رواية ضحيه_ام_جلاد الفصل الرابع عشر 14 - بقلم أم احمد

ضحيه_ام_جلاد
ام احمد
الجزء الثاني
البارت الرابع عشر
مرات من نوگع ونتعثر ونگوم  عل حلينا نكون اقوة من قبل انسان من ينجرح اكثر من مره يصير متبلد مشاعر وماهمه بعد شي وتصير الدنيا رماديه مابيها لون احساسي انقتل احس روحي صرت فارغه من جوه مرات اذكر حبي ال وضاح بس جان حب عقيم ومن طرف واحد زيد بگلبي الغصه اكثر واكره روحي اكثر يمكن صرت اكره جنس ادم كله من خالي وبطشه وكره لااصلي الى عمي الي باعني بسعر التراب مرورا بوضاح الي محس بحبي وصولا الى زوجي الظالم متجبر كلهم اذوني بطريقتهم خاصه اما غزوان فجان اله النصيب اكبر باذلالي واهانتي بذيج الليله مكدرت انام ولاكدرت ابجي ظليت مخنوگه ونمت وجه الصبح وكعدتني فليحه وهيه متعجبه اني نايمه اهنا عبالها نايم يمه خير يمه ناز ليش راجعه اهنا ( رفعت راسي وباوعت عليها گتلها يمه مرتاحيت عل ذيج جربايه ظهري گام يوجعني )مردت اشوف نظرات شفقه عليه كرهت هاي نظرات اريد اصير اقوة
كومي يمه اكلي الج لگمه جبت الج حليب جمس يفيد للجاهل وعظامج تنشد
اي يمه كمت (حيلي مهدود بعده وتعب مو بجسمي لا بروحي ناس تسكر بشرب واني اسكر بالم وخذلان )لميت شعري او كرهت شعري لان هو گلي احب الشعرج وكفت گبال المرايه اباع عل روحي غريب اني مااكدر ابجي واطلع قهر الي بصدري اخذت علبه مكياج وحطيت ولبست احله تراك عندي وطلعت رسمت عل وجهي ابتسامه عريضه ودخلت كلهم كاعدين سلمت وكعدت مكدرت اباع عليه خفت لادموعي تنزل بس ظليت ممبتسمه اجت ام عباس وحطت الي حليب ظلت فليحه تباع عليه ومستغربه مني واني ظليت احجي ويه زوبا وابد مبطلت شقه وياها كل مستغرب مني لااني بالعادة حجي قليل متعلمين عل طبعي ساكته ومااحجي شي حسيته يباع عليه خفت عيوني تتلاكه ويه عيونه ليروح يعرف الم الي بيه اني
-حسين اتحضر انروح عل بيت جدك
-ليش عمي الشيخ
-نشوف امك اقصد تشوف امك (الكل سكت انتبه عل كلامه حسيت هيه وره الي صار بارحه وهيه ام اتصال اجاني هل شعور ومتاكد منه هيه سبب )
(ناز)  شيخنا اريد تليفون (كلتها واني اباع عليه وابتسامه ماليه وجهي هو يباع عليه ويشوفني شلون احجي وياه ومستغرب مني )
-شسوين بيه تليفون
-اخابر عل امي
-انطيج تليفوني وخابري ماعندي مرا عدها تليفون وگام عل حيله وصاح عل حسين وطلعوا
(غزوان)  بعد مكالمه سماح عرفت ان هيه همها الفلوس بس ليش متريد ناز ةشنو غرضها رجعت للغرفه وشفت ناز تنتظرني عرفت ان مشاعري نحوها مجرد شهوة او شفقه مو اكثر بس مشاعري نحو سماح هيه حب ولهفه واشتياق مكدرت اخذها بحضني وطردتها ظليت افكر بسماح عرفت هيه تريد تاذيني لان اخذت ابنها منها مجان همي الفلوس بس همي شلون اشيل من بالها ان اعوف ناز لان ابنيه ماعده احد تروح اله وهيه هسه حامل فكرت ان لازم اجيبها الي بدون مااخسر ناز لان مالها ذنب بالحرب الي بيني وبين سماح هيه تريد تنتقم مني واني اريدها الي بس بعد ان اذلها واعلمها شلون تتادب ويايه نمت والصبح المفاجاة جانت وضع ناز وسوالفها واكثر من هذا كله ابتسامتها جنت اصور ان راح تكون حزينه وتعتكف بغرفتها بس هيه طلعت بكامل اناقتها كانما تگلي انا ماانكسر &اخذت حسين ورحت علبيت الشيخ خالد راح حسين بحضن امه وهيه تبوس بيه اجه شيخ خالد واخذني بااحضان وكله امتنان عل الي يحصل من شغل الي نشتغله كعدنا سوا وحاسبني من اهل بيته وظلت سماح تباع عليه تريد ابدي بالموضوع ويه اخوها
-شيخ خالد انا قررت ارجع كل املاك اخوي المرته واولاده وعن طيب خاطر
-ونعم منك ابن اجاويد وماتاكل مال اليتيم
-راح اسجل املاك بااسم ولد اخوي وطبعا اني راح اكون الوصي عليهم وطبعا ماانسه بنت اخوي وياهم يلا شيخ اترخص اني وراي شغل حسين امشينا نروح
بعد ان ترخصت وطلعت حسيت بحجم صدمه الي بيها سماح كملت كل شغلاتي ومريت عل اشرف اشوف امور الشغل وعرفت عباس مسوي مشكله ويه حرس الحدود وذابيه بالسجن گتله خليه كم يوم يتادب حته بعد لا يظل يزامط منا ومنا
-حسن صدك جذب هذا ابن عمي ولحم جتافي من خيره (طلعت سلاح وحطيته براسه )
-جرب تعيد هل اسم وشوف شيصير
عمي شبيك شجراك احنه اخوة وبيناتنا زاد ومي
اشرف لاتعيده بعد وهذا ابن عمك خليه يومين وطلعه حتى يتعظ
-صار طال عمرك صار حجيك اوامر (مااعرف ليش استفزني اسم حسن مع اني عشت سنين ويه هل اسم)  رجعت للبيت واني اعرف اعدائي كثار منا عباس واشرف ومنا بيت شيخ جبر ومنا المعارضين الي بالشغل وبالبيت هم مااعرف شااريد احس روحي ضايعه ومااعرف شااريد شربت حبايه مال وجع راس حته مااكلت ونمت للمغرب كعدت شويه احسن اجاني حسين يذكرني بالمهره مالته محبيت اكسر بخاطره اول مرا اشوف روحي نذل اني حرمت هل ولد من ابوه وهسه من امه محبيت اكسر بخاطره ورحنا اني وياه واشتريت اله مهره الي اختارها صح غاليه بس فرحه الي بعينه جانت اغلى ظل ملتهي بيها واني اباع عليه واضحك وحسيت مبايلي يرج اذكرت اني خاله رجاج طلعته وشفت سماح جاي تتصل بيه شلته
الووو
انت ليش هيج سويت شنو معناها
انت تعرفين اني مو غبي حته اسجل املاك بااسمج
هيجي يعني
ام امير اني مستعد اغركج فلوس بس لاتصورين تلعبيها عليه اني ترا لحمي مر
اعتبر عرضي ملغي ماطولك خليت بشروطي
ههههههه ام امير اني راح اخذ كلشي تحبيه افضل الج تجين بالعين واغاتي
مراح ازوجك الا تنفذ شروطي  
انت اختاريت طريقه صعبه وراح تتاذين
سدته بوجهي شكد تتمرد عليه شكد ابقه اريدها واحبها بس ارجعها الج حبيبة گلبي كل هذا العذاب ارجعه الج وبعدين اخذج الحضني &رجعنا وكت العشه وكعدنه عل اكل بس ناز ماكو سالت امي كالت تعبانه شويه( يجوز بسببي اكيد) مااعرف اني شااسوي الها هاي اني بعد مااذيها ولاراح  اعتبرها خدامة شااسوي بعد الهامو ذنبي ان عمها هداها الي مو ذنبي ان گلبي ويه غيرها كملت اكل وكلت اروح اطمئن عليها دكيت الباب ودخلت شفتها كاعده تقرا كتاب هيه شافتني سدت كتاب وابتسمت الي
شلونج ناز
زينه الحمدلله وانت
ليش مااجيت تاكلين
اكلت قبل شويه مااشتهيت اكل بعد يجوز تالي الليل اكل
ها خوش عبالي بيج شي
لا مابيه شي زينه الحمدلله
ناز اني اعت….
لاتكمل ماكو داعي نجرح اكثر مما مجروحين واني افتهمتك وان شاء الله مراح اكون عقبه بطريقك
ردت بس اكلج انت مرا صبورة وانثى مناقصه شي بس سبب بيه اني
اعتذارك واصل ولايظل بالك اني بخير كل الي اني اعيش لاابني او بنتي ومااتخلى عنهم
خليت وطلعت منها واني اعرفها مجروحه بس يمكن تكابر ومتريد تبينها الي
(ناز)  طلع مني غصيت ورحت للحمام وابجي اعرف اني مااكدر استمر هيج بس لازم اصير قويه اذا مو  علمودي علمود ابني الي بطني طلعت وشفت فليحه
هايمه شبيج ويه غزوان
شبيه مابيه
لابيج ومبين عليج من عيونج الحمر ليش مترحين يمه تنامين هو موكلج منا ورايح ظلي يمي نامي
لا يمه ماكو شي والله لايضل بالج عليه
احجي يمه شصار البارحه بينكم (هيه كملت كلامها واني انفجرت بالبجه بدون وعي مني عبالك شي متحامله عليه وكعدت بالكاع واشهك اجت ليمي وحضنتني وگالت احجي يمه لاضمين بگلبج
مصار شي ابينا هو راسنا كلي روحي الغرفتج بدون سبب ضليت اشهك وابجي وهيه تهدي بيه
يمه اريد اخلص من هل حياة تعبت اني من خلقت ليهسه الكل متريدني بيت خالي ظلوا ياذوني ويضربوني ويعيروني وبيت عمي باعوني وهسه زوجي ميريدني
-لايمه كافي والله گطعتي گلبي عليج كافي
-يمه اريد اموت مااريد اعيش
-لاتحركين گلبي اصبري يمه والله مينسه عبده باجر اوديج ازورج امام علي فدوه لااسمه وهسه ترتاحين
حضنتني ارتاحيت شويه من بجيت وطلعت كل قهر الي بگلبي جان هم بثگل جبال عل صدري من بجيت ارتاحيت
******************************************  
(سماح)  هذا شنو ابد مو هين وشلون لعبها وسجل كلشي بااسم ولدي وهو سوه النفسه وكاله اوف هذا مينكدر عليه وهيه مسالة وقت وياخذ مني امير هم وسمعت ان حسين تارك دراسه انقهرت بالزايد جنت اريدهم يتعلمون عل اقل يوصلو للمتوسطه  بس هذا غزوان راح يضيع كل تعبي بيهم وراح يسويهم نفس اخلاقه ياربي تعبت واني اقاوم شلون شااسوي ضليت ابجي اجه امير وشافني مسحت دموعي راسنا خفت منه لايكول تبجين بسبب عمي واتفاجات بيه يكلي يمه ادري انت مشتاقه ال حسين بس يمه اوعدج راح يتغير كلشي بس اصبري (رحت عليه وحضنته وگتله لاابني هسه يرجع النه هسه تشوف وعمك هم حقه هو يريدكم يمه لايضل بالك وليدي هيه تنحل)
صار الصبح وطلعت راسنا بلا محد يحس عليه ورحت عليه البيته هذا البيت جان بيتنا وهو اخذه منا دخلت راسنا من باب المطبخ شفت ام عباس وفليحه سلمت عليهم ظلوا متفاجئين من جيتي گتلها خاله فليحه اجيت ولاترديني ابنج جار عليه وهاي عشرة ايام ابني ماخذه وهمات مبطله من مدرسه ومخليه بالكاع يحرث ويزرع اني اعرف انت انحرمتي من ابنج وتعرفين هل شعور مؤلم خاله احجي ويه ابنج يرجع الي ابني
- اكعدي يمه اكعدي ترا ابنج هو فرحان وراضي واحنه شايليه بصلوات
-ابني اريده يرجع الحضني
الله يهديج يابنتي ترا احنه مخاطفيه لاابنج هو كل يوم ثاني يمج هو متعلق بعمه ويحبه
-واني مااريد بعد يكون ويه عمه انت تعرفين ابنج شنو تعرفين شنو شغل السري الي يجيب منه كواني فلوس وطريق الي يمشي  بيه طريق مسدود ومصيره القتل (شهكة فليحه ولطمت عل وجها من سمعت كلام سماحن
-شنو هل شغل هذا
واني دا احجي دخلت ابنيه شابه ناعمه شكلها حزين وظلت تباع عليه اني سكتت صار سكوت واهنا فليحه گالت احجي ام امير شنو هذا الشغل شافتني اباع عل ابنيه وكالت هاي ناز مرت غزوان اهنا حسيت بغصه هاي شنو طفله وناعمه واني ردت اطلگها منه اتقربت عليه ناز وظلت تباع عليه واني اباع عليها هيه بعدها صغيره ومابيها لوله واني اكبر منه وعايف ابنيه الصغيره وراكض ورايه
- مرحبا اتفضلي
-حبيتي زاد فضلج اني اهنا كدامكم كلكم اكلكم اني اريد اعيش علمود ولدي وعزوان يريد يحرمني منهم فليحه انت

تعرفيني زين جنت دومي وياج واساعدج كل الي اريده ولدي يتربون بحضني اريد ارتاح اني مااريد ادخل ضره عليج عيني عل ناز
(وفجاة دخل غزوان وشاف كدامه سماح وناز بنفس مكان ظل بمكانه )وگال
شجابج اهنا
اجيت عل ابني اخذه
ابني احنه مخاطفيه هو يختار يعيش ويانه
انت بطلته من مدرسه وتريد يصير شنو فلاح لو مثلك (الكل سكت من شاف لسان سماح ولسانها عل غزوان )
جرها من ايده وطلعها خارج البيت بس يريدها تسكت ومتحجي شي عن شغله گدام امه او ناز
-شبيج انت تسودنتي
- افضحك كدامهم واگلهم كلشي عنك
-لج اعقلي لا وربي لفرغ السلاح براسج اليابسه
-اريد ابني غزوان اريده
- واني اريدج افتهمتي شوكت تحسين بيه احبج (حسيتها لانت وعيونها لمعت)
-گتلك ماانزل عل ضره
-انت تحسبين ناز ضره والله لاصبعج متوصل وعيونج مطاخها
-هههه لعد شلون حبلت
-هيه مرا وجنت سكران وماادري بروحي هيه اصلا متبات يمي فد غرفه يعني راح اكون الج وبس شكلتي 
-موافقه غزوان موافقه خليني اروح
- خلي ويلات يوصلوج
- لا مااريد
- سماح بعد سالفة شغلي ابد لاتحجين بيها واني اوعدج ابطل منها
(ناز ) مديت راسي من شباك المطبخ واشوفه هو وياها يتصايحون وفجاة كمش ايدها واحد يباع عل لاخ شكلهم لايكين البعض سماح جانت فرعه وخشنه ولسان وتكدر اله عكسي اني ظليت اشوفهم واحد يباع عل لاخ بااخير وخرت منه وراحت وهو ظل واكف ويفرگ بلحيته وشعره رجع علينا رجوع ودخل للمطبخ وگال اريدكم كلكم مجتمعين سوه عندي حجي وياكم وخلال عشر دقايق الكل اجتمع بالصاله اني گلبي عصرني حسيت اكو فد قنبله راح تنفجر من يحجي غزوان كعدت عل قنفه وحاولت ابين اني قويه ومسيطر عل نفسي
وكف بنصنه وگال اريد تفرغون طابق الفوگ كله الي عنده غرفه فوك ينزل جوه ياخذ
(فليحه)  ليش يمه شكو
باوع عليه ورجع باوع عل امه وگال راح ازوج وطابق الفوگ كله اريده العروستي
(ناز)  غوشت عيوني وكمت مااسمع زين وحسيت راح يغمى عليه جريت نفس عميق وسندت روحي
(فليحه)  بعد مصار عل زواجك من ناز اربعه اشهر
-يمه ناز تضل مرتي مايضر اذا ازوج الي احبها
-وشدعوه عليها تفرغ الها طابق الفوگ كله
-يمه سوا الي كتلكم عليه واي اعتراض مااسمع وهذا كلام ينطبق عل كل
كمت عل حيلي ورحت لغرفتي واني اردد وين وعدك الي من گلت بعد مااذيج وراح تشوفين منا ورايح كله ايام حلوه هيه هاي ايام الحلوه تزوج عليه

ام احمد