رواية ضحيه_ام_جلاد الفصل الخامس عشر 15 - بقلم أم احمد

ضحيه_ام_جلاد
ام احمد
الجزء الثاني
البارت الخامس عشر
القلب عضله غريبه تنبض وتنبض ومتكدر تتحكم بيها الي يمشي وره قلبه يتاذئ لان راح يغيب عقله وراح تكون قرارتك كلها خطا ومندفعه
قلوبنا دومها تهوى الي مايهوانا وتنذل للي مايريدنا &
حاولت بكل الطرق ان ادخل الگلبه بس گلبه مغلق ومايحب بس سماح ومايريد غيرها &عادة انسان يكون عنده عدة خيارات بس مثل وضعي ماعندي اي خيار سوا ارضى باامر الواقع واتقبله اصلا مامفروض مني اعترض او ياخذ راي اني مجرد شي انفرض عليه وهو بكيفه يوم يريده ويوم يرفضه &النار الي بگلبي مستعرة بس لو غير مرا جانت عيطت واعترضت وحاربت بس اني ماعندي غير سكوت والخنوع ظليت كاعده بغرفتي يومين مااطلع مااريد اشوف احد حته فليحه مكدرت احجي وياها لان مااريد ابجي بداخلي يصرخ يگول انتفضي وكافي بجي صيري قويه واجهي العالم بس اني اعرف روحي من اول مواجه ويه غزوان راح اخسر بزايد اكثر من قبل .بدوا يحضرون الطابق الفوك لسماح حول خوات غزوان من ابوه بالغرف الجوه وزنوبا اتحولت ويايه بالغرفه لان رفضت تسكن بغرفه غزوان القديمه لان جانت صغيره ومهجورة ويعتبروه نحس عليهم (هاي عداله عنده اني غرفه ويه اخته وسماح طابق الفوگ كله الها ) جان طابق الفوگ يحتوي عل غرف كلها بيها خدمات زائد مكتب فهد القديم وايضا صاله جبيره .المكتب حوله غزوان النفسه يختلي بيه وغير كل غراضه اغلب الاثاث ذبوه وجابوا جديد غرفه ام فهد جانت غرفه جبيره اخذتها سماح الها وغرفه لاامير وغرفه ال حسين وغرفه ال حوراء وباقي الغرف تكون الهم للاستراحه خلال شهر كامل صبغوا الطابق الفوك وبدوا بتاثيثه كل هاي فترة اني ماشفت غزوان ولاخليت يلمحني جنت يوم وره يوم يموت داخلي ويصير رماد وجهت فكري كلها لاابني وبديت اهتم بروحي صار عليه خمسة اشهر وبدا الطفل حركاته تبين جانت زنوبا تكيف عل حركاته بطني ونظل ننتظره يتحرك بهاي فترة ازوجت اخت غزوان وهذا اثر هوايه عل اخته لخ ودخلت بحاله من حزن شديده حاولنا وياها نخفف عنها بس هيه جانت بس تبجي لان فقدت امها وهسه اختها اضطر غزوان ان يوديها يم امها هل فتره اما بالنسبه لولد سماح جانوا اتحولوا يمنا نهائيا ورجعوا للمدراس حسب اتفاق.  صرنا عائله متفككه كل واحد ياكل وحد من وره قرار غزوان بزواج فليحه مرضت عل الي يسويه ابنها ان يكون هيج تميز السماح علينه وبدت هوايه تحجي عليه وهذا سبب نفور اله من امه مرات امه تگول مسحور وانه سماح ساحره اله صرت من اسمع سيرته او سيرة سماح اتوتر وهل شي كامت فليحه متحجي بيه كدامي بس متكدر اله تغلط وتجيب سيرتها لان سماح هواي ساعدت فليحه &مااعرف هو قرر يتجاهلني لو اني قررت اتجاهله يمكن اثنين مانريد نلتقي بعد وابتعدنا حته تستمر حياة جانت فليحه توديني كل وكت عل دكتورة حتى نشوف الوضع مال طفل ومن دخلت بالسادس لحت عليه نروح حتى نشوف جنس الطفل بالنسبه الي متفرق بس فليحه گالت اذا ولد راح تصير الج مكانه والولد راح يخلي غزوان يسجل زواجكم بالمحكمه وهيج تصيرين كدام الكل مرته والج حقوق محفوظه هاي شكليات كلها مااهتم الها اني اني كل الي ردته هو بيت وزوج يحبني واطفال ماهمني لامال ولا اطيان .رضخت ال فليحه وحددنا موعد نروح بيه للدكتوره وناخذ سونار جان يوم اربعاء من صبح اخذتني فليحه زيارة للامام علي (عليه السلام ) وطبعا كالت ال غزوان انه ظل يومين او تلاثه بالنجف عد كرايبها واهناك نزور ونروح للامام وهمات نروح للدكتورة سفر جان متعب بس جو جان زين مو حار زيارة شويه حسنت نفسيتي ورحنا عل دكتورة وسويت تحاليل وفحوصات كامله واجى وكت سونار وفليحه مابقت امام مانخته علمود يطلع جنس الجنين ولد (فليحه تشوف نفسها بيه هيه هم نفس معاناتي لهذا تريد اجيب الولد علمود يصير الي حقوق وحالي حال سماح) دخلنا عل دكتورة وبدت تفحصني جانت صحتي زينه لان فليحه متخليني اتحرك وتداريني بااكل وكل يوم تخليني اشرب حليب جمس وتجيب الي بالفيتامينات يعني المرا مامقصرة ويايه ابد وكل وكت تذكر سماح من جانت داريها من جانت حامل بزنوبا صح اني اتحسس من ذكر سماح بس هيه المريه عل نياتها وتحب سوالف واني لوما هاي مرا بحياتي جان حياتي صارت جحيم .سويت سونار كالت دكتورة يلا كومي فرحي امج وكولي الها راح اصير ام فلان اتي ابتسمت مدري افرح او لا شنو ذنبه هل ولد يربى وهو يشوف ابوه بجهه وامه بجهه طلعت وكلت ال فليحه وجان طگها بهلهوله بنص عيادة مال دكتورة وناس فرحت عل فرح فليحه جانوا يصورون ان عندي عشر بنات وهسه اجاني الولد من فرحة فليحه بيه اني هم فرحت وبگلبي اكول غزوان راح يفرح لو لا اووووف منك قاتله الفرحه الي بگلبي رحنا عل گرايب فليحه جانو يصيرون بيت خالتها ظلينا يمهم يومين ناس ماقصروا ويانه وثالث يوم رجعنا عل ديرتنا وصلنا الضحى وظلت فليحه توصي بالذبايح علمود تسوي عشه للفقراء اني رحت عل غرفتي مااريد اشوف وجه غزوان من امه تگله اني بيه ولد اكيد راح يحزن لان اكيد يريد الولد من سماح مو مني سديت الباب وهم سديت اذاني مااريد اسمع صوته كعدت عل جربايه تعبانه من سفر كمشت بطني واجحي ويه ابني لاتخاف اذا ابوك ميريدك اني اريدك مراح اخلي احد ياذيك كمت طلعت ملابس الي علمود اروح للحمام
(غزوان)  امي احسه انكلبت ضدي لان هيج اميز سماح عل ناز اني مالي ذنب اني احب سماح وناز عمها فرضها عليه اني ماردتها ومع هذا هيه بحالها واني بحالي صاروا يجنبوني امي واختي وناز وراحت لمتنا كلنا سوا عل اكل اني عفتهم عل راحتهم شهر شهرين همه يهدئون ويرجعون بديت ارتب البيت علمود زواجي مر شهر واني ولالمحتها الناز من يوم الي كلت بيه راح ازوج بعد ماشفتها ابد وراها امي اخذتها وراحت عل النجف هم زيارة وهم تريد تشوف جنس الطفل من رجعوا عرفت هيه بيها ولد فرحت يمكن حتى تضمن حقوقها
- الف الف مبروك وليدي ابنك جاي بطريق
-الله يبارك بيج يمه چا وينها ال ناز
- راحت عل غرفتها
-متريد تشوفني بعدها زعلانه
-گلبها طيب هيه وراح تصير ام ابنك واريدك تعدل بينها وبين سماح
- شلون يعني اعدل
-يعني من تزوج سماح تقسم ايامك بينها وبين سماح
-لا يمه اني ماارغب الها
-وان ماترغب الها تخليها وياك بالغرفه مااريد ابنك يكبر ويشوفك متحب امه ويكرهك لاتعيد التاريخ يمه لاتخلي ابنك يشوف الي انت شفته وعشته انت كبرت وانت تشوف ابوك ميرغب الي ولا الك تريد ابنك يكرهك
-لاطبعا
-خوش خليه يكبر ويشوف ابوه يحبه ويحب امه مو اله تحبها صدك بس لاتخلي ابنك يحقد عليك
-صار يمه صار (رحت وبست ايديها)
-روح عليها وطيب خاطرها بكلمتين
-صار يمه صار
طلعت من امي وظل حجيها يزن بااذاني ولازم اخذ بيه مااريد ابني يكبر ويكرهني طلعت بوجهي عل غرفتها دكيت الباب ودخلت ماكو هيه بالغرفه وشويه طلعت من حمام من شافتني فزت وخافت جانت حلوه وسمنانه وبطنها مبينه لافه روحها بالمنشفه جسمها ابيض ثلج ضليت اباع عليها وهيه راحت اخذت دشداشه ولبستها راسنا
-شلونج ناز ان شاء الله بخير
-زينه الحمدلله اجيت ابارك الج عل نونو
-شكرا الك
-بطنج حلوه كبرانه
-اي صح زنوبا تحبها ومن يتحرك النونو تكيف
-ناز اني جنت اتمنى ظروفنا احسن وان لو التقينا بظرف احسن اكيد مجانت هيج حالتنا
-بعد شي صار وراح وانفرض علينا اثنينا واتاكد مراح اكون عقبه بحياتك لا اني ولاابني (باوعت عليه وعيونها تلالي حسيتها مجروحه وتكابر عل حزنها)
عفتها وطلعت اعرف جرح جبير واني مراح اكدر اداويه بالعكس يمكن اني مثل ملح لجرحها البعد عنها هل فتره احسن من قرب ومن ذاك اليوم ماشفتها الناز ولاعبالك ساكنين نفس البيت مر شهر وكلشي جهز البيت وتجهيزات كلها للعرس عقدت عل سماح وصارت ملكي واخيرا تحقق حلمي وصارت حبيبتي الي بس هيه گالت متريد عرس ومجرد بيوم العرس تلبس فستان وتجي البيتي اني هم وافقتها عل الي تريده مهم تصير الي حددنا الخميس الجاي الزفه قررت اسوي عرس بسيط وحاولت ان ادز ناز ال بيت عمها مقبلت وكالت متروح لان محد يريدها اهناك وبااخص هسه بنات عمها حاقدات عليها لانها سبب بكون طرد امهم من البيت قررت ان تواجه امر بشجاعه وتبقه مقاومه الى اخر نفس عدها
(ناز) كلما يقترب موعد زواجه كلنا اختنك بالزايد داخلي عبارة عن حطام جنت اكعد ابجي باليل هوايه وبااخص وره مراحت زنوبا الغير غرفه وصرت وحدي بالغرفه اخذت راحتي الصبح ابتسم واشاقه وابين روحي قويه وباليل انهار واضعف واضل ابجي الى ان اهدء اگوم اصلي وانام باليل تبدي شهيتى كلما ابجي تزيد مشتاهتي اني من نوع الي انقهر واكل لهذا يصير مطبخ باليل مكاني جنت اعشق حلويات واسوي الكيك والحلويات واكعد اكل واطلع كل حركتي بااكل جان جو حار واني محروك حرك منا الحمل منا عرس غزوان بعد يومين كعد اخبط واسوي كيك ساعه ابجي وساعه اضحك عل روحي وخبالي زوجي راح يزوج واني اسوي كيك واكل مطمنه ماكو احد يزعجني البيت كله نايم واني جاي اشتغل بالمطبخ الحار وطگطگ براحتي ام عباس نومها ثگيل ماتحس خفقت البيض وحطيت باقي الخلطه وعلكت اوفن وحطيتها بااوفن غسلت وجهي من حر وطلعت من مطبخ الحار واشوفه گدامي (اخ ياگلبي شكد فطير راح يزوج عليه واني اباع عليه واضحك )
سلمت عليه وردت ارجع لمكاني هو گال
شجاي تسوين اهنا بنصاص الليالي
-انداريت عليه وكتله اسوي كيك (متفاجئ عبرت 2 باليل واني جاي اسوي كيك )
لاتتفاجاة اني بنص الليل اشتهي الحلو  واكعد اكل
-خوش من هاي صايره مدعبله من كيك هاي شلابسه
-حار الجو واني وحمل مالتي مكدر البس شي ثخين
-وهيج تفترين بالنهار بالبيت اني مو كتلج تسترين كدام ولد اخوي
-بالنهار البس شي مستور بس هساع ليل وماكو احد وكل نايمه
-بعد لاتعيديها لبسي مستور وطلعي من غرفتج
- صار
-سوي الي جاي راسي يوجعني
-صار
رحت عل كيكه اشوفها بعدها وحطيت القوري عل نار اسوي اله جاي واني ادردم بگلبي والله ياربي لاحكني عل لبسي اهنا  

ومقيدني بيه وسماح طابق كامل محد يشاركها بيه هذا الي 
ماعنده احد ذليل ومكسور اختنكت وغصيت واني اعرف روحي بنت شيخ بس وكت مو الي وابوي سكن گبور وعمي باعني وجان تطفه الكهرباء جفلت بمكاني هو صاح ناز لاتخافين هساع تجي مولده
-مخايفه اعرف اكو لايت فوگ ثلاجه رحت اجيبه هو علك ضوا مال مبايله ويضوي عليه ويباع هدومي جانت خفيفه ويبين جسمي منها وهو متعمد يضوي عليه ويباع
شجاي دورين
لايت فوگ ثلاجه
اتقرب هو عليه وگلي هساع انه اجيبه صرت بينه وبين الثلاجه وبطني طخت بيه جاب الضوا وعلكه ويباع عليه مد ايده عل شعري وفتحه نزل شعري عل جسمي اخذه بايديه ويلعب بيه ساعه يباع عليه وساعه عل شعري جنت مثل دعبله اله قصيره وسمينه وبطني عاليه اخذ باايديه يمشيها عل وجهي كمشت ايديه وگتله
انت سكران
لا
من تسكر تعال عود
ضحك وگال انت مرتي حته لو صاحي هسه عجبتيني
روح منا شيخ غزوان جواري ميفيدوك مو من ثوبك همه وخرت منه كمش ايديه وجرني
-لسانج طولان ينراد اله كص
-غزوان عوف ايدي لا الم عليك  البيت هساع
-راويني شسوين بيه
اتقرب عليه وجرني اله وباسني كوه واني بين الي اريده ومااريده وخر عني وجرني باايديه
- وين موديني عوفني
-تعالي الغرفتي
-مااريد عوفني بعد يومين راح تزوج حبيبتك وخر هد ايدي
-لاتكفريني هساع اريدج ولازم تلبين طلبي
ايديه قويه ويجر بيه كوه دخلني للغرفه وسد الباب ودفعني عل جربايه و يباع عل بطني كمشها باايديه وباع عليه انت مرتي وهذا ابني حالج حال سماح
-وخر عني انت اكيد سكران وهيج تكول كمت اعيط وادفع بيه
-وج اسكتي سودنتي يسكت باايديه عل حلكي وجان اعضه من ايديه قوي شاغت روحه وخر عني وهو يسبني بت كلب اني راسنا طفرت للباب فتحتها وطلعت منه واسمعه يسبني ركضت الغرفتي وسديت الباب واني ارجف ماردت اسلم روحي اله اني متاكد سكران مو بوعيه واذكرت الكيكه كلت هو اوفن  بيه تايمر وهسه يطفه اله وكيفه وقفلت الباب واني ممصدكه روحي خلصت منه واني صرت قويه ومااضعف گدامه بعد

ام احمد