رواية ضحيه_ام_جلاد الفصل السادس عشر 16 - بقلم أم احمد

ضحيه_ام_جلاد
ام احمد
الجزء الثاني
البارت السادس عشر
من سديت الباب عليه بغرفتي حسيت بالم بطني گامت تلويني وتجيني لويات كعدت بالگاع اتلوه خفت لاتكون هاي ولاده عندي اذكرت مرت خالي من جانت تريد تجيب هم تتلوى بالگاع وتروح للمستشفى وتجيب بس اني بعدني بالسابع خفت لايصير شي بالطفل واخسره فتحت الباب ورحت عل فليحه وصلت البابها وعطت بعيطتي طلعت شافتني جفلت وكامت تصيح يمه غزوان الحكني طلع غزوان وايديه كلها دم شافني بالكاع اجه شالني وحطني عل جربايه ظلت فليحه تكله اطلب اسعاف شال خركه ولف ايده وطلع وشويه اجت اسعاف نقلوني عل طورائ كالوا عندي تقلصات حاده كلش انطوني حبايات وگالوا اذا ظلت هاي تقلصات مضطرين انجيبها قيصيريه ظليت خايفه وممتدة ويمي فليحه روحها لايبه عليه وبس صلي عل نبي وتگول محسودة ظلت كاعده وتدعي الي وتكلي يمه شصار ليش هيج صار بيج مردت اگول الها عل غزوان وعملته اعرف راح تتعارك وياه گتله هيج عل غفله اجاني وجع وجه الفجر اجت الطبيه فحصتني وكالت هسه احسن وظلت ترزل ب فليحه خطيه عبالها اني شايله ثكل كتبولي علاج وكالوا اليوم ضلي تحت مراقبه ولاتتحركين ظلت دكتورة تكلي انت متعرضه ال شد عصبي شويه اهدي مو زين عل طفل  انطتني مسكن ونمت من فتحت عيني جانت عصر وجنت مرتاحه بس جوعانه كعدت وفليحه تكعد بيه وصلي عل نبي گتلها جوعانه طلعت برا ورجعت وكالت وصيت اشرف يجيب الج اكل خفت اسال ليش اشرف مو غزوان بعدين كالت غزوان قبل شويه راح عل بيت سماح علمود يااجل العرس ميصير يعرس وانت هيجي حالتج اذكرت اليوم حنة مالته مااعرف اجاني شعور بالسعاده ان عرسه تاجل هم رفضته وهم عرسه تاجل يمكن فرحي وقتي لان هو اول تالي راح يزوج بس مهم تاجل هسه
***********************************      
بيت شيخ خالد
-شنو سبب انك اجلت العرس
-سماح كتلج مرتي تعبانه ونايمه مستشفى حالتها ممستقرة
-وهيه متخربط اله بيوم عرسنا
-قابل باايدها بعد صارت
شببها ايدك مشدودة
-مابيها هيج مجرد جرح
-يلا مهم تطلع مرتك بخير هيه شكد حامل
-7شهور يلا حبي اروح ولاتزعلين مني زين اسبوع ونكون البعض
- لا مزعلانه سلملي عليهم
طلعت من بيتهم وگبل عل مستشفى رحت عليهم عل طوارئ كالوا حولناه لغير غرفه رحت عليهم دكيت الباب وفتت شافتني ناز راسنا جفلت امي راسنا گالت
يمه اسم شبيج لاتخافين
لا مخايفه يمه
ضليت اباع عليها واذكر شصار بينا هم بيها بلى عضتها ليهسه تدگ بكلبي شلون متوحشه صايره التافت عليه امي وكالت هسه افتهمت انت سبب مو امشي برا نحجي
-هايمه شبيج تدفعين
-كلي شسويت الها احجي حتئ هاي ايدك هيج احجي شصاير الك شنو موضوع
- ولويش مسالتيها الها
- سالتها كالت ماكو شي بس اني حسيت اكو ان بالموضوع
-لا انه ولاشي ردتها ورفضت (لطمت عل خدودها واغتصبتها)
-لا يمه هاي شبيج فضحتيني انهزمت مني
- غزوان ابنيه حامل شجرالك تريدها تموت
-يمه والله دنت نفسي عليها وهيه مرتي لو انتوا نسيتوا
-لا مناسين بس مو هيج وليدي ساعه تطردها وساعه تريد تطردها
-اووه بعد يومين مااحتاجها ولاا گلبها هل بت الگلب مسعوره
-اني نبهتك وكتلك اعدل ابني ترا ظلم محلو واول تالي نار ظلم راح تحرگ اخضر ويابس
-هاهيه يمه راح اسوي مثل متريدين من ازوج سماح راح اقسم ايامي بينهن
(طبطبت فليحه عل ظهر ابنها وراحت)

دخلت عليه فليحه وعرفت هيه درت بالموضوع
-اسفه يمه والله مكدرت اتقبله
-لايمه لاتعتذرين هو غلطان وراح يصلح غلطه ومراح يهجرج بعد
دخل غزوان وسلم
-حمدلله عل سلامه
-الله يسلمك
-يمه عوفينا وحدنا
(فليحه) غزوان عل كيفك وياها
-گولي الها عل كيفها وياي (كالها وهو يباع عل ايديه)
ناز اني مجنت اقصد اذيج واوعدج مراح اكررها (وعودك الي كثرت ياابن اجاويد)
-مسامتحك
خلا وطلع حسيت بغصه داخلي بركان يغلي يريد ينفجر ويگله لاتزوج داخلي يريده وبقوة بس مو بطريقة لا اريده يريدني دوم مو يوم ويمل مني حربي ويه سماح راح تكون صعبه وبااخص هو يحبها ويتمناها لازم الي هم يتمناني
ظليت لي ثاني يوم وطلعت من مستشفى وصتني دكتورة مااتحرك واظل نايمه وماكو اي شد عصبي الي وراحه نفسيه كامله فليحه سمعت الحجي زين بالبيت الكل جان خايف عليه وحتى من اروح للحمام يودوني يمكن ادللت دلال محد مدلله مثلي مر اسبوع من حادث وغزوان اجانه وفاجانه بقرارة ان راح ياجل زواجه الى ان اولد اني لان ميريد يسبب الي ضغط نفسي ويااثر عل طفل الخبر جان مثل العيد الي ونفسيتي تحسنت هوايه وضحكه ترست وجهي حسيت هو مهتم اول مرا الي وخايف عليه وعل ابنه الخبر جان صدمه للكل حتى ال فليحه ممتوقعه هل تصرف من غزوان والمن لااجلي حسيت اني قيمتي زادت عنده
****†********†***†******************    
(سماح)  اتفاجات بقرار غزوان ان اجل العرس هذا دليل عل انه يعزها ويريد خاطرها مو مثل مافهمني اكيد اكو ان بالموضوع صح هو اني مرايده هل زواجه بس من حسيت اني راح اكون الكل بالكل وامر وانهي وان مفضله عنده كمت ارغب بزواج منه بس هذا تصرف اخير جان مثل منبه الي يعني تكو شي وان هاي طفله مو سهله ابد ولازم اعرف شلون اتعامل وياها
**********************************           
(غزوان)  اخر موقف بيني وبين ناز خلاني اصحى وافكر ان هيه انسانه وعدها مشاعر ولازم اني اقدر هل شي وحتى لو زواجي منها كان مفروض علينا بس هيه كدرت تسوي الها مكانه والكل يحبها حتى اني بديت استلطفها قررت اجل زواج الى ان تولد ابنها  وتستقر حالتها الصحيه هيه مهما كان ام ابني
(ناز)  استقرت حالتي وصرت احسن ورجعت الروح الي والضحكه ترست وجهي المهم ان مهتم لاامري هاي اكبر نصر الي وبعيد ميلاد زنوبا وكلنا مجتمعين اهنا غزوان فجر قنبله اخرى خلت الكل مصدوم
-اريد الكل يسمعني باجر نروح اني وناز ونسجل زواجنا بالمحكمه وراح تصير زوجتي والها كامل حقوق ومن هاي الليله هيه مخيرة ان تبقه ويايه كزوجه او تتركني اني مراح اوكف بوجها وراح انطيها كامل حقوقها وبيت عمها ممجبورين بشي الي اعفيها من كلشي وراح تكون حره بااختيار
سكت الكل محد حجى اي كلمه قطع هل صمت صوت فليحه تبارك الي وتضحك وتبوس بيه  الكل بارك الي حتى اولاد اخوة وام عباس الكل فرح اني جانت حصتي الفرحه اكبر باوعت عليه اول مرا ملامح جانت هادئه وجميله وعيونه كلها حنيه ورضى عيون التقن رغم كل موجودين بس حسيت بس اني وياه موجودين
من الصبح طلعنا وسوينا كل اجراءات المحكمه وصرت مرته قانونيا من رجعنا للبيت انطاني عقد وگلي هذا عقد مال بيت الج مسجل بااسمج وانت حره بكلشي وشتقررين اني راح اكون وياج البيت راح اثاثه احسن اثاث واي وقت تردين تروحين تسكنين بيه
-اني ممصدكه اني بحلم لو بحقيقه
-لا حقيقه انت انظلمتي هوايه وبااخص مني وعدتج سابقا ان بعد مااذيج واخلفت وعدي الج هسه اني راح اوفي بوعدي انت زوجتي وام ابني والج مطلق الحريه تبقين ويايه او تتركيني
- مراح اتركك (اتقربت عليه وكمشت ايديه ) انت زوجي وابو ابني
-شراح سميه
-علي عل اسم ابويه الله يرحمه
-حلو اسم  يعني ان راح اصير ابو علي
-احله ابو علي بالدنيا كلها
-اروح اني عندي شغل قيامه وانت ارتاحي مبقه شي ويشرف علي عدنه
وره شهرين بالضبط ولدت جان يوم مميز كلشي بيه مميز خوف الكل عليه وعل طفل وبااخص من شفت الخوف بعيون غزوان عليه وره 12 ساعه شرف علي للدنيا وصراخه مله مستشفى جان طبق اصل من غزوان بعيونه وتلاميح وجه وبصوته العالي و عمت الفرحه عل وحه فليحه وطارت بالطفل عل ابوه اني تعبي كله راح من شفت ابني وبصحه زينه حمدت الله وشكرته عل كل نعمه عليه للعصر طلعت للبيت واشتغلت الذبايح والطلق الكل تبارك بولادة ابني وحتى بيت عمي اجوي زاروني كل هل فترة اني ماشفت غزوان لان ملتهي بالناس وتهنئ ولليل يلا شويه فضه البيت ودخل علينا جان مبين عليه التعب بس اول مدخل اخذ ابنه بين ايديه وباسه من راسه واتحمد عل سلامتي باسني من راسي وكعد يمي وكمش ايدي ابتسامه تارسه وجه وجهه حلو من يبتسم ومن يكون سمح وحنون جانت سعادتي عظميه واني بجانبي هو گاعد وعيونه الحلوات تباع عليه  عصر ايدي حيل وكلي احله ام بالدنيا انت
- ههههههه شكرا
-احله يوم جان عندي
- عندي احلى بوجودك يمي يصير كلشي احله
-وعيونج انت دخلت الفرح ال گلبي بهل يوم هذا مااذكر هيج فرحان مثل هل يوم هذا اعوفج ترتاحين اني هم اروح انام وارتاح يومين واطهره واخطب اله وازوجه هههههههه
-بحياتك وتشوفه احلى شاب
باسني من راسي وطلع
(سماح)  هيجي غزوان افندي گلبتها عيد وسويتها جبيره كل لان جابت الك العجميه ولد حته ولاتخابرني ولاتسال عليه شغيرك عليه شسوت الك العجميه شسحرت الك سحوره اني من الصبح راح اكون فوگ راسها واقتل الفرحه الي بقلبج عبالج اني سهله ولفتيه للرجال واخذتيه الج مسالة وقت وراح تكونين برا البيت بس اصبري عليه
من الصبح بدلت وطلعت بوحهي عل بيت غزوان جانت ساعه 8 دخلت المطبخ وشفت فليحه وام عباس باركت الهم ظلوا مستغريبن زيارتي
-خاله فليحه ترا اني زوجه غزوان هم هسه ليش مستغربه
-لايبنيتي جيتج عل عيني وعل راسي والبيت بيتج
-اجيت ابارك الكم عل مولد الجديد
-ادخلي يمه جوه انت ام البيت
دخلت جان البيت نفسه من عفته جنت اريد اعرف هو صدك ينام وحد ومينام وياها كعدت بالصاله اني اعرف غرفة هايه بس مالي جراة ادخل بيها مااعرف هاي غيره عندي لو شنو معرفت افسرها سمعت صوت طفل يبجي اتبعت الصوت وحددت الغرفه دكيت الباب ودخلت شفتها جاي ترضع بيه وتحاول تسكت بيه هيه ممنتبه عليه مخبوصه بالطفل سلمت عليها جفلت وباعت عليه ظلينا اثنينا وحده تباع عل لخ هيه نظرات استغراب باديه عليها واني نظرات الخوف اي جانت الخوف منها صغيره وحلوه وبريئه وباايدها ابنها حسيت روحي داخله لحرب اني خاسرته مسبقا وبااخص انها جابت الولد اله وهو طاير من الفرح بيها قطع سلسله الصمت بينه صوته
-سماح شجابج من الصبح
-ليش شجابني اجيت ابارك الك عل مولود الجديد
-امشي نطلع منا
-شبيك شيخنا خليني اشوف ابنك شنو خايف عليه مني
(ناز)  اتفضلي ام امير هذا هم مثل ابنج
- حبيبتي اكيد مثل ابني
باوعت عل طفل وباركة الها وطلعت من غرفه (اي هسه عرفت روحي هذا شعور الي بداخلي هو الغيره اي اني غيرانه منها )
-انت جنيت مغبشه علينا
-هذا بيتي واجيت اشوفك واشوف ولدي
-روحي عل بيتج سماح ومن نزوج يكون بيتج
-هيجي تطردني علموده
-نصي صوتج ولاتعليه عليه
-لا ماانصيه وزواجنا لازم يتم اليوم قبل باجر
-زواج اني احدده مو انت
-غزوان شجرالك اني سماح الي تحبها
-روحي عل بيتج هساع ولاتخليني اكفر بيج
-خوش اني رايحه ولعلمك اذا هل اسبوع محددت زواج اني بعد مااريدك
طلعت من البيت وگلبي نار مستعرة وشلون اطيفها مااعرف الغيرة اكلت گلبي منظرها هيه وابنها خلاني اموت من غيرة وحسد

ام احمد