رواية دخيله بنت الشيوخ الفصل الثالث عشر 13 - بقلم اوسار

#دخيله_بنت_الشيوخ
#عشگ_ايلول
بارت 13
بقلمي نورا Nora Naser
ايلول ...
طلعوا  امي حمديه  واختي ..من بيتهم واجو صعدوا بالسياره
سألتهم هاا بشروا
حمديه .. يمه امها تكول .. ابن عمها يريدهه خل ياخذون رايه وراي ولد عم ابوها ويردونه خبر
هذا منين طلعلي بعد ... 

اكلك يمه حتى شعرها ماشفنا ملفلفه
يمه ميخالف حتى لو كرعه بس خلي يقبلون ..
هههههه ولج هذا اخوج كلش طايح بالعشگ
وصلتهم للبيت تلكتني امي مدمعه عيونها كتلها شبيج كالت حتى بخطوبتك انه ماحاظره
يمه خلي يوافقون هسه وبعدين الله كريم هذا حالج شسوين الله يعوض
ظليت طول اليوم انتظر .. تخابرني اسيل حتى اسئلها عن ابن عمها ..
لليل وبنفس الموعد يله خابرت ..
الو ايلول شونك
زين شنو سالفة ابن عمج هذا ؟!
ايلول هذا ابن عمي اسمه رافد نفسه ابو الي قتل ابوك الله يرحمه وانعدم هو هسه ابغداد يدرس طبيه.
ايي عندج ويا شي
شبيك ايلول شهالحجي ليش تشك بيه
هو يريدج ؟!
لا انه اعتبره اخوي وهو عمره ممباوع بوجهي ..
اهاا هسه هذا منين طلعلي كولي لامج مااريده مااحبه ياا صدك تحجي ايلول جاا غير انكتل واذا اكو امل ارتبط بيك ينتهي  خلص
اوك لعد نصبر والله كريم باجر اجي اوصلج مو
لاابوي كال هو يوديني وبعد يومين تبدي عطلة نصف السنه
ليش هالقرار عود
ماادري هم هيج قررو يخافون عليه تدري بيهم
اوك يلا اروح انام باجر اودي اهلي للبصره والله لعبت نفسي
من شنو لعبت نفسك شبيك
ولج عود كلت ماكو شي يعترض طريقي طلعلي هذا صفح .. اين عمج مدري منو
هو هم ابن خالك لاتنسه ههههه
احتركت روحه هو وخالي مدام كتل ابوي ومدام ابنه يريد ياخذج
اااستغفر الله هههههه ميصير هيج تحجي
يله روحي حب هسه غير مره نحجي
تدري راح اشتاقلك
وانه هم حياتي ادعي تصيرين من نصيبي
يارب اصير من نصيبك
يله تصبحينوع خير
وانت بخير .....
اسيل .. بليلتها مانمت بس افكر وماادري شون راح تصفى الخوف مسيطر عليه والرجيف ماخذني وماادري عن شي واخاف اسأل امي
يوم ثاني والبعده ابويه وصلني للكليه ورجعني  هم .... جنت مشتاقه اشوف ايلول وادعي ربي اهلي يوافقون .. بنفس الليله اجه خالي جاسم .. وظلوا يحجون وامي يمهم .. كدرت اروح يم باب الديوانيه واتسمع الهم سمعت ابوي يكول دزيت جماعه للبصره يسالون عليه اجو كالو خوش ناس وشيوخ والكل تمدح بيهم .. والولد عنده خلاف وي اولاد عمه وجاي هنا .. سمعت حركه رحت ركضت للمطبخ ..
طلعت امي اجت بالمطبخ .. كالت هي انت هنا
اي يمه ليش ..
ماكو هيج
يمه شنو الاخبار
يااخبار
مال الخطوبه ..
ماعليج من تكمل نحجي
خوش يمه ..
عفت امي وصعدت فوك ياربي شراح يخلصها متت خوف شون اذا انكشفنه ..
كضيت ايامي بالدعاء ... ا دعي بس الله يجمعني ويا ايلول ..
يوم ثاني بالضبط امي دخلت عليه كالت ابوج يصيحلج كلبي وكف متت خوف كتلها جايه .. رحت لابوي جان كاعد بالهول .. كال كعدي كعدت وامي يمي ميته خوف مية حسبه اجت ابالي .. خفت لاانكشف ايلول ونروح بيها خفت لارافد يريدني وخفت لااهلي ماموافقين .. ثواني وقطع افكاري ابوي .. كال باعي بنيتي رافد ابن عمج كال طلعها انه مامستعد اتزوج هسه السؤال موجه الج موافقه على هذا الولد ..
انه ظليت ارجف واعصر بصابيعي الخجل والخوف ياكل بيه اكل سكتت شويه وجاوبته وانه ارجف كتله بكيفك يابه
لا موبكيفي اذا عليه انه موافق لان ناس ماكو منهم وشيوخ من ثوبنه .. موافقه عليه لو لا
هاا يابه اي اذا انت موافق موافقه انه
بس بشرط تعيشين هنا قريب علينه وتكملين دراستج تمام ميخالف يابه الي تشوفه ..
انطوا خبر للنسوان واتفقوا بيناتكم
وهذا هو روحي والله يسعدج بنيتي كمت رحت للغرفه اكمز مدري فرح مدري خوف .. خمطت التليفون ... وخابرت ايلول
جاوبني الو اسيل خير عفيه بشريني
عفيه ايلول عجل بكل شي .. فدوه الگلبك
شنو صار وافقوا اي وافقوا
احنه مخابيل تدرين
ميخالف احنه مخابيل بالحب ..
يلا راح اعجل بكل شي ..  حتى تصيرين الي ..
ياربي الله يستر علينه
ان شاءالله ..
بعدها تم الاتفاق ع المهر وهي الشغلات كلها الشيخ تمار هو تكفل بكلشي وصار موعد خطوبتنا احلى يوم بنفس الوكت خوف من كل شي
من دخل عليه ايلول لبسني الحلقه ,..جان يوم سعدي ومناي ... طايره فرح وهو يباوعلي ويضحك هم وفرحان بيه حيييل واخيرا صرت اله ومن نصيبه

ايلول ...
طبعا امي كضتها بجي لان ماكدرت تحضر الحفله
يمه كافي تبجين
ولك يمه انه ابجي ندم وحركه كلها من ايدي سامحني ايلول سامحني ..
مسامحه ييمه والله اعوضج وهسه اسيل تجي يمج ونعيش احسن عيشه وننسى الماضي ..
بعد ماخلصت الحفله ورجعنا للبيت ابوي اكتشف كل شي عرف هذول اهل امي وكلب الدنيا صياح علينه انه وامي
انتوا شنو شايفيني قشمر
ليش يابه تحجي هيج
ولج هاله انتي ناويه تنهين روحج تعمين على ابنج العشيره كلها بخطر هسه ولج شصخمتي
وانه شعليه ايلول ابنك ورباتك انه ماعليه
لاتحاسبني
ليش هيج بويه ايلول ليش هيج
يابه انه مااكدر حبيتهه صدفه والله مااكدر اتركها انت بس كمل وياي ابوس ايدك .. بعدهه اخذهن هي وامي واروح
اخخخ منج هاله اخخخ كل هذا لجل عينج يكول الف عين لاجل عين تكرم
مو ايلول ابنك وانت ربيته سويها اله مو الي انه
شفت امك شون تحجي وياي مااعيرج اكول الي سويته الج بس اثاري ابنج وبت اخوج طالعين ه عليج
كلي بويه ايلول البنيه تدري ..
اي يابه تدري
خاف تحجي لاهلها لا ماتسويهه ...
اتصرفوا صح تره اذا اكتشفوكم راح نروح بيها وراح تصير نهران من الدم وياهو الي يطفيهه ..
هي شو انه محبوسه بالبيت وحتى خطبة ابني مارحت بعد اكثر من هذا الحذر
بس عوزج بعد ترحين حتى يسبحوج بدمج ..

اسيل ... طول فترة الخطوبه وانه ميته خوف وجهي صار اصفر .. واهلي بس يسألون شبيج وشبيج اكلهم ماكو تفكير وجاي ادرس خاف تفوتني دروس ...
تحدد موعد العرس .. وبيومها اخذتني امي للصالون وحظرت الي جنطة ملتبس لان العرس راح يصير ببيت الشيخ تمار وبعدها نرجع للعماره ..جنت خايفه اعترف الها ماجانت تنطيني مجال اتقرب منها واصير صديقتها واكللها انه راح اتزوج منو جنت اشوفها بالصالون فرحانه ودموعها تنزل اتمنيت اعترفلهه بس خفت تمنعني من ايلول ... رادت تروح وياي بس ابوي ماخلاهه .. كللها رجلها وراح ياخذهه عيب ترحين وياهم .. جنت خايفه من كل شي وكل شي اللتم عليه طلعنا من الصالون وكعدت ببيت اهلي .. انتظر ايلول يجي جنت خايفه ماانكر هالشي يمكن راح اتسبب بدمار حياتنه انه وايلول وعمتي .. بلحظه وحده يمكن ينتهي كل شي .. سمعنا صوت الهورنات عرفناهم اجو سلمت ع ابويه وامي وخواتي وابجي .. دخل ايلول كعد يمي .. وفرحان ويضحك لزم ايدي وانه ارجف كال شبيج ترجفين .. هزيت راسي ماكو شي
بعد ما هووسولنه وصفكوا كمنه يريد ياخذني امي ظلت تطك ع جتفه دير بالك عليها ..
كلها بكلبي وعيوني لاتخافين عمه ...
طلعنا من البيت وصعدت بالسياره رحنه صورنا وبعدها انطلقنا للبصره الطريق طويل يمكن اخذتلي غفه ع كتفه .. والجو جان زين لو حر جان مابقه مكياج بوجهي خطوبتنه طولت بس اسبوعين ماجان لازم تطول اكثر ... وصلنه البيت الشيخ وتلكتني عمتي مبركعه خطيه ماتشيله البركع ابد ....حضنتني وبوستني وتشم بيه وحضنت ايلول وبوسته وتشهك بالبجي
كعدت انه وايلول راح يم الزلم .. على كعدتي مية فكره تجيني .. باي لحظه يجون اهلي يطبون بسلاحهم عليه ..
ماصار شي من هذا ابد العرس جان هوسه وكومه ناس زفوني للغرفه بوحدي وبعدين دخلوا ايلول عليه وانه لازمه شمعتين شمعه بكل ايد ونزلوا الكليل على وجهي ... اجه هو طفه الشمع .. وشال الاكليل وباسني ع راسي وحضني من كتفي سلموا علينه الكل .. وطلعوا عافونه وحدنه .. جان مبين عليه التوتر والخوف .. اكيد ايلول انتبه عليه ...
شبيج ليش هيج ضعفانه
باوعتله مبتسمه ماكو
مبين عليج خايفه انت خايفه مني
هه خايفه من كل شي .. كل شي اللتم عليه
ههه لاتخافين ااذي روحي ولااذيج انه
اعرف ..
حضني وبوسني كال يلا بدلي حتى نتعشا ولاتخافين مني مااذيج
لا مااريد عشا انه خايفه هههه خلصها خل ارتاح راح اطيح
هههههههه يلا بدلي ...
نطيته ظهري كتله افتح شرايط البدله فتحهم وفتح التسريحه ويحسب بالماشات ... ولج شدعوه هالكد انه تعبت وافتحهم هي شلون خلتهم
ماادري لاتسألني شي
انفتح شعري .ظل يلعب بي. كال باعي امي حمديه كالت ماشفنه شعرها كتلها حتى لو كرعه اريدها
يمه منك
روحي بدلي الحمام بصف الغرفه .. ومحد
خاف اطلع يشوفني احد
لا محد لاتخافين ..
سويلي درب
ماشي ..
يلا روحي ماكو احد ولج كلهم جوه ..
خوش
رحت بدلت ورجعت للغرفه .. جان ايلول مبدل ومتمدد ع الجربايه ..  رحت يمه جرني اله وحضني
ولج شبيج ترجفين كافي بطلت مااريد منج شي بس انت الي كافي
جان خجل على خوف من كل شي كتله لا خلص هسه لان اني احس راح يغمى عليه
مايهون عليه اشوفج تتأذين
جا نبقى هيج
لا مانبقى
جرني اله وصرت اله صرت مرته .. يمكن راح جزء من خوفي بقى خوفي الاكبر كام سبح واجه  .. كال روحي سبحي حتى اصيح الهم على عشا كتله ماشي كمت للحمام فتحت الدوش متت بجي على روحي يمكن راح اعيش بخوف العمر كله شسويت بروحي انه .. خلصت سبحت وطلعت شفته محضر الاكل وكاعد ينتظرني .ضحكت اله بداخلي حسيت بالحب اتجاهه والامان نسيت خوفي . شافني ابتسم ..
انتبه ع عيوني حمره .. كام وكف يمي كال شبيج ليش تبجين
ماكو حبيبي مابيه شي 
انت خايفه مو
خايفه لا ماطول سوا
لاياعمري مدام انه موجود .. مااكو شي ياذيج يله تعاي نتعشه .. كعدنا تعشينه وخلصنه الصبح خابرتني امي تطمأن عليه .. كتلها انه بخير .. بعد ايام رجعنا للعماره وعمتي ويانه ...
عمتي حنينه وگلبها طيب جنت مااشبع من سوالفها تحجيلي عن كل شي عن حياتهه كبل وشون حبت ابو ايلول وعن امي تكول شكد مشتاقتلهه.
ايلول صرت يوم عن يوم احبه اكثر بالبيت جانت امي تجيني بس مااكللها ع عمتي جانت عمتي تتمنى تشوفها وتلتقي بيها بس خافت لاتقلق عليه وهم تصير مشاكل. مرت ايام .. وبسرعه صار حمل ايلول فرح بيه هواي وعمتي هم .وامي ماصدكتني تكلي جذب شبسرعه بس هو جان مقسوم
. جنه كلش حذرين وخايفين لااحد يكشفنا
.. ايلول جان يشاقيني ويلعب وياي ماجنت بس زوجته لااحس نفسي صاحبته جنت اضحك من كل كلبي ويا ...
بيوم جنت جاي اسوي عشه وايلول توه جاي من شغلن وعمتي كاعده ع التلفزيون جوه ...
حسنا اكو سيارات وكفن يم الباب راح ايلول يشوف منو سمعت هوسه يم الباب طليت شفت ولد اعرفهم ذول ولد عم ابوي ولد خالي جاسم .. ايلول وين متت خوف سمعت صوت من بعيد .. اسسيييل
يتبع ...
بقوا بارتين للنهايه
#مبروك_النصر
#النصر_للشهداء ...