رواية دخيله بنت الشيوخ الفصل الثاني عشر 12 - بقلم اوسار

#دخيله_بنت_الشيوخ
#عشگ_ايلول
بارت 12
بقلمي نوره ..

اي يمه وليدي لانروح ننكشف هي البنيه ماتصير الك
يعني ماحبيت اله وحده تصير بت خالي .. ومايصير اتزوجها لان امي شارده من الموت الي هم يردونه الها

اخخ ايلول انه شكد تسببت باذية ناس جن عبالي بس ابوك اذيتها .. انوب اذيتك يمه سامحني والله گلبي ماعاد يتحمل ..

سهله يمه سهله اهم شي انت وكلبج اطمئني تفرج وتخلص راح انهي وياهه كل شي واكللها انه اريد اتزوج ومنا النهاية هذا الشهر  اكللها تشوف غيري يوديهه .. وبعدهه نرجع للبصره ..

اي يمه هذا وليدي الي اعرفه انه ماخايفه بس على روحي خايفه عليك .. انت هم خاف يأذونك

الله كريم لاتحسبين الشي ابد انه تعبت واريد انام يلا تصبحين على خير

وانت من اهل خير

رحت لغرفتي .. وورثت جكاره وكعدت ادخن ..
واجت ابالي اسيل شون راح اجرحها شون راح اذيهه ليش انه مااكدر اعيش حياة طبيعيه .. من دون كل البشر مااجت بدربي غير اسيل يارب اكدر انساهه وهي هم تنساني وابتعد واخلص
وبقيت كاعد ادخن وانه على هالحاله دك تليفوني شفت اسيل .. تدك عفتها ماجاوبت كله رنة احسهه تدك بكلبي هي شون راح انساهه ..
واخيرا .. انكطع .. بعدها وصلت رساله منها
الو ايلول وينك اريد احاجيك مدام امي نامت

مااسيطرت على نفسي ومااكدرت اغلس عليها
خذيت التليفون واتصلت .. دك ردت
الو ايلول هلو شبيك ماترد
مابيه شي
شنو نايم وكعدتك
لا مونايم
جا ليش مارديت تدري انه استغل الفرصه امي نامت وخابرتك
تحسرت كتلها مااسمعته جنت بره
شنو هالحسره شبيك
مابيه شي ليش مبين عليه شي
اي هيج مبين
لعد باجر نحجي ماشي
اوك يعني هسه مانحجي
روحي نامي اسيل ..
اوك تصبح ع خير
وانت بخير

أسيل ...
شبي اليوم مو ع بعضه ومتغير سامع شي
يلا باجر تبين خلي انام مثل ماكال ..

كعدت الصبح بدلت .. ع وكت اريد اشوف شبي اليوم كعدت انتظره قبل الموعد الوب وافكر بي ماتحملت خابرته

ايلول ...
من الصبح ظلت تخابر .. عرفت تريد تكلي شبيك وماتصبر غلست ماجاوبتهه ..

بدلت ملابسي .. واريد اطلع شفت امي صبحت عليها وبستهه من راسها ..
يلا حبيبي سويت الريوك تعال تريك
لايمه تاخرت اكل بالسوك
بعدك ضايج عليهه تحبهه ايلول عذرتني يمه
حسيت بيج هسه ييمه
حبيتهه
حبيتي ابوي
اووف ابوك اله حراره بكلبي ماتنطفي حتى من اموت
الله يساعد كلبج ..بوستها ع راسها وطلعت ..

حركت السياره .. وطلعت وصلت لبيت اسيل دكيت هورن طلعت بسرعه يمكن واكفه يم الباب تنتظر
اووف بس تغيرت عليها شويه شصار بيها ماباوعتلهه ثواني ماتحملت .. باوعتلها اجت تمشي ومبينه متوتره .. 
دخلت صباح الخير ايلول (بحماس)...
صباح النور حركت السياره
ايلول شبيك مو ع بعضك ..
مابيه شي ...
متأكد والله جاي احس بيك شي ..
شكد تلحين الخاطر الله
يعني تتغير عليه بلحظه بدون سبب وماتريد الح انت بس كلي سامع شي انه مسويتلك شي
تحسرت باوعتلهه بالمرايه .. اسيل اسألج سؤال
اسأل
انه شنو بالنسبه الج
انت كل شي
يعني ؟!
انت حبيبي وروحي والله احبك ايلول فدوه لاتأذيني مووعدتني ماتاذيني بيوم ..
اتحسرت اسيل مابيه نصيب
شنو يعني
راح اخطب انه ومااكدر اكمل وياج
شنو تخطب .. شنو ماتكمل وياي ليش انه شنو لعبه
لا مولعبه بس خلص اعتذر على الي صار مااكدر اكمل وياج مابينه نصيب
اسيل ... بديت ابجي كتله صدك تحجي ليش شنو الصار ايلول وهيج تريد تعوفني
ماصار شي ارجوج سدي السالفه واعتبريني سايق اوصلج واجيبج الحد نهاية الشهر .. شوفيلج غيري

صدك جذب يعني طلعت ملعب حالك حال هذول الي يلعبون ع البنات
لا مومثلهم وسدي الموضوع جاي اكلج
مااسده انت والله مورجال تخليني احبك واتعلق بيك وابني عليك امالي واحلامي تالي تهدم كل شي بلحظه انه شنو ذنبي وشهكت بجي

ايلول .. ضربت ع الستيرن وركنت السياره عذبني بجيهه .. تبجي وتشهك  وتحجي ..
درت عليهه شفت الكلينكس البيدهه ذايب .. انطيتهه كلينكس دارت عليه كالت  ليش وكفت السياره .. كتلهه
باوعيلي اسيل عندج عمه اسمها هاله ؟!
منين تعرفها
كولي عندج
اي عندي يعني الهيج تريد تعوفني بسبب سواية عمتي بس والله انه مومثلهه ايلول انه حبيتك والقراآن انه تربيت غير عنها ماعندي احد بس انت اول واحد بحياتي ايلول عمتي جدي دللهه وخلاهه تتمرد وتسوي هيج والله
اسيل باعيلي اسيل
خلت عيونها بعيوني ودموعها تطيح عشره عشره .. اووف شسويت انه ياربي صبرني ماجاي اتحمل ..
اسوله انه ابن عمتج وانت بت خالي
شجاي تكول
اي اسيل انه ابنها .. واذا جيت خطبتج شون امي راح تنكشف ويكتلوها .صدكيني ماجنت اعرف انت بت خالي ولاجنت اعرف هي ديرة اهل امي جان ماجيت ولاعتبتهه ولاكسرتلج كلبج اسيل جاي احترك جاي اتحطم لاتشوفيني هيج . لازم تنسيني اسيل

مستحييل مستحييل شجاي تكول جذاب انت واحد ملعب وتلعب عليه عمتي هاله منيلهه ولد ورجلها انكتل وكل هالسنين هسه طلعت
ولج ثقي بيه .. ولج اسيل انه شكد اتمنى الزم ايدج واتحسس دفأ ايدج  وشكد اتمنى امرر اصابعي ع خدج واحس بنعومته بس اريد حبنا نضيف وطاهر مااريد نرتكب ذنب واحد بي ..شكد اتمنى احجي وياج حجي غزل وحب بس هم مااكدر خاف اتماده اكثر  ولج الهالدرجه احبج اخاف عليج من نفسي بس اخخخ شكووول للحظ .. كافي تبجين عفيه كافي ولج كلبي مورم وانت ببجاج هذا بططتي وظل ينزف كافي دخيلج
مااكدر ايلول مااكدر وياك حسيت الدنيا حلوه وراح كل الكبت مال اهلي وظلمهم وقسوتهم .. وياك لكيت الحنان وياك كل شي مااكدر انسئ وابدي من جديد مابيه راح اتعب هيج ..
انه ادري حبيبتي قويه وراح تنسى بسرعه صدكيني راح ابتعد عنج واساعدج تنسيني
شون انساك وانه اشوفك حتى باحلامي ..
راح احرك لازم اوديج للكليه لان تاخرتي وخاف احد يشوفنه واكفين مل شي يصير
لزمته من جتفه دار ظل يباوعلي كتله راح نحجي بغير وكت مو ايلول ماتعوفني فجاأه تره انصدم والله لازم اكو حلم  كلتها بتوسل بعيون باجيه وبحجي ..
ماكو حل بس هم راح نحجي
عفت جتفه وعدلت كعدتي  ونتجيت ودموعي بعدها تصب يباوعلي بالمرايه ويتحسر .. يروحي شلون بيه انه .. شجاني وحبيته . وصلت للكليه نزلت من السياره اتلفت واباوعله وهو هم ماوخر نظره مني شلون بينه احنه ..
شافني صديقاتي عيوني حمر كتلهم متعاركه وي امي واريد اكعد الوحدي .. اخابر ايلول مايرد يمكن مو يمه تليفونه
يمكن دخلت محاضرتين بس والباقي كله كنسلته
كعدت افكر شون راح انجمع ويا معقوله قصة حبي حالهه حال قصص الحب الي جاي تصير نهايتهه ماكو قسمه ولانصيب انعصر كلبي المجرد التفكير بان ابتعد عن ايلول واتزوج غيره ويتزوج غيري  هالشعور عصر كلبي عصر حد الالم انقمتت كلش
دك تليفوني . رفعته شفته ايلول جاوبته  كال هاا اسيل اكو شي بيج شي
جاوبته بحماس تعال اخذني ونروح ننهزم مثل امك وابوك انه مااتحمل ايلول ..
لا حبيبي ليش هالحجي هذا انه مااخاطر بيج يعني ماتعلمنا درس من الي صار بامي
ايلول مااريد غيرك ولااوبد تاخذ غيري انتحر والله
ولج اسيل شهالحجي تخبلتي بدل الوحده يصيرن اثنين محكوم عليهن بالموت
لا ايلول لا عفيه نسافر

للخارج ولا من شاف ولا من درى ...
لاعمري هي تبعاتهه خطيره وتهجم عوائل وبيوت ويمكن تصير عشاير هم  باعي هسه عندي شغل من نرجع نحجي ماشي
زين دير بالك على نفسك ..
وانت هم اسوله ديري بالج ع نفسج وكافي بجي
ماشي ..
ماافتهمت منه شنو عشاير العشاير شعليهه والله الاصت عليه صارت عويصه ..
كلبي نار نار ولاجاي ... تبرد ناره ..
كوه خلص الدوام اريد اشوفه ياربي زاد حبي وتعلقي بي اكثر من كبل .. خابرته
هاا ايلول جيت
جيت حبيبي تعاي ..
جايه ..
رحت امشي بسرعه اريد اوصل للسياره واشوفه
وصلت شفته طالع من سيارته وواكف ينتظرني
رحت اله امشي بسرعه .. وصلت اله وكفت يمه ..
باوعلي وضحك بس مبين الحزن بعيونه كال شبيج شو تتنفسبن بسرعه
جيتك اركض عبالي رحت وماترجعلي بعد
ههههه صعدي يله...
خليني واكفه اباوعلك
صعدي لا اكفخج بالتليفون اورم وجهج هسه
يمه صار بيهه كفخ صاعده عيني فتح الي الباب وطبيت بالسياره
حركها كتله ايلول لاتوديني البيت اهلي اخذني خل نشرد .
.ههههه مخبله مو صاحيه
هففف
وظلينه طول الطريق نحجي ونسولف ..
وصلت البيتنه وكف السياره بقيت كاعده
كال يلا ولج نزلي ..
خليني وياك مااريد انزل
نزلي ولج احنه كبال بابكم هسه يشوفونه يكولون جاي تلغي ويا يلا نزلي
انتظرك بالليل نحجي اي اكيد
اوك يلا باي حبيبي
بايييي ولاتكولين حبيبي
ليش
نزلي احسن
اوكي نزلت ...
احس تعلقت بي اليوم اكثر من كبل ..
ياربي صبرني ..
اول ماطبيت من الباب .. تلكتني امي .. سلمت عليها واريد اروح الغرفتي صاحتني تعاي اسيل
نعم يمه اكو شي ..
هي شدعوه هي حاطه عطر
شميت ملابسي يمه متوهمه ماحطيت عطر
خلصت حجي صفكتني راشدي ظلت تصيح ولج جذابه تردين الولد يتحرشون بيج حاطه عطر ريحته قويه
لزمت خدي .. ظليت ابجي على حالي يمه انه كبرت ليش تطكيني
واكسر راسج هم افتهمتي يلا ولي الغرفتج
عفتهه ورحت اركض للغرفه دخلت وسديت الباب وظليت امسح دموعي بكلينكس الي انطانيا ايلول بي عطر وامي شمته عبالهه انه مخليه عطر وهي المناديل اصلا معطره .. اخخخ نوب ضيم امي عليه ..
والله تعبت ..
مر اليوم عادي المغرب سوينه العشا ... وتعشينه واباوع للساعه انتظرهم ينامون واخابر ايلول ارتاح من ظيم الدنيا ...
حتى مالي نفس ادرس بالي يمه ونوب الدراسه صعبه ويرادلها خلك اكيد راح ارسب هالسنه ..
واخيرا نامو دكيت ع ايلول ثواني وجاوبني .. كال
اشتاگيتلج ياوجع گلبي ..
اووف ايلول امي بقت 7سنوات ماخلفت من خلفتني صرت الگلبك وجع عساني ماجيت وعسى امي ماخلفتني ..
اي والله من البارحه لليوم وگلبي يوجعني .. عليج ع فكره اكولج سر
شنو
امج هي الي شردت امي من البيت
ههههه صدك
اي اخخخ اسيل ولج راح اموت يعني ماكو غيرج توكعني
ايلول لازم اكو حل مدام اهلي مايعرفوك ابن اختهم
اي وشلون راح اتقدم
انت مو كتلي عندك ابو منو هو هذا الي سولفتلي علي ايلول ..
اي هذا الي تبناني وسجلني باسمه وباسم زوجته وكل الناس تعرفني ابنه ..
هي هيه محلوله .. جا خلي يجي يخطبني الك انت مو ابنه بعد شنو اهلي ماراح يعرفون ابد ..
شلوون ولج ماادري يرادلها صفنه خلي اصفنلها
وارجع احاجيج بالموضوع ..
زين احجيلي شعر هسه مدام ضايجين
مممم مايحضرني شعر
جاا شون نبقى صافنين
سمعي هي .. بيني و بينك ..
بلاد من العطش ..
و  زلزال ..  مجهول التوقيت .. 
و  جريمة عشق مع  إيقاف التنفيذ ..
اوووف لاتكول هيج ايلول فدوه لازم اكو حل ..
اي يالله خلي انام هسه واروح احجي وي امي بالموضوع
صدك
اي بس تره مو سهله
ادري نتزوج وبعدين نفلت عنهم شكلت
خلي يوافقون بالاول ..
ان شاءالله يوافقون ...
يلا روحي نامي
يلا تصبح ع خير ..

ايلول ..
رحت لامي جانت كاعده بعدهه كتلها اريد احاجيج
احجي يابعد روحي ..
يمه انه محد يعرفني ابنج ..
اي ..
راح اكول لابوي تمار يجي يخطبلي اسيل
بعدك مجلب بيهه ..
اي مااكدر يمه .. اتركها
شنو من عشك هذا يايمه انت مخبل اتركها تره حتى حياتك مهدده
اي يكولون انه مسودن بالعشك لان طالع ع امي
يايمه اندمت والله اندمت
يمه راح اخلي ابوي تمار يجي يخطبها الي هو مايعرف اهلج
يمه راح تقشمره مايصير
مثل ماقشمرني وخدعني وسنين وانه حسبالي هو ابوي
وشي ثاني تره .. هو يعرف اهلي مره طرش واحد يسال عنهم
يمته
كبل لاتجي للدنيا انت جنت ابطني ..
اي كبل 24سنه اكيد نسه هسه . وهم مو هو راح لا طرش واحد غيره ع كولتج يعني نسه
المهم يمه انه متمسك باسيل ... ورايح يوم الجمعه للبصره اخلي يخطبها الي ..
تخبلت انت تخبلت هي راح تجني بيها على روحك وعلينه وحتى على عشيرة شيخ تمار
شوفي يمه مثلما انت خذيتي ابوي بالكوه اخذهه انه بالحيله
واذا ماقبلوا اهلهه
محد يكدر يرفض شيخ تمار وخاصة وهم مااريد اكمل تعااال كمل شنو
يمه اهلج خسروا سمعتهم وحتى الشيخه مو الهم بعد ماشردتي هسه اكيد يوافقون اذا خطبتها
ووراها شراح يصير هاا كلي
ماراح يصير شي اخذكم واروح وينتهي كل شي
يمه انه الجمعه رايح اجيب ابوي وامي حمديه واخطبها
واذا كالوا وسالوا ليش ابوك بديره وانت بديره
عادي اكللهم اكو خلاف بيني وبين ولد عمي وحبيت ابتعد عنهم
هي شون بلوه انت وياك ولك كلي تريد تعم على روحك
لاء بس اسيل اريدهه وتصبحين ع خير
.....
ايلول
يوم الجمعه الصبح .. طلعت من الغبشه وخذيت امي للبصره وديته لبيتها كبل وانه رحت  لبيت ابوي الشيخ تمار حتى افهمه ع الموضوع واكله انه مو ابغداد بالعماره واريد اخطب وادعي كون يوافق ..
وصلت هناك للبيت تلكتني امي حمديه بوستها من راسها مشتاقلها شكد حنينه سالتها ع ابوي .. كالت بالديوان .. رحت طبيت بالديوان سلمت عليهم جانوا ولد عمي هناك من شافوني انرعصوا احس الكره من عيونهم يطلع .. ابوي فرحته بيه ماتنوصف .. من شافني بوسته من ايديه وراسه ..
بعد مااتغدينا وخلصنه .. حجيتله الموضوع كله ظل يحجي على امي كال هي امك عينها ماتنكسر ماتخاف عليك ماتخاف على روحها شلون تاخذك وتروح هناك
يابه هي صارت بعد
ومنو هي الي تريد تخطبها
يابه خوش ناس وخالها شيخ وبنيه مؤدبه ومحترمه

خوش  .. رتبها خلي امك تروح تشوفها
لا بويه اريد امي حمديه ووحده من خواتي يرحولهم امي خاف تنعرف تعرف لان ديرتها ومن هالحجي
انت متاكد من البنيه تريدهه اهلها خوش ناس مو كبل هيج تخطبها وماتعرف عنها كل شي
لايابه صارلي 3اشهر وياهه واعرفها كلش زين
خوش تمام .. حتى اروح وياكم .. واخذ امك والبنات يرحن يشوفنها ...
ان شاءالله تمام يابه
بس انت موزغير وانت مسؤؤل عن خطبتك هي خوش
اكيد يابه الله لايحرمني منك وبوست ايده
ورحت للشقه مالتي وظليت اتانيهه تخابر ابشرها ..
واخيرا خابرتني ...
بشرتها فرحت كلش طارت فرح
العصر خذيت ابوي وامي حمديه ..واختي  وامي
وانطلقنه للعماره حتى يرحون النسوان يخطبونها

تمار .. شفت هاله سلمت عليها كتلهه هاا شلونج
زينه ياشيخ انت شلونك زين ان شاءالله
بخير انت شون تاخذين الولد وترحين الديرتج ماخفتي .. علي على روحج
شسوي والله طكت روحي كلبي مااتحمل ابد شسوي ردت اشم ريحة ديرتي ..
المهم ورما يتزوج ايلول تجون عندي ...
ان شاءالله

ايلول ... وصلنا للعماره ارتاحوا اهلي ... ويوم ثاني الصبح بلغت اسيل ودزيت واحد البيتهم نبلغهم يجون النسوان يشوفونها اهلها كالوا هلا بيهم

اسيل
امي من عرفت ايلول يريد يخطبني ..  اجت يمي ودك تحقيق بينج وبينه شي وفتشت تليفوني نبشته نبش .. ابوي اجه يحجي ويا متت متت ردت اطيح من طولي
كلي انه واثق منج .. بس كليلي هو هم مضوجج يوم ماذيج شي مسمعج حجي  كتله لا ماضوجني ولاابد
للعصر حضرت نفسي بين الخايفه وارجف لاينكشفون وبين الفرحانه بايلول واريده باسرع وكت اريده
رتبت نفسي وعدلت روحي وامي تباوعلي وتفر بايدهه ماتستحين مستعجله ع الرجل .. ونزعي هالملابس ولبسي غيرهن شعدنه حفله لابسه ماروني
ضوجتني رحت لبست فستان .. جلد النمر طويل وويا شال .. لفيته لف ماطلعت شعره مني
اجو اهله وطلعت سلمت عليهم .. وقدمت الهم
الضيفه .. كعدت يمهم شويه جان يكولون احنه جينه نخطب اسيل لابنا ايلول ..
امي كالت ياعيني نتشرف بيكم بس احنه بتنا عود ابن عمها يريدهه لازم ناخذ رايه بالاول .... هذا مو بس حجيي ابوها هم كال هيج لان هي من زغرها لابن عمها ..
يتبع هذا البارت الخاطر الي وصلوا القصه للمركز الاول بالوتباد وعمود الي طلبوا بارت مفاجئ واذا الله هداني انزل بارت بالليل ... 😘