رواية دروب الإِندِثـار الفصل العشرون 20 - بقلم زينب صـلـاح 🤎

بقلمي : زينب صلـاح 🧡

لـ روايـة ﴿ دروب الإندِثار ﴾

في الـ part 17 ♡♡

لا تنسون التصويت + متابعة للحساب + التعليق بين الفقرات ☘️

‏أمْرأةٌ بَغدادَيةٌ تَحَيَّرَ فَيْ عَينَاها المَرءُ ⊰ .

•••••••••••••••••••••••••••♕•

ســاࢪة•

سانده راسي ؏ جام السيارة وعيوني سارحه بالناس والسيارات وضجة الازدحام! نزلت نظري للحلقة الي حاوطت اصبعي!! معقولة هسه اني صرت متزوجة؟؟

ومنو هُمام الانسان الي اكن اله مشاعر خفية بداخلي وهو فقط يريد يحميني وما ينظرلي غير نظره؟

غمضت عيوني اتذكر من گعدت الصُبـح ولگيته بالحديقة بس بدلت طلعنا اخذنا لشيخ واجو وراه أصدقاءه شهود وعقدنا وبعدها اخذني للمحكمة هم حل الموضوع بالواسطة وبسرعة خلصنا وطلعنا..

صرت زوجتـه شرعًا وقانونًا بطريقة بسيطة!

صف السيارة گدام بيت كليم ونزلنا ، توه قفل السيارة وشهگد من صارت سيارات سود وحده تصف وره الخ ونزلوا منها عمامي شايطين يردون ياگلوني اكل!!

هجم عليّ واحد منهم بسرعة دفعة هُمام..
هُمام- الزمها علمود اراويك الامهات شتجيب

جوبه عمي اريان لـ كبير..
اريان- انطينا بنتنا ولا تدخل

هُمام- تقصد مرتي؟

فتح عيونه وصرخ..
اريان- الفااااجرة تزوجتتت حتتتى اطممم عارهااااا

بلحظة شفته ؏ الارض وهُمام گاعد ؏ صدرة وشبعه بوكسات صرت اصرخ برعب لان هواي وخاف يأذونه ويصيرله شي بسببي! ؏ صوتي طلع كليم والولد وصارت هوسه والجيران كلها واگفه تتفرج!!!

كليم اتصل طالب دورية لان الظاهر عمامي ما ناوين ؏ خير..

بنص الهوسه واشوف شاب ركض عليّ لزم راسي وفلشه بجام السيارة وبعدها طفت الدنيا بعيني ما حاسه بشي!!

بعد فترة..

حسـيت بـ اصوات وكلام حولي بس ما عندي قوة افتح عيوني ، صرت احاول لحد ما فلت من عندي صوت اهات بسبب محاولتي للحركة براسي الي احس بي خدر مو طبيعي..

ايد خشنه تمررت ؏ خدي وبصعوبة التقطت صوته..
هُمام- سارة تسمعيني؟ ولج بويه هديتي حيلي!

هزيت راسي بـ اي رغم الوجع وحاولت بكل قوتي افتح عيوني ونجحت بس مغوشة ، دخلت الدكتور وصار يفحص عيوني ويسأل هواي اسأله لحد ما رجعت الممرضة ما اعرف شنو ضربتني حتى رجعت انام!!

مر وقت وفتحت عيوني احاول استوعب وين اني وشصار! رفت عيني ؏ هُمام وهو ساند راسه ؏ ايدي ونايم واني بغرفة بس هاي مو مستشفى؟!!

غرفة منو؟ وين اني؟

تحركت و؏ حركتي فز متقربلي والنوم بعده بين عيونه..

هُمام- ها واخيرًا گعدتي! شلونج؟

- وين اني؟

هُمام- ببيتنا

- صارلي شگد نايمه اه هُمام راسي!!

تقرب يمسح ؏ وجهي..
هُمام- تلث ايام والوجع طبيعي عيني غير خمسة اخياطات

نزلت دموعي بضعف بسرعة مسحهن..
هُمام- حرمتي قوية ما تبچي وحقج اخذه لا تخافين بس چـنت منتظرج تگعدين واطمئن عليج

- راسي راسي فدوة سوي شييي!!

اخذ ايدي وباسها..
هُمام- راح اجيبلج شي تاكلينه علمود انطيج علاج

- ما اشتهي

هُمام- ما يصير بويه علاج بدون تغذيه ممنوع اذا عاجبج تبقين هيج ابقي

- تمام بس شوي لان ما اشتهي

- صار

طلع وبقيت وحدي
خايفة من عمامي هاي ثاني يوم وهيج سووا بيه شلون اتحمل وجودهم..

تقريبًا نص ساعة ورجع بصينية بيها اشكال والوان من الاكل
ساعدني اگعد وحط مخاديد ورايه وصار يوكلني!

- خواتي زينات؟

هُمام- كل يوم يجن يشوفنج ويبقن يمج كم ساعة ويرجعن

- چنت بغيبوبة؟

هُمام- لا بويه العلاج قوي چنتي تفزين لدقائق وترجعين اتنامين

سكتت بس راسي وجععع فضيع ودموعي تنزل بلا حولة ولا قوة! بحيث ما لح عليّ هواي بالاكل بسرعة انطاني علاج وما حـسيت ؏ نفسي غير رجعت نمت!

فزيت ميته من العطش ووجع براسي
الغرفة ظلمة وبارده
جمد الدم بعروگي واني اشوفه نايم بصفي!!

عاري الصـدر ما يفصل بينه غير مسافة صغيرة صرت انتبه ؏ تفاصيلة بدون ما ادري بنفسي
جسمه مو اسمر بنفس الوقت مو اشگر لونه مايل للبرونزي شعره وشواربه شگر! الشوارب مرسومه على شفايفه بطريقة حاوة وجذابه

نزلت عيني ؏ ظهره وجذبني وشم صاير من جهة اليسار
غريب!! بدون وعي مررت ايدي عليّ حية ؏ طول ظهرة مرسومة وشكلها يخوف..

هُمام- مطوله؟

فزيت مبتعده وهو اعتدل گاعد..
- ليش نايم هنا؟

هُمام- حلو غير غرفتي!

- واذا؟ لعد نزلني جوه انام

هُمام- تره صارلج ساعة فصلتيني تفصل وهسه صرتي شريفة ما ترديني انام يمج

- تراااا عيببب عليكك

هُمام- شمسوييي تحرشت بيج مثل ما انتِ چنتي تتحرشين بيه؟

- عزاااا

هُمام- خير؟

- يمتى تحرشت بيك انتَ شلونننن تتهمني هيج ما تستحيي

غمزلي مبتسم..
هُمام- علينااا

- ياااا

سكت يضحك وهو منزل راسة واني من الخجل احتاريت وين احط عيني ، بلعت ريگي واني اشوفه صافن بيه..

هُمام- جوعانه؟

- اي

هُمام- تحبين تنزلين جوه يمي

هزيت راسي بـ اي ، گام سحب تشيرت ولبسه واني ردت اگوم بس دخت وهو صاح..

هُمام- هوبب وين وينن؟

اجه حط ايد وره ظهري والثانية جوه رجلي وشالني مسترسل..

هُمام- ما تگدرين عيني اني اوصلج بخدمة حلوات المسيح

حاولت شگد اخفي ضحكتي بس ما گدرت وهو احسه يسلطن من اضحك ويضحك ؏ ضحكتي..

گعدني ؏ الكرسي بالمطبخ وفتح تلفونه حاطه ؏ الميز قريت الاسم.. العضيد يرن
بنفس الدقيقة اجه صوت كليم..

كليم- بشنو شاد ظهرك انتَ؟

هُمام- بغيرك يا خيي ما اشد ظهري

كليم- لك ما يصير يا عيني مكسر الولد ومخلي عايش ؏ النفس بالمستشفى ليش تخلي نفسك خطأ بينما انتَ صح الـصح!

هُمام- خلي يحمد ربه بعده عايش قسمًا عظمًا ايده اكسرها الي يفكر يمد ايده عليها

رد كليم وهو ملتهي يفتح صينية الكباب گدامي..

كليم- مع ذلك تسرعت اني ما اگلك لا تاخذ حقك لا تاخذه واني بظهرك بس لو تترك استعجالك هذا

هُمام- عمومًا خلي هذا الموضوع نحجي بي ؏ انفراد وجيب البنات سارة تريد تشوفهن

كليم- ان شاء الله

سد الخط وصب العصير الطبيعي العصره بكلاص وحطه گدامي..

هُمام- يلا اكلي

- شنو سويت؟

- ولا شي

- اريد اعرف شصار فدوة ضربت منو؟ وهذا الي ضربني منو اني شگد صارلي نايمة وليش هيج

- اششش

- هواي اسئلة براسي هُمام جاوبني

مسح دموعي وتنهد..
-الي ضربج ابن عمج العار وللمعلومة كسرت عظامه كلها اخذت حقج وزيادة وعمامج كلهم بالسجن لان يُعتبرون متعدين ؏ رجال من الدولة
بسبب العلاجات القوية چنتي نايمه مرات تفزين شوي وترجعين تنامين

- بس موجوعه

- ميخالف كم يوم ويخف الوجع هذا

- زينتوا شعري؟

نزل عيونه عاقد حواجبه بضوجه رجع باوعلي..
هُمام- ضروري علمود لخياط بَـس مو كله شوي

حز بخاطري لان اني احب شعري مسح بخشونة ايده ؏ خدي وگال..

- يلا اكلي ووعد كلشي يتعوض اني اعوضج

ابتسمت ؏ كلامه وصار هو يوكلني لحد ما اندك الباب راح يفتحه شوي ودخلن خواتي حاضناتني..

مسرة- شلونجججج

- ههه زينه مشتاقتلج الوكحه

رنيم- افتقدناج هواي سارة مكانج فارغ

ضميت دموع بحضني وگلت..
- تبقن يمي بعد ما ترحن

بهتت رنيم وكليم دخل وراها..
كليم- الحمد لله ؏ السلامة

- الله يسلمك

كليم- ما فهمت بابا وين يبقن؟

گعد گدامي هو وهُمام باوعتله خجلانه لان قررت من يمي بدون ما اخذ رأيه نزلت راسي بخجل مو لان ما اعرف اجاوبه بس اخاف هُمام يفشلني وحقه بيته واني بكيفي اعزم
بلـه رنيم كان بها بنت اخته بس مسرة ودموع شوي صعبة وخصوصًا اني ما محاجيته بهذا الخصوص..

بس لمعت عيوني بفرح من گال..
هُمام- هنا ببيتي!

كليم- ومنو گال اني اوافق هُمام شو بكيفك تتصرف

هُمام- رنيم بنت اختي وبالوقت الي يعجبني اخذها وساكت هسه لان ما اريد اضغط عليها وتكرهني ومسرة ودموع انتَ مو مسؤول عليهن واذا يحبن يبقن هنا يبقن ومحد يدخل خوش؟

كليم- رنيم بس بأحلامك تاخذها خلي يكون بعلمك وحتى لو هي رادت اني ما اقبل غير يوم يومين بالشهر وترجع هُمام وهسه..

باوع لـ رنيم الصافنه بوجهم مدهوشه من تصرفاتهم واسترسل..

كليم- تبقين كم يوم هنا وترجعين؟

رنيم- اي

كليم- صار امشي اخذي هدوم الج انتِ وخواتج ورجعي

هُمام- ما يحتاج العصر اخذها تشتري ويبقن هنا علمود ما تبقى محتارة بالملابس كل ما حَـبت تبقى عندي

شگد صداقتهم قوية بس من يوصل الموضوع لـ رنيم ثنينهم يتوترون وواحد يصير ما يطيق الثاني!

راح كليم وللعصر هُمام اخذ رنيم وطلعوا
رغم اعرف عمامي بالسجن بس ما اگدر ما اخاف
مسحت مسرة دموعي..

مسرة- شنو اسوي اتصل ؏ عمو كليم؟

- لا

مسرة- زينن خلي نخابر عمو هُمام يرجع!

شهگت لازمه راسي وصحت..
- وجعععع اااخ راسييي

دموع- مسرة اتصل عليهم يجون خطيةةة

بقيت فترة اون من وجع راسي الوجع فضيع احس توني مضروبة
دقائق وحسيت بشخص يرفع راسي بس ما واضح من دموعي لحد ما سمعت صوته..

هُمام- اسمعيني ساࢪة؟؟؟

- اي اي هُمام فدوة راسيي راسيي الوجع نزل ؏ عيوني سوييييي شيي

هُمام- خربب عشيرتهم ****

نزل غلط ومسبة بـ عمامي واسمع كليم يگله..
كليم- البنات منا الزم لسانك وبدال الكلام امشي ناخذها للمستشفى

راد يبتعد چلبت بقميصه..
- لا تعوفني

هُمام- شاررررد انيي شاررررد خلييي ابدللل الغضببب

تصنمت بمكاني من صرخ بوجهي وفشلت عفت قميصه ونزلت راسب كاتمة حتى نفسي والزاد الطين بلة عيوني طفت كلش صار ظلام مو طبيعي داير ما دايري!

اسمع الهمسات حوليه بس ما اعرف لمنو ، حَـسيت بشي نشمر ؏ رجلي واجاني صوته..

هُمام- لبسي بسرعة

عضيت شفتي عازة عليّ نفسي اطلب مُساعدته!

- رنيم وين؟

رنيم- هياتني يمج

- سـ ساعديـ ـني!

گومتني تلبسني الصايةوالحجاب واني راسي منزلته ما رفعته! همست الها
- تعالي وياي لا تعوفين

بعدها ما مجاوبه نتر..
هُمام- لاااا

چانت القطرىة الفيضت الكاس!! وجع راسي والظلام الي اني بي اضافة لأسلوبة الرديء جنيت وحتى ما اتذكر شنو صار!!!!
ㅤㅤㅤ
ㅤㅤㅤ

••••••••••••••••••••••••••••••
ㅤㅤㅤ
ㅤㅤㅤ
رنيـم•

عقدت حواجبي واني اشوف نظرات سارة الغريبة والمُشتتة وما ثابته ؏ شي حاولت اغلس وما اركز واوهم نفسي هي زينه!

عمو كليم اخذ مسرة ودموع وراح للبيت لان جان يعرف حق المعرفة اروح ويه سارة وما اعوفها..

رادتني اروح وياها وهي بدون ما تطلب اني ما چنت راح اتركها بس فاجئني رد خالو واسلوبه الجاف والعصبي وهم ما لحگت اجاوب..

دفعتني سارة ونزعت الشال شامرته وصرخت وهي تمشي بعشوائية غريبة..
سارة- ما اااااااروووح لعدددد

هُمام- ادبسززززز

مشي وراها وشُبه ركض من عثرت وطاحت ؏ وجهه..
هُمام- سارة سارة تأذيتي؟

دفعته وصارت تلطم ؏ وجهه وتصرخ بكلام وجع گلبي..
سارة- ما اشوووووف ما اشوووف صرتتتت عميييية

هُمام- باوعيلي باوعيلي اششش اهدي

صار يفحص بعيونها الي تتحرك بعشوائية وهي جسمها ينتفض ، دفعت خالو وصاحت..

سارة- لا تلزمنيييي عوففف

هُمام- عذريني بابا والله من قهري عليج ما عرفت اتصرف بس اهدي اهدييييي ولججج راسجج وراح يرجع الصرررع

خفنا عليها وهي تشهك وكل ما يحاول يتقرب منها خالو تزيد بـ أذيتها لنفسها بعدته وحضنتها..

- رووح اطللع اني اهديها روحححح

حط اصبعه ؏ شفايفه وراح گعد ؏ الكرويته واشر بمعني حاجيها..

بلعت ريگ ومسحت ؏ كتفها..
- راح اهدي

سارة- اگله لا تعوفني يعيط بوجهي!! رنيم اني اعرف نفسي ثگلت عليّ بس والرب ما عندي غيره اني خايفة من عمامي خايفة ارجع ، رنيم فكرة اكون تحت سقف واحد ويه عمامي يخبلني انتِ متخيلة وحوش مثلهم شنو ممكن يسوون بيه؟

باوعتله بلوم وجاوبتها..
- من شافج موجوعة عصب منهم وصارت بوجهج

هز راسه خالو موافق كلامي واني كملت..
- خالو مُستحيـل يعوفج سارة لا تفكرين هيج هو شوي عصب ومن شاف حالتج هسه خاف عليج خطية

سارة- ما يكرهني؟

هُمام- كرهني ربي اذا اكرهج

فزت ؏ صوته ادور بعيونها بعشوائية
اجه تقرب اخذ ايدها وباسها وحطها
؏ وجهه علمود تعرف هو وين ، استرسل..

هُمام- كل غضبي ؏ عمامج من شفتج تونين من الوجع وصارت بوجهج واني اعتذر وحقج ؏ راسي وكلمة رجال اخذيها من هالـشارب ما اتركج للموت بس هسه گومي اخذج للدكتور

سارة- ما اشـوف هُمام

هُمام- عيونه عيونه أنتِ بسيطة يمكن من الوجع او من العلاج امشي نروح للدكتور وكل الامور راح تكون بخير ان شاء الله

حط الشال ؏ راسها بـ اهمال وشالها وهي لازمه قميصة بقوة دافنه راسها بصدرة وجسمها يرجف وكل شوي همست..

سارة- ما اشوف!

گعدنا اني وياه وره ودقايق واجه عمو كليم صعد بالصدر يم خالو وگال من شاف وضعنا المتوتر..

كليم- شصاير؟

هُمام- سارة ما جاي تشوف

دار علينا فاتح عيونه مصدوم واني بسرعة عبست اريد ابچي بس احاول اصير قوية علمودها لان سارة هواي سندتنا قبل وهسه تحتاج نسندها وما نعوفها وحدها..

بنص الطريق وغفت وحتى وهي نايمة تناشغ بحيث خالو عينه عليها بالمرايه مقهووور كلش ، من وصلنا نزل شالها ودخلها اخذوها ؏ السديه للغرفة واحنه وياها بس فحصوها طلع ضغطها مصفر!

حطولها مغذي واحنه وياها گاعدين اتصل عمو ؏ البيت طمنهم وحجه ويه مسرة ودموع لان منتهيات من البچي عليها هداهن وطمنهن يلا سده ورجع..

من دخل فزت سارة بسرعة لزم ايدها خالو..

هُمام- يمج لا تخافين

سارة- وين اني؟

هُمام- بالمُستشفى ، سارة تشوفين؟

سارة- بشكل ضُباب ما واضح شي!!

هُمام- خيي بلا زحمة عليك صيح الدكتورة خلي تفحص عيونها

كليم- تدلل

راح عمو كليم وهي بس تبچي بعمري ما شفت سارة بهذا الضعف ومتمسكة بـ خالو هُمام بطريقة غريبــة!

هُمام- لا ترجفين عيني ماكو شي يخوف

سارة- ما اشوف اخاف من الظلمة تاكل بروحي هُمام اخااف منها هُما حبسوني هُماااا چانوا يحطوني بالمخزن كله ظلاااام مثل هسه وجان اكو حـشرات تصعد ؏ جسمي اصرخ واتوسل بس بس يعوفوني انتَ لا تعوفني اخاف

خالو وجهة انطعن وسحبها حاضنها يرجف بغضب باوعلي مقهور ونزل راسه باس راسها وگال..

هُمام- للموت حلوة المسيح للموت

ضحكت بصوت خافت وهو ابتسم باعدها يمسح بدموعها بنفس الوقت دخل عمو والدكتورة وراه
احنه ابتعدنا بس خالو بقى واگف يمها لازم ايدها لان من يعوفها تتوتر وتبقى ترجف استغربت تعلقها بي بس اطمئنيت من شفت خوفه عليها...

مررت ضوه ؏ عيونها وگالت..
الدكتوره- تشوفين شي ماما؟

- اي ضوء خفيف كُلش

الدكتوره- تمام حاولي تتبعين مسار الضوء

صارت تتبع المسار صح وهذا الشي طمنه عليها
الدكتوره- جيد خلال الساعات الجاية يرجع نظرها

هُمام- مو شي دائم؟

الدكتوره- متعرضه لضربه بالرأس قوية سببت الها هذا العمى المؤقت كون الضربه ما صارلها فترة طويلة اضافة هذا بسبب التوتر والاكثر البچي لمُدة طويلة.

رجعت استرسلت بطريقة مُفاجئة..
الدكتوره- سارة شگد عمرج؟

اشرتلنا ما نحجي وبقت تباوعلها مبتسمة وسارة تحرك عيونها بعشوائية وتضغط ؏ ايد خالو تقريبًا دقيقتين يلا جاوبت بصوت خافت..

سارة- 18

الدكتورة- شنو اخر وجبة اكلتيها؟

هم بقت نفس الحالة دقيقتين يلا جاوبت..
سارة- كـ كباب

الدكتورة- جيد ارتاحي حاليًا ، منو ولي امرها؟

هُمام- اني زوجها دكتورة

الدكتورة- تفضل وياي لو سمحت

طلع خالو ويه الدكتورة هو وعمو كليم واني گعد يمها..

سارة- رنيم ما مسولفة لـ هُمام أنتِ مو؟

- بخصوص عمامج؟

سارة- ايي

- سألني بس ما جاوبته گتله اذا تحبين أنتِ تحجين

تنهدت خايفة ونزلت دموعها..
سارة- بس يعرف راح يعوفني

- اششش لا تبچين مو زين عليج

سارة- ما اريد يعوفني رنيم

- اا تحبنه؟

شهگت تهز راسها بـ اي واسترسلت..
سارة- من اول ما شفته بس ما چنت متأكدة من مشاعري لحد ما بدأ يدرسنا واني اراسله يشرحلي شنو ما فاهمه وصرت حتى لو افهم اراسله يشرحلي في سبيل اشوفه واسمع صوته هنا تأكدت اا اني..

باوعت وراي من حَـسيت اكو شخص ، حط ايده ؏ شفايفه بمعنى سكتي
غمضت عيوني مم گالت عاصره ايدي..

سارة- رنيم اني مهووسه بتفاصيله مو بس احبه!

عض شفته يحاول يخفي ابتسامته بس ما گدر..

سارة- ليش ما تحجين وينج؟

- وو وياج اسمع

سارة- ضجتيي؟!!!

- لاااا بس هاي شسمه تفاجئت

سد خالو الباب بقوة علمود ينبها هو اجه ، تقرب باس راسها..

هُمام- يلا نرجع للبيت علمود ترتاحين

شالها واسترسل بتهديد..
هُمام- كل ما اشوفج تبچين بعد اهفج براشدي

- عذري حبيبي مشاعره معوقة ما عرف يعبر

هُمام- ولج ادبسز هم طالعلج لسان

- شعرفني خالو غير أنتَ تعبيرك غريب

ضحك وگال..
هُمام- يفديج خالج خوش؟

ضحكنا اني وسارة لان صرنا حافظين جُملته كل ما اسوي شي او انطق بشي يگلي گازز ؏ اسنانه
"يفديج خالج خوش؟"

- وين عمو؟

گعد سارة بالصدر يمه وجاوبني
هُمام- صار عنده شغل واضطر يروح

لزمت بقميصه اباوع للناس حاوط كتفي وصعدني وهو يطمني..
هُمام- اكو حماية لا تخافين

- ما اريد ارجع لهذاك المكان خالو

- بعيني بعد خالج

صعد وانطلق بينا للبيت وهو طول الطريق ياخذ نظرات منها مبتسم
اني خجلت نيابتًا عنها عزا الموقف ما اتمنى انحط بي!!!

همزين ما تشوف چان طمت روحها من نظرات خالو الجريئة..

ㅤㅤㅤ

..

وتستمر الحكاية.. 🚬♣

قناة التلي zainab_salah0