رواية دخيله بنت الشيوخ الفصل الخامس عشر 15 - بقلم اوسار

#دخيله_بنت_شيوخ
#عشگ_ايلول
النهايه ......
بقلمي نوره Nora Naser

أسيل ....
جنت بالغرفه انه وامي وخواتي .. طب علينه باسم ابن خالي .. طبعا خالي الشيخ جاسم هو ابن عم ابويه
هو وولده بقوا مرابطين بيتنه ..
باسم كال كومي .. ابوي يريدج .. متت خوف بلحظتها وماادري شجاي يصير شبكت امي ..
كتلهه يمه مااريد اروح
باسم كال كومي رجلج بره
شنو شتكول ايلول بره
اي يلا كومي
كمت من الفراش .. ورحت امشي ويا طلعت من الباب شفتهم شايلين اسلحتهم علي وهو اعزل مابيده شي متت قهر شفته جان كبل ايام هو رجلي .. وابو ابني هسه نلتقي واحنه بينه الاسلحه .. ماطول زواجنه غير شهرين وجم يوم .. وانتهى كلشي بلحظه وحده..
من خله خالي السلاح فوك راسي وسحب اقسام اجه الصوت كله بذاني اخترعت هيج وكلبي يوكف من الخوف حسيت نهايتي وصلت بس فكرت الموت ارحم الي .. من شوفت ايلول وهو بهالحاله الحزن ينفض منه ولحيته طولانه ولابس اسود هسه حسيت بموت عمتي من شفت ايلول والمه .. مبين عليه وعيونه مغوركه بالحزن ... يربي رجلي هذا على سنتك وسنة رسولك .. جايني جاي ياخذني انه مرته ليش يمنعوني شنو ذنبي شنو ذنبه شنو ذنب ابني الراح شنو ذنب عمتي النكتلت وهي بسن الاربعين بشنو راح تضرهم وتضر  اذا ظلت عايشه خطيه رادت القرب منهم كبل لاتموت ..
اباوعله وانه مشتاقتله ياالله احبه اريد اصرخ بصوت يفزز حتى بنادقهم هذا رجلي واريده واروح ويا من حقي اقرر  بس الخوف هو المسيطر عليه.. احاجي بكلبي واكله مشتاقتلك شوگ العطشان للماي شوگ المخنوك للهوه مشتاكتله كد رحمة الله الواسعه ..
بس ماكو صوت كله الصوت مخنوك يمكن هي اخر مره اشوفه بيها وانه بهالحال وبعد محاوره بينه وبين
خالي كله طلكها لاتستلمها جثه .. خلص الحجي واخر شي انسحب وراح وانه دخلت ابجي والطم واصرخ ..
ودخل وراي خالي .. وظل يحجي ويهدد سمعي اذا ماطلكج هذا ابن الحرام لااكتله واكتلج واخلي الدم للركب .. وطلع
بقيت انحب وابجي عرفت راح ايلول وبعد مااشوفه عرفت ناوين علينه نيه گشره ..
بقينه على هالحال ..تحت رحمة خالي وولده .. خواتي خطيه منعوهن من دوام المدرسه ..
ميس كعدوها  لابن خالي مجبوره وهي عمرها 15سنه ..
ظل ايلول معاند يطلكني شبعت كتل وذل ورزايل وتفل انواع من خالي انه وامي يريد ايلول يطلكني حتى يعقد عليه واحد من الولد .. جنت اتمنى الموت بكل لحظه .. واحس حتى نفسي هموم وقهر
فد يوم جنت اطل من الشباج وصار كبالي واحد يم ولد خالي بره .. بالطارمه .. اعرفه هذا وحتى صوته مو غريب .. اجه صوب الشباج مالت غرفتي يباوع ع السندان ويحجي وي الولد ويتمضحك عرفته هذا ابن اخو  شيخ تمار .. اجه سلم علينه بعد العرس هناك من جنه انه و ايلول بالبصره .. بس شيسوي .. يمهم .. شعنده وياهم .. تذكرت ايلول من يگلي يكرهوني ودائما جانوا يسببون الي مشاكل ..
عرفت هم الوشايه هم الي وشوا ع عمتي .. تدمرت بلحظتها وخفت منهم كلش خاف يأذونه .. رحت اتوسل بامي .. كتلها يمه عفيه اريد اخابر ايلول
ولج تخبلتي حتى خالج يسبينه سباية الحسن والحسين
يمه شدعوه مخابره صاحبي انه مخابره رجلي يمه لاتصيرين مثلهم ..
ولج شصير مثلهم ماجاي تشوفين الوضع
يمه رجلي هذا رجلي رجلي شبيج شبيج مو انت السبب اي انت السبب .. لو مامشردتها بليله ظلمه

منو كالج هالحجي ولج تردين تفضحينه سكتي مو خواتج كاعدات
انه ماعليه بيج ماعليه باحد دبريني اريد اخابره لااموت روحي والله
ظليت انوح وابجي لازم اخابره
حتى خواتي ظلن ينحبن عليه ويكولن لامي خليها تخابره
منين اجيب تليفون شو خالج خذاه مني حتى ابوجن ماكدرت اخابره
يولي هذا قاتل المن تخابري
ولج هذا ابوج حرام تكولين عليه هيج
مااعترف بي ابو واتمنى ينعدم مو بس كتل عمتي حتى ابني ابطني كتله
ميس .. يمه  اخذي تليفون رافد مايكول شي ه مايكول شي ..
اي اخذي تليفون رافد مو حسبة ابنج وانت ربيتي من هو زغير امه شمرته عليج روح كليله اريد تليفونك شويه .. وهو يحبج مايرفضلج طلب مو يكلج يمه

يمه يمه من لسانج ولج ماراضيه عليج اليوم الدين مدام ضميتي عليه وماكتيلي الصدك
ظلت عليج هو انه الله غضب عليه وعاقبني لان غشيتكم بعد شنو خليني بس احاجي واريح بالي

راحت امي طلعت وغمتني .. وره شويه اجت جايبه التليفون مالت رافد .. ابن عمي وشمرته عليه طاح يمي ع الفراش وانه ع جربايه كالت هاج خابري
كتلهم طلعوا بره ..
طلعوا بره ودكيت الرقم .. وكلبي يدك ميته شوگ وحنين اله .. رد كال الو ردت اطلع اله من التليفون ..
واحضنه وابجي بحظنه ..
كتله شلونك
منو انت
صدك نسيت صوتي انه اسيل
اسيل شذكرج بيه
ليش انه ناسيتك حتى اتذكرك ..
امم ابني شلونه
ماكو ايلول ابنا مات خلص
بقت عليه هو هم خلي يروح
ليش هذا البرود ايلول شبيك
ماعاد يهمني شي .. كلبي كلب شايب ماامهتم الشي .. انه والله تعبانه بدونك
تعلمي بدوني
ماااكدر ... والله تعبت
منو الي وشه بامي اسيل
تسألني الي ليش ايلول .. عندك شك بيه صدك تحجي لعد منوو احجي
ماادري انه خابرتك خفت عليك
مااله داعي تخافين عليه اهلج يردوني اطلكج وهم صح احنه مابينه زواج بعد ماترهم اعيش ويا وحده ابوها كتل امي ..
وانه شنو ذنبي ايلول
ذنبج انج بنته وانا ناوي انتقم ومااريد يلوحج طشار
كل شي منك اريده عسى ماتموتني
يله خلصتي هسه ؟
هيج صرت ثكيله عليك انه ايلول ..
حبنا وزواجنا جان غلطه
غلطه حبنا غلطه صدك تحجي انت ..
يله ماعندي وكت اريد اروح وراي  شغل
انه خابرت حتى اگلك شفت واحد من ولد عمك هنا ابيتنه ويم ولد عمي وماادري شيسوي حبيت ابلغك ..

اي منو هو ؟
اتذكر من سلم علينه كلت اسمه جعفر الهسه اتذكر اسمه
اوكي اسيل شكرا محتاجه شي . 
ماراح اكلك لاتخابر لان هذا تليفون ابن عمي وكوه اخذته حتى اخابرك لان اعرف ماراح تخابر
باي ايلول 💔
سديته كبل لااسمع منه شي بعد معقوله هذا ايلول مستحيل ماجاي اصدك ياريت ماخابرته حسيت بذل اهانه بس عذرته حقه الي مر بي مو شويه وكله بسببي كله بسببي .. صار كل شي ...

ايلول ...
عاملتها ببرود احسن حتى تنسى وانه هم انسه وارتاح مابينه رجعه  .بس بليلتها يمكن بجيت دم عليهه وعلى ابني المات بدون ذنب .. بعد ماطلعت منهم رحت للبصره وبقيت ببيت ابوي من كلتلي .. على جعفر شكيت بي هو الي وشا بامي بس شون عرف هم نفسهم هذول  .. بس ردت اتاكد رحت على ابوي وسئلته كبل سنين منو دزيته يسئل على بيت خوالي
دزيت عمامك ليش
هيج اسال يابه
اهاا
اكول يابه لوتأجلهه هسه الشيخه لاتسلمهه الهم
ليش
اكو شي اريد اثبته الك لذلك لاتستعجل
شنوه الشي
بعدين تعرف مو هسه ..
تمام ماشي ..
انه رايح تحتاج شي
لاسلامتك

تاكدت هم يعرفون خوالي .. وهم الواشين بامي لانهم يكرهونهه هي سبب طلعتهم من البيت لان جانت حرمه غريبه ابيت الشيخ وهم شباب .. لذلك ابوي تمار طلعهم مكرهين .. مجبوريين .. كرهوني وكرهوا امي .. بس ليش الحقد مالهم هيج يوصلهم الحد يتسببون بازهاق روح .. قررت افتح عليهم ابواب الجحيم وادمرهم وادمر حتى عوائلهم ..
مرت االايام .. وتشجعت حتى اطلك اسيل .. ومشيت بالاجرائات ... ورحنه حضرنه بالمحكمه وشفتهه تعبانه كلش مو ذيج اسيل .. تعبانه وخايفه .. ومجلبه بعباية امها مثل الطفله وخايفه بعد ماكملنه كلشي وطبينه ع القاضي وشاف حالتها .. جان هذا عامل مساعد ع طلاقنا باسرع وقت قبل لانطلع من المحكمه باوعتلهه بعيونها جان اكو حزن ماينوصف ماتحملت طلعت
وطلكتهه وانتهينا وانتهى حبنا الي كان سبب بموت امي ..
بعد مرور اشهر .. ع قتل امي بس كلبي بعده مليان غيض وكره على كلمن جان سبب بكتلها واولهم حاكم الي كتلها عملت جاهدا حتى اوصله للاعدام ومااخلي القضيه تتحول قضية غسل عار ويفلت من الاعدام ..
ووكلت محامي بهالخصوص .. جنت احس نفسي مطارد وناس تريد تأذيني حاولت احمي نفسي وبعد الشيخه ردتها تصير الي وكدرت اقنع ابوي ماينقلها الهم وبالفعل توقف هالشي وكللهم انه اريد احتفظ بيها بعد ..
بفد يوم .. رحت لبيت امي القديم رحت اتذكر ايامها من جنت زغير اروحلهه .. وشون جانت تداريني
صدفه شفت انسام وامها .. اجوا يمي وظلوا يبجون اثنينهم ماتحملوا .. تذكرت امي شكد جانت تلح عليه اتزوج انسام .. ماقبلت بيها وفضلت اسيل عليها
لو متزوجها ومتحمل ثكل دمها  جان هسه ماصار الي صار جنيت على امي وعلى نفسي بافعالي ..
بهالحظه خليت انسام ابالي وقررت اخطبها وبالفعل خطبتها ...
بعد خطوبتي بأيام .. اجاني مسج ع الفيس من حساب انه  ماضايفه... مكتوب الف مبروك الخطبه
رديت منو انت
مبين فرحان وتخطب وانه مسويه روحي مخبله حتى لايعقدون عليه واصير الغيرك
اسيل لاتتأملين مني شي الي بينه صار وانتهى
بس انه عايشه ع المهدئات

وراك ..
ووصلج الفيس واو كلش واو وعرفتي بخطوبتي هم كلش زين
ليش تريد الحياة بس الك
شنو تردين هسه بابا انسي وعيشي حياتج
هم صدك ع العموم الف مبروك شايف الف خير تتهنى بالنسبه للفيس اختي انخطبت وخطيبها جابلهه تليفون تتواصل ويا
الف مبروك الها يوم الج ..
حضرتني وبعد ماردت .. ولاعرفت عنها شي ..
وبقيت خاطب انسام .. بس مالي نفس اتزوج ..
بس ملحت ابوي وامها انجبرت اتزوج انسام بس هي بقت دمها ثكيل وانه مالي نفس بيها بقت علاقتنا بارده ومالها طعم ..
.. بقت حسره بگلبي اعرف اخبار اسيل بس ماعرفت .. مره وحده شفت فيديو واصلني .. ع احد البرامج .. جان بي اغنية وائل كفوري .. لو حبنا غلطه عرفت منها دكيت ع الرقم طلع مغلق .. عرفت بعدها تتعذب بحبي بس انه مابيدي شي اسوي .. جان كل همي اوصل ابوها للاعدام وانتقم من ولد عمومتي وبديت اشتغل على هذا الشي واريد احققه هذا جان كل همي ..
انتهت ..
يمكن ارجع اكتب جزء ثاني واكمل بي الاحداث اذا توفرت عندي احداث متصله بالموضوع وهو ظلم العشاير واذا لا تبقى هي نهاية القصه
اتمنى ماضوجتكم بالقصه ..
تحياتي نور ....
اشكر زنوبه وفاطمه ع التصاميم 😘