رواية دخيله بنت الشيوخ الفصل الثامن عشر 18 - بقلم اوسار

#دخيله_بنت_شيوخ
الجزء الثاني
بارت 3
بقلمي نوره

ميس من سمعت صوت صياح خالي .. ظلت تصرخ وتلطم ولج يمه لحكيني يمه راح يكتلوني .. امي ماعرفت شسوي .. ظلت ترجف وخافت كلش كمت انه طفرت من الجربايه .. ورحت ع الباب قفلته ..
وصوت خالي يررن رن وينج فطيمه وين ضميتي بتج
ميس كلش صارت ماتت خوف .. اخذتهه الحضني اهدأ بيهه .. وصل خالي للغرفه وهو ورافد يتعاركون بالحجي اكثر شي سمعته وميزته منهم .. رافد يكله ذول خواتي .. وماسمح لاحد ياذيهم  يمكن هي الجمله حسستنه بالامان ..
وصوت خالي يلعلع ويصيح فطيمه بتج خزتج ماعرفتي تربين .. امي لزمت كلبها وكعدت بالارض ترجف وتبجي .. بعدين اخذهم رافد . . وصار صياحهم بعيد عنه ..
مدري اروح لامي مدري لميس اثنينهن حالتهن حاله انه على هيج كرهت كلشي بالدنيه .. والحياة .. لان مو حياة العايشينهه .. كلشي ضاع
صرت اريد اكمل يومي بهدوء وبس بدون مااحلم بالمستقبل .. وبدون مااتأمل اكمل دراسه واخذ الشهاده .او ارجع لايلول . بس اريد اخلص من هذا الجحيم اريد ملاذ امن بدون مايتعرضون خواتي وامي للاذيه .. الذنب ذنب ابويه مافكر بينه واحنه بس بنات وماالنه احد . . مافكر بمستقبلنه سمع كلام خالي ونفذه وتالي الكل تخلى عنه .. وظلوا يعيرونه بي وبعمتي .. الناس تريد بس زله حتى تصير علج بحلكها وتحجي بي .. وماادري شون راح تخلص
واحنه ع هالحال اندك باب الغرفه فتحته .. طب رافد شاف امي ع الكاع راح الهه .. كعد يمهه ولزم ايدهه قاس الهه النبض كال الهه عندج خفقان لاتخافين بناتج يحتاجونج يمه ع كيفج محد يكدر يمسكم بسوء ارتاحي ..
شسوي اخوي هذا واعرفه خاف يملخهه هسه
لاتخافين هديت الوضع .. كوه طبعا ..  
عمك شون ويا مايطلع ماكو امل يطلع
ماكو امل .. وايلول مايتنازل ..

من كال ايلول ظل يباوعلي .. دنكت وتدنيت على ميس ..
اجه رافد كعد ع الجربايه .. كللها ها ميس شونج هسه
رافد عفيه خلي يطلكني .. اريد ارجع هناك اموت
لو هم يموتوني لو انه اموت روحي ..

اهدي ميس اانه احلهه. . بس كليلي انت منين تشكين خالتج موزينه وياج لو رجلج

كلهم والله كلهم

ميخالف لازم اكو حل

اريد اطلك رافد عفيه ..
ارتاحي هسه .. وكل مشكله والهه حل ..

طلع رافد .. لو ماهو موجود .. جان اليوم ماادري شنو صار .. يمكن ميس تكطعت من الكتل .. كومت امي وديتها الغرفتهه ومددتها ع الفراش ونامت وتردد شون ويا هي الورطه شلون ..
كتلهه يحلهه الف حلال عود اطمنها بس مامقتنعه بالحجي هذا ..
رحت للمطبخ سويت اكل الميس ووديته الهه ..
كاعده ودمعتهه مانشفت ..
شافت الاكل .. كالت حتى الاكل عدهم احس بطعمه مر ..
اكلي حياتي ولاتهتمين ربج كريم ويحلهه
مااريد اسيل مااشتهي اريد انام ادعيلي مااكعد
اششش لاتكولين هيج .. حبيبتي
مليت الحياة هي مو حياة هي جحيم ..
تهون حبيبتي نامي هسه وارتاحي ..
يمته يروح رافد
ماادري من يومين اجه
خاف يروح ويجون ياخذوني
اطمئني حياتي ونامي هسه انت بامان غطيتهه وشلت الصينيه وديتهه للمطبخ .. رحت لامي .. شفتهه كاعده وتحسب .. وتتحسر
كعدت يمهه هاا يمه تردين شي .. كالت
اخخخ كله مني لو مامخليه هاله تشرد جان ماصار الصار .. كلت خطيه ليش تموت وهي صويحبتي من الزغر ماهان عليه دمرتج ودمرت العائله كلهه .. بس هي وكحه ولا كعدت وسكتت شون امنت ورجعت هنا ماادري
يمه عبالهه اخوانها ..نسوا العار خاصة بعد كتل سجاد رجلهه
ولج شينسون وهي السبب باعدام اخوها ابو رافد وعمي مات بسببها وسجاد هم وانت هم غلطتي يوم الي دريتي بايلول ابنها وماحجيتي جان ع اقل حجيتيلي

يمه خفت منج انت عمرج ماصادقتيني ولاحسستيني بالامان بقربج ماعاملتيني زين ع اقل شي تشكين بيه ع اقل شي ضرب وخوف وهسه جاي تلوميني  يعني  هسه انه السبب بكل شي جاي يصير

انت وايلول قربتوها اكثر من عائلتها واكو ناس ماتخاف الله والكره مالي گلبها والحقد عامي عيونهه وشوو بيكم .. واذا ع تربيتي الج ماردتج تصيرين مثل عمتج

هي عمتي عمت علينه كلنه وع كل الاجيال الجايه راح نصير علج بحلوك كل الناس وخاصة الاقرب النه مثل مرت اخوج هي البومه ..

شونهه اختج هسه
نامت والدمعه بعينهه والشهكه بصدرها حسبي الله عليهم
ماكالتلج شون طلعت من البيت وشوصلها هنا
انت من طلعتي ملشفتي احد وياهه
لا بحدهه
اي يمكن جايه مشي من بيت هالي الهنا .. هو قابل بعيد فرق فرعين ..
قنعيهه ترجعله انت الج تاثير عليهه اكثر مني انه اذا احاجيهه اعصب هم
يمه شترجع ماراح يرحمونها .. هم يشبعونها كتل اكثر بعد ..
جا شنسوي خالج تره ماراح يفك منها والناس تاكل وجهنا بناتهم اثنينهم مطلكات
اي ادري اشايفينه العالم عود ليش هيج ماخذين نظره ع المطلكات .. قابل مسوين ذنب احنه
هي تقاليدنه وعاداتنه شنكدر نغير منها ..
اي ماتتغير بس بالكبر يمه ارتاحي انه دوختج ..

مرت يومين وخالي دك على امي ورزلها كللها لو ما ابن المرحوم وكف بعيني يقصد رافد .. جان طبيت ملختها وملختج وياهه واذا ماترجع .. اجي اجرها من راسها وارجعها .. وغير حجي خالاتي .. على ميس يخابرن امي ويكللها هي ام محمد سوتكم علج بحلوك العالم وين ماتكعد تحجي على ميس ياوصخه يابارده يافاهيه يا تطك الجهال وشردت من البيت تريد تسوي مثل عمتها ومن هالحجي .. امي ظلت تاكل بروحها اكل وميس حالتهه حاله امي ابدهه تروح الميس وهم تكتلهه والنلس بس تريد سالفه تحجي بيهه ..

خلصت اجازة رافد وحضر نفسه يريد يروح كل لامي لاتخلين ميس ترجع انه ارتبها من يمي ومااكدر ابقى اكثر .. عود امي سمعت حجيه ..
راح رافد .. وخالي مابطل تهديد لامي . ومرت خالي اجت هم حجت الهه حجايتين عود ترضيهه وكلتلهه تعاي رجعي .. وبعد مانكتلج ومانأذيج
بعد كل الحجي اجت النه وتتعذر وطلعت ميس هي الغلطانه .. وامي ظلت تزن براس ميس صار عليها ضغط كلش جبير وتهديدات خالي دمرتها عيشتها بكابوس تخاف من كلشي من صوت سياره ومن دكت الباب .. تكول اجه راح ياخذني .. امي ظلت تحجي وياهه بهدوء رجعي اله. . وهو اتعهد مايجيسج وماااحد ياذيج .. رغم باسم مامر ولاسئل عليها
بس صارت سبب رجعتها شكد توسلت بامي ماترجعها
وتوسلت بيها شخصيا كتلها مو بصالحج الرجعه انتظري رافد يجي هو شنو كال .مو كال لاترجعين   كالت  .. مااكدر اسيل يمكن .. رجعتي هناك احسن
تعرفين خالي يوميه يكلي اذا مارجعت برضاتها اجي اسحلهه واخذهه
بس هسه اكيد ماراح يجوزون منج ..
انه مئيسه من كل شي هناك وله هنا نفس الشي ..
مايفرق عندي بعد كله عادي عندي شمعة حياتي انطفت وماكو امل ابد بان اعيش سعيده

على الاقل تعيشين بكرامتج .. مو بالكتل والذل والاهانه ..
وداعتج نفس الشي هم اذا تطلكت هم الناس تبقى تحجي عليه
اووف هم الناس الناس احنه ماراح نخلص ..
اي ماراح نخلص
مو تشجعتي وشردتي منهم .. وجيتي هنا .. بعد عليش ترجعين مره ثانيه للاذيه
مو كتلج مايهمني شي بعد حتى لو يموتوني لو انه اموت روحي هم مايهم
لاتكولين هيج عفيه ميس مالها داعي رجعتج واذا على تهديدات خالي تره بس حجي
هه لا مو بس حجي وانه مليت الانتظار  اروح برجليه
احسن يله ديري بالج على روحج .. خيه وادعيلي ولو مااهتم بعد .. الله وياج
راحت ميس خذت جنطتها .. وطلعت اتاني امي بالطارمه مشيتها مال وحده يائسه وماكو ذرة حياة بهيئتها هيج مجرد جسد ويمشي ..
بينما اجت امي كضيتهه يمه صدك جذب ترجعينها
وخري وخري ماطول الله هداها .. خل ترجع لرجلها وعيالها لاتوزينها ..
يمه شوزها انه اريد مصلحتها تره مأيسه كلش لايروح يصير بيها شي لوتسوي  بروحها شي
ماتسوي شي تتعود عليهم هسه .. خليت التليفون هنا خاف يخابر رافد جاوبي ولاتكتلين روينه .. زين والمغرب تجي خالتج تبات وياكم ..

صفكت ايدي وكلت هي هيه بعد شبيدي اسوي مابيدي شي ..
للمغرب اجت خالتي .. يمنه .. وتحجي على ميس تكول هي اختج دلوعه ماتتحمل وهم بيت خالج مايتكايش وياهم جان خذتهم بالملگه واللسان الحلو وتسوي الي يردونه احسن من هيج .. مو تظل نايمه للظهاري ..
كتلهه خاله هم ماخذين خدامه لو مره لو شنو عدهم الجنه للشغل والكراب مامن حقها تعيش مثل ماتريد زين يقبلون على بناتهم هيج
والله يااسوله بعد بيت خالج وتعرفينهم يردون شغل 24ساعه بيتهم مايخلى خطاطير واختج بارده وفاهيه ومرت خالج عصبيه وماتتحمل تريد كلشي حاضر بلحظتها
الله يعينها والله عليهم
انت المفروض تعلمينهه تكليلهه تحملي احسن الج
شتتحمل .. رجلها ووحشيته لو خالتهه وقسوته وبعد غيرها وغيرها تره النفس هم الها حد للتحمل هم شنو ماخذين خدامه لو شنوو ..
دك التليفون رحت اشوفه رافد .. حتى استحي اجاوبه دك حد ماانكطع ودك مره ثانيه ..
كلت اجاوبه واكله بلكي يجي يشوف ميس ويطمئن عليها لو يخابرهم يوصي عليها ..
رفعته وخليته على ذاني .. كال الو
الو
هاا منو وياي  ميس
لاانه اسيل
هاا نفس الصوت اثنينكم  شونكم
امي رجعت ميس لبيت خالي (احجي وارجف )
ليش رجعتها اني شحجيت
تعال رجعها هنا عفيه تره ياذونها لو ينتقمون منهه ع السوته
مااكدر انزل هسه اريد اسافر عندي شغل انه شحجيت ليش هيج منو رجعها
امي رجعتهه
هووف ..
سوي شي رافد  عفيه
شسوي يعني .. وطيارتي باجر ولازم اسافر شغله مهمه عندي من ارجع عود اتصرف ..
زين خابرهم حاجيهم
اي هو ماكو غيرها راح اخابر والله كريم وهسه يله محتاجين شي
لا سلامتك
ديروا بالكم على نفسكم وسلميني
ان شاءالله ..
مع السلامه
مع السلامه ...

بعدها بس يومين بقت وياهه امي ورجعت ..
وخابرها رافد حجه عليها انت شون ترجعينها شنو انه مالي كلمه عليكم تتصرفين  .. بدون ماتاخذين اذن مني .. هي احتارت شتجاوبه كللها انت مسؤؤله اذا صار عليها شي
سألت امي من رجعت شونها هناك ميس ..
كالت مبوزه وماتتحاجى
كتلها لا مو مبوزه بس مالها خلك شي كلشي طالع من خشمها من وراهم
جم يوم واروحلها اشوفها .. والله كلبي نار عليهاا لاعبالج بس تره هي بارادتها كالت خل اروح وهسه رافد زعل وظل يعيط ..
حقه شنو ماحاسبته رجال البيت انت شو
وين الله ويهدي . 
ع شنو يهدي
ياخذج بعد شنو
هههه ضحكتيني والله يمه انه اخر وحده يفكر بيها رافد من اول مارادني وكال مثل اختي بعد هسه .. وبعدين انه مااريد اتزوج
ولج رافد احسن من ولد خالج
بعد منو منهم .. كلهم معرسين
اي هم المعرسين
ليش يمه سامعه شي
اي خالج حجه وياي وكال خل تقبل بواحد منهم..
شنو عيني شنو تره انه لاعبالج ميس والله اشغل خبالاتي ها مو عبالج
اي وانت مو عبالج هو ساكت بعده راسم عليج لواحد من ولده يكول انه مسؤؤل عنجن واريد استر عليهم .
ايباه واشايفنه شو مستورين والحمدلله بس كله من ابوي والله

مافكر بينه بعد هالعمر هذا كله
ولج لاتكولين هيج ابوج حالته حاله بالسجن لاعبالج مرتاح ..
اي من ايده طبعا .. وبعد وبعد وبشر القاتل بالقتل ولو بعد حين بعده ماشاف شي ..
ولج هذا ابوج حرام عليج تحجين هيج رباج وانت زغيره وتعب عليج هيج تجازينه
كل الي احنه بي من وراه ومن ايده
اسيلو كومي من يمي لاتحجين حجي ماصخ بلايه طعم كومي لا بهذا 👡وعلى راسج
هو انه احجي احجي وبالاخير تسكتيني دوم ماعاجبج حجيي
هو ليش مو من ايدج انت وذاك المصيوب المايتسمى شوفي راح اتزوج ولاهامه وانت هسه ماتردين تتزوجين
والله هي العائله كلها رادلهه حرك من الجذور كلنه غلط بغلط اكوم اروح اشوف شي اتلهه بي ولااداهر وياج احصل اثم . 

وراها بجم يوم .. اجه لامي تليفون .. احتارت شسوي شبيج يمه كولي شبيج بيها شي ميس ..
ولج باسم يكول لحكي على ميس .. مدري شمسويه بعمرها ..
يبووي ظليت اللطم على وجهي .. شبيهه بس كليلي

ولج صخام ماادري يكول بالمستشفى بين الحياة والموت .. لو تلحكين عليها لو ماتلحكين ...

للحكايه بقيه ..