رواية ضحية طيش الفصل السابع 7 - بقلم Khalek Poetess

بالليل بعد ماخلصت منها الكوافير طلعت ملكة جمال من جد لو قالو حوريه تمشي عالارض جمالها جمال عربي اصيل ...
غير ان ملامحها كانت طفوليه تخلي الواحد غصب يبتسم ان شافها....
(ياحظك ياسلييييطططيين فيها_هذي الجمله اللي قالتها ساره وهي تبوس غاده على خدها)
عهد:بسم الله عليك الرحمن الرحيم ما شا الله تبارك الله الله لا يضرك
غاده بحيا:يووووه لا تبالغون تراني ميته روعه لا تزيدوني عاد
ساره:ههه اللي يشوف يقول نهددك ..ياماما نبي نرفع معنوياتك..اهدي حشا داخله ملحمه
غاده بارتباك شديد:والله الملحمه اهون اووف خلاص مابي اتكلم ترى ابصيح
عهد بروعه:لالالالا الله يرحم والديك ما صدقنا تسكتين بلليييييييييييز لا تخربين الميك اب
ساره:ههه همك الميك اب انتي
عهد:والله محد تهزأمن الكوافير كثري من كثر ما تخرب عليها ..واآآكلها انا لاني إنا اللي جايبتها
غاده تبتسم بحب لهالثنتين اللي اعتبرتهم كل اهلها بكت اليوم بدال الدمع دم..كانت تتمنى ان امها هي اللي توقف وياها وبنات عمها بس يالله هذا القدر
راحت عهد للصاله وقعدت ساره عند غاده الين يجي سلطان ياخذها وعقب بتروح تحظر العرس بالصاله
غاده بلهجه طفوليه والعبره خانقتها:بتروحين وتخليني؟؟؟
ساره:يا حبي لك يا عنود وش تبيني اسوي والله بيشوتني سلطان برى البيت ولا الود ودي ما افارقك دقيقه
غاده والعبره خانقتها:بس اخخخااااف
ساره تبتسم بحنيه:اذكري الله ولا تروعين نفسك يالله شكلهم وصلو بروح استقبلهم
مع السلامه ياحبيبتي (وباستها مع خدها لكن غاده مسكتها وضمتها بقوووه وصاحت ..صاحت ساره متأثره من غاده لكنها فكتها مضطره يوم سمعت صوت ابوها
دخل ابو سلطان ومعه سلطان اللي من شاافها وشاف اثار الدموع ماااااات مية مره...عيونه مابعدت عن عيونها طول ما كان يمشي ...حوريه ...غزاال وربي غزاال وانا قتلتها بيدي وعهد مني لحييها انا بنفسي...ما وعى الا بصوت ابوه وهو يهلي ويصلي عالنبي ...وقفت غاده بارتجاف واضح تسلم على عمهاوهي منزله راسها للارض..وعقبها جا سلطان وسلم عليها ..كان يبي يقول لها مبرووك بس ماقدر يطلع حرف!!
طلع ابوه بعد ما اشرت له ساره,, اما هو جلس قبالها كان يطالعها بفرحه +الم+خوف..مشاعر متظاربه مب قادر يفهمها ..بعد ماحس بالهدوء طول قال بصوت وااطي:مبروك يا العنووود
العنود كانت دموعها تنزل بدون صوت انتفضت من سمعت صوته حست بقشعريره ماتدري وش سببها حتى هو لاحظ خاف انها درت واكتشفت انه هو لان ساره قالتله انها ماعرفته من الصوره.. بس هدوءها اكد له انها ما ميزت:..........
سلطان يبي يلطف الجوقال وهو يبتسم:قالو لي قمر بس طلعتي احلى من القمر
غاده مستمره بصياحها لكن شهقاتها بدت ترتفع وتزيد
سلطان:تكفييين عنود لا تصيحين باذن الله ان اقدر اسعدك وما اضيق خاطرك ابد واللي تبينه انا تحت امرك
رفعت راسها اطالعه وكانت هذي اول نظره من يوم دخل كانت نظرتها تجمع الرجا+الالم+الامل+الخوف:ان ن ا خ خ خخاي فه
انتفض سلطان من كلمتها حس ان جوارحه انشلت كلها,,,, اااااخ ماكبرها يا عنود ما اتحملها انا..ادري اني السبب في كل هذا ..ادري من وشو خايفه ...قرب منها ووده لو يضمها وينسيها كل الماضي وتعيش براحه وامان له وبس..مسك يدها حس برجفتها قعد عند رجولها حاولت تبعده لكنه كان اقوى منها..كانت دموعها تنزل على يده وكانها لسعات نار:ليش خايف يا عنود ...مني خايفه ؟؟!!..وعد مني ماتشوفين مني اللي يخوفك وان تلقين الامان باذن الله وان اعوظك كل اللي فقدتيه بحياتك..انتي بس اشري وانا انفذ
غاده تناظره بتوسل:
ابطلب منك طلب
سلطان:امري عيوني لك يا عنود
عنود:ابي ابي ابيك تخليني ب بغ بغرفه بببلحالي
وش اوصفلكم شعوره بهاللحظه .. كان المه يزيد بكل كلمه تقولها غاده ..انا السبب ايه انا السبب كان يقول لنفسه هالكلام..وادفع ثمن جرمي..ضيعت عمر بنت بعمر الزهور وخليتها تفقد الثقه بنفسها وسببتلها الرعب بقلبها..الله يجازيني الله يجازيني
*اما غاده كانت خايفه انه يسالها ليش بس اللي شافته انه قام وتركها وهو ساكت طلع من الباب وهو يقول البسي لك شي خفيف لان ورانا مشوار للدمام وانا بخلي الخدامه تنزل الشنط..قامت غاده ولبست جلابيه ورتبت نفسها ولبست عبايتها ونزلت لانه قالها انه ينتظرها بالسياره بعد ما حملو الشنط مشو متجهيين للدمام حيث مثواها الاخير.................. .........
*************************