رواية ضحيه_ام_جلاد الفصل الثامن عشر 18 - بقلم أم احمد

ضحيه_ام_جلاد
ام احمد
الجزء الثاني
الثامن عشر
مرات الحقيقيه تكون مره لدرجه عقلك ميريد يستوعبه ويعيشه بوهم و نظل مصدومين ونتلخبط ممصدكين هاي حقيقه ونعيش بعالم الوهم ونوهم نفسنه انها الحقيقيه &
احيانا نتاخر بحسم موقف بحياتنا  يؤدي بينا الى خسائر ونلوم نفسنه ليش مو من بدايه اختارينا الصح عل اقل جان خسائرنانكدر نتلافها&
هيج جنت اني من عرفت من وضاح حقيقيه شغله غزوان وشينتظرني اذا صار عليه شي هدد حياته
-ناز ممكن احجي وياج
-وضاح ابني بالبيت عفته ومااريد اتاخر
-اني الي راح احجيه مهم الج ولحياة ابنج
-خوفتني ابن عمي احجي شكو
-ناز اني اعرف انت جنتي ضحيه بهذا الزواج بس هسه انت تكدرين تختاريين بعد ان عفا غزوان عن كل التزامات نحونا
-شختار مجاي افهم
-ناز زوجج شغلته خطره هو مهرب مال اسلحه بينه وبين وحد من دول هو يمول ناس بااسلحه تعرفين شنو يعني يعني حياته عل محك مجرد كبسه او شي يعارض الي يمولهم يروح بيها تعرفين اذا زوجج صار عليه شي شيصير
-لا شيصير
-غزوان اخذ مشيخه غصب اول ناس تنتفض عمامه لاتصدكين راح يرحموج انت وابنج انت بنظرهم وحده غريبه راح يميلون لمرته الجديده الي ولدها هم ولد فهد الي قتله غزوان وتردين الصج
-اي ابن عمي احجي
-جانت خالتي كل وكت تحجي النه عل ام امير
-ام امير شبيها
-تكول هيه نسخه عل خالتها گويه وصلفه وجان فهد وخالتي عليها ومايكدرون عليها انت متكدرين تكونين ند الها راح تاذيج وتاذي ابنج
-شتريد اسوي هسه
- اطلكي ناز
-يمه صخام بوجهي اطلگ
-ناز شبيج اني ازوجج
-ها شنو انت ومرتك وابنك
-مرتي عافتني وراحت عل اهلها متريد تعيش اهنا ناز اني ضيعتج من ايدي ومااريد بعد اضيعج
-وضاح اني مزوجه جاي تگوله كله تكهنات مااكدر اعوف زوجي اكيد راح ياخذ مني ابني مستحيل اخلي ابني يربى بعيد عني وثانيا فليحه ويايه دومها تساعدني يلا عيني اسلم عليك واني مااكدر اسوي الي تريده
طلعت منهم واني الف سالفه براسي مين اجاني وضاح واقتراحه هو صادق بشغل غزوان لو شنو واذكرت مرا من اجت سماح عل بيتنا واردت تحجي عل شغله وشلون سكتها وطلعها برا ومخلاها تحجي رجعت للبيت راسي يريد يطك رحت اخذت ابني يبن ايديه ورضعته واني مااعرف شلون اتصرف وقررت من يجي اواجه بالموضوع صدك هو هيج شغله مر اسبوع واني كل يوم براي ساعه اگول ابقه وشيصير خلي يصير وساعه اگول لا اعوفه واخلص من هل دوامه كلها بس ابني شلون يربى بلا اب.  فليحه كلما شوفني مهمومه وصافنه حسبالها علمود زواج غزوان فكرت اگول الها بس تراجعت ماردت تطلع مني خلي تعرف من غيري بعدين ترجع عليه ملامه
(غزوان ) قضيت اسبوع ونسه ويه حبيبتي صح هيه اهتمامها الولدها اكثر مني بس اني جنت اعرف شلون احصل عليها واخذ الي اريده جانت تحاول تفرض رايها بكل شي جنت اطاوعها مرات ومرات لا ارفض حته لو هو الصح مااريد انفذ كلشي الها واخليها تكون اول باول رجعنا عل ديرتنا من اول مدخلت عيوني جانت مشتاقه لاابني هذا الولد انزرع بگلبي عفت كلشي ورحت عل غرفه الي بيها دكيت الباب ودخلت جانت ناز ترضع بيه من شافتني اتغطت مااعرف ليش
-شلونج ناز شخبار حبيبي اشتاقيت اله (رحت اخذته ابين ايديه واشم بيه ريحة تخبل
-الحمدلله عل سلامتك وسفرة سعيده
-شكرا اشتاقيت اله هوايه هذا الفعصون اخذ گلبي
(ناز)  اباع عليه شلون حاضن ابنه وشم بيه انقهرت وكل الكلام الي جمعته براسي اتبخر وظليت اتامله هو ابنه وجان تنفتح الباب ودخلت سماح وشافت غزوان شايل ابنه ويشم بيه ظلت تباع عليهم وعيونها تريد تطلع من مكانها وبلا سلام ولاكلام گالت
-هاي انت اهنا وهيج تعوفنا وراسنا تجي عليهم ترا اني بعدني عروس جديدة
-ام امير اصعدي البيتج واني جاي وراج
ظلت تباع عليه وعيونه تريد تاكلني خفت منها واحتميت بيه من طلعت جريت نفس عميق انتبه عليه حاولت ماابين اله اني خفت منها بس هو حس رجع علي المهده واجه عليه
-تعالي اكعدي يمي اشر الي عل جربايه رحت كعدت يمه
اريدج متوكفين بوجها لاام امير هيه صح السان بس گلبها طيب واني مراح اخليها تاذيج كمش ايدي اني اعرف انت انظلمتي هوايه بس مراح اخلي احد ياذيج بعد
(ردت احجي وياه عل الي حجاه وضاح بس مردت من اول دخلته عليه اواجه ماردت اخسره وان كان هو زوجي عل ورق بس اني مااريده يموت ولااريد اعوفه مااعرف شنو الي يخليني متمسك بالزواج منه رغم كل ظلم الي شفته عل ايديه بس راح ابقه وياه يمكن هذا قراري جان غلط بس اني مجنت اعلم الغيب واعرف المستقبل وشراح يصير وجنت صغيره ومااخذت بنصيحه ابن عمي
(سماح) اول موصلنا اختفى غزوان جنت ملتهيه ويه اطفال ومنتبهت وين راح بس اول محسيت عرفت راح عليها متحملت ورحت دخلت وشفته شايل ابنه ويشم بيه گلت بگلبي ها غزوان هيج البزر عزيز وانت لوعتني تلوع عل بزري وراها طلعت صعدت الغرفتي سبحت ولبست شي خفيف وظليت انتظره لازم املي عينه ومااخليه يشوفها ال هاي فعصونه ويحن عليها ساعه هو ماكو دزيت امير يشوفه كلي راح عل شغله ماحبيت انزل جوه خلي يظلون يصعدون الي اكل ليفوك الى ان يمر شهر خلي ادلل شويه اني ماشفت بحياتي دلال
(غزوان)  خلال شهر من زواجي گضيته كله فوگ ويه سماح بصراحه المرا ماقصرت ويايه دومها متانقه وحلوه ولاخلتني انزل جوه جنت الصبح قبل مااطلع امر واشوف علي والعصر هم اشوفه وحته اكلنا فوگ كله حاولت اخليها تنزل جوه بس هيه اصرت ان شهر يلا تگوم تنزل جوه
(ناز ) خلال شهر كامل غزوان صار ملك الها وبس مرات باليل من اطلع للصاله اسمع اصوات ضحكاتهم اتالم واحزن اريده هم يشوفني مثل ميشوفها اني ام ابنه وهم احتاجه بس شلون اجذب اليه بعد گلبه يميل الها موالي
(غزوان) جنت احاسب عمال واجاني طارش وگال شيخ ابو فلاح انطاك عمره ماحبيته للزلمه ولا جرعته وبااخص هو مرتين غدر بيه اول مرا من راح وتحالف ضدي وبالمرا الثانيه من كذب عليه وزوجني لابنت اخوه مو لاابنته دزيت عل اشرف اجاني
-اشرف دز واحد يودي حرمتي البيت الشيخ جبر
-اي طال عمرك صار بس بس
-بس شنو احجي تبسبس
-من رحت عل ال… .شمال
- اشرف احجي ولا تظل تراوغ
-طال عمرك حرمتك طلعت وراحت عل بيت عمها وماقبلت احد يوديها ولايرجعها
-شوكت
- مو كتلك طال عمرك من رحت (يحجي ويعوج براسه )
-وانت ليش مكلت الي ليهسه
-طال عمرك نسيت
-انت غبي واثول اني امن عل بيتي وانت هسه يلا تحجي غور منا دهر طرك
هيجي ناز تطلعين بلا ماتكولين الي وين عل بيت عمج وشعندج بيت عمج وليش من اني اغيب ترحين صعد الدم لي راسي بس گلت لازم مااتسرع لامثل ذيج المرا واذيها خليها اذا عدها شي هيه راح توگع برجليها واذا بريئه راح تثبت برائته طلعت من مكتب ورحت عل بيت حاولت اكون هادئ كلت لاامي عل شيخ جبر وهيه گالت اروح ابلغ ناز واخذها واروح صحت ام عباس وكتلها بعد اكل كله سوه وكتلها اريد اشوف حفيدتج دزيها الي لغرفتي ابنيه جان عمره عشر سنوات جانت خايفه مني گتلها لاتخافين تعالي اريدج ترحين ويه مرتي للفاتحه وبس
-بس هيج
-اي ومن تشوفين حرمتي ويامن تحجي ويامن تكعد بس واني راح اشتري الج هديه حلوه خوش
-صار عمي الشيخ
دزيتهم وگتلهم هاي قسمه اخذوها وياكم تشيل علاوي عنكم  راحوا واني صعدت عل سماح محبيت ابين الها شي سبحت ولبست ورحت عل مكتبي الي هو سابقا مكتب فهد وصيتهم محد يزعجني لليل يلا رجعوا امي وناز جان فضول عندي يقرا الف مو ميه اتعشينا كلنا سوا جان الجو مثل كهرباء بيه سماح واولادها وناز وامي واني بنصهم الكل كمل اكله وراح عل مكانه للا اني دزيت عل قسمه اسمعها
احجي شفتي وشسمعتي
ماكو شي طال عمرك ظلت ام علي بمكانها ولااتحركت
متاكده
اي
محد اجه انطاها ورقه او همس بااذانها شي
لا عمي الشيخ محد
روحي عل بيتكم بس اذا سمعت لااحد حاجيه اموتج باايديه
صار عمي شيخ
من طلعت بعد معجبني اصعد فوگ يم سماح احس نار بصدري واخاف تحس عليه وتبوگ لساني صحت عليها وگتلها راح انام جوه بغرفتي ظلت تلوي بحلكها معاجبها بس اني رجعت الغرفتي اخذت دوش ونمت
(ناز ) سمعته يگلها راح انام جوه فرحت عبالي راح يجي يمي سبحت ولبست وبااخص اني جان اربعين مال علي طالع بس محد اجه ولااحد دگ بابي ل وحده وماكو احد عرفت هاي ميجي بعد حزنت مكدرت انام رضعت علي وظليت اتكلب مكدرت انام طلعت برا الغرفه ورحت عل غرفته مااعرف مين اجتني الجرئه بس رحت وفتحت الباب عل كيفي وسديته عل كيفي نايم بالشورت شكله رجولي ويجذب اتقدمت اله وكفت عل راسه واباع عل صدره بيه علامات حمره ظليت متبسمره بمكاني اوف ربي ساعدني اصبر انطيني بعد صبر ربي اذكرت عرض وضاح ان اعوفه بس مااكدر اتركه مديت ايدي عل صدره واول مديته فز وطفر عليه وحط السلاح براسي متت خوف وهو عباله احد غريب من حركته هاي عرفت بيه ينام تك عين وانه شغله خطر بحيث نايم وكله حذر
-شسوين. اهنا ها
-ماادري (جان جسمي كله يرجف منه ومن حركته وسلاحه )
-مو قصدي اخوفج اسف
-اني اسفه ان دخلت عليك وفززتك تصبح عل خير
خليت وردت اطلع بس قبل مااعبره كمش ايدي
- اوكفي
-شعندج يمي (اتقرب عليه هو بالنسبه عملاق مو بس اطول مني لا انما اضخم بهوايه ظليت ساكته واكفه مكاني وهو اتقرب عليه وقرب راسه الي وباايديه صعد راسي من حنجي شبيج ترجفين جرني اله وحضني ضعت ابين ايديه جسمه دافي ظل يحضن بيه واني ممصدكه ان يحضني بوعاته مو سكرانه او يتخيلني سماح رفعني اله وباسني وفتح شعري وهو يتلمس بجسمي ويهمس عل شعري ضعت وياه واتبنجت كل حواسي واني اتگلب بين ايديه دفعني عل جربايه وصار فوكي مادرت تكمل هاي اللحظات ولاتنتهي كمشته من راسه وقربت اله وگتله اني منو هو جان ملتهي عني يريدني وبقوه مامهتم السؤالي اله رجعت كررت عليه سؤال انتبه وگلي شبيج بعصبيه  انت مرتي راد يعوفني ويوخر بس بادرته وبسته وحضنته واني اگله اريدك دووم مو يوم وتشمرني ظل يبوس بيه ورجع انثار مره لخ جان ضوه القمر

يعكس عل وجه وعيونه تلمع اجمل منظر جان عندي ان اشوفه واكون بين ايديه انتهى كلشي وگام وحط جكاره بحلكه وعلگهااني ظليت يمه لميت روحي ورحت نمت عل صدره والعب بشعر صدره وهو ياخذ نفس وينفثه ظل يتلمس بشعري
-شعرج هذا يخبل
-هههه هو ملكك كلي ملكك
-ناز اريدج هل موضوع يكون بينا ماكو داعي احد يعرف
-تخاف منها
-ناز اني زلمه وماتخوفني مرا
كمت منه والبس هدومي وگتله صار عمي الشيخ
-ناز لاتخبليني كتلج موضوع يبقه بينا
-صار تصبح عل خير
طلعت منه ومااعرف الي صار صح لوغلط حسيت بااهانه بس اني جنت محتاجه اله مثلها هيه اريده وعندي احتياجات ليش هيج يعاملني سديت الباب ورحت عل غرفتي واني بكد مافرحت بذيج اللحظات بكد ماقهرني من ميريد احد يعرف بالي صار ابينا
ام احمد