هاي السوالف
بس ذياب الله يكون بعونه والله بجيت علي
انتي هم اعذري لان تصرف بدون وعي

غصون،، سألتني عن وضعي خو مااشكي من شي
خجلت منها هزيت راسي بمعنى قليل موكلش
وفعلا احس الم روحي اكبر من الم جسمي

ساره ماتركتني ضلت نايمه يمي
الساعه ب2 طلعت للحمام اليوم حتى صلاه ماصليت ولاطلعت
رحت للحمام ورجعت التفتت الجهة الدرج اكو شي بداخلي يحثني اصعد افهمه
خليت رجلي على اول درجه ورجعت نزلت لان خفت واتراجعت

دخلت الغرفتي احس راسي حينفجر
من اذكر تصرفه البارحه وياي من اتقربلي
بلحضه باوعت بعيونه خايفه
شفت دمعه بعينه رغم قسوته وغضبه

ردت انام ماگدرت للفجر يالله غفيت
ثاني يوم طلعت بس عمتي بالمطبخ وساره ماموجوده رايحه لبيتها

عمتي باوعتلي ودارت وجها اول مره اشوفها هيج مغثوثه مني احبها لان مايوم حجت وياي كلمه موزينه وضجت من شفتها ماتحجي وياي
رحت وگفت يمها ردت احجي دمعتي سبقتني
وحتى ماسمحتلي احجي شي تركتني وطلعت

اسبوع كامل ذياب مسوي البيت جحيم يرعد بصوت عالي على ابسط شي
عمتي ابد ماتحجي بس من يطلع تبجي
اسمعها تكول منين اجتك هلطلابه هاي؟؟

اسبوع اني خاتله بالغرفه حتى اكل مااكعد يمهم اكل من يكملون اسويلي لفه مااخلصها اله ودموعي تجري وياها
تعبت نفسيتي اتمنيت اموت واخلص من كلشي
تالي گلت مااكدر ابقى هيج ع الاقل اصعد احجي وياه وافهمه احلفله باالله وانبيائه مااعرف منو صاحب الرقم بلكت يصدگني

العصر ردت اسوي عشه عمتي حجت وهي تلگط بالتمن بدون ماترفع راسها گالت اني اسوي عشه
روحي الغرفتج قبل لاينزل ابني دخيلج خلي ساكت لايشوفج وينقهر انهضمت
ورجعت اركض فتحت باب الغرفه ودخلت صعبه حيييل صعبه
بيت كل الموجودين بي مايحجون وياك
الله خلقنه دم ولحم نحس وننقهر صعبه من تشوف روحك مركون على جهة محد بحالك

بليل وره العشه طلعت سبحت لان هو موجود جمعه وماطلع كاعد بلبيت خفت اطلع واشوفه
من تعشه وصعد الغرفته اخذت ملابسي ورحت للحمام سبحت وطلعت مشطت ولفيت شعري اشلون ماجان مالي خلگ الكلشي

افكر واحس عقلي تعب من التفكير
كله شويه اريد اصعد احجي وياه واتراجع

للساعه 12ونص بليل اتخذت القرار الاخير
خلص لازم اوجها واحجي وياه الئ متى ابقى خاتله؟؟

فتحت الباب وطلعت عمتي نايمه
صعدت وگلبي كل بايه اصعدها تزيد دگاته اكثر واكثر
وصلت باب الغرفه فتحته ودخلت......

يتتتبع

#لحظه_صـــبر_في_لحظه_غضب 🤍

#تمنع_ألف_لحظه_نــــدم 🌺🌝

#علي_بن_أبي_طالب 🥀🤍