تحميل رواية «ضحيه_ام_جلاد» PDF

#ضحيه -ام - جلاد

الجزء الثاني

اول

ام احمد

حياتنا مثل بين قوسين تبدي بالولاده وتنتهي بالموت &

اقدرانا هيه الي تسيرنا وتتحكم بينا ماالنا اختيار النا نختار لا والدينا ولا اسمنا ولااصلنا ولا حته شلون نموت كلها مكتوبه علينا قدري جان بدايه النهايه

نهايه معاناة والدي وبدايه لمعاناتي والدي ابن عشيره مشى بطريق مسدود ادى بيه ان يكون مهاجر لاايران قسرا وخوفا من نظام سابق والدي جان طول وهيبه وابن ملحه عاش عل حدود ايرانيه بالتسعين ظروف قاسيه متناسب ابن شيوخ كتله القهر والظيم

ابوه اتوفه من سمع باالي صار الكل اتبرت منه لان مجبورين والا يكون مصيرهم مظلم جدي متحمل مات وره اسبوع

من سمع والدي بالي صار اظلمت الدنيا بعينه وحس بالذنب اسوء ظروف ان تعيش بمخيمات وماالك اي حقوق

البرد باايران قاسي مايتحمله ابن جنوب وزاد هل شي ان حب امي من اهواز طبعا اهل امي رفضوا هل شي بس امي استمرت بالتصدي اهلها الى ان ازوجت والدي الي جان مثقل بالحزن والهم وفرحة الوحيده هيه امي

زواج فاشل وزيجه راح تعيش بين كره ابدي بين العراقين وايرانين

وره اربع اشهر والدي اتوفه امي مصدكت الي الصار شخص مثل والدي يخطفه الموت بهل سهوله ظلت مصدومه مكدرت تبجي شلون راح ترجع لااهلها واخوتها الي رفضوا زواجها مكدرت امي غير ان تطلع من مخيم وتروح ال خوالي الي فرصتهم باانتقام من امي الي كسرت كلمتهم اتقبلت اهانه واحتقار وكلشي من اخوتها

من امي حست انها حامل خافت تحجي لااخواتها عل الي بطنها هو ابن عراقي وره شهرين عرفوا خوالي بحملها وصعب بعد اسقاط الجنين استمرت بالحمل جانوا نسوان خوالي يتعمدون ان يخلون امي تشتغل وتشيل حته الي بطنها يموت بس ارادة الله فوق ارادة الجميع تعب امي بالحمل سبب ولاده مبكره وانجبتني من اجيت للدنيا الكل ضاج اولا بنت ثانيا اني بنت عُربي وثالثا جنت ابجي هوايه حاولت امي تحميني من نظرات الكره والحقد بس طفل يكون ذكي ويعرف جنت احس اني منبوذة ومحد يصيح بااسمي اني اسمي بنت عُربي احس اهانه كلها بهل لقب& جنت عل اتفه اسباب انضرب جنت اخدم نسوان خوالي وحته اغسل لااطفالهم امي من صار عمري خمسه سنين جبروها عل زواج من شخص قرايب الهم تركتني لمعاناة وعذاب لان زوجها رفضني رفض تربية فتاة حته جنسيه ماالها ولاهيه محسوبه عل ايرانين ولاعل عراقيين جنت دومي صامته او بااحرى تاهت عليه لغه& امي قبل متزوج جانت تعلمني عربي سرا لان جانت تكلي يجي يوم وترحين عل اهلج من جنت احجي عربي انضرب من خالي جبير جان قاسي عليه اشد قساوة لان عنده اخوة ماتوا بحرب ايران ويحملني مسؤولية

كانما اني سبب هاي الحرب يشوفني بنت من قتل اخوته صرت احجي فارسي عل عربي بكل احوال جنت اسكت اعرف اني شمااحجي راح انضرب ظليت بيت خالي علي اكبر وزوجته اكعد من فجر انظف واطبخ كل شغل اسويه جانت مرت خالي بس تخبز وتخلف واني بقيه الشغل اسويه صار عمري عشره سنين ابنيه شاحبه ضعيفه وهدومي رثه اكتسبت من امي العيون صغيره ولونها ملون وشعر الجوزي وبشرتها شاحبه من كثر بياض الاورده تبين بجسمي جنت قصيره

تعليم انحرمت منه لان ماعندي جنسيه جنت احاول اتعلم من ولد خالي بس جانوا يعتبروني خادمه الهم ومحد منهم يحبني حته اسمي جنت انساه بسبب انهم ميصيحون الي بااسمي مرت خالي تصيحني ام كفشه وخالي بنت عُربي واولادهم يصيحوني الثوله هاي اسماء الي اعرفه بس اسمي مااسمعه ابد بس من امي من تجيني كل شهرين او ثلاثه تاخذني تشتري الي اكل او شي البسه تعرف امي الي اعانيه بس مضطره تسكت

صارت عندي اختين واخ من امي بس زوجها ميقبل اشوفهم او اجي ال بيته

ناز ناز

ها يمه

بعدج تعرفين تحجين عربي

اي اعرف بس بصعوبه

اتحملي بنتي اول تالي ترجعين لااهلج

باوعت عليها وعيوني كلها دموع

وينهم اهلي عني

يجي يوم وترجعين للعراق بين عمامج وعشيرتج

يمه لشوكت اتحمل

الله مراح يتركج بالعذاب للابد

مشينا هوايه بااسواق اشترت الي بجامه وربطه واكل ورجعتني للعذاب كبر بداخلي حقد عل كلشي من جنت اريد افشر عليهم جنت استعمل العربيه لانهم ميعرفوها بس مع هذا جنت انضرب من مرت خالي جان احساسها يكلها اني جاي افشر عليها

ام كفشه اليوم اخلي خالج يموتج

ليش خاله شسويت

شكلتي قبل شويه عليه بالعربي

مجنت اقصد حجي مو زين

لا تقصدين اليوم اخليه يضربج بالقرباج

فدوه خاله سامحيني

اذا ميطلع منج دم ماارتاح

بدخول خالي للبيت وشاف مرته وصياحها عليه

هاي شكو

تعال شوف ام لسان تفشر علينه

لا خالو مكلت شي

شكالت احجي

شوف علي اكبر حجت بالعربي واكيد غلط

راح خالي جاب قرباج واجه عليه

كم مرا كتلج متحجين عربي اهنا ابيتي

خالو ارحمني

بنت الكلب

وبدا يضربني واني اتكعورت واحصل الضرب عل كل انحاء جسمي انصلخ جسمي وفقدت من الم

من فتحت عيني جنت بالمطبخ مااكدر اكوم عل حيلي انتجيت عل كرسي وحطيت راسي عليه دموعي حاره وجهي كله مجرح ايديه ورجليه كلهن دم ظليت اشهك وابجي عاهدت نفسي ان بعد مااحجي عربي كرهت كلشي اسمه عربي كرهت اصلي وكرهت كلشي يذكرني اني عراقيه جنت اتمنه اني ايرانيه وعندي جنسيه واكدر اتعلم ليش اني هيج يعاملوني وشويه سمعت صوت خالي انرعبت دفعت روحي ليوره لميت روحي خايفه منه دخل للمطبخ وشافني

ها ولج مامتي ليش متموتين ها گ... ميصير الج شي عره شوفي اسمع بعد تحجين عربي اذبحج واكول شفتها ويه واحد افتهمتي

اي افتهمت

طلع من مطبخ واني رعب الي سببه الي كفيل بااخراسي للابد صرت صامته انضرب انهان اتمرض كله بصمت

مشت ايام واني اكبر بيوم كعدت عندي الم بااطني الم وجع من كمت عل حيلي حسيت شي نزل مني رحت للحمام شفت دم خفت انرعبت هاي شنو استمر دم يطلع واني مااعرف شااسوي ظليت بالحمام ابجي بصمت واتالم اسمع مرت خالي تصيح هاي ام كفشه ليهسه نايم شلون وياها ام عطوب والله الا سحلها من فراش خفت زايد حطيت ايدي عل حلكي خفت اطلع صوت وشويه اندك باب الحمام خفت

ولج هاي جاي تسوين اهنا اطلعي

خفت اجاوب جنت ابجي من خوف ومن الم

وج غبيه شبيج احجي مصخمه

مرت خالي هسه اطلع

فتحت باب وجان تدخل عليه شافتني ارجف وايدي كلها دم وجهي فوك شحوبه زايد عليه مرض شحوبا

شبيج

مااعرف

لج مصخمه هاي شنو

والله ممسويه شي

اوف ربي ياخذج واخلص منج شااكول شااحجي انوب بلغتي ومين اجيب الج رجال ياخذج امشي كدامي ردت اخرب من خوف والم استندت عل حايط امشي كوه انطتني مرت خالي كم خركه وكالت هاي انت هسه صرت مرا افتهمتي وهاي كل شهر هيجي يصير بيج افتهمتي اشرت براسي بالموافقة يلا امشي عل شغلج وديري بالج من تكومين وتكعدين لاتصيرين ثوله

وره ايام من هاي حادثه صار احتلال العراق وسقط النظام جنت اشوف خالي فرحان ويسب نظام سابق من خلصت اخبار باع عليه عيونه كله كره ها ولج بس لا ضجتي( واني ليش اضوج اني شعليه مااعرف ليش يحملوني اشياء مالي ذنب بيها )

مرت شهرين من احتلال العراق واني صرت ١٣ سنه بدا جسمي بالنضوج & من صبح امي اجت لبيت خالي عبالي زيارة الي بس جان وره زيارتها امور اخرى

سمعت اصواتهم هيه وخالي جانت عاليه ومسموعه

ثريا كافي بنتج كبرت ولازم تزوج

علي اكبر منو يزوجها وهيه ماعدها جنسيه

هاي مو مشكلتي اني ربيته الج وكبرتها كافي

وين اوديها تعرف زوجي ميريدها

دزيها لااهلها كافي كبرناها الهم

وين اعرف طريقهم

هسه نكدر نعبر لاجواز ولاشي دزي الزوجج يسال عن اهلها

انطيني مهله

شهر ثريا وره شهر اذبها ببيوت دعاره

صار شهر اشوف اخبار اهلها

طلع خالي اني جنت كاعده عل درج رمقني بنظره احتقار وخلا وطلع من البيت طلعت امي من غرفه ودموعها تصب اخذتني بحضنها وتكلي لاتخافين راح اخلي احمدي يشوف عمامج وين وراح ترحين يمهم وترتاحين من خالج ظلت امي تبجي واني مااعرف شنو احساسي افرح لو احزن وين يردون يودوني لمكان وناس ولبلد اني مشايفته ليش هيج اني يعتبروني عاهه عليهم ويردون يتخلصون مني

كومتني امي وكالت

ناز ابوج جان ابن شيوخ وابن خير اكيد راح تعيشين احسن منا انت اهناك بنص بلدج واهلج زين

عيوني انترسن دموع وكتلها يمه شلون اعيش ويه ناس مااعرفهم ولا سامعه شي عنهم

لاتخافين اكيد راح تكونين احسن الج منا راح انطيج العقد مال زواج وبيان ولاده واهناك يطلعون الج جنسيه عراقيه وتنتمين لبلدج وراح تزوجين وتعيشين حياة سعيده

مسحت دموعي عدلت ربطتي وخرت منها وكلت الها مثل متردين اروح عل اهل ابويه عسى ولعل تكون حياتي احسن منا بوستني امي وطلعت من البيت واني انهاريت بالبجه ليش هيج اني رخيصه عدهم اجت مرت خالي وكالت

راح نخلص منج واخيرا وجه نحس والفگر &يلا كومي عل شغلج

مشه شهر بغمضه عين واجه زوج امي احمدي وكلي حضري روحج اوديج للعراق انرعبت رعب من مجهول شنو وين اروح باوعت عليه وكتله

وين امي

برا تنتظرح

طلعت برا شفتها حضنتهاوكالت لاتخافين عندج عمام راح تكونين بخير انت لحمهم مراح ياذوج بوستني وصعدت بالسيارة ويه زوجها عرفت اني مراح اشوف امي بعد وهاي اخر مرا اشوفها بيها مشت سياره بينا واني اودع ارض الي ولدت بيها وكبرت واروح عل غير ارض مااعرف شنو راح ينتظرني بيها

ام احمد

#ضحيه-ام -جلاد

ام احمد

الجزء الثاني

بارت الثاني

اقدامنا تسوقنا الى قدر محتوم علينا &

لازم نجرع المر ونتذوقه بااصنافه&

من كتب عليه شقاء جف الحبر في الكتاب &

الهي مليكي ارحم ضعفي وقلة حيلتي &

ها انا انتقل بين بيئتين مختلفتين لفحتني الحرارة قساوة الشمس والجو والخنكه حسيت واحد كفخني من شفت الجو وحرارته شلون عايشين بهيج حراره بديت ادوخ اتقيات اكثر من مره زوج امي احمدي ظل يسب بيه وره دخولنا احد محافظات جنوبيه بساعه وكفت سياره بالكراج ونزلنا من سياره بدا احمدي يمسح العرق من جبينه ويلعن باايراني ويشتم اخذنه سيارة واتجهنه الى احد المزارع

حته حشرات اهنا مهروشه مو بس الحر متعرف مين تتلكاه حسيت جنطتي صارت عبئ عليه وصلنا لبيت وسط بستان نزلنا من سيارة ظليت متبسمره بمكاني رافضه دخولي للبيت مو خوفا انما احس روحي ساحت ومالي قابليه استمر شافني احمدي واكفه بمكاني عصب ورجع جرني من يدي بدخولنا للبيت جان اكو  رجل خمسيني دخلنا للمضيف عدلت ربطتي وذيبت جنطتي وشويه دخل علينا رجل جبير بالعمر حاد ملامح اسمر رحب بينا جان نظراته الي كلها اسلئه راد ياكلني بعيونه نزلت راسي وظليت اباع عل كاع وراها سلم احمدي جنسيه والدي وعقد زواج والبيان مالتي استذان من رجل وراد يطلع قبل ميطلع كمشت ايده وشلت راسي وكتله بالفارسي لاتعوفني

نفض ايديه مني ورمقني بنظره استحقار وطلع ظليت واكفه دموعي جمدن بعيوني ياربي هون عليه بهل اثناء دخلت مرا جبيره اكبر من رجال ومدكدكه ولابسه اسود كله اتقربت عليه واني جسمي يرجف من خوف وكالت

وش هل وجه مصوفر حته نور محمد مابيج

كلماته جانت سجين ويذبح بيه

ماتشبهين وليدي الله يرحمه &جبر انت متاكد من هاي حفيدتي

يمه اي هاي جنسيه اخوي علي وهذا عقد زواجه والبيان مال ولادتها

ثم يمه جايه ابنيه من طريق طويل وظاهر حته مماكله شي عل كيفج وياه

حسيت رجال احن عليه من هاي عجوز صاحني

تعالي بنتي وش اسمج

نزلت راسي وكلت ناز

وش هو

ناز

شنو هل اسم ناز ههه احسن غاز ههههه تعاي اوديج جوه ترتاحين وتاكلين لكمه شنو هناك عدكم مجاعه ليش هيجي ضعيفه ومصوفره

وجان تدخل مرا باااربعين مبين عليها صرامه

ها جبتها بت العجم ماجزت اله تجيبها البيتنا

(ايباخ صرت من بنت عُربي لبت عجم تغير بااسماء وحقد واحد)  انرعبت بالزايد من مرا وردت اوكع بس يمكن اخر قوه عندي استجمعته وظليت واكفه اباع عل الكاع اتقربت عليه مرا وكالت شيخ هاي ابنيه وجه فگر علينا مبين عليها

ام فلاح عل كيفج وياها ابنيه بت اخويه اخذيها جوا خلي ترتاح الله يرضه عنج

وديها عد اخوك عواد ليش احنه نبقها يمنا

ام فلاح هاي انت جبيره الي تفتهم اني شيخ ولازم بيتي يكون مفتوح الها

ظلت مرا ساكته وراها اجت ام الشيخ الي هيه بيبيتي وكالت

ابو فلاح ياشيخنا تعلمنا منك الكرم ونعم منك انت ابن اجاويد

التافت عليه المرا جبيره

اسمعي اولا هاي هدومج تذبيها وتلبسين مثلنا وتتعلمين عربي زين ومنريد حجي فارسي بيتنا روحي بوسي ايد الشيخ هذا عمج مقام ابوج

ظليت واكفه رجليه جمدت وراسي ثكل اني ممتعلمه ابوس ايد احد

هي جاي اكلج حبيّ عل ايد عمج شنو هل صلافه وقله حيا

لااراديا رحت بست ايد عمي وظليت مدنجه راسي خوف اكلني اكل اني امري كله باايدهم واحس روحي لعبه الهم يمشوها مثل ميردون دفعتني مرت الشيخ وطلعت من غرفة اخذني الشيخ وكلي بنتي اسمعيني احنه نعرف وضعج زين واريدج تتحملين شوفي اني عندي خمس بنات ثلاثه مزوجات واثنين بعدهن وعندي اربع اولاد اثنين مزوجين والبقيه بعدهم اريدج تكونين معينه لمرت عمج هيه راح تحبج بمرور الوكت

راح تنامين ويه بناتي بنفس الغرفه زين

كريمه عمرها 14 و وصال 12 راح تحبيهم وتتعلمين عليهم

وصاح عل بنته كريمه واجت مثل طلقه عل صوت ابوها

شوفي بنتي هاي بت عمج تبات وياكم بنفس الغرفه ديروا بالكم عليها حاولوا تكونون صديقات

باوعت عليه كريمه بطرف عينها وكالت اي يابه ادلل رجعت باوعت عليه وكالت امشينا بت عمي فوك

صعدت واني تعبانه مو جسديا لا نفسيا داخلي ممزق انزعت بمكان مااعرف عنه اي شي التزمت الصمت من دخلت الغرفه جانت فارغه مابيها احد اشرت الي كريمه ان انام بالكاع جان اكو جربايتين بس جانت مو الي لبنات عمي راحت جابت الي فراش وفرشته وكالت هذا نامي عليه مثل متشوفين احنه اثنين وهنه بس جربايتين نامي بالكاع وخلت وطلعت امتديت عل فراش وافكر شنو مصيري بهل بيت نفس بيت خالي لو  احسن لو اتعس اذكرت مرت عمي من كالت بنت العجم نفس معنه كلام خالي من يكول بت عُربي غمضت عيني واذكر صورة امي شلون ودعتني لميت روحي كانما اريد اهرب بعيدا عن كل مكان كل الي اريده اعيش مثل بشر غفيت واني احلم بحياة سعيده وعندي اب وام واخوة وبيت بيه حب وحنيه مااعرف شكد غفيت كعدت عل صوت ابنيه تصيحني كومي انت كومي نايمه بهدومج حته منازعته غير تلبسين دشداشه كمت اباع ابنيه حلوه وصغيره شعره ظفاير وعيونها كبار سالتها

شسمج

وصال

اسمي ناز

محلو اسمج

اريد اروح للحمام

اي وهاج هاي دشداشه امي تكول تلبسين مثلنا

اي صار

انت صدك ايرانيه

بكيفج ششوفين

مااعرف امي تكول وجهج مصوفر

ههههه عادي متعلمه عل القاب

اسبحي وانزلي ترا امي مترحم احد يعصه اوامرها

كمت عل سريع سبحت ولبست دشداشه هاي شنو اني متعلمه عل نص هاي طويله واتعثر بيها لميت شعري ولبست ربطه ونزلت الدرج عل كيفي مدري اخاف اوكع لواخاف اطلع صوت ويحسون عليه اتفاجات انهم ياكلون بالكاع وصاحت عليه مرت عمي تعالي ازوهري هاي كلمه مسامعتها كبل معرفت مدح لو ذم بس من خلال نظرات الكل عرفت انها ذم كعدت مااعرف شلون حشكت روحي حته لااايبن روحي الهم وجان تكلي مرت عمي

شوفي غاز مدري شنو انت مو خطار اهنا واحنا نخدمج تجين تطبخين وتنظفين افتهمتي

اي عمه صار

وره اكل تغسلين المواعين وتنظفين المطبخ

صار

حسيت اتزوهرت من كلامها بس يلا اني متعلمه عل شغل وعل اهانات قابل جنت مدلله عند خالي كملنا اكل وبديت من هاي اللحظه بالشغل جانت مرت عمي قاسيه عليه لكن مجانت تضربني مجان احد يضربني صح احصل اهانات بس محد يمد ايده عليه بديت احجي مثلهم بس مو كلش زين عمي طلب من بناته يعلمني اكتب احرف العربيه بديت اتعلم منهن صح ميحبني بس اتعلمت منهن هوايه حته ارقام علمني جنت انام واني اكتب حبي للتعليم جان جبير

عمي عنده ولد مزوجين اثنين بس معزولين عنا واثنين بعدهم ممزوجين واحد يدرس بغداد اسمه وضاح  واحد بعد صغير اصغر من وصال اسمه حيدر

الجمعه والسبت جان مثل يوم محشر الكل تتلتم ويذبحون كل عشيره واني اغرق بالشغل مرت عمي علمتتي اخبز بتنور الطين جان صعب عليه بس جنت نوعا ما راضيه احس عدهم روابط عائله بينهم حيدر وصال صاروا اصدقائي مرات بوكت مااتغفل مرت عمي العب ويه حيدر بس تلكفني مرت عمي احصل منها رزاله ناشفه مشت ايام عدهم اكثرها تعب بتعب جان عمي يمشي بمعامله مال جنسيتي حته يصير عندي هويه واخذني حته نطلع الهويه اليه وره فترة صار عندي هويه فرحت بيها هوايه صرت عراقيه واخيرا انحسبت مثل البشر وعندي انتماء لبلدي

وبيوم انخبص البيت خبص ومرت عمي خلتني اجلف البيت من السطح للكراج هلكتني هلاك وراها عرفت ابنهم وضاح الي يدرس راح يجي زياره الهم وذبحوا والتمت عائله كلها عدهم اني رجليه من وجع كمت اعرج وهمه فرحانين وراحوا يستقبلوه وره ساعه جابوه والكل فرحانه بيه اني مجنت اشوف داعي لكل هل هوسه بعدين عرفت هو يدرس هندسه وهو الوحيد الي عنده شهاده وعمي ومرته يعتبروه رفعت راسهم

جنت بالمطبخ احضر اكل وهمه كلهم مجتمعين حول وضاح

وصار وكت الغدا واني هلكت من الشغل &دخلوا اكل كله واجتمعوا كلهم صح اني صار شهرين وياهم بس ماادري حسيت هل مرا غير استحيت ادخل بدوا ياكلون واني بالمطبخ ظليت الى ان اجى عليه حيدر كلي وينج تعالي اتغدي حته وره الغدا امي تلتهي ويه الكل واحنه نلعب اني ظليت بمكاني جان يجرني من ايدي ودخلني يمهم حركه حيدر خلت الكل ينتبه عليه وزدت خجل وظليت متبسمره بمكاني حرارتي ارتفعت وانتبه عليه وضاح وسمعته يكول منو هاي ابنيه

جاوبه عمي هاي قصتها طويله بعدين احجيها الك بس مقدما هيه بت عمك تصير

ياعم منهم

عمك علي

عمي علي مزوج

اي ابني وهاي بنته ناز

شنو هل اسم

اي مو جانت باايران وقبل شهرين اجت يمنه 

ظلت عيون عليه عبالك اول مرا يشوفوني مااعرف شلون اكلت من ارتباك بس مااعرف اني ليش هيج مرتبكه من وجود وضاح

وره اكل كملت عل سريع تنظيف ورحت العب ويه حيدر وصال جنت احس روحي طفله وياهم واظل ادرس عاداتهم وحجيهم وبديت كلشي اتعلم منهم (طفوله متعرف لا عنصريه ولا كره وتميز بين البشر)

رغم تعبي بس جنت استمتع وياهم ظلينا نركض بالبستان ونلعب  للمغرب دخلنا للبيت حالتنا حاله وصار بوجهنا وضاح ظل يباع علينا وبااخص اني

رفعت عيني وباوعت عليه جان وسيم وعيون كبار وشعر اسود اسمراني ظل يتشاقه ويه حيدر ويه وصال اني ظليت بس اباع عليه من شال عينه عليه نزلت عيني بالكاع وكلي

شونج

ظليت ساكته

شنو خرسه

جاوبته وصال هيه متحجي صامته بس ويه حيدر تحجي

خجلت بازايد منه وانهزمت فوك واني كلبي يريد يوكف من ارتباك والخجل

ام احمد

ضحيه-ام-جلاد

ام احمد

الجزء الثاني

البارت الثالث

بين ثنايا الزمن هناك احلام ورديه تولد &

نعيش احلامنا وكلنا يقين انها ستتحقق &

عذرآ ايتها احلام الجمليه فانها لم اعرف ان من ولد متعوس لايحق له ان يعش تلك احلام&

ليس كل ما نريد نحصل عليه

وليس كل من نتمنى وجوده قريب منا يبقى الى الابد

الحياة ما هي الا لعبه تلعب بنا كيف ما تشاء تحركنا كيف ما تريد واين ماتريد&

جانت عطله وضاح شهرين خلال هاي شهرين جنت اني اخجل منه وارتبك من تصير عيونه عليه مااعرف شنو شعور الي داخلي او شلون افسره جنت استمتع بصوته من يحجي عبالك موسيقه بااذني كلشي بيه جنت اشوفه مميز وحلو

ماإن احط راسي عل مخده اظل افكر بيه صح هو مهلكد يشوفني او نلتقي بس عاش بداخلي افكاري بيه متنتهي جنت احلم بيه الفارس الي راح يخطفني ويزوجني بعدين ارجع للواقع واكول هاي راح يعوف بنات الكليه الصاكات ويباع عليج انت نص بشر ودومج مخربطه ومبهذله حتى شكلج ميشجع الواحد ان يفكر بيج اظل واكفه كبال مرايا واباع عل روحي واضل افرك بخدودي مرات يعجبني اجذب نظره بس شلون اخليه ينتبه عليه اني دومي بالمطبخ عشت هل شهرين واني روحي وعقلي كلها يم ابن عمي وراها راح عل كليته واني ظليت اسمع صوته بااعماقي وصورته انطبعت بگلبي كل ليله اشوف بااحلامي حبيته من كل كلبي

بدا موسم دراسي وبدوا وصال وحيدر وكريمه يرحون للمدرسه اني اكعد 5 فجرا اعجن واخبز ويه مرت عمي صرت اني اسوي اغلب الشغل وصارت مرت عمي تعتمد عليه بكل شي بس ظلت تكلي بنت عجميه جنت اسمع واطلع ماادير بال وصارت القاب اسمعها وحتى ملامح وجهي متتغيير مع هذا جنت حبيتهم كلهم رغم قساوتهم ويايه بس حسيت اني باانتمائي الهم جنت اتعلم هل اكدر عليه من حيدر جان اكثر واحد يحبني هو حيدر ويحاول يعلمني كلشي يتعلمه بالمدرسه اتعلمت اكتب عربي وحتى كلمات طويله تعلمتها رغم صعوبه حرف ظ عل لساني بس بديت اكوله ردت اغير لكنتي بكل طرق واحجي عربي مثلهم حته يحسون اني عربيه مثلهم&  عمي حبني هوايه اما حبوبتي من صرت اداريها كامت تحن عليه جانت مرات تصيح الي نونه تكلي احسن من اسم ناز جنت اطير من فرح لان ماكو احد مدلعني گبل &ظليت انام ويه كريمه و وصال بس اني انام بالكاع وبيوم اني جيت انام جانن يحجن بينهن

اكلج كريمه عرفتي اليوم شسمعت

شسمعتي كم مرا كتلج بطلي تسنطين

اوه هسه تردين اكلج لو لا

كولي

وضاح

شبيه

مخابر ابوي ويكله اريد اخطب

(كلبي راد يوكف من سمعت اسم وضاح )

وج عوبه انت معليج بهل سوالف انخمدي فلك طرج

اوو شكد تبيعين مثاليات

انجبي ونامي

صار

مكدرت اسكت وسالتها لوصال عن وضاح

وصال احجي شسمعتي

اهنا اثنينهن انتبهن عليه وحجن بنفس الوكت

ها ولج طلع لسانج من سمعتي اسم وضاح

لا مو هيج بس وضاح ابن عمي وافرح لفرحه

ههههههه (ضحكن اثنينهن)

(وصال) وج علينا لج لاعبالج امي تقبل عل الي بالج وتوافق عليه والله طمج انت وحيه

(كريمه)  ليش شنوو بالج عيني ست ناز

اني ماكو شي بالي ابد

وطكتها بضحكه وصال وباوعت عليه بنظره مكر وكالت ناز تحب وضاح بلحظتها اني ياكاع انشگي وابلعيني من خجل كامت كريمه عل حيله واجت ليمي وكالت

باعي انت صح بت عمنا بس مستحيل وضاح يزوجج لان وضاح يحب وحده وياه بالكليه

حسيت سجينه وانزعت بگلبي وعيوني دمعن درت وجهي عل حايط وظليت الليل كله ابجي من الي سمعته مسحت دموعي وكلت ويه روحي ها ناز مو كتلج راح يباع عليج انت مخربطه ويعوف بنات بغداد الكشخه ونفخه كتمت نفسي واتمزقت احلامي ورديه من صبح كعدت وعيوني هنا صغار منا وانوب ورمن من بجي طمسن بالزايد شافتني مرت عمي

وج شبيج خلقتج تگطع الرزق

مابيه شي

روحي غسلي وجهج وتعالي عاونيني

صار

غسلت واني اريد اخرب من هم وحزن ظليت اشتغل وعيوني مبطلن بجي انتبهت عليه مرت عمي وظلت تعوج بحلكها عليه

وج مصخمه ليش بس تتبجبجين

ماكو شي

بس لا مشتاقه لاامج

لا خاله

خلخاله تخلخل عظامج اني ناقصه كابه وانتِ مكابلتني بس تعوين

مسحت دموعي واني اشيل الخبز وادخله ليجوه صاحت عليه وج روحي كعدي ويلات عدهم امتحانات صعدت كعدت وصال وحيدر وبديت اسوي الهم ريوك ظلت مرت عمي تذب بسامير الي عل اليوم مو عل بعضي ظلت وصال تباع عليه وحست ان كلام بارحه هو سبب ظلت ساكت من راحت للمدرسه قبل متطلع كالت الي انت غلطتي من اصورت  اخويه يباع عل وحده مثلج وخلت وطلعت جان كلامها جارج بس هو عين العقل انكلبت حياتي راسنا عل عقب يمكن لان صغيره ومراهقه ومتحملت الي يصير انطويت بعد اكثر عل روحي واذا جنت احجي حجايتين صرت حتى هاي حجايتين مااكولها دخلت بالعالم من حزن وصمت وصار الليل عليه ثگيل وميمر بساع وزادت همي من خلص موسم دراسي وعرفت وضاح راح ينزل اجازه يمنا شلون راح اضبط نفسي مااعرف واجه اليوم الي يجي بيه اموري كلها اتخربطت وصارت عندي لويه وكل شويه اروح للحمام جانت كريمه وصال حاسات بيه بس ميكدرن يحجن بدخلته للبيت وسمعت صوته روحي غابت وردت اطيح بس ظليت اشتغل ومقاومه & خبصة البيت والكل ملتمه بس اني داخلي كله الم واحس بفراغ اتمنيت احجي ويه احد عل معاناتي بس منو يسمعني او يعتبرني بشر والي احاسيس & صبينا الغدا وصار لازم ادخل واشوفه ظليت ادعي من الله يقويني وعيوني مايصبن دمع كدامهم الكل موجود وكاعدين وفرحانين وبدوا ياكلون بس حيدر يفتقدني اجه عليه وصاحني دخلت وشفته كدامي بضحكته الحلوه وسلمت بلا مااباع عليه هو راسنا هلا بت عمي والله كبرانه شويه

كعدت بلا مااحجي كلمه ولاشلت عيني عليه يمكن اني ولااجي عل باله ولا حته يذكر اسمي  اكلت لكمتين وكمت مر اليوم كله اني مخنوكه مصدكت اجه الليل ودخلت الغرفه وحطيت جسدي عل فراش منهكه من تفكير لان جسمي متعلم عل شغل نمت بساع وكعدت مثل كل يوم شغل بشغل بس للعصر كبت عيطه بين عمي و وضاح وتصايحوا اني من يمي جفلت عل صوتهم من ركزت بكلامهم افتهمت ان وضاح يريد يقنع ابوه بزواجه من حضريه وابوه رافض ويكله عندك بنات عم ليش تدخل الغريبه لبيتنا جان وضاح مصر عل رايه وعمي هم وادخلت مرت عمي وصارت هوسه انتهت بطلوع وضاح من بيت وظلت مرت عمي تبجي & اني بين فرحانه ان عمي رافض زواجه وبين مقهورة لان حسيت انه مثلي يريد ياخذ الي يحبها & استمر غياب وضاح عن البيت وضل عمي معاند وظلت مرت عمي تطلع قهرها بيه ماادري ليش وره اسبوعين رجع وضاح وكال ان راجع للبغداد وحته اذا موافقتوا هو راح يزوج هذا الخبر وكع صاعقه عليه وعل عمي وعل مرت عمي

عمي ظل يتصايح وياه بس وضاح متراجع واهنا عمي كله ازوج حضريه بس تاخذ وحده من بنات عمك مرا ثانيه وره شهرين تزوج وحده منهم سكت وضاح واجه عل ابوه وباس ايده وكله اول ازوج الي احبها ومن اجيبها اهنا اني اقنعها بزواج الثاني اني حسيت روحي رجعت الي حته لو مرا ثانيه اني راضيه مهم اخذه لوضاح واعيش وياه

عمت الفرحه بالبيت والكل فرح بس اني غصه بكلبي للعصر طلعت للبستان امشي وابجي بدون هدى ولااعرف وين ماخذتني رجليه الى ان تعبت وكعدت بالكاع ابجي واكول حته اذا راد يتزوج ثانيه اكيد ياخذ غيري اني اعرف بنات عمي عواد حلوات ومرت عمي تحبهن اكيد راح تختار وحده منهن قابل تختار بنت عجميه بنص افكاري سمعت صوت يصيحني

ناز ناز وج وين موليه

انتبهت هذا صوت وضاح فزيت نفضت التراب عني مسحت دموعي وباوعت عليه

ليش انت اهنا شعندج خطر مكان عليج ليطلع الج واوي او حيه او عكرب

ظليت ساكته وعيوني بالكاع اتقرب عليه وكال

ناز انت ليش هيجي ساكته عل طول وهلمره حسيت بيج حزينه هوايه

باوعت عليه وعيوني كلها دموع ظل هو يباع عليه ثواني من تبادل نظرات حسيت بيها احله ثواني وكلي

ليش تبجين

مابيه

كولي اساعدج

محد يكدر يساعدني

تردين ترجعين يم امج

لا

جا شبيج احجي

مريضه مابيه شي غير مريضه

اجيب الج دوا

دواي مموجود بكل العالم وخليت ومشيت

وج خابيه كفي شبيج كفي شنو مرضج واجه كمش ايديه عبالك تيار مشه بجسدي ظليت اريد افلت منه ماكو

وج جا شمالج مسودنه كفي خلي فهم عليج

وكفت شتريد

شنو ليش مرضج ماله علاج

عوفني اروح

وخرت وركضت اريد انهزم مااعرف منه لو من نظراته لو انهزم من نفسي مااريد يشوف دموعي وضعفي

وره ايام من الي صار بالبستان دخل وضاح للمطبخ وكلي

ناز راسي يوجعني اريد جاي

گلبي يمه راد يوكف حسيته من ذاك اليوم هو يرمقني بنظرات مجنت اعرف احللها معقوله فهم الي بداخلي صوت عقلي يكلي ناز لاتتراسلين بااحلام وبعدين تكعدين عل كابوس

سويت جاي وديت اله وكلي تعاي اكعدي

رحت كعدت

راح اوكف وياج واحجي ويه امي علمود تخف عليج اني اعرف انت تتعبين هوايه بالشغل وراح اخلي ابوي يخليج تدرسين خارجي وتتعلمين

مااعرف شنو اجاوبه او اكول اله ظليت ساكته بهل اثناء دخلت مرت عمي وشافتني كاعده يم وضاح وانعقجت خلقتها

وووو

ام احمد

ضحيه-ام-جلاد

ام احمد

الجزء الثاني

البارت الرابع

صح احلامنا اكبر منا بس نبقى عايشين عل امل ان تتحقق النه

مشاعري نحو وضاح وانه يحبني جان حلم صعب يتحقق بس بقيت عايشه بيه واريده مهما كلف امر

هل شي جان يعتبر فظيع عند مرت عمي ان تشوفني احلم بوضاح او تشوفني كاعده يمه بالغرفه هاي جريمه ولازم اعاقب بشده بدخلتها علينا للغرفه شهكت كانما شافت Walker dead

كدامها وجاي يفترسون ابنها انرعبت من شهكتها وصيحتها عليه وعياطها

لج ام عطوب هاي انت شتسوين اهنا

(وضاح) يمه شبيج تعيطين شكو شصاير

لا مصاير شي عيني شعدها يمك وكاعد تسولف وياها

اني طلبت منها تكعد واشوف شنو ناقصها

ليش هيه شكت الك

لا مشكت بس انتِ يايمه متنطيها فرصه تعيش حياتها من صبح لليل شغل

انت شنو محامي مالتها

يمه هاي بشر

شوف فوك مملفيها يمنا ذبوها علينا ذب امها وخالها مصدكوا يذبوها

كافي يمه هيه راح تصير حالها حال كريمه ووصال انخليها تتعلم واذا عل خدمه نكدر نجيب احد يخدمنا ماكو داعي ابنيه عمرها 14 سنه تخبز وتنظف وتحلب وتطبخ

هاي سويتي اله لاابني ام سحورة

يمه ابنيه وين تعرف بهل سوالف

لا بدلتك عليه وتريدك تخدمها وتساعدها

وجرتني من الغرفه وطلعتني وهيه تصرخ بوجهي حاول وضاح يهدي منها بس هيه قافله الا تبهذلني واجتمع البيت كله عل عياطها كل هذا واني ولاحجيت ولاكلمه اسمع منها مسبه منها وعيوني يصبن دمع .اجه عمي وظل يريد يفهم منها كالت اله بت عجميه تريد تبوگ ابني .جسمي كام يرجف عباك صدك بايگه منهم شي جرني عمي من ايدي وكلي شسويت احجي لساني انعقد ولاكدرت احجي بس ابجي بهاي اللحظه دخل وضاح وكال

بويه ماكو شي والعباس  كل صار كلت خلي ناز تصير مثل كريمه وصال وتتعلم وبدال ماكل شغل عليها خلي نجيب وحده تخدم ليش هيه كلشي تسوي هيه بت عمنا موش خدامه عدنا

اخذ عمي عكال وطگها طك لمرته لان هو عباله شافتني اني وضاح بوضع مزين وانوب انگلب البيت گلاب وصارت طلابه بين عمي ومرته ومن ذاك اليوم اني صرت عدوتها اولى وصارت تسمني بحجيها وكل شويه اهانه شكل وظلت تكلي اموتج اذا لمحتج كدام وضاح وصرت عايشه بالمطبخ وبدت تستعجل بزواجه من بنت بغداد وهيه جانت رافضه بس من شافتني وياه بدت تحضر وتستعجل وتكلي ام سحورة .واني مااعرف شنو سحر ولاعندي فلوس اسوي بيها سحر .خلصت اجازه وضاح وراح عل كليته اني تيقنت ان اني وضاح مستحيل نكون لبعض اولا امه رافضتني رفض قاطع وثانيا هو گلبه ويه غيري .رغم ان عمي جاب اثنين يخدمن بس ظلت ام وضاح تكيل بيه وتهين بيه بعز الحر تخليني الم اوراق مال اشجار او اروح انظف زريبه جنت مطيعه وكلشي مااحجي مرت سنه وبدوا يحضرون للعرس وبدت البيت ينخبص من صبح لليل واجه وضاح واتحضر الكل حته يروحون مشايه عل بيت ابنيه والكل تشتري ملابس وكلشي اله اني جنت اشوفهم فرحانين واني گلبي مذبوح صح شغل قليل وجسمي مرتاح وبدت انوثتي تظهر بس ماكو سعاده بحياتي ظليت ايام واني اتعلم من حيدر ومن وصال صار عمري 15 وشعري طول اكثر بس بقيت قصيره طولي 155 حيدر جان يكلي انت متر ونص ويظل يضحك عليه ،

اتفقوا الخميس يروحون عل بيت ابنيه جمعوا كل زلم وراحوا جانت اصعب ايام تمر عليه من اسمع هلاهل يتكطع گلبي مابيدي حيله وراها الخطوبه صار عقد واتقرب يوم زفاف ردت ارجع عل ايران واخلص من هل عذاب بس الي ماعنده حظ شيسوي لا اهل امي يردوني ولااهل ابوي سلمت امري لرب العالمين وكتمت وجعي بصدري صح هو مثل موت بس ماكو غير حل كدامي

جان وضاح اتخرج من كليه بس ابنيه بعدها اصغر منه وشروط اهلها ان تكمل كليه وتعيش وحدها اولا تضل بغداد الى ان تخلص كليه وبعدين يجون يعيشون بيت مستقل عنا بس قريب مو بعيد صح عمي ضاج بس زوجته قابله مهم عدها وضاح يزوج

ترتيب العرس هو ببغداد يسون العرس كامل وبعدين يجون اهنا هم يسون عرس الهم يعني راح امووت مرتين الكل اتحضرت للسفر الا اني تمنيت ابقه اهنا بس وضاح ظل يكول تجين حالج حال خواتي

اوف من يكول الي اختي اتكطع بس مع هذا اكول احسن من البقيه يعاملني

بعد عشرة ايام خلص العرس واني بصدمه ممصدكه ان حبي اول راح مني طبعا راح يضل وضاح يمنا الى ان يبدي دوام يلا يرجع عل بغداد & شفت مرت وضاح جان اسمها سجى ابنيه حلوه مابيها لوله بس متكبره بشكل تباع عل كل من طرف خشمها محد حبها حته مرت عمي ضاجت منها بس متبين الها حتى لاتخسر ابنه من وره ام خشم يابس مرت ايام واني تحسنت وصرت عادي احساسي مات من كلشي حولي حته ويه حيدر مكمت العب وياه بديت استحي منه

مرت الي عامين بيت عمي وره العطله الصيفيه اتحول وضاح البغداد صح بجيت وراه بس ارتاحيت لان شوفة مرته جانت تقتلني

**********************************************

عمي شيخ عمي شيخ

خير شبيك مصربع

عمي شيخ فهد انخطف

شنو ومنو خطفه

مدري عمي

خلص روح عل شغلك

فلاح فلاح وينك الحكني للديوان

خير شخينا

وين الخير شيخ فهد مخطوف

شنو منو خطفه

مااعرف شوف ابني اذا نفسهم الي معاديه احنه مالنا دخل هاي بعد ماتنحل واحنه مالنا بالطلايب

بويه تعرف شيخ فهد اذا عرف مادخلنا وساعدناه راح نخسره وهو شراني ولاتنسه خالتي تصير مرت ابوه

اعرف ميحتاج تكلي اني صاهرتهم وردت اتجفى شرهم بس هذا طلايبه ماتخلص

شيخنا  لاتستبق امور باجر وعكبه نفهم شنو سالفه

**********************************************

وره عشرة ايام

عمي شيخ عمي شيخ

شبيك تلهث دهر صابك

شيخ فهد فهد

شبيه

طلع من خطف ونقلوه عل مستشفى واهناك مات

لاحول ولاقوة الا باالله العلي العظيم

روح تجيب فلاح من جوه الكاع اركض

صار عمي

وره دقايق

شيخنا سمعت بالي صار

اي فهد مات

مو بس هاي بويه بلاوي ماتنحجي

خير احجي

ابنهم غزوان هو الي خطف اخوه وهو سبب موته

غزوان مات من زمان

هو هذا الي صار رجع وطلع عايش وانتقم من اخوه ومرت ابوه وهسه هو الشيخ صار

وجبر اخو فهد

كلشي ماسوه اتخله عن مشيخه لغزوان وراح عل حضر

اوف نخلص من فهد يطلع النه غزوان والله يعلم شلون هذا . هو اخوه قتله ويه غربه شراح يسوي

بويه اشوف تروح تبارك اله وتفهمه احنه وياه

اخ ياولدي من استلمت هاي عائله سلطه بالمنطقه ناس صاحت ويل منها ومنعرف شينتظرنه من هذا غزوان

بويه اخر خبر الك هو غزوان خريج سجون وهو قاتل اكثر من شخص

اخ مين نتلاكاه من فهد طماع لو من هذا انوب طلع مجرم

*************************************************

وره وفاة فهد والي صار باابني من خطفه غزوان حسيت كرهته كره العمى اني الي جنت انتظر رجوعه هيجي يسوي بيه وباابني جان ضيع ابني من ايديه لزمت العده بيت زوجي وره العده كلت اروح عل بيت اهلي بس وكف غزوان بوجهي متحملت وصديته وراها خلاني ارجع عل اهلي اني ولدي صرت اخاف عل ولدي منه هذا ماعنده رحمه بكلبه عل بشر وره فتره عرفت بيه خطبني مااعرف شنو معناها شيريد مني يخطبني وهو قاتل زوجي وخطف ابني شنو يجي يخطبني شااكول الولدي هذا قاتل ابوكم راح ازوجه لهذا قررت ارفضه رفض قاطع مامكن ازوج قاتل زوجي وان كان فهد مو زين ويايه بس يظل هو ابو اولادي ولازم احافظ عل اولادي من غزوان وشره

**************************************************

خيرك ابو فلاح مو عل بعضك

شكلج ياام فلاح هذا شيخ الجديد لاعب بينا طوبه وهو وحمايته محد يكدر يوكف بوجه حتى عمامه يخافون منه كولي لااختج شخباره بس لا اذاها

لا كلها انت ابقي بمكانج انت وبناتج معززات مكرمات ماتطلعون من القصر

خوش همزين طلعت منه لان سمعت طرد مرت ابوه ام فهد ويكلك مرا صارت مخبله لان فجعها باابنها

شخينا شاكلك اللهم لاشماته جانت تستاهل كلي جرا عليها

لاتشمتي يامرا بالناس بس الله يكفينا شره هذا ال غزوان وجماعته

جنت كاعده بالبستان اشم هوا لان الي عرفته مرت وضاح حامل وهاي سنه اخيره الها وراح يجون يستقرون اهنا وره ماتكمل امتحاناتها اخيره ومرت عمي كالت الي بصريح العبارة راح تكونين بخدمة سجى لان حملها صعب جنت مخنوكه شلون راح اخدم الي اخذت مني حبيبي وفجاة طبكت سياره  ونزل منها حمايه وياهم رجل جان معصب ويفشر خطف من يمي خطف انرعبت منه ومن قساوه الي بوجه

شوف ابو فلاح اذا ماتمشي عدل تندم

اهلا بالشيخ غزوان زارتنا البركه ليش هيج معصب اهدء

كلاوتك هاي عبره عل غيري اني اعرفك عن نفسي اني جنت بمصحه وقتلت وبعدين دخلت السجن وقتلت ناس ومن طلعت مااعرف عدد ناس الي كنت سبب بقتلهم واخويه دست برجليه مااحب احد يلوي ذراعي لا عبالك ماافهم تحالفك ويه اعدائي اني جيتك لبيتك وافهمك اني مو فهد اني غزوان اختلف عن اخوي ومااحب احد يكلي لا ولا يدوس الي عل طرف

عل كيفك يا شيخنا اني ماسويت شي الي يغضبك ترا

بس هاي اكوله الك اني اجيتك البيتك ونبهتك ترا صبري قليل وايدي تحب سلاح ومتعوده عليه

الي تريده يصير طال عمرك واحنه وياك

لاعبالك مرت ابوي تشفع الكم اني الي يرشني بالمي ارشه بالنار

صوته رج البيت رج ادخل الخوف الگلب عمي وگلبي طلع وهو شكله مكهرب اني خنست بمكاني هذا شكد صلف يدخل للبيوت ويتوعد ويهدد اهلها صعد السياره وشحطها وحمايته وراه دخلت للبيت شفت عمي مقهور ومرعوب اجه عليه فلاح وهو يريد يفهم الي صار اخذ سلاحه فلاح وراد يروح يهجم عل غزوان وجماعته امه جلبت بيه ضل يگله هذا شلون يتهجم عل يبتنا ويهدد ابويه والله لاافلش راسه اجه ليمه عمي وكمشه من اجتافه وكله

اصح هذا مجرم قبل متوصل اله يگتلك

ماهمني هل نكس اله اعلمه شلون يتهجم عل ابوي شيخ

خايب اهدء ولاتصربع اني غلطت من رحت وتحالفت ويه اعدائه  امور من بالهوسه اهدء

اجت ام فلاح شكو شصاير

يمه شيخ غزوان تهجم عل ابويه للبيت ترضيها

يمه اكعد خلينا نفهم ونحل بالعقل مو بالهوسه

صار يمه صار بس هذا من شاف راح نسكت راح يعيده مرا لخ

لاتخاف مايعيدها انا اعرف شلون اخلي هذا غزوان جو اباطنا

الكل باع عل مرت شيخ وهيه تحجي بثقه

بثقه عاليه بس هيه جانت عيونها عليه والتافت عل عمي وكالت نحجي بعدين شيخنا ولا تخافون من غزوان هذا

جان الكل مدهوش شنو الي راح يخلي غزوان جوا اباطنا مثل متكول مرت عمي وراحت  عل شيخ وهمست بااذنه كلمات مااعرف شنو هيه

ام احمد

#ضحيه_ام_جلاد

ام احمد

الجزء الثاني

البارت الخامس

يكول الي مكتوب عل جبين لازم تشوف العين &

من يكون انسان مغلوب عل امره وهو لاحول ولاقوة اله راح ينداس برجلينا وراح يقدم كقربان حته تستمر حياتهم بهدوء وسلام &

تضحيه لازم تكون من حصة الضعفاء امثالي

(بغرفه شيخ ابو فلاح)

انت اكيد اتخبلتي شلون هيج تحجين لا مااقبل بهل شي شلون ازوج بنتي لمجرم

اسم الله منو كال بنتنا تزوج

لعد منو

ضحكه مرت الشيخ وكالت ناز

ناز لا هاي امانة عدنه شلون تردين تضيعيها

شتضيع ابو فلاح راح تكبر وراح تدور ورث لو نسيت انت هسه هيه تاخذ حصه منك ومن عواد ومن بنات حصة ابوها لو انت رحت طلعت الها جنسيه وفرحت معرفت هيه راح تورث ويانه

شجرالج تسودنتي شهل خرابيط تهذرين بيها

لا مو خرابيط هاي حقيقيه اول مراح تزوج زوجها راح يطالب بحصتها واحنه هسه مين نجيب الها

ويعني اذا انطيناها لغزوان مراح يطالب بورث

يا شيخ شيخ غزوان الله مفضل عليه معايز للورث مالها واحنه قبل منزوجها نخليها تتنازل عن حقها

سودنتيني ياحرمه دوشتي راسي

سلامتك فكر بيها تروح عليه وتاخذه بااحضان وتكله نبدي صفحه جديده واني اقدم الك بنتي هديه الك دليل عل حسن النيه

والله وطلعتي مصيبه

ههههه لحمايتك وحمايه ولدي افديكم بروحي

من باجر اروح عليه وحجي معاه ونشوف غزوان افندي شيكول

مراح يكول انت راح تنطيه هديه وهو ابن عرب مراح يردك

نشوف تاليتها ويه غزوان افندي

من طلعت مرت عمي من غرفه مال شيخ تغيرت وياي وصارت تعاملني زين وتهتم بيه زايد مافهمت عليها ليش هيجي تغيرت معقوله صارت تحبني عل غفله ؟شنو الي تغير؟ مر اسبوع واني احس اكو شي مو طبيعي جاي يصير بس مداافهمه شنو

*************************************************

برفض سماح الي حسيت بغصه بزردومي مااكدر اتجاوزه حسيت روحي مخنوگ ليش ترفضني اني صح اذيتها واذيت ابنها بس مصار شي للولد ورجع لحضنها عل اقل تنطيني فرصه احجي وياها اشرح الها عل الي بگلبي رغم سيطرتي عل كلشي وصرت اضرب باايد من حديد عل كل شخص يوگف بوجهي دزيت عل عباس واشرف وصاروا ينفذون كل طلباتي واني بالمقابل انطيتهم اراضي وحلال صار الكل يحسب الي حساب حتى عمامي محد يفتح حلكه وياي

الكل مستغرب بيه بالشيخ الشاب الي ظهر من عدم واخذ انتقامه من الي خطفه واخوه ومرت ابوه &خلال فترة الكل صار يحسب الي الف حساب محد يرفض الي طلب كل خضع واعلن الي ولائه وبنص افكاري اني قطعها عليه احد الحرس

شيخنا شيخنا

خير احجي

شيخ ابو فلاح بالديوان وطالب شوفتك

روح وجاي وراك

هذا شجابه لازم حس عل نفسه خليه شوي يتادب واخليه ينتظرني رحت لغرفتي وبدلت ملابسي واتانقت عرفت هو جاي ينتظرني وراها رحت عليه دخلت عليه

كل هلا بيك شيخ اتفضل اعذرني شويه اتاخرت عليك

عادي شيخ غزوان ممكن نحجي

طبعا طبعا اخليهم يحضرون سفرة

دايمه ان شاء الله سفرتك بس وجبت واجيت

اتفضل ندخل بالموضوع

شيخ غزوان الي اريده نبدي بدايه جديده وننسى الي صار قبل عشرة ايام

اني نسيته شيخ جبر

انت ابن اجاويد ومنك نتعلم الكرم والعفو

تسلم عل راسي جيتك

وطبعا احب اقدم الك صدق النيتي صافيه وياك ان اقدم الك هديه واتنمى تقبلها

هديتك مقبوله شيخ جبر

نقرا الفاتحه لعد

الفاتحه

اي هديتي هيه انطيك وحده من بناتي تكون الك زوجه وهيج نتصاهر ونصير اهل

سكتت مااعرف شجاوبه هذا يريد يلوي ذراعي ويناسبني حته مااكدر احجي قطع صمتي صوته

نقرا شيخنا

هديتك مقبوله شيخ جبر وان شاء الله يصير خير ونكون اهل

مديت ايدي واني ممصدق اني وافقت ان اني راح ازوج واني اصلا ممفكر ازوج غير سماح

طلع شيخ منا واني ممصدك اكو هيج بشر حته يضمن سلامته يضحي بنته طلعت رحت عل بيت وظليت ادخن وافكر بالي صاردخلت عليه امي

ها وليدي وشمعة بيتي الكوه

يكويج الله يمه

يمه وليدي محروس بالله

رحت بس ايدها وراسها

يمه وليدي اريدك تفكر تزوج واشوف ولدك قبل لا اموت

اسم عليج يمه لاتكولين هيج

يمه هذا اجل ومكتوب وانت فرح امك عجوز

صار يمه مثل متردين

يمه فدوه لطولك يعني ادور الك عل مرا

لا يمه ميحتاج تدورين هيه اجت ليمي

مافهمت عليك

يمه شيخ ابو فلاح (جبر) هداني بنته

يمه صدك يوم عيد والله سمعت بناته حلوات وادب واخلاق بالخير عليك ولدي

بست راسها وفرحت عل فرحها بس بكلبي غصه اني مااريد ازوج غير سماح وهاي انفرضت عليه بداخلي كلت بلكي اغيضها بزواجي واخليها تحس بيه بس اذا شفتها ولايمها اني راح اتبع وياها اسلوب اجيبها ليمي وتريد سماح والغفران مني كلش زين اعرف نقطه ضعفها بس ينراد الج صبر سماح ترفضيني الا راويج منو غزوان والله بسماه لااكسر خشمج وادوسه

***************************************************

رجع عمي وهو ضايج ومعصب من شافني ظل يباع عليه وبعيونه حزن وقهر دخل لغرفته وراها طلعت مرته تهلهل واجت ليمي وباستني وهاي اول مرا تبوسني هيه وكالت الف مبروك عليج بعد شتردين راح تزوجين شيخ وابن شيوخ&  بعدها ماكملت عمي صاحني&  ظليت متبسمرة مكاني شنو زواج شنو ابن شيوخ طلع عمي من غرفه واشرلي اجي رحت عليه

ناز بنتي انت صارلج سنتين وشويه يمنا والله شاهد اني مافرقتج عن بناتي بشي وحبيتج

اي عمي الله يطول بعمرك (التاف حولي وراح كعد عل قنفه واشرلي اجي اكعد يمه )

ناز اني هسه اريدج تكوني اقوى بعد وتساعديني

عيوني الك عمي

اني وانطيتج لشيخ حتى تصير بينا مصاهره وتنتهي الخلافات الي بينا

اني ازوج شيخ

اي واكبر شيخ بالمنطقه والكل تهابه وتحسب اله الف حساب

اني مااريد ازوج عمي شيخ

لا يابنتي كل ابنيه مصيرها زواج وانت راح تساعدين عمج الشيخ بهل زواج

مثل متريد عمي الشيخ اني مستعده افديك بروحي

عفيه بنتي ونعم منج روحي هسه واني اخلي مرت عمج تشتري الي كلشي وماتقصر وياج

صاح عل مرته ام فلاح ام فلاح واجت مرت عمي تهلهل واني حتى مااعرف المن راح ازوج وحسيت بشي غلط جاي يصير بس مااكدر اعارض او احجي

وثاني يوم بدت مرت عمي يوميه تنزلني عل سوگ وتشتري الي كلشي حتى اشياء ولاشايفتها ولااعرف شلون استعملها ظليت عل هل منوال اسبوع واني شفت دلال من مرت عمي مشايفته عند امي والكل فرحان بس عمي جان نظرة الي نظرة حزن بالنسبه الي جنت لافرحانه ولاحزنانه لان بداخلي مكسور ردت اخلص من ذكرى وضاح بااي ثمن واجت لبيتنا فوزيه هيه بت عمي عواد عايشه بغداد وجانت عل اخر موديل جانت مهمه فوزيه ان اتعلمني احط مكياج وشلون اتزين واتحضر وشلون اتصرف بالزواح ورحت وياهم البيت عمي عواد الي ولايوم دخلت بيه من يوم لي اجيت بيه عل عراق

بيت عمي عواد يختلف اختلاف شديد عن بيت عمي فلاح لان عمي عواد جان ماخذ حضريه مثل ماهمه يكولون وبيتها مثل بيوت اهل بغداد وهيه هم اخر كشخه ونفخه وكله خدم وحشم ضليت اني مثل متسوله ابينهم الكل يباع عليه عبالك كدامهم مجديه او بيه مرض مقزز واستلمتني فوزيه من اول يوم حفافه ومدارات للبشره وجابت الي مستحضرات تجميل ومكياج وصارت يوميه تسويه الي اقنعه وتعلمني شلون احط مكياج وشلون اداري جسمي ووجهي كلبوني عل بطانه عشت يمهم اسبوع كامل واني يوميه اقنعه ومدارات حته رجليه سوها مال طفل جانت مرت عمي عواد اسمها همسه حلوه ورشيقه ولاعبالك مخلفه كل هل جهال &كل شويه تكلي هاي انت وين جنتي عايشه بالزريبه هاي مرت جبر شمسويه بيج &واني بهل فتره ولاعرف منو راح ازوج ولااعرف حته اسمه وضليت يم بيت عمي اتعلم واتعلم كلما اباع عل روحي بالمرايه مااعرف روحي عبالك غير وحده حته شعري حبيته وايديه صارت ناعمه اتعلمت شلون احط مكياج وشنو اسامي اله واتعلمت شلون اعتني بروحي بشكلي وبجسمي حسيت روحي صرت انثى وراها رجعت عل بيت عمي ابو فلاح من شافوني الكل ظل صافن محد عرفني حتى حيدر اتبسمر بمكانه ولااجئ سلم عليه بلحظه حسيت اني مو نفسي يمكن معرفوني وخلال لحظات اجت وصال وقطعت الصمت وكالت لج هاي شنو هل جمال صدك جنج ممثله وراها اجه حيدر وسلم عليه اما المفاجاة جانت انه وضاح موجود وظل صافن عليه ولاكدر يحجي كلمه وحده من شافت مرت عمي شكله اجت ليمي وكالت ليش ملابسه ربطه لمي روحج واستحي &صعدت لغرفه واني احس گلبي جوه يم ابن عمي وضاح واني بعدني احبه وغركانه بحبه ضليت دقايق عايشه بهل شعور جميل بس لازم لحظات سعاده تخلص بساع دخلت كريمه ووصال عليه وهمه غيره ماكله گلبهم اتقربت كريمه عليه وكالت

اكلج انت عبالج صرتي ادميه ومن صدك راح تزوجين انت الى هسه متعرفين شي ترا انت ابويه انطاج هديه يعني لا عندج مهر ولا حقوق راح تكونين بخدمتهم مثل ماانتِ اهنا

يعني شنو

يعني ابنيه الي عدها اهل مثلي او مثل اخواتي يجون علينا ويخطبونا واحنه نتعزز وتجي زلم معگله تترس الديوان علمودنا لان احنه بنات شيوخ اما مثلج وحالتج ابويه وهو راح عرض عل ناس ياخذوج ههههههه

انكسرت وحسيت بقهر واهنا فهمت ليش عمي مقهور مكدرت ابجي كابرت وسكتت

ها بعدج ساكته محجيتي وخلي اكلج عل راح تزوجيه تعرفين منو

لا مااعرفه

واحد سمعته زفت الي اعرفه جان بالسجن وقبلها جان بمصحى وبعد انه جان سبب بقتل اخوه وابوه وازيدج معلومه لخ انه يحب وحده وهيه رافضته

كلماته جانت سجاجين وبكلبي تنزرع اظلمت الدنيا بوجهي اهنا متحملت وظليت ابجي وهنا واكفات يتفرجن عليه وراها كملت وصال المقتل وكالت

تعرفين قبل فتره الي اجه واتهجم علينا وهو هذا الي راح تزوجيه

شنو هذا الي صيح وعيط عل عمي

اي شيخ غزوان الي كل تكول عليه مجرم وميتوانى عن قتل احد & يلا وصال خلي ننزل جوا امنا تصيحنا

مصدكت اني راح يضحون بيه ويزوجوني الواحد مجرم اذكرت شكله وعصبيته انرعبت بالزايد اخ ماكو مقارنه بينه وبين وضاح بذيج اللحظه حسيت روحي مثل كبش الي يضحون بيه حتى يكدرون همه يعيشون حياتهم بسلام لميت شعري ولبست الربطه ونزلت جوه ورحت عل عمي لغرفته ودخلت وكفت گباله وگتله شوكت راح تضحي بيه………………

ام احمد

#ضحيه_ام_جلاد

ام احمد

الجزء الثاني

بارت السادس

لما تحس ان انت مجرد لعبه عند البشر راح تختلف نظرتك للحياة &

لما تحس انك شي زايد واهميتك ماتتعدى كرسي او ميز طعام وكت الي يردون يبدلوه يتخلصون منه حتى يجيبون الي احسن منه وكتها نظرتك تختلف للحياة &

شوكت راح تضحي بيه عيوني كلها دمع وجسمي يرجف (گلتها العمي)

بنتي هاي مو تضحيه انت غلطانه انت راح تكوني سبب باانقاذنا كلنا ندين الج بهل فضل اتقرب عليه وحضني اني مثل ابوج

وخرته انت لو ابويه مجان انطيتني لمجرم

لا بنتي هو انجبر عل هاي حياته هسه هو انسان زين وناس تحلف براسه لاتخافين اني مراح اتركج نهائيا واهناك موجوده خالة ولدي راح اوصيها عليج

اريد اسالك سؤال

اسالي

ليش اني ليش مو وصال او كريمه

سكت وعيونه لمعت اندار وانطاني ظهره كانما يريد يتهرب من سؤال

مو كتلك اني لو بنتك مضحي بيه علعموم عمي اني اظل احبك مهما كان انت عطفت عليه وربيتني شكرا عل كل شي &وخليت وطلعت بطلعتي صار وضاح بوجهي شاف دموعي عرف اني عرفت راح ازوج غزوان

انتظري ناز احجي وياج

شتريد ابن عمي

لاتصورين اني قابل عل هذا

وشراح يتغير

ناز انت مرايحه للاعدام

باوعت بعينه وكتله بكل جراءة اذا انت تزوج شخص متحبه شتكون حياتك وياه يمكن اتعس من اعدام

ناز ناز

عفته وصعدت لغرفتي او بااحرى غرفتهم ظليت ابجي خيم الحزن عل البيت كله لان حسوا باالي سوه بيه &مر اسبوع واتحضرت حته اروح عروس للشيخ غزوان واهنا اجه دور مرت عمي وكالت

خلي وضاح هو يسلمها لغزوان & جان الكل كاعد حسيت بحجم كره هاي مرا الي تريد تكمل عليه عل اخر نفس عندي بعد ان سوا الي حنه وكملت العزيمه صاحني عمي لغرفته ورخت عليه ودخلت للغرفه گلي تعالي اكعدي

خير عمو

بنتي هاي اوراق اريد توقيعها

شنو هاي اوراق

هاي ورقه تخولني اكون وصي عل املاكج واهنا انت تتنازلين عن ورثج

ورثي

اي

ليش اتنازل

انت راح تزوجين واحد غني ممعقوله تاخذين من عدنه فلوس واحنا محتاجين انت مراح تحتاجين للورث زوجج عنده املاك واطيان وحلال افهمتي

افهمت وين اوقع

اهنا واهنا

وقعت وباسني من رسي وكلي معروفج ماانساه بطلعتي من غرفه اجاني حيدر وگلي حبوبتي تريدج جانت حبوبتي بااخر فترة اتمرضت وصحتها بالنازل رحت عليها للغرفه من فرزنتني صاحت نونه تعالي

ها جده

كعدت يمها وحضنتني وكالت سدي باب بالمفتاح وفتحي كنتور    وجيبي صندوگ

اي &رحت قفلت الباب وجبت الصندوق صغير بس جان ثگيل اخذته من ايدي وكالت

هذا الج ضمان

شنو بيه

ذهب اخذيه اني اعرف مراح ينطوج ورث ابوج هذا ضمان الج اعرف انطوج لواحد غني بس هو مو ضمان الج لان مراح يكون زواجج مسجل بالمحكمه بس عد سيد وهذا ميضمن الج حقوق

كلامها رعبني ليش ماايسجل بالمحكمه

انت هديه بنتي يعني اذا حبج سجلج بالمحكمه واذا لا تظلين بعقد عد سيد &

طفرت دموعي واختنكت بالزايد

اخذيه ولاتكولين لااحد عليه زين

اشرت الها براسي بالموافقه وبست راسها وطلعت واني محمله بالهموم

اتحضرت ثاني يوم اروح اني لبيت الشيخ مو هو يجي ياخذني لان اني هديه لازم همه يسلموني اله لبيته لبست البدله وجنت كامله اناقتي حطوا شي عل راسي حتى لا ابين شفته لوضاح واكف ينتظرني دخلت للسيارة وهو صعد ليگدام شعور مؤلم لو اكتب حجم الم الي عشته متعبر عنه كلمات الدنيا كلها الشخص الي حبيته هو الي يسلمني الزوجي گلبي ينزف وعيوني تصب جمر مو دمع وره فترة وصلنا نزل وضاح وعمي شلت حجاب واباع عل زوجي جان واكف بعنجهيه وتكبر ويحجي معلگ وياهم ومبين عليه الغضب انتبهت عل سلاحه بصفحته اتقرب وضاح وفتح باب سيارة واخذ ايدي حس بيه ابجي كمش ايديه حيل ونزلني همس بااذاني لاتخافين اني وياج مراح اخليه ياذيج شهكت بالبجي وكتله اني اعرف انت متقصر وياي اريد اكلك شي قبل مااروح الزوجي

كولي

الشخص الي حبيته

اي منو

انت وضاح انت

عصر ايدي حيل وهمس حبج هذا لازم يموت انت هسه زوجه شيخ عشيرة والله يسعدج بت عمي

الذله الحسيته ان كتله انت حبيبي جانت اكبر من كوني كبش للفداء لان كوني اعترفت اله وهو متغير شي عنده هاي اكبر ذل اليه&  اتقدمت نحو زوجي ترك ايدي وضاح واخذها غزوان حسيت ايديه مثل نار وظلوا حمايته يرمون وامه تهلهل واكو هوايه بنات يصفكن دخلوني جوا بيت جبير اكبر من بيت عمي بقاطات وكعدوني عل كوشه وضلت امه تبوس بيه وتصلي عل محمد طبعا مكياج خرب عندي وصلحوه الي همه عبالهم ابجي عل بيت عمي ميعرفون اني گلبي مذبوح وانذليت الحبيبي وحبيبي ضحى بيه وره هوساتهم حطوا العشه جابوا الي بس مكدرت اكل لكمه احس روحي مسمومه مااكدر حته نفسي كوه اجره رادت اخت العريس توكلني مكدرت وراها قرورا يزفوني حسيت بدوخه مو طبيعيه رجليه متشيلين انتجيت عل امه واخته دخلوني للغرفه واني مجاي اشوف شي من الم وحزن كعدت عل جربايه هلكانه من تعب اتمنيت امي يمي واحضنه وابجي عل بختي الي استكثر عليه حتى وجود امي يمي ظلوا يمي الكل فرحان ويغني وراها سمعت صوت الطلق عرفت راح يزفون العريس حتى گلبي تعب ويريد يطلع من صدري ودخل العريس بدشداشته البيضه وعگاله وبملامحه القاسيه وامه باسته واخته هم وطلعوا

(يالهو من قدرآ احمق الي جمع اثنين بغرفه وحده وكل واحد بينا بس جسد بلا روح

گلبنا اثنينا بغير مكان

قدر متعوس يذبح احلامنا بمسمى القسمه والنصيب

صرخات صامته&  اوجاع مكتومه& عيون اثقلها الهم والحزن &

اهاتات مكتومه & اجساد بلا ارواح)

(غزوان) دخلت للغرفه جانت كاعده عل جربايه ومنزله راسها صغيره وناعمه مبينه طفله جنها جثه ولاتتحرك بيضه هوايه عيونه ملونه وصغيره شعره كثيف هاي مو مثل حبيبتي الحنطيه ام عيون وساع وشعر مثل ليل اسود ظليت واكف مااعرف شااسوي كشت روحي منها يمكن غيري يشوفها حلوه بس اني جاي اشوف كدامي صورة بشعه ويردون مني احبها اخ منج سماح وينج ردت ازوج واقهرج طلعت اني مقهور مو انتِ& نزعت عگالي واني اعرف ناس واكفه برا تنتظر مني نيشان واني ولااكدر اتقرب عليها او حته اشوفها لو باايدي اطردها مااريدها اريد الي احبها هاي حتى متشبه حبيبتي

افكاري مثل عواصف بس لازم اخذها صحت بيها

كومي نزعي البدله دظلين بيها

(ناز) فزيت عل صوته عبالك جنت بير وكعدت ليش هيجي عاط بيه عابتله كتله بخوفه وبلا مباع عليه تامر ورحت عل سريع فتحت الكنتور وطلعت شي حته مااعرف شنو واخذته ورحت للحمام وسديت الباب وكعدت بالكاع ابجي بصمت شبيه عاط عليه حته  من خوفي مدري شجبت ملابس واني وصوني البس سيت نوم ابيض اوف ياربي هسه شلون شااسوي واباع اني جايبه اتك لونه اسود يبوو هسه يكلي لابسه اسود ظليت مااعرف شااسوي

(غزوان) استغفرالله هاي عصت بالحمام شبيها ليش متطلع والله خلكي ماالي واذا تركتها شيكولون عليه مو رجال ومااخذ مرته زهكت اروح اصيحها واذكرت اني حتى اسمها مااعرفه اوووه شلون بله شااصيح الها صخمان شيعديها هل الليله هاي اكوم وامري الله رحت دكيت باب ماكو جواب يمكن ماتت احسن اذا تموت وتخلصني بعدين دكيته حيل وكتله هيه راح تنامين بالحمام

جاوبت بصوت مرعوش اي هسه اطلع رجعت للغرفه وانتظر تطلع وشويه طلعت لابسه اتك اسود وشعرها منكوش ومكياجها سايح وترجف ماادري ليش عيونه مثل عيون باندا وتبجي

تعالي اهنا

نعم

شوفي لادوشين راسي بالعوي مالتج ترا والله اطكج ها فهمتي

مسحت دموعها واشرت براسه بالقبول جانت كلش ضعيفه وقصيره واذكرت سماح وجسمها وطولها روحي كشت بالزايد منها بس لازم اخذها كمت عل حيلي واتقربت عليها اني عمري ممتقرب لمرا ولاعرف شلون يتعاملون بهيج ليله ويه نسوان اتقربت عليها ظلت ترجف وتهتز جريتها اليه حسيتها راح تموت من خوف وبجي عطت بيها لويش هل بجي انجبي عاد دفعتها عل جربايه شفتها غمضت عينها اني هم مااريدها ولا اريد احساسها بذيج اللحظه اخذتها كانما واجب مقزز حتى بدون ان ابوسها او انزعها اتك اخذت نيشان ولبست وطلعت للناس واشتغلت طلقات وهلاهل من طلعت من غرفة حسيت كانما طلعت من قبر ياالله ولاجرعتها هل ابنيه صارت زوجتي ونمت وياها واني مااعرف اسمها ظليت بنص هوسه الى ان فض العرس اجه عليه اشرف

مبارك عليك شيخنا

بلا لواكه شبيك

كلشي مابيه اليوم انت مشغول عنا

احجي شكو

راح نروح للملهى اني وعباس وخلينا ويلات بدالنا تامرنا بشي

لا روح خلصوني من جهرتكم

ردت اروح وياهم بس بعد ماترهم عريس واروح عل ملهى دخلت ليجوه البيت هدوء معقوله اروح انام يمها لا الي عليه سويته خليت ودخلت الغرفتي القديمه شمرت نفسي عل جربايه وغمضت عيني واني مااريد اذكر اني عندي زوجه كشت روحي منها

(ناز) وره ماصرت مرته جنت مغمضه عيني اخاف منه ومن نظرات عيونه خلص وعافني حتى بلا ميبوسني كانما واحد مجبور وطلع من  غرفه لميت روحي حسيت بالم فضيع بس الم الي بروحي جان افضع جانت ليله كئيبه لكلينا گلبنا اثنينا مجروح وانفرضنا عل بعض واني جنت خايفه من صياحه لبست هدومي ودخلت امه واخته يباركون الي امه كلش حبابه مبين عليها ظلت تبوس بيه هيه باستني وحضنتني اكثر من ابنها الي مافكر حتى يبوسني ☹️وره ساعه عافوني دخلت للحمام سبحت ولبست سيت ابيض وعدلت روحي گلت ويه روحي اتهندم اله هل مرا علمود يشوفني حلوه سرحت شعري وحطيت مكياج وظليت انتظره ظليت اكثر من ساعتين كاعده انتظر محد اجه حزنت هذا وين راح هو مفروض يرجع يمي ظليت افتر بالغرفه كلش حلوه وجبيره بحياتي منايمه بهيج غرفه فتحت  كنتور وشفت ملابسه ظليت اكلب بيهن سديت الكنتور رحت عل عطوره اشم بيهن مبين انسان صاحب ذوق بالعطور عجبتني عطوره وهدومه &تعبت واني انتظره رحت امتديت عل جربايه باوعت ساعه مجانت 2  هذا وين راح ضجت وكلت انام امري الله يجوز عنده غير مرا وراح عليها اوف حتى مااعرف عنه شي ظليت باافكاري الى ان نمت كعدت الصبح وهو ماكو لبست كلابيه وطلعت رحت للمطبخ وشفته مطبخ كلش جبير وحديث وبيه امه واخته واثنين بنات ومرا لخ من شفتها عرفتها هاي تصير اخت مرت عمي وذني بناتها اكيد بناتها سلمت عليهم وكعدت عل ميز كل تباع عليه واهنا كالت فليحه

ميحتاج تلبسين ربطه

ماعدنه احد غريب بالبيت كلنا نسوان

اي صار خاله

ومااشوف الا دخل غزوان من برا وهو مبين عليه عصبيه اني راسنا انرعبت وخنست بمكاني وصاح عليه گومي وياي للغرفه

(فليحه) خير ياولدي شصاير

ماكو شي

كومي يلا

راح هو واني كمت وراها رحت للغرفه ودخلت جان عيونه تتطافر شرار اجه عليه وجرني للداخل وقفل الباب اني متت خوف وظليت ارتعب واهتز اندار عليه وگال

بت كلب انعل ابوج لابو خلفج تضحكين عليه ومااشوف الا ضربني راشدي وكعني بالكاع حسيت اذني صوفرت من راشدي وحلكي انترس دم كومني مرا لخ وضربني راشدي لاخ وكعت بالكاع ودم ينگط من خشمي وحلكي……… ..    

تصورون ليش غزوان ضربها لناز

ام احمد

#ضحيه_ام_جلاد

ام احمد

الجزء الثاني

البارت السابع

ابدي هذا البارت بالمثل المتعوس متعوس لو علگلوا برگبته فانوس& 

ضربني راشدي وكعني بالكاع حسيت اذني صوفرت من راشدي وحلكي انترس دم كومني مرا لخ وضربني راشدي لاخ وكعت بالكاع ودم ينگط من خشمي وحلكي ظل يسب بيه ويضربني برجليه عل جسمي صوته ملا البيت ضلت امه تدك الباب ان يفتحه الها بس هو مستمر بضربي كومني وجهي كله دم وگلي

والله لجيبهم لاابوج وامج واگتلهم گدامج ضربني وكعت بالگاع الدنيا تفتر بيه استجمعت قوتي وگتله

ابويه ميت (بصوت ناصي) اتقرب عليه

شكلتي

ابويه ميت

انت منو گولي ها بت منو احجي

شنو يعني بت منو

لج تستغبين عليه بيت ابو فلاح شيصيرون منج (كعدني ويهز بيه حيل )

عمي جبر يصير

عمج لتجذبين

لا مجاي اجذب اني بنت علي ابوي مات باايران وامي ايرانيه

ظل يروح ويجي ويهدد اله يحرگ بيت عمي ويگتلهم ظلت امه دگ بالباب راح فتح الباب من شافتني عاطت واجت عليه وتگله ولك ليش شسوت الك بت العالم

يمه جذب عليه جبر وكلي اهديك بنتي وهاي مو بنته

(فليحه)  چا بنت منو هاي

مااعرف

(فليحه) يمه احجي منو اهلج

دخلت مرت ابوه وشافتني وگالت شيخنا البنيه مجذبت عليك هيه بنت علي يصير اخوه ال جبر (ابو فلاح)  جانت عايشه باايران وجابوها يم بيت الشيخ صار سنتين ونص ورباها الشيخ مثل بناته لهذا هو يگلك بنتي

شنو الي يثبت حجيكم وان طلع صدك هم غشني هو گلي بنته والحمزه الاراويهم نجوم ظهر

(فليحه)  يمه وليدي مصار شي هيه هم بتهم

لا صار واني اعلمهم من هاي اللحظه يمه صار عندج خدامه الج تخدمج همه نطوها الي واني راح سويها خدامه لاامي والي والله لشوفج نجوم ظهر گومها منا مكانها المطبخ

اجه عليه جرني من ايدي وامه تريد تفلتني منه ماكو فتح باب مطبخ وشمرني بيه وگلي انت خدامه اهنا مااعرف مين اجتني القوة وكمت عل حيلي رغم كل اصاباتي  ورحت ليمه وگتله

عمري گله گضيتها اني اخدم من جنت عند خالي علي اكبر اني اخدم ومن اجيت عل عراق اني اخدم بيت عمي جبر (ابو فلاح)  مااعتقد اذا خدمت اهنا راح تفرق عندي & ضل يباع عليه وعيونه بيه غضب وعنجهيه وخلا وراح اجت فليحه عليه واخذتني ودتني عل غرفتها وصاحت عل بتها تجيب الي قطن وشاش بدت تعقم بجروحي واني الم الي بصدري هو اكبر من الي بجسدي &لفت راسي بالشاش وگالت نامي بنتي وارتاحي معليج بكلام غزوان هسه من يهدأ اني احجي وياها امتديت واستسلمت للالم ومعاناة جسدي كله جروح عيوني من راشديات مااكدر افتحهن دموعي تحرك من تنزل عل وجهي عرفت اني راح اظل عمري كله اعيش بالم ومعاناة وهذا الي يسمى زوجي انسان قاسي بلا قلب

مكدرت اسيطر عل غضبي من عرفت هيه مو بت جبر ضربتها بقسوه مااعرف ليش هيجي سويت مو من طبعي اضرب مرا بس من عرفت هيه مو بتهم اتخبلت وبدال مااروح عل بيت عمها اجيت الها حاسبتها وضربتها كانما ال كدامي رجل رغم قساوتي وياها ضلت صامده ومنهارت بالصراخ والبجي زدت عليها ضرب ردتها تتوسل بيه بس هيه ظلت تنضرب بلا صراخ ولا دموع مين الها هاي قوه وتتحمل هيه طفله والي يشوفها نص بشر عبالك طلعت من البيت ورحت عل بيت عمها اهناك دخلت للمضيف بهدوء اجه عمها وكف كبالي هو وبعد شاب لابس مال افنديه

شوف انت لعبتني واني مراح امشيها الك عل خير

شيخنا هيه مثل بنتي اني ربيتها

(وضاح)  خير شيخنا شنو موضوع

ابوك گلي ازوجك بنتي وانطاني وحده يتيمه بس راد يتخلص منها

لا شيخنا  ناز عزيزه علينا ( جنت اول مرا اسمع اسمها من لسان ابن عمها )

والله اسويها خدامه الي

(وضاح ) شيخنا هيه مالها ذنب لاتاذيها

شي يخصني واني اكدر ارجعه الكم واخلي العار يركبكم بس لا راح اذلها واضربها واخلي منطقه كلها تعرف ان بت الشيخ ابو فلاح تشتغل خدامه عندي

(ابو فلاح)  شيخنا اهدء امور ماتنحل هيج

هاي مرا الثانيه تخدعني

(ابوفلاح)  هيه بنتي وعزيزه عليه واني الي قصدته ان متفرق شي عن بناتي

خوش مصار شي انطيني بعد وحده من بناتك

(ابوفلاح ) شتكول شيخنا بعد البارحه انطيتك بت اخوي

وبنتك هم والا راح تصير بت اخوك خدامه النا

(وضاح)  ابنيه يتيمه لاتاذيها

يهمك امرها

(وضاح)  بت عمي ويهمني امرها

اني طالع يومين وتجيبون الي بتكم

(وضاح)  لاتاذيها شيخنا

ههههههه اشوفكم بخير

طلعت منهم واني مرتاح لان دخلت لگلوبهم الرعب رحت عل مضيف وكعدت ادخن

******************************                

(وضاح)  اني رايح اطمئن عل ناز

لاتروح ياابني قابل شراح يسوي الها

لا بويه احس ان هو مااذيها

ولدي بعد هيه صارت مرته واحنه ماندخل

مراح ادخل اني بس اطمئن عل ناز وارجع

     ****************************************    

جنت كاعد اجاني حارس وكلي ابن شيخ جبر يريد يشوفك استغربت هذا شجابه اشرت للحارس يدخله

اهلا بيك اتفضل اگلهم يجيبون زاد

لا شيخنا اني مجاي اوجبك خيرك سابق اجيت اشوف بت عمي

ليش

اطمئن عليها 

صار هسه ادز عليها تشوفها لازم يهمك امرها

امرها يهمنا كلنا

(ناز)  دخلت للمضيف واني كوه امشي واشوف وضاح گدامي من شافني وشاف وجهي انترس غضب واندار عل غزوان وگله يانذل تستقوي عل مرا وهجم عل غزوان ضربه بوكس

(غزوان) من گلي نذل هجم عليه وضربني اني متحملت طلعت سلاح وحطيته براسه اهنا انرعبت ناز وكامت تبجي وتتوسل بيه ان مااقتله واجت تريد تخلصه من ايديه ضليت اضربه وهيه تبجي وتتوسل بيه وراها اجت عليه وحبت عل رجليه اعوفه ومااقتله تصرفها وكفني واستفزني بنفس وكت گام وضاح عل حيله وهي وكفت يمه وگالت ابن عمي شيخ غزوان ماسوا شي الي اني وكعت من درج وهيج صار بيه

(وضاح) امشي ويايه عل بيت

(ناز) لا ابن عمي مكاني بيت زوجي واهنا محد قصر ويايه وانت مفتهم غلط شيخ غزوان ما مد ايديه عليه

ناز شوفي وجهج

(ناز) روح ابن عمي مااجي وياك ضاله بيت زوجي

(غزوان) هيه انت اطرش جاي تگلك مااجي انقلع قبل ماافرغ السلاح براسك

(وضاح)  اني رايح ناز بس هاي انت ردتيها

طلع ابن عمها وهيه كعدت بالكاع تبجي وبحرگه دم صعد لي راسي قبل كم ساعه موتتها گتل لابجت ولاتوسلت بيه وهسه باست رجليه علمود ابن عمها شنو يعني واذكرت بارحه شلون طلعت من حمام جانت لابسه اسود وتبجي ومن اخذته جانت مغمضه هاي كله دليل انها تحبه لاابن عمها هجمت عليها وكومتها من گاع

احجي حقيره شنو الي بينج وبينه حته هيج تسوين علموده

ماكو شي بينا

ضربتها راشدي وكعت بالكاع

لا مبين اكو شي هذا حبيبج مو احجي

رفعت راسها وگالت والحسين ماكو شي بينا ومحد طاخني غيرك وليله بارحه اكبر دليل

متحملت طلعت مسدس 🔫 وحطيته براسها احجي شنو الي بينكم

جانت كوه تفتح عينها كمشت ايديه الي بيه مسدس 🔫 وحطته عل صدرها وگالت اگتلني اذا هذا الشي يريحك رجعت نفس قوة وصلابه تحجي وضلت عينها بعيني وخرت مسدس 🔫 منها وگتلها والخلقج اذا عرفت اكو شي بينكم اگتله واكتلج ماان خلصت كلامي حتى اغمى عليها وكعت بالكاع رحت شلتها وكعت ربطتها منها ونزل شعرها عل ايديه وصدري باوعت عل وجها واحتقرت روحي بالزايد عل الي سويته بيها اخذتها داخل البيت واجت امي وشافتها جابت ريحه وكعدتها حطيتها عل فراش ظلت تتاوه من الم

(فليحه)  جيب الها حكيم راح تموت ابنيه

صار يمه صار

دزيت ويلات يجيبون الها دكتورة تفحصها واجت وفحصتها وكالت منو هيج ضاربها ظل كل ساكت بس ناز كالت اني وكعت من درج ضلت دكتورة ممقتنع انطتها ادويه ومسكنات وراحت الدكتورة وظلت امي واختي يمها

***************************           

بيت شيخ ابو فلاح

يمه ابني منو هيج سوا بيك

تعاركت ويه هذا غزوان

لويش خايب تبلشنا وياه

يمه مدميها ال ناز

وانت شعليك مرا وزوجها اكيد سوت شي مو زين

يمه انت تعرفين كلش زين ناز فقيره ومتسوي الغلط وحتى لو مسويه شي غلط ماكو داعي هيج يضريها

وتالي وياك انت

انتوا وكعتوا ابنيه بهل زواجه وهذا بعد يريد وحده لخ منكم ومراح تنتهي ومحد واكع بيها الا هل مسكينه

اجه ابو فلاح عل اصواتهم وكلهم

راح احل موضوع واجتمع ويه شيوخ ونشوف خل هل موضوع

(ام فلاح)  يعني اذا كالوا ان تنطي بنتك اله راح تنطيها

انت اسكتي كله من وراج هل معمعه الي احنه بيها كله من وره طمعج احنه هيج صار بينا ضيعتها البت اخوي

(وضاح)  يابه اجمعهم حته نحلها ويه هذا طايش اني اشوف نروح عل عمامه ونفهم الموضوع ونجمع كل شيوخ خلي همه يشوفون صرفه ويه هل مغرور

(ابو فلاح) اي هو هم هيج راح اسوي كلي مااذيها لناز

(وضاح) والله يابوي شكلك ابنيه  وجها مايتفسر من ضرب وردت اخذها وارجعها بس هيه ماقبلت وكالت ان هيه وكعت من درج

(ابو فلاح) والله هاي ابنيه تفتهم لان تعرف اذا طلعت من بيته راح نتاذى احنه لهذا بقت يمه وقررت تستحمل علمودنه

(وضاح)  احنه ظلمناها هوايه

(ابو فلاح)  بعد مايفيد الحجي مايفيد ندعي الله تنحل هل مشكله والله يهديه هل غزوان ويبطل ان يريد اختك هم باجر من صبح اروح عل عمه خلف واحجي اله القضيه كلها من شانون البانون

************************************         

(ناز) كعدت الصبح من الم الي بجسمي شفت روحي نايمه بغرفتي وفليحه يمي جان جو حار ماادري حراره تطلع من جسمي كمت عل حيلي واتجه عل غراض اريد شويه مي طلعت من غرفه ورحت عل المطبخ الما وصلت كعدت عل ميز جان وجه الفجر وكل بعدها نايمه استجمعت قوتي ورحت شربت شويه مي كوه ابلع ريكي الله لاينطي شكد ظالم موتني گتل جسمي كله ياذيني قبل مااوصل لباب المطبخ حتى اطلع منه حسيت اكو احد دخل من برا خفت ليروح هو يبوو انوب اني نايمه بالغرفه الي اسم الله عرسنا بيها حتى نسيت اني عروس ظليت بالمطبخ اخاف اطلع ويشوفني شو صارت سنطه يمكن راح فتحت الباب عل كيفي ومديت راسي ماكو احد خاف راح للغرفه زين اني وين اروح اخاف ادخل للغرفه ويصير گبالي طلعت من مطبخ وصرت بالصاله وشفته كدامي

  هو ممتد عل قنفه وشكله مو طبيعي وجان لابس مال افنديه وبعده  بالحذاء يا هذا وين جان بهل وكت وهسه رجع اتقربت عليه اباع بشكله من نايم احله من كاعد رحت نزعته حذائه وجواريبه بدا يحس خفت منه فتح عينه وباع عليه وكلي سماح لاتعوفيني

والعباس احبج واموت عليج ظليت متبسمره بمكاني مد ايديه اليه وهو يردد سماح سماح اتقربت عليه عيونه ذبلانه مو نفسها الي بيها قساوة وجبروت كمش ايدي وهو يردد احبج مااعرف شنو جان احساسي من جان يحسبني حبيبته وكامش ايديه گلبي عصرني واتمنيت ان اني صدك حبيبته حته يرتاح ليش انسان ميحظى بالي يحبهم عل طول ظل كامش ايدي وراها خلاها عل صدره

لاتعوفيني يكولها جان بتوسل (ايباخ شكد ذليل الها والي شبعني ضرب) ردت اسحب ايدي مقبل واني تعبانه كعدت يمه اخذه ايدي وباسها كرهت روحي ليش هيجي حظي الي احبه ميحبني وهذا زوجي عباله حبيبته ويبوس باايدي وخرت ايدي منه وكمت هو ظل يگول سماح لاتعوفيني يگولها بتوسل عفته ودخلت للغرفه واني اكول وينج سماح تعالي طيبي جروحه بس اني منو الي يداوي جروحي 😔

ام احمد

ضحيه_ام_جلاد

ام احمد

الجزء الثاني

البارت الثامن

للعصر اجه عمي خلف عليه وظل يحجي ويايه علبيت ابو فلاح واكتفي انهم انطوني مرا ولااكبر المشكله جنت مصدع راسي يمكن بارحه بالحلم شفت سماح وبست ايديها ظليت عايش اللحظه وهذا اجه يجرش براسي وسطرني اخر شي كتله هاهيه يصير خير عمي الشيخ بس بعد اذا تقارشوا ويايه ماارحمهم

صار ياابن اخويه يعني ماحاجه الكعدت عشاير

لا محاجه هاي الخاطر جيتك عندي

خنفله عليك ونعم منك

طلع عمي منا واني منا رحت گبل عل بيت اهل الشيخ عطوان (اهل سماح ) دخلت للمضيف اخوها استقبلني استقبال حار

كل هلا بشيخ الشيوخ نورتنا

تسلم ونعم منك شيخ خالد شخبار ولد اخوي

بخير والحمد لله

الحمدلله

اخليهم يجيبون الزاد

لا طال عمرك خيركم سابق اني جيت عل ولد اخوي

اي اصيحهم الك

والله شااكلك اني اريد ولد اخوي اني اربيهم عل ايدي واول تالي امهم تزوج وانت تعرف اني صاحب اطيان وبساتين واريد ولد اخوي يساعدوني لان مااريد ادخل غريب

- والله شكلك شيخنا امهم روحها بيهم وهيه رافضه فكرة زواج وعل ايدك هيه الك هم رفضتك تريد تكعد عليهم تربيهم

-شيخ خالد انت تعرف ام امير بعدها صغيره واحنه من عوايدنه ماتبقه مرا بلا رجال وهيه اذا الولد اني اربيهم

-مافهمت عليك شيخنا

-اني جاي اخيرك انه لو اخذ الولد الي اربيهم لو هيه ترضى باامر الواقع وتقبل تزوجني واني شاريها

- شيخ غزوان انت عم الولد والك حق بس هيه امهم واحنه مامقصرين وياهم

- ولد اخوي اخذهم اذا مو هسه بعدين

-طال عمرك احنه مامنعينهم عنك هسه اصيحهم  يروحون زيارة البيتك يوم يومين

-خوش بس اني مااخذهم ماخذهم وصل هل حجي لاامهم وخلي تعقل

-هسه اصيحهم

راح واني اريد المح ولو خيالها بس وين الگاها بس صبر عليه اله اجيبج يمي وشويه جوي الولد جانوا خايفين مني امير يشبه فهد عينا  اما حسين فشكله يختلف يشبه ابوي الله يرحمه اسمر وعيونه سود وكبار

-سلموا عل عمكم شيخ غزوان

اجه حسين باس ايدي وسلم بس امير ظل واكف وعيونه بيها الف كلمه حسيت كارهني وهو يفهم اني قتلت ابوه واني سبب بخطفه اتقرب وهو عينه بعيني شكله ابيض وعيون عسليه اخذ ايدي وباسها بلا ماينطق بكلمه وحده

-امشوا اليوم ويايه البيت عمكم ظلوا يمي كم يوم ومنها نطلع نصيد شنو رايكم حسين فرح بس امير ظل ساكت اخذتهم وطلعت صح اني مااحبهم بس همه وسيله ان اجيب بيها امهم الي اول مدخلنا للبستان صاح حسين هذا بيتنا القديم اني ضحكت وكتله بعده بيتكم تعال عيشوا وياي اني وحدي وموجوده جده فليحه ظل امير ساكت دخلنا البيت اجت امي وبوستهم وامير باس ايد امي وفرح بشوفتها لازم اكسبه هل ولد والا اخسر سماح

ردت ادخل لغرفتي واذكرت ان ناز بيها  فجاة اذكرت بارحه الحلم عبالك حقيقه جان وشويه طلعت هيه من غرفه بعدها تعبان وجه وارم ممصدگ روحي هيج سويت بيها ظلت واكفه تباع عل ولد اخوي انتبهت امي عليها وكالت

ناز (اسمها من اسمع عبالك رنه تصير بااذاني) هذوله ولد فهد اخو غزوان ظلت واكفه وبلا متباع عليه رجعت دخلت للغرفه صحت بيها وين رايحه نسيتي نفسج انت ظاهر (ظلت متبسمره بمكانها) هاي غرفتي وانت مكانج المطبخ نسيتي اندارت عليه وبلا متباع عليه كالت

لا منسيت شيخنا بس ردت اخذ هدومي وغراضي محاجه تذكرني اني اصلا لميت اغلب هدومي ومبقه شي بس اطلعهم & وصدك دخلت وطلعت ملابسها وراحت عل غرفه زينب ظلت امي تباع عليه وهيه مراضيه عل الي سويته عافت الولد وراحت وراها اما اني دخلت للغرفه واني اريد تفسير للي سويته هسه

(ناز) جنت ادخل غراضي بالكنتور الي سابقا اخذت منه جزء حته ارتب بيه غراضي ودخلت عليه فليحه وكالت يمه ناز عندي حجي وياج

اي خاله كولي

تعالي اكعدي يمي (اشرت عل جربايه )

امريني خاله

بعد لاتكولين الي خاله گولي يمه اعرف انت امج بعيده عنج واني بمكانه

(بذيج الساعه حسيت بغصه بزردومي وشكو بجي الله ذبه عليه ضميت راسي بحضنها وابجي )

وهيه تكول يمه ابجي وارتاحي لاتخلين بگلبج حملج جبير واني مثل امج وحياتي نفس حياتج يمه اني هم قضيت عمري بالخدمه بالبيوت وجنت ذليله ومن صرت 15 انطوني هديه للشيخ ابو فهد وشفت ويلات من عذاب وصبرت يابنيتي وهسه بفضل الله رجع ابني الي واني مرتاحه صبري ياابنيتي الصبر مفتاح الفرج

شلت راسي منها واني متعجبه انو اني وهيه نفس معاناة وهيه بعدها طيبه ومبتسمه للحياة مسحت دموعي اي يمه وشصار

-شكلج دخلت البيت ابو فهد شفت من ضرتي العجب اخذوا مني ابني وسوه مخبل وحرگوا گلبي عليها وبعدين كالوا الي مات وجنت اظل بخدمة ضرتي ليل نهار

- غزوان بعدوه عنج

- اي وخربوا حياتنا ودفنوه وهو بعده عايش واخذوا منه اسمه يمه الي مر بيه غزوان مو قليل وجان اخوه ومرت ابوه همه سبب لهذا هو رجع وانتقم منهم اريدج ياعيني تتحمليه وتكونين قويه وتعوضيه بالحب والحنان

-يمه هو گلبه يم وحده اسمها سماح

-سماح ماتحبه لان هو سبب بقتل زوجها وخطف ابنها تگدرين تخليه يحبج

-تقصدين سماح مرت فهد

-اي يمه هيه ام هذوله الولد البرا

- وهو جايبهم حتى يحبوه ويكسبهم

- شوفي بنتي خليها ترجيه بااذنج اذا مكدرتي تكسببن هسه غزوان من راح يزوج سماح مراح تكدرين تكسبيه الج

- انت متاكده انه يزوجها

- ابني واعرفه الي براسه يسويه فاانت هسه هذا وكتج اكسبيه الج وانت ظرفج هسه احسن من ظرفي جان ان دخلت عل بيت ابو فهد عنده اثنين نسوان اما انت هسه مرته اولى حبيه لغزوان

(شلون احبه واني گلبي عفته بيت عمي )

كملت حجيها يمه سماح من تجي هيه صح طيبه وخوش ابنيه بس صاحبة شخصيه قويه ومتحكمه كدرت سنين توكف ضد ضرتي اولى انت هسه ماعندج منافس والبيت فارغ عليج وغزوان بس الج يجوز گلبه يم سماح بس رجال عنده احتياجات ليش تخليه يروح برا البيت يفرغها اكسبيه انت وجيبي منه الولد

كمت عل حيلي وگلت الهاوشلون اجيب منه وهو مايلمسني

¯هاي انت وشطارتج كوني دومج گدامه اتقربي اله تخشخشي عليه رجال نفسه دنيه وراح توكعيه انت افتهمتي يمه لو بعد انا احجي بصالحج لان انت خوش ابنيه اذا ماكسبتيه وجبتي منه الولد راح تضلين عمرج كله بالخدمه

-صار يمه اني راح اتقرب اله

-عفيه ببنيتي

طلعت مني فليحه واني ممصدكه الحرب الي اني بيها معاد اكو مكان للبحي وضعف لازم اصير قويه عل اقل اضمن النفسي حياة بعيده عن خدمه وكلام فليحه عين العقل مو اله الواحد يعيش بحب لا  لازم اضمن كرامتي وعيشه زينه الي واصبر عل غزوان واكسبه الي هو اتعذب هوايه واني هم اتعذبت اكيد ارواحنا مرهقه وراح تتلاقه

***************************               

(بيت شيخ عطوان)

-هيجي يااخوي ياابن امي وابوي

-سماح انت شمالج هو يومين ويرجعهم تسودنتي عليه

-هذا نفسه الي خطف امير وراح سلمه الواحد حتى يخطفه

- هاي جان يريد ينتقم هساع هو يحبهم ويريدهم

- انت تعرف كلش زين هو شنو غرضه

- رجال جايج من باب مو من شباك ويريدج وشاريج

- ماازوج لو تنطبك السما عل كاع

- لاتزوجيه محد غصبج بس هو مو گليل وهو يريد الولد يعيشون وياه واني مااكدر اوگف بوجه

-تتخله عني يخوي هيج

- انا رجل مسالم هو ماينحزر وكل تگول ايده وسلاح اعقلي وخليج فهيمه راح تزوحين اكبر شيخ بالمنطقة كلها

-قبل كم يوم هو ازوح

- مازواج هذا انطوها هديه اله ومامسجله بعقد بالمحكمه انت راح تكونين اول واخر وانت اصل

- مااريده هذا واحد مجرم

- ضلي وراح تخسرين واني مو گده كتلج اني وهو گلي اياه گول لاام امير خلي تعقل والا اخذ الولد منها بعد بكيفج انتِ

راح اخوي واني ظليت منهاره وابجي جنت اصور من راح يزوج راح اخلص منه بس هذا مخليني براسه وميريدني اعيش اني ولدي بسلام شسوي اله منو ينقذني منه هذا الي جنت انتظره حتى يرفع الظلم عنا طلع هو كله ظلم وهاي اني ضكت المر ويه اخوه وهسه وياه هم اضوكه لا مراح اسكت اله ونشوف ياغزوان افندي منو الي يفوز

***********************************    

(بيت شيخ ابو فلاح)

-طال عمرك ماقصرت وهذا جميلك عل راسي يضل ليوم القيامه

-ماسويت شي انه بس انت بعد لاتتقارش وياه

-شيخ خلف هو مافهم موضوع زين شحلف الك

-لاتحلف مهم هسه انحلت وخلصت من هل مشكله

-اي طال عمرك كله بفضلك

-اترخص منك انه

**************************************     

طلعت رحت ويه اشرف وعباس شرب ونسوان جنت اتهرب من واقع روحي تايه وگلبي مذبوح ماردت اثكل بالشرب لان وعد ولد اخوي نطلع للصيد صارت 1 وكتلهم راجع عل بيت انه ظل شرف يقنع بيه ابقه بس مارضيت ورجعت جنت بوعيه بعدني ودخلت البيت كله نايم وهدوء اجت عل بالي ناز وشلون طردته من غرفتي دخلت الغرفتي اخذت حمام ونمت افكاري بين سماح الي رافضتني وناز الي طلعت الي صفح

من الصبح اخذت الولد ورحنا عل صيد حسين جان فرحان حيل بس امير مبين عليه كره وحقد علمتهم عل حمل السلاح وصدت كم بطه انطيت السلاح لحسين حاول يصوب بس مكدر التافيت عل امير وكتله ها تكدر تصيد

اي اكدر بوي علمني

خوش هاك

اخذ سلاح مني اني التافيت عل حسين واعلم بيه الما التاف عل امير اشوف شاهر السلاح عليه وبعيونه لمعه غريبه ضليت واكف واباع عليه حسيت اني سويت من هل ولد وحش وان نهايتي راح تكون عل ايديه اذا مو اليوم باجر اتقربت عليه وكمشت السلاح وهمست بااذنه اذا تريد تگتل احد لازم ترفع زر امان وتصوب عل قلب لو راس حته لاتعوف وراك ذئب جريح يطيب ويجي ينتقم منك ظل ساكت وعيونه تلالي اخذت من سلاح وگتله مو اليوم ابن اخوي مو اليوم ظل ساكت ومانطق ولاكلمه وحدهو گتله  اني اول مرا قتلت جان عمري خمسطعش ضربت عل جتافه وگتله لاتستعجل &بس موقف انزع بداخلي ولاكدرت انساه ضليت افكر بهاي العيون الي تريد تسلب مني روحي جان مفروض مااعوفه يعيش لا هو ولا حسين راح يكبرون وراح يعرفون اني سبب 

موتت ابوهم وراح تاريخ يعيد نفسه وراح اكون اني هل مرا الظالم وهم مظلومين وراح ادفع ثمن اخطائي وياهم &

وصلنا للبيت ودخلنا حطوا اكل وانتبهت عل ناز جانت لابسه تراك ضيق وحاطه مكياج طوخ جانت تختلف

جذريا شعرها طويل وعايفته مفتوح ظليت اباع عليها تتحرك بخفيه ورشاقه تجيب وتودي بااكل نسيت امير والي سواها ضليت اباع عليها امي انتبهت عليه وجانت فرحه بعينها صح وجه ناز بعد بيه اثار ضرب مالتي بس جانت حلوه طالعه وهيه بين خجل وشغل ومشيته وشعره الي هو حكايه بحالها لونه وطوله يمكن نظرتي الها جانت جنسيه وشهوه بس كرهت هل نظره مني الها وكعدنه ناكل هيه كعدت گبالي ابد مشالت راسها وباعت عليه اما اني ابد مشلت عيني من عليها شنو سبب هذا اللبس ومكياج ؟والمن ؟اساله بالي تدور كملت اكل وبدت تنظف بالسفره من اتقربت عليه كمشت ايديها وهمست بااذانها كلمات

………… ..

ام احمد

ضحيه_ام_جلاد

ام احمد

الجزء الثاني

البارت التاسع

من تعيش حياتك مع شخص انفرضت عليه وهو غير متقبلك تكون حياة بلا معنى ولا احساس ومن اول يوم تحس انك عايش بالفريز من جمود مشاعر وتبلدها

نظراته اليه واشمئزازه مني شي مااكدر انساه حاولت انساها وابدي من جديد بس ظاهر هو ممتقبلني ولايريد يحاول يتقبلني بذيج اللحظه كلامه نزل عليه مثل صاعقه ذبحني مرتين

ذبح انوثتي اولا وذبح كوني زوجته

جرني اله وقربني صار نفسه عل رگبتي وگلي عبالج اذا تلبسين وتحطين راح اتقرب الج او اساويج ويه حبيبتي انت غلطانه انت اهنا مكانج خدامه الي وبس يلا يا حلوه روحي مسحي وجهج ولبسي شي مستور انتهت المسرحيه

وخرت عنه وهو بعده ممبتسم ابتسامته اللئيمه يريد يشوف بوجهي الحزن ظل يباع عليه بنص كل الي موجودين گال اي شخص بيكم يصور ان ناز هيه مرتي فهو غلطان ناز هيه اهنانه لخدمتي طلع جكاره ورثه جر نفس وذبه وكمل يلا ياحلوه صبغي الي حذائي وره متلبسين شي يسترج

دموعي جمدن بعيني واني اشوف تكبره وعنجهيته واذكرت بذيج الليله شلون جان يصيح سماح بتوسل يمها ذليل ويمي فرعون طلعت من مطبخ واني احس روحي غاطه بير ومااسمع زين ولااكدر اشوف زين دخلت لغرفه ورحت للحمام نزعت هدومي وضليت جوه دوش اريد اهدء واسيطر عل نفسي مكدرت اوكف عل رجليه كعدت بالكاع وابجي وابجي ظليت ربع ساعه كاعده بالكاع ابجي ومي ينزل عل جسمي كرهت نفسي حسيت روحي مكسورة دكت باب عليه فليحه يمه بنيتي فتحي باب &سديت الودش وجاوبته هسه يمه اطلع لميت جراحي ومسحت دموعي ولبست وطلعت بديت انشف بشعري اجت عليه زينب وكالت غزوان يكول وينها خلي تجي

شيريد مني

ماادري بس مبين عليه عصبيه

هسه اجي

فدوه لاتتاخرين ترا من يعصب يتخبل علينا

لميت شعري بخاولي ورحت عليه شافتني فليحه وكالت بغرفته دكيت الباب ودخلت جان ممتد عل جربايه وكفت كباله

- ليش تاخرتي

-جنت اسبح

- شوفي هدومي واكلي وكلشي يخصني انت مسؤله عنه اريد كلشي مضبوط روحي حضري الي هدومي الي اسهر بيهن وصبغي الي حذاء

- صار تامر بعد شي لاخ

-لا ولي منا 

اخذت هدومه وضربتها اوتي وصبغت كل احذيته لان هو مكلي ياهو راح يلبس كملت وره ساعه ورحت دخلت لكيته نايم رجعت كلشي بمكانه وطلعت واستلمتني فليحه بنصائحها وان ماايئس بساع واظل احاول جنت اجاوبها واني مثل مخدره(صدمه وره صدمه تخليك متبلد مشاعر غير ابه لما يدور حولك ) طلعت للبستان واتمشه واذكرت شلون العب جنت ويه حيدر وصال ظليت امشي جنت مخنوگه اريد اجر نفس كعدت بالكاع ودموعي تنزل عل ارض اريد ارجع عل ايران يم امي ثريا واگلها تعبانه يمه ومااشوف الا واحد يكلي ليش تبجين رفعت راسي وشفت جان امير

- مابيه شي

- عمي غزوان سبب

-لا مو هو اني مشتاقه لااهلي انت شكد عمرك

¯12 سنه كملت سادس

- انت مبين اكبر من هل عمر راح ارجع عل بيت

- امي هم بس تبجي وسبب هو عمي غزوان

انتبهت عليه جان متاثر كلش مبين عليه الغضب

-احنه نسوان نبجي بساع لاتشغل بالك طبطبت عل جتافه وعفته بس ظلت كلماته بااذني امي بس تبجي من وره عمي يعني هيه متحبه ولاتريده وهو گاتل روحه عليها واني ظليت وره وضاح حته يحبني وماحبني وهذا زوجي كلما اتقرب اله يبعدني حسيت بالغيره منها ليش اني محد يحبني دخلت للغرفه وكفت كبال مرايا وباع عل نفسي شبيه ليش مااحرك مشاعرهم بس اوعدك ياغزوان اني راح اجيب منك الولد وراح تحسبني زوجه الك

*************************************   

مشت هاي يومين واني بين شغل والولد حاولت اتقرب من امير بس صعب جان وعنودي بثالث وديتهم عل امهم

-هلا بشيخ زارتنا البركه اتفضل اتفضل

- تسلم ونعم منك شنو اخبار بشرني

-شكلك بعدها عل نفس عنادها وانت الله يرضى عنك انطيها مجال تنسه وتفكر

(وقبل ميكمل كلامه دخلت علينا سماح موشحه بالسواد من فوگ ليجوه)

ظل اخوها ساكت ميعرف شيحجي متفاجاة عل  دخلتها من شفتها بعد كل هاي مدته گلبي رجف واتمنت اخذها الحضني

-وش شتريد منا بعد زوجي وقتلته واملاكنا واخذته وردت ضيع ابني مني (راد اخوها يسكتها اشرت اله باايدي خليها تحجي )

- زوجج عصابه خطفتها واذا عندج دليل ان اني قتلته بلغني عني واني مااخذت املاكم زوجج هو تنازل عنها الي والمشيخه صارت الي بعد مااخوي راح للحضر وعافها

- قشمر عل نفسك وعيش بوهم وهاي اخر مرا تجي لهنا وتاخذ مني ولادي هذولي ولادي ومااريد ياخذون شي منك انت متعلم بس الحقد والكره والقتل

- (خالد) سماح زودتيها امشي منا

- عوفها شيخ خالد خليها تحجي كل الي عندها

- (سماح)  يااخي شنو انت ماعندك احساس الف مرا كتلك ماازوجك ولاراح اقبل بيك شنو انت لزكه

(خالد)  ام امير تسودنتي ماعليك من كلامها شيخنا هاي من قلقها عل ولادها وهيج تحجي

¯هذا جوابج ياام امير مراح انساه بس انت هم لازم متنسيه وولدج اخذهم الي وراح تشوفين بنفسج وراح تطلبين مني السماح يا ام امير خليج مذكره هذا اليوم وكفتي اهنا لاتنسيها لان اني الي يهيني مراح افوتها اله سلم عليكم

طلعت منهم اني مليان غضب وردت اسحلها سحل من شعرها بس شيكولون عليه ضرب مرا رجعت للبيت واني اريد انفجر من غضب واني اتوعد الا اجيبها الي واذلها بس ينراد الها وكت واني اعرف شلون اصرف وياها

**************************************       

(بيت شيخ عطوان )

-والله محد يخلصج مني اليوم اموتج خلاص (خالد وهو يضرب سماح)

-موتني مثل متريد بس مااصير اله مرا

اجت ام خالد وتحاول تخلص سماح من ايد اخوها خالد بس خالد جان غضب ماخذه وضل يضربها بدون هواده

ظل امير يتفرج عل خاله وهو يضرب امه وعيونه جامده مثل جليد اما حسين ظل يبجي عل امه خربت سماح من ضرب وعافها خالد وطلع بس امها ظلت دك وتلطم عل راسها &حسين عباله امه ماتت ضل يكلها يمه اكعدي وهو يبجي اجه عليه امير وگله كافي تبجي امك ماماتت صير رجال راح جاب كولونيا وشممها لاامها ضلت سماح تتاوه وراها حست ضلت تبجي هيه وامها اجه عليه امير وگلها يمه لاتبجين اني راح احميج جده امي مراح تزوج عمي حته لو اخذنه يمه انت مراح تضعفين وتزوجيه يمه اني راح اخلص من عمي وراح اقتله

******************************************      

مر شهر عادي واني اتعلمت عل حياة بيت شيخ غزوان جان غزوان دومه غاضب ويفرغ غضبه عل حواليها اما حمايته او واحد من فلح مساكين جنت اشوفه مخبل الكل تخاف منه بس امه يحبه ويسمع منها الكلمه من اجتني الدورة الشهريه حزنت عمتي هوايه عبالك باايدي شغله رغم تجاهل غزوان الي بس ظليت اهتم بروحي البس واكشخ واحط مكياج ولايوم احتكيت بيه انظف غرفته واغسل ملابسه واكويهم وحته احذيته اصبغهم كلشي اكمل عل احسن وجه وضلت فليحه تحاول ويايه ان اروح عليه باليل بس هو عل طول سهران خارج البيت مايرجع اله وجه الفجر ومرات يضل يصيح بااسم سماح اتعلمت عل كلشي الم وجع اجرعه تجاهله الي اهانته الي مرات يكلب الغرفه بس علمود يخليني اشتغل ويضل يصيح ويفشر عل ابويه حتى بدون سبب جنت اعرف بداخلي انه هو هيج يسوي لان يريد سماح وميريدني ومن يشوفني يتنرفز بالزايد صرت بالنسبه اله شي يفرغ بيه كل غضبه جنت اضل ساكته ومااحجي شي صح امه ويايه وتدافع عني بس هو شمااسوي اله مايرضى تعلمت عل خباله الى ان اجت ذيج الليله جان جو بيه كرصه برد جنا نام من وكت ومرات نسهر بس زينب عدها امتحانات خارجيه وتسد الضوء وتنام اني هم مااريد اشغلها انام عل نومتها نمنا وكعدتني وراها زينب كعدي هذا غزوان مدري شبيه كمت واشوف بالغرفه ويكسر بالغراض كتلها شنسوي اله هذا هسه اذا اصير كدامه يخلصني من ضرب عفنا وراها طلع ضليت ارتب والم وادردم عليه خبال خبلك شجرالك بهل الليل تسودنت عدلت هل اكدر عليه وباقي كلت الصبح بلكي ارتبه اني وزينب رجعت للغرفه وشغلت تلفزيون ظليت اتفرج الى ان نمت كعدت وجه الفجر كلت اطلع اشوف اجه غزوان افندي لو بعده واشوفه ممتد عل قنفه بدون غطه رغم كل قساوته ويايه بس انقهرت عليه نزعته حذاء وجواريبه ورحت للغرفه وجبت اله غطه وغطيته ظل يفتح بعينه ويسده ويكول الا اكسر خشمج اليابس بس اصبري عليه ضليت اهز باايدي عل حجيه سكران ويخربط بالحجي

مد ايديه بارده كمش ايدي ويكلي لاتعوفيني ضل كامش ايديه كعدت يمه عل قفنه والعب بشعره وهو ضل يكول سماح احبج ضجت منه ردت اكوم ميهد ايديه ظليت اهز بيه واكعد بيه ردت اوديه عل غرفته اكومه ويوكع خليت ايده عل جتفي كام عل حيله صح ثكيل بس جنت فرحان ان قريبه منه وصلته للغرفه حس شويه عل نفسه كعدت عل حربايه ضل يفرك بشعره حسيته مثل طفل جبير وكفت كباله واتفرج عليه هو سكران ميدري بروحه اتقدمت عليه وبسته من خده مارفضني ولاحجه شي بديت افتح دكم مال قميصه هو مستسلم الي شعور جان يخبل ان يكون الي هو زوجي ومن حقي عيونه جانت ناعسات ومابيها اي قساوة وعنجهيه رجعت بسته مرا لخ جرني اله وصرت بحضنه لمساته الي ذوبتني كلشي جان مميز بهذيج الليله يمكن هو جان يتخيلني سماح بس اني جنت فرحانه بيه واندمجت وياه بكل همسه ولمسه حسيت لااول مرا باانوثتي وياه كله رقه ماردت تخلص هاي ساعه حته لو هو يصورني غير وحده بس اني عشت اجمل لحظات وياه كمل ونام واني رحت نمت بحضنه ظليت حاطه راسي عل صدره ومااريده يصحه ويطردني نمت واني بحضنه

(غزوان)  كعدت الظهر وراسي يوجعني حسيت اكو احد يمي نايم فزيت واشوفها ناز جانت لابسه شي خفيف ونايمه بصفي عطت بيها فزت وهيه تلم بروحها

شجابج اهنا ها وليش نايمه يمي وانت هيج لابسه ظلت ساكته ومرعوبه من عياطي وج احجي لاتخبليني من شوكت انت اهنا ها

من الليل اني يمك

وشصار بينا

نزلت راسه ومتحجي اني اتخبلت جريته من ايديها انت شجابج يمي ها منو كلج تدخلين الغرفتي

جنت نايم برا عل  قفنه انقهرت عليك ودخلت للغرفه وانت اااااا

اي لادكولين اني سويت شي وياج

اي اتقربت الي ردت اطلع انت جلبت بيه ومقبلت تعوفني 

جذابه

لا مجذابه

كومي ولي منا لا ابتلي بيج

گايمه ميحتاج تطرد بيه

تعالي وين رايحه وانت هيج لابسه ستري روحج

كامت عل حيلها واني اتفرج عل جسمها وشعرها لبست هدومها وقبل متوصل للباب گتله مرا لخ اياج تدخلين من اجي باليل مادخلج بيه افتهمتي

صار مثل متريد تحتاج شي

اي سوي الي زقنبوت

بعد تريد شي

لا ولي من خلقتي

من طردني من يمه وعياطه وصياحه ضجت وقبل مااطلع شتمتة بالفارسي وطلعت هو ضل يگلي شكلتي ها شكلتي اوكفي

لحكني للمطبخ بالشورت مالته وكل شافه هو اجه عليه وكلي شكلتي احجي

كلشي مكلت

اجت فليحه يمه شبيك لاحك البنيه بالشورت ضحك كل الي بالمطبخ

(زينب) ناز بارحه وينج ماكو باليل

باوع عل اخته ورجع باوع عليه(وعيونه تكلي لاتكولين انج جنتي يمي )

(ناز) جنت يم زوجي واني اباع عليه وهو يباوع عليه وحسيت روحي انتصرت عليه باوعت عل فليحه فرحانه وابتسامه عل وجها بديت احضر اله اكل واني اول مرا احس روحي ان كيدي عظيم وكدرت عليك يا شيخ غزوان

ام احمد

#ضحيه_ام_جلاد

ام احمد

البارت العاشر

قلوب تائهه &احلام ضائعه &نفوس معذبه&

هاي كلمات كانت تنطبق علينا اني وغزوان وسماح كل واحد بينا ميعرف يحصل الي يريده وبالمقابل ياذي غيره&

غزوان مثل طفل عنيد ومزعج وعصبي يريد بااي طريقه يحصل عل سماح بس مجاي يعرف  شلون صار اكثر عدوانيه ويايه بعد ذيج الليله الي نمت وياه بيها وصار ميثگل بالشرب حتى يكون واعي يفتعل مشكله حتى ياذيني بيها احسه مجروح وميريد احد يطبطب عليه ويواسيه &رغم ان بيت غزوان ماكو شغل الي بس امور الي يطلبها مني غزوان وفليحه وام عباس اغلب شغل يسوه بس نفسيتي تعبت اكثر مجنت اعرف شسوي حتى ارضيه ومااخليه يعصب ويهيني انقهر من يسب ابويه صح اني مشايفته بس رجل ميت ماكو داعي عل اقل حاجه يذمه جنت كاعده بالغرفه واجت عليه زينب غزوان عصبي ويريدج طبعا جان الصبح هو ضاربني گتلها هسه اروح اعرف راح يضربني بعد بس يمكن اني صرت المتنفس الوحيد لاافراغ غضبه دخلت للغرفه وهوگالبه گلاب ويطشر بالهدوم ضليت واكفه اخاف احجي من صياحه والهوسه الي مسويها جان ظهره عليه وهو ينبش بالكنتور ضليت بحاله خوف ياربي شلون ويه هل مخبل انتبه عليه

- وقزرقط متحجين وتكولين اجيت

-شنو الي جاي دوره

-قميصي ليش واكفه هيج انت وحده مخربطه وغبيه صار ساعه ادور وانت واكفه مثل ثوله متنلامين اصلج خرا

- هسه الكاه الك بس انت اهدء

-هو الي عنده وحده مثلج يعرف هدوء(جرني من ايدي ودفعني للداخل الغرفه) ظليت الم بالغراض ولكيته مجموعه قمصان  وكتله ياهو بيهم وبلا ميباوع گلي ولاواحد عرفت هو غايته تفريغ غضبه مو اكثر ذبيت القمصان ورحت وكفت گباله وكتله اضربني وارتاح

هاي شبيج تسودنتي

لا انت تريد حجه حته تضربني اني كدامك اضربني بلا ما تفتعل هل هوسه هاي ظل واكف ويباع عليه اتقربت عليه وكتله اذا جان ضربي يريحك اضربني كمشت ايديه وكملت اني راح اتحمل كلشي منك حتى ترتاح وترا موذنبي ان اني انفرضت عليك ضلت عيونه تلالي وخر ايديه مني وكلي لاتستغبين عليه روحي لمي غراض

حاضر المهم واسوي اي شي يرضيك (كعد عل جربايه واخذ جكاره وجر نفس )

اني تعبان اعرف انت مالج ذنب بس گلبي يريدها (كلماته تذبح من تعرف المرا ان زوجها يحب غيرها تموت قهر بس ماكو رجال يكول لمرته اني احب غيرج لهذا اني جان جرحي اعمق وماله علاج)

-خليني اساعدك (اتقربت عليه وكعد جوه رجليه حسيت اني امتصيت كل غضبه )

شلون تساعديني(اتقربت اله اكثر وصرت بين رجليه وراسي قريب عل راسه حطيت ايديه اثنينهم عل لحيته  وكتله اروح عليها واحجي وياها ظل يباع عليه مستغرب من فعلي هذا قربت راسه اليه وضميته الصدري حسيته اخذ حسره جبيره جنت مذبوحه واعالج جرحه ادوس عل نفسي وارضيه لغيت كل مشاعري وابقيت عل مشاعره هو حوطني ابين ايديه )

باجر اسير عليها (انتفض وگام عل حيله وگال )

لا كافي انذليت الها هوايه (ايباخ انذليت سيد غزوان وتگولها بلا خجل واني انذبح گدامك وميرف الك طرف) روحي منا هسه

كمت عل حيلي وكتله والقميص

ناز ولي منا هساع

صار (قبل مااطلع اتقربت منه وبسته من خده وطلعت)

(غزوان)  شكد اذل بيها تبقى هادئ ومحافظه عل هدوئها صابر عل كل خبالاتي جانت تحتويني بااسوء احوال رغم صغر سنها بس امراة جانت بقمة عقلانيه مرات اتصور هيه بلا احاسيس ومجرد كتله تتحرك بس هيه العكس تماما واليوم جنت بقمة غضبي كدرت تخليني اهدء وتستوعبني طلعت من غرفه واني اعرف اني جرحتها ومع هذا باستني من خدي وطلعت

(ناز)  مكسوره ومجروحه وداخلي يصرخ كافي وجع مجبوره اتحمل ويمكن اتحمل بعد اكثر اني مجبوره عل هل شي لازم اكسبه اكسب ثقته واحترامه حتى لوكان قلبه بغير مكان مضطره اصبر عليه واستوعب كل هفواته وانفعلاته اعرف املي ضئيل بس لازم اكافح واناضل بنص افكاري صاحتني فليحه

- ها يمه سلامات شصار (ابتسمت الها)

- لاتخافين مصار شي هدء

- يمه انت زينت نساء فدوة الگلبج (طبطبت عل جتفي وراحت )صعدت الغرفتي جانت زينب ماكو استغليتها وكعدت ابجي اريد ارتاح بس راحه ممكتوبه الي

(غزوان ) بدلت وطلعت دزيت اشرف عل بيت شيخ خالد حتى يجيب الي الولد وكتله يوديهم عل بيت واني رحت اسهر بس ظل موقف ناز بالي وتصرفه ويايه ماشربت ولا سويت شي مجرد تقضيه وكت رجعت عل بيت والكل نايمه دخلت الغرفتي شفتها معزلتها ومرتبتها ومحضره الي ملابس مال السبح اجاني شعور بالشفقه عليها تريد ترضيني واني نازل عليه مثل صاعقه ادمر بيها بااي طريقه سبحت ونمت

&&&&&&&&&&&&&&&&&&&&&&&&&    

(سماح) بعد اخر موقف بيني وبين غزوان والي صار وراها زاد كرهي عليه بالزايد وموقف امير خوفني ان يريد يقتل عمه وهو بعد طفل من ذيج اللحظه حاولت مااحجي شي كدامه بعد اخاف لايصرف شي مو زين ويروح ابني مني بديت احتويه واحاول اقلل من حجي عل غزوان حته لايزيد كره عليه وراها اجه رجال وكال شيخ غزوان يريد ولد شيخ فهد عصرني گلبي وخفت ليروح بعد مايرجعهم الي اني ضعيفه واخويه مايصف وياي وخفت ارفض ان انطيهم مااريد امير يحس بخوفي حضرتهم وكتلهم روحوا ويه رجال حسين جان فرحان بس امير ضاج بسته من راسه وكتله هذا عمك اكيد يريد مصلحتك

-يمه مااحبه اكره

- لايمه لاتكول هيج (حظنته) 

-روح يمه ولاتخوفني عليك

-يمه لاتخافين عليه راح تثبت الج ايام هل شي (باس ايدي وراح )

اخ يمه گلبي بس لا يسوي شي مو زين وهذا غزوان ياذيه شلون ياربي شسوي واحمي ولدي منه مااريد ابني يكبر عل كره وحقد ويفكر ينتقم من عمه وتضيع بدهاليز الظلام ورحه تصير تعشق الدم والقتل مااريد يصير جلاد اخر يقتص من الي ظلمه كعدت بالكاع ابجي واندب حظي لا زوج جان بيه خير ولااخ بيه خير وهسه اني لو اسلم ولدي لغزوان لو اني ولدي نصير تحت رحمته خيار اصعب من خيار وبخضم كل اني بيه اجتني فكره يمكن اكدر اخلص من غزوان واجرامه اي هيه ماكو غيرها حماي (جبر) هو يكدر يساعدني اروح عليه البغداد وادخل عنده دخيل بس شسوي لااخويه اخاف ميقبل لازم اگله واتصرف قبل ما غزوان ينفذ تهديده

******************************            

(غزوان)  كعد الصبح عل اصوات ضحك جان صوت ناز وزينب وحسين كاعدين واحد يصنف عل لاخ اصواتهم دخلت سعادة الصدري اخذت دوش وطلعت من شافوني اجه حسين وسلم وباس ايدي اما امير ظل يباع عليه بنظرة معتاده وبلا مينطق بااي كلمه اجه باس ايدي انتبهت ناز عل الي صار وظلت تريد تفتهم السبب كتلها سوي الي لكمه

صار (راحت حضرت اكل وجاي انتبهت عليها متلبس حجاب گدام ولد اخوي ضجت صح همه صغار بس ضجت ورحت ليمها وهمست الها عود ستري كفشتج مدشوفين ولد اخوي موجودين باوعت عليه برائه وكالت صار راحت حطت شي براسه واجت تكمل شغل جانت ناز مطيعه كلش وخدومه ولو اكول الها موتي تموت

هلمره جنت ناوي احرگ گلب سماح شويه واخلي ابنها حسين يضل يمي بس كلت غير مرا هسه خلي تامن بعد اكثر ظلوا يمي الولد اربعة تيام جنت اخذهم وياي للشغل واعلمهم عل كاع وومشاكلها اذكر من جنت بعمرهم جنت افلح واحصد وكلشي اعرف وشلون جنت اركض بالبستان الى ان خطفوني وصار الي صار كل ذكريات جانت مظلمه واليمه وتخلين بثورة من غضب صح انتقمت من مل الي اذوني بس روحي معذبه ماتعرف لا راحه ولااستقرار جريت نفس واني اذكر كل الي مر عليه انتبهت عل حسين يحفر بالكاع بالعوده صحت عليه تعال يول شجاي تسوي

عمي هذا بزون ميت واريد ادفنه

تعال لايصير بيك شي وين اخوك

ماادري عمي هساع جان اهنا

ظليت اتلفت منا ومنا هذا وين راح ظليت اصيح عليه ماكو جواب دزيت حمايه يدورن عليه بكل مكان صرت ركض منا ومنا هذا وين صار ظل حسين يبجي وكل انخبص باامير واذكرت اهنا اكو ترعه مال مي بس لا زلكت رجليه وغط بيها نزعت حذائي وطفرت بيها واشوفه غاط بيها جريت جر وطلعته عبالي مات ظليت اضرب عل صدره اريد يجر نفس سحبت المي من حلكه واضرب بيه ماكو فايده فقدت واني اضرب عل صدره مااعرف شصار بيه عل اخر شي جر نفس وعاط وبدا يكح ويطلع المي من حلكه مصدكت ان صحى حضنته ودمعتي طفرت من عيني ظل هو يصيح بويه راح اموت سكته اششش ارتاح رجعنا عل بيت مهبوطيين وصيتهم مايجيبون سيرة لااحد عل الي صار ظل امير طريق كله ساكت ومايحجي من اتقربنا عل بيت خالهم كمشت ايديه وكتله لاتجيب سيرة لاامك عل الي صار باوع عليه ونزل

اعرف اذا امهم تعرف راح تتخبل وراح تتهمني بالي صار وراح تحقد عليه بالزايد

(سماح)  رجعوا للبيت ولدي شفتهم مو عل بعضهم جان حسين مبين عليه باجي وذاك امير شكله مو طبيعي خفت كلت بس لا غزوان مسوي الهم شي ضليت اسال بيهم محد يحجي بيهم

حسين راح عل غرفه خايف وظل امير واكف ميحجي اني اتخبلت هذا شسوا الهم ضليت اهز باامير شبيك يمه احجي اخر شي كام يتاذئ من صدره وكلي صدري يوجعني لطمت عل وجهي ولك شسوه الكم احجي

يمه والله ماسوا شي

خليني اشوف صدرك

يمه ماكو شي لاتلحين خلين اروح ارتاح

جريت وجان اشك هدومه واشوف صدره كله احمر دم اتخبلت غزوان ضربك احجي ضربك

يمه عوفيني ماضربني

چا شسوه الك وهيج صدرك محومر احجي

وكعت بالترعه وردت اغرگ (ملخت خدودي واني اسمعه)

وعمي هو هو

ولك احجي هو شنو

نقذني يمه وطلعني من مي

كعدت بالكاع بعد مابيه حيل اكوم عل حيلي حضنته لاامير وابجي اوف ربي مااريد شي بس احفظهم الي ولاتحرگ گلبي عليهم

**********************               

(بيت شيخ ابو فلاح)

-يمه شيجيبها الج ناز هسه (ابو فلاح)

-اريد اشوفها قبل مااموت

- سلامتج يمه ليش هل فال شؤم بعدج بحيلج

- دز عليها اشوفها وريح گلبي

-صار يمه بس لاتتاملين جثير لان زوجه طگه ونص يجوز مايرضه يدزها

(ابو فلاح)  تعال حمد روح عل بيت شيخ غزوان وكلهم ان ام شيخ مريضه وتريد تشوف ناز

-صار عمي شيخ طلقه

************************             

جنت كاعد وافكر بالي صار وافكر برده فعل سماح اذا عرفت الي صار لاامير

دخل عليه واحد من حرس وكلي شيخنا بيت شيخ ابو فلاح يكولون ان ام الشيخ مريضه وتريد تشوف حفيدتها

-اي وشنو حفيدتها راح تشفيها گلهم مايرضه شيخ يدزها

-صار طال عمرك

بله هذوله هم عدهم عقل بطرانين

مرت ايام وماكو شي جديد حياة عاديه بين غزوان والبيت صح بعد يطلع خباله بس اهون من قبل وبيوم اني كاعده واجت فليحه وكالت بنتي ناز انت مؤمنه وصبورة والموت حق

كمت عل حيلي وكتلها يمه شكو

حبوبتج انطتج عمرها

انقهرت حيل صح علاقتي بيها جانت قليله بس حبيتها هوايه بااخص بااخر فترة ظلت دموعي تصب وطلبت من فليحه تخلي غزوان يخليني اروح عل عزا مال بيت عمي وره موافقه مال غزوان رحت عل بيت عمي من دخلت البيت الي فارقته صار فتره مو طويله حنيت اله وبديت ابجي ظليت كاعده اني وفليحه بس محد سلم علينا ولااحد عبرنا ومفاجاة شفت سجى وباايدها ولد عرفت هذا ابن وضاح رحت سلمت عل مرت عمي وسجى وبنات عمي جان وجهم ثگيل عليه يمكن جنت اصور سبب  اخر موقف بين وضاح وغزوان خلاهم يحقدون عليه بس طلع سبب  غير وماخفيه كان اعظم

وره ساعه اجيت اطلع اجت عليه مرت عمي

- ها ولج طلعت مو گليله شلون لفيت عقل عمتي واخذتي منها الذهبات

(اهنا مربط الفرس الذهب عبالهم اني ضحكت عل حبوبتي واخذت منها ذهبات ) جانت مرت عمي تصور اني بعدني ذيج ناز الفقيره مسكينه الي ضحكوا عليها وخلوها تتنازل عن حصتها بالورث وبعدين انطوها هديه حتى يكدرون همه يعيشون

- لا مرت عمي اني هسه صح مو گليله مو ذيج ناز الي دستوها حته تعيشون وذهب مرا من حست بمكركم انطتني اياها عن طيب خاطر تعرف يتيمه وزمن عليه قسه يامرت عمي كسرتوني واخذتوا مني الورث وتالي لاحكتني عل ذهبات صدك ناس ماتشبع اله بحفنة تراب كومي يمه انروح

-ها ولج عليمن هل حجي

-حجي هذا هو الحقيقه الي صارت والي انت سويتيها حتى تضربين عصفورين بحجر هم اخذتي ورث وهم اتخلصتي مني

جريت فليحه وطلعت واني ممصدگ اني طلعت كل القهر الي بگلبي عليها هيه الي كسرتني هل كسره الما وصلنا للبيت حسيت بدوخة مو طبيعيه اتجيت عل فليحه وكعدت عل قفنه اجر نفس حسيت روحي غابت ورها اغمى عليه

ام احمد