رواية ضحيه_ام_جلاد الفصل السابع عشر 17 - بقلم أم احمد

ضحيه_ام_جلاد
ام احمد
الجزء الثاني
البارت السابع عشر
-شوف اشرف اني ظاله بگلبي من انحبست وهو عافني اسبوع بالحبس وجان يگدر بمكالمه وحده يطلعني
-مليون مرا كتلك عيني عباس اعقل ولا تخليه يتنرفز منك
-ماافوتها اله ويجي يوم انتقم منه
-ترا رجال مامقصر ويانه ملفينه ولحم جتافنه منه
-اشرف انت ويانه لو وياه
-عباس اعقل
-لاتخاف ابن عمي مو اليوم ولا باجر بس مو بعيده وگول عباس مگال
**********************************      
-تسودنتي ورحت عل بيت زلمه من غبشيات الله شراح يگول علينه الاوادم
-بيتي وبيت ولدي شيكولون ناس خلي يگولون
-ظاهر فقدتي من عرفتي مرته جابت اله ولد
- لو تجيب اله عشره المشيخه الولدي هذا حقهم وهو اغتصبه اني اعرفك ياخوي انت وياه بس ابني احق منه واني خليتها للايام واول تالي غزوان راح ينگتل
-صخام عل راسج گبرتيه للزلمه
-اني شعليه حتى اگبره بس الله يگول وبشر القاتل بالقتل جايبه هل حجي مني وغزوان قتل وطغى ومصيره محتوم اكيد مو اليوم بس عن قريب
-صايره تخوفين بت ابوي الي جاي تتمنين اله الموت هو زوجج
-زوجي بس اولادي اهم منه
- اني رايح انت انشخطتي بهل صباح من عرفتي اجاه ولد
روح الله معاك هسه يلا حسيت بيج ياخالتي واني جنت ضدج شگد جنت غبيه جنتي تحمين ابنج واني جنت احفر وراج علمود غزوان وامه جنت غلطانه واجه دور عليه اصحح الغلط وراح احمي ولدي ومراح احد يوكف بوجهي لا عجميه ولاابنها
**************************************    
(ناز) مااعرف هل مرا حسيت ان سماح ونظراتها الي جانت بيها الف تهديد الي ولاابني خفت منها لوما غزوان يدخل جان بجيت من خوفه منها عيونها الكبار تحجي وتبين الي بداخله مااعرف شضامه هل ايام الي هيه بعدها بعيده واني اخاف منها چا لو نصير سوا فد بيت شراح تسوي بيه بس اكيد فليحه ويايه وزنوبا واذا غزوان وياها وكف بصفها يعني ماالي امل وانفتحت الباب ودخلت فليحه
-هايمه ماتجين تاكلين لگمه حتى يصير بيج قوة
-يمه اني خايفه
-اسم الله يمه محروسه باااسم الله شنهي اليخوفج
-يمه سماح جانت نظراته لاابني تخوف واني خاف تاذيني
-لا بنيتي لاتخلين شيطان يوسوس الج ام امير عاقله وزينة النسوان ودومها جانت تساعدني اني وبنيتي توكف ضد خالتها وياي لا ام امير يجوز غارت منج شويه بس ماتاذيج يلا گومي اكلي لكمه وتعوذي من شيطان
طلعت ورحت عل سفرة جانت ام عباس مسويه تمر وبيض علمود جايبه جديد وشفته گاعد صاره فتره مانجمعنا عل اكل كعدت واني اباع عليه واحس بداخله كلام يريد يگوله گلبي نغزني حسيت بيه راح يحجي شي ينغص عليه بس مكتوب علينا لازم نعيشه
(غزوان)  اليوم حبيت اگلگم ان الخميس الجاي راح يكون زواجي من ام امير اني انتظرت هل فترة كلها علمود ولادة ناز تمر عل خير والحمدلله فضت ولازم ازوج هسه
(فليحه وهيه تباع عليه)  لو تنتظر يطلع اربعين مال ولد مرتك نَفْسه بعدها
(غزوان)  يمه ماكو داعي للتاجيل بعد يلا امير وحسين گوموا وياي عل گاع
(امير ) عمي شيخ عندي امتحان واريد اداوم اليوم
خلي تفيدك المدرسه وش راح تصير دكتور
عمي الشيخ اني مااترك المدرسه
هل شي اني اقرره لا انت ولاامك وهساع اگلك ماكو دراسه بعد امشينا يلا
(فليحه) وليدي شلك بيها عوف الولد يروح عل كُتاب خلينه يتعلم
(اذكرت ابوه من جان يروح عل مدرسه واني ابوي حرمني من مدرسه علمود حلال والگاع گلمات ابوي ليهسه بااذني الگاع تريد اهلها ماتريد غُرب يشتغلون بيها )
(غزوان)  يمه اني اعرف مصلحته وين وانت امير بعد اذا تعيد سالفه الدراسه ماتلوم الا روحك امشينا
راح وهو عصبي مااعرف شنو هدفه ليش ساعه يصير انسان وساعه يصير وحش كاسر يدمر كل الي حوله رحت عل غرفتي واني مسلمه امري الى الله ان تعدي هل ايام عل خير واكدر اتحمل اشوفه يزوج مكدرت ابجي احس اتعديت هل مرحله مال بجي كافي ابجي خلي اعيش لاابني والنفسي مو شرط الحب يكون موجود بحياتنا اني حاليا لازم اكون قويه علمود ابني واعيش اله واحميه ومااخلي احد ياذي مااريده يصير مثل امه ياهو الي يجي ياذيها ولا راح اتخله عنه وهسه اني عندي املاك واكدر احميه
مرت ايام سريعه عبالك حته ايام ضدي واجه يوم اربعاء كانت حنته والبيت انخبص خبص اني سديت بابي وكعدت بغرفتي مااريد لااشوف ولااسمع جانت فليحه كل شويه تجي عليه تشوفني بس اني ظليت قويه وصامدة ومااريد ابجي ولا انعي حظي هيه يومين اتحمل هو اول تالي عايش بغرفه واني بغرفه ودومه يسهر برا ويه الموزينات يعني ماكو فرق شنو الي راح يتغير اول تالي هو يبات وحد واني وحد &لليل هدا البيت ومعزمين راحوا واني حته نسيت اكل لكمه بس بعدين اجت فليحه وجايبه الي اكل اكلت وسبحت وعاهدت روحي مااطلع من غرفه واشوفه ويشوف انكساري خليني بعيده عن عيونه
***********************************     
(سماح) مادرت لاحفله ولاشي مجرد باليل اجوي خواتي حنوني وكلت بيوم الزفه البس فستان واروح عل بيتي اي بيتي هو حقي وحق ولدي شرطت عليه يوديني ثاني يوم عل شمال نتونس اني ولدي وهو
هو راد بس اني وياه بس اني اصريت اخذ ولدي ويايه اقتنع بس عل مضض ومن الصبح اجتني ام صالون للبيت وگلبتني عل بطانه ولبست واتانقت وانتظرته بحدود 3 اجوي همه وهوساتهم وهو دخل لابس داشدشته وعگال وعبايته جان غزوان صاحب نظره حاسمه صح هو حنطي وفهد جان ابيض منه بس هو اكثر رجوله من فهد واطول منه مااعرف اذكرت بيوم الي اجاني فهد واجه عليه نفس هوسه ونفس دخله بس فرق اهناك جنت اهناك مجرد طفله خايفه وهسه مرا كلشي افهم واحس گلبي مليان عليه اجه وكف واخويه سلم عليه وسلمني اله وطلعنا حسيته كامش ايدي قوي وصلنا للبيت شفت ولدي واكفين وبنتي بوستهم ودخلت للبيت كعدوني وهلاهل جنت اريد اشوفها ال ناز بس مالها اثر وفليحه هم ماكو اكيد يمها وشويه زفوني الغرفتي دخلت الها واني احس روحي ملكت كلشي البيت وغزوان وناز مجرد فترة وتطلع من البيت هيه وابنها اجت بعدين فليحه بوستني وباركت الي وظليت كاعده انتظره ال غزوان وصارت هوسات وهلاهل عرفت زفوه الي ودخل عليه ووامه باركت اله وطلعت اخذت بنتي وياها وانسد الباب علينا نزع عگاله وحزامه وعبايته واتقرب الي وگف گبالي ضليت اباع عليه ويباع عليه بس عيونه بيها شي خوفني مابيها لاشوق ولالهفه
-مبارك عليج ياابنت اجاويد العرس
-مبارك علينا اثنينا (مد ايديه كانما يكلي بوسي ايدي )باوعت عليها اريد افهم شنو معناها
-شبيج صفنتي بوسي ايديه
-غزوان هاي شبيك اتخبل…… (بعدني ممكمله كلمه هفني براشدي معدل )وكعت عل جربايه واني ممصدكه ضربني
-انت اكيد اتخبلت… ..(ضربني راشدي لاخ اذاني صوفرت )
-مرا الي تعلي صوتها عليه ادوسها برجليه لاتصورين احبج تاخذين راحتج ويايه تحترميني وتمشين عدل وهاي راشدين اذكرج بيهم (كومني من ايديه )اتذكريني من هنتيني وكتلج ماانسه الي يهيني وهسه تبواكنه ياحلوه وخليني املي عيني منج
-انت واحد مريض نفسي ولااخليك طخني
-هههههههه عادي مااطخج بس انت نسيتي اذا منعتيني شااسوي
-شااسوي ها
-اروح عل مرتي اولى وانام بحضنها
-انت كلت ماانام وياها بنفس الغرفه
-هههههه اي صح بس اذا منعتيني هسه اروح عليها شگلتي
-لا لتروح اخذت ايديه وبستها وبعيونه نظرات النصر
-احبج واخذني بين ايديه حسيته مثل اسد الجوعان ويريد ميشبع جان قاسي ويايه واني صار سنين محرومه جان فهد هاجرني وفهد جان من بدايه بارد ويايه بس غزوان حسسني اني انثى والي احتياجاتي &نمنا بعد ان اخذ منا التعب كل راحه الي بجسمنا
(ناز)  صار هدوء بالبيت حسيت داخلي بعده فوضى داخلي يصرخ واني اعرف هيه هسه بحضنه وهو وياها واني ولامرا نمت بحضنه والمرا الوحيده الي نمت بيها جان سكران وعباله اني سماح ظليت مثل الطير المذبوح لااعرف لا ابجي ولا اهدء ولااعرف شااسوي طلعت خارج الغرفه مااعرف وين اروح لبست زين وطلعت خارج البيت اريد اتنفس اريد هوا يدخل الريتي احس شي ثگيل عل صدري لااكدر ابجي ولااكدر اتنفس ومااعرف شااسوي ولاافكرت بعلي ورايه يبجي ظليت امشي بالبستان الى ان كعدت بالگاع وتعبت واهناك نزل كل البجي عليه وظليت اشهك وابجي واعاتب ربي واگول ليش هل عذاب وليش اتحمل كل هل عذاب اني اقبل يزوج عليه بس ليش وياها غركان بالحب واني اصلا ماننجمع سوا باغرفه وحده ظليت ساعتين بجيت وطلعت كل الي بصدري حسيت گلبي وجعني عل ابني گمت عل حيلي ورجعت علموده دخلت البيت وگبل الغرفتي شفت فليحه يمه وشايلته وهو يبجي من شافتني فليحه فزت جنت متربه كلي وعيوني حمر
-يمه وين جنتي وليش عايفه ابنج فحط من بجى
-اسفه مو باايدي جنت محتاجه اطلع خارج البيت يمكن لو ظاله جان اختنكت سامحيني يمه
-ادخلي غسلي وتعالي رضعيه لاابنج وصيري قويه لان ضرتج مو سهله
-اي يمه اعرف اني بس احتاجيت اشم هوا واطلع الي بداخلي
دخلت للحمام غسلت
غسلت وطلعت اخذته لاابني الحضني واشمه اوف ياابني لو تعرف القهر الي بگلبي شنو وابوك نايم بالعسل واني ناري مستعره راحت فليحه وظليت لوجه الفجر يلا عيني اخذت النومه
************************                  
(بيت الشيخ ابو فلاح)
-ابني وضاح اني احس روحي ممطول وراح اموت واريد اشوف ناز وتبريني الذمه مااريد اقابل ربي واني ظالم هل يتيمه
-بويه طولت العمر الك لاتگول هيج هيه فترة وتعدي
-اني ظلمتها بزواجتها من هذا غزوان واخذت منها ورثها اريد اطلب منها السماح
-تامر يابوي هسه ادز طارش عليها
**********************************        
(غزوان ) كعدت الصبح وماكو يمي سماح كمت عل حيلي ادور عليها جانت بالحمام فتحت الحمام ودخلت عليها
-ليش مكعدتيني
-شفتك تعبان گلت خلي يرتاح
-بعدج ضايجه مني
-لا لويش اضوج منك
اتقربت عليه وحضنتي وظلت تبوس بيه واني ممصدگ ان حلمي اتحقق وان حبيبتي ابين ايديه
سبحنا وطلعنا جانت ام عباس جايب الن اكل ليفوك اتريكنا وگتلها السماح يلا ورانا سفر
-صار عيوني هسه ثواني والكل يجهز
(ناز)  كعدت الظهر تعبان وجسمي مكسر وراسي مدوش عرفت بعدين انهم سافروا عل شمال حته مااجه وشاف ابنه واطمئن عليه يمكن نسه ابنه كليا
(فليحه ) يمه ناز هاي واحد يكول ان عمج موات ويريد يشوفج
-اسم الله وشلون اروح وغزوان منو يگله
-روحي يمه اني اگله شغله ضروريه ورحتي
-وابني شلون
-اني يمه روحي ولاتبطين
-صار اني رايحه
طلعت بوجهي عل بيت عمي وجان عمي تعبان من شافني گام يبجي ويطلب مني السماح
-سامحيني بنيتي
-عمو مسامحتك لايظل الك فكر ولاتكول هيج بعدك بحيلك
-ابنيتي ابريني الذمه واني وصيت فلاح ينطيج كل حقج ومايقصر وياج
دخل وضاح وشافني كاعده ابجي سلم عليه جان مبين عليه الهم والحزن ظليت شويه وگتله العمي ارجع البيتي بوسته من راسه وطلعت اول مطلعت من غرفته صاحني وضاح
-ناز ممكن نحجي
-وضاح ابني عايفته ومضطرة ارجع عل سريع
-ناز اني عندي حجي مهم ولازم تسمعيه الخاطر ابنج
-شنو هل حجي خوفتني
-حجي لازم تفكرين بيه هوايه وتاخذين القرار الصح قبل فوات اوان

ام احمد
احزروا شنو موضوع الي راح يگوله وضاح الناز