تحميل رواية «ضحيه_ام_جلاد» PDF

ضحيه_ام_جلاد

ام احمد

الجزء الثاني

الواحد وعشرون

من حركت گلبي اول مرجعت للبيت دخلت للغرفه وبعد مطلعت ابد ظليت ابجي وادعي ابني يرجع الي لان گلبي يريد ينفجر من حزن عليه لا اكلت ولاشربت شكد حاول ويايه وضاح بس اني مافتحت الباب ابد الي زاد حزني اضعاف من عرفت بعدين ان راح ينقلون فليحه عل بغداد وغزوان وام امير يرحون وياها يعني بعد وين اشوفها الفليحه وين اشوف ابني ظليت يومين مينه قهر وحزن واجتني فكرة مااعرف مين ماطول هو ماكو اروح اشوف ابني انتظرت الصبح يطلع والكل طلع عل شغله وضاح وفلاح لبست عبايه راس وتلفلفت ورحت عل بيت غزوان بالبدايه الحرس مادخلوني بعدين اشرف عرفني ودخلني ليجوه البيت فارغ مابيه احد نزعت العبايه ورحت ركض عل غرفتي اريد اشوف ابني قبل مااوصل طلعت الي زينب بوستها وكيفت بيه عبالها اني راجعه للبيت گتله لا جايه عل ابني وارجع &وجانت مفاجاة اول مدخلت الغرفه اكو مريه ويه ابني نايمه بفراشي من حست عليه فزت مني

منو انت وشسوين اهنا بغرفة ابني

اني مربيه تبعو

😒😒!؟ظليت افر بااذناتي هاي شنو ابنيه تطلع بالعشرينات جانت جميله كلش ومبينه مو عراقيه شگره ولهجتها مدري سوريه مدري لبنانيه هاي مين جابها غزوان افندي وين لگاها اكو هيج مربيه صغيرة وحلوه لا مو بس حلوه انما عبالك لعابه نسيت كلشي ابني والدنيا وظليت اباع عليه واگول اكو ان بالموضوع

تئبريين شو بدك؟

ها… شنو جنت مااعرف لهجته زين هو اني احجي گوه عربي وهاي مردي شتحجي

اني ام هذا الولد

وي حياتي شو هل وج الحلو فديتك

اخذت ابني بحضني وبديت ابوس بيه طلعت خارج الغرفه واني بالي يم ام تئبريني عساج بگبر عل هل خلقه شفت زينب وشافتني شلون مدهوشه

هاي مين

علمي علمج من سافر غزوان خابرني ان اكو وحده راح تجي تداري  علي وصدك لليل اجت وهيه تتمخطر ولابسه لبس وعياذ بالله منه

وام امير شافتها

لا بعد بس من تجي راح تعلگ

ظليت بذاك اليوم كله ويه ابني وكل شويه اشوفها ام تئبرني تروح وتجي عبالك البيت بيتها وشلابسه فوگ الركبه شبرين وبنطلون كابوي وتيشرت كيمونه وصدر دلع وشعر مفتوح بذاك اليوم رجعت للبيت عمي واني بالي يمها وهايه اكيد مو مربيه هاي وحده من استغفرالله ياربي شحجي شااكول مهم عاهدت روحي اروح يوميه اشوف ابني الى ان يجي هو من السفر وضليت اسبوع اطلع الصبح وارجع باليل شويه تحسنت نفسيتي هوايه البيت مابيه بس ام كفشه الصفره وزنوبا وجهال فهد وراها عرفت رجع جنت اتنمه اشوف وجه ام امير من تشوف ام تئبرني بالبيت 🤣😆شراح تسوي اعتقد راح تصير حرب عالميه ثالثه اوف اريد استمتع بالعركه يلا اذا جان الخبر اليوم بفلوس باجر بلاش انتظر واشوف

(سماح)  رجعنا للبيت بعد فترة اسبوع ويه عمتي بالمستشفيات جانت حالتها احسن وطلبوا ان تبتعد عل ضغوظ النفسيه ويكون اكلها كل صحي اني اخذت بنتي وصعدت لان تعبان هوايه واسعاف الي جينه بيها سطرتني راسنا سبحت ونمت للعصر يلا صحصحت ونزلت اشوف عمتي شخبارها غريب ان غزوان ابد مصعد الغرفته ولابدل ملابسه يجوز نام بغرفته الي جوه نزلت ورحت شفت فليحه نايمه ويمها زنوبا علمتها عل مواعيد ادويه وصيتها ان لازم تاكل كله سلگ وطلعت رحت ادور عل غزوان سمعت اصوات بغرفه ناز رحت عل غرفه ودخلت وشفت 😮وحده شايله علي وتسكته وغزوان واگف يمها بس هاي شلابسه ضليت صافنه وفاتحه حلكي انتبه عليه غزوان وگلي ام امير هاي مها مربيه ال علي ابني

شنو هاي مربيه لو… ..

ام امير اطلعي وبعدين نتفاهم

تئبريني كيفيك خاله ام امير اشتئنالك

انت شجاي تسوي يمها بالغرفه وهيه مصلخه

ام امير هيه هيج لبسها

هاي وحده من گح… ..

اجه عليه غزوان وطلعني من غرفه واني اريد املخها هاي ام خاله خلخاله بگلبها ان شاء الله دفعني غزوان وطلعني من الغرفه وسد الباب وهو يسكت بيه وحط ايديه عل حلكي دخلني للغرفه وبدا يكلي امي مريضه وميريد هوسه

شنو انت شبيك هاي منو وشعدها اهنا

كتلج مربيه

مربيه هاي دروبك مشيها عل ناز مو عليه هاي وحده من ساقطات مالتك

وج اسكتي هاي مرا محترمه واذا ماسكتي راح اطكج طگ

اضربني بس هاي دقيقيه متبقه بالبيت

لا مو كيفج زين هاي راح تبقه

هيجي غزوان شوف منو كاعد الك بالبيت

اذا طلعت من البيت بعد مترجعين افتهمتي ولاتصيرين غبيه وكبري عقلج

اختار لو اني لو هاي ام كفشه

استغفرلله ياربي لج بابه شبيج هاي مربيه مو ضره

اذا هيج اتي اجيب الك وحده تربي علي وهاي اطردها

مااطردها

وخر عني اني اطردها وجماله تگلي خاله لا ارعطها رعط اليوم

وج شمالج اتسودنتي گفي ولي

مااهدا ولا ارتاح اذا متطردها

هسه صعدي البيتج والله كريم

طلعت منه واني ناري مستعره شكلها ميفارق بالي لبسها وكلشي بيها يغيضني

(غزوان)  شفت الي سوته سماح ونار الي بگلبها من وره ابنيه السوريه طبعا هيه مو وحده مو زينه هيه مسكينه جانت تشتغل شافها اشرف واعجب بيها وجابها ال اهنا مرته من شافتها طردته واجه جابها الي هيه بااصل امها سوريه وابوها عراقي وساكنين بالعراق بس امها ماتت وابوها رباها من جابها اشرف اندهشت بيها وجنت مطرد ناز من البيت وهيه متعلمه عل لبس مامستور اخذتها الي وعقدت عليها بس عقد عد سيد بس من دخلت عليها طلعت ما بنت ضجت حيل منها وضلت تتوسل بيه ان تبقى للخدمه وان متجيب طاري لااحد اني زوجتها من ظليت اسال بيها عرفت ان هيه مرا مشتغله ومعتدي عليها ابو شغل يمكن لو غيري جان طلگها او قتلها بس اني شفتها تكون مربيه لاابني وبنفس الوكت اكو شي يغيض سماح وينكد عليها عيشتها

(ناز)  بعد استقراري بيت عمي وتيقني ان غزوان مراح يرجع الي ابني فوضت امري الى الله وبديت التهي ويه بنات عمي بالشغل جانت كريمه كاطعه مهر وبعد ايام زواجها من تطلع السنه مال عني عقبها تزوج اما وصال جانوا حاجين بيها بيت عمها وراها باايام اجت مرت عمي جبر وجانت جيتها هيه ان تبقى بالبيت نهائيا انقهرت هوايه اعرف هيه مطيقني وراح تاذيني بس مابيدي شي اسوي واني بداخلي كلتبعد مااريد ارجع ال غزوان وحتى ان ماطلگني ابقى اهنا عايشه كافي الذل الي عشته وياه وكل يوم متهمني بشرفي ويضربني وزائد هذا كله وجود ام تئبرني لحياته اكيد هاي متزوجها بس ميكول يخاف من ام امير &مرت اشهر واني اتعلمت اتجنب مرت عمي جنت اغلب الوكت اگضيه بغرفتي

كريمه ازوجت وصال كطعت مهر بقينا بس اني وياها بالبيت راسي وراسها مرات تعطف عليه ومرات تذيقني من لسانها المسموم بعده عرفت ان زينب ازوجت بلا مااحد يعزمني اشكد انقهرت وانقهرت اكثر لان حسيت ان فليحه تاخرت عليه هوايه حته ماشفتها من يوم العركه وغزوان طردني جنت اغلب الليل انام ودموعي عل مخده مشتاقه لاابني طبعا بطلت ادعي عل غزوان بس جنت ادعي ان الله يجمعني باابني جنت اتمنى اعرف شصار بالسوريه وام امير شسوت الها اغلب وكت اقضيه بعيد عن ناس اخاف من نظرات وضاح وتلميحات اليه ان اطلگ ونزوج اعرف مراح ارتاح لان امه متحبني وراح تظل تنكد حياتي جانت رغبتي اعيش حياة بدون رجل مافي الي شفته من غزوان افندي &عبرت اربع اشهر ومااشوف الا فليحه اجتنا للبيت وياها علاوي اني بذاگ اليوم الگاع ماوسعتني من الفرحه صح ابني ناسيني بس شفته وحضنته وشميته ردت الي الروح ضليت ابوس بفليحه واعاتب بيها لان عافتني كل هل فترة وتدري بيه مظلومه ماحجت شي المرا بس قبل متطلع گالت ترا غزوان اله نيه يردج يا بنتي بس هو يكابر وخشمه عالي فاانت ارجعي بلا ما هو يجيج رواحت فليحه واني متت قهر يعني فوگ ما هو ضربني واتهمني بشرفي وطردني يتكبر ان يجي يردني منو كله اني اقبل ارجع اله هيج اني ماعندي كرامه حتى ولا يجي عليه وياخذني لا ماارجع اله وااعرف كلش زين يومين تلاثه ويرجع يضربني ويتهمني لا هل مرا لازم اخليه يجي ليمي وارفضه كافي مذله اله مرت ايام واني قررت مااجع الي وكيفي

(غزوان) يمه انت كلتي الها ترجع للبيت

اي يمه كلت الها بس ظاهرة هيه متريد ترجع

ليش متريد هاي جماله فوك مااريد ارجعها وهيه مسوي الغلط

لا وليدي انت لوما مقتنع ان هيه بريئه مجان دزيت الها خبر ان ترجع

وهسه هيه متريد ترجع لو شنو

اكيد تريدك يمه بس انت شويه تنازل ورح عليها وطيب خاطرها بكلمتين

لا مستحيل اروح البيت عمها واشوف ابن عمها هذا افندي ويگعد يتفيك عليه باجر روحي عليها وكولي الها تعالي وياي ولاتاخذين علي حته تجي علموده

گول رجعت وهاي ام كفشه صفره

شبيها

مابيها عيني شنو بعد موقعها من اعراب

هاي تظل اهنا ممضايقه هيه احد

صارحني ابني انت مزوجها كلي ابينه الحجي مااحجي لااحد

لا يمه مامزوجها لاتخافين

اووف منك ماتنطي لزمه

(سماح)  جنت اعرف اكو شي بين غزوان وهاي سوريه بس هو باليل كله يبات يمي واني لازم عندي دليل حته اواجه بيه ااكيد راح يوكع واكشفه مرا من مرات شفت غزوان يعيط ويصيح عل فد واحد خارج البيت مقابيل بيتنا وراد يضربه بس وكفه واحد لاخ مبين هذولي اثنين غربه مشايفتهم قبل ولبسهم همات مو نفس اهل منطقتنا خليتهم بالي وظليت فترة اشوفهم اكثر اثنين مقربين ال غزوان بعدين عرفت من امير ان اسمر وسمين اسمه عباس والي افتح منه هو اشرف وهذولي همه من زمان ويه غزوان من ايام جان ابغداد لعب فار بعبي يعني هذولي همه مساعديه واكيد همه كلشي يعرفون عنه مبقى شي واعرف كلشي عن غزوان وسر هاي سوريه ذاك اليوم نسه مبايله وكعدت اكلب باارقام ولكيت رقم عباس ورقم اشرف بس مشكله انهم اكثر من رقم الهم احتاريت ياهو الي الهم ويستعملوه بعدين شفت سجلات الي بالتليفون وعرفت كل واحد ورقمه سجلتهم عندي حته اعرف شلون اتواصل وياهم

(ناز)  وره ايام اجت عمتي عليه وهل مرا طلبت وبصورة صريحه ان ارجع وياها الخاطر ابني بس اني قويت عزيمتي وگتلها ماارجع اله هو يجي وطبعا بداخلي جنت اكول ماارجع اله حتى لو يجي هو ماارجع اله بعد ملحت فليحه واصراري عل موقفي قررت تروح واني بوستها من ايديها وراسها وگتلها جيتج عل عيني

وعل راسي بس اني اريد يصير الي قيمه عنده طلعت فليحه مكسورة خاطر واني اجهشت بالبجي جنت مشتاقه لاابني اريد اضمه ال صدري بس لازم اصير اقوة واقوة من قبل حتى لا كل مرا يهيني ويضربني

(غزوان)  من رجعت امي ايد وره وايد گدام وعرفت هيه تريدني اجي عليها ضجت واتنرفزت هوايه جان ابدي اروح عل بيت عمها اكفشه واجيبها سحل بس اعرف مو هيج تنحل امور وخليها هيه اكيد تتندم وترجع بس جنت بداخلي نار عليها وبااخص من اعرف هيه يم هذا افندي الي خال راسه من راسي

بعد ان اخذت حمام رحت نمت ورايه شغل

(سماح)  عرفت ارقامهم وعرفت اشكالهم وانتظرت غزوان يطلع من البيت واول مطلع مديت راسي وطلعت من البيت ورحت گبل عل اشرف اتوشحت زين وسلمت عليه وسالته اذا ممكن نحجي شويه اجه ليمي وگلي تامرين امر دخلنا المضيف وطبعا ابني ويايه وهو واني كشفت عن وجهي هو نزل راسه بالگاع

امريني ام امير رگبتي الج

مااريد رگبتك اريد شويه معلومات

يجرالج بعد اخوج يجرالج

انت تعرفني كريمه وبنت كرماء واذا ساعدتني مراح اقصر وياك

ونعم منج ومن اصلج

اريد اعرف شي بس مااريد غزوان يشم خبر

اه اه صعبه هاي عمي انت ماتعرفين شكد صعب غزوان

اني اعرف انت صديقه من جنتوا ابغداد واكيد ايدك متلطخه بدم فهد

ها لا مالي شغل بشيخ فهد

اني مجاي احاسبك عل دم فهد اني اريدك تكون ويايه وتكلي كلشي يخص غزوان واني راح اكون كريمه وياك

واذا حس علينا

مايحس انت وعباس غربه واني راح اساعدكم هوايه انت بس صير ويايه

يجرالج بس لاتنسين عباس بكرمج

مراح انساكم بس انتوا تكونون ويايه وهسه اريد اعرف شنو سالفه هاي سوريه

ظل صافن عليه وخايف

لاتخاف مراح اكله شي احجي (واهنا خرط كلشي يعرفه عن سوريه من طكطك لسلام عليهم )گبت بداخلي نار وعدته بمكافاة وطلعت منه للبيت واول مدخلت رحت عليه وكمشتها من كفشتها واسحل بيها وهيه تصارخ موتته گتل وطردتها بعد ان هلست راسها تهلس وخربطت خريطه وجها وحته عضيتها وزوكتها تزوك

(غزوان ) رجعت للبيت جنت اول ماارجع اروح گبل اشوف علي بس ماشفت يمه مها سالت عليها محد يجاوب والكل خايف وساكت عطت بيهم اجت ام عباس وكالت ام امير طردتها وصعد عليها

ليش طردتها

ليش تكذب عليه وطلعت مزوجها بالسر

منو كلج

محد كلي اني سالتها وكالت الي ياجذاب جايب عليه وحده گح….. جان استحيت

لج لاتعيطين مااريد امي تسمع

لا الاافضحك گدام الكل واخلي الكل تعرف

متحملت طولة لسانها وضربتها وضلت تصرخ وتعيط ميفيد بيها وكتلها هاي سوريه اشرف منج وهسه اروح ارجعها

اذا رجعتها ماابقه بالبيت دقيقه وحده

الباب يفوت جمل روحي انقلعي وخلصيني من جهرتج وكمشته من ايدها اسحل بيها الى ان نزلتها من الدرج وطردتها خارج البيت من رجعت شفت امي واكفه عفتها ودخلت الغرفتي اعرف روحي غلطان بزواجي من سماح دخلت امي الي وگالت باجر تروح ترجع ناز وكافي عاد

صار يمه باجر اروح عليها واجيبها وميظل خاطرج اله طيب

ام احمد

ضحيه_ام_جلاد

ام احمد

الجزء الثاني

الثاني وعشرون

دخلت للغرفه وگلبي مليان هم وحزن صوت علي بااذاني يبجي وامي تسكت بيه اسال نفسي غزوان مكافي ظلم منا ظلمت اختك وزوجتها الواحد مجرم ومنا ظلمت ولد اخوك بطلتهم من مدرسه وشغلتهم فلح وسماح اذيتها بولدها ومنا ناز ظلمتها ضربتها واتهمتها بشرفها وحرمتها من ابنها وطردتها كافي غزوان ماشبعت من ظلم اصحى قبل ميفوت اوان كثرة اعداء حولك دليل انك غلط بغلط غمضت عين كانما اريد امحي كلشي سويته بس مستحيل حتى اخطائي صعب تصحح لي وجه الصبح غفيت ونمت حلمت حلم غريب اني امشي بصحراء وكاع هلكد ما جافه مفطرة ومتباعده لدرجه رجليك تعصى ابينهم جنت عطشان وريكي يابس كمت اتعثر ومااعرف وين اني عل غفله عصت رجلي ومااكمت اكدر اتحرك اباع عل روحي لابس مال افنديه وراها حسيت بحراره تطلع من جسمي من جتافي الما حطيت ايدي عل جتفي شفت شي لج لزج يطلع مني وحسيت بالم بيه وتخايلي شفت من بعيد رجال هوايه ردت اصيح عليهم يساعدوني بس اجاني شعور انهم يردون اذيتي مو خلاصي كمت احاول اطلع رجلي من حفرة واريدد اطلع وظلوا رجال يقتربون مني واني مذعور منهم وهدومي انترست بسائل لزج وردت اصرخ حسيت ايد انمدت عليه تخنك بيه واني ادفع بيه حتى اخلص نفسي وجان اكعد من نوم مخنوگ وعرگان والم برجليه الي جانت عاصيه بالحفره ريكي ناشف مسحت العرگ من وجهي وكمت عل حيلي رحت اشرب مي اتفاجاة الدنيا عابره العشرة عبالك قبل شويه نمت شفت امي حايره بعلي اخذته منها والعب بيه ظلت امي تكلي شبيك يمه مكوبس شكلك تعبان واذكرت الحلم اني عادة مااذكر الحلم من اكعد من نوم من ايام ماجنت بالمصح من جنت شوف امي بالحلم وافز واريد اذكر تفاصيل بعد اكثر بس مااذكر شي وهذا الحلم اذكر كلش زين سوت ام عباس الي لكمه اكلت وشربت جاي وطلعت عل شغلي تناسيت ناز وسماح وسوريه ظليت منهك بس تغفل الكل تسخت وتبدي تنهش بيك لازم توكف عليهم وهذا عباس اكبر سختجي ويريد بس اله جان هوايه يضايقني بس جنت اتحمل لان اعرف گلبه ميت ويگتل امه وابوه عل فلس هيج ناس تشتريهم وتتحكم بيهم مثل متريد بنص افكاري وسرحاني اجه عباس للمكتب وحط كدامي زمرة اوراق لازم اوقعها وكف عل صفحه يلعب بلحيته اكو شي انتبهت عليه ايديه اي ايديه وين شايفهم عبالك ذكرياتي اتخربطت من شفت ايديه حسيت بخنكه عجيبه انتبه عليه هو

-طال عمرك اليوم مو عل بعضك اجيب الك شي (عيونه المدعبله ونظراته مو مريحه)

-لا روح كمل شغلك الخنكه عندي زادت طلعت خارج المكتب عيوني مااكدر افتحهم زين بالشمس حسيت حتى الشمس ضدي بذيج اللحظه اجه علبالي اروح عل بيت شيخ فلاح باوعت عل ساعه وكت غدا واني اتخبل منهم مااريد اكل لگمه منهم رحت عل بستان امشي ماحبيت ارجع بالسياره ردت ارجع مشي وصلت للبيت كله مريت من بساتين واشجار تطخ بجسمي وگاع تصعد بيه وتنزل حتى ترع عبرت من قنطرة ايام ماجنت طفل واركض واتسلق اشجار جنت حتى نعال ماالبس عبالك بارحه جنت اكمز منا ومنا وفهد من يلگفني فوك الشجرة يملخني ضرب ومااتعظ ثاني يوم اضل اتسلق ولاادير بال للضرب الي اخذه من فهد  هاي افكار غزتني واني بطريقي للبيت الى ان وصلت جنت بحاله يرثى لها عرگان واريد اطيح من تعب اخذت حمام وطلعت اخذت علي ال حضني اباع عليه يلعب بسيارته عل جسمي بوسته كانما اقدم اله اعتذار اله لان حرمته من امه اخذته الغرفتي العب بيه هو يصعد وينزل عل جسمي ويمشي سياره عل جسمي اكيد هو بداخله يدور عل امه ليش هيجي غزوان تحرم الطفل من امه كلت باجر اروح عل ناز وارجعها وطفل اخلي يشبع من امه نمت واني ماادري بروحي

(ناز)  مشت اليوم عادي بين مرت عمي وضاح الي جان يلح عليه ان اتكيف ويه الوضع واطلع من دائرة الحزن الي اني بيها واتوقع اذا غزوان وعنْد ومقبل يرجعني ان اكيّف نفسي ولا اتامل هوايه اني مجنت اريد ارجع اله كل الي اريده ابني يتربى بحضني صح مرت عمي اقل حركه تخزر بيه بس هيه حاسبه حساب ان اني مرت غزوان وهذا اسم اله رنه بااذانه

من صبح كعدت وارش بالمزروعات واجه حيدر من بره جان حيدر مثل عمر امير تقريبا بس هذا اقصر من امير اشاقه ويايه وعيب عل طولي واني كل قصير فتنه ويضحك واني اداهره اكله اخذ وحده تقبل بخشمك الجبير ومااشوف الا سيارة غزوان وكفت بالباب وراح حارس يفتح اله الباب اني راسنا دخلت ليجوه واگول معقوله اجه عليه وين عنجهيته وخشم اليابس ظليت بالمطبخ اسوي الهم قهوه جنت اتمنى اسمع شيحجي ويه فلاح جان بس فلاح موجود وضاح جان بعده نايم اني هم مااريد يتواجه ويه وضاح اعرفهم مثل ديوجه يتناكرون كملت قهوه واخذه حيدر وراح رد طلع منهم وراح يكعد وضاح لان ميصير عيب ميجي ويكعد وياهم .خفت لايتلازمون مثل ذيج مرا بالمستشفى بعدين حسمت امري ان ماارجع اله كافي مذله اله اول تالي هو مو الي كله ال سماح واولادها

مرت ساعه ودز عليه فلاح ان احضر استجمعت قوتي ورحت عليهم اول مدخلت سلمت وكعدت مقابيله وعل جهتي اليمنى وضاح حسيت بوضاح وعيونه تگلي لاتضعفين گدامه وگدامه اناقته ولسانه هسه رفعت راسي شفت مبتسم ويباع عليه نزلت راسي واني اذكر الخيبات الي دخله الگلبي كل مرا يدوسني يدوسني گلبي هل مرا اجه دوري ارجع بيه كرامتي اني هم عندي ظهر هذا وضاح وهذا فلاح محد يجبرني عل ان ارجع اله قطع سلسله افكاري فلاح

-ام علي اليوم شيخ غزوان جاي يردج وهو يتعهد ان ما يمسج ولا يتبله عليج شتكولين انت اني انفذ

-شكرا ابن عمي انت عزوتي وحزام ضهري انت و وضاح (گلتها واني اباع عليه عيونه بيها بريق ولمعه )

-نسمعج ام علي احجي لاتسكتين

-اني من اول يوم رحت بيه عل بيته هو جان ميريدني وسواني خدامه اله وكلت لااجلكم اتحمل واتحمل ضربني وشتمني وكل يوم معاملته تكون اقسى من قبل وهاي اول مرا راح اگولها گدام الكل  هو مايتقرب مني ابد بيوم العرس وبيوم جان بيه سكران بس وراها  ازوج عليه وكلت اتحمل واصبر بس اكثر من مرا يتهمني بشرفي شرفي هو شرفكم انتوا ولد عمي وهاي عل ايدكم اخر مرا ضربني وطردني وحرمني من ابني(ضغطت عل ركبي قوي واخذت نفس)  اني مااكدر استمر اكثر وياه اسفه منك ابن عمي صبري خلص

عم سكوت الكل جانت عيونه عليه خفت اشيل راسي واباعهم لااضعف انتفض من مكانه بنفضته گام فلاح وضاح

-يجرالج ام علي هذا رايج عل عيني وعل راسي ومحد مات وره احد بس يكون بعلمج اني ومااطلگ وراح تبقين هيج (گالها وهو يباع عل وضاح كانما يكله هاي ملكي واياك تتقرب عليها)  نفض عباته بغضب وطلع  بطلعته كعدت عل قنفه وممصدگه الي سويته اني رفضته اي رفضته باوعت عل ايديه شلون متعرقات وفرگ بيهن حسيت اني خسرت ابني للابد بس اني حافظت عل انسانيتي لازم يشوفني انسانه ويحس بيه مو مجرد نزوة وتروح منه غمضت عيني قوي اريد استوعب الي سويته اني وكفت بوجه ورفضته گلبي ياذيني بس ميخالف خلي اتحمل شويه واصبر الى ان يعرف قيمتي عنده رجعت الغرفتي وعيوني لااراديا يصبن دمع وامسح الدمع ومايفيد قفلت الباب وتكعورت عل جربايه

(غزوان)  ماصدكت جوابها هيج رفضتني لا فوك هذا كله گدامهم تكلي مايتقرب الي هسه عبالهم اني مو رجال غضبت غضب عظيم وظليت اضرب بالستيرن مال سيارة وصلت للبيت امي تنتظرني من شافت حالتي مصدكت ان ناز ترفض الرجوع وخلت ايدها عل حلگها

-بعد مااسمع سيرتها ابد زين

-يمه اهدء اكيد هيه مو بوعاتها

-لا هيه تريد تذلني الها خلي تظل هيج لا هيه مطلقه ولاهي متزوجه وهذا ابن عمها الا اقتله هو سبب اكيد هو سبب ولااخليهم يتهنون

- يمه اهدء

-خلص يمه اذا احد گال اسمها بعد يحسب الله ماخلقه

دخلت الغرفتي واني نار بصدري من اةشوفه كاعده ويمها ابن عمها اتخبل زايد اذكرت اليوم باليل لازم نطلع جنت بتوتر خابرت اشرف وكتله انت استلم مااكدر اليوم اطلع وياكم حتى لااكلت ولاشربت وگلت الا ارجع سماح وازوج بعد غيرها ماكو مرا تومف بوجهي

(ناز)  وره اسبوع من جيت غزوان اجت فليحه عليه تعتب عليه وتلوم بيه بذيج ساعه انفجرت بالبجى وگتلها مااكدر اتحمل بعد ضرب واهانته وتجاهله اليه واني اشوفه من حضن مرا لااخرى ويمي مجرد شهوه كافي اني اريده يحبني مااريد شي منه بس يحبني ظلت فليحه ساكته اندعت الله يهدي سرنا وكالت الي ان ام امير زعلانه لان هم ضربها وهسه هو وحده بالبيت راحت فليحه واني بدوامه بين الشعور بالندم ان مرحعت اله وبين شعور بالفخر النفسي انه استمريت عل رفضي اله وانه لازم يحس باانسانيتي

للعصر اجه فلاح وحان يكلي ام علي غزوان مضورب طلقتين وناقليه عل مستشفى وحالته خطره سمعت الخبر وحسيت روحي راحت وماحسيت الا واني واكعه بالكاع

ام احمد

عذروني ان بارت قصير واني اتاخرت بس هذا الي كدرت اكتبه الكم بعد ان انمسح اصلي مني 😔🙁

-

ضحيه_ام_جلاد

ام احمد

الجزء الثاني

الثالث وعشرون

من صحصت عبالك جنت غاطه بير وراسنا اذكرت غزوان كمت ابجي واريد اگوم مرت عمي ضلت تكلي اثگلي لاتنطبين مرا لخ بس اني نادرت بال الحجيها طلعت اتوجه عل حيطان اريد اوصل الفلاح واعرف شنو اخبار غزوان اريد اسمع اخبار وخايفه ليروح يكون بيه شي موزين رجليه كوه اخطيها وبخوفه لمن وصلت الهم ضليت اباع بوجهم اي تعابير تحسسني باارتياح

-تَحَجيْ ابن عمي تَحَجيْ طمني

-ام علي ناقليه للمستشفى والله يلطف بيه (باوعت بعيون وضاح كانما يگلي اني مو حذرتج يجي يوم ويگتلوه ) غمضت عيني وگتلهم اروح عليهم للبيت

-ام علي روحتج البيتهم ماترهم بعد

-لويش

-اذا صار عل غزوان شي مراح احد يرحمج افضل نجيب علي وتكونين انت وعلي بحمايتنا

-من شنو تحمونا

(وضاح) ناز اكثر من مرا كتلج اذا غزوان صار عليه شي ام امير وعمامه مراح يرحموج

-اني حاليا ماافكر بس بشغله وحده ان زوجي (اباع عل وضاح) محتاجني ولازم اكون وياه اذا موصلتوني اله اروح وحدي

ضلوا واحد يباع عل لاخ بعدين وضاح گلي امشينا ونشوف تاليتها

طلعنا عل بيت غزوان وشفت زنوبا منهاره تبجي وباايدها علي اخذت علي منها وحضنتها ظلت تشهك وتبجي وتگول مااريده يموت ناز

لاتخافين غزوان قوي وراح يتحسن ويصير زين

-طلقتين ضاربه

-زوبا وين بيا مستشفى

-اسالي اشرف اني مااعرف

- اريدج ديرين بال عل علي واني اروح اشوفه (اشرت براسه بالموافقه)  قبل مااطلع صارت بوجهي سماح واولادها

(سماح) منو كلج ترجعين اهنا مالج مكان بينا افتهمتي (راد وضاح يحجي مخليته)

وضاح اتاخرنا امشينا

باعي لج لا عبالج تحصلين شي ترا كله ملك الولدي وهذا حقهم افتهمتي

عفتها وطلعت اعرف بيها همها الفلوس والمنصب سالنا اشرف ودلنا عل مستشفى طلعنا بوجهنا عل مستشفى اول مدخلت جانت خبصه سبب ان غزوان وياه كم واحد مصوب وهمين اكو واحد ميت والمستشفى مليان زلم معگله كوه دخلنا ودلونه عل مكانه جان مطلعيه من عمليات وحاطيه بالعنايه المركزه اول مشفت فليحه ركضت عليها وشبكتها وضلت تنوح وتولول عل غزوان بديت اصبر بيها الي افتهمته انهم صاير بينهم خلاف ويه جماعه وهذوله مبلغين عليه حرس الحدود الي همه راشيهم علمود يصفون غزوان وجماعته خفت لايكون خلاف ويه شيخ كاظم زوج زنوبا يعني راح تصير حرب جبير ومراح تهدا بعد اله دم يوصل للركاب كلها حرب جانت عل حدود ومحاولة السيطرة عليها واستفادة منها بالتهريب &

ظليت ادعي حالته تستقر الدكتور بلغنا انه يومين اذا عدت عل خير ومصارت مضاعفات راح يعيش لان وحده من طلق جانت عل بعد ملم من قلب ولخ باايده اليمنى طبعا وضاح وفلاح ابد ماتركوني واني جنت اخاف عل فليحه ليروح يصير بيها شي لان مبطلت بجي اني جنت ارجع باليل عل بيت غزوان وضاح يبات بالمضيف مقبل يتركني خاف من ام امير لتروح تسوي مصيبه الي وال علي حتى جان ينام مسلح خايف منهم (مجنت ادري ان الخطر هو من يحمينا وجان يمثل علينا دور حامي البيت طلع هو ينتظر اول زله حتى ينهش لحمنا ) الصبح قبل منطلع نروح باوعت عل اشرف وعباس جانوا مابيهم شي اتعجبت همه مفروض يحمون غزوان شو ذوله ولاعبالك جانوا وياهم ضليت اباع عليهم واحنه نبتعد عنهم جانوا يدخنون ويسولفون بينهم وصلنا جانت فليحه كلش تعبانه متت قهر عليها شربتها الدوه مالها وجبرتها تاكل لگمه خطيه گلبها محروگ عل غزوان شكد تقهر المسكين هو لو يحبها مجان اشتغل بهيج شغله وخل امه بهيج حاله.  الخوف الي بداخلي جان جبير جنت احس هو مثل الخيمه عل راسنا ولازم يتحسن واله سماح مراح ترحمني

(سماح)  عباس كلي شصار بالضبط

سوينا مثل مااتفقنا واحنه بوكت محتاجنه انسحبنا وعفنا جان مفروض يموت ام امير اذا كعد وحس علينا وخيانته راح يطير راسنا

-لاتصير مسودن هو محس عليكم من انسحبتوا صح

-شاكلج مينحزر الوضع جان والدنيا ظلمه بس هو مفروض يموت

-عباس اني راح اكرمك ومااقصر وياك

-ونعم منج بنت اجاويد

-بشرط (يفرك عباس بلحيته ويخلي ايديه عل رگبته)

-افديج بهاي

اتقدمت منه اكثر وهمست  مرا لخ انت تضغط عل زناد وتتاكد من موته

اتوتر عباس وانرعب من موقف صعب وظل يفرگ باايديه ويحگ صلعته

ام امير هذا غزوان مو اي واحد

لاتخاف اني وياك واشرف كلنا ضده هو مو اسطوره حتى تخاف منه مجرد ضغطه من هاي ايديك عل زناد وينتهي كلشي

(ناز)  مرت هاي يومين عل اعصابنا جان خوفي عل غزوان منا وخوفي عل علي وخوفي من ام امير واحس ان عباس واشرف اكو سر وراهم ولا مره جوي عل مستشفى وكله كاعدين وحد ويتبسبسون بيوم الثالث جان مفروض غزوان يحرك ايديه او رجليه اي شي بجسمه دليل عل تحسنه بس ماكو اي حركه اله وكله بجفه وفليحه وبجاها عليه يگطع الگلب.  استمريت عل هل منوال اسبوع من الصبح لليل بالمستشفى وباليل يم ابني اما سماح ولااجت للمستشفى ولامره وكلما ادخل للبيت تااذيني بالحجي جنت مااجاوبها ابد واتجاهلها مااريد مشاكل وياها واحاول اسايرها ماانكر خوفي منها ومن كل تصرف تصرفه ويايه

(وره عشرة ايام )

-ناز بعد ماكو داعي لروحتنا وجيتنا

-مافهمت شنو قصدك

-ناز زوجج ماتحسن ابد واتعقد راح يظل هيج وضعه افضل ناخذ علي ونروح البيتنا

-لا وضاح اني اعترف انك وكفت ويايه وماقصرت بس مااتركه واترك فليحه بهيج وضع

-انت مجاي تحسين بضرتج وشلون جاي تسيطر عل كلشي

-ما همني خلي تاخذ كلشي مجرد گومت من نومته هاي راح يصلح امور ويرجع كلشي المكانه

- واذا ماصحى فكري شراح يصير افضل ان احنه نتحرك وننسحب منا واريدج تگولين لاام امير ان انت مراح تطالبين بشي وان ابنج مراح يطالب بااي شي

-انت جاي تحجي كانما غزوان مات

-ناز صار عشرة ايام وهو بعده نفس حالته

-لا مراح اتخلى عنه

طلعنا ورحنا عل مستشفى وهلمرا جنت مخنوگه هوايه واريد ابجي بس ماااريد ابجي گدام فليحه دخلت للغرفه مال غزوان بعد ان لبست كمامات واجهزه بجسمه وهو عبالك نايم اخذت ايديه وبسته نزلن دموعي حارات عل ايديه گلبي يصرخ ويگله گوم شوف حالي وراك گوم شوف ناس تنهش بينه وانت طيب حطيت ايديه عل وجه ولعبت بلحيته غمضت عيني وفتحتها من فتحت عيني حسيت عيونه اتحركن مااعرف جان حلم لو حقيقيه گلبي كمز قبلي خارج الغرفه اصيح الدكتور اجه الدكتور وطلعنا خارج الغرفه وظلينا برا انلوب اني وفليحه وره نص ساعه طلع فرحان وگال ان شاءخير وهاي اول علامه لتحسنه مصدكت الي اسمعه باوعت عل وضاح حسيته ضاج وطلع خارج الردهه ظلينا بذاك اليوم كله نترقب ان يفتح عيونه علينا لليل رجعت واني كلي امل ان باجر هو احسن من اليوم وكلت ال زنوبا وطارت من فرح من حست علينا سماح ظل وجها يتگلب الوان وحسيتها ضاجت مدرت بال الها عفتها واخذت علي ال حضني ودخلت نمت بغرفته واشم بهدومه وبعطره

من الصبح كعدت ملكيت لا سماح ولا اشرف ولا  عباس رحنا عل مستشفى وجانت مفاجاة ان غزوان فاتح عيونه واحسن بس بالغرفه يمه جانت سماح وهي كامشه ايديه وتبجي وهو يباع عليها صدمتي بتصرفها خلتني اختض واضطرب اجيت وسلمت عليه واني مكدرت اضحك بسبب موقف سماح وتصرفها واستغلالها للموقف ضلت سماح كامشه ايديه واني بعيده عليه عدلوا اله نومته جان يتالم طلب دكتور منا نطلع كلنا علمود لايتعب اكثر من طلعت منه جنت اصگ عل سنوني صك رحت وكفت يم وضاح وماادري شااكول اله هو حس بالي سوته سماح ماكو گدامي غير ان اسكت جنت اسمعها تحجي ويه فليحه وتگلها روحي ارتاحي اني يمه كلماته جانت مثل فحيح الحيه بودي املخها واگلها لاتتلوين طلعيها  الحقيقتج بس هاي كله بداخلي اخاف اجاهر بيه ظليت اتحرمص وهيه تتلوگ ال فليحه واخر شي اقتنعت فليحه تروح عل بيت وهيه ظلت واكفه باب الغرفه ولاخلتني امد راسي للعصر ضجت ورجعت للبيت ميته قهر عل قلة حيلتي وسكوتي عل تصرفاتها وراها استاذن وضاح ان يرجع للبيت لان صاره هوايه تاركه اتشكرت منه هوايه وضليت افكر اني ابقى اهنا لو ارجع عل بيت عمي خاف يرفضني من يتعافى ويذكر اني رفضت ارجع وياها ويطردني لليل اخذت علي ودخلنا لغرفة غزوان وظليت اتگلب واتكلب الى ان اهتديت ان ابقى بالبيت انتظره وهو اكيد راح يعرف اني متخليت عنه لحظه وحده غفيت واني دمعتي عل خدي خايفه منه ومن رجعته عل بيت

الصبح اخذت علي ويايه وزنوبا ورحنا عل مستشفى من دخلنا للغرفه ابتسم النه وزنوبا راحت حضنته وتبجي وراها طلب ان ياخذ علي ال حظنه قربته اله وشمه لاابنه وظل عل يهموش عليه يريد يروح عليه خفت لاياذيه وخرت وظلت سماح مل شويه تذب حجي ان لازم هدوء واحنه جاي نقلق راحته جنت محضره اله شوربه وجايبتها اله انطيت علي ال زنوبا حته اوكله باايدي بس سماح اجت اخذته من ايدي وگالت التهي باابنج اني اوكله دفعتني وبدت تؤكل بيه شطت عل تصرفها واستعبادها الي اتمنيت اكفشها واسحلها ضليت اباع عليها توكل بيه واني اخذت ابني بعد مكدرت اسوي شي ابد

وره اسبوعين من صحوت غزوان رجع للبيت وصار عدنا عيد والهلاهل والذبايح والبيت انخبص خبص استقر غزوان بغرفته جوه وسماح مافاركته لحظه وحده وكلما اتقرب منه اتبعدني عنه ضليت اكل بروحي وظلت زنوبا يمنا وسوينا اكل للمنطقه كلها وجانت مفاجئه ان هيه حامل فرحت الها هوايه بس هيه جانت حزينه ومهمومه ضليت وراها حتى اعرف شنو سالفه

-زنوبا اني مثل اختج احجي الي

-شااحجي خليني ساكته

- كولي لاتسكتين

-ناز اني شايفه الويل ويه كاظم كارهته ابد ميعاملني زين مسيويني خدامه اله ونسوانه

-اتحملي ياعيني واصبري والله يفرجها عليج

-تعرفين اني بنفس اليوم الي صوب بيه غزوان جنت جايه زعلانه خلصني من ضرب وبدت تراويني جسمها شكد انقهرت عليهاوصبرتها ان تتحمل وهيه تفرج وظلت توصيني مااجيب طاري ال فليحه طبطبت عل جتفها وطلعت

وطول هل يومين سماح ابد مفاركت غزوان وكله هيه وياه وابد مخلتني ادخل عليه كلما اريد تمنعني بس هل مرا اصريت وگتلها خليني ادخل اشوفه

-روحي منا احسن الج

-ترا هو زوجي مثل ماهو زوجي وخري خليني افوت (كمشتني من ايدي قوي ودفعتني)

-لاتخليني احجي اله شصار وراه

-شصار وره احجي

اتقربت عليه وهمست بااذاني انت وابن عمج الي مفاركج ابد  ها ها ها

ظليت جمدانه بمكاني هاي شلون وياها ياربي نجيني منها ومن افترائتها رحت عل فليحه وكلت اكول الها احسن وتوكف ويايه ونفهم غزوان الي صار وراه شنو وانشرح اله شصرفت هيه وراه واني شسويت

ام احمد

ضحيه_ام_جلاد

ام احمد

الجزء الثاني

الرابع والعشرون

جان لازم اخذ قرار وبسرعه واتصرف قبل ما سماح تزرع افكار السوده عني براس غزوان رحت هل فليحه جانت تصلي كعدت يمها من خلصت حطيت ايدي عل رجليها

-يمه انت تعرفيني زين

-يمه زيِنَة البنات انتِ

بجيت وخطيت راسي بحضنها واشهگ

-لاتحركين گلبي ليش تبجين تَحَجْي

-ام امير تهدد بيه تگلي اله افضحج گدام غزوان ان جنت اروح واجي ويه ابني وتلمح اني جنت وياه بعلاقه

-اكص لسانها وعلي اگصه گله انت ماعفتيني وظليت وياي والولد ابن عمج ابن اصول ماتركنا وقام بالواجب هساع اروح وافضحها وعلي افضحها اذا اذتج

-فدوه يمه خاف مايصدگني ويصير مثل ذيج المره

-اني وياج وزنوبا هم تشهد الج راح اگله كلشي صار

-فدوه اروح الج يمه هسه قبل ماتسمم افكاره

-امشينا يلا

ورحنا عل غزوان نريد نحجي كلشي لكينا سماح جاي تضمد اله الجرح

(فليحه)  ام امير اريد انفرد ويه ابني شوي

(سماح)  صار خاله بس هذا الحجي بس الي لو كلام ممشمول لغيري

(فليحه ) ام امير لاطوليها نريد ابو علي بموضوع

-ابوعلي صار

-طبعا ابوعلي

-هاي وحده خاينه غزوان وراك استغلتها كله ابن عمها يبات بالبيت يمنا

-(غزوان)  هاي شبيكم شنو موضوع

(سماح)  مثل ماسمعت وضاح كل يوم يبات اهنا بالبيت من انت  جنت بالمستشفى

(كمش جرحه واتعدل وهو يتاوه من جرحه ) كافي اسكتوا ناز صدك ابن عمج جان يبات اهنا

(فليحه)  يمه غزوان ابنيه بس سمعت بيك متصوب ركضت عليك انت ولافكرت مثل غير ناس بالفلوس

(سماح)  لا تالفين عليه زين افتهمتي

اهنا صاح غزوان بعلو صوته وجه صار احمر دم

لج هاي عليمن تحجين امي خط احمر امشي اطلعي بره (تعب وگام يتالم وكمش جرحه) راحت امه عليه وتقرا عليه ايات رجع عاط اطلعوا كلكم برا سماح طلعت ويه تدردم واني ردت اطلع صاح لا ظلي لاتروحين من خوفه رجليه جبنن وكمت ارجف

(فليحه) يمه عل كيفك انت بعدك مريض وابنيه و ولد عمها شالونا بصلوات وحمونا معليك بالحربايه سماح

-يمه اطلعي هسه وخليني وياها

طبطبت عل جتفه وراحت واني ظليت وياه كل الحجي طار من راسي وظليت جامده بمكاني

-تعالي لبسيني القميص بردت قبل متجين قفلي الباب مااريد احد بعد يدخل (الخوف تملكني واتمنيت فليحه يمي حتى تساعدني بالحجي )اتقربت اله وبديت عل كيفي البسه القميص لبست بس ايديه اليسرى واليمنى جانت مشدوده عدلت اله مخاد وراه وانتجه غمض عينه ونفسه ينزل ويصعد

-ناز من جنت فاقد جنت غركان واحاول اطلع من المي والمي مغطي جسمي وحتى راسي وكوه اتنفس مرات ابلع المي وارجع اگحه بنص هذا شفت طيف كمشني من ايدي قوي وجرني لليابسه جنت تايه وهذا الطيف ساعدني اندل دربي (غمض عينه وبلع ريكه رجع فتح عيونه ) تعرفين هذا الطيف منو كمش ايدي قوي انت اذكرج اول مافتحت عيني شفتج گبالي بس سرعان ماختفيتي

كمت ابجي شال ايديه ومسح دموعي وكمل ناز انت مثل منقذ الي راح اصلح كل اخطائي تعرفين مشتاق الشنو

-شنو

-شعرج مفتوح ونازل عل جسمج وانت لابسه شي خفيف هو شعرج ساترج واني اشمه

-غزوان اريدك تسمعني

-اشششش هل مرا مراح اسمع احد ولا راح اصدگ اي حجي لا من سماح ولامن احد انت فوگ الشبهات ابتسمي لااجلج اعوف كلشي شغلي ومراح اذي بعد احد انت بطيبتج رجعتيني انسان بعد ان كنت وحش شكد اتمنى نرجع ليوم عرسنا واخذج بحضني اريد احضنج رغم جرحي الي ياذيني من اضمج راح يطيب الجرح

-هذا كله الي

-لو باايدي هسه اصلح كلشي بس بعدني ضعيف بس شويه اشد عودي اوعدج راح امشي عدل لااجلج ولااجل ابني

جرني اله وضمني عل جرحه

-ابقي يمي احتاجج هسه اكثر من قبل

-اني ملكك وبين ايديك

-اريدج متتواجهين ويه ام امير بعد اني اعرف شلون راح اتصرف وياها واحميج بعد مااخليها تاذيج روحي جيبي الي علي ديري بالج عليه منها بعد تباتين اهنا يمي انتِ وعلي

-خوفتني غزوان معقوله تاذي طفل

-سماح انسانه كلها حقد هسه والحاقد ياذي الطفل قبل الجبير اني اذيتها هوايه واذية ولدها هيه تريد هسه تنتقم مني اريدج تسوين روحج ثوله وكلشي متعرفين زين واني بس اطيب راح اتصرف

-حاضر مثل متريد لاتخاف عليه ولا عل علي

-اختي الي شمرتها هل شمره شلون راح انقذها من كاظم

-كلشي يتصلح ماطول صوتك بالدنيا وهاي عيونك الحلوت موجودة

-ايباخ عل هل رقه وكلام الحلو انت المنقذ مالتي انت حييتي قلبي الميت انت قتلتي كل كره وحقد جان بگلبي (قربني اله وباسني من راسي ) مااوصيج بعد عل علي

-صار ياعمود بيتي

-هسه ارتاح وانام انت الي بينا حتى لامي لاتگوليه خوش

-خوش

طلعت منه واني گلبي ينبض الف نبضه والفرح الي بيه ماتعادله الدنيا ومابيها اخذت علي الحضني واني روحي طايره بالسما واحلم باايام الحلوه الي راح اگضيها ويه غزوان

(غزوان) يكلك الذيب يظل شرس حتى لو تروضه اني جنت بنص الظلمه والطلق بكل مكان وحياتي عل محك بس عرفت بالخيانة الي صارت وحسيت باانسحاب عباس واشرف عرفت اني ميت لامحال بذيج اللحضه اجت عل بالي صورة علاوي بديت ازحف وازحف ايدي اليمنى متصوبه ودم ماخذني اخذ بس ابني انطاني قوة بالتشبت بالحياة احتميت بصخره بس سلاحي ماكو وايدي اليسرى ترعش مااكدر اصوب بيه وبلحظه صار شخص گدامي جانت ظلمه مكدرت اميزه بعدها حسيت بشي حار دخل الصدري ومعرفت وراها شصار بس الي حسيته اني بمي ودا اغرگ جنت بالفعل غرگان ونفسي مگطوع وفجاة الطيف ساعدني وانتشلني جانت ناز واكفه عل راسي اول من فتحت عيوني شفتها او بااحرى حسيت بيها وسمعتها قبل متشوفها عيوني

من صحيت جنت غير انسان حسيت بنبضات قلبي حسيت بشعور جان مقتول بداخلي صارله 18 سنه گلبي المتحجر بدا ينبض اكو بداخلي انسان جان مغيب وهسه انتفض ووخر عنه التراب حسيت اني انسان وعندي انسانيه انزاح من گلبي الكره والحقد كعدت نفس الشخص الي جان يركض بالبستان ويلعب ويحب الناس ناز هيه سبب صحوتي وقررت اقربها الي واحسسها بمشاعري نحوها وبنفس الوكت لازم احذرها من سماح انتظر اتحسن واني اصفي حسابي وياها ويه عباس واشرف وحته كاظم الحرب الي راح ادخلها حرب جبيره ولازم اكون كدها

(سماح)  تطردني وگدام هايه نص متره زين غزوان اني اعلمك راح اشوفك منو سماح واخليك تتمنى الموت اعرف نقطة ضعفك راح الوعك عل ابنك راح اخليك تحس بيه من خطفت ابني مني لازم اضوگك من الرعب الي عشته اني جنت انسانه واخاف الله بس دخولك الحياتي حولتني الى كتله من الحقد والكره راح اضوگك الي ضگته منك العين بالعين والسن بالسن والبادي اظلم

(ناز) خوفي عل علي جان جبير اتحولنا عد غزوان صح هو ضعيف بس حسيت يمه باامان عيون سماح تراقبني بكل مكان اروح اله مر شهر. وغزوان صار احسن بس بعده يتعب بساع ابد مطلع خارج البيت ومن عرف بزنوبا حامل انقهر حس بالذنب لان انطاها ال كاظم جنت اشوفه مهموم هوايه ويفكر هوايه حسيته وحيد لان گدامه حرب وهو ماله ظهر اول اعماله جانت ان رجع ولد اخوه للمدارس وراها خير سماح ان تبقى وياه او تظل وتبطل سوالفه وطبعا طلگ السوريه ورجعها عل اهلها جان حذر بكل خطوه يتصرفها جان حذر من المحيطين بيه

فليحه رجعت تعبت وحالتها بدت تدهور هل شي اثر عل غزوان هوايه وخلاه مشلوش البال باامه فكر يوديها عل الاردن بس هيه جانت تحس انها مراح تطول ورفضت السفر وضلت تكول انها تموت باارضها وتندفن باارضها من يومها وسعادة اختفت من وجه غزوان الليل كله هو يفز كلما يغفى يفز السلاح مافارگ ايديه حتى من انام يمه مايطخني مجرد يخلي راسه بحضني وينام حاولت وياه بس هو جان متاذي عل امه وحده من كليات فليحه اتوقفت ولخ جانت عل وشك انهيار ايام عصيبه علينا كلنا جانت الم وحزن سيطر علينا زنوبا تعبت بفترة حملها هوايه واجت يمنا لان هناك محد يداريها جانت فليحه رغم المها وتعبها جانت تخفف عن زنوبا

من اذكر هاي احداث الي مرينا يبها گلبي ينكرب ودموعي تنزل لاارديا رغم ان غزوان تحسن ويايه بس مرض فليحه وزنوبا وحملها اثر عل حياتنا

كلش زين اذكر هذا اليوم الي مرينا بيه كعدنا عل صراخ زنوبا عدها نزيف صاير التمينا حولها ونقلناها للمستشفى شاءت اقدار ان زنوبا هاي ابنيه ملاك الي هيه مثل النسمه ان تفارق الحياة كله عمرها 15 سنه والموت خطفها ظل غزوان واكف بالردهه مصدوم وهو يسمع ان اخته خطفها الموت اجيت كمشت ايديه وخرني وراح عل صالة الولاده يريد يدخل محد يرضه يدخله جان عباره عن اعصار وهو يدفع بالناس حته يروح ويشوف اخته الممرضين ودكاترة التموا عليه يردون يهدا بس هو صياحه وعياطه گلب المستشفى گلاب وهو يصيح بااسم اخته اخر شي تعب وكعد بالگاع يبجي مثل النسوان ويلوم بروحه الندم الي بداخله جان جبير اكبر من ان يتحمله انسان ضل يصرخ بهستريه هو سبب موتته اخته هو من باعها انسان مجرم حتى يكدر هو يعيش راحت زنوبا ضحيه عادات وتقاليد ظالمه راحت وهيه بعدها بعمر الورود رجعنا للبيت وهو ميعرف شيكول لاامه المريضه عن اخته الي ماتت بلحظه كلشي وكف وهوا صار ثكيل بريته حس كلي جاي يصير بيه هو عقوبه الهيه اله واعماله

ظلت امه من غرفته تصيح يمه وليدي غزوان طمني عل عزيزة گلبي كلي شخبارها وينك وليدي طمني

جمد بمكانه ميتحرك وعيونه يلالن جان يصك عل سنونه صك كعد بالكاع وحط راسه بين ايديه وميكدر يروح الغرفة امه المريضه ويگلها خبر وفاة اخته صوت بجى عله وكسر سكون الي جنه بيه رفع راسه للسما وصاح ربي اني ظالم اخذني اني ليش تاخذ اختي مني اني اخذني

طلعت امه من الغرفه تتجه عل حايط گوه وهيه تسمع صوت بجى ابنها ونحيبه قبل ان توصل النه وكعت فليحه بالكاع

(رب العالمين ميظلم بشر وظلم ميدوم وحق انسان مظلوم ميضيع غزوان جان طاغيه وظلم القريب قبل الغريب وموتت اخته ومرض امه جان نوع من عقوبه الهيه اله لحظات بس هيه مثل دهر مرت علينا و خنكتنه اطبقت عل صدورنا حتى النفس قطعته) 

ركض غزوان عل امه شالها ابين ايديه وهو يحاول يوصل للسيارة وينقلها للمستشفى وصار الي جان غزوان يعتبره اكبر مخاوفه فليحه دخلت بغيبوبه وظلت عايشه عل اجهزه مال مستشفى

بعد هذا اليوم الي اني اعتبره اطول يوم بحياتي غزوان صار غير انسان اتغير صار وحيد من اقل كلمه ينهار وحيد عزل نفسه عن العالم الخارجي يرجع من مستشفى يدخل غرفته وميطلع ابد الصدمه جانت اكبر من ان يتحملها عقله حتى علي ابنه ماعاد يفكر بيه ولايشوفه كلما ادخل للغرفه اشوفه كاعد بالظلمه ويدخن ومن افتح الضوه يكلي سديه كانما يختبئ بالظلام وميريد يواجه الحياة ولايريد يستمر بيها كانما يخفي معالم وجه الحزين بالظلام

وره اسبوعين احنه بالمستشفى طلب منا الدكتورة ان نزيل اجهزه عن فليحه وان ماكو داعي لعذابها اكثر بذيج اللحظه كعد غزوان بالكاع ويطلب من الله ينقذ امه ويبقيها عايشه ميريد يفقدها صراخه مله المستشفى وهو يطلب من الله يساعده يريد بااي طريقه امه تعيش ظليت اواسي بيه واقوي من عزيمته بس جنت كدام انسان محطم كليا

كبر غزوان بهذا الشهر خمسين سنه وعيونه ذبلت ماعاد ذاك رجل متجبر ماعاد ذاك الرجل متسلط مجرد انسان محطم يمكن الطفل جان اقوة منه وهو بهاي حالته

ام احمد 

ضحيه_ام_جلاد

ام احمد

الجزء الثاني

الخامس وعشرون

انسان من يفقد امه فقد كلشي حلو وياها حب ام لااطفالها هو سبب نجاحهم ام لاتعوض لا بزوجه ولا بااطفالنه بيومها من عرفت امي ماتت واني جنت سبب بومتتها انهاريت ماظل بيه قوة حتى صوتي ميطلع رحنا دفناها يم اختي زينب وكعدت بين قبرهم ابجي وانوح جان ليغاد قبر غزوان اتمنيت لو صدك اني ميت ولا مار بهيج يوم اني سبب دمار لعائلتي امي واختي ظليت كاعد بين قبورهم يمكن اكثر انسان كرهته هو نفسي  كرهت روحي واتمنيت لو مختطفي قاتلني ليش ظليت عايش ليش مامتت بذاك اليوم

ان تعيش بندم هو شي ياكلك من داخل يضل ينهش بيك الى ان يخلص عليك نهائيا  تعيش حياة لا انت ميت ولاانت عايش تندفن بالحياة وتموت باليوم الف موته

الشي الي خلاني اعيش من جنت مخطوف هو وجه امي

الشي الي خلاني اتحمل المصحه واهواله هو وجه امي

الشي الي خلاني اجرع السجن وعذابه هو وجه امي

الشي الي رجعني لااهلي وخلاني انتقم من كل واحقق العدل هو وجه امي

هسه ماكو داعي للحياة صارت الحياة تخنگ مرت تلث ايام وامي ماكو اطب للبيت اصيح يمه وينج كلشي مات بداخلي انطفى برحيل امي

(ناز) موت فليحه كسر غزوان وكسرني اكثر المرا عاملتني احسن معامله حبتني احتوتني نصرتني ساندتني فليحه مثال المراة الصبورة مكافحه

البيت اظلم الكل يبجي حتى ام امير المرا بجت وشكت زيجها حسيتها لااول مرا صادقه وحزنها جان نابع من داخلها حتى اولاد فهد جانوا يبجون البيت كله دخل بحزن عميق &وره الفاتحه عزل نفسه غزوان واختله لروحه ماعاد يهتم بحواليه نفسيته مكسورة حتى صوته صار مهزوز وبيه كسره نسه ان هو ذاك ظالم قاسي متجبر انحنى ظهره وعيونه ذبلن حتى شعره انترس شيب خلال شهر صار رجل بالخمسين من عمره

وره شهر من وفاة فليحه اجه البيتنا شيخ كاظم ذب علينا بنته بعده لحمه طريه ابنيه بس تبجي ماتسكت ظل غزوان ساكت وذاك اخذه حاصل فاصل وخله وطلع ظلت ابنيه تصارخ وغزوان نفس وگفته ولااتحرك عافها وطلع من سمعت صوت بجي طفل رحت شفتها فاحطه من البجي اخذته واني مااعرف منو هاي لان غزوان ماكال لااحد ان كاظم ذبها علينه حاولت اسكت بيها ماكو فايده رحت عل ام امير والشي الي جمعنا اني وهيه هاي الطفله جبنا اله رضاعه وحليب وحفاظات حاولنا نسكتها الى ان رضعت انشلع گلبنا محد اتجرا ودخل عل غزوان وسالناه هاي طفله منو جنت اتصور هاي بنته من علاقاته وام امير نفس تصوري ولااجى بالنا انها بنت زنوبا لان احنه معرفنا زنوبا شجابت التهينا بوفاته ومرض فليحه هم وفاتها لليل حطينا العشه ودزينا حسين عل عمه يصيحه جان حسين المفضل عند غزوان كلش يحبه طلع غزوان وكعدنا ناكل الكل تباع عليه ونتظر منه يحجي كلمه او توضيح منو هاي ابنيه بس غزوان ظل ساكت ولانطق بكلمه واني وام امير ماتجرانا عل كلام نهائيا راعينا ان هو كاعد ياكل وخفنا بعد ميطلع وياكل ويانه كمل اكل ورجع الغرفته اتفقنا اني وام امير يوم هيه تداريها ويوم اني الطفله جانت مزعجه بشكل ماتنام زين وظاهره عدها مشاكل باامعائها وره يومين اخذتها ام امير عل دكتور وطلع عدها سوء تغذيه انها جانت محرومه من اكل فترة طويله انطانها مغدي وانطانها دوه للغازات بالنسبه الي جنت اتعب هوايه لان علي صغير مو مال طفل وياه بس اتحملت گلت احسن ماذبها ام امير كلها براسي خليني ساكته

مشت ايام واحنه كل تصورنا هاي بنت غزوان الطلفه صارت احسن وبدت تشنش مشكله منعرف شنو اسمها كل هاي فترة محد حجه ويه غزوان ولاهو حجه كل الي بالبيت حبوا الطفله واكثر شخص اتعلق بيها امير يشيلها ويلعبها اما علي فجان غيران منها

مرات ام امير تكول لتروح تطلع بت حرام ومرات تكول بت متعه وحارت شطلعت قصص الها جانت من تحجي تعوج بحلگها ومن تشوف ابنها متعلق بيها تگول حظ گح….

لسانها ميبطل حجي بالموزين عل غزوان ومغامراته اني جنت بس اسمع ولااجادلها اعرفها لسانها زفر &وره شهرين بدت ام امير ترجع العهدها القديم وان غاب القط العب يافار وصارت هيه تتحكم بكلشي بالبيت حته بالشغل مال غزوان صارت هيه تديره من خلال عباس واشرف وعادي تلتقي بيهم بالمضيف وابنها امير وياها جانت تريده هو يستلم كلشي من غزوان الي صار حبيس غرفته…  جان گدامي خياريين اما استسلم وارضخ السماح او اقاوم واطلع غزوان من حزنه وكآبته

بيوم الي تاخذ سماح الطفله اني جنت اروح عليه واحاول احجي وياه واخلي علي گدامه يلعب واحسسه ان احنه محتاجيه بس سرعان ما يگوم يطفي الضوا ويروح ينام او يمثل علينا ان هو نايم حته يتخلص مني ومن محاولاتي اغلبها فشلت وياه جنت اتنمى فليحه عايشه وتساعدني وتقوي من عزيمتي وره عدة محاولات فاشله حجه غزوان وسال عل طفله اول مرا يحجي ويسال عل شي گتله بخير لاتخاف عليها صارت ترضع زين وتنام زين

-اريدج تعتني بيها زين خاف يصير عليه شي تداريها مثل بنتج

-لاتگول هيج طولت العمر الك واذا عل بنتك بلا متوصيني هيه بعيوني(اتفاجا وفتح عيونه عليه وابتسم ابتسامه خفيفه او يمكن تهيأ الي ان ابتسم )

-بنتي

-اي بنتك

-مو بنتي هاي بنت زنو…… وخنگتها العبرة

ظليت حايره الصدمه خرستني ولااكدرت اواسيه ظل لساني معگود وره دقيقه رحت حطيت راسه بحضني حسيت بنوع من ارتياح ان طفله مو بت حرام ولابنت متعه وهمين هيه من ريحة زنوبا حبيتها اكثر من قبل وكيفت ان اكو شي احفز بيه غزوان عل رجوع للحياة طلعت منه ورحت عل طفله اخذته وجبتها اله ظل يباع عليها وعيونه كلها دموع

تريد تشيلها

لا مااريدها اخاف اذيها مثل مااذيت امها

غزوان الموت مكتوب علينا وهيه اجلها الهنا انتهى انت مالك علاقه

كافي لادافعين عني اني سبب

استهدي بالرحمن اذكر الله

يا الله ناز تعبان تعبان اريد انام واكعد من هل كابوس اريد اختي وامي

اختك وامك يم ربك وهمه مرتاحين هسه واكيد ميردون انت تتاذه وهيج تسوي بروحك  اخذ شيلها انت خالها

لا مااريدها طلعيها برا

صار صار بس لاتعصب

طلعت ابنيه برا واني احس ان هاي مو اخر محاولاتي وياه شفت ام امير راجعه من بره وتنطي اومر لاام حسنين مدرت بال الها

-عيني خانم مو گلنا لا بس تفرفرين بالطفله وتعليمها عل حضن

-شوفتها ال غزوان

-لويش خانم شنو اشتاق البنته

-مو بنته هاي

- شنو ماسمعت زين

-كتلج مو بنته

-چا بنت منو

-بنت زنوبا وابوها ذبها عل غزوان ميريدها (شهكت )

-يمه بنت العزيزة واحنه عبالنه بت حرام

اخذتها من ايدي وبدت تحضن بيها عبالك مي بارد نزل عل صدرها التفت عليه وكملت

-وج خايبه شلون عرفتي

-قابل رحت عل سحاره وگالت الي هو گلي (عوجت بحگها )

-وشبيج عيني معاجبج خاف سبينا العنب اسود

عفتها لان اعرف اذا اظل احجي راح تزيد ظلت تتمهزا وتفر باايديها دخلت الغرفتي وحطيت الطفله بمهدها شكد انقهرت عليها امها ماتت وابوها اتخله عنها شلون راح تكبر بدون ام ولااب الله يحنن گلب غزوان عليها ويحتويها

خلال اشهر مرت علينا كلها حزن والم تقريبا سنة كامله عل موت فليحه او اكثر جانت جنى بنت زنوبا (هيج سميتها اني اسم )ستوها تمشي وصارت تصيح الي ماما ولاام امير هم ماما صراحه هيه ماقصرت وياها الطفله ودارتها يعني من تتمرض جنا اثنينه نسهر عليها ونخاف عليها يعني صار عدها اثنين امهات بدال وحده وصارت مدلله جانت جنى حلوه مثل امها (همزين مطلعت عل ابوها) وامير كلش اتعلق بيها بحيث اذا احد ضوجها حتى لو اخته يضربها يعني حسيته يحبها من كل گلبه وجان يضل يمشي بيها حتى تتعلم عل مشي بذاك اليوم انتبه غزوان عل جنى جان ابد مشايفها طول هاي سنة الي مضت لان هو جان كله حابس روحه بالغرفه محد يدخل اله بس اني او ام امير وحتى اكله گام داخل الغرفه دخل بحالة اكتئاب من شافها ظل صافن عليها وراح اخذها الحضنه ابنيه استغربت وگامت تبجي منه وتريد تروح عل امير هو ظل حاضنها ويشمها يمكن شاف امه اواخته بيها ابنيه ظلت تصارخ وهو حاضنها الى ان تركها جانت ابنيه مرعوبه منه حسيته مثل الطفل الي جان مضيع امه ولگاها صارت روحه ويه جنى گام يطلع من غرفه ويلاعبها ومن يشوفها نايمه يضل يتامل بيها غريبه حالته حبها ال جنى وبدا يصيح الها زنوبا الكل حوله جان متفاجئ بتصرفه بعد ان مر عام كامل عليه هو حبيس غرفته من شاف جنى تغير 360 درجه وگام يطلع من عزلته بس جنا نشوف تطور بس منعرف هو بعده عايش بالماضي بعده عقله يتصور اله ان امه واخته بعدهم عايشين يصيح مرات يمه وال جنى يصيح زنوبا ان جنت اريده يصحى ويشوف ام امير الي صارت عل راحتها بكل شي صح المرا ملتزمه وكل مقابلاتها بوجود ابناءها بس ناس بدت تحجي وين الشيخ ليش متغيب ام امير جانت تنتظر ابنها يصير 18 ويستلم المشيخه الي هيه تصورها من حقه وان غزوان اغتصبها من ابوه جان امير طويل والي يشوفه يكول اكبر من عمره بس هو عمره 16 سنه مو مال يكون الشيخ ويحكم لهذا جانت سماح هيه بظهره او جانت مسكته العالم وتكول الشيخ غزوان مسافر للخارج وبكيفها هيه واشرف وعباس يلعبون شاطي باطي باكيعان وشغل

(سماح) امور صارت كلها الصالحي غزوان وعزلته خلتني اقوي روحي اكثر واكثر صرت ادير كل امور بس طبعا امور تهريب عفناها مع ان عباس اصر ان نرجع. الها بس اني ماردت ابني يصير مهربجي ويدخل ويه احزاب الي هيه تمول هاي التجارة واكيد ابني يكبر ويصير مثل غزوان لهذا رفضت رفض قاطع ان نستمر بهاي تجارة وبقيت عل شغل العادي  احمي بيه ولدي وعائلتي ماعدت اهتم الغزوان او الناز ماطول مايوگفون بطريقي وابنيه ابد ماتستفزني ودومها تجنبني صح ابنها اكبر منافس لاابني بس اني مراح اتخذ اجراء ضد علي اله اذا حسيته خطر عل ابني

(ناز)  بعد خروج غزوان من غرفته صارت سلوته جنى ومن يشوف علي ياذيها يعاقبه رغم ان علي يحب ابوه ومتعلق بيه جان الحزن باين عل ابني والغيرة ماخذته من يشوف ابوه يلاعب غيره وهامله

وجود هاي طفله سوت حركه بالبيت اولا امير مهتم بيها زايد  وثانيا علي الي جان يريد يجذب انتباه ابوه اله وثالثا غزوان الي جان يصور هاي اخته زينب حاولت بكل الطرق افهمه انه هاي مو اخته وان هي اسمها جنى بس ظاهر وهو عايش بخياله وان عقله ااباطن الى هسه ممستوعب ان اخته وامه ماتوا كل يوم الصبح اغسل وابدل العلي والجنى وامشط الها شعرها وراها يبدون يلعبون سوا بذاك اليوم قررت اخذ غزوان ونروح للنجف عل قبر امه واخته بس شلون اقنعه حجيت ويه ام امير وكالت ان اشرف يودينا اني كيفت ورحت عل غزوان وحضرت اله ملابسه وبديت اگله نروح لمكان حلو وهو مثل طفل مستسلم الي وممعترض وفعلا طلعنا وكت الضحى الطريق كله غزوان ساكت ابد محجه ولاكلمه ويه اشرف الي جان يحاول بيدي موضوع وياه بس للاسف الصمت هو الرفيق النه لمن وصلنا لقبر زينب وفليحه ظل غزوان واكف ولاتاثر ولابجه ولانطق كلمه ظليت اسقي القبر وقريت قران وعگلت بخور عل قبورهم ورجعنا طريق روحه ورجعه هو محجه ولاكلمه ولافتح حلكه ولابين عليه اي تاثر حسيت ان غزوان مات من يوم الي ماتت بيه امه وهذا الي كدامي انسان اخر محطم عايش بااوهام وتخيلات وماعاد يهتم لاامري ولاامر علي فور رجعونا للبيت هو راح عل جنى يلاعبها

مرت اشهر ماكو تحسن بحالة غزوان يگضي وكته كله ويه جنى وعلي اذا حس بيه ظلينا عل هل منوال تلث سنين واجه اليوم الي يصير بيه امير شيخ وفعلا جان كلشي باايدهم وغزوان مثل طفل بحجم رجل كلشي اتغير وصارت سماح تامر وتنهي هيه وابنها جنت اعرف ان غزوان مجرد ان يصحى راح يتغير كلشي بس مرض غزوان طول ويمكن مراح يشفه منه ابد

الموازين تغيرت وعلي صار يفتهم ويحس ان هو منبوذ من قبل سماح واولادها ومن قبل ابوه الي جان عايش بالوهم

الحياة اطورت ودخول النت وستلايت لحياتنا غير كلشي بينا العمر جان يركض والي عرفته ان بيت عمي جبر امهم ماتت وضاح ازوج وحده من بنات عواد 'خوات غزوان كلهم ازوجوا بدايه 2012 عزلتنا سماح وقسمت البيت هيه واولاده وحد واني وغزوان وعلي وحد اما جنى ظلت ويانه ويجي كل يوم امير عليها يشتري الها نساتل وحلويات ويروح بدت سماح تفكر بزواج ابنها الشيخ وبدت تعرض اله بالفتيات بس جان دومه يرفض

يوم عل يوم خوفي عل علي يزيد جنت اعرف ان سماح تشوفه عدو لاابنها الي كبر وصار شيخ جانت تجينا كل جمعه تزورنا وتروح تطمئن ان غزوان بعده بسباته وتجس نبضنا وتروح بذيج الجمعه دزت عليه بدال ماتجيني دزت حوراء عليه لبست عبايتي ورحت عليها استقبلتني احسن استقبال

-ياهلا باام علي شرفتينا نور بيتنا بطلتج

-البيت منور بااصحابه

-شاي لو قهوة

-تسلمين مااريد شي

-ام علي اني ما بيوم حبيتج واني اعترف الج بهل شي بس مع هذا مااكدر اسبب الج اذيه او احرمج من ابنج مثل ماسوت خالتي بفليحه

-ليش تحرميني من ابني شسويت الج

-هو هذا الي لازم يصير ابنج هسه صغير بس من يكبر راح ينازع ويشارك ابني عل مشيخه (تحجي وهي تتمخطر بطولها گدامي واني جسمي يرجف من خوف من كلامها) وكملت تعرفين عباس واشرف مستعدين كلشي يسون علمودي بس اني مااريد اعيد ماساة غزوان اريدج انت تصرفين

- شلون يعني مافهمت عليج(اتقربت عليه وعيونها فتحتهم عل كبرهم وقربت راسها يم اذاني )

-انهزمي

-انهزم

-اي اخذي ابنج وانهزمي انطيج فلوس واخلي احد يوصلج وين متردين

-ليش اني مماذيتج ولا يوم وكفت بوجهج

-ناز اني جاي ارحمج اني اكدر بكم فلس اتخلص منج ومن ابنج بس گتلج اني مو خالتي واعيد ماساة (تحجي وهي تظاهر بالطيبه) انطيج شهر تختارين مكان الي ترحين اله تردين البصره الناصريه النجف كربلاء الكوت بغداد حته الشمال كله گدامج بس اهنا لا ممسموح الج

-وغزوان شسوين اله

-لاتنسين هذا عم جهال وزوجي مراح اذيه لاتخافين

-واذا سالج عليه وعل ابنه شتگولين اله

-ام علي ام عليوي اني ادبرها ثانيا غزوان هسه بحكم طفل مايدري شكو ماكو لاتخافين مراح اذيه اني كل الي اريده يرجع الحق لاابني ومااريد ابنج يشاركه انت اختاري لو تدخلين انت حرب مو گدها لو تنهزمين

هزيت براسي وطلعت منها ياربي هاي صدك تحجي وشلون بيه اني وحيده هسه ماكو احد يحميني منها لا فليحه ولا غزوان وهيه كلشي باايدها  وجاي تهددني عينك عينك يارب عيني اذكرت كلام وضاح من گلي انت مو گدها لاام امير حسيت بدوخه وردت اوكع كمشت السياج واني انزل من درج هاي اني شسوي شصرف وين اروح مااعرف احد وحتى اذا انهزمت ورايه شراح تگول وتالف عليه كلش عادي تكول انهزمت ويه واحد وتشيع عليه بالموزين الما وصلت الغرفتي تناوشت الباب وسديتها ورايه وكعدت ابجي واگول وينج فليحه تعالي شوفيني شحالي وشوفي غزوان الي صار مثل مخبل وضعنا وراج وهاي حربايه جاي تكلي انهزمي وين انطي وجهي هسه وين انهزم فكرت التجا الوضاح بس شلون هاي تروح تسلط الچلاب مالتها عليهم وتصير مصايب وقتل وشسوي اني بهيج حاله لا عيني خلي ولد عمي عل صفحه اروح عل بغداد احسن شي واخلص من هل عذاب بس غزوان اخاف اعوفه وتاذيه اكيد راح تتخلص منه ظليت افكر وافكر الى ان راسي راد ينفجر من تفكير بس اخر شي عزمت مااطلع اله اخذ ويايه غزوان ماابقيه تحت رحمتها

ثاني گتلها تحضر الي فلوس واني خلال اسبوع راح اختفي بس ماكلت الها ان اخذ غزوان ويايه اكيد مراح ترضى جنت ناويه انهزم بيه واهناك اعالجه واخليه يتحسن وهو راح يرجع قوي وياخذ حقي وحقه منها

ام احمد

كلما اصير زينه انزل الكم بارت لان بعدني مريضه😔😔

ضحيه_ام_جلاد

ام احمد

الجزء الثاني

السادس والعشرون

بزمن اختلطت بيه امور ماعدنا نميز الصح من الخطا بزمن صرنا بيه كلنا ضحايا ومقيدين بسلاسل بزمن صرنا منعرف منو هو جلاد الحقيقي النه كلشي انگلب واتغير وصرنا نخاف من خيالنا مجنت اعرف غزوان هو ضحيه لو جلاد ام سماح واولادها هم ضحايا لو جلاديين همه بالحقيقه بزمن ما انظلموا من فهد وبعدين اجه غزوان كمل عليهم وهساع همه دورهم باانتقام مني ومن غزوان

اوراق اتخربطت واتبعثرت وضاع الحق واصحابه ماادري المن الحق الغزوان لو ال سماح واولادها

الحيرة اكلت گلبي اكل وجتفتني كمت امشي واتلفت اخاف لا يكون احد يغدر بيه كمت ماامن بكل احد حتى الي يخدمن بالبيت كمت اتوجز منهن وابني علي مافاركته لحظه خوفي عليه خلاني افكر الف مرا يلا اخطي خطوه مااتحمل فكرة اني انحرم منه هو الي طلعت بيه من هل الدنيا كمت اغلق بالبوب واراقب الي برا يحرسون حسيتهم مو حرس لا حسيتهم همه الي يردون ينهشون لحمي ولحم ابني شلون اطلع من البيت واخذ وياي غزوان هو قابل طفل واگوده وراح يمشي وراي اكيد الكل راح تنتبه عليه واذا عفته اني متاكد سماح راح تقتله بطريقه تخليها هيه بعيده عن شبهات كلها ظليت اصگ عل سنوني مااعرف برد لو خوف ايديه تتراجف احجي ويه نفسي واگلها ناز هساع انت ماصغيره انت هساع 21 سنه صيري قويه وفكري لاتخلين بالج انج ضعيفه رحت عل غرفه غزوان جان نايم او حظي هذا راح نضيع وانت عايش بااوهام علگت الضوه وافتر مااعرف شبيه اذكرت سلاحه ظليت افتح بالمجرات الى ان لگيته شوفة السلاح الها رهبه شلته وايديه ترتعش بعدها احاول اكون قويه بس اعرف روحي هشه بس لازم اصير قويه مو علمودي علمود ابني كمشته بااثنين ايديه محاوله مني اثبت رعشه ايديه وخرت رز امان واحاول اصوب عل شي ظلت ايديه ترجف رجعت زر امان وحاولت اطلع مخزن مال طلق حس عليه غزوان ضل يباع عليه وبلا اي تغير بملامحه من شافني شايله سلاحه نطق كلمتين ورجع نام طفي الضوا 😐ولاعبالك بهذا العالم سحبت نفس ورحت عليه

-گوم غزوان انت تعرف شجاي يصير (دار ضهره عليه وحط مخده عل راسه لغايه منه انه ممهتم بالي يصير ) غزوان اني هسه بحاجتك ابنك بحاجتك (ماكو اي ردة فعل منه) زينب بحاجتك اختك تحتاجك وخر مخدة عن راسه وباع عليه واني باايدي سلاح

-انت احميها اني ماعدت قوي اني ضعيف

-گوم ساعدني اني بحاجتك(جنت واگفه گباله واباايدي السلاح )

گام عل حيله وكمش ايدي  والتاف حولي وصار ظهري اله كمش السلاح الي باايدي وكلي اذا تردين تعيشين وياه لازم تتبعين تلث تعليمات (يقصد السلاح) اولا رجفت ايدج بطليها ثانيا صوبي بمكانين واشر عل الگلب وراها عل راس ثالثا لاتركين بساحة المعركه مصابين حتى لو كانوا اطفال افتهمتي

-غزوان ابنك بخطر واني وانت كلنا بخطر ( عافني وراح علگ جگاره وسحب نفس ونفثه )

-مااكدر احميكم انهزمي

-بكل بساطه انهزم

-مااكدر احميكم اني قاتل اني جلبت لاامي ولااختي الموت ناز روحي واخذي علي وجنى

كلام وقع عليه مثل صاعقه اولا اعترف انه امه واخته ميتين وثانيا اسم بنت اخته گاله

-لاظلين هيج تباعين عليه كل مشكله اني مااريد اعيش واريد اموت اتركيني اموت اول تالي سماح راح تتخلص مني انت انهزمي

-يعني انت صاحي وجاي شوف شيصير وانت ساكت

-اني انتظر الموت عوفيني وروحي

-مستحيل اعوفك غزوان ارجع الخاطر ابنك الخاطر بنت اختك -(بعصبيه)  ارجع حته اسبب الهم الموت وتعاسه لا احسن اطلعهم من حياتي واني جاي انتظر الموت

-غزوان اول تالي سماح راح تقتل ابنك اني هيج اشوف

-انت گدامج حل تنقذين بيه ابنج انهزمي ناز احمي ابنج وابعديه عن هل حياة الي كلها كره وحقد وتنازع عل سلطه

-حرام عليك لو امك عايشه وتسمعك شجان ردة فعلها من تعرف ابنها مستسلم وينتظر الموت

-كافي امشي اطلعي برا وعوفيني لحالي

-غزوان اعرف اني باقيه اهنا وراح تشهد موت عائلتك گدامك وانت راح تظل مكتف ايدي وضعيف

- كافي كافي كافي

-اني طالعه بس مراح انهزم وراح اقاوم وهذا السلاح راح احمي بيه علي ونفسي وانت ظل عاين علينا وشوف شلون يتخلصون منا

عفته وطلعت وحسرة بكلبي جبيرة حتى دمعتي مانزلت اتاسفت عل وضعي وعجزي واتاسفت عليه وعل جبْنه وخذلانه اليه رحت گبل عليها الحربايه لبست عباتي وصعدت عليها الدرج جانت كاعده هيه وابنها امير وكفت گبالها اتفاجوا بشوفتي وظلوا مبهوتين

-شوفي ام امير اني باقيه اهنا ابيتي وابني اذا صار عليه شي محد يخلصج من ايديه افتهمتي

-لج اتسودتني وجاي اتهدين عليه للبيت

(امير) خيرج ام علي شكو شصاير

-امك هددتني

(سماح) لاتصدگها هاي مسودنه وتحجي الها وكيفها

لا متسودنت امك تكلي انهزمي لان علي يشكل خطورة عليك

(ظل امير يباع عل امه ويخزر بيها )

يمه هاي شنو مكافي قبل اتبليت عليها واتهمتيها مااقبل هل تصرف وام علي مماذيتني لا هيه ولا علي وعلي مثل اخوي صح ابوه اذاني بس اني مراح اخذه بذنب ابوه

-طال عمرك زينة العقل عندك امك هددتني بعباس واشرف

-لا روحي اني بظهرج واذا حسيت اكو شي يهددكم بروحي احميكم

-تسلم ونعم منك ومن اصلك واني اوعدك ان ابني مراح يطالب بشي ولاينازعك

-ام علي ابنج هو اخويه وابن عمي تكدرين تروحين هساع

عفتهم وطلعت وكلامه دخل الگلبي امان بس خوفي من امه لاتغيره وهيه حربايه كل شويه بالون بس وقت خنوع واستسلام خلص راح اظل اقاوم واحمي ابني واذا جان غزوان مستسلم اني هسه اجه دوري اصير قويه واحمي روحي واحمي ابني اخذت حمام بارد جنت احس روحي اغلي من موقف صعب ااي مريت بيه واني خاله اذني يم ابني ولعبه هو وجنى

ثاني يوم من الصبح طردت كل الي يشتغلون وبقيت بس ام عباس وغيرت كل كانونات مال ابواب وسويتهم نسخه يمي ونسخه يم ام عباس وباليل اقفل ابواب وصرت اني حارس وبالنهار انام بعد اني اوصي ام عباس ماتفتح الباب لااي مخلوق جان

بديت من اشيل مسدس 🔫 ماترجف ايدي حسيت روحي قويه او اريد اصير علمود ابني ماعاد اهتم الغزوان لان هو اتخله عنا وقرر استسلام .

جانوا بالعادة يوكفون اربعه حرس عل ابواب الخارجيه قررت ابدلهم اخذت تليفون غزوان وخبرت عل شيخ فلاح وحجيت اني بعازه اربع زلم يحموني ويوكفون عل باب بيتي اتعجب رجال من طلبي وصيته اهم شي يكونون مخلصين الي وفعلا زلمه ماقصر وياي ودز الي اربع زلم يسدون عين الشمس من دخلوا للمضيف رحت عليهم وقابلتهم

-اهلا بيكم من اليوم شغلتكم تحموني وتحمون ابني واني منا ورلةايح اسوي الكم راتب ومراح اقصر وياكم اهم شي انكم تكونون مخلصين الي وبس مني تسمعون اوامر

-صار وشيخ امير

-انتوا اهنا لحمايتي اني وتستلمون مني فلوس هسه امشوا ورايه طلعت عل بوابه خارجيه وكلت للحرس انهم ينصرفون منا ظلوا رافضين اوامر مالتي الى ان گتلهم هاي اوامر شيخ غزوان يلا انصاعوا الي واخذوا زلم الي دزهم فلاح مكانهم عفتهم ودخلت جوه البيت قفلت البوب وقررت اخذ راحه حته اكدر باليل اسهر

استمر هل حال اشهر لااني اشوف القرد ولاقرد يشوفني اعرفها مو سهله ومراح تسكت بس تريد وكت حتى امير ينسه وترجع تنفذ خططها

جانت ليله بارده ومابيها گمر مولدات عاطله وكهرباء ماكو علكت  شمعه والتفيت بروب ورحت اطمئن عل ابني رحت عليه شفت نايم مثل ملاك سديت باب غرفه ورحت عل مطبخ اباع من شباك عل حرس اول مادخلت للمطبخ ضربني هوا بارد يكص كص كانما باب مفتوحه حسيت رجليه اتخيطوا وكامن يطكطكن من خوف دقات گلبي من خوف صرت اسمعهن طفيت الشمعه وفكرت بالمسدس ايديه ترجف مااكدر اخطي ولااكدر اثبت عل روحي اول ماطلعت من باب المطبخ انطخيت بشخص طويل دعمني وكعني بالگاع مكدرت اشوفه ولاالمحه ظلام بكل مكان واني من خوفي عيوني گامن يسوربن ظليت اصرخ منو منو هو راسنا اختفى مثل ماظهر فجاة اختفه فجاة اتجيت عل حايط اريد اگوم عل حيلي حسيت ايديه بيه شي لزج وبيه ريحه زنخه من خوف حتى صوتي مگام يطلع وكمت ازحف اريد اوصل لغرفه غزوان حتى اخذ السلاح كلما اتقدم انطخ بشي داخلي يصرخ ويگول غزوان الحكني بس صوتي ميطلع من خوف الما وصلت الغرفه جانت باب مفتوحه كمت عل حيلي ودخلت اول مدخلت عثرت بشي مثل امدد بالگاع هيه وكعه وهيه عيطه مكتومه طلعت مني انرعبت بالزايد وكمت ازحف بعيد عن الشي الي عثرت بيه واني اصرخ بااسم غزوان الحكني رحت عل مجر طلعت مبايل جان بيه ضوا لمن علكت مبايل اباع عل ايديه ووهدومي كلها دم من خوفه وكع مبايل من ايدي واتفلش بطاريته وحد وبدي مالته وحد لاارديا طلعت مسدس 🔫 واني اصيح منو انت اطلع واصيح غزوان وينك اتهسترت من خوف نزلت للكاع واني ادورعل مبايل اتهمس باايدي بالگاع لكيت اجزاء لزوجة الدم وموقف خلاه نفس متسارع ودگات گلبي مثل الطبل الما شكلت بطاريه وبديت احاول اعلگ بالمبايل سمعت نفس ويايه بالغرفه جان يتاوه من الم بذيج اللحظه ياگاع انشكي وبلعيني خوف عماني بالزايد ولااجه بالي بس من جنت صغيره وبيت خالي من اسوي مكسورة جنت احشگ روحي بين الغراض واغمض عيوني عبالي من اغمض عيوني يعني محد يشوفني اني بذيج اللحظه جنت طفله مرعوبه من موقف مرعوبه من كلشي حواليه نسيت المبايل ونسيت الضوه وحطيت ايدي عل حلكي احاول اكتم انفاسي اريد اسمع هذا الي جاي يتنفس منو كل فكري انشل ضليت ايد عل حلكي وايد كامشه مسدس وترجف اتنمى ان يكون مسدس بيه طلق واكدر احمي روحي كلما احط ايدي عل حلكي تجيني ريحة الدم الزنخه وره دقايق اختفه النفس من الغرفه واني اخذت مبايل اريد اعلگ الضوا بذيج اللحظه اكتشفت ان مواقف مرعبه تخيط العقل وتوقفه عن التفكير ليش مااجه بالي اخابر عل احد يساعدني مبايل باايدي ليش مافكرت اتصل شكد جنت غبيه بذيج اللحظه ومافكرت صح دورت بقائمه اسماء طلعت اسم فلاح واتصلت عليه جان وكت حوالي 2 ونص ظل يدگ ميشيله رجعت اتصلت شاله وهو بعده نايم اول مفتح خط كمت ابجي بدون وعي ولاعرفت شااكول اله بس الحكني راح امووت

-ام علي اهدي خلي افتهم منج شكو شصاير

-ماادري كلي اعرف ان اكو رجال غريب اقتحم البيت مالتنه واني كلي دم

- جايج بويه بس لاظلين تبجين

-لاتسده فدوه راح اموت من الخوف

-لا اسده واخابر عل حرس برا يجوج يشوفج

وهذا خطا الثاني مالتي ليش مافكرت بالحرس الي برا ان اصيحهم ويجون يساعدوني سديت تليفون وضليت اگلب باارقام ذيج اللحظه ماضل عقل عندي حتى مافكرت ان هذا الي ملطخ بالدم منو ولا عرفت شصرف كلها اخطاء فادحه ارتكبتها واني جنت مرعوبه من دم وريحته وظلام وشخص الي وكعني بالمطبخ والبرد كلها عوامل خلتني ماافكر زين واغلط هل اغلاط كانت نتائجها وخيمه عليه

ام احمد

هذا البارت عيديه الكم

ضحيه_ام_جلاد

ام احمد

الجزء الثاني

الاخير

في الحرب بين الذئاب لاوجود للمصابين يجب ان تكمل عل كل ضحاياك والا فان مصاب يشفى ويرد عليك

وطفل ينضج ويرد عليك

يجب ان تجهز عل ضحاياك ولا تاخذك بهم رحمه

هذا قانون الي اني تجاهلته او ماحبيت اطبقه ودفعت ثمنه غالي بس ابو مثل يگول الضربه الي متقتلك تقويك ضربه الي اخذتها من ابن اخويه قوتني وصحتني من غفلتي ورجعت اقوة من قبل

مرات انسان يحتاج الى شي يوجع حتى يستمر بالحياة او يصحى من غفلته

جنت اعرف يجي يوم وراح ادفع ثمن اخطائي واعاقب هل شي جنت اشوف بعيون ابن اخويه جنت اشوف عوده يصلب ويقوه بعيونه العسليه اكو كره وحقد اتجاهي وجنت انتظر منه يجي ويواجهني وياخذ بثاره مني فااني من قتل ابوه اني من خطفه اني من حرمته من دراسته اني من ضربته وقسيت عليه اني من جعلت من گتله من الحقد والكره اتجاهي من جنت اباع عليه اعرف ان يكرهني وراح يجي يوم ينتقم مني

من ماتت اختي وامي كرهت الحياة واتخليت عن كلشي انهزيت وضعفت بجيت وصرخت جنت اتمنى اموت واسال نفسي هل موت يخاف مني !؟ ليش مامتت من جان عمري تسع سنوات لمن مختطفي ضربني حتى الموت ليش مامتت!  ليش مامتت لمن قتلت جاسم كلش زين اذكر هذا اليوم اجتمعوا عليه اكثر من حارس وباايدهم هراواة وضربوني لدرجه كل اضلاعي تكسرت واذكر طبيب گال هذا عجيب امره شلون يتنفس !! ليش مامتت من جنت بالسجن جنت اذخل بنزاعات مميته واضل عايش !!ليش مامتت من اشتغلت ويه اشرف وعباس ابغداد!! ؟من حميت فهد وانضربت طلقتين ليش مامتت؟ليش كل مرا انضرب واوصل للموت وبلحظه ارجع للحياة اخر مرا انضربت طلقتين وحده منهم تبعد ملم عن قلبي !! مع هذا ظليت عايش حسيت اني الموت يكرهني وميريد ياخذني ! الموت اخذ امي واختي اتمنيته ياخذني اني هم جنت اعرف منو الي راح يقتلني وجنت انتظره اول تالي يجيني ويصفي حسابه وياي

جانت ليله بارده وظلمه حسيت بحركه بالغرفه عرفته راسا هو جاي ياخذ ثاره مني سمعت باانفاسه تصاعد رغم ظلام الغرفه بس لمحت بريق بعيونه اعرف هاي اول مره اله بالقتل وهو ممجرب القتل سابقا لهذا جان متوتر وانفاسه مضطربه استسلمت اله طلع سجين مالته بذيج اللحظه اكو شي بداخلي استيقظ هو غريزه البقاء هاي غريزه احنه منكدر نسيطر عليها من اول ما شال ايديه وانهال عليه اني دفعته وكع هو بالگاع واني ردت اروح عل سلاحي بس هو جلب برجليه وگعني من وگعت انطخ راسي بشي مااعرف شنو دخت صار هو فوگ راسي وجان تعبان ويلهث شفت بيه حسن الي قتل اول مره اله من قتل جاسم نفس ارتباك نفس معاناة شال سجينه وراد يضربني عل صدري قبل مينزل عليه دفرته برجليه وكع بعيد عني بس اني اصابتي براسي خلتني ضعيف ومااكدر اگوم عل حيلي بديت ازحف عل بطني اطلب الباب واطلع من الغرفه بدا الدم ينزل من راسي عل عيوني وينگط بالكاع جانت ضربة راسي قويه مسحت الدم وبديت اتقدم للباب بس هو صحى وگام عل حيله وضربني بخاصرتي اليسره من حلاة روحي دفرته مرا لخ بس هل مرا هو وخر مني بساع وكمز فوگي يضرب براسي دم ترس ايديه وكامت تزحلق عل رگبتي جان صراع الحياة و الموت كدرت اطلع سجينه من خاصرتي بالم وبصرخه ونبتتها بفخذه عاط وخر عني بس گام وراها عل حيله وفتح الباب وانهزم ظليت اريد اوصل للباب مااكدر وفجاة وعثرت ناز فوگي وهيه تصارخ بااسمي اني جنت اسمع صوتها بعيد وجنت راح افقد بس هيه جفصت بمصاريني خلتني شويه اصحه حاولت اصيحه بس صوتي ميطلع مني ظليت اتاوه الى ان عيوني كمت مااشوف بيها ونفسي ثگل وفقدت

(ناز)  وره ربع ساعه اجه فلاح وياه الحرس وجان يصيح بااسمي حاولت اصارخ حته يسمع صوتي بس خذلتني شجاعه هو ظل يتصل عليه وسمع رنه تليفون مال غزوان عرف مكاني واجه للغرفه وباايدهم اضويه ودخلوا وياريتهم مادخلوا منظر جان يخوف غزوان غرگان بدمه ممتد بالگاع عل بطنه من منظر كمت اعيط واملخ بروحي رحت عليه وخليت راسه بحضني وابجي واحرك بيه بذيج اللحظه شكد كرهت روحي لو اني من بدايه مفتهمه الي صار وراسا مخابرة جان ما هلكد نزف حاول فلاح يوخرني ضليت مجلبه الى ان اخذوه الحراس وراحوا بيه عل مستشفى ضليت اكل بروحي والوم بنفسي ليش مصرفت. بديهيه ظليت ادعي الله يسلمه وينقذه خفت اروح للمستشفى اخاف عل علي ابني ليروح يقتلوه اله هم كل هاي ولا اجه بالي افكر منو الي سوه هيج او شلون دخل قاتل للبيت واني اقفل البوب !؟وشلون الحرس مشافوه !؟مين دخل ومين طلع !؟ انشل عقلي وصرت ماافكر زين تفكيري انحصر بنجاة غزوان وحماية ابني الى ان صبح الصبح اني ميته من خوف وتفكير ماظل عندي صبر ولا قابليه تحمل روحي لايبه اريد اسمع شي عنه اضطريت اخذ ابني واطلع بوجهي للمستشفى المستشفى مخبوصه خبص من غير الشرطه بكل مكان والي صار انهم متهميني بقتل غزوان  وتم حجزي واخذوا ابني مني كل شي جان ضدي اولا ماكو اقتحام للمنزل وثانيا بس اني عندي مفاتيح وغياب اداة جريمه ورابعا لو قاتل من برا ليش الحرس ماشافوه بالتحقيق من كثرة اسئله صابني غثيان وخوف ،خوفي عل غزوان وعل ابني جنت اجاوب عل اسئله واني حته بالي مويمهم ضليت بالحجز ولد عمي ماتركوني نهائيا كضيتها بجي ودعاء مو اخلص من دعوة الي مقامه عليه ولافكرت بروحي لا كل الي فكرت بيه هو ابني وغزوان والله ينجيهم ويحفظهم الي عدت يومين واني حالتي حاله الى ان اجه حارس وگال اكو زيارة الي فرحت ورحت عل وشفت وضاح دموعي يصبن واني اساله عن ابني وعن غزوان

-هششش كافي بجى ابنج يمي بالحفظ والصون

-وغزوان (عيوني سالت هل سؤال قبل لساني واحس گلبي يريد يوكف من خوف)

-شااكلج يابنت عمي جرحه عميق ونازف جثير اضربه جانت بجهة كليته ومسببه اله اضرار جسيمه اضطروا الى ان يشيلوها اله حالته حرجه وبعد فاقد ماحجه ولاكلمه

ظليت مبهوته وساكته معرف شااكول ضليت احسب عل سماح اعرف هيه وره هل شي بس ماعندي دليل الي يثبت ضليت اسبوع واني سين وجيم

(غزوان)  حسيت اني بغرفه كلها ابيض وصوت اجهزه داير مدايري والم بكل مكان عبالي اني ميت بس من بديت اركز عرفت اني عايش وهاي اجهزه مال مستشفى اجت ممرضه من شافتني فاتح عيني طلعت من غرفه عل سريع والتموا عليه اطباء فتحوا اضويه بعيوني وسالوني عن اسمي وكم سؤال بس اني سالتهم عن ناز زوجتي وينها محد جاوبني وضلوا يفحصون بيه الى ان رجعت نمت مرا لخ  وكعدت باليل شفت رجال مشايفه گبل اني لابس زي شرطه اتحمد عل سلامتي وبدا يحاول يشرح الي شغله وليش هو اهنا

-سيد غزوان انريد تحجي النه كلشي الصار من البدايه للنهايه كل صغيره هيه مهمه عدنا

-شتريد تعرف

-منو سبب الي انت بيه المن تتهم وليش حاول يقتلك

جان لازم اكون حذر بجوابي ماردت اتهم ابن اخويه صح اني متاكد ان هو بس اني لاشفته ولا عندي دليل يثبت هل شي

-حضرة ضابط مااعرفه هو رجل راد يقتلني واني تلاويت وياه (ماذكرت اني ضربته بسجينه لغايه بنفسي)  وراها تركني وطلع

-سيد غزوان انت تنكر ان حرمك هيه القاتله

-شنو حرمي شتقصد (حاولت اگوم )

-اهدء سيد غزوان انت بعدها حالتك حرجه

-وينها الزوجتي وليش،اتهمتوها؟

-لان ماممكن احد يدخل للبيت ويطلع بدون احد من الحرس يلمحه استجوبنا كل الحراس وانكروا انهن شافوا احد دخل للبيت او طلع قابل الي هجم عليك هو نزل من سما مامعقوله

سيد غزوان انت لازم تحجي كلشي والا احنه مضطرين نبقي مدعوة ناز علي بالحبس

-زوجتي مادخلها اني اتعرضت لمحاولة اغتيال وسبب عندي اعداء هوايه اكيد واحد من حرس متعاون ويه مجرم

-سيد غزوان انت بهذا حجيك تثبت التهمه عل حرمك

-ليش ؟

-لانها من فترة قليله قامت بتغير الحرس كلهم وحطت غيرهم "يعني هيه ممكن تكون متعاونه وياهم بالتخلص منك ؟

-لا زوجتي مالها علاقه الي هجم عليه رجل واني اتلاويت وياه

-اوكي سيد غزوان اعوفك ترتاح

طلع الضابط واني مااعرف شلون انقذ ناز ولااكدر اگول عل ابن اخويه لان مااريد قانون يعاقبه اريد اني اعاقبه عل طريقتي الخاصه

وكتها حسيت بغربه شديده لاامي ولااختي ولاناز

(ناز)  وره اسبوع اجاني وضاح وبشرني ان غزوان كعد وصحته احسن واني راح يفرج عني بكفاله لان الى هسه قاتل ماظهر ولا غزوان كدر يتعرف عل قاتل طلعت من قسم الشرطه گبل عل مستشفى وشفت نايم وتعبان رحت راسنا حضنته وابجي هو ظل يتعذر مني لان انحبست ولاكدر ينقذني

ظلينا شهر بالمستشفى ولاوصلت للبيت حتى ابني وجنى عند بيت عمي يوم الي طلع غزوان من مستشفى ست سماح قامت بالواجب هيه وعباس واشرف ذبحوا الذبايح وانطشوا وانلموا من رجعنا جان غزوان بعده تعبان بس جان داخله قوي مثل قبل رجع غزوان القديم الي يضرب بيد من حديد اول عمل قام بيه ان اشرف وعباس طردهم شر طرده بعد ان جردهم من كل ممتلكاتهم وبقه يراقب سماح من بعيد البعيد ورجع كل امور اله اما ابن اخوه فص ملح وذاب دز عل سماح واجت ليمه وجانت مزوكه ومتحضره عل اساس فرحانه ان زوجها طالع من مستشفى اول مادخلت ضربها وكدامي وحجى الها كل الي صار وانه هو راح يقتل ابنها گدامها ظلت هيه بالكاع يم رجليه تشهك وتبجي وتحلف ميت يمين انها متعرف بالموضوع وانه هو صرف بدون علمها وظلت تطلب منه ان يسامح لان هو بعده صغير ومندفع وان غزوان جبير ولازم يتفهم ظلت تتلون هاي مرا الها طريقه عجيبه بااقناع وتلون مكدرت اسكت الها وكلت اله عل تهديده الي والاابني كام وجها ينطي الوان ولاحجت شي بعدها بس غزوان كمل عليها وگال ان بعد مايطخها ويعتبره مجرد خدامه اله واني اني الكل بالكل ذيج اللحظه جانت اكبر نصر الي عليها وحمدت بداخلي الله وشكرته اني ماانهزمت وظليت صامدة بوجه هاي حربايه

رجعت الحياة مثل قبل ورجع غزوان يهتم الروحه والعائلته كلش زين اذكر ذيج الليله الي نمت بيها بحضنها ورجعني اله كاانثى وحسسني بحبه الي جانت اجمل ليله ذبت بيها بين ايديه وشفايفه الي كلهم شوق وحنين وحب

وره اربع اشهر جابوا النه امير الحرس جان بااحد مناطق خاتل جابوه مقيد وذليل

من سمعت سماح باابنها مكموش اجت مثل طير مذبوح تتوسل بغزوان ان يرحمه وظلت تبوس برجليه ان يتركه يعيش

-كوم عل حيلك ابن اخوي ليش هيج گاعد

اتقرب عليه وخر عنه حبل الي شاديه بيه وكشف عن فخذه الي جان بيه اثر السجين الي ضربها اله غزوان ظل امير ساكت وجان حالة تعبان مبين عليه لاماكل ونايم صاره ايام

-شراح اسوي بيك اريدك تكلي شااسوي بيك

-اني سويت الشي الصح اخذت بثار ابويه الي قتلته

-ونعم منك ماتنسه ثارك بس لازم تتعلم تصوب زين وان الذيب المجروح اخطر من الذيب الصاحي

-اقتلني مايهمني

-اوووو شنو هل شجاعه منك

-اني ابن فهد واذا ماقتلتني راح اضل اشكل خطر عليك

[سماح]  لا غزوان ماعليك منه اني اخذه ونطلع من حياتك ومانرجع لهنا ابد

-(امير) يمه لاتتدخلين ولاتترجين اني رجال ومااتوسل بااحد

-شوف ابن اخوي اني ربيتك واعرفك زين واعرف اذا ظليت عايش راح ترجع تقتلني مع هذا مراح اقتلك راح اجردك من كل حقوقك وراح احرمك من الميراث وراح اخلي العشيرة تتبرا منك وتطلع منا ومااشوفك ابد واذا شفتك راح اذبك للجلاب گدامك يومين تنهزم بيهم مااريد المحك بالولايه گلها

-اني اگلك ماطول اني عايش راح اظل اطالب بدم ابوي

-واني راح اسامحك وفكر زين بهل عفوا ولاتظل تمشي وره الحقد وانتقام راح تخسر نفسك قبل ماتخسر حواليك

طلع امير بعد ان ودع امه واخوه وبعدها ماشفناه ابد بس بقى غزوان كل ليله ينتظره وهو خال السلاح جوه مخدته

مشت ايام وطلعت حامل هل مرا فرحة صارت جبيرة وقرر غزوان ان يوديني سياحه لااربيل ورحنا اني وهو وعلي وجنى جانت اجنل عشرة ايام من رجعنا رحنا عل نجف وزرنا قبر فليحه وزينب

وره 9 اشهر جبت ابنيه سماها غزوان زينب مااخفي عليكم وراها هم حبلت وجبت ولد سماه مرتضى وهيج عشت ويه غزوان حياة اكدر اگول انها زينه الحمدلله والي گالت عليه فليحه ان اذا صبرت راح افوز وصار الي گالت عليه وهاي اني فزت بغزوان وصرت زوجته الوحيده وهيج خلصت قصتي اتنمى اخذتوا منها العبرة منها

واخيرا خلصت القصه صح تاخرت عليكم بيها بس ظروف وسامحوني انسان عبارة عن ظروف تحكمه .اتنمى ان استمتعم بالقصه واني كدرت اوصلها لقلوبكم قبل عيونكم وان اخذتوا منها العبره  ان الحقد وانتقام مراح يوصل انسان النتيجه ولاراح يدخل سعادة النفوسنا

انتظروني بقصه جديده ان شاء الله

اختكم ام احمد